UzbekAI

Ўзбекистон Республикаси Президентининг

қарори

Таҳлилий ва тадқиқотчилик фаолиятини ташкил қилиш бўйича қўшимча чора-тадбирлар тўғрисида

Ўзбекистон Республикаси Президентининг 2024 йил 31 декабрдаги «Мамлакатнинг ижтимоий, сиёсий ва иқтисодий ривожланиш соҳаларидаги стратегик таҳлил ва тадқиқот қилиш фаолиятини самарали ташкил этиш чора-тадбирлари тўғрисида»ги ПҚ-467-сон қарори ижросини самарали ташкил этиш ҳамда мамлакатда таҳлил ва тадқиқот фаолиятини амалга ошириш учун қўшимча шарт-шароитлар яратиш мақсадида:

1. Ўзбекистон Республикаси Президенти ҳузуридаги Стратегик режалаштириш ва ривожланиш бўйича мувофиқлаштирувчи кенгаш (кейинги ўринларда — Мувофиқлаштирувчи кенгаш) ҳузурида алоҳида юридик шахс мақомига эга бўлмаган Тадқиқотларни қўллаб-қувватлаш жамғармаси (кейинги ўринларда — Жамғарма) ташкил этилсин.

2. Белгилансинки, Жамғарма маблағлари Ўзбекистон Республикаси Тикланиш ва тараққиёт жамғармасида алоҳида очилган ҳисобрақамларда жамланади ва Мувофиқлаштирувчи кенгаш томонидан белгиланган тартибда сарфланади.

3. Белгилансинки:

а) қуйидагилар Жамғарма маблағларини шакллантириш манбалари ҳисобланади:

Ўзбекистон Республикаси Тикланиш ва тараққиёт жамғармасининг 25 миллион АҚШ доллари миқдоридаги бир марталик беғараз тўлови;

халқаро, хорижий ва маҳаллий ташкилотларнинг грантлари ва ҳомийлик маблағлари;

Жамғарманинг вақтинча бўш турган маблағларини тижорат банклари депозитларига жойлаштиришдан тушадиган даромадлар;

қонунчилик ҳужжатларида тақиқланмаган бошқа манбалар;

б) Жамғарма маблағлари қуйидагиларга йўналтирилади:

Мувофиқлаштирувчи кенгашнинг фаолият йўналишлари бўйича тадқиқотларни амалга ошириш;

таҳлилий материалларни тайёрлаш ва тадқиқотларни ўтказиш учун грантлар ажратиш;

экспертлик, тадқиқотга оид ва бошқа хизматларни кўрсатувчи маҳаллий ва хорижий жисмоний ва юридик шахслар хизмат ҳақи учун тўловларни амалга ошириш;

таҳлил ва тадқиқот йўналишида тузилган вақтинчалик лойиҳа гуруҳлари фаолиятини молиялаштириш;

ижтимоий сўровлар ва жамоатчилик фикрини ўрганиш бўйича тадқиқотларни амалга ошириш;

таҳлилчилар ва мутахассисларни ўқитиш ва уларнинг малакасини ошириш;

нашрлар, адабиётлар, маълумотлар базалари ва тадқиқотлар натижаларини тайёрлаш ва харид қилиш ҳамда уларга обуна бўлиш;

илмий-тадқиқот соҳасидаги конференциялар ва бошқа тадбирларни ташкил қилиш ҳамда уларнинг ишида иштирок этиш харажатларини тўлаш;

Мувофиқлаштирувчи кенгашнинг фаолиятини қўллаб-қувватлаш бўйича бошқа харажатларни қоплаш.

Жамғарма маблағлари мақсадли ва самарали сарфланиши устидан назорат Мувофиқлаштирувчи кенгаш томонидан амалга оширилади.

4. Жамғарманинг молиявий барқарорлигини таъминлаш мақсадида Мувофиқлаштирувчи кенгашга қуйидагиларга рухсат берилсин:

Жамғарма маблағларини миллий ва хорижий валюталарда банк депозитларига жойлаштириш;

грантлар ва беғараз техник кўмак воситаларини жалб қилиш;

жисмоний ва юридик шахсларга тўлов асосида тадқиқотлар натижалари ва маълумотлар базаларидан фойдаланиш ҳамда тадбирларда иштирок этиш имкониятларини бериш.

5. Мувофиқлаштирувчи кенгаш (С. Умурзаков) бир ой муддатда Жамғарма маблағларини бошқариш ва улардан фойдаланиш тартибини тасдиқласин.

6. Мазкур қарорнинг ижросини назорат қилиш Ўзбекистон Республикаси Президентининг маслаҳатчиси С.У. Умурзаков зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 10 февраль,

ПҚ-48-сон

(Қонунчилик маълумотлари миллий базаси, 12.02.2025 й., 07/25/48/0128-сон; 01.11.2025 й., 06/25/201/1000-сон)

lex.uz

Oʻzbekiston Respublikasi Prezidentining

qarori

Tahliliy va tadqiqotchilik faoliyatini tashkil qilish boʻyicha qoʻshimcha chora-tadbirlar toʻgʻrisida

Oʻzbekiston Respublikasi Prezidentining 2024-yil 31-dekabrdagi “Mamlakatning ijtimoiy, siyosiy va iqtisodiy rivojlanish sohalaridagi strategik tahlil va tadqiqot qilish faoliyatini samarali tashkil etish chora-tadbirlari toʻgʻrisida”gi PQ-467-son qarori ijrosini samarali tashkil etish hamda mamlakatda tahlil va tadqiqot faoliyatini amalga oshirish uchun qoʻshimcha shart-sharoitlar yaratish maqsadida:

1. Oʻzbekiston Respublikasi Prezidenti huzuridagi Strategik rejalashtirish va rivojlanish boʻyicha muvofiqlashtiruvchi kengash (keyingi oʻrinlarda — Muvofiqlashtiruvchi kengash) huzurida alohida yuridik shaxs maqomiga ega boʻlmagan Tadqiqotlarni qoʻllab-quvvatlash jamgʻarmasi (keyingi oʻrinlarda — Jamgʻarma) tashkil etilsin.

2. Belgilansinki, Jamgʻarma mablagʻlari Oʻzbekiston Respublikasi Tiklanish va taraqqiyot jamgʻarmasida alohida ochilgan hisobraqamlarda jamlanadi va Muvofiqlashtiruvchi kengash tomonidan belgilangan tartibda sarflanadi.

3. Belgilansinki:

a) quyidagilar Jamgʻarma mablagʻlarini shakllantirish manbalari hisoblanadi:

Oʻzbekiston Respublikasi Tiklanish va taraqqiyot jamgʻarmasining 25 million AQSH dollari miqdoridagi bir martalik begʻaraz toʻlovi;

xalqaro, xorijiy va mahalliy tashkilotlarning grantlari va homiylik mablagʻlari;

Jamgʻarmaning vaqtincha boʻsh turgan mablagʻlarini tijorat banklari depozitlariga joylashtirishdan tushadigan daromadlar;

qonunchilik hujjatlarida taqiqlanmagan boshqa manbalar;

b) Jamgʻarma mablagʻlari quyidagilarga yoʻnaltiriladi:

Muvofiqlashtiruvchi kengashning faoliyat yoʻnalishlari boʻyicha tadqiqotlarni amalga oshirish;

tahliliy materiallarni tayyorlash va tadqiqotlarni oʻtkazish uchun grantlar ajratish;

ekspertlik, tadqiqotga oid va boshqa xizmatlarni koʻrsatuvchi mahalliy va xorijiy jismoniy va yuridik shaxslar xizmat haqi uchun toʻlovlarni amalga oshirish;

tahlil va tadqiqot yoʻnalishida tuzilgan vaqtinchalik loyiha guruhlari faoliyatini moliyalashtirish;

ijtimoiy soʻrovlar va jamoatchilik fikrini oʻrganish boʻyicha tadqiqotlarni amalga oshirish;

tahlilchilar va mutaxassislarni oʻqitish va ularning malakasini oshirish;

nashrlar, adabiyotlar, maʼlumotlar bazalari va tadqiqotlar natijalarini tayyorlash va xarid qilish hamda ularga obuna boʻlish;

ilmiy-tadqiqot sohasidagi konferensiyalar va boshqa tadbirlarni tashkil qilish hamda ularning ishida ishtirok etish xarajatlarini toʻlash;

Muvofiqlashtiruvchi kengashning faoliyatini qoʻllab-quvvatlash boʻyicha boshqa xarajatlarni qoplash.

Jamgʻarma mablagʻlari maqsadli va samarali sarflanishi ustidan nazorat Muvofiqlashtiruvchi kengash tomonidan amalga oshiriladi.

4. Jamgʻarmaning moliyaviy barqarorligini taʼminlash maqsadida Muvofiqlashtiruvchi kengashga quyidagilarga ruxsat berilsin:

Jamgʻarma mablagʻlarini milliy va xorijiy valyutalarda bank depozitlariga joylashtirish;

grantlar va begʻaraz texnik koʻmak vositalarini jalb qilish;

jismoniy va yuridik shaxslarga toʻlov asosida tadqiqotlar natijalari va maʼlumotlar bazalaridan foydalanish hamda tadbirlarda ishtirok etish imkoniyatlarini berish.

5. Muvofiqlashtiruvchi kengash (S. Umurzakov) bir oy muddatda Jamgʻarma mablagʻlarini boshqarish va ulardan foydalanish tartibini tasdiqlasin.

6. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi S.U. Umurzakov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 10-fevral,

PQ-48-son

(Qonunchilik maʼlumotlari milliy bazasi, 12.02.2025-y., 07/25/48/0128-son; 01.11.2025-y., 06/25/201/1000-son)

lex.uz

Президента Республики Узбекистан

Постановление

О дополнительных мерах по организации аналитической и исследовательской деятельности

В целях эффективной организации исполнения постановления Президента Республики Узбекистан от 31 декабря 2024 года № ПП-467 «О мерах эффективной организации деятельности по стратегическому анализу и проведению исследований в направлениях социального, политического и экономического развития страны» и создания дополнительных условий для осуществления аналитической и исследовательской деятельности в стране:

1. Создать Фонд поддержки исследований (далее — Фонд) при Координационном совете по стратегическому планированию и развитию при Президенте Республики Узбекистан (далее — Координационный совет) без статуса отдельного юридического лица.

2. Определить, что средства Фонда аккумулируются на отдельно открытых счетах в Фонде реконструкции и развития Республики Узбекистан и расходуются в порядке, установленном Координационным советом.

3. Установить, что:

а) источниками формирования средств Фонда являются:

единовременный безвозмездный платеж Фонда реконструкции и развития Республики Узбекистан в размере 25 миллионов долларов США;

гранты и спонсорские средства международных, зарубежных и отечественных организаций;

доходы, поступающие от размещения временно свободных средств Фонда на депозитах в коммерческих банках;

иные источники, не запрещенные актами законодательства;

б) средства Фонда направляются на:

осуществление исследований по направлениям деятельности Координационного совета;

выделение грантов для подготовки аналитических материалов и проведения исследований;

осуществление оплаты вознаграждения отечественным и зарубежным физическим и юридическим лицам, оказывающим экспертные, исследовательские и другие услуги;

финансирование деятельности временных проектных групп, созданных в направлении анализа и исследований;

проведение социальных опросов и исследований по изучению общественного мнения;

обучение аналитиков и специалистов и повышение их квалификации;

подготовку и приобретение изданий, литературы, баз данных и результатов исследований, а также подписку на них;

оплату расходов по организации конференций и других мероприятий в научно-исследовательской сфере, а также участию в их работе;

покрытие иных расходов по поддержке деятельности Координационного совета.

Контроль за целевым и эффективным расходованием средств Фонда осуществляется Координационным советом.

4. В целях обеспечения финансовой устойчивости Фонда разрешить Координационному совету осуществлять:

размещение средств Фонда на банковских депозитах в национальной и иностранной валюте;

привлечение грантов и средств безвозмездного технического содействия;

предоставление возможностей физическим и юридическим лицам пользоваться на платной основе результатами исследований и базами данных, а также участвовать в мероприятиях.

5. Координационному совету (С. Умурзаков) в месячный срок утвердить порядок управления средствами Фонда и их использования.

6. Контроль за исполнением настоящего постановления возложить на советника Президента Республики Узбекистан С.У. Умурзакова.

Президент Республики Узбекистан Ш. МИРЗИЁЕВ

г. Ташкент,

10 февраля 2025 г.,

№ ПП-48

(Национальная база данных законодательства, 12.02.2025 г., № 07/25/48/0128; 01.11.2025 г., № 06/25/201/1000)

lex.uz