UzbekAI

Ўзбекистон Республикаси Вазирлар Маҳкамасининг

қарори

МАЪМУРИЙ РЕГЛАМЕНТИ

СХЕМАСИ

СЎРОВНОМА

МАЪМУРИЙ РЕГЛАМЕНТИ

СХЕМАСИ

СЎРОВНОМА

РЎЙХАТИ

Фирма номларини бериш ва улардан фойдаланиш тартибларини янада такомиллаштиришнинг қўшимча чора-тадбирлари тўғрисида

Сўнгги йилларда тадбиркорлик субъектларига қулай имкониятлар яратиш, тадбиркорлик фаолиятини бошлашда бюрократик тўсиқларни бекор қилиш орқали тадбиркорлик фаолиятини юритишни осонлаштириш борасида тизимли ислоҳотлар амалга оширилди.

Ўзбекистон Республикаси Президентининг «Ўзбекистон Республикаси Президентининг тадбиркорлар билан тўртинчи очиқ мулоқотида белгиланган вазифаларни амалга ошириш чора-тадбирлари тўғрисида» 2024 йил 30 августдаги ПФ-132-сон Фармони ижросини таъминлаш, шунингдек, фирма номларини банд қилиш ва улардан фойдаланиш тартибларини такомиллаштириш, бу борада қонунчилик ҳужжатларидаги ҳуқуқий бўшлиқларни бартараф этиш мақсадида Вазирлар Маҳкамаси қарор қилади:

1. Қуйидагиларни назарда тутувчи:

а) Давлатнинг расмий ва қисқартирилган номини фирма номига киритиш бўйича давлат хизматини кўрсатишнинг маъмурий регламенти 1-иловага мувофиқ:

давлатнинг расмий ва қисқартирилган номини фирма номига киритиш тўғрисида ариза бериш;

давлатнинг расмий ва қисқартирилган номини фирма номига киритиш тўғрисидаги аризаларни кўриб чиқиш;

б) Фирма номларини банд қилиш учун буюртма бериш бўйича давлат хизматини кўрсатишнинг маъмурий регламенти 2-иловага мувофиқ тасдиқлансин:

фирма номларини банд қилиш учун буюртма бериш;

фирма номларини банд қилиш учун буюртмаларни кўриб чиқиш.

2. Ўзбекистон Республикаси Адлия вазирлиги бир ой муддатда мазкур қарор билан тасдиқланадиган маъмурий регламентларга мувофиқ фирма номлари бўйича давлат хизматлари Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизимида жорий этилишини таъминласин.

3. Вазирлар Маҳкамасининг 2017 йил 9 февралдаги 66-сон қарори билан тасдиқланган Тадбиркорлик субъектларини давлат рўйхатидан ўтказиш тартиби тўғрисидаги низомнинг 11-бандига 3-иловага мувофиқ ўзгартириш ва қўшимчалар киритилсин.

4. Ўзбекистон Республикаси Ҳукуматининг 4-иловага мувофиқ айрим қарорлари ўз кучини йўқотган деб ҳисоблансин.

5. Ўзбекистон Республикаси Адлия вазирлиги манфаатдор вазирлик ва идоралар билан биргаликда икки ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.

6. Мазкур қарорнинг бажарилишини назорат қилиш Ўзбекистон Республикаси адлия вазири А.Ж. Ташкулов зиммасига юклансин.

Вазирлар Маҳкамасининг 2025 йил 6 февралдаги 65-сон қарорига 1-ИЛОВА

Давлатнинг расмий ва қисқартирилган номини фирма номига киритиш бўйича давлат хизматини кўрсатишнинг

1-боб. Умумий қоидалар

1. Ушбу Регламент давлатнинг расмий ва қисқартирилган номини (кейинги ўринларда — давлатнинг номи) фирма номига киритиш бўйича давлат хизматини (кейинги ўринларда — давлат хизмати) кўрсатиш тартибини белгилайди.

Мазкур Регламентга асосан давлатнинг номи қуйидаги юридик шахсларга берилади:

Ўзбекистон Республикаси қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президенти ва Ўзбекистон Республикаси Вазирлар Маҳкамасининг қарорларига мувофиқ ташкил этиладиган ёки фаолияти ташкил этиладиган юридик шахслар, агар уларнинг номлари тегишли ҳужжатларда тўғридан-тўғри назарда тутилган бўлса;

давлат органлари ва ташкилотлари томонидан ташкил этиладиган давлат муассасалари;

устав фондида (устав капиталида) давлат улуши 50 фоиздан ортиқ бўлган хўжалик жамиятлари;

республика аҳамиятига эга бўлган юридик шахслар бирлашмалари;

республика ва маҳаллий ижро этувчи ҳокимият органлари, хўжалик бирлашмаларининг Ўзбекистон Республикаси Адлия вазирлигига тақдим этилган мурожаатлари асосида хорижий инвестициялар иштирокидаги корхоналар.

2. Ушбу Регламент талаблари тижорат банклари ва кредит бюролари, хорижий тижорат ташкилотларига нисбатан татбиқ этилмайди.

3. Давлат хизмати Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари (кейинги ўринларда — ваколатли орган) томонидан Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизими (кейинги ўринларда — Тизим) орқали кўрсатилади.

4. Давлат хизмати ушбу Регламентга 1-иловадаги схемага мувофиқ кўрсатилади.

2-боб. Давлат хизматини кўрсатиш тартиби

5. Мазкур Регламентнинг 1-бандида кўрсатилган юридик шахслар (кейинги ўринларда — ариза берувчи) давлат хизматидан фойдаланиш учун давлат хизматлари марказига ўзи келиб мурожаат этади ёки Тизимдаги шахсий кабинети орқали рўйхатдан ўтади.

Ариза берувчи ўзи келиб мурожаат этган тақдирда, давлат хизматлари маркази ходими ариза берувчи номидан, Тизим орқали мурожаат этган тақдирда эса, ариза берувчи мустақил равишда ушбу Регламентга 2-иловага мувофиқ шаклдаги сўровномани электрон тарзда тўлдиради.

Сўровномага қуйидаги ҳужжатлар илова қилинади:

Ўзбекистон Республикаси қонунлари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президенти ва Ўзбекистон Республикаси Вазирлар Маҳкамасининг қарорлари нусхалари — ушбу ҳужжатларга мувофиқ ташкил этиладиган ёки фаолияти ташкил этиладиган юридик шахслар учун;

тегишли давлат органи ва ташкилотининг қарори (буйруғи) — давлат муассасалари учун;

тегишли давлат ҳокимияти (республика ёки маҳаллий ижро этувчи ҳокимият органлари) органининг хўжалик жамияти устав фондига улуш киритиш тўғрисидаги қарорлари (буйруқлари) — устав фондида (устав капиталида) давлат улуши 50 фоиздан ортиқ бўлган хўжалик жамиятлари учун;

республика аҳамиятига эга бўлган юридик шахслар бирлашмаларини ташкил этиш тўғрисида аъзолар умумий йиғилишининг тасдиқланган баённомаси, дастлабки таъсис ҳужжатлари (устав ва таъсис шартномаси) — республика аҳамиятига эга бўлган юридик шахслар бирлашмалари учун;

республика ва маҳаллий ижро этувчи ҳокимият органлари, хўжалик бирлашмаларининг мурожаатлари — хорижий инвестициялар иштирокидаги корхоналар учун.

Сўровномага илова қилинадиган ҳужжатлар PDF форматида бўлиши лозим.

Бунда ариза берувчи давлат хизматлари марказига келиб мурожаат этганда, давлат хизматидан фойдаланиш учун ўзининг ваколатлилигини тасдиқловчи ҳужжат тақдим этади, ваколатли шахс юридик шахс раҳбари бўлган ҳолатлар бундан мустасно.

6. Сўровнома тўлдирилгандан сўнг ариза берувчи маълумотларнинг тўғрилигини текшириб, сўровномани ўзининг электрон рақамли имзоси (кейинги ўринларда — ЭРИ) билан тасдиқлайди.

Давлат хизматлари марказига келиб мурожаат этилганда, сўровномани ЭРИ билан тасдиқлаш имконияти бўлмаган ҳолларда тегишли имзолар идентификация қилишнинг бошқа воситалари (дактилоскопия, электрон имзо ва бошқалар) билан ҳам тасдиқланиши мумкин.

7. Давлат хизмати кўрсатилганлиги учун базавий ҳисоблаш миқдорининг эллик фоизи миқдорида йиғим ундирилади, мазкур Регламентнинг 1-банди учинчи ва тўртинчи хатбошиларида назарда тутилган юридик шахслар бундан мустасно.

Йиғим Ўзбекистон Республикаси Адлия вазирлигининг Давлат хизматларини ривожлантириш жамғармасига ўтказилади.

Давлат хизмати кўрсатилганлиги учун йиғим тўланганлиги ахборот-коммуникация тизимлари орқали тасдиқланади.

8. Ариза берувчи давлат хизматидан фойдаланишдан уни кўрсатишнинг ҳар қандай босқичида бош тортиш ҳуқуқига эга. Ариза берувчи давлат хизматидан фойдаланишдан бош тортганда, унинг сўровномаси кўрилмасдан қолдирилади.

9. Ваколатли орган икки иш куни давомида сўровномани кўриб чиқади ҳамда кўриб чиқиш натижалари бўйича буюртма қилинган фирма номини банд қилади ёки банд қилишни рад этади.

Давлат хизматини кўрсатишни рад этишга қуйидагилар асос бўлади:

танланган фирма номи Ўзбекистон Республикасининг «Фирма номлари тўғрисида»ги Қонунида белгиланган талабларга зид бўлса;

танланган фирма номи Тизимда бошқа шахс томонидан захирага олинган бўлса;

танланган фирма номи мазкур Регламент қоидалари татбиқ этилмайдиган йўналишлар бўйича берилган бўлса.

Давлат хизматларини кўрсатишни бошқа асослар бўйича рад этиш тақиқланади.

10. Ваколатли орган сўровномани кўриб чиқиб, буюртма қилинган фирма номини банд қилгандан сўнг мазкур Регламентнинг 7-бандида белгиланган йиғим миқдори кўрсатилган хабарнома (инвойс) давлат хизматлари марказига (ўзи келиб мурожаат қилган тақдирда) ёки ариза берувчига (электрон шаклда мурожаат қилган тақдирда) Тизим орқали электрон шаклда юборади.

11. Ариза берувчи ўн кун муддатда тўловни амалга ошириши лозим.

Ариза берувчи томонидан тўлов амалга оширилгач, ваколатли орган томонидан бир иш соати давомида буюртма қилинган фирма номи банд қилинганлиги ҳақидаги хабарнома давлат хизматлари марказига (ўзи келиб мурожаат қилган тақдирда) ёки ариза берувчига (электрон шаклда мурожаат қилган тақдирда) Тизим орқали электрон шаклда юборилади.

Ариза берувчи мазкур банднинг биринчи хатбошисида кўрсатилган муддатда тўловни амалга оширмаганда, ваколатли орган буюртма қилинган фирма номи банд қилинишини бекор қилади.

12. Давлат хизматлари маркази хабарнома келиб тушгандан сўнг 10 дақиқа мобайнида уни ариза берувчининг электрон манзилига юборади ва ариза берувчини бу ҳақда ахборот-коммуникация тизими орқали хабардор қилади.

Ариза берувчи танлаган фирма номи Тизимда 60 кун давомида захирага олинади ва ушбу муддат тугагандан сўнг фирма номининг захираси автоматик тарзда бекор қилинади. Бунда ариза берувчи айнан ушбу фирма номини қайтадан олиш учун давлат хизматидан йиғим тўламасдан қайта фойдаланиши мумкин.

3-боб. Якунловчи қоидалар

13. Давлат хизматлари марказлари ва ваколатли орган ўз фаолиятини амалга ошириши натижасида олинган маълумотлар сир сақланишини таъминлайди.

14. Ариза берувчилар ваколатли органлар ходимларининг хатти-ҳаракатлари устидан қонунчиликда белгиланган тартибда шикоят қилишлари мумкин.

15. Ушбу Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Давлатнинг расмий ва қисқартирилган номини фирма номига киритиш бўйича давлат хизматини кўрсатишнинг маъмурий регламентига 1-ИЛОВА

Давлатнинг расмий ва қисқартирилган номини фирма номига киритиш бўйича давлат хизматини кўрсатишнинг

Босқичлар Субъектлар Тадбирлар Бажариш муддатлари 1-босқич Ариза берувчи Давлат хизматлари марказига мурожаат қилади ёки Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизимида (кейинги ўринларда — Тизим) рўйхатдан ўтади. Хоҳишига кўра 2-босқич Ваколатли орган 1. Тақдим этилган ҳужжатларнинг Регламент талабларига мувофиқлигини текширади. 2. Фирма номини банд қилади. 3. Тақдим этилган ҳужжатлар Регламент талабларига номувофиқ бўлганда, фирма номини банд қилишни рад этади ва бу ҳақда ариза берувчини хабардор қилади. Икки иш куни давомида 3-босқич Ариза берувчи Йиғим миқдори кўрсатилган хабарнома (инвойс)да белгиланган тўловни амалга оширади. Ўн кун ичида 4-босқич Ваколатли орган Буюртма қилинган фирма номи банд қилинганлиги ҳақидаги хабарномани ариза берувчига юборади. Бир иш соати давомида

Давлатнинг расмий ва қисқартирилган номини фирма номига киритиш бўйича давлат хизматини кўрсатишнинг маъмурий регламентига 2-ИЛОВА

Давлатнинг расмий ва қисқартирилган номини фирма номига киритиш бўйича

I. Ариза берувчи тўғрисида маълумот: 1. СТИР: II. Ариза берувчининг вакили тўғрисида маълумот: 1. Ф.И.О.: 2. ЖШШИР: 3. Вакилнинг ариза берувчига алоқадорлиги: III. Фирма номи тўғрисида маълумот: Танланган фирма номининг тўлиқ ёки қисқартирилган номи:

Вазирлар Маҳкамасининг 2025 йил 6 февралдаги 65-сон қарорига 2-ИЛОВА

Фирма номларини банд қилиш учун буюртма бериш бўйича давлат хизматини кўрсатишнинг

1-боб. Умумий қоидалар

1. Ушбу Регламент Ўзбекистон Республикасининг «Фирма номлари тўғрисида»ги Қонунига асосан фирма номини банд қилиш чекланган ҳолатларда (сўзларнинг ўхшашлиги сабаб) юридик шахслар учун фирма номларини банд қилиш учун буюртма бериш бўйича давлат хизматини (кейинги ўринларда — давлат хизмати) кўрсатиш тартибини белгилайди.

Мазкур Регламент талаблари:

тижорат банклари ва кредит бюролари, хорижий тижорат ташкилотлари, нодавлат нотижорат ташкилотлари, давлат органлари ва ташкилотларига;

давлатнинг расмий ва қисқартирилган номини фирма номига киритиш ҳолатларига нисбатан татбиқ этилмайди.

2. Давлат хизмати Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари (кейинги ўринларда — ваколатли орган) томонидан Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизими (кейинги ўринларда — Тизим) орқали кўрсатилади.

3. Давлат хизмати ушбу Регламентга 1-иловадаги схемага мувофиқ кўрсатилади.

2-боб. Давлат хизматини кўрсатиш тартиби

4. Жисмоний ва юридик шахслар (кейинги ўринларда — ариза берувчи) давлат хизматидан фойдаланиш учун давлат хизматлари марказига келиб мурожаат этади ёки Тизимдаги шахсий кабинети орқали рўйхатдан ўтади.

Бунда ариза берувчи давлат хизматлари марказига ўзи келиб мурожаат этганда давлат хизматидан фойдаланиш учун ўзининг ваколатлилигини тасдиқловчи ҳужжат тақдим этади, ваколатли шахс юридик шахс раҳбари бўлган ҳолатлар бундан мустасно.

5. Сўровнома тўлдирилгандан сўнг ариза берувчи маълумотларнинг тўғрилигини текшириб, сўровномани ўзининг электрон рақамли имзоси (кейинги ўринларда — ЭРИ) билан тасдиқлайди.

Ўзи келиб мурожаат этганда, сўровномани ЭРИ билан тасдиқлаш имконияти бўлмаган ҳолларда тегишли имзолар идентификация қилишнинг бошқа воситалари (дактилоскопия, электрон имзо ва бошқалар) билан ҳам тасдиқланиши мумкин.

6. Давлат хизмати кўрсатилганлиги учун базавий ҳисоблаш миқдорининг эллик фоизи миқдорида йиғим ундирилади.

Давлати хизмати кўрсатилгани учун йиғим тўланганлиги ахборот-коммуникация тизимлари орқали тасдиқланади.

7. Ариза берувчи давлат хизматидан фойдаланишдан уни кўрсатишнинг ҳар қандай босқичида бош тортиш ҳуқуқига эга. Ариза берувчи давлат хизматидан фойдаланишдан бош тортганда, унинг сўровномаси кўрилмасдан қолдирилади.

8. Ваколатли орган икки иш куни давомида сўровномани кўриб чиқади ҳамда кўриб чиқиш натижалари бўйича буюртма қилинган фирма номини банд қилади ёки банд қилишни рад этади.

Давлат хизматини кўрсатишни рад этишга қуйидагилар асос бўлади:

танланган фирма номи Тизимда бошқа шахс томонидан захирага олинган бўлса;

буюртма қилинган фирма номи Ўзбекистон Республикаси «Фирма номлари тўғрисида»ги Қонунининг 4-моддасида белгиланган талабларга зид бўлса;

буюртма қилинган фирма номи мазкур Регламент қоидалари татбиқ этилмайдиган йўналишлар бўйича берилган бўлса.

Давлат хизматларини кўрсатишни бошқа асослар бўйича рад этиш тақиқланади.

9. Ваколатли орган сўровномани кўриб чиқиб, буюртма қилинган фирма номи банд қилгандан сўнг мазкур Регламентнинг 6-бандида белгиланган йиғим миқдори кўрсатилган хабарнома (инвойс) давлат хизматлари марказига (ўзи келиб мурожаат қилган тақдирда) ёки ариза берувчига (электрон шаклда мурожаат қилган тақдирда) Тизим орқали электрон шаклда юборади.

10. Ариза берувчи ўн кун муддатда тўловни амалга ошириши лозим.

Ариза берувчи томондан тўлов амалга оширилгач, ваколатли орган томонидан бир иш соати давомида буюртма қилинган фирма номи банд қилинганлиги ҳақидаги хабарнома давлат хизматлари марказига (ўзи келиб мурожаат қилган тақдирда) ёки ариза берувчига (электрон шаклда мурожаат қилган тақдирда) Тизим орқали электрон шаклда юборилади.

11. Давлат хизматлари маркази хабарнома келиб тушгандан сўнг 10 дақиқа мобайнида уни ариза берувчининг электрон манзилига юборади ва ариза берувчини бу ҳақда ахборот-коммуникация тизими орқали хабардор қилади.

3-боб. Якунловчи қоидалар

12. Давлат хизматлари марказлари ва ваколатли орган ўз фаолиятини амалга ошириши натижасида олинган маълумотлар сир сақланишини таъминлайди.

13. Ариза берувчилар ваколатли органлар ходимларининг хатти-ҳаракатлари устидан қонунчиликда белгиланган тартибда шикоят қилишлари мумкин.

14. Ушбу Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Фирма номларини банд қилиш учун буюртма бериш бўйича давлат хизматини кўрсатишнинг маъмурий регламентига 1-ИЛОВА

Фирма номларини банд қилиш учун буюртма бериш бўйича давлат хизматини кўрсатишнинг

Босқичлар Субъектлар Тадбирлар Бажариш муддатлари 1-босқич Ариза берувчи Давлат хизматлари марказига мурожаат қилади ёки Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизимида (кейинги ўринларда — Тизим) рўйхатдан ўтади. Хоҳишига кўра 2-босқич Ваколатли орган 1. Тақдим этилган ҳужжатларнинг Регламент талабларига мувофиқлигини текширади. 2. Фирма номини банд қилади. 3. Тақдим этилган ҳужжатлар Регламент талабларига номувофиқ бўлганда фирма номини банд қилишни рад этади ва бу ҳақда ариза берувчини хабардор қилади. Икки иш куни давомида 3-босқич Ариза берувчи Йиғим миқдори кўрсатилган хабарнома (инвойс)да белгиланган тўловни амалга оширади. Ўн кун ичида 4-босқич Ваколатли орган Буюртма қилинган фирма номи банд қилинганлиги ҳақидаги хабарномани ариза берувчига юборади. Бир иш соати давомида

Фирма номларини банд қилиш учун буюртма бериш бўйича давлат хизматини кўрсатишнинг маъмурий регламентига 2-ИЛОВА

Фирма номларини банд қилиш учун буюртма бериш бўйича

I. Ариза берувчи — жисмоний шахс тўғрисида маълумот: 1. Ф.И.О.: 2. ЖШШИР: II. Ариза берувчи — юридик шахс тўғрисида маълумот: 1. СТИР: III. Ариза берувчининг вакили тўғрисида маълумот: 1. Ф.И.О.: 2. ЖШШИР: 3. Вакилнинг ариза берувчига алоқадорлиги: IV. Фирма номи тўғрисида маълумот: Буюртма қилинган фирма номининг тўлиқ номи:

Вазирлар Маҳкамасининг 2025 йил 6 февралдаги 65-сон қарорига 3-ИЛОВА

Вазирлар Маҳкамасининг 2017 йил 9 февралдаги 66-сон қарори билан тасдиқланган Тадбиркорлик субъектларини давлат рўйхатидан ўтказиш тартиби тўғрисидаги низомнинг 11-бандига киритилаётган ўзгартиш ва қўшимчалар

11-бандда :

қуйидаги мазмундаги тўртинчи ва бешинчи хатбошилар билан тўлдирилсин:

«Ариза берувчи мазкур банднинг учинчи хатбошисида назарда тутилган муддат тугаганидан сўнг қўшимча равишда бир маротаба ўн икки ойдан ошмаган муддатга базавий ҳисоблаш миқдорининг бир баравари миқдорида тўлов тўлаган ҳолда, фирма номини сақлаш муддатини узайтириш ҳуқуқига эга.

Фирма номини сақлаш учун ундирилган тўлов суммаси Ўзбекистон Республикаси Адлия вазирлигининг Давлат хизматларини ривожлантириш жамғармасига ўтказилади»;

тўртинчи ва бешинчи хатбошилар тегишлича олтинчи ва еттинчи хатбошилар деб ҳисоблансин.

Вазирлар Маҳкамасининг 2025 йил 6 февралдаги 65-сон қарорига 4-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган қарорлари

1. Вазирлар Маҳкамасининг «Юридик шахсларнинг номлари ва рамзларида давлатнинг расмий номидан фойдаланишни тартибга солиш чора-тадбирлари тўғрисида» 2014 йил 11 октябрдаги 286-сон қарори .

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Иқтисодиётда хусусий мулкнинг улуши ва аҳамиятини ошириш чора-тадбирлари тўғрисида» 2015 йил 28 апрелдаги ПҚ-2340-сон қарори)» 2017 йил 13 ноябрдаги 907-сон қарорига 1-илованинг 6-банди .

Ўзбекистон Республикасининг Бош вазири А. АРИПОВ

Тошкент ш.,

2025 йил 6 февраль,

65-сон

(Қонунчилик маълумотлари миллий базаси, 13.02.2025 й., 09/25/65/0139-сон)

lex.uz

Oʻzbekiston Respublikasi Vazirlar Mahkamasining

qarori

MAʼMURIY REGLAMENTI

SXEMASI

SOʻROVNOMA

MAʼMURIY REGLAMENTI

SXEMASI

SOʻROVNOMA

ROʻYXATI

Firma nomlarini berish va ulardan foydalanish tartiblarini yanada takomillashtirishning qoʻshimcha chora-tadbirlari toʻgʻrisida

Soʻnggi yillarda tadbirkorlik subyektlariga qulay imkoniyatlar yaratish, tadbirkorlik faoliyatini boshlashda byurokratik toʻsiqlarni bekor qilish orqali tadbirkorlik faoliyatini yuritishni osonlashtirish borasida tizimli islohotlar amalga oshirildi.

Oʻzbekiston Respublikasi Prezidentining “Oʻzbekiston Respublikasi Prezidentining tadbirkorlar bilan toʻrtinchi ochiq muloqotida belgilangan vazifalarni amalga oshirish chora-tadbirlari toʻgʻrisida” 2024-yil 30-avgustdagi PF-132-son Farmoni ijrosini taʼminlash, shuningdek, firma nomlarini band qilish va ulardan foydalanish tartiblarini takomillashtirish, bu borada qonunchilik hujjatlaridagi huquqiy boʻshliqlarni bartaraf etish maqsadida Vazirlar Mahkamasi qaror qiladi:

1. Quyidagilarni nazarda tutuvchi:

a) Davlatning rasmiy va qisqartirilgan nomini firma nomiga kiritish boʻyicha davlat xizmatini koʻrsatishning maʼmuriy reglamenti 1-ilovaga muvofiq:

davlatning rasmiy va qisqartirilgan nomini firma nomiga kiritish toʻgʻrisida ariza berish;

davlatning rasmiy va qisqartirilgan nomini firma nomiga kiritish toʻgʻrisidagi arizalarni koʻrib chiqish;

b) Firma nomlarini band qilish uchun buyurtma berish boʻyicha davlat xizmatini koʻrsatishning maʼmuriy reglamenti 2-ilovaga muvofiq tasdiqlansin:

firma nomlarini band qilish uchun buyurtma berish;

firma nomlarini band qilish uchun buyurtmalarni koʻrib chiqish.

2. Oʻzbekiston Respublikasi Adliya vazirligi bir oy muddatda mazkur qaror bilan tasdiqlanadigan maʼmuriy reglamentlarga muvofiq firma nomlari boʻyicha davlat xizmatlari Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimida joriy etilishini taʼminlasin.

3. Vazirlar Mahkamasining 2017-yil 9-fevraldagi 66-son qarori bilan tasdiqlangan Tadbirkorlik subyektlarini davlat roʻyxatidan oʻtkazish tartibi toʻgʻrisidagi nizomning 11-bandiga 3-ilovaga muvofiq oʻzgartirish va qoʻshimchalar kiritilsin.

4. Oʻzbekiston Respublikasi Hukumatining 4-ilovaga muvofiq ayrim qarorlari oʻz kuchini yoʻqotgan deb hisoblansin.

5. Oʻzbekiston Respublikasi Adliya vazirligi manfaatdor vazirlik va idoralar bilan birgalikda ikki oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.

6. Mazkur qarorning bajarilishini nazorat qilish Oʻzbekiston Respublikasi adliya vaziri A.J. Tashkulov zimmasiga yuklansin.

Vazirlar Mahkamasining 2025-yil 6-fevraldagi 65-son qaroriga 1-ILOVA

Davlatning rasmiy va qisqartirilgan nomini firma nomiga kiritish boʻyicha davlat xizmatini koʻrsatishning

1-bob. Umumiy qoidalar

1. Ushbu Reglament davlatning rasmiy va qisqartirilgan nomini (keyingi oʻrinlarda — davlatning nomi) firma nomiga kiritish boʻyicha davlat xizmatini (keyingi oʻrinlarda — davlat xizmati) koʻrsatish tartibini belgilaydi.

Mazkur Reglamentga asosan davlatning nomi quyidagi yuridik shaxslarga beriladi:

Oʻzbekiston Respublikasi qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlariga muvofiq tashkil etiladigan yoki faoliyati tashkil etiladigan yuridik shaxslar, agar ularning nomlari tegishli hujjatlarda toʻgʻridan-toʻgʻri nazarda tutilgan boʻlsa;

davlat organlari va tashkilotlari tomonidan tashkil etiladigan davlat muassasalari;

ustav fondida (ustav kapitalida) davlat ulushi 50 foizdan ortiq boʻlgan xoʻjalik jamiyatlari;

respublika ahamiyatiga ega boʻlgan yuridik shaxslar birlashmalari;

respublika va mahalliy ijro etuvchi hokimiyat organlari, xoʻjalik birlashmalarining Oʻzbekiston Respublikasi Adliya vazirligiga taqdim etilgan murojaatlari asosida xorijiy investitsiyalar ishtirokidagi korxonalar.

2. Ushbu Reglament talablari tijorat banklari va kredit byurolari, xorijiy tijorat tashkilotlariga nisbatan tatbiq etilmaydi.

3. Davlat xizmati Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari (keyingi oʻrinlarda — vakolatli organ) tomonidan Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimi (keyingi oʻrinlarda — Tizim) orqali koʻrsatiladi.

4. Davlat xizmati ushbu Reglamentga 1-ilovadagi sxemaga muvofiq koʻrsatiladi.

2-bob. Davlat xizmatini koʻrsatish tartibi

5. Mazkur Reglamentning 1-bandida koʻrsatilgan yuridik shaxslar (keyingi oʻrinlarda — ariza beruvchi) davlat xizmatidan foydalanish uchun davlat xizmatlari markaziga oʻzi kelib murojaat etadi yoki Tizimdagi shaxsiy kabineti orqali roʻyxatdan oʻtadi.

Ariza beruvchi oʻzi kelib murojaat etgan taqdirda, davlat xizmatlari markazi xodimi ariza beruvchi nomidan, Tizim orqali murojaat etgan taqdirda esa, ariza beruvchi mustaqil ravishda ushbu Reglamentga 2-ilovaga muvofiq shakldagi soʻrovnomani elektron tarzda toʻldiradi.

Soʻrovnomaga quyidagi hujjatlar ilova qilinadi:

Oʻzbekiston Respublikasi qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlari nusxalari — ushbu hujjatlarga muvofiq tashkil etiladigan yoki faoliyati tashkil etiladigan yuridik shaxslar uchun;

tegishli davlat organi va tashkilotining qarori (buyrugʻi) — davlat muassasalari uchun;

tegishli davlat hokimiyati (respublika yoki mahalliy ijro etuvchi hokimiyat organlari) organining xoʻjalik jamiyati ustav fondiga ulush kiritish toʻgʻrisidagi qarorlari (buyruqlari) — ustav fondida (ustav kapitalida) davlat ulushi 50 foizdan ortiq boʻlgan xoʻjalik jamiyatlari uchun;

respublika ahamiyatiga ega boʻlgan yuridik shaxslar birlashmalarini tashkil etish toʻgʻrisida aʼzolar umumiy yigʻilishining tasdiqlangan bayonnomasi, dastlabki taʼsis hujjatlari (ustav va taʼsis shartnomasi) — respublika ahamiyatiga ega boʻlgan yuridik shaxslar birlashmalari uchun;

respublika va mahalliy ijro etuvchi hokimiyat organlari, xoʻjalik birlashmalarining murojaatlari — xorijiy investitsiyalar ishtirokidagi korxonalar uchun.

Soʻrovnomaga ilova qilinadigan hujjatlar PDF formatida boʻlishi lozim.

Bunda ariza beruvchi davlat xizmatlari markaziga kelib murojaat etganda, davlat xizmatidan foydalanish uchun oʻzining vakolatliligini tasdiqlovchi hujjat taqdim etadi, vakolatli shaxs yuridik shaxs rahbari boʻlgan holatlar bundan mustasno.

6. Soʻrovnoma toʻldirilgandan soʻng ariza beruvchi maʼlumotlarning toʻgʻriligini tekshirib, soʻrovnomani oʻzining elektron raqamli imzosi (keyingi oʻrinlarda — ERI) bilan tasdiqlaydi.

Davlat xizmatlari markaziga kelib murojaat etilganda, soʻrovnomani ERI bilan tasdiqlash imkoniyati boʻlmagan hollarda tegishli imzolar identifikatsiya qilishning boshqa vositalari (daktiloskopiya, elektron imzo va boshqalar) bilan ham tasdiqlanishi mumkin.

7. Davlat xizmati koʻrsatilganligi uchun bazaviy hisoblash miqdorining ellik foizi miqdorida yigʻim undiriladi, mazkur Reglamentning 1-bandi uchinchi va toʻrtinchi xatboshilarida nazarda tutilgan yuridik shaxslar bundan mustasno.

Yigʻim Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga oʻtkaziladi.

Davlat xizmati koʻrsatilganligi uchun yigʻim toʻlanganligi axborot-kommunikatsiya tizimlari orqali tasdiqlanadi.

8. Ariza beruvchi davlat xizmatidan foydalanishdan uni koʻrsatishning har qanday bosqichida bosh tortish huquqiga ega. Ariza beruvchi davlat xizmatidan foydalanishdan bosh tortganda, uning soʻrovnomasi koʻrilmasdan qoldiriladi.

9. Vakolatli organ ikki ish kuni davomida soʻrovnomani koʻrib chiqadi hamda koʻrib chiqish natijalari boʻyicha buyurtma qilingan firma nomini band qiladi yoki band qilishni rad etadi.

Davlat xizmatini koʻrsatishni rad etishga quyidagilar asos boʻladi:

tanlangan firma nomi Oʻzbekiston Respublikasining “Firma nomlari toʻgʻrisida”gi Qonunida belgilangan talablarga zid boʻlsa;

tanlangan firma nomi Tizimda boshqa shaxs tomonidan zaxiraga olingan boʻlsa;

tanlangan firma nomi mazkur Reglament qoidalari tatbiq etilmaydigan yoʻnalishlar boʻyicha berilgan boʻlsa.

Davlat xizmatlarini koʻrsatishni boshqa asoslar boʻyicha rad etish taqiqlanadi.

10. Vakolatli organ soʻrovnomani koʻrib chiqib, buyurtma qilingan firma nomini band qilgandan soʻng mazkur Reglamentning 7-bandida belgilangan yigʻim miqdori koʻrsatilgan xabarnoma (invoys) davlat xizmatlari markaziga (oʻzi kelib murojaat qilgan taqdirda) yoki ariza beruvchiga (elektron shaklda murojaat qilgan taqdirda) Tizim orqali elektron shaklda yuboradi.

11. Ariza beruvchi oʻn kun muddatda toʻlovni amalga oshirishi lozim.

Ariza beruvchi tomonidan toʻlov amalga oshirilgach, vakolatli organ tomonidan bir ish soati davomida buyurtma qilingan firma nomi band qilinganligi haqidagi xabarnoma davlat xizmatlari markaziga (oʻzi kelib murojaat qilgan taqdirda) yoki ariza beruvchiga (elektron shaklda murojaat qilgan taqdirda) Tizim orqali elektron shaklda yuboriladi.

Ariza beruvchi mazkur bandning birinchi xatboshisida koʻrsatilgan muddatda toʻlovni amalga oshirmaganda, vakolatli organ buyurtma qilingan firma nomi band qilinishini bekor qiladi.

12. Davlat xizmatlari markazi xabarnoma kelib tushgandan soʻng 10 daqiqa mobaynida uni ariza beruvchining elektron manziliga yuboradi va ariza beruvchini bu haqda axborot-kommunikatsiya tizimi orqali xabardor qiladi.

Ariza beruvchi tanlagan firma nomi Tizimda 60 kun davomida zaxiraga olinadi va ushbu muddat tugagandan soʻng firma nomining zaxirasi avtomatik tarzda bekor qilinadi. Bunda ariza beruvchi aynan ushbu firma nomini qaytadan olish uchun davlat xizmatidan yigʻim toʻlamasdan qayta foydalanishi mumkin.

3-bob. Yakunlovchi qoidalar

13. Davlat xizmatlari markazlari va vakolatli organ oʻz faoliyatini amalga oshirishi natijasida olingan maʼlumotlar sir saqlanishini taʼminlaydi.

14. Ariza beruvchilar vakolatli organlar xodimlarining xatti-harakatlari ustidan qonunchilikda belgilangan tartibda shikoyat qilishlari mumkin.

15. Ushbu Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Davlatning rasmiy va qisqartirilgan nomini firma nomiga kiritish boʻyicha davlat xizmatini koʻrsatishning maʼmuriy reglamentiga 1-ILOVA

Davlatning rasmiy va qisqartirilgan nomini firma nomiga kiritish boʻyicha davlat xizmatini koʻrsatishning

Bosqichlar Subyektlar Tadbirlar Bajarish muddatlari 1-bosqich Ariza beruvchi Davlat xizmatlari markaziga murojaat qiladi yoki Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimida (keyingi oʻrinlarda — Tizim) roʻyxatdan oʻtadi. Xohishiga koʻra 2-bosqich Vakolatli organ 1. Taqdim etilgan hujjatlarning Reglament talablariga muvofiqligini tekshiradi. 2. Firma nomini band qiladi. 3. Taqdim etilgan hujjatlar Reglament talablariga nomuvofiq boʻlganda, firma nomini band qilishni rad etadi va bu haqda ariza beruvchini xabardor qiladi. Ikki ish kuni davomida 3-bosqich Ariza beruvchi Yigʻim miqdori koʻrsatilgan xabarnoma (invoys)da belgilangan toʻlovni amalga oshiradi. Oʻn kun ichida 4-bosqich Vakolatli organ Buyurtma qilingan firma nomi band qilinganligi haqidagi xabarnomani ariza beruvchiga yuboradi. Bir ish soati davomida

Davlatning rasmiy va qisqartirilgan nomini firma nomiga kiritish boʻyicha davlat xizmatini koʻrsatishning maʼmuriy reglamentiga 2-ILOVA

Davlatning rasmiy va qisqartirilgan nomini firma nomiga kiritish boʻyicha

I. Ariza beruvchi toʻgʻrisida maʼlumot: 1. STIR: II. Ariza beruvchining vakili toʻgʻrisida maʼlumot: 1. F.I.O.: 2. JSHSHIR: 3. Vakilning ariza beruvchiga aloqadorligi: III. Firma nomi toʻgʻrisida maʼlumot: Tanlangan firma nomining toʻliq yoki qisqartirilgan nomi:

Vazirlar Mahkamasining 2025-yil 6-fevraldagi 65-son qaroriga 2-ILOVA

Firma nomlarini band qilish uchun buyurtma berish boʻyicha davlat xizmatini koʻrsatishning

1-bob. Umumiy qoidalar

1. Ushbu Reglament Oʻzbekiston Respublikasining “Firma nomlari toʻgʻrisida”gi Qonuniga asosan firma nomini band qilish cheklangan holatlarda (soʻzlarning oʻxshashligi sabab) yuridik shaxslar uchun firma nomlarini band qilish uchun buyurtma berish boʻyicha davlat xizmatini (keyingi oʻrinlarda — davlat xizmati) koʻrsatish tartibini belgilaydi.

Mazkur Reglament talablari:

tijorat banklari va kredit byurolari, xorijiy tijorat tashkilotlari, nodavlat notijorat tashkilotlari, davlat organlari va tashkilotlariga;

davlatning rasmiy va qisqartirilgan nomini firma nomiga kiritish holatlariga nisbatan tatbiq etilmaydi.

2. Davlat xizmati Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari (keyingi oʻrinlarda — vakolatli organ) tomonidan Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimi (keyingi oʻrinlarda — Tizim) orqali koʻrsatiladi.

3. Davlat xizmati ushbu Reglamentga 1-ilovadagi sxemaga muvofiq koʻrsatiladi.

2-bob. Davlat xizmatini koʻrsatish tartibi

4. Jismoniy va yuridik shaxslar (keyingi oʻrinlarda — ariza beruvchi) davlat xizmatidan foydalanish uchun davlat xizmatlari markaziga kelib murojaat etadi yoki Tizimdagi shaxsiy kabineti orqali roʻyxatdan oʻtadi.

Bunda ariza beruvchi davlat xizmatlari markaziga oʻzi kelib murojaat etganda davlat xizmatidan foydalanish uchun oʻzining vakolatliligini tasdiqlovchi hujjat taqdim etadi, vakolatli shaxs yuridik shaxs rahbari boʻlgan holatlar bundan mustasno.

5. Soʻrovnoma toʻldirilgandan soʻng ariza beruvchi maʼlumotlarning toʻgʻriligini tekshirib, soʻrovnomani oʻzining elektron raqamli imzosi (keyingi oʻrinlarda — ERI) bilan tasdiqlaydi.

Oʻzi kelib murojaat etganda, soʻrovnomani ERI bilan tasdiqlash imkoniyati boʻlmagan hollarda tegishli imzolar identifikatsiya qilishning boshqa vositalari (daktiloskopiya, elektron imzo va boshqalar) bilan ham tasdiqlanishi mumkin.

6. Davlat xizmati koʻrsatilganligi uchun bazaviy hisoblash miqdorining ellik foizi miqdorida yigʻim undiriladi.

Yigʻim Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga oʻtkaziladi.

Davlati xizmati koʻrsatilgani uchun yigʻim toʻlanganligi axborot-kommunikatsiya tizimlari orqali tasdiqlanadi.

7. Ariza beruvchi davlat xizmatidan foydalanishdan uni koʻrsatishning har qanday bosqichida bosh tortish huquqiga ega. Ariza beruvchi davlat xizmatidan foydalanishdan bosh tortganda, uning soʻrovnomasi koʻrilmasdan qoldiriladi.

8. Vakolatli organ ikki ish kuni davomida soʻrovnomani koʻrib chiqadi hamda koʻrib chiqish natijalari boʻyicha buyurtma qilingan firma nomini band qiladi yoki band qilishni rad etadi.

Davlat xizmatini koʻrsatishni rad etishga quyidagilar asos boʻladi:

tanlangan firma nomi Tizimda boshqa shaxs tomonidan zaxiraga olingan boʻlsa;

buyurtma qilingan firma nomi Oʻzbekiston Respublikasi “Firma nomlari toʻgʻrisida”gi Qonunining 4-moddasida belgilangan talablarga zid boʻlsa;

buyurtma qilingan firma nomi mazkur Reglament qoidalari tatbiq etilmaydigan yoʻnalishlar boʻyicha berilgan boʻlsa.

Davlat xizmatlarini koʻrsatishni boshqa asoslar boʻyicha rad etish taqiqlanadi.

9. Vakolatli organ soʻrovnomani koʻrib chiqib, buyurtma qilingan firma nomi band qilgandan soʻng mazkur Reglamentning 6-bandida belgilangan yigʻim miqdori koʻrsatilgan xabarnoma (invoys) davlat xizmatlari markaziga (oʻzi kelib murojaat qilgan taqdirda) yoki ariza beruvchiga (elektron shaklda murojaat qilgan taqdirda) Tizim orqali elektron shaklda yuboradi.

10. Ariza beruvchi oʻn kun muddatda toʻlovni amalga oshirishi lozim.

Ariza beruvchi tomondan toʻlov amalga oshirilgach, vakolatli organ tomonidan bir ish soati davomida buyurtma qilingan firma nomi band qilinganligi haqidagi xabarnoma davlat xizmatlari markaziga (oʻzi kelib murojaat qilgan taqdirda) yoki ariza beruvchiga (elektron shaklda murojaat qilgan taqdirda) Tizim orqali elektron shaklda yuboriladi.

Ariza beruvchi mazkur bandning birinchi xatboshisida koʻrsatilgan muddatda toʻlovni amalga oshirmaganda, vakolatli organ buyurtma qilingan firma nomi band qilinishini bekor qiladi.

11. Davlat xizmatlari markazi xabarnoma kelib tushgandan soʻng 10 daqiqa mobaynida uni ariza beruvchining elektron manziliga yuboradi va ariza beruvchini bu haqda axborot-kommunikatsiya tizimi orqali xabardor qiladi.

3-bob. Yakunlovchi qoidalar

12. Davlat xizmatlari markazlari va vakolatli organ oʻz faoliyatini amalga oshirishi natijasida olingan maʼlumotlar sir saqlanishini taʼminlaydi.

13. Ariza beruvchilar vakolatli organlar xodimlarining xatti-harakatlari ustidan qonunchilikda belgilangan tartibda shikoyat qilishlari mumkin.

14. Ushbu Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Firma nomlarini band qilish uchun buyurtma berish boʻyicha davlat xizmatini koʻrsatishning maʼmuriy reglamentiga 1-ILOVA

Firma nomlarini band qilish uchun buyurtma berish boʻyicha davlat xizmatini koʻrsatishning

Bosqichlar Subyektlar Tadbirlar Bajarish muddatlari 1-bosqich Ariza beruvchi Davlat xizmatlari markaziga murojaat qiladi yoki Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimida (keyingi oʻrinlarda — Tizim) roʻyxatdan oʻtadi. Xohishiga koʻra 2-bosqich Vakolatli organ 1. Taqdim etilgan hujjatlarning Reglament talablariga muvofiqligini tekshiradi. 2. Firma nomini band qiladi. 3. Taqdim etilgan hujjatlar Reglament talablariga nomuvofiq boʻlganda firma nomini band qilishni rad etadi va bu haqda ariza beruvchini xabardor qiladi. Ikki ish kuni davomida 3-bosqich Ariza beruvchi Yigʻim miqdori koʻrsatilgan xabarnoma (invoys)da belgilangan toʻlovni amalga oshiradi. Oʻn kun ichida 4-bosqich Vakolatli organ Buyurtma qilingan firma nomi band qilinganligi haqidagi xabarnomani ariza beruvchiga yuboradi. Bir ish soati davomida

Firma nomlarini band qilish uchun buyurtma berish boʻyicha davlat xizmatini koʻrsatishning maʼmuriy reglamentiga 2-ILOVA

Firma nomlarini band qilish uchun buyurtma berish boʻyicha

I. Ariza beruvchi — jismoniy shaxs toʻgʻrisida maʼlumot: 1. F.I.O.: 2. JSHSHIR: II. Ariza beruvchi — yuridik shaxs toʻgʻrisida maʼlumot: 1. STIR: III. Ariza beruvchining vakili toʻgʻrisida maʼlumot: 1. F.I.O.: 2. JSHSHIR: 3. Vakilning ariza beruvchiga aloqadorligi: IV. Firma nomi toʻgʻrisida maʼlumot: Buyurtma qilingan firma nomining toʻliq nomi:

Vazirlar Mahkamasining 2025-yil 6-fevraldagi 65-son qaroriga 3-ILOVA

Vazirlar Mahkamasining 2017-yil 9-fevraldagi 66-son qarori bilan tasdiqlangan Tadbirkorlik subyektlarini davlat roʻyxatidan oʻtkazish tartibi toʻgʻrisidagi nizomning 11-bandiga kiritilayotgan oʻzgartish va qoʻshimchalar

11-bandda :

quyidagi mazmundagi toʻrtinchi va beshinchi xatboshilar bilan toʻldirilsin:

“Ariza beruvchi mazkur bandning uchinchi xatboshisida nazarda tutilgan muddat tugaganidan soʻng qoʻshimcha ravishda bir marotaba oʻn ikki oydan oshmagan muddatga bazaviy hisoblash miqdorining bir baravari miqdorida toʻlov toʻlagan holda, firma nomini saqlash muddatini uzaytirish huquqiga ega.

Firma nomini saqlash uchun undirilgan toʻlov summasi Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga oʻtkaziladi”;

toʻrtinchi va beshinchi xatboshilar tegishlicha oltinchi va yettinchi xatboshilar deb hisoblansin.

Vazirlar Mahkamasining 2025-yil 6-fevraldagi 65-son qaroriga 4-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan qarorlari

1. Vazirlar Mahkamasining “Yuridik shaxslarning nomlari va ramzlarida davlatning rasmiy nomidan foydalanishni tartibga solish chora-tadbirlari toʻgʻrisida” 2014-yil 11-oktabrdagi 286-son qarori .

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Iqtisodiyotda xususiy mulkning ulushi va ahamiyatini oshirish chora-tadbirlari toʻgʻrisida” 2015-yil 28-apreldagi PQ-2340-son qarori)” 2017-yil 13-noyabrdagi 907-son qaroriga 1-ilovaning 6-bandi .

Oʻzbekiston Respublikasining Bosh vaziri A. ARIPOV

Toshkent sh.,

2025-yil 6-fevral,

65-son

(Qonunchilik maʼlumotlari milliy bazasi, 13.02.2025-y., 09/25/65/0139-son)

lex.uz