📅 2025-yil 14-fevral · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 14 февраль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 14 февраля 2025 г. · Указы Президента
Официальный текст. Официальный документ. Редакционные примечания не включены.
📅 14 February 2025 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
РЎЙХАТИ
Ўзбекистон Республикаси Қуролли Кучларининг ҳарбий низомларини тасдиқлаш тўғрисида
[Кўчирма]
Янги Ўзбекистонни барпо этиш борасида амалга оширилаётган кенг кўламли ислоҳотлар доирасида Ўзбекистон Республикаси Қуролли Кучлари фаолиятини ташкил этишнинг ҳуқуқий асослари ҳам тубдан қайта кўриб чиқилмоқда.
Таъкидлаш жоизки, янги таҳрирда қабул қилинган Ўзбекистон Республикаси Конституцияси келгусида Қуролли Кучлар таркибига кирадиган вазирлик ва идоралар ҳамда уларнинг тизимида ҳарбий хизматни ўтаб келаётган ҳарбий хизматчиларнинг кундалик жанговар-хизмат фаолиятини ташкил этиш ҳамда амалга ошириш учун мустаҳкам ҳуқуқий пойдевор бўлиб хизмат қилади.
Ўзбекистон Республикаси Қуролли Кучларида ҳарбий хизматни ўташ масалаларини янада такомиллаштириш, ҳарбий хизматчиларнинг ҳарбий хизмат мажбуриятларини бажариш вақтидаги ҳуқуқ ва мажбуриятларини, ички, гарнизон ва қоровуллик хизматларини ташкил этиш бўйича тартиб ва қоидаларни белгилаш, шунингдек, ҳарбий интизом ва ҳуқуқ-тартиботни мустаҳкамлаш мақсадида:
1. Қуйидагилар:
ҳарбий хизматчиларнинг ҳуқуқлари, мажбуриятлари, жавобгарлиги ва ҳуқуқий муҳофазасининг кафолатларини, улар ўртасидаги ўзаро муносабатларни, уларни жойлаштиришни, ҳарбий хизматни ўташ даврида вақтнинг тақсимланиши ва кундалик тартибни, жанговар навбатчиликни (навбатчиликни) ва суткалик наряд хизматини ташкил этишни, техникалардан фойдаланиш даврида ички хизматнинг хусусиятларини назарда тутувчи Ўзбекистон Республикаси Қуролли Кучларининг Ички хизмат низоми 1-иловага * мувофиқ;
ҳарбий интизомнинг моҳиятини, унга риоя қилиш бўйича ҳарбий хизматчиларнинг мажбуриятларини, ҳарбий хизматчиларни рағбатлантириш ва интизомий таъзир турларини, рағбатлантириш ва интизомий таъзирларни қўллашни, ҳарбий хизматчиларнинг мурожаатларини кўриб чиқиш тартибини назарда тутувчи Ўзбекистон Республикаси Қуролли Кучларининг Интизом низоми 2-иловага * мувофиқ;
гарнизоннинг мансабдор шахслари ва уларнинг мажбуриятларини, гарнизон наряди, гарнизон ҳарбий комендатураси ва ҳарбий автомобиль инспекцияси фаолиятини ташкил этишни, қўшинлар иштирокида гарнизон тадбирларини ўтказишни, қоровуллик хизматини ташкил этиш ва қоровулларни тайёрлашни назарда тутувчи Ўзбекистон Республикаси Қуролли Кучларининг Гарнизон ва қоровуллик хизматлари низоми 3-иловага * мувофиқ тасдиқлансин.
2. Белгилаб қўйилсинки:
Ўзбекистон Республикаси Қуролли Кучларининг ҳарбий низомлари Ўзбекистон Республикаси Қуролли Кучларининг оддий аскарлар, сержантлар ва офицерлар таркибидаги ҳарбий хизматчилари, ҳарбий хизматни ўташ назарда тутилган вазирликлар ва идораларнинг оддий аскарлар, сержантлар ва офицерлар таркиби лавозимларидаги ҳарбий хизматчилари, шунингдек, ҳарбий йиғинларни ўташ даврида ва ҳарбий кийим-кечакни кийиб юриш ҳуқуқи билан ҳарбий хизматдан бўшатилган Қуролли Кучлар резервида (захирасида, истеъфода) турган фуқароларга нисбатан татбиқ этилади;
ҳарбий йиғинларни ўташ, ҳарбий кийим-кечакда юриш қоидаларини белгилаш, шунингдек, ҳарбий хизматчиларни ҳарбий лавозимларга тайинлаш, ҳарбий лавозимлардан озод этиш, ҳарбий хизматдан Қуролли Кучлар резервига (захирасига) бўшатиш ҳамда истеъфога чиқариш умумий ҳарбий мажбуриятни бажаришни ва ҳарбий хизматни ўташни тартибга солувчи қонунчилик ҳужжатларига мувофиқ амалга оширилади;
ҳарбий хизматчиларнинг одоб-ахлоқ ва хулқ-атвор қоидалари Ўзбекистон Республикаси Қуролли Кучларининг ҳарбий низомлари билан белгиланади.
3. Ўзбекистон Республикаси Президентининг айрим қарорларига 4-иловага мувофиқ ўзгартиришлар киритилсин.
4. Ўзбекистон Республикаси Президентининг айрим фармонлари 5-иловага мувофиқ ўз кучини йўқотган деб ҳисоблансин.
5. Ўзбекистон Республикаси Мудофаа вазирлиги, Ички ишлар вазирлиги, Фавқулодда вазиятлар вазирлиги, Миллий гвардия ва Давлат хавфсизлик хизмати бошқа манфаатдор вазирликлар ва идоралар билан биргаликда уч ой муддатда Ўзбекистон Республикаси Қуролли Кучларининг Саф низомини тасдиқласин.
6. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президентининг 2025 йил 14 февралдаги ПФ-23-сон Фармонига 4-ИЛОВА
Ўзбекистон Республикаси Президентининг айрим қарорларига киритилаётган ўзгартиришлар
1. Ўзбекистон Республикаси Президентининг 2019 йил 28 февралдаги ПҚ-4217-сон қарори билан тасдиқланган Ҳарбий бўлинмаларни давлат мукофотлари билан тақдирлаш тартиби тўғрисидаги низомда :
15 — 17-бандлар қуйидаги таҳрирда баён этилсин:
«15. Давлат мукофотлари билан тақдирланган ҳарбий бўлинмалар ўз номланишларида улар тақдирланган давлат мукофотларининг номларидан фойдаланиш ҳуқуқига эга.
Вазирликнинг байроғига ушбу ҳарбий бўлинма тақдирланган орден ва медаллар ҳамда ана шу давлат мукофотларининг ленталари қадаб кўйилади.
Вазирликнинг байроғига қадаб қўйиладиган давлат мукофоти лентасининг эни 10 см, лентанинг бант билан биргаликдаги узунлиги — 260 см, попук (бубон)лар — 20 см дан, бантнинг узунлиги — 25 см.
16. Ҳарбий бўлинма тақдирланган орден ва медаллар Ўзбекистон Республикасининг «Давлат мукофотлари тўғрисида»ги Қонунида белгиланган кетма-кетликда вазирлик байроғининг олд томонига қадалади. Биринчи давлат мукофоти байроқ матосининг юқори чеккасидан 10 см пастда, дастасидан 4 см масофада қадалади, қолган давлат мукофотлари даста бўйлаб юқоридан пастга бирин-кетин 5 см оралиғида қадалади. Давлат мукофотларини вазирлик байроғига қадаш учун матога орден ёки медаль ўлчами бўйича махсус ипак астарлар тикилади.
Ҳарбий бўлинма тақдирланган орден ва медалларнинг ленталари вазирлик байроғининг металл учига қадаб қўйилади.
17. Ҳарбий бўлинма тақдирланган орден ва медаллар тинчлик ва уруш даврининг барча шароитларида вазирлик байроғи билан бирга сақланади.
Давлат мукофотлари ва уларнинг гувоҳномалари ҳарбий бўлинмаларда белгиланган тартибда сақланади.
Вазирлик байроғининг матосини таъмирлаш зарурати туғилганида орден ва медаллар вақтинчалик ҳарбий бўлинма штабининг махфий-режим органига топширилади».
2. Ўзбекистон Республикаси Президентининг 2021 йил 30 ноябрдаги «Ўзбекистон Республикаси Мудофаа вазирлиги қўшинларида «Амир Темур жанговар байроғи учун» мусобақасини ташкил этиш чора-тадбирлари тўғрисида»ги ПҚ-24-сон қарори 4-бандининг иккинчи хатбошисидаги «Қуролли Кучларининг умумҳарбий низомлари» сўзлари «Мудофаа вазирлигининг ички идоравий ҳужжатлари» сўзлари билан алмаштирилсин.
Ўзбекистон Республикаси Президентининг 2025 йил 14 февралдаги ПФ-23-сон Фармонига 5-ИЛОВА
Ўзбекистон Республикаси Президентининг ўз кучини йўқотган деб ҳисобланаётган айрим фармонлари
1. Ўзбекистон Республикаси Президентининг 1993 йил 22 ноябрдаги «Ўзбекистон Республикаси Қуролли Кучлари ҳарбий қисмининг Жанговар Байроғи тўғрисида»ги ПФ-690-сон Фармони .
2. Ўзбекистон Республикаси Президентининг 1996 йил 9 октябрдаги «Ўзбекистон Республикаси Қуролли Кучларининг умумҳарбий низомларини тасдиқлаш тўғрисида»ги ПФ-1571-сон Фармони .
3. Ўзбекистон Республикаси Президентининг 2018 йил 5 июндаги «Ўзбекистон Республикаси Президентининг айрим ҳужжатларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида»ги ПФ-5456-сон Фармони 1-иловаси 5-банди .
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 14 февраль,
ПФ-23-сон
Oʻzbekiston Respublikasi Prezidentining
Farmoni
ROʻYXATI
Oʻzbekiston Respublikasi Qurolli Kuchlarining harbiy nizomlarini tasdiqlash toʻgʻrisida
[Koʻchirma]
Yangi Oʻzbekistonni barpo etish borasida amalga oshirilayotgan keng koʻlamli islohotlar doirasida Oʻzbekiston Respublikasi Qurolli Kuchlari faoliyatini tashkil etishning huquqiy asoslari ham tubdan qayta koʻrib chiqilmoqda.
Taʼkidlash joizki, yangi tahrirda qabul qilingan Oʻzbekiston Respublikasi Konstitutsiyasi kelgusida Qurolli Kuchlar tarkibiga kiradigan vazirlik va idoralar hamda ularning tizimida harbiy xizmatni oʻtab kelayotgan harbiy xizmatchilarning kundalik jangovar-xizmat faoliyatini tashkil etish hamda amalga oshirish uchun mustahkam huquqiy poydevor boʻlib xizmat qiladi.
Oʻzbekiston Respublikasi Qurolli Kuchlarida harbiy xizmatni oʻtash masalalarini yanada takomillashtirish, harbiy xizmatchilarning harbiy xizmat majburiyatlarini bajarish vaqtidagi huquq va majburiyatlarini, ichki, garnizon va qorovullik xizmatlarini tashkil etish boʻyicha tartib va qoidalarni belgilash, shuningdek, harbiy intizom va huquq-tartibotni mustahkamlash maqsadida:
1. Quyidagilar:
harbiy xizmatchilarning huquqlari, majburiyatlari, javobgarligi va huquqiy muhofazasining kafolatlarini, ular oʻrtasidagi oʻzaro munosabatlarni, ularni joylashtirishni, harbiy xizmatni oʻtash davrida vaqtning taqsimlanishi va kundalik tartibni, jangovar navbatchilikni (navbatchilikni) va sutkalik naryad xizmatini tashkil etishni, texnikalardan foydalanish davrida ichki xizmatning xususiyatlarini nazarda tutuvchi Oʻzbekiston Respublikasi Qurolli Kuchlarining Ichki xizmat nizomi 1-ilovaga * muvofiq;
harbiy intizomning mohiyatini, unga rioya qilish boʻyicha harbiy xizmatchilarning majburiyatlarini, harbiy xizmatchilarni ragʻbatlantirish va intizomiy taʼzir turlarini, ragʻbatlantirish va intizomiy taʼzirlarni qoʻllashni, harbiy xizmatchilarning murojaatlarini koʻrib chiqish tartibini nazarda tutuvchi Oʻzbekiston Respublikasi Qurolli Kuchlarining Intizom nizomi 2-ilovaga * muvofiq;
garnizonning mansabdor shaxslari va ularning majburiyatlarini, garnizon naryadi, garnizon harbiy komendaturasi va harbiy avtomobil inspeksiyasi faoliyatini tashkil etishni, qoʻshinlar ishtirokida garnizon tadbirlarini oʻtkazishni, qorovullik xizmatini tashkil etish va qorovullarni tayyorlashni nazarda tutuvchi Oʻzbekiston Respublikasi Qurolli Kuchlarining Garnizon va qorovullik xizmatlari nizomi 3-ilovaga * muvofiq tasdiqlansin.
2. Belgilab qoʻyilsinki:
Oʻzbekiston Respublikasi Qurolli Kuchlarining harbiy nizomlari Oʻzbekiston Respublikasi Qurolli Kuchlarining oddiy askarlar, serjantlar va ofitserlar tarkibidagi harbiy xizmatchilari, harbiy xizmatni oʻtash nazarda tutilgan vazirliklar va idoralarning oddiy askarlar, serjantlar va ofitserlar tarkibi lavozimlaridagi harbiy xizmatchilari, shuningdek, harbiy yigʻinlarni oʻtash davrida va harbiy kiyim-kechakni kiyib yurish huquqi bilan harbiy xizmatdan boʻshatilgan Qurolli Kuchlar rezervida (zaxirasida, isteʼfoda) turgan fuqarolarga nisbatan tatbiq etiladi;
harbiy yigʻinlarni oʻtash, harbiy kiyim-kechakda yurish qoidalarini belgilash, shuningdek, harbiy xizmatchilarni harbiy lavozimlarga tayinlash, harbiy lavozimlardan ozod etish, harbiy xizmatdan Qurolli Kuchlar rezerviga (zaxirasiga) boʻshatish hamda isteʼfoga chiqarish umumiy harbiy majburiyatni bajarishni va harbiy xizmatni oʻtashni tartibga soluvchi qonunchilik hujjatlariga muvofiq amalga oshiriladi;
harbiy xizmatchilarning odob-axloq va xulq-atvor qoidalari Oʻzbekiston Respublikasi Qurolli Kuchlarining harbiy nizomlari bilan belgilanadi.
3. Oʻzbekiston Respublikasi Prezidentining ayrim qarorlariga 4-ilovaga muvofiq oʻzgartirishlar kiritilsin.
4. Oʻzbekiston Respublikasi Prezidentining ayrim farmonlari 5-ilovaga muvofiq oʻz kuchini yoʻqotgan deb hisoblansin.
5. Oʻzbekiston Respublikasi Mudofaa vazirligi, Ichki ishlar vazirligi, Favqulodda vaziyatlar vazirligi, Milliy gvardiya va Davlat xavfsizlik xizmati boshqa manfaatdor vazirliklar va idoralar bilan birgalikda uch oy muddatda Oʻzbekiston Respublikasi Qurolli Kuchlarining Saf nizomini tasdiqlasin.
6. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidentining 2025-yil 14-fevraldagi PF-23-son Farmoniga 4-ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar
1. Oʻzbekiston Respublikasi Prezidentining 2019-yil 28-fevraldagi PQ-4217-son qarori bilan tasdiqlangan Harbiy boʻlinmalarni davlat mukofotlari bilan taqdirlash tartibi toʻgʻrisidagi nizomda :
15 — 17-bandlar quyidagi tahrirda bayon etilsin:
“15. Davlat mukofotlari bilan taqdirlangan harbiy boʻlinmalar oʻz nomlanishlarida ular taqdirlangan davlat mukofotlarining nomlaridan foydalanish huquqiga ega.
Vazirlikning bayrogʻiga ushbu harbiy boʻlinma taqdirlangan orden va medallar hamda ana shu davlat mukofotlarining lentalari qadab koʻyiladi.
Vazirlikning bayrogʻiga qadab qoʻyiladigan davlat mukofoti lentasining eni 10 sm, lentaning bant bilan birgalikdagi uzunligi — 260 sm, popuk (bubon)lar — 20 sm dan, bantning uzunligi — 25 sm.
16. Harbiy boʻlinma taqdirlangan orden va medallar Oʻzbekiston Respublikasining “Davlat mukofotlari toʻgʻrisida”gi Qonunida belgilangan ketma-ketlikda vazirlik bayrogʻining old tomoniga qadaladi. Birinchi davlat mukofoti bayroq matosining yuqori chekkasidan 10 sm pastda, dastasidan 4 sm masofada qadaladi, qolgan davlat mukofotlari dasta boʻylab yuqoridan pastga birin-ketin 5 sm oraligʻida qadaladi. Davlat mukofotlarini vazirlik bayrogʻiga qadash uchun matoga orden yoki medal oʻlchami boʻyicha maxsus ipak astarlar tikiladi.
Harbiy boʻlinma taqdirlangan orden va medallarning lentalari vazirlik bayrogʻining metall uchiga qadab qoʻyiladi.
17. Harbiy boʻlinma taqdirlangan orden va medallar tinchlik va urush davrining barcha sharoitlarida vazirlik bayrogʻi bilan birga saqlanadi.
Davlat mukofotlari va ularning guvohnomalari harbiy boʻlinmalarda belgilangan tartibda saqlanadi.
Vazirlik bayrogʻining matosini taʼmirlash zarurati tugʻilganida orden va medallar vaqtinchalik harbiy boʻlinma shtabining maxfiy-rejim organiga topshiriladi”.
2. Oʻzbekiston Respublikasi Prezidentining 2021-yil 30-noyabrdagi “Oʻzbekiston Respublikasi Mudofaa vazirligi qoʻshinlarida “Amir Temur jangovar bayrogʻi uchun” musobaqasini tashkil etish chora-tadbirlari toʻgʻrisida”gi PQ-24-son qarori 4-bandining ikkinchi xatboshisidagi “Qurolli Kuchlarining umumharbiy nizomlari” soʻzlari “Mudofaa vazirligining ichki idoraviy hujjatlari” soʻzlari bilan almashtirilsin.
Oʻzbekiston Respublikasi Prezidentining 2025-yil 14-fevraldagi PF-23-son Farmoniga 5-ILOVA
Oʻzbekiston Respublikasi Prezidentining oʻz kuchini yoʻqotgan deb hisoblanayotgan ayrim farmonlari
1. Oʻzbekiston Respublikasi Prezidentining 1993-yil 22-noyabrdagi “Oʻzbekiston Respublikasi Qurolli Kuchlari harbiy qismining Jangovar Bayrogʻi toʻgʻrisida”gi PF-690-son Farmoni .
2. Oʻzbekiston Respublikasi Prezidentining 1996-yil 9-oktabrdagi “Oʻzbekiston Respublikasi Qurolli Kuchlarining umumharbiy nizomlarini tasdiqlash toʻgʻrisida”gi PF-1571-son Farmoni .
3. Oʻzbekiston Respublikasi Prezidentining 2018-yil 5-iyundagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-5456-son Farmoni 1-ilovasi 5-bandi .
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 14-fevral,
PF-23-son
Президента Республики Узбекистан
Указ
ПЕРЕЧЕНЬ
Об утверждении воинских уставов Вооруженных Сил Республики Узбекистан
[Извлечение]
В рамках широкомасштабных реформ, осуществляемых на пути построения Нового Узбекистана, кардинально пересматриваются также правовые основы организации деятельности Вооруженных Сил Республики Узбекистан.
Следует отметить, что принятая в новой редакции Конституция Республики Узбекистан будет служить в будущем прочным правовым фундаментом для организации и осуществления повседневной служебно-боевой деятельности военнослужащих, проходящих военную службу в министерствах и ведомствах, входящих в состав Вооруженных Сил, а также в их системе.
В целях дальнейшего совершенствования вопросов прохождения военной службы в Вооруженных Силах Республики Узбекистан, определения прав и обязанностей военнослужащих во время выполнения обязанностей военной службы, порядка и правил по организации внутренней, гарнизонной и караульной служб, а также укрепления воинской дисциплины и правопорядка:
1. Утвердить:
Устав внутренней службы Вооруженных Сил Республики Узбекистан, предусматривающий гарантии прав, обязанностей, ответственности и правовой защиты военнослужащих, взаимные отношения между ними, их размещение, порядок распределения времени в период прохождения военной службы и распорядок дня, организацию боевого дежурства (дежурства) и службы суточного наряда, особенности внутренней службы в период эксплуатации техники, согласно приложению № 1 * ;
Дисциплинарный устав Вооруженных Сил Республики Узбекистан, предусматривающий суть воинской дисциплины, обязанности военнослужащих по ее соблюдению, виды поощрений и дисциплинарных взысканий военнослужащих, применение поощрений и дисциплинарных взысканий, порядок рассмотрения обращений военнослужащих, согласно приложению № 2 * ;
Устав гарнизонной и караульной служб Вооруженных Сил Республики Узбекистан, предусматривающий должностных лиц гарнизона и их обязанности, организацию деятельности гарнизонного наряда, гарнизонной военной комендатуры и военной автомобильной инспекции, проведение гарнизонных мероприятий с участием войск, организацию караульной службы и подготовки караулов, согласно приложению № 3 * .
2. Установить, что:
воинские уставы Вооруженных Сил Республики Узбекистан распространяются на военнослужащих рядового, сержантского и офицерского составов Вооруженных Сил Республики Узбекистан, министерств и ведомств, где предусмотрено прохождение военной службы на должностях рядового, сержантского и офицерского составов, а также на граждан, состоящих в резерве (запасе, отставке) Вооруженных Сил, при прохождении ими военных сборов и уволенных с военной службы с правом ношения военной формы одежды;
прохождение военных сборов, определение правил ношения военной формы одежды, а также назначение военнослужащих на воинские должности, освобождение от воинских должностей, увольнение с военной службы в резерв (запас) Вооруженных Сил, а также перевод в отставку осуществляются в соответствии с актами законодательства, регулирующими выполнение всеобщей воинской обязанности и прохождение военной службы;
правила этики и поведения военнослужащих определяются воинскими уставами Вооруженных Сил Республики Узбекистан.
3. Внести изменения в некоторые постановления Президента Республики Узбекистан согласно приложению № 4 .
4. Признать утратившими силу некоторые указы Президента Республики Узбекистан согласно приложению № 5 .
5. Министерству обороны, Министерству внутренних дел, Министерству по чрезвычайным ситуациям, Национальной гвардии и Службе государственной безопасности Республики Узбекистан совместно с другими заинтересованными министерствами и ведомствами в трехмесячный срок утвердить Строевой устав Вооруженных Сил Республики Узбекистан.
6. Контроль за исполнением настоящего Указа возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
ПРИЛОЖЕНИЕ № 4 к Указу Президента Республики Узбекистан от 14 февраля 2025 года № УП-23
Изменения, вносимые в некоторые постановления Президента Республики Узбекистан
1. В Положении о порядке награждения воинских подразделений государственными наградами, утвержденном постановлением Президента Республики Узбекистан от 28 февраля 2019 года № ПП-4217:
пункты 15 — 17 изложить в следующей редакции:
«15. Воинские подразделения, награжденные государственными наградами, имеют право использовать в своих наименованиях названия государственных наград, которыми они были награждены.
К флагу министерства прикрепляются ордена и медали, которыми данное воинское подразделение было награждено, и ленты этих государственных наград.
Ширина ленты государственной награды, прикрепляемой к флагу министерства, составляет 10 см, длина ленты с бантом — 260 см, кистей (бубонов) — по 20 см, размер банта по длине — 25 см.
16. Ордена и медали, которыми награждено воинское подразделение, прикрепляются к лицевой стороне флага министерства в последовательности, определенной Законом Республики Узбекистан «О государственных наградах». Первая государственная награда прикрепляется на расстоянии 10 см снизу от верхнего края полотнища и 4 см от древка, остальные государственные награды прикрепляются вдоль древка сверху вниз на расстоянии 5 см один от другого. Для прикрепления государственных наград к флагу министерства на полотнище нашиваются специальные шелковые подкладки по размеру ордена или медали.
Ленты к орденам и медалям, которыми награждено воинское подразделение, навешиваются на металлический наконечник флага министерства.
17. Ордена и медали, которыми награждено воинское подразделение, хранятся с флагом министерства при всех условиях мирного и военного времени.
Хранение государственных наград и удостоверений к ним осуществляется в воинских подразделениях в установленном порядке.
В случае необходимости ремонта полотнища флага министерства ордена и медали на время ремонта временно сдаются в режимно-секретный орган штаба воинского подразделения».
2. В абзаце втором пункта 4 постановления Президента Республики Узбекистан от 30 ноября 2021 года № ПП-24 «О мерах по организации в войсках Министерства обороны Республики Узбекистан соревнования «За боевое знамя Амира Темура» слова «общевоинских уставов Вооруженных Сил» заменить словами «внутриведомственных актов Министерства обороны».
ПРИЛОЖЕНИЕ № 5 к Указу Президента Республики Узбекистан от 14 февраля 2025 года № УП-23
некоторых указов Президента Республики Узбекистан, признаваемых утратившими силу
1. Указ Президента Республики Узбекистан от 22 ноября 1993 года № УП-690 «О Боевом Знамени воинской части Вооруженных Сил Республики Узбекистан».
2. Указ Президента Республики Узбекистан от 9 октября 1996 года № УП-1571 «Об утверждении общевоинских уставов Вооруженных Сил Республики Узбекистан».
3. Пункт 5 приложения № 1 к Указу Президента Республики Узбекистан от 5 июня 2018 года № УП-5456 «О внесении изменений и дополнений, а также признании утратившими силу некоторых актов Президента Республики Узбекистан».
Президент Республики Узбекистан Ш. МИРЗИЁЕВ
г. Ташкент,
14 февраля 2025 г.,
№ УП-23