📅 2025-yil 14-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 14 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 февраля 2025 г. · Постановления Президента
Официальный текст. Официальный документ. Редакционные примечания не включены.
📅 14 February 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
РЎЙХАТИ
ТАҚСИМОТИ
Олий таълим ташкилотлари битирувчиларининг ишга жойлашишига кўмаклашиш бўйича қўшимча чора-тадбирлар тўғрисида
Ёшларнинг бандлигини таъминлаш, олий таълим ташкилотлари битирувчиларининг меҳнат бозорига интеграциясини кучайтириш, хусусий сектор ва тижорат банклари иштирокида кадрлар тайёрлаш жараёнини такомиллаштириш мақсадида:
1. Олий таълим, фан ва инновациялар вазирлиги ва «Ўзмиллийбанк» АЖнинг олий таълим ташкилотларининг битирувчиларининг ишга жойлаштиришига кўмаклашишга қаратилган қуйидагиларни назарда тутувчи «Келажакка қадам» дастурини (кейинги ўринларда — Дастур) амалга ошириш тўғрисидаги таклифига розилик берилсин:
а) ўз бизнес ғояларини амалга ошириш истаги бўлган олий таълим ташкилотларининг битирувчи босқич талабалари ва олийгоҳни тамомлаганига 3 йилдан ошмаган битирувчилар учун 1-иловага мувофиқ Дастурда иштирок этувчи тижорат банклари (кейинги ўринларда — ваколатли банклар) томонидан бизнес ғояни тайёр лойиҳагача олиб бориш жараёнида тўлиқ ҳамроҳлик қилиш, шу жумладан қулай шартларда молиялаштириш;
б) олий таълим ташкилотларининг битирувчи босқич талабалари ўртасида соҳалар бўйича очиқ танловлар ўтказиш ва ғолибларни иш билан таъминлашга кўмаклашиш. Бунда:
салоҳиятли иш берувчи ташкилотлар, шу жумладан йирик корхоналарнинг олий маълумотли мутахассисларга эҳтиёжини аниқлаш ва мутахассисларга қўйиладиган талабларни шакллантириш амалиёти йўлга қўйилади;
танлов ғолибларини салоҳиятли иш берувчи ташкилотлар буюртмасига кўра индивидуал касбий таълим дастурлари асосида касбга дастлабки тайёрлаш тадбирлари молиялаштирилади;
индивидуал касбий таълим дастурларида ишлаб чиқариш объектларида амалиёт ўташ ва чет элдаги олий таълим ташкилотларида қисқа муддатли ўқув курсларида қатнашиш имконияти яратилади.
2. Белгилансинки:
Дастур «Ўзмиллийбанк» АЖ томонидан ҳудудларда, шу жумладан аутсорсинг асосида ташкил этиладиган «Келажакка қадам» марказлари (кейинги ўринларда — Марказлар) орқали амалга оширилади;
барча олий таълим ташкилотлари Дастур иштирокчилари ҳисобланади ва талабаларни ишга жойлашга кўмаклашиш бўйича Марказлар билан ҳамкорлик келишувларини тузади.
3. Дастурни амалга ошириш мақсадида ваколатли банкларга Тикланиш ва тараққиёт жамғармасидан:
80 миллион АҚШ доллари эквиваленти миқдорида 10 йилга, шу жумладан 3 йиллик имтиёзли даври билан Марказий банкнинг асосий ставкасига тенг фоизда;
20 миллион АҚШ доллари эквиваленти миқдорида битирувчи босқич талабаларининг ўқув жараёнида корхона (ташкилот)да амалиёт (кейинги ўринларда — амалиёт) ўташ харажатларини молиялаштириш ҳамда энг яхши стартап ва инновацион лойиҳаларга грант маблағлари тақдим этиш учун беғараз асосда маблағ ажратилсин.
3 1 . Тикланиш ва тараққиёт жамғармасидан ажратиладиган 100 миллион АҚШ доллари эквиваленти миқдоридаги ресурсларнинг ваколатли банклар ўртасидаги тақсимоти 2-иловага мувофиқ тасдиқлансин.
3 2 . Олий таълим ташкилотлари битирувчиларини иш билан таъминлаган тадбиркорлик субъектларига 2 йиллик имтиёзли давр билан 7 йил муддатга 5 миллиард сўмгача йиллик Марказий банк асосий ставкасидан 4 фоизлик пункт юқори ставкада кредитлар (кейинги ўринларда — имтиёзли кредит) ажратиш амалиёти йўлга қўйилсин.
Бунда:
(а) имтиёзли кредит тадбиркорлик субъектларига ҳар бир миллиард сўм қийматгача бўлган маблағ учун камида бир нафар битирувчини ишга қабул қилиш шарти билан ажратилади;
(б) имтиёзли кредит ишлаб чиқариш ва хизмат кўрсатиш соҳасидаги лойиҳаларга асосий воситалар сотиб олиш ҳамда айланма маблағларни тўлдириш учун ажратилади;
(в) тадбиркорлик субъекти унинг имтиёзли кредит олишига сабаб бўлган битирувчи(лар) ўртасида икки йил давомида меҳнат шартномаси бекор бўлган тақдирда, кредит фоизи меҳнат шартномаси бекор бўлган санадан тижорат ставкасига ўзгартирилади, бундан ушбу ходим(лар) ўрнига бир ой муддатда бошқа битирувчи(лар)ни ишга қабул қилинган ҳоллар мустасно.
3 3 . Амалиёт ўташ харажатларини молиялаштириш ҳамда энг яхши стартап ва инновацион лойиҳаларга грант маблағлари тақдим этишда шундай тартиб ўрнатилсинки, унга мувофиқ:
(а) ваколатли банклар томонидан тегишли миқдордаги маблағларни олий таълим ташкилотларига ўтказиш учун олий таълим ташкилоти, иш берувчи ва талаба ўртасида тузиладиган уч томонлама шартнома (кейинги ўринларда — шартнома) асос бўлади, индивидуал касбий таълим дастури шартномага илова қилинади;
(б) шартномада томонларнинг битирувчини ишга жойлаштириш бўйича аниқ мажбуриятлари ва мазкур мажбуриятларни бажармаганлик учун жавобгарлик чоралари белгиланади;
(в) олий таълим ташкилоти томонидан талабанинг амалиёти муддатига мос равишда ҳар бир ой учун базавий ҳисоблаш миқдорининг ўн баравари миқдоригача тўловлар амалга оширилади;
(г) заруратга кўра, иш берувчининг буюртмасига мувофиқ талабанинг чет элдаги олий таълим ташкилоти ҳамда корхоналарда қисқа муддатли курсларга қатнашиш харажатлари учун базавий ҳисоблаш миқдорининг эллик баравари миқдорида тўловлар амалга оширилади;
(д) Олий таълим, фан ва инновациялар вазирлиги, Инновацион ривожланиш агентлиги ваколатли банклар билан ҳамкорликда битирувчилар ўртасида энг яхши стартап ва инновацион лойиҳалар танлови ташкил этилади ҳамда танлов ғолибларига камида икки нафар битирувчини ишга олиш мажбурияти билан бир миллиард сўмгача грант маблағлари ажратилади.
3 4 . Олий таълим, фан ва инновациялар вазирлиги бир ой муддатда илғор хорижий тажриба асосида олий таълим ташкилотларининг ўқув дастурларига бизнес кўникмаларини шакллантириш бўйича танлов фани киритилишини таъминласин.
3 5 . Камбағалликни қисқартириш ва бандлик вазирлиги олий таълим ташкилотлари битирувчилари бандлигини таъминлашга ҳамда статистик маълумотлар юритилишига масъул этиб белгилансин.
4. 2025 йил 15 ноябрь кунига қадар:
Олий таълим, фан ва инновациялар вазирлиги ваколатли банклар билан биргаликда Дастурни амалга ошириш бўйича услубий қўлланмаларни тасдиқласин;
Марказларга ваколатли банкларнинг масъул ходимлари бириктирилсин;
Олий таълим, фан ва инновациялар вазирлиги Марказларнинг ҳудудий бўлинмалари олий таълим ташкилотларида жойлаштирилишини таъминласин.
5. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 14 февралдаги ПҚ-61-сон қарорига 1-ИЛОВА
«Келажакка қадам» дастурида иштирок этувчи тижорат банклари
1. «Ўзмиллийбанк» АЖ
2. «Ўзсаноатқурилишбанк» АТБ
3. «Асакабанк» АЖ
4. АТ «Халқ банки»
5. «Микрокредитбанк» АТБ
6. «Агробанк» АТБ
7. «Туронбанк» АТБ
8. «Бизнесни ривожлантириш банки» АТБ
Ўзбекистон Республикаси Президентининг 2025 йил 14 февралдаги ПҚ-61-сон қарорига 2-ИЛОВА
Тикланиш ва тараққиёт жамғармаси томонидан олий таълим ташкилотлари битирувчи талабалари бандлигини қўллаб-қувватлаш мақсадида ажратиладиган ресурсларнинг тижорат банклари ўртасидаги
млн. АҚШ долл. экв. Т/р Тижорат банки номи Ажратиладиган ресурс Битирувчилар бандлигини таъминлаш ** (нафар) Жами шу жумладан: кредит линияси беғараз асосда * 1. «Ўзмиллийбанк» АЖ 20 16 4 6 000 2. «Ўзсаноатқурилишбанк» АТБ 12 9,6 2,4 3 600 3. «Асакабанк» АЖ 12 9,6 2,4 3 600 4. АТ «Халқ банки» 12 9,6 2,4 3 600 5. «Микрокредитбанк» АТБ 12 9,6 2,4 3 600 6. «Агробанк» АТБ 12 9,6 2,4 3 600 7. «Туронбанк» АТБ 10 8 2 3 000 8. «Бизнесни ривожлантириш банки» АТБ 10 8 2 3 000 ЖАМИ 100 80 20 30 000
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 14 февраль,
ПҚ-61-сон
Oʻzbekiston Respublikasi Prezidentining
qarori
ROʻYXATI
TAQSIMOTI
Oliy taʼlim tashkilotlari bitiruvchilarining ishga joylashishiga koʻmaklashish boʻyicha qoʻshimcha chora-tadbirlar toʻgʻrisida
Yoshlarning bandligini taʼminlash, oliy taʼlim tashkilotlari bitiruvchilarining mehnat bozoriga integratsiyasini kuchaytirish, xususiy sektor va tijorat banklari ishtirokida kadrlar tayyorlash jarayonini takomillashtirish maqsadida:
1. Oliy taʼlim, fan va innovatsiyalar vazirligi va “Oʻzmilliybank” AJning oliy taʼlim tashkilotlarining bitiruvchilarining ishga joylashtirishiga koʻmaklashishga qaratilgan quyidagilarni nazarda tutuvchi “Kelajakka qadam” dasturini (keyingi oʻrinlarda — Dastur) amalga oshirish toʻgʻrisidagi taklifiga rozilik berilsin:
a) oʻz biznes gʻoyalarini amalga oshirish istagi boʻlgan oliy taʼlim tashkilotlarining bitiruvchi bosqich talabalari va oliygohni tamomlaganiga 3 yildan oshmagan bitiruvchilar uchun 1-ilovaga muvofiq Dasturda ishtirok etuvchi tijorat banklari (keyingi oʻrinlarda — vakolatli banklar) tomonidan biznes gʻoyani tayyor loyihagacha olib borish jarayonida toʻliq hamrohlik qilish, shu jumladan qulay shartlarda moliyalashtirish;
b) oliy taʼlim tashkilotlarining bitiruvchi bosqich talabalari oʻrtasida sohalar boʻyicha ochiq tanlovlar oʻtkazish va gʻoliblarni ish bilan taʼminlashga koʻmaklashish. Bunda:
salohiyatli ish beruvchi tashkilotlar, shu jumladan yirik korxonalarning oliy maʼlumotli mutaxassislarga ehtiyojini aniqlash va mutaxassislarga qoʻyiladigan talablarni shakllantirish amaliyoti yoʻlga qoʻyiladi;
tanlov gʻoliblarini salohiyatli ish beruvchi tashkilotlar buyurtmasiga koʻra individual kasbiy taʼlim dasturlari asosida kasbga dastlabki tayyorlash tadbirlari moliyalashtiriladi;
individual kasbiy taʼlim dasturlarida ishlab chiqarish obyektlarida amaliyot oʻtash va chet eldagi oliy taʼlim tashkilotlarida qisqa muddatli oʻquv kurslarida qatnashish imkoniyati yaratiladi.
2. Belgilansinki:
Dastur “Oʻzmilliybank” AJ tomonidan hududlarda, shu jumladan autsorsing asosida tashkil etiladigan “Kelajakka qadam” markazlari (keyingi oʻrinlarda — Markazlar) orqali amalga oshiriladi;
barcha oliy taʼlim tashkilotlari Dastur ishtirokchilari hisoblanadi va talabalarni ishga joylashga koʻmaklashish boʻyicha Markazlar bilan hamkorlik kelishuvlarini tuzadi.
3. Dasturni amalga oshirish maqsadida vakolatli banklarga Tiklanish va taraqqiyot jamgʻarmasidan:
80 million AQSH dollari ekvivalenti miqdorida 10 yilga, shu jumladan 3 yillik imtiyozli davri bilan Markaziy bankning asosiy stavkasiga teng foizda;
20 million AQSH dollari ekvivalenti miqdorida bitiruvchi bosqich talabalarining oʻquv jarayonida korxona (tashkilot)da amaliyot (keyingi oʻrinlarda — amaliyot) oʻtash xarajatlarini moliyalashtirish hamda eng yaxshi startap va innovatsion loyihalarga grant mablagʻlari taqdim etish uchun begʻaraz asosda mablagʻ ajratilsin.
3 1 . Tiklanish va taraqqiyot jamgʻarmasidan ajratiladigan 100 million AQSH dollari ekvivalenti miqdoridagi resurslarning vakolatli banklar oʻrtasidagi taqsimoti 2-ilovaga muvofiq tasdiqlansin.
3 2 . Oliy taʼlim tashkilotlari bitiruvchilarini ish bilan taʼminlagan tadbirkorlik subyektlariga 2 yillik imtiyozli davr bilan 7 yil muddatga 5 milliard soʻmgacha yillik Markaziy bank asosiy stavkasidan 4 foizlik punkt yuqori stavkada kreditlar (keyingi oʻrinlarda — imtiyozli kredit) ajratish amaliyoti yoʻlga qoʻyilsin.
Bunda:
(a) imtiyozli kredit tadbirkorlik subyektlariga har bir milliard soʻm qiymatgacha boʻlgan mablagʻ uchun kamida bir nafar bitiruvchini ishga qabul qilish sharti bilan ajratiladi;
(b) imtiyozli kredit ishlab chiqarish va xizmat koʻrsatish sohasidagi loyihalarga asosiy vositalar sotib olish hamda aylanma mablagʻlarni toʻldirish uchun ajratiladi;
(v) tadbirkorlik subyekti uning imtiyozli kredit olishiga sabab boʻlgan bitiruvchi(lar) oʻrtasida ikki yil davomida mehnat shartnomasi bekor boʻlgan taqdirda, kredit foizi mehnat shartnomasi bekor boʻlgan sanadan tijorat stavkasiga oʻzgartiriladi, bundan ushbu xodim(lar) oʻrniga bir oy muddatda boshqa bitiruvchi(lar)ni ishga qabul qilingan hollar mustasno.
3 3 . Amaliyot oʻtash xarajatlarini moliyalashtirish hamda eng yaxshi startap va innovatsion loyihalarga grant mablagʻlari taqdim etishda shunday tartib oʻrnatilsinki, unga muvofiq:
(a) vakolatli banklar tomonidan tegishli miqdordagi mablagʻlarni oliy taʼlim tashkilotlariga oʻtkazish uchun oliy taʼlim tashkiloti, ish beruvchi va talaba oʻrtasida tuziladigan uch tomonlama shartnoma (keyingi oʻrinlarda — shartnoma) asos boʻladi, individual kasbiy taʼlim dasturi shartnomaga ilova qilinadi;
(b) shartnomada tomonlarning bitiruvchini ishga joylashtirish boʻyicha aniq majburiyatlari va mazkur majburiyatlarni bajarmaganlik uchun javobgarlik choralari belgilanadi;
(v) oliy taʼlim tashkiloti tomonidan talabaning amaliyoti muddatiga mos ravishda har bir oy uchun bazaviy hisoblash miqdorining oʻn baravari miqdorigacha toʻlovlar amalga oshiriladi;
(g) zaruratga koʻra, ish beruvchining buyurtmasiga muvofiq talabaning chet eldagi oliy taʼlim tashkiloti hamda korxonalarda qisqa muddatli kurslarga qatnashish xarajatlari uchun bazaviy hisoblash miqdorining ellik baravari miqdorida toʻlovlar amalga oshiriladi;
(d) Oliy taʼlim, fan va innovatsiyalar vazirligi, Innovatsion rivojlanish agentligi vakolatli banklar bilan hamkorlikda bitiruvchilar oʻrtasida eng yaxshi startap va innovatsion loyihalar tanlovi tashkil etiladi hamda tanlov gʻoliblariga kamida ikki nafar bitiruvchini ishga olish majburiyati bilan bir milliard soʻmgacha grant mablagʻlari ajratiladi.
3 4 . Oliy taʼlim, fan va innovatsiyalar vazirligi bir oy muddatda ilgʻor xorijiy tajriba asosida oliy taʼlim tashkilotlarining oʻquv dasturlariga biznes koʻnikmalarini shakllantirish boʻyicha tanlov fani kiritilishini taʼminlasin.
3 5 . Kambagʻallikni qisqartirish va bandlik vazirligi oliy taʼlim tashkilotlari bitiruvchilari bandligini taʼminlashga hamda statistik maʼlumotlar yuritilishiga masʼul etib belgilansin.
4. 2025-yil 15-noyabr kuniga qadar:
Oliy taʼlim, fan va innovatsiyalar vazirligi vakolatli banklar bilan birgalikda Dasturni amalga oshirish boʻyicha uslubiy qoʻllanmalarni tasdiqlasin;
Markazlarga vakolatli banklarning masʼul xodimlari biriktirilsin;
Oliy taʼlim, fan va innovatsiyalar vazirligi Markazlarning hududiy boʻlinmalari oliy taʼlim tashkilotlarida joylashtirilishini taʼminlasin.
5. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 14-fevraldagi PQ-61-son qaroriga 1-ILOVA
“Kelajakka qadam” dasturida ishtirok etuvchi tijorat banklari
1. “Oʻzmilliybank” AJ
2. “Oʻzsanoatqurilishbank” ATB
3. “Asakabank” AJ
4. AT “Xalq banki”
5. “Mikrokreditbank” ATB
6. “Agrobank” ATB
7. “Turonbank” ATB
8. “Biznesni rivojlantirish banki” ATB
Oʻzbekiston Respublikasi Prezidentining 2025-yil 14-fevraldagi PQ-61-son qaroriga 2-ILOVA
Tiklanish va taraqqiyot jamgʻarmasi tomonidan oliy taʼlim tashkilotlari bitiruvchi talabalari bandligini qoʻllab-quvvatlash maqsadida ajratiladigan resurslarning tijorat banklari oʻrtasidagi
mln. AQSH doll. ekv. T/r Tijorat banki nomi Ajratiladigan resurs Bitiruvchilar bandligini taʼminlash ** (nafar) Jami shu jumladan: kredit liniyasi begʻaraz asosda * 1. “Oʻzmilliybank” AJ 20 16 4 6 000 2. “Oʻzsanoatqurilishbank” ATB 12 9,6 2,4 3 600 3. “Asakabank” AJ 12 9,6 2,4 3 600 4. AT “Xalq banki” 12 9,6 2,4 3 600 5. “Mikrokreditbank” ATB 12 9,6 2,4 3 600 6. “Agrobank” ATB 12 9,6 2,4 3 600 7. “Turonbank” ATB 10 8 2 3 000 8. “Biznesni rivojlantirish banki” ATB 10 8 2 3 000 JAMI 100 80 20 30 000
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 14-fevral,
PQ-61-son
Президента Республики Узбекистан
Постановление
ПЕРЕЧЕНЬ
РАСПРЕДЕЛЕНИЕ
О дополнительных мерах по содействию трудоустройству выпускников высших образовательных организаций
В целях обеспечения занятости молодежи, усиления интеграции выпускников высших образовательных организаций на рынок труда, совершенствования процесса подготовки кадров с участием частного сектора и коммерческих банков:
1. Согласиться с предложением Министерства высшего образования, науки и инноваций и АО «Узмиллийбанк» о реализации Программы «Келажакка кадам» (далее — Программа), направленной на содействие трудоустройству выпускников высших образовательных организаций, предусматривающей:
а) полное сопровождение, включая финансирование на выгодных условиях, участвующими в Программе коммерческими банками (далее — уполномоченные банки) согласно приложению № 1 к настоящему постановлению процесса от бизнес-идеи до готового проекта студентов выпускного курса высших образовательных организаций, а также выпускников, со дня окончания высшей образовательной организации которыми прошло не более трех лет, изъявивших желание реализовать свои бизнес-идеи;
б) проведение открытых отраслевых конкурсов среди выпускников высших образовательных организаций и содействие обеспечению работой победителей данных конкурсов. При этом:
внедряется практика выявления потребности потенциальных организаций-работодателей, включая крупные предприятия, в специалистах с высшим образованием, формирования предъявляемых к специалистам требований;
осуществляется финансирование мероприятий предварительной подготовки к профессии победителей конкурса согласно заявке потенциальных организаций-работодателей на основе индивидуальных профессиональных образовательных программ;
в индивидуальных профессиональных образовательных программах предусматриваются возможности прохождения практики на производственном объекте и участия на краткосрочных учебных курсах в зарубежных высших образовательных организациях.
2. Определить, что:
Программа реализуется АО «Узмиллийбанк» в регионах, в том числе на основе аутсорсинга, посредством организуемых центров «Келажакка кадам» (далее — Центры);
все высшие образовательные организации являются участниками Программы и заключают с Центрами соглашения о сотрудничестве по содействию трудоустройству студентов.
3. В целях реализации Программы выделить уполномоченным банкам из Фонда реконструкции и развития средства:
в эквиваленте 80 миллионов долларов США на срок 10 лет, включая льготный период 3 года, в процентах, равных основной ставке Центрального банка;
в эквиваленте 20 миллионов долларов США на безвозмездной основе для финансирования расходов по прохождению студентами выпускного курса практики (далее — практика) на предприятии (в организации) в учебном процессе, а также грантовые средства на лучшие стартап и инновационные проекты.
3 1 . Утвердить распределение ресурсов в эквиваленте 100 миллионов долларов США, выделяемых Фондом реконструкции и развития, между уполномоченными банками согласно приложению № 2 .
3 2 . Внедрить практику выделения субъектам предпринимательства, обеспечившим работой выпускников высших образовательных организаций, кредитов в размере до 5 миллиардов сумов на срок 7 лет, включая двухлетний льготный период, по годовой ставке, превышающей основную ставку Центрального банка на 4 процентных пункта, (далее — льготные кредиты).
При этом:
(а) льготные кредиты выделяются субъектам предпринимательства для средств в размере до каждого одного миллиарда сумов с условием приема на работу не менее одного выпускника;
(б) льготные кредиты выделяются на проекты производства и в сфере оказания услуг для приобретения основных средств и пополнения оборотных средств;
(в) в случае прекращения трудового договора между субъектом предпринимательства и выпускником (выпускниками), послужившим получению льготного кредита, в течение двух лет проценты по кредиту изменяются с даты прекращения трудового договора на коммерческую ставку, за исключением случаев приема на работу в месячный срок вместо указанного работника (работников) другого выпускника (выпускников).
3 3 . Установить порядок финансирования расходов по прохождению практики и выделения грантовых средств на лучшие стартап и инновационные проекты, в соответствии с которым:
(а) для перечисления уполномоченными банками средств в необходимом размере высшей образовательной организации основанием является трехсторонний договор, заключаемый между высшей образовательной организацией, работодателем и студентом (далее — договор), программа индивидуального профессионального образования прилагается к договору;
(б) в договоре определяются конкретные обязательства сторон по трудоустройству выпускника и меры ответственности за неисполнение этих обязательств;
(в) высшей образовательной организацией осуществляются выплаты до 10-кратного размера базовой расчетной величины за каждый месяц соразмерно сроку практики студента;
(г) при необходимости на расходы по участию студента в краткосрочных курсах в высшей образовательной организации и на предприятиях за рубежом по заказу работодателя осуществляются выплаты в 50-кратном размере базовой расчетной величины;
(д) Министерством высшего образования, науки и инноваций, Агентством инновационного развития совместно с уполномоченными банками среди выпускников организовывается конкурс на лучшие стартап и инновационные проекты, победителям которого с обязательством приема на работу не менее двух выпускников выделяются грантовые средства в размере до одного миллиарда сумов.
3 4 . Министерству высшего образования, науки и инноваций в месячный срок на основе передового зарубежного опыта обеспечить включение в учебные программы высших образовательных организаций предметов по выбору для формирования бизнес-навыков.
3 5 . Определить Министерство занятости и сокращения бедности ответственным за обеспечение занятости выпускников высших образовательных организаций и ведение статистических данных.
4. В срок до 15 ноября 2025 года:
Министерству высшего образования, науки и инноваций совместно с уполномоченными банками утвердить методические пособия по реализации Программы;
прикрепить к Центрам ответственных работников уполномоченных банков;
Министерству высшего образования, науки и инноваций обеспечить размещение территориальных подразделений Центров в высших образовательных организациях.
5. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 14 февраля 2025 года № ПП-61
коммерческих банков, принимающих участие в Программе «Келажакка қадам»
1. АО «Узмиллийбанк»
2. АКБ «Узсаноаткурилишбанк»
3. АО «Асакабанк»
4. АК «Халк банки»
5. АКБ «Микрокредитбанк»
6. АКБ «Агробанк»
7. АКБ «Туронбанк»
8. АКБ «Банк развития бизнеса»
ПРИЛОЖЕНИЕ № 2 к постановлению Президента Республики Узбекистан от 14 февраля 2025 года № ПП-61
ресурсов, выделяемых Фондом реконструкции и развития в целях поддержки занятости выпускников высших образовательных организаций, между коммерческими банками
в экв. млн. долл. США № Наименование коммерческих банков Выделяемые ресурсы Обеспечение занятости выпускников ** (количество) Всего в том числе: кредитная линия на безвозмездной основе * 1. АО «Узмиллийбанк» 20 16 4 6 000 2. АКБ «Узсаноаткурилишбанк» 12 9,6 2,4 3 600 3. АО «Асакабанк» 12 9,6 2,4 3 600 4. АК «Халк банки» 12 9,6 2,4 3 600 5. АКБ «Микрокредитбанк» 12 9,6 2,4 3 600 6. АКБ «Агробанк» 12 9,6 2,4 3 600 7. АКБ «Туронбанк» 10 8 2 3 000 8. АКБ «Банк развития бизнеса» 10 8 2 3 000 ИТОГО 100 80 20 30 000
Президент Республики Узбекистан Ш. МИРЗИЁЕВ
г. Ташкент,
14 февраля 2025 г.,
№ ПП-61