UzbekAI

Ўзбекистон Республикаси Президентининг

қарори

Ёшлар тадбиркорлигини ривожлантириш ва бандлигини таъминлашга доир қўшимча чора-тадбирлар тўғрисида

Ёшларнинг тадбиркорлик ғоя ва ташаббусларини қўллаб-қувватлаш, ишбилармонлик кўникмаларини ривожлантириш, ёш тадбиркорлик субъектларининг иқтисодиёт тармоқлари ва соҳаларидаги, шу жумладан, стартап ва инновацион лойиҳаларини рўёбга чиқаришга кўмаклашиш, касб-ҳунар, рақамли технологиялар ҳамда хорижий тилларни чуқур эгаллаши учун қўшимча шароитлар яратиш, шунингдек, ёшлар бандлигини таъминлаш мақсадида:

1. Иқтисодиёт ва молия вазирлиги, Инвестициялар, саноат ва савдо вазирлиги, Марказий банк, Ёшлар ишлари агентлиги ҳамда АТ «Алоқабанк»нинг 2025 — 2027 йилларда қуйидагиларни назарда тутувчи «Ёшлар бизнеси» дастурини (кейинги ўринларда — Дастур) амалга ошириш тўғрисидаги таклифи маъқуллансин:

Дастур доирасида 350 мингта ёшни қамраб олиш, шу жумладан, ўн саккиз ёшга тўлган ва ўттиз ёшдан ошмаган шахслар учун камида 100 мингта қўшимча иш ўринларини яратиш;

ёш тадбиркорларга комплекс хизматлар кўрсатиш, уларнинг фаолиятини молиявий қўллаб-қувватлаш борасида АТ «Алоқабанк»ни таянч «ёшлар банки» этиб белгилаш;

замонавий тадбиркорлик кўникмаларини шакллантириш учун ёшларнинг стартап ва инвестиция лойиҳаларига имтиёзли молиявий маблағларни ажратиш;

иқтисодиёт тармоқлари ва соҳаларидаги, шу жумладан, рақамли технологиялар татбиқ этилган инновацион лойиҳалар ҳамда ижтимоий тадбиркорлик йўналишидаги қўллаб-қувватлаш чораларини жорий этиш.

2. Белгилансинки, Дастур доирасида:

а) 2026 йил якунига қадар «Бизнесга биринчи қадам» лойиҳасига мувофиқ ўн саккиз ёшга тўлган ва ўттиз ёшдан ошмаган ижтимоий солиқ тўлаган ўзини ўзи банд қилган жисмоний шахсларга асосий қарздан 2 йилгача ва фоиз тўловларидан 3 ойгача имтиёзли давр билан 7 йилгача муддатга суғурта полиси таъминоти ёки учинчи шахс кафиллиги асосида 100 млн сўмгача маблағлар қуйидаги кредит маҳсулотлари бўйича имтиёзли микроқарз сифатида ажратилади:

томорқалардан самарали фойдаланиш мақсадида экин экиш ва етиштириш, чорвачилик, паррандачилик ҳамда қишлоқ хўжалигининг бошқа йўналишларидаги фаолиятни амалга ошириш учун;

ишлаб чиқариш ва хизмат кўрсатиш фаолиятини ташкил этиш ҳамда амалга ошириш, шу жумладан, ҳунармандчилик жиҳозларини сотиб олиш ва айланма маблағларни тўлдиришга;

фан, санъат ва спорт йўналишларида ўз қобилиятини намоён этган иқтидорли ёшларни ҳамда фрилансерлик хизматларини кўрсатувчи ёшларни қўллаб-қувватлаш учун;

б) «Ёшлар учун иш ўринлари» лойиҳаси асосида якка тартибдаги тадбиркорлик субъекти сифатида фаолият юритувчи ёш фуқароларга, шунингдек, таъсисчилари ёш фуқаролар бўлган юридик шахс ташкил этган ҳолда фаолият юритувчи кичик тадбиркорлик субъектларининг ёшларга камида 10 та иш ўрни яратишни назарда тутувчи лойиҳаларига 2 йилгача имтиёзли давр билан 7 йилгача муддатга 5 млрд сўмгача маблағлар қуйидаги йўналишлардаги кредит маҳсулотлари бўйича ажратилади:

ишлаб чиқариш асбоб-ускуналарини харид қилиш, қурилиш ишларини амалга ошириш, асосий воситаларни сотиб олиш (шу жумладан, «саноат ипотекаси» асосида) ҳамда айланма маблағларга;

тижорат мақсадларида фойдаланишга мўлжалланган автотранспорт воситаларини харид қилиш учун;

савдо ва хизмат кўрсатиш шохобчаларини ташкил қилишга;

ёшларни касб-ҳунарга ўқитиш, шу жумладан, рақамли технологиялар ва хорижий тиллар каби йўналишларда таълим хизматлари фаолиятини ташкил этиш учун;

в) «Инновацион ёшлар» лойиҳаси бўйича венчур жамғармалари орқали ёшлар қуйидаги йўналишларда қўллаб-қувватланади:

ёшларнинг стартап лойиҳалари учун капитал инвестициялар киритиш;

илмий тадқиқотлар, технологик ишланмалар ва стартаплар учун инфратузилмани ривожлантиришга қарз маблағларини ажратиш;

илмий-тадқиқот ва тажриба-конструкторлик ишларини олиб бориш учун шароит яратиш, шу жумладан, робототехника йўналишидаги замонавий асбоб-ускуналар ва лабораториялардан фойдаланишда имтиёзли молиявий қўллаб-қувватлаш;

стартап-инкубаторлар, технопарклар ва тадқиқот марказларини яратишга инвестициялар киритиш;

халқаро танловлар, конференциялар ва кўргазмаларда иштирок этишни қўллаб-қувватлаш;

г) ёшларнинг замонавий ва талаб юқори бўлган касб-ҳунарга, шу жумладан, рақамли технологиялар ва хорижий тилларга ўқиши ўрнатилган тартибда молиялаштирилади.

3. Шундай тартиб ўрнатилсинки, унга мувофиқ Дастур доирасида:

имтиёзли кредитларнинг камида 30 фоизи хотин-қизларнинг тадбиркорлик лойиҳаларини қўллаб-қувватлаш учун йўналтирилади. Бунда ўз бизнесини йўлга қўйиш истагида бўлган хотин-қизларнинг тадбиркорлик кўникмаларини ошириш курсларида ўқишига кўмаклашилади;

имтиёзли кредит маблағлари унинг ҳисобига яратиладиган иш ўринларининг камида 50 фоизида ёшлар ишга жойлаштирилиши назарда тутилган ҳолда ажратилади;

имтиёзли кредитларнинг тақдим этилиши шартларини бажармаган қарз олувчиларга нисбатан кредит фоиз ставкалари бозор ставкаларига ўзгартирилади.

4. Иқтисодиёт ва молия вазирлиги, Инвестициялар, саноат ва савдо вазирлиги, Ёшлар ишлари агентлиги, Тикланиш ва тараққиёт жамғармаси ҳамда АТ «Алоқабанк»нинг Дастурни молиялаштириш бўйича қуйидаги таклифларига розилик берилсин:

Тикланиш ва тараққиёт жамғармасидан АТ «Алоқабанк»га 5 йиллик имтиёзли давр билан 10 йил муддатга 125 млн АҚШ доллари эквивалентидаги маблағларни миллий валютада Марказий банк асосий ставкаси даражасида субординар қарз сифатида босқичма-босқич АТ «Алоқабанк» талабномаларига мувофиқ ажратиб бориш;

2025 йилда 25 млн АҚШ долларини тенг улушларда АТ «Алоқабанк» устав капиталига Тикланиш ва тараққиёт жамғармасининг улушини ошириш ҳисобига йўналтириш;

имтиёзли кредитларни Марказий банк асосий ставкасидан 4 фоизлик пункт юқори ставкада ажратиш.

5. АТ «Алоқабанк» ҳамда Марказий банкнинг:

мазкур қарорда назарда тутилган қўллаб-қувватлаш инструментларидан фойдаланган тадбиркорлик субъектларининг ҳисобварақларига бепул асосда хизмат кўрсатиш;

2025 йил 1 апрелга қадар «Ёш тадбиркорлар» рақамли платформасини жорий этиб, бизнес-режалар тузиш, онлайн тренинглар ўтказиш, маҳаллий ишлаб чиқарувчилар билан кооперация ҳамкорлигини ташкил этиш, маҳсулот ва хизматлар учун бозор топишга кўмаклашиш, шунингдек, тартибга солиш қумдони механизмини қўллаш орқали краудфандинг имкониятларини яратиш;

икки ой муддатда тан олинган халқаро сертификатлар бўйича ҳамда белгиланган тартибда хорижий иш берувчилар талабларига мувофиқ таълим хизматлари кўрсатишни йўлга қўйган ўқув марказлари билан ҳамкорликда мазкур қарорнинг 2-банди «г» кичик бандида назарда тутилган ёшларнинг касб-ҳунарга ўқишини молиялаштиришга қаратилган кредит маҳсулотларини ишлаб чиқиш тўғрисидаги таклифлари маъқуллансин.

6. АТ «Алоқабанк» томонидан ҳудудларда ёшларнинг инновацион ғояларини қўллаб-қувватлаш, илмий тадқиқотлар ва технологик ишланмаларни тижоратлаштиришга ҳамда молиялаштиришга кўмаклашиш лойиҳаси (кейинги ўринларда — «Стартаплар» лойиҳаси) амалга оширилаётганлиги маълумот учун қабул қилинсин.

Марказий банк ҳамда АТ «Алоқабанк»нинг Рақамли технологиялар вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда:

2025 йил 1 мартга қадар «Стартаплар» лойиҳасини республиканинг барча ҳудудларида амалга ошириш ва лойиҳанинг ҳудудлардаги бўлинмаларини малакали кадрлар билан тўлдириш;

2025 йил 1 апрелдан бошлаб ҳар ойда 1 та ҳудудда «инвестор кун»ларини ташкил этиш ҳамда ҳудуддаги олий таълим муассасалари билан ҳамкорлик дастурларини йўлга қўйиш;

2027 йил якунига қадар акселерация ва инкубация дастурларини муваффақиятли якунлаган стартаплар сонини 200 тага етказиш;

2025 йил якунига қадар ҳудудларда «Ёшлар бизнес-инкубатори» марказларини ташкил қилиб, тадбиркорлик фаолиятини янгидан бошлаган ёшларни ҳар томонлама қўллаб-қувватлаш ҳамда муваффақиятли тадбиркор даражасигача ривожланишлари учун қўшимча шароитлар яратиш, жумладан уларга тайёр офисларни ижарага бериш, бухгалтерия, маркетинг, экспорт бозорларига чиқиш билан боғлиқ комплекс хизматларни кўрсатиш тўғрисидаги ташаббуслари маъқуллансин.

7. Давлат активларини бошқариш агентлиги Рақамли технологиялар вазирлиги, АТ «Алоқабанк», Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда икки ой муддатда бизнес инкубаторлар ташкил этиш учун мос бўлган бўш турган давлат объектлари ва ер майдонлари рўйхатини шакллантириб, Вазирлар Маҳкамасига «Ёшлар бизнес инкубаторлари» тизимини яратиш бўйича Ҳукумат қарори лойиҳасини киритсин.

8. Олий таълим, фан ва инновациялар вазирлиги Камбағалликни қисқартириш ва бандлик вазирлиги билан биргаликда икки ой муддатда Вазирлар Маҳкамасига профессионал ва олий таълим муассасаларини тамомлаган ёшларни ахборот платформаси орқали, шу жумладан, иш берувчиларнинг талабномаларини киритишни назарда тутган ҳолда ишга жойлаштириш тизимини жорий қилиш бўйича Ҳукумат қарори лойиҳасини киритсин.

Бунда амалиёт ўташ, малака ошириш ҳамда ишга қабул қилиш жараёнларини тўлиқ рақамлаштириш орқали соддалаштириш кўзда тутилсин.

9. Иқтисодиёт ва молия вазирлиги манфаатдор вазирликлар ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

10. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 14 февраль,

ПҚ-62-сон

(Қонунчилик маълумотлари миллий базаси, 18.02.2025 й., 07/25/62/0152-сон; 02.06.2026 й., 07/26/210/0548-сон)

lex.uz

Oʻzbekiston Respublikasi Prezidentining

qarori

Yoshlar tadbirkorligini rivojlantirish va bandligini taʼminlashga doir qoʻshimcha chora-tadbirlar toʻgʻrisida

Yoshlarning tadbirkorlik gʻoya va tashabbuslarini qoʻllab-quvvatlash, ishbilarmonlik koʻnikmalarini rivojlantirish, yosh tadbirkorlik subyektlarining iqtisodiyot tarmoqlari va sohalaridagi, shu jumladan, startap va innovatsion loyihalarini roʻyobga chiqarishga koʻmaklashish, kasb-hunar, raqamli texnologiyalar hamda xorijiy tillarni chuqur egallashi uchun qoʻshimcha sharoitlar yaratish, shuningdek, yoshlar bandligini taʼminlash maqsadida:

1. Iqtisodiyot va moliya vazirligi, Investitsiyalar, sanoat va savdo vazirligi, Markaziy bank, Yoshlar ishlari agentligi hamda AT “Aloqabank”ning 2025 — 2027-yillarda quyidagilarni nazarda tutuvchi “Yoshlar biznesi” dasturini (keyingi oʻrinlarda — Dastur) amalga oshirish toʻgʻrisidagi taklifi maʼqullansin:

Dastur doirasida 350 mingta yoshni qamrab olish, shu jumladan, oʻn sakkiz yoshga toʻlgan va oʻttiz yoshdan oshmagan shaxslar uchun kamida 100 mingta qoʻshimcha ish oʻrinlarini yaratish;

yosh tadbirkorlarga kompleks xizmatlar koʻrsatish, ularning faoliyatini moliyaviy qoʻllab-quvvatlash borasida AT “Aloqabank”ni tayanch “yoshlar banki” etib belgilash;

zamonaviy tadbirkorlik koʻnikmalarini shakllantirish uchun yoshlarning startap va investitsiya loyihalariga imtiyozli moliyaviy mablagʻlarni ajratish;

iqtisodiyot tarmoqlari va sohalaridagi, shu jumladan, raqamli texnologiyalar tatbiq etilgan innovatsion loyihalar hamda ijtimoiy tadbirkorlik yoʻnalishidagi qoʻllab-quvvatlash choralarini joriy etish.

2. Belgilansinki, Dastur doirasida:

a) 2026-yil yakuniga qadar “Biznesga birinchi qadam” loyihasiga muvofiq oʻn sakkiz yoshga toʻlgan va oʻttiz yoshdan oshmagan ijtimoiy soliq toʻlagan oʻzini oʻzi band qilgan jismoniy shaxslarga asosiy qarzdan 2 yilgacha va foiz toʻlovlaridan 3 oygacha imtiyozli davr bilan 7 yilgacha muddatga sugʻurta polisi taʼminoti yoki uchinchi shaxs kafilligi asosida 100 mln soʻmgacha mablagʻlar quyidagi kredit mahsulotlari boʻyicha imtiyozli mikroqarz sifatida ajratiladi:

tomorqalardan samarali foydalanish maqsadida ekin ekish va yetishtirish, chorvachilik, parrandachilik hamda qishloq xoʻjaligining boshqa yoʻnalishlaridagi faoliyatni amalga oshirish uchun;

ishlab chiqarish va xizmat koʻrsatish faoliyatini tashkil etish hamda amalga oshirish, shu jumladan, hunarmandchilik jihozlarini sotib olish va aylanma mablagʻlarni toʻldirishga;

fan, sanʼat va sport yoʻnalishlarida oʻz qobiliyatini namoyon etgan iqtidorli yoshlarni hamda frilanserlik xizmatlarini koʻrsatuvchi yoshlarni qoʻllab-quvvatlash uchun;

b) “Yoshlar uchun ish oʻrinlari” loyihasi asosida yakka tartibdagi tadbirkorlik subyekti sifatida faoliyat yurituvchi yosh fuqarolarga, shuningdek, taʼsischilari yosh fuqarolar boʻlgan yuridik shaxs tashkil etgan holda faoliyat yurituvchi kichik tadbirkorlik subyektlarining yoshlarga kamida 10 ta ish oʻrni yaratishni nazarda tutuvchi loyihalariga 2 yilgacha imtiyozli davr bilan 7 yilgacha muddatga 5 mlrd soʻmgacha mablagʻlar quyidagi yoʻnalishlardagi kredit mahsulotlari boʻyicha ajratiladi:

ishlab chiqarish asbob-uskunalarini xarid qilish, qurilish ishlarini amalga oshirish, asosiy vositalarni sotib olish (shu jumladan, “sanoat ipotekasi” asosida) hamda aylanma mablagʻlarga;

tijorat maqsadlarida foydalanishga moʻljallangan avtotransport vositalarini xarid qilish uchun;

savdo va xizmat koʻrsatish shoxobchalarini tashkil qilishga;

yoshlarni kasb-hunarga oʻqitish, shu jumladan, raqamli texnologiyalar va xorijiy tillar kabi yoʻnalishlarda taʼlim xizmatlari faoliyatini tashkil etish uchun;

v) “Innovatsion yoshlar” loyihasi boʻyicha venchur jamgʻarmalari orqali yoshlar quyidagi yoʻnalishlarda qoʻllab-quvvatlanadi:

yoshlarning startap loyihalari uchun kapital investitsiyalar kiritish;

ilmiy tadqiqotlar, texnologik ishlanmalar va startaplar uchun infratuzilmani rivojlantirishga qarz mablagʻlarini ajratish;

ilmiy-tadqiqot va tajriba-konstruktorlik ishlarini olib borish uchun sharoit yaratish, shu jumladan, robototexnika yoʻnalishidagi zamonaviy asbob-uskunalar va laboratoriyalardan foydalanishda imtiyozli moliyaviy qoʻllab-quvvatlash;

startap-inkubatorlar, texnoparklar va tadqiqot markazlarini yaratishga investitsiyalar kiritish;

xalqaro tanlovlar, konferensiyalar va koʻrgazmalarda ishtirok etishni qoʻllab-quvvatlash;

g) yoshlarning zamonaviy va talab yuqori boʻlgan kasb-hunarga, shu jumladan, raqamli texnologiyalar va xorijiy tillarga oʻqishi oʻrnatilgan tartibda moliyalashtiriladi.

3. Shunday tartib oʻrnatilsinki, unga muvofiq Dastur doirasida:

imtiyozli kreditlarning kamida 30 foizi xotin-qizlarning tadbirkorlik loyihalarini qoʻllab-quvvatlash uchun yoʻnaltiriladi. Bunda oʻz biznesini yoʻlga qoʻyish istagida boʻlgan xotin-qizlarning tadbirkorlik koʻnikmalarini oshirish kurslarida oʻqishiga koʻmaklashiladi;

imtiyozli kredit mablagʻlari uning hisobiga yaratiladigan ish oʻrinlarining kamida 50 foizida yoshlar ishga joylashtirilishi nazarda tutilgan holda ajratiladi;

imtiyozli kreditlarning taqdim etilishi shartlarini bajarmagan qarz oluvchilarga nisbatan kredit foiz stavkalari bozor stavkalariga oʻzgartiriladi.

4. Iqtisodiyot va moliya vazirligi, Investitsiyalar, sanoat va savdo vazirligi, Yoshlar ishlari agentligi, Tiklanish va taraqqiyot jamgʻarmasi hamda AT “Aloqabank”ning Dasturni moliyalashtirish boʻyicha quyidagi takliflariga rozilik berilsin:

Tiklanish va taraqqiyot jamgʻarmasidan AT “Aloqabank”ga 5 yillik imtiyozli davr bilan 10 yil muddatga 125 mln AQSH dollari ekvivalentidagi mablagʻlarni milliy valyutada Markaziy bank asosiy stavkasi darajasida subordinar qarz sifatida bosqichma-bosqich AT “Aloqabank” talabnomalariga muvofiq ajratib borish;

2025-yilda 25 mln AQSH dollarini teng ulushlarda AT “Aloqabank” ustav kapitaliga Tiklanish va taraqqiyot jamgʻarmasining ulushini oshirish hisobiga yoʻnaltirish;

imtiyozli kreditlarni Markaziy bank asosiy stavkasidan 4 foizlik punkt yuqori stavkada ajratish.

5. AT “Aloqabank” hamda Markaziy bankning:

mazkur qarorda nazarda tutilgan qoʻllab-quvvatlash instrumentlaridan foydalangan tadbirkorlik subyektlarining hisobvaraqlariga bepul asosda xizmat koʻrsatish;

2025-yil 1-aprelga qadar “Yosh tadbirkorlar” raqamli platformasini joriy etib, biznes-rejalar tuzish, onlayn treninglar oʻtkazish, mahalliy ishlab chiqaruvchilar bilan kooperatsiya hamkorligini tashkil etish, mahsulot va xizmatlar uchun bozor topishga koʻmaklashish, shuningdek, tartibga solish qumdoni mexanizmini qoʻllash orqali kraudfanding imkoniyatlarini yaratish;

ikki oy muddatda tan olingan xalqaro sertifikatlar boʻyicha hamda belgilangan tartibda xorijiy ish beruvchilar talablariga muvofiq taʼlim xizmatlari koʻrsatishni yoʻlga qoʻygan oʻquv markazlari bilan hamkorlikda mazkur qarorning 2-bandi “g” kichik bandida nazarda tutilgan yoshlarning kasb-hunarga oʻqishini moliyalashtirishga qaratilgan kredit mahsulotlarini ishlab chiqish toʻgʻrisidagi takliflari maʼqullansin.

6. AT “Aloqabank” tomonidan hududlarda yoshlarning innovatsion gʻoyalarini qoʻllab-quvvatlash, ilmiy tadqiqotlar va texnologik ishlanmalarni tijoratlashtirishga hamda moliyalashtirishga koʻmaklashish loyihasi (keyingi oʻrinlarda — “Startaplar” loyihasi) amalga oshirilayotganligi maʼlumot uchun qabul qilinsin.

Markaziy bank hamda AT “Aloqabank”ning Raqamli texnologiyalar vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda:

2025-yil 1-martga qadar “Startaplar” loyihasini respublikaning barcha hududlarida amalga oshirish va loyihaning hududlardagi boʻlinmalarini malakali kadrlar bilan toʻldirish;

2025-yil 1-apreldan boshlab har oyda 1 ta hududda “investor kun”larini tashkil etish hamda hududdagi oliy taʼlim muassasalari bilan hamkorlik dasturlarini yoʻlga qoʻyish;

2027-yil yakuniga qadar akseleratsiya va inkubatsiya dasturlarini muvaffaqiyatli yakunlagan startaplar sonini 200 taga yetkazish;

2025-yil yakuniga qadar hududlarda “Yoshlar biznes-inkubatori” markazlarini tashkil qilib, tadbirkorlik faoliyatini yangidan boshlagan yoshlarni har tomonlama qoʻllab-quvvatlash hamda muvaffaqiyatli tadbirkor darajasigacha rivojlanishlari uchun qoʻshimcha sharoitlar yaratish, jumladan ularga tayyor ofislarni ijaraga berish, buxgalteriya, marketing, eksport bozorlariga chiqish bilan bogʻliq kompleks xizmatlarni koʻrsatish toʻgʻrisidagi tashabbuslari maʼqullansin.

7. Davlat aktivlarini boshqarish agentligi Raqamli texnologiyalar vazirligi, AT “Aloqabank”, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ikki oy muddatda biznes inkubatorlar tashkil etish uchun mos boʻlgan boʻsh turgan davlat obyektlari va yer maydonlari roʻyxatini shakllantirib, Vazirlar Mahkamasiga “Yoshlar biznes inkubatorlari” tizimini yaratish boʻyicha Hukumat qarori loyihasini kiritsin.

8. Oliy taʼlim, fan va innovatsiyalar vazirligi Kambagʻallikni qisqartirish va bandlik vazirligi bilan birgalikda ikki oy muddatda Vazirlar Mahkamasiga professional va oliy taʼlim muassasalarini tamomlagan yoshlarni axborot platformasi orqali, shu jumladan, ish beruvchilarning talabnomalarini kiritishni nazarda tutgan holda ishga joylashtirish tizimini joriy qilish boʻyicha Hukumat qarori loyihasini kiritsin.

Bunda amaliyot oʻtash, malaka oshirish hamda ishga qabul qilish jarayonlarini toʻliq raqamlashtirish orqali soddalashtirish koʻzda tutilsin.

9. Iqtisodiyot va moliya vazirligi manfaatdor vazirliklar va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

10. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 14-fevral,

PQ-62-son

(Qonunchilik maʼlumotlari milliy bazasi, 18.02.2025-y., 07/25/62/0152-son; 02.06.2026-y., 07/26/210/0548-son)

lex.uz

Президента Республики Узбекистан

Постановление

О дополнительных мерах по развитию молодежного предпринимательства и обеспечению занятости молодежи

В целях поддержки бизнес-идей и инициатив, развития деловых навыков молодежи, содействия реализации проектов субъектов молодежного предпринимательства в отраслях и сферах экономики, в том числе стартап- и инновационных проектов, создания дополнительных условий для глубокого освоения профессий, цифровых технологий и иностранных языков, а также обеспечения занятости молодежи:

1. Одобрить предложение Министерства экономики и финансов, Министерства инвестиций, промышленности и торговли, Центрального банка, Агентства по делам молодежи и АК «Алокабанк» о реализации Программы «Молодежный бизнес» в 2025 — 2027 годах (далее — Программа), предусматривающей:

охват в рамках Программы 350 тысяч молодых людей, в частности создание не менее 100 тысяч дополнительных рабочих мест для лиц, достигших восемнадцати лет и не старше тридцати лет;

определение АК «Алокабанк» базовым «молодежным банком» в оказании комплексных услуг молодым предпринимателям, финансовой поддержки их деятельности;

выделение льготных финансовых средств в инвестиционные и стартап-проекты молодежи для формирования современных предпринимательских навыков;

внедрение мер по поддержке инновационных проектов в отраслях и сферах экономики, в том числе с внедрением цифровых технологий, а также проектов в направлении социального предпринимательства.

2. Определить, что в рамках Программы:

а) согласно проекту «Первый шаг в бизнес» самозанятым физическим лицам, достигшим восемнадцати лет и не старше тридцати лет, оплатившим социальный налог, выделяются средства в размере до 100 миллионов сумов сроком до 7 лет, включая льготный период по основному долгу сроком до 2 лет и по процентным платежам до 3 месяцев, под обеспечение страхового полиса или поручительство третьего лица по следующим кредитным продуктам в качестве льготного микрозайма:

посев и выращивание культур с целью эффективного использования приусадебных земель, осуществление деятельности в животноводстве, птицеводстве и других направлениях сельского хозяйства;

организация и осуществление деятельности по оказанию услуг и производству, в том числе приобретение ремесленнического оборудования и пополнение оборотных средств;

для поддержки одаренной молодежи, проявившей свои способности в науке, искусстве и спорте, и молодежи, оказывающей фрилансерские услуги;

б) в рамках проекта «Рабочие места для молодежи» молодым гражданам, осуществляющим деятельность в качестве субъекта индивидуального предпринимательства, а также на проекты субъектов малого предпринимательства, осуществляющих деятельность с образованием юридического лица, учредителями которого являются молодые граждане, предусматривающие создание не менее 10 рабочих мест для молодежи, выделяются средства в размере до 5 миллиардов сумов на срок до 7 лет, включая льготный период до 2 лет, по кредитным продуктам в следующих направлениях:

приобретение производственного оборудования, осуществление строительных работ, закупка основных средств (в том числе на основе «промышленной ипотеки») и оборотные средства;

приобретение автотранспортных средств для использования в коммерческих целях;

организация пунктов торговли и оказания услуг;

обучение молодежи профессиям, в том числе организация деятельности образовательных услуг по таким направлениям, как цифровые технологии и иностранные языки;

в) по проекту «Инновационная молодежь» посредством венчурных фондов молодежи оказывается поддержка в следующих направлениях:

внесение капитальных инвестиций для стартап-проектов молодежи;

выделение заемных средств на развитие инфраструктуры для научных исследований, технологических разработок и стартапов;

льготная финансовая поддержка при создании условий для ведения научно-исследовательских и опытно-конструкторских работ, в том числе использовании современного оборудования и лабораторий в направлении робототехники;

вложение инвестиций в создание стартап-инкубаторов, технопарков и исследовательских центров;

поддержка участия в международных конкурсах, конференциях и выставках;

г) обучение молодежи современным и востребованным профессиям, в том числе цифровым технологиям и иностранным языкам, финансируется в установленном порядке.

3. Установить порядок, в соответствии с которым в рамках Программы:

не менее 30 процентов льготных кредитов направляется на поддержку предпринимательских проектов женщин. При этом женщинам, желающим наладить свой бизнес, оказывается содействие в обучении на курсах овладения предпринимательскими навыками;

льготные кредиты выделяются при условии, что не менее, чем на 50 процентах создаваемых за счет них рабочих мест обеспечивается трудоустройство молодежи;

по отношению к заемщикам, не выполнившим условия предоставления льготных кредитов, процентные ставки кредита изменяются на рыночные ставки.

4. Согласиться с предложениями Министерства экономики и финансов, Министерством инвестиций, промышленности и торговли, Агентства по делам молодежи, Фонда реконструкции и развития и АК «Алокабанк» по финансированию Программы, предусматривающими:

выделение из Фонда реконструкции и развития поэтапно АК «Алокабанк» средств в национальной валюте в эквиваленте 125 млн долларов США сроком на 10 лет, включая 5-летний льготный период, на уровне основной ставки Центрального банка, в качестве субординарного долга, согласно требованиям АК «Алокабанк»;

направление всего 25 млн долларов США в уставный капитал АК «Алокабанк» в равных долях за счет увеличения доли Фонда реконструкции и развития в 2025 года;

выделение льготных кредитов по ставке, превышающей основную ставку Центрального банка на 4 процентных пункта.

5. Одобрить предложения АК «Алокабанк» и Центрального банка, предусматривающие:

бесплатное обслуживание счетов субъектов предпринимательства, использовавших инструменты поддержки, предусмотренные настоящим постановлением;

внедрение до 1 апреля 2025 года цифровой платформы «Молодые предприниматели», оказание содействия в составлении бизнес-планов, проведении онлайн-тренингов, организации кооперационных связей с отечественными производителями, поиске рынка сбыта товаров и услуг, а также создание возможностей краудфандинга путем применения механизма регуляторной песочницы;

разработку в двухмесячный срок кредитных продуктов, направленных на финансирование обучения профессиям молодежи, предусмотренных подпунктом «г» пункта 2 настоящего постановления, совместно с учебными центрами, наладившими в установленном порядке оказание образовательных услуг по признанным международным сертификатам и в соответствии с требованиями зарубежных работодателей.

6. Принять к сведению, что АК «Алокабанк» осуществляет проект поддержки инновационных идей молодежи в регионах, содействия коммерциализации и финансированию научных исследований и технологических разработок (далее — проект «Стартапы»).

Одобрить инициативы Центрального банка и АК «Алокабанк» совместно с Министерством цифровых технологий, Советом Министров Республики Каракалпакстан, хокимиятами областей и города Ташкента, предусматривающие:

до 1 марта 2025 года осуществление проекта «Стартапы» во всех регионах республики и укомплектование подразделений проекта в регионах квалифицированными кадрами;

с 1 апреля 2025 года организацию «дней инвестора» каждый месяц в одном из регионов и налаживание программ сотрудничества с высшими образовательными учреждениями региона;

до конца 2027 года доведение до 200 количества стартапов, успешно завершивших программы акселерации и инкубации;

до конца 2025 года создание в регионах центров «Молодежный бизнес-инкубатор», всестороннюю поддержку молодежи, вновь начавшую предпринимательскую деятельность, создание дополнительных условий для ее роста до уровня успешного предпринимателя, в частности предоставление ей в аренду готовых офисов, оказание комплексных услуг по бухгалтерии, маркетингу, выходу на экспортные рынки.

7. Агентству по управлению государственными активами совместно с Министерством цифровых технологий, АК «Алокабанк», Советом Министров Республики Каракалпакстан, хокимиятами областей и города Ташкента в двухмесячный срок сформировать перечень пустующих государственных объектов и земельных площадей, соответствующих для создания бизнес-инкубаторов, и внести в Кабинет Министров проект постановления Правительства по организации системы «Молодежные бизнес-инкубаторы».

8. Министерству высшего образования, науки и инноваций совместно с Министерством занятости и сокращения бедности в двухмесячный срок внести в Кабинет Министров проект постановления Правительства по внедрению системы трудоустройства молодых людей, окончивших профессиональные и высшие образовательные учреждения, посредством информационной платформы, в том числе предусмотрев внесение требований работодателей.

При этом предусмотреть упрощение посредством цифровизации процессов прохождения практики, повышения квалификации и приема на работу.

9. Министерству экономики и финансов совместно заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

10. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

14 февраля 2025 г.,

№ ПП-62

(Национальная база данных законодательства, 18.02.2025 г., № 07/25/62/0152; 02.06.2026 г., № 07/26/210/0548)

lex.uz