📅 2025-yil 14-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 14 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 февраля 2025 г. · Постановления Президента
Официальный текст. Официальный документ. Редакционные примечания не включены.
📅 14 February 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
РЎЙХАТИ
РЎЙХАТИ
«Uzagrostar xolding» компанияси фаолиятини ташкил этиш тўғрисида
Ўзбекистон Республикаси Президентининг 2025 йил 14 февралдаги «Томорқа ер эгалари ва деҳқон хўжаликлари фаолиятида замонавий ташкилий тизимни жорий қилиш ва молиявий қўллаб-қувватлашнинг қўшимча чора-тадбирлари тўғрисида»ги ПФ-22-сон Фармони ижросини ташкил этиш мақсадида:
1. Томорқа ер эгалари ва деҳқон хўжаликлари фаолиятини ривожлантириш ва қишлоқ хўжалиги маҳсулотлари ишлаб чиқаришни кенгайтириш бўйича кенгаш (кейинги ўринларда – Кенгаш) ва «Тадбиркорликни ривожлантириш компанияси» АЖ бошқарув органларининг қуйидаги таклифларига розилик берилсин:
а) «Uzagrostar xolding» компаниясини (кейинги ўринларда – Холдинг компания) масъулияти чекланган жамият шаклида ташкил этиш;
б) «Тадбиркорликни ривожлантириш компанияси» АЖ ташкилий тузилмасига алоҳида директор ўринбосари лавозимини киритиш ва унга Холдинг компания фаолиятига раҳбарлик қилиш вазифасини юклаш;
в) ташқи ва ички бозорларда талаб юқори бўлган қишлоқ хўжалиги маҳсулотлари кесимида базавий ва қамраб олинадиган туманларни белгилаш ва ушбу ҳудудлардаги маҳаллаларда маҳсулот етиштиришнинг ихтисослашувини чуқурлаштириш бўйича Холдинг компания муассислигида ихтисослашган компанияларни (кейинги ўринларда – ихтисослашган компаниялар) 1-иловага мувофиқ ташкил этиш. Бунда:
базавий туманлар ихтисослашган компанияларнинг асосий фаолияти учун марказ бўлиб ҳисобланади;
қамраб олинадиган ҳудудларда белгиланган навлардаги маҳсулотларни етиштириш, сақлаш, қайта ишлаш, қадоқлаш ва ташиш билан боғлиқ инновациялар, янги технологиялар ва ёндашувларни тарқатиш ва жорий этишни кенгайтириш назарда тутилади;
дастлабки босқичда базавий туманларда ишларни бошлаш ва ихтисослашган компанияларни ташкил этишга тайёргарлик кўриш мақсадида Холдинг компаниянинг тегишли ҳудуддаги юридик шахс бўлмаган лойиҳа офислари ташкил этилиши мумкин.
2. «Uzagrostar xolding» компаниясининг ҳамда унинг муассислигида ташкил этиладиган ихтисослашган компанияларнинг асосий вазифалари 2-иловага мувофиқ тасдиқлансин.
Кенгаш (С. Аннакличев) икки ҳафта муддатда ихтисослашган компанияларнинг асосий вазифалари ва функцияларини назарда тутувчи намунавий низомни тасдиқласин.
3. Шундай тартиб ўрнатилсинки, унга кўра аҳоли томорқаларида ва деҳқон хўжалиги ер майдонларида маҳсулот етиштириш бўйича ихтисослашувни рағбатлантириш мақсадида қуйидаги молиявий қўллаб-қувватлаш инструментлари жорий этилади. Бунда:
а) Агросаноатни ривожлантириш ва қўллаб-қувватлаш давлат мақсадли жамғармаси ҳисобидан:
узум кўчатини шпалерга ўтказишга ҳар бир шпалер учун 15 минг сўмгача субсидия берилади;
томорқадаги боғларни янгилаш учун «in-vitro» кўчат сотиб олиш харажатининг 50 фоизи қоплаб берилади;
б) Қишлоқ хўжалигини давлат томонидан қўллаб-қувватлаш жамғармаси маблағлари ҳисобидан 2025 йилда мева-сабзавот маҳсулотлари етиштириш ва уларнинг хариди учун ажратиладиган имтиёзли кредитларга 1 триллион сўм йўналтирилади.
Белгилансинки, Қишлоқ хўжалигини давлат томонидан қўллаб-қувватлаш жамғармаси ресурслари ҳисобидан мева-сабзавот маҳсулотлари етиштириш харажатларини молиялаштириш учун кредитлар тижорат банклари орқали 14 фоиз ставкада (шундан 5 фоиз банк маржаси) суғурта полиси ва 30 фоизлик гаров таъминоти асосида ажратилади.
4. Қуйидагилар Холдинг компания фаолиятини молиялаштиришнинг асосий манбалари этиб белгилансин:
«Тадбиркорликни ривожлантириш компанияси» АЖ томонидан ажратиладиган маблағлар;
Холдинг компаниянинг бўш турган пул маблағларини тижорат банклари депозитларига жойлаштириш ҳисобидан олинадиган даромадлар;
маҳаллий ва халқаро молия ҳамда ривожлантириш ташкилотларининг ҳомийлик, грант ва кредит маблағлари;
етакчи тадбиркорлар ва экспортёр корхоналарга хизмат кўрсатишдан келиб тушадиган пул маблағлари;
қонунчилик ҳужжатларида тақиқланмаган бошқа маблағлар.
5. Белгилансинки, 2025 йилнинг 1 мартидан бошлаб қишлоқ хўжалигига мўлжалланган ер участкалари ижара ҳуқуқини электрон онлайн аукцион савдолари орқали сотишдан тушган маблағларнинг 10 фоизи республика бюджетига ўтказилади ва мақсадли равишда аҳоли томорқаларида ва деҳқон хўжалиги ер майдонларида маҳсулот етиштириш бўйича ихтисослашувни чуқурлаштириш тадбирларига йўналтирилади. Бунда:
республика бюджетига тушган маблағлар «Тадбиркорликни ривожлантириш компанияси» АЖга давлат улушини ошириш учун йўналтирилади ва мақсадли равишда Холдинг компания ва унинг муассислигидаги ихтисослашган компаниялар фаолиятини молиявий қўллаб-қувватлаш учун сарфланади;
«Тадбиркорликни ривожлантириш компанияси» АЖнинг устав фондида давлат улушини ошириш ҳисобига қўшимча чиқариладиган ва жойлаштириладиган акциялар билан амалга ошириладиган биржадан ташқари барча битимлар бўйича «Фонд бозорининг ахборот ресурс маркази» ДУКнинг Ягона дастурий техник мажмуаси орқали кўрсатиладиган хизматлари учун ҳақ ундирилмайди.
6. Аҳоли томорқалари ва ижарага берилган ер майдонларидан самарали фойдаланишни ташкил этиш, молиявий ва бошқа хизматларни кўрсатиш ҳамда маҳсулотларни ички ва ташқи бозорларда сотиш бўйича имкониятларни кенгайтириш мақсадида:
а) «Ўзбекистон республика товар-хом ашё биржаси» АЖ (З. Бадриддинов) 2025 йил 1 мартга қадар «Uzex Agro» электрон савдо платформасида аҳоли томорқалари ва деҳқон хўжаликлари ер майдонларида етиштирилган маҳсулотларни тўғридан-тўғри ташқи бозорларга сотиш имкониятини яратсин. Бунда:
биржанинг хорижий мамлакатлардаги 48 та савдо майдончаси орқали Ўзбекистонда маҳсулотларни етиштириш муддатлари, ҳажмлари ва нархлари тўғрисидаги ахборотларнинг эълон қилинишини йўлга қўйсин;
2025 йилда Асака, Китоб, Бахмал, Хатирчи ва Фарғона туманларида, 2026 йилда эса қишлоқ хўжалигига ихтисослашган яна камида 5 та туманда кичик логистика марказлари, шу жумладан, сиғими 100 тоннадан кам бўлмаган музлаткичли сиғимлар, уруғлик, кўчат, кимёвий воситалар ва минерал ўғитларни тарқатиш марказларини барпо этиб, кейинчалик уларнинг «Тадбиркорликни ривожлантириш компанияси» АЖ молиявий инструментлари орқали лидер тадбиркорларга берилишини таъминласин;
б) Кенгаш (С. Аннакличев):
Рақамли технологиялар вазирлиги (Ш. Шерматов) билан биргаликда олти ой муддатда 3-иловага мувофиқ ахборот тизимлари ва маълумотлар базаларини интеграция қилган ҳолда томорқа ва узоқ муддатли ижарага берилган ер майдонлари эгаларига онлайн маслаҳат ва маълумот олиш, молиявий хизматлардан фойдаланиш ҳамда маҳсулотларни сотиш бўйича ягона хизмат кўрсатиш ва мониторинг қилиш платформасини (кейинги ўринларда – Платформа) ишга туширсин;
Платформада бир ой муддатда махсус банк картаси орқали деҳқонларга етиштирадиган маҳсулотининг 70 фоизигача миқдорда имтиёзли онлайн кредит ажратиш тизимини ишга туширсин;
бир ой муддатда бизнес жараёнларни рақамлаштириш, хусусан, мавжуд ахборот тизимларини интеграция қилиш орқали Платформанинг мобил иловасини ишлаб чиқсин ва етакчи тадбиркорлар, экспортёрлар ҳамда логистика корхоналари жалб қилинишини таъминласин.
7. Белгилансинки, Кенгаш тавсиясига асосан Холдинг компания ва ихтисослашган компанияларга товар (иш, хизмат)лар экспортини ривожлантириш учун тўғридан-тўғри шартномалар асосида замонавий иссиқхона, плантациялар, агрологистика марказлари (агромажмуалар) лойиҳаларини амалга ошириш бўйича лойиҳа-смета ҳужжатларини ишлаб чиқувчи ва пудрат ташкилотлари билан шартномалар тузиш ҳамда маҳаллий ва халқаро юридик, аудиторлик компаниялари, инвестиция маслаҳатчилари ҳамда инвестиция банклари, илғор хорижий ва маҳаллий таълим муассасалари, юқори малакали агроном, технолог, маркетолог, уста деҳқонларни жалб этиш, шунингдек, ахборотлаштириш қурилмалари, дастурий таъминот ва лаборатория жиҳозларини харид қилиш ҳуқуқи берилади.
Бунда тузиладиган шартномалар ўрнатилган тартибга мувофиқ «Лойиҳалар ва импорт контрактларини комплекс экспертиза қилиш маркази» ДУКда уч иш куни ичида комплекс экспертизадан ўтказилади.
8. Камбағалликни қисқартириш ва бандлик вазирлигига деҳқон хўжаликлари ва аҳоли томорқалари билан боғлиқ қўшимча вазифа ва функциялар юкланиши муносабати билан Ўзбекистон фермерлари кенгашининг 23 та штат бирлигини мақбуллаштириш ҳисобига Камбағалликни қисқартириш ва бандлик вазирлиги марказий аппаратига 10 та, Қорақалпоғистон Республикаси Камбағалликни қисқартириш ва бандлик вазирлиги ҳамда вилоятлар камбағалликни қисқартириш ва бандлик бошқармаларига 1 тадан 13 та штат бирлиги ажратилсин.
9. Мазкур қарорнинг ўз вақтида ва сифатли амалга оширилишини ҳамда натижадорлигини таъминлаш мақсадида:
а) Кенгаш (С. Аннакличев) Иқтисодиёт ва молия вазирлиги (И. Норқулов) ва «Тадбиркорликни ривожлантириш компанияси» АЖ (А. Махаматов) билан биргаликда:
2025 йил 20 февралга қадар Холдинг компаниянинг ташкилий тузилмасини ишлаб чиқиб, тасдиқласин;
2025 йил 1 мартга қадар тегишли тижорат банклари ва туман ҳокимликлари билан биргаликда мазкур қарорнинг 1-иловасига мувофиқ базавий туманларда ихтисослашган компанияларнинг ташкилий тузилмасини тасдиқлаган ҳолда раҳбар ва малакали ходимлар билан бутланиши ҳамда унинг фаолияти йўлга қўйилишини таъминласин;
2025 йил 10 мартга қадар ҳар бир базавий ва қамраб олинадиган туманларда экспортёр ва етакчи тадбиркорлар билан учрашувларни ўтказган ҳолда қишлоқ хўжалиги маҳсулотлари етиштиришдан тортиб экспорт бозорларида сотишгача бўлган барча босқичдаги муаммо ва масалалар рўйхатини ҳамда керакли статистика ва таҳлилий маълумотлар базасини шакллантирсин. Бунда:
тадбиркорлар томонидан кўтарилган масалалар ва таҳлилий маълумотлар асосида қисқа муддатда амалга ошириладиган ишлар бўйича батафсил чора-тадбирлар режасини тасдиқласин ҳамда унинг бажарилишини таъминласин;
ихтисослашган компаниялар томонидан амалга оширилган ишлар юзасидан ҳисоботлар, тизимли муаммо ва таклифларни ҳар ой якуни билан муҳокама қилиб борсин ҳамда уларнинг натижалари бўйича маълумотларни Вазирлар Маҳкамасига киритиб борсин;
б) Вазирлар Маҳкамаси Кенгаш ва Холдинг компания томонидан киритилган масалаларни ва ҳужжатлар лойиҳаларини соддалаштирилган ва тезкор тартибда кўриб чиқиб, тегишли қарорларнинг қабул қилинишини таъминласин;
в) Қишлоқ хўжалиги вазирлиги (И. Абдураҳмонов) Ўсимликлар карантини ва ҳимояси агентлиги (И. Эргашев), Божхона қўмитаси (А. Мавлонов) билан биргаликда:
10 кун муддатда Ўзбекистон Республикасида мувофиқлик сертификатига эга бўлган уруғлик ва кўчат импорти билан шуғулланувчи корхоналар ва экишга рухсат берилган навлар бўйича рўйхатни Холдинг Компанияга етказсин;
бир ойда хорижий кўкат экинлари уруғлари ва навларини ўрганиб, аҳоли хонадонигача етказиб бериш тизимини йўлга қўйсин;
2025 йил 1 апрелга қадар маҳсулотлар экспорти бўйича асосий ҳамкор мамлакатларнинг ўсимликлар карантини ва ҳимояси соҳасидаги ташкилотлари билан биргаликда экспорт олди кўригини ва сертификатлаш хизматларини бевосита маҳсулотлар жўнатилгунга қадар ташкил қилиш амалиётини жорий қилсин;
ихтисослашган компаниялар учун уруғлик ва кўчат импорт қилишда соддалаштирилган тизимни жорий этсин ҳамда экиш мавсумида нархлар кескин ошишининг олдини олиш бўйича шахсан жавобгар этиб белгилансин;
г) Қишлоқ хўжалиги вазирлиги (И. Абдураҳмонов), Агросаноатни ривожлантириш агентлиги (Н. Абдуллаев) 2025 йил 1 мартга қадар:
сабзавот уруғлари ва кўчатлари ҳамда мевали дарахтлар кўчатларини сифатли тарзда етказиб бериш бўйича қўлланма ва маълумотномаларни Холдинг компанияга ва ихтисослашган компанияларга етказиб берсин ҳамда базавий ва қамраб олинадиган туманларда семинар ва тренинглар ташкил этсин;
ихтисослашган компаниялар билан энг сара ва ҳосилдорлиги юқори уруғ ва кўчатлар навларини тайёрлаш ҳамда етказиб бериш бўйича илмий-тадқиқот ишларини ўтказиш, маълумотлар базасини шакллантириш жараёнига илмий-тадқиқот институтларини жалб қилсин ва амалий ҳамкорликни йўлга қўйсин;
д) Ўзбекистон техник жиҳатдан тартибга солиш агентлиги (А. Жуманазаров):
10 кун муддатда қишлоқ хўжалиги маҳсулотлари экспортёрларига, Холдинг компанияга ва ихтисослашган компанияларга ҳудудларда экспорт учун етиштирилаётган қишлоқ хўжалиги маҳсулотлари сифатини лабораторияда аниқлаш ва сертификатлаш бўйича соддалаштирилган тартибда хизмат кўрсатиш тизимини жорий этсин;
қишлоқ хўжалиги маҳсулотлари етиштирувчи корхоналар ва экспортёрларга хорижий бозорлардаги талаблар бўйича олдиндан маълумот бериш ва онлайн хабардор қилиш, уларни ўқитиш ҳамда доимий маслаҳат хизматларини йўлга қўйсин;
е) Ташқи ишлар вазирлиги (Б. Саидов), Инвестициялар, саноат ва савдо вазирлиги (Л. Кудратов) Савдо-саноат палатаси (Д. Ваҳобов) билан биргаликда Ўзбекистон Республикасида етиштирилган қишлоқ хўжалиги маҳсулотлари брендини тарғиб қилиш ва экспорт бозорларини кенгайтиришга кўмаклашсин;
ж) Давлат активларини бошқариш агентлиги (А. Ортиков) икки ой муддатда Ўзбекистон фермерлари кенгаши ҳузуридаги Фермер хўжаликларини қўллаб-қувватлаш жамғармасига тегишли давлат активларидан самарали фойдаланиш бўйича таклифларни Вазирлар Маҳкамасига киритсин.
10. Холдинг компания «Бизнесни ривожлантириш банки» АТБга тегишли Тошкент шаҳри Юнусобод тумани Боғишамол кўчаси 282-уй манзилидаги бинода бепул фойдаланиш ҳуқуқи асосида жойлаштирилсин.
Давлат активларини бошқариш агентлиги, Қорақалпоғистон Республикаси Вазирлар Кенгаши ва вилоятлар ҳокимликлари базавий туманларда ихтисослаштирилган компанияларнинг фаолият кўрсатиши учун зарур бўлган бино-иншоотлар ажратилишини таъминласин.
11. Кенгаш Камбағалликни қисқартириш ва бандлик вазирлиги билан биргаликда маҳаллаларда ҳар бир аҳоли томорқасидан мақсадли ва самарали фойдаланиш мақсадида ерни тайёрлаш, уруғ, кўчат, дарахтлар экиш, иссиқхоналар қуриш бўйича ишларни ташкил этиш ва юзага келаётган муаммо ва камчиликларни аниқлаш ҳамда уларни бартараф этиш бўйича вазифалар ва чора-тадбирларнинг ижроси бўйича ҳар ой якуни билан кейинги ойнинг 15-санасига қадар Ўзбекистон Республикаси Президенти Администрациясига ахборот киритиб борсин.
12. Мазкур қарорнинг ижросини самарали ташкил қилишга масъул этиб Бош вазир ўринбосари Ж.А. Қўчқоров белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 14 февралдаги ПҚ-57-сон қарорига 1-ИЛОВА
Талаб юқори бўлган қишлоқ хўжалиги маҳсулотлари кесимида базавий ва қамраб олинадиган туманлар ҳамда «Uzagrostar xolding» компанияси таъсисчилигида ташкил этиладиган ихтисослашган компаниялар
Т/р Жойлашган тумани Ихтисослашган корхона (бренд) номи Қамраб олинадиган туманлар Ихтисослашув йўналишлари 1. Янгийўл тумани «Янгийўл — Агро Стар» МЧЖ Булунғур, Сирдарё, Асака Помидор, қуритилган помидор, кўкатлар, булғор қалампири 2. Қўшработ тумани «Қўшработ — Агро Стар» МЧЖ Иштихон, Ургут, Хатирчи Майиз 3. Ангор тумани «Ангор — Агро Стар» МЧЖ Бекобод, Бўка, Қуйи Чирчиқ Пиёз, брокколи, карам, гулкарам 4. Денов тумани «Денов — Агро Стар» МЧЖ Жарқўрғон, Қумқўрғон, Учкўприк Лимон ва лимон маҳсулотлари, ерёнғоқ 5. Тошкент тумани «Тошкент — Агро Стар» МЧЖ Бўстонлик, Қибрай, Паркент Резавор мевалар (малина, маймунжон, қулупнай, голубика) 6. Жомбой тумани «Жомбой — Агро стар» МЧЖ Булунғур, Ғаллаорол, Узун Ёнғоқ, бодом, писта 7. Қува тумани «Қува — Агро Стар» МЧЖ Паркент, Ўзбекистон, Қувасой шаҳри Шафтоли, гилос, гуллар, кўчатлар 8. Фарғона тумани «Фарғона — Агро Стар» МЧЖ Бешариқ, Риштон, Ўзбекистон Ўрик ва туршак 9. Асака тумани «Асака — Агро Стар» МЧЖ Наманган, Ғиждувон, Термиз Сабзавот кўчатлари 10. Беруний тумани «Беруний — Агро Стар» МЧЖ Кегейли, Чимбой, Қўнғирот Чорва озуқаси 11. Мирзачўл тумани «Мирзачўл — Агро Стар» МЧЖ Мирзаобод, Кўкдала, Сардоба, Янгибозор, Гурлан, Ховос, Оқолтин Тарвуз, қовун 12. Булунғур тумани «Булунғур — Агро стар» МЧЖ Жомбой, Тойлоқ, Самарқанд Картошка 13. Узун тумани «Узун — Агро Стар» МЧЖ Китоб, Каттақўрғон Хурмо, анжир 14. Бахмал тумани «Бахмал — Агро Стар» МЧЖ Қува, Самарқанд, Шаҳрисабз, Ҳазорасп, Янгиариқ Олма, нок 15. Бухоро тумани «Бухоро — Агро Стар» МЧЖ Янгиқўрғон, Китоб, Пайариқ Тойфи (узум) 16. Олтиариқ тумани «Олтиариқ — Агро Стар» МЧЖ Паркент, Бухоро, Иштихон, Олтинсой Узум (ризамат, ҳусайни, келинбармоқ, қоракишмиш) 17. Янгиқўрғон тумани «Наманган-Агро Стар» МЧЖ Чортоқ, Косонсой, Сўх Қора олхўри 18. Қизилтепа тумани «Навоий-Агро Стар» МЧЖ Навбаҳор, Муборак, Бойсун, Томди Чорвачилик (қорамол, қўй, қоракўлчилик) 19. Мирзаобод тумани «Сирдарё-Агро Стар» МЧЖ Боёвут, Қува, Шеробод, Китоб Анорчилик 20. Косон тумани «Қашқадарё-Агро Стар» МЧЖ Касби, Гулистон, Деҳқонобод Сабзичилик ва каврак етиштириш 21. Гурлан тумани «Хоразм-Агро Стар» МЧЖ Сирдарё, Қуйи Чирчиқ, Хонқа Шоличилик
Ўзбекистон Республикаси Президентининг 2025 йил 14 февралдаги ПҚ-57-сон қарорига 2-ИЛОВА
«Uzagrostar xolding» компаниясининг ҳамда унинг муассислигида ташкил этиладиган ихтисослашган компанияларнинг асосий вазифалари
1. «Uzagrostar xolding» компаниясининг асосий вазифалари:
аҳоли томорқалари ва узоқ муддатли ижарага берилган ҳамда бошқа қишлоқ хўжалиги корхоналарига тегишли ер майдонларида маҳсулот етиштиришда ихтисослашувни чуқурлаштириш орқали туманлар ва маҳаллаларда «ўсиш нуқталари»ни шакллантириш;
базавий ва қамраб олинадиган туманларда томорқа ва ижара ер майдонларидан унумли фойдаланиш бўйича ижобий тажрибани бошқа туманларда ҳам босқичма-босқич қўллаш, алоҳида йўналишларда ва тегишли бренд остида фаолият юритишга ихтисослашган компанияларни ташкил этиш ва уларнинг фаолиятини мувофиқлаштириш;
Кенгаш билан келишган ҳолда ихтисослашган компаниялар устав капиталини шакллантириш ва молиявий ресурслар билан таъминлаш учун маблағлар йўналтириш;
ҳар бир танлаб олинган йўналишда дастлабки босқичда 100 та маҳалладаги аҳоли томорқалари ва узоқ муддатли ижарага берилган ер майдонларида бир хил тур ва стандартдаги маҳсулотлар етиштириш бўйича ихтисослашувни чуқурлаштириш, кейинчалик уларнинг сонини 500 тага олиб чиқиш;
мавжуд муаммо ва масалаларни тезкорлик билан ҳал қилиш учун Иқтисодиёт ва молия вазирлиги, Қишлоқ хўжалиги вазирлиги ва бошқа ваколатли давлат органлари билан ҳамкорликда зарурий норматив-ҳуқуқий ҳужжатларни ишлаб чиқиш;
базавий ва қамраб олинадиган ҳудудларда аҳоли томорқаларида ва ижарага берилган экин майдонларида сув тежовчи технологиялардан фойдаланиш ҳамда яшил ва инновацион ёндашувларни қўллаб-қувватлаш бўйича Кенгаш билан келишган ҳолда амалдаги механизмларни такомиллаштириш ва янгиларини жорий этиш.
2. «Uzagrostar xolding» компанияси муассислигида ташкил этиладиган ихтисослашган компанияларнинг асосий вазифалари:
базавий ва қамраб олинадиган туманларда мавжуд томорқа, деҳқон, фермер хўжаликларига ва бошқа корхоналарга тегишли ер майдонлари ҳажми, маҳаллалар ихтисослашуви, асосий экспорт йўналишлари тўғрисидаги асосий маълумотлар базасини шакллантириш;
илмий-тадқиқот институтлари билан ҳамкорликда сифатли уруғ ва кўчатларни танлаш, олиб келиш ва уларнинг экилишини ташкил этиш;
маҳсулот етиштириш ва қайта ишлашга халқаро стандартларни (Global G.A.P, Organic, Halal ва ҳ.к.) жорий қилишни молиявий қўллаб-қувватлаш ҳамда маҳсулотларни экспортга чиқариш бўйича фитосанитария сертификатларини расмийлаштиришга кўмаклашиш;
қишлоқ хўжалиги маҳсулотлари брендини яратиш, юқори қийматли бозорларни топиш учун етакчи тадбиркорлар, халқаро мутахассислар билан ҳамкорлик қилиш ҳамда лойиҳаларни биргаликда амалга ошириш;
яшил технологиялар, жумладан, қуёш панеллари, геоколлекторлар, томчилатиб суғориш, лазерли текислаш, иссиқлик насосларини жорий қилишни қўллаб-қувватлаш, бунда ушбу ёндашувлар асосида камида 1 гектаргача майдонда замонавий иссиқхоналар барпо этиш;
агротуризмни ривожлантириш, жумладан, қишлоқ хўжалиги ва балиқчилик маҳсулотлари фестиваллари ва сайилларини ташкил этиш.
Ўзбекистон Республикаси Президентининг 2025 йил 14 февралдаги ПҚ-57-сон қарорига 3-ИЛОВА
«Бизнесни ривожлантириш банки» АТБ томонидан ишлаб чиқиладиган онлайн ахборот платформасига интеграция қилинадиган ахборот тизимлари ва маълумотлар базалари
Т/р Ахборот тизимлари номи 1. Қишлоқ хўжалиги вазирлигининг «Агроплатформа» электрон ахборот тизими 2. Қишлоқ хўжалиги вазирлигининг «Agrosubsidiya» ягона электрон ахборот тизими 3. Иқтисодиёт ва молия вазирлиги * 4. Инвестициялар, саноат ва савдо вазирлиги * 5. Рақамли технологиялар вазирлиги * 6. «Ўзбеккосмос» агентлиги * 7. Кадастр агентлиги * 8. Солиқ қўмитаси * 9. Божхона қўмитаси * 10. Ўзбекистон фермерлари кенгаши * 11. «Тадбиркорликни ривожлантириш компанияси» АЖ * 12. Камбағалликни қисқартириш ва бандлик вазирлигининг «Онлайн маҳалла» электрон платформаси 13. Марказий банк * 14. Тижорат банклари * 15. «Ўзбекистон республика товар-хом ашё биржаси» АЖ ҳузуридаги «Uzex Agro» электрон савдо платформаси 16. «Агробанк» АТБнинг «Агрозамин» электрон платформаси 17. АТ «Халқ банки»нинг « Оilakredit» электрон ахборот тизими 18. Ўсимликлар карантини ва ҳимояси агентлигининг «e-Fitouz» электрон ахборот тизими 19. Ветеринария ва чорвачиликни ривожлантириш қўмитасининг «VIS-REGISTO N » электрон платформаси 20. Агросаноатни ривожлантириш агентлигининг «Bog ʻ bon» электрон платформаси 21. Тижорат банкларининг қишлоқ хўжалиги соҳасидаги кредитларини расмийлаштиришни ташкил этувчи ахборот тизимлари 22. Суғурта ташкилотларининг ахборот тизимлари *
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 14 февраль,
ПҚ-57-сон
Oʻzbekiston Respublikasi Prezidentining
qarori
ROʻYXATI
ROʻYXATI
“Uzagrostar xolding” kompaniyasi faoliyatini tashkil etish toʻgʻrisida
Oʻzbekiston Respublikasi Prezidentining 2025-yil 14-fevraldagi “Tomorqa yer egalari va dehqon xoʻjaliklari faoliyatida zamonaviy tashkiliy tizimni joriy qilish va moliyaviy qoʻllab-quvvatlashning qoʻshimcha chora-tadbirlari toʻgʻrisida”gi PF-22-son Farmoni ijrosini tashkil etish maqsadida:
1. Tomorqa yer egalari va dehqon xoʻjaliklari faoliyatini rivojlantirish va qishloq xoʻjaligi mahsulotlari ishlab chiqarishni kengaytirish boʻyicha kengash (keyingi oʻrinlarda – Kengash) va “Tadbirkorlikni rivojlantirish kompaniyasi” AJ boshqaruv organlarining quyidagi takliflariga rozilik berilsin:
a) “Uzagrostar xolding” kompaniyasini (keyingi oʻrinlarda – Xolding kompaniya) masʼuliyati cheklangan jamiyat shaklida tashkil etish;
b) “Tadbirkorlikni rivojlantirish kompaniyasi” AJ tashkiliy tuzilmasiga alohida direktor oʻrinbosari lavozimini kiritish va unga Xolding kompaniya faoliyatiga rahbarlik qilish vazifasini yuklash;
v) tashqi va ichki bozorlarda talab yuqori boʻlgan qishloq xoʻjaligi mahsulotlari kesimida bazaviy va qamrab olinadigan tumanlarni belgilash va ushbu hududlardagi mahallalarda mahsulot yetishtirishning ixtisoslashuvini chuqurlashtirish boʻyicha Xolding kompaniya muassisligida ixtisoslashgan kompaniyalarni (keyingi oʻrinlarda – ixtisoslashgan kompaniyalar) 1-ilovaga muvofiq tashkil etish. Bunda:
bazaviy tumanlar ixtisoslashgan kompaniyalarning asosiy faoliyati uchun markaz boʻlib hisoblanadi;
qamrab olinadigan hududlarda belgilangan navlardagi mahsulotlarni yetishtirish, saqlash, qayta ishlash, qadoqlash va tashish bilan bogʻliq innovatsiyalar, yangi texnologiyalar va yondashuvlarni tarqatish va joriy etishni kengaytirish nazarda tutiladi;
dastlabki bosqichda bazaviy tumanlarda ishlarni boshlash va ixtisoslashgan kompaniyalarni tashkil etishga tayyorgarlik koʻrish maqsadida Xolding kompaniyaning tegishli hududdagi yuridik shaxs boʻlmagan loyiha ofislari tashkil etilishi mumkin.
2. “Uzagrostar xolding” kompaniyasining hamda uning muassisligida tashkil etiladigan ixtisoslashgan kompaniyalarning asosiy vazifalari 2-ilovaga muvofiq tasdiqlansin.
Kengash (S. Annaklichev) ikki hafta muddatda ixtisoslashgan kompaniyalarning asosiy vazifalari va funksiyalarini nazarda tutuvchi namunaviy nizomni tasdiqlasin.
3. Shunday tartib oʻrnatilsinki, unga koʻra aholi tomorqalarida va dehqon xoʻjaligi yer maydonlarida mahsulot yetishtirish boʻyicha ixtisoslashuvni ragʻbatlantirish maqsadida quyidagi moliyaviy qoʻllab-quvvatlash instrumentlari joriy etiladi. Bunda:
a) Agrosanoatni rivojlantirish va qoʻllab-quvvatlash davlat maqsadli jamgʻarmasi hisobidan:
uzum koʻchatini shpalerga oʻtkazishga har bir shpaler uchun 15 ming soʻmgacha subsidiya beriladi;
tomorqadagi bogʻlarni yangilash uchun “in-vitro” koʻchat sotib olish xarajatining 50 foizi qoplab beriladi;
b) Qishloq xoʻjaligini davlat tomonidan qoʻllab-quvvatlash jamgʻarmasi mablagʻlari hisobidan 2025-yilda meva-sabzavot mahsulotlari yetishtirish va ularning xaridi uchun ajratiladigan imtiyozli kreditlarga 1 trillion soʻm yoʻnaltiriladi.
Belgilansinki, Qishloq xoʻjaligini davlat tomonidan qoʻllab-quvvatlash jamgʻarmasi resurslari hisobidan meva-sabzavot mahsulotlari yetishtirish xarajatlarini moliyalashtirish uchun kreditlar tijorat banklari orqali 14 foiz stavkada (shundan 5 foiz bank marjasi) sugʻurta polisi va 30 foizlik garov taʼminoti asosida ajratiladi.
4. Quyidagilar Xolding kompaniya faoliyatini moliyalashtirishning asosiy manbalari etib belgilansin:
“Tadbirkorlikni rivojlantirish kompaniyasi” AJ tomonidan ajratiladigan mablagʻlar;
Xolding kompaniyaning boʻsh turgan pul mablagʻlarini tijorat banklari depozitlariga joylashtirish hisobidan olinadigan daromadlar;
mahalliy va xalqaro moliya hamda rivojlantirish tashkilotlarining homiylik, grant va kredit mablagʻlari;
yetakchi tadbirkorlar va eksportyor korxonalarga xizmat koʻrsatishdan kelib tushadigan pul mablagʻlari;
qonunchilik hujjatlarida taqiqlanmagan boshqa mablagʻlar.
5. Belgilansinki, 2025-yilning 1-martidan boshlab qishloq xoʻjaligiga moʻljallangan yer uchastkalari ijara huquqini elektron onlayn auksion savdolari orqali sotishdan tushgan mablagʻlarning 10 foizi respublika budjetiga oʻtkaziladi va maqsadli ravishda aholi tomorqalarida va dehqon xoʻjaligi yer maydonlarida mahsulot yetishtirish boʻyicha ixtisoslashuvni chuqurlashtirish tadbirlariga yoʻnaltiriladi. Bunda:
respublika budjetiga tushgan mablagʻlar “Tadbirkorlikni rivojlantirish kompaniyasi” AJga davlat ulushini oshirish uchun yoʻnaltiriladi va maqsadli ravishda Xolding kompaniya va uning muassisligidagi ixtisoslashgan kompaniyalar faoliyatini moliyaviy qoʻllab-quvvatlash uchun sarflanadi;
“Tadbirkorlikni rivojlantirish kompaniyasi” AJning ustav fondida davlat ulushini oshirish hisobiga qoʻshimcha chiqariladigan va joylashtiriladigan aksiyalar bilan amalga oshiriladigan birjadan tashqari barcha bitimlar boʻyicha “Fond bozorining axborot resurs markazi” DUKning Yagona dasturiy texnik majmuasi orqali koʻrsatiladigan xizmatlari uchun haq undirilmaydi.
6. Aholi tomorqalari va ijaraga berilgan yer maydonlaridan samarali foydalanishni tashkil etish, moliyaviy va boshqa xizmatlarni koʻrsatish hamda mahsulotlarni ichki va tashqi bozorlarda sotish boʻyicha imkoniyatlarni kengaytirish maqsadida:
a) “Oʻzbekiston respublika tovar-xom ashyo birjasi” AJ (Z. Badriddinov) 2025-yil 1-martga qadar “Uzex Agro” elektron savdo platformasida aholi tomorqalari va dehqon xoʻjaliklari yer maydonlarida yetishtirilgan mahsulotlarni toʻgʻridan-toʻgʻri tashqi bozorlarga sotish imkoniyatini yaratsin. Bunda:
birjaning xorijiy mamlakatlardagi 48 ta savdo maydonchasi orqali Oʻzbekistonda mahsulotlarni yetishtirish muddatlari, hajmlari va narxlari toʻgʻrisidagi axborotlarning eʼlon qilinishini yoʻlga qoʻysin;
2025-yilda Asaka, Kitob, Baxmal, Xatirchi va Fargʻona tumanlarida, 2026-yilda esa qishloq xoʻjaligiga ixtisoslashgan yana kamida 5 ta tumanda kichik logistika markazlari, shu jumladan, sigʻimi 100 tonnadan kam boʻlmagan muzlatkichli sigʻimlar, urugʻlik, koʻchat, kimyoviy vositalar va mineral oʻgʻitlarni tarqatish markazlarini barpo etib, keyinchalik ularning “Tadbirkorlikni rivojlantirish kompaniyasi” AJ moliyaviy instrumentlari orqali lider tadbirkorlarga berilishini taʼminlasin;
b) Kengash (S. Annaklichev):
Raqamli texnologiyalar vazirligi (Sh. Shermatov) bilan birgalikda olti oy muddatda 3-ilovaga muvofiq axborot tizimlari va maʼlumotlar bazalarini integratsiya qilgan holda tomorqa va uzoq muddatli ijaraga berilgan yer maydonlari egalariga onlayn maslahat va maʼlumot olish, moliyaviy xizmatlardan foydalanish hamda mahsulotlarni sotish boʻyicha yagona xizmat koʻrsatish va monitoring qilish platformasini (keyingi oʻrinlarda – Platforma) ishga tushirsin;
Platformada bir oy muddatda maxsus bank kartasi orqali dehqonlarga yetishtiradigan mahsulotining 70 foizigacha miqdorda imtiyozli onlayn kredit ajratish tizimini ishga tushirsin;
bir oy muddatda biznes jarayonlarni raqamlashtirish, xususan, mavjud axborot tizimlarini integratsiya qilish orqali Platformaning mobil ilovasini ishlab chiqsin va yetakchi tadbirkorlar, eksportyorlar hamda logistika korxonalari jalb qilinishini taʼminlasin.
7. Belgilansinki, Kengash tavsiyasiga asosan Xolding kompaniya va ixtisoslashgan kompaniyalarga tovar (ish, xizmat)lar eksportini rivojlantirish uchun toʻgʻridan-toʻgʻri shartnomalar asosida zamonaviy issiqxona, plantatsiyalar, agrologistika markazlari (agromajmualar) loyihalarini amalga oshirish boʻyicha loyiha-smeta hujjatlarini ishlab chiquvchi va pudrat tashkilotlari bilan shartnomalar tuzish hamda mahalliy va xalqaro yuridik, auditorlik kompaniyalari, investitsiya maslahatchilari hamda investitsiya banklari, ilgʻor xorijiy va mahalliy taʼlim muassasalari, yuqori malakali agronom, texnolog, marketolog, usta dehqonlarni jalb etish, shuningdek, axborotlashtirish qurilmalari, dasturiy taʼminot va laboratoriya jihozlarini xarid qilish huquqi beriladi.
Bunda tuziladigan shartnomalar oʻrnatilgan tartibga muvofiq “Loyihalar va import kontraktlarini kompleks ekspertiza qilish markazi” DUKda uch ish kuni ichida kompleks ekspertizadan oʻtkaziladi.
8. Kambagʻallikni qisqartirish va bandlik vazirligiga dehqon xoʻjaliklari va aholi tomorqalari bilan bogʻliq qoʻshimcha vazifa va funksiyalar yuklanishi munosabati bilan Oʻzbekiston fermerlari kengashining 23 ta shtat birligini maqbullashtirish hisobiga Kambagʻallikni qisqartirish va bandlik vazirligi markaziy apparatiga 10 ta, Qoraqalpogʻiston Respublikasi Kambagʻallikni qisqartirish va bandlik vazirligi hamda viloyatlar kambagʻallikni qisqartirish va bandlik boshqarmalariga 1 tadan 13 ta shtat birligi ajratilsin.
9. Mazkur qarorning oʻz vaqtida va sifatli amalga oshirilishini hamda natijadorligini taʼminlash maqsadida:
a) Kengash (S. Annaklichev) Iqtisodiyot va moliya vazirligi (I. Norqulov) va “Tadbirkorlikni rivojlantirish kompaniyasi” AJ (A. Maxamatov) bilan birgalikda:
2025-yil 20-fevralga qadar Xolding kompaniyaning tashkiliy tuzilmasini ishlab chiqib, tasdiqlasin;
2025-yil 1-martga qadar tegishli tijorat banklari va tuman hokimliklari bilan birgalikda mazkur qarorning 1-ilovasiga muvofiq bazaviy tumanlarda ixtisoslashgan kompaniyalarning tashkiliy tuzilmasini tasdiqlagan holda rahbar va malakali xodimlar bilan butlanishi hamda uning faoliyati yoʻlga qoʻyilishini taʼminlasin;
2025-yil 10-martga qadar har bir bazaviy va qamrab olinadigan tumanlarda eksportyor va yetakchi tadbirkorlar bilan uchrashuvlarni oʻtkazgan holda qishloq xoʻjaligi mahsulotlari yetishtirishdan tortib eksport bozorlarida sotishgacha boʻlgan barcha bosqichdagi muammo va masalalar roʻyxatini hamda kerakli statistika va tahliliy maʼlumotlar bazasini shakllantirsin. Bunda:
tadbirkorlar tomonidan koʻtarilgan masalalar va tahliliy maʼlumotlar asosida qisqa muddatda amalga oshiriladigan ishlar boʻyicha batafsil chora-tadbirlar rejasini tasdiqlasin hamda uning bajarilishini taʼminlasin;
ixtisoslashgan kompaniyalar tomonidan amalga oshirilgan ishlar yuzasidan hisobotlar, tizimli muammo va takliflarni har oy yakuni bilan muhokama qilib borsin hamda ularning natijalari boʻyicha maʼlumotlarni Vazirlar Mahkamasiga kiritib borsin;
b) Vazirlar Mahkamasi Kengash va Xolding kompaniya tomonidan kiritilgan masalalarni va hujjatlar loyihalarini soddalashtirilgan va tezkor tartibda koʻrib chiqib, tegishli qarorlarning qabul qilinishini taʼminlasin;
v) Qishloq xoʻjaligi vazirligi (I. Abdurahmonov) Oʻsimliklar karantini va himoyasi agentligi (I. Ergashev), Bojxona qoʻmitasi (A. Mavlonov) bilan birgalikda:
10 kun muddatda Oʻzbekiston Respublikasida muvofiqlik sertifikatiga ega boʻlgan urugʻlik va koʻchat importi bilan shugʻullanuvchi korxonalar va ekishga ruxsat berilgan navlar boʻyicha roʻyxatni Xolding Kompaniyaga yetkazsin;
bir oyda xorijiy koʻkat ekinlari urugʻlari va navlarini oʻrganib, aholi xonadonigacha yetkazib berish tizimini yoʻlga qoʻysin;
2025-yil 1-aprelga qadar mahsulotlar eksporti boʻyicha asosiy hamkor mamlakatlarning oʻsimliklar karantini va himoyasi sohasidagi tashkilotlari bilan birgalikda eksport oldi koʻrigini va sertifikatlash xizmatlarini bevosita mahsulotlar joʻnatilgunga qadar tashkil qilish amaliyotini joriy qilsin;
ixtisoslashgan kompaniyalar uchun urugʻlik va koʻchat import qilishda soddalashtirilgan tizimni joriy etsin hamda ekish mavsumida narxlar keskin oshishining oldini olish boʻyicha shaxsan javobgar etib belgilansin;
g) Qishloq xoʻjaligi vazirligi (I. Abdurahmonov), Agrosanoatni rivojlantirish agentligi (N. Abdullayev) 2025-yil 1-martga qadar:
sabzavot urugʻlari va koʻchatlari hamda mevali daraxtlar koʻchatlarini sifatli tarzda yetkazib berish boʻyicha qoʻllanma va maʼlumotnomalarni Xolding kompaniyaga va ixtisoslashgan kompaniyalarga yetkazib bersin hamda bazaviy va qamrab olinadigan tumanlarda seminar va treninglar tashkil etsin;
ixtisoslashgan kompaniyalar bilan eng sara va hosildorligi yuqori urugʻ va koʻchatlar navlarini tayyorlash hamda yetkazib berish boʻyicha ilmiy-tadqiqot ishlarini oʻtkazish, maʼlumotlar bazasini shakllantirish jarayoniga ilmiy-tadqiqot institutlarini jalb qilsin va amaliy hamkorlikni yoʻlga qoʻysin;
d) Oʻzbekiston texnik jihatdan tartibga solish agentligi (A. Jumanazarov):
10 kun muddatda qishloq xoʻjaligi mahsulotlari eksportyorlariga, Xolding kompaniyaga va ixtisoslashgan kompaniyalarga hududlarda eksport uchun yetishtirilayotgan qishloq xoʻjaligi mahsulotlari sifatini laboratoriyada aniqlash va sertifikatlash boʻyicha soddalashtirilgan tartibda xizmat koʻrsatish tizimini joriy etsin;
qishloq xoʻjaligi mahsulotlari yetishtiruvchi korxonalar va eksportyorlarga xorijiy bozorlardagi talablar boʻyicha oldindan maʼlumot berish va onlayn xabardor qilish, ularni oʻqitish hamda doimiy maslahat xizmatlarini yoʻlga qoʻysin;
e) Tashqi ishlar vazirligi (B. Saidov), Investitsiyalar, sanoat va savdo vazirligi (L. Kudratov) Savdo-sanoat palatasi (D. Vahobov) bilan birgalikda Oʻzbekiston Respublikasida yetishtirilgan qishloq xoʻjaligi mahsulotlari brendini targʻib qilish va eksport bozorlarini kengaytirishga koʻmaklashsin;
j) Davlat aktivlarini boshqarish agentligi (A. Ortikov) ikki oy muddatda Oʻzbekiston fermerlari kengashi huzuridagi Fermer xoʻjaliklarini qoʻllab-quvvatlash jamgʻarmasiga tegishli davlat aktivlaridan samarali foydalanish boʻyicha takliflarni Vazirlar Mahkamasiga kiritsin.
10. Xolding kompaniya “Biznesni rivojlantirish banki” ATBga tegishli Toshkent shahri Yunusobod tumani Bogʻishamol koʻchasi 282-uy manzilidagi binoda bepul foydalanish huquqi asosida joylashtirilsin.
Davlat aktivlarini boshqarish agentligi, Qoraqalpogʻiston Respublikasi Vazirlar Kengashi va viloyatlar hokimliklari bazaviy tumanlarda ixtisoslashtirilgan kompaniyalarning faoliyat koʻrsatishi uchun zarur boʻlgan bino-inshootlar ajratilishini taʼminlasin.
11. Kengash Kambagʻallikni qisqartirish va bandlik vazirligi bilan birgalikda mahallalarda har bir aholi tomorqasidan maqsadli va samarali foydalanish maqsadida yerni tayyorlash, urugʻ, koʻchat, daraxtlar ekish, issiqxonalar qurish boʻyicha ishlarni tashkil etish va yuzaga kelayotgan muammo va kamchiliklarni aniqlash hamda ularni bartaraf etish boʻyicha vazifalar va chora-tadbirlarning ijrosi boʻyicha har oy yakuni bilan keyingi oyning 15-sanasiga qadar Oʻzbekiston Respublikasi Prezidenti Administratsiyasiga axborot kiritib borsin.
12. Mazkur qarorning ijrosini samarali tashkil qilishga masʼul etib Bosh vazir oʻrinbosari J.A. Qoʻchqorov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 14-fevraldagi PQ-57-son qaroriga 1-ILOVA
Talab yuqori boʻlgan qishloq xoʻjaligi mahsulotlari kesimida bazaviy va qamrab olinadigan tumanlar hamda “Uzagrostar xolding” kompaniyasi taʼsischiligida tashkil etiladigan ixtisoslashgan kompaniyalar
T/r Joylashgan tumani Ixtisoslashgan korxona (brend) nomi Qamrab olinadigan tumanlar Ixtisoslashuv yoʻnalishlari 1. Yangiyoʻl tumani “Yangiyoʻl — Agro Star” MCHJ Bulungʻur, Sirdaryo, Asaka Pomidor, quritilgan pomidor, koʻkatlar, bulgʻor qalampiri 2. Qoʻshrabot tumani “Qoʻshrabot — Agro Star” MCHJ Ishtixon, Urgut, Xatirchi Mayiz 3. Angor tumani “Angor — Agro Star” MCHJ Bekobod, Boʻka, Quyi Chirchiq Piyoz, brokkoli, karam, gulkaram 4. Denov tumani “Denov — Agro Star” MCHJ Jarqoʻrgʻon, Qumqoʻrgʻon, Uchkoʻprik Limon va limon mahsulotlari, yeryongʻoq 5. Toshkent tumani “Toshkent — Agro Star” MCHJ Boʻstonlik, Qibray, Parkent Rezavor mevalar (malina, maymunjon, qulupnay, golubika) 6. Jomboy tumani “Jomboy — Agro star” MCHJ Bulungʻur, Gʻallaorol, Uzun Yongʻoq, bodom, pista 7. Quva tumani “Quva — Agro Star” MCHJ Parkent, Oʻzbekiston, Quvasoy shahri Shaftoli, gilos, gullar, koʻchatlar 8. Fargʻona tumani “Fargʻona — Agro Star” MCHJ Beshariq, Rishton, Oʻzbekiston Oʻrik va turshak 9. Asaka tumani “Asaka — Agro Star” MCHJ Namangan, Gʻijduvon, Termiz Sabzavot koʻchatlari 10. Beruniy tumani “Beruniy — Agro Star” MCHJ Kegeyli, Chimboy, Qoʻngʻirot Chorva ozuqasi 11. Mirzachoʻl tumani “Mirzachoʻl — Agro Star” MCHJ Mirzaobod, Koʻkdala, Sardoba, Yangibozor, Gurlan, Xovos, Oqoltin Tarvuz, qovun 12. Bulungʻur tumani “Bulungʻur — Agro star” MCHJ Jomboy, Toyloq, Samarqand Kartoshka 13. Uzun tumani “Uzun — Agro Star” MCHJ Kitob, Kattaqoʻrgʻon Xurmo, anjir 14. Baxmal tumani “Baxmal — Agro Star” MCHJ Quva, Samarqand, Shahrisabz, Hazorasp, Yangiariq Olma, nok 15. Buxoro tumani “Buxoro — Agro Star” MCHJ Yangiqoʻrgʻon, Kitob, Payariq Toyfi (uzum) 16. Oltiariq tumani “Oltiariq — Agro Star” MCHJ Parkent, Buxoro, Ishtixon, Oltinsoy Uzum (rizamat, husayni, kelinbarmoq, qorakishmish) 17. Yangiqoʻrgʻon tumani “Namangan-Agro Star” MCHJ Chortoq, Kosonsoy, Soʻx Qora olxoʻri 18. Qiziltepa tumani “Navoiy-Agro Star” MCHJ Navbahor, Muborak, Boysun, Tomdi Chorvachilik (qoramol, qoʻy, qorakoʻlchilik) 19. Mirzaobod tumani “Sirdaryo-Agro Star” MCHJ Boyovut, Quva, Sherobod, Kitob Anorchilik 20. Koson tumani “Qashqadaryo-Agro Star” MCHJ Kasbi, Guliston, Dehqonobod Sabzichilik va kavrak yetishtirish 21. Gurlan tumani “Xorazm-Agro Star” MCHJ Sirdaryo, Quyi Chirchiq, Xonqa Sholichilik
Oʻzbekiston Respublikasi Prezidentining 2025-yil 14-fevraldagi PQ-57-son qaroriga 2-ILOVA
“Uzagrostar xolding” kompaniyasining hamda uning muassisligida tashkil etiladigan ixtisoslashgan kompaniyalarning asosiy vazifalari
1. “Uzagrostar xolding” kompaniyasining asosiy vazifalari:
aholi tomorqalari va uzoq muddatli ijaraga berilgan hamda boshqa qishloq xoʻjaligi korxonalariga tegishli yer maydonlarida mahsulot yetishtirishda ixtisoslashuvni chuqurlashtirish orqali tumanlar va mahallalarda “oʻsish nuqtalari”ni shakllantirish;
bazaviy va qamrab olinadigan tumanlarda tomorqa va ijara yer maydonlaridan unumli foydalanish boʻyicha ijobiy tajribani boshqa tumanlarda ham bosqichma-bosqich qoʻllash, alohida yoʻnalishlarda va tegishli brend ostida faoliyat yuritishga ixtisoslashgan kompaniyalarni tashkil etish va ularning faoliyatini muvofiqlashtirish;
Kengash bilan kelishgan holda ixtisoslashgan kompaniyalar ustav kapitalini shakllantirish va moliyaviy resurslar bilan taʼminlash uchun mablagʻlar yoʻnaltirish;
har bir tanlab olingan yoʻnalishda dastlabki bosqichda 100 ta mahalladagi aholi tomorqalari va uzoq muddatli ijaraga berilgan yer maydonlarida bir xil tur va standartdagi mahsulotlar yetishtirish boʻyicha ixtisoslashuvni chuqurlashtirish, keyinchalik ularning sonini 500 taga olib chiqish;
mavjud muammo va masalalarni tezkorlik bilan hal qilish uchun Iqtisodiyot va moliya vazirligi, Qishloq xoʻjaligi vazirligi va boshqa vakolatli davlat organlari bilan hamkorlikda zaruriy normativ-huquqiy hujjatlarni ishlab chiqish;
bazaviy va qamrab olinadigan hududlarda aholi tomorqalarida va ijaraga berilgan ekin maydonlarida suv tejovchi texnologiyalardan foydalanish hamda yashil va innovatsion yondashuvlarni qoʻllab-quvvatlash boʻyicha Kengash bilan kelishgan holda amaldagi mexanizmlarni takomillashtirish va yangilarini joriy etish.
2. “Uzagrostar xolding” kompaniyasi muassisligida tashkil etiladigan ixtisoslashgan kompaniyalarning asosiy vazifalari:
bazaviy va qamrab olinadigan tumanlarda mavjud tomorqa, dehqon, fermer xoʻjaliklariga va boshqa korxonalarga tegishli yer maydonlari hajmi, mahallalar ixtisoslashuvi, asosiy eksport yoʻnalishlari toʻgʻrisidagi asosiy maʼlumotlar bazasini shakllantirish;
ilmiy-tadqiqot institutlari bilan hamkorlikda sifatli urugʻ va koʻchatlarni tanlash, olib kelish va ularning ekilishini tashkil etish;
mahsulot yetishtirish va qayta ishlashga xalqaro standartlarni (Global G.A.P, Organic, Halal va h.k.) joriy qilishni moliyaviy qoʻllab-quvvatlash hamda mahsulotlarni eksportga chiqarish boʻyicha fitosanitariya sertifikatlarini rasmiylashtirishga koʻmaklashish;
qishloq xoʻjaligi mahsulotlari brendini yaratish, yuqori qiymatli bozorlarni topish uchun yetakchi tadbirkorlar, xalqaro mutaxassislar bilan hamkorlik qilish hamda loyihalarni birgalikda amalga oshirish;
yashil texnologiyalar, jumladan, quyosh panellari, geokollektorlar, tomchilatib sugʻorish, lazerli tekislash, issiqlik nasoslarini joriy qilishni qoʻllab-quvvatlash, bunda ushbu yondashuvlar asosida kamida 1 gektargacha maydonda zamonaviy issiqxonalar barpo etish;
agroturizmni rivojlantirish, jumladan, qishloq xoʻjaligi va baliqchilik mahsulotlari festivallari va sayillarini tashkil etish.
Oʻzbekiston Respublikasi Prezidentining 2025-yil 14-fevraldagi PQ-57-son qaroriga 3-ILOVA
“Biznesni rivojlantirish banki” ATB tomonidan ishlab chiqiladigan onlayn axborot platformasiga integratsiya qilinadigan axborot tizimlari va maʼlumotlar bazalari
T/r Axborot tizimlari nomi 1. Qishloq xoʻjaligi vazirligining “Agroplatforma” elektron axborot tizimi 2. Qishloq xoʻjaligi vazirligining “Agrosubsidiya” yagona elektron axborot tizimi 3. Iqtisodiyot va moliya vazirligi * 4. Investitsiyalar, sanoat va savdo vazirligi * 5. Raqamli texnologiyalar vazirligi * 6. “Oʻzbekkosmos” agentligi * 7. Kadastr agentligi * 8. Soliq qoʻmitasi * 9. Bojxona qoʻmitasi * 10. Oʻzbekiston fermerlari kengashi * 11. “Tadbirkorlikni rivojlantirish kompaniyasi” AJ * 12. Kambagʻallikni qisqartirish va bandlik vazirligining “Onlayn mahalla” elektron platformasi 13. Markaziy bank * 14. Tijorat banklari * 15. “Oʻzbekiston respublika tovar-xom ashyo birjasi” AJ huzuridagi “Uzex Agro” elektron savdo platformasi 16. “Agrobank” ATBning “Agrozamin” elektron platformasi 17. AT “Xalq banki”ning “ Oilakredit” elektron axborot tizimi 18. Oʻsimliklar karantini va himoyasi agentligining “e-Fitouz” elektron axborot tizimi 19. Veterinariya va chorvachilikni rivojlantirish qoʻmitasining “VIS-REGISTO N ” elektron platformasi 20. Agrosanoatni rivojlantirish agentligining “Bog ʻ bon” elektron platformasi 21. Tijorat banklarining qishloq xoʻjaligi sohasidagi kreditlarini rasmiylashtirishni tashkil etuvchi axborot tizimlari 22. Sugʻurta tashkilotlarining axborot tizimlari *
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 14-fevral,
PQ-57-son
Президента Республики Узбекистан
Постановление
Об организации деятельности Компании «Uzagrostar xolding»
В целях организации исполнения Указа Президента Республики Узбекистан от 14 февраля 2025 года № УП-22 «О дополнительных мерах по внедрению современной организационной системы и финансовой поддержке деятельности владельцев приусадебных земель и дехканских хозяйств»:
1. Согласиться со следующими предложениями управленческих органов Совета по развитию деятельности владельцев приусадебных земель и дехканских хозяйств, расширению производства сельскохозяйственной продукции (далее – Совет) и АО «Компания по развитию предпринимательства», предусматривающими:
а) образование Компании «Uzagrostar xolding» в форме общества с ограниченной ответственностью (далее – Холдинговая компания);
б) введение в организационную структуру АО «Компания по развитию предпринимательства» отдельной должности заместителя директора и возложение на него задач по руководству деятельностью Холдинговой компании;
в) определение базовых и охватываемых районов в разрезе сельскохозяйственной продукции, востребованной на внутреннем и внешнем рынках, а также образование при учредительстве Холдинговой компании специализированных компаний по углублению специализации махаллей в указанных районах на выращивании продукции (далее – специализированные компании) согласно приложению № 1 * . При этом:
базовые районы являются центром для основной деятельности специализированных компаний;
в охватываемых районах предусматривается расширение инноваций, связанных с выращиванием, хранением, переработкой, фасовкой и транспортировкой определенных сортов продукции, а также распространения и внедрения в них новых технологий и подходов;
на начальном этапе в базовых районах для начала работ и подготовки к образованию специализированных компаний могут создаваться не являющиеся юридическим лицом проектные офисы Холдинговой компании на соответствующей территории.
2. Утвердить Основные задачи Компании «Uzagrostar xolding» и специализированных компаний, образуемых при ее учредительстве, согласно приложению № 2 * .
Совету (Аннакличев С.) в двухнедельный срок утвердить типовое положение, предусматривающее основные задачи и функции специализированных компаний.
3. Установить порядок, в соответствии с которым в целях стимулирования специализации приусадебных земель населения и земельных площадей дехканских хозяйств на выращивании продукции внедряются следующие инструменты финансовой поддержки. При этом:
а) за счет Государственного целевого фонда по развитию и поддержке агропромышленности:
предоставляется субсидия за поднятие саженцев винограда на шпалеры – в размере до 15 тысяч сумов за каждую шпалеру;
покрывается 50 процентов расходов на приобретение рассады «in-vitro» для обновления садов на приусадебных землях;
б) за счет средств Фонда государственной поддержки сельского хозяйства – направляется 1 триллион сумов на льготные кредиты, выделяемые для выращивания и закупок плодоовощной продукции в 2025 году.
Установить, что кредиты для финансирования расходов на выращивание плодоовощной продукции за счет ресурсов Фонда государственной поддержки сельского хозяйства выделяются коммерческими банками по ставке 14 процентов (из них маржа банка – 5 процента) на основе страхового полиса и 30-процентного залогового обеспечения.
4. Определить основными источниками финансирования деятельности Холдинговой компании:
средства, выделяемые со стороны АО «Компания по развитию предпринимательства»;
доходы, получаемые за счет размещения свободных денежных средств Холдинговой компании на депозитах коммерческих банков;
спонсорские, грантовые и кредитные средства отечественных и международных финансовых организаций и организаций по развитию;
денежные средства, поступающие от оказания услуг ведущим предпринимателям и предприятиям-экспортерам;
иные средства, не запрещенные актами законодательства.
5. Установить, что 10 процентов средств, поступивших от реализации права на аренду земельных участков сельскохозяйственного назначения на электронных онлайн-аукционных торгах, перечисляются в республиканский бюджет и направляются в целевом порядке на мероприятия по углублению специализации приусадебных земель населения и земельных площадей дехканских хозяйств на выращивание продукции. При этом:
средства, поступившие в республиканский бюджет, перечисляются в АО «Компания по развитию предпринимательства» для увеличения государственной доли и в целевом порядке расходуются для финансовой поддержки деятельности Холдинговой компании и специализированных компаний при ее учредительстве;
плата за услуги по всем внебиржевым сделкам, осуществляемым с акциями, дополнительно выпускаемыми и размещаемыми за счет увеличения государственной доли в уставном фонде АО «Компания по развитию предпринимательства», предоставляемые посредством Единого программно-технического комплекса ГУП «Информационно-ресурсный центр фондового рынка», не взимается.
6. В целях организации эффективной эксплуатации приусадебных земель населения и переданных в аренду земельных площадей, а также расширения возможностей оказания финансовых и других услуг, реализации продукции на внутреннем и внешнем рынках:
а) АО «Узбекская Республиканская товарно-сырьевая биржа» (Бадриддинов З.) в срок до 1 марта 2025 года создать на Электронной торговой платформе «Uzex Agro» возможность прямой реализации на внешних рынках продукции, выращенной на приусадебных землях населения и земельных площадях дехканских хозяйств. При этом:
организовать публикацию сведений о сроках выращивания продукции в Узбекистане, их объемах и ценах посредством 48 торговых площадок этой Биржи в зарубежных государствах;
образовать в 2025 году – в Асакинском, Китабском, Бахмальском, Хатырчинском и Ферганском районах, в 2026 году – также минимум в 5 районах, специализированных на сельском хозяйстве, малые центры логистики, включая центры раздачи холодильных емкостей объемом не менее 100 тонн, семян, саженцев, химических средств и минеральных удобрений, а также обеспечить их последующую передачу предпринимателям-лидерам посредством финансовых инструментов АО «Компания по развитию предпринимательства»;
б) Совету (Аннакличев С.):
совместно с Министерством цифровых технологий (Ш. Шерматов) в шестимесячный срок запустить Единую платформу услуг и мониторинга (далее – Платформа) с функциями онлайн-консультирования и информирования, использования финансовых услуг и услуг реализации продукции для владельцев приусадебных земель и земельных площадей, переданных в долгосрочную аренду, путем осуществления интеграции информационных систем и баз данных согласно приложению № 3 * ;
в месячный срок запустить на Платформе систему выделения онлайн-льготных кредитов дехканам посредством специальной банковской карты в размере до 70 процентов выращенной продукции;
в месячный срок разработать мобильное приложение Платформы посредством цифровизации бизнес-процессов, в частности осуществления интеграции действующих информационных систем, а также обеспечить привлечение ведущих предпринимателей, экспортеров и логистических предприятий.
7. Определить, что на основе рекомендаций Совета Холдинговой компании и специализированными компаниям предоставляется право заключать договоры с разработчиками проектно-сметной документации и подрядными организациями для реализации проектов по современным теплицам, плантациям, агрологистическим центрам (агрокомплексам), а также привлекать отечественных и международных юридических лиц, аудиторские компании, инвестиционных консультантов и инвестиционные банки, передовые зарубежные и отечественные образовательные учреждения, высококвалифицированных агрономов, технологов, маркетологов, умелых дехкан, а также приобретать устройства информатизации, программного обеспечения и лабораторного оборудования на основании прямых договоров для развития экспорта товаров (работ, услуг).
При этом комплексная экспертиза заключаемых договоров проводится в ГУП «Центр комплексной экспертизы проектов и импортных контрактов» в соответствии с установленным порядком в течение трех рабочих дней.
8. В связи с возложением на Министерство занятости и сокращения бедности дополнительных задач и функций, связанных с дехканскими хозяйствами и приусадебными землями населения, за счет оптимизации 23 штатных единиц Совета фермеров Узбекистана передать 10 штатных единиц центральному аппарату Министерства занятости и сокращения бедности, 13 штатных единиц, в частности по 1 штатной единице – Министерству занятости и сокращения бедности Республики Каракалпакстан и управлениям занятости и сокращения бедности областей.
9. В целях обеспечения своевременного и качественного исполнения, а также результативности настоящего постановления:
а) Совету (Аннакличев С.) совместно с Министерством экономики и финансов (Норкулов И.), а также АО «Компания по развитию предпринимательства» (Махаматов А.):
в срок до 20 февраля 2025 года разработать и утвердить организационную структуру Холдинговой компании;
в срок до 1 марта 2025 года совместно с соответствующими коммерческими банками и хокимиятами районов утвердить организационную структуру и обеспечить организацию деятельности и укомплектование руководящими и квалифицированными работниками специализированных компаний в базовых районах, указанных в приложении № 1 * к настоящему постановлению;
в срок до 10 марта 2025 года в каждом базовом и охватываемом районе провести встречи с экспортерами и ведущими предпринимателями, сформировать перечень проблем и задач, а также базу необходимых статистических и аналитических сведений по всем этапам от выращивания до реализации на экспортных рынках сельскохозяйственной продукции. При этом:
утвердить и обеспечить реализацию плана детальных мер по подлежащим выполнению в короткие сроки работам на основе затронутых предпринимателями вопросов и аналитических данных;
по итогам каждого месяца проводить обсуждение отчетов о проделанной работе, системных проблем и предложений специализированных компаний, вносить в Кабинет Министров информацию по их результатам;
б) Кабинету Министров обеспечить рассмотрение в упрощенном и ускоренном порядке вопросов и проектов документов, внесенных Советом и Холдинговой компанией, а также принятие по ним соответствующих постановлений;
в) Министерству сельского хозяйства (Абдурахмонов И.) совместно с Агентством по карантину и защите растений (Эргашев И.), Таможенным комитетом (Мавлонов А.):
в десятидневный срок довести до Холдинговой компании перечень предприятий, занимающихся импортом имеющих сертификат соответствия Республики Узбекистан семян и саженцев, а также разрешенных сортов;
в месячный срок изучить и внедрить систему поставки домохозяйствам населения импортных семян и сортов зелени;
в срок до 1 апреля 2025 года совместно с организациями в сфере карантина и защиты растений основных стран-партнеров по экспорту продукции внедрить практику организации предэкспортной проверки и услуг сертификации непосредственно до отправки продукции;
внедрить для специализированных компаний упрощенную систему импортирования семян и саженцев, а также возложить на них персональную ответственность за предупреждение резкого повышения цен в сезон посева;
г) Министерству сельского хозяйства (Абдурахмонов И.) и Агентству по развитию агропромышленности (Абдуллаев Н.) в срок до 1 марта 2025 года:
довести до Холдинговой компании и специализированных компаний пособия и справочники, а также организовать семинары и тренинги по качественной поставке семян и саженцев овощей, саженцев фруктовых деревьев в базовых и охватываемых районах;
привлечь и наладить практическое сотрудничество с научно-исследовательскими институтами в процессе осуществления научно-исследовательских работ, формирования базы данных по подготовке и поставке элитных и высокоурожайных сортов семян и саженцев совместно со специализированными компаниями;
д) Узбекскому агентству по техническому регулированию (Жуманазаров А.):
в десятидневный срок внедрить систему оказания услуг в упрощенном порядке экспортерам сельскохозяйственной продукции, Холдинговой компании и специализированным компаниям по определению качества в лаборатории и сертификации сельскохозяйственной продукции, выращиваемой на экспорт в регионах;
внедрить оказание услуг по заблаговременному информированию, онлайн-уведомлению, обучению работников и регулярному консультированию предприятий, занимающихся выращиванием и экспортом сельскохозяйственной продукции, о требованиях, предъявляемых на зарубежных рынках;
е) Министерству иностранных дел (Саидов Б.), Министерству инвестиций, промышленности и торговли (Кудратов Л.) совместно с Торгово-промышленной палатой (Вахабов Д.) оказывать содействие в пропаганде брендов сельскохозяйственной продукции, выращенной в Республике Узбекистан, и расширении рынков ее экспорта;
ж) Агентству по управлению государственными активами (Ортиков А.) в двухмесячный срок внести в Кабинет Министров предложения об эффективном использовании государственных активов, относящихся Фонду поддержки фермерских хозяйств при Совете фермеров Узбекистана.
10. Разместить Холдинговую компанию в здании, принадлежащем АКБ «Банк развития бизнеса», расположенном по адресу: город Ташкент, Юнусабадский район, улица Богишамол, дом 282, на основе права безвозмездного пользования.
Агентству по управлению государственными активами, Совету Министров Республики Каракалпакстан и хокимиятам областей обеспечить выделение зданий и сооружений, необходимых для осуществления деятельности специализированных компаний, в базовых районах.
11. Совету совместно с Министерством занятости и сокращения бедности регулярно в срок до 15-го числа месяца, следующего за отчетным месяцем, вносить в Администрацию Президента Республики Узбекистан информацию об организации работ по подготовке земель, посадке семян, саженцев и деревьев, строительству теплиц, решению задач и реализации мер, направленных на выявление и устранение возникающих в этом направлении проблем и недостатков, в целях целевого и эффективного использования каждой приусадебной земли домохозяйств населения в махаллях.
12. Возложить на заместителя Премьер-министра Кучкарова Д.А. персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан Арипова А.Н.
Президент Республики Узбекистан Ш. МИРЗИЁЕВ
г. Ташкент,
14 февраля 2025 г.,
№ ПП-57