📅 2025-yil 20-fevral · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 20 февраль · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 20 февраля 2025 г. · Законы и кодексы
Официальный текст. Официальный документ. Редакционные примечания не включены.
📅 20 February 2025 · Laws and codes
Official text. Official document. Editorial notes are not included.
Ўзбекистон Республикасининг Қонуни
«Давлат божи тўғрисида»ги Ўзбекистон Республикаси Қонунига қўшимча ва ўзгартиришлар киритиш ҳақида
Қонунчилик палатаси томонидан 2024 йил 15 октябрда қабул қилинган Сенат томонидан 2025 йил 24 январда маъқулланган
Кейинги йилларда мамлакатимизда энергия ресурсларидан оқилона ва самарали фойдаланишга, иқтисодиётни жадал ривожлантириш учун зарур бўлган энергиянинг ҳосил қилиниши ва сарфланишини барқарорлаштиришга ҳамда Ўзбекистон Республикаси ҳудудида чет эл тижорат ташкилотларининг ваколатхоналарини аккредитация қилишни соддалаштиришга қаратилган ислоҳотлар амалга оширилмоқда.
Бироқ энергия ресурслари истеъмолчилари томонидан тўлов интизоми даражасининг пастлиги иссиқлик ва электр энергиясини етказиб берувчиларнинг молиявий кўрсаткичларига салбий таъсир кўрсатмоқда.
Шу муносабат билан иссиқлик ва электр энергиясини етказиб берувчилар томонидан истеъмолчиларга энергия ресурслари барқарор етказиб берилишини ҳамда сифатли хизматлар кўрсатилишини таъминлаш учун етказиб берилган энергия учун тўлов бўйича қарзларни ўз вақтида ундириш зарурияти юзага келмоқда.
Бундан ташқари «Давлат божи тўғрисида»ги Ўзбекистон Республикаси Қонунида чет эл тижорат ташкилотларининг ваколатхоналарини аккредитация қилганлик учун давлат божи тўланиши назарда тутилмоқда. Шу билан бирга аккредитациянинг қайси даври учун давлат божи тўланиши аниқлаштирилмоқда.
Ушбу Қонун билан «Давлат божи тўғрисида»ги Ўзбекистон Республикаси Қонуниг а тегишинча иссиқлик ва электр энергиясини етказиб бериш юзасидан хизматлар учун тўловлар бўйича қарзларни ундириш тўғрисидаги даъволар, аризалар ва шикоятлар билан фуқаролик ишлари бўйича ва иқтисодий судларга мурожаат қилинганда иссиқлик ва электр энергиясини етказиб берувчилар давлат божини тўлашдан озод этилишини, шунингдек уларнинг талабларини қаноатлантириш тўлиқ ёки қисман рад этилган тақдирда мазкур давлат божини ушбу етказиб берувчилардан ундириш имкониятини назарда тутувчи қўшимча ва ўзгартиришлар киритилмоқда. Шунингдек чет эл тижорат ташкилотларининг ваколатхоналарини Ўзбекистон Республикаси ҳудудида аккредитация қилишда давлат божини тўлаш ҳар бир йил учун амалга оширилишини аниқлаштирувчи ўзгартириш киритилмоқда.
Мазкур Қонун истеъмолчилар томонидан қарзларнинг ўз вақтида тўланишини таъминлашга, аҳолининг сифатли иссиқлик ва электр энергиясини етказиб бериш бўйича хизматлар билан таъминланганлик даражасини оширишга, шунингдек чет эл тижорат ташкилотларининг ваколатхоналарини Ўзбекистон Республикаси ҳудудида аккредитация қилганлик учун давлат божи тўлаш тартибини аниқлаштиришга хизмат қилади.
1-модда. Ўзбекистон Республикасининг 2020 йил 6 январда қабул қилинган «Давлат божи тўғрисида»ги ЎРҚ-600-сонли Қонунига (Ўзбекистон Республикаси Олий Мажлиси палаталарининг Ахборотномаси, 2020 йил, № 1, 1-модда, № 3, 201-модда, № 5, 298-модда, № 10, 593-модда, № 12, 691-модда; 2021 йил, № 1, 13-модда, 4-сонга илова, № 7, 661-модда, № 8, 800, 803-моддалар, № 10, 968-модда; 2022 йил, № 2, 76-модда, № 3, 214, 216-моддалар, № 4, 340-модда, № 5, 463, 464, 467-моддалар, № 12, 1186-модда; 2023 йил, № 2, 103-модда, № 3, 186-модда, № 4, 265, 269-моддалар, № 6, 444, 445-моддалар, № 7, 538-модда, № 9, 710-модда; 2024 йил, № 1, 5, 6, 7-моддалар, № 2, 101, 105, 107, 108, 111, 112-моддалар, № 7, 628-модда, № 8, 819, 823, 831-моддалар, № 9, 958-модда) қуйидаги қўшимча ва ўзгартиришлар киритилсин:
1) 8-модданинг :
биринчи қисми қуйидаги мазмундаги 47-банд билан тўлдирилсин:
«47) иссиқлик ва электр энергиясини етказиб берувчилар — тегишинча иссиқлик ва электр энергиясини етказиб бериш юзасидан хизматлар учун тўловлар бўйича қарзларни ундириш тўғрисидаги даъволар, аризалар ва шикоятлар билан судга мурожаат қилганда»;
иккинчи қисмидаги «33 — 36 ва 37 1 -бандларида» деган сўзлар «33 — 36, 37 1 ва 47-бандларида» деган сўзлар билан алмаштирилсин;
2) 9-модданинг :
биринчи қисми қуйидаги мазмундаги 29-банд билан тўлдирилсин:
«29) иссиқлик ва электр энергиясини етказиб берувчилар — тегишинча иссиқлик ва электр энергиясини етказиб бериш юзасидан хизматлар учун тўловлар бўйича қарзларни ундириш тўғрисидаги даъволар, аризалар ва шикоятлар билан судга мурожаат қилганда»;
иккинчи қисмидаги «21 ва 22 1 -бандларида» деган сўзлар «21, 22 1 ва 29-бандларида» деган сўзлар билан алмаштирилсин;
3) илова 7-бандининг «г» кичик банди қуйидаги таҳрирда баён этилсин:
« г) Ўзбекистон Республикаси Инвестициялар, саноат ва савдо вазирлиги томонидан чет эл тижорат ташкилотлари ваколатхоналарини аккредитация қилиш ҳамда унинг амал қилиш муддатларини амал қилишнинг ҳар бир йили учун узайтириш — БҲМнинг 48 баравари » .
2-модда. Ўзбекистон Республикаси Энергетика вазирлиги, Адлия вазирлиги, Инвестициялар, саноат ва савдо вазирлиги, Олий суди ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамиятини аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2025 йил 20 февраль,
ЎРҚ-1032-сон
Oʻzbekiston Respublikasining Qonuni
“Davlat boji toʻgʻrisida”gi Oʻzbekiston Respublikasi Qonuniga qoʻshimcha va oʻzgartirishlar kiritish haqida
Qonunchilik palatasi tomonidan 2024-yil 15-oktabrda qabul qilingan Senat tomonidan 2025-yil 24-yanvarda maʼqullangan
Keyingi yillarda mamlakatimizda energiya resurslaridan oqilona va samarali foydalanishga, iqtisodiyotni jadal rivojlantirish uchun zarur boʻlgan energiyaning hosil qilinishi va sarflanishini barqarorlashtirishga hamda Oʻzbekiston Respublikasi hududida chet el tijorat tashkilotlarining vakolatxonalarini akkreditatsiya qilishni soddalashtirishga qaratilgan islohotlar amalga oshirilmoqda.
Biroq energiya resurslari isteʼmolchilari tomonidan toʻlov intizomi darajasining pastligi issiqlik va elektr energiyasini yetkazib beruvchilarning moliyaviy koʻrsatkichlariga salbiy taʼsir koʻrsatmoqda.
Shu munosabat bilan issiqlik va elektr energiyasini yetkazib beruvchilar tomonidan isteʼmolchilarga energiya resurslari barqaror yetkazib berilishini hamda sifatli xizmatlar koʻrsatilishini taʼminlash uchun yetkazib berilgan energiya uchun toʻlov boʻyicha qarzlarni oʻz vaqtida undirish zaruriyati yuzaga kelmoqda.
Bundan tashqari “Davlat boji toʻgʻrisida”gi Oʻzbekiston Respublikasi Qonunida chet el tijorat tashkilotlarining vakolatxonalarini akkreditatsiya qilganlik uchun davlat boji toʻlanishi nazarda tutilmoqda. Shu bilan birga akkreditatsiyaning qaysi davri uchun davlat boji toʻlanishi aniqlashtirilmoqda.
Ushbu Qonun bilan “Davlat boji toʻgʻrisida”gi Oʻzbekiston Respublikasi Qonunig a tegishincha issiqlik va elektr energiyasini yetkazib berish yuzasidan xizmatlar uchun toʻlovlar boʻyicha qarzlarni undirish toʻgʻrisidagi daʼvolar, arizalar va shikoyatlar bilan fuqarolik ishlari boʻyicha va iqtisodiy sudlarga murojaat qilinganda issiqlik va elektr energiyasini yetkazib beruvchilar davlat bojini toʻlashdan ozod etilishini, shuningdek ularning talablarini qanoatlantirish toʻliq yoki qisman rad etilgan taqdirda mazkur davlat bojini ushbu yetkazib beruvchilardan undirish imkoniyatini nazarda tutuvchi qoʻshimcha va oʻzgartirishlar kiritilmoqda. Shuningdek chet el tijorat tashkilotlarining vakolatxonalarini Oʻzbekiston Respublikasi hududida akkreditatsiya qilishda davlat bojini toʻlash har bir yil uchun amalga oshirilishini aniqlashtiruvchi oʻzgartirish kiritilmoqda.
Mazkur Qonun isteʼmolchilar tomonidan qarzlarning oʻz vaqtida toʻlanishini taʼminlashga, aholining sifatli issiqlik va elektr energiyasini yetkazib berish boʻyicha xizmatlar bilan taʼminlanganlik darajasini oshirishga, shuningdek chet el tijorat tashkilotlarining vakolatxonalarini Oʻzbekiston Respublikasi hududida akkreditatsiya qilganlik uchun davlat boji toʻlash tartibini aniqlashtirishga xizmat qiladi.
1-modda. Oʻzbekiston Respublikasining 2020-yil 6-yanvarda qabul qilingan “Davlat boji toʻgʻrisida”gi OʻRQ-600-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2020-yil, № 1, 1-modda, № 3, 201-modda, № 5, 298-modda, № 10, 593-modda, № 12, 691-modda; 2021-yil, № 1, 13-modda, 4-songa ilova, № 7, 661-modda, № 8, 800, 803-moddalar, № 10, 968-modda; 2022-yil, № 2, 76-modda, № 3, 214, 216-moddalar, № 4, 340-modda, № 5, 463, 464, 467-moddalar, № 12, 1186-modda; 2023-yil, № 2, 103-modda, № 3, 186-modda, № 4, 265, 269-moddalar, № 6, 444, 445-moddalar, № 7, 538-modda, № 9, 710-modda; 2024-yil, № 1, 5, 6, 7-moddalar, № 2, 101, 105, 107, 108, 111, 112-moddalar, № 7, 628-modda, № 8, 819, 823, 831-moddalar, № 9, 958-modda) quyidagi qoʻshimcha va oʻzgartirishlar kiritilsin:
1) 8-moddaning :
birinchi qismi quyidagi mazmundagi 47-band bilan toʻldirilsin:
“47) issiqlik va elektr energiyasini yetkazib beruvchilar — tegishincha issiqlik va elektr energiyasini yetkazib berish yuzasidan xizmatlar uchun toʻlovlar boʻyicha qarzlarni undirish toʻgʻrisidagi daʼvolar, arizalar va shikoyatlar bilan sudga murojaat qilganda”;
ikkinchi qismidagi “33 — 36 va 37 1 -bandlarida” degan soʻzlar “33 — 36, 37 1 va 47-bandlarida” degan soʻzlar bilan almashtirilsin;
2) 9-moddaning :
birinchi qismi quyidagi mazmundagi 29-band bilan toʻldirilsin:
“29) issiqlik va elektr energiyasini yetkazib beruvchilar — tegishincha issiqlik va elektr energiyasini yetkazib berish yuzasidan xizmatlar uchun toʻlovlar boʻyicha qarzlarni undirish toʻgʻrisidagi daʼvolar, arizalar va shikoyatlar bilan sudga murojaat qilganda”;
ikkinchi qismidagi “21 va 22 1 -bandlarida” degan soʻzlar “21, 22 1 va 29-bandlarida” degan soʻzlar bilan almashtirilsin;
3) ilova 7-bandining “g” kichik bandi quyidagi tahrirda bayon etilsin:
“ g) Oʻzbekiston Respublikasi Investitsiyalar, sanoat va savdo vazirligi tomonidan chet el tijorat tashkilotlari vakolatxonalarini akkreditatsiya qilish hamda uning amal qilish muddatlarini amal qilishning har bir yili uchun uzaytirish — BHMning 48 baravari ” .
2-modda. Oʻzbekiston Respublikasi Energetika vazirligi, Adliya vazirligi, Investitsiyalar, sanoat va savdo vazirligi, Oliy sudi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyatini aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2025-yil 20-fevral,
OʻRQ-1032-son
Закон Республики Узбекистан
О внесении дополнений и изменений в Закон Республики Узбекистан «О государственной пошлине»
Принят Законодательной палатой 15 октября 2024 года Одобрен Сенатом 24 января 2025 года
В последние годы в стране осуществляются реформы, направленные на рациональное и эффективное использование энергетических ресурсов, стабилизацию производства и потребления энергии, необходимой для ускоренного развития экономики, а также упрощение аккредитации представительств иностранных коммерческих организаций.
Однако низкий уровень платежной дисциплины со стороны потребителей энергетических ресурсов оказывает негативное влияние на финансовые показатели поставщиков тепловой и электрической энергии.
В этой связи для обеспечения стабильной поставки энергетических ресурсов и оказания качественных услуг потребителям со стороны поставщиков тепловой и электрической энергии возникает необходимость своевременного взыскания задолженности по оплате за поставленную энергию.
Кроме того, Законом Республики Узбекистан «О государственной пошлине» предусматривается уплата государственной пошлины за аккредитацию представительств иностранных коммерческих организаций. Вместе с тем не уточняется за какой период аккредитации уплачивается государственная пошлина.
Настоящим Законом в Закон Республики Узбекистан «О государственной пошлине» вносятся дополнения и изменения, предусматривающие освобождение поставщиков тепловой и электрической энергии от уплаты государственной пошлины при обращении в гражданские и экономические суды с исками, заявлениями и жалобами о взыскании задолженности по оплате соответственно за услуги по поставке тепловой и электрической энергии, а также возможность взыскания данной государственной пошлины с этих поставщиков в случае полного или частичного отказа в удовлетворении их требований. Также вносится изменение, уточняющее, что уплата государственной пошлины за аккредитацию представительств иностранных коммерческих организаций на территории Республики Узбекистан осуществляется за каждый год.
Данный Закон послужит обеспечению своевременного погашения потребителями задолженности, повышению уровня обеспеченности населения качественными услугами тепло- и электрической энергии, а также уточнению порядка уплаты государственной пошлины за аккредитацию представительств иностранных коммерческих организаций на территории Республики Узбекистан.
Статья 1. Внести в Закон Республики Узбекистан от 6 января 2020 года № ЗРУ-600 «О государственной пошлине» (Ведомости палат Олий Мажлиса Республики Узбекистан, 2020 г., № 1, ст. 1, № 3, ст. 201, № 5, ст. 298, № 10, ст. 593, № 12, ст. 691; 2021 г., № 1, ст. 13, приложение к № 4, № 7, ст. 661, № 8, ст.ст. 800, 803, № 10, ст. 968; 2022 г., № 2, ст. 76, № 3, ст.ст. 214, 216, № 4, ст. 340, № 5, ст.ст. 463, 464, 467, № 12, ст. 1186; 2023 г., № 2, ст. 103, № 3, ст. 186, № 4, ст.ст. 265, 269, № 6, ст.ст. 444, 445, № 7, ст. 538, № 9, ст. 710; 2024 г., № 1, ст.ст. 5, 6, 7, № 2, ст.ст. 101, 105, 107, 108, 111, 112, № 7, ст. 628, № 8, ст.ст. 819, 823, 831, № 9, ст. 958) следующие дополнения и изменения:
1) в статье 8 :
часть первую дополнить пунктом 47 следующего содержания:
«47) поставщики тепловой и электрической энергии — при обращении в суд с исками, заявлениями и жалобами о взыскании задолженности по оплате соответственно за услуги по поставке тепловой и электрической энергии»;
в части второй слова «33 — 36 и 37 1 » заменить словами «33 — 36, 37 1 и 47»;
2) в статье 9 :
часть первую дополнить пунктом 29 следующего содержания:
«29) поставщики тепловой и электрической энергии — при обращении в суд с исками, заявлениями и жалобами о взыскании задолженности по оплате соответственно за услуги по поставке тепловой и электрической энергии»;
в части второй слова «21 и 22 1 » заменить словами «21, 22 1 и 29»;
3) подпункт «г» пункта 7 приложения изложить в следующей редакции:
« г) аккредитация представительств иностранных коммерческих организаций и продление сроков ее действия Министерством инвестиций, промышленности и торговли за каждый год действия — 48-кратный размер БРВ ».
Статья 2. Министерству энергетики, Министерству юстиции, Министерству инвестиций, промышленности и торговли, Верховному суду Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
20 февраля 2025 г.,
№ ЗРУ-1032