📅 2025-yil 21-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 21 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 февраля 2025 г. · Постановления Президента
Официальный текст. Официальный документ. Редакционные примечания не включены.
📅 21 February 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
КОНЦЕПЦИЯСИ
ТАРКИБИ
2025 йилги Наврўз умумхалқ байрамига тайёргарлик кўриш ва уни ўтказиш тўғрисида
Шарқона янги йил бошланадиган қутлуғ кун — Наврўзи олам асрлар давомида баҳор, эзгулик, меҳр-оқибат, меҳнат ва бунёдкорлик рамзи сифатида эл-юртимизнинг ижтимоий-маънавий ҳаётида беқиёс ўрин тутиб келмоқда.
Бу мунаввар айём кейинги йилларда Ватанимизда амалга оширилаётган «Инсон қадри учун, инсон бахти учун», деган олижаноб ғояга ҳамоҳанг бўлиб, том маънода умумхалқ байрамига айланди ҳамда мамлакатимизнинг барча шаҳар ва қишлоқларида кенг нишонланмоқда.
Ушбу улуғ фаслнинг руҳи ва фалсафасида мужассам бўлган гуманизм, одамзотни бутун борлиқнинг гултожи сифатида эъзозлаш, она замин ва табиатни асраб-авайлаш тамойиллари бугунги кунда ҳаётимизда янада ёрқин намоён бўлмоқда.
Айнан ана шундай эзгу қадриятлар туфайли юртимизда аҳоли манфаатлари ва ижтимоий ҳимоясини таъминлаш, эҳтиёжманд қатламларни қўллаб-қувватлаш, жамиятнинг ҳеч бир аъзосини меҳр ва эътибордан четда қолдирмаслик, шаҳар ва қишлоқларимизни обод қилиш, ер ва сув ресурсларидан, барча табиат неъматларидан оқилона фойдаланиш устувор вазифамизга айланмоқда.
«Атроф-муҳитни асраш ва «яшил иқтисодиёт» йили»да нишонланадиган бу йилги Наврўз шодиёналари шу боис янгича руҳ ва мазмун касб этади.
Бирлашган Миллатлар Ташкилоти томонидан халқаро байрам сифатида эътироф этилган Наврўзи оламнинг кўп миллатли жамиятимизда тинчлик, дўстлик ва ҳамжиҳатлик муҳитини, бирдамлик руҳини мустаҳкамлашдаги беқиёс ўрни ва аҳамиятини ҳисобга олиб ҳамда ушбу айёмни Янги Ўзбекистоннинг бугунги салоҳияти ва нуфузига ҳар томонлама муносиб тарзда нишонлаш мақсадида:
1. 2025 йилги Наврўз умумхалқ байрами мамлакатимизда «Қадриятларинг боқий бўлсин, Наврўз!» деган бош ғоя асосида умумхалқ сайиллари шаклида юқори савияда кенг нишонлансин.
2. Маданият вазирлиги, Ёшлар ишлари агентлиги, Республика Маънавият ва маърифат маркази, Ўзбекистон Ёзувчилар уюшмаси, Ўзбекистон маҳаллалари уюшмаси ва «Нуроний» жамғармасининг таклифига кўра 2025 йилги Наврўз умумхалқ байрамининг ғоявий-бадиий концепцияси (кейинги ўринларда — Концепция) 1-иловага мувофиқ маъқуллансин.
3. 2025 йилги Наврўз умумхалқ байрамига тайёргарлик кўриш ва уни ўтказиш бўйича ташкилий қўмита (кейинги ўринларда — Ташкилий қўмита) таркиби 2-иловага мувофиқ тасдиқлансин.
Ташкилий қўмита (А.Н. Арипов) бир ҳафта муддатда Тошкент шаҳри, Қорақалпоғистон Республикаси ва вилоятлар марказлари, барча шаҳар ва туманлар, қишлоқ ва овулларда Концепция асосида ишлаб чиқиладиган Наврўз умумхалқ байрамини муносиб нишонлаш бўйича ташкилий-амалий, маданий-маънавий ҳамда тарғибот тадбирлари дастурини тасдиқласин, шунингдек, унинг амалга оширилишини таъминласин.
4. Жойларда Наврўз умумхалқ байрамига бағишланган барча тадбирларни миллий қадрият ва анъаналаримиз ҳамда бугунги ислоҳотларимизнинг маъно-моҳиятига, Концепцияда баён этилган асосий йўналиш ва тавсияларга мос ҳолда, юксак даражада ташкил этиш, уларда юртдошларимизнинг фаол иштирокини таъминлаш мақсадида қуйидаги масалаларга алоҳида эътибор қаратилсин:
байрам тадбирларини борлиқнинг уйғониши, инсон ва табиат ўртасидаги уйғунлик, она заминга меҳр ва эътиборни ифода этадиган, юртдошларимизни бугунги тинч ва осуда ҳаётимизни қадрлаб, шукроналик туйғуси билан яшашга ундайдиган таъсирчан мазмун ва шакл билан ўтказиш;
мамлакатимизда амалга оширилаётган туб демократик ислоҳотлар, халқимизнинг кундалик ҳаёти, онги ва дунёқарашида юз бераётган ижобий ўзгаришлар Наврўзнинг инсонпарварлик ва инклюзивлик моҳиятига, азалий қадрият ва анъаналарига ҳамоҳанг эканини акс эттириш;
бу йилги Наврўз байрами муқаддас Рамазон ойида нишонланишини инобатга олиб, кекса авлод вакилларини, хусусан, Иккинчи жаҳон уруши қатнашчилари ва меҳнат фронти фахрийларини ҳар томонлама эъзозлаш, «Меҳрибонлик», «Саховат» ва «Мурувват» уйларида яшаётган шахслар, ижтимоий ҳимоя дафтарларига киритилган ва кўмакка муҳтож инсонларнинг ҳолидан хабар олиш, улар учун байрам дастурхони ёзиш ҳамда турли хайрия тадбирларини ўтказиш;
«Яшил макон» умуммиллий лойиҳасида белгиланган тадбирларни амалга ошириш, байрам арафасида барча ҳудудларда, кўча, маҳалла, туман ва шаҳарларда ободонлаштириш ва кўкаламзорлаштириш акцияларини, умумхалқ ҳашарларини ўтказиш;
жамиятимизда ҳукм сураётган миллатлараро дўстлик ва тотувлик муҳитини мустаҳкамлаш мақсадида юртимизда яшаётган турли миллат ва элатлар вакилларининг миллий урф-одатлари, анъана ва қадриятларини кенг намойиш қилиш;
байрам тадбирлари давомида ҳунармандчилик кўргазмалари, миллий спорт турлари бўйича мусобақалар ўтказиш, китоб кўргазмалари, арзонлаштирилган қишлоқ хўжалиги ва озиқ-овқат маҳсулотлари ярмаркалари, кўчма савдо дўконлари ташкил этиш, кўклам таомларини тайёрлаш ҳамда бу борада кўргазмали савдо ва танловларни уюштириш;
барча шаҳар ва қишлоқларда ўтказиладиган байрам тантаналарида, оммавий ахборот воситаларида Наврўз байрамининг тарихи, ҳар бир ҳудудда уни нишонлаш билан боғлиқ удум ва анъаналарни кенг тарғиб қилиш;
Тошкент шаҳридаги «Янги Ўзбекистон» мажмуасида алоҳида дастур асосида халқ сайилларини ташкил этиш.
5. Маданият вазирлиги (О. Назарбеков) Республика Маънавият ва маърифат маркази (О. Ҳасанов), Ёзувчилар уюшмаси (С. Саидов) билан биргаликда бир ҳафта муддатда Концепцияга мувофиқ Тошкент шаҳрида Наврўз байрамига бағишлаб ўтказиладиган театрлаштирилган асосий концерт томошасининг дастури ва сценарийсини ишлаб чиқсин.
6. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари:
а) бир ҳафта муддатда Наврўз умумхалқ сайилларини ўтказиш бўйича қуйидагиларни назарда тутадиган ҳудудий чора-тадбирлар дастурларини ишлаб чиқсин ва тасдиқласин:
умумхалқ сайиллари уюштириладиган асосий майдонлар, кўча ва хиёбонларни миллий услубда байрамона безатиш;
мазкур сайил ва томошаларни маҳаллий тажрибали сценарист ва режиссёрлар, композитор ва бастакорлар, балетмейстерлар, саҳна рассомлари, истеъдодли ёш ижрочилар, фольклор санъати вакиллари билан биргаликда юқори бадиий савияда тайёрлаш чораларини кўриш;
байрам тадбирлари доирасида ҳар бир ҳудудга хос бўлган халқ ўйинлари, томошалар, кўргазмалар ўтказиш, баҳорий таомлар сотиладиган очиқ ошхоналар ташкил қилиш;
б) байрам дастурларини ва оммавий томошаларни тайёрлашда, кўчалар, майдон ва хиёбонларни безатишда малакали мутахассислардан иборат ижодий гуруҳларни кенг жалб этсин;
в) барча тадбирлар жамоат хавфсизлиги талабларига қатъий риоя қилинган ҳолда ўтказилишини таъминласин.
7. Белгилаб қўйилсинки, ўтказиладиган байрам тадбирларининг харажатлари:
Тошкент шаҳрида — республика бюджети ва Тошкент шаҳри маҳаллий бюджети маблағлари ҳисобидан тенг улушларда;
Қорақалпоғистон Республикаси ва вилоятларда — тегишли маҳаллий бюджетлар ҳамда ҳомийлик хайриялари ҳисобидан қопланади.
8. Ўзбекистон Миллий ахборот агентлиги, Ўзбекистон Миллий телерадиокомпанияси, «Дунё» ахборот агентлиги ва бошқа оммавий ахборот воситаларига Наврўз умумхалқ байрамига тайёргарлик кўриш ва уни ўтказиш бўйича амалга оширилаётган ишларни атрофлича ёритиб бориш тавсия этилсин.
9. Ушбу қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси Ижтимоий ривожланиш департаменти раҳбари О.Қ. Абдурахманов зиммасига юклансин.
Ўзбекистон Республикаси Президентининг 2025 йил 21 февралдаги ПҚ-68-сон қарорига 1-ИЛОВА
2025 йилги Наврўз умумхалқ байрамининг ғоявий-бадиий
Муқаддима
Халқимиз асрлар давомида шарқона янги йил — яшариш ва янгиланиш айёми сифатида нишонлаб келаётган Наврўз байрами Янги Ўзбекистоннинг маънавий асосларини мустаҳкамлаш, дунёвий тараққиёт, миллий ва умумбашарий тамойилларга содиқликни жаҳонга намоён этишда муҳим роль ўйнамоқда.
Бу байрам инсон ва табиат учун экотизим яхлит ва бўлинмас экани, ҳаёт абадияти, она заминга меҳр, тинчлик, меҳнат, дўстлик ва ҳамжиҳатлик каби умуминсоний ғояларни тараннум этади. Шунинг учун Бирлашган Миллатлар Ташкилоти Бош Ассамблеясининг 2010 йил 23 февралдаги резолюциясига биноан, 21 март санаси Халқаро Наврўз куни деб эълон қилинган.
«Қадриятларинг боқий бўлсин, Наврўз!» деган бош ғоя асосида ишлаб чиқилган ушбу концепцияда Наврўзнинг тарихий жиҳатлари билан бирга, бугунги кунда Янги Ўзбекистонни барпо этиш жараёнидаги ижтимоий-маънавий роли ва аҳамиятини очиб беришга алоҳида эътибор қаратилган.
Бу борада Наврўз қадриятларини қуйидаги маърифий мақсадларга йўналтириш таклиф этилади:
бугунги кунда мамлакатимизда амалга оширилаётган давлат сиёсатининг инсонпарварлик моҳиятига алоҳида урғу бериш;
юртимиз фуқаролари ўртасида бирдамлик ва ватанпарварлик фазилатларини кучайтириш;
инсон ва табиат ўртасидаги уйғунликни, инклюзивликни кенг тарғиб қилиш;
минтақамиз халқлари ўртасидаги азалий дўстлик ва биродарликни улуғлаш.
Ана шу мақсадларни тўлақонли ифода этиш учун Наврўз тадбирларини қуйидаги таркибий йўналишларда ташкил қилиш тавсия этилади.
I. Янги Ўзбекистон — янги экомакон
Инсон ва табиат ўзаро уйғун яшайдиган экотизим, экоцивилизация яратиш — Наврўзнинг даъваткор ғояларидан бири.
Глобал иқлим ўзгаришлари улкан муаммоларни келтириб чиқараётган ҳозирги вақтда халқаро жамоатчилик бу масаланинг нақадар муҳим эканини чуқур тушуниб етмоқда. Дунёнинг етакчи давлатларида экоцивилизация барпо этиш долзарб вазифа сифатида кун тартибига қўйилаётгани ҳам бу фикрни тасдиқлайди.
Ўзбекистонда ҳам бу борада катта ишлар амалга оширилмоқда. «Яшил макон» умуммиллий лойиҳаси айнан шу мақсадга қаратилган.
Маълумот учун: кейинги йилларда Орол денгизининг қуриган тубида қарийб 2 миллион гектар майдонда яшил бутазорлар барпо этилгани, шаҳар ва қишлоқларимиз атрофида «яшил белбоғ»лар бунёд этилаётгани тарихимизда илгари кўрилмаган улкан ишлардир.
Ҳаётимизга Наврўзнинг қадимий руҳи ва фалсафасига мос бўлган «яшил иқтисодиёт» ва «яшил энергия» деган янги тушунчалар кириб келмоқда.
Маълумот учун: сўнгги йилларда юртимизда қарийб 4 гигаваттли муқобил қувватлар ишга туширилиб, «яшил энергия»нинг улуши 16 фоизга етди. 2030 йилгача жами генерацияда «яшил энергия»нинг улуши 50 фоиздан ошади.
Ижтимоий ҳаётимизда «ақлли шаҳар», «ақлли уй», «яшил хонадон» каби тамойиллар кенг ўрин эгалламоқда.
Барча ҳудудларнинг ўзига хос ташриф қоғозига айланиб бораётган «Янги Ўзбекистон» турар-жой массивлари янги экоцивилизациянинг дастлабки миллий модели, десак, тўғри бўлади. Мамлакатимизда 2030 йилгача 100 та ана шундай массив барпо этиш кўзда тутилган.
Юртимизда жорий йилнинг «Атроф-муҳитни асраш ва «яшил» иқтисодиёт йили» деб эълон қилиниши ва бу борада махсус давлат дастури амалга оширилаётгани экоцивилизация йўлидаги яна бир муҳим қадам бўлмоқда.
Ҳеч шубҳасиз, шу борадаги барча мақсад ва вазифалар, эришилган натижаларни маърифий тарғибот, электрон-визуал ресурслар, сунъий интеллект имкониятлари ва жонли саҳна кўринишлари, оммавий чиқишлар орқали Наврўз ғоялари билан уйғун ҳолда ифода этиш байрам тадбирларининг мазмуни ва жозибасини янада оширади.
II. Инсонпарвар ва инклюзив қадриятлар
Инсонпарварлик ва инклюзивлик — Наврўзи оламнинг энг муҳим хусусияти.
Наврўз миллати, тили ва динидан қатъий назар, барча одамларни тенглик ва адолат тамойиллари асосида, ўзаро меҳр-оқибат кўрсатиб яшашга чақиради. Жисмоний имконияти чекланган ва кам таъминланган аҳоли тоифалари — кекса ва ногирон инсонлар, камбағал оилалар, ёрдамга муҳтож қатламларга жамият ва давлат эътиборини қаратишга, одамларни савоб ишларга ундайди.
Ушбу байрамнинг «Наврўзи олам» деб аталишида ҳам унинг умумбашарий ва инклюзивлик хусусияти мужассамдир.
Ҳозирги кунда самарали ижтимоий сиёсат олиб бориш, инклюзивлик давлат сиёсатининг устувор йўналишларидан бирига айланди. Янгиланган Конституциямиздаги «Ўзбекистон — ижтимоий давлат» деган принципиал қоида ҳам аҳолига ижтимоий ёрдам кўрсатиш, ҳеч кимни меҳр ва эътибордан четда қолдирмасликни доимий ишлайдиган тизимга айлантиришни тақозо этади.
Ана шу талаблардан келиб чиққан ҳолда, юртимизда биринчи марта Ижтимоий ҳимоя миллий агентлиги ташкил этилди ва муваффақиятли фаолият кўрсатмоқда.
Маълумот учун: ўтган йилнинг ўзида 102 та ижтимоий хизмат маҳалла даражасига туширилди, энди 75 фоиз муаммолар ушбу бўғинда ҳал этилмоқда. Масалан, ногиронлиги бўлган инсонлар учун протез воситалари икки ҳафтада маҳалланинг ўзида берилмоқда. Ногиронлиги бўлган болаларга «қараб туриш хизмати» жорий этилди. Натижада 700 нафар ота-она ишлаш имконига эга бўлди.
Ҳаракатланишга қийналадиган 4 минг нафар ёлғиз кекса учун уй шароитида қараб туриш хизмати йўлга қўйилди. Ногиронлиги бор болалар учун боғча ва мактаб таълимида, олийгоҳларда алоҳида қулайлик, имконият ва енгилликлар яратилмоқда. Ногиронлиги бор шахсларнинг бандлиги республикамиз бўйича 20 фоизга етди.
Умуман, 2024 йилда ижтимоий ҳимоя бўйича жами 34 та муҳим янгилик амалга оширилди. Бу йил эса яна 28 та ташаббус бўйича амалий иш олиб борилмоқда.
Тавсиялар: ўзбек халқ оғзаки ижоди, мумтоз ва замонавий адабий меросимизда жамият ҳаётидаги тенглик, инклюзивлик, ўзаро меҳр-оқибат тамойилларини улуғлайдиган асарлар кўп. Байрам тадбирларида уларнинг сара намуналаридан кенг фойдаланиш мумкин.
Байрам тантаналарини оммавий ахборот воситалари орқали ёритишда баҳорий уйғонишни миллий Ренессанс жараёни билан боғлаш, сўнгги йилларда ижтимоий ҳимоя тизимидаги ислоҳотлар миқёсини юқорида келтирилган ҳамда бошқа статистик ва амалий ўзгаришлар (ижтимоий ҳимояга муҳтож тоифаларга кўрсатилаётган ёрдамнинг институционаллашгани, ота-онаси қарамоғидан маҳрум бўлган болаларга нисбатан давлат томонидан кўрсатилаётган кўмак кўлами ва турлари кескин ошгани) мисолида кўрсатиб, Наврўзнинг эзгулик ва инсонпарварлик моҳиятини очиб бериш.
Ижтимоий кўмакка муҳтож оилалар ва фуқаролар ҳолидан хабар олиш бўйича маҳалла ва жамоатчилик вакиллари, ёшлар иштирокида алоҳида тадбирлар ўтказиш.
Мамлакатимизда хотин-қизларни қўллаб-қувватлаш соҳасидаги сиёсат Наврўз қадриятлари билан ҳамоҳанг эканига урғу бериш лозим.
Тавсиялар: амалий тадбирлар ва тарғибот ишлари давомида охирги пайтларда хотин-қизларнинг жамиятдаги ижтимоий роли кескин ошгани, бошқарув тизими, илм-фан ва бошқа соҳаларда аёлларнинг сони ортгани, хотин-қизларнинг ҳуқуқий ҳимояси кучайгани, инсонпарвар ва халқчил сиёсат натижасида ҳаёти ижобий томонга тубдан ўзгарган аёллар ҳақида туркум материаллар намойиш этиш.
Бу йилги Наврўзнинг муборак Рамазон ойига тўғри келиши муносабати билан бу борада нотўғри талқинларга йўл қўймаслик мақсадида маърифий тарғибот ишларини ташкил этиш лозим. Бу икки қутлуғ санани уйғун ҳолда, хайру саховат ва меҳр-оқибат айёми сифатида нишонлаш мақсадга мувофиқ.
Шу боис, олимлар, шоир ва адибларимиз, жамоатчилик вакилларининг теле ва радиоканаллар, ижтимоий тармоқлардаги чиқишларида, маҳаллалардаги тадбир ва маросимларда аввало бу йилги Наврўзнинг Рамазон ойида ўтаётганинг алоҳида фазилатларини таъкидлаб, тинчлик, эзгулик ва шукроналик, аҳиллик каби олижаноб жиҳатларини улуғлаш муҳим аҳамият касб этади.
Шунингдек, Наврўз фасли — март ойида халқимизнинг улуғ намояндалари бўлган Зулфияхоним (1 март), Озод Шарафиддинов (1 март), Ҳожи Муин (15 март), Маҳмуд Замахшарий (19 март), Алихонтўра Соғуний (21 март), Абдулла Орипов (21 март), Мирзо Улуғбек (22 март), Шукур Холмирзаев (24 март) Абдухолиқ Ғиждувоний (24 март) каби машҳур сиймоларнинг таваллуд айёмларини байрам шодиёналари билан ҳамоҳанг ҳолда ўтказиш ҳам тарбиявий нуқтаи назардан катта таъсир кучига эга бўлади.
III. Ер, сув ва ҳаво — ҳаёт ва ризқ манбаи
Наврўз азал-азалдан табиатнинг бебаҳо неъматлари — ер ва сув ресурслари, қазилма бойликлардан тежаб-тергаб фойдаланишга, атроф-муҳит тозалигини сақлашга чақиради.
Ҳозирги глобаллашув даврида бу масалалар ўта муҳим вазифага айланмоқда. Мамлакатимизда шу борада кўп ишлар қилинмоқда. Айни вақтда аҳолида экологик маданиятни кучайтириш, ресурслардан оқилона фойдаланиш, исрофгарчиликка йўл қўймаслик ҳамон долзарб бўлиб қолмоқда.
Шу маънода, ёш авлодимиз ўртасида ушбу масаланинг моҳиятини чуқур ҳис этиб, ўзининг инновацион ишланмалари билан майдонга чиқаётган ўғил-қизларимиз борлиги таҳсинга сазовордир.
Яқинда Бирлашган Араб Амирликларида бўлиб ўтган нуфузли халқаро экологик анжуманда Тошкент шаҳридаги Президент мактаби ўқувчилари — Паҳлавон Ғуломов ва Асилбек Ашрапов ҳамда уларнинг устози Соҳибхон Азизов нуфузли номинация бўйича ғолиб деб топилди.
Бўлиб ўтадиган Наврўз тадбирларида ана шундай ёшларимизни ўрнак қилиб кўрсатиш тавсия этилади.
IV. Наврўз — меҳнат ва бунёдкорлик фасли
Наврўз деганда, аввало, кўз олдимизда ерга уруғ қадаётган, кўчат ўтқазаётган бободеҳқон сиймоси намоён бўлади.
Афсуски, глобал иқлим ўзгаришлари туфайли қишлоқ хўжалигида кўплаб муаммолар пайдо бўлмоқда. Бу деҳқон ва фермерлар учун катта қийинчиликлар туғдирмоқда. Уларни енгиб ўтиш учун амалга оширилаётган ислоҳотлар мавзуси — Наврўз тадбирларининг муҳим қисми бўлиши мумкин.
Ўзбекистон ҳозирги кунда чинакам бунёдкорлик ўлкасига айланмоқда. Кенг миқёсдаги қурилиш ва ободонлаштириш ишлари туфайли шаҳар ва қишлоқларимиз қиёфаси тубдан ўзгармоқда. Замонавий корхоналар, ишлаб чиқариш мажмуалари, шинам уй-жойлар, янги-янги боғча ва мактаблар, тиббиёт, маданият ва спорт масканлари, йўллар ва коммуникация тармоқлари бунёд этилмоқда.
Тавсиялар: экологик ва медиа акциялар давомида табиий муаммолар инсоннинг ножўя ҳаракатлари сабабли келиб чиқиши, ҳаёт тарзимизни барқарор ривожланиш мақсадлари йўлида ўзгартиришимиз зарурлигига урғу бериш лозим. Юртдошларимизни ўз уйи, кўчаси ва маҳалласини обод этишга чақириш байрамга тайёргарлик тадбирларида ўз ифодасини топиши айни муддао бўлади.
Наврўз байрами арафасида ўтказиладиган ҳашарлар давомида ирригация тармоқларини тозалаш, ерни экишга тайёрлаш, дов-дарахтларни буташ, уч авлод вакиллари — бобо, ота ва набиралар иштирокида ниҳол экиш тадбирларини ташкил этиш, озиқ-овқат хавфсизлиги, экологик тоза маҳсулотлар етиштириш, соғлом турмуш тарзи каби масалаларга эътибор қаратиш муҳимдир.
V. Жойлардаги Наврўз сайиллари
Қорақалпоғистон Республикаси, вилоятлар ва Тошкент шаҳрининг — юртимиздаги ҳар бир ҳудуднинг Наврўз байрамини нишонлаш бўйича ўзига хос урф-одат ва анъаналари мавжуд.
Бўлғуси байрам тадбир ва томошалари ана шундай беқиёс ранг-барангликни намоён этишда муҳим аҳамиятга эга.
Тавсиялар: Наврўзни нишонлаш билан боғлиқ тарихий хроникалар намойиши ҳамда кўрсатувларда тарихчи, табиатшунос, этнограф, адабиётшунос олимлар томонидан бу байрамнинг 5 минг йиллик қадимий илдизларга эга эканига алоҳида урғу берилиши мақсадга мувофиқдир. Шунингдек, бу борадаги қадимги ривоятлар, ёши улуғ юртдошларимизнинг байрам ҳақидаги болалик таассуротлари акс эттирилган лавҳаларни ҳам ташкил этиш мумкин.
Меҳнат жамоалари ва маҳаллаларда ўтадиган байрам тадбирларида асосий иштирокчиларнинг миллий либосларда бўлишига эътибор қаратиш, миллий таомлар, ҳунармандлик буюмлари ва либослар кўргазмаларини, моҳир чеварлар, уста ва ҳунармандларни тақдирлаш маросимларини ўтказиш байрамга кўтаринки руҳ ва мазмун бағишлайди.
VI. Наврўз — ёшлик ва шижоат айёми
Наврўз ўзининг уйғониш, яшариш ва янгиланиш борасидаги удум ва анъаналари билан доимо ёшликни, навқиронликни, ҳаёт гўзаллиги ва жўшқинлигини улуғлаб келади.
Мамлакатимиз аҳолисининг 60 фоизини ёшлар ташкил этади. Ёшлар — Янги Ўзбекистоннинг фаол бунёдкоридир. Байрам иштирокчиларининг асосий қисми ҳам ёшлар бўлиши табиий.
Шу боис ўтказиладиган тадбирларда Янги Ўзбекистон фарзандларининг турли соҳаларда эришаётган ютуқларини барча ёшларимизга ўрнак қилиб кўрсатиш, уларни умрнинг ҳар дақиқасини, бугунги ҳаётимизда яратилаётган имкониятларни қадрлашга чақириш, ватанпарвар инсонлар бўлиш, доимо олдинга интилиб яшашга даъват этиш ўринлидир.
Тавсиялар: барча маҳаллаларда оммавий ҳашарлар, сумалак қайнаётган дошқозонлар атрофида кексаю ёш иштирокида ўйин-кулгулар, сайиллар, очиқ майдонларда қўғирчоқ театрлари ва фольклор томошаларини уюштириш, улоқ ва кўпкарилар ўтказиш, ўзбек халқ эртаклари қаҳрамонлари сиймоси тасвирланган бадиий, ҳужжатли ва анимацион маҳсулотлар, миллий қаҳрамонларнинг мерчларини оммалаштириш ҳам муҳим аҳамиятга эга.
Қўғирчоқ ишлаб чиқарадиган корхоналарга Алпомиш, Гўрўғли, Ойбарчин, Қалдирғоч, Качал полвон, Шум бола ва бошқа миллий қаҳрамонларнинг катталаштирилган тимсолларини яратиш бўйича буюртма бериш, Наврўз сайилларида кўчаларда миллий достон ва эртакларимиз қаҳрамонлари сиймосидаги ёшлар билан, машҳур спортчи, «Ай-ти»чи, санъаткор, етакчи ўғил-қизларимиз билан учрашув ва мулоқотлар ташкил этиш ҳам байрам файзини оширишга хизмат қилади.
VII. Ўзбекистон — тинчлик ва дўстлик диёри
Бизнинг энг катта бойлигимиз — кўпмиллатли халқимиздир.
Бизнинг қудратли кучимиз — юртимиздаги тинчлик ва осойишталик, миллатлар ва динлараро дўстлик ва ҳамжиҳатликдир.
Мустақиллик йилларида Наврўз барча ўзбекистонликлар учун том маънода севимли умумхалқ байрамига, дўстлик, бирдамлик, бағрикенглик ва аҳиллик рамзига айланди.
Байрам тадбирларида мамлакатимиздаги миллий-маданий марказлар вакилларининг анъанавий иштироки учун муносиб ўрин бериш лозим.
Тавсиялар: байрам тадбирларига барча миллат ва элатлар вакилларини жалб этиш, Наврўз уларнинг ҳаётининг ҳам ажралмас бир қисмига айланиб қолганига, миллий маданияти ва анъаналарини намойиш қилишга алоҳида эътибор қаратиш.
Ватанимизда ўтадиган байрам тадбирларига минтақамиздаги қўшни давлатлар вакилларини, жумладан, байрам дастурларига ана шу мамлакатлар санъаткорлари, фольклор ансамбллари ва ҳунармандларини ҳам таклиф этиш, чегара ҳудудларида Наврўз сайилларини биргаликда ташкил этиш, миллий спорт мусобақаларига (кураш, кўпкари, улоқ, пойга ва бошқалар) қардош халқлар жамоаларини ҳам жалб этиш, тантанали тадбирларда ўзаро қон-қардошлик, бизни боғлаб турган маданий ришталар, муштарак тарих ва умумий келажак тўғрисида фикр алмашиш ўринли бўлади.
VIII. Ўзбекистон — дунёга очиқ давлат
Кейинги йилларда халқаро майдонда Ўзбекистоннинг очиқ ва эркин давлат сифатидаги имижи шаклланиб, жаҳон миқёсида дўст ва ҳамкорларимиз тобора кўпаймоқда.
Умумбашарий ғоялар мужассами бўлган Наврўз бизнинг жаҳон халқлари билан дўст ва ҳамжиҳат бўлиб яшаш йўлидаги интилишларимизни дунёга намоён этишда ўзига хос аҳамиятга эга.
Байрам тадбирларида ушбу мавзуларни ёритиш, жумладан, бадиий дастурларда одатдагидек жаҳон санъати намуналарига ҳам ўрин бериш тавсия этилади.
Оммавий ахборот воситаларида мамлакатимиздаги дипломатик корпус вакиллари, хорижий дўст ва ҳамкорларимиз, чет эллик сайёҳларнинг Ўзбекистон халқига билдирган табрик ва қутловлари, мамлакатимиздаги тинчлик, барқарорлик ва дўстлик муҳити ҳамда байрам ҳақидаги таассуротларини эълон қилиш ҳам ижобий натижа беради.
Яна бир муҳим жиҳат — Наврўз байрамини мамлакатимизнинг хорижий давлатлардаги элчихона ва ваколатхоналари, ватандошлар жамиятлари кўмагида чет элдаги юртдошларимиз иштирокида кенг нишонлаш эътибор марказида бўлиши лозим.
IX. Байрамнинг рамзи
Илк баҳор даракчиси бўлган бойчечак тасвиридан байрам тадбирларининг асосий рамзи сифатида фойдаланиш таклиф этилади.
Бу борада қуйидаги усул ва воситаларни қўллаш мумкин:
21 февраль — 21 март кунлари бойчечак тимсолидан барча давлат телеканалларида лейбл сифатида фойдаланиш, телевидение ва интернет, ижтимоий тармоқларда «Бойчечагим бойланди» каби машҳур халқ қўшиқларини турли ижро усулларида бериб бориш, маданий тадбирларнинг очилишини ана шундай тароналар билан бошлаш, шаҳар-қишлоқларимизнинг кўча, майдон ва хиёбонларини безашда ушбу тасвирни кенг қўллаш тавсия этилади.
Ўзбекистон Республикаси Президентининг 2025 йил 21 февралдаги ПҚ-68-сон қарорига 2-ИЛОВА
2025 йилги Наврўз умумхалқ байрамига тайёргарлик кўриш ва уни ўтказиш бўйича ташкилий қўмита
1 . А. Арипов — Ўзбекистон Республикаси Бош вазири, Ташкилий қўмита раиси 2. Х. Султонов — Ўзбекистон Республикаси Президентининг маслаҳатчиси 3. O. Абдураҳмонов — Ўзбекистон Республикаси Президенти Администрацияси Ижтимоий ривожланиш департаменти раҳбари 4. О. Назарбеков — маданият вазири, Ташкилий қўмита раиси ўринбосари 5. Ш. Умурзаков — Тошкент шаҳар ҳокими, Ташкилий қўмита раиси ўринбосари 6. Ҳ. Умарова — мактабгача ва мактаб таълими вазири 7. Қ. Шарипов — олий таълим, фан ва инновациялар вазири 8. А. Икрамов — спорт вазири 9. Б. Заҳидов — камбағалликни қисқартириш ва бандлик вазири 10. А. Худаяров — соғлиқни сақлаш вазири 11. А. Абдухакимов — экология, атроф-муҳитни муҳофаза қилиш ва иқлим ўзгариши вазири 12. Ш. Шерматов — рақамли технологиялар вазири 13. Б. Саидов — ташқи ишлар вазири 14. Ш. Холмуҳаммедов — мудофаа вазири 15. П. Бобожонов — ички ишлар вазири 16. Р. Жўраев — Миллий гвардия қўмондони 17. И. Норқулов — иқтисодиёт ва молия вазирининг биринчи ўринбосари 18. Қ. Қуранбаев — Ўзбекистон маҳаллалари уюшмаси раиси 19. Қ. Рафиқов — Ўзбекистон касаба уюшмалари Федерацияси раиси 20. Ш. Аюпов — Фанлар академияси президенти 21. А. Ходжаев — Ахборот ва оммавий коммуникациялар агентлиги директори 22. Р. Қурбонов — Миллатлараро муносабатлар ва хорижий мамлакатлар билан дўстлик алоқалари қўмитаси раиси 23. А. Саъдуллаев — Ёшлар ишлари агентлиги директори 24. А. Джурабаев — Ўзбекистон Миллий телерадиокомпанияси раиси 25. А. Кўчимов — Ўзбекистон Миллий ахборот агентлиги бош директори 26. А. Нуридинов — Ўзбекистон Бадиий академияси раиси 27. О. Ҳасанов — Республика Маънавият ва маърифат маркази раҳбари 28. С. Саидов — Ўзбекистон Ёзувчилар уюшмаси раиси 29. С. Турдиев — Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси республика бошқаруви раиси 30. Ш. Ризаев — Кинематография агентлиги бош директори в.б. 31. Р. Абдуллаев — Ўзбекистон композиторлар ва бастакорлар уюшмаси раиси 32. Ш. Қудратхўжа — Ўзбекистон миллий медиа бирлашмаси раиси 33. Х. Салимов — Ўзбекистон журналистлари уюшмаси раиси ўринбосари 34. Лавозимига кўра — Қорақалпоғистон Республикаси Вазирлар Кенгаши Раиси ва вилоятлар ҳокимлари 35. Б. Онорбоев — Вазирлар Маҳкамаси бўлим бошлиғи, Ташкилий қўмита котиби
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 21 февраль,
ПҚ-68-сон
Oʻzbekiston Respublikasi Prezidentining
qarori
KONSEPSIYASI
TARKIBI
2025-yilgi Navroʻz umumxalq bayramiga tayyorgarlik koʻrish va uni oʻtkazish toʻgʻrisida
Sharqona yangi yil boshlanadigan qutlugʻ kun — Navroʻzi olam asrlar davomida bahor, ezgulik, mehr-oqibat, mehnat va bunyodkorlik ramzi sifatida el-yurtimizning ijtimoiy-maʼnaviy hayotida beqiyos oʻrin tutib kelmoqda.
Bu munavvar ayyom keyingi yillarda Vatanimizda amalga oshirilayotgan “Inson qadri uchun, inson baxti uchun”, degan olijanob gʻoyaga hamohang boʻlib, tom maʼnoda umumxalq bayramiga aylandi hamda mamlakatimizning barcha shahar va qishloqlarida keng nishonlanmoqda.
Ushbu ulugʻ faslning ruhi va falsafasida mujassam boʻlgan gumanizm, odamzotni butun borliqning gultoji sifatida eʼzozlash, ona zamin va tabiatni asrab-avaylash tamoyillari bugungi kunda hayotimizda yanada yorqin namoyon boʻlmoqda.
Aynan ana shunday ezgu qadriyatlar tufayli yurtimizda aholi manfaatlari va ijtimoiy himoyasini taʼminlash, ehtiyojmand qatlamlarni qoʻllab-quvvatlash, jamiyatning hech bir aʼzosini mehr va eʼtibordan chetda qoldirmaslik, shahar va qishloqlarimizni obod qilish, yer va suv resurslaridan, barcha tabiat neʼmatlaridan oqilona foydalanish ustuvor vazifamizga aylanmoqda.
“Atrof-muhitni asrash va “yashil iqtisodiyot” yili”da nishonlanadigan bu yilgi Navroʻz shodiyonalari shu bois yangicha ruh va mazmun kasb etadi.
Birlashgan Millatlar Tashkiloti tomonidan xalqaro bayram sifatida eʼtirof etilgan Navroʻzi olamning koʻp millatli jamiyatimizda tinchlik, doʻstlik va hamjihatlik muhitini, birdamlik ruhini mustahkamlashdagi beqiyos oʻrni va ahamiyatini hisobga olib hamda ushbu ayyomni Yangi Oʻzbekistonning bugungi salohiyati va nufuziga har tomonlama munosib tarzda nishonlash maqsadida:
1. 2025-yilgi Navroʻz umumxalq bayrami mamlakatimizda “Qadriyatlaring boqiy boʻlsin, Navroʻz!” degan bosh gʻoya asosida umumxalq sayillari shaklida yuqori saviyada keng nishonlansin.
2. Madaniyat vazirligi, Yoshlar ishlari agentligi, Respublika Maʼnaviyat va maʼrifat markazi, Oʻzbekiston Yozuvchilar uyushmasi, Oʻzbekiston mahallalari uyushmasi va “Nuroniy” jamgʻarmasining taklifiga koʻra 2025-yilgi Navroʻz umumxalq bayramining gʻoyaviy-badiiy konsepsiyasi (keyingi oʻrinlarda — Konsepsiya) 1-ilovaga muvofiq maʼqullansin.
3. 2025-yilgi Navroʻz umumxalq bayramiga tayyorgarlik koʻrish va uni oʻtkazish boʻyicha tashkiliy qoʻmita (keyingi oʻrinlarda — Tashkiliy qoʻmita) tarkibi 2-ilovaga muvofiq tasdiqlansin.
Tashkiliy qoʻmita (A.N. Aripov) bir hafta muddatda Toshkent shahri, Qoraqalpogʻiston Respublikasi va viloyatlar markazlari, barcha shahar va tumanlar, qishloq va ovullarda Konsepsiya asosida ishlab chiqiladigan Navroʻz umumxalq bayramini munosib nishonlash boʻyicha tashkiliy-amaliy, madaniy-maʼnaviy hamda targʻibot tadbirlari dasturini tasdiqlasin, shuningdek, uning amalga oshirilishini taʼminlasin.
4. Joylarda Navroʻz umumxalq bayramiga bagʻishlangan barcha tadbirlarni milliy qadriyat va anʼanalarimiz hamda bugungi islohotlarimizning maʼno-mohiyatiga, Konsepsiyada bayon etilgan asosiy yoʻnalish va tavsiyalarga mos holda, yuksak darajada tashkil etish, ularda yurtdoshlarimizning faol ishtirokini taʼminlash maqsadida quyidagi masalalarga alohida eʼtibor qaratilsin:
bayram tadbirlarini borliqning uygʻonishi, inson va tabiat oʻrtasidagi uygʻunlik, ona zaminga mehr va eʼtiborni ifoda etadigan, yurtdoshlarimizni bugungi tinch va osuda hayotimizni qadrlab, shukronalik tuygʻusi bilan yashashga undaydigan taʼsirchan mazmun va shakl bilan oʻtkazish;
mamlakatimizda amalga oshirilayotgan tub demokratik islohotlar, xalqimizning kundalik hayoti, ongi va dunyoqarashida yuz berayotgan ijobiy oʻzgarishlar Navroʻzning insonparvarlik va inklyuzivlik mohiyatiga, azaliy qadriyat va anʼanalariga hamohang ekanini aks ettirish;
bu yilgi Navroʻz bayrami muqaddas Ramazon oyida nishonlanishini inobatga olib, keksa avlod vakillarini, xususan, Ikkinchi jahon urushi qatnashchilari va mehnat fronti faxriylarini har tomonlama eʼzozlash, “Mehribonlik”, “Saxovat” va “Muruvvat” uylarida yashayotgan shaxslar, ijtimoiy himoya daftarlariga kiritilgan va koʻmakka muhtoj insonlarning holidan xabar olish, ular uchun bayram dasturxoni yozish hamda turli xayriya tadbirlarini oʻtkazish;
“Yashil makon” umummilliy loyihasida belgilangan tadbirlarni amalga oshirish, bayram arafasida barcha hududlarda, koʻcha, mahalla, tuman va shaharlarda obodonlashtirish va koʻkalamzorlashtirish aksiyalarini, umumxalq hasharlarini oʻtkazish;
jamiyatimizda hukm surayotgan millatlararo doʻstlik va totuvlik muhitini mustahkamlash maqsadida yurtimizda yashayotgan turli millat va elatlar vakillarining milliy urf-odatlari, anʼana va qadriyatlarini keng namoyish qilish;
bayram tadbirlari davomida hunarmandchilik koʻrgazmalari, milliy sport turlari boʻyicha musobaqalar oʻtkazish, kitob koʻrgazmalari, arzonlashtirilgan qishloq xoʻjaligi va oziq-ovqat mahsulotlari yarmarkalari, koʻchma savdo doʻkonlari tashkil etish, koʻklam taomlarini tayyorlash hamda bu borada koʻrgazmali savdo va tanlovlarni uyushtirish;
barcha shahar va qishloqlarda oʻtkaziladigan bayram tantanalarida, ommaviy axborot vositalarida Navroʻz bayramining tarixi, har bir hududda uni nishonlash bilan bogʻliq udum va anʼanalarni keng targʻib qilish;
Toshkent shahridagi “Yangi Oʻzbekiston” majmuasida alohida dastur asosida xalq sayillarini tashkil etish.
5. Madaniyat vazirligi (O. Nazarbekov) Respublika Maʼnaviyat va maʼrifat markazi (O. Hasanov), Yozuvchilar uyushmasi (S. Saidov) bilan birgalikda bir hafta muddatda Konsepsiyaga muvofiq Toshkent shahrida Navroʻz bayramiga bagʻishlab oʻtkaziladigan teatrlashtirilgan asosiy konsert tomoshasining dasturi va ssenariysini ishlab chiqsin.
6. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari:
a) bir hafta muddatda Navroʻz umumxalq sayillarini oʻtkazish boʻyicha quyidagilarni nazarda tutadigan hududiy chora-tadbirlar dasturlarini ishlab chiqsin va tasdiqlasin:
umumxalq sayillari uyushtiriladigan asosiy maydonlar, koʻcha va xiyobonlarni milliy uslubda bayramona bezatish;
mazkur sayil va tomoshalarni mahalliy tajribali ssenarist va rejissorlar, kompozitor va bastakorlar, baletmeysterlar, sahna rassomlari, isteʼdodli yosh ijrochilar, folklor sanʼati vakillari bilan birgalikda yuqori badiiy saviyada tayyorlash choralarini koʻrish;
bayram tadbirlari doirasida har bir hududga xos boʻlgan xalq oʻyinlari, tomoshalar, koʻrgazmalar oʻtkazish, bahoriy taomlar sotiladigan ochiq oshxonalar tashkil qilish;
b) bayram dasturlarini va ommaviy tomoshalarni tayyorlashda, koʻchalar, maydon va xiyobonlarni bezatishda malakali mutaxassislardan iborat ijodiy guruhlarni keng jalb etsin;
v) barcha tadbirlar jamoat xavfsizligi talablariga qatʼiy rioya qilingan holda oʻtkazilishini taʼminlasin.
7. Belgilab qoʻyilsinki, oʻtkaziladigan bayram tadbirlarining xarajatlari:
Toshkent shahrida — respublika budjeti va Toshkent shahri mahalliy budjeti mablagʻlari hisobidan teng ulushlarda;
Qoraqalpogʻiston Respublikasi va viloyatlarda — tegishli mahalliy budjetlar hamda homiylik xayriyalari hisobidan qoplanadi.
8. Oʻzbekiston Milliy axborot agentligi, Oʻzbekiston Milliy teleradiokompaniyasi, “Dunyo” axborot agentligi va boshqa ommaviy axborot vositalariga Navroʻz umumxalq bayramiga tayyorgarlik koʻrish va uni oʻtkazish boʻyicha amalga oshirilayotgan ishlarni atroflicha yoritib borish tavsiya etilsin.
9. Ushbu qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari O.Q. Abduraxmanov zimmasiga yuklansin.
Oʻzbekiston Respublikasi Prezidentining 2025-yil 21-fevraldagi PQ-68-son qaroriga 1-ILOVA
2025-yilgi Navroʻz umumxalq bayramining gʻoyaviy-badiiy
Muqaddima
Xalqimiz asrlar davomida sharqona yangi yil — yasharish va yangilanish ayyomi sifatida nishonlab kelayotgan Navroʻz bayrami Yangi Oʻzbekistonning maʼnaviy asoslarini mustahkamlash, dunyoviy taraqqiyot, milliy va umumbashariy tamoyillarga sodiqlikni jahonga namoyon etishda muhim rol oʻynamoqda.
Bu bayram inson va tabiat uchun ekotizim yaxlit va boʻlinmas ekani, hayot abadiyati, ona zaminga mehr, tinchlik, mehnat, doʻstlik va hamjihatlik kabi umuminsoniy gʻoyalarni tarannum etadi. Shuning uchun Birlashgan Millatlar Tashkiloti Bosh Assambleyasining 2010-yil 23-fevraldagi rezolyutsiyasiga binoan, 21-mart sanasi Xalqaro Navroʻz kuni deb eʼlon qilingan.
“Qadriyatlaring boqiy boʻlsin, Navroʻz!” degan bosh gʻoya asosida ishlab chiqilgan ushbu konsepsiyada Navroʻzning tarixiy jihatlari bilan birga, bugungi kunda Yangi Oʻzbekistonni barpo etish jarayonidagi ijtimoiy-maʼnaviy roli va ahamiyatini ochib berishga alohida eʼtibor qaratilgan.
Bu borada Navroʻz qadriyatlarini quyidagi maʼrifiy maqsadlarga yoʻnaltirish taklif etiladi:
bugungi kunda mamlakatimizda amalga oshirilayotgan davlat siyosatining insonparvarlik mohiyatiga alohida urgʻu berish;
yurtimiz fuqarolari oʻrtasida birdamlik va vatanparvarlik fazilatlarini kuchaytirish;
inson va tabiat oʻrtasidagi uygʻunlikni, inklyuzivlikni keng targʻib qilish;
mintaqamiz xalqlari oʻrtasidagi azaliy doʻstlik va birodarlikni ulugʻlash.
Ana shu maqsadlarni toʻlaqonli ifoda etish uchun Navroʻz tadbirlarini quyidagi tarkibiy yoʻnalishlarda tashkil qilish tavsiya etiladi.
I. Yangi Oʻzbekiston — yangi ekomakon
Inson va tabiat oʻzaro uygʻun yashaydigan ekotizim, ekotsivilizatsiya yaratish — Navroʻzning daʼvatkor gʻoyalaridan biri.
Global iqlim oʻzgarishlari ulkan muammolarni keltirib chiqarayotgan hozirgi vaqtda xalqaro jamoatchilik bu masalaning naqadar muhim ekanini chuqur tushunib yetmoqda. Dunyoning yetakchi davlatlarida ekotsivilizatsiya barpo etish dolzarb vazifa sifatida kun tartibiga qoʻyilayotgani ham bu fikrni tasdiqlaydi.
Oʻzbekistonda ham bu borada katta ishlar amalga oshirilmoqda. “Yashil makon” umummilliy loyihasi aynan shu maqsadga qaratilgan.
Maʼlumot uchun: keyingi yillarda Orol dengizining qurigan tubida qariyb 2 million gektar maydonda yashil butazorlar barpo etilgani, shahar va qishloqlarimiz atrofida “yashil belbogʻ”lar bunyod etilayotgani tariximizda ilgari koʻrilmagan ulkan ishlardir.
Hayotimizga Navroʻzning qadimiy ruhi va falsafasiga mos boʻlgan “yashil iqtisodiyot” va “yashil energiya” degan yangi tushunchalar kirib kelmoqda.
Maʼlumot uchun: soʻnggi yillarda yurtimizda qariyb 4 gigavattli muqobil quvvatlar ishga tushirilib, “yashil energiya”ning ulushi 16 foizga yetdi. 2030-yilgacha jami generatsiyada “yashil energiya”ning ulushi 50 foizdan oshadi.
Ijtimoiy hayotimizda “aqlli shahar”, “aqlli uy”, “yashil xonadon” kabi tamoyillar keng oʻrin egallamoqda.
Barcha hududlarning oʻziga xos tashrif qogʻoziga aylanib borayotgan “Yangi Oʻzbekiston” turar-joy massivlari yangi ekotsivilizatsiyaning dastlabki milliy modeli, desak, toʻgʻri boʻladi. Mamlakatimizda 2030-yilgacha 100 ta ana shunday massiv barpo etish koʻzda tutilgan.
Yurtimizda joriy yilning “Atrof-muhitni asrash va “yashil” iqtisodiyot yili” deb eʼlon qilinishi va bu borada maxsus davlat dasturi amalga oshirilayotgani ekotsivilizatsiya yoʻlidagi yana bir muhim qadam boʻlmoqda.
Hech shubhasiz, shu boradagi barcha maqsad va vazifalar, erishilgan natijalarni maʼrifiy targʻibot, elektron-vizual resurslar, sunʼiy intellekt imkoniyatlari va jonli sahna koʻrinishlari, ommaviy chiqishlar orqali Navroʻz gʻoyalari bilan uygʻun holda ifoda etish bayram tadbirlarining mazmuni va jozibasini yanada oshiradi.
II. Insonparvar va inklyuziv qadriyatlar
Insonparvarlik va inklyuzivlik — Navroʻzi olamning eng muhim xususiyati.
Navroʻz millati, tili va dinidan qatʼiy nazar, barcha odamlarni tenglik va adolat tamoyillari asosida, oʻzaro mehr-oqibat koʻrsatib yashashga chaqiradi. Jismoniy imkoniyati cheklangan va kam taʼminlangan aholi toifalari — keksa va nogiron insonlar, kambagʻal oilalar, yordamga muhtoj qatlamlarga jamiyat va davlat eʼtiborini qaratishga, odamlarni savob ishlarga undaydi.
Ushbu bayramning “Navroʻzi olam” deb atalishida ham uning umumbashariy va inklyuzivlik xususiyati mujassamdir.
Hozirgi kunda samarali ijtimoiy siyosat olib borish, inklyuzivlik davlat siyosatining ustuvor yoʻnalishlaridan biriga aylandi. Yangilangan Konstitutsiyamizdagi “Oʻzbekiston — ijtimoiy davlat” degan prinsipial qoida ham aholiga ijtimoiy yordam koʻrsatish, hech kimni mehr va eʼtibordan chetda qoldirmaslikni doimiy ishlaydigan tizimga aylantirishni taqozo etadi.
Ana shu talablardan kelib chiqqan holda, yurtimizda birinchi marta Ijtimoiy himoya milliy agentligi tashkil etildi va muvaffaqiyatli faoliyat koʻrsatmoqda.
Maʼlumot uchun: oʻtgan yilning oʻzida 102 ta ijtimoiy xizmat mahalla darajasiga tushirildi, endi 75 foiz muammolar ushbu boʻgʻinda hal etilmoqda. Masalan, nogironligi boʻlgan insonlar uchun protez vositalari ikki haftada mahallaning oʻzida berilmoqda. Nogironligi boʻlgan bolalarga “qarab turish xizmati” joriy etildi. Natijada 700 nafar ota-ona ishlash imkoniga ega boʻldi.
Harakatlanishga qiynaladigan 4 ming nafar yolgʻiz keksa uchun uy sharoitida qarab turish xizmati yoʻlga qoʻyildi. Nogironligi bor bolalar uchun bogʻcha va maktab taʼlimida, oliygohlarda alohida qulaylik, imkoniyat va yengilliklar yaratilmoqda. Nogironligi bor shaxslarning bandligi respublikamiz boʻyicha 20 foizga yetdi.
Umuman, 2024-yilda ijtimoiy himoya boʻyicha jami 34 ta muhim yangilik amalga oshirildi. Bu yil esa yana 28 ta tashabbus boʻyicha amaliy ish olib borilmoqda.
Tavsiyalar: oʻzbek xalq ogʻzaki ijodi, mumtoz va zamonaviy adabiy merosimizda jamiyat hayotidagi tenglik, inklyuzivlik, oʻzaro mehr-oqibat tamoyillarini ulugʻlaydigan asarlar koʻp. Bayram tadbirlarida ularning sara namunalaridan keng foydalanish mumkin.
Bayram tantanalarini ommaviy axborot vositalari orqali yoritishda bahoriy uygʻonishni milliy Renessans jarayoni bilan bogʻlash, soʻnggi yillarda ijtimoiy himoya tizimidagi islohotlar miqyosini yuqorida keltirilgan hamda boshqa statistik va amaliy oʻzgarishlar (ijtimoiy himoyaga muhtoj toifalarga koʻrsatilayotgan yordamning institutsionallashgani, ota-onasi qaramogʻidan mahrum boʻlgan bolalarga nisbatan davlat tomonidan koʻrsatilayotgan koʻmak koʻlami va turlari keskin oshgani) misolida koʻrsatib, Navroʻzning ezgulik va insonparvarlik mohiyatini ochib berish.
Ijtimoiy koʻmakka muhtoj oilalar va fuqarolar holidan xabar olish boʻyicha mahalla va jamoatchilik vakillari, yoshlar ishtirokida alohida tadbirlar oʻtkazish.
Mamlakatimizda xotin-qizlarni qoʻllab-quvvatlash sohasidagi siyosat Navroʻz qadriyatlari bilan hamohang ekaniga urgʻu berish lozim.
Tavsiyalar: amaliy tadbirlar va targʻibot ishlari davomida oxirgi paytlarda xotin-qizlarning jamiyatdagi ijtimoiy roli keskin oshgani, boshqaruv tizimi, ilm-fan va boshqa sohalarda ayollarning soni ortgani, xotin-qizlarning huquqiy himoyasi kuchaygani, insonparvar va xalqchil siyosat natijasida hayoti ijobiy tomonga tubdan oʻzgargan ayollar haqida turkum materiallar namoyish etish.
Bu yilgi Navroʻzning muborak Ramazon oyiga toʻgʻri kelishi munosabati bilan bu borada notoʻgʻri talqinlarga yoʻl qoʻymaslik maqsadida maʼrifiy targʻibot ishlarini tashkil etish lozim. Bu ikki qutlugʻ sanani uygʻun holda, xayru saxovat va mehr-oqibat ayyomi sifatida nishonlash maqsadga muvofiq.
Shu bois, olimlar, shoir va adiblarimiz, jamoatchilik vakillarining tele va radiokanallar, ijtimoiy tarmoqlardagi chiqishlarida, mahallalardagi tadbir va marosimlarda avvalo bu yilgi Navroʻzning Ramazon oyida oʻtayotganing alohida fazilatlarini taʼkidlab, tinchlik, ezgulik va shukronalik, ahillik kabi olijanob jihatlarini ulugʻlash muhim ahamiyat kasb etadi.
Shuningdek, Navroʻz fasli — mart oyida xalqimizning ulugʻ namoyandalari boʻlgan Zulfiyaxonim (1-mart), Ozod Sharafiddinov (1-mart), Hoji Muin (15-mart), Mahmud Zamaxshariy (19-mart), Alixontoʻra Sogʻuniy (21-mart), Abdulla Oripov (21-mart), Mirzo Ulugʻbek (22-mart), Shukur Xolmirzayev (24-mart) Abduxoliq Gʻijduvoniy (24-mart) kabi mashhur siymolarning tavallud ayyomlarini bayram shodiyonalari bilan hamohang holda oʻtkazish ham tarbiyaviy nuqtai nazardan katta taʼsir kuchiga ega boʻladi.
III. Yer, suv va havo — hayot va rizq manbai
Navroʻz azal-azaldan tabiatning bebaho neʼmatlari — yer va suv resurslari, qazilma boyliklardan tejab-tergab foydalanishga, atrof-muhit tozaligini saqlashga chaqiradi.
Hozirgi globallashuv davrida bu masalalar oʻta muhim vazifaga aylanmoqda. Mamlakatimizda shu borada koʻp ishlar qilinmoqda. Ayni vaqtda aholida ekologik madaniyatni kuchaytirish, resurslardan oqilona foydalanish, isrofgarchilikka yoʻl qoʻymaslik hamon dolzarb boʻlib qolmoqda.
Shu maʼnoda, yosh avlodimiz oʻrtasida ushbu masalaning mohiyatini chuqur his etib, oʻzining innovatsion ishlanmalari bilan maydonga chiqayotgan oʻgʻil-qizlarimiz borligi tahsinga sazovordir.
Yaqinda Birlashgan Arab Amirliklarida boʻlib oʻtgan nufuzli xalqaro ekologik anjumanda Toshkent shahridagi Prezident maktabi oʻquvchilari — Pahlavon Gʻulomov va Asilbek Ashrapov hamda ularning ustozi Sohibxon Azizov nufuzli nominatsiya boʻyicha gʻolib deb topildi.
Boʻlib oʻtadigan Navroʻz tadbirlarida ana shunday yoshlarimizni oʻrnak qilib koʻrsatish tavsiya etiladi.
IV. Navroʻz — mehnat va bunyodkorlik fasli
Navroʻz deganda, avvalo, koʻz oldimizda yerga urugʻ qadayotgan, koʻchat oʻtqazayotgan bobodehqon siymosi namoyon boʻladi.
Afsuski, global iqlim oʻzgarishlari tufayli qishloq xoʻjaligida koʻplab muammolar paydo boʻlmoqda. Bu dehqon va fermerlar uchun katta qiyinchiliklar tugʻdirmoqda. Ularni yengib oʻtish uchun amalga oshirilayotgan islohotlar mavzusi — Navroʻz tadbirlarining muhim qismi boʻlishi mumkin.
Oʻzbekiston hozirgi kunda chinakam bunyodkorlik oʻlkasiga aylanmoqda. Keng miqyosdagi qurilish va obodonlashtirish ishlari tufayli shahar va qishloqlarimiz qiyofasi tubdan oʻzgarmoqda. Zamonaviy korxonalar, ishlab chiqarish majmualari, shinam uy-joylar, yangi-yangi bogʻcha va maktablar, tibbiyot, madaniyat va sport maskanlari, yoʻllar va kommunikatsiya tarmoqlari bunyod etilmoqda.
Tavsiyalar: ekologik va media aksiyalar davomida tabiiy muammolar insonning nojoʻya harakatlari sababli kelib chiqishi, hayot tarzimizni barqaror rivojlanish maqsadlari yoʻlida oʻzgartirishimiz zarurligiga urgʻu berish lozim. Yurtdoshlarimizni oʻz uyi, koʻchasi va mahallasini obod etishga chaqirish bayramga tayyorgarlik tadbirlarida oʻz ifodasini topishi ayni muddao boʻladi.
Navroʻz bayrami arafasida oʻtkaziladigan hasharlar davomida irrigatsiya tarmoqlarini tozalash, yerni ekishga tayyorlash, dov-daraxtlarni butash, uch avlod vakillari — bobo, ota va nabiralar ishtirokida nihol ekish tadbirlarini tashkil etish, oziq-ovqat xavfsizligi, ekologik toza mahsulotlar yetishtirish, sogʻlom turmush tarzi kabi masalalarga eʼtibor qaratish muhimdir.
V. Joylardagi Navroʻz sayillari
Qoraqalpogʻiston Respublikasi, viloyatlar va Toshkent shahrining — yurtimizdagi har bir hududning Navroʻz bayramini nishonlash boʻyicha oʻziga xos urf-odat va anʼanalari mavjud.
Boʻlgʻusi bayram tadbir va tomoshalari ana shunday beqiyos rang-baranglikni namoyon etishda muhim ahamiyatga ega.
Tavsiyalar: Navroʻzni nishonlash bilan bogʻliq tarixiy xronikalar namoyishi hamda koʻrsatuvlarda tarixchi, tabiatshunos, etnograf, adabiyotshunos olimlar tomonidan bu bayramning 5 ming yillik qadimiy ildizlarga ega ekaniga alohida urgʻu berilishi maqsadga muvofiqdir. Shuningdek, bu boradagi qadimgi rivoyatlar, yoshi ulugʻ yurtdoshlarimizning bayram haqidagi bolalik taassurotlari aks ettirilgan lavhalarni ham tashkil etish mumkin.
Mehnat jamoalari va mahallalarda oʻtadigan bayram tadbirlarida asosiy ishtirokchilarning milliy liboslarda boʻlishiga eʼtibor qaratish, milliy taomlar, hunarmandlik buyumlari va liboslar koʻrgazmalarini, mohir chevarlar, usta va hunarmandlarni taqdirlash marosimlarini oʻtkazish bayramga koʻtarinki ruh va mazmun bagʻishlaydi.
VI. Navroʻz — yoshlik va shijoat ayyomi
Navroʻz oʻzining uygʻonish, yasharish va yangilanish borasidagi udum va anʼanalari bilan doimo yoshlikni, navqironlikni, hayot goʻzalligi va joʻshqinligini ulugʻlab keladi.
Mamlakatimiz aholisining 60 foizini yoshlar tashkil etadi. Yoshlar — Yangi Oʻzbekistonning faol bunyodkoridir. Bayram ishtirokchilarining asosiy qismi ham yoshlar boʻlishi tabiiy.
Shu bois oʻtkaziladigan tadbirlarda Yangi Oʻzbekiston farzandlarining turli sohalarda erishayotgan yutuqlarini barcha yoshlarimizga oʻrnak qilib koʻrsatish, ularni umrning har daqiqasini, bugungi hayotimizda yaratilayotgan imkoniyatlarni qadrlashga chaqirish, vatanparvar insonlar boʻlish, doimo oldinga intilib yashashga daʼvat etish oʻrinlidir.
Tavsiyalar: barcha mahallalarda ommaviy hasharlar, sumalak qaynayotgan doshqozonlar atrofida keksayu yosh ishtirokida oʻyin-kulgular, sayillar, ochiq maydonlarda qoʻgʻirchoq teatrlari va folklor tomoshalarini uyushtirish, uloq va koʻpkarilar oʻtkazish, oʻzbek xalq ertaklari qahramonlari siymosi tasvirlangan badiiy, hujjatli va animatsion mahsulotlar, milliy qahramonlarning merchlarini ommalashtirish ham muhim ahamiyatga ega.
Qoʻgʻirchoq ishlab chiqaradigan korxonalarga Alpomish, Goʻroʻgʻli, Oybarchin, Qaldirgʻoch, Kachal polvon, Shum bola va boshqa milliy qahramonlarning kattalashtirilgan timsollarini yaratish boʻyicha buyurtma berish, Navroʻz sayillarida koʻchalarda milliy doston va ertaklarimiz qahramonlari siymosidagi yoshlar bilan, mashhur sportchi, “Ay-ti”chi, sanʼatkor, yetakchi oʻgʻil-qizlarimiz bilan uchrashuv va muloqotlar tashkil etish ham bayram fayzini oshirishga xizmat qiladi.
VII. Oʻzbekiston — tinchlik va doʻstlik diyori
Bizning eng katta boyligimiz — koʻpmillatli xalqimizdir.
Bizning qudratli kuchimiz — yurtimizdagi tinchlik va osoyishtalik, millatlar va dinlararo doʻstlik va hamjihatlikdir.
Mustaqillik yillarida Navroʻz barcha oʻzbekistonliklar uchun tom maʼnoda sevimli umumxalq bayramiga, doʻstlik, birdamlik, bagʻrikenglik va ahillik ramziga aylandi.
Bayram tadbirlarida mamlakatimizdagi milliy-madaniy markazlar vakillarining anʼanaviy ishtiroki uchun munosib oʻrin berish lozim.
Tavsiyalar: bayram tadbirlariga barcha millat va elatlar vakillarini jalb etish, Navroʻz ularning hayotining ham ajralmas bir qismiga aylanib qolganiga, milliy madaniyati va anʼanalarini namoyish qilishga alohida eʼtibor qaratish.
Vatanimizda oʻtadigan bayram tadbirlariga mintaqamizdagi qoʻshni davlatlar vakillarini, jumladan, bayram dasturlariga ana shu mamlakatlar sanʼatkorlari, folklor ansambllari va hunarmandlarini ham taklif etish, chegara hududlarida Navroʻz sayillarini birgalikda tashkil etish, milliy sport musobaqalariga (kurash, koʻpkari, uloq, poyga va boshqalar) qardosh xalqlar jamoalarini ham jalb etish, tantanali tadbirlarda oʻzaro qon-qardoshlik, bizni bogʻlab turgan madaniy rishtalar, mushtarak tarix va umumiy kelajak toʻgʻrisida fikr almashish oʻrinli boʻladi.
VIII. Oʻzbekiston — dunyoga ochiq davlat
Keyingi yillarda xalqaro maydonda Oʻzbekistonning ochiq va erkin davlat sifatidagi imiji shakllanib, jahon miqyosida doʻst va hamkorlarimiz tobora koʻpaymoqda.
Umumbashariy gʻoyalar mujassami boʻlgan Navroʻz bizning jahon xalqlari bilan doʻst va hamjihat boʻlib yashash yoʻlidagi intilishlarimizni dunyoga namoyon etishda oʻziga xos ahamiyatga ega.
Bayram tadbirlarida ushbu mavzularni yoritish, jumladan, badiiy dasturlarda odatdagidek jahon sanʼati namunalariga ham oʻrin berish tavsiya etiladi.
Ommaviy axborot vositalarida mamlakatimizdagi diplomatik korpus vakillari, xorijiy doʻst va hamkorlarimiz, chet ellik sayyohlarning Oʻzbekiston xalqiga bildirgan tabrik va qutlovlari, mamlakatimizdagi tinchlik, barqarorlik va doʻstlik muhiti hamda bayram haqidagi taassurotlarini eʼlon qilish ham ijobiy natija beradi.
Yana bir muhim jihat — Navroʻz bayramini mamlakatimizning xorijiy davlatlardagi elchixona va vakolatxonalari, vatandoshlar jamiyatlari koʻmagida chet eldagi yurtdoshlarimiz ishtirokida keng nishonlash eʼtibor markazida boʻlishi lozim.
IX. Bayramning ramzi
Ilk bahor darakchisi boʻlgan boychechak tasviridan bayram tadbirlarining asosiy ramzi sifatida foydalanish taklif etiladi.
Bu borada quyidagi usul va vositalarni qoʻllash mumkin:
21-fevral — 21-mart kunlari boychechak timsolidan barcha davlat telekanallarida leybl sifatida foydalanish, televideniye va internet, ijtimoiy tarmoqlarda “Boychechagim boylandi” kabi mashhur xalq qoʻshiqlarini turli ijro usullarida berib borish, madaniy tadbirlarning ochilishini ana shunday taronalar bilan boshlash, shahar-qishloqlarimizning koʻcha, maydon va xiyobonlarini bezashda ushbu tasvirni keng qoʻllash tavsiya etiladi.
Oʻzbekiston Respublikasi Prezidentining 2025-yil 21-fevraldagi PQ-68-son qaroriga 2-ILOVA
2025-yilgi Navroʻz umumxalq bayramiga tayyorgarlik koʻrish va uni oʻtkazish boʻyicha tashkiliy qoʻmita
1 . A. Aripov — Oʻzbekiston Respublikasi Bosh vaziri, Tashkiliy qoʻmita raisi 2. X. Sultonov — Oʻzbekiston Respublikasi Prezidentining maslahatchisi 3. O. Abdurahmonov — Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari 4. O. Nazarbekov — madaniyat vaziri, Tashkiliy qoʻmita raisi oʻrinbosari 5. Sh. Umurzakov — Toshkent shahar hokimi, Tashkiliy qoʻmita raisi oʻrinbosari 6. H. Umarova — maktabgacha va maktab taʼlimi vaziri 7. Q. Sharipov — oliy taʼlim, fan va innovatsiyalar vaziri 8. A. Ikramov — sport vaziri 9. B. Zahidov — kambagʻallikni qisqartirish va bandlik vaziri 10. A. Xudayarov — sogʻliqni saqlash vaziri 11. A. Abduxakimov — ekologiya, atrof-muhitni muhofaza qilish va iqlim oʻzgarishi vaziri 12. Sh. Shermatov — raqamli texnologiyalar vaziri 13. B. Saidov — tashqi ishlar vaziri 14. Sh. Xolmuhammedov — mudofaa vaziri 15. P. Bobojonov — ichki ishlar vaziri 16. R. Joʻrayev — Milliy gvardiya qoʻmondoni 17. I. Norqulov — iqtisodiyot va moliya vazirining birinchi oʻrinbosari 18. Q. Quranbayev — Oʻzbekiston mahallalari uyushmasi raisi 19. Q. Rafiqov — Oʻzbekiston kasaba uyushmalari Federatsiyasi raisi 20. Sh. Ayupov — Fanlar akademiyasi prezidenti 21. A. Xodjayev — Axborot va ommaviy kommunikatsiyalar agentligi direktori 22. R. Qurbonov — Millatlararo munosabatlar va xorijiy mamlakatlar bilan doʻstlik aloqalari qoʻmitasi raisi 23. A. Saʼdullayev — Yoshlar ishlari agentligi direktori 24. A. Djurabayev — Oʻzbekiston Milliy teleradiokompaniyasi raisi 25. A. Koʻchimov — Oʻzbekiston Milliy axborot agentligi bosh direktori 26. A. Nuridinov — Oʻzbekiston Badiiy akademiyasi raisi 27. O. Hasanov — Respublika Maʼnaviyat va maʼrifat markazi rahbari 28. S. Saidov — Oʻzbekiston Yozuvchilar uyushmasi raisi 29. S. Turdiyev — Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi respublika boshqaruvi raisi 30. Sh. Rizayev — Kinematografiya agentligi bosh direktori v.b. 31. R. Abdullayev — Oʻzbekiston kompozitorlar va bastakorlar uyushmasi raisi 32. Sh. Qudratxoʻja — Oʻzbekiston milliy media birlashmasi raisi 33. X. Salimov — Oʻzbekiston jurnalistlari uyushmasi raisi oʻrinbosari 34. Lavozimiga koʻra — Qoraqalpogʻiston Respublikasi Vazirlar Kengashi Raisi va viloyatlar hokimlari 35. B. Onorboyev — Vazirlar Mahkamasi boʻlim boshligʻi, Tashkiliy qoʻmita kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 21-fevral,
PQ-68-son
Президента Республики Узбекистан
Постановление
О подготовке и проведении всенародного праздника Навруз в 2025 году
Навруз — начало нового года на Востоке — на протяжении веков занимал важное место в общественной и духовной жизни нашего народа как символ весны, добра, милосердия и созидания.
Этот светлый праздник, по духу созвучный благородной идее «Во имя человека, во имя его счастья», воплощаемой в последние годы в нашей стране, стал поистине всенародным и широко отмечается во всех городах и селах Узбекистана.
Принципы гуманизма, уважения к человеку как венцу творения, бережного отношения к родной земле и природе, на которых основана философия Навруза, сегодня все ярче проявляются в нашей жизни.
Исходя из этих непреходящих ценностей, в нашей стране приоритетными задачами определены обеспечение интересов и социальной защиты населения, поддержка нуждающихся, внимание и забота о каждом члене общества, благоустройство городов и сел, рациональное использование земельных и водных ресурсов, всех благ природы.
Поэтому в нынешнем году — в Год защиты окружающей среды и «зеленой» экономики празднование Навруза приобретает новый, еще более глубокий смысл и содержание.
Учитывая неоценимую роль и значение Навруза, признанного Организацией Объединенных Наций международным праздником, в укреплении в многонациональном обществе Нового Узбекистана мира, атмосферы дружбы и согласия, духа единства, а также в целях его празднования на достойном уровне:
1. Широко отметить в 2025 году в стране праздник Навруз на высоком уровне народными гуляньями — сайилями на основе главной идеи «Пусть будут вечными твои ценности, Навруз!».
2. Одобрить Идейно-художественную концепцию всенародного праздника Навруз 2025 года (далее — Концепция) в соответствии с предложением Министерства культуры, Агентства по делам молодежи, Республиканского центра духовности и просветительства, Союза писателей Узбекистана, Ассоциации махаллей Узбекистана и Фонда «Нуроний» согласно приложению № 1 * .
3. Утвердить состав Организационного комитета по подготовке и проведению всенародного праздника Навруз в 2025 году (далее — Организационный комитет) согласно приложению № 2 * .
Организационному комитету (А.Н. Арипов) в недельный срок утвердить разрабатываемую на основе Концепции Программу организационно-практических, культурных и духовно-просветительских мероприятий по достойному празднованию всенародного праздника Навруз в городе Ташкенте, Республике Каракалпакстан и областных центрах, во всех городах и районах, селах и аулах, а также обеспечить ее реализацию.
4. В целях организации на местах на высоком уровне всех мероприятий всенародного праздника Навруз на основе национальных ценностей и традиций, а также в соответствии с сутью и значением реформ, осуществляемых в стране, ключевыми направлениями и рекомендациями, изложенными в Концепции, обеспечения широкого участия в них соотечественников особое внимание уделить:
проведению действенных по форме и содержанию праздничных мероприятий, отражающих гармонию человека с природой, ее весеннее пробуждение, любовь и заботу о родной земле, призывающих соотечественников ценить сегодняшнюю мирную и спокойную жизнь в родном Узбекистане;
отражению созвучия осуществляемых в стране коренных демократических реформ, позитивных перемен в повседневной жизни, сознании и мировоззрении нашего народа гуманизму и инклюзивности Навруза, его древним ценностям и традициям;
учитывая, что в этом году праздник Навруз отмечается в священный месяц Рамазан, — оказанию всемерного уважения представителям старшего поколения, особенно участникам Второй мировой войны и ветеранам трудового фронта, заботы и внимания лицам, проживающим в домах «Мехрибонлик», «Саховат» и «Мурувват», гражданам, внесенным в тетради социальной защиты, и всем, кто нуждается в поддержке, организации для них праздничных дастарханов, а также проведению благотворительных мероприятий;
реализации мероприятий, предусмотренных общенациональным проектом «Яшил макон», проведению в преддверии праздника всенародного хашара, акций по благоустройству и озеленению во всех регионах, районах и городах, на каждой улице, в каждой махалле;
в целях укрепления царящей в нашем обществе атмосферы межнациональной дружбы и согласия — широкой демонстрации обычаев, традиций и ценностей представителей разных наций и народностей, проживающих в стране;
организации во время праздничных мероприятий выставок изделий ремесленников, соревнований по национальным видам спорта, книжных экспозиций, ярмарок сельскохозяйственной и продовольственной продукции по доступным ценам, передвижных торговых точек, а также приготовления весенних блюд, их ярмарочной торговли и конкурсов;
широкому освещению в средствах массовой информации истории праздника Навруз, обычаев и традиций, связанных с его проведением в каждом регионе, праздничных мероприятий во всех городах и селах;
организации народных гуляний на основе отдельной программы в комплексе «Янги Узбекистон» в городе Ташкенте.
5. Министерству культуры (О. Назарбеков) совместно с Республиканским центром духовности и просветительства (О. Хасанов), Союзом писателей (С. Саидов) в недельный срок разработать согласно Концепции программу и сценарий главного театрализованного концертного представления, проводимого в городе Ташкенте в связи с праздником Навруз.
6. Совету Министров Республики Каракалпакстан, хокимиятам областей и города Ташкента:
а) в недельный срок разработать и утвердить региональные программы мероприятий по проведению всенародных гуляний в Навруз, в которых предусмотреть:
праздничное оформление в национальном стиле главных площадей, улиц и скверов, где будут организованы всенародные гулянья;
меры по подготовке на высоком художественном уровне данных гуляний и представлений совместно с местными опытными сценаристами и режиссерами, композиторами, балетмейстерами, художниками-постановщиками, талантливыми молодыми исполнителями, представителями фольклорного искусства;
проведение в рамках праздничных мероприятий традиционных для каждого региона народных игр, представлений, выставок, организацию открытых павильонов для приготовления и продажи весенних блюд;
б) широко привлекать к подготовке праздничных программ и массовых представлений, оформлению улиц, площадей и скверов творческие группы квалифицированных специалистов;
в) обеспечить проведение всех мероприятий при строгом соблюдении требований общественной безопасности.
7. Установить, что расходы, связанные с проведением праздничных мероприятий, покрываются:
в городе Ташкенте — за счет средств республиканского бюджета и местного бюджета города Ташкента в равных долях;
в Республике Каракалпакстан и областях — за счет средств соответствующих местных бюджетов и благотворительных средств.
8. Рекомендовать Национальному информационному агентству Узбекистана, Национальной телерадиокомпании Узбекистана, Информационному агентству «Дунё» и другим средствам массовой информации всесторонне освещать работу по подготовке и проведению всенародного праздника Навруз.
9. Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Департамента социального развития Администрации Президента Республики Узбекистан О.К. Абдурахмонова.
Президент Республики Узбекистан Ш. МИРЗИЁЕВ
г. Ташкент,
21 февраля 2025 г.,
№ ПП-68