📅 2025-yil 24-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 24 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 февраля 2025 г. · Постановления Президента
Официальный текст. Официальный документ. Редакционные примечания не включены.
📅 24 February 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Ўзбекистон Республикаси Президентининг айрим қарорларига ҳарбий хизматчиларни ижтимоий ҳимоя қилишни кучайтиришга қаратилган ўзгартириш ва қўшимча киритиш тўғрисида
Ўзбекистон Республикаси Қуролли Кучларининг белгиланган тартибда тураржой билан таъминланмаган ҳарбий хизматчиларининг тураржой таъминотини яхшилаш орқали уларни ижтимоий ҳимоя қилишни янада кучайтириш мақсадида:
1. Ўзбекистон Республикаси Президентининг айрим қарорларига иловага мувофиқ қуйидагиларни назарда тутувчи ўзгартириш ва қўшимча киритилсин:
2025 йил 1 мартдан бошлаб ҳарбий хизматчиларга тураржойни ижарага олганлик (ижарада турганлик) учун тўланадиган ҳар ойлик пул компенсацияси миқдорини 20 фоизга ошириш;
2025 йил 1 июндан бошлаб қонунчилик ҳужжатларига мувофиқ тасдиқланадиган ипотека кредитларини ажратиш кўрсаткичлари асосида уй-жой билан таъминланадиган, календарь ҳисобида ўн йилдан ортиқ ҳарбий хизматни ўтаган ҳарбий хизматчиларга тураржой сотиб олиш (қуриш) учун ипотека кредити олинишида ажратиладиган дастлабки бадал миқдорини уй-жой ҳисобланган қийматининг 35 фоизи миқдорида белгилаш.
2. Иқтисодиёт ва молия вазирлиги Ўзбекистон Республикаси Қуролли Кучлари таркибига кирувчи вазирлик ва идораларнинг асосланган сўровномаларига мувофиқ уларнинг ҳарбий хизматчиларига турар жойни ижарага олганлик (ижарада турганлик) учун ҳар ойлик пул компенсациясининг оширилган тўловлари билан боғлиқ қўшимча харажатлар учун 2025 йилда Давлат бюджетидан зарур маблағлар ажратсин, 2026 йилдан бошлаб Давлат бюджети параметрларида кўзда тутилишини таъминласин.
3. Мудофаа вазирлиги манфаатдор вазирлик ва идоралар билан биргаликда бир ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
4. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президентининг 2025 йил 24 февралдаги ПҚ-71-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимча
1. Ўзбекистон Республикаси Президентининг 2005 йил 30 июндаги «Ўзбекистон Республикаси Қуролли Кучларининг ҳарбий хизматчиларини ижтимоий муҳофаза қилишни таъминлаш борасидаги қўшимча чора-тадбирлар тўғрисида»ги ПҚ-112-сон қарорининг 1-банди қуйидаги таҳрирда баён этилсин:
«1. 2025 йил 1 мартдан йил якунига қадар Ўзбекистон Республикаси Қуролли Кучларининг контракт бўйича хизмат қилаётган, амалдаги сарф-харажатлар (коммунал хизматлар ҳақи бундан мустасно) доирасида тураржой билан таъминланмаган оддий аскар, сержант ва офицерлар таркибидаги ҳарбий хизматчиларига тураржойни ижарага олганлик (ижарада турганлик) учун:
Тошкент шаҳрида — базавий ҳисоблаш миқдорининг 4,8 бараваригача миқдорда;
Нукус шаҳри ва вилоятлар марказларида — базавий ҳисоблаш миқдорининг 3,6 бараваригача миқдорда;
Ўзбекистон Республикасининг бошқа шаҳарлари, туман марказлари ва аҳоли пунктларида — базавий ҳисоблаш миқдорининг 2,4 бараваригача миқдорда ҳар ойлик пул компенсацияси тўловлари белгилансин.
Оила аъзолари уч киши ва ундан ортиқ бўлган тақдирда ҳарбий хизматчиларнинг ушбу пул компенсацияси миқдорлари 50 фоизга оширилади.
2026 йилдан бошлаб ҳар йили ҳар ойлик пул компенсацияси тўловлари миқдори ҳудудлар кесимида тураржой ижарасининг бозор нархларидан келиб чиққан ҳолда, Вазирлар Маҳкамасининг қарори билан белгилаб борилади. Бунда тураржой ижарасининг бозор нархларини қайта белгилашда Солиқ қўмитасининг ҳар йили 1 октябрь ҳолатига кўра солиқ органлари автоматлаштирилган ахборот тизимига ҳисобга қўйилган кўчмас мулк ижара шартномаси бўйича берган маълумоти асос ҳисобланади. Тураржой ижарасининг бозор қиймати мазкур қарорнинг 1-бандида кўрсатилган ҳар ойлик компенсация меъёрларидан кам миқдорларни ташкил этса, ҳар ойлик компенсациянинг ушбу қарорда белгиланган меъёрлари ўзгартирилмайди».
2. Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низомнинг 190-банди «25 фоизи» сўзларидан кейин «(календарь ҳисобида ўн йилдан ортиқ ҳарбий хизматни ўтаган ҳарбий хизматчилар учун — 35 фоизи)» сўзлари билан тўлдирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 24 февраль,
ПҚ-71-сон
Oʻzbekiston Respublikasi Prezidentining
qarori
Oʻzbekiston Respublikasi Prezidentining ayrim qarorlariga harbiy xizmatchilarni ijtimoiy himoya qilishni kuchaytirishga qaratilgan oʻzgartirish va qoʻshimcha kiritish toʻgʻrisida
Oʻzbekiston Respublikasi Qurolli Kuchlarining belgilangan tartibda turarjoy bilan taʼminlanmagan harbiy xizmatchilarining turarjoy taʼminotini yaxshilash orqali ularni ijtimoiy himoya qilishni yanada kuchaytirish maqsadida:
1. Oʻzbekiston Respublikasi Prezidentining ayrim qarorlariga ilovaga muvofiq quyidagilarni nazarda tutuvchi oʻzgartirish va qoʻshimcha kiritilsin:
2025-yil 1-martdan boshlab harbiy xizmatchilarga turarjoyni ijaraga olganlik (ijarada turganlik) uchun toʻlanadigan har oylik pul kompensatsiyasi miqdorini 20 foizga oshirish;
2025-yil 1-iyundan boshlab qonunchilik hujjatlariga muvofiq tasdiqlanadigan ipoteka kreditlarini ajratish koʻrsatkichlari asosida uy-joy bilan taʼminlanadigan, kalendar hisobida oʻn yildan ortiq harbiy xizmatni oʻtagan harbiy xizmatchilarga turarjoy sotib olish (qurish) uchun ipoteka krediti olinishida ajratiladigan dastlabki badal miqdorini uy-joy hisoblangan qiymatining 35 foizi miqdorida belgilash.
2. Iqtisodiyot va moliya vazirligi Oʻzbekiston Respublikasi Qurolli Kuchlari tarkibiga kiruvchi vazirlik va idoralarning asoslangan soʻrovnomalariga muvofiq ularning harbiy xizmatchilariga turar joyni ijaraga olganlik (ijarada turganlik) uchun har oylik pul kompensatsiyasining oshirilgan toʻlovlari bilan bogʻliq qoʻshimcha xarajatlar uchun 2025-yilda Davlat budjetidan zarur mablagʻlar ajratsin, 2026-yildan boshlab Davlat budjeti parametrlarida koʻzda tutilishini taʼminlasin.
3. Mudofaa vazirligi manfaatdor vazirlik va idoralar bilan birgalikda bir oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
4. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidentining 2025-yil 24-fevraldagi PQ-71-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimcha
1. Oʻzbekiston Respublikasi Prezidentining 2005-yil 30-iyundagi “Oʻzbekiston Respublikasi Qurolli Kuchlarining harbiy xizmatchilarini ijtimoiy muhofaza qilishni taʼminlash borasidagi qoʻshimcha chora-tadbirlar toʻgʻrisida”gi PQ-112-son qarorining 1-bandi quyidagi tahrirda bayon etilsin:
“1. 2025-yil 1-martdan yil yakuniga qadar Oʻzbekiston Respublikasi Qurolli Kuchlarining kontrakt boʻyicha xizmat qilayotgan, amaldagi sarf-xarajatlar (kommunal xizmatlar haqi bundan mustasno) doirasida turarjoy bilan taʼminlanmagan oddiy askar, serjant va ofitserlar tarkibidagi harbiy xizmatchilariga turarjoyni ijaraga olganlik (ijarada turganlik) uchun:
Toshkent shahrida — bazaviy hisoblash miqdorining 4,8 baravarigacha miqdorda;
Nukus shahri va viloyatlar markazlarida — bazaviy hisoblash miqdorining 3,6 baravarigacha miqdorda;
Oʻzbekiston Respublikasining boshqa shaharlari, tuman markazlari va aholi punktlarida — bazaviy hisoblash miqdorining 2,4 baravarigacha miqdorda har oylik pul kompensatsiyasi toʻlovlari belgilansin.
Oila aʼzolari uch kishi va undan ortiq boʻlgan taqdirda harbiy xizmatchilarning ushbu pul kompensatsiyasi miqdorlari 50 foizga oshiriladi.
2026-yildan boshlab har yili har oylik pul kompensatsiyasi toʻlovlari miqdori hududlar kesimida turarjoy ijarasining bozor narxlaridan kelib chiqqan holda, Vazirlar Mahkamasining qarori bilan belgilab boriladi. Bunda turarjoy ijarasining bozor narxlarini qayta belgilashda Soliq qoʻmitasining har yili 1-oktabr holatiga koʻra soliq organlari avtomatlashtirilgan axborot tizimiga hisobga qoʻyilgan koʻchmas mulk ijara shartnomasi boʻyicha bergan maʼlumoti asos hisoblanadi. Turarjoy ijarasining bozor qiymati mazkur qarorning 1-bandida koʻrsatilgan har oylik kompensatsiya meʼyorlaridan kam miqdorlarni tashkil etsa, har oylik kompensatsiyaning ushbu qarorda belgilangan meʼyorlari oʻzgartirilmaydi”.
2. Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomning 190-bandi “25 foizi” soʻzlaridan keyin “(kalendar hisobida oʻn yildan ortiq harbiy xizmatni oʻtagan harbiy xizmatchilar uchun — 35 foizi)” soʻzlari bilan toʻldirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 24-fevral,
PQ-71-son
Президента Республики Узбекистан
Постановление
О внесении изменения и дополнения в некоторые постановления Президента Республики Узбекистан, направленные на усиление социальной защиты военнослужащих
В целях дальнейшего усиления социальной защиты путем улучшения жилищного обеспечения военнослужащих Вооруженных Сил Республики Узбекистан, не обеспеченных жильем в установленном порядке:
1. Внести изменение и дополнение в некоторые постановления Президента Республики Узбекистан согласно приложению , предусматривающие:
повышение с 1 марта 2025 года на 20 процентов размера ежемесячной денежной компенсации, выплачиваемой военнослужащим за наем (поднаем) жилья;
установление начиная с 1 июня 2025 года размера первоначального взноса, выделяемого при получении ипотечного кредита на приобретение (строительство) жилья военнослужащим, прошедшим военную службу более десяти лет в календарном исчислении, обеспечиваемым жильем на основании параметров выделения ипотечных кредитов, утверждаемых согласно актам законодательства, в размере 35 процентов расчетной стоимости жилья.
2. Министерству экономики и финансов согласно обоснованным запросам министерств и ведомств, входящих в состав Вооруженных Сил Республики Узбекистан, в 2025 году выделить необходимые средства из Государственного бюджета на дополнительные расходы их военнослужащих, связанные с повышенными выплатами ежемесячной денежной компенсации за наем (поднаем) жилья, с 2026 года обеспечить предусмотрение необходимых средств в параметрах Государственного бюджета.
3. Министерству обороны совместно с заинтересованными министерствами и ведомствами в месячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
4. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
ПРИЛОЖЕНИЕ к постановлению Президента Республики Узбекистан от 24 февраля 2024 года № ПП-71
Изменение и дополнение, вносимые в некоторые постановления Президента Республики Узбекистан
1. Пункт 1 постановления Президента Республики Узбекистан от 30 июня 2005 года № ПП-112 «О дополнительных мерах обеспечения социальной защиты военнослужащих Вооруженных Сил Республики Узбекистан» изложить в следующей редакции:
«1. Установить с 1 марта до конца 2025 года размер выплаты ежемесячной денежной компенсации за наем (поднаем) жилья военнослужащим по контракту рядового, сержантского и офицерского составов Вооруженных Сил Республики Узбекистан, не обеспеченным жильем, в пределах фактических затрат (исключая оплату коммунальных услуг):
до 4,8-кратного размера базовой расчетной величины — в городе Ташкенте;
до 3,6-кратного размера базовой расчетной величины — в городе Нукусе и областных центрах;
до 2,4-кратного размера базовой расчетной величины — в других городах, районных центрах и населенных пунктах Республики Узбекистан.
При наличии трех и более членов семьи указанные размеры денежной компенсации военнослужащим повышаются на 50 процентов.
Начиная с 2026 года ежегодно размер выплаты ежемесячной денежной компенсации устанавливается постановлением Кабинета Министров в разрезе регионов исходя из рыночных цен за наем жилья. При повторном определении рыночных цен за наем жилья основанием является ежегодно предоставляемая по состоянию на 1 октября информация Налогового комитета по договору аренды недвижимого имущества, поставленного на учет в автоматизированной информационной системе налоговых органов. В случаях, когда рыночная цена за наем жилья составляет меньше размеров норм ежемесячной компенсации, указанных в пункте 1 настоящего постановления, нормы ежемесячной компенсации, установленные настоящим постановлением, не меняются».
2. Пункт 190 Положения о порядке прохождения военной службы гражданами Республики Узбекистан, утвержденного постановлением Президента Республики Узбекистан от 12 сентября 2019 года № ПП-4447, после слов «25 процентов» дополнить словами «(для военнослужащих, прошедших военную службу в течение более 10 лет в календарном исчислении, — 35 процентов)».
Президент Республики Узбекистан Ш. МИРЗИЁЕВ
г. Ташкент,
24 февраля 2025 г.,
№ ПП-71