📅 2025-yil 24-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 24 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 24 февраля 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 24 February 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Вазирлар Маҳкамасининг «Шаҳарсозлик фаолиятида рухсат бериш тартиб-таомилларини такомиллаштиришга қаратилган Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2023 йил 23 ноябрдаги 619-сон қарорига ўзгартириш киритиш ҳақида
Шаҳарсозлик фаолиятида рухсат бериш тартиб-таомилларини такомиллаштириш мақсадида Вазирлар Маҳкамаси қарор қилади:
1. Куйидагилар:
Вазирлар Маҳкамасининг «Шаҳарсозлик фаолиятида рухсат бериш тартиб-таомилларини такомиллаштиришга қаратилган Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2023 йил 23 ноябрдаги 619-сон қарорига ўзгартириш киритиш ҳақида» 2024 йил 11 ноябрдаги 326-сон қарорига асосан объектларни ҳудудий инспекциялар рўйхатидан ўтказиш ҳамда шу асосда фойдаланишга рухсат бериш ишлари 2024 йил 31 декабрга қадар узайтирилганлиги;
бугунги кунда республика буйича 2 500 дан ортиқ объектда қурилиш-монтаж ишлари рўйхатдан ўтмасдан амалга оширилаётганлигини;
айрим ҳудудларда ижтимоий, инфратузилма ва ишлаб чиқариш объектлари, кўп қаватли ва якка тартибдаги уй-жойлар барпо этилганлиги ҳамда улардан фойдаланилаётганлиги (аҳоли яшаётганлиги) сабабли объектларни рўйхатдан ўтказиш муддатини узайтириш зарурати юзага келганлиги маълумот учун қабул қилинсин.
2. Қурилиш ва уй-жой коммунал хўжалиги вазирлигининг объектлар лойиҳаларини белгиланган тартибда келишмасдан ва ҳудудий инспекциялар рўйхатидан ўтказмасдан, қурилиш-монтаж ишлари бажарилган (қисман ёки тўлиқ) бино ва иншоотлар буйича тегишли ҳужжатларни расмийлаштириш ва худудий инспекциялар рўйхатидан ўтказиш ҳамда шу асосда фойдаланишга рухсат бериш ишларини 2025 йил 1 июлга қадар узайтириш тўғрисидаги таклифи маъқуллансин.
3. Вазирлар Маҳкамасининг «Шаҳарсозлик фаолиятида рухсат бериш тартиб-таомилларини такомиллаштиришга қаратилган Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йуқотган деб ҳисоблаш тўғрисида» 2023 йил 23 ноябрдаги 619-сон қарорининг 2-бандидаги «2024 йил 1 декабрдан» сўзлари «2025 йил 1 июлдан» сўзлари билан алмаштирилсин.
4. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ҳамда қурилиш ва уй-жой коммунал хўжалиги вазири Ш.С. Хидоятов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2025 йил 24 февраль,
110-сон
Oʻzbekiston Respublikasi Vazirlar Mahkamasining
qarori
Vazirlar Mahkamasining “Shaharsozlik faoliyatida ruxsat berish tartib-taomillarini takomillashtirishga qaratilgan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2023-yil 23-noyabrdagi 619-son qaroriga oʻzgartirish kiritish haqida
Shaharsozlik faoliyatida ruxsat berish tartib-taomillarini takomillashtirish maqsadida Vazirlar Mahkamasi qaror qiladi:
1. Kuyidagilar:
Vazirlar Mahkamasining “Shaharsozlik faoliyatida ruxsat berish tartib-taomillarini takomillashtirishga qaratilgan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2023-yil 23-noyabrdagi 619-son qaroriga oʻzgartirish kiritish haqida” 2024-yil 11-noyabrdagi 326-son qaroriga asosan obyektlarni hududiy inspeksiyalar roʻyxatidan oʻtkazish hamda shu asosda foydalanishga ruxsat berish ishlari 2024-yil 31-dekabrga qadar uzaytirilganligi;
bugungi kunda respublika buyicha 2 500 dan ortiq obyektda qurilish-montaj ishlari roʻyxatdan oʻtmasdan amalga oshirilayotganligini;
ayrim hududlarda ijtimoiy, infratuzilma va ishlab chiqarish obyektlari, koʻp qavatli va yakka tartibdagi uy-joylar barpo etilganligi hamda ulardan foydalanilayotganligi (aholi yashayotganligi) sababli obyektlarni roʻyxatdan oʻtkazish muddatini uzaytirish zarurati yuzaga kelganligi maʼlumot uchun qabul qilinsin.
2. Qurilish va uy-joy kommunal xoʻjaligi vazirligining obyektlar loyihalarini belgilangan tartibda kelishmasdan va hududiy inspeksiyalar roʻyxatidan oʻtkazmasdan, qurilish-montaj ishlari bajarilgan (qisman yoki toʻliq) bino va inshootlar buyicha tegishli hujjatlarni rasmiylashtirish va xududiy inspeksiyalar roʻyxatidan oʻtkazish hamda shu asosda foydalanishga ruxsat berish ishlarini 2025-yil 1-iyulga qadar uzaytirish toʻgʻrisidagi taklifi maʼqullansin.
3. Vazirlar Mahkamasining “Shaharsozlik faoliyatida ruxsat berish tartib-taomillarini takomillashtirishga qaratilgan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yuqotgan deb hisoblash toʻgʻrisida” 2023-yil 23-noyabrdagi 619-son qarorining 2-bandidagi “2024-yil 1-dekabrdan” soʻzlari “2025-yil 1-iyuldan” soʻzlari bilan almashtirilsin.
4. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov hamda qurilish va uy-joy kommunal xoʻjaligi vaziri Sh.S. Xidoyatov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2025-yil 24-fevral,
110-son