📅 2025-yil 27-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 27 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 27 февраля 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 27 February 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
МАЪМУРИЙ РЕГЛАМЕНТИ
СХЕМАСИ
СЎРОВНОМА
Транспорт воситасини ишлаб чиқарувчи юридик шахсларга транспорт воситасининг идентификация рақамини шакллантириш бўйича давлат хизматини кўрсатишнинг маъмурий регламентини тасдиқлаш тўғрисида
Ўзбекистон Республикаси Президентининг «Маъмурий ислоҳотлар доирасида адлия органлари ва муассасаларининг масъулиятини янада ошириш ҳамда ихчам бошқарув тизимини шакллантириш тўғрисида» 2024 йил 24 майдаги ПФ-80-сон Фармони ижросини таъминлаш, шунингдек, транспорт воситасини ишлаб чиқарувчи юридик шахсларга транспорт воситасининг идентификация рақамини шакллантириш ишларининг ягона тартибини белгилаш ва унинг шаффофлигини таъминлаш ҳамда хизматлар кўрсатиш жараёнларини соддалаштириш мақсадида Вазирлар Маҳкамаси қарор қилади:
1. Вазирлар Маҳкамасининг «Ўзбекистон техник жиҳатдан тартибга солиш агентлигининг Ўзбекистон стандартлар институти фаолиятини ташкил этиш тўғрисида» 2019 йил 14 мартдаги 220-сон қарорига мувофиқ Вазирлар Маҳкамаси ҳузуридаги Ўзбекистон техник жиҳатдан тартибга солиш агентлигининг Ўзбекистон стандартлар институтига транспорт воситаларини ишлаб чиқарувчиларнинг халқаро идентификация кодини бериш вазифаси юкланганлиги маълумот учун қабул қилинсин.
2. Қуйидагиларни назарда тутувчи Транспорт воситасини ишлаб чиқарувчи юридик шахсларга транспорт воситасининг идентификация рақамини шакллантириш бўйича давлат хизматини кўрсатишнинг маъмурий регламенти (кейинги ўринларда — Регламент) иловага мувофиқ тасдиқлансин:
давлат хизмати кўрсатилишини Ўзбекистон Республикаси Давлат хизматлари марказлари ёки Ягона интерактив давлат хизматлари портали (кейинги ўринларда — ЯИДХП) орқали ташкил этиш;
транспорт воситаларининг идентификация рақамининг тузилиши ва мазмуни;
транспорт воситаларининг идентификация рақамини шакллантириш тартиби.
3. Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги, Адлия вазирлиги ва Рақамли технологиялар вазирлиги билан биргаликда:
бир ой муддатда ушбу қарор билан тасдиқланган Регламентга мувофиқ давлат хизмати кўрсатишни Давлат хизматлари марказлари ёки ЯИДХП орқали жорий этилишини таъминласин;
Давлат хизматлари марказлари ёки ЯИДХПда давлат хизмати кўрсатилишининг ҳар бир босқичида мурожаатлар кўриб чиқилишини кузатиб бориш тартибини жорий этсин.
4. Адлия вазирлиги:
давлат органлари ва бошқа ташкилотларнинг улар томонидан давлат хизматлари кўрсатилишининг белгиланган тартибига риоя этилиши юзасидан, шу жумладан, ЯИДХП орқали доимий назорат ҳамда мониторинг ўрнатсин;
ушбу қарор билан тасдиқланган Регламент талабларини бузганлик учун давлат органлари ва бошқа ташкилотлар мансабдор шахсларига нисбатан белгиланган тартибда маъмурий жазоларни қўлласин.
5. Мазкур қарорнинг бажарилишини назорат қилиш Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги директори А.Р. Жуманазаров ва Ўзбекистон Республикаси адлия вазири А.Д. Ташкулов зиммасига юклансин.
Вазирлар Маҳкамасининг 2025 йил 27 февралдаги 127-сон қарорига ИЛОВА
Транспорт воситасини ишлаб чиқарувчи юридик шахсларга транспорт воситасининг идентификация рақамини шакллантириш бўйича давлат хизматини кўрсатишнинг
1-боб. Умумий қоидалар
1. Ушбу Регламент транспорт воситаларини ишлаб чиқарувчи юридик шахсларга (кейинги ўринларда — талабгорлар) транспорт воситаларининг идентификация рақамини (кейинги ўринларда — VIN коди) шакллантириш бўйича давлат хизматини кўрсатиш тартибини белгилайди.
Мазкур Регламент Вазирлар Маҳкамасининг 2017 йил 25 апрелдаги 237-сон қарори билан тасдиқланган Муомалага чиқарилаётган ғилдиракли транспорт воситаларининг хавфсизлиги тўғрисидаги умумий техник регламент билан тартибга солинадиган ғилдиракли транспорт воситаларига нисбатан татбиқ этилади.
2. Давлат хизмати Давлат хизматлари марказлари ёки ЯИДХП орқали кўрсатилади.
Бунда Вазирлар Маҳкамаси ҳузуридаги Ўзбекистон техник жиҳатдан тартибга солиш агентлигининг Ўзбекистон стандартлар институти (кейинги ўринларда — Институт) транспорт воситаларининг идентификация рақамини шакллантиришни таъминлайди.
3. Транспорт воситасини ишлаб чиқарувчи юридик шахсларга транспорт воситасининг идентификация рақамини шакллантириш бўйича давлат хизмати мазкур Регламентга 1-иловага мувофиқ Транспорт воситасини ишлаб чиқарувчи юридик шахсларга транспорт воситасининг идентификация рақамини шакллантириш схемаси асосида кўрсатилади.
2-боб. Давлат хизматини кўрсатиш тартиби
1-§. VIN кодининг тузилиши ва мазмуни
4. VIN коди учта бўлимдан иборат:
ишлаб чиқарувчининг халқаро идентификация коди (WMI коди);
тавсифловчи қисми (VDS);
кўрсатувчи қисми (VIS).
VIN коди транспорт воситаларини идентификация мақсадида бериладиган белгиларнинг таркибий комбинацияси.
Халқаро ишлаб чиқарувчи идентификация коди — World Manufacturer Identifier коди (кейинги ўринларда — WMI коди) VIN кодининг биринчи қисми бўлиб, транспорт воситалари ишлаб чиқарувчисини билдиради. WMI коди транспорт воситалари ишлаб чиқарувчисига мазкур ишлаб чиқарувчини аниқлаш мақсадида берилади. VIN кодининг қолган қисмлари билан биргаликда WMI коди 30 йил давомида барча давлатларда ишлаб чиқарилган транспорт воситалари учун ушбу коднинг такрорланмаслигини таъминлайди.
VIN кодининг тавсифловчи қисми — Vehicle Descriptor Section (VDS) транспорт воситаларини тавсифловчи қисми VIN кодининг иккинчи қисми бўлиб, транспорт воситаларининг асосий хусусиятларини ифодаловчи маълумотларни ўз ичига олади. Ушбу VIN кодининг қисмида транспорт воситаси тури, вариантлари ва версиялари кўрсатилиши мумкин.
VIN кодининг кўрсатувчи қисми — Vehicle Indicator Section (VIS) VIN кодининг учинчи қисми бўлиб, бир транспорт воситасини бошқасидан ажратиш учун ишлаб чиқарувчи томонидан белгиланган белгилар комбинациясидан иборат. Ушбу VIN кодининг қисми VDS билан биргаликда ҳар бир ишлаб чиқарувчи томонидан 30 йил давомида ишлаб чиқарилган барча транспорт воситаларини аниқ идентификациялашни таъминлайди.
5. VIN кодининг WMI тавсифловчи қисми биринчи уч позицияда жойлашган белгилардан (ҳарфлар ёки рақамлар) иборат бўлади. Белгиларни танлаш ва уларнинг кетма-кетлиги Институт томонидан аниқланади.
6. VIN кодининг VDS тавсифловчи қисми олти позицияда жойлашган белгилардан (ҳарфлар ёки рақамлар) иборат бўлади. Белгиларни танлаш ва уларнинг кетма-кетлиги ишлаб чиқарувчи томонидан аниқланади.
7. VIN кодининг VIS кўрсатувчи қисми саккиз позицияда жойлашган белгилардан (ҳарфлар ёки рақамлар) иборат бўлади. Қўлланилмаган барча позицияларга ноллар қўйилади. Ушбу қисмда ишлаб чиқарилган йил (модель йили) ва (ёки) йиғув заводини кўрсатишга рухсат этилади.
Бунда ишлаб чиқарилган йил (модель йили) кодини биринчи позицияга, йиғувчи завод кодини эса иккинчи позицияга жойлаштириш тавсия этилади. Агар VIS кодида модель йили кўрсатилган бўлса, VIN кодини тавсифловчи ҳужжатларда бу ҳақда маълумот берилиши лозим.
2-§. Мурожаатларни шакллантириш ва юбориш
8. Талабгорлар давлат хизматидан фойдаланиш учун Давлат хизматлари марказларига ўзи келиб мурожаат этади ёки давлат хизматидан электрон шаклда фойдаланиш учун ЯИДХПда рўйхатдан ўтади.
9. Талабгор ўзи келиб мурожаат этган тақдирда, Давлат хизматлари маркази ходими талабгор номидан, ЯИДХП орқали мурожаат этган тақдирда эса, мустақил равишда ушбу Регламентга 2-иловага мувофиқ шаклдаги Транспорт воситасини ишлаб чиқарувчи юридик шахсларга транспорт воситасининг идентификация рақамини шакллантириш юзасидан давлат хизматини кўрсатиш бўйича сўровномани электрон шаклда тўлдиради.
10. Талабгордан бошқа маълумотларни талаб қилиш тақиқланади.
11. Сўровнома тўлдирилгандан сўнг талабгор маълумотларнинг тўғрилигини текширади ва имзоларни идентификация қилишнинг тегишли воситалари (электрон имзо) билан тасдиқлайди.
Талабгор ЯИДХП орқали мурожаат этган тақдирда, сўровномани электрон рақамли имзо билан тасдиқлаш талаб этилмайди.
12. VIN кодини шакллантиришда WMI кодини тайёрлаш ва тақдим этиш учун талабгордан базавий ҳисоблаш миқдорининг 30 баравари миқдорида йиғим ундирилади.
Бунда транспорт воситаларининг идентификация рақамини шакллантириш бўйича йиғим суммаси бир марта ундирилади.
Давлат хизматини кўрсатиш учун йиғим тўланганлиги ахборот-коммуникация тизимлари орқали тасдиқланади.
Йиғимлар суммаси қуйидаги тартибда тақсимланади:
а) Давлат хизматлари марказларига ўзи келиб мурожаат этганда:
18 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасининг шахсий ҳисобварағига ўтказилади;
тўловлардан тушадиган маблағларнинг 0,5 фоизи «Рақамли ҳукумат лойиҳаларини бошқариш маркази» давлат муассасасининг Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида очиладиган махсус ҳисобрақамига йўналтирилади;
қолган маблағлар Институтнинг шахсий ҳисобварағига ўтказилади;
б) ЯИДХП орқали мурожаат этилганда:
11,75 фоизи — «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги шахсий ҳисобварағига (шу жумладан, 0,5 фоизи йиғим тўланганлиги Ягона биллинг тизими орқали тасдиқланганлиги учун);
10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасининг шахсий ҳисобварағига;
қолган маблағлар Институтнинг шахсий ҳисобварағига ўтказилади.
13. Давлат хизматидан фойдаланиш учун ЯИДХП орқали мурожаат этилганда, мазкур Регламентнинг 12-бандида кўрсатилган йиғимлар тўланадиган суммадан 90 фоиз миқдорда тўланади.
14. Давлат хизматини кўрсатишни рад этиш учун қуйидагилар асос бўлади:
транспорт воситаларининг идентификация рақамини шакллантириш учун тўлов амалга оширилмаганда;
ҳужжатларда ёлғон ёки қалбаки маълумотлар кўрсатилганлиги аниқланганда.
Давлат хизматини кўрсатишни бошқа асосларга кўра, шу жумладан, мақсадга мувофиқ эмаслик важи билан рад этишга йўл қўйилмайди.
15. Талабгорлар давлат хизматидан фойдаланишдан уни кўрсатишнинг ҳар қандай босқичида бош тортиш ҳуқуқига эга. Талабгор давлат хизматидан фойдаланишдан бош тортганда, унинг сўровномаси кўрилмасдан қолдирилади. Бунда тўланган йиғим суммаси қайтарилмайди.
16. Талабгорлар Давлат хизматлари марказига келиб мурожаат этганда, унинг сўровномаси Давлат хизматлари маркази ходими томонидан тўлдирилиб, талабгор томонидан тасдиқланганидан сўнг реал вақт режимида Институтга электрон шаклда юборилади.
ЯИДХП орқали мурожаат қилинганда эса, сўровнома автоматик тарзда Институтга электрон шаклда юборилади.
3-§. Транспорт воситаларининг идентификация рақамини шакллантириш тартиби
17. Институтга сўровнома келиб тушганидан сўнг беш иш куни мобайнида Институт транспорт воситаларининг идентификация рақамини шакллантиради.
18. Транспорт воситаларининг шакллантирилган идентификация рақами учун бир иш куни ичида 3-иловага мувофиқ Транспорт воситасини ишлаб чиқарувчи юридик шахсларга транспорт воситасининг идентификация рақамини шакллантириш бўйича давлат хизматини кўрсатиш далолатномаси расмийлаштирилади.
Далолатномада транспорт воситасининг идентификация рақами бланкасининг реестр рақами қўйилади ва транспорт воситасининг идентификация рақами биринчи учта позициясининг WMI коди аниқланади.
Агар ташкилот йилига 500 тадан кам транспорт воситаси ишлаб чиқарганда, транспорт воситаси идентификация рақамининг кўрсатувчи қисми VIS коди Институт томонидан белгиланади.
19. Транспорт воситасининг идентификация рақами ҳар бир транспорт воситасига тўлиқ фойдаланиш даврида ишлатиш учун берилади. WMI коди мазкур Регламентга 4-иловага мувофиқ Транспорт воситасини ишлаб чиқарувчи юридик шахсларга транспорт воситасининг идентификация рақамини шакллантириш шакли асосида 30 йиллик муддатга муайян ишлаб чиқарувчига берилади.
20. Далолатнома расмийлаштирилган куннинг ўзида транспорт воситасининг идентификация рақамини шакллантириш бланкаси тўлдирилиб, Давлат хизматлари маркази ёки ЯИДХП орқали юборилади.
21. Давлат хизматлари маркази ёки ЯИДХП реал вақт режимида талабгорга транспорт воситасининг идентификация рақамини шакллантириш бланкаси юборилишини таъминлайди.
3-боб. Якунловчи қоидалар
22. Давлат хизматлари марказлари ва Институт ўз фаолиятини амалга ошириши натижасида олинган маълумотлар сир сақланишини таъминлайди.
23. Талабгорлар давлат органлари ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилишлари мумкин.
24. Мазкур Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Транспорт воситасини ишлаб чиқарувчи юридик шахсларга транспорт воситаларининг идентификация рақамини шакллантириш бўйича давлат хизматини кўрсатишнинг маъмурий регламентига 1-ИЛОВА
Транспорт воситасини ишлаб чиқарувчи юридик шахсларга транспорт воситасининг идентификация рақамини шакллантириш
Босқичлар Субъектлар Тадбирлар Бажариш муддатлари 1-босқич Транспорт воситасини ишлаб чиқарувчи юридик шахслар (талабгор) 1. Транспорт воситасининг идентификация рақамини шакллантириш учун Давлат хизматлари марказига ўзи келиб мурожаат қилади ёки Ягона интерактив давлат хизматлари порталида (кейинги ўринларда — ЯИДХП) рўйхатдан ўтади. Хоҳишига кўра 2. Давлат хизматини кўрсатиш учун йиғим тўлайди. Мурожаат қилинганда 2-босқич Давлат хизматлари маркази ёки ЯИДХП Транспорт воситасининг идентификация рақамини шакллантириш учун сўровномани Ўзбекистон стандартлар институтига юборади. Реал вақт режимида 3-босқич Ўзбекистон стандартлар институти 1. Келиб тушган сўровнома асосида транспорт воситасининг идентификация рақами биринчи қисмини тайёрлайди. Беш иш кунида 2. Транспорт воситасининг идентификация рақами биринчи қисмини шакллантириб, Давлат хизматлари маркази ёки ЯИДХПга юборади. Бир иш кунида 4-босқич Давлат хизматлари маркази ёки ЯИДХП Талабгорга Ўзбекистон стандартлар институти томонидан тайёрланган ҳужжатларни юборади. Реал вақт режимида
Транспорт воситасини ишлаб чиқарувчи юридик шахсларга транспорт воситаларининг идентификация рақамини шакллантириш бўйича давлат хизматини кўрсатишнинг маъмурий регламентига 2-ИЛОВА
Транспорт воситасини ишлаб чиқарувчи юридик шахсларга транспорт воситасининг идентификация рақамини шакллантириш юзасидан давлат хизматини кўрсатиш бўйича
Талабгор тўғрисида маълумот:
Корхона номи Корхона жойлашган жой (почта манзили), СТИР, телефон, электрон почта Ишлаб чиқариш завод манзили Ишлаб чиқариш қуввати (мосини танланг) □ Кичик □ Ўрта □ Катта Бир йил давомида ишлаб чиқарилиши мўлжалланган транспорт воситаси сони □ 10 — 500 гача □ 500 — 5000 гача □ 5000 + Ишлаб чиқариладиган транспорт воситаси(лари) тури, уларнинг тоифаси Масъул шахс (Ф.И.О., телефон рақами) Сана
Транспорт воситасини ишлаб чиқарувчи юридик шахсларга транспорт воситаларининг идентификация рақамини шакллантириш бўйича давлат хизматини кўрсатишнинг маъмурий регламентига 3-ИЛОВА
__________________ ________________ (сана) (рақам) Транспорт воситасини ишлаб чиқарувчи юридик шахсларга транспорт воситаларининг идентификация рақамини шакллантириш ДАЛОЛАТНОМАСИ Ўзбекистон стандартлар институти _____________________________________________________ ижрочи __________________________________ томонидан _______________________________ учун транспорт _________________________________________________ талабгор воситасининг идентификация рақамини шакллантириш бўйича юборилган мурожаат юзасидан қуйидагилар аниқланди. 1. Транспорт воситаси идентификация рақами бланкасининг реестр рақами — _____ 2. Корхонага бериладиган транспорт воситаси идентификация рақамининг биринчи учта позицияси (WMI) — _____ 3. Корхонага бериладиган транспорт воситаси идентификация рақамининг 12, 13 ва 14 (VIS кодининг 3, 4 ва 5 рақамлари) рақамлари — _____
Транспорт воситасини ишлаб чиқарувчи юридик шахсларга транспорт воситаларининг идентификация рақамини шакллантириш бўйича давлат хизматини кўрсатишнинг маъмурий регламентига 4-ИЛОВА
Транспорт воситасини ишлаб чиқарувчи юридик шахсларга транспорт воситасининг идентификация рақамини шакллантириш шакли
Сана ___________ йил Реестр т/р _______ Транспорт воситасининг идентификация рақами - - - - - - - - - - - - - - - - - Ўзбекистон Республикасида амалда бўлган техник жиҳатдан тартибга солиш соҳасидаги норматив ҳужжатлар ҳамда халқаро идентификация кодини тартибга солувчи халқаро стандартларга мувофиқ транспорт воситаларини ишлаб чиқарувчининг индентификация коди (World Manufacture Identifier) қуйидаги манзилда рўйхатга олинган корхонага 30 йиллик муддатга берилди. Ташкилот номи: Ташкилот манзили: Телефон:
Ўзбекистон Республикасининг Бош вазири А. АРИПОВ
Тошкент ш.,
2025 йил 27 февраль,
127-сон
Oʻzbekiston Respublikasi Vazirlar Mahkamasining
qarori
MAʼMURIY REGLAMENTI
SXEMASI
SOʻROVNOMA
Transport vositasini ishlab chiqaruvchi yuridik shaxslarga transport vositasining identifikatsiya raqamini shakllantirish boʻyicha davlat xizmatini koʻrsatishning maʼmuriy reglamentini tasdiqlash toʻgʻrisida
Oʻzbekiston Respublikasi Prezidentining “Maʼmuriy islohotlar doirasida adliya organlari va muassasalarining masʼuliyatini yanada oshirish hamda ixcham boshqaruv tizimini shakllantirish toʻgʻrisida” 2024-yil 24-maydagi PF-80-son Farmoni ijrosini taʼminlash, shuningdek, transport vositasini ishlab chiqaruvchi yuridik shaxslarga transport vositasining identifikatsiya raqamini shakllantirish ishlarining yagona tartibini belgilash va uning shaffofligini taʼminlash hamda xizmatlar koʻrsatish jarayonlarini soddalashtirish maqsadida Vazirlar Mahkamasi qaror qiladi:
1. Vazirlar Mahkamasining “Oʻzbekiston texnik jihatdan tartibga solish agentligining Oʻzbekiston standartlar instituti faoliyatini tashkil etish toʻgʻrisida” 2019-yil 14-martdagi 220-son qaroriga muvofiq Vazirlar Mahkamasi huzuridagi Oʻzbekiston texnik jihatdan tartibga solish agentligining Oʻzbekiston standartlar institutiga transport vositalarini ishlab chiqaruvchilarning xalqaro identifikatsiya kodini berish vazifasi yuklanganligi maʼlumot uchun qabul qilinsin.
2. Quyidagilarni nazarda tutuvchi Transport vositasini ishlab chiqaruvchi yuridik shaxslarga transport vositasining identifikatsiya raqamini shakllantirish boʻyicha davlat xizmatini koʻrsatishning maʼmuriy reglamenti (keyingi oʻrinlarda — Reglament) ilovaga muvofiq tasdiqlansin:
davlat xizmati koʻrsatilishini Oʻzbekiston Respublikasi Davlat xizmatlari markazlari yoki Yagona interaktiv davlat xizmatlari portali (keyingi oʻrinlarda — YIDXP) orqali tashkil etish;
transport vositalarining identifikatsiya raqamining tuzilishi va mazmuni;
transport vositalarining identifikatsiya raqamini shakllantirish tartibi.
3. Vazirlar Mahkamasi huzuridagi Oʻzbekiston texnik jihatdan tartibga solish agentligi, Adliya vazirligi va Raqamli texnologiyalar vazirligi bilan birgalikda:
bir oy muddatda ushbu qaror bilan tasdiqlangan Reglamentga muvofiq davlat xizmati koʻrsatishni Davlat xizmatlari markazlari yoki YIDXP orqali joriy etilishini taʼminlasin;
Davlat xizmatlari markazlari yoki YIDXPda davlat xizmati koʻrsatilishining har bir bosqichida murojaatlar koʻrib chiqilishini kuzatib borish tartibini joriy etsin.
4. Adliya vazirligi:
davlat organlari va boshqa tashkilotlarning ular tomonidan davlat xizmatlari koʻrsatilishining belgilangan tartibiga rioya etilishi yuzasidan, shu jumladan, YIDXP orqali doimiy nazorat hamda monitoring oʻrnatsin;
ushbu qaror bilan tasdiqlangan Reglament talablarini buzganlik uchun davlat organlari va boshqa tashkilotlar mansabdor shaxslariga nisbatan belgilangan tartibda maʼmuriy jazolarni qoʻllasin.
5. Mazkur qarorning bajarilishini nazorat qilish Vazirlar Mahkamasi huzuridagi Oʻzbekiston texnik jihatdan tartibga solish agentligi direktori A.R. Jumanazarov va Oʻzbekiston Respublikasi adliya vaziri A.D. Tashkulov zimmasiga yuklansin.
Vazirlar Mahkamasining 2025-yil 27-fevraldagi 127-son qaroriga ILOVA
Transport vositasini ishlab chiqaruvchi yuridik shaxslarga transport vositasining identifikatsiya raqamini shakllantirish boʻyicha davlat xizmatini koʻrsatishning
1-bob. Umumiy qoidalar
1. Ushbu Reglament transport vositalarini ishlab chiqaruvchi yuridik shaxslarga (keyingi oʻrinlarda — talabgorlar) transport vositalarining identifikatsiya raqamini (keyingi oʻrinlarda — VIN kodi) shakllantirish boʻyicha davlat xizmatini koʻrsatish tartibini belgilaydi.
Mazkur Reglament Vazirlar Mahkamasining 2017-yil 25-apreldagi 237-son qarori bilan tasdiqlangan Muomalaga chiqarilayotgan gʻildirakli transport vositalarining xavfsizligi toʻgʻrisidagi umumiy texnik reglament bilan tartibga solinadigan gʻildirakli transport vositalariga nisbatan tatbiq etiladi.
2. Davlat xizmati Davlat xizmatlari markazlari yoki YIDXP orqali koʻrsatiladi.
Bunda Vazirlar Mahkamasi huzuridagi Oʻzbekiston texnik jihatdan tartibga solish agentligining Oʻzbekiston standartlar instituti (keyingi oʻrinlarda — Institut) transport vositalarining identifikatsiya raqamini shakllantirishni taʼminlaydi.
3. Transport vositasini ishlab chiqaruvchi yuridik shaxslarga transport vositasining identifikatsiya raqamini shakllantirish boʻyicha davlat xizmati mazkur Reglamentga 1-ilovaga muvofiq Transport vositasini ishlab chiqaruvchi yuridik shaxslarga transport vositasining identifikatsiya raqamini shakllantirish sxemasi asosida koʻrsatiladi.
2-bob. Davlat xizmatini koʻrsatish tartibi
1-§. VIN kodining tuzilishi va mazmuni
4. VIN kodi uchta boʻlimdan iborat:
ishlab chiqaruvchining xalqaro identifikatsiya kodi (WMI kodi);
tavsiflovchi qismi (VDS);
koʻrsatuvchi qismi (VIS).
VIN kodi transport vositalarini identifikatsiya maqsadida beriladigan belgilarning tarkibiy kombinatsiyasi.
Xalqaro ishlab chiqaruvchi identifikatsiya kodi — World Manufacturer Identifier kodi (keyingi oʻrinlarda — WMI kodi) VIN kodining birinchi qismi boʻlib, transport vositalari ishlab chiqaruvchisini bildiradi. WMI kodi transport vositalari ishlab chiqaruvchisiga mazkur ishlab chiqaruvchini aniqlash maqsadida beriladi. VIN kodining qolgan qismlari bilan birgalikda WMI kodi 30 yil davomida barcha davlatlarda ishlab chiqarilgan transport vositalari uchun ushbu kodning takrorlanmasligini taʼminlaydi.
VIN kodining tavsiflovchi qismi — Vehicle Descriptor Section (VDS) transport vositalarini tavsiflovchi qismi VIN kodining ikkinchi qismi boʻlib, transport vositalarining asosiy xususiyatlarini ifodalovchi maʼlumotlarni oʻz ichiga oladi. Ushbu VIN kodining qismida transport vositasi turi, variantlari va versiyalari koʻrsatilishi mumkin.
VIN kodining koʻrsatuvchi qismi — Vehicle Indicator Section (VIS) VIN kodining uchinchi qismi boʻlib, bir transport vositasini boshqasidan ajratish uchun ishlab chiqaruvchi tomonidan belgilangan belgilar kombinatsiyasidan iborat. Ushbu VIN kodining qismi VDS bilan birgalikda har bir ishlab chiqaruvchi tomonidan 30 yil davomida ishlab chiqarilgan barcha transport vositalarini aniq identifikatsiyalashni taʼminlaydi.
5. VIN kodining WMI tavsiflovchi qismi birinchi uch pozitsiyada joylashgan belgilardan (harflar yoki raqamlar) iborat boʻladi. Belgilarni tanlash va ularning ketma-ketligi Institut tomonidan aniqlanadi.
6. VIN kodining VDS tavsiflovchi qismi olti pozitsiyada joylashgan belgilardan (harflar yoki raqamlar) iborat boʻladi. Belgilarni tanlash va ularning ketma-ketligi ishlab chiqaruvchi tomonidan aniqlanadi.
7. VIN kodining VIS koʻrsatuvchi qismi sakkiz pozitsiyada joylashgan belgilardan (harflar yoki raqamlar) iborat boʻladi. Qoʻllanilmagan barcha pozitsiyalarga nollar qoʻyiladi. Ushbu qismda ishlab chiqarilgan yil (model yili) va (yoki) yigʻuv zavodini koʻrsatishga ruxsat etiladi.
Bunda ishlab chiqarilgan yil (model yili) kodini birinchi pozitsiyaga, yigʻuvchi zavod kodini esa ikkinchi pozitsiyaga joylashtirish tavsiya etiladi. Agar VIS kodida model yili koʻrsatilgan boʻlsa, VIN kodini tavsiflovchi hujjatlarda bu haqda maʼlumot berilishi lozim.
2-§. Murojaatlarni shakllantirish va yuborish
8. Talabgorlar davlat xizmatidan foydalanish uchun Davlat xizmatlari markazlariga oʻzi kelib murojaat etadi yoki davlat xizmatidan elektron shaklda foydalanish uchun YIDXPda roʻyxatdan oʻtadi.
9. Talabgor oʻzi kelib murojaat etgan taqdirda, Davlat xizmatlari markazi xodimi talabgor nomidan, YIDXP orqali murojaat etgan taqdirda esa, mustaqil ravishda ushbu Reglamentga 2-ilovaga muvofiq shakldagi Transport vositasini ishlab chiqaruvchi yuridik shaxslarga transport vositasining identifikatsiya raqamini shakllantirish yuzasidan davlat xizmatini koʻrsatish boʻyicha soʻrovnomani elektron shaklda toʻldiradi.
10. Talabgordan boshqa maʼlumotlarni talab qilish taqiqlanadi.
11. Soʻrovnoma toʻldirilgandan soʻng talabgor maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (elektron imzo) bilan tasdiqlaydi.
Talabgor YIDXP orqali murojaat etgan taqdirda, soʻrovnomani elektron raqamli imzo bilan tasdiqlash talab etilmaydi.
12. VIN kodini shakllantirishda WMI kodini tayyorlash va taqdim etish uchun talabgordan bazaviy hisoblash miqdorining 30 baravari miqdorida yigʻim undiriladi.
Bunda transport vositalarining identifikatsiya raqamini shakllantirish boʻyicha yigʻim summasi bir marta undiriladi.
Davlat xizmatini koʻrsatish uchun yigʻim toʻlanganligi axborot-kommunikatsiya tizimlari orqali tasdiqlanadi.
Yigʻimlar summasi quyidagi tartibda taqsimlanadi:
a) Davlat xizmatlari markazlariga oʻzi kelib murojaat etganda:
18 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga oʻtkaziladi;
toʻlovlardan tushadigan mablagʻlarning 0,5 foizi “Raqamli hukumat loyihalarini boshqarish markazi” davlat muassasasining Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida ochiladigan maxsus hisobraqamiga yoʻnaltiriladi;
qolgan mablagʻlar Institutning shaxsiy hisobvaragʻiga oʻtkaziladi;
b) YIDXP orqali murojaat etilganda:
11,75 foizi — “Raqamli hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasidagi shaxsiy hisobvaragʻiga (shu jumladan, 0,5 foizi yigʻim toʻlanganligi Yagona billing tizimi orqali tasdiqlanganligi uchun);
10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasining shaxsiy hisobvaragʻiga;
qolgan mablagʻlar Institutning shaxsiy hisobvaragʻiga oʻtkaziladi.
13. Davlat xizmatidan foydalanish uchun YIDXP orqali murojaat etilganda, mazkur Reglamentning 12-bandida koʻrsatilgan yigʻimlar toʻlanadigan summadan 90 foiz miqdorda toʻlanadi.
14. Davlat xizmatini koʻrsatishni rad etish uchun quyidagilar asos boʻladi:
transport vositalarining identifikatsiya raqamini shakllantirish uchun toʻlov amalga oshirilmaganda;
hujjatlarda yolgʻon yoki qalbaki maʼlumotlar koʻrsatilganligi aniqlanganda.
Davlat xizmatini koʻrsatishni boshqa asoslarga koʻra, shu jumladan, maqsadga muvofiq emaslik vaji bilan rad etishga yoʻl qoʻyilmaydi.
15. Talabgorlar davlat xizmatidan foydalanishdan uni koʻrsatishning har qanday bosqichida bosh tortish huquqiga ega. Talabgor davlat xizmatidan foydalanishdan bosh tortganda, uning soʻrovnomasi koʻrilmasdan qoldiriladi. Bunda toʻlangan yigʻim summasi qaytarilmaydi.
16. Talabgorlar Davlat xizmatlari markaziga kelib murojaat etganda, uning soʻrovnomasi Davlat xizmatlari markazi xodimi tomonidan toʻldirilib, talabgor tomonidan tasdiqlanganidan soʻng real vaqt rejimida Institutga elektron shaklda yuboriladi.
YIDXP orqali murojaat qilinganda esa, soʻrovnoma avtomatik tarzda Institutga elektron shaklda yuboriladi.
3-§. Transport vositalarining identifikatsiya raqamini shakllantirish tartibi
17. Institutga soʻrovnoma kelib tushganidan soʻng besh ish kuni mobaynida Institut transport vositalarining identifikatsiya raqamini shakllantiradi.
18. Transport vositalarining shakllantirilgan identifikatsiya raqami uchun bir ish kuni ichida 3-ilovaga muvofiq Transport vositasini ishlab chiqaruvchi yuridik shaxslarga transport vositasining identifikatsiya raqamini shakllantirish boʻyicha davlat xizmatini koʻrsatish dalolatnomasi rasmiylashtiriladi.
Dalolatnomada transport vositasining identifikatsiya raqami blankasining reyestr raqami qoʻyiladi va transport vositasining identifikatsiya raqami birinchi uchta pozitsiyasining WMI kodi aniqlanadi.
Agar tashkilot yiliga 500 tadan kam transport vositasi ishlab chiqarganda, transport vositasi identifikatsiya raqamining koʻrsatuvchi qismi VIS kodi Institut tomonidan belgilanadi.
19. Transport vositasining identifikatsiya raqami har bir transport vositasiga toʻliq foydalanish davrida ishlatish uchun beriladi. WMI kodi mazkur Reglamentga 4-ilovaga muvofiq Transport vositasini ishlab chiqaruvchi yuridik shaxslarga transport vositasining identifikatsiya raqamini shakllantirish shakli asosida 30 yillik muddatga muayyan ishlab chiqaruvchiga beriladi.
20. Dalolatnoma rasmiylashtirilgan kunning oʻzida transport vositasining identifikatsiya raqamini shakllantirish blankasi toʻldirilib, Davlat xizmatlari markazi yoki YIDXP orqali yuboriladi.
21. Davlat xizmatlari markazi yoki YIDXP real vaqt rejimida talabgorga transport vositasining identifikatsiya raqamini shakllantirish blankasi yuborilishini taʼminlaydi.
3-bob. Yakunlovchi qoidalar
22. Davlat xizmatlari markazlari va Institut oʻz faoliyatini amalga oshirishi natijasida olingan maʼlumotlar sir saqlanishini taʼminlaydi.
23. Talabgorlar davlat organlari va boshqa tashkilotlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishlari mumkin.
24. Mazkur Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Transport vositasini ishlab chiqaruvchi yuridik shaxslarga transport vositalarining identifikatsiya raqamini shakllantirish boʻyicha davlat xizmatini koʻrsatishning maʼmuriy reglamentiga 1-ILOVA
Transport vositasini ishlab chiqaruvchi yuridik shaxslarga transport vositasining identifikatsiya raqamini shakllantirish
Bosqichlar Subyektlar Tadbirlar Bajarish muddatlari 1-bosqich Transport vositasini ishlab chiqaruvchi yuridik shaxslar (talabgor) 1. Transport vositasining identifikatsiya raqamini shakllantirish uchun Davlat xizmatlari markaziga oʻzi kelib murojaat qiladi yoki Yagona interaktiv davlat xizmatlari portalida (keyingi oʻrinlarda — YIDXP) roʻyxatdan oʻtadi. Xohishiga koʻra 2. Davlat xizmatini koʻrsatish uchun yigʻim toʻlaydi. Murojaat qilinganda 2-bosqich Davlat xizmatlari markazi yoki YIDXP Transport vositasining identifikatsiya raqamini shakllantirish uchun soʻrovnomani Oʻzbekiston standartlar institutiga yuboradi. Real vaqt rejimida 3-bosqich Oʻzbekiston standartlar instituti 1. Kelib tushgan soʻrovnoma asosida transport vositasining identifikatsiya raqami birinchi qismini tayyorlaydi. Besh ish kunida 2. Transport vositasining identifikatsiya raqami birinchi qismini shakllantirib, Davlat xizmatlari markazi yoki YIDXPga yuboradi. Bir ish kunida 4-bosqich Davlat xizmatlari markazi yoki YIDXP Talabgorga Oʻzbekiston standartlar instituti tomonidan tayyorlangan hujjatlarni yuboradi. Real vaqt rejimida
Transport vositasini ishlab chiqaruvchi yuridik shaxslarga transport vositalarining identifikatsiya raqamini shakllantirish boʻyicha davlat xizmatini koʻrsatishning maʼmuriy reglamentiga 2-ILOVA
Transport vositasini ishlab chiqaruvchi yuridik shaxslarga transport vositasining identifikatsiya raqamini shakllantirish yuzasidan davlat xizmatini koʻrsatish boʻyicha
Talabgor toʻgʻrisida maʼlumot:
Korxona nomi Korxona joylashgan joy (pochta manzili), STIR, telefon, elektron pochta Ishlab chiqarish zavod manzili Ishlab chiqarish quvvati (mosini tanlang) □ Kichik □ Oʻrta □ Katta Bir yil davomida ishlab chiqarilishi moʻljallangan transport vositasi soni □ 10 — 500 gacha □ 500 — 5000 gacha □ 5000 + Ishlab chiqariladigan transport vositasi(lari) turi, ularning toifasi Masʼul shaxs (F.I.O., telefon raqami) Sana
Transport vositasini ishlab chiqaruvchi yuridik shaxslarga transport vositalarining identifikatsiya raqamini shakllantirish boʻyicha davlat xizmatini koʻrsatishning maʼmuriy reglamentiga 3-ILOVA
__________________ ________________ (sana) (raqam) Transport vositasini ishlab chiqaruvchi yuridik shaxslarga transport vositalarining identifikatsiya raqamini shakllantirish DALOLATNOMASI Oʻzbekiston standartlar instituti _____________________________________________________ ijrochi __________________________________ tomonidan _______________________________ uchun transport _________________________________________________ talabgor vositasining identifikatsiya raqamini shakllantirish boʻyicha yuborilgan murojaat yuzasidan quyidagilar aniqlandi. 1. Transport vositasi identifikatsiya raqami blankasining reyestr raqami — _____ 2. Korxonaga beriladigan transport vositasi identifikatsiya raqamining birinchi uchta pozitsiyasi (WMI) — _____ 3. Korxonaga beriladigan transport vositasi identifikatsiya raqamining 12, 13 va 14 (VIS kodining 3, 4 va 5 raqamlari) raqamlari — _____
Transport vositasini ishlab chiqaruvchi yuridik shaxslarga transport vositalarining identifikatsiya raqamini shakllantirish boʻyicha davlat xizmatini koʻrsatishning maʼmuriy reglamentiga 4-ILOVA
Transport vositasini ishlab chiqaruvchi yuridik shaxslarga transport vositasining identifikatsiya raqamini shakllantirish shakli
Sana ___________ yil Reyestr t/r _______ Transport vositasining identifikatsiya raqami - - - - - - - - - - - - - - - - - Oʻzbekiston Respublikasida amalda boʻlgan texnik jihatdan tartibga solish sohasidagi normativ hujjatlar hamda xalqaro identifikatsiya kodini tartibga soluvchi xalqaro standartlarga muvofiq transport vositalarini ishlab chiqaruvchining indentifikatsiya kodi (World Manufacture Identifier) quyidagi manzilda roʻyxatga olingan korxonaga 30 yillik muddatga berildi. Tashkilot nomi: Tashkilot manzili: Telefon:
Oʻzbekiston Respublikasining Bosh vaziri A. ARIPOV
Toshkent sh.,
2025-yil 27-fevral,
127-son