UzbekAI

Ўзбекистон Республикаси Вазирлар Маҳкамасининг

қарори

БАҲОЛАШ МЕЗОНЛАРИ*

НИЗОМ

СХЕМАСИ

Ўзбекистон Республикаси Ҳукуматининг айрим қарорларига педагогларни аттестациядан ўтказиш, касбий сертификатлаш ва рағбатлантириш тизимини такомиллаштиришга қаратилган ўзгартириш ва қўшимчалар киритиш тўғрисида

Ўзбекистон Республикаси Президентининг «Мактабгача ва мактаб таълими вазирлиги ҳамда унинг тизимидаги ташкилотлар фаолиятини самарали ташкил этиш чора-тадбирлари тўғрисида» 2023 йил 26 майдаги ПФ-79-сон Фармонига мувофиқ педагогларга малака тоифаларини бериш ҳамда уларни рағбатлантириш тизимини янада такомиллаштириш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Мактабгача ва мактаб таълими вазирлиги ҳамда унинг тизимидаги ташкилотлар фаолиятини самарали ташкил этиш чора-тадбирлари тўғрисида» 2023 йил 26 майдаги ПФ-79-сон Фармонига мувофиқ халқаро стандартлар асосида малака сертификатини олган педагог кадрларга тариф ставкаларининг амалдаги миқдорларига нисбатан 70 фоиз миқдорида қўшимча ҳақ тўланиши белгиланганлиги маълумот учун қабул қилинсин.

2. Белгилансинки, 2025 йил 1 сентябрга қадар:

а) навбатдаги мажбурий аттестацияга жалб этилмаган, шунингдек, аттестациядан ўтганлик муддати тугаган ва амалдаги малака тоифаси сақланиб қолган қуйидаги педагоглар мажбурий аттестацияга жалб этилмайди ҳамда уларга амалдаги малака тоифаси (лавозими) бўйича ҳақ тўланади:

олий малака тоифасига (бош ўқитувчи лавозимига) эга бўлганидан сўнг ушбу тоифани (лавозимни) 15 йил давомида сақлаб келган ва узлуксиз иш стажига эга бўлган;

педагогик фаолият бўйича 25 йил ва ундан кўп иш стажига эга бўлган;

ёшга доир пенсияга чиқиши учун 5 йилдан кўп бўлмаган вақт қолган;

педагогик фаолият билан шуғулланаётган пенсия ёшига тўлган педагоглар;

б) қуйидаги талаблардан бирига жавоб берадиган педагогларга тўғридан-тўғри малака тоифаси (лавозими) берилади:

педагогик фаолият бўйича 25 йил ва ундан кўп иш стажига эга бўлган педагогларга — уларнинг амалдаги малака тоифаси (лавозими);

ёшга доир пенсияга чиқиши учун 5 йилдан кўп бўлмаган вақт қолган педагогларга — уларнинг амалдаги малака тоифаси (лавозими);

олий малака тоифасига (бош ўқитувчи лавозимига) эга бўлганидан сўнг ушбу тоифани (лавозимни) 15 йил давомида сақлаб келган ва узлуксиз иш стажига эга бўлган педагогларга — олий малака тоифаси (бош ўқитувчи лавозими).

Бунда педагоглар ўз хоҳишига кўра навбатдан ташқари аттестациядан ўтиб, малака тоифаси (лавозими) оширилган тақдирда, уларга янги тасдиқланган малака тоифаси (лавозими) бўйича сертификатнинг амал қилиш муддати давомида ҳақ тўланади.

3. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:

таълим ташкилотларида фаолият юритаётган мусиқа маданияти ва жисмоний тарбия фани педагоглари, пенсия ёшидаги педагоглар ҳамда олий маълумотга эга бўлмаган педагогларни аттестациядан ўтказиш;

Мактабгача ва мактаб таълими вазирлиги тизимида фаолият юритаётган малакали педагог кадрлар ва илғор ходимларни рағбатлантириш;

Мактабгача ва мактаб таълими вазири жамғармаси фаолиятини такомиллаштириш.

4. Мактабгача ва мактаб таълими вазирлиги Олий таълим, фан ва инновациялар вазирлиги билан биргаликда 2025/2026 ўқув йилидан бошлаб таълим ташкилотларида фаолият юритаётган мусиқа маданияти ва жисмоний тарбия фани педагоглари, пенсия ёшидаги педагоглар ҳамда олий маълумотга эга бўлмаган педагоглар белгиланган тартибда аттестациядан ўтказилишини таъминласин.

5. Мактабгача ва мактаб таълими вазирлиги бошқа манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров ҳамда мактабгача ва мактаб таълими вазири Ҳ.Ў. Умарова зиммасига юклансин.

Вазирлар Маҳкамасининг 2025 йил 28 февралдаги 130-сон қарорига ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 2017 йил 15 мартдаги 140-сон қарори билан тасдиқланган Умумий ўрта таълим тўғрисидаги низом қуйидаги мазмундаги 33 1 -банд билан тўлдирилсин:

«33 1 . Умумтаълим муассасаларида ўқувчиларнинг билим, кўникма ва малакаларини баҳолаш бўйича босқичма-босқич мезонларга асосланган (форматив ва сумматив) баҳолаш тизими жорий этилади.

Мезонларга асосланган (форматив ва сумматив) баҳолаш тизимини жорий этиш тартиби Ўзбекистон Республикаси Мактабгача ва мактаб таълими вазирлиги томонидан белгиланади».

2. Вазирлар Маҳкамасининг «Президент мактаблари тўғрисида низомни тасдиқлаш ҳақида» 2019 йил 25 июндаги 526-сон қарорида :

а) 2-банд қуйидаги таҳрирда баён этилсин:

«2. Ўзбекистон Республикаси Иқтисодиёт ва молия вазирлиги Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлигининг буюртманомасига асосан Ўзбекистон Республикаси Давлат бюджетининг параметрлари доирасида ҳар йили Президент мактабларининг жорий фаолияти харажатларини қоплаш учун зарур маблағлар ажратилишини назарда тутсин»;

б) иловада :

4-банд қуйидаги таҳрирда баён этилсин:

«4. Президент мактаблари бевосита Ўзбекистон Республикаси Мактабгача ва мактаб таълими вазирлиги (кейинги ўринларда — вазирлик) ҳузуридаги Ихтисослаштирилган таълим муассасалари агентлигига (кейинги ўринларда — Агентлик) бўйсунади. Агентлик Президент мактаблари фаолиятига умумий раҳбарлик қилади ва назоратни амалга оширади.

Агентлик Президент мактаблари фаолиятини умумий мувофиқлаштиради, жумладан, уларнинг фаолиятини методик ва ахборот-таҳлилий жиҳатдан таъминлаш бўйича чора-тадбирларни амалга оширади»;

9-банднинг тўртинчи хатбошисидаги «халқ таълими» сўзлари «мактабгача ва мактаб таълими» сўзлари билан алмаштирилсин;

10-бандда :

олтинчи хатбоши қуйидаги таҳрирда баён этилсин:

«Агентлик ҳамда бошқа давлат органлари ва ташкилотлари томонидан давлат сиёсати, ижтимоий-маданий, мактабгача ва мактаб таълими соҳасидаги муҳим масалаларни муҳокама қилиш ва долзарб муаммоларни ҳал этишга бағишланган йиғилишларда, мажлисларда ва бошқа тадбирларда белгиланган тартибда иштирок этиш»;

еттинчи хатбошидаги «вазирликнинг» сўзи «Агентликнинг» сўзи билан алмаштирилсин;

тўққизинчи хатбоши қуйидаги таҳрирда баён этилсин:

«соғлом овқатлантиришни ташкил этиш ва мактаб формасини харид қилиш учун қонунчилик ҳужжатлари билан белгиланган тартибда тадбиркорлик субъектлари билан шартнома тузиш»;

11-банднинг тўртинчи хатбошисидаги , 17 ва 18-бандларнинг иккинчи хатбошиларидаги , 62-банддаги ҳамда 69-банддаги «вазирлик» сўзи «агентлик» сўзи билан алмаштирилсин;

46-банд қуйидаги таҳрирда баён этилсин:

«46. Агентлик тегишлича Қорақалпоғистон Республикаси, вилоятлар ва Тошкент шаҳридаги Президент мактабларини маъмурий-бошқарув ходимлари ва педагог кадрлар билан тўлдиришни таъминлайди»;

48-банднинг биринчи хатбошиси қуйидаги таҳрирда баён этилсин:

«48. Мазкур Низом доирасида ўтказиладиган танлов иштирокчилари Ўзбекистон Республикаси фуқаролари ва фуқаролиги бўлмаган, давлат ва инглиз тилларини яхши биладиган, олий маълумотли, белгиланган тартибда аттестациядан ўтган, агентлик томонидан белгиланадиган бошқа малака талабларига жавоб берадиган шахслар бўлиши лозим»;

49-банддаги «ишчи орган» сўзлари «Агентлик» сўзи билан алмаштирилсин;

50-банд қуйидаги таҳрирда баён этилсин:

«50. Танловни ўтказиш учун Танлов комиссияси тузилади. Танлов комиссияси таркиби Агентлик директорининг буйруғи билан тасдиқланади»;

қуйидаги мазмундаги 66 1 -банд билан тўлдирилсин:

«66 1 . Давлат бюджети маблағлари ҳисобидан Президент мактабларининг маҳаллий ўқитувчиларига уларнинг тариф ставкасига нисбатан 350 фоиз миқдорида ҳар ойлик қўшимча устама тўланади.

Бунда устама педагоглар томонидан қуйидаги шартларнинг барчаси бажарилган тақдирда тўланади:

Кембриж (Cambridge Assessment International Education) халқаро таълим дастурлари асосида дарс бериладиган фанларни ўқитиш бўйича 3 та (Introductory, Extension, Marking (Focus on Assessment ёки Focus on Teaching) курсни муваффақиятли тугатиш ва бу ҳақида тегишли сертификат олиш;

Президент мактабларида камида бир йиллик иш стажига ва чет тилини билиш бўйича камида С1 даражадаги ёки унга тенглаштирилган мос даражадаги халқаро сертификатга эга бўлиш»;

73-бандда :

қуйидаги мазмундаги учинчи хатбоши билан тўлдирилсин;

«Агентлик ҳузуридаги Иқтидорли ёшларни қўллаб-қувватлаш жамғармаси маблағлари»;

учинчи ва тўртинчи хатбошилар тегишлича тўртинчи ва бешинчи хатбошилар деб ҳисоблансин;

74 ва 75-бандлардаги тегишли келишикдаги «вазирлик» сўзи тегишли келишикдаги «Агентлик» сўзи билан алмаштирилсин;

77-банд қуйидаги таҳрирда баён этилсин:

«77. Президент мактабларини қайта ташкил этиш ёки тугатиш, қоидага кўра, ўқув йилининг охирида амалга оширилади, бунда Қорақалпоғистон Республикаси Мактабгача ва мактаб таълими вазирлиги, вилоятлар ва Тошкент шаҳар мактабгача ва мактаб таълими бошқармалари ўқувчиларнинг ота-оналари (қонуний вакиллари) билан келишилган ҳолда, уларни бошқа умумтаълим муассасаларига ўтказиш учун жавобгарликни ўз зиммаларига олади»;

2-иловада :

5-банднинг «ж» кичик банди қуйидаги таҳрирда баён этилсин:

«ж) педагогнинг инглиз тилини билиш даражасини белгиловчи CEFR B2 ёки ундан юқори даражадаги, инглиз тили фани ўқитувчилари учун эса CEFR C1 ёки ундан юқори даражадаги миллий ёки халқаро тан олинган сертификати бўлса, асосий иш ҳақининг 60%»;

7-бандда :

биринчи хатбошидан «(ижрочи директор, ўқув ишлари бўйича директор, директор ўринбосарлари)» сўзлари чиқариб ташлансин;

«а» кичик банди қуйидаги таҳрирда баён этилсин:

«а) раҳбар ходимнинг инглиз тилини билиш даражасини белгиловчи CEFR B2 ёки ундан юқори даражадаги миллий ва халқаро тан олинган сертификати бўлса, асосий иш ҳақининг 60%»;

8-банднинг биринчи хатбошисидан «(ижрочи директор, ўқув ишлари бўйича директор, директор ўринбосарлари)» сўзлари чиқариб ташлансин;

9-банднинг «а» кичик банди қуйидаги таҳрирда баён этилсин:

«а) ўқув-ёрдамчи ходимнинг инглиз тилини билиш даражасини белгиловчи CEFR B2 ёки ундан юқори даражадаги миллий ва халқаро тан олинган сертификати бўлса, асосий иш ҳақининг 50%»;

10-банднинг ўнинчи ва ўн биринчи хатбошилари қуйидаги таҳрирда баён этилсин:

«Президент мактаби директорини рағбатлантириш ва қўшимча устама ҳақи белгилаш агентлик директори томонидан амалга оширилади.

Агентлик рағбатлантириш ва қўшимча устама ҳақи белгилаш тўғрилигини назорат қилади ва бунинг учун жавобгар ҳисобланади»;

11-банд қуйидаги таҳрирда баён этилсин:

«11. Президент мактаблари ходимларини рағбатлантириш ва қўшимча устама ҳақ тўлаш Ўзбекистон Республикаси Давлат бюджети ҳисобидан, Агентлик ҳузуридаги Иқтидорли ёшларни қўллаб-қувватлаш жамғармаси маблағлари, ҳомийлик хайриялари ҳамда қонунчилик ҳужжатларида тақиқланмаган бошқа манбалар ҳисобидан амалга оширилади»;

12 ва 13-бандлардаги «вазирликка» сўзи «Агентликка» сўзи билан алмаштирилсин;

4-илова ўз кучини йўқотган деб ҳисоблансин.

3. Вазирлар Маҳкамасининг «Ўқувчиларни психологик-педагогик қўллаб-қувватлаш ишларини янада такомиллаштириш тўғрисида» 2019 йил 12 июлдаги 577-сон қарорида :

а) 3-банднинг учинчи хатбошиси чиқариб ташлансин;

б) 2-илова ўз кучини йўқотган деб ҳисоблансин.

4. Вазирлар Маҳкамасининг 2019 йил 30 сентябрдаги 823-сон қарори билан тасдиқланган Умумий ўрта таълим муассасаларининг ўрнак кўрсатган ходимларини рағбатлантиришнинг директор жамғармасини ташкил этиш ва унинг маблағларидан фойдаланиш тартиби тўғрисида низомнинг 33-банди қуйидаги таҳрирда баён этилсин:

«33. Умумтаълим муассасалари ходимларига моддий ёрдам ходимнинг ўзи ёки яқин қариндоши (отаси, онаси, турмуш ўртоғи, фарзанди) вафот этганда, оғир касалликка чалинганда, ходим табиий офатдан зарар кўрганда кўрсатилади.

Бунда календарь йили давомида бир ходимга тўланадиган моддий ёрдамларнинг жами миқдори унинг лавозим маоши (ўқитувчининг тариф ставкаси) миқдорининг икки баробаридан оширилишига йўл қўйилмайди».

5. Вазирлар Маҳкамасининг «Ижод мактаблари ва ихтисослаштирилган мактаблар фаолиятини янада такомиллаштириш чора-тадбирлари тўғрисида» 2020 йил 11 мартдаги 141-сон қарорида :

а) 2-банднинг иккинчи ва учинчи хатбошиларидаги «Вазирлар Маҳкамаси ҳузуридаги Президент, ижод мактаблари ва ихтисослаштирилган мактабларни ривожлантириш агентлиги» сўзлари «Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги» сўзлари билан алмаштирилсин;

б) 10-банд қуйидаги таҳрирда баён этилсин:

«10. Ўзбекистон Республикаси Ички ишлар вазирлиги, Ташқи ишлар вазирлиги ваколатлари доирасида Агентлик буюртмалари бўйича жалб этиладиган хорижий ўқитувчилар ва мутахассисларга, шунингдек, уларнинг оила аъзоларига кириш визаларининг расмийлаштирилишини, белгиланган тартибда кўп марталик визалар берилиши ва узайтирилишини, шунингдек, уларнинг яшаш манзиллари бўйича вақтинчалик рўйхатдан ўтказилиши ҳамда унинг муддати узайтирилишини таъминласин»;

в) 1-иловада :

номидаги «Вазирлар Маҳкамаси ҳузуридаги Президент, ижод мактаблари ва ихтисослаштирилган мактабларни ривожлантириш агентлиги» сўзлари «Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги» сўзлари билан алмаштирилсин;

изоҳда :

бешинчи хатбоши қуйидаги таҳрирда баён этилсин:

«*** Факультатив машғулотлар:»;

қуйидаги мазмундаги олтинчи ва еттинчи хатбошилар билан тўлдирилсин:

«ихтисослаштирилган мактабларда — мусиқа, тасвирий санъат ва чизмачилик, технология, жисмоний тарбия фанлари, шахмат машғулотлари, сунъий интеллект, робототехника, агротехнология, нанотехнология, биотехнология, IELTS, TOEFL ва SAT;

ижод мактабларида — мусиқа, санъат (ART), технология (робототехника), жисмоний тарбия фанлари дарслардан кейин ўқитилади»;

олтинчи ва еттинчи хатбошилар тегишлича саккизинчи ва тўққизинчи хатбошилар деб ҳисоблансин;

г) 2-иловада :

номидаги «Вазирлар Маҳкамаси ҳузуридаги Президент, ижод ва ихтисослаштирилган мактабларни ривожлантириш агентлиги» сўзлари «Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги» сўзлари билан алмаштирилсин;

«Таълим муассасасининг номи» устуни қуйидаги таҳрирда баён этилсин:

« Таълим муассасасининг номи Абдулла Орипов номидаги ижод мактаби Эркин Воҳидов номидаги ижод мактаби Муҳаммад Ризо Огаҳий номидаги ижод мактаби Исҳоқхон Ибрат номидаги ижод мактаби Ҳалима Худойбердиева номидаги ижод мактаби Абдулла Қодирий номидаги ижод мактаби Муҳаммад Юсуф номидаги ижод мактаби Ҳамид Олимжон ва Зулфия номидаги ижод мактаби Ибройим Юсупов номидаги ижод мактаби Муҳаммад ал-Хоразмий номидаги ихтисослаштирилган мактаб Мирзо Улуғбек номидаги ихтисослаштирилган мактаб Абу Али ибн Сино номидаги ихтисослаштирилган мактаб ».

6. Вазирлар Маҳкамасининг «Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартибини такомиллаштириш чора-тадбирлари тўғрисида» 2021 йил 17 сентябрдаги 572-сон қарорида :

а) 3-банднинг тўртинчи хатбошиси қуйидаги таҳрирда баён этилсин:

«нодавлат таълим ташкилотларининг педагог кадрларини ҳам аттестациядан ўтказиш ва малака тоифаси бериш»;

б) 6-банд ўз кучини йўқотган деб ҳисоблансин;

в) 6 1 -банднинг учинчи хатбошисидаги «сертификат» сўзи «белгиланган балл» сўзлари билан алмаштирилсин;

г) 1-иловада :

1-банднинг биринчи хатбошиси қуйидаги таҳрирда баён этилсин:

«1. Ушбу Низом давлат мактабгача, умумий ўрта, ўрта махсус, профессионал ва мактабдан ташқари таълим ташкилотлари (кейинги ўринларда — таълим ташкилотлари) педагог ва психолог кадрларини (кейинги ўринларда — педагог кадрлар) аттестациядан ўтказиш тартибини белгилайди»;

4-банднинг иккинчи хатбошиси қуйидаги таҳрирда баён этилсин:

«Илгари аттестациядан ўтмаган ишга янги қабул қилинган педагог кадрлар ёки олий таълим ташкилотларини битириб биринчи бор ишга кирган педагог кадрлар касбий фаолиятига уч йил тўлгандан сўнг навбатдаги мажбурий аттестациядан ўтказилади (магистратурани тугатганлар бундан мустасно)»;

5-банд қуйидаги таҳрирда баён этилсин:

«5. Аттестацияга таълим ташкилотларининг барча педагог кадрлари жалб этилади.

Касбий таълим ташкилотларининг ишлаб чиқариш таълими усталарини аттестациядан ўтказиш тартиби Олий таълим, фан ва инновациялар вазирлиги томонидан белгиланади ва уларга малака тоифалари берилади»;

6-бандда :

учинчи — олтинчи хатбошилар чиқариб ташлансин;

еттинчи — ўн бешинчи хатбошилар тегишлича учинчи — ўн биринчи хатбошилар деб ҳисоблансин;

тўққизинчи хатбоши қуйидаги таҳрирда баён этилсин:

«республика ва чет эл давлатларига ўқишга, қайта тайёрлаш ва малака ошириш курсларига юборилган педагог кадрлар, улар чет элда бўлган даврда. Ушбу педагогларнинг малака тоифалари навбатдаги ташкил этиладиган малака синовларигача сақланади»;

8-банд қуйидаги таҳрирда баён этилсин:

«8. Қуйидаги педагог кадрларга малака тоифаси (лавозим) тўғридан-тўғри (аттестациядан ўтказилмасдан) берилади:

а) Ўзбекистон Республикаси Мактабгача ва мактаб таълими вазирлиги томонидан рўйхати тасдиқланадиган спорт мусобақаларининг:

туман (шаҳар) босқичи ғолиб тарбияланувчисини (1-ўрин) тайёрлаган мактабгача таълим ташкилотларининг жисмоний тарбия йўриқчиларига — иккинчи малака тоифаси (катта ўқитувчи лавозими);

Қорақалпоғистон Республикаси, вилоятлар ва Тошкент шаҳар босқичи ғолиб тарбияланувчисини (1-ўрин) тайёрлаган мактабгача таълим ташкилотларининг жисмоний тарбия йўриқчиларига — биринчи малака тоифаси (етакчи ўқитувчи лавозими);

халқаро ҳамда республика босқичи ғолиб ва совриндор тарбияланувчисини (1 — 3-ўрин) тайёрлаган мактабгача таълим ташкилотларининг жисмоний тарбия йўриқчиларига — олий малака тоифаси (бош ўқитувчи лавозими);

б) белгиланган тартибда тасдиқланадиган халқаро ва республика миқёсидаги спорт ҳамда оммавий жисмоний тарбия тадбирларининг республика, ҳудудий ва жисмоний тарбия-спорт ташкилотлари календарь-режаларига киритиладиган, шунингдек, Ўзбекистон Республикаси ҳудудида ўтказиладиган халқаро ва республика миқёсидаги расмий спорт ёки оммавий жисмоний тарбия тадбирлари рўйхатига киритилган спорт мусобақаларининг:

туман (шаҳар) босқичи ғолиб ўқувчисини (1-ўрин) тайёрлаган таълим ташкилотларининг жисмоний тарбия фани ўқитувчиларига — иккинчи малака тоифаси (катта ўқитувчи лавозими);

Қорақалпоғистон Республикаси, вилоятлар ва Тошкент шаҳар босқичи ғолиб ўқувчисини (1-ўрин) тайёрлаган таълим ташкилотларининг жисмоний тарбия фани ўқитувчиларига — биринчи малака тоифаси (етакчи ўқитувчи лавозими);

халқаро ҳамда республика босқичи ғолиб ва совриндор ўқувчисини (1 — 3-ўрин) тайёрлаган таълим ташкилотлари жисмоний тарбия фани ўқитувчиларига — олий малака тоифаси (бош ўқитувчи лавозими);

в) жисмоний тарбия фани олимпиадасининг, шунингдек, «Беш ташаббус олимпиадаси», олимпия, ноолимпия ва миллий спорт турлари бўйича уч босқичли умумреспублика спорт мусобақаларининг:

туман (шаҳар) босқичи ғолиб ва совриндор ўқувчисини (1 — 3-ўрин) тайёрлаган таълим ташкилотларининг жисмоний тарбия фани ўқитувчиларига — иккинчи малака тоифаси (катта ўқитувчи лавозими);

Қорақалпоғистон Республикаси, вилоятлар ва Тошкент шаҳар босқичи ғолиб ва совриндор ўқувчисини (1 — 3-ўрин) тайёрлаган таълим ташкилотларининг жисмоний тарбия фани ўқитувчиларига — биринчи малака тоифаси (етакчи ўқитувчи лавозими);

республика (финал) босқичи ғолиб ва совриндор ўқувчисини (1 — 3-ўрин) тайёрлаган таълим ташкилотларининг жисмоний тарбия фани ўқитувчиларига — олий малака тоифаси (бош ўқитувчи лавозими);

г) халқаро математика (IMO), физика (IPhO), кимё (IChO), биология (IBO) информатика (IOI) олимпиадаларида олтин, кумуш ёки бронза медални (биринчи, иккинчи ва учинчи ўринни) қўлга киритган совриндор ўқувчини тайёрлаган таълим ташкилотларининг педагог кадрларига — олий малака тоифаси (бош ўқитувчи лавозими)»;

23-бандда :

қуйидаги мазмундаги олтинчи — тўққизинчи хатбошилар билан тўлдирилсин:

«Заруратга кўра, маълумотларга аниқлик киритиш мақсадида, педагог кадрдан қуйидаги қўшимча ҳужжатлар талаб қилиниши мумкин:

педагогнинг фамилияси ёки исми ўзгарганлиги тўғрисидаги маълумот;

навбатдаги мажбурий аттестацияга жалб этилмасдан навбатдан ташқари аттестацияга жалб қилинишига асос бўладиган ҳужжатлар;

педагог кадрлар тўғридан-тўғри аттестациядан ўтказилмасдан, малака тоифаси (лавозим) сертификатини олиш учун асос бўладиган ҳужжатлар»;

олтинчи ва еттинчи хатбошилар тегишлича ўнинчи ва ўн биринчи хатбошилар деб ҳисоблансин;

31-банднинг иккинчи хатбошиси қуйидаги таҳрирда баён этилсин:

«Ваколатли вазирликлар томонидан мактабгача, умумий ўрта ва мактабдан ташқари таълим ташкилотлари педагог кадрлари учун мутахассислик фани ва касб стандарти бўйича билим даражасини аниқлаш ҳамда педагогик маҳоратини баҳолаш, ўрта махсус ва профессионал таълим ташкилотлари педагог кадрлари учун ўқув фани бўйича малака синовларини (кейинги ўринларда — малака синовлари) ўтказиш шакли ҳамда жадвали ҳар йили малака синовлари бошланишидан 10 кун олдин тасдиқланиб, уларнинг расмий веб-сайтида эълон қилинади, тегишли вазирликлар ва идораларга ҳамда ваколатли вазирликнинг расмий веб-сайтидаги педагог кадрнинг шахсий кабинетига юборилади»;

33-банд қуйидаги таҳрирда баён этилсин:

«33. Педагог кадрлар икки босқичда аттестациядан ўтказилади ҳамда иккита босқич бўйича умумий 100 баллик тизимда баҳоланади.

Бунда:

а) мактабгача, умумий ўрта ва мактабдан ташқари таълим ташкилотлари педагог кадрлари бўйича (умумий ўрта таълим мактабларининг мусиқа маданияти ҳамда жисмоний тарбия фанлари ўқитувчиларидан ташқари) биринчи босқичда — педагогнинг мутахассислик фани ва касб стандарти бўйича билим даражаси, иккинчи босқичда — педагогик маҳорати баҳоланади;

ўрта махсус ва профессионал таълим ташкилотлари педагог кадрлари бўйича биринчи босқичда — педагог кадрнинг педагогик маҳорати ва психологик тайёргарлиги баҳоланади, иккинчи босқичда — ўқув фани бўйича билим даражаси баҳоланади;

б) умумий ўрта таълим мактабларининг мусиқа маданияти ҳамда жисмоний тарбия фанлари ўқитувчиларининг амалий (ижодий) имтиҳонларини ўтказиш тартиби Мактабгача ва мактаб таълими вазирлиги ҳамда Маданият вазирлиги ва Спорт вазирлиги томонидан белгиланади»;

34-банд қуйидаги мазмундаги еттинчи ва саккизинчи хатбошилар билан тўлдирилсин:

«Ўрта махсус ва профессионал таълим ташкилотлари педагог кадрлари учун иккинчи босқичда — педагогнинг ўқув фани бўйича билим даражасини аниқлаш учун 40 та тест топшириғи берилади.

Ҳар бир тўғри бажарилган тест топшириғи 2 балл билан баҳоланиб, тест синовлари учун жами 80 балл берилади»;

34 1 -банднинг иккинчи хатбошиси қуйидаги таҳрирда баён этилсин:

«Ҳар бир тўғри бажарилган тест топшириғи 2 балл (умумий ўрта таълим мактабларининг мусиқа маданияти ҳамда жисмоний тарбия фанлари ўқитувчиларига 1 балл) билан баҳоланиб, тест синовлари учун жами 80 балл (умумий ўрта таълим мактабларининг мусиқа маданияти ҳамда жисмоний тарбия фанлари ўқитувчиларига 40 балл) берилади»;

35-банд қуйидаги таҳрирда баён этилсин:

«35. Мактабгача, умумий ўрта ва мактабдан ташқари таълим ташкилотлари педагог кадрлари учун (умумий ўрта таълим мактабларининг мусиқа маданияти ҳамда жисмоний тарбия фанлари ўқитувчиларидан ташқари) иккинчи босқичда — педагогик маҳоратни аниқлаш мақсадида илғор педагогик услуб ва технологияларни («case study» услуби, лойиҳалар услуби, ҳамкорликда ўқитиш, «амалий ўйин», интерфаол таълим услуби ва бошқалар) қўллаш бўйича 10 та топшириқ берилади. Ҳар бир тўғри берилган жавоб 2 балл билан баҳоланиб, жами 20 балл берилади.

Умумий ўрта таълим мактабларида мусиқа маданияти ҳамда жисмоний тарбия фанлари ўқитувчилари учун иккинчи босқич амалий имтиҳонлари 60 балл билан баҳоланади»;

36-банднинг учинчи хатбошиси қуйидаги таҳрирда баён этилсин:

«Умумий ўрта, ўрта махсус ва профессионал таълим ташкилотларининг камида С1 даражадаги миллий ёки унга мос даражадаги халқаро тан олинган сертификатга эга чет (инглиз, француз, немис, испан, итальян, араб, хитой, япон, корейс, турк, форс, пушту, дари, урду, ҳинд) тили ёки Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги томонидан бериладиган камида B+ (аввалги тизимда 80 балл ёки ундан юқори) даражадаги умумтаълим фанини билиш даражаси тўғрисида сертификатга эга фан ўқитувчиларига (бошланғич таълим ўқитувчилари бундан мустасно) сертификатнинг амал қилиш даврида навбатдаги мажбурий аттестацияда мутахассислик фани ва касб стандарти бўйича билим даражасини аниқлаш ҳамда ўқув фани бўйича малака синовидан максимал балл берилади ҳамда улар ушбу ўқув фани бўйича малака синовидан озод этилади. Бунда сертификатга эга педагоглар иккинчи босқич синовида иштирок этишлари мажбурий ҳисобланади»;

37-бандда :

қуйидаги мазмундаги бешинчи — ўнинчи хатбошилар билан тўлдирилсин:

«Бунда умумий ўрта таълим мактабларининг мусиқа маданияти фани ўқитувчилари учун:

биринчи босқич — Мактабгача ва мактаб таълими вазирлиги томонидан ўтказиладиган тест синовлари;

иккинчи босқич — Маданият вазирлиги томонидан болалар мусиқа ва санъат мактабларида ташкил этиладиган амалий (ижодий) имтиҳон.

Умумий ўрта таълим мактабларининг жисмоний тарбия фани ўқитувчилари учун:

биринчи босқич — Мактабгача ва мактаб таълими вазирлиги томонидан ўтказиладиган тест синовлари;

иккинчи босқич — Спорт вазирлиги томонидан спорт мактабларида ташкил этиладиган амалий имтиҳон»;

бешинчи ва олтинчи хатбошилар тегишлича ўн биринчи ва ўн иккинчи хатбошилар деб ҳисоблансин;

40-банднинг биринчи хатбошиси қуйидаги таҳрирда баён этилсин:

«40. Таълим ташкилотларининг жисмоний тарбия фани ўқитувчилари учун назарий (оғзаки, ёзма) синовлар тўртта саволдан иборат бўлади ва белгиланган вақтда, тўлиқ ҳамда тўғри жавоб берилганлигига кўра ҳар бир топшириқ учун 5 баллдан, жами 20 баллик тизимда баҳоланади (умумий ўрта таълим мактабларининг жисмоний тарбия фани ўқитувчилари бундан мустасно)»;

43 2 -банднинг учинчи хатбошисидаги ҳамда 43 9 -банддаги тегишли келишикдаги «Таълим инспекцияси» сўзлари тегишли келишикдаги «ваколатли вазирликлар» сўзлари билан алмаштирилсин;

44-бандда :

қуйидаги мазмундаги «д» кичик банд билан тўлдирилсин:

«д) олий маълумотга эга бўлмаган педагог кадрларга малака тоифалари берилмайди, улар:

55 балл ва ундан юқори кўрсаткичга эга бўлса — аттестациядан ўтган, лавозими сақланган;

55 баллдан кам кўрсаткичга эга бўлса — аттестациядан ўтмаган, ўқитувчи лавозимига мувофиқ эмас, деб ҳисобланади»;

ўн еттинчи ва ўн саккизинчи хатбошилар тегишлича йигирманчи ва йигирма биринчи хатбошилар деб ҳисоблансин;

йигирма биринчи хатбошидаги «Мутахассис» сўзи «Олий маълумотга эга бўлмаган ҳамда мутахассис» сўзлари билан алмаштирилсин;

44 1 -банд қуйидаги таҳрирда баён этилсин:

«44 1 . Иш берувчи меҳнат шартномасини бекор қилмаган тақдирда, навбатдаги мажбурий аттестациядан ўта олмаган олий маълумотга эга бўлмаган ҳамда мутахассис (олий маълумотли ўқитувчи) лавозимидаги педагог кадр навбатдан ташқари аттестацияга кўпи билан кетма-кет икки марта жалб этилади. Бунда икки мартадан бирортасида ҳам навбатдан ташқари аттестациядан ўта олмаган ёки узрли сабабсиз (касалликка чалиниши оқибатида меҳнатга қобилиятсизлик даврида ҳамда давлат ёки жамоат вазифаларини бажарганлигидан ташқари ҳолларда) аттестацияда иштирок этмаган педагог кадр билан тузилган меҳнат шартномаси меҳнат тўғрисидаги қонунчилик ҳужжатларида белгиланган тартибда ходимнинг малакаси етарли бўлмаганлиги сабабли бекор қилинади.

Аттестациядан ўта олмаган олий маълумотга эга бўлмаган ҳамда мутахассис (олий маълумотли ўқитувчи) лавозимидаги педагог кадрларни кетма-кет икки марта навбатдан ташқари аттестацияга жалб этишга педагог кадр фаолият кўрсатаётган таълим ташкилотининг раҳбари шахсан жавобгар ҳисобланади.

Аттестациядан ўта олмаганлиги сабабли меҳнат тўғрисидаги қонунчилик ҳужжатларида белгиланган тартибда педагогларнинг меҳнат шартномаси (ходимнинг малакаси етарли бўлмаганлиги сабабли) бекор қилинган тақдирда, педагог кадр фақат ўз хоҳиши билан навбатдан ташқари Касбий сертификатлаш синовида иштирок этиб, сертификатни қўлга киритган ҳолдагина, яна педагог сифатида ишга қабул қилиниши мумкин»;

47-банднинг биринчи хатбошисидаги «Аттестация якунланганидан сўнг» сўзлари «Апелляция жараёнлари якунланганидан сўнг» сўзлари билан алмаштирилсин;

48-банд қуйидаги мазмундаги иккинчи — тўртинчи хатбошилар билан тўлдирилсин:

«Педагог кадрларни аттестациядан ўтказиш ва малака тоифалари бериш тизими халқаро эътироф этилган ваколатли хорижий ташкилотларнинг аккредитациясидан ўтказилгандан сўнг аттестацияда иштирок этиб, 86 ва ундан юқори балл олган педагогларнинг базавий тариф ставкаларига қўшимча 70 фоиз устама белгиланади.

Бунда қўшимча устама фақат малака синовида (иккала босқичда) иштирок этиб, олий ва биринчи малака тоифасига эришган (ёки сақлаган) педагогларга берилади. Белгиланган даражадаги миллий ёки унга мос даражадаги халқаро сертификатга эга бўлганлиги сабабли навбатдаги мажбурий аттестацияда мутахассислик фани ва касб стандарти бўйича билим даражасини аниқлаш ҳамда ўқув фани бўйича малака синовидан берилган максимал балл эътиборга олинмайди. Ушбу педагоглар ҳамда мажбурий аттестацияга жалб этилмайдиган малака тоифасига эга педагог кадрлар ўз хоҳишига кўра навбатдан ташқари аттестацияда иштирок этиш орқали устамага эга бўлишлари мумкин.

Устаманинг амал қилиш муддати икки йил бўлиб, муддат якунлангандан сўнг устама учун синовларда қайта иштирок этиш мумкин бўлади»;

52-банднинг биринчи хатбошисидаги «бошлангандан кейин ўн кун ичида» сўзлари «бошлангунга қадар» сўзлари билан алмаштирилсин;

55-банд қуйидаги мазмундаги иккинчи хатбоши билан тўлдирилсин:

«Шунингдек, апелляция шикоятини кўриб чиқиш жараёнида ваколатли вазирликлар раҳбарларининг буйруғига асосан бириктирилган ҳудудий масъуллар ҳамда гуруҳ назоратчиларини уларга тегишли масалалар бўйича жалб қилишга ҳақли»;

57-банд қуйидаги таҳрирда баён этилсин:

«57. Ариза (шикоят) рўйхатга олинган кундан бошлаб ўн кун муддатда, қўшимча ўрганишлар талаб этилганда эса малака тоифаси сертификатлари шакллантирилгунга қадар кўриб чиқилади»;

60-банд қуйидаги таҳрирда баён этилсин:

«60. Апелляция комиссияси қарори нусхаси апелляция комиссияси қарори чиққан кундан эътиборан беш кун муддатда ваколатли вазирликнинг расмий веб-сайтидаги мурожаат этувчи педагог кадрнинг шахсий кабинетига юборилади»;

5-илованинг матни қуйидаги таҳрирда баён этилсин:

«Ўрта махсус ва профессионал таълим ташкилотлари педагог кадрларининг педагогик маҳорати ва психологик тайёргарлигини

Т/р Баҳолаш объекти Балл I. Ўрта махсус ва профессионал таълим ташкилотлари педагог кадрларининг педагогик маҳоратини баҳолаш мезонлари а) очиқ дарслар ўтганлиги учун (мунтазам равишда): 3 балл уч марта очиқ дарс ўтилган бўлса (ҳар ўқув йили давомида) 3 балл икки марта очиқ дарс ўтилган бўлса (ҳар ўқув йили давомида) 2 балл бир марта очиқ дарс ўтилган бўлса (ҳар ўқув йили давомида) 1 балл б) ўқувчиларнинг ўқув фанидан рейтинг кўрсаткичлари учун (синф журналлари асосида) 3 балл 86 — 100 фоиз 3 балл 71 — 85 фоиз 2 балл 55 — 70 фоиз 1 балл в) таълим бериш воситалари, шакллари ва ахборот-коммуникация технологияларидан дарс жараёнида фойдаланганлиги учун 3 балл таълим бериш воситалари, шакллари ва ахборот-коммуникация технологияларидан дарс жараёнида фойдаланганлиги учун 3 балл таълим бериш воситалари ва шаклларидан дарс жараёнида фойдаланганлиги учун 2 балл г) ўқув қўлланмаси, намунавий дастур ёзишда қатнашганлик, илмий мақолалар ва бошқа илмий ютуқлар учун: 3 балл ўқув қўлланмалар ва намунавий дастурлар ёзишда қатнашганлиги учун 3 балл ўқув қўлланмаси ёзишда қатнашганлиги учун 2 балл илмий мақолалар ва бошқа илмий ютуқларга эришганлиги учун 1 балл д) педагог кадрларнинг турли касбий кўрик-танловлар ва мусобақаларда эришган ютуқлари учун: 3 балл халқаро ва республика миқёсида 3 балл Қорақалпоғистон Республикаси, вилоятлар ва Тошкент шаҳри миқёсида 2 балл туман (шаҳар) миқёсида 1 балл Жами 15 балл II. Ўрта махсус ва профессионал таълим ташкилотлари педагог кадрларининг психологик тайёргарлигини баҳолаш мезонлари Дарсларнинг (машғулотларнинг) психологик таҳлиллари натижалари ижобий бўлса, таълим олувчилар (тарбияланувчилар) ва уларнинг ота-оналари (ўрнини босувчи шахслар) томонидан педагог кадрнинг фаолияти юзасидан шикоятлар бўлмаса 5 балл Дарсларнинг (машғулотларнинг) психологик таҳлиллари натижалари ижобий бўлса, таълим олувчилар (тарбияланувчилар) ва уларнинг ота-оналари (ўрнини босувчи шахслар) томонидан педагог кадрнинг фаолияти юзасидан битта шикоят бўлса 3 балл Дарсларнинг (машғулотларнинг) психологик таҳлиллари натижалари ижобий бўлса, таълим олувчилар (тарбияланувчилар) ва уларнинг ота-оналари (ўрнини босувчи шахслар) томонидан педагог кадрнинг фаолияти юзасидан биттадан ортиқ шикоят бўлса 1 балл Дарсларнинг (машғулотларнинг) психологик таҳлиллари натижалари ижобий бўлмаса, таълим олувчилар (тарбияланувчилар) ва уларнинг ота-оналари (ўрнини босувчи шахслар) томонидан педагог кадрнинг фаолияти юзасидан биттадан ортиқ шикоят бўлса 0 балл Жами 5 балл

7. Вазирлар Маҳкамасининг «Таълим даражаси юқори бўлмаган мактабларга малакали ўқитувчи-педагогларни жалб қилиш чора-тадбирлари тўғрисида» 2021 йил 15 октябрдаги 646-сон қарорининг 2-банди «а» кичик банди учинчи хатбошиси чиқариб ташлансин.

8. Вазирлар Маҳкамасининг «Президент таълим муассасалари агентлиги ҳузуридаги Педагогик маҳорат ва халқаро баҳолаш илмий-амалий маркази фаолиятини ташкил этиш тўғрисида» 2021 йил 7 декабрдаги 741-сон қарорида :

а) номи ва муқаддимадаги «Президент таълим муассасалари агентлиги» сўзлари «Ўзбекистон Республикаси Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги» сўзлари билан алмаштирилсин;

б) 1-бандда :

иккинчи ва учинчи хатбошиларидаги «Президент таълим муассасалари агентлиги» сўзлари «Ўзбекистон Республикаси Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги» сўзлари билан алмаштирилсин;

қуйидаги мазмундаги тўққизинчи — ўн биринчи хатбошилар билан тўлдирилсин:

«давлат ва нодавлат умумтаълим муассасалари ўқувчиларининг билимини баҳолаш;

таълим ва илмий-тадқиқот соҳаларига доир инновацион лойиҳаларни амалга ошириш;

педагог кадрларга малака тоифаси бериш синовларини ташкил қилишда Мактабгача ва мактаб таълими вазирлигига кўмаклашиш»;

в) 3-бандда :

учинчи хатбошидаги «Молия вазирлиги Ғазначилигида» сўзлари «Иқтисодиёт ва молия вазирлиги ҳузуридаги Ғазначилик хизмати қўмитасида» сўзлари билан алмаштирилсин;

бешинчи хатбошидаги «Давлат тест марказининг» сўзлари «Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигининг» сўзлари билан алмаштирилсин.

9. Вазирлар Маҳкамасининг «Халқ таълими вазири жамғармаси фаолиятини ташкил этиш чора-тадбирлари тўғрисида» 2022 йил 2 августдаги 425-сон қарорида :

а) номидаги «Халқ таълими вазири» сўзлари «Мактабгача ва мактаб таълими вазири» сўзлари билан алмаштирилсин;

б) муқаддима қуйидаги таҳрирда баён этилсин:

«Ўзбекистон Республикаси Президентининг «2022 — 2026 йилларда мактаб таълимини ривожлантириш бўйича миллий дастурни тасдиқлаш тўғрисида» 2022 йил 11 майдаги ПФ-134-сон Фармони ижроси юзасидан, шунингдек, мактабгача ва мактаб таълими тизимида меҳнат фаолиятини амалга ошираётган, тарбияланувчилари ҳамда ўқувчилари юқори натижаларга эришган малакали педагог кадрларнинг меҳнатини рағбатлантириш ҳамда ўз устида доимий ишлайдиган, ўзининг ўқитиш услубига ва халқ орасида обрў-эътиборга эга бўлган ўқитувчиларни янада қўллаб-қувватлаш мақсадида Вазирлар Маҳкамаси қарор қилади»;

в) 1-бандда :

биринчи хатбошидаги «халқ» сўзи «мактаб» сўзи билан алмаштирилсин;

иккинчи хатбошидаги «Халқ таълими вазирлигининг» сўзлари «Мактабгача ва мактаб таълими вазирлигининг» сўзлари билан алмаштирилсин;

г) 3-бандда :

иккинчи хатбоши қуйидаги таҳрирда баён этилсин:

«Мактабгача ва мактаб таълими вазирлиги тизимидаги мактабгача таълим ташкилотлари ва умумий ўрта таълим муассасаларида (кейинги ўринларда — таълим ташкилотлари) фаолият юритаётган малакали педагог кадрларга ҳар ойлик устама тўлаш»;

учинчи хатбошидаги «халқ таълими» сўзлари «мактабгача ва мактаб таълими» сўзлари билан алмаштирилсин;

қуйидаги мазмундаги тўртинчи ва бешинчи хатбошилар билан тўлдирилсин:

«А. Авлоний номидаги педагогик маҳорат миллий институти ҳамда Қорақалпоғистон Республикаси ва вилоятлар педагогик маҳорат марказларига чет эллик мутахассисларни жалб қилиш ва уларнинг меҳнатига ҳақ тўлаш билан боғлиқ харажатларни қоплаш;

Баҳодир Жалолов номидаги боксга ихтисослаштирилган спорт мактаби ва Оксана Чусовитина номидаги гимнастикага ихтисослаштирилган спорт мактаби ходимларига ҳар ойлик 100 (юз) фоизгача устама тўловларини тўлаш»;

тўртинчи — еттинчи хатбошилар тегишлича олтинчи — тўққизинчи хатбошилар деб ҳисоблансин;

д) 4-бандда :

биринчи хатбошидаги «Халқ таълими вазирининг» сўзлари «Мактабгача ва мактаб таълими вазирининг» сўзлари билан алмаштирилсин;

тўртинчи хатбошидаги «халқ таълими» сўзлари «мактабгача ва мактаб таълими» сўзлари билан алмаштирилсин;

е) 1-илованинг матни қуйидаги таҳрирда баён этилсин:

«Мактабгача ва мактаб таълими вазирининг жамғармаси тўғрисида

1-боб. Умумий қоидалар

1. Мазкур Низом Мактабгача ва мактаб таълими вазири жамғармаси (кейинги ўринларда — Жамғарма) маблағларини шакллантириш ва ундан фойдаланиш, Жамғарма маблағлари ҳисобидан Мактабгача ва мактаб таълими тизимидаги педагог ходимларни рағбатлантириш тартибини белгилайди.

2. Жамғарма юридик шахс ҳисобланмайди ва унинг маблағлари Ўзбекистон Республикаси Мактабгача ва мактаб таълими вазирлигининг (кейинги ўринларда — Вазирлик) Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитаси (кейинги ўринларда — Ғазначилик хизмати қўмитаси) шахсий ғазна ҳисобварағида жамланади.

3. Жамғарма маблағлари ҳисобидан малакали педагог кадрларга ҳар ойлик устама мазкур Низомга иловага мувофиқ схема асосида тўланади.

4. Ушбу Низомда қуйидаги асосий тушунчалардан фойдаланилади:

номзодлар — таълим ташкилотларида фаолият юритаётган, белгиланган квота доирасида педагог кадрлар аттестациясининг биринчи босқичи — педагогнинг мутахассислик фани ва касб стандарти бўйича билим даражасини аниқлаш натижаларига кўра умумий баллнинг камида 80 фоизини қўлга киритган фан ўқитувчилари ҳамда мактабгача таълим ташкилотларининг тарбиячилари;

малакали педагог кадрлар — таълим ташкилотларида фаолият юритаётган, мутахассислик фани ва касб стандарти бўйича билим даражаси, педагогик маҳорати юқори бўлган ҳамда мазкур низом талабларига жавоб берадиган фан ўқитувчилари ҳамда мактабгача таълим ташкилотларининг тарбиячилари;

илғор ходимлар — мактабгача ва мактаб таълими тизимида фаолият юритаётган:

таълим сифатини оширишга ўз ҳиссасини қўшган ҳамда самарали фаолият юритаётган раҳбар кадрлар ва ходимлар, психологлар ва кутубхоначилар;

ўз фаолиятида юқори натижаларга эришган ёки ўз маҳорат мактабини ташкил қилган методистлар;

республика бўйича ташаббус кўрсатган, ишлари республика ва халқаро миқёсда оммалашган ёки мактабгача ва мактаб таълими тизимида самарали фаолият юритаётган педагог кадрлар;

мобил методик гуруҳлар — Ўзбекистон Республикаси Президентининг «Халқ таълими тизимини ислоҳ қилиш бўйича қўшимча чора-тадбирлар тўғрисида» 2022 йил 3 февралдаги Ф-22-сон фармойишига мувофиқ ҳудудлардаги таълим сифати паст, муҳити оғир бўлган мактабларга бориб педагогларга илғор ўқитиш методикалари ва инновацияларга ўргатиш тизимини йўлга қўйиш мақсадида ташкил этилган методик гуруҳлар;

таълим сифатини ошириш бўйича Вазирлик томонидан амалга оширилаётган лойиҳаларни амалиётга татбиқ этишда эксперт сифатида иштирок этган педагог кадрлар.

2-боб. Жамғарма маблағларини шакллантириш

5. Жамғарма маблағлари қуйидаги манбалар ҳисобидан шакллантирилади:

Ўзбекистон Республикаси Давлат бюджетидан ажратиладиган маблағлар;

Жамғарманинг вақтинча бўш турган маблағларини тижорат банкларига жойлаштиришдан олинадиган даромадлар;

юридик ва жисмоний шахсларнинг, шу жумладан, Ўзбекистон Республикаси норезидентларининг ҳомийлик хайриялари;

халқаро молия ташкилотлари, хорижий давлатларнинг грантлари ва техник кўмаклашиш маблағлари;

қонунчилик ҳужжатларида тақиқланмаган бошқа манбалар.

3-боб. Жамғарма маблағларидан фойдаланиш

6. Жамғарманинг маблағлари қуйидаги мақсадларда сарфланади:

Вазирлик тизимидаги таълим ташкилотларида фаолият юритаётган малакали педагог кадрларга ҳар ойлик устама тўлаш;

Вазирлик тизимида фаолият юритаётган илғор ходимларга бир марталик пул мукофотини тўлаш;

Ўзбекистон Республикаси Президентининг «Иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш чора-тадбирлари тўғрисида» 2019 йил 3 майдаги ПҚ-4306-сон қарорига мувофиқ халқаро ва асосий олимпиаданинг республика босқичида ғолиб бўлган ўқувчиларни тайёрлаган педагог кадрларга бир марталик пул мукофотларини тўлаш;

А. Авлоний номидаги педагогик маҳорат миллий институти ҳамда Қорақалпоғистон Республикаси ва вилоятлар педагогик маҳорат марказларига чет эллик мутахассисларни жалб қилиш ва уларнинг меҳнатига ҳақ тўлаш билан боғлиқ харажатларни қоплаш;

Баҳодир Жалолов номидаги боксга ихтисослаштирилган спорт мактаби ва Оксана Чусовитина номидаги гимнастикага ихтисослаштирилган спорт мактаби ходимларига ҳар ойлик 100 (юз) фоизгача устама тўловларини тўлаш;

малакали педагог кадрлар ва илғор ходимларни саралаш билан боғлиқ харажатларни қоплаш;

ҳудудлардаги таълим сифати паст, муҳити оғир бўлган мактабларга бориб, педагогларга илғор ўқитиш методикалари ва инновацияларга ўргатиш тизимини йўлга қўйиш мақсадида ташкил этилган методик гуруҳлар фаолиятини ташкил этиш билан боғлиқ харажатларни қоплаш, шу жумладан, ушбу гуруҳлар таркибига жалб этилган мутахассисларни рағбатлантириш;

таълим соҳасида хизмат кўрсатувчи ваколатли халқаро ташкилотларни жалб қилган ҳолда педагог кадрларнинг умумтаълим фанлари ҳамда тарбиячилик касби бўйича билим даражаси ва педагогик маҳоратини баҳолаш тизимини ишлаб чиқиш ҳамда амалиётга жорий қилиш билан боғлиқ харажатларни қоплаш.

Жамғарма маблағларининг ушбу бандда назарда тутилмаган бошқа мақсадларга йўналтирилишига йўл қўйилмайди.

7. Жамғарманинг жорий йилда фойдаланилмаган маблағлари республика бюджетига қайтарилмайди ва улардан кейинги йилларда фойдаланилади.

4-боб. Малакали педагог кадрлар ва илғор ходимларни рағбатлантириш тартиби

8. Малакали педагог кадрларга ҳар ойлик устама тўлаш ишларини мувофиқлаштириш учун ҳар йили 10 январга қадар Вазирликда доимий равишда ишлайдиган Ишчи гуруҳ (кейинги ўринларда — Ишчи гуруҳ) тузилади.

Ишчи гуруҳ таркиби Ўзбекистон Республикаси мактабгача ва мактаб таълими вазирининг буйруғи билан тасдиқланади.

Ишчи гуруҳ таркибига фаол жамоатчилик вакиллари жалб қилинади.

9. Ҳар ойлик устама тўланадиган малакали педагог кадрларни саралаш икки босқичда қуйидаги тартибда амалга оширилади:

а) Вазирлик ҳар ойлик устама тўланадиган малакали педагог кадрларнинг республика бўйича чекланган йиллик сонини (кейинги ўринларда — квота) ҳар йили 20 январга қадар белгилайди;

б) Ишчи гуруҳ ҳар йили 1 февралга қадар квотани таълим ташкилотлари сони, фан йўналишлари бўйича фаолият юритиб келаётган педагоглар ҳамда тарбиячилар сонидан келиб чиқиб, «Мактабгача таълим», «Бошланғич таълим», «Филология фанлари», «Ижтимоий фанлар», «Аниқ фанлар», «Табиий ва иқтисодий фанлар», «Амалий фанлар» йўналишлари (кейинги ўринларда — фан йўналишлари) бўйича Қорақалпоғистон Республикаси, вилоятлар ва Тошкент шаҳри (кейинги ўринларда — ҳудудлар) кесимида тақсимлайди;

в) Ишчи гуруҳ томонидан квотага мос равишда тегишли йил учун Жамғарма ҳисобидан ҳар ойлик устама тўланадиган малакали педагог кадрларни саралаб олиш қуйидаги босқичларда амалга оширилади:

1-босқичда — квота белгиланган йилдан аввалги йилнинг январь — июнь ва сентябрь — декабрь ойларида бўлиб ўтган таълим ташкилотлари педагог кадрларини аттестациядан ўтказишнинг биринчи босқичи — педагогнинг мутахассислик фани ва касб стандарти бўйича билим даражасини аниқлаш (кейинги ўринларда — малака синовлари) натижалари ҳар йили 1 мартга қадар таҳлил қилинади ва номзодлар рўйхати шакллантирилади ҳамда 2-босқичга ўтказиладиган номзодлар қуйидаги тартибда танлаб олинади:

ҳудудлар кесимида фан йўналишлари бўйича тақсимланган ҳар битта квота учун номзодлар орасидан малака синовларидан энг юқори натижани кўрсатган учта номзод танлаб олинади. Бунда:

номзодлар малака синовларида бир неча маротаба иштирок этса ёки бир неча фандан иштирок этган тақдирда энг юқори натижани қайд этган фани бўйича ёки аттестация навбати танланади;

агарда номзод иккита фан бўйича ҳам номзод сифатида танлаб олинган тақдирда қайси фанни танлаш ўқитувчи томонидан амалга оширилади;

номзодларнинг баллари тенг бўлган тақдирда, уларни танлаб олиш қуйидаги кетма-кетликда амалга оширилади:

номзоднинг амалдаги малака тоифаси даражаси юқорилиги;

Вазирлик тизимидаги ташкилотлардаги кўп йиллик иш стажига эгалиги;

юқоридаги барча ҳолатларда ҳам баллар тенг келиб қолган тақдирда, истисно тариқасида, педагогларнинг барчаси иккинчи босқичга ўтказилади;

2-босқичда — 1-босқич якунлангандан сўнг 60 иш куни ичида танлаб олинган номзодларнинг касбий маҳоратини баҳолаш учун суҳбат ўтказилади. Бунда:

суҳбат ўтказиш тартиби ва мезонлари Ўзбекистон Республикаси мактабгача ва мактаб таълими вазирининг буйруғи билан тасдиқланади;

номзодларнинг касбий маҳоратини баҳолаш жараёнлари видеоёзувга олинади;

2-босқич жараёнлари якунида биринчи ва иккинчи босқич баллари қўшилган ҳолда умумий баллар чиқарилади ҳамда энг яхши натижа эгаларига белгиланган квота доирасида устама белгиланади;

г) саралаш натижаларига кўра Жамғарма ҳисобидан ҳар ойлик устама олишга тавсия этилган умумтаълим ташкилотларининг малакали педагог кадрларига меҳнатга ҳақ тўлашнинг энг кам миқдорининг 5,5 баравари, мактабгача таълим ташкилотлари тарбиячиларига 2 баравари миқдорида ҳар ойлик устама тўланади;

д) Жамғарма ҳисобидан ҳар ойлик устама олишга тавсия этилган малакали педагог кадрлар рўйхати саралаш якунлангандан сўнг 15 иш куни ичида Ўзбекистон Республикаси мактабгача ва мактаб таълими вазирининг буйруғи билан тасдиқланади.

10. Педагог ходимларга навбатдаги мажбурий аттестацияда мутахассислик фани ва касб стандарти бўйича билим даражасини аниқлаш ҳамда ўқув фани бўйича малака синовидан имтиёз сифатида берилган максимал балл инобатга олинмайди.

Ушбу педагог ходимлар ҳамда навбатдаги мажбурий аттестацияга жалб этилмайдиган умумий ўрта таълим ташкилотларида фаолият юритаётган фан ўқитувчилари ва мактабгача таълим ташкилотларида фаолият юритаётган тарбиячилари ўз хоҳишига кўра, тегишли йилда ташкил этиладиган аттестацияда навбатдан ташқари иштирок этиш орқали Жамғарма ҳисобидан ҳар ойлик устама тўланадиган малакали педагог кадрларни саралашининг 1-босқичида иштирок этиши мумкин.

11. Бир марталик пул мукофотини олиши белгиланган илғор ходимлар Ўзбекистон Республикаси мактабгача ва мактаб таълими вазири томонидан буйруқ билан тасдиқланади.

12. Бир марталик пул мукофоти меҳнатга ҳақ тўлашнинг энг кам миқдорининг 5,5 баравари миқдорида тўланади.

13. Жамғарма маблағлари ҳисобидан ҳар ойлик устама олиш ҳуқуқига эга бўлган малакали педагог кадрлар ва бир марталик пул мукофотини олиши белгиланган илғор ходимлар Вазирлик томонидан таълим сифатини ошириш, янги инновацион лойиҳаларни амалга ошириш, маънавий-маърифий тадбирларни ўтказиш ва бошқа йўналишда ташкил этиладиган ишчи гуруҳлар ва экспертлар таркибига жамоатчилик асосида жалб этилиши мумкин.

14. Жамғарма маблағлари ҳисобидан ҳар ойлик устама олиш ҳуқуқига эга бўлган малакали педагог кадрлар рўйхати Вазирликнинг расмий веб-сайтида эълон қилинади.

5-боб. Жамғарма фаолиятини ташкил этиш тартиби

15. Жамғармага Давлат бюджетидан ажратиладиган маблағлар Жамғарманинг Ғазначилик хизмати қўмитасида очилган ҳисобварағига йўналтирилади.

Ўз навбатида, Жамғарма ушбу маблағларни Ғазначилик хизмати қўмитасида очилган бюджетдан ташқари ҳисобварағи орқали сарфлайди.

16. Жамғарма маблағлари ҳисобидан:

ҳар ойлик устама белгиланган кундан бошлаб 9 ой давомида;

бир марталик пул мукофотлари уларни тўлаш бўйича Ўзбекистон Республикаси мактабгача ва мактаб таълими вазирининг буйруғи чиққан вақтдан бошлаб бир ой ичида тўлаб берилади.

17. Жамғарма маблағлари ҳисобидан ҳар ойлик устама олаётган малакали педагог кадрларга бир марталик пул мукофотларини белгилашга йўл қўйилмайди.

18. Малакали педагог кадрлар ҳамда илғор ходимларга ҳар ойлик устама ва бир марталик пул мукофотларини тўлаш Жамғармада мавжуд бўлган маблағлар доирасида амалга оширилади.

19. Жамғарма маблағлари ҳисобидан ҳар ойлик устама мактабгача ва мактаб таълими тизимида меҳнат қилаётган шахсларга, меҳнат қонунчилигига мувофиқ ҳақиқатда ишлаган даврига мутаносиб равишда тўланади.

20. Мактабгача ва умумий ўрта таълим ташкилотлари директорлари, туман (шаҳар) мактабгача ва мактаб таълими бўлими бошлиқлари, Қорақалпоғистон Республикаси мактабгача ва мактаб таълими вазири, вилоятлар ва Тошкент шаҳар мактабгача ва мактаб таълими бошқармалари (кейинги ўринларда — ҳудудий бошқармалар) бошлиқлари мактабгача ва мактаб таълими тизимидаги фаолиятини тугатган малакали педагог кадрлар тўғрисидаги маълумотларни 5 иш куни ичида белгиланган тартибда юқори турувчи ташкилотга ёзма равишда тақдим этади.

Бунда Вазирлик тизимидаги фаолиятини тугатган педагог кадрларга ҳар ойлик устама тўлаган ва бу ҳақида ўз вақтида юқори турувчи ташкилотга ёзма хабар бермаганлиги учун тегишли ташкилот раҳбари жавобгар ҳисобланади ҳамда ушбу тўловлар унинг ҳисобидан қопланади.

21. Вазирлик тизимида ходимнинг иш жойи, лавозими ўзгарган ҳолда ҳам унинг ҳар ойлик устамаси сақлаб қолинади ва белгиланган муддатга қадар тўланади. Бунда ушбу ўзгаришлар бўйича мазкур Низомнинг 20-бандида кўрсатилган тартибда хабар берилади.

22. Ўзбекистон Республикаси мактабгача ва мактаб таълими вазирининг буйруғи тасдиқлангандан сўнг 5 иш куни ичида Жамғарма маблағи Вазирлик томонидан тегишли ҳудудий бошқармаларнинг шахсий ғазна ҳисобварағига ўтказилади.

Ҳудудий бошқармалар томонидан маблағ тегишли туман (шаҳар) мактабгача ва мактаб таълими бўлимларига 3 иш куни ичида ўтказиб берилади.

Туман (шаҳар) мактабгача ва мактаб таълими бўлимлари томонидан маблағ 3 иш куни ичида педагог ходимларга улар фаолият юритаётган ташкилотнинг ғазна ҳисобварағига ўтказиш орқали тўлаб берилади.

23. Жамғарма ҳисобидан молиялаштириладиган барча харажатлар Ўзбекистон Республикаси мактабгача ва мактаб таълими вазирининг буйруғи билан амалга оширилади.

6-боб. Якунловчи қоидалар

24. Жамғарма маблағларидан фойдаланиш юзасидан назорат қонунчиликка мувофиқ амалга оширилади.

25. Ушбу Низомни қўллашда юзага келадиган низолар қонунчиликда белгиланган тартибда ҳал этилади.

26. Мазкур Низом талабларининг бузилишида айбдор бўлган шахслар қонунчиликка мувофиқ жавоб берадилар.

Мактабгача ва мактаб таълими вазирининг жамғармаси тўғрисидаги низомга ИЛОВА

Мактабгача ва мактаб таълими вазирининг жамғармаси ҳисобидан малакали педагог кадрларга ҳар ойлик устама тўлаш

Босқичлар Субъектлар Тадбирлар Муддатлар 1-босқич Мактабгача ва мактаб таълими вазирлиги Малакали педагог кадрларга ҳар ойлик устама тўлаш ишларини мувофиқлаштириш учун доимий равишда ишлайдиган Ишчи гуруҳ (кейинги ўринларда — Ишчи гуруҳ) тузилади. Ҳар йили 10 январга қадар 2-босқич Мактабгача ва мактаб таълими вазирлиги 1. Ҳар ойлик устама тўланадиган малакали педагог кадрларнинг республика бўйича чекланган сонини белгилайди. Ҳар йили 20 январга қадар Ишчи гуруҳ 2. Квотани таълим ташкилотлари сони, фан йўналишлари бўйича фаолият юритиб келаётган педагоглар ҳамда тарбиячилар сонидан келиб чиқиб, «Мактабгача таълим», «Бошланғич таълим», «Филология фанлари», «Ижтимоий фанлар», «Аниқ фанлар», «Табиий ва иқтисодий фанлар», «Амалий фанлар» йўналишлари бўйича Қорақалпоғистон Республикаси, вилоятлар ва Тошкент шаҳри кесимида тақсимлайди. Ҳар йили 1 февралга қадар 3-босқич Ишчи гуруҳ 1. 1-босқичда — квота белгиланган йилдан аввалги йилнинг январь-июнь ва сентябрь-декабрь ойларида бўлиб ўтган таълим ташкилотлари педагог кадрларини аттестациядан ўтказишнинг биринчи босқичи — педагогнинг мутахассислик фани ва касб стандарти бўйича билим даражасини аниқлаш натижалари таҳлил қилинади ва номзодлар рўйхати шакллантирилади ҳамда 2-босқичга ўтказиладиган номзодларни танлаб олади. Ҳар йили 1 мартга қадар 2. 2-босқичда танлаб олинган номзодларнинг касбий маҳоратини баҳолаш учун суҳбат ўтказади. 1-босқич якунлангандан сўнг 60 иш куни ичида 4-босқич Мактабгача ва мактаб таълими вазирлиги 1. Мактабгача ва мактаб таълими вазири жамғармаси (кейинги ўринларда — Жамғарма) ҳисобидан ҳар ойлик устама олишга тавсия этилган малакали педагог кадрлар рўйхатини тасдиқлайди. Саралаш якунидан сўнг 15 иш куни ичида 2. Жамғарма маблағини Қорақалпоғистон Республикаси мактабгача ва мактаб таълими вазири, вилоятлар ва Тошкент шаҳар мактабгача ва мактаб таълими бошқармаларининг (кейинги ўринларда — ҳудудий бошқармалар) шахсий ғазна ҳисобварағига ўтказади. Мактабгача ва мактаб таълими вазирининг буйруғи қабул қилингандан сўнг 5 иш куни ичида 5-босқич Ҳудудий бошқармалар Маблағни тегишли туман (шаҳар) мактабгача ва мактаб таълими бўлимларига ўтказиб беради. 3 иш куни ичида 6-босқич Туман (шаҳар) мактабгача ва мактаб таълими бўлимлари Маблағни педагог ходимларга улар фаолият юритаётган ташкилотнинг ғазна ҳисобварағига ўтказиш орқали тўлаб беради. 3 иш куни ичида » .

10. Вазирлар Маҳкамасининг «Президент, ижод, ихтисослаштирилган мактаб ва мактаб-интернатларга ўқувчиларни саралаб олиш ҳамда қабул қилиш тартибига оид норматив-ҳуқуқий ҳужжатларни тасдиқлаш тўғрисида» 2023 йил 27 майдаги 214-сон қарорида :

а) 1-илованинг 33-банди биринчи хатбошиси қуйидаги таҳрирда баён этилсин:

«33. Иккинчи босқич натижасига кўра тенг натижалар юзага келган ҳолларда, яъни рейтингда 24-ўрин атрофида тенглик бўлса, муаммони ечиш ва танқидий фикрлаш йўналишларининг жамланма бали бўйича энг юқори балл тўплаган номзодга, агар шунда ҳам натижалар тенг бўлса, имтиҳонда жавоби белгиланган масалалар тоифаларининг ҳар бири бўйича юқори балл тўплаган ўқувчиларга қуйидаги тартибда устунлик берилади»;

б) 2-иловада :

4-банднинг «б» кичик бандида :

биринчи хатбоши қуйидаги таҳрирда баён этилсин:

«б) Президент мактабларининг кириш имтиҳонларида иштирок этиш учун онлайн ҳужжат топшириш жараёнида ихтиёрий равишда ҳудуддаги (Қорақалпоғистон Республикаси, вилоятлар ва Тошкент шаҳри) ихтисослаштирилган мактаблардан бирини танлаган, Президент мактабларининг 5-синфига кириш имтиҳонларининг 2-босқичида иштирок этиб, ўқишга қабул қилинмаган 48 нафар ўқувчи баллар кетма-кетлигида ҳужжат топширган ихтисослаштирилган мактабнинг аниқ фанлар йўналиши учун белгиланган қабул квотасининг 50 фоизидан ошмаган ҳолда ўқишга қабул қилинади»;

иккинчи хатбоши чиқариб ташлансин;

учинчи хатбоши иккинчи хатбоши деб ҳисоблансин;

17-банд қуйидаги мазмундаги еттинчи хатбоши билан тўлдирилсин:

«Бунда кириш имтиҳонлари натижаларига кўра ўқувчининг тўплаган баллари бир нечта ихтисослаштирилган мактабларга қабул қилиш учун етарли бўлган тақдирда у танлаган биринчи мактабга ўқишга қабул қилинади»;

37-банд қуйидаги таҳрирда баён этилсин:

«37. Кириш имтиҳонлари натижаларидан норози бўлган ўқувчиларнинг мурожаатлари апелляция комиссияси томонидан Агентлик директори томонидан белгиланадиган тартиб асосида кўриб чиқилади.

Агентликда тузилган апелляция комиссиясига Агентлик директори ўринбосари, ҳудудлардаги таълим муассасаларида ташкил қилинадиган апелляция комиссиясига муассаса директори раислик қилади»;

43-банд қуйидаги мазмундаги иккинчи хатбоши билан тўлдирилсин:

«Мазкур Низомнинг 47-бандида назарда тутилган ҳоллар бундан мустасно»;

47-банднинг иккинчи хатбошиси қуйидаги таҳрирда баён этилсин:

«Ихтисослаштирилган мактабларга ўқув йилининг I чораги якунига қадар баллар кетма-кетлиги бўйича ўқувчилар қабул қилинади»;

в) 3-илова қуйидаги мазмундаги 2 1 -банд билан тўлдирилсин:

«2 1 . Агентлик томонидан ҳар йили ўтказиладиган умумий ўрта таълим муассасалари ўқувчилари ўртасида бадиий адабиёт ва санъат соҳасида иқтидорли ёшларни саралашга қаратилган туман (шаҳар) ва вилоят босқичларидан иборат танловнинг вилоят босқичида совринли 1, 2 ва 3-ўринларни қўлга киритган 6-синф ўқувчилари ижод мактабларига умумий қабул параметрлари доирасида кириш имтиҳонисиз ўқишга қабул қилинади».

11. Вазирлар Маҳкамасининг 2023 йил 25 декабрдаги 681-сон қарори билан тасдиқланган Давлат умумий ўрта таълим муассасалари директори лавозимига номзодларни менежерлик ўқув курсларида ўқитиш ва уларга менежерлик сертификатини бериш тартиби тўғрисидаги низомнинг 49-банди қуйидаги таҳрирда баён этилсин:

«49. Апелляция комиссияси якуний синов бошлангандан кейин икки кун ичида Институт ректорининг буйруғи асосида 3 ёки 5 нафардан иборат таркибда тузилади.

Апелляция комиссияси аъзолигига Институтнинг бюджетдан ташқари жамғармаси ҳисобидан фуқаролик-ҳуқуқий шартнома асосида малакали мутахассислар жалб этилади».

12. Вазирлар Маҳкамасининг «Давлат умумий ўрта таълим ташкилотлари педагог кадрларини касбий сертификатлаш бўйича давлат хизматларини кўрсатишнинг маъмурий регламентини тасдиқлаш тўғрисида» 2024 йил 12 февралдаги 87-сон қарорида :

а) 3-бандда :

қуйидаги мазмундаги иккинчи хатбоши билан тўлдирилсин:

«стажёр-ўқитувчилар бир йилга ишга қабул қилинадилар, муддат якунлангандан сўнг, фақат касбий сертификат олган ёки навбатдан ташқари педагог кадрлар аттестациясида иштирок этиб, камида мутахассис (олий маълумотли ўқитувчи) лавозими сақланган даражада кўрсаткичга эга бўлган педагоглар билан белгиланган тартибда ўқитувчи сифатида меҳнат шартномаси тузилади»;

иккинчи ва учинчи хатбошилар тегишлича учинчи ва тўртинчи хатбошилар деб ҳисоблансин;

учинчи хатбоши қуйидаги таҳрирда баён этилсин:

«2023/2024 ўқув йилидан бошлаб умумий ўрта таълим ташкилотларида педагог касбига биринчи марта ишга қабул қилинган стажёр-ўқитувчилар, 2024/2025 ўқув йилидан бошлаб эса педагоглар аттестациясидан ўта олмаган, мутахассис (олий маълумотли ўқитувчи) лавозимига мувофиқ эмас, деб топилган педагог кадрлар ҳам касбий сертификатлаш синовларига жалб этилади»;

б) иловада :

2-банднинг олтинчи хатбошиси қуйидаги таҳрирда баён этилсин:

« талабгор — касбий сертификат олишга даъвогар бўлган давлат умумий ўрта таълим ташкилотидаги ҳамда аввал касбий сертификатлашда иштирок этиб, ўта олмаган стажёр-ўқитувчи ёки мутахассис лавозимидаги, шунингдек, педагоглар аттестациясидан ўта олмаган, мутахассис (олий маълумотли ўқитувчи) лавозимига мувофиқ эмас, деб топилган педагог кадрлар»;

7-банд қуйидаги мазмундаги учинчи хатбоши билан тўлдирилсин:

«Бунда белгиланган муддат давомида касбий сертификатни ола олмаганлиги сабабли ўқитувчи сифатида меҳнат шартномаси тузилмаган ёки педагоглар аттестациясидан ўта олмаганлиги сабабли меҳнат шартномаси бекор қилинган мутахассис лавозимидаги педагог кадрлар охирги иш жойларини кўрсатган ҳолда рўйхатдан ўтадилар»;

9-банд қуйидаги мазмундаги тўртинчи ва бешинчи хатбошилар билан тўлдирилсин:

«тоифага эга педагог кадрлар;

педагог кадрлар аттестациясида иштирок этиб, камида мутахассис (олий маълумотли ўқитувчи) лавозими сақланган даражада кўрсаткичга эга бўлган педагоглар»;

14-банд қуйидаги таҳрирда баён этилсин:

«14. Назорат синовида иштирок этиш учун рўйхатдан ўтиб, назорат синовида узрли сабаблар (вақтинча меҳнатга қобилиятсизлиги, давлат ёки жамоат вазифаларини бажараётганлиги, республика ва халқаро мусобақаларда иштирок этганлиги, вақтинча хорижий мамлакатда сафарда бўлиб турганлиги, яқин қариндоши вафот этганлиги, ваколатли давлат органи ёки таълим ташкилотлари раҳбарларининг маълумотномасида кўрсатилган асослар)га кўра иштирок этмаган талабгор, тегишли ҳужжатлар тақдим этилган ҳолда, назорат синовидан ўтмаган ҳисобланади ҳамда кейинги ташкил этиладиган назорат синовида иштирок этиш учун қайтадан рўйхатдан ўтиши талаб этилади».

13. Вазирлар Маҳкамасининг 2024 йил 27 августдаги 531-сон қарори билан тасдиқланган Давлат мактабгача таълим ташкилотлари директори лавозимига номзодларни менежерлик ўқув курсларида ўқитиш ва уларга менежерлик сертификатини бериш тартиби тўғрисидаги низомнинг 51-банди қуйидаги таҳрирда баён этилсин:

«51. Апелляция комиссияси якуний синов бошлангандан кейин икки кун ичида Институт ректорининг буйруғи асосида 3 ёки 5 нафардан иборат таркибда тузилади.

Апелляция комиссияси аъзолигига Институтнинг бюджетдан ташқари жамғармаси ҳисобидан фуқаролик-ҳуқуқий шартнома асосида малакали мутахассислар жалб этилади».

Ўзбекистон Республикасининг Бош вазири А. АРИПОВ

Тошкент ш.,

2025 йил 28 февраль,

130-сон

(Қонунчилик маълумотлари миллий базаси, 01.03.2025 й., 09/25/130/0199-сон)

lex.uz

Oʻzbekiston Respublikasi Vazirlar Mahkamasining

qarori

BAHOLASH MEZONLARI*

NIZOM

SXEMASI

Oʻzbekiston Respublikasi Hukumatining ayrim qarorlariga pedagoglarni attestatsiyadan oʻtkazish, kasbiy sertifikatlash va ragʻbatlantirish tizimini takomillashtirishga qaratilgan oʻzgartirish va qoʻshimchalar kiritish toʻgʻrisida

Oʻzbekiston Respublikasi Prezidentining “Maktabgacha va maktab taʼlimi vazirligi hamda uning tizimidagi tashkilotlar faoliyatini samarali tashkil etish chora-tadbirlari toʻgʻrisida” 2023-yil 26-maydagi PF-79-son Farmoniga muvofiq pedagoglarga malaka toifalarini berish hamda ularni ragʻbatlantirish tizimini yanada takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Maktabgacha va maktab taʼlimi vazirligi hamda uning tizimidagi tashkilotlar faoliyatini samarali tashkil etish chora-tadbirlari toʻgʻrisida” 2023-yil 26-maydagi PF-79-son Farmoniga muvofiq xalqaro standartlar asosida malaka sertifikatini olgan pedagog kadrlarga tarif stavkalarining amaldagi miqdorlariga nisbatan 70 foiz miqdorida qoʻshimcha haq toʻlanishi belgilanganligi maʼlumot uchun qabul qilinsin.

2. Belgilansinki, 2025-yil 1-sentabrga qadar:

a) navbatdagi majburiy attestatsiyaga jalb etilmagan, shuningdek, attestatsiyadan oʻtganlik muddati tugagan va amaldagi malaka toifasi saqlanib qolgan quyidagi pedagoglar majburiy attestatsiyaga jalb etilmaydi hamda ularga amaldagi malaka toifasi (lavozimi) boʻyicha haq toʻlanadi:

oliy malaka toifasiga (bosh oʻqituvchi lavozimiga) ega boʻlganidan soʻng ushbu toifani (lavozimni) 15 yil davomida saqlab kelgan va uzluksiz ish stajiga ega boʻlgan;

pedagogik faoliyat boʻyicha 25 yil va undan koʻp ish stajiga ega boʻlgan;

yoshga doir pensiyaga chiqishi uchun 5 yildan koʻp boʻlmagan vaqt qolgan;

pedagogik faoliyat bilan shugʻullanayotgan pensiya yoshiga toʻlgan pedagoglar;

b) quyidagi talablardan biriga javob beradigan pedagoglarga toʻgʻridan-toʻgʻri malaka toifasi (lavozimi) beriladi:

pedagogik faoliyat boʻyicha 25 yil va undan koʻp ish stajiga ega boʻlgan pedagoglarga — ularning amaldagi malaka toifasi (lavozimi);

yoshga doir pensiyaga chiqishi uchun 5 yildan koʻp boʻlmagan vaqt qolgan pedagoglarga — ularning amaldagi malaka toifasi (lavozimi);

oliy malaka toifasiga (bosh oʻqituvchi lavozimiga) ega boʻlganidan soʻng ushbu toifani (lavozimni) 15 yil davomida saqlab kelgan va uzluksiz ish stajiga ega boʻlgan pedagoglarga — oliy malaka toifasi (bosh oʻqituvchi lavozimi).

Bunda pedagoglar oʻz xohishiga koʻra navbatdan tashqari attestatsiyadan oʻtib, malaka toifasi (lavozimi) oshirilgan taqdirda, ularga yangi tasdiqlangan malaka toifasi (lavozimi) boʻyicha sertifikatning amal qilish muddati davomida haq toʻlanadi.

3. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:

taʼlim tashkilotlarida faoliyat yuritayotgan musiqa madaniyati va jismoniy tarbiya fani pedagoglari, pensiya yoshidagi pedagoglar hamda oliy maʼlumotga ega boʻlmagan pedagoglarni attestatsiyadan oʻtkazish;

Maktabgacha va maktab taʼlimi vazirligi tizimida faoliyat yuritayotgan malakali pedagog kadrlar va ilgʻor xodimlarni ragʻbatlantirish;

Maktabgacha va maktab taʼlimi vaziri jamgʻarmasi faoliyatini takomillashtirish.

4. Maktabgacha va maktab taʼlimi vazirligi Oliy taʼlim, fan va innovatsiyalar vazirligi bilan birgalikda 2025/2026 oʻquv yilidan boshlab taʼlim tashkilotlarida faoliyat yuritayotgan musiqa madaniyati va jismoniy tarbiya fani pedagoglari, pensiya yoshidagi pedagoglar hamda oliy maʼlumotga ega boʻlmagan pedagoglar belgilangan tartibda attestatsiyadan oʻtkazilishini taʼminlasin.

5. Maktabgacha va maktab taʼlimi vazirligi boshqa manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda maktabgacha va maktab taʼlimi vaziri H.Oʻ. Umarova zimmasiga yuklansin.

Vazirlar Mahkamasining 2025-yil 28-fevraldagi 130-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2017-yil 15-martdagi 140-son qarori bilan tasdiqlangan Umumiy oʻrta taʼlim toʻgʻrisidagi nizom quyidagi mazmundagi 33 1 -band bilan toʻldirilsin:

“33 1 . Umumtaʼlim muassasalarida oʻquvchilarning bilim, koʻnikma va malakalarini baholash boʻyicha bosqichma-bosqich mezonlarga asoslangan (formativ va summativ) baholash tizimi joriy etiladi.

Mezonlarga asoslangan (formativ va summativ) baholash tizimini joriy etish tartibi Oʻzbekiston Respublikasi Maktabgacha va maktab taʼlimi vazirligi tomonidan belgilanadi”.

2. Vazirlar Mahkamasining “Prezident maktablari toʻgʻrisida nizomni tasdiqlash haqida” 2019-yil 25-iyundagi 526-son qarorida :

a) 2-band quyidagi tahrirda bayon etilsin:

“2. Oʻzbekiston Respublikasi Iqtisodiyot va moliya vazirligi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligining buyurtmanomasiga asosan Oʻzbekiston Respublikasi Davlat budjetining parametrlari doirasida har yili Prezident maktablarining joriy faoliyati xarajatlarini qoplash uchun zarur mablagʻlar ajratilishini nazarda tutsin”;

b) ilovada :

4-band quyidagi tahrirda bayon etilsin:

“4. Prezident maktablari bevosita Oʻzbekiston Respublikasi Maktabgacha va maktab taʼlimi vazirligi (keyingi oʻrinlarda — vazirlik) huzuridagi Ixtisoslashtirilgan taʼlim muassasalari agentligiga (keyingi oʻrinlarda — Agentlik) boʻysunadi. Agentlik Prezident maktablari faoliyatiga umumiy rahbarlik qiladi va nazoratni amalga oshiradi.

Agentlik Prezident maktablari faoliyatini umumiy muvofiqlashtiradi, jumladan, ularning faoliyatini metodik va axborot-tahliliy jihatdan taʼminlash boʻyicha chora-tadbirlarni amalga oshiradi”;

9-bandning toʻrtinchi xatboshisidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

10-bandda :

oltinchi xatboshi quyidagi tahrirda bayon etilsin:

“Agentlik hamda boshqa davlat organlari va tashkilotlari tomonidan davlat siyosati, ijtimoiy-madaniy, maktabgacha va maktab taʼlimi sohasidagi muhim masalalarni muhokama qilish va dolzarb muammolarni hal etishga bagʻishlangan yigʻilishlarda, majlislarda va boshqa tadbirlarda belgilangan tartibda ishtirok etish”;

yettinchi xatboshidagi “vazirlikning” soʻzi “Agentlikning” soʻzi bilan almashtirilsin;

toʻqqizinchi xatboshi quyidagi tahrirda bayon etilsin:

“sogʻlom ovqatlantirishni tashkil etish va maktab formasini xarid qilish uchun qonunchilik hujjatlari bilan belgilangan tartibda tadbirkorlik subyektlari bilan shartnoma tuzish”;

11-bandning toʻrtinchi xatboshisidagi , 17 va 18-bandlarning ikkinchi xatboshilaridagi , 62-banddagi hamda 69-banddagi “vazirlik” soʻzi “agentlik” soʻzi bilan almashtirilsin;

46-band quyidagi tahrirda bayon etilsin:

“46. Agentlik tegishlicha Qoraqalpogʻiston Respublikasi, viloyatlar va Toshkent shahridagi Prezident maktablarini maʼmuriy-boshqaruv xodimlari va pedagog kadrlar bilan toʻldirishni taʼminlaydi”;

48-bandning birinchi xatboshisi quyidagi tahrirda bayon etilsin:

“48. Mazkur Nizom doirasida oʻtkaziladigan tanlov ishtirokchilari Oʻzbekiston Respublikasi fuqarolari va fuqaroligi boʻlmagan, davlat va ingliz tillarini yaxshi biladigan, oliy maʼlumotli, belgilangan tartibda attestatsiyadan oʻtgan, agentlik tomonidan belgilanadigan boshqa malaka talablariga javob beradigan shaxslar boʻlishi lozim”;

49-banddagi “ishchi organ” soʻzlari “Agentlik” soʻzi bilan almashtirilsin;

50-band quyidagi tahrirda bayon etilsin:

“50. Tanlovni oʻtkazish uchun Tanlov komissiyasi tuziladi. Tanlov komissiyasi tarkibi Agentlik direktorining buyrugʻi bilan tasdiqlanadi”;

quyidagi mazmundagi 66 1 -band bilan toʻldirilsin:

“66 1 . Davlat budjeti mablagʻlari hisobidan Prezident maktablarining mahalliy oʻqituvchilariga ularning tarif stavkasiga nisbatan 350 foiz miqdorida har oylik qoʻshimcha ustama toʻlanadi.

Bunda ustama pedagoglar tomonidan quyidagi shartlarning barchasi bajarilgan taqdirda toʻlanadi:

Kembrij (Cambridge Assessment International Education) xalqaro taʼlim dasturlari asosida dars beriladigan fanlarni oʻqitish boʻyicha 3 ta (Introductory, Extension, Marking (Focus on Assessment yoki Focus on Teaching) kursni muvaffaqiyatli tugatish va bu haqida tegishli sertifikat olish;

Prezident maktablarida kamida bir yillik ish stajiga va chet tilini bilish boʻyicha kamida S1 darajadagi yoki unga tenglashtirilgan mos darajadagi xalqaro sertifikatga ega boʻlish”;

73-bandda :

quyidagi mazmundagi uchinchi xatboshi bilan toʻldirilsin;

“Agentlik huzuridagi Iqtidorli yoshlarni qoʻllab-quvvatlash jamgʻarmasi mablagʻlari”;

uchinchi va toʻrtinchi xatboshilar tegishlicha toʻrtinchi va beshinchi xatboshilar deb hisoblansin;

74 va 75-bandlardagi tegishli kelishikdagi “vazirlik” soʻzi tegishli kelishikdagi “Agentlik” soʻzi bilan almashtirilsin;

77-band quyidagi tahrirda bayon etilsin:

“77. Prezident maktablarini qayta tashkil etish yoki tugatish, qoidaga koʻra, oʻquv yilining oxirida amalga oshiriladi, bunda Qoraqalpogʻiston Respublikasi Maktabgacha va maktab taʼlimi vazirligi, viloyatlar va Toshkent shahar maktabgacha va maktab taʼlimi boshqarmalari oʻquvchilarning ota-onalari (qonuniy vakillari) bilan kelishilgan holda, ularni boshqa umumtaʼlim muassasalariga oʻtkazish uchun javobgarlikni oʻz zimmalariga oladi”;

2-ilovada :

5-bandning “j” kichik bandi quyidagi tahrirda bayon etilsin:

“j) pedagogning ingliz tilini bilish darajasini belgilovchi CEFR B2 yoki undan yuqori darajadagi, ingliz tili fani oʻqituvchilari uchun esa CEFR C1 yoki undan yuqori darajadagi milliy yoki xalqaro tan olingan sertifikati boʻlsa, asosiy ish haqining 60%”;

7-bandda :

birinchi xatboshidan “(ijrochi direktor, oʻquv ishlari boʻyicha direktor, direktor oʻrinbosarlari)” soʻzlari chiqarib tashlansin;

“a” kichik bandi quyidagi tahrirda bayon etilsin:

“a) rahbar xodimning ingliz tilini bilish darajasini belgilovchi CEFR B2 yoki undan yuqori darajadagi milliy va xalqaro tan olingan sertifikati boʻlsa, asosiy ish haqining 60%”;

8-bandning birinchi xatboshisidan “(ijrochi direktor, oʻquv ishlari boʻyicha direktor, direktor oʻrinbosarlari)” soʻzlari chiqarib tashlansin;

9-bandning “a” kichik bandi quyidagi tahrirda bayon etilsin:

“a) oʻquv-yordamchi xodimning ingliz tilini bilish darajasini belgilovchi CEFR B2 yoki undan yuqori darajadagi milliy va xalqaro tan olingan sertifikati boʻlsa, asosiy ish haqining 50%”;

10-bandning oʻninchi va oʻn birinchi xatboshilari quyidagi tahrirda bayon etilsin:

“Prezident maktabi direktorini ragʻbatlantirish va qoʻshimcha ustama haqi belgilash agentlik direktori tomonidan amalga oshiriladi.

Agentlik ragʻbatlantirish va qoʻshimcha ustama haqi belgilash toʻgʻriligini nazorat qiladi va buning uchun javobgar hisoblanadi”;

11-band quyidagi tahrirda bayon etilsin:

“11. Prezident maktablari xodimlarini ragʻbatlantirish va qoʻshimcha ustama haq toʻlash Oʻzbekiston Respublikasi Davlat budjeti hisobidan, Agentlik huzuridagi Iqtidorli yoshlarni qoʻllab-quvvatlash jamgʻarmasi mablagʻlari, homiylik xayriyalari hamda qonunchilik hujjatlarida taqiqlanmagan boshqa manbalar hisobidan amalga oshiriladi”;

12 va 13-bandlardagi “vazirlikka” soʻzi “Agentlikka” soʻzi bilan almashtirilsin;

4-ilova oʻz kuchini yoʻqotgan deb hisoblansin.

3. Vazirlar Mahkamasining “Oʻquvchilarni psixologik-pedagogik qoʻllab-quvvatlash ishlarini yanada takomillashtirish toʻgʻrisida” 2019-yil 12-iyuldagi 577-son qarorida :

a) 3-bandning uchinchi xatboshisi chiqarib tashlansin;

b) 2-ilova oʻz kuchini yoʻqotgan deb hisoblansin.

4. Vazirlar Mahkamasining 2019-yil 30-sentabrdagi 823-son qarori bilan tasdiqlangan Umumiy oʻrta taʼlim muassasalarining oʻrnak koʻrsatgan xodimlarini ragʻbatlantirishning direktor jamgʻarmasini tashkil etish va uning mablagʻlaridan foydalanish tartibi toʻgʻrisida nizomning 33-bandi quyidagi tahrirda bayon etilsin:

“33. Umumtaʼlim muassasalari xodimlariga moddiy yordam xodimning oʻzi yoki yaqin qarindoshi (otasi, onasi, turmush oʻrtogʻi, farzandi) vafot etganda, ogʻir kasallikka chalinganda, xodim tabiiy ofatdan zarar koʻrganda koʻrsatiladi.

Bunda kalendar yili davomida bir xodimga toʻlanadigan moddiy yordamlarning jami miqdori uning lavozim maoshi (oʻqituvchining tarif stavkasi) miqdorining ikki barobaridan oshirilishiga yoʻl qoʻyilmaydi”.

5. Vazirlar Mahkamasining “Ijod maktablari va ixtisoslashtirilgan maktablar faoliyatini yanada takomillashtirish chora-tadbirlari toʻgʻrisida” 2020-yil 11-martdagi 141-son qarorida :

a) 2-bandning ikkinchi va uchinchi xatboshilaridagi “Vazirlar Mahkamasi huzuridagi Prezident, ijod maktablari va ixtisoslashtirilgan maktablarni rivojlantirish agentligi” soʻzlari “Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi” soʻzlari bilan almashtirilsin;

b) 10-band quyidagi tahrirda bayon etilsin:

“10. Oʻzbekiston Respublikasi Ichki ishlar vazirligi, Tashqi ishlar vazirligi vakolatlari doirasida Agentlik buyurtmalari boʻyicha jalb etiladigan xorijiy oʻqituvchilar va mutaxassislarga, shuningdek, ularning oila aʼzolariga kirish vizalarining rasmiylashtirilishini, belgilangan tartibda koʻp martalik vizalar berilishi va uzaytirilishini, shuningdek, ularning yashash manzillari boʻyicha vaqtinchalik roʻyxatdan oʻtkazilishi hamda uning muddati uzaytirilishini taʼminlasin”;

v) 1-ilovada :

nomidagi “Vazirlar Mahkamasi huzuridagi Prezident, ijod maktablari va ixtisoslashtirilgan maktablarni rivojlantirish agentligi” soʻzlari “Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi” soʻzlari bilan almashtirilsin;

izohda :

beshinchi xatboshi quyidagi tahrirda bayon etilsin:

“*** Fakultativ mashgʻulotlar:”;

quyidagi mazmundagi oltinchi va yettinchi xatboshilar bilan toʻldirilsin:

“ixtisoslashtirilgan maktablarda — musiqa, tasviriy sanʼat va chizmachilik, texnologiya, jismoniy tarbiya fanlari, shaxmat mashgʻulotlari, sunʼiy intellekt, robototexnika, agrotexnologiya, nanotexnologiya, biotexnologiya, IELTS, TOEFL va SAT;

ijod maktablarida — musiqa, sanʼat (ART), texnologiya (robototexnika), jismoniy tarbiya fanlari darslardan keyin oʻqitiladi”;

oltinchi va yettinchi xatboshilar tegishlicha sakkizinchi va toʻqqizinchi xatboshilar deb hisoblansin;

g) 2-ilovada :

nomidagi “Vazirlar Mahkamasi huzuridagi Prezident, ijod va ixtisoslashtirilgan maktablarni rivojlantirish agentligi” soʻzlari “Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi” soʻzlari bilan almashtirilsin;

“Taʼlim muassasasining nomi” ustuni quyidagi tahrirda bayon etilsin:

“ Taʼlim muassasasining nomi Abdulla Oripov nomidagi ijod maktabi Erkin Vohidov nomidagi ijod maktabi Muhammad Rizo Ogahiy nomidagi ijod maktabi Isʼhoqxon Ibrat nomidagi ijod maktabi Halima Xudoyberdiyeva nomidagi ijod maktabi Abdulla Qodiriy nomidagi ijod maktabi Muhammad Yusuf nomidagi ijod maktabi Hamid Olimjon va Zulfiya nomidagi ijod maktabi Ibroyim Yusupov nomidagi ijod maktabi Muhammad al-Xorazmiy nomidagi ixtisoslashtirilgan maktab Mirzo Ulugʻbek nomidagi ixtisoslashtirilgan maktab Abu Ali ibn Sino nomidagi ixtisoslashtirilgan maktab ”.

6. Vazirlar Mahkamasining “Maktabgacha, umumiy oʻrta, oʻrta maxsus, professional va maktabdan tashqari taʼlim tashkilotlari pedagog kadrlarini attestatsiyadan oʻtkazish tartibini takomillashtirish chora-tadbirlari toʻgʻrisida” 2021-yil 17-sentabrdagi 572-son qarorida :

a) 3-bandning toʻrtinchi xatboshisi quyidagi tahrirda bayon etilsin:

“nodavlat taʼlim tashkilotlarining pedagog kadrlarini ham attestatsiyadan oʻtkazish va malaka toifasi berish”;

b) 6-band oʻz kuchini yoʻqotgan deb hisoblansin;

v) 6 1 -bandning uchinchi xatboshisidagi “sertifikat” soʻzi “belgilangan ball” soʻzlari bilan almashtirilsin;

g) 1-ilovada :

1-bandning birinchi xatboshisi quyidagi tahrirda bayon etilsin:

“1. Ushbu Nizom davlat maktabgacha, umumiy oʻrta, oʻrta maxsus, professional va maktabdan tashqari taʼlim tashkilotlari (keyingi oʻrinlarda — taʼlim tashkilotlari) pedagog va psixolog kadrlarini (keyingi oʻrinlarda — pedagog kadrlar) attestatsiyadan oʻtkazish tartibini belgilaydi”;

4-bandning ikkinchi xatboshisi quyidagi tahrirda bayon etilsin:

“Ilgari attestatsiyadan oʻtmagan ishga yangi qabul qilingan pedagog kadrlar yoki oliy taʼlim tashkilotlarini bitirib birinchi bor ishga kirgan pedagog kadrlar kasbiy faoliyatiga uch yil toʻlgandan soʻng navbatdagi majburiy attestatsiyadan oʻtkaziladi (magistraturani tugatganlar bundan mustasno)”;

5-band quyidagi tahrirda bayon etilsin:

“5. Attestatsiyaga taʼlim tashkilotlarining barcha pedagog kadrlari jalb etiladi.

Kasbiy taʼlim tashkilotlarining ishlab chiqarish taʼlimi ustalarini attestatsiyadan oʻtkazish tartibi Oliy taʼlim, fan va innovatsiyalar vazirligi tomonidan belgilanadi va ularga malaka toifalari beriladi”;

6-bandda :

uchinchi — oltinchi xatboshilar chiqarib tashlansin;

yettinchi — oʻn beshinchi xatboshilar tegishlicha uchinchi — oʻn birinchi xatboshilar deb hisoblansin;

toʻqqizinchi xatboshi quyidagi tahrirda bayon etilsin:

“respublika va chet el davlatlariga oʻqishga, qayta tayyorlash va malaka oshirish kurslariga yuborilgan pedagog kadrlar, ular chet elda boʻlgan davrda. Ushbu pedagoglarning malaka toifalari navbatdagi tashkil etiladigan malaka sinovlarigacha saqlanadi”;

8-band quyidagi tahrirda bayon etilsin:

“8. Quyidagi pedagog kadrlarga malaka toifasi (lavozim) toʻgʻridan-toʻgʻri (attestatsiyadan oʻtkazilmasdan) beriladi:

a) Oʻzbekiston Respublikasi Maktabgacha va maktab taʼlimi vazirligi tomonidan roʻyxati tasdiqlanadigan sport musobaqalarining:

tuman (shahar) bosqichi gʻolib tarbiyalanuvchisini (1-oʻrin) tayyorlagan maktabgacha taʼlim tashkilotlarining jismoniy tarbiya yoʻriqchilariga — ikkinchi malaka toifasi (katta oʻqituvchi lavozimi);

Qoraqalpogʻiston Respublikasi, viloyatlar va Toshkent shahar bosqichi gʻolib tarbiyalanuvchisini (1-oʻrin) tayyorlagan maktabgacha taʼlim tashkilotlarining jismoniy tarbiya yoʻriqchilariga — birinchi malaka toifasi (yetakchi oʻqituvchi lavozimi);

xalqaro hamda respublika bosqichi gʻolib va sovrindor tarbiyalanuvchisini (1 — 3-oʻrin) tayyorlagan maktabgacha taʼlim tashkilotlarining jismoniy tarbiya yoʻriqchilariga — oliy malaka toifasi (bosh oʻqituvchi lavozimi);

b) belgilangan tartibda tasdiqlanadigan xalqaro va respublika miqyosidagi sport hamda ommaviy jismoniy tarbiya tadbirlarining respublika, hududiy va jismoniy tarbiya-sport tashkilotlari kalendar-rejalariga kiritiladigan, shuningdek, Oʻzbekiston Respublikasi hududida oʻtkaziladigan xalqaro va respublika miqyosidagi rasmiy sport yoki ommaviy jismoniy tarbiya tadbirlari roʻyxatiga kiritilgan sport musobaqalarining:

tuman (shahar) bosqichi gʻolib oʻquvchisini (1-oʻrin) tayyorlagan taʼlim tashkilotlarining jismoniy tarbiya fani oʻqituvchilariga — ikkinchi malaka toifasi (katta oʻqituvchi lavozimi);

Qoraqalpogʻiston Respublikasi, viloyatlar va Toshkent shahar bosqichi gʻolib oʻquvchisini (1-oʻrin) tayyorlagan taʼlim tashkilotlarining jismoniy tarbiya fani oʻqituvchilariga — birinchi malaka toifasi (yetakchi oʻqituvchi lavozimi);

xalqaro hamda respublika bosqichi gʻolib va sovrindor oʻquvchisini (1 — 3-oʻrin) tayyorlagan taʼlim tashkilotlari jismoniy tarbiya fani oʻqituvchilariga — oliy malaka toifasi (bosh oʻqituvchi lavozimi);

v) jismoniy tarbiya fani olimpiadasining, shuningdek, “Besh tashabbus olimpiadasi”, olimpiya, noolimpiya va milliy sport turlari boʻyicha uch bosqichli umumrespublika sport musobaqalarining:

tuman (shahar) bosqichi gʻolib va sovrindor oʻquvchisini (1 — 3-oʻrin) tayyorlagan taʼlim tashkilotlarining jismoniy tarbiya fani oʻqituvchilariga — ikkinchi malaka toifasi (katta oʻqituvchi lavozimi);

Qoraqalpogʻiston Respublikasi, viloyatlar va Toshkent shahar bosqichi gʻolib va sovrindor oʻquvchisini (1 — 3-oʻrin) tayyorlagan taʼlim tashkilotlarining jismoniy tarbiya fani oʻqituvchilariga — birinchi malaka toifasi (yetakchi oʻqituvchi lavozimi);

respublika (final) bosqichi gʻolib va sovrindor oʻquvchisini (1 — 3-oʻrin) tayyorlagan taʼlim tashkilotlarining jismoniy tarbiya fani oʻqituvchilariga — oliy malaka toifasi (bosh oʻqituvchi lavozimi);

g) xalqaro matematika (IMO), fizika (IPhO), kimyo (IChO), biologiya (IBO) informatika (IOI) olimpiadalarida oltin, kumush yoki bronza medalni (birinchi, ikkinchi va uchinchi oʻrinni) qoʻlga kiritgan sovrindor oʻquvchini tayyorlagan taʼlim tashkilotlarining pedagog kadrlariga — oliy malaka toifasi (bosh oʻqituvchi lavozimi)”;

23-bandda :

quyidagi mazmundagi oltinchi — toʻqqizinchi xatboshilar bilan toʻldirilsin:

“Zaruratga koʻra, maʼlumotlarga aniqlik kiritish maqsadida, pedagog kadrdan quyidagi qoʻshimcha hujjatlar talab qilinishi mumkin:

pedagogning familiyasi yoki ismi oʻzgarganligi toʻgʻrisidagi maʼlumot;

navbatdagi majburiy attestatsiyaga jalb etilmasdan navbatdan tashqari attestatsiyaga jalb qilinishiga asos boʻladigan hujjatlar;

pedagog kadrlar toʻgʻridan-toʻgʻri attestatsiyadan oʻtkazilmasdan, malaka toifasi (lavozim) sertifikatini olish uchun asos boʻladigan hujjatlar”;

oltinchi va yettinchi xatboshilar tegishlicha oʻninchi va oʻn birinchi xatboshilar deb hisoblansin;

31-bandning ikkinchi xatboshisi quyidagi tahrirda bayon etilsin:

“Vakolatli vazirliklar tomonidan maktabgacha, umumiy oʻrta va maktabdan tashqari taʼlim tashkilotlari pedagog kadrlari uchun mutaxassislik fani va kasb standarti boʻyicha bilim darajasini aniqlash hamda pedagogik mahoratini baholash, oʻrta maxsus va professional taʼlim tashkilotlari pedagog kadrlari uchun oʻquv fani boʻyicha malaka sinovlarini (keyingi oʻrinlarda — malaka sinovlari) oʻtkazish shakli hamda jadvali har yili malaka sinovlari boshlanishidan 10 kun oldin tasdiqlanib, ularning rasmiy veb-saytida eʼlon qilinadi, tegishli vazirliklar va idoralarga hamda vakolatli vazirlikning rasmiy veb-saytidagi pedagog kadrning shaxsiy kabinetiga yuboriladi”;

33-band quyidagi tahrirda bayon etilsin:

“33. Pedagog kadrlar ikki bosqichda attestatsiyadan oʻtkaziladi hamda ikkita bosqich boʻyicha umumiy 100 ballik tizimda baholanadi.

Bunda:

a) maktabgacha, umumiy oʻrta va maktabdan tashqari taʼlim tashkilotlari pedagog kadrlari boʻyicha (umumiy oʻrta taʼlim maktablarining musiqa madaniyati hamda jismoniy tarbiya fanlari oʻqituvchilaridan tashqari) birinchi bosqichda — pedagogning mutaxassislik fani va kasb standarti boʻyicha bilim darajasi, ikkinchi bosqichda — pedagogik mahorati baholanadi;

oʻrta maxsus va professional taʼlim tashkilotlari pedagog kadrlari boʻyicha birinchi bosqichda — pedagog kadrning pedagogik mahorati va psixologik tayyorgarligi baholanadi, ikkinchi bosqichda — oʻquv fani boʻyicha bilim darajasi baholanadi;

b) umumiy oʻrta taʼlim maktablarining musiqa madaniyati hamda jismoniy tarbiya fanlari oʻqituvchilarining amaliy (ijodiy) imtihonlarini oʻtkazish tartibi Maktabgacha va maktab taʼlimi vazirligi hamda Madaniyat vazirligi va Sport vazirligi tomonidan belgilanadi”;

34-band quyidagi mazmundagi yettinchi va sakkizinchi xatboshilar bilan toʻldirilsin:

“Oʻrta maxsus va professional taʼlim tashkilotlari pedagog kadrlari uchun ikkinchi bosqichda — pedagogning oʻquv fani boʻyicha bilim darajasini aniqlash uchun 40 ta test topshirigʻi beriladi.

Har bir toʻgʻri bajarilgan test topshirigʻi 2 ball bilan baholanib, test sinovlari uchun jami 80 ball beriladi”;

34 1 -bandning ikkinchi xatboshisi quyidagi tahrirda bayon etilsin:

“Har bir toʻgʻri bajarilgan test topshirigʻi 2 ball (umumiy oʻrta taʼlim maktablarining musiqa madaniyati hamda jismoniy tarbiya fanlari oʻqituvchilariga 1 ball) bilan baholanib, test sinovlari uchun jami 80 ball (umumiy oʻrta taʼlim maktablarining musiqa madaniyati hamda jismoniy tarbiya fanlari oʻqituvchilariga 40 ball) beriladi”;

35-band quyidagi tahrirda bayon etilsin:

“35. Maktabgacha, umumiy oʻrta va maktabdan tashqari taʼlim tashkilotlari pedagog kadrlari uchun (umumiy oʻrta taʼlim maktablarining musiqa madaniyati hamda jismoniy tarbiya fanlari oʻqituvchilaridan tashqari) ikkinchi bosqichda — pedagogik mahoratni aniqlash maqsadida ilgʻor pedagogik uslub va texnologiyalarni (“case study” uslubi, loyihalar uslubi, hamkorlikda oʻqitish, “amaliy oʻyin”, interfaol taʼlim uslubi va boshqalar) qoʻllash boʻyicha 10 ta topshiriq beriladi. Har bir toʻgʻri berilgan javob 2 ball bilan baholanib, jami 20 ball beriladi.

Umumiy oʻrta taʼlim maktablarida musiqa madaniyati hamda jismoniy tarbiya fanlari oʻqituvchilari uchun ikkinchi bosqich amaliy imtihonlari 60 ball bilan baholanadi”;

36-bandning uchinchi xatboshisi quyidagi tahrirda bayon etilsin:

“Umumiy oʻrta, oʻrta maxsus va professional taʼlim tashkilotlarining kamida S1 darajadagi milliy yoki unga mos darajadagi xalqaro tan olingan sertifikatga ega chet (ingliz, fransuz, nemis, ispan, italyan, arab, xitoy, yapon, koreys, turk, fors, pushtu, dari, urdu, hind) tili yoki Oliy taʼlim, fan va innovatsiyalar vazirligi huzuridagi Bilim va malakalarni baholash agentligi tomonidan beriladigan kamida B+ (avvalgi tizimda 80 ball yoki undan yuqori) darajadagi umumtaʼlim fanini bilish darajasi toʻgʻrisida sertifikatga ega fan oʻqituvchilariga (boshlangʻich taʼlim oʻqituvchilari bundan mustasno) sertifikatning amal qilish davrida navbatdagi majburiy attestatsiyada mutaxassislik fani va kasb standarti boʻyicha bilim darajasini aniqlash hamda oʻquv fani boʻyicha malaka sinovidan maksimal ball beriladi hamda ular ushbu oʻquv fani boʻyicha malaka sinovidan ozod etiladi. Bunda sertifikatga ega pedagoglar ikkinchi bosqich sinovida ishtirok etishlari majburiy hisoblanadi”;

37-bandda :

quyidagi mazmundagi beshinchi — oʻninchi xatboshilar bilan toʻldirilsin:

“Bunda umumiy oʻrta taʼlim maktablarining musiqa madaniyati fani oʻqituvchilari uchun:

birinchi bosqich — Maktabgacha va maktab taʼlimi vazirligi tomonidan oʻtkaziladigan test sinovlari;

ikkinchi bosqich — Madaniyat vazirligi tomonidan bolalar musiqa va sanʼat maktablarida tashkil etiladigan amaliy (ijodiy) imtihon.

Umumiy oʻrta taʼlim maktablarining jismoniy tarbiya fani oʻqituvchilari uchun:

birinchi bosqich — Maktabgacha va maktab taʼlimi vazirligi tomonidan oʻtkaziladigan test sinovlari;

ikkinchi bosqich — Sport vazirligi tomonidan sport maktablarida tashkil etiladigan amaliy imtihon”;

beshinchi va oltinchi xatboshilar tegishlicha oʻn birinchi va oʻn ikkinchi xatboshilar deb hisoblansin;

40-bandning birinchi xatboshisi quyidagi tahrirda bayon etilsin:

“40. Taʼlim tashkilotlarining jismoniy tarbiya fani oʻqituvchilari uchun nazariy (ogʻzaki, yozma) sinovlar toʻrtta savoldan iborat boʻladi va belgilangan vaqtda, toʻliq hamda toʻgʻri javob berilganligiga koʻra har bir topshiriq uchun 5 balldan, jami 20 ballik tizimda baholanadi (umumiy oʻrta taʼlim maktablarining jismoniy tarbiya fani oʻqituvchilari bundan mustasno)”;

43 2 -bandning uchinchi xatboshisidagi hamda 43 9 -banddagi tegishli kelishikdagi “Taʼlim inspeksiyasi” soʻzlari tegishli kelishikdagi “vakolatli vazirliklar” soʻzlari bilan almashtirilsin;

44-bandda :

quyidagi mazmundagi “d” kichik band bilan toʻldirilsin:

“d) oliy maʼlumotga ega boʻlmagan pedagog kadrlarga malaka toifalari berilmaydi, ular:

55 ball va undan yuqori koʻrsatkichga ega boʻlsa — attestatsiyadan oʻtgan, lavozimi saqlangan;

55 balldan kam koʻrsatkichga ega boʻlsa — attestatsiyadan oʻtmagan, oʻqituvchi lavozimiga muvofiq emas, deb hisoblanadi”;

oʻn yettinchi va oʻn sakkizinchi xatboshilar tegishlicha yigirmanchi va yigirma birinchi xatboshilar deb hisoblansin;

yigirma birinchi xatboshidagi “Mutaxassis” soʻzi “Oliy maʼlumotga ega boʻlmagan hamda mutaxassis” soʻzlari bilan almashtirilsin;

44 1 -band quyidagi tahrirda bayon etilsin:

“44 1 . Ish beruvchi mehnat shartnomasini bekor qilmagan taqdirda, navbatdagi majburiy attestatsiyadan oʻta olmagan oliy maʼlumotga ega boʻlmagan hamda mutaxassis (oliy maʼlumotli oʻqituvchi) lavozimidagi pedagog kadr navbatdan tashqari attestatsiyaga koʻpi bilan ketma-ket ikki marta jalb etiladi. Bunda ikki martadan birortasida ham navbatdan tashqari attestatsiyadan oʻta olmagan yoki uzrli sababsiz (kasallikka chalinishi oqibatida mehnatga qobiliyatsizlik davrida hamda davlat yoki jamoat vazifalarini bajarganligidan tashqari hollarda) attestatsiyada ishtirok etmagan pedagog kadr bilan tuzilgan mehnat shartnomasi mehnat toʻgʻrisidagi qonunchilik hujjatlarida belgilangan tartibda xodimning malakasi yetarli boʻlmaganligi sababli bekor qilinadi.

Attestatsiyadan oʻta olmagan oliy maʼlumotga ega boʻlmagan hamda mutaxassis (oliy maʼlumotli oʻqituvchi) lavozimidagi pedagog kadrlarni ketma-ket ikki marta navbatdan tashqari attestatsiyaga jalb etishga pedagog kadr faoliyat koʻrsatayotgan taʼlim tashkilotining rahbari shaxsan javobgar hisoblanadi.

Attestatsiyadan oʻta olmaganligi sababli mehnat toʻgʻrisidagi qonunchilik hujjatlarida belgilangan tartibda pedagoglarning mehnat shartnomasi (xodimning malakasi yetarli boʻlmaganligi sababli) bekor qilingan taqdirda, pedagog kadr faqat oʻz xohishi bilan navbatdan tashqari Kasbiy sertifikatlash sinovida ishtirok etib, sertifikatni qoʻlga kiritgan holdagina, yana pedagog sifatida ishga qabul qilinishi mumkin”;

47-bandning birinchi xatboshisidagi “Attestatsiya yakunlanganidan soʻng” soʻzlari “Apellyatsiya jarayonlari yakunlanganidan soʻng” soʻzlari bilan almashtirilsin;

48-band quyidagi mazmundagi ikkinchi — toʻrtinchi xatboshilar bilan toʻldirilsin:

“Pedagog kadrlarni attestatsiyadan oʻtkazish va malaka toifalari berish tizimi xalqaro eʼtirof etilgan vakolatli xorijiy tashkilotlarning akkreditatsiyasidan oʻtkazilgandan soʻng attestatsiyada ishtirok etib, 86 va undan yuqori ball olgan pedagoglarning bazaviy tarif stavkalariga qoʻshimcha 70 foiz ustama belgilanadi.

Bunda qoʻshimcha ustama faqat malaka sinovida (ikkala bosqichda) ishtirok etib, oliy va birinchi malaka toifasiga erishgan (yoki saqlagan) pedagoglarga beriladi. Belgilangan darajadagi milliy yoki unga mos darajadagi xalqaro sertifikatga ega boʻlganligi sababli navbatdagi majburiy attestatsiyada mutaxassislik fani va kasb standarti boʻyicha bilim darajasini aniqlash hamda oʻquv fani boʻyicha malaka sinovidan berilgan maksimal ball eʼtiborga olinmaydi. Ushbu pedagoglar hamda majburiy attestatsiyaga jalb etilmaydigan malaka toifasiga ega pedagog kadrlar oʻz xohishiga koʻra navbatdan tashqari attestatsiyada ishtirok etish orqali ustamaga ega boʻlishlari mumkin.

Ustamaning amal qilish muddati ikki yil boʻlib, muddat yakunlangandan soʻng ustama uchun sinovlarda qayta ishtirok etish mumkin boʻladi”;

52-bandning birinchi xatboshisidagi “boshlangandan keyin oʻn kun ichida” soʻzlari “boshlangunga qadar” soʻzlari bilan almashtirilsin;

55-band quyidagi mazmundagi ikkinchi xatboshi bilan toʻldirilsin:

“Shuningdek, apellyatsiya shikoyatini koʻrib chiqish jarayonida vakolatli vazirliklar rahbarlarining buyrugʻiga asosan biriktirilgan hududiy masʼullar hamda guruh nazoratchilarini ularga tegishli masalalar boʻyicha jalb qilishga haqli”;

57-band quyidagi tahrirda bayon etilsin:

“57. Ariza (shikoyat) roʻyxatga olingan kundan boshlab oʻn kun muddatda, qoʻshimcha oʻrganishlar talab etilganda esa malaka toifasi sertifikatlari shakllantirilgunga qadar koʻrib chiqiladi”;

60-band quyidagi tahrirda bayon etilsin:

“60. Apellyatsiya komissiyasi qarori nusxasi apellyatsiya komissiyasi qarori chiqqan kundan eʼtiboran besh kun muddatda vakolatli vazirlikning rasmiy veb-saytidagi murojaat etuvchi pedagog kadrning shaxsiy kabinetiga yuboriladi”;

5-ilovaning matni quyidagi tahrirda bayon etilsin:

“Oʻrta maxsus va professional taʼlim tashkilotlari pedagog kadrlarining pedagogik mahorati va psixologik tayyorgarligini

T/r Baholash obyekti Ball I. Oʻrta maxsus va professional taʼlim tashkilotlari pedagog kadrlarining pedagogik mahoratini baholash mezonlari a) ochiq darslar oʻtganligi uchun (muntazam ravishda): 3 ball uch marta ochiq dars oʻtilgan boʻlsa (har oʻquv yili davomida) 3 ball ikki marta ochiq dars oʻtilgan boʻlsa (har oʻquv yili davomida) 2 ball bir marta ochiq dars oʻtilgan boʻlsa (har oʻquv yili davomida) 1 ball b) oʻquvchilarning oʻquv fanidan reyting koʻrsatkichlari uchun (sinf jurnallari asosida) 3 ball 86 — 100 foiz 3 ball 71 — 85 foiz 2 ball 55 — 70 foiz 1 ball v) taʼlim berish vositalari, shakllari va axborot-kommunikatsiya texnologiyalaridan dars jarayonida foydalanganligi uchun 3 ball taʼlim berish vositalari, shakllari va axborot-kommunikatsiya texnologiyalaridan dars jarayonida foydalanganligi uchun 3 ball taʼlim berish vositalari va shakllaridan dars jarayonida foydalanganligi uchun 2 ball g) oʻquv qoʻllanmasi, namunaviy dastur yozishda qatnashganlik, ilmiy maqolalar va boshqa ilmiy yutuqlar uchun: 3 ball oʻquv qoʻllanmalar va namunaviy dasturlar yozishda qatnashganligi uchun 3 ball oʻquv qoʻllanmasi yozishda qatnashganligi uchun 2 ball ilmiy maqolalar va boshqa ilmiy yutuqlarga erishganligi uchun 1 ball d) pedagog kadrlarning turli kasbiy koʻrik-tanlovlar va musobaqalarda erishgan yutuqlari uchun: 3 ball xalqaro va respublika miqyosida 3 ball Qoraqalpogʻiston Respublikasi, viloyatlar va Toshkent shahri miqyosida 2 ball tuman (shahar) miqyosida 1 ball Jami 15 ball II. Oʻrta maxsus va professional taʼlim tashkilotlari pedagog kadrlarining psixologik tayyorgarligini baholash mezonlari Darslarning (mashgʻulotlarning) psixologik tahlillari natijalari ijobiy boʻlsa, taʼlim oluvchilar (tarbiyalanuvchilar) va ularning ota-onalari (oʻrnini bosuvchi shaxslar) tomonidan pedagog kadrning faoliyati yuzasidan shikoyatlar boʻlmasa 5 ball Darslarning (mashgʻulotlarning) psixologik tahlillari natijalari ijobiy boʻlsa, taʼlim oluvchilar (tarbiyalanuvchilar) va ularning ota-onalari (oʻrnini bosuvchi shaxslar) tomonidan pedagog kadrning faoliyati yuzasidan bitta shikoyat boʻlsa 3 ball Darslarning (mashgʻulotlarning) psixologik tahlillari natijalari ijobiy boʻlsa, taʼlim oluvchilar (tarbiyalanuvchilar) va ularning ota-onalari (oʻrnini bosuvchi shaxslar) tomonidan pedagog kadrning faoliyati yuzasidan bittadan ortiq shikoyat boʻlsa 1 ball Darslarning (mashgʻulotlarning) psixologik tahlillari natijalari ijobiy boʻlmasa, taʼlim oluvchilar (tarbiyalanuvchilar) va ularning ota-onalari (oʻrnini bosuvchi shaxslar) tomonidan pedagog kadrning faoliyati yuzasidan bittadan ortiq shikoyat boʻlsa 0 ball Jami 5 ball

7. Vazirlar Mahkamasining “Taʼlim darajasi yuqori boʻlmagan maktablarga malakali oʻqituvchi-pedagoglarni jalb qilish chora-tadbirlari toʻgʻrisida” 2021-yil 15-oktabrdagi 646-son qarorining 2-bandi “a” kichik bandi uchinchi xatboshisi chiqarib tashlansin.

8. Vazirlar Mahkamasining “Prezident taʼlim muassasalari agentligi huzuridagi Pedagogik mahorat va xalqaro baholash ilmiy-amaliy markazi faoliyatini tashkil etish toʻgʻrisida” 2021-yil 7-dekabrdagi 741-son qarorida :

a) nomi va muqaddimadagi “Prezident taʼlim muassasalari agentligi” soʻzlari “Oʻzbekiston Respublikasi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi” soʻzlari bilan almashtirilsin;

b) 1-bandda :

ikkinchi va uchinchi xatboshilaridagi “Prezident taʼlim muassasalari agentligi” soʻzlari “Oʻzbekiston Respublikasi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi” soʻzlari bilan almashtirilsin;

quyidagi mazmundagi toʻqqizinchi — oʻn birinchi xatboshilar bilan toʻldirilsin:

“davlat va nodavlat umumtaʼlim muassasalari oʻquvchilarining bilimini baholash;

taʼlim va ilmiy-tadqiqot sohalariga doir innovatsion loyihalarni amalga oshirish;

pedagog kadrlarga malaka toifasi berish sinovlarini tashkil qilishda Maktabgacha va maktab taʼlimi vazirligiga koʻmaklashish”;

v) 3-bandda :

uchinchi xatboshidagi “Moliya vazirligi Gʻaznachiligida” soʻzlari “Iqtisodiyot va moliya vazirligi huzuridagi Gʻaznachilik xizmati qoʻmitasida” soʻzlari bilan almashtirilsin;

beshinchi xatboshidagi “Davlat test markazining” soʻzlari “Oliy taʼlim, fan va innovatsiyalar vazirligi huzuridagi Bilim va malakalarni baholash agentligining” soʻzlari bilan almashtirilsin.

9. Vazirlar Mahkamasining “Xalq taʼlimi vaziri jamgʻarmasi faoliyatini tashkil etish chora-tadbirlari toʻgʻrisida” 2022-yil 2-avgustdagi 425-son qarorida :

a) nomidagi “Xalq taʼlimi vaziri” soʻzlari “Maktabgacha va maktab taʼlimi vaziri” soʻzlari bilan almashtirilsin;

b) muqaddima quyidagi tahrirda bayon etilsin:

“Oʻzbekiston Respublikasi Prezidentining “2022 — 2026-yillarda maktab taʼlimini rivojlantirish boʻyicha milliy dasturni tasdiqlash toʻgʻrisida” 2022-yil 11-maydagi PF-134-son Farmoni ijrosi yuzasidan, shuningdek, maktabgacha va maktab taʼlimi tizimida mehnat faoliyatini amalga oshirayotgan, tarbiyalanuvchilari hamda oʻquvchilari yuqori natijalarga erishgan malakali pedagog kadrlarning mehnatini ragʻbatlantirish hamda oʻz ustida doimiy ishlaydigan, oʻzining oʻqitish uslubiga va xalq orasida obroʻ-eʼtiborga ega boʻlgan oʻqituvchilarni yanada qoʻllab-quvvatlash maqsadida Vazirlar Mahkamasi qaror qiladi”;

v) 1-bandda :

birinchi xatboshidagi “xalq” soʻzi “maktab” soʻzi bilan almashtirilsin;

ikkinchi xatboshidagi “Xalq taʼlimi vazirligining” soʻzlari “Maktabgacha va maktab taʼlimi vazirligining” soʻzlari bilan almashtirilsin;

g) 3-bandda :

ikkinchi xatboshi quyidagi tahrirda bayon etilsin:

“Maktabgacha va maktab taʼlimi vazirligi tizimidagi maktabgacha taʼlim tashkilotlari va umumiy oʻrta taʼlim muassasalarida (keyingi oʻrinlarda — taʼlim tashkilotlari) faoliyat yuritayotgan malakali pedagog kadrlarga har oylik ustama toʻlash”;

uchinchi xatboshidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

quyidagi mazmundagi toʻrtinchi va beshinchi xatboshilar bilan toʻldirilsin:

“A. Avloniy nomidagi pedagogik mahorat milliy instituti hamda Qoraqalpogʻiston Respublikasi va viloyatlar pedagogik mahorat markazlariga chet ellik mutaxassislarni jalb qilish va ularning mehnatiga haq toʻlash bilan bogʻliq xarajatlarni qoplash;

Bahodir Jalolov nomidagi boksga ixtisoslashtirilgan sport maktabi va Oksana Chusovitina nomidagi gimnastikaga ixtisoslashtirilgan sport maktabi xodimlariga har oylik 100 (yuz) foizgacha ustama toʻlovlarini toʻlash”;

toʻrtinchi — yettinchi xatboshilar tegishlicha oltinchi — toʻqqizinchi xatboshilar deb hisoblansin;

d) 4-bandda :

birinchi xatboshidagi “Xalq taʼlimi vazirining” soʻzlari “Maktabgacha va maktab taʼlimi vazirining” soʻzlari bilan almashtirilsin;

toʻrtinchi xatboshidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

e) 1-ilovaning matni quyidagi tahrirda bayon etilsin:

“Maktabgacha va maktab taʼlimi vazirining jamgʻarmasi toʻgʻrisida

1-bob. Umumiy qoidalar

1. Mazkur Nizom Maktabgacha va maktab taʼlimi vaziri jamgʻarmasi (keyingi oʻrinlarda — Jamgʻarma) mablagʻlarini shakllantirish va undan foydalanish, Jamgʻarma mablagʻlari hisobidan Maktabgacha va maktab taʼlimi tizimidagi pedagog xodimlarni ragʻbatlantirish tartibini belgilaydi.

2. Jamgʻarma yuridik shaxs hisoblanmaydi va uning mablagʻlari Oʻzbekiston Respublikasi Maktabgacha va maktab taʼlimi vazirligining (keyingi oʻrinlarda — Vazirlik) Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasi (keyingi oʻrinlarda — Gʻaznachilik xizmati qoʻmitasi) shaxsiy gʻazna hisobvaragʻida jamlanadi.

3. Jamgʻarma mablagʻlari hisobidan malakali pedagog kadrlarga har oylik ustama mazkur Nizomga ilovaga muvofiq sxema asosida toʻlanadi.

4. Ushbu Nizomda quyidagi asosiy tushunchalardan foydalaniladi:

nomzodlar — taʼlim tashkilotlarida faoliyat yuritayotgan, belgilangan kvota doirasida pedagog kadrlar attestatsiyasining birinchi bosqichi — pedagogning mutaxassislik fani va kasb standarti boʻyicha bilim darajasini aniqlash natijalariga koʻra umumiy ballning kamida 80 foizini qoʻlga kiritgan fan oʻqituvchilari hamda maktabgacha taʼlim tashkilotlarining tarbiyachilari;

malakali pedagog kadrlar — taʼlim tashkilotlarida faoliyat yuritayotgan, mutaxassislik fani va kasb standarti boʻyicha bilim darajasi, pedagogik mahorati yuqori boʻlgan hamda mazkur nizom talablariga javob beradigan fan oʻqituvchilari hamda maktabgacha taʼlim tashkilotlarining tarbiyachilari;

ilgʻor xodimlar — maktabgacha va maktab taʼlimi tizimida faoliyat yuritayotgan:

taʼlim sifatini oshirishga oʻz hissasini qoʻshgan hamda samarali faoliyat yuritayotgan rahbar kadrlar va xodimlar, psixologlar va kutubxonachilar;

oʻz faoliyatida yuqori natijalarga erishgan yoki oʻz mahorat maktabini tashkil qilgan metodistlar;

respublika boʻyicha tashabbus koʻrsatgan, ishlari respublika va xalqaro miqyosda ommalashgan yoki maktabgacha va maktab taʼlimi tizimida samarali faoliyat yuritayotgan pedagog kadrlar;

mobil metodik guruhlar — Oʻzbekiston Respublikasi Prezidentining “Xalq taʼlimi tizimini isloh qilish boʻyicha qoʻshimcha chora-tadbirlar toʻgʻrisida” 2022-yil 3-fevraldagi F-22-son farmoyishiga muvofiq hududlardagi taʼlim sifati past, muhiti ogʻir boʻlgan maktablarga borib pedagoglarga ilgʻor oʻqitish metodikalari va innovatsiyalarga oʻrgatish tizimini yoʻlga qoʻyish maqsadida tashkil etilgan metodik guruhlar;

taʼlim sifatini oshirish boʻyicha Vazirlik tomonidan amalga oshirilayotgan loyihalarni amaliyotga tatbiq etishda ekspert sifatida ishtirok etgan pedagog kadrlar.

2-bob. Jamgʻarma mablagʻlarini shakllantirish

5. Jamgʻarma mablagʻlari quyidagi manbalar hisobidan shakllantiriladi:

Oʻzbekiston Respublikasi Davlat budjetidan ajratiladigan mablagʻlar;

Jamgʻarmaning vaqtincha boʻsh turgan mablagʻlarini tijorat banklariga joylashtirishdan olinadigan daromadlar;

yuridik va jismoniy shaxslarning, shu jumladan, Oʻzbekiston Respublikasi norezidentlarining homiylik xayriyalari;

xalqaro moliya tashkilotlari, xorijiy davlatlarning grantlari va texnik koʻmaklashish mablagʻlari;

qonunchilik hujjatlarida taqiqlanmagan boshqa manbalar.

3-bob. Jamgʻarma mablagʻlaridan foydalanish

6. Jamgʻarmaning mablagʻlari quyidagi maqsadlarda sarflanadi:

Vazirlik tizimidagi taʼlim tashkilotlarida faoliyat yuritayotgan malakali pedagog kadrlarga har oylik ustama toʻlash;

Vazirlik tizimida faoliyat yuritayotgan ilgʻor xodimlarga bir martalik pul mukofotini toʻlash;

Oʻzbekiston Respublikasi Prezidentining “Iqtidorli yoshlarni aniqlash va yuqori malakali kadrlar tayyorlashning uzluksiz tizimini tashkil etish chora-tadbirlari toʻgʻrisida” 2019-yil 3-maydagi PQ-4306-son qaroriga muvofiq xalqaro va asosiy olimpiadaning respublika bosqichida gʻolib boʻlgan oʻquvchilarni tayyorlagan pedagog kadrlarga bir martalik pul mukofotlarini toʻlash;

A. Avloniy nomidagi pedagogik mahorat milliy instituti hamda Qoraqalpogʻiston Respublikasi va viloyatlar pedagogik mahorat markazlariga chet ellik mutaxassislarni jalb qilish va ularning mehnatiga haq toʻlash bilan bogʻliq xarajatlarni qoplash;

Bahodir Jalolov nomidagi boksga ixtisoslashtirilgan sport maktabi va Oksana Chusovitina nomidagi gimnastikaga ixtisoslashtirilgan sport maktabi xodimlariga har oylik 100 (yuz) foizgacha ustama toʻlovlarini toʻlash;

malakali pedagog kadrlar va ilgʻor xodimlarni saralash bilan bogʻliq xarajatlarni qoplash;

hududlardagi taʼlim sifati past, muhiti ogʻir boʻlgan maktablarga borib, pedagoglarga ilgʻor oʻqitish metodikalari va innovatsiyalarga oʻrgatish tizimini yoʻlga qoʻyish maqsadida tashkil etilgan metodik guruhlar faoliyatini tashkil etish bilan bogʻliq xarajatlarni qoplash, shu jumladan, ushbu guruhlar tarkibiga jalb etilgan mutaxassislarni ragʻbatlantirish;

taʼlim sohasida xizmat koʻrsatuvchi vakolatli xalqaro tashkilotlarni jalb qilgan holda pedagog kadrlarning umumtaʼlim fanlari hamda tarbiyachilik kasbi boʻyicha bilim darajasi va pedagogik mahoratini baholash tizimini ishlab chiqish hamda amaliyotga joriy qilish bilan bogʻliq xarajatlarni qoplash.

Jamgʻarma mablagʻlarining ushbu bandda nazarda tutilmagan boshqa maqsadlarga yoʻnaltirilishiga yoʻl qoʻyilmaydi.

7. Jamgʻarmaning joriy yilda foydalanilmagan mablagʻlari respublika budjetiga qaytarilmaydi va ulardan keyingi yillarda foydalaniladi.

4-bob. Malakali pedagog kadrlar va ilgʻor xodimlarni ragʻbatlantirish tartibi

8. Malakali pedagog kadrlarga har oylik ustama toʻlash ishlarini muvofiqlashtirish uchun har yili 10-yanvarga qadar Vazirlikda doimiy ravishda ishlaydigan Ishchi guruh (keyingi oʻrinlarda — Ishchi guruh) tuziladi.

Ishchi guruh tarkibi Oʻzbekiston Respublikasi maktabgacha va maktab taʼlimi vazirining buyrugʻi bilan tasdiqlanadi.

Ishchi guruh tarkibiga faol jamoatchilik vakillari jalb qilinadi.

9. Har oylik ustama toʻlanadigan malakali pedagog kadrlarni saralash ikki bosqichda quyidagi tartibda amalga oshiriladi:

a) Vazirlik har oylik ustama toʻlanadigan malakali pedagog kadrlarning respublika boʻyicha cheklangan yillik sonini (keyingi oʻrinlarda — kvota) har yili 20-yanvarga qadar belgilaydi;

b) Ishchi guruh har yili 1-fevralga qadar kvotani taʼlim tashkilotlari soni, fan yoʻnalishlari boʻyicha faoliyat yuritib kelayotgan pedagoglar hamda tarbiyachilar sonidan kelib chiqib, “Maktabgacha taʼlim”, “Boshlangʻich taʼlim”, “Filologiya fanlari”, “Ijtimoiy fanlar”, “Aniq fanlar”, “Tabiiy va iqtisodiy fanlar”, “Amaliy fanlar” yoʻnalishlari (keyingi oʻrinlarda — fan yoʻnalishlari) boʻyicha Qoraqalpogʻiston Respublikasi, viloyatlar va Toshkent shahri (keyingi oʻrinlarda — hududlar) kesimida taqsimlaydi;

v) Ishchi guruh tomonidan kvotaga mos ravishda tegishli yil uchun Jamgʻarma hisobidan har oylik ustama toʻlanadigan malakali pedagog kadrlarni saralab olish quyidagi bosqichlarda amalga oshiriladi:

1-bosqichda — kvota belgilangan yildan avvalgi yilning yanvar — iyun va sentabr — dekabr oylarida boʻlib oʻtgan taʼlim tashkilotlari pedagog kadrlarini attestatsiyadan oʻtkazishning birinchi bosqichi — pedagogning mutaxassislik fani va kasb standarti boʻyicha bilim darajasini aniqlash (keyingi oʻrinlarda — malaka sinovlari) natijalari har yili 1-martga qadar tahlil qilinadi va nomzodlar roʻyxati shakllantiriladi hamda 2-bosqichga oʻtkaziladigan nomzodlar quyidagi tartibda tanlab olinadi:

hududlar kesimida fan yoʻnalishlari boʻyicha taqsimlangan har bitta kvota uchun nomzodlar orasidan malaka sinovlaridan eng yuqori natijani koʻrsatgan uchta nomzod tanlab olinadi. Bunda:

nomzodlar malaka sinovlarida bir necha marotaba ishtirok etsa yoki bir necha fandan ishtirok etgan taqdirda eng yuqori natijani qayd etgan fani boʻyicha yoki attestatsiya navbati tanlanadi;

agarda nomzod ikkita fan boʻyicha ham nomzod sifatida tanlab olingan taqdirda qaysi fanni tanlash oʻqituvchi tomonidan amalga oshiriladi;

nomzodlarning ballari teng boʻlgan taqdirda, ularni tanlab olish quyidagi ketma-ketlikda amalga oshiriladi:

nomzodning amaldagi malaka toifasi darajasi yuqoriligi;

Vazirlik tizimidagi tashkilotlardagi koʻp yillik ish stajiga egaligi;

yuqoridagi barcha holatlarda ham ballar teng kelib qolgan taqdirda, istisno tariqasida, pedagoglarning barchasi ikkinchi bosqichga oʻtkaziladi;

2-bosqichda — 1-bosqich yakunlangandan soʻng 60 ish kuni ichida tanlab olingan nomzodlarning kasbiy mahoratini baholash uchun suhbat oʻtkaziladi. Bunda:

suhbat oʻtkazish tartibi va mezonlari Oʻzbekiston Respublikasi maktabgacha va maktab taʼlimi vazirining buyrugʻi bilan tasdiqlanadi;

nomzodlarning kasbiy mahoratini baholash jarayonlari videoyozuvga olinadi;

2-bosqich jarayonlari yakunida birinchi va ikkinchi bosqich ballari qoʻshilgan holda umumiy ballar chiqariladi hamda eng yaxshi natija egalariga belgilangan kvota doirasida ustama belgilanadi;

g) saralash natijalariga koʻra Jamgʻarma hisobidan har oylik ustama olishga tavsiya etilgan umumtaʼlim tashkilotlarining malakali pedagog kadrlariga mehnatga haq toʻlashning eng kam miqdorining 5,5 baravari, maktabgacha taʼlim tashkilotlari tarbiyachilariga 2 baravari miqdorida har oylik ustama toʻlanadi;

d) Jamgʻarma hisobidan har oylik ustama olishga tavsiya etilgan malakali pedagog kadrlar roʻyxati saralash yakunlangandan soʻng 15 ish kuni ichida Oʻzbekiston Respublikasi maktabgacha va maktab taʼlimi vazirining buyrugʻi bilan tasdiqlanadi.

10. Pedagog xodimlarga navbatdagi majburiy attestatsiyada mutaxassislik fani va kasb standarti boʻyicha bilim darajasini aniqlash hamda oʻquv fani boʻyicha malaka sinovidan imtiyoz sifatida berilgan maksimal ball inobatga olinmaydi.

Ushbu pedagog xodimlar hamda navbatdagi majburiy attestatsiyaga jalb etilmaydigan umumiy oʻrta taʼlim tashkilotlarida faoliyat yuritayotgan fan oʻqituvchilari va maktabgacha taʼlim tashkilotlarida faoliyat yuritayotgan tarbiyachilari oʻz xohishiga koʻra, tegishli yilda tashkil etiladigan attestatsiyada navbatdan tashqari ishtirok etish orqali Jamgʻarma hisobidan har oylik ustama toʻlanadigan malakali pedagog kadrlarni saralashining 1-bosqichida ishtirok etishi mumkin.

11. Bir martalik pul mukofotini olishi belgilangan ilgʻor xodimlar Oʻzbekiston Respublikasi maktabgacha va maktab taʼlimi vaziri tomonidan buyruq bilan tasdiqlanadi.

12. Bir martalik pul mukofoti mehnatga haq toʻlashning eng kam miqdorining 5,5 baravari miqdorida toʻlanadi.

13. Jamgʻarma mablagʻlari hisobidan har oylik ustama olish huquqiga ega boʻlgan malakali pedagog kadrlar va bir martalik pul mukofotini olishi belgilangan ilgʻor xodimlar Vazirlik tomonidan taʼlim sifatini oshirish, yangi innovatsion loyihalarni amalga oshirish, maʼnaviy-maʼrifiy tadbirlarni oʻtkazish va boshqa yoʻnalishda tashkil etiladigan ishchi guruhlar va ekspertlar tarkibiga jamoatchilik asosida jalb etilishi mumkin.

14. Jamgʻarma mablagʻlari hisobidan har oylik ustama olish huquqiga ega boʻlgan malakali pedagog kadrlar roʻyxati Vazirlikning rasmiy veb-saytida eʼlon qilinadi.

5-bob. Jamgʻarma faoliyatini tashkil etish tartibi

15. Jamgʻarmaga Davlat budjetidan ajratiladigan mablagʻlar Jamgʻarmaning Gʻaznachilik xizmati qoʻmitasida ochilgan hisobvaragʻiga yoʻnaltiriladi.

Oʻz navbatida, Jamgʻarma ushbu mablagʻlarni Gʻaznachilik xizmati qoʻmitasida ochilgan budjetdan tashqari hisobvaragʻi orqali sarflaydi.

16. Jamgʻarma mablagʻlari hisobidan:

har oylik ustama belgilangan kundan boshlab 9 oy davomida;

bir martalik pul mukofotlari ularni toʻlash boʻyicha Oʻzbekiston Respublikasi maktabgacha va maktab taʼlimi vazirining buyrugʻi chiqqan vaqtdan boshlab bir oy ichida toʻlab beriladi.

17. Jamgʻarma mablagʻlari hisobidan har oylik ustama olayotgan malakali pedagog kadrlarga bir martalik pul mukofotlarini belgilashga yoʻl qoʻyilmaydi.

18. Malakali pedagog kadrlar hamda ilgʻor xodimlarga har oylik ustama va bir martalik pul mukofotlarini toʻlash Jamgʻarmada mavjud boʻlgan mablagʻlar doirasida amalga oshiriladi.

19. Jamgʻarma mablagʻlari hisobidan har oylik ustama maktabgacha va maktab taʼlimi tizimida mehnat qilayotgan shaxslarga, mehnat qonunchiligiga muvofiq haqiqatda ishlagan davriga mutanosib ravishda toʻlanadi.

20. Maktabgacha va umumiy oʻrta taʼlim tashkilotlari direktorlari, tuman (shahar) maktabgacha va maktab taʼlimi boʻlimi boshliqlari, Qoraqalpogʻiston Respublikasi maktabgacha va maktab taʼlimi vaziri, viloyatlar va Toshkent shahar maktabgacha va maktab taʼlimi boshqarmalari (keyingi oʻrinlarda — hududiy boshqarmalar) boshliqlari maktabgacha va maktab taʼlimi tizimidagi faoliyatini tugatgan malakali pedagog kadrlar toʻgʻrisidagi maʼlumotlarni 5 ish kuni ichida belgilangan tartibda yuqori turuvchi tashkilotga yozma ravishda taqdim etadi.

Bunda Vazirlik tizimidagi faoliyatini tugatgan pedagog kadrlarga har oylik ustama toʻlagan va bu haqida oʻz vaqtida yuqori turuvchi tashkilotga yozma xabar bermaganligi uchun tegishli tashkilot rahbari javobgar hisoblanadi hamda ushbu toʻlovlar uning hisobidan qoplanadi.

21. Vazirlik tizimida xodimning ish joyi, lavozimi oʻzgargan holda ham uning har oylik ustamasi saqlab qolinadi va belgilangan muddatga qadar toʻlanadi. Bunda ushbu oʻzgarishlar boʻyicha mazkur Nizomning 20-bandida koʻrsatilgan tartibda xabar beriladi.

22. Oʻzbekiston Respublikasi maktabgacha va maktab taʼlimi vazirining buyrugʻi tasdiqlangandan soʻng 5 ish kuni ichida Jamgʻarma mablagʻi Vazirlik tomonidan tegishli hududiy boshqarmalarning shaxsiy gʻazna hisobvaragʻiga oʻtkaziladi.

Hududiy boshqarmalar tomonidan mablagʻ tegishli tuman (shahar) maktabgacha va maktab taʼlimi boʻlimlariga 3 ish kuni ichida oʻtkazib beriladi.

Tuman (shahar) maktabgacha va maktab taʼlimi boʻlimlari tomonidan mablagʻ 3 ish kuni ichida pedagog xodimlarga ular faoliyat yuritayotgan tashkilotning gʻazna hisobvaragʻiga oʻtkazish orqali toʻlab beriladi.

23. Jamgʻarma hisobidan moliyalashtiriladigan barcha xarajatlar Oʻzbekiston Respublikasi maktabgacha va maktab taʼlimi vazirining buyrugʻi bilan amalga oshiriladi.

6-bob. Yakunlovchi qoidalar

24. Jamgʻarma mablagʻlaridan foydalanish yuzasidan nazorat qonunchilikka muvofiq amalga oshiriladi.

25. Ushbu Nizomni qoʻllashda yuzaga keladigan nizolar qonunchilikda belgilangan tartibda hal etiladi.

26. Mazkur Nizom talablarining buzilishida aybdor boʻlgan shaxslar qonunchilikka muvofiq javob beradilar.

Maktabgacha va maktab taʼlimi vazirining jamgʻarmasi toʻgʻrisidagi nizomga ILOVA

Maktabgacha va maktab taʼlimi vazirining jamgʻarmasi hisobidan malakali pedagog kadrlarga har oylik ustama toʻlash

Bosqichlar Subyektlar Tadbirlar Muddatlar 1-bosqich Maktabgacha va maktab taʼlimi vazirligi Malakali pedagog kadrlarga har oylik ustama toʻlash ishlarini muvofiqlashtirish uchun doimiy ravishda ishlaydigan Ishchi guruh (keyingi oʻrinlarda — Ishchi guruh) tuziladi. Har yili 10-yanvarga qadar 2-bosqich Maktabgacha va maktab taʼlimi vazirligi 1. Har oylik ustama toʻlanadigan malakali pedagog kadrlarning respublika boʻyicha cheklangan sonini belgilaydi. Har yili 20-yanvarga qadar Ishchi guruh 2. Kvotani taʼlim tashkilotlari soni, fan yoʻnalishlari boʻyicha faoliyat yuritib kelayotgan pedagoglar hamda tarbiyachilar sonidan kelib chiqib, “Maktabgacha taʼlim”, “Boshlangʻich taʼlim”, “Filologiya fanlari”, “Ijtimoiy fanlar”, “Aniq fanlar”, “Tabiiy va iqtisodiy fanlar”, “Amaliy fanlar” yoʻnalishlari boʻyicha Qoraqalpogʻiston Respublikasi, viloyatlar va Toshkent shahri kesimida taqsimlaydi. Har yili 1-fevralga qadar 3-bosqich Ishchi guruh 1. 1-bosqichda — kvota belgilangan yildan avvalgi yilning yanvar-iyun va sentabr-dekabr oylarida boʻlib oʻtgan taʼlim tashkilotlari pedagog kadrlarini attestatsiyadan oʻtkazishning birinchi bosqichi — pedagogning mutaxassislik fani va kasb standarti boʻyicha bilim darajasini aniqlash natijalari tahlil qilinadi va nomzodlar roʻyxati shakllantiriladi hamda 2-bosqichga oʻtkaziladigan nomzodlarni tanlab oladi. Har yili 1-martga qadar 2. 2-bosqichda tanlab olingan nomzodlarning kasbiy mahoratini baholash uchun suhbat oʻtkazadi. 1-bosqich yakunlangandan soʻng 60 ish kuni ichida 4-bosqich Maktabgacha va maktab taʼlimi vazirligi 1. Maktabgacha va maktab taʼlimi vaziri jamgʻarmasi (keyingi oʻrinlarda — Jamgʻarma) hisobidan har oylik ustama olishga tavsiya etilgan malakali pedagog kadrlar roʻyxatini tasdiqlaydi. Saralash yakunidan soʻng 15 ish kuni ichida 2. Jamgʻarma mablagʻini Qoraqalpogʻiston Respublikasi maktabgacha va maktab taʼlimi vaziri, viloyatlar va Toshkent shahar maktabgacha va maktab taʼlimi boshqarmalarining (keyingi oʻrinlarda — hududiy boshqarmalar) shaxsiy gʻazna hisobvaragʻiga oʻtkazadi. Maktabgacha va maktab taʼlimi vazirining buyrugʻi qabul qilingandan soʻng 5 ish kuni ichida 5-bosqich Hududiy boshqarmalar Mablagʻni tegishli tuman (shahar) maktabgacha va maktab taʼlimi boʻlimlariga oʻtkazib beradi. 3 ish kuni ichida 6-bosqich Tuman (shahar) maktabgacha va maktab taʼlimi boʻlimlari Mablagʻni pedagog xodimlarga ular faoliyat yuritayotgan tashkilotning gʻazna hisobvaragʻiga oʻtkazish orqali toʻlab beradi. 3 ish kuni ichida ” .

10. Vazirlar Mahkamasining “Prezident, ijod, ixtisoslashtirilgan maktab va maktab-internatlarga oʻquvchilarni saralab olish hamda qabul qilish tartibiga oid normativ-huquqiy hujjatlarni tasdiqlash toʻgʻrisida” 2023-yil 27-maydagi 214-son qarorida :

a) 1-ilovaning 33-bandi birinchi xatboshisi quyidagi tahrirda bayon etilsin:

“33. Ikkinchi bosqich natijasiga koʻra teng natijalar yuzaga kelgan hollarda, yaʼni reytingda 24-oʻrin atrofida tenglik boʻlsa, muammoni yechish va tanqidiy fikrlash yoʻnalishlarining jamlanma bali boʻyicha eng yuqori ball toʻplagan nomzodga, agar shunda ham natijalar teng boʻlsa, imtihonda javobi belgilangan masalalar toifalarining har biri boʻyicha yuqori ball toʻplagan oʻquvchilarga quyidagi tartibda ustunlik beriladi”;

b) 2-ilovada :

4-bandning “b” kichik bandida :

birinchi xatboshi quyidagi tahrirda bayon etilsin:

“b) Prezident maktablarining kirish imtihonlarida ishtirok etish uchun onlayn hujjat topshirish jarayonida ixtiyoriy ravishda hududdagi (Qoraqalpogʻiston Respublikasi, viloyatlar va Toshkent shahri) ixtisoslashtirilgan maktablardan birini tanlagan, Prezident maktablarining 5-sinfiga kirish imtihonlarining 2-bosqichida ishtirok etib, oʻqishga qabul qilinmagan 48 nafar oʻquvchi ballar ketma-ketligida hujjat topshirgan ixtisoslashtirilgan maktabning aniq fanlar yoʻnalishi uchun belgilangan qabul kvotasining 50 foizidan oshmagan holda oʻqishga qabul qilinadi”;

ikkinchi xatboshi chiqarib tashlansin;

uchinchi xatboshi ikkinchi xatboshi deb hisoblansin;

17-band quyidagi mazmundagi yettinchi xatboshi bilan toʻldirilsin:

“Bunda kirish imtihonlari natijalariga koʻra oʻquvchining toʻplagan ballari bir nechta ixtisoslashtirilgan maktablarga qabul qilish uchun yetarli boʻlgan taqdirda u tanlagan birinchi maktabga oʻqishga qabul qilinadi”;

37-band quyidagi tahrirda bayon etilsin:

“37. Kirish imtihonlari natijalaridan norozi boʻlgan oʻquvchilarning murojaatlari apellyatsiya komissiyasi tomonidan Agentlik direktori tomonidan belgilanadigan tartib asosida koʻrib chiqiladi.

Agentlikda tuzilgan apellyatsiya komissiyasiga Agentlik direktori oʻrinbosari, hududlardagi taʼlim muassasalarida tashkil qilinadigan apellyatsiya komissiyasiga muassasa direktori raislik qiladi”;

43-band quyidagi mazmundagi ikkinchi xatboshi bilan toʻldirilsin:

“Mazkur Nizomning 47-bandida nazarda tutilgan hollar bundan mustasno”;

47-bandning ikkinchi xatboshisi quyidagi tahrirda bayon etilsin:

“Ixtisoslashtirilgan maktablarga oʻquv yilining I choragi yakuniga qadar ballar ketma-ketligi boʻyicha oʻquvchilar qabul qilinadi”;

v) 3-ilova quyidagi mazmundagi 2 1 -band bilan toʻldirilsin:

“2 1 . Agentlik tomonidan har yili oʻtkaziladigan umumiy oʻrta taʼlim muassasalari oʻquvchilari oʻrtasida badiiy adabiyot va sanʼat sohasida iqtidorli yoshlarni saralashga qaratilgan tuman (shahar) va viloyat bosqichlaridan iborat tanlovning viloyat bosqichida sovrinli 1, 2 va 3-oʻrinlarni qoʻlga kiritgan 6-sinf oʻquvchilari ijod maktablariga umumiy qabul parametrlari doirasida kirish imtihonisiz oʻqishga qabul qilinadi”.

11. Vazirlar Mahkamasining 2023-yil 25-dekabrdagi 681-son qarori bilan tasdiqlangan Davlat umumiy oʻrta taʼlim muassasalari direktori lavozimiga nomzodlarni menejerlik oʻquv kurslarida oʻqitish va ularga menejerlik sertifikatini berish tartibi toʻgʻrisidagi nizomning 49-bandi quyidagi tahrirda bayon etilsin:

“49. Apellyatsiya komissiyasi yakuniy sinov boshlangandan keyin ikki kun ichida Institut rektorining buyrugʻi asosida 3 yoki 5 nafardan iborat tarkibda tuziladi.

Apellyatsiya komissiyasi aʼzoligiga Institutning budjetdan tashqari jamgʻarmasi hisobidan fuqarolik-huquqiy shartnoma asosida malakali mutaxassislar jalb etiladi”.

12. Vazirlar Mahkamasining “Davlat umumiy oʻrta taʼlim tashkilotlari pedagog kadrlarini kasbiy sertifikatlash boʻyicha davlat xizmatlarini koʻrsatishning maʼmuriy reglamentini tasdiqlash toʻgʻrisida” 2024-yil 12-fevraldagi 87-son qarorida :

a) 3-bandda :

quyidagi mazmundagi ikkinchi xatboshi bilan toʻldirilsin:

“stajyor-oʻqituvchilar bir yilga ishga qabul qilinadilar, muddat yakunlangandan soʻng, faqat kasbiy sertifikat olgan yoki navbatdan tashqari pedagog kadrlar attestatsiyasida ishtirok etib, kamida mutaxassis (oliy maʼlumotli oʻqituvchi) lavozimi saqlangan darajada koʻrsatkichga ega boʻlgan pedagoglar bilan belgilangan tartibda oʻqituvchi sifatida mehnat shartnomasi tuziladi”;

ikkinchi va uchinchi xatboshilar tegishlicha uchinchi va toʻrtinchi xatboshilar deb hisoblansin;

uchinchi xatboshi quyidagi tahrirda bayon etilsin:

“2023/2024 oʻquv yilidan boshlab umumiy oʻrta taʼlim tashkilotlarida pedagog kasbiga birinchi marta ishga qabul qilingan stajyor-oʻqituvchilar, 2024/2025 oʻquv yilidan boshlab esa pedagoglar attestatsiyasidan oʻta olmagan, mutaxassis (oliy maʼlumotli oʻqituvchi) lavozimiga muvofiq emas, deb topilgan pedagog kadrlar ham kasbiy sertifikatlash sinovlariga jalb etiladi”;

b) ilovada :

2-bandning oltinchi xatboshisi quyidagi tahrirda bayon etilsin:

“ talabgor — kasbiy sertifikat olishga daʼvogar boʻlgan davlat umumiy oʻrta taʼlim tashkilotidagi hamda avval kasbiy sertifikatlashda ishtirok etib, oʻta olmagan stajyor-oʻqituvchi yoki mutaxassis lavozimidagi, shuningdek, pedagoglar attestatsiyasidan oʻta olmagan, mutaxassis (oliy maʼlumotli oʻqituvchi) lavozimiga muvofiq emas, deb topilgan pedagog kadrlar”;

7-band quyidagi mazmundagi uchinchi xatboshi bilan toʻldirilsin:

“Bunda belgilangan muddat davomida kasbiy sertifikatni ola olmaganligi sababli oʻqituvchi sifatida mehnat shartnomasi tuzilmagan yoki pedagoglar attestatsiyasidan oʻta olmaganligi sababli mehnat shartnomasi bekor qilingan mutaxassis lavozimidagi pedagog kadrlar oxirgi ish joylarini koʻrsatgan holda roʻyxatdan oʻtadilar”;

9-band quyidagi mazmundagi toʻrtinchi va beshinchi xatboshilar bilan toʻldirilsin:

“toifaga ega pedagog kadrlar;

pedagog kadrlar attestatsiyasida ishtirok etib, kamida mutaxassis (oliy maʼlumotli oʻqituvchi) lavozimi saqlangan darajada koʻrsatkichga ega boʻlgan pedagoglar”;

14-band quyidagi tahrirda bayon etilsin:

“14. Nazorat sinovida ishtirok etish uchun roʻyxatdan oʻtib, nazorat sinovida uzrli sabablar (vaqtincha mehnatga qobiliyatsizligi, davlat yoki jamoat vazifalarini bajarayotganligi, respublika va xalqaro musobaqalarda ishtirok etganligi, vaqtincha xorijiy mamlakatda safarda boʻlib turganligi, yaqin qarindoshi vafot etganligi, vakolatli davlat organi yoki taʼlim tashkilotlari rahbarlarining maʼlumotnomasida koʻrsatilgan asoslar)ga koʻra ishtirok etmagan talabgor, tegishli hujjatlar taqdim etilgan holda, nazorat sinovidan oʻtmagan hisoblanadi hamda keyingi tashkil etiladigan nazorat sinovida ishtirok etish uchun qaytadan roʻyxatdan oʻtishi talab etiladi”.

13. Vazirlar Mahkamasining 2024-yil 27-avgustdagi 531-son qarori bilan tasdiqlangan Davlat maktabgacha taʼlim tashkilotlari direktori lavozimiga nomzodlarni menejerlik oʻquv kurslarida oʻqitish va ularga menejerlik sertifikatini berish tartibi toʻgʻrisidagi nizomning 51-bandi quyidagi tahrirda bayon etilsin:

“51. Apellyatsiya komissiyasi yakuniy sinov boshlangandan keyin ikki kun ichida Institut rektorining buyrugʻi asosida 3 yoki 5 nafardan iborat tarkibda tuziladi.

Apellyatsiya komissiyasi aʼzoligiga Institutning budjetdan tashqari jamgʻarmasi hisobidan fuqarolik-huquqiy shartnoma asosida malakali mutaxassislar jalb etiladi”.

Oʻzbekiston Respublikasining Bosh vaziri A. ARIPOV

Toshkent sh.,

2025-yil 28-fevral,

130-son

(Qonunchilik maʼlumotlari milliy bazasi, 01.03.2025-y., 09/25/130/0199-son)

lex.uz