UzbekAI

Ўзбекистон Республикаси Истиқболли лойиҳалар миллий агентлиги директорининг

буйруғи

НИЗОМ

РЎЙХАТИ

Қимматли қоғозлар бозорида андеррайтинг фаолияти тўғрисидаги низомни тасдиқлаш ҳақида

Ўзбекистон Республикасининг « Қимматли қоғозлар бозори тўғрисида »ги ҳамда « Акциядорлик жамиятлари ва акциядорларнинг ҳуқуқларини ҳимоя қилиш тўғрисида »ги қонунларига мувофиқ буюраман:

1. Қимматли қоғозлар бозорида андеррайтинг фаолияти тўғрисидаги низом 1-иловага мувофиқ тасдиқлансин.

2. Айрим идоравий норматив-ҳуқуқий ҳужжатлар 2-иловага мувофиқ ўз кучини йўқотган деб топилсин.

3. Мазкур буйруқ Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ҳамда Ўзбекистон Республикаси Савдо-саноат палатаси билан келишилган.

4. Мазкур буйруқ расмий эълон қилинган кундан эътиборан кучга киради.

Келишилди:

Ўзбекистон Республикаси Истиқболли лойиҳалар миллий агентлиги директорининг 2025 йил 19 февралдаги 15-сон буйруғига 1-ИЛОВА

Қимматли қоғозлар бозорида андеррайтинг фаолияти тўғрисидаги

Мазкур Низом қимматли қоғозлар бозорида андеррайтинг фаолиятини амалга ошириш тартибини, шунингдек қимматли қоғозларни чиқариш ва (ёки) жойлаштиришда эмитент ва андеррайтер ўртасидаги муносабатларнинг асосларини белгилайди.

1-боб. Умумий қоидалар

1. Мазкур Низомда қуйидаги асосий тушунчалар қўлланилади:

эмитент — эмиссиявий қимматли қоғозлар чиқарувчи ва улар юзасидан қимматли қоғозларнинг эгалари олдида мажбуриятлари бўлган юридик шахс ;

андеррайтер — андеррайтинг фаолиятини амалга оширувчи инвестиция воситачиси ёки тижорат банки;

андеррайтинг фаолияти (андеррайтинг) — эмитент ва андеррайтер (андеррайтерлар) ўртасидаги шартномада белгиланган шартлар асосида эмитентнинг қимматли қоғозларини чиқарилишини ташкиллаштириш ва/ёки кафолатли жойлаштириш бўйича хизматлар кўрсатиш фаолияти;

андеррайтинг хизматини кўрсатиш тўғрисидаги шартнома — бир томондан, маълум бир нархда жойлаштирилиши керак бўлган қимматли қоғозларни чиқараётган эмитент ва бошқа томондан андеррайтер (андеррайтерлар) ўртасидаги шартнома;

қимматли қоғозлар — ҳужжатлар бўлиб, улар мазкур ҳужжатларни чиқарган юридик шахс билан уларнинг эгаси ўртасидаги мулкий ҳуқуқларни ёки қарз муносабатларини тасдиқлайди, дивидендлар ёки фоизлар тарзида даромад тўлашни ҳамда ушбу ҳужжатлардан келиб чиқадиган ҳуқуқларни бошқа шахсларга ўтказиш имкониятини назарда тутади ;

инвестиция меморандуми — эмитент ҳақида барча зарур маълумотларни ўз ичига олган ҳамда қимматли қоғозларни жойлаштириш нархи тўғрисидаги ахборотларни ва битим тафсилотларини кўрсатмайдиган инвесторларга тақдим этиш учун олдиндан тайёрланган ҳужжатлар тўплами;

қимматли қоғозлар бозорини тартибга солиш бўйича ваколатли давлат органи — Ўзбекистон Республикаси Истиқболли лойиҳалар миллий агентлиги .

2-боб. Андеррайтинг фаолияти ва уни ташкил этиш тартиби

2. Андеррайтинг фаолиятини амалга ошириш учун:

инвестиция воситачилари қимматли қоғозлар бозорини тартибга солиш бўйича ваколатли давлат органи томонидан инвестиция воситачиси сифатида фаолиятни амалга ошириш ҳуқуқини берувчи лицензияга ;

тижорат банклари эса Ўзбекистон Республикаси Марказий банки томонидан банк фаолиятини амалга ошириш ҳуқуқини берувчи лицензияга эга бўлиши лозим.

Капитал бозори соҳасида «Тартибга солиш қумдони» махсус ҳуқуқий режимини тақдим қилиш тартиби тўғрисидаги низом (рўйхат рақами 3493, 2024 йил 29 январь) ҳамда мазкур Низом талабларига мувофиқ капитал бозори соҳасида «Тартибга солиш қумдони» махсус ҳуқуқий режими иштирокчилари бўлган инвестиция воситачилари андеррайтинг фаолиятини амалга ошириши мумкин.

3. Андеррайтинг фаолиятининг асосий йўналишлари қуйидагилардан иборат:

эмитент билан биргаликда қимматли қоғозларни чиқариш ва жойлаштиришнинг мақбул тузилмасини шакллантириш;

қимматли қоғозларни чиқаришнинг кутилаётган ҳажмидан қимматли қоғозларни сотиб олиш ҳуқуқига олдиндан обуна ўтказиш;

маркетинг тадқиқотларини ўтказиш, шу жумладан потенциал инвесторлар томонидан чиқарилиши кутилаётган қимматли қоғозлар ҳажмидан уларни сотиб олиш ҳуқуқига амалга оширилган дастлабки обуналардан келиб чиқиб бозор конъюнктураси ва имкониятларини ўрганиш;

қимматли қоғозларни чиқариш ва жойлаштириш билан боғлиқ ҳужжатларни тузиш;

заруратга кўра, андеррайтерларнинг вақтинчалик бирлашмасини шакллантириш ва унинг фаолиятини таъминлаш учун инвестиция воситачилари ва тижорат банкларини танлаш;

андеррайтинг хизматларини кўрсатиш тўғрисидаги шартномада назарда тутилган, қабул қилинган мажбуриятлар ва муддатларга мувофиқ эмитентнинг қимматли қоғозларининг кафолатли жойлаштирилишини ўтказиш (қимматли қоғозларнинг чиқарилишларини муайян минимал нархда жойлаштириш);

андеррайтинг хизматларини кўрсатганлик учун андеррайтерларнинг вақтинчалик бирлашмаси аъзолари (иштирокчилари) ўртасида (агар мавжуд бўлса) сотиб олиш ва сотиш фарқидан олинган даромад ёки хизмат ҳақини (мукофотини) тақсимлаш;

эмитентга қимматли қоғозларни жойлаштиришдан тушган маблағларни тўлаш;

инвестиция меморандумини тузиш ва инвесторларга тақдим этиш.

4. Андеррайтер томонидан қимматли қоғозларни кафолатли жойлаштириш турлари қуйидагилардан иборат:

тўлиқ кафолатли жойлаштириш — чиқарилган барча қимматли қоғозларни жойлаштирилиши;

қисман кафолатли жойлаштириш — чиқарилган қимматли қоғозларнинг 10 фоизидан кам бўлмаган қисмининг жойлаштирилиши.

5. Андеррайтинг фаолиятини амалга ошириш жараёнида андеррайтер қуйидаги ҳуқуқларга эга:

қимматли қоғозларни тўлиқ ёки қисман кафолатли дастлабки жойлаштиришга шартнома тузишда эмитентдан қимматли қоғозларнинг номинал қийматидан чегирма тақдим этишни шартнома билан белгиланадиган миқдорда талаб қилиш;

қимматли қоғозларни жойлаштириш шартларини бажармаган тақдирда эмитент олдида жавобгарлик таваккалчилигини суғурта қилиш ;

эмитент акциядорларининг қонуний манфаатларини ҳимоя қилиш учун барча мумкин бўлган чораларни кўриш;

қимматли қоғозларни жойлаштиришда шартномада белгиланган миқдорда эмитентдан хизмат ҳақи олиш.

6. Эмитент андеррайтерга инвестиция меморандумини тузиш ва инвесторларга бериш учун зарур бўлган маълумотларни тақдим этиши шарт.

Инвестиция меморандумида қуйидагилар кўрсатилиши керак:

таъсис ҳужжатларига мувофиқ эмитент томонидан қўйилган мақсадларга эришиш учун эмитентнинг келгуси йил учун стратегияси;

эмитентнинг бошқарув тизимини тавсифлаш (касбий тайёргарлик, бошқарув ходимларининг иш тажрибаси, сўнгги уч йил ичида иш жойлари ва эгаллаб турган лавозимларни кўрсатган ҳолда);

бозордаги рақобат муҳитини ва эмитентнинг улушини таҳлил қилиш, шунингдек эмитент ва тармоқ фаолиятининг тавсифи;

эмитентнинг охирги уч молия йилидаги молиявий натижаларининг (чораклар бўйича) таҳлили, даромадларнинг пасайиши ёки ошиши сабаблари, молиявий қўйилмалар олинганидан (эмиссияни амалга оширишдан) кейинги молиявий натижалар прогнози;

эмитентнинг молиявий камомадини (даромадини) вақтинчалик оралиқ муддатда аниқлаш;

қимматли қоғозлар чиқарилишидан (эмиссиясидан) олинган маблағларни сарфлаш сметаси харажатлари.

Эмитент ва андеррайтерлар ҳар бир потенциал харидорга жойлаштирилган қимматли қоғозларни сотиб олиш пайтига қадар сотиш шарт лари ва эмиссия рисоласи билан танишиш имкониятини беришлари шарт.

Эмитент ва андеррайтерлар эмиссия рисоласида эълон қилинган ахборотнинг ишончлилиги ва тўлиқлиги учун қонунчилик ҳужжатларида белгиланган тартибда биргаликда жавобгар бўладилар.

7. Эмитент томонидан андеррайтерни танлаш:

номзодлар билан андеррайтинг бўйича хизматлар кўрсатиш учун дастлабки музокаралар асосида;

андеррайтинг бўйича хизматлар кўрсатиш ҳуқуқи учун оммавий (ёхуд ёпиқ) танлов (тендер) ўтказиш йўли билан амалга оширилиши мумкин.

3-боб. Андеррайтерларнинг вақтинчалик бирлашмаси

8. Қимматли қоғозларни жойлаштиришда эҳтимолий зарар кўриш таваккалчилигини тақсимлаш мақсадида биргаликда фаолият юритиш учун андеррайтерларнинг вақтинчалик бирлашмаси (бундан буён матнда бирлашма деб юритилади) ташкил этилиши мумкин.

9. Бирлашмани ташкил этиш ташаббускори эмитент томонидан танланган андеррайтер ҳисобланади. Андеррайтинг хизматларини кўрсатиш тўғрисидаги шартнома эмитент билан бирлашма ўртасида қонунчилик ҳужжатлари ва мазкур Низомнинг 15-бандига мувофиқ тузилади.

10. Бирлашма аъзоларининг (иштирокчиларининг) ўзаро муносабатлари ўзаро ҳамкорлик шартномаси билан тартибга солинади.

11. Ўзаро ҳамкорлик шартномасида:

бирлашма аъзоларининг (иштирокчиларининг) рўйхати, уларнинг бирлашмадаги ҳиссаси миқдори;

қарор қабул қилиш тартиби;

бирлашма аъзоларининг (иштирокчиларининг) ҳуқуқлари ва мажбуриятлари;

қонунчиликка мувофиқ бошқа шартлар келишилган бўлиши керак.

12. Эмитент томонидан танланган андеррайтер эмитентдан қўшимча ҳақ олмаган ҳолда бирлашма ички ишларини юритиш ва уларни ташкиллаштиришни амалга оширади.

Бирлашма томонидан амалга оширилган жойлаштириш бўйича харажатлар бирлашма аъзоларининг (иштирокчиларининг) улушларига мутаносиб равишда тақсимланади.

Андеррайтинг хизматларини кўрсатганлик учун хизмат ҳақи (мукофот) эмитент ва бирлашма ўртасида шартномада белгиланган миқдорда тўланади ва қимматли қоғозларни кафолатли жойлаштириш бўйича қабул қилинган мажбуриятларга мутаносиб равишда бирлашма аъзолари (иштирокчилари) ўртасида эмитент томонидан танланган андеррайтер томонидан тақсимланади.

13. Қимматли қоғозларни жойлаштириш тугалланганидан сўнг бирлашма ўз фаолиятини тугатади.

4-боб. Андеррайтинг хизматлари кўрсатиш тўғрисидаги шартнома

14. Эмитент ва андеррайтер ўртасидаги қимматли қоғозларни жойлаштириш жараёнидаги ўзаро муносабатлар улар ўртасида тузилган андеррайтинг хизматларини кўрсатиш тўғрисидаги шартнома билан белгиланади.

15. Андеррайтинг хизматларини кўрсатиш тўғрисидаги шартнома андеррайтер томонидан қонунчиликка мувофиқ тайёрланади ва қуйидаги мажбурий (муҳим) шартларни ўз ичига олади:

қимматли қоғозларни жойлаштириш шартлари ва андеррайтинг хизматининг хусусияти;

эмитент ва андеррайтер (бирлашма) ўртасида қимматли қоғозларни жойлаштириш жараёнида ўзаро муносабатларнинг шартлари ва тартиби;

эмитент билан андеррайтер (бирлашма) ўртасида қимматли қоғозларни жойлаштиришдан кейинги ўзаро муносабатларнинг шартлари ва тартиби (иккиламчи бозорда жойлаштирилган қимматли қоғозларни андеррайтер (бирлашма) томонидан қўллаб-қувватлаш);

андеррайтинг хизматлари учун ҳақ тўлаш миқдори ва тартиби;

қонунчилик ҳужжатларига мувофиқ бошқа шартлар.

5-боб. Андеррайтер фаолиятини назорат қилиш

16. Андеррайтерлар фаолиятини назорат қилиш қимматли қоғозлар бозорини тартибга солиш бўйича ваколатли давлат органи томонидан амалга оширилади .

17. Қимматли қоғозларни жойлаштириш жараёнида андеррайтер томонидан қуйидагиларга йўл қўйилмайди:

инвесторлар учун аҳамиятга эга бўлган ахборотни лозим даражада ошкор қилмасдан туриб андеррайтинг хизматларини амалга ошириш ;

қимматли қоғозлар бозорининг алоҳида бир иштирокчиларига ёки инвесторларга бошқаларга нисбатан имтиёзли ҳуқуқларни тақдим этиш , бундан қонунчиликда назарда тутилган ҳоллар мустасно;

эмитент билан тузилган шартноманинг шартларини бажармаслик, лозим даражада бажармаслик ва (ёки) ўз вақтида бажармаслик ;

эмитентга, бирлашма бўйича ҳамкорларига ёки инвесторларга зарар етказиши мумкин бўлган ҳар қандай ҳаракатлар.

18. Андеррайтер эмитентнинг қимматли қоғозларини жойлаштиришда акциядорлик жамиятининг фойдасини ва қимматли қоғозларнинг ликвидлилигини янада ошишини ҳисобга олиши керак.

19. Андеррайтер мазкур Низом талабларини бажармаганлиги учун қонунчилик ҳужжатларида белгиланган тартибда жавобгар бўлади.

Ўзбекистон Республикаси Истиқболли лойиҳалар миллий агентлиги директорининг 2025 йил 19 февралдаги 15-сон буйруғига 2-ИЛОВА

Ўз кучини йўқотган деб топилаётган идоравий норматив-ҳуқуқий ҳужжатлар

1. Ўзбекистон Республикаси Давлат мулки қўмитаси Қимматли қоғозлар бозори фаолиятини мувофиқлаштириш ва назорат қилиш маркази томонидан 1999 йил 21 декабрда тасдиқланган Қимматли қоғозлар бозорида андеррайтинг фаолияти тўғрисидаги низом (рўйхат рақами 860, 1999 йил 28 декабрь).

2. Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази бош директорининг 2004 йил 3 июндаги 2004-10-сон «Қимматли қоғозлар бозорида андеррайтинг фаолияти тўғрисидаги низомга ўзгартириш ва қўшимчалар киритиш тўғрисида»ги буйруғи (рўйхат рақами 860-1, 2004 йил 14 июнь) (Ўзбекистон Республикаси қонун ҳужжатлари тўплами 2004 й., 24-сон, 281-модда).

3. Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази бош директорининг 2008 йил 24 сентябрдаги 2008-19-сон «Қимматли қоғозлар бозорида андеррайтинг фаолияти тўғрисидаги низомга ўзгартириш ва қўшимчалар киритиш ҳақида»ги буйруғи (рўйхат рақами 860-2, 2008 йил 13 октябрь) (Ўзбекистон Республикаси қонун ҳужжатлари тўплами, 2008 й., 42-сон, 427-модда).

4. Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази бош директорининг 2013 йил 11 декабрдаги 2013-14-сон «Қимматли қоғозлар бозорида андеррайтинг фаолияти тўғрисидаги низомга ўзгартириш киритиш ҳақида»ги буйруғи (рўйхат рақами 860-3, 2013 йил 19 декабрь) (Ўзбекистон Республикаси қонун ҳужжатлари тўплами, 2013 й., 51-сон, 680-модда).

5. Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази бош директорининг 2019 йил 15 мартдаги 2019-19-сон «Қимматли қоғозлар бозорида андеррайтинг фаолияти тўғрисидаги низомнинг 1.3-бандига ўзгартириш киритиш тўғрисида»ги буйруғи (рўйхат рақами 860-4, 2019 йил 9 апрель) (Қонун ҳужжатлари маълумотлари миллий базаси, 09.04.2019 й., 10/19/860-4/2908-сон).

6. Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази бош директорининг 2019 йил 14 октябрдаги 2019-59-сон «Қимматли қоғозлар бозорида андеррайтинг фаолияти тўғрисидаги низомнинг 2.1-бандига ўзгартириш киритиш тўғрисида»ги буйруғи (Қонун ҳужжатлари маълумотлари миллий базаси, 31.10.2019 й., 10/19/860-5/3982-сон).

Директор Д. ЛИ

Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил Д. КАСИМОВ

Савдо-саноат палатаси раиси Д. ВАХАБОВ

Тошкент ш.,

2025 йил 19 февраль,

2025 йил 18 февраль

2025 йил 10 февраль

15-сон

(Қонунчилик маълумотлари миллий базаси, 01.03.2025 й., 10/25/3610/0205-сон)

lex.uz

Oʻzbekiston Respublikasi Istiqbolli loyihalar milliy agentligi direktorining

buyrugʻi

NIZOM

ROʻYXATI

Qimmatli qogʻozlar bozorida anderrayting faoliyati toʻgʻrisidagi nizomni tasdiqlash haqida

Oʻzbekiston Respublikasining “ Qimmatli qogʻozlar bozori toʻgʻrisida ”gi hamda “ Aksiyadorlik jamiyatlari va aksiyadorlarning huquqlarini himoya qilish toʻgʻrisida ”gi qonunlariga muvofiq buyuraman:

1. Qimmatli qogʻozlar bozorida anderrayting faoliyati toʻgʻrisidagi nizom 1-ilovaga muvofiq tasdiqlansin.

2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.

3. Mazkur buyruq Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil hamda Oʻzbekiston Respublikasi Savdo-sanoat palatasi bilan kelishilgan.

4. Mazkur buyruq rasmiy eʼlon qilingan kundan eʼtiboran kuchga kiradi.

Kelishildi:

Oʻzbekiston Respublikasi Istiqbolli loyihalar milliy agentligi direktorining 2025-yil 19-fevraldagi 15-son buyrugʻiga 1-ILOVA

Qimmatli qogʻozlar bozorida anderrayting faoliyati toʻgʻrisidagi

Mazkur Nizom qimmatli qogʻozlar bozorida anderrayting faoliyatini amalga oshirish tartibini, shuningdek qimmatli qogʻozlarni chiqarish va (yoki) joylashtirishda emitent va anderrayter oʻrtasidagi munosabatlarning asoslarini belgilaydi.

1-bob. Umumiy qoidalar

1. Mazkur Nizomda quyidagi asosiy tushunchalar qoʻllaniladi:

emitent — emissiyaviy qimmatli qogʻozlar chiqaruvchi va ular yuzasidan qimmatli qogʻozlarning egalari oldida majburiyatlari boʻlgan yuridik shaxs ;

anderrayter — anderrayting faoliyatini amalga oshiruvchi investitsiya vositachisi yoki tijorat banki;

anderrayting faoliyati (anderrayting) — emitent va anderrayter (anderrayterlar) oʻrtasidagi shartnomada belgilangan shartlar asosida emitentning qimmatli qogʻozlarini chiqarilishini tashkillashtirish va/yoki kafolatli joylashtirish boʻyicha xizmatlar koʻrsatish faoliyati;

anderrayting xizmatini koʻrsatish toʻgʻrisidagi shartnoma — bir tomondan, maʼlum bir narxda joylashtirilishi kerak boʻlgan qimmatli qogʻozlarni chiqarayotgan emitent va boshqa tomondan anderrayter (anderrayterlar) oʻrtasidagi shartnoma;

qimmatli qogʻozlar — hujjatlar boʻlib, ular mazkur hujjatlarni chiqargan yuridik shaxs bilan ularning egasi oʻrtasidagi mulkiy huquqlarni yoki qarz munosabatlarini tasdiqlaydi, dividendlar yoki foizlar tarzida daromad toʻlashni hamda ushbu hujjatlardan kelib chiqadigan huquqlarni boshqa shaxslarga oʻtkazish imkoniyatini nazarda tutadi ;

investitsiya memorandumi — emitent haqida barcha zarur maʼlumotlarni oʻz ichiga olgan hamda qimmatli qogʻozlarni joylashtirish narxi toʻgʻrisidagi axborotlarni va bitim tafsilotlarini koʻrsatmaydigan investorlarga taqdim etish uchun oldindan tayyorlangan hujjatlar toʻplami;

qimmatli qogʻozlar bozorini tartibga solish boʻyicha vakolatli davlat organi — Oʻzbekiston Respublikasi Istiqbolli loyihalar milliy agentligi .

2-bob. Anderrayting faoliyati va uni tashkil etish tartibi

2. Anderrayting faoliyatini amalga oshirish uchun:

investitsiya vositachilari qimmatli qogʻozlar bozorini tartibga solish boʻyicha vakolatli davlat organi tomonidan investitsiya vositachisi sifatida faoliyatni amalga oshirish huquqini beruvchi litsenziyaga ;

tijorat banklari esa Oʻzbekiston Respublikasi Markaziy banki tomonidan bank faoliyatini amalga oshirish huquqini beruvchi litsenziyaga ega boʻlishi lozim.

Kapital bozori sohasida “Tartibga solish qumdoni” maxsus huquqiy rejimini taqdim qilish tartibi toʻgʻrisidagi nizom (roʻyxat raqami 3493, 2024-yil 29-yanvar) hamda mazkur Nizom talablariga muvofiq kapital bozori sohasida “Tartibga solish qumdoni” maxsus huquqiy rejimi ishtirokchilari boʻlgan investitsiya vositachilari anderrayting faoliyatini amalga oshirishi mumkin.

3. Anderrayting faoliyatining asosiy yoʻnalishlari quyidagilardan iborat:

emitent bilan birgalikda qimmatli qogʻozlarni chiqarish va joylashtirishning maqbul tuzilmasini shakllantirish;

qimmatli qogʻozlarni chiqarishning kutilayotgan hajmidan qimmatli qogʻozlarni sotib olish huquqiga oldindan obuna oʻtkazish;

marketing tadqiqotlarini oʻtkazish, shu jumladan potensial investorlar tomonidan chiqarilishi kutilayotgan qimmatli qogʻozlar hajmidan ularni sotib olish huquqiga amalga oshirilgan dastlabki obunalardan kelib chiqib bozor konyunkturasi va imkoniyatlarini oʻrganish;

qimmatli qogʻozlarni chiqarish va joylashtirish bilan bogʻliq hujjatlarni tuzish;

zaruratga koʻra, anderrayterlarning vaqtinchalik birlashmasini shakllantirish va uning faoliyatini taʼminlash uchun investitsiya vositachilari va tijorat banklarini tanlash;

anderrayting xizmatlarini koʻrsatish toʻgʻrisidagi shartnomada nazarda tutilgan, qabul qilingan majburiyatlar va muddatlarga muvofiq emitentning qimmatli qogʻozlarining kafolatli joylashtirilishini oʻtkazish (qimmatli qogʻozlarning chiqarilishlarini muayyan minimal narxda joylashtirish);

anderrayting xizmatlarini koʻrsatganlik uchun anderrayterlarning vaqtinchalik birlashmasi aʼzolari (ishtirokchilari) oʻrtasida (agar mavjud boʻlsa) sotib olish va sotish farqidan olingan daromad yoki xizmat haqini (mukofotini) taqsimlash;

emitentga qimmatli qogʻozlarni joylashtirishdan tushgan mablagʻlarni toʻlash;

investitsiya memorandumini tuzish va investorlarga taqdim etish.

4. Anderrayter tomonidan qimmatli qogʻozlarni kafolatli joylashtirish turlari quyidagilardan iborat:

toʻliq kafolatli joylashtirish — chiqarilgan barcha qimmatli qogʻozlarni joylashtirilishi;

qisman kafolatli joylashtirish — chiqarilgan qimmatli qogʻozlarning 10 foizidan kam boʻlmagan qismining joylashtirilishi.

5. Anderrayting faoliyatini amalga oshirish jarayonida anderrayter quyidagi huquqlarga ega:

qimmatli qogʻozlarni toʻliq yoki qisman kafolatli dastlabki joylashtirishga shartnoma tuzishda emitentdan qimmatli qogʻozlarning nominal qiymatidan chegirma taqdim etishni shartnoma bilan belgilanadigan miqdorda talab qilish;

qimmatli qogʻozlarni joylashtirish shartlarini bajarmagan taqdirda emitent oldida javobgarlik tavakkalchiligini sugʻurta qilish ;

emitent aksiyadorlarining qonuniy manfaatlarini himoya qilish uchun barcha mumkin boʻlgan choralarni koʻrish;

qimmatli qogʻozlarni joylashtirishda shartnomada belgilangan miqdorda emitentdan xizmat haqi olish.

6. Emitent anderrayterga investitsiya memorandumini tuzish va investorlarga berish uchun zarur boʻlgan maʼlumotlarni taqdim etishi shart.

Investitsiya memorandumida quyidagilar koʻrsatilishi kerak:

taʼsis hujjatlariga muvofiq emitent tomonidan qoʻyilgan maqsadlarga erishish uchun emitentning kelgusi yil uchun strategiyasi;

emitentning boshqaruv tizimini tavsiflash (kasbiy tayyorgarlik, boshqaruv xodimlarining ish tajribasi, soʻnggi uch yil ichida ish joylari va egallab turgan lavozimlarni koʻrsatgan holda);

bozordagi raqobat muhitini va emitentning ulushini tahlil qilish, shuningdek emitent va tarmoq faoliyatining tavsifi;

emitentning oxirgi uch moliya yilidagi moliyaviy natijalarining (choraklar boʻyicha) tahlili, daromadlarning pasayishi yoki oshishi sabablari, moliyaviy qoʻyilmalar olinganidan (emissiyani amalga oshirishdan) keyingi moliyaviy natijalar prognozi;

emitentning moliyaviy kamomadini (daromadini) vaqtinchalik oraliq muddatda aniqlash;

qimmatli qogʻozlar chiqarilishidan (emissiyasidan) olingan mablagʻlarni sarflash smetasi xarajatlari.

Emitent va anderrayterlar har bir potensial xaridorga joylashtirilgan qimmatli qogʻozlarni sotib olish paytiga qadar sotish shart lari va emissiya risolasi bilan tanishish imkoniyatini berishlari shart.

Emitent va anderrayterlar emissiya risolasida eʼlon qilingan axborotning ishonchliligi va toʻliqligi uchun qonunchilik hujjatlarida belgilangan tartibda birgalikda javobgar boʻladilar.

7. Emitent tomonidan anderrayterni tanlash:

nomzodlar bilan anderrayting boʻyicha xizmatlar koʻrsatish uchun dastlabki muzokaralar asosida;

anderrayting boʻyicha xizmatlar koʻrsatish huquqi uchun ommaviy (yoxud yopiq) tanlov (tender) oʻtkazish yoʻli bilan amalga oshirilishi mumkin.

3-bob. Anderrayterlarning vaqtinchalik birlashmasi

8. Qimmatli qogʻozlarni joylashtirishda ehtimoliy zarar koʻrish tavakkalchiligini taqsimlash maqsadida birgalikda faoliyat yuritish uchun anderrayterlarning vaqtinchalik birlashmasi (bundan buyon matnda birlashma deb yuritiladi) tashkil etilishi mumkin.

9. Birlashmani tashkil etish tashabbuskori emitent tomonidan tanlangan anderrayter hisoblanadi. Anderrayting xizmatlarini koʻrsatish toʻgʻrisidagi shartnoma emitent bilan birlashma oʻrtasida qonunchilik hujjatlari va mazkur Nizomning 15-bandiga muvofiq tuziladi.

10. Birlashma aʼzolarining (ishtirokchilarining) oʻzaro munosabatlari oʻzaro hamkorlik shartnomasi bilan tartibga solinadi.

11. Oʻzaro hamkorlik shartnomasida:

birlashma aʼzolarining (ishtirokchilarining) roʻyxati, ularning birlashmadagi hissasi miqdori;

qaror qabul qilish tartibi;

birlashma aʼzolarining (ishtirokchilarining) huquqlari va majburiyatlari;

qonunchilikka muvofiq boshqa shartlar kelishilgan boʻlishi kerak.

12. Emitent tomonidan tanlangan anderrayter emitentdan qoʻshimcha haq olmagan holda birlashma ichki ishlarini yuritish va ularni tashkillashtirishni amalga oshiradi.

Birlashma tomonidan amalga oshirilgan joylashtirish boʻyicha xarajatlar birlashma aʼzolarining (ishtirokchilarining) ulushlariga mutanosib ravishda taqsimlanadi.

Anderrayting xizmatlarini koʻrsatganlik uchun xizmat haqi (mukofot) emitent va birlashma oʻrtasida shartnomada belgilangan miqdorda toʻlanadi va qimmatli qogʻozlarni kafolatli joylashtirish boʻyicha qabul qilingan majburiyatlarga mutanosib ravishda birlashma aʼzolari (ishtirokchilari) oʻrtasida emitent tomonidan tanlangan anderrayter tomonidan taqsimlanadi.

13. Qimmatli qogʻozlarni joylashtirish tugallanganidan soʻng birlashma oʻz faoliyatini tugatadi.

4-bob. Anderrayting xizmatlari koʻrsatish toʻgʻrisidagi shartnoma

14. Emitent va anderrayter oʻrtasidagi qimmatli qogʻozlarni joylashtirish jarayonidagi oʻzaro munosabatlar ular oʻrtasida tuzilgan anderrayting xizmatlarini koʻrsatish toʻgʻrisidagi shartnoma bilan belgilanadi.

15. Anderrayting xizmatlarini koʻrsatish toʻgʻrisidagi shartnoma anderrayter tomonidan qonunchilikka muvofiq tayyorlanadi va quyidagi majburiy (muhim) shartlarni oʻz ichiga oladi:

qimmatli qogʻozlarni joylashtirish shartlari va anderrayting xizmatining xususiyati;

emitent va anderrayter (birlashma) oʻrtasida qimmatli qogʻozlarni joylashtirish jarayonida oʻzaro munosabatlarning shartlari va tartibi;

emitent bilan anderrayter (birlashma) oʻrtasida qimmatli qogʻozlarni joylashtirishdan keyingi oʻzaro munosabatlarning shartlari va tartibi (ikkilamchi bozorda joylashtirilgan qimmatli qogʻozlarni anderrayter (birlashma) tomonidan qoʻllab-quvvatlash);

anderrayting xizmatlari uchun haq toʻlash miqdori va tartibi;

qonunchilik hujjatlariga muvofiq boshqa shartlar.

5-bob. Anderrayter faoliyatini nazorat qilish

16. Anderrayterlar faoliyatini nazorat qilish qimmatli qogʻozlar bozorini tartibga solish boʻyicha vakolatli davlat organi tomonidan amalga oshiriladi .

17. Qimmatli qogʻozlarni joylashtirish jarayonida anderrayter tomonidan quyidagilarga yoʻl qoʻyilmaydi:

investorlar uchun ahamiyatga ega boʻlgan axborotni lozim darajada oshkor qilmasdan turib anderrayting xizmatlarini amalga oshirish ;

qimmatli qogʻozlar bozorining alohida bir ishtirokchilariga yoki investorlarga boshqalarga nisbatan imtiyozli huquqlarni taqdim etish , bundan qonunchilikda nazarda tutilgan hollar mustasno;

emitent bilan tuzilgan shartnomaning shartlarini bajarmaslik, lozim darajada bajarmaslik va (yoki) oʻz vaqtida bajarmaslik ;

emitentga, birlashma boʻyicha hamkorlariga yoki investorlarga zarar yetkazishi mumkin boʻlgan har qanday harakatlar.

18. Anderrayter emitentning qimmatli qogʻozlarini joylashtirishda aksiyadorlik jamiyatining foydasini va qimmatli qogʻozlarning likvidliligini yanada oshishini hisobga olishi kerak.

19. Anderrayter mazkur Nizom talablarini bajarmaganligi uchun qonunchilik hujjatlarida belgilangan tartibda javobgar boʻladi.

Oʻzbekiston Respublikasi Istiqbolli loyihalar milliy agentligi direktorining 2025-yil 19-fevraldagi 15-son buyrugʻiga 2-ILOVA

Oʻz kuchini yoʻqotgan deb topilayotgan idoraviy normativ-huquqiy hujjatlar

1. Oʻzbekiston Respublikasi Davlat mulki qoʻmitasi Qimmatli qogʻozlar bozori faoliyatini muvofiqlashtirish va nazorat qilish markazi tomonidan 1999-yil 21-dekabrda tasdiqlangan Qimmatli qogʻozlar bozorida anderrayting faoliyati toʻgʻrisidagi nizom (roʻyxat raqami 860, 1999-yil 28-dekabr).

2. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi bosh direktorining 2004-yil 3-iyundagi 2004-10-son “Qimmatli qogʻozlar bozorida anderrayting faoliyati toʻgʻrisidagi nizomga oʻzgartirish va qoʻshimchalar kiritish toʻgʻrisida”gi buyrugʻi (roʻyxat raqami 860-1, 2004-yil 14-iyun) (Oʻzbekiston Respublikasi qonun hujjatlari toʻplami 2004-y., 24-son, 281-modda).

3. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi bosh direktorining 2008-yil 24-sentabrdagi 2008-19-son “Qimmatli qogʻozlar bozorida anderrayting faoliyati toʻgʻrisidagi nizomga oʻzgartirish va qoʻshimchalar kiritish haqida”gi buyrugʻi (roʻyxat raqami 860-2, 2008-yil 13-oktabr) (Oʻzbekiston Respublikasi qonun hujjatlari toʻplami, 2008-y., 42-son, 427-modda).

4. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi bosh direktorining 2013-yil 11-dekabrdagi 2013-14-son “Qimmatli qogʻozlar bozorida anderrayting faoliyati toʻgʻrisidagi nizomga oʻzgartirish kiritish haqida”gi buyrugʻi (roʻyxat raqami 860-3, 2013-yil 19-dekabr) (Oʻzbekiston Respublikasi qonun hujjatlari toʻplami, 2013-y., 51-son, 680-modda).

5. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi bosh direktorining 2019-yil 15-martdagi 2019-19-son “Qimmatli qogʻozlar bozorida anderrayting faoliyati toʻgʻrisidagi nizomning 1.3-bandiga oʻzgartirish kiritish toʻgʻrisida”gi buyrugʻi (roʻyxat raqami 860-4, 2019-yil 9-aprel) (Qonun hujjatlari maʼlumotlari milliy bazasi, 09.04.2019-y., 10/19/860-4/2908-son).

6. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi bosh direktorining 2019-yil 14-oktabrdagi 2019-59-son “Qimmatli qogʻozlar bozorida anderrayting faoliyati toʻgʻrisidagi nizomning 2.1-bandiga oʻzgartirish kiritish toʻgʻrisida”gi buyrugʻi (Qonun hujjatlari maʼlumotlari milliy bazasi, 31.10.2019-y., 10/19/860-5/3982-son).

Direktor D. LI

Tadbirkorlik subyektlarining huquqlari va qonuniy manfaatlarini himoya qilish boʻyicha vakil D. KASIMOV

Savdo-sanoat palatasi raisi D. VAXABOV

Toshkent sh.,

2025-yil 19-fevral,

2025-yil 18-fevral

2025-yil 10-fevral

15-son

(Qonunchilik maʼlumotlari milliy bazasi, 01.03.2025-y., 10/25/3610/0205-son)

lex.uz

директора Национального агентства перспективных проектов Республики Узбекистан

Приказ

ПЕРЕЧЕНЬ

Об утверждении Положения об андеррайтинговой деятельности на рынке ценных бумаг

В соответствии с законами Республики Узбекистан « О рынке ценных бумаг » и « Об акционерных обществах и защите прав акционеров » приказываю:

1. Утвердить Положение об андеррайтинговой деятельности на рынке ценных бумаг согласно приложению № 1 * .

2. Признать утратившими силу некоторые ведомственные нормативно-правовые акты согласно приложению № 2 .

3. Настоящий приказ согласован с Уполномоченным при Президенте Республики Узбекистан по защите прав и законных интересов субъектов предпринимательства и Торгово-промышленной палатой Республики Узбекистан.

4. Настоящий приказ вступает в силу со дня его официального опубликования.

Согласовано:

ПРИЛОЖЕНИЕ № 2 к приказу директора Национального агентства перспективных проектов Республики Узбекистан от 19 февраля 2025 года № 15

ведомственных нормативно-правовых актов, признаваемых утратившими силу

1. Положение об андеррайтинговой деятельности на рынке ценных бумаг, утвержденное Центром по координации и контролю за функционированием рынка ценных бумаг при Госкомимуществе Республики Узбекистан от 21 декабря 1999 года (рег. № 860 от 28 декабря 1999 года).

2. Приказ генерального директора Центра по координации и контролю за функционированием рынка ценных бумаг при Госкомимуществе Республики Узбекистан от 3 июня 2004 г. № 2004-10 «О внесении изменений и дополнений в Положение об андеррайтинговой деятельности на рынке ценных бумаг» (рег. № 860-1 от 14 июня 2004 года) (Собрание законодательства Республики Узбекистан, 2004 г., № 24, ст. 281).

3. Приказ генерального директора Центра по координации и контролю за функционированием рынка ценных бумаг при Госкомимуществе Республики Узбекистан от 24 сентября 2008 года № 2008-19 «О внесении изменений и дополнений в Положение об андеррайтинговой деятельности на рынке ценных бумаг» (рег. № 860-2 от 13 октября 2008 года) (Собрание законодательства Республики Узбекистан, 2008 г., № 42, ст. 427).

4. Приказ генерального директора Центра по координации и контролю за функционированием рынка ценных бумаг при Госкомимуществе Республики Узбекистан от 11 декабря 2013 года № 2013-14 «О внесении изменения в Положение об андеррайтинговой деятельности на рынке ценных бумаг» (рег. № 860-3 от 19 декабря 2013 года) (Собрание законодательства Республики Узбекистан, 2013 г., № 51, ст. 680).

5. Приказ генерального директора Центра по координации и контролю за функционированием рынка ценных бумаг при Госкомимуществе Республики Узбекистан от 15 марта 2019 года № 2019-19 «О внесении изменения в пункт 1.3 Положения об андеррайтинговой деятельности на рынке ценных бумаг» (рег. № 860-4 от 19 апреля 2019 года) (Национальная база данных законодательства, 09.04.2019 г., № 10/19/860-4/2908).

6. Приказ генерального директора Центра по координации и контролю за функционированием рынка ценных бумаг при Госкомимуществе Республики Узбекистан от 14 октября 2019 года № 2019-59 «О внесении изменения в пункт 2.1 Положения об андеррайтинговой деятельности на рынке ценных бумаг» (рег. № 860-5 от 31 октября 2019 года) (Национальная база данных законодательства, 31.10.2019 г., № 10/19/860-5/3982).

Директор Д. ЛИ

Уполномоченный по защите прав и законных интересов субъектов предпринимательства Д. КАСИМОВ

Председатель Торгово-промышленной палаты Д. ВАХАБОВ

г. Ташкент,

19 февраля 2025 г.,

18 февраля 2025 г.

10 февраля 2025 г.

№ 15

(Национальная база данных законодательства, 01.03.2025 г., № 10/25/3610/0205)

lex.uz