📅 2025-yil 28-fevral · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 28 февраль · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 28 февраля 2025 г. · Законы и кодексы
Официальный текст. Официальный документ. Редакционные примечания не включены.
📅 28 February 2025 · Laws and codes
Official text. Official document. Editorial notes are not included.
Ўзбекистон Республикасининг Қонуни
Донорлик ҳаракатини қўллаб-қувватлаш тизими такомиллаштирилиши муносабати билан Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида
Қонунчилик палатаси томонидан 2025 йил 21 январда қабул қилинган Сенат томонидан 2025 йил 21 февралда маъқулланган
Кейинги йилларда мамлакатимизда қон билан ишлаш хизмати муассасалари фаолиятини янада такомиллаштиришга, шунингдек республика аҳолиси орасида беғараз донорлик ҳаракатини ривожлантиришга қаратилган тизимли ишлар амалга оширилмоқда.
Шу билан бирга қон ва унинг таркибий қисмларини мунтазам равишда ҳамда беғараз топширувчи донорларни қўллаб-қувватлаш ва рағбатлантиришнинг, шунингдек донорликни ривожлантиришнинг ҳуқуқий асосларини қонун даражасида мустаҳкамлаш зарурияти юзага келмоқда.
Мазкур Қонун билан «Шаҳар йўловчилар транспортидан бепул фойдаланишни тартибга солиш тўғрисида»ги ҳамда «Қон ва унинг таркибий қисмлари донорлиги тўғрисида»ги Ўзбекистон Республикаси қонунларига тегишинча «Ўзбекистон Республикаси фахрий донори» кўкрак нишони билан тақдирланган шахслар учун бир йўла бериладиган пул мукофоти миқдори оширилишини, шунингдек уларга шаҳар йўловчилар транспортидан (бундан йўналишли ва йўналишсиз таксилар мустасно) бепул фойдаланиш, ўзлари учун қулай бўлган вақтда ҳар йилги меҳнат таътилига чиқиш ҳамда санаторий-курортларда даволаниш учун йўлланмаларни навбатсиз олиш ҳуқуқи берилишини назарда тутувчи қўшимча ва ўзгартиришлар киритилмоқда.
Ушбу Қонун донорларни қўллаб-қувватлаш ва рағбатлантиришнинг қўшимча ҳуқуқий асосларини яратиш орқали қон ва унинг таркибий қисмлари донорлигини ривожлантиришга, шунингдек аҳоли орасида беғараз донорлик маданиятини шакллантиришга хизмат қилади.
1-модда. Ўзбекистон Республикасининг 1996 йил 30 августда қабул қилинган «Шаҳар йўловчилар транспортидан бепул фойдаланишни тартибга солиш тўғрисида»ги 278-I-сонли Қонунининг (Ўзбекистон Республикаси Олий Мажлисининг Ахборотномаси, 1996 йил, № 9, 141-модда; Ўзбекистон Республикаси Олий Мажлиси палаталарининг Ахборотномаси, 2009 йил, № 12, 470-модда; 2022 йил, № 5, 464-модда; 2024 йил, № 10, 1076-модда) 1-моддасига қуйидаги қўшимча ва ўзгартириш киритилсин:
қуйидаги мазмундаги еттинчи хатбоши билан тўлдирилсин:
«Ўзбекистон Республикаси фахрий донори» кўкрак нишони билан тақдирланган шахслар»;
еттинчи , саккизинчи ва тўққизинчи хатбошилар тегишинча саккизинчи, тўққизинчи ва ўнинчи хатбошилар деб ҳисоблансин.
2-модда. Ўзбекистон Республикасининг 2002 йил 30 августда қабул қилинган «Қон ва унинг таркибий қисмлари донорлиги тўғрисида»ги 402-II-сонли Қонунига (Ўзбекистон Республикаси Олий Мажлисининг Ахборотномаси, 2002 йил, № 9, 162-модда; Ўзбекистон Республикаси Олий Мажлиси палаталарининг Ахборотномаси, 2016 йил, № 4, 125-модда; 2019 йил, № 12, 880-модда; 2021 йил, 4-сонга илова; 2023 йил, № 11, 922-модда; 2024 йил, № 9, 958-модда) қуйидаги қўшимча ва ўзгартиришлар киритилсин:
1) 14-модданинг биринчи қисми :
қуйидаги мазмундаги иккинчи хатбоши билан тўлдирилсин:
«аҳоли орасида беғараз донорлик маданиятини шакллантириш, донорлик ҳаракатини кенг жамоатчилик иштирокида ривожлантириш, донорларга сифатли хизматлар кўрсатиш ва улар учун қулай шарт-шароитлар яратиш чораларини кўрадилар»;
иккинчи , учинчи ва тўртинчи хатбошилари тегишинча учинчи, тўртинчи ва бешинчи хатбошилар деб ҳисоблансин;
2) 21-модда :
биринчи қисми қуйидаги таҳрирда баён этилсин:
«Қон ва унинг таркибий қисмларини мунтазам равишда ҳамда бепул топширувчи донор «Ўзбекистон Республикаси фахрий донори» кўкрак нишони билан тақдирланади ва базавий ҳисоблаш миқдорининг ўн беш баравари миқдорида бир йўла бериладиган пул мукофоти олади»;
иккинчи қисмидаги «(«Почетный донор Республики Узбекистан»)» деган сўзлар чиқариб ташлансин;
қуйидаги мазмундаги учинчи қисм билан тўлдирилсин:
«Ўзбекистон Республикаси фахрий донори» кўкрак нишони билан тақдирланган донорларга:
ўзлари учун қулай бўлган вақтда ҳар йилги меҳнат таътилига чиқиш;
шаҳар йўловчилар транспортидан (йўналишли ва йўналишсиз таксилардан ташқари) бепул фойдаланиш;
санаторий-курортларда даволаниш учун йўлланмаларни навбатсиз олиш ҳуқуқи берилади»;
учинчи қисми тўртинчи қисм деб ҳисоблансин.
3-модда. Ўзбекистон Республикаси Соғлиқни сақлаш вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
4-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
5-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2025 йил 28 февраль,
ЎРҚ-1041-сон
Oʻzbekiston Respublikasining Qonuni
Donorlik harakatini qoʻllab-quvvatlash tizimi takomillashtirilishi munosabati bilan Oʻzbekiston Respublikasining ayrim qonun hujjatlariga qoʻshimcha va oʻzgartirishlar kiritish toʻgʻrisida
Qonunchilik palatasi tomonidan 2025-yil 21-yanvarda qabul qilingan Senat tomonidan 2025-yil 21-fevralda maʼqullangan
Keyingi yillarda mamlakatimizda qon bilan ishlash xizmati muassasalari faoliyatini yanada takomillashtirishga, shuningdek respublika aholisi orasida begʻaraz donorlik harakatini rivojlantirishga qaratilgan tizimli ishlar amalga oshirilmoqda.
Shu bilan birga qon va uning tarkibiy qismlarini muntazam ravishda hamda begʻaraz topshiruvchi donorlarni qoʻllab-quvvatlash va ragʻbatlantirishning, shuningdek donorlikni rivojlantirishning huquqiy asoslarini qonun darajasida mustahkamlash zaruriyati yuzaga kelmoqda.
Mazkur Qonun bilan “Shahar yoʻlovchilar transportidan bepul foydalanishni tartibga solish toʻgʻrisida”gi hamda “Qon va uning tarkibiy qismlari donorligi toʻgʻrisida”gi Oʻzbekiston Respublikasi qonunlariga tegishincha “Oʻzbekiston Respublikasi faxriy donori” koʻkrak nishoni bilan taqdirlangan shaxslar uchun bir yoʻla beriladigan pul mukofoti miqdori oshirilishini, shuningdek ularga shahar yoʻlovchilar transportidan (bundan yoʻnalishli va yoʻnalishsiz taksilar mustasno) bepul foydalanish, oʻzlari uchun qulay boʻlgan vaqtda har yilgi mehnat taʼtiliga chiqish hamda sanatoriy-kurortlarda davolanish uchun yoʻllanmalarni navbatsiz olish huquqi berilishini nazarda tutuvchi qoʻshimcha va oʻzgartirishlar kiritilmoqda.
Ushbu Qonun donorlarni qoʻllab-quvvatlash va ragʻbatlantirishning qoʻshimcha huquqiy asoslarini yaratish orqali qon va uning tarkibiy qismlari donorligini rivojlantirishga, shuningdek aholi orasida begʻaraz donorlik madaniyatini shakllantirishga xizmat qiladi.
1-modda. Oʻzbekiston Respublikasining 1996-yil 30-avgustda qabul qilingan “Shahar yoʻlovchilar transportidan bepul foydalanishni tartibga solish toʻgʻrisida”gi 278-I-sonli Qonunining (Oʻzbekiston Respublikasi Oliy Majlisining Axborotnomasi, 1996-yil, № 9, 141-modda; Oʻzbekiston Respublikasi Oliy Majlisi palatalarining Axborotnomasi, 2009-yil, № 12, 470-modda; 2022-yil, № 5, 464-modda; 2024-yil, № 10, 1076-modda) 1-moddasiga quyidagi qoʻshimcha va oʻzgartirish kiritilsin:
quyidagi mazmundagi yettinchi xatboshi bilan toʻldirilsin:
“Oʻzbekiston Respublikasi faxriy donori” koʻkrak nishoni bilan taqdirlangan shaxslar”;
yettinchi , sakkizinchi va toʻqqizinchi xatboshilar tegishincha sakkizinchi, toʻqqizinchi va oʻninchi xatboshilar deb hisoblansin.
2-modda. Oʻzbekiston Respublikasining 2002-yil 30-avgustda qabul qilingan “Qon va uning tarkibiy qismlari donorligi toʻgʻrisida”gi 402-II-sonli Qonuniga (Oʻzbekiston Respublikasi Oliy Majlisining Axborotnomasi, 2002-yil, № 9, 162-modda; Oʻzbekiston Respublikasi Oliy Majlisi palatalarining Axborotnomasi, 2016-yil, № 4, 125-modda; 2019-yil, № 12, 880-modda; 2021-yil, 4-songa ilova; 2023-yil, № 11, 922-modda; 2024-yil, № 9, 958-modda) quyidagi qoʻshimcha va oʻzgartirishlar kiritilsin:
1) 14-moddaning birinchi qismi :
quyidagi mazmundagi ikkinchi xatboshi bilan toʻldirilsin:
“aholi orasida begʻaraz donorlik madaniyatini shakllantirish, donorlik harakatini keng jamoatchilik ishtirokida rivojlantirish, donorlarga sifatli xizmatlar koʻrsatish va ular uchun qulay shart-sharoitlar yaratish choralarini koʻradilar”;
ikkinchi , uchinchi va toʻrtinchi xatboshilari tegishincha uchinchi, toʻrtinchi va beshinchi xatboshilar deb hisoblansin;
2) 21-modda :
birinchi qismi quyidagi tahrirda bayon etilsin:
“Qon va uning tarkibiy qismlarini muntazam ravishda hamda bepul topshiruvchi donor “Oʻzbekiston Respublikasi faxriy donori” koʻkrak nishoni bilan taqdirlanadi va bazaviy hisoblash miqdorining oʻn besh baravari miqdorida bir yoʻla beriladigan pul mukofoti oladi”;
ikkinchi qismidagi “(“Pochetniy donor Respubliki Uzbekistan”)” degan soʻzlar chiqarib tashlansin;
quyidagi mazmundagi uchinchi qism bilan toʻldirilsin:
“Oʻzbekiston Respublikasi faxriy donori” koʻkrak nishoni bilan taqdirlangan donorlarga:
oʻzlari uchun qulay boʻlgan vaqtda har yilgi mehnat taʼtiliga chiqish;
shahar yoʻlovchilar transportidan (yoʻnalishli va yoʻnalishsiz taksilardan tashqari) bepul foydalanish;
sanatoriy-kurortlarda davolanish uchun yoʻllanmalarni navbatsiz olish huquqi beriladi”;
uchinchi qismi toʻrtinchi qism deb hisoblansin.
3-modda. Oʻzbekiston Respublikasi Sogʻliqni saqlash vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
4-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
5-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2025-yil 28-fevral,
OʻRQ-1041-son
Закон Республики Узбекистан
О внесении дополнений и изменений в некоторые законодательные акты Республики Узбекистан в связи с совершенствованием системы поддержки донорского движения
Принят Законодательной палатой 21 января 2025 года Одобрен Сенатом 21 февраля 2025 года
В последние годы в нашей стране осуществляется системная работа, направленная на дальнейшее совершенствование деятельности учреждений службы крови, а также развитие безвозмездного донорского движения среди населения республики.
Вместе с тем возникает необходимость закрепления на законодательном уровне правовых основ поддержки и стимулирования доноров, систематически и безвозмездно сдающих кровь и ее компоненты, а также развития донорства.
Данным Законом в законы Республики Узбекистан «Об упорядочении бесплатного пользования городским пассажирским транспортом» и «О донорстве крови и ее компонентов» соответственно вносятся дополнения и изменения, предусматривающие увеличение размера единовременного денежного вознаграждения для лиц, награжденных нагрудным знаком «Ўзбекистон Республикаси фахрий донори», а также предоставление им права бесплатного пользования городским пассажирским транспортом (за исключением маршрутных и линейных такси), выхода в ежегодный трудовой отпуск в удобное для них время и внеочередного получения путевок для санаторно-курортного лечения.
Настоящий Закон послужит развитию донорства крови и ее компонентов путем создания дополнительных правовых основ поддержки и стимулирования доноров, а также формированию культуры безвозмездного донорства среди населения.
Статья 1. Внести в статью 1 Закона Республики Узбекистан от 30 августа 1996 года № 278-I «Об упорядочении бесплатного пользования городским пассажирским транспортом» (Ведомости Олий Мажлиса Республики Узбекистан, 1996 г., № 9, ст. 141; Ведомости палат Олий Мажлиса Республики Узбекистан, 2009 г., № 12, ст. 470; 2022 г., № 5, ст. 464; 2024 г., № 10, ст. 1076) следующие дополнение и изменение:
дополнить абзацем седьмым следующего содержания:
«лицам, награжденным нагрудным знаком «Ўзбекистон Республикаси фахрий донори»;
абзацы седьмой , восьмой и девятый считать соответственно абзацами восьмым, девятым и десятым.
Статья 2. Внести в Закон Республики Узбекистан от 30 августа 2002 года № 402-II «О донорстве крови и ее компонентов» (Ведомости Олий Мажлиса Республики Узбекистан, 2002 г., № 9, ст. 162; Ведомости палат Олий Мажлиса Республики Узбекистан, 2016 г., № 4, ст. 125; 2019 г., № 12, ст. 880; 2021 г., приложение к № 4; 2023 г., № 11, ст. 922; 2024 г., № 9, ст. 958) следующие дополнения и изменения:
1) в части первой статьи 14:
дополнить абзацем вторым следующего содержания:
«принимают меры по формированию культуры безвозмездного донорства среди населения, развитию донорского движения с участием широкой общественности, оказанию качественных услуг и созданию благоприятных условий для доноров»;
абзацы второй , третий и четвертый считать соответственно абзацами третьим, четвертым и пятым;
2) в статье 21 :
часть первую изложить в следующей редакции:
«Донор, систематически и безвозмездно сдающий кровь и ее компоненты, награждается нагрудным знаком «Ўзбекистон Республикаси фахрий донори» и получает единовременное денежное вознаграждение в размере пятнадцатикратной базовой расчетной величины»;
из части второй слова «(«Почетный донор Республики Узбекистан»)» исключить;
дополнить частью третьей следующего содержания:
«Донорам, награжденным нагрудным знаком «Ўзбекистон Республикаси фахрий донори», предоставляется право:
выхода в ежегодный трудовой отпуск в удобное для них время;
бесплатного пользования городским пассажирским транспортом (кроме маршрутных и линейных такси);
внеочередного получения путевок для санаторно-курортного лечения»;
часть третью считать частью четвертой.
Статья 3. Министерству здравоохранения Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 4. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 5. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
28 февраля 2025 г.,
№ ЗРУ-1041