UzbekAI

Ўзбекистон Республикаси Президентининг

Фармони

Кўчмас мулкни оммавий баҳолаш тизимини жорий этиш тўғрисида

Кўчмас мулк объектларининг бозор нархига яқин бўлган қийматини аниқлашнинг замонавий усуллари ва механизмларини жорий этиш ва кенг қўллаш, аҳоли ва тадбиркорларнинг иқтисодий активлари ўсиб бориши учун қулай шарт-шароит яратиш мақсадида:

I. Мақсадлар.

1. Ушбу Фармонни қабул қилишдан кўзланган асосий мақсадлар этиб қуйидагилар белгилансин:

(а) республикадаги мавжуд 8 миллиондан ортиқ турар ва нотурар жойлар, 7 миллионга яқин ер участкаларининг иқтисодий актив сифатидаги қийматини аниқлаш;

(б) кўчмас мулк объектининг солиқ солиш, олди-сотди қилиш, гаровга қўйиш, жамоат эҳтиёжлари учун олиб қўйиш ва бошқа ҳолатлар учун аниқланадиган қиймати ўзаро мутаносиб бўлишини таъминлаш;

(в) кўчмас мулк бозорига оид ишончли, тўлиқ ва даврий равишда янгиланиб борадиган ахборот базани яратиш;

(г) солиқ солишда адолатлилик тамойилини янада кенг жорий этиш.

2. 2025 йилдан бошлаб босқичма-босқич барча кўчмас мулк объектлари уларнинг бозор нархига яқин бўлган қийматини аниқлаш мақсадида даврий равишда оммавий баҳолашдан ўтказилиши белгилансин.

3. Оммавий баҳолаш ишлари қуйидаги босқичларда амалга оширилсин:

(а) 2025-2026 йилларда — эксперимент тариқасида Тошкент шаҳрида;

(б) 2026-2027 йилларда — Нукус шаҳри ва вилоятлар марказларида;

(в) 2027 йил ва ундан кейинги йилларда — қолган ҳудудларда.

II. Ташкилий ва молиявий таъминот.

4. Кадастр агентлиги ҳузурида давлат муассасаси шаклида бошқарув ходимларининг чекланган сони 30 нафардан иборат бўлган, Давлат бюджети маблағлари ҳисобидан молиялаштириладиган Кўчмас мулкни оммавий баҳолаш миллий маркази (кейинги ўринларда — Миллий марказ) ташкил этилсин.

5. Қуйидагилар:

(а) Иқтисодиёт ва молия вазирлиги — кўчмас мулкни оммавий баҳолаш соҳасида ягона давлат сиёсатини амалга оширувчи орган;

(б) Кадастр агентлиги — кўчмас мулкни оммавий баҳолаш соҳасида махсус ваколатли орган;

(в) Миллий марказ — кўчмас мулкни оммавий баҳолаш соҳасида ижро этувчи орган этиб белгилансин.

6. Иқтисодиёт ва молия вазирлиги, Кадастр агентлиги ҳамда Кўчмас мулкни оммавий баҳолаш миллий маркази ўртасида кўчмас мулкни оммавий баҳолаш соҳасидаги вазифалар тақсимоти 1-иловага мувофиқ тасдиқлансин.

7. Миллий марказ фаолияти, шу жумладан, кўчмас мулкни оммавий баҳолаш тадбирлари қуйидаги манбалар ҳисобидан молиялаштирилсин:

(а) Давлат бюджети;

(б) халқаро молия институтлари ва хорижий ҳукумат молия ташкилотларидан жалб қилинадиган грантлар ва техник кўмаклар;

(в) Миллий марказнинг вақтинча бўш турган маблағларини тижорат банклари депозитларига жойлаштиришдан олинадиган даромадлар;

(г) қонунчилик ҳужжатларида тақиқланмаган бошқа маблағлар.

III. Норматив-ҳуқуқий, услубий, ахборот ва дастурий таъминот.

8. Оммавий баҳолаш тизимини норматив-ҳуқуқий ва услубий жиҳатдан таъминлаш учун Иқтисодиёт ва молия вазирлиги, Кадастр агентлиги:

(а) бир ой муддатда Миллий марказ фаолиятини ташкил этиш тўғрисидаги қарор лойиҳасини Вазирлар Маҳкамасига киритсин;

(б) уч ой муддатда Кўчмас мулкни оммавий баҳолаш услубиётини белгиланган тартибда тасдиқласин ва давлат рўйхатидан ўтказсин;

(в) 2026 йил охирига қадар Тошкент шаҳридаги эксперимент натижалари, илғор хорижий тажриба ҳамда халқаро экспертларнинг хулосалари ва тавсиялари асосида «Кўчмас мулкни оммавий баҳолаш тўғрисида»ги қонун лойиҳасини Вазирлар Маҳкамасига киритсин.

9. Қурилиш ва уй-жой коммунал хўжалиги вазирлиги Кадастр агентлиги билан биргаликда икки ой муддатда бино ва иншоотлар қурилишининг замонавий тенденцияларини ҳисобга олган ҳолда уларни қайта тиклаш қийматининг жамланма кўрсаткичларини тасдиқласин.

10. Оммавий баҳолаш тизимини дастурий жиҳатдан таъминлаш учун Иқтисодиёт ва молия вазирлиги, Кадастр агентлиги 2025 йил 1 ноябрга қадар Кўчмас мулкни оммавий баҳолаш услубиётига асосан:

(а) кўчмас мулк бозори тўғрисидаги маълумотларни тўплаш, қайта ишлаш ва таҳлил қилиш бўйича — «Кўчмас мулк бозори мониторинги» автоматлаштирилган ахборот тизимини;

(б) кўчмас мулкнинг бозор нархига яқин бўлган қийматини аниқлаш бўйича «Кўчмас мулкни оммавий баҳолаш» автоматлаштирилган ахборот тизимини ишлаб чиқсин ва амалиётга жорий этсин.

11. Белгилансинки, республика ижро этувчи ҳокимият органлари ва маҳаллий давлат ҳокимияти органлари, фуқароларнинг ўзини ўзи бошқариш органлари ва бошқа ташкилотлар Миллий марказнинг сўровига кўра ўн кун ичида оммавий баҳолаш тизими учун зарур бўлган ахборотларни бепул тақдим этишлари, ўзларининг ахборот тизимларини Миллий марказнинг ахборот тизимлари билан интеграция қилишлари лозим.

IV. Фармон ижросини ташкил этиш ва назорат қилиш.

12. Иқтисодиёт ва молия вазирлиги:

(а) икки ҳафта муддатда Иқтисодиёт ва молия вазирлиги тизимидаги ташкилотлар ходимларининг чекланган умумий сони доирасида Кадастр агентлиги марказий аппарати тузилмасида Давлат бюджетидан молиялаштириладиган 7 та штат бирлигидан иборат Кўчмас мулкни оммавий баҳолаш тизимини мувофиқлаштириш бошқармасини ташкил этсин;

(б) 2025 йил 1 декабрга қадар Тошкент шаҳридаги экспериментнинг дастлабки натижаларидан келиб чиқиб, оммавий баҳолашдан ўтказилган мол-мулклар ва ер участкалари учун мол-мулк солиғи ва ер солиғи бўйича солиқ солинадиган базани қайтадан белгилаш ва солиқ ставкаларини пасайтириш бўйича Вазирлар Маҳкамасига таклифлар киритсин.

13. Кадастр агентлиги директорига Иқтисодиёт ва молия вазирлиги билан келишилган ҳолда Миллий марказ ходимларининг иш юкламаси ва фаолияти самарадорлигидан келиб чиқиб, Миллий марказга қўшимча штат бирликларини ажратиш ваколати берилсин.

14. Ўзбекистон Республикаси Президентининг 2023 йил 25 январдаги «Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида»ги ПФ-14-сон Фармонига 2-иловага мувофиқ ўзгартиришлар ва қўшимча киритилсин.

15. Мазкур Фармоннинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров ва Кадастр агентлиги директори Ф.Ж. Пўлатов белгилансин.

16. Фармон ижросини ҳар ойда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2025 йил 5 мартдаги ПФ-43-сон Фармонига 1-ИЛОВА

Иқтисодиёт ва молия вазирлиги, Кадастр агентлиги ҳамда Кўчмас мулкни оммавий баҳолаш миллий маркази ўртасида кўчмас мулкни оммавий баҳолаш соҳасидаги вазифалар тақсимоти

1. Иқтисодиёт ва молия вазирлигининг кўчмас мулкни оммавий баҳолаш соҳасидаги асосий вазифалари:

(а) оммавий баҳолаш тизимини амалга ошириш бўйича ягона давлат сиёсатини ишлаб чиқиш ва юритиш;

(б) оммавий баҳолаш жараёнини тартибга солувчи чора-тадбирлар ва механизмларни ишлаб чиқиш, шу жумладан, оммавий баҳолаш услубиётини такомиллаштириш;

(в) оммавий баҳолаш натижаларини амалиётга татбиқ этиш ҳамда такомиллаштириш юзасидан таклифлар ишлаб чиқиш;

(г) республика миқёсида ва алоҳида ҳудудларида, шу жумладан, урбанизация жараёнлари ва инфратузилманинг ривожланиши, нархлар даражаси ва бошқа бозор кўрсаткичларининг ўзгариши муносабати билан республиканинг алоҳида туман (шаҳар)ларидаги кўчмас мулк объектларини оммавий баҳолашдан ўтказиш бўйича таклифларни ишлаб чиқиш.

2. Кадастр агентлигининг кўчмас мулкни оммавий баҳолаш соҳасидаги асосий вазифалари:

(а) оммавий баҳолаш жараёнида маълумотлар базасида мавжуд бўлган кўчмас мулк объектларига оид маълумотларнинг тўлиқлилигини ва сифатлилигини таъминлаш;

(б) оммавий баҳолаш ўтказилиши лозим бўлган кўчмас мулк объектлари рўйхатини шакллантириш ва янгилаб бориш;

(в) оммавий баҳолаш маълумотлари мониторингини юритиш;

(г) оммавий баҳолаш тизимини самарали ташкил этиш, шунингдек, жараённи рақамлаштириш ва автоматлаштириш;

(д) Иқтисодиёт ва молия вазирлигига кўчмас мулк объектларининг оммавий баҳолаш жараёнини тартибга солувчи чора-тадбирлар ва механизмларни ишлаб чиқиш, шу жумладан, оммавий баҳолаш услубиётини такомиллаштириш юзасидан таклифлар киритиш;

(е) кўчмас мулк объектларини оммавий баҳолаш натижаларини кўриб чиқиш ва тасдиқлаш.

3. Кўчмас мулкни оммавий баҳолаш миллий марказининг кўчмас мулкни оммавий баҳолаш соҳасидаги асосий вазифалари:

(а) кўчмас мулк объектларининг бозор нархига яқин бўлган қийматини оммавий баҳолаш орқали аниқлаш;

(б) оммавий баҳолашнинг электрон маълумотлар базасини яратиш, юритиш ва янгилаб бориш, оммавий баҳолаш натижаларини ушбу базага алоҳида мурожаатсиз ва ҳақ ундирмасдан киритиш;

(в) кўчмас мулк объектларини оммавий баҳолаш билан боғлиқ маълумотларни ўрганиш, тўплаш ва қайта ишлаш асосида кўчмас мулк бозорини мониторинг ва таҳлил қилиш.

Ўзбекистон Республикаси Президентининг 2025 йил 5 мартдаги ПФ-43-сон Фармонига 2-ИЛОВА

Ўзбекистон Республикаси Президентининг 2023 йил 25 январдаги «Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида»ги ПФ-14-сон Фармонига киритилаётган ўзгартиришлар ва қўшимча

1. 1-иловада :

(а) «Жами» позицияси қуйидаги таҳрирда баён этилсин:

« Жами 53 754 49 293 4 461 » ;

(б) «1. Иқтисодиёт ва молия вазирлиги» бўлимининг «4. Кадастр агентлиги» позицияси қуйидаги таҳрирда баён этилсин:

« Кадастр агентлиги 995 422 573 шу жумладан директор ўринбосарлари сони 2 2 » ;

(в) Изоҳлар қисми қуйидаги мазмундаги 5.22.-кичик банд билан тўлдирилсин:

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 5 март,

ПФ-43-сон

(Қонунчилик маълумотлари миллий базаси, 05.03.2025 й., 06/25/43/0218-сон)

lex.uz

Oʻzbekiston Respublikasi Prezidentining

Farmoni

Koʻchmas mulkni ommaviy baholash tizimini joriy etish toʻgʻrisida

Koʻchmas mulk obyektlarining bozor narxiga yaqin boʻlgan qiymatini aniqlashning zamonaviy usullari va mexanizmlarini joriy etish va keng qoʻllash, aholi va tadbirkorlarning iqtisodiy aktivlari oʻsib borishi uchun qulay shart-sharoit yaratish maqsadida:

I. Maqsadlar.

1. Ushbu Farmonni qabul qilishdan koʻzlangan asosiy maqsadlar etib quyidagilar belgilansin:

(a) respublikadagi mavjud 8 milliondan ortiq turar va noturar joylar, 7 millionga yaqin yer uchastkalarining iqtisodiy aktiv sifatidagi qiymatini aniqlash;

(b) koʻchmas mulk obyektining soliq solish, oldi-sotdi qilish, garovga qoʻyish, jamoat ehtiyojlari uchun olib qoʻyish va boshqa holatlar uchun aniqlanadigan qiymati oʻzaro mutanosib boʻlishini taʼminlash;

(v) koʻchmas mulk bozoriga oid ishonchli, toʻliq va davriy ravishda yangilanib boradigan axborot bazani yaratish;

(g) soliq solishda adolatlilik tamoyilini yanada keng joriy etish.

2. 2025-yildan boshlab bosqichma-bosqich barcha koʻchmas mulk obyektlari ularning bozor narxiga yaqin boʻlgan qiymatini aniqlash maqsadida davriy ravishda ommaviy baholashdan oʻtkazilishi belgilansin.

3. Ommaviy baholash ishlari quyidagi bosqichlarda amalga oshirilsin:

(a) 2025-2026-yillarda — eksperiment tariqasida Toshkent shahrida;

(b) 2026-2027-yillarda — Nukus shahri va viloyatlar markazlarida;

(v) 2027-yil va undan keyingi yillarda — qolgan hududlarda.

II. Tashkiliy va moliyaviy taʼminot.

4. Kadastr agentligi huzurida davlat muassasasi shaklida boshqaruv xodimlarining cheklangan soni 30 nafardan iborat boʻlgan, Davlat budjeti mablagʻlari hisobidan moliyalashtiriladigan Koʻchmas mulkni ommaviy baholash milliy markazi (keyingi oʻrinlarda — Milliy markaz) tashkil etilsin.

5. Quyidagilar:

(a) Iqtisodiyot va moliya vazirligi — koʻchmas mulkni ommaviy baholash sohasida yagona davlat siyosatini amalga oshiruvchi organ;

(b) Kadastr agentligi — koʻchmas mulkni ommaviy baholash sohasida maxsus vakolatli organ;

(v) Milliy markaz — koʻchmas mulkni ommaviy baholash sohasida ijro etuvchi organ etib belgilansin.

6. Iqtisodiyot va moliya vazirligi, Kadastr agentligi hamda Koʻchmas mulkni ommaviy baholash milliy markazi oʻrtasida koʻchmas mulkni ommaviy baholash sohasidagi vazifalar taqsimoti 1-ilovaga muvofiq tasdiqlansin.

7. Milliy markaz faoliyati, shu jumladan, koʻchmas mulkni ommaviy baholash tadbirlari quyidagi manbalar hisobidan moliyalashtirilsin:

(a) Davlat budjeti;

(b) xalqaro moliya institutlari va xorijiy hukumat moliya tashkilotlaridan jalb qilinadigan grantlar va texnik koʻmaklar;

(v) Milliy markazning vaqtincha boʻsh turgan mablagʻlarini tijorat banklari depozitlariga joylashtirishdan olinadigan daromadlar;

(g) qonunchilik hujjatlarida taqiqlanmagan boshqa mablagʻlar.

III. Normativ-huquqiy, uslubiy, axborot va dasturiy taʼminot.

8. Ommaviy baholash tizimini normativ-huquqiy va uslubiy jihatdan taʼminlash uchun Iqtisodiyot va moliya vazirligi, Kadastr agentligi:

(a) bir oy muddatda Milliy markaz faoliyatini tashkil etish toʻgʻrisidagi qaror loyihasini Vazirlar Mahkamasiga kiritsin;

(b) uch oy muddatda Koʻchmas mulkni ommaviy baholash uslubiyotini belgilangan tartibda tasdiqlasin va davlat roʻyxatidan oʻtkazsin;

(v) 2026-yil oxiriga qadar Toshkent shahridagi eksperiment natijalari, ilgʻor xorijiy tajriba hamda xalqaro ekspertlarning xulosalari va tavsiyalari asosida “Koʻchmas mulkni ommaviy baholash toʻgʻrisida”gi qonun loyihasini Vazirlar Mahkamasiga kiritsin.

9. Qurilish va uy-joy kommunal xoʻjaligi vazirligi Kadastr agentligi bilan birgalikda ikki oy muddatda bino va inshootlar qurilishining zamonaviy tendensiyalarini hisobga olgan holda ularni qayta tiklash qiymatining jamlanma koʻrsatkichlarini tasdiqlasin.

10. Ommaviy baholash tizimini dasturiy jihatdan taʼminlash uchun Iqtisodiyot va moliya vazirligi, Kadastr agentligi 2025-yil 1-noyabrga qadar Koʻchmas mulkni ommaviy baholash uslubiyotiga asosan:

(a) koʻchmas mulk bozori toʻgʻrisidagi maʼlumotlarni toʻplash, qayta ishlash va tahlil qilish boʻyicha — “Koʻchmas mulk bozori monitoringi” avtomatlashtirilgan axborot tizimini;

(b) koʻchmas mulkning bozor narxiga yaqin boʻlgan qiymatini aniqlash boʻyicha “Koʻchmas mulkni ommaviy baholash” avtomatlashtirilgan axborot tizimini ishlab chiqsin va amaliyotga joriy etsin.

11. Belgilansinki, respublika ijro etuvchi hokimiyat organlari va mahalliy davlat hokimiyati organlari, fuqarolarning oʻzini oʻzi boshqarish organlari va boshqa tashkilotlar Milliy markazning soʻroviga koʻra oʻn kun ichida ommaviy baholash tizimi uchun zarur boʻlgan axborotlarni bepul taqdim etishlari, oʻzlarining axborot tizimlarini Milliy markazning axborot tizimlari bilan integratsiya qilishlari lozim.

IV. Farmon ijrosini tashkil etish va nazorat qilish.

12. Iqtisodiyot va moliya vazirligi:

(a) ikki hafta muddatda Iqtisodiyot va moliya vazirligi tizimidagi tashkilotlar xodimlarining cheklangan umumiy soni doirasida Kadastr agentligi markaziy apparati tuzilmasida Davlat budjetidan moliyalashtiriladigan 7 ta shtat birligidan iborat Koʻchmas mulkni ommaviy baholash tizimini muvofiqlashtirish boshqarmasini tashkil etsin;

(b) 2025-yil 1-dekabrga qadar Toshkent shahridagi eksperimentning dastlabki natijalaridan kelib chiqib, ommaviy baholashdan oʻtkazilgan mol-mulklar va yer uchastkalari uchun mol-mulk soligʻi va yer soligʻi boʻyicha soliq solinadigan bazani qaytadan belgilash va soliq stavkalarini pasaytirish boʻyicha Vazirlar Mahkamasiga takliflar kiritsin.

13. Kadastr agentligi direktoriga Iqtisodiyot va moliya vazirligi bilan kelishilgan holda Milliy markaz xodimlarining ish yuklamasi va faoliyati samaradorligidan kelib chiqib, Milliy markazga qoʻshimcha shtat birliklarini ajratish vakolati berilsin.

14. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmoniga 2-ilovaga muvofiq oʻzgartirishlar va qoʻshimcha kiritilsin.

15. Mazkur Farmonning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov va Kadastr agentligi direktori F.J. Poʻlatov belgilansin.

16. Farmon ijrosini har oyda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2025-yil 5-martdagi PF-43-son Farmoniga 1-ILOVA

Iqtisodiyot va moliya vazirligi, Kadastr agentligi hamda Koʻchmas mulkni ommaviy baholash milliy markazi oʻrtasida koʻchmas mulkni ommaviy baholash sohasidagi vazifalar taqsimoti

1. Iqtisodiyot va moliya vazirligining koʻchmas mulkni ommaviy baholash sohasidagi asosiy vazifalari:

(a) ommaviy baholash tizimini amalga oshirish boʻyicha yagona davlat siyosatini ishlab chiqish va yuritish;

(b) ommaviy baholash jarayonini tartibga soluvchi chora-tadbirlar va mexanizmlarni ishlab chiqish, shu jumladan, ommaviy baholash uslubiyotini takomillashtirish;

(v) ommaviy baholash natijalarini amaliyotga tatbiq etish hamda takomillashtirish yuzasidan takliflar ishlab chiqish;

(g) respublika miqyosida va alohida hududlarida, shu jumladan, urbanizatsiya jarayonlari va infratuzilmaning rivojlanishi, narxlar darajasi va boshqa bozor koʻrsatkichlarining oʻzgarishi munosabati bilan respublikaning alohida tuman (shahar)laridagi koʻchmas mulk obyektlarini ommaviy baholashdan oʻtkazish boʻyicha takliflarni ishlab chiqish.

2. Kadastr agentligining koʻchmas mulkni ommaviy baholash sohasidagi asosiy vazifalari:

(a) ommaviy baholash jarayonida maʼlumotlar bazasida mavjud boʻlgan koʻchmas mulk obyektlariga oid maʼlumotlarning toʻliqliligini va sifatliligini taʼminlash;

(b) ommaviy baholash oʻtkazilishi lozim boʻlgan koʻchmas mulk obyektlari roʻyxatini shakllantirish va yangilab borish;

(v) ommaviy baholash maʼlumotlari monitoringini yuritish;

(g) ommaviy baholash tizimini samarali tashkil etish, shuningdek, jarayonni raqamlashtirish va avtomatlashtirish;

(d) Iqtisodiyot va moliya vazirligiga koʻchmas mulk obyektlarining ommaviy baholash jarayonini tartibga soluvchi chora-tadbirlar va mexanizmlarni ishlab chiqish, shu jumladan, ommaviy baholash uslubiyotini takomillashtirish yuzasidan takliflar kiritish;

(e) koʻchmas mulk obyektlarini ommaviy baholash natijalarini koʻrib chiqish va tasdiqlash.

3. Koʻchmas mulkni ommaviy baholash milliy markazining koʻchmas mulkni ommaviy baholash sohasidagi asosiy vazifalari:

(a) koʻchmas mulk obyektlarining bozor narxiga yaqin boʻlgan qiymatini ommaviy baholash orqali aniqlash;

(b) ommaviy baholashning elektron maʼlumotlar bazasini yaratish, yuritish va yangilab borish, ommaviy baholash natijalarini ushbu bazaga alohida murojaatsiz va haq undirmasdan kiritish;

(v) koʻchmas mulk obyektlarini ommaviy baholash bilan bogʻliq maʼlumotlarni oʻrganish, toʻplash va qayta ishlash asosida koʻchmas mulk bozorini monitoring va tahlil qilish.

Oʻzbekiston Respublikasi Prezidentining 2025-yil 5-martdagi PF-43-son Farmoniga 2-ILOVA

Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmoniga kiritilayotgan oʻzgartirishlar va qoʻshimcha

1. 1-ilovada :

(a) “Jami” pozitsiyasi quyidagi tahrirda bayon etilsin:

“ Jami 53 754 49 293 4 461 ” ;

(b) “1. Iqtisodiyot va moliya vazirligi” boʻlimining “4. Kadastr agentligi” pozitsiyasi quyidagi tahrirda bayon etilsin:

“ Kadastr agentligi 995 422 573 shu jumladan direktor oʻrinbosarlari soni 2 2 ” ;

(v) Izohlar qismi quyidagi mazmundagi 5.22.-kichik band bilan toʻldirilsin:

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 5-mart,

PF-43-son

(Qonunchilik maʼlumotlari milliy bazasi, 05.03.2025-y., 06/25/43/0218-son)

lex.uz

Президента Республики Узбекистан

Указ

О внедрении системы массовой оценки недвижимого имущества

В целях внедрения и широкого применения современных методов и механизмов определения стоимости, приближенной к рыночной цене объектов недвижимого имущества, а также создания благоприятных условий для приумножения экономических активов населения и предпринимателей:

I. Цели.

1. Определить основными целями принятия настоящего Указа:

(а) установление в качестве экономического актива стоимости имеющихся в республике свыше 8 миллионов жилых и нежилых помещений, около 7 миллионов земельных участков;

(б) обеспечение взаимно сбалансированной стоимости объекта недвижимого имущества, определяемой в целях налогообложения, купли-продажи, передачи в залог, изъятия для общественных нужд и иных случаев;

(в) создание надежной, полной и обновляемой на периодической основе базы данных рынка недвижимого имущества;

(г) наиболее широкое внедрение принципа справедливости при налогообложении.

2. Установить, что в целях определения стоимости, приближенной к рыночной цене, поэтапно на периодической основе начиная с 2025 года проводится массовая оценка всех объектов недвижимого имущества.

3. Провести работу по массовой оценке на следующих этапах:

(а) 2025-2026 годы — в порядке эксперимента в городе Ташкенте;

(б) 2026-2027 годы — в городе Нукусе и областных центрах;

(в) 2027 год и последующие годы — на остальных территориях.

II. Организационное и финансовое обеспечение.

4. Образовать Национальный центр по массовой оценке недвижимого имущества при Агентстве по кадастру (далее — Национальный центр) в форме государственного учреждения, финансируемый за счет средств Государственного бюджета, с предельной численностью управленческого персонала — 30 единиц.

5. Определить:

(а) Министерство экономики и финансов — органом, осуществляющим единую государственную политику в сфере массовой оценки недвижимого имущества;

(б) Агентство по кадастру — специальным уполномоченным органом в сфере массовой оценки недвижимого имущества;

(в) Национальный центр — исполнительным органом в сфере массовой оценки недвижимого имущества.

6. Утвердить Распределение задач в сфере массовой оценки недвижимого имущества между Министерством экономики и финансов, Агентством по кадастру и Национальным центром по массовой оценке недвижимого имущества согласно приложению № 1 .

7. Финансирование деятельности Национального центра, включая мероприятия по массовой оценке недвижимого имущества, осуществлять за счет следующих источников:

(а) Государственного бюджета;

(б) привлекаемых грантов и технического содействия международных финансовых институтов и зарубежных правительственных финансовых организаций;

(в) доходов от размещения временно свободных средств Национального центра на депозиты коммерческих банков;

(г) иных средств, не запрещенных актами законодательства.

III. Нормативно-правовое, методическое, информационное и программное обеспечение.

8. Министерству экономики и финансов, Агентству по кадастру в целях нормативно-правового и методического обеспечения системы массовой оценки:

(а) в месячный срок внести в Кабинет Министров проект постановления по организации деятельности Национального центра;

(б) в трехмесячный срок утвердить в установленном порядке и осуществить государственную регистрацию Методики массовой оценки недвижимого имущества;

(в) в срок до конца 2026 года на основе результатов эксперимента в городе Ташкенте, передового зарубежного опыта, а также заключений и рекомендаций международных экспертов внести в Кабинет Министров проект закона «О массовой оценке недвижимого имущества».

9. Министерству строительства и жилищно-коммунального хозяйства совместно с Агентством по кадастру в двухмесячный срок утвердить Сводные показатели восстановительной стоимости зданий и сооружений с учетом современных тенденций их строительства.

10. Министерству экономики и финансов, Агентству по кадастру в срок до 1 ноября 2025 года в целях программного обеспечения системы массовой оценки на основе Методики массовой оценки недвижимого имущества разработать и внедрить на практике:

(а) автоматизированную информационную систему «Мониторинг рынка недвижимого имущества» по сбору, обработке и анализу данных по рынку недвижимого имущества;

(б) автоматизированную информационную систему «Массовая оценка недвижимого имущества» по определению стоимости, приближенной к рыночной цене объекта недвижимого имущества.

11. Определить, что республиканские органы исполнительной власти, органы государственной власти на местах, органы самоуправления граждан и другие организации по запросам Национального центра в течение десяти дней обязаны бесплатно представить необходимые данные для системы массовой оценки, а также осуществить интеграцию своих информационных систем с информационными системами Национального центра.

IV. Организация и контроль исполнения Указа.

12. Министерству экономики и финансов:

(а) в двухнедельный срок в рамках предельной общей численности работников организаций в системе Министерства экономики и финансов образовать в структуре центрального аппарата Агентства по кадастру Управление координации системы массовой оценки недвижимого имущества, состоящее из 7 штатных единиц, финансируемое из Государственного бюджета;

(б) в срок до 1 декабря 2025 года внести в Кабинет Министров предложения о снижении налоговых ставок и переустановлении баз налогообложения по налогу на имущество и земельному налогу, по объектам имущества и земельным участкам, массовая оценка которых проведена исходя из предварительных результатов эксперимента в городе Ташкенте.

13. Уполномочить директора Агентства по кадастру выделять по согласованию с Министерством экономики и финансов дополнительные штатные единицы для Национального центра исходя из рабочей нагрузки и эффективности деятельности его работников.

14. Внести изменения и дополнение в Указ Президента Республики Узбекистан от 25 января 2023 года № УП-14 «О первоочередных организационных мерах по эффективному налаживанию деятельности республиканских органов исполнительной власти» согласно приложению № 2 .

15. Возложить на заместителя Премьер-министра Д.А. Кучкарова и директора Агентства по кадастру Ф.Ж. Пулатова персональную ответственность за эффективную организацию исполнения настоящего Указа.

16. Ежемесячное обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.

ПРИЛОЖЕНИЕ № 1 к Указу Президента Республики Узбекистан от 5 марта 2025 года № УП-43

Распределение задач в сфере массовой оценки недвижимого имущества между Министерством экономики и финансов, Агентством по кадастру и Национальным центром по массовой оценке недвижимого имущества

1. Основные задачи Министерства экономики и финансов в сфере массовой оценки недвижимого имущества:

(а) разработка и ведение единой государственной политики по реализации системы массовой оценки;

(б) разработка мер и механизмов, регулирующих процесс массовой оценки, в том числе совершенствование методики массовой оценки;

(в) выработка предложений по внедрению в практику результатов массовой оценки и их совершенствованию;

(г) выработка предложений по проведению массовой оценки объектов недвижимого имущества в масштабе республики и в ее отдельных регионах, в том числе в отдельных районах (городах) республики в связи с развитием процессов урбанизации и инфраструктуры, изменением уровня цен и других рыночных показателей.

2. Основные задачи Агентства по кадастру в сфере массовой оценки недвижимого имущества:

(а) обеспечение в процессе массовой оценки полноты и качества сведений касательно объектов недвижимого имущества, имеющихся в базе данных;

(б) формирование и обновление перечня объектов недвижимого имущества, подлежащих проведению массовой оценки;

(в) ведение мониторинга сведений массовой оценки;

(г) эффективная организация системы массовой оценки, а также цифровизация и автоматизация процесса;

(д) внесение в Министерство экономики и финансов предложений по разработке мер и механизмов, регулирующих процесс массовой оценки объектов, в том числе совершенствованию методики массовой оценки;

(е) рассмотрение и утверждение результатов массовой оценки объектов недвижимого имущества.

3. Основные задачи Национального центра по массовой оценке недвижимого имущества в сфере массовой оценки недвижимого имущества:

(а) выявление путем массовой оценки стоимости объектов недвижимого имущества, приближенной к рыночной цене;

(б) создание, ведение и обновление электронной базы данных массовой оценки, внесение в данную базу результатов массовой оценки без отдельного обращения и взимания платы;

(в) мониторинг и анализ рынка недвижимого имущества на основе изучения, сбора и обработки данных, связанных с массовой оценкой объектов недвижимого имущества.

ПРИЛОЖЕНИЕ № 2 к Указу Президента Республики Узбекистан от 5 марта 2025 года № УП-43

Изменения и дополнение, вносимые в Указ Президента Республики Узбекистан от 25 января 2023 года № УП-14 «О первоочередных организационных мерах по эффективному налаживанию деятельности республиканских органов исполнительной власти»

1. В приложении № 1 :

(а) позицию «Всего» изложить в следующей редакции:

« Всего 53 754 49 293 4 461 »;

(б) позицию «4. Агентство по кадастру» раздела «1. Министерство экономики и финансов» изложить в следующей редакции:

« Агентство по кадастру 995 422 573 в т. ч. количество заместителей директора 2 2 »;

(в) Примечания дополнить подпунктом 5.22. следующего содержания:

Президент Республики Узбекистан Ш. МИРЗИЁЕВ

г. Ташкент,

5 марта 2025 г.,

№ УП-43

(Национальная база данных законодательства, 05.03.2025 г., № 06/25/43/0218)

lex.uz