UzbekAI

Ўзбекистон Республикаси Вазирлар Маҳкамасининг

қарори

МАЙДОНИ

МАЙДОНИ

«Чотқол» давлат биосфера ва «Оқтоғ-Томди» давлат қўриқхоналарининг қўриқланма зоналарини белгилаш тўғрисида

Ўзбекистон Республикасининг «Муҳофаза этиладиган табиий ҳудудлар тўғрисида»ги Қонунига мувофиқ давлат қўриқхоналари ҳудудидаги табиий мажмуаларга хўжалик фаолиятининг салбий таъсирининг олдини олиш, ноёб ҳамда йўқолиб кетиш хавфи остида турган ўсимлик ва ҳайвонларнинг турларини сақлаб қолиш ҳамда кўпайтириш, шунингдек, Ўзбекистон Республикаси Президентининг «Экология, атроф-муҳитни муҳофаза қилиш ва иқлим ўзгариши вазирлиги фаолиятини самарали ташкил этиш чора-тадбирлари тўғрисида» 2023 йил 31 майдаги ПҚ-171-сон қарори ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги, Ветеринария ва чорвачиликни ривожлантириш қўмитаси, Ўрмон хўжалиги агентлиги, Тошкент, Наманган ва Навоий вилоятлари ҳокимликларининг «Чотқол» давлат биосфера қўриқхонасига туташ 32 859,89 гектар ҳамда «Оқтоғ-Томди» давлат қўриқхонасига туташ 28 500,0 гектар ҳудудда уларнинг қўриқланма зоналарини белгилаш тўғрисидаги таклифи маъқуллансин.

2. Қуйидагилар:

«Чотқол» давлат биосфера қўриқхонасининг қўриқланма зонаси майдони 1-иловага мувофиқ;

«Оқтоғ-Томди» давлат биосфера қўриқхонасининг қўриқланма зонаси майдони 2-иловага мувофиқ тасдиқлансин.

3. Белгилансинки, қўриқхоналарнинг қўриқланма зонасидаги ерлар ушбу зоналарда жойлашган ер эгалари, ердан фойдаланувчилар, ижарачилар ва мулкдорлар ихтиёрида қўриқланма зона режимига риоя этиш шарти билан қолади.

4. Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги:

бир ой муддатда «Чотқол» давлат биосфера ва «Оқтоғ-Томди» давлат қўриқхоналарининг қўриқланма зоналари тўғрисидаги низомларни тасдиқласин;

икки ой муддатда Тошкент, Наманган ва Навоий вилоятлари ҳокимликлари ҳамда Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги билан биргаликда қўриқхоналарнинг белгиланаётган қўриқланма зоналари чегараларини белгиласин ҳамда хариталарини ишлаб чиқсин;

ер эгалари, ердан фойдаланувчилар, ижарачилар ва мулкдорлар қўриқланма зоналар ҳудудида жойлашган ер майдонларидан фойдаланишда қўриқланма зона режимига риоя этилиши буйича қонунчиликда белгиланган тартибда доимий равишда назорат ишларини амалга оширсин.

5. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ва Ўзбекистон Республикаси экология, атроф-муҳитни муҳофаза қилиш ва иқлим ўзгариши вазири А.А. Абдухакимов зиммасига юклансин.

Вазирлар Маҳкамасининг 2025 йил 5 мартдаги 142-сон қарорига 1-ИЛОВА

«Чотқол» давлат биосфера қўриқхонасининг қўриқланма зонаси

гектар Т/р Ер эгалари ва ердан фойдаланувчилар Ўрмон билан қопланган ерлар Дарё ва сойлар Йўллар, сўқмоқ йўллар Бошқа ерлар Жами ер майдони Наманган вилояти Поп тумани 1. Поп ихтисослаштирилган давлат ўрмон хўжалиги 748,43 5,1 1,4 11,6 766,53 Тошкент вилояти Оҳангарон тумани 2. Оҳангарон давлат ўрмон хўжалиги 7 983,45 11,3 5,6 101,5 8 101,85 Тошкент вилояти Бўстонлиқ тумани 3. Бурчмулла давлат ўрмон хўжалиги 23 462,36 133,29 95,97 299,89 23 991,51 Жами 32 194,24 149,69 102,97 412,99 32 859,89

Вазирлар Маҳкамасининг 2025 йил 5 мартдаги 142-сон қарорига 2-ИЛОВА

«Оқтоғ-Томди» давлат биосфера қўриқхонасининг қўриқланма зонаси

гектар Т/р Ер эгалари ва ердан фойдаланувчилар Ўрмон билан қопланган ерлар Лалми ерлар Яйлов ва ўтлоқлар Дарё ва сойлар Тоғли ерлар Бошқа ерлар Жами ер майдони Навоий вилояти Томди тумани 1. Томди давлат ўрмон хўжалиги 6 200 6 200 2. Ветеринария ва чорвачиликни ривожлантириш қўмитаси 22 300 22 300 Жами 28 500 28 500

Ўзбекистон Республикасининг Бош вазири А. АРИПОВ

Тошкент ш.,

2025 йил 5 март,

142-сон

(Қонунчилик маълумотлари миллий базаси, 06.03.2025 й., 09/25/142/0219-сон)

lex.uz

Oʻzbekiston Respublikasi Vazirlar Mahkamasining

qarori

MAYDONI

MAYDONI

“Chotqol” davlat biosfera va “Oqtogʻ-Tomdi” davlat qoʻriqxonalarining qoʻriqlanma zonalarini belgilash toʻgʻrisida

Oʻzbekiston Respublikasining “Muhofaza etiladigan tabiiy hududlar toʻgʻrisida”gi Qonuniga muvofiq davlat qoʻriqxonalari hududidagi tabiiy majmualarga xoʻjalik faoliyatining salbiy taʼsirining oldini olish, noyob hamda yoʻqolib ketish xavfi ostida turgan oʻsimlik va hayvonlarning turlarini saqlab qolish hamda koʻpaytirish, shuningdek, Oʻzbekiston Respublikasi Prezidentining “Ekologiya, atrof-muhitni muhofaza qilish va iqlim oʻzgarishi vazirligi faoliyatini samarali tashkil etish chora-tadbirlari toʻgʻrisida” 2023-yil 31-maydagi PQ-171-son qarori ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Veterinariya va chorvachilikni rivojlantirish qoʻmitasi, Oʻrmon xoʻjaligi agentligi, Toshkent, Namangan va Navoiy viloyatlari hokimliklarining “Chotqol” davlat biosfera qoʻriqxonasiga tutash 32 859,89 gektar hamda “Oqtogʻ-Tomdi” davlat qoʻriqxonasiga tutash 28 500,0 gektar hududda ularning qoʻriqlanma zonalarini belgilash toʻgʻrisidagi taklifi maʼqullansin.

2. Quyidagilar:

“Chotqol” davlat biosfera qoʻriqxonasining qoʻriqlanma zonasi maydoni 1-ilovaga muvofiq;

“Oqtogʻ-Tomdi” davlat biosfera qoʻriqxonasining qoʻriqlanma zonasi maydoni 2-ilovaga muvofiq tasdiqlansin.

3. Belgilansinki, qoʻriqxonalarning qoʻriqlanma zonasidagi yerlar ushbu zonalarda joylashgan yer egalari, yerdan foydalanuvchilar, ijarachilar va mulkdorlar ixtiyorida qoʻriqlanma zona rejimiga rioya etish sharti bilan qoladi.

4. Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi:

bir oy muddatda “Chotqol” davlat biosfera va “Oqtogʻ-Tomdi” davlat qoʻriqxonalarining qoʻriqlanma zonalari toʻgʻrisidagi nizomlarni tasdiqlasin;

ikki oy muddatda Toshkent, Namangan va Navoiy viloyatlari hokimliklari hamda Oʻzbekiston Respublikasi Iqtisodiyot va moliya vazirligi huzuridagi Kadastr agentligi bilan birgalikda qoʻriqxonalarning belgilanayotgan qoʻriqlanma zonalari chegaralarini belgilasin hamda xaritalarini ishlab chiqsin;

yer egalari, yerdan foydalanuvchilar, ijarachilar va mulkdorlar qoʻriqlanma zonalar hududida joylashgan yer maydonlaridan foydalanishda qoʻriqlanma zona rejimiga rioya etilishi buyicha qonunchilikda belgilangan tartibda doimiy ravishda nazorat ishlarini amalga oshirsin.

5. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov va Oʻzbekiston Respublikasi ekologiya, atrof-muhitni muhofaza qilish va iqlim oʻzgarishi vaziri A.A. Abduxakimov zimmasiga yuklansin.

Vazirlar Mahkamasining 2025-yil 5-martdagi 142-son qaroriga 1-ILOVA

“Chotqol” davlat biosfera qoʻriqxonasining qoʻriqlanma zonasi

gektar T/r Yer egalari va yerdan foydalanuvchilar Oʻrmon bilan qoplangan yerlar Daryo va soylar Yoʻllar, soʻqmoq yoʻllar Boshqa yerlar Jami yer maydoni Namangan viloyati Pop tumani 1. Pop ixtisoslashtirilgan davlat oʻrmon xoʻjaligi 748,43 5,1 1,4 11,6 766,53 Toshkent viloyati Ohangaron tumani 2. Ohangaron davlat oʻrmon xoʻjaligi 7 983,45 11,3 5,6 101,5 8 101,85 Toshkent viloyati Boʻstonliq tumani 3. Burchmulla davlat oʻrmon xoʻjaligi 23 462,36 133,29 95,97 299,89 23 991,51 Jami 32 194,24 149,69 102,97 412,99 32 859,89

Vazirlar Mahkamasining 2025-yil 5-martdagi 142-son qaroriga 2-ILOVA

“Oqtogʻ-Tomdi” davlat biosfera qoʻriqxonasining qoʻriqlanma zonasi

gektar T/r Yer egalari va yerdan foydalanuvchilar Oʻrmon bilan qoplangan yerlar Lalmi yerlar Yaylov va oʻtloqlar Daryo va soylar Togʻli yerlar Boshqa yerlar Jami yer maydoni Navoiy viloyati Tomdi tumani 1. Tomdi davlat oʻrmon xoʻjaligi 6 200 6 200 2. Veterinariya va chorvachilikni rivojlantirish qoʻmitasi 22 300 22 300 Jami 28 500 28 500

Oʻzbekiston Respublikasining Bosh vaziri A. ARIPOV

Toshkent sh.,

2025-yil 5-mart,

142-son

(Qonunchilik maʼlumotlari milliy bazasi, 06.03.2025-y., 09/25/142/0219-son)

lex.uz