📅 2025-yil 6-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 6 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 6 марта 2025 г. · Постановления Президента
Официальный текст. Официальный документ. Редакционные примечания не включены.
📅 6 March 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Халқаро шартномани қабул қилиш тўғрисида
«Ўзбекистон Республикасининг халқаро шартномалари тўғрисида»ги Ўзбекистон Республикаси Қонунининг 22-моддасига мувофиқ:
1. 2023 йил 18 май куни Самарқанд шаҳрида Европа тикланиш ва тараққиёт банки (кейинги ўринларда — ЕТТБ) Бошқарувчилар кенгашининг йиллик йиғилиши давомида қабул қилинган 259-сон ва 260-сон резолюцияларга мувофиқ Европа тикланиш ва тараққиёт банкини таъсис этиш тўғрисидаги Битимнинг (Париж, 1990 йил 29 май):
1-моддасига ЕТТБ фаолияти географик кўламини Африканинг Саҳрои Кабирдан жанубий қисмида ва Ироқда босқичма-босқич кенгайтиришга рухсат бериш;
12.1-моддасига ЕТТБнинг оддий операциялари бўйича устав капиталига қуйилган чекловни бекор қилиш ва ЕТТБ Директорлар кенгашига капиталнинг етарлилик кўрсаткичлари бўйича чекловларни белгилаш ва мувофиқлаштириш ваколатларини бериш тўғрисидаги тузатишлар киритилганлиги маълумот учун қабул қилинсин.
2. ЕТТБ Бошқарувчилар Кенгашининг 2023 йил 18 майдаги 259-сон ва 260-сон резолюциялари билан маъқулланган Европа тикланиш ва тараққиёт банкини таъсис этиш тўғрисидаги Битимнинг 1 ва 12.1-моддаларига киритилган тузатишлар қабул қилинсин.
3. Ташқи ишлар вазирлиги Ўзбекистон Республикаси томонидан ушбу тузатишлар қабул қилинганлиги тўғрисида ЕТТБга тегишли билдиришнома йўлласин.
4. Мазкур қарорнинг ижросини назорат қилиш Бош вазир ўринбосари Ж.А. Ходжаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 6 март,
ПҚ-94-сон
Oʻzbekiston Respublikasi Prezidentining
qarori
Xalqaro shartnomani qabul qilish toʻgʻrisida
“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 22-moddasiga muvofiq:
1. 2023-yil 18-may kuni Samarqand shahrida Yevropa tiklanish va taraqqiyot banki (keyingi oʻrinlarda — YETTB) Boshqaruvchilar kengashining yillik yigʻilishi davomida qabul qilingan 259-son va 260-son rezolyutsiyalarga muvofiq Yevropa tiklanish va taraqqiyot bankini taʼsis etish toʻgʻrisidagi Bitimning (Parij, 1990-yil 29-may):
1-moddasiga YETTB faoliyati geografik koʻlamini Afrikaning Sahroi Kabirdan janubiy qismida va Iroqda bosqichma-bosqich kengaytirishga ruxsat berish;
12.1-moddasiga YETTBning oddiy operatsiyalari boʻyicha ustav kapitaliga quyilgan cheklovni bekor qilish va YETTB Direktorlar kengashiga kapitalning yetarlilik koʻrsatkichlari boʻyicha cheklovlarni belgilash va muvofiqlashtirish vakolatlarini berish toʻgʻrisidagi tuzatishlar kiritilganligi maʼlumot uchun qabul qilinsin.
2. YETTB Boshqaruvchilar Kengashining 2023-yil 18-maydagi 259-son va 260-son rezolyutsiyalari bilan maʼqullangan Yevropa tiklanish va taraqqiyot bankini taʼsis etish toʻgʻrisidagi Bitimning 1 va 12.1-moddalariga kiritilgan tuzatishlar qabul qilinsin.
3. Tashqi ishlar vazirligi Oʻzbekiston Respublikasi tomonidan ushbu tuzatishlar qabul qilinganligi toʻgʻrisida YETTBga tegishli bildirishnoma yoʻllasin.
4. Mazkur qarorning ijrosini nazorat qilish Bosh vazir oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 6-mart,
PQ-94-son
Президента Республики Узбекистан
Постановление
О принятии международного договора
В соответствии со статьей 22 Закона Республики Узбекистан «О международных договорах Республики Узбекистан»:
1. Принять к сведению, что в соответствии с резолюциями №№ 259 и 260, принятыми в ходе ежегодного заседания Совета управляющих Европейского банка реконструкции и развития (далее — ЕБРР), проведенного 18 мая 2023 года в городе Самарканде, в Соглашение об учреждении Европейского банка реконструкции и развития (Париж, 29 мая 1990 года) внесены поправки:
в статью 1 — о разрешении на ограниченное и постепенное распространение географического охвата деятельностью ЕБРР на страны Африки к югу от Сахары и Ирака;
в статью 12.1 — об отмене уставного капитального ограничения на обычные операции ЕБРР, а также предоставлении Совету директоров ЕБРР полномочий установления и поддержания надлежащих ограничений в отношении параметров достаточности капитала.
2. Принять поправки, внесенные в статьи 1 и 12.1 Соглашения об учреждении Европейского банка реконструкции и развития, одобренные резолюциями Совета управляющих ЕБРР №№ 259 и 260 от 18 мая 2023 года.
3. Министерству иностранных дел направить ЕБРР соответствующее уведомление о принятии Республикой Узбекистан указанных поправок.
4. Контроль за исполнением настоящего постановления возложить на заместителя Премьер-министра Ж.А. Ходжаева.
Президент Республики Узбекистан Ш. МИРЗИЁЕВ
г. Ташкент,
6 марта 2025 г.,
№ ПП-94