UzbekAI

Ўзбекистон Республикасининг Қонуни

Ўзбекистон Республикасининг айрим қонун ҳужжатларига чиқиндиларни тўплаш ва олиб чиқиш хизматларини кўрсатиш соҳасида тўлов интизомини мустаҳкамлашга қаратилган қўшимча ва ўзгартиришлар киритиш тўғрисида

Қонунчилик палатаси томонидан 2024 йил 24 декабрда қабул қилинган Сенат томонидан 2025 йил 21 февралда маъқулланган

Кейинги йилларда мамлакатимизда чиқиндиларни тўплаш ва олиб чиқиш хизматлари сифатини оширишга ҳамда ушбу соҳага тадбиркорлик субъектларини фаол жалб этишга қаратилган тизимли ишлар амалга оширилмоқда.

Шу билан бирга чиқиндиларни тўплаш ва олиб чиқиш бўйича кўрсатилган хизматлар учун аҳолининг дебитор қарздорлиги ўсиши мазкур хизматлар учун тўлов интизоми даражасини ошириш заруратини юзага келтирмоқда.

Ушбу Қонун билан Ўзбекистон Республикасининг Фуқаролик ва Уй-жой кодексларига, « Рақобат тўғрисида »ги ва « Электр энергетикаси тўғрисида »ги Ўзбекистон Республикаси қонунларига қаттиқ маиший чиқиндиларни тўплаш ва олиб чиқиш хизматлари учун мажбурий тўловлар бўйича қарздорлиги мавжуд бўлган истеъмолчилар қисқа хабар (SMS) орқали хабардор қилинганидан кейин мазкур қарздорлик бартараф этилгунига қадар улардан электр энергияси учун тўловларни қабул қилишни вақтинчалик чеклашга қаратилган ҳуқуқий нормалар белгиланишини назарда тутувчи қўшимча ва ўзгартиришлар киритилмоқда.

Ушбу Қонун чиқиндиларни тўплаш ва олиб чиқиш бўйича аҳолига кўрсатиладиган хизматлар учун тўлов интизомини мустаҳкамлашга ҳамда аҳолининг мазкур хизматлар бўйича дебитор қарздорлигини камайтиришга хизмат қилади.

1-модда . Ўзбекистон Республикасининг 1995 йил 21 декабрда қабул қилинган 163-I-сонли ва 1996 йил 29 августда қабул қилинган 256-I-сонли қонунлари билан тасдиқланган Ўзбекистон Республикасининг Фуқаролик кодекси (Ўзбекистон Республикаси Олий Мажлисининг Ахборотномаси, 1996 йил, 2-сонга илова, № 11-12; 1997 йил, № 2, 56-модда, № 9, 241-модда; 1998 йил, № 5-6, 102-модда; 1999 йил, № 1, 20-модда, № 9, 229-модда; 2001 йил, № 1-2, 23-модда, № 9-10, 182-модда; 2002 йил, № 1, 20-модда, № 9, 165-модда; 2003 йил, № 1, 8-модда, № 5, 67-модда; 2004 йил, № 1-2, 18-модда, № 5, 90-модда, № 9, 171-модда; Ўзбекистон Республикаси Олий Мажлиси палаталарининг Ахборотномаси, 2006 йил, № 4, 154-модда, № 9, 494, 498-моддалар; 2007 йил, № 1, 3, 5-моддалар, № 4, 156, 164-моддалар, № 8, 367-модда, № 9, 416-модда, № 12, 598, 608-моддалар; 2008 йил, № 4, 192-модда, № 12, 640-модда; 2009 йил, № 9, 337-модда; 2010 йил, № 9, 335, 337, 340-моддалар; 2011 йил, № 12/2, 363, 364, 365-моддалар; 2012 йил, № 4, 106, 109-моддалар, № 12, 336-модда; 2013 йил, № 10, 263-модда; 2014 йил, № 5, 130-модда, № 12, 343-модда; 2015 йил, № 8, 310, 312-моддалар; 2016 йил, № 4, 125-модда; 2017 йил, № 4, 137-модда, № 9, 510-модда, № 12, 773-модда; 2018 йил, № 1, 4-модда, № 4, 224-модда, № 7, 433-модда, № 10, 673-модда; 2019 йил, № 3, 161, 166-моддалар, № 5, 267-модда, № 10, 671-модда, № 12, 880, 886-моддалар; 2020 йил, № 1, 3, 4-моддалар, № 10, 593-модда; 2021 йил, 4-сонга илова, № 8, 801-модда, № 10, 968-модда; 2022 йил, № 2, 79-модда, № 3, 217, 218-моддалар, № 4, 340-модда, № 5, 464-модда, № 6, 570, 577-моддалар, № 11, 1061, 1062-моддалар; 2023 йил, № 10, 795-модда, № 11, 921-модда; 2024 йил, № 2, 111, 114-моддалар, № 6, 530-модда, № 9, 960-модда, № 11, 1193-модда) 468-моддаси қуйидаги мазмундаги жумла билан тўлдирилсин:

«Энергия таъминоти шартномасида қонун ҳужжатларига мувофиқ бошқа мажбуриятлар ҳам назарда тутилиши мумкин».

2-модда . Ўзбекистон Республикасининг 1998 йил 24 декабрда қабул қилинган 713-I-сонли Қонуни билан тасдиқланган Ўзбекистон Республикасининг Уй-жой кодекси (Ўзбекистон Республикаси Олий Мажлисининг Ахборотномаси, 1999 йил, № 1, 4-модда; 2001 йил, № 5, 89-модда; 2004 йил, № 5, 90-модда; Ўзбекистон Республикаси Олий Мажлиси палаталарининг Ахборотномаси, 2006 йил, № 6, 260-модда; 2007 йил, № 1, 3-модда, № 4, 156-модда; 2008 йил, № 12, 640-модда; 2009 йил, № 12, 470-модда; 2011 йил, № 12/2, 365-модда; 2013 йил, № 10, 263-модда; 2014 йил, № 1, 2-модда; 2015 йил, № 8, 312-модда; 2016 йил, № 4, 125-модда; 2018 йил, № 1, 1-модда, № 10, 673, 676-моддалар; 2019 йил, № 1, 1-модда, № 4, 199-модда, № 11, 792-модда; 2020 йил, № 9, 539-модда; 2021 йил, 4-сонга илова, № 10, 973-модда; 2022 йил, № 3, 216-модда; 2024 йил, № 8, 830, 831-моддалар) 134-моддасининг еттинчи қисми «бундан сув таъминоти ва оқова сувларни чиқариб юбориш хизматлари» деган сўзлардан кейин «қаттиқ ва суюқ маиший чиқиндиларни тўплаш ва олиб чиқиш хизматлари» деган сўзлар билан тўлдирилсин.

3-модда . Ўзбекистон Республикасининг 2023 йил 3 июлда қабул қилинган «Рақобат тўғрисида»ги ЎРҚ-850-сонли Қонуни (Ўзбекистон Республикаси Олий Мажлиси палаталарининг Ахборотномаси, 2023 йил, № 7, 533-модда; 2024 йил, № 9, 955-модда) 18-моддаси биринчи қисмининг бешинчи хатбошиси «шартнома предметига тааллуқли бўлмаган шартларни» деган сўзлардан кейин «(бундан қонун ҳужжатларига мувофиқ қаттиқ маиший чиқиндиларни тўплаш ва олиб чиқиш хизматлари учун истеъмолчилар қарздорлигининг олдини олишга қаратилган қоидалар мустасно)» деган сўзлар билан тўлдирилсин.

4-модда . Ўзбекистон Республикасининг 2024 йил 7 августда қабул қилинган «Электр энергетикаси тўғрисида»ги ЎРҚ-939-сонли Қонунига (Ўзбекистон Республикаси Олий Мажлиси палаталарининг Ахборотномаси, 2024 йил, № 8, 819-модда) қуйидаги қўшимча ва ўзгартиришлар киритилсин:

1) 38-модданинг :

биринчи қисми қуйидаги мазмундаги бешинчи хатбоши билан тўлдирилсин:

«қаттиқ маиший чиқиндиларни тўплаш ва олиб чиқиш хизматлари учун мажбурий тўловлар бўйича қарздорлиги мавжуд бўлган истеъмолчилар қисқа хабар (SMS) орқали хабардор қилинганидан кейин мазкур қарздорлик бартараф этилгунига қадар улардан электр энергияси учун тўловларни қабул қилишни вақтинчалик чеклаш. Бунда қаттиқ маиший чиқиндиларни тўплаш ва олиб чиқиш хизматларини кўрсатувчи ташкилотлар қаттиқ маиший чиқиндиларни тўплаш ва олиб чиқиш хизматлари учун тўловларни ҳисоб-китоб қилишнинг ишончлилиги ҳамда тўғрилиги учун жавобгар бўлади, шунингдек мазкур талаблар бузилган ҳолларда, истеъмолчига етказилган зарарнинг ўрнини қоплайди»;

иккинчи қисми :

қуйидаги мазмундаги тўққизинчи ва ўнинчи хатбошилар билан тўлдирилсин:

«қаттиқ маиший чиқиндиларни тўплаш ва олиб чиқиш хизматлари учун мажбурий тўловлар бўйича қарздорлиги мавжуд бўлган истеъмолчиларни мазкур қарздорлик мавжудлиги тўғрисида қисқа хабар (SMS) орқали хабардор қилиши;

қаттиқ маиший чиқиндиларни тўплаш ва олиб чиқиш хизматлари учун мажбурий тўловлар бўйича қарздорлиги мавжуд бўлган истеъмолчилардан электр энергияси учун тўловларни қабул қилишни вақтинчалик чеклашни мазкур қарздорлик бартараф этилган тақдирда автоматик равишда бекор қилиши»;

тўққизинчи ва ўнинчи хатбошилари тегишинча ўн биринчи ва ўн иккинчи хатбошилар деб ҳисоблансин;

2) 39-модданинг бешинчи қисми :

қуйидаги мазмундаги тўртинчи хатбоши билан тўлдирилсин:

«қаттиқ маиший чиқиндиларни тўплаш ва олиб чиқиш хизматлари учун мажбурий тўловлар бўйича қарздорликни мазкур қарздорлик мавжудлиги тўғрисида қисқа хабар (SMS) орқали хабардор қилинган санадан эътиборан беш кун ичида бартараф этиши»;

тўртинчи , бешинчи ва олтинчи хатбошилари тегишинча бешинчи, олтинчи ва еттинчи хатбошилар деб ҳисоблансин;

3) 40-модданинг учинчи қисми :

қуйидаги мазмундаги бешинчи хатбоши билан тўлдирилсин:

«қаттиқ маиший чиқиндиларни тўплаш ва олиб чиқиш хизматлари учун мажбурий тўловлар бўйича қарздорлиги мавжуд бўлган истеъмолчини қисқа хабар (SMS) орқали хабардор қилиш, мазкур қарздорлик бартараф этилгунига қадар истеъмолчининг электр энергияси учун тўловларини қабул қилишни вақтинчалик чеклаш шартлари»;

бешинчи — саккизинчи хатбошилари тегишинча олтинчи — тўққизинчи хатбошилар деб ҳисоблансин.

5-модда . Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги, Энергетика вазирлиги ҳамда бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

6-модда . Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

7-модда . Ушбу Қонун расмий эълон қилинган кундан эътиборан уч ой ўтгач кучга киради.

Ўзбекистон Республикасининг Президенти Ш. МИРЗИЁЕВ

Тошкент ш.,

2025 йил 7 март,

ЎРҚ-1044-сон

(Қонунчилик маълумотлари миллий базаси, 07.03.2025 й., 03/25/1044/0224-сон)

lex.uz

Oʻzbekiston Respublikasining Qonuni

Oʻzbekiston Respublikasining ayrim qonun hujjatlariga chiqindilarni toʻplash va olib chiqish xizmatlarini koʻrsatish sohasida toʻlov intizomini mustahkamlashga qaratilgan qoʻshimcha va oʻzgartirishlar kiritish toʻgʻrisida

Qonunchilik palatasi tomonidan 2024-yil 24-dekabrda qabul qilingan Senat tomonidan 2025-yil 21-fevralda maʼqullangan

Keyingi yillarda mamlakatimizda chiqindilarni toʻplash va olib chiqish xizmatlari sifatini oshirishga hamda ushbu sohaga tadbirkorlik subyektlarini faol jalb etishga qaratilgan tizimli ishlar amalga oshirilmoqda.

Shu bilan birga chiqindilarni toʻplash va olib chiqish boʻyicha koʻrsatilgan xizmatlar uchun aholining debitor qarzdorligi oʻsishi mazkur xizmatlar uchun toʻlov intizomi darajasini oshirish zaruratini yuzaga keltirmoqda.

Ushbu Qonun bilan Oʻzbekiston Respublikasining Fuqarolik va Uy-joy kodekslariga, “ Raqobat toʻgʻrisida ”gi va “ Elektr energetikasi toʻgʻrisida ”gi Oʻzbekiston Respublikasi qonunlariga qattiq maishiy chiqindilarni toʻplash va olib chiqish xizmatlari uchun majburiy toʻlovlar boʻyicha qarzdorligi mavjud boʻlgan isteʼmolchilar qisqa xabar (SMS) orqali xabardor qilinganidan keyin mazkur qarzdorlik bartaraf etilguniga qadar ulardan elektr energiyasi uchun toʻlovlarni qabul qilishni vaqtinchalik cheklashga qaratilgan huquqiy normalar belgilanishini nazarda tutuvchi qoʻshimcha va oʻzgartirishlar kiritilmoqda.

Ushbu Qonun chiqindilarni toʻplash va olib chiqish boʻyicha aholiga koʻrsatiladigan xizmatlar uchun toʻlov intizomini mustahkamlashga hamda aholining mazkur xizmatlar boʻyicha debitor qarzdorligini kamaytirishga xizmat qiladi.

1-modda . Oʻzbekiston Respublikasining 1995-yil 21-dekabrda qabul qilingan 163-I-sonli va 1996-yil 29-avgustda qabul qilingan 256-I-sonli qonunlari bilan tasdiqlangan Oʻzbekiston Respublikasining Fuqarolik kodeksi (Oʻzbekiston Respublikasi Oliy Majlisining Axborotnomasi, 1996-yil, 2-songa ilova, № 11-12; 1997-yil, № 2, 56-modda, № 9, 241-modda; 1998-yil, № 5-6, 102-modda; 1999-yil, № 1, 20-modda, № 9, 229-modda; 2001-yil, № 1-2, 23-modda, № 9-10, 182-modda; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda; 2004-yil, № 1-2, 18-modda, № 5, 90-modda, № 9, 171-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 4, 154-modda, № 9, 494, 498-moddalar; 2007-yil, № 1, 3, 5-moddalar, № 4, 156, 164-moddalar, № 8, 367-modda, № 9, 416-modda, № 12, 598, 608-moddalar; 2008-yil, № 4, 192-modda, № 12, 640-modda; 2009-yil, № 9, 337-modda; 2010-yil, № 9, 335, 337, 340-moddalar; 2011-yil, № 12/2, 363, 364, 365-moddalar; 2012-yil, № 4, 106, 109-moddalar, № 12, 336-modda; 2013-yil, № 10, 263-modda; 2014-yil, № 5, 130-modda, № 12, 343-modda; 2015-yil, № 8, 310, 312-moddalar; 2016-yil, № 4, 125-modda; 2017-yil, № 4, 137-modda, № 9, 510-modda, № 12, 773-modda; 2018-yil, № 1, 4-modda, № 4, 224-modda, № 7, 433-modda, № 10, 673-modda; 2019-yil, № 3, 161, 166-moddalar, № 5, 267-modda, № 10, 671-modda, № 12, 880, 886-moddalar; 2020-yil, № 1, 3, 4-moddalar, № 10, 593-modda; 2021-yil, 4-songa ilova, № 8, 801-modda, № 10, 968-modda; 2022-yil, № 2, 79-modda, № 3, 217, 218-moddalar, № 4, 340-modda, № 5, 464-modda, № 6, 570, 577-moddalar, № 11, 1061, 1062-moddalar; 2023-yil, № 10, 795-modda, № 11, 921-modda; 2024-yil, № 2, 111, 114-moddalar, № 6, 530-modda, № 9, 960-modda, № 11, 1193-modda) 468-moddasi quyidagi mazmundagi jumla bilan toʻldirilsin:

“Energiya taʼminoti shartnomasida qonun hujjatlariga muvofiq boshqa majburiyatlar ham nazarda tutilishi mumkin”.

2-modda . Oʻzbekiston Respublikasining 1998-yil 24-dekabrda qabul qilingan 713-I-sonli Qonuni bilan tasdiqlangan Oʻzbekiston Respublikasining Uy-joy kodeksi (Oʻzbekiston Respublikasi Oliy Majlisining Axborotnomasi, 1999-yil, № 1, 4-modda; 2001-yil, № 5, 89-modda; 2004-yil, № 5, 90-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 6, 260-modda; 2007-yil, № 1, 3-modda, № 4, 156-modda; 2008-yil, № 12, 640-modda; 2009-yil, № 12, 470-modda; 2011-yil, № 12/2, 365-modda; 2013-yil, № 10, 263-modda; 2014-yil, № 1, 2-modda; 2015-yil, № 8, 312-modda; 2016-yil, № 4, 125-modda; 2018-yil, № 1, 1-modda, № 10, 673, 676-moddalar; 2019-yil, № 1, 1-modda, № 4, 199-modda, № 11, 792-modda; 2020-yil, № 9, 539-modda; 2021-yil, 4-songa ilova, № 10, 973-modda; 2022-yil, № 3, 216-modda; 2024-yil, № 8, 830, 831-moddalar) 134-moddasining yettinchi qismi “bundan suv taʼminoti va oqova suvlarni chiqarib yuborish xizmatlari” degan soʻzlardan keyin “qattiq va suyuq maishiy chiqindilarni toʻplash va olib chiqish xizmatlari” degan soʻzlar bilan toʻldirilsin.

3-modda . Oʻzbekiston Respublikasining 2023-yil 3-iyulda qabul qilingan “Raqobat toʻgʻrisida”gi OʻRQ-850-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2023-yil, № 7, 533-modda; 2024-yil, № 9, 955-modda) 18-moddasi birinchi qismining beshinchi xatboshisi “shartnoma predmetiga taalluqli boʻlmagan shartlarni” degan soʻzlardan keyin “(bundan qonun hujjatlariga muvofiq qattiq maishiy chiqindilarni toʻplash va olib chiqish xizmatlari uchun isteʼmolchilar qarzdorligining oldini olishga qaratilgan qoidalar mustasno)” degan soʻzlar bilan toʻldirilsin.

4-modda . Oʻzbekiston Respublikasining 2024-yil 7-avgustda qabul qilingan “Elektr energetikasi toʻgʻrisida”gi OʻRQ-939-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2024-yil, № 8, 819-modda) quyidagi qoʻshimcha va oʻzgartirishlar kiritilsin:

1) 38-moddaning :

birinchi qismi quyidagi mazmundagi beshinchi xatboshi bilan toʻldirilsin:

“qattiq maishiy chiqindilarni toʻplash va olib chiqish xizmatlari uchun majburiy toʻlovlar boʻyicha qarzdorligi mavjud boʻlgan isteʼmolchilar qisqa xabar (SMS) orqali xabardor qilinganidan keyin mazkur qarzdorlik bartaraf etilguniga qadar ulardan elektr energiyasi uchun toʻlovlarni qabul qilishni vaqtinchalik cheklash. Bunda qattiq maishiy chiqindilarni toʻplash va olib chiqish xizmatlarini koʻrsatuvchi tashkilotlar qattiq maishiy chiqindilarni toʻplash va olib chiqish xizmatlari uchun toʻlovlarni hisob-kitob qilishning ishonchliligi hamda toʻgʻriligi uchun javobgar boʻladi, shuningdek mazkur talablar buzilgan hollarda, isteʼmolchiga yetkazilgan zararning oʻrnini qoplaydi”;

ikkinchi qismi :

quyidagi mazmundagi toʻqqizinchi va oʻninchi xatboshilar bilan toʻldirilsin:

“qattiq maishiy chiqindilarni toʻplash va olib chiqish xizmatlari uchun majburiy toʻlovlar boʻyicha qarzdorligi mavjud boʻlgan isteʼmolchilarni mazkur qarzdorlik mavjudligi toʻgʻrisida qisqa xabar (SMS) orqali xabardor qilishi;

qattiq maishiy chiqindilarni toʻplash va olib chiqish xizmatlari uchun majburiy toʻlovlar boʻyicha qarzdorligi mavjud boʻlgan isteʼmolchilardan elektr energiyasi uchun toʻlovlarni qabul qilishni vaqtinchalik cheklashni mazkur qarzdorlik bartaraf etilgan taqdirda avtomatik ravishda bekor qilishi”;

toʻqqizinchi va oʻninchi xatboshilari tegishincha oʻn birinchi va oʻn ikkinchi xatboshilar deb hisoblansin;

2) 39-moddaning beshinchi qismi :

quyidagi mazmundagi toʻrtinchi xatboshi bilan toʻldirilsin:

“qattiq maishiy chiqindilarni toʻplash va olib chiqish xizmatlari uchun majburiy toʻlovlar boʻyicha qarzdorlikni mazkur qarzdorlik mavjudligi toʻgʻrisida qisqa xabar (SMS) orqali xabardor qilingan sanadan eʼtiboran besh kun ichida bartaraf etishi”;

toʻrtinchi , beshinchi va oltinchi xatboshilari tegishincha beshinchi, oltinchi va yettinchi xatboshilar deb hisoblansin;

3) 40-moddaning uchinchi qismi :

quyidagi mazmundagi beshinchi xatboshi bilan toʻldirilsin:

“qattiq maishiy chiqindilarni toʻplash va olib chiqish xizmatlari uchun majburiy toʻlovlar boʻyicha qarzdorligi mavjud boʻlgan isteʼmolchini qisqa xabar (SMS) orqali xabardor qilish, mazkur qarzdorlik bartaraf etilguniga qadar isteʼmolchining elektr energiyasi uchun toʻlovlarini qabul qilishni vaqtinchalik cheklash shartlari”;

beshinchi — sakkizinchi xatboshilari tegishincha oltinchi — toʻqqizinchi xatboshilar deb hisoblansin.

5-modda . Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Energetika vazirligi hamda boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

6-modda . Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

7-modda . Ushbu Qonun rasmiy eʼlon qilingan kundan eʼtiboran uch oy oʻtgach kuchga kiradi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2025-yil 7-mart,

OʻRQ-1044-son

(Qonunchilik maʼlumotlari milliy bazasi, 07.03.2025-y., 03/25/1044/0224-son)

lex.uz

Закон Республики Узбекистан

О внесении дополнений и изменений в некоторые законодательные акты Республики Узбекистан, направленных на укрепление платежной дисциплины в сфере оказания услуг по сбору и вывозу отходов

Принят Законодательной палатой 24 декабря 2024 года Одобрен Сенатом 21 февраля 2025 года

В последние годы в нашей стране проводится системная работа, направленная на повышение качества услуг по сбору и вывозу отходов и активное привлечение субъектов предпринимательства в эту сферу.

Вместе с тем из-за роста дебиторской задолженности населения за оказанные услуги по сбору и вывозу отходов возникает необходимость повышения уровня платежной дисциплины за данные услуги.

Настоящим Законом в Гражданский и Жилищный кодексы Республики Узбекистан, законы Республики Узбекистан « О конкуренции » и « Об электроэнергетике » вносятся дополнения и изменения, предусматривающие установление правовых норм, направленных на временное ограничение приема платежей за электроэнергию от потребителей, имеющих задолженность по обязательным платежам за услуги по сбору и вывозу твердых бытовых отходов, до устранения данной задолженности, после уведомления их посредством короткого сообщения (SMS).

Настоящий Закон послужит укреплению платежной дисциплины за услуги, оказываемые населению по сбору и вывозу отходов и снижению дебиторской задолженности населения по данным услугам.

Статья 1 . Статью 468 Гражданского кодекса Республики Узбекистан, утвержденного законами Республики Узбекистан от 21 декабря 1995 года № 163-I и от 29 августа 1996 года № 256-I (Ведомости Олий Мажлиса Республики Узбекистан, 1996 г., приложение к № 2, № 11-12; 1997 г., № 2, ст. 56, № 9, ст. 241; 1998 г., № 5-6, ст. 102; 1999 г., № 1, ст. 20, № 9, ст. 229; 2001 г., № 1-2, ст. 23, № 9-10, ст. 182; 2002 г., № 1, ст. 20, № 9, ст. 165; 2003 г., № 1, ст. 8, № 5, ст. 67; 2004 г., № 1-2, ст. 18, № 5, ст. 90, № 9, ст. 171; Ведомости палат Олий Мажлиса Республики Узбекистан, 2006 г., № 4, ст. 154, № 9, ст.ст. 494, 498; 2007 г., № 1, ст.ст. 3, 5, № 4, ст.ст. 156, 164, № 8, ст. 367, № 9, ст. 416, № 12, ст.ст. 598, 608; 2008 г., № 4, ст. 192, № 12, ст. 640; 2009 г., № 9, ст. 337; 2010 г., № 9, ст.ст. 335, 337, 340; 2011 г., № 12/2, ст.ст. 363, 364, 365; 2012 г., № 4, ст.ст. 106, 109, № 12, ст. 336; 2013 г., № 10, ст. 263; 2014 г., № 5, ст. 130, № 12, ст. 343; 2015 г., № 8, ст.ст. 310, 312; 2016 г., № 4, ст. 125; 2017 г., № 4, ст. 137, № 9, ст. 510, № 12, ст. 773; 2018 г., № 1, ст. 4, № 4, ст. 224, № 7, ст. 433, № 10, ст. 673; 2019 г., № 3, ст.ст. 161, 166, № 5, ст. 267, № 10, ст. 671, № 12, ст.ст. 880, 886; 2020 г., № 1, ст.ст. 3, 4, № 10, ст. 593; 2021 г., приложение к № 4, № 8, ст. 801, № 10, ст. 968; 2022 г., № 2, ст. 79, № 3, ст.ст. 217, 218, № 4, ст. 340, № 5, ст. 464, № 6, ст.ст. 570, 577, № 11, ст.ст. 1061, 1062; 2023 г., № 10, ст. 795, № 11, ст. 921; 2024 г., № 2, ст.ст. 111, 114, № 6, ст. 530, № 9, ст. 960, № 11, ст. 1193), дополнить предложением следующего содержания:

«Договором энергоснабжения могут быть предусмотрены и иные обязательства в соответствии с законодательными актами».

Статья 2 . Часть седьмую статьи 134 Жилищного кодекса Республики Узбекистан, утвержденного Законом Республики Узбекистан от 24 декабря 1998 года № 713-I (Ведомости Олий Мажлиса Республики Узбекистан, 1999 г., № 1, ст. 4; 2001 г., № 5, ст. 89; 2004 г., № 5, ст. 90; Ведомости палат Олий Мажлиса Республики Узбекистан, 2006 г., № 6, ст. 260; 2007 г., № 1, ст. 3, № 4, ст. 156; 2008 г., № 12, ст. 640; 2009 г., № 12, ст. 470; 2011 г., № 12/2, ст. 365; 2013 г., № 10, ст. 263; 2014 г., № 1, ст. 2; 2015 г., № 8, ст. 312; 2016 г., № 4, ст. 125; 2018 г., № 1, ст. 1, № 10, ст.ст. 673, 676; 2019 г., № 1, ст. 1, № 4, ст. 199, № 11, ст. 792; 2020 г., № 9, ст. 539; 2021 г., приложение к № 4, № 10, ст. 973; 2022 г., № 3, ст. 216; 2024 г., № 8, ст.ст. 830, 831), после слов «за исключением услуг водоснабжения и отведения сточных вод» дополнить словами «услуг по сбору и вывозу твердых и жидких бытовых отходов».

Статья 3 . Абзац пятый части первой статьи 18 Закона Республики Узбекистан от 3 июля 2023 года № ЗРУ-850 «О конкуренции» (Ведомости палат Олий Мажлиса Республики Узбекистан, 2023 г., № 7, ст. 533; 2024 г., № 9, ст. 955) после слов «условий, не относящихся к предмету договора» дополнить словами «(за исключением правил, направленных на предотвращение задолженности потребителей за услуги по сбору и вывозу твердых бытовых отходов в соответствии с законодательными актами)».

Статья 4 . Внести в Закон Республики Узбекистан от 7 августа 2024 года № ЗРУ-939 «Об электроэнергетике» (Ведомости палат Олий Мажлиса Республики Узбекистан, 2024 г., № 8, ст. 819) следующие дополнения и изменения:

1) в статье 38 :

часть первую дополнить абзацем пятым следующего содержания:

«временно ограничить прием платежей за электроэнергию от потребителей, имеющих задолженность по обязательным платежам за услуги по сбору и вывозу твердых бытовых отходов, до устранения данной задолженности, после уведомления их посредством короткого сообщения (SMS). При этом организации, предоставляющие услуги по сбору и вывозу твердых бытовых отходов, несут ответственность за достоверность и правильность расчета платежей за услуги по сбору и вывозу твердых бытовых отходов, а также в случаях нарушения данного требования возмещают потребителю причиненный вред»;

в части второй :

дополнить абзацами девятым и десятым следующего содержания:

«уведомлять потребителей, имеющих задолженность по обязательным платежам за услуги по сбору и вывозу твердых бытовых отходов, посредством короткого сообщения (SMS) о наличии данной задолженности;

автоматически отменять временное ограничение на прием платежей за электроэнергию от потребителей, имеющих задолженность по обязательным платежам за услуги по сбору и вывозу твердых бытовых отходов, в случае устранения данной задолженности»;

абзацы девятый и десятый считать соответственно абзацами одиннадцатым и двенадцатым;

2) в части пятой статьи 39:

дополнить абзацем четвертым следующего содержания:

«устранить задолженность по обязательным платежам за услуги по сбору и вывозу твердых бытовых отходов в течение пяти дней с даты уведомления о наличии данной задолженности посредством короткого сообщения (SMS)»;

абзацы четвертый , пятый и шестой считать соответственно абзацами пятым, шестым и седьмым;

3) в части третьей статьи 40:

дополнить абзацем пятым следующего содержания:

«условия уведомления потребителя, имеющего задолженность по обязательным платежам за услуги по сбору и вывозу твердых бытовых отходов, посредством короткого сообщения (SMS), временного ограничения на прием его платежей за электроэнергию до устранения данной задолженности»;

абзацы пятый — восьмой считать соответственно абзацами шестым — девятым.

Статья 5 . Министерству экологии, охраны окружающей среды и изменения климата, Министерству энергетики Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.

Статья 6 . Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.

Статья 7 . Настоящий закон вступает в силу по истечении трех месяцев со дня его официального опубликования.

Президент Республики Узбекистан Ш. МИРЗИЁЕВ

г. Ташкент,

7 марта 2025 г.,

№ ЗРУ-1044

(Национальная база данных законодательства, 07.03.2025 г., № 03/25/1044/0224)

lex.uz