UzbekAI

Ўзбекистон Республикаси Вазирлар Маҳкамасининг

қарори

НИЗОМ

ТУЗИЛМАСИ

НИЗОМ

СХЕМАСИ

РЎЙХАТИ

Камбағалликни қисқартириш давлат мақсадли жамғармаси фаолиятини ташкил этиш чора-тадбирлари тўғрисида

Ўзбекистон Республикаси Президентининг « Камбағалликдан фаровонлик сари» дастурини амалга ошириш бўйича биринчи навбатдаги чора-тадбирлар тўғрисида » 2024 йил 23 сентябрдаги ПҚ-330-сон, « Камбағалликни қисқартириш ва бандлик соҳасида давлат сиёсатини такомиллаштириш ва самарадорликни ошириш чора-тадбирлари тўғрисида » 2024 йил 4 октябрдаги ПҚ-347-сон ҳамда « Аҳолини тадбиркорликка жалб қилиш ва бандлигини таъминлаш учун молиявий ёрдамлар ажратиш тизимини такомиллаштиришга оид қўшимча чора-тадбирлар тўғрисида » 2025 йил 14 февралдаги ПҚ-64-сон қарорлари ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Камбағалликдан фаровонлик сари» дастурини амалга ошириш бўйича биринчи навбатдаги чора-тадбирлар тўғрисида» 2024 йил 23 сентябрдаги ПҚ-330-сон қарорига мувофиқ:

Жамоат ишлари жамғармаси, Ҳунармандчилик ва касаначиликни қўллаб-қувватлаш жамғармаси ҳамда Аҳолини тадбиркорликка жалб қилиш жамғармаси негизида юридик шахс мақомига эга бўлган Камбағалликни қисқартириш давлат мақсадли жамғармаси (кейинги ўринларда — Жамғарма) ташкил этилганлиги;

Жамғарманинг васийлик кенгаши таркиби тасдиқланганлиги;

Жамғарма васийлик кенгаши Жамғарманинг олий бошқарув органи, 22 та штат бирлигидан иборат Жамғарманинг Ижро этувчи дирекцияси эса унинг ижро органи этиб белгиланганлиги маълумот учун қабул қилинсин.

2. Қуйидагилар:

Камбағалликни қисқартириш давлат мақсадли жамғармаси тўғрисидаги низом 1-иловага мувофиқ;

Камбағалликни қисқартириш давлат мақсадли жамғармасининг Ижро этувчи дирекцияси тузилмаси 2-иловага мувофиқ;

Камбағалликни қисқартириш давлат мақсадли жамғармаси маблағлари ҳисобидан субсидия, грант ва ссудалар ажратиш тартиби тўғрисидаги низом 3-иловага мувофиқ тасдиқлансин.

3. Шундай тартиб ўрнатилсинки, унга мувофиқ:

Жамғарма Жамоат ишлари жамғармаси, Ҳунармандчилик ва касаначиликни қўллаб-қувватлаш жамғармаси ҳамда Аҳолини тадбиркорликка жалб қилиш жамғармасининг ҳуқуқлари ва мажбуриятлари ҳамда шартномалар, шу жумладан, халқаро шартномалар бўйича ҳуқуқий вориси ҳисобланади;

2026 йил 1 январдан бошлаб Жамғарма маблағлари ҳисобидан аҳолига нақд пул шаклида бериладиган субсидия, грант ва ссудалар босқичма-босқич ижтимоий карта орқали ажратилади;

Жамғарма Ижро этувчи директори ва унинг ўринбосари Жамғарманинг васийлик кенгаши томонидан лавозимга тайинланади ва лавозимдан озод этилади;

Жамғарманинг Ижро этувчи директори Жамғарма дирекцияси ишини ташкил этади;

Жамғарма ходимлари Жамғарманинг ижро этувчи директори томонидан ишга қабул қилинади ва ишдан бўшатилади;

Жамғарманинг Ижро этувчи директори мақоми, тиббий, транспорт ва маиший таъминот шароитлари, шунингдек, Жамғарма ходимларининг меҳнатга ҳақ тўлаш разрядлари Жамғарманинг васийлик кенгаши томонидан белгиланади.

4. Жамғарманинг асосий мақсади Ижтимоий реестрга киритилган оила аъзоларининг бандлигини рағбатлантириш, тадбиркорликка жалб этишга кўмаклашиш учун ушбу шахсларга ва уларнинг бандлигини таъминлашга кўмаклашувчи юридик ва жисмоний шахсларга субсидия, грант ва ссудалар ажратиш ҳамда пилла етиштирувчилар (ипак қурти боқувчи ва касаначилар), Экология ва иқлим ўзгариши миллий қўмитаси ҳузуридаги Ўрмон ва яшил ҳудудларни кўпайтириш, чўлланишга қарши курашиш агентлиги балансидаги ер участкаларида ташкил этиладиган тутзорлар ҳисобидан пилла етиштирадиган аҳолини рағбатлантириш мақсадида субсидиялар ажратиш, ипак қуртини парвариш қилиш учун зарур бўлган асбоб-ускуналарни (жиҳозларни) харид қилиш учун ссуда ажратиш ва уруғчилик корхоналарига ипак қурти уруғларини тайёрлаш фаолиятига жалб этиладиган ҳар бир мавсумий ишчи ойлик иш ҳақининг бир қисмини компенсация қилиш ҳисобланади.

5. Ўзбекистон Республикаси Иқтисодиёт ва молия вазирлиги Жамғармага жами 2 та, шу жумладан, 1 та шахсан бириктирилган ва 1 та махсус автотранспорт воситасини сақлашга Жамғарма маблағлари ҳисобидан лимит ажратилишини таъминласин.

6. Жамғарма Тошкент шаҳри, Қоратош кўчаси, 1-уй манзилидаги Ўзбекистон банклари ассоциациясининг «Moliya Binokor Xizmat» шуъба корхонаси биносига текин фойдаланиш ҳуқуқи асосида жойлаштирилсин.

7. Ўзбекистон Республикаси Вазирлар Маҳкамасининг 4-иловага мувофиқ айрим қарорлари ўз кучини йўқотган деб ҳисоблансин.

8. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров ҳамда Ўзбекистон Республикаси камбағалликни қисқартириш ва бандлик вазири Б.Э. Захидов зиммасига юклансин.

Вазирлар Маҳкамасининг 2025 йил 11 мартдаги 158-сон қарорига 1-ИЛОВА

Камбағалликни қисқартириш давлат мақсадли жамғармаси тўғрисида

1-боб. Умумий қоидалар

1. Ушбу Низом Камбағалликни қисқартириш давлат мақсадли жамғармаси (кейинги ўринларда — Жамғарма) фаолиятини бошқариш, шунингдек, унинг маблағларини шакллантириш ва ушбу маблағлардан фойдаланиш йўналишларини белгилайди.

Жамғарманинг асосий мақсади Ижтимоий реестрга киритилган оила аъзоларининг бандлигини рағбатлантириш, тадбиркорликка жалб этишга кўмаклашиш учун ушбу шахсларга ва уларнинг бандлигини таъминлашга кўмаклашувчи юридик ва жисмоний шахсларга субсидия, грант ва ссудалар ажратиш ҳамда пилла етиштирувчилар (ипак қурти боқувчи ва касаначилар), Экология ва иқлим ўзгариши миллий қўмитаси ҳузуридаги Ўрмон ва яшил ҳудудларни кўпайтириш, чўлланишга қарши курашиш агентлиги (кейинги ўринларда — Ўрмон агентлиги) балансидаги ер участкаларида ташкил этиладиган тутзорлар ҳисобидан пилла етиштирадиган аҳолини рағбатлантириш мақсадида субсидиялар ажратиш, ипак қуртини парвариш қилиш учун зарур бўлган асбоб-ускуналарни (жиҳозларни) харид қилиш учун ссуда ажратиш ва уруғчилик корхоналарига ипак қурти уруғларини тайёрлаш фаолиятига жалб этиладиган ҳар бир мавсумий ишчи ойлик иш ҳақининг бир қисмини компенсация қилиш ҳисобланади.

2. Жамғарма ўз фаолиятида Ўзбекистон Республикаси Конституцияси ва қонунлари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг ҳужжатлари, Вазирлар Маҳкамасининг қарорлари, бошқа қонунчилик ҳужжатлари ҳамда ушбу Низомга амал қилади.

3. Жамғарма давлат муассасаси шаклидаги юридик шахс ҳисобланади, ўзининг мустақил балансига, шахсий ғазна ҳисобварақларига, Ўзбекистон Республикаси Давлат герби тасвири туширилган бланка ва ўз номи ёзилган муҳрга эга бўлади.

4. Жамғарманинг расмий номи:

а) давлат тилида:

тўлиқ номи — Камбағалликни қисқартириш давлат мақсадли жамғармаси;

қисқартирилган номи — Камбағалликни қисқартириш жамғармаси;

б) рус тилида:

тўлиқ номи — Государственный целевой фонд по сокращению бедности;

қисқартирилган номи — Фонд по сокращению бедности;

в) инглиз тилида:

тўлиқ номи — State trust fund for poverty reduction;

қисқартирилган номи — Fund for poverty reduction.

5. Жамғарма давлат мақсадли жамғармаси ҳисобланади.

6. Жамғарманинг жойлашган жойи (почта манзили) — Тошкент шаҳри, Қоратош кўчаси, 1-уй, почта индекси 100027.

7. Жамғарма ўз фаолиятида Камбағалликни қисқартириш давлат мақсадли жамғармасининг васийлик кенгашига (кейинги ўринларда — Васийлик кенгаши) ҳисобдордир.

2-боб. Жамғарма фаолиятини бошқариш

8. Жамғарма фаолияти Васийлик кенгаши томонидан бошқарилади, Жамғарманинг кундалик фаолиятига раҳбарлик қилиш эса Ижро этувчи директор томонидан амалга оширилади.

9. Васийлик кенгаши:

Жамғарма фаолияти ва маблағларидан фойдаланиш йўналишларини белгилайди;

ҳар йили Жамғарма даромадлари ва харажатларидан келиб чиқиб, йўналишга нисбатан фонднинг асосий кўрсаткичларини белгилайди;

Жамғарма фаолиятини такомиллаштириш ва жамғарма маблағларидан фойдаланиш самарадорлигини ошириш тўғрисидаги таклифларни кўриб чиқади;

Жамғарма Ижро этувчи директори ва унинг ўринбосарини лавозимга тайинлаш, рағбатлантириш, уларга нисбатан интизомий жазо чораларини қўллаш ҳамда уларни лавозимдан озод этиш тўғрисида қарор қабул қилади;

Жамғарма таркибидаги бошқарув ходимларининг умумий сони доирасида ўзгартиришлар киритади;

Жамғарманинг Ижро этувчи директори мақоми, тиббий, транспорт ва маиший таъминот шароитлари, шунингдек, Жамғарма ходимларининг меҳнатга ҳақ тўлаш разрядларини белгилайди;

Жамғарма фаолияти ёки маблағларидан фойдаланишни ташқи мониторинг қилиш, шунингдек, мустақил экспертларни жалб қилиш тўғрисида қарор қабул қилади;

субсидия, грант ва ссудаларнинг янги турларини жорий қилиш, зарурат туғилганда, қонунчилик ҳужжатларини такомиллаштириш бўйича таклифлар ишлаб чиқади;

Жамғарма фаолиятига оид низомларни, шу жумладан, ходимларнинг транспорт ва овқатланиш харажатлари, байрам муносабати билан тўланадиган мукофот пуллари ҳамда ходимлар учун устамалар бериш тартибини тасдиқлайди;

қонунчилик ҳужжатларига мувофиқ бошқа ваколатларни амалга оширади.

10. Васийлик кенгаши мажлислари заруратга кўра, лекин бир йилда камида бир маротаба ўтказилади.

11. Васийлик кенгаши мажлисини кенгаш раиси, у бўлмаган тақдирда эса кенгаш раисининг ўринбосари бошқаради.

12. Васийлик кенгаши мажлиси унда кенгаш аъзоларининг камида уч нафари иштирок этган тақдирда ваколатли ҳисобланади.

Васийлик кенгашининг қарори кенгаш аъзоларининг оддий кўпчилик овози билан қабул қилинади.

Овозлар тенг бўлганда, Васийлик кенгаши раисининг овози ҳал қилувчи овоз ҳисобланади.

13. Васийлик кенгаши қарорлари Васийлик кенгаши мажлисининг баённомалари билан расмийлаштирилади. Кенгаш мажлисининг баённомаси Васийлик кенгаши раиси томонидан тасдиқланади.

14. Ижро этувчи директор, шунингдек, таркибий тузилмаларининг раҳбар ва ходимларидан иборат таркибдаги Жамғарманинг ижро этувчи органи Дирекция (кейинги ўринларда — Дирекция) ҳисобланади.

15. Дирекция:

Ўзбекистон Республикасининг навбатдаги йил учун Ўзбекистон Республикаси Давлат бюджети асосий параметрлари билан боғлиқ ҳолда, Жамғарма маблағларидан фойдаланишнинг асосий йўналишлари бўйича Жамғарма даромадлари ва харажатларининг ҳар йилги прогноз кўрсаткичларини шакллантиради ҳамда кўриб чиқиш ва тасдиқлаш учун Васийлик кенгашига киритади;

Жамғарма маблағларини шакллантириш манбаларини кенгайтириш ва харажатлар самарадорлигини оширишга қаратилган таклифлар тайёрлайди;

Жамғарма маблағларидан фойдаланиш йўналишларини ўзгартириш ёки кенгайтириш тўғрисида Васийлик кенгашига таклиф киритади;

Жамғарма маблағларидан фойдаланилиши юзасидан ўтказилган мониторинг натижасида аниқланган ҳолатларни таҳлил қилади;

Жамғарма томонидан зарурат туғилганда, ҳудудий иқтисодиёт ва молия бошқармалари, тижорат банклари ва бошқа ташкилотлардан қўшимча маълумотлар сўраб олади;

қонунчилик ҳужжатларига мувофиқ бошқа ваколатларни амалга оширади.

16. Дирекция сўровномалар тўғрилиги ва талабгорларга ажратиладиган молиявий ёрдамларни мақсадли фойдаланиши ва натижадорлиги юзасидан Камбағалликни қисқартириш ва бандлик вазирлигининг туман (шаҳар) бўлимлари ва ҳоким ёрдамчилари кўмагида мониторингини амалга оширади.

17. Ижро этувчи директор:

Жамғарма жорий фаолиятини бошқаради;

Жамғармага юкланган вазифалар ва функцияларга мувофиқ Жамғарма фаолиятини ташкил этади;

Жамғарманинг харажатлар сметаси ва штат жадвалини белгиланган тартибда тасдиқлайди;

Жамғарма номидан вақтинча бўш турган маблағларни тижорат банклари депозитларига жойлаштириш, молиявий, хўжалик ҳамда бошқа шартномаларни имзолайди;

бажарилган ишлар ҳамда келгуси чорак учун иш режалари тўғрисида ҳар чоракда Васийлик кенгашига ҳисоб беради;

Жамғарма ходимларини (директор ўринбосаридан ташқари) ишга қабул қилиш, рағбатлантириш, уларга нисбатан интизомий жазо чораларини қўллаш ҳамда уларни ишдан бўшатиш ҳақида буйруқлар чиқаради;

Жамғарма фаолияти билан боғлиқ бўлган бошқа буйруқ ва қарор қабул қилади;

Жамғарма молиявий кўмак олувчи юридик шахслар билан ҳуқуқий шартнома тузади ва шартнома шартлари бажарилишини назорат қилади;

Жамғарма номидан суд идораларига ариза ва шикоятлар билан мурожаат қилади;

ички меҳнат тартиби қоидалари, лавозим йўриқномалари ва бошқа ички ҳужжатларни тасдиқлайди;

Жамғарма учун Ғазначилик хизмати қўмитасида шахсий ғазна ҳисобварағини очади ва юритади, белгиланган тартибда ушбу ҳисобварақ бўйича тегишли операцияларни амалга оширади;

Жамғарманинг даромадлари ва харажатлари ҳисобини юритади, шунингдек, улар бўйича чораклик ва йиллик ҳисоботларни шакллантиради;

Жамғармага ажратилган маблағлардан мақсадли фойдаланилиши юзасидан мониторинг олиб боради;

қонунчилик ҳужжатларига мувофиқ бошқа ваколатларни амалга оширади;

Ўзбекистон Республикасининг «Жисмоний ва юридик шахсларнинг мурожаатлари тўғрисида»ги Қонунига мувофиқ жисмоний ва юридик шахсларнинг мурожаатларини кўриб чиқиш муддатларига қатъий риоя этилишини таъминлайди;

Жамғарма ижро этувчи директори ва ходимларини моддий рағбатлантириш Жамғарма Васийлик кенгаши томонидан тасдиқланадиган Жамғарма ходимларини моддий рағбатлантириш тўғрисидаги низомга асосан Жамғарма маблағлари ҳисобидан амалга оширади.

18. Жамғарма ходимларининг иш ҳақи лавозим маоши, мукофотлар, қўшимча ҳақ ва устамалар, рағбатлантирувчи тўловлар, шунингдек, қонунчилик ҳужжатларида назарда тутилган қўшимча моддий рағбатлантириш маблағларидан иборат бўлади.

19. Директор вақтинча бўлмаганда унинг вазифаларини директор ўринбосари бажаради.

20. Жамғарма маблағларидан фойдаланиш тўғрисидаги ҳисобот ҳар чоракда Ўзбекистон Республикаси Иқтисодиёт ва молия вазирлигига тақдим этилади.

3-боб. Жамғарма маблағларини шакллантириш

21. Жамғарма маблағлари Ўзбекистон Республикасининг консолидациялашган бюджети таркибига киради ва унинг ҳисоби белгиланган тартибда Ўзбекистон Республикаси Давлат бюджетининг ғазна ижроси орқали юритилади.

22. Қуйидагилар Жамғарма маблағларини шакллантириш манбалари ҳисобланади:

Ўзбекистон Республикаси Давлат бюджетидан ҳар йили ажратиладиган трансфертлар;

ижтимоий солиқ тушумларидан қонунчилик ҳужжатларида белгиланган тартибда амалга ошириладиган ажратмалар;

халқаро молия институтлари грантлари, жисмоний ва юридик шахсларнинг ҳомийлик маблағлари ва бошқа хорижий донорларнинг ихтиёрий ёрдамлари;

жисмоний ва юридик шахсларга берилган ссудалардан қайтган маблағлар;

Жамғарманинг бўш маблағларини тижорат банкларига ва бошқа молиявий воситаларга жойлаштиришдан тушган даромадлар;

қонунчиликда тақиқланмаган бошқа манбалар.

23. Жамғармага унинг даромадлари бўйича тушадиган маблағлар Ғазначилик хизмати қўмитасининг шахсий ғазна ҳисобварағига ўтказилади.

4-боб. Жамғарма маблағларидан фойдаланиш йўналишлари

24. Жамғарма маблағларидан қуйидагиларни молиялаштиришда фойдаланилади:

Ижтимоий реестрга киритилган оила аъзоларининг бандлигини рағбатлантириш ва тадбиркорликка жалб этишга кўмаклашиш учун ушбу шахсларга ҳамда уларнинг бандлигини таъминлашга кўмаклашувчи жисмоний ва юридик шахсларга субсидия, грант ва ссудалар ажратиш;

пилла етиштирувчилар (ипак қурти боқувчи ва касаначилар), Ўрмон агентлиги балансидаги ер участкаларида ташкил этиладиган тутзорлар ҳисобидан пилла етиштирадиган аҳолини рағбатлантириш мақсадида субсидиялар ажратиш, ипак қуртини парвариш қилиш учун зарур бўлган асбоб-ускуналарни (жиҳозларни) харид қилиш учун ссуда ажратиш ва уруғчилик корхоналарига ипак қурти уруғларини тайёрлаш фаолиятига жалб этиладиган ҳар бир мавсумий ишчи ойлик иш ҳақининг бир қисмини компенсация қилиш;

Дирекция фаолиятида ахборот-коммуникация технологияларини жорий этиш, шу жумладан, дастурий таъминот ишлаб чиқиш;

Дирекция ходимларининг мамлакат ичида ва ташқарисига хизмат сафари билан боғлиқ харажатларни тўлаш;

Жамғарманинг вақтинча бўш турган маблағларини тижорат банкларига жойлаштиришдан фоиз шаклида олинадиган даромадларнинг 50 фоизини Камбағалликни қисқартириш ва бандлик вазирлигининг меҳнат органлари ходимларининг меҳнатини рағбатлантириш ва моддий-техника базасини мустаҳкамлаш жамғармасига йўналтириш;

Дирекциянинг сақлаш харажатлари, ходимларини моддий рағбатлантириш ва ижтимоий ҳимоя қилиш, моддий-техник базасини мустаҳкамлаш, шартнома асосида жалб қилинадиган юқори малакали, шу жумладан, хорижий мутахассисларнинг харажатларини (меҳнатга ҳақ тўлаш, яшаш, транспорт харажатлари ва бошқалар) молиялаштириш, ходимларни тайёрлаш, қайта тайёрлаш, уларнинг малакасини ошириш ва стажировкадан ўтказиш, конференциялар, семинарлар ва бошқа тадбирлар, шу жумладан, чет элда ўтказиладиган тадбирларни ташкил қилиш билан боғлиқ бошқа тадбирларни молиялаштириш;

Жамғармага юкланган вазифалар ва функциялар билан боғлиқ лойиҳаларини амалга ошириш учун учинчи томон ташкилотлари ёки экспертларни жалб қилиш билан боғлиқ харажатларни молиялаштириш;

Жамғарма маблағлари Ўзбекистон Республикаси Президентининг ҳужжатларига, Вазирлар Маҳкамасининг қарорларига, бошқа қонунчилик ҳужжатларига ва Васийлик кенгаши қарорларига мувофиқ бошқа мақсадларга ҳам йўналтирилиши мумкин.

5-боб. Жамғарма маблағларидан мақсадли ва самарали фойдаланилишини назорат қилиш

25. Дирекция Жамғарма маблағларидан қатъиян мақсадли ва самарали фойдаланилиши учун жавоб беради.

26. Жамғарма маблағларидан фойдаланиш юзасидан назорат Васийлик кенгаши томонидан амалга оширилади.

6-боб. Якунловчи қоида

27. Жамғарма қонунчиликда белгиланган тартибда қайта ташкил этилади ва тугатилади.

Вазирлар Маҳкамасининг 2025 йил 11 мартдаги 158-сон қарорига 2-ИЛОВА

Камбағалликни қисқартириш давлат мақсадли жамғармасининг ижро этувчи дирекцияси

Вазирлар Маҳкамасининг 2025 йил 11 мартдаги 158-сон қарорига 3-ИЛОВА

Камбағалликни қисқартириш давлат мақсадли жамғармаси маблағлари ҳисобидан субсидия, грант ва ссудалар ажратиш тартиби тўғрисида

1-боб. Умумий қоидалар

1. Ушбу Низом Камбағалликни қисқартириш давлат мақсадли жамғармаси (кейинги ўринларда — Жамғарма) ҳисобидан субсидия, грант ва ссудалар ажратиш, шунингдек, уруғчилик корхоналарига ипак қурти уруғларини тайёрлаш фаолиятига жалб этиладиган ҳар бир мавсумий ишчи ойлик иш ҳақининг бир қисмини компенсация қилиш тартибини белгилайди.

2. Ушбу Низомда қуйидаги асосий тушунчалар қўлланилади:

грант — камбағалликни қисқартириш, бандликни рағбатлантириш ва тадбиркорликка жалб этиш учун Жамғарма маблағлари ҳисобидан пул ва натура кўринишида илмий тадқиқот ва тажриба-конструкторлик ишлари, ўқиш учун кўрсатиладиган жисмоний ва юридик шахсларга қайтариб бермаслик шарти билан бериладиган молиявий кўмак;

Ишсиз — Ўзбекистон Республикаси «Аҳоли бандлиги тўғрисида»ги Қонунига мувофиқ ўн олти ёшдан пенсия таъминоти ҳуқуқини олиш ёшигача бўлган, ҳақ тўланадиган ишга ёки иш ҳақи бериладиган машғулотга (меҳнат даромадига) эга бўлмаган, иш қидираётган ва иш таклиф этилса, унга киришишга тайёр бўлган ёхуд касбга тайёрлашдан, қайта тайёрлашдан ўтишга ёки малакасини оширишга тайёр бўлган, ишга жойлашишга кўмаклашиш учун маҳаллий меҳнат органларига мурожаат қилган ва ушбу органлар томонидан иш қидираётган шахслар сифатида рўйхатга олинган меҳнатга лаёқатли шахслар (таълим муассасаларида таълим олаётганлар бундан мустасно);

Ижтимоий реестр — ҳар бир аъзосига тўғри келадиган бир ойлик ўртача даромади минимал истеъмол харажатлари миқдоридан кам бўлган «давлат таъминотидаги оила» ёки «камбағал оила» тоифасидаги ва минимал истеъмол харажатлари миқдорининг бир ярим бараваридан кам бўлган «камбағаллик чегарасидаги оила» тоифасидаги оилалар тўғрисидаги маълумотлар киритиладиган реестр;

«Маҳалла еттилиги» — фуқароларнинг ўзини ўзи бошқариш органлари намунавий тузилмасига киритилган маҳалла раиси раҳбарлигидаги ҳоким ёрдамчиси, ёшлар етакчиси, хотин-қизлар фаоли, профилактика инспектори, ижтимоий ходим ва солиқ инспектори аъзоларидан иборат бўлган гуруҳ;

молиявий кўмак — фуқароларни камбағалликдан чиқариш учун ажратиладиган субсидия, грант ва ссудалар;

субсидия — камбағалликни қисқартириш, бандликни рағбатлантириш ва тадбиркорликка жалб этиш учун Жамғарма маблағлари ҳисобидан жисмоний ва юридик шахсларга қайтариб бермаслик шарти билан бериладиган фоизсиз молиявий кўмак;

ссуда — камбағалликни қисқартириш, бандликни рағбатлантириш ва тадбиркорликка жалб этиш ва уни ривожлантириш учун Жамғарма маблағлари ҳисобидан кўрсатиладиган жисмоний ва юридик шахсларга қайтариб бериш шарти билан бериладиган молиявий кўмак;

талабгор — субсидия, грант, ссуда ва компенсация олиш учун мурожаат қилган жисмоний ва юридик шахслар.

3. Жамғарма маблағлари ҳисобидан субсидиялар, грантлар ва ссудалар ушбу Низомга иловада келтирилган схемага мувофиқ ажратилади.

2-боб. Жамғарма маблағлари ҳисобидан субсидиялар ажратиш турлари ва тартиби

1-§. Енгил конструкцияли иссиқхоналар ўрнатиш, уруғликлар, кўчатлар ва суғориш воситалари харид қилиш учун субсидия ажратиш тартиби

4. Енгил конструкцияли иссиқхоналар ўрнатиш, суғориш воситалари, уруғликлар ва кўчатларни харид қилиш учун субсидиялар «Жамғарма —ташкилот — талабгор»ўртасида тузилган уч томонлама шартномалар асосида ажратилади. Бунда:

аҳолига — енгил конструкцияли иссиқхоналар ўрнатиш учун — базавий ҳисоблаш миқдорининг 30 бараваригача миқдорида;

суғориш воситалари харид қилиш учун — базавий ҳисоблаш миқдорининг 10 бараваригача миқдорида;

уруғликлар ва кўчатлар сотиб олиш учун — базавий ҳисоблаш миқдорининг 3 бараваригача миқдорида субсидия ажратади.

Мазкур субсидия турларидан талабгор бир вақтининг ўзида фойдаланиши мумкин.

5. Талабгор енгил конструкцияли иссиқхоналар ўрнатиш, уруғликлар, кўчатлар ва суғориш воситалари харид қилиш учун субсидия ажратиш бўйича ўзининг яшаш манзилидаги ҳоким ёрдамчисига ёки Ўзбекистон Республикаси Ягона интерактив давлат хизматлари портали ва «Онлайн маҳалла» электрон платформаси орқали мурожаат қилади.

6. Талабгор мурожаатида фамилияси, исми ва отасининг исми, яшаш манзили, паспорт (ID-карта) серияси ва рақами, Ижтимоий реестрга киритилган оиланинг аъзоси эканлиги ҳамда сўралаётган субсидиянинг турлари ва миқдори кўрсатилади.

7. Ҳоким ёрдамчиси уч иш кунида талабгорнинг мурожаатида қайд этилган маълумотларни ўрганиш учун «Онлайн маҳалла» электрон платформаси орқали скоринг тизимига юборади. Бунда:

талабгорнинг иссиқхона, суғориш воситаларини ўрнатиш, уруғлик, кўчатлар экиш имконияти мавжудлигини;

талабгор Ижтимоий реестрга киритилган оиланинг аъзоларидан бири эканлигини;

талабгор сўралаётган субсидия туридан муқаддам фойдаланмаганлигини ўрганади.

8. Скоринг ўрганиш натижалари бўйича ижобий натижа келган тақдирда коллегиал ўрганиш ва қарор қабул қилиш учун «Маҳалла еттилиги»га киритади.

9. Скоринг ўрганиш натижалари салбий бўлса, субсидия ажратишни рад этиш сабабларини кўрсатган ҳолда талабгорга хабарнома юборади.

10. «Маҳалла еттилиги» коллегиал ўрганиш ва қарор қабул қилиш учун келиб тушган мурожаат ва унга илова қилинган ҳужжатларни уч иш кунида жойига чиққан ҳолда ўрганади.

Бунда талабгорнинг фойдаланувида томорқа ерининг мавжудлигини;

талабгорнинг енгил конструкцияли иссиқхона ўрнатиш имконияти мавжудлигини;

талабгорнинг уруғликлар ва кўчатлар экиш учун имконияти мавжудлигини;

талабгорнинг суғориш воситасига бўлган ҳақиқий эҳтиёжини ўрганади.

11. «Маҳалла еттилиги»нинг ҳар бир аъзоси электрон имзо орқали ўз овозини берган ҳолда кўпчилик овози билан (бунда маҳалладаги вакант лавозимлар инобатга олинмайди) коллегиал қарор қабул қилади. Бунда:

а) субсидия ажратиш (ёки ажратишни рад этиш) тўғрисида коллегиал қарор қабул қилади. Коллегиал қарорда субсидия турлари ва миқдори кўрсатилиши лозим;

б) субсидия ажратиш учун коллегиал қарорнинг иловалари билан бирга «Онлайн маҳалла» электрон платформаси орқали туман (шаҳар) камбағалликни қисқартириш ва бандликка кўмаклашиш бўлимларини хабардор қилган ҳолда Жамғармага юборади;

в) ўрганиш натижалари бўйича субсидия ажратишни рад этиш тўғрисида қарор қабул қилинган бўлса, бу ҳақда сабабларини кўрсатган ҳолда талабгорга хабарнома юборади.

12.Ўрганиш натижасига кўра ҳужжатлар тўлиқ тақдим қилинмаса ёки ҳужжатларда кўрсатилган маълумотлар ўз тасдиғини топмаса, субсидия ажратиш рад этилади.

13. Жамғарма етказиб берувчи ташкилот ва талабгор ўртасида ўн иш кунида уч томонлама шартнома тузиш чораларини кўради.

Бунда субсидия ажратиш тўғрисидаги коллегиал қарордан келиб чиққан ҳолда, битта оила учун қуйидаги йўналишлар бўйича уч томонлама шартнома тузилади:

енгил конструкцияли иссиқхоналар ўрнатиш;

суғориш воситаларини харид қилиш;

уруғликлар ва кўчатлар сотиб олиш.

14. Уч томонлама тузилган шартномада енгил конструкцияли иссиқхона ўрнатиш, суғориш воситасини харид қилиш, уруғлик ва кўчатлар сотиб олиш учун олдиндан 30 фоиз миқдорида тўлов амалга оширилиши (назарда тутилиши) мумкин. Тўловнинг қолган қисми шартнома шартлари тўлиқ бажарилгандан сўнг тўланади.

15. Ушбу субсидия туридан фойдаланиш ҳуқуқи ҳар бир оилага фақат бир марта берилади.

1 1 -§ Ижтимоий реестрнинг «давлат таъминотидаги оила» тоифасига киритилган оила хонадонига қуёш панелларини ўрнатиш учун субсидия ажратиш тартиби

15 1 . Ижтимоий реестрнинг «давлат таъминотидаги оила» тоифасига киритилган оила хонадонига 7 — 10 кВтлик қуёш панелларини харид қилиш ва ўрнатиш учун субсидия «жамғарма — таъминотчи корхона — талабгор» ўртасида тузилган уч томонлама шартномалар асосида ажратилади.

Ижтимоий реестрнинг «давлат таъминотидаги оила» тоифасига киритилган оила хонадонига қуёш панелларини харид қилиш ва ўрнатиш учун базавий ҳисоблаш миқдорининг 100 бараваригача миқдорда субсидия ажратилади.

15 2 . Ижтимоий реестрнинг «давлат таъминотидаги оила» тоифасига киритилган оиланинг муомалага лаёқатли аъзоси (кейинги ўринларда — талабгор) субсидия ажратиш бўйича Ўзбекистон Республикаси Ягона интерактив давлат хизматлари портали ёки «Онлайн маҳалла» электрон платформаси орқали мустақил равишда ёхуд ўзининг доимий яшаш манзилидаги ҳоким ёрдамчисига мурожаат қилади.

15 3 . Талабгор мурожаатида фамилияси, исми ва отасининг исми, доимий яшаш манзили, паспорт (ID-карта) серияси ва рақами, қуёш панели ўрнатилаётган хонадоннинг кадастр маълумотлари, хонадоннинг мулкдори бўлган ёки ундан фойдаланувчи сифатида мол-мулк солиғини тўлаб келаётган шахснинг паспорт (ID-карта) серияси ва рақами кўрсатилади.

15 4 . Ҳоким ёрдамчиси уч иш кунида талабгорнинг мурожаатида қайд этилган маълумотларни ўрганиш учун «Онлайн маҳалла» электрон платформаси орқали скоринг тизимига юборади. Бунда скоринг тизимида:

мурожаатда кўрсатилган қуёш панели ўрнатиладиган хонадон талабгор ёки оиланинг бошқа аъзосига мулк ҳуқуқи асосида тегишли бўлганлиги ёки уларнинг мазкур хонадондан фойдаланувчи сифатида рўйхатдан ўтган ҳолда, мол-мулк солиғини тўлаб келаётганлиги;

талабгор Ижтимоий реестрнинг «давлат таъминотидаги оила» тоифасидаги оиланинг аъзоси эканлиги;

талабгор сўралаётган субсидия туридан муқаддам фойдаланмаганлиги ўрганилади.

15 5 . Скоринг ўрганиш натижалари бўйича мазкур Низомнинг 15 4 -бандида назарда тутилган маълумотлар мавжудлиги аниқланмаганда субсидия ажратиш рад этилади ҳамда «Онлайн маҳалла» электрон платформаси орқали мазкур асосларни кўрсатган ҳолда талабгорга хабарнома юборилади.

15 6 . Скоринг ўрганиш натижалари бўйича субсидия ажратишни рад этиш асослари аниқланмаганда мурожаат коллегиал қарор қабул қилиш учун «маҳалла еттилиги»га ҳамда талабгорнинг хонадонига қуёш панели ўрнатиш мумкинлиги ёки ўрнатиш мақсадга мувофиқ эмаслиги тўғрисида ҳудудий электр тармоқлари корхонаси томонидан хулоса бериш учун «Онлайн маҳалла» электрон платформаси воситасида «Рақамли ҳукумат» тизими идоралараро интеграциялашув платформаси орқали «Ҳудудий электр тармоқлари» АЖнинг ахборот тизимига юборилади.

Ҳудудий электр тармоқлари корхонаси мурожаат келиб тушган кундан бошлаб уч иш кунида қуйидаги маълумотлар кўрсатилган хулоса беради:

талабгорнинг хонадонида қуёш панели ўрнатиш имконияти мавжудлиги ёки мавжуд эмаслиги;

электр ўтказгичлари техник талабларга жавоб бериши ёки жавоб бермаслиги;

қуёш панели ўрнатиладиган бинонинг электр ўтказгичлари имкониятидан келиб чиқиб, ўрнатиладиган қуёш панелларининг қуввати (кВт) ва миқдори.

15 7 . «Маҳалла еттилиги» томонидан ҳудудий электр тармоқлари корхонасининг талабгор хонадонига қуёш панели ўрнатиш мақсадга мувофиқлиги ёки мувофиқ эмаслиги хулосаси асосида субсидия ажратиш ёхуд ажратишни рад этиш тўғрисида коллегиал қарор қабул қилинади. Бунда:

субсидия ажратиш тўғрисида қарор қабул қилинганда, мазкур қарор мурожаат, ҳудудий электр тармоқлари корхонасининг хулосаси ва бошқа ҳужжатлар илова қилинган ҳолда «Онлайн маҳалла» электрон платформаси орқали туман (шаҳар) камбағалликни қисқартириш ва бандликка кўмаклашиш бўлимларини хабардор қилган ҳолда Жамғармага юборилади;

субсидия ажратишни рад этиш тўғрисида қарор қабул қилинганда, бу ҳақда рад этиш сабабларини кўрсатган ҳолда талабгорга хабарнома юборилади.

15 8 . Жамғарма ўзи, таъминотчи корхона ва талабгор ўртасида ўн иш кунида уч томонлама шартнома тузиш чораларини кўради. Бунда:

таъминотчи корхонани танлаш ва шартнома қиймати (субсидия миқдори)ни аниқлаш Жамғарманинг Васийлик кенгаши томонидан тасдиқланган тартибга асосан амалга оширилади;

шартнома ҳудудий электр тармоқлари корхонасининг хулосасида кўрсатилган маълумотларга мувофиқ тузилади;

шартномада қуёш панелининг самарадорлигини аниқлаш ва кузатиб бориш учун ягона мониторинг дастури мавжуд бўлиши, хонадонига қуёш панели ўрнатилаётган оилани SIM-карта билан таъминлаш ҳамда SIM-карта учун камида бир йиллик тўлов қилиш мажбурияти таъминотчига юклатилиши тўғрисидаги талаблар белгиланади.

15 9 . Уч томонлама тузилган шартномада қуёш панеллари ўрнатиш учун олдиндан 30 фоиз миқдорида тўлов амалга оширилиши назарда тутилиши мумкин. Тўловнинг қолган қисми шартнома шартлари тўлиқ бажарилгандан сўнг тўланади.

2-§. Қишлоқ хўжалиги ва доривор ўсимликларни етиштириш бўйича кооперативлар устав фондига улуш сифатида киритиш учун субсидия ажратиш тартиби

16. Талабгор қишлоқ хўжалиги кооперативи ташкил этиш ёки қишлоқ хўжалиги кооперативига ихтиёрий аъзо бўлиш учун субсидия ажратиш бўйича ўзининг яшаш манзилидаги ҳоким ёрдамчисига ёки Ўзбекистон Республикаси Ягона интерактив давлат хизматлари портали ва «Онлайн маҳалла» электрон платформаси орқали мурожаат қилади.

Агарда таъсисчилар сони икки ва ундан ортиқ бўлса, уларнинг бирининг яшаш манзилидаги ҳоким ёрдамчисига ёки «Онлайн маҳалла» электрон платформаси орқали мурожаат қилинади.

17. Аризада талабгорнинг фамилияси, исми ва отасининг исми, яшаш манзили, паспорт (ID-карта) серияси ва рақами, расмий даромад манбаига эга бўлмаган ижара ер эгалари ёки Ижтимоий реестрга киритилган оила аъзоси эканлиги ва кооперативнинг қайси фаолият тури билан шуғулланиши ҳамда сўралаётган субсидиянинг миқдори кўрсатилади.

Кооперативлар устав фондига улуш сифатида киришда қишлоқ хўжалиги кооперативига аъзолик учун базавий ҳисоблаш миқдорининг 10 бараваригача, Экология ва иқлим ўзгариши миллий қўмитаси ҳузуридаги Ўрмон ва яшил ҳудудларни кўпайтириш, чўлланишга қарши курашиш агентлиги балансидаги ер участкаларида ташкил этиладиган тутзорларда пилла кооперативига аъзолик учун ушбу кооператив аъзоси ҳисобланадиган камбағал оилаларга 4 миллион сўмдан ҳамда доривор ўсимликларни етиштириш бўйича кооперативга аъзолик учун базавий ҳисоблаш миқдорининг бир баравари миқдорда субсидия ажратилади.

18. Ҳоким ёрдамчиси уч иш кунида талабгорнинг мурожаатида қайд этилган маълумотларни ўрганиш учун «Онлайн маҳалла» электрон платформаси орқали скоринг тизимига юборади. Бунда:

талабгор Ижтимоий реестрга киритилган оиланинг аъзоларидан бири эканлигини;

талабгор сўралаётган субсидия туридан муқаддам фойдаланмаганлигини ўрганади.

19. Скоринг ўрганиш натижалари бўйича ижобий натижа келган тақдирда коллегиал ўрганиш ва қарор қабул қилиш учун «Маҳалла еттилиги»га киритади.

20. Скоринг ўрганиш натижалари салбий бўлса, субсидия ажратишни рад этиш сабабларини кўрсатган ҳолда талабгорга хабарнома юборади.

21. «Маҳалла еттилиги» коллегиал ўрганиш ва қарор қабул қилиш учун келиб тушган мурожаат ва унга илова қилинган ҳужжатларни уч иш кунида жойига чиққан ҳолда ўрганади.

Бунда талабгорнинг қишлоқ хўжалиги кооперативининг балиқчилик, қуёнчилик, паррандачилик, асаларичилик, мева-сабзавотчилик, узумчилик, тикувчилик, пиллачилик ва ҳунармандчилик ҳамда доривор ўсимликларни етиштириш фаолият турларининг бири билан шуғулланиш имконияти мавжудлигини ўрганади.

22. «Маҳалла еттилиги»нинг ҳар бир аъзоси электрон имзо орқали ўз овозини берган ҳолда кўпчилик овози билан (бунда маҳалладаги вакант лавозимлар инобатга олинмайди) коллегиал қарор қабул қилади. Бунда:

а) субсидия ажратиш (ёки ажратишни рад этиш) тўғрисида коллегиал қарор қабул қилади. Коллегиал қарорда субсидия миқдори кўрсатилиши лозим;

б) субсидия ажратиш учун коллегиал қарорни иловалари билан бирга «Онлайн маҳалла» электрон платформаси орқали туман (шаҳар) камбағалликни қисқартириш ва бандликка кўмаклашиш бўлимларини хабардор қилган ҳолда Жамғармага юборади;

в) ўрганиш натижалари бўйича субсидия ажратишни рад этиш тўғрисида қарор қабул қилинган бўлса, бу ҳақда сабабларни кўрсатган ҳолда талабгорга хабарнома юборади.

23. Ўрганиш натижасига кўра ҳужжатлар тўлиқ тақдим қилинмаса ёки ҳужжатларда кўрсатилган маълумотлар ўз тасдиғини топмаса, субсидия ажратиш рад этилади.

24. Коллегиал қарорда қайд этилган маълумотларнинг ҳаққонийлиги учун «Маҳалла еттилиги»нинг ҳар бир аъзоси бирдек жавобгар ҳисобланади.

25. Талабгор белгиланган тартибда қишлоқ хўжалиги ва доривор ўсимликларни етиштириш бўйича кооперативни ташкил этгандан ёки қишлоқ хўжалиги ва доривор ўсимликларни етиштириш бўйича кооперативга ихтиёрий аъзо бўлгандан сўнг Жамғармага банк реквизитларини тақдим этади.

26. Жамғарма уч иш кунида:

а) «Маҳалла еттилиги»нинг коллегиал қарори бўйича сўралаётган субсидия маблағларини кооператив устав фондига ҳар бир аъзонинг улуши сифатида киритиш учун унинг банкдаги ҳисобварағига аризада кўрсатилган базавий ҳисоблаш миқдорида (базавий ҳисоблаш миқдорининг ўн бараваригача) ўтказиб беради.

б) субсидия ажратиладиган талабгорнинг маълумотларида номутаносибликлар (банк реквизитлари ўзгариши ва бошқа ҳолатлар) юзага келганда қайта коллегиал қарор қабул қилиш учун тегишли «Маҳалла еттилиги»га қайтаради.

27. Кооператив устав фондига улуш сифатида киритиш учун субсидия битта оиланинг битта аъзосига фақат бир марта ажратилади.

3-§. Тадбиркорлик субъектларига — ҳар бир касаначининг дастлабки уч ой давомидаги касаначилик фаолияти учун бир ойлик ўртача даромади миқдорида тўлов тўлаш учун субсидия ажратиш тартиби

28. Талабгор касаначиликни ташкил этганидан сўнг ўзининг яшаш манзилидаги ҳоким ёрдамчисига ёки Ўзбекистон Республикаси Ягона интерактив давлат хизматлари портали ва «Онлайн маҳалла» электрон платформаси орқали субсидия ажратиш бўйича мурожаат қилади.

29. Талабгорнинг мурожаатида касаначининг фамилияси, исми, отасининг исми, талабгорнинг субсидия тўлаб берилиши лозим бўлган ҳисобварағи (реквизитлари) ва манзили кўрсатилади, шунингдек, мурожаатга касаначи билан тузилган меҳнат шартномаси ёки ишларни бажариш (товарлар ишлаб чиқариш, хизматлар кўрсатиш) ҳақидаги фуқаролик-ҳуқуқий тусдаги шартнома ёхуд пудрат шартномаси, касаначининг дастлабки уч ой давомидаги даромади миқдори тўғрисидаги маълумотнома (ёки касаначининг дастлабки уч ой давомидаги фаолияти учун тўловлар банк орқали тўланганлигини тасдиқловчи маълумотнома) илова қилинади.

30. Ҳоким ёрдамчиси уч иш кунида талабгорнинг мурожаатида қайд этилган маълумотларни ўрганиш учун «Онлайн маҳалла» электрон платформаси орқали скоринг тизимига юборади.

31. Скоринг ўрганиш натижалари бўйича ижобий натижа келган тақдирда коллегиал ўрганиш ва қарор қабул қилиш учун «маҳалла еттилиги»га киритади.

32. Скоринг ўрганиш натижалари салбий бўлса, субсидия ажратишни рад этиш сабабларини кўрсатган ҳолда талабгорга хабарнома юборади.

33. «Маҳалла еттилиги» коллегиал ўрганиш ва қарор қабул қилиш учун келиб тушган мурожаат ва унга илова қилинган ҳужжатларни уч иш кунида жойига чиққан ҳолда ўрганади.

Бунда субсидия ажратиш учун талабгор ва касаначи билан тузилган меҳнат шартномаси ёки ишларни бажариш (товарлар ишлаб чиқариш, хизматлар кўрсатиш) ҳақидаги фуқаролик-ҳуқуқий тусдаги шартнома ёки пудрат шартномаси Солиқ қўмитасининг Ягона электрон шартномалар ахборот порталида рўйхатдан ўтказилганлиги ҳамда расмийлаштирилганлигига камида уч ой ўтганлиги асос ҳисобланади.

«Маҳалла еттилиги» томонидан касаначининг дастлабки уч ой давомидаги даромадининг ҳаққонийлиги туман (шаҳар) солиқ инспекциясидан маълумот олиш орқали ёки «Ягона миллий меҳнат тизими»идоралараро дастурий-аппарат комплекси орқали текширади.

34. «Маҳалла еттилиги»нинг ҳар бир аъзоси электрон имзо орқали ўз овозини берган ҳолда кўпчилик овози билан (бунда маҳалладаги вакант лавозимлар инобатга олинмайди) коллегиал қарор қабул қилади. Бунда:

а) субсидия ажратиш (ёки ажратишни рад этиш) тўғрисида коллегиал қарор қабул қилади. Коллегиал қарорда субсидия миқдори ва уни ажратиш муддати кўрсатилиши лозим;

б) субсидия ажратиш учун коллегиал қарорни иловалари билан бирга «Онлайн маҳалла» электрон платформаси орқали туман (шаҳар) камбағалликни қисқартириш ва бандликка кўмаклашиш бўлимларини хабардор қилган ҳолда Жамғармага юборади;

в) ўрганиш натижалари бўйича субсидия ажратишни рад этиш тўғрисида қарор қабул қилинган бўлса, бу ҳақда сабабларни кўрсатган ҳолда талабгорга хабарнома юборади.

35. Субсидия ажратиш қуйидагиларга кўра рад этилади:

ҳужжатлар талабгор томонидан тўлиқ тақдим этилмаганда;

касаначи билан тузилган меҳнат шартномаси ёки ишларни бажариш (товарлар ишлаб чиқариш, хизматлар кўрсатиш) ҳақидаги фуқаролик-ҳуқуқий тусдаги шартнома ёхуд пудрат шартномаси Ягона электрон шартномалар ахборот порталида рўйхатдан ўтказилмаганда;

касаначининг дастлабки уч ой давомидаги даромади тўғрисидаги маълумотнинг ҳаққонийлиги ўз тасдиғини топмаганда.

36. Коллегиал қарорда қайд этилган маълумотлар ҳаққонийлиги учун «Маҳалла еттилиги»нинг ҳар бир аъзоси бирдек жавобгар ҳисобланади.

37. Жамғарма беш иш кунида:

а) «Маҳалла еттилиги»нинг коллегиал қарори бўйича сўралаётган субсидия маблағларини талабгорнинг банкдаги ҳисобварағига ўтказиб беради.

б) субсидия ажратиладиган талабгорнинг маълумотларида номутаносибликлар (тадбиркорлик субъекти тугатилганлиги, банк реквизитлари ўзгариши ва бошқа ҳолатлар) юзага келганда қайта коллегиал қарор қабул қилиш учун тегишли «Маҳалла еттилиги»га қайтаради.

4-§. «Уста-шогирд»анъаналари асосида ёшларга ҳунар ўргатаётган ҳунармандларга — шогирдлар тайёрлаш, зарур хомашё сотиб олиш ва шогирдларни иш ҳақи билан таъминлаш харажатларини қоплаш учун субсидия ажратиш тартиби

38. «Уста-шогирд» анъаналари асосида ёшларга ҳунар ўргатаётган ҳунармандларга — шогирдлар тайёрлаш, зарур хомашё сотиб олиш ва шогирдларни иш ҳақи билан таъминлаш харажатларини қоплаш учун ҳар бир шогирд учун (бироқ, шогирдлар сони беш нафардан ошмаган ҳолда) субсидия 6 ой давомида ҳар ойда 1 — 3-тоифалар туман ва шаҳарлар учун базавий ҳисоблаш миқдорининг 2 бараваригача, 4-тоифа учун базавий ҳисоблаш миқдорининг 4 бараваригача ва 5-тоифа учун базавий ҳисоблаш миқдорининг 5 бараваригача миқдорда ажратилади.

39. Талабгор ўзининг яшаш манзилидаги ҳоким ёрдамчисига ёки Ўзбекистон Республикаси Ягона интерактив давлат хизматлари портали ва «Онлайн маҳалла» электрон платформаси орқали субсидия ажратиш бўйича мурожаат қилади.

40. Мурожаатда талабгорнинг фамилияси, исми ва отасининг исми, яшаш манзили, паспорт (ID-карта) серияси ва рақами, ишлаб чиқариш эҳтиёжлари учун зарур хом-ашё сотиб олиш ва шогирдларни иш ҳақи билан таъминлаши учун сўралаётган субсидия тури, «Ҳунарманд»уюшмасига аъзолиги ва тадбиркор сифатида давлат рўйхатидан ўтганлиги, банк реквизитлари кўрсатилади, шунингдек, «уста-шогирд»анъаналари асосида шогирд сифатида қабул қилган меҳнатга лаёқатли ёшларнинг (фамилияси, исми ва отасининг исмини кўрсатган ҳолда) рўйхати илова қилинади.

41. Ҳоким ёрдамчиси уч иш кунида талабгорнинг мурожаатида қайд этилган маълумотларни ўрганиш учун «Онлайн маҳалла» электрон платформаси орқали скоринг тизимига юборади.

42. Скоринг ўрганиш натижалари бўйича ижобий натижа келган тақдирда коллегиал ўрганиш ва қарор қабул қилиш учун «Маҳалла еттилиги»га киритади.

43. Скоринг ўрганиш натижалари салбий бўлса, субсидия ажратишни рад этиш сабабларини кўрсатган ҳолда талабгорга хабарнома юборади.

44. «Маҳалла еттилиги» коллегиал ўрганиш ва қарор қабул қилиш учун келиб тушган мурожаат ва унга илова қилинган ҳужжатларни уч иш кунида жойига чиққан ҳолда ўрганади.

Бунда ҳунарманднинг «Ҳунарманд» уюшмасига аъзолиги, ёшлар ҳақиқатда «уста-шогирд» анъаналари асосида ҳунарманддан ҳунар ўрганаётганлиги, сўралаётган субсидия туридан муқаддам фойдаланмаганлиги, ишлаб чиқариш эҳтиёжлари учун зарур хом ашёга эҳтиёжи мавжудлигини ўрганади.

45. «Маҳалла еттилиги»нинг ҳар бир аъзоси электрон имзо орқали ўз овозини берган ҳолда кўпчилик овози билан (бунда маҳалладаги вакант лавозимлар инобатга олинмайди) коллегиал қарор қабул қилади. Бунда:

а) субсидия ажратиш (ёки ажратишни рад этиш) тўғрисида коллегиал қарор қабул қилади. Коллегиал қарорда субсидия миқдори ва уни ажратиш муддати кўрсатилиши лозим;

б) субсидия ажратиш учун коллегиал қарорни иловалари билан бирга «Онлайн маҳалла» электрон платформаси орқали туман (шаҳар) камбағалликни қисқартириш ва бандликка кўмаклашиш бўлимларини хабардор қилган ҳолда Жамғармага юборади;

в) ўрганиш натижалари бўйича субсидия ажратишни рад этиш тўғрисида қарор қабул қилинган бўлса, бу ҳақда сабабларни кўрсатган ҳолда талабгорга хабарнома юборади.

46. Ўрганиш натижасига кўра ҳужжатлар тўлиқ тақдим қилинмаса ёки ҳужжатларда кўрсатилган маълумотлар ўз тасдиғини топмаса, субсидия ажратиш рад этилади.

47. Коллегиал қарорда қайд этилган маълумотларнинг ҳаққонийлиги учун «маҳалла еттилиги»нинг ҳар бир аъзоси бирдек жавобгар ҳисобланади.

48. Жамғарма уч иш кунида:

а) «Маҳалла еттилиги»нинг коллегиал қарори бўйича сўралаётган субсидия маблағларини талабгорнинг банкдаги ҳисобварағига ўтказиб беради.

б) субсидия ажратиладиган талабгорнинг маълумотларида номутаносибликлар (тадбиркорлик субъекти тугатилганлиги, банк реквизитлари ўзгариши ва бошқа ҳолатлар) юзага келганда қайта коллегиал қарор қабул қилиш учун тегишли «Маҳалла еттилиги»га қайтаради.

5-§. Усталарга — ўзларининг интернет сайтларини яратиш, маҳсулотларини жаҳон электрон савдо майдончаларига чиқариш ва реклама қилиш харажатларини қоплаш учун субсидия ажратиш тартиби

49. Усталарга — ўзларининг интернет сайтларини яратиш, маҳсулотларини жаҳон электрон савдо майдончаларига чиқариш ва реклама қилиш харажатларини қоплаш учун субсидия 1 — 3-тоифа туман ва шаҳарлар учун харажатларнинг 50 фоизи (бироқ базавий ҳисоблаш миқдорининг 25 бараваригача), 4-5-тоифа учун харажатларнинг 75 фоизи (бироқ базавий ҳисоблаш миқдорининг 30 бараваригача) миқдорида ажратилади.

50. Талабгор ўзининг яшаш манзилидаги ҳоким ёрдамчисига ёки Ўзбекистон Республикаси Ягона интерактив давлат хизматлари портали ва «Онлайн маҳалла» электрон платформаси орқали субсидия ажратиш бўйича мурожаат қилади.

51. Мурожаатда талабгорнинг фамилияси, исми ва отасининг исми, яшаш манзили, паспорт (ID-карта) серияси ва рақами, сўралаётган субсидия тури, «Ҳунарманд» уюшмасига аъзолиги ва тадбиркор сифатида давлат рўйхатидан ўтганлиги, банк реквизитлари кўрсатилади, шунингдек, электрон дастурий таъминот ишлаб чиқарувчи юридик шахс (кейинги ўринларда — дастурчи) билан тузилган шартнома нусхаси илова қилинади.

52. Ҳоким ёрдамчиси уч иш кунида талабгорнинг мурожаатида қайд этилган маълумотларни ўрганиш учун «Онлайн маҳалла» электрон платформаси орқали скоринг тизимига юборади.

53. Скоринг ўрганиш натижалари бўйича ижобий натижа келган тақдирда коллегиал ўрганиш ва қарор қабул қилиш учун «Маҳалла еттилиги»га киритади.

54. Скоринг ўрганиш натижалари салбий бўлса, субсидия ажратишни рад этиш сабабларини кўрсатган ҳолда талабгорга хабарнома юборади.

55. «Маҳалла еттилиги» коллегиал ўрганиш ва қарор қабул қилиш учун келиб тушган мурожаат ва унга илова қилинган ҳужжатларни уч иш кунида жойига чиққан ҳолда ўрганади.

Бунда устанинг ҳақиқатда «Ҳунарманд» уюшмасига аъзолиги ва тадбиркор сифатида давлат рўйхатидан ўтганлиги, интернет сайтларини яратиш, ўз маҳсулотларини жаҳон электрон савдо майдончаларига чиқариши ёки рекламанинг айнан бир тури бўйича дастурчи билан тузилган шартноманинг мавжудлигини ўрганади.

56. «Маҳалла еттилиги»нинг ҳар бир аъзоси электрон имзо орқали ўз овозини берган ҳолда кўпчилик овози билан (бунда маҳалладаги вакант лавозимлар инобатга олинмайди) коллегиал қарор қабул қилади. Бунда:

а) субсидия ажратиш (ёки ажратишни рад этиш) тўғрисида коллегиал қарор қабул қилади. Коллегиал қарорда субсидия миқдори кўрсатилиши лозим;

б) субсидия ажратиш учун коллегиал қарорни иловалари билан бирга «Онлайн маҳалла» электрон платформаси орқали ҳудудий камбағалликни қисқартириш ва бандликка кўмаклашиш бўлимларини хабардор қилган ҳолда Жамғармага юборади;

в) ўрганиш натижалари бўйича субсидия ажратишни рад этиш тўғрисида қарор қабул қилинган бўлса, бу ҳақда сабабларни кўрсатган ҳолда талабгорга хабарнома юборади.

57. Ўрганиш натижасига кўра ҳужжатлар тўлиқ тақдим қилинмаса ёки ҳужжатларда кўрсатилган маълумотлар ўз тасдиғини топмаса, субсидия ажратиш рад этилади.

58. Коллегиал қарорда қайд этилган маълумотларнинг ҳаққонийлиги учун «Маҳалла еттилиги»нинг ҳар бир аъзоси бирдек жавобгар ҳисобланади.

59. Жамғарма уч иш кунида:

а) «Маҳалла еттилиги»нинг коллегиал қарори бўйича сўралаётган субсидия маблағларини талабгорнинг банкдаги ҳисобварағига ўтказиб беради.

б) субсидия ажратиладиган талабгорнинг маълумотларида номутаносибликлар (тадбиркорлик субъекти тугатилганлиги, банк реквизитлари ўзгариши ва бошқа ҳолатлар) юзага келганда қайта коллегиал қарор қабул қилиш учун тегишли «Маҳалла еттилиги»га қайтаради.

6-§. Ишсизларга — олинган бино ва иншоотнинг ижара тўловини тўлаш учун субсидия ажратиш тартиби

60. Тадбиркорлик фаолиятини бошлаётган Ижтимоий реестрда турган оиланинг ишсиз аъзоларига тадбиркорлик субъекти сифатида давлат рўйхатидан ўтгандан сўнг дастлабки уч ой мобайнида олинган бино ва иншоотнинг ижара тўловини тўлаш учун базавий ҳисоблаш миқдорининг 10 бараваригача миқдорда субсидия ажратилади.

61. Талабгор ўзининг яшаш манзилидаги ҳоким ёрдамчисига ёки Ўзбекистон Республикаси Ягона интерактив давлат хизматлари портали ва «Онлайн маҳалла» электрон платформаси орқали мурожаат қилади.

62. Мурожаатда талабгорнинг фамилияси, исми ва отасининг исми, яшаш манзили, паспорт (ID-карта) серияси ва рақами, сўралаётган субсидия миқдори, тадбиркорлик субъекти сифатида давлат рўйхатидан ўтказилганлиги кўрсатилади, шунингдек, фаолиятини амалга ошириш учун ижарага олинаётган бино ва иншоотнинг ижара шартномаси нусхалари ҳамда банк реквизитлари илова қилинади.

63. Ҳоким ёрдамчиси уч иш кунида талабгорнинг мурожаатида қайд этилган маълумотларни ўрганиш учун «Онлайн маҳалла» электрон платформаси орқали скоринг тизимига юборади.

64. Скоринг ўрганиш натижалари бўйича ижобий натижа келган тақдирда коллегиал ўрганиш ва қарор қабул қилиш учун «Маҳалла еттилиги»га киритади.

65. Скоринг ўрганиш натижалари салбий бўлса, субсидия ажратишни рад этиш сабабларини кўрсатган ҳолда талабгорга хабарнома юборади.

66. «Маҳалла еттилиги» коллегиал ўрганиш ва қарор қабул қилиш учун келиб тушган мурожаат ва унга илова қилинган ҳужжатларни уч иш кунида жойига чиққан ҳолда ўрганади.

Бунда талабгорнинг ҳақиқатда тадбиркорлик субъекти сифатида давлат рўйхатидан ўтганлиги, фаолиятини амалга ошириш учун ижарага олинаётган бино ва иншоотнинг мавжудлигини ўрганади.

67. «Маҳалла еттилиги», тадбиркорлик фаолиятини бошлаётган талабгор ва ижарага берувчи ўртасида қонунчиликка асосан ўн иш кунида уч томонлама ижара шартномаси тузилади.

Бунда ижара шартномасида ижара муддати томонларнинг келишувига кўра белгиланади ҳамда ижара тўловининг дастлабки уч ой мобайнида Жамғарма томонидан субсидия асосида тўлаб берилиши назарда тутилган қисми уч ойдан кўп бўлиши мумкин эмаслиги кўрсатилиши керак.

68. «Маҳалла еттилиги»нинг ҳар бир аъзоси электрон имзо орқали ўз овозини берган ҳолда кўпчилик овози билан (бунда маҳалладаги вакант лавозимлар инобатга олинмайди) коллегиал қарор қабул қилади. Бунда:

а) субсидия ажратиш (ёки ажратишни рад этиш) тўғрисида коллегиал қарор қабул қилади. Коллегиал қарорда субсидия миқдори ва уни ажратиш муддати кўрсатилиши лозим;

б) субсидия ажратиш учун коллегиал қарорни иловалари билан бирга «Онлайн маҳалла» электрон платформаси орқали туман (шаҳар) камбағалликни қисқартириш ва бандликка кўмаклашиш бўлимларини хабардор қилган ҳолда Жамғармага юборади;

в) ўрганиш натижалари бўйича субсидия ажратишни рад этиш тўғрисида қарор қабул қилинган бўлса, бу ҳақда сабабларни кўрсатган ҳолда талабгорга хабарнома юборади.

69. Ўрганиш натижасига кўра ҳужжатлар тўлиқ тақдим қилинмаса ёки ҳужжатларда кўрсатилган маълумотлар ўз тасдиғини топмаса, субсидия ажратиш рад этилади.

70. Коллегиал қарорда қайд этилган маълумотлар ҳаққонийлиги учун «маҳалла еттилиги»нинг ҳар бир аъзоси бирдек жавобгар ҳисобланади.

71. Жамғарма уч иш кунида:

а) «Маҳалла еттилиги»нинг коллегиал қарори бўйича сўралаётган субсидияни ижара шартномасида кўрсатилган санадан бошлаб ижарага берувчининг ҳисобварағига базавий ҳисоблаш миқдорининг ўн бараваригача бўлган миқдори уч ойга тенг тақсимланган ҳолда, ҳар бир ой учун алоҳида тўлаб боради;

б) субсидия ажратиладиган талабгорнинг маълумотларида номутаносибликлар (банк реквизитлари ўзгариши ва бошқа ҳолатлар) юзага келганда қайта коллегиал қарор қабул қилиш учун тегишли «Маҳалла еттилиги»га қайтаради.

72. Ушбу субсидия туридан фойдаланиш ҳуқуқи бир марта берилади.

7-§. Озодликдан маҳрум этиш жазосини ўтаб бўлган фуқароларга улар томонидан тадбиркорлик, меъморчилик, ҳунармандчилик каби йўналишлардаги аниқ лойиҳалар амалга оширилиши учун субсидия ажрати ш тартиби

73. Озодликдан маҳрум этиш жазосини ўтаб бўлган фуқароларга улар томонидан тадбиркорлик, меъморчилик, ҳунармандчилик каби йўналишлардаги аниқ лойиҳалар амалга оширилиши учун субсидия меҳнатга ҳақ тўлашнинг энг кам миқдорининг 10 баравари миқдорида ажратилади.

74. Талабгор ўзининг яшаш манзилидаги ҳоким ёрдамчисига ёки Ўзбекистон Республикаси Ягона интерактив давлат хизматлари портали ва «Онлайн маҳалла» электрон платформаси орқали мурожаат қилади.

75. Мурожаатда талабгорнинг фамилияси, исми ва отасининг исми, яшаш манзили, паспорт (ID-карта) серияси ва рақами, озодликдан маҳрум этиш жазосини ўтаб бўлганлиги тўғрисида маълумот ҳамда сўралаётган субсидия бўйича аниқ лойиҳалар турлари ва миқдори кўрсатилади.

76. Ҳоким ёрдамчиси уч иш кунида талабгорнинг мурожаатида қайд этилган маълумотларни ўрганиш учун «Онлайн маҳалла» электрон платформаси орқали скоринг тизимига юборади.

77. Скоринг ўрганиш натижалари бўйича ижобий натижа келган тақдирда коллегиал ўрганиш ва қарор қабул қилиш учун «Маҳалла еттилиги»га киритади.

78. Скоринг ўрганиш натижалари салбий бўлса, субсидия ажратишни рад этиш сабабларини кўрсатган ҳолда талабгорга хабарнома юборади.

79. «Маҳалла еттилиги» коллегиал ўрганиш ва қарор қабул қилиш учун келиб тушган мурожаат ва унга илова қилинган ҳужжатларни уч иш кунида жойига чиққан ҳолда ўрганади.

Бунда фуқаронинг озодликдан маҳрум этиш жазосини ўтаб бўлганлигини, тадбиркорлик, меъморчилик, ҳунармандчилик каби йўналишлардаги аниқ лойиҳаларини амалга ошириш имконияти мавжудлигини ўрганади.

80. «Маҳалла еттилиги»нинг ҳар бир аъзоси электрон имзо орқали ўз овозини берган ҳолда кўпчилик овози билан (бунда маҳалладаги вакант лавозимлар инобатга олинмайди) коллегиал қарор қабул қилади. Бунда:

а) субсидия ажратиш (ёки ажратишни рад этиш) тўғрисида коллегиал қарор қабул қилади. Коллегиал қарорда амалга оширилаётган лойиҳа йўналишлари ва субсидия миқдори кўрсатилиши лозим;

б) субсидия ажратиш учун коллегиал қарорни иловалари билан бирга «Онлайн маҳалла» электрон платформаси орқали туман (шаҳар) камбағалликни қисқартириш ва бандликка кўмаклашиш бўлимларини хабардор қилган ҳолда Жамғармага юборади.

в) ўрганиш натижалари бўйича субсидия ажратишни рад этиш тўғрисида қарор қабул қилинган бўлса, бу ҳақда сабабларни кўрсатган ҳолда талабгорга хабарнома юборади.

79. Ўрганиш натижасига кўра ҳужжатлар тўлиқ тақдим қилинмаса ёки ҳужжатларда кўрсатилган маълумотлар ўз тасдиғини топмаса, субсидия ажратиш рад этилади.

80. Коллегиал қарорда қайд этилган маълумотларнинг ҳаққонийлиги учун «Маҳалла еттилиги»нинг ҳар бир аъзоси бирдек жавобгар ҳисобланади.

81. Жамғарма уч иш кунида «Маҳалла еттилиги» коллегиал қарори бўйича сўралаётган субсидияни лойиҳа йўналиши бўйича фуқарога тўлаб беради.

82. Ушбу субсидия туридан фойдаланиш ҳуқуқи бир марта берилади.

7 1 -§. Пилла етиштирувчиларга (ипак қурти боқувчи ва касаначиларга) субсидия ажратиш тартиби

82 1 . Пилла етиштирувчиларга (ипак қурти боқувчи ва касаначиларга) «маҳалла еттилиги»нинг коллегиал қарори асосида пиллачилик кластери ҳақиқатда пилла учун тўлаб берган маблағларнинг 35 фоизи миқдорида субсидия ажратилади.

82 2 . Талабгор субсидия олиш учун ўзининг доимий яшаш манзилидаги ҳоким ёрдамчисига ёки Ўзбекистон Республикаси Ягона интерактив давлат хизматлари портали ва «Онлайн маҳалла» электрон платформаси орқали мурожаат қилади.

82 3 . Талабгор мурожаатида фамилияси, исми, отасининг исми, касаначининг субсидия тўлаб берилиши лозим бўлган банк пластик картаси (реквизитлари) ва манзили кўрсатилади, шунингдек, мурожаатга меҳнат шартномаси ёки ишларни бажариш (товарлар ишлаб чиқариш, хизматлар кўрсатиш) ҳақидаги фуқаролик-ҳуқуқий тусдаги шартнома ёхуд пудрат шартномаси, талабгорнинг пилла етиштириш фаолиятидан олган даромади миқдори тўғрисидаги маълумотнома илова қилинади.

82 4 . Ҳоким ёрдамчиси уч иш кунида талабгорнинг мурожаатида қайд этилган маълумотларни ўрганиш ва пиллачилик кластери томонидан ҳақиқатда тўланган маблағни аниқлаш учун «Онлайн маҳалла» электрон платформаси орқали скоринг тизимига юборади.

82 5 . Ҳоким ёрдамчиси скоринг ўрганиш натижалари ижобий бўлганида субсидия ажратиш тўғрисидаги таклифни коллегиал ўрганиш ва қарор қабул қилиш учун «маҳалла еттилиги»га киритади.

82 6 . Скоринг ўрганиш натижалари салбий бўлса, субсидия ажратишни рад этиш сабабларини кўрсатган ҳолда талабгорга хабарнома юборади.

82 7 . «Маҳалла еттилиги» коллегиал ўрганиш ва қарор қабул қилиш учун келиб тушган мурожаат ва унга илова қилинган ҳужжатларни икки иш кунида ўрганади.

Бунда субсидия ажратиш учун талабгор билан тузилган меҳнат шартномаси ёки фуқаролик-ҳуқуқий тусдаги шартнома ёхуд пудрат шартномаси «Ягона миллий меҳнат тизими» идоралараро дастурий-аппарат комплексида рўйхатдан ўтказилгани ҳамда расмийлаштирилгани асос ҳисобланади.

Пилла етиштириш фаолияти учун субсидия ажратиш бўйича мурожаатлар юзасидан қўшимча равишда «маҳалла еттилиги» талабгор даромадининг ҳаққонийлигини туман (шаҳар) солиқ инспекциясидан маълумот олиш орқали текширади.

82 8 . «Маҳалла еттилиги»нинг ҳар бир аъзоси электрон имзо орқали ўз овозини берган ҳолда, коллегиал қарор кўпчилик овози билан (маҳалладаги вакант лавозимлар инобатга олинмайди) қабул қилинади.

Бунда:

субсидия ажратиш (ёки ажратишни рад этиш) тўғрисида коллегиал қарор қабул қилинади;

субсидия ажратиш учун коллегиал қарорни иловалари билан бирга «Онлайн маҳалла» электрон платформаси орқали туман (шаҳар) камбағалликни қисқартириш ва бандликка кўмаклашиш бўлимларини хабардор қилган ҳолда Жамғармага юборади;

ўрганиш натижалари бўйича субсидия ажратишни рад этиш тўғрисида қарор қабул қилинган бўлса, бу ҳақида сабабларни кўрсатган ҳолда касаначига хабарнома юборади.

82 9 . Субсидия ажратиш қуйидагиларга кўра рад этилади:

ҳужжатлар талабгор томонидан тўлиқ тақдим этилмаганда;

талабгор билан тузилган меҳнат шартномаси ёки фуқаролик-ҳуқуқий тусдаги шартнома ёхуд пудрат шартномаси «Ягона миллий меҳнат тизими» идоралараро дастурий-аппарат комплексида рўйхатдан ўтказилмаганда;

талабгорнинг даромади тўғрисидаги маълумотнинг ҳаққонийлиги ўз тасдиғини топмаганда.

82 10 . Коллегиал қарорда қайд этилган маълумотлар ҳаққонийлиги учун «маҳалла еттилиги»нинг ҳар бир аъзоси бирдек жавобгар ҳисобланади.

82 11 . Жамғарма беш иш кунида:

«маҳалла еттилиги»нинг коллегиал қарори асосида талабгорнинг банк пластик картасига субсидияни ўтказиб беради;

субсидия ажратиладиган талабгорнинг маълумотларида номутаносибликлар (пластик карта маълумотлари ўзгариши ва бошқа ҳолатлар) юзага келганда, қайта коллегиал қарор қабул қилиш учун «маҳалла еттилиги»га қайтаради.

3-боб. Жамғарма маблағлари ҳисобидан ссудалар ажратиш турлари ва тартиби

8-§. Ўзини ўзи банд қилмоқчи бўлган ишсиз фуқароларни ёки Ижтимоий реестрга киритилган оилалар аъзоларини касаначи сифатида ишга олган тадбиркорлик субъектларига уларнинг айланма маблағларини тўлдириш учун ҳар бир жалб қилинган касаначи учун ссуда ажратиш тартиби

83. Ўзини ўзи банд қилмоқчи бўлган ишсиз фуқароларни ёки Ижтимоий реестрга киритилган оилалар аъзоларини касаначи сифатида ишга олган тадбиркорлик субъектларига уларнинг айланма маблағларини тўлдириш учун ҳар бир жалб қилинган касаначи учун базавий ҳисоблаш миқдорининг 10 бараваригача миқдордаги 3 йилгача муддатга фоизсиз ссудалар ажратилади.

Бунда тадбиркорлик субъекти камида 10 нафар касаначини ишга қабул қилиши ҳамда ажратиладиган ссуданинг жами миқдори базавий ҳисоблаш миқдорининг 200 бараваридан ошмаслиги талаб этилади.

84. Талабгор касаначиларни жалб этгандан сўнг ссуда олиш учун ўзининг яшаш манзилидаги ҳоким ёрдамчисига ёки Ўзбекистон Республикаси Ягона интерактив давлат хизматлари портали ва «Онлайн маҳалла» электрон платформаси орқали мурожаат қилади.

85. Талабгор мурожаатига қуйидагилар илова қилиниши шарт:

жалб қилинган касаначиларнинг сони, фамилияси, исми, отасининг исми;

касаначи билан тузилган меҳнат шартномаси ёки ишларни бажариш (товарлар ишлаб чиқариш, хизматлар кўрсатиш) ҳақидаги фуқаролик-ҳуқуқий тусдаги шартнома ёки пудрат шартномаси;

ссуданинг миқдори ва ссуда сўралаётган давр, шунингдек, ссудани қайтаришнинг кафолатланган манбалари;

талабгорнинг ссуда тўлаб берилиши лозим бўлган ҳисобварағи (реквизитлари) ва манзили;

охирги ҳисобот даври учун солиқдан қарздорлиги йўқлиги тўғрисида солиқ органлари маълумоти, шунингдек, муддати ўтган кредит қарзлари мавжуд эмаслиги ҳақида хизмат кўрсатувчи тижорат банкидан маълумотнома.

86. Ҳоким ёрдамчиси уч иш кунида талабгорнинг мурожаатида қайд этилган маълумотларни ўрганиш учун «Онлайн маҳалла» электрон платформаси орқали скоринг тизимига юборади.

87. Скоринг ўрганиш натижалари бўйича ижобий натижа келган тақдирда коллегиал ўрганиш ва қарор қабул қилиш учун «Маҳалла еттилиги»га киритади.

88. Скоринг ўрганиш натижалари салбий бўлса, субсидия ажратишни рад этиш сабабларини кўрсатган ҳолда талабгорга хабарнома юборади.

89. «Маҳалла еттилиги» коллегиал ўрганиш ва қарор қабул қилиш учун келиб тушган мурожаат ва унга илова қилинган ҳужжатларни уч иш кунида ўрганади.

90. «Маҳалла еттилиги»нинг ҳар бир аъзоси электрон имзо орқали ўз овозини берган ҳолда кўпчилик овози билан (бунда маҳалладаги вакант лавозимлар инобатга олинмайди) коллегиал қарор қабул қилади. Бунда:

а) ссуда ажратиш (ёки ажратишни рад этиш) тўғрисида коллегиал қарор қабул қилади. Коллегиал қарорда ссуда миқдори, уни ажратиш ва қайтариш муддатлари кўрсатилиши лозим;

б) ссуда ажратиш учун коллегиал қарорни иловалари билан бирга «Онлайн маҳалла» электрон платформаси орқали туман (шаҳар) камбағалликни қисқартириш ва бандликка кўмаклашиш бўлимларини хабардор қилган ҳолда Жамғармага юборади;

в) ўрганиш натижалари бўйича ссуда ажратишни рад этиш тўғрисида қарор қабул қилинган бўлса, бу ҳақда сабабларни кўрсатган ҳолда талабгорга хабарнома юборади.

91. Ссуда ажратиш қуйидагиларга кўра рад этилади:

ҳужжатлар талабгор томонидан тўлиқ тақдим этилмаганда;

тақдим этилган ҳужжатлар ўз тасдиғини топмаганда;

касаначи билан тузилган меҳнат шартномаси ёки ишларни бажариш (товарлар ишлаб чиқариш, хизматлар кўрсатиш) ҳақидаги фуқаролик-ҳуқуқий тусдаги шартнома ёхуд пудрат шартномаси Ўзбекистон Республикаси Иқтисодиёт ва молия вазирлиги ҳузуридаги Солиқ қўмитасининг Ягона электрон шартномалар ахборот порталида рўйхатдан ўтказилмаганда.

92. Жамғарма беш иш кунида:

а) Жамғарма директори ва талабгор имзолари билан тасдиқланадиган ссуда ажратиш тўғрисида шартнома тузади. Бунда шартномага ссудани қайтариш тартиби ҳамда жадвали илова қилинади;

б) шартнома имзолангандан сўнг ссуда ажратилади;

в) ушбу ссуда талабгор талабига биноан касаначиларнинг банк карталарига (ижтимоий карта) ўтказиб берилишига рухсат берилади.

93. Ссуда олувчи ссудани ажратиш учун тақдим этилган ҳужжатларнинг тўғрилиги ва асослилиги, шунингдек, ссуданинг ўз вақтида қайтарилиши учун жавобгардир.

94. Талабгор томонидан ссуда белгиланган муддатларда қайтарилмаган тақдирда, мавжуд қарздорлик қонунчилик ҳужжатларида белгиланган тартибда ундирилади.

9-§. Ижтимоий реестрга киритилган оила аъзоларига ўз фаолиятини бошлаши учун зарур бўлган асбоб-ускуналарни харид қилишга ссуда ажратиш тартиби

95. Ижтимоий реестрга киритилган оила аъзоларига ўз фаолиятини бошлаши учун зарур бўлган асбоб-ускуналарни харид қилишга базавий ҳисоблаш миқдорининг 50 бараваригача миқдордаги 6 ойдан 3 йилгача муддатга фоизсиз ссуда ажратилади.

96. Талабгор ўзининг яшаш манзилидаги ҳоким ёрдамчисига ёки Ўзбекистон Республикаси Ягона интерактив давлат хизматлари портали ва «Онлайн маҳалла» электрон платформаси орқали ссуда сўраб мурожаат қилади.

97. Талабгорнинг мурожаатида фуқаронинг фамилияси, исми ва отасининг исми, яшаш манзили, паспорт (ID-карта) серияси ва рақами, Ижтимоий реестрга киритилган оила аъзо эканлиги, харид қилиш керак бўладиган асбоб-ускуна ва меҳнат қуролларининг номи, тадбиркор сифатида Давлат хизматлари марказида давлат рўйхатидан ёки ўзини ўзи банд қилган шахс сифатида солиқ хизмати органларида рўйхатдан ўтганлиги ҳамда сўралаётган ссуданинг миқдори кўрсатилади.

98. Ҳоким ёрдамчиси уч иш кунида талабгорнинг мурожаатида қайд этилган маълумотларни ўрганиш учун «Онлайн маҳалла» электрон платформаси орқали скоринг тизимига юборади.

99. Скоринг ўрганиш натижалари бўйича ижобий натижа келган тақдирда коллегиал ўрганиш ва қарор қабул қилиш учун «Маҳалла еттилиги»га киритади.

100. Скоринг ўрганиш натижалари салбий бўлса, ссуда ажратишни рад этиш сабабларини кўрсатган ҳолда талабгорга хабарнома юборади.

101. «Маҳалла еттилиги» коллегиал ўрганиш ва қарор қабул қилиш учун келиб тушган мурожаат ва унга илова қилинган ҳужжатларни уч иш кунида жойига чиққан ҳолда ўрганади.

102. «Маҳалла еттилиги»нинг ҳар бир аъзоси электрон имзо орқали ўз овозини берган ҳолда кўпчилик овози билан (бунда маҳалладаги вакант лавозимлар инобатга олинмайди) коллегиал қарор қабул қилади. Бунда:

а) ссуда ажратиш (ёки ажратишни рад этиш) тўғрисида коллегиал қарор қабул қилади. Коллегиал қарорда ссуда миқдори, уни ажратиш ва қайтариш муддатлари кўрсатилиши лозим;

б) ссуда ажратиш учун коллегиал қарорни иловалари билан бирга «Онлайн маҳалла» электрон платформаси орқали ҳудудий камбағалликни қисқартириш ва бандликка кўмаклашиш бўлимларини хабардор қилган ҳолда Жамғармага юборади;

в) ўрганиш натижалари бўйича ссуда ажратишни рад этиш тўғрисида қарор қабул қилинган бўлса, бу ҳақда сабабларни кўрсатган ҳолда талабгорга хабарнома юборади.

103. Ўрганиш натижасига кўра ҳужжатлар тўлиқ тақдим қилинмаса ёки ҳужжатларда кўрсатилган маълумотлар ўз тасдиғини топмаса, ссуда ажратиш рад этилади.

104. Жамғарма ўн беш иш кунида:

а) Жамғарма ижрочи директори ва талабгор имзолари билан тасдиқланадиган ссуда ажратиш тўғрисида шартнома тузади. Бунда шартномага харид қилиш керак бўладиган асбоб-ускуна ва меҳнат қуролларининг номи, ссудани қайтариш тартиби ҳамда жадвали илова қилинади;

б) талабгор билан ссуда ҳисобидан асосий восита, асбоб-ускуна ва меҳнат қуроллари етказиб бериш тўғрисида жамғарма-талабгор-етказиб берувчилар билан уч томонлама шартнома тузиб, белгиланган тартибда тўловларни амалга оширади;

в) харид қилинган асбоб-ускуна ва меҳнат қуролларини талабгорга етказиб беради.

105. Ссуда олувчи ссудани ажратиш учун тақдим этилган ҳужжатларнинг тўғрилиги ва асослилиги, шунингдек, ссуданинг ўз вақтида қайтарилиши учун жавобгардир.

106. Талабгор томонидан ссуда белгиланган муддатларда қайтарилмаган тақдирда, мавжуд қарздорлик қонунчилик ҳужжатларида белгиланган тартибда ундирилади.

9 1 -§. Ипак қуртини парвариш қилиш учун зарур бўлган асбоб-ускуналарни (жиҳозларни) харид қилиш учун касаначиларга ссуда ажратиш тартиби

106 1 . Ипак қуртини парвариш қилиш бўйича шартномаси бўлган касаначиларга ўз фаолиятини юритиш учун зарур бўлган асбоб-ускуналарни харид қилишга базавий ҳисоблаш миқдорининг 50 бараваригача 3 йилгача муддатга фоизсиз ссуда ажратилади.

106 2 . Талабгор ўзининг доимий яшаш манзилидаги ҳоким ёрдамчисига ёки Ўзбекистон Республикаси Ягона интерактив давлат хизматлари портали ва «Онлайн маҳалла» электрон платформаси орқали ссуда сўраб мурожаат қилади.

106 3 . Талабгорнинг мурожаатида фуқаронинг фамилияси, исми ва отасининг исми, доимий яшаш манзили, паспорти (ID-картаси) серияси ҳамда рақами, харид қилиш керак бўладиган асбоб-ускуна ва меҳнат қуролларининг номи, ипак қуртини парвариш қилиш бўйича шартномаси ҳамда сўралаётган ссуданинг миқдори кўрсатилади.

106 4 . Ҳоким ёрдамчиси уч иш кунида талабгорнинг мурожаатида қайд этилган маълумотларни ўрганиш учун «Онлайн маҳалла» электрон платформаси орқали скоринг тизимига юборади.

106 5 . Скоринг ўрганиш натижалари бўйича ижобий натижа келган тақдирда, коллегиал ўрганиш ва қарор қабул қилиш учун «маҳалла еттилиги»га киритади.

106 6 . Скоринг ўрганиш натижалари салбий бўлса, ссуда ажратишни рад этиш сабабларини кўрсатган ҳолда талабгорга хабарнома юборади.

106 7 . «Маҳалла еттилиги» коллегиал ўрганиш ва қарор қабул қилиш учун келиб тушган мурожаат ва унга илова қилинган ҳужжатларни уч иш кунида жойига чиққан ҳолда ўрганади.

106 8 . «Маҳалла еттилиги»нинг ҳар бир аъзоси электрон имзо орқали ўз овозини берган ҳолда, коллегиал қарор кўпчилик овози билан (маҳалладаги вакант лавозимлар инобатга олинмайди) қабул қилинади. Бунда:

ссуда ажратиш (ёки ажратишни рад этиш) тўғрисида коллегиал қарор қабул қилинади. Коллегиал қарорда ссуда миқдори, уни ажратиш ва қайтариш муддатлари кўрсатилиши лозим;

ссуда ажратиш учун коллегиал қарорни иловалари билан бирга «Онлайн маҳалла» электрон платформаси орқали ҳудудий камбағалликни қисқартириш ва бандликка кўмаклашиш бўлимларини хабардор қилган ҳолда Жамғармага юборади;

ўрганиш натижалари бўйича ссуда ажратишни рад этиш тўғрисида қарор қабул қилинган бўлса, бу ҳақида сабабларни кўрсатган ҳолда талабгорга хабарнома юборади.

106 9 . Ўрганиш натижасига кўра ҳужжатлар тўлиқ тақдим қилинмаса ёки ҳужжатларда кўрсатилган маълумотлар ўз тасдиғини топмаса, ссуда ажратиш рад этилади.

106 10 . Жамғарма ўн беш иш кунида:

Жамғарма ижрочи директори ва талабгор имзолари билан тасдиқланадиган ссуда ажратиш тўғрисида шартнома тузади. Бунда шартномага харид қилиш керак бўладиган асбоб-ускуна ва меҳнат қуролларининг номи, ссудани қайтариш тартиби ҳамда жадвали илова қилинади;

талабгор билан ссуда ҳисобидан асосий восита, асбоб-ускуна ва меҳнат қуроллари етказиб бериш тўғрисида жамғарма-талабгор-етказиб берувчилар билан уч томонлама шартнома тузиб, белгиланган тартибда тўловларни амалга оширади;

харид қилинган асбоб-ускуна ва меҳнат қуролларини талабгорга етказиб беради.

106 11 . Ссуда олувчи ссудани ажратиш учун тақдим этилган ҳужжатларнинг тўғрилиги ва асослилиги, шунингдек, ссуданинг ўз вақтида қайтарилиши учун жавобгардир.

106 12 . Талабгор томонидан ссуда белгиланган муддатларда қайтарилмаган тақдирда, мавжуд қарздорлик қонунчилик ҳужжатларида белгиланган тартибда ундирилади.

106 13 . Талабгор ссуда олган кундан бошлаб 3 йил мобайнида пилла етиштириш мажбуриятини олади.

10-§. Ижтимоий реестрга киритилган оилаларга деҳқончилик ва боғдорчилик ташкил қилиш учун деҳқон хўжаликларига сув қудуқларини бурғилаш, насос агрегатларини сотиб олиш, томчилатиб суғориш тизимини ўрнатиш ва электр тармоқларини тортиш учун ссуда ажратиш тартиби

107. Ижтимоий реестрга киритилган оилаларга деҳқончилик ва боғдорчилик ташкил қилиш учун деҳқон хўжаликларига сув қудуқларини бурғилаш, насос агрегатларини сотиб олиш, томчилатиб суғориш тизимини ўрнатиш ва электр тармоқларини тортиш учун 6 ойлик имтиёзли давр билан базавий ҳисоблаш миқдорининг 200 бараваригача миқдордаги 5 йилгача муддатга фоизсиз ссудалар ажратилади.

108. Талабгор ўзининг яшаш манзилидаги ҳоким ёрдамчисига ёки Ўзбекистон Республикаси Ягона интерактив давлат хизматлари портали ва «Онлайн маҳалла» электрон платформаси орқали ссуда ажратиш бўйича мурожаат қилади.

109. Мурожаатда талабгорнинг фамилияси, исми ва отасининг исми, яшаш манзили, паспорт (ID-карта) серияси ва рақами, Ижтимоий реестрга киритилган оила аъзо эканлиги ва ижара асосида ажратилган ер майдонида деҳқон хўжалиги билан шуғулланишини, харид қилиши керак бўладиган асбоб-ускуна номи, деҳқон хўжалиги сифатида давлат рўйхатидан ўтганлиги ҳамда сўралаётган ссуданинг миқдори кўрсатилади.

110. Ҳоким ёрдамчиси бир иш кунида талабгорнинг мурожаатида қайд этилган маълумотларни ўрганиш учун «Онлайн маҳалла» электрон платформаси орқали скоринг тизимига юборади.

111. Скоринг ўрганиш натижалари бўйича ижобий натижа келган тақдирда коллегиал ўрганиш ва қарор қабул қилиш учун «Маҳалла еттилиги»га киритади.

112. Скоринг ўрганиш натижалари салбий бўлса, субсидия ажратишни рад этиш сабабларини кўрсатган ҳолда талабгорга хабарнома юборади.

113. «Маҳалла еттилиги» коллегиал ўрганиш ва қарор қабул қилиш учун келиб тушган мурожаат ва унга илова қилинган ҳужжатларни уч иш кунида жойига чиққан ҳолда ўрганади.

Бунда Ижтимоий реестрга киритилган оила аъзоси эканлиги ва ижара асосида ер майдони ажратилиб деҳқон хўжалиги билан шуғулланишини, харид қилиш керак бўладиган асбоб-ускуна ишлатиш шароитини ўрганади.

114. «Маҳалла еттилиги»нинг ҳар бир аъзоси электрон имзо орқали ўз овозини берган ҳолда кўпчилик овози билан (бунда маҳалладаги вакант лавозимлар инобатга олинмайди) коллегиал қарор қабул қилади. Бунда:

а) ссуда ажратиш (ёки ажратишни рад этиш) тўғрисида коллегиал қарор қабул қилади. Коллегиал қарорда ссуда миқдори, уни ажратиш ва қайтариш муддатлари кўрсатилиши лозим;

б) ссуда ажратиш учун коллегиал қарорни иловалари билан бирга «Онлайн маҳалла» электрон платформаси орқали туман (шаҳар) камбағалликни қисқартириш ва бандликка кўмаклашиш бўлимларини хабардор қилган ҳолда жамғармага юборади;

в) ўрганиш натижалари бўйича ссуда ажратишни рад этиш тўғрисида қарор қабул қилинган бўлса, бу ҳақда сабабларни кўрсатган ҳолда талабгорга хабарнома юборади.

115. Ўрганиш натижасига кўра ҳужжатлар тўлиқ тақдим қилинмаса ёки ҳужжатларда кўрсатилган маълумотлар ўз тасдиғини топмаса, ссуда ажратиш рад этилади.

116. Жамғарма ўн беш иш кунида:

а) Жамғарма директори ва талабгор имзолари билан тасдиқланадиган ссуда ажратиш тўғрисида шартнома тузади. Бунда шартномага харид қилиш керак бўладиган асбоб-ускуналарнинг номи, ссудани қайтариш тартиби ҳамда жадвали илова қилинади;

Ссудани қайтариш, қоида тариқасида, ссуда ажратилган ойдан 6 ой ўтгач бошланади;

б) талабгор билан ссуда ҳисобидан асосий восита, асбоб-ускуна ва меҳнат қуроллари етказиб бериш тўғрисида талабгор ва етказиб берувчилар билан уч томонлама шартнома тузиб, белгиланган тартибда тўловларни амалга оширади.

в) харид қилинган асбоб-ускуналарни талабгорга етказиб беради.

117. Ссуда олувчи ссудани ажратиш учун тақдим этилган ҳужжатларнинг тўғрилиги ва асослилиги, шунингдек, ссуданинг ўз вақтида қайтарилиши учун жавобгардир.

118. Талабгор томонидан ссуда белгиланган муддатларда қайтарилмаган тақдирда, мавжуд қарздорлик қонунчилик ҳужжатларида белгиланган тартибда ундирилади.

4-боб. Жамғарма маблағлари ҳисобидан маҳаллаларнинг ихтисослашуви ва драйвер йўналишларидан келиб чиқиб, ўз тажрибасини 10 тагача Ижтимоий реестрга киритилган оилаларга ўргатган ва уларга доимий даромад манбаига эга бўлишига кўмаклашган тадбиркорлик субъектларига ҳар бир оила учун грант ажратиш тартиби

119. Маҳаллаларнинг ихтисослашуви ва драйвер йўналишларидан келиб чиқиб, ўз тажрибасини 10 тагача Ижтимоий реестрга киритилган оилаларга ўргатган ва уларга доимий даромад манбаига эга бўлишига кўмаклашган тадбиркорлик субъектларига ҳар бир Ижтимоий реестрга киритилган оила учун базавий ҳисоблаш миқдорининг 3 баравари, бироқ базавий ҳисоблаш миқдорининг 30 бараваригача миқдордаги грант ажратилади.

Бунда тадбиркорлик субъектларига грантнинг 40 фоизи аванс шаклида, қолган қисми бириктирилган Ижтимоий реестрга киритилган оилалар даромад манбаига эга бўлиб, тадбиркор ёки ўзини ўзи банд қилган шахс сифатида рўйхатдан ўтганидан кейин ажратилади.

120. Грант олаётган талабгор ўз тажрибасини 5 тадан 10 тагача Ижтимоий реестрга киритилган оилаларнинг аъзоларига тадбиркорликни бошлашдан тортиб, етиштирилган ёки ишлаб чиқарилган маҳсулотларни сотишгача бўлган жараёнларни ўргатади.

Бунда қишлоқ хўжалиги, ишлаб чиқариш ва хизмат кўрсатиш йўналишида 6 ой муддатгача ҳамроҳлик қилади.

121. Талабгор ўзининг яшаш манзилидаги ҳоким ёрдамчисига ёки Узбекистон Республикаси Ягона интерактив давлат хизматлари портали ва «Онлайн маҳалла» электрон платформаси орқали грант ажратиш бўйича мурожаат қилади.

122. Мурожаатда Ижтимоий реестрда турган оила аъзоларининг фамилияси, исми ва отасининг исми, яшаш манзили, паспорт (ID-карта)серияси ва рақами, сўралаётган грант миқдори, тадбиркорлик субъекти сифатида давлат рўйхатидан ўтганлиги ёки ўзини-ўзи банд қилганлиги кўрсатилади, шунингдек, ўргатилаётган тажриба ва унинг натижадорлиги тўғрисида маълумот ҳамда банк реквизитлари илова қилинади.

123. Ҳоким ёрдамчиси уч иш кунида талабгорнинг мурожаатида қайд этилган маълумотларни ўрганиш учун «Онлайн маҳалла» электрон платформаси орқали скоринг тизимига юборади.

124. Скоринг ўрганиш натижалари бўйича ижобий натижа келган тақдирда коллегиал ўрганиш ва қарор қабул қилиш учун «Маҳалла еттилиги»га киритади.

125. Скоринг ўрганиш натижалари салбий бўлса, субсидия ажратишни рад этиш сабабларини кўрсатган ҳолда талабгорга хабарнома юборади.

126. «Маҳалла еттилиги» коллегиал ўрганиш ва қарор қабул қилиш учун келиб тушган мурожаат ва унга илова қилинган ҳужжатларни уч иш кунида жойига чиққан ҳолда ўрганади.

Бунда талабгорнинг ҳақиқатда тадбиркорлик субъекти сифатида давлат рўйхатидан ўтказилганлиги ёки ўзини-ўзи банд қилганлиги, шунингдек, ўргатилаётган тажриба ва унинг натижадорлиги тўғрисида маълумотларни ўрганади.

127. «Маҳалла еттилиги»нинг ҳар бир аъзоси электрон имзо орқали ўз овозини берган ҳолда кўпчилик овози билан (бунда маҳалладаги вакант лавозимлар инобатга олинмайди) коллегиал қарор қабул қилади. Бунда:

а) грант ажратиш (ёки ажратишни рад этиш) тўғрисида коллегиал қарор қабул қилади. Коллегиал қарорда грант миқдори ва уни ажратиш муддати кўрсатилиши лозим;

б) грант ажратиш учун коллегиал қарорни иловалари билан бирга «Онлайн маҳалла» электрон платформаси орқали туман (шаҳар) камбағалликни қисқартириш ва бандликка кўмаклашиш бўлимларини хабардор қилган ҳолда Жамғармага юборади.

в) ўрганиш натижалари бўйича грант ажратишни рад этиш тўғрисида қарор қабул қилинган бўлса, бу ҳақда сабабларни кўрсатган ҳолда талабгорга хабарнома юборади.

128. Ўрганиш натижасига кўра ҳужжатлар тўлиқ тақдим қилинмаса ёки ҳужжатларда кўрсатилган маълумотлар ўз тасдиғини топмаса, грант ажратиш рад этилади.

129. Коллегиал қарорда қайд этилган маълумотлар ҳаққонийлиги учун «маҳалла еттилиги»нинг ҳар бир аъзоси бирдек жавобгар ҳисобланади.

130. Жамғарма уч иш кунида:

а) «Маҳалла еттилиги»нинг коллегиал қарори бўйича сўралаётган грант маблағларини талабгорнинг банкдаги ҳисобварағига ўтказиб беради.

б) грант ажратиладиган талабгорнинг маълумотларида номутаносибликлар (банк реквизитлари ўзгариши ва бошқа ҳолатлар) вужудга келганда қайта коллегиал қарор қабул қилиш учун тегишли «Маҳалла еттилиги»га қайтаради.

4 1 -боб. Ипак курти уруғчилик корхоналарига ипак қурти уруғларини тайёрлаш фаолиятига жалб этиладиган мавсумий ишчиларнинг ойлик иш ҳақининг бир қисмини компенсация қилиб бериш тартиби

130 1 . Ипак курти уруғчилик корхоналарига ипак қурти уруғларини тайёрлаш фаолиятига жалб этиладиган ҳар бир мавсумий ишчи ойлик иш ҳақининг 50 фоизи, бироқ меҳнатга ҳақ тўлашнинг энг кам миқдорининг икки бараваридан ошмаган қисми Жамғарма маблағлари ҳисобидан компенсация қилиб берилади.

130 2 . Талабгор мавсумий ишчиларга иш ҳақи тўлагандан сўнг ўзи жойлашган манзилдаги ҳоким ёрдамчисига ёки Ўзбекистон Республикаси Ягона интерактив давлат хизматлари портали ва «Онлайн маҳалла» электрон платформаси орқали мавсумий ишчиларнинг ойлик иш ҳақининг 50 фоизини компенсация қилиш бўйича мурожаат қилади.

130 3 . Талабгорнинг мурожаатида мавсумий ишчиларнинг фамилияси, исми, отасининг исми, талабгорнинг компенсация тўлаб берилиши лозим бўлган ҳисобварағи (реквизитлари) ва манзили кўрсатилади, шунингдек, мурожаатга мавсумий ишчилар билан тузилган меҳнат шартномаси ёки ишларни бажариш (товарлар ишлаб чиқариш, хизматлар кўрсатиш) ҳақидаги фуқаролик-ҳуқуқий тусдаги шартнома ёхуд пудрат шартномаси, мавсумий ишчиларнинг даромади миқдори тўғрисидаги маълумотнома илова қилинади.

130 4 . Ҳоким ёрдамчиси уч иш кунида талабгорнинг мурожаатида қайд этилган маълумотларни ўрганиш учун «Онлайн маҳалла» электрон платформаси орқали скоринг тизимига юборади.

130 5 . Скоринг ўрганиш натижалари бўйича ижобий натижа келган тақдирда, коллегиал ўрганиш ва қарор қабул қилиш учун «маҳалла еттилиги»га киритади.

130 6 . Скоринг ўрганиш натижалари салбий бўлса, компенсация ажратишни рад этиш сабабларини кўрсатган ҳолда талабгорга хабарнома юборади.

130 7 . «Маҳалла еттилиги» коллегиал ўрганиш ва қарор қабул қилиш учун келиб тушган мурожаат ва унга илова қилинган ҳужжатларни уч иш кунида жойига чиққан ҳолда ўрганади.

Бунда компенсация ажратиш учун мавсумий ишчилар билан тузилган меҳнат шартномаси ёки фуқаролик-ҳуқуқий тусдаги шартнома ёки пудрат шартномаси «Ягона миллий меҳнат тизими» идоралараро дастурий-аппарат комплексида рўйхатдан ўтказилгани ҳамда расмийлаштирилгани ва иш ҳақи тўлангани асос ҳисобланади.

«Маҳалла еттилиги» мавсумий ишчи даромадининг ҳаққонийлиги туман (шаҳар) солиқ инспекциясидан маълумот олиш орқали ёки «Ягона миллий меҳнат тизими» идоралараро дастурий-аппарат комплекси орқали текширади.

130 8 . «Маҳалла еттилиги»нинг ҳар бир аъзоси электрон имзо орқали ўз овозини берган ҳолда, коллегиал қарор кўпчилик овози билан (маҳалладаги вакант лавозимлар инобатга олинмайди) қабул қилинади. Бунда:

а) компенсация ажратиш (ёки ажратишни рад этиш) тўғрисида коллегиал қарор қабул қилинади. Коллегиал қарорда компенсация миқдори ва уни ажратиш муддати кўрсатилиши лозим;

б) компенсация ажратиш учун коллегиал қарорни иловалари билан бирга «Онлайн маҳалла» электрон платформаси орқали туман (шаҳар) камбағалликни қисқартириш ва бандликка кўмаклашиш бўлимларини хабардор қилган ҳолда Жамғармага юборади;

в) ўрганиш натижалари бўйича компенсация ажратишни рад этиш тўғрисида қарор қабул қилинган бўлса, бу ҳақида сабабларни кўрсатган ҳолда талабгорга хабарнома юборади.

130 9 . Компенсация ажратиш қуйидагиларга кўра рад этилади:

ҳужжатлар талабгор томонидан тўлиқ тақдим этилмаганда;

мавсумий ишчилар билан тузилган меҳнат шартномаси ёки ишларни бажариш (товарлар ишлаб чиқариш, хизматлар кўрсатиш) ҳақидаги фуқаролик-ҳуқуқий тусдаги шартнома ёхуд пудрат шартномаси «Ягона миллий меҳнат тизими» идоралараро дастурий-аппарат комплекси рўйхатдан ўтказилмаганда;

мавсумий ишчиларнинг даромади тўғрисидаги маълумотнинг ҳаққонийлиги ўз тасдиғини топмаганда.

130 10 . Коллегиал қарорда қайд этилган маълумотлар ҳаққонийлиги учун «маҳалла еттилиги»нинг ҳар бир аъзоси бирдек жавобгар ҳисобланади.

130 11 . Жамғарма беш иш кунида:

«маҳалла еттилиги»нинг коллегиал қарори бўйича сўралаётган компенсация маблағларини талабгорнинг банкдаги ҳисобварағига ўтказиб беради;

компенсация ажратиладиган талабгорнинг маълумотларида номутаносибликлар (тадбиркорлик субъекти тугатилгани, банк реквизитлари ўзгариши ва бошқа ҳолатлар) юзага келганда, коллегиал қарорни қайта қабул қилиш учун тегишли «маҳалла еттилиги»га қайтаради.

5-боб. Жамғарма маблағлари самарадорлигини мониторинг қилиш ва фойдаланилмаётган асбоб-ускуналар ҳамда ажратилган молиявий кўмакни қайтариб олиш тартиби

131. «Маҳалла еттилиги» ажратилган молиявий кўмакни талабгорлар томонидан мақсадли сарфланиши бўйича ички тартиб билан ўзаро тенг тақсимлаган ҳолда молиявий кўмак ажратилгандан бошлаб бир ойда бир маротаба уч ой давомида, сўнгра уч ойда бир маротаба тўққиз ой давомида, кейин олти ойда бир маротаба уч йил давомида жойига чиққан ҳолда мониторинг ўтказади ва натижаси бўйича далолатнома расмийлаштириб, хоким ёрдамчиси ёрдамида «Онлайн маҳалла» электрон платформасига киритиб боради.

132. Ссуда тақдим қилинган талабгорлардан ссуда шартномаси бўйича ссудани график асосида қайтармаслик ҳолатлари кузатилганда Жамғарма томонидан тегишли «Маҳалла еттилиги» хабардор қилинади. «Маҳалла еттилиги» ушбу ҳолат бўйича жойига чиққан ҳолда режадан ташқари мониторинг ўтказади.

133. Ўтказилган мониторинглар натижаларига кўра молиявий кўмакдан мақсадли фойдаланилмаётганлиги аниқланса, «Маҳалла еттилиги» томонидан тегишли далолатнома расмийлаштирилади ва ушбу камчиликларни 10 кун муддатда бартараф этиш бўйича талабгорга хабарнома юборилади.

134. Талабгор хабарнома олинган кундан эътиборан 10 кун ичида кўрсатилган камчиликларни бартараф этиш чораларини кўради ва амалга оширилган ишлар юзасидан «маҳалла еттилиги»ни хабардор қилади.

135. Талабгордан камчиликлар бартараф этилганлиги тўғрисида хабарнома келган кундан эътиборан уч иш куни ичида, хабарнома келмаган тақдирда белгиланган муддатдан сўнг «Маҳалла еттилиги»нинг тегишли аъзоси қайта мониторинг ўтказади.

136. Ўтказилган мониторинг натижаларига кўра дастлабки мониторингда кўрсатилган камчиликлар бартараф этилмаганлиги аниқланса, «Маҳалла еттилиги» талабгордан ажратилган молиявий кўмакни қайтариш бўйича карор қабул қилади ва Жамғармага хабарнома юборади.

137. Жамғарма ажратилган молиявий кўмакни қайтариш учун тегишли бўлган банк реквизитлари кўрсатилган хабарномани «Маҳалла еттилиги» қарорини илова қилган ҳолда талабгорга юборади.

138. Талабгор хабарнома тушган кундан эътиборан беш иш куни ичида ажратилган молиявий кўмакни қиймати миқдорида Жамғармага тегишли бўлган банк реквизитларига тўлиқ қайтариши шарт.

139. Талабгор томонидан белгиланган муддатда молиявий кўмак Жамғарманинг тегишли бўлган банк реквизитларига келиб тушмаса Жамғарма 3 иш кунида маблағларни суд тартибида қайтариб олиш учун суд органига мурожаат қилади.

б-боб. Якунловчи қоидалар

140. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.

141. Ушбу Низом талаблари бузилишида айбдор бўлган шахслар қонунчиликда белгиланган тартибда жавоб берадилар.

Камбағалликни қисқартириш давлат мақсадли жамғармаси маблағлари ҳисобидан субсидия, грант ва ссудалар ажратиш тартиби тўғрисида низомга ИЛОВА

Камбағалликни қисқартириш давлат мақсадли жамғармаси маблағлари ҳисобидан субсидиялар, грантлар, ссудалар ажратиш

Босқичлар Субъектлар Тадбирлар Бажариш муддати 1-босқич Ариза берувчи — талабгор, жисмоний ёки юридик шахс Субсидия, грант ёки ссуда (кейинги ўринларда — молиявий кўмак) олиш учун ўзининг яшаш манзилидаги ҳоким ёрдамчисига ёки Ўзбекистон Республикаси Ягона интерактив давлат хизматлари портали ва «Онлайн маҳалла» электрон платформаси орқали мурожаат қилади. Юридик ёки жисмоний шахслар хоҳишига кўра 2-босқич Ҳоким ёрдамчиси 1. Талабгорнинг мурожаатида қайд этилган маълумотларни ўрганиш учун «Онлайн маҳалла» электрон платформаси орқали скоринг тизимига юборади. 2. Ўрганиш натижалари бўйича: а) ижобий натижа келган тақдирда, коллегиал ўрганиш ва қарор қабул қилиш учун «Маҳалла еттилиги»га киритади; б) салбий натижа келган тақдирда, молиявий кўмак ажратишни рад этиш сабабларини кўрсатган ҳолда талабгорга хабарнома юборади. Скоринг натижалари келган куни (уч иш куни ичида) 3-босқич «Маҳалла еттилиги» 1. Талабгорнинг молиявий кўмак эвазига сўраётган товар (иш ва хизмат) ларнинг ҳақиқатда зарурлиги ва ундан фойдаланиш ҳамда молиявий кўмак маблағини ўз вақтида қайтариш имкониятларини ва бошқа ҳолатларни жойига чиққан ҳолда ўрганади. 2. Ўрганиш натижаси бўйича зарур ҳолларда муҳокама қилиб, талабгорга молиявий кўмак ажратиш ёки уни рад этиш тўғрисида коллегиал қарор қабул қилади. Бунда: г) молиявий кўмак ажратиш тўғрисида коллегиал қарор қабул қилади ва коллегиал қарорнинг иловалари билан бирга «Онлайн маҳалла» электрон платформаси орқали туман (шаҳар) камбағалликни қисқартириш ва бандликка кўмаклашиш бўлимларини хабардор қилган ҳолда Жамғармага юборади; в) молиявий кўмак ажратиш рад этиш тўғрисида қарор қабул қилинган бўлса, бу ҳақда сабабларини кўрсатган ҳолда талабгорга хабарнома юборади. Уч иш куни ичида 4-босқич Жамғарма 1. «Маҳалла еттилиги» томонидан молиявий кўмак ажратиш тўғрисида коллегиал қарорини асос қилган ҳолда Жамғарма, талабгор ва етказиб берувчилар билан уч томонлама шартнома тузади ва тўловларни амалга оширади; 2. Молиявий кўмак ажратиладиган талабгор шартнома тузиш жараёнида иштирок этиш имкони бўлмаган ва бошқа форс-мажор ҳолатлари юзага келганда қайта коллегиал қарор қабул қилиш учун тегишли «Маҳалла еттилиги»га қайтаради. уч иш кунидан ўн беш иш кунигача (молиявий кўмак турига кўра) 5-босқич Талабгор Тузилган шартнома талабларига риоя қилган ҳолда Жамғарма томонидан берилган молиявий кўмакни тузилган шартномада кўрсатилган ҳисоб рақамга ўз муддатларида белгиланган тўловларни амалга ошириб боради. Шартномада белгиланган муддатларда

Вазирлар Маҳкамасининг 2025 йил 11 мартдаги 158-сон қарорига 4-ИЛОВА

Ўзбекистон Республикаси Вазирлар Маҳкамасининг ўз кучини йўқотган деб ҳисобланаётган айрим қарорлари

1. Вазирлар Маҳкамасининг «Ўзбекистон Республикаси Камбағалликни қисқартириш ва бандлик вазирлиги ҳузуридаги Жамоат ишлари жамғармаси фаолиятини ташкил этиш тўғрисида» 2017 йил 5 октябрдаги 799-сон қарори .

3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикаси Президентининг «Меҳнатга ҳақ тўлаш, пенсиялар ва бошқа тўловлар миқдорларини аниқлаш тартибини такомиллаштириш тўғрисида» 2019 йил 21 майдаги ПФ-5723-сон Фармони)» 2019 йил 28 декабрдаги 1046-сон қарорига илованинг 183-банди .

4. Вазирлар Маҳкамасининг «Камбағал ва ишсиз фуқароларни касб-ҳунарга ўқитиш тизимини такомиллаштириш ҳамда меҳнат органлари фаолияти самарадорлигини ошириш бўйича қўшимча чора-тадбирлар тўғрисида» 2021 йил 5 апрелдаги 183-сон қарорига 6-илованинг 18-банди .

5. Вазирлар Маҳкамасининг «Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Маҳаллабай ишлаш ва тадбиркорликни ривожлантириш агентлиги фаолиятини ташкил этиш чора-тадбирлари тўғрисида» 2022 йил 19 апрелдаги 195-сон қарори .

6. Вазирлар Маҳкамасининг «Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Маҳаллабай ишлаш ва тадбиркорликни ривожлантириш агентлигининг Аҳолини тадбиркорликка жалб қилиш жамғармаси маблағлари ҳисобидан субсидиялар ажратиш тартиби тўғрисидаги низомни тасдиқлаш ҳақида» 2022 йил 11 майдаги 252-сон қарори .

7. Вазирлар Маҳкамасининг «Оила ва хотин-қизлар билан ишлаш, маҳалла ва нуронийларни қўллаб-қувватлаш тизими такомиллаштирилиши муносабати билан Ўзбекистон Республикаси Ҳукуматининг айрим ҳужжатларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2022 йил 9 августдаги 438-сон қарорига 1-илованинг 13-банди .

8. Вазирлар Маҳкамасининг «Янги Ўзбекистон маъмурий ислоҳотларини амалга ошириш доирасида Ўзбекистон Республикаси Вазирлар Маҳкамасининг янгиланган ижро этувчи тузилмаси тасдиқланганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида» 2023 йил 8 апрелдаги 147-сон қарорига 2-илованинг 32-банди .

9. Вазирлар Маҳкамасининг «Ўзбекистон Республикаси Камбағалликни қисқартириш ва бандлик вазирлиги ҳузуридаги Ҳунармандчилик ва касаначиликни қўллаб-қувватлаш жамғармаси фаолиятини ташкил этиш чора-тадбирлари тўғрисида» 2023 йил 22 июлдаги 307-сон қарори .

10. Вазирлар Маҳкамасининг «Хотин-қизлар ва болаларнинг ҳуқуқлари, эркинликлари ҳамда қонуний манфаатларини ҳимоя қилиш соҳасидаги қонунчилик ҳужжатлари такомиллаштирилганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2023 йил 31 августдаги 434-сон қарорига илованинг 3-банди .

11. Вазирлар Маҳкамасининг «Қишлоқ хўжалиги ва озиқ-овқат хавфсизлиги соҳасидаги давлат бошқаруви такомиллаштирилганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2023 йил 11 декабрдаги 653-сон қарорига илованинг 33-банди .

12. Вазирлар Маҳкамасининг «Маҳаллабай ишлаш ва тадбиркорликни ривожлантириш агентлигининг Аҳолини тадбиркорликка жалб қилиш жамғармаси маблағлари ҳисобидан субсидиялар ажратиш тартиби тўғрисидаги низомга ўзгартириш ва қўшимчалар киритиш ҳақида» 2024 йил 1 майдаги 255-сон қарори .

13. Вазирлар Маҳкамасининг «Давлат мулкини бошқариш соҳаси такомиллаштирилиши муносабати билан Ўзбекистон Республикаси Ҳукуматининг айрим ҳужжатларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2024 йил 15 майдаги 282-сон қарорига 1-илованинг 60-банди .

14. Вазирлар Маҳкамасининг «Ўзбекистон Республикаси Сув хўжалиги вазирлиги фаолиятини тартибга солувчи норматив-ҳуқуқий ҳужжатларни тасдиқлаш тўғрисида» 2024 йил 7 октябрдаги 645-сон қарорига 12-илованинг 2-банди .

15. Вазирлар Маҳкамасининг «Ўзбекистон Республикаси Оила ва хотин-қизлар қўмитаси фаолияти ҳамда «Аёллар дафтари»билан ишлаш тизими такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2024 йил 10 декабрдаги 833-сон қарорига илованинг 37-банди .

16. Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Бизнес ва тадбиркорлик олий мактаби фаолиятини самарали ташкил этиш чора-тадбирлари тўғрисида» 2024 йил 30 декабрдаги 904-сон қарорига 4-илованинг 3-банди .

Ўзбекистон Республикасининг Бош вазири А. АРИПОВ

Тошкент ш.,

2025 йил 11 март,

158-сон

(Қонунчилик маълумотлари миллий базаси, 13.03.2025 й., 09/25/158/0235-сон; 08.11.2025 й., 09/25/706/1024-сон; 10.11.2025 й., 09/25/709/1027-сон; 02.02.2026 й., 09/26/35/0101-сон; 09.04.2026 й., 09/26/154/0331-сон; 06.05.2026 й., 09/26/224/0457-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

TUZILMASI

NIZOM

SXEMASI

ROʻYXATI

Kambagʻallikni qisqartirish davlat maqsadli jamgʻarmasi faoliyatini tashkil etish chora-tadbirlari toʻgʻrisida

Oʻzbekiston Respublikasi Prezidentining “ Kambagʻallikdan farovonlik sari” dasturini amalga oshirish boʻyicha birinchi navbatdagi chora-tadbirlar toʻgʻrisida ” 2024-yil 23-sentabrdagi PQ-330-son, “ Kambagʻallikni qisqartirish va bandlik sohasida davlat siyosatini takomillashtirish va samaradorlikni oshirish chora-tadbirlari toʻgʻrisida ” 2024-yil 4-oktabrdagi PQ-347-son hamda “ Aholini tadbirkorlikka jalb qilish va bandligini taʼminlash uchun moliyaviy yordamlar ajratish tizimini takomillashtirishga oid qoʻshimcha chora-tadbirlar toʻgʻrisida ” 2025-yil 14-fevraldagi PQ-64-son qarorlari ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Kambagʻallikdan farovonlik sari” dasturini amalga oshirish boʻyicha birinchi navbatdagi chora-tadbirlar toʻgʻrisida” 2024-yil 23-sentabrdagi PQ-330-son qaroriga muvofiq:

Jamoat ishlari jamgʻarmasi, Hunarmandchilik va kasanachilikni qoʻllab-quvvatlash jamgʻarmasi hamda Aholini tadbirkorlikka jalb qilish jamgʻarmasi negizida yuridik shaxs maqomiga ega boʻlgan Kambagʻallikni qisqartirish davlat maqsadli jamgʻarmasi (keyingi oʻrinlarda — Jamgʻarma) tashkil etilganligi;

Jamgʻarmaning vasiylik kengashi tarkibi tasdiqlanganligi;

Jamgʻarma vasiylik kengashi Jamgʻarmaning oliy boshqaruv organi, 22 ta shtat birligidan iborat Jamgʻarmaning Ijro etuvchi direksiyasi esa uning ijro organi etib belgilanganligi maʼlumot uchun qabul qilinsin.

2. Quyidagilar:

Kambagʻallikni qisqartirish davlat maqsadli jamgʻarmasi toʻgʻrisidagi nizom 1-ilovaga muvofiq;

Kambagʻallikni qisqartirish davlat maqsadli jamgʻarmasining Ijro etuvchi direksiyasi tuzilmasi 2-ilovaga muvofiq;

Kambagʻallikni qisqartirish davlat maqsadli jamgʻarmasi mablagʻlari hisobidan subsidiya, grant va ssudalar ajratish tartibi toʻgʻrisidagi nizom 3-ilovaga muvofiq tasdiqlansin.

3. Shunday tartib oʻrnatilsinki, unga muvofiq:

Jamgʻarma Jamoat ishlari jamgʻarmasi, Hunarmandchilik va kasanachilikni qoʻllab-quvvatlash jamgʻarmasi hamda Aholini tadbirkorlikka jalb qilish jamgʻarmasining huquqlari va majburiyatlari hamda shartnomalar, shu jumladan, xalqaro shartnomalar boʻyicha huquqiy vorisi hisoblanadi;

2026-yil 1-yanvardan boshlab Jamgʻarma mablagʻlari hisobidan aholiga naqd pul shaklida beriladigan subsidiya, grant va ssudalar bosqichma-bosqich ijtimoiy karta orqali ajratiladi;

Jamgʻarma Ijro etuvchi direktori va uning oʻrinbosari Jamgʻarmaning vasiylik kengashi tomonidan lavozimga tayinlanadi va lavozimdan ozod etiladi;

Jamgʻarmaning Ijro etuvchi direktori Jamgʻarma direksiyasi ishini tashkil etadi;

Jamgʻarma xodimlari Jamgʻarmaning ijro etuvchi direktori tomonidan ishga qabul qilinadi va ishdan boʻshatiladi;

Jamgʻarmaning Ijro etuvchi direktori maqomi, tibbiy, transport va maishiy taʼminot sharoitlari, shuningdek, Jamgʻarma xodimlarining mehnatga haq toʻlash razryadlari Jamgʻarmaning vasiylik kengashi tomonidan belgilanadi.

4. Jamgʻarmaning asosiy maqsadi Ijtimoiy reyestrga kiritilgan oila aʼzolarining bandligini ragʻbatlantirish, tadbirkorlikka jalb etishga koʻmaklashish uchun ushbu shaxslarga va ularning bandligini taʼminlashga koʻmaklashuvchi yuridik va jismoniy shaxslarga subsidiya, grant va ssudalar ajratish hamda pilla yetishtiruvchilar (ipak qurti boquvchi va kasanachilar), Ekologiya va iqlim oʻzgarishi milliy qoʻmitasi huzuridagi Oʻrmon va yashil hududlarni koʻpaytirish, choʻllanishga qarshi kurashish agentligi balansidagi yer uchastkalarida tashkil etiladigan tutzorlar hisobidan pilla yetishtiradigan aholini ragʻbatlantirish maqsadida subsidiyalar ajratish, ipak qurtini parvarish qilish uchun zarur boʻlgan asbob-uskunalarni (jihozlarni) xarid qilish uchun ssuda ajratish va urugʻchilik korxonalariga ipak qurti urugʻlarini tayyorlash faoliyatiga jalb etiladigan har bir mavsumiy ishchi oylik ish haqining bir qismini kompensatsiya qilish hisoblanadi.

5. Oʻzbekiston Respublikasi Iqtisodiyot va moliya vazirligi Jamgʻarmaga jami 2 ta, shu jumladan, 1 ta shaxsan biriktirilgan va 1 ta maxsus avtotransport vositasini saqlashga Jamgʻarma mablagʻlari hisobidan limit ajratilishini taʼminlasin.

6. Jamgʻarma Toshkent shahri, Qoratosh koʻchasi, 1-uy manzilidagi Oʻzbekiston banklari assotsiatsiyasining “Moliya Binokor Xizmat” shuʼba korxonasi binosiga tekin foydalanish huquqi asosida joylashtirilsin.

7. Oʻzbekiston Respublikasi Vazirlar Mahkamasining 4-ilovaga muvofiq ayrim qarorlari oʻz kuchini yoʻqotgan deb hisoblansin.

8. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda Oʻzbekiston Respublikasi kambagʻallikni qisqartirish va bandlik vaziri B.E. Zaxidov zimmasiga yuklansin.

Vazirlar Mahkamasining 2025-yil 11-martdagi 158-son qaroriga 1-ILOVA

Kambagʻallikni qisqartirish davlat maqsadli jamgʻarmasi toʻgʻrisida

1-bob. Umumiy qoidalar

1. Ushbu Nizom Kambagʻallikni qisqartirish davlat maqsadli jamgʻarmasi (keyingi oʻrinlarda — Jamgʻarma) faoliyatini boshqarish, shuningdek, uning mablagʻlarini shakllantirish va ushbu mablagʻlardan foydalanish yoʻnalishlarini belgilaydi.

Jamgʻarmaning asosiy maqsadi Ijtimoiy reyestrga kiritilgan oila aʼzolarining bandligini ragʻbatlantirish, tadbirkorlikka jalb etishga koʻmaklashish uchun ushbu shaxslarga va ularning bandligini taʼminlashga koʻmaklashuvchi yuridik va jismoniy shaxslarga subsidiya, grant va ssudalar ajratish hamda pilla yetishtiruvchilar (ipak qurti boquvchi va kasanachilar), Ekologiya va iqlim oʻzgarishi milliy qoʻmitasi huzuridagi Oʻrmon va yashil hududlarni koʻpaytirish, choʻllanishga qarshi kurashish agentligi (keyingi oʻrinlarda — Oʻrmon agentligi) balansidagi yer uchastkalarida tashkil etiladigan tutzorlar hisobidan pilla yetishtiradigan aholini ragʻbatlantirish maqsadida subsidiyalar ajratish, ipak qurtini parvarish qilish uchun zarur boʻlgan asbob-uskunalarni (jihozlarni) xarid qilish uchun ssuda ajratish va urugʻchilik korxonalariga ipak qurti urugʻlarini tayyorlash faoliyatiga jalb etiladigan har bir mavsumiy ishchi oylik ish haqining bir qismini kompensatsiya qilish hisoblanadi.

2. Jamgʻarma oʻz faoliyatida Oʻzbekiston Respublikasi Konstitutsiyasi va qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining hujjatlari, Vazirlar Mahkamasining qarorlari, boshqa qonunchilik hujjatlari hamda ushbu Nizomga amal qiladi.

3. Jamgʻarma davlat muassasasi shaklidagi yuridik shaxs hisoblanadi, oʻzining mustaqil balansiga, shaxsiy gʻazna hisobvaraqlariga, Oʻzbekiston Respublikasi Davlat gerbi tasviri tushirilgan blanka va oʻz nomi yozilgan muhrga ega boʻladi.

4. Jamgʻarmaning rasmiy nomi:

a) davlat tilida:

toʻliq nomi — Kambagʻallikni qisqartirish davlat maqsadli jamgʻarmasi;

qisqartirilgan nomi — Kambagʻallikni qisqartirish jamgʻarmasi;

b) rus tilida:

toʻliq nomi — Gosudarstvenniy selevoy fond po sokrasheniyu bednosti;

qisqartirilgan nomi — Fond po sokrasheniyu bednosti;

v) ingliz tilida:

toʻliq nomi — State trust fund for poverty reduction;

qisqartirilgan nomi — Fund for poverty reduction.

5. Jamgʻarma davlat maqsadli jamgʻarmasi hisoblanadi.

6. Jamgʻarmaning joylashgan joyi (pochta manzili) — Toshkent shahri, Qoratosh koʻchasi, 1-uy, pochta indeksi 100027.

7. Jamgʻarma oʻz faoliyatida Kambagʻallikni qisqartirish davlat maqsadli jamgʻarmasining vasiylik kengashiga (keyingi oʻrinlarda — Vasiylik kengashi) hisobdordir.

2-bob. Jamgʻarma faoliyatini boshqarish

8. Jamgʻarma faoliyati Vasiylik kengashi tomonidan boshqariladi, Jamgʻarmaning kundalik faoliyatiga rahbarlik qilish esa Ijro etuvchi direktor tomonidan amalga oshiriladi.

9. Vasiylik kengashi:

Jamgʻarma faoliyati va mablagʻlaridan foydalanish yoʻnalishlarini belgilaydi;

har yili Jamgʻarma daromadlari va xarajatlaridan kelib chiqib, yoʻnalishga nisbatan fondning asosiy koʻrsatkichlarini belgilaydi;

Jamgʻarma faoliyatini takomillashtirish va jamgʻarma mablagʻlaridan foydalanish samaradorligini oshirish toʻgʻrisidagi takliflarni koʻrib chiqadi;

Jamgʻarma Ijro etuvchi direktori va uning oʻrinbosarini lavozimga tayinlash, ragʻbatlantirish, ularga nisbatan intizomiy jazo choralarini qoʻllash hamda ularni lavozimdan ozod etish toʻgʻrisida qaror qabul qiladi;

Jamgʻarma tarkibidagi boshqaruv xodimlarining umumiy soni doirasida oʻzgartirishlar kiritadi;

Jamgʻarmaning Ijro etuvchi direktori maqomi, tibbiy, transport va maishiy taʼminot sharoitlari, shuningdek, Jamgʻarma xodimlarining mehnatga haq toʻlash razryadlarini belgilaydi;

Jamgʻarma faoliyati yoki mablagʻlaridan foydalanishni tashqi monitoring qilish, shuningdek, mustaqil ekspertlarni jalb qilish toʻgʻrisida qaror qabul qiladi;

subsidiya, grant va ssudalarning yangi turlarini joriy qilish, zarurat tugʻilganda, qonunchilik hujjatlarini takomillashtirish boʻyicha takliflar ishlab chiqadi;

Jamgʻarma faoliyatiga oid nizomlarni, shu jumladan, xodimlarning transport va ovqatlanish xarajatlari, bayram munosabati bilan toʻlanadigan mukofot pullari hamda xodimlar uchun ustamalar berish tartibini tasdiqlaydi;

qonunchilik hujjatlariga muvofiq boshqa vakolatlarni amalga oshiradi.

10. Vasiylik kengashi majlislari zaruratga koʻra, lekin bir yilda kamida bir marotaba oʻtkaziladi.

11. Vasiylik kengashi majlisini kengash raisi, u boʻlmagan taqdirda esa kengash raisining oʻrinbosari boshqaradi.

12. Vasiylik kengashi majlisi unda kengash aʼzolarining kamida uch nafari ishtirok etgan taqdirda vakolatli hisoblanadi.

Vasiylik kengashining qarori kengash aʼzolarining oddiy koʻpchilik ovozi bilan qabul qilinadi.

Ovozlar teng boʻlganda, Vasiylik kengashi raisining ovozi hal qiluvchi ovoz hisoblanadi.

13. Vasiylik kengashi qarorlari Vasiylik kengashi majlisining bayonnomalari bilan rasmiylashtiriladi. Kengash majlisining bayonnomasi Vasiylik kengashi raisi tomonidan tasdiqlanadi.

14. Ijro etuvchi direktor, shuningdek, tarkibiy tuzilmalarining rahbar va xodimlaridan iborat tarkibdagi Jamgʻarmaning ijro etuvchi organi Direksiya (keyingi oʻrinlarda — Direksiya) hisoblanadi.

15. Direksiya:

Oʻzbekiston Respublikasining navbatdagi yil uchun Oʻzbekiston Respublikasi Davlat budjeti asosiy parametrlari bilan bogʻliq holda, Jamgʻarma mablagʻlaridan foydalanishning asosiy yoʻnalishlari boʻyicha Jamgʻarma daromadlari va xarajatlarining har yilgi prognoz koʻrsatkichlarini shakllantiradi hamda koʻrib chiqish va tasdiqlash uchun Vasiylik kengashiga kiritadi;

Jamgʻarma mablagʻlarini shakllantirish manbalarini kengaytirish va xarajatlar samaradorligini oshirishga qaratilgan takliflar tayyorlaydi;

Jamgʻarma mablagʻlaridan foydalanish yoʻnalishlarini oʻzgartirish yoki kengaytirish toʻgʻrisida Vasiylik kengashiga taklif kiritadi;

Jamgʻarma mablagʻlaridan foydalanilishi yuzasidan oʻtkazilgan monitoring natijasida aniqlangan holatlarni tahlil qiladi;

Jamgʻarma tomonidan zarurat tugʻilganda, hududiy iqtisodiyot va moliya boshqarmalari, tijorat banklari va boshqa tashkilotlardan qoʻshimcha maʼlumotlar soʻrab oladi;

qonunchilik hujjatlariga muvofiq boshqa vakolatlarni amalga oshiradi.

16. Direksiya soʻrovnomalar toʻgʻriligi va talabgorlarga ajratiladigan moliyaviy yordamlarni maqsadli foydalanishi va natijadorligi yuzasidan Kambagʻallikni qisqartirish va bandlik vazirligining tuman (shahar) boʻlimlari va hokim yordamchilari koʻmagida monitoringini amalga oshiradi.

17. Ijro etuvchi direktor:

Jamgʻarma joriy faoliyatini boshqaradi;

Jamgʻarmaga yuklangan vazifalar va funksiyalarga muvofiq Jamgʻarma faoliyatini tashkil etadi;

Jamgʻarmaning xarajatlar smetasi va shtat jadvalini belgilangan tartibda tasdiqlaydi;

Jamgʻarma nomidan vaqtincha boʻsh turgan mablagʻlarni tijorat banklari depozitlariga joylashtirish, moliyaviy, xoʻjalik hamda boshqa shartnomalarni imzolaydi;

bajarilgan ishlar hamda kelgusi chorak uchun ish rejalari toʻgʻrisida har chorakda Vasiylik kengashiga hisob beradi;

Jamgʻarma xodimlarini (direktor oʻrinbosaridan tashqari) ishga qabul qilish, ragʻbatlantirish, ularga nisbatan intizomiy jazo choralarini qoʻllash hamda ularni ishdan boʻshatish haqida buyruqlar chiqaradi;

Jamgʻarma faoliyati bilan bogʻliq boʻlgan boshqa buyruq va qaror qabul qiladi;

Jamgʻarma moliyaviy koʻmak oluvchi yuridik shaxslar bilan huquqiy shartnoma tuzadi va shartnoma shartlari bajarilishini nazorat qiladi;

Jamgʻarma nomidan sud idoralariga ariza va shikoyatlar bilan murojaat qiladi;

ichki mehnat tartibi qoidalari, lavozim yoʻriqnomalari va boshqa ichki hujjatlarni tasdiqlaydi;

Jamgʻarma uchun Gʻaznachilik xizmati qoʻmitasida shaxsiy gʻazna hisobvaragʻini ochadi va yuritadi, belgilangan tartibda ushbu hisobvaraq boʻyicha tegishli operatsiyalarni amalga oshiradi;

Jamgʻarmaning daromadlari va xarajatlari hisobini yuritadi, shuningdek, ular boʻyicha choraklik va yillik hisobotlarni shakllantiradi;

Jamgʻarmaga ajratilgan mablagʻlardan maqsadli foydalanilishi yuzasidan monitoring olib boradi;

qonunchilik hujjatlariga muvofiq boshqa vakolatlarni amalga oshiradi;

Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonuniga muvofiq jismoniy va yuridik shaxslarning murojaatlarini koʻrib chiqish muddatlariga qatʼiy rioya etilishini taʼminlaydi;

Jamgʻarma ijro etuvchi direktori va xodimlarini moddiy ragʻbatlantirish Jamgʻarma Vasiylik kengashi tomonidan tasdiqlanadigan Jamgʻarma xodimlarini moddiy ragʻbatlantirish toʻgʻrisidagi nizomga asosan Jamgʻarma mablagʻlari hisobidan amalga oshiradi.

18. Jamgʻarma xodimlarining ish haqi lavozim maoshi, mukofotlar, qoʻshimcha haq va ustamalar, ragʻbatlantiruvchi toʻlovlar, shuningdek, qonunchilik hujjatlarida nazarda tutilgan qoʻshimcha moddiy ragʻbatlantirish mablagʻlaridan iborat boʻladi.

19. Direktor vaqtincha boʻlmaganda uning vazifalarini direktor oʻrinbosari bajaradi.

20. Jamgʻarma mablagʻlaridan foydalanish toʻgʻrisidagi hisobot har chorakda Oʻzbekiston Respublikasi Iqtisodiyot va moliya vazirligiga taqdim etiladi.

3-bob. Jamgʻarma mablagʻlarini shakllantirish

21. Jamgʻarma mablagʻlari Oʻzbekiston Respublikasining konsolidatsiyalashgan budjeti tarkibiga kiradi va uning hisobi belgilangan tartibda Oʻzbekiston Respublikasi Davlat budjetining gʻazna ijrosi orqali yuritiladi.

22. Quyidagilar Jamgʻarma mablagʻlarini shakllantirish manbalari hisoblanadi:

Oʻzbekiston Respublikasi Davlat budjetidan har yili ajratiladigan transfertlar;

ijtimoiy soliq tushumlaridan qonunchilik hujjatlarida belgilangan tartibda amalga oshiriladigan ajratmalar;

xalqaro moliya institutlari grantlari, jismoniy va yuridik shaxslarning homiylik mablagʻlari va boshqa xorijiy donorlarning ixtiyoriy yordamlari;

jismoniy va yuridik shaxslarga berilgan ssudalardan qaytgan mablagʻlar;

Jamgʻarmaning boʻsh mablagʻlarini tijorat banklariga va boshqa moliyaviy vositalarga joylashtirishdan tushgan daromadlar;

qonunchilikda taqiqlanmagan boshqa manbalar.

23. Jamgʻarmaga uning daromadlari boʻyicha tushadigan mablagʻlar Gʻaznachilik xizmati qoʻmitasining shaxsiy gʻazna hisobvaragʻiga oʻtkaziladi.

4-bob. Jamgʻarma mablagʻlaridan foydalanish yoʻnalishlari

24. Jamgʻarma mablagʻlaridan quyidagilarni moliyalashtirishda foydalaniladi:

Ijtimoiy reyestrga kiritilgan oila aʼzolarining bandligini ragʻbatlantirish va tadbirkorlikka jalb etishga koʻmaklashish uchun ushbu shaxslarga hamda ularning bandligini taʼminlashga koʻmaklashuvchi jismoniy va yuridik shaxslarga subsidiya, grant va ssudalar ajratish;

pilla yetishtiruvchilar (ipak qurti boquvchi va kasanachilar), Oʻrmon agentligi balansidagi yer uchastkalarida tashkil etiladigan tutzorlar hisobidan pilla yetishtiradigan aholini ragʻbatlantirish maqsadida subsidiyalar ajratish, ipak qurtini parvarish qilish uchun zarur boʻlgan asbob-uskunalarni (jihozlarni) xarid qilish uchun ssuda ajratish va urugʻchilik korxonalariga ipak qurti urugʻlarini tayyorlash faoliyatiga jalb etiladigan har bir mavsumiy ishchi oylik ish haqining bir qismini kompensatsiya qilish;

Direksiya faoliyatida axborot-kommunikatsiya texnologiyalarini joriy etish, shu jumladan, dasturiy taʼminot ishlab chiqish;

Direksiya xodimlarining mamlakat ichida va tashqarisiga xizmat safari bilan bogʻliq xarajatlarni toʻlash;

Jamgʻarmaning vaqtincha boʻsh turgan mablagʻlarini tijorat banklariga joylashtirishdan foiz shaklida olinadigan daromadlarning 50 foizini Kambagʻallikni qisqartirish va bandlik vazirligining mehnat organlari xodimlarining mehnatini ragʻbatlantirish va moddiy-texnika bazasini mustahkamlash jamgʻarmasiga yoʻnaltirish;

Direksiyaning saqlash xarajatlari, xodimlarini moddiy ragʻbatlantirish va ijtimoiy himoya qilish, moddiy-texnik bazasini mustahkamlash, shartnoma asosida jalb qilinadigan yuqori malakali, shu jumladan, xorijiy mutaxassislarning xarajatlarini (mehnatga haq toʻlash, yashash, transport xarajatlari va boshqalar) moliyalashtirish, xodimlarni tayyorlash, qayta tayyorlash, ularning malakasini oshirish va stajirovkadan oʻtkazish, konferensiyalar, seminarlar va boshqa tadbirlar, shu jumladan, chet elda oʻtkaziladigan tadbirlarni tashkil qilish bilan bogʻliq boshqa tadbirlarni moliyalashtirish;

Jamgʻarmaga yuklangan vazifalar va funksiyalar bilan bogʻliq loyihalarini amalga oshirish uchun uchinchi tomon tashkilotlari yoki ekspertlarni jalb qilish bilan bogʻliq xarajatlarni moliyalashtirish;

Jamgʻarma mablagʻlari Oʻzbekiston Respublikasi Prezidentining hujjatlariga, Vazirlar Mahkamasining qarorlariga, boshqa qonunchilik hujjatlariga va Vasiylik kengashi qarorlariga muvofiq boshqa maqsadlarga ham yoʻnaltirilishi mumkin.

5-bob. Jamgʻarma mablagʻlaridan maqsadli va samarali foydalanilishini nazorat qilish

25. Direksiya Jamgʻarma mablagʻlaridan qatʼiyan maqsadli va samarali foydalanilishi uchun javob beradi.

26. Jamgʻarma mablagʻlaridan foydalanish yuzasidan nazorat Vasiylik kengashi tomonidan amalga oshiriladi.

6-bob. Yakunlovchi qoida

27. Jamgʻarma qonunchilikda belgilangan tartibda qayta tashkil etiladi va tugatiladi.

Vazirlar Mahkamasining 2025-yil 11-martdagi 158-son qaroriga 2-ILOVA

Kambagʻallikni qisqartirish davlat maqsadli jamgʻarmasining ijro etuvchi direksiyasi

Vazirlar Mahkamasining 2025-yil 11-martdagi 158-son qaroriga 3-ILOVA

Kambagʻallikni qisqartirish davlat maqsadli jamgʻarmasi mablagʻlari hisobidan subsidiya, grant va ssudalar ajratish tartibi toʻgʻrisida

1-bob. Umumiy qoidalar

1. Ushbu Nizom Kambagʻallikni qisqartirish davlat maqsadli jamgʻarmasi (keyingi oʻrinlarda — Jamgʻarma) hisobidan subsidiya, grant va ssudalar ajratish, shuningdek, urugʻchilik korxonalariga ipak qurti urugʻlarini tayyorlash faoliyatiga jalb etiladigan har bir mavsumiy ishchi oylik ish haqining bir qismini kompensatsiya qilish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

grant — kambagʻallikni qisqartirish, bandlikni ragʻbatlantirish va tadbirkorlikka jalb etish uchun Jamgʻarma mablagʻlari hisobidan pul va natura koʻrinishida ilmiy tadqiqot va tajriba-konstruktorlik ishlari, oʻqish uchun koʻrsatiladigan jismoniy va yuridik shaxslarga qaytarib bermaslik sharti bilan beriladigan moliyaviy koʻmak;

Ishsiz — Oʻzbekiston Respublikasi “Aholi bandligi toʻgʻrisida”gi Qonuniga muvofiq oʻn olti yoshdan pensiya taʼminoti huquqini olish yoshigacha boʻlgan, haq toʻlanadigan ishga yoki ish haqi beriladigan mashgʻulotga (mehnat daromadiga) ega boʻlmagan, ish qidirayotgan va ish taklif etilsa, unga kirishishga tayyor boʻlgan yoxud kasbga tayyorlashdan, qayta tayyorlashdan oʻtishga yoki malakasini oshirishga tayyor boʻlgan, ishga joylashishga koʻmaklashish uchun mahalliy mehnat organlariga murojaat qilgan va ushbu organlar tomonidan ish qidirayotgan shaxslar sifatida roʻyxatga olingan mehnatga layoqatli shaxslar (taʼlim muassasalarida taʼlim olayotganlar bundan mustasno);

Ijtimoiy reyestr — har bir aʼzosiga toʻgʻri keladigan bir oylik oʻrtacha daromadi minimal isteʼmol xarajatlari miqdoridan kam boʻlgan “davlat taʼminotidagi oila” yoki “kambagʻal oila” toifasidagi va minimal isteʼmol xarajatlari miqdorining bir yarim baravaridan kam boʻlgan “kambagʻallik chegarasidagi oila” toifasidagi oilalar toʻgʻrisidagi maʼlumotlar kiritiladigan reyestr;

“Mahalla yettiligi” — fuqarolarning oʻzini oʻzi boshqarish organlari namunaviy tuzilmasiga kiritilgan mahalla raisi rahbarligidagi hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim va soliq inspektori aʼzolaridan iborat boʻlgan guruh;

moliyaviy koʻmak — fuqarolarni kambagʻallikdan chiqarish uchun ajratiladigan subsidiya, grant va ssudalar;

subsidiya — kambagʻallikni qisqartirish, bandlikni ragʻbatlantirish va tadbirkorlikka jalb etish uchun Jamgʻarma mablagʻlari hisobidan jismoniy va yuridik shaxslarga qaytarib bermaslik sharti bilan beriladigan foizsiz moliyaviy koʻmak;

ssuda — kambagʻallikni qisqartirish, bandlikni ragʻbatlantirish va tadbirkorlikka jalb etish va uni rivojlantirish uchun Jamgʻarma mablagʻlari hisobidan koʻrsatiladigan jismoniy va yuridik shaxslarga qaytarib berish sharti bilan beriladigan moliyaviy koʻmak;

talabgor — subsidiya, grant, ssuda va kompensatsiya olish uchun murojaat qilgan jismoniy va yuridik shaxslar.

3. Jamgʻarma mablagʻlari hisobidan subsidiyalar, grantlar va ssudalar ushbu Nizomga ilovada keltirilgan sxemaga muvofiq ajratiladi.

2-bob. Jamgʻarma mablagʻlari hisobidan subsidiyalar ajratish turlari va tartibi

1-§. Yengil konstruksiyali issiqxonalar oʻrnatish, urugʻliklar, koʻchatlar va sugʻorish vositalari xarid qilish uchun subsidiya ajratish tartibi

4. Yengil konstruksiyali issiqxonalar oʻrnatish, sugʻorish vositalari, urugʻliklar va koʻchatlarni xarid qilish uchun subsidiyalar “Jamgʻarma —tashkilot — talabgor”oʻrtasida tuzilgan uch tomonlama shartnomalar asosida ajratiladi. Bunda:

aholiga — yengil konstruksiyali issiqxonalar oʻrnatish uchun — bazaviy hisoblash miqdorining 30 baravarigacha miqdorida;

sugʻorish vositalari xarid qilish uchun — bazaviy hisoblash miqdorining 10 baravarigacha miqdorida;

urugʻliklar va koʻchatlar sotib olish uchun — bazaviy hisoblash miqdorining 3 baravarigacha miqdorida subsidiya ajratadi.

Mazkur subsidiya turlaridan talabgor bir vaqtining oʻzida foydalanishi mumkin.

5. Talabgor yengil konstruksiyali issiqxonalar oʻrnatish, urugʻliklar, koʻchatlar va sugʻorish vositalari xarid qilish uchun subsidiya ajratish boʻyicha oʻzining yashash manzilidagi hokim yordamchisiga yoki Oʻzbekiston Respublikasi Yagona interaktiv davlat xizmatlari portali va “Onlayn mahalla” elektron platformasi orqali murojaat qiladi.

6. Talabgor murojaatida familiyasi, ismi va otasining ismi, yashash manzili, pasport (ID-karta) seriyasi va raqami, Ijtimoiy reyestrga kiritilgan oilaning aʼzosi ekanligi hamda soʻralayotgan subsidiyaning turlari va miqdori koʻrsatiladi.

7. Hokim yordamchisi uch ish kunida talabgorning murojaatida qayd etilgan maʼlumotlarni oʻrganish uchun “Onlayn mahalla” elektron platformasi orqali skoring tizimiga yuboradi. Bunda:

talabgorning issiqxona, sugʻorish vositalarini oʻrnatish, urugʻlik, koʻchatlar ekish imkoniyati mavjudligini;

talabgor Ijtimoiy reyestrga kiritilgan oilaning aʼzolaridan biri ekanligini;

talabgor soʻralayotgan subsidiya turidan muqaddam foydalanmaganligini oʻrganadi.

8. Skoring oʻrganish natijalari boʻyicha ijobiy natija kelgan taqdirda kollegial oʻrganish va qaror qabul qilish uchun “Mahalla yettiligi”ga kiritadi.

9. Skoring oʻrganish natijalari salbiy boʻlsa, subsidiya ajratishni rad etish sabablarini koʻrsatgan holda talabgorga xabarnoma yuboradi.

10. “Mahalla yettiligi” kollegial oʻrganish va qaror qabul qilish uchun kelib tushgan murojaat va unga ilova qilingan hujjatlarni uch ish kunida joyiga chiqqan holda oʻrganadi.

Bunda talabgorning foydalanuvida tomorqa yerining mavjudligini;

talabgorning yengil konstruksiyali issiqxona oʻrnatish imkoniyati mavjudligini;

talabgorning urugʻliklar va koʻchatlar ekish uchun imkoniyati mavjudligini;

talabgorning sugʻorish vositasiga boʻlgan haqiqiy ehtiyojini oʻrganadi.

11. “Mahalla yettiligi”ning har bir aʼzosi elektron imzo orqali oʻz ovozini bergan holda koʻpchilik ovozi bilan (bunda mahalladagi vakant lavozimlar inobatga olinmaydi) kollegial qaror qabul qiladi. Bunda:

a) subsidiya ajratish (yoki ajratishni rad etish) toʻgʻrisida kollegial qaror qabul qiladi. Kollegial qarorda subsidiya turlari va miqdori koʻrsatilishi lozim;

b) subsidiya ajratish uchun kollegial qarorning ilovalari bilan birga “Onlayn mahalla” elektron platformasi orqali tuman (shahar) kambagʻallikni qisqartirish va bandlikka koʻmaklashish boʻlimlarini xabardor qilgan holda Jamgʻarmaga yuboradi;

v) oʻrganish natijalari boʻyicha subsidiya ajratishni rad etish toʻgʻrisida qaror qabul qilingan boʻlsa, bu haqda sabablarini koʻrsatgan holda talabgorga xabarnoma yuboradi.

12.Oʻrganish natijasiga koʻra hujjatlar toʻliq taqdim qilinmasa yoki hujjatlarda koʻrsatilgan maʼlumotlar oʻz tasdigʻini topmasa, subsidiya ajratish rad etiladi.

13. Jamgʻarma yetkazib beruvchi tashkilot va talabgor oʻrtasida oʻn ish kunida uch tomonlama shartnoma tuzish choralarini koʻradi.

Bunda subsidiya ajratish toʻgʻrisidagi kollegial qarordan kelib chiqqan holda, bitta oila uchun quyidagi yoʻnalishlar boʻyicha uch tomonlama shartnoma tuziladi:

yengil konstruksiyali issiqxonalar oʻrnatish;

sugʻorish vositalarini xarid qilish;

urugʻliklar va koʻchatlar sotib olish.

14. Uch tomonlama tuzilgan shartnomada yengil konstruksiyali issiqxona oʻrnatish, sugʻorish vositasini xarid qilish, urugʻlik va koʻchatlar sotib olish uchun oldindan 30 foiz miqdorida toʻlov amalga oshirilishi (nazarda tutilishi) mumkin. Toʻlovning qolgan qismi shartnoma shartlari toʻliq bajarilgandan soʻng toʻlanadi.

15. Ushbu subsidiya turidan foydalanish huquqi har bir oilaga faqat bir marta beriladi.

1 1 -§ Ijtimoiy reyestrning “davlat taʼminotidagi oila” toifasiga kiritilgan oila xonadoniga quyosh panellarini oʻrnatish uchun subsidiya ajratish tartibi

15 1 . Ijtimoiy reyestrning “davlat taʼminotidagi oila” toifasiga kiritilgan oila xonadoniga 7 — 10 kVtlik quyosh panellarini xarid qilish va oʻrnatish uchun subsidiya “jamgʻarma — taʼminotchi korxona — talabgor” oʻrtasida tuzilgan uch tomonlama shartnomalar asosida ajratiladi.

Ijtimoiy reyestrning “davlat taʼminotidagi oila” toifasiga kiritilgan oila xonadoniga quyosh panellarini xarid qilish va oʻrnatish uchun bazaviy hisoblash miqdorining 100 baravarigacha miqdorda subsidiya ajratiladi.

15 2 . Ijtimoiy reyestrning “davlat taʼminotidagi oila” toifasiga kiritilgan oilaning muomalaga layoqatli aʼzosi (keyingi oʻrinlarda — talabgor) subsidiya ajratish boʻyicha Oʻzbekiston Respublikasi Yagona interaktiv davlat xizmatlari portali yoki “Onlayn mahalla” elektron platformasi orqali mustaqil ravishda yoxud oʻzining doimiy yashash manzilidagi hokim yordamchisiga murojaat qiladi.

15 3 . Talabgor murojaatida familiyasi, ismi va otasining ismi, doimiy yashash manzili, pasport (ID-karta) seriyasi va raqami, quyosh paneli oʻrnatilayotgan xonadonning kadastr maʼlumotlari, xonadonning mulkdori boʻlgan yoki undan foydalanuvchi sifatida mol-mulk soligʻini toʻlab kelayotgan shaxsning pasport (ID-karta) seriyasi va raqami koʻrsatiladi.

15 4 . Hokim yordamchisi uch ish kunida talabgorning murojaatida qayd etilgan maʼlumotlarni oʻrganish uchun “Onlayn mahalla” elektron platformasi orqali skoring tizimiga yuboradi. Bunda skoring tizimida:

murojaatda koʻrsatilgan quyosh paneli oʻrnatiladigan xonadon talabgor yoki oilaning boshqa aʼzosiga mulk huquqi asosida tegishli boʻlganligi yoki ularning mazkur xonadondan foydalanuvchi sifatida roʻyxatdan oʻtgan holda, mol-mulk soligʻini toʻlab kelayotganligi;

talabgor Ijtimoiy reyestrning “davlat taʼminotidagi oila” toifasidagi oilaning aʼzosi ekanligi;

talabgor soʻralayotgan subsidiya turidan muqaddam foydalanmaganligi oʻrganiladi.

15 5 . Skoring oʻrganish natijalari boʻyicha mazkur Nizomning 15 4 -bandida nazarda tutilgan maʼlumotlar mavjudligi aniqlanmaganda subsidiya ajratish rad etiladi hamda “Onlayn mahalla” elektron platformasi orqali mazkur asoslarni koʻrsatgan holda talabgorga xabarnoma yuboriladi.

15 6 . Skoring oʻrganish natijalari boʻyicha subsidiya ajratishni rad etish asoslari aniqlanmaganda murojaat kollegial qaror qabul qilish uchun “mahalla yettiligi”ga hamda talabgorning xonadoniga quyosh paneli oʻrnatish mumkinligi yoki oʻrnatish maqsadga muvofiq emasligi toʻgʻrisida hududiy elektr tarmoqlari korxonasi tomonidan xulosa berish uchun “Onlayn mahalla” elektron platformasi vositasida “Raqamli hukumat” tizimi idoralararo integratsiyalashuv platformasi orqali “Hududiy elektr tarmoqlari” AJning axborot tizimiga yuboriladi.

Hududiy elektr tarmoqlari korxonasi murojaat kelib tushgan kundan boshlab uch ish kunida quyidagi maʼlumotlar koʻrsatilgan xulosa beradi:

talabgorning xonadonida quyosh paneli oʻrnatish imkoniyati mavjudligi yoki mavjud emasligi;

elektr oʻtkazgichlari texnik talablarga javob berishi yoki javob bermasligi;

quyosh paneli oʻrnatiladigan binoning elektr oʻtkazgichlari imkoniyatidan kelib chiqib, oʻrnatiladigan quyosh panellarining quvvati (kVt) va miqdori.

15 7 . “Mahalla yettiligi” tomonidan hududiy elektr tarmoqlari korxonasining talabgor xonadoniga quyosh paneli oʻrnatish maqsadga muvofiqligi yoki muvofiq emasligi xulosasi asosida subsidiya ajratish yoxud ajratishni rad etish toʻgʻrisida kollegial qaror qabul qilinadi. Bunda:

subsidiya ajratish toʻgʻrisida qaror qabul qilinganda, mazkur qaror murojaat, hududiy elektr tarmoqlari korxonasining xulosasi va boshqa hujjatlar ilova qilingan holda “Onlayn mahalla” elektron platformasi orqali tuman (shahar) kambagʻallikni qisqartirish va bandlikka koʻmaklashish boʻlimlarini xabardor qilgan holda Jamgʻarmaga yuboriladi;

subsidiya ajratishni rad etish toʻgʻrisida qaror qabul qilinganda, bu haqda rad etish sabablarini koʻrsatgan holda talabgorga xabarnoma yuboriladi.

15 8 . Jamgʻarma oʻzi, taʼminotchi korxona va talabgor oʻrtasida oʻn ish kunida uch tomonlama shartnoma tuzish choralarini koʻradi. Bunda:

taʼminotchi korxonani tanlash va shartnoma qiymati (subsidiya miqdori)ni aniqlash Jamgʻarmaning Vasiylik kengashi tomonidan tasdiqlangan tartibga asosan amalga oshiriladi;

shartnoma hududiy elektr tarmoqlari korxonasining xulosasida koʻrsatilgan maʼlumotlarga muvofiq tuziladi;

shartnomada quyosh panelining samaradorligini aniqlash va kuzatib borish uchun yagona monitoring dasturi mavjud boʻlishi, xonadoniga quyosh paneli oʻrnatilayotgan oilani SIM-karta bilan taʼminlash hamda SIM-karta uchun kamida bir yillik toʻlov qilish majburiyati taʼminotchiga yuklatilishi toʻgʻrisidagi talablar belgilanadi.

15 9 . Uch tomonlama tuzilgan shartnomada quyosh panellari oʻrnatish uchun oldindan 30 foiz miqdorida toʻlov amalga oshirilishi nazarda tutilishi mumkin. Toʻlovning qolgan qismi shartnoma shartlari toʻliq bajarilgandan soʻng toʻlanadi.

2-§. Qishloq xoʻjaligi va dorivor oʻsimliklarni yetishtirish boʻyicha kooperativlar ustav fondiga ulush sifatida kiritish uchun subsidiya ajratish tartibi

16. Talabgor qishloq xoʻjaligi kooperativi tashkil etish yoki qishloq xoʻjaligi kooperativiga ixtiyoriy aʼzo boʻlish uchun subsidiya ajratish boʻyicha oʻzining yashash manzilidagi hokim yordamchisiga yoki Oʻzbekiston Respublikasi Yagona interaktiv davlat xizmatlari portali va “Onlayn mahalla” elektron platformasi orqali murojaat qiladi.

Agarda taʼsischilar soni ikki va undan ortiq boʻlsa, ularning birining yashash manzilidagi hokim yordamchisiga yoki “Onlayn mahalla” elektron platformasi orqali murojaat qilinadi.

17. Arizada talabgorning familiyasi, ismi va otasining ismi, yashash manzili, pasport (ID-karta) seriyasi va raqami, rasmiy daromad manbaiga ega boʻlmagan ijara yer egalari yoki Ijtimoiy reyestrga kiritilgan oila aʼzosi ekanligi va kooperativning qaysi faoliyat turi bilan shugʻullanishi hamda soʻralayotgan subsidiyaning miqdori koʻrsatiladi.

Kooperativlar ustav fondiga ulush sifatida kirishda qishloq xoʻjaligi kooperativiga aʼzolik uchun bazaviy hisoblash miqdorining 10 baravarigacha, Ekologiya va iqlim oʻzgarishi milliy qoʻmitasi huzuridagi Oʻrmon va yashil hududlarni koʻpaytirish, choʻllanishga qarshi kurashish agentligi balansidagi yer uchastkalarida tashkil etiladigan tutzorlarda pilla kooperativiga aʼzolik uchun ushbu kooperativ aʼzosi hisoblanadigan kambagʻal oilalarga 4 million soʻmdan hamda dorivor oʻsimliklarni yetishtirish boʻyicha kooperativga aʼzolik uchun bazaviy hisoblash miqdorining bir baravari miqdorda subsidiya ajratiladi.

18. Hokim yordamchisi uch ish kunida talabgorning murojaatida qayd etilgan maʼlumotlarni oʻrganish uchun “Onlayn mahalla” elektron platformasi orqali skoring tizimiga yuboradi. Bunda:

talabgor Ijtimoiy reyestrga kiritilgan oilaning aʼzolaridan biri ekanligini;

talabgor soʻralayotgan subsidiya turidan muqaddam foydalanmaganligini oʻrganadi.

19. Skoring oʻrganish natijalari boʻyicha ijobiy natija kelgan taqdirda kollegial oʻrganish va qaror qabul qilish uchun “Mahalla yettiligi”ga kiritadi.

20. Skoring oʻrganish natijalari salbiy boʻlsa, subsidiya ajratishni rad etish sabablarini koʻrsatgan holda talabgorga xabarnoma yuboradi.

21. “Mahalla yettiligi” kollegial oʻrganish va qaror qabul qilish uchun kelib tushgan murojaat va unga ilova qilingan hujjatlarni uch ish kunida joyiga chiqqan holda oʻrganadi.

Bunda talabgorning qishloq xoʻjaligi kooperativining baliqchilik, quyonchilik, parrandachilik, asalarichilik, meva-sabzavotchilik, uzumchilik, tikuvchilik, pillachilik va hunarmandchilik hamda dorivor oʻsimliklarni yetishtirish faoliyat turlarining biri bilan shugʻullanish imkoniyati mavjudligini oʻrganadi.

22. “Mahalla yettiligi”ning har bir aʼzosi elektron imzo orqali oʻz ovozini bergan holda koʻpchilik ovozi bilan (bunda mahalladagi vakant lavozimlar inobatga olinmaydi) kollegial qaror qabul qiladi. Bunda:

a) subsidiya ajratish (yoki ajratishni rad etish) toʻgʻrisida kollegial qaror qabul qiladi. Kollegial qarorda subsidiya miqdori koʻrsatilishi lozim;

b) subsidiya ajratish uchun kollegial qarorni ilovalari bilan birga “Onlayn mahalla” elektron platformasi orqali tuman (shahar) kambagʻallikni qisqartirish va bandlikka koʻmaklashish boʻlimlarini xabardor qilgan holda Jamgʻarmaga yuboradi;

v) oʻrganish natijalari boʻyicha subsidiya ajratishni rad etish toʻgʻrisida qaror qabul qilingan boʻlsa, bu haqda sabablarni koʻrsatgan holda talabgorga xabarnoma yuboradi.

23. Oʻrganish natijasiga koʻra hujjatlar toʻliq taqdim qilinmasa yoki hujjatlarda koʻrsatilgan maʼlumotlar oʻz tasdigʻini topmasa, subsidiya ajratish rad etiladi.

24. Kollegial qarorda qayd etilgan maʼlumotlarning haqqoniyligi uchun “Mahalla yettiligi”ning har bir aʼzosi birdek javobgar hisoblanadi.

25. Talabgor belgilangan tartibda qishloq xoʻjaligi va dorivor oʻsimliklarni yetishtirish boʻyicha kooperativni tashkil etgandan yoki qishloq xoʻjaligi va dorivor oʻsimliklarni yetishtirish boʻyicha kooperativga ixtiyoriy aʼzo boʻlgandan soʻng Jamgʻarmaga bank rekvizitlarini taqdim etadi.

26. Jamgʻarma uch ish kunida:

a) “Mahalla yettiligi”ning kollegial qarori boʻyicha soʻralayotgan subsidiya mablagʻlarini kooperativ ustav fondiga har bir aʼzoning ulushi sifatida kiritish uchun uning bankdagi hisobvaragʻiga arizada koʻrsatilgan bazaviy hisoblash miqdorida (bazaviy hisoblash miqdorining oʻn baravarigacha) oʻtkazib beradi.

b) subsidiya ajratiladigan talabgorning maʼlumotlarida nomutanosibliklar (bank rekvizitlari oʻzgarishi va boshqa holatlar) yuzaga kelganda qayta kollegial qaror qabul qilish uchun tegishli “Mahalla yettiligi”ga qaytaradi.

27. Kooperativ ustav fondiga ulush sifatida kiritish uchun subsidiya bitta oilaning bitta aʼzosiga faqat bir marta ajratiladi.

3-§. Tadbirkorlik subyektlariga — har bir kasanachining dastlabki uch oy davomidagi kasanachilik faoliyati uchun bir oylik oʻrtacha daromadi miqdorida toʻlov toʻlash uchun subsidiya ajratish tartibi

28. Talabgor kasanachilikni tashkil etganidan soʻng oʻzining yashash manzilidagi hokim yordamchisiga yoki Oʻzbekiston Respublikasi Yagona interaktiv davlat xizmatlari portali va “Onlayn mahalla” elektron platformasi orqali subsidiya ajratish boʻyicha murojaat qiladi.

29. Talabgorning murojaatida kasanachining familiyasi, ismi, otasining ismi, talabgorning subsidiya toʻlab berilishi lozim boʻlgan hisobvaragʻi (rekvizitlari) va manzili koʻrsatiladi, shuningdek, murojaatga kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi, kasanachining dastlabki uch oy davomidagi daromadi miqdori toʻgʻrisidagi maʼlumotnoma (yoki kasanachining dastlabki uch oy davomidagi faoliyati uchun toʻlovlar bank orqali toʻlanganligini tasdiqlovchi maʼlumotnoma) ilova qilinadi.

30. Hokim yordamchisi uch ish kunida talabgorning murojaatida qayd etilgan maʼlumotlarni oʻrganish uchun “Onlayn mahalla” elektron platformasi orqali skoring tizimiga yuboradi.

31. Skoring oʻrganish natijalari boʻyicha ijobiy natija kelgan taqdirda kollegial oʻrganish va qaror qabul qilish uchun “mahalla yettiligi”ga kiritadi.

32. Skoring oʻrganish natijalari salbiy boʻlsa, subsidiya ajratishni rad etish sabablarini koʻrsatgan holda talabgorga xabarnoma yuboradi.

33. “Mahalla yettiligi” kollegial oʻrganish va qaror qabul qilish uchun kelib tushgan murojaat va unga ilova qilingan hujjatlarni uch ish kunida joyiga chiqqan holda oʻrganadi.

Bunda subsidiya ajratish uchun talabgor va kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoki pudrat shartnomasi Soliq qoʻmitasining Yagona elektron shartnomalar axborot portalida roʻyxatdan oʻtkazilganligi hamda rasmiylashtirilganligiga kamida uch oy oʻtganligi asos hisoblanadi.

“Mahalla yettiligi” tomonidan kasanachining dastlabki uch oy davomidagi daromadining haqqoniyligi tuman (shahar) soliq inspeksiyasidan maʼlumot olish orqali yoki “Yagona milliy mehnat tizimi”idoralararo dasturiy-apparat kompleksi orqali tekshiradi.

34. “Mahalla yettiligi”ning har bir aʼzosi elektron imzo orqali oʻz ovozini bergan holda koʻpchilik ovozi bilan (bunda mahalladagi vakant lavozimlar inobatga olinmaydi) kollegial qaror qabul qiladi. Bunda:

a) subsidiya ajratish (yoki ajratishni rad etish) toʻgʻrisida kollegial qaror qabul qiladi. Kollegial qarorda subsidiya miqdori va uni ajratish muddati koʻrsatilishi lozim;

b) subsidiya ajratish uchun kollegial qarorni ilovalari bilan birga “Onlayn mahalla” elektron platformasi orqali tuman (shahar) kambagʻallikni qisqartirish va bandlikka koʻmaklashish boʻlimlarini xabardor qilgan holda Jamgʻarmaga yuboradi;

v) oʻrganish natijalari boʻyicha subsidiya ajratishni rad etish toʻgʻrisida qaror qabul qilingan boʻlsa, bu haqda sabablarni koʻrsatgan holda talabgorga xabarnoma yuboradi.

35. Subsidiya ajratish quyidagilarga koʻra rad etiladi:

hujjatlar talabgor tomonidan toʻliq taqdim etilmaganda;

kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi Yagona elektron shartnomalar axborot portalida roʻyxatdan oʻtkazilmaganda;

kasanachining dastlabki uch oy davomidagi daromadi toʻgʻrisidagi maʼlumotning haqqoniyligi oʻz tasdigʻini topmaganda.

36. Kollegial qarorda qayd etilgan maʼlumotlar haqqoniyligi uchun “Mahalla yettiligi”ning har bir aʼzosi birdek javobgar hisoblanadi.

37. Jamgʻarma besh ish kunida:

a) “Mahalla yettiligi”ning kollegial qarori boʻyicha soʻralayotgan subsidiya mablagʻlarini talabgorning bankdagi hisobvaragʻiga oʻtkazib beradi.

b) subsidiya ajratiladigan talabgorning maʼlumotlarida nomutanosibliklar (tadbirkorlik subyekti tugatilganligi, bank rekvizitlari oʻzgarishi va boshqa holatlar) yuzaga kelganda qayta kollegial qaror qabul qilish uchun tegishli “Mahalla yettiligi”ga qaytaradi.

4-§. “Usta-shogird”anʼanalari asosida yoshlarga hunar oʻrgatayotgan hunarmandlarga — shogirdlar tayyorlash, zarur xomashyo sotib olish va shogirdlarni ish haqi bilan taʼminlash xarajatlarini qoplash uchun subsidiya ajratish tartibi

38. “Usta-shogird” anʼanalari asosida yoshlarga hunar oʻrgatayotgan hunarmandlarga — shogirdlar tayyorlash, zarur xomashyo sotib olish va shogirdlarni ish haqi bilan taʼminlash xarajatlarini qoplash uchun har bir shogird uchun (biroq, shogirdlar soni besh nafardan oshmagan holda) subsidiya 6 oy davomida har oyda 1 — 3-toifalar tuman va shaharlar uchun bazaviy hisoblash miqdorining 2 baravarigacha, 4-toifa uchun bazaviy hisoblash miqdorining 4 baravarigacha va 5-toifa uchun bazaviy hisoblash miqdorining 5 baravarigacha miqdorda ajratiladi.

39. Talabgor oʻzining yashash manzilidagi hokim yordamchisiga yoki Oʻzbekiston Respublikasi Yagona interaktiv davlat xizmatlari portali va “Onlayn mahalla” elektron platformasi orqali subsidiya ajratish boʻyicha murojaat qiladi.

40. Murojaatda talabgorning familiyasi, ismi va otasining ismi, yashash manzili, pasport (ID-karta) seriyasi va raqami, ishlab chiqarish ehtiyojlari uchun zarur xom-ashyo sotib olish va shogirdlarni ish haqi bilan taʼminlashi uchun soʻralayotgan subsidiya turi, “Hunarmand”uyushmasiga aʼzoligi va tadbirkor sifatida davlat roʻyxatidan oʻtganligi, bank rekvizitlari koʻrsatiladi, shuningdek, “usta-shogird”anʼanalari asosida shogird sifatida qabul qilgan mehnatga layoqatli yoshlarning (familiyasi, ismi va otasining ismini koʻrsatgan holda) roʻyxati ilova qilinadi.

41. Hokim yordamchisi uch ish kunida talabgorning murojaatida qayd etilgan maʼlumotlarni oʻrganish uchun “Onlayn mahalla” elektron platformasi orqali skoring tizimiga yuboradi.

42. Skoring oʻrganish natijalari boʻyicha ijobiy natija kelgan taqdirda kollegial oʻrganish va qaror qabul qilish uchun “Mahalla yettiligi”ga kiritadi.

43. Skoring oʻrganish natijalari salbiy boʻlsa, subsidiya ajratishni rad etish sabablarini koʻrsatgan holda talabgorga xabarnoma yuboradi.

44. “Mahalla yettiligi” kollegial oʻrganish va qaror qabul qilish uchun kelib tushgan murojaat va unga ilova qilingan hujjatlarni uch ish kunida joyiga chiqqan holda oʻrganadi.

Bunda hunarmandning “Hunarmand” uyushmasiga aʼzoligi, yoshlar haqiqatda “usta-shogird” anʼanalari asosida hunarmanddan hunar oʻrganayotganligi, soʻralayotgan subsidiya turidan muqaddam foydalanmaganligi, ishlab chiqarish ehtiyojlari uchun zarur xom ashyoga ehtiyoji mavjudligini oʻrganadi.

45. “Mahalla yettiligi”ning har bir aʼzosi elektron imzo orqali oʻz ovozini bergan holda koʻpchilik ovozi bilan (bunda mahalladagi vakant lavozimlar inobatga olinmaydi) kollegial qaror qabul qiladi. Bunda:

a) subsidiya ajratish (yoki ajratishni rad etish) toʻgʻrisida kollegial qaror qabul qiladi. Kollegial qarorda subsidiya miqdori va uni ajratish muddati koʻrsatilishi lozim;

b) subsidiya ajratish uchun kollegial qarorni ilovalari bilan birga “Onlayn mahalla” elektron platformasi orqali tuman (shahar) kambagʻallikni qisqartirish va bandlikka koʻmaklashish boʻlimlarini xabardor qilgan holda Jamgʻarmaga yuboradi;

v) oʻrganish natijalari boʻyicha subsidiya ajratishni rad etish toʻgʻrisida qaror qabul qilingan boʻlsa, bu haqda sabablarni koʻrsatgan holda talabgorga xabarnoma yuboradi.

46. Oʻrganish natijasiga koʻra hujjatlar toʻliq taqdim qilinmasa yoki hujjatlarda koʻrsatilgan maʼlumotlar oʻz tasdigʻini topmasa, subsidiya ajratish rad etiladi.

47. Kollegial qarorda qayd etilgan maʼlumotlarning haqqoniyligi uchun “mahalla yettiligi”ning har bir aʼzosi birdek javobgar hisoblanadi.

48. Jamgʻarma uch ish kunida:

a) “Mahalla yettiligi”ning kollegial qarori boʻyicha soʻralayotgan subsidiya mablagʻlarini talabgorning bankdagi hisobvaragʻiga oʻtkazib beradi.

b) subsidiya ajratiladigan talabgorning maʼlumotlarida nomutanosibliklar (tadbirkorlik subyekti tugatilganligi, bank rekvizitlari oʻzgarishi va boshqa holatlar) yuzaga kelganda qayta kollegial qaror qabul qilish uchun tegishli “Mahalla yettiligi”ga qaytaradi.

5-§. Ustalarga — oʻzlarining internet saytlarini yaratish, mahsulotlarini jahon elektron savdo maydonchalariga chiqarish va reklama qilish xarajatlarini qoplash uchun subsidiya ajratish tartibi

49. Ustalarga — oʻzlarining internet saytlarini yaratish, mahsulotlarini jahon elektron savdo maydonchalariga chiqarish va reklama qilish xarajatlarini qoplash uchun subsidiya 1 — 3-toifa tuman va shaharlar uchun xarajatlarning 50 foizi (biroq bazaviy hisoblash miqdorining 25 baravarigacha), 4-5-toifa uchun xarajatlarning 75 foizi (biroq bazaviy hisoblash miqdorining 30 baravarigacha) miqdorida ajratiladi.

50. Talabgor oʻzining yashash manzilidagi hokim yordamchisiga yoki Oʻzbekiston Respublikasi Yagona interaktiv davlat xizmatlari portali va “Onlayn mahalla” elektron platformasi orqali subsidiya ajratish boʻyicha murojaat qiladi.

51. Murojaatda talabgorning familiyasi, ismi va otasining ismi, yashash manzili, pasport (ID-karta) seriyasi va raqami, soʻralayotgan subsidiya turi, “Hunarmand” uyushmasiga aʼzoligi va tadbirkor sifatida davlat roʻyxatidan oʻtganligi, bank rekvizitlari koʻrsatiladi, shuningdek, elektron dasturiy taʼminot ishlab chiqaruvchi yuridik shaxs (keyingi oʻrinlarda — dasturchi) bilan tuzilgan shartnoma nusxasi ilova qilinadi.

52. Hokim yordamchisi uch ish kunida talabgorning murojaatida qayd etilgan maʼlumotlarni oʻrganish uchun “Onlayn mahalla” elektron platformasi orqali skoring tizimiga yuboradi.

53. Skoring oʻrganish natijalari boʻyicha ijobiy natija kelgan taqdirda kollegial oʻrganish va qaror qabul qilish uchun “Mahalla yettiligi”ga kiritadi.

54. Skoring oʻrganish natijalari salbiy boʻlsa, subsidiya ajratishni rad etish sabablarini koʻrsatgan holda talabgorga xabarnoma yuboradi.

55. “Mahalla yettiligi” kollegial oʻrganish va qaror qabul qilish uchun kelib tushgan murojaat va unga ilova qilingan hujjatlarni uch ish kunida joyiga chiqqan holda oʻrganadi.

Bunda ustaning haqiqatda “Hunarmand” uyushmasiga aʼzoligi va tadbirkor sifatida davlat roʻyxatidan oʻtganligi, internet saytlarini yaratish, oʻz mahsulotlarini jahon elektron savdo maydonchalariga chiqarishi yoki reklamaning aynan bir turi boʻyicha dasturchi bilan tuzilgan shartnomaning mavjudligini oʻrganadi.

56. “Mahalla yettiligi”ning har bir aʼzosi elektron imzo orqali oʻz ovozini bergan holda koʻpchilik ovozi bilan (bunda mahalladagi vakant lavozimlar inobatga olinmaydi) kollegial qaror qabul qiladi. Bunda:

a) subsidiya ajratish (yoki ajratishni rad etish) toʻgʻrisida kollegial qaror qabul qiladi. Kollegial qarorda subsidiya miqdori koʻrsatilishi lozim;

b) subsidiya ajratish uchun kollegial qarorni ilovalari bilan birga “Onlayn mahalla” elektron platformasi orqali hududiy kambagʻallikni qisqartirish va bandlikka koʻmaklashish boʻlimlarini xabardor qilgan holda Jamgʻarmaga yuboradi;

v) oʻrganish natijalari boʻyicha subsidiya ajratishni rad etish toʻgʻrisida qaror qabul qilingan boʻlsa, bu haqda sabablarni koʻrsatgan holda talabgorga xabarnoma yuboradi.

57. Oʻrganish natijasiga koʻra hujjatlar toʻliq taqdim qilinmasa yoki hujjatlarda koʻrsatilgan maʼlumotlar oʻz tasdigʻini topmasa, subsidiya ajratish rad etiladi.

58. Kollegial qarorda qayd etilgan maʼlumotlarning haqqoniyligi uchun “Mahalla yettiligi”ning har bir aʼzosi birdek javobgar hisoblanadi.

59. Jamgʻarma uch ish kunida:

a) “Mahalla yettiligi”ning kollegial qarori boʻyicha soʻralayotgan subsidiya mablagʻlarini talabgorning bankdagi hisobvaragʻiga oʻtkazib beradi.

b) subsidiya ajratiladigan talabgorning maʼlumotlarida nomutanosibliklar (tadbirkorlik subyekti tugatilganligi, bank rekvizitlari oʻzgarishi va boshqa holatlar) yuzaga kelganda qayta kollegial qaror qabul qilish uchun tegishli “Mahalla yettiligi”ga qaytaradi.

6-§. Ishsizlarga — olingan bino va inshootning ijara toʻlovini toʻlash uchun subsidiya ajratish tartibi

60. Tadbirkorlik faoliyatini boshlayotgan Ijtimoiy reyestrda turgan oilaning ishsiz aʼzolariga tadbirkorlik subyekti sifatida davlat roʻyxatidan oʻtgandan soʻng dastlabki uch oy mobaynida olingan bino va inshootning ijara toʻlovini toʻlash uchun bazaviy hisoblash miqdorining 10 baravarigacha miqdorda subsidiya ajratiladi.

61. Talabgor oʻzining yashash manzilidagi hokim yordamchisiga yoki Oʻzbekiston Respublikasi Yagona interaktiv davlat xizmatlari portali va “Onlayn mahalla” elektron platformasi orqali murojaat qiladi.

62. Murojaatda talabgorning familiyasi, ismi va otasining ismi, yashash manzili, pasport (ID-karta) seriyasi va raqami, soʻralayotgan subsidiya miqdori, tadbirkorlik subyekti sifatida davlat roʻyxatidan oʻtkazilganligi koʻrsatiladi, shuningdek, faoliyatini amalga oshirish uchun ijaraga olinayotgan bino va inshootning ijara shartnomasi nusxalari hamda bank rekvizitlari ilova qilinadi.

63. Hokim yordamchisi uch ish kunida talabgorning murojaatida qayd etilgan maʼlumotlarni oʻrganish uchun “Onlayn mahalla” elektron platformasi orqali skoring tizimiga yuboradi.

64. Skoring oʻrganish natijalari boʻyicha ijobiy natija kelgan taqdirda kollegial oʻrganish va qaror qabul qilish uchun “Mahalla yettiligi”ga kiritadi.

65. Skoring oʻrganish natijalari salbiy boʻlsa, subsidiya ajratishni rad etish sabablarini koʻrsatgan holda talabgorga xabarnoma yuboradi.

66. “Mahalla yettiligi” kollegial oʻrganish va qaror qabul qilish uchun kelib tushgan murojaat va unga ilova qilingan hujjatlarni uch ish kunida joyiga chiqqan holda oʻrganadi.

Bunda talabgorning haqiqatda tadbirkorlik subyekti sifatida davlat roʻyxatidan oʻtganligi, faoliyatini amalga oshirish uchun ijaraga olinayotgan bino va inshootning mavjudligini oʻrganadi.

67. “Mahalla yettiligi”, tadbirkorlik faoliyatini boshlayotgan talabgor va ijaraga beruvchi oʻrtasida qonunchilikka asosan oʻn ish kunida uch tomonlama ijara shartnomasi tuziladi.

Bunda ijara shartnomasida ijara muddati tomonlarning kelishuviga koʻra belgilanadi hamda ijara toʻlovining dastlabki uch oy mobaynida Jamgʻarma tomonidan subsidiya asosida toʻlab berilishi nazarda tutilgan qismi uch oydan koʻp boʻlishi mumkin emasligi koʻrsatilishi kerak.

68. “Mahalla yettiligi”ning har bir aʼzosi elektron imzo orqali oʻz ovozini bergan holda koʻpchilik ovozi bilan (bunda mahalladagi vakant lavozimlar inobatga olinmaydi) kollegial qaror qabul qiladi. Bunda:

a) subsidiya ajratish (yoki ajratishni rad etish) toʻgʻrisida kollegial qaror qabul qiladi. Kollegial qarorda subsidiya miqdori va uni ajratish muddati koʻrsatilishi lozim;

b) subsidiya ajratish uchun kollegial qarorni ilovalari bilan birga “Onlayn mahalla” elektron platformasi orqali tuman (shahar) kambagʻallikni qisqartirish va bandlikka koʻmaklashish boʻlimlarini xabardor qilgan holda Jamgʻarmaga yuboradi;

v) oʻrganish natijalari boʻyicha subsidiya ajratishni rad etish toʻgʻrisida qaror qabul qilingan boʻlsa, bu haqda sabablarni koʻrsatgan holda talabgorga xabarnoma yuboradi.

69. Oʻrganish natijasiga koʻra hujjatlar toʻliq taqdim qilinmasa yoki hujjatlarda koʻrsatilgan maʼlumotlar oʻz tasdigʻini topmasa, subsidiya ajratish rad etiladi.

70. Kollegial qarorda qayd etilgan maʼlumotlar haqqoniyligi uchun “mahalla yettiligi”ning har bir aʼzosi birdek javobgar hisoblanadi.

71. Jamgʻarma uch ish kunida:

a) “Mahalla yettiligi”ning kollegial qarori boʻyicha soʻralayotgan subsidiyani ijara shartnomasida koʻrsatilgan sanadan boshlab ijaraga beruvchining hisobvaragʻiga bazaviy hisoblash miqdorining oʻn baravarigacha boʻlgan miqdori uch oyga teng taqsimlangan holda, har bir oy uchun alohida toʻlab boradi;

b) subsidiya ajratiladigan talabgorning maʼlumotlarida nomutanosibliklar (bank rekvizitlari oʻzgarishi va boshqa holatlar) yuzaga kelganda qayta kollegial qaror qabul qilish uchun tegishli “Mahalla yettiligi”ga qaytaradi.

72. Ushbu subsidiya turidan foydalanish huquqi bir marta beriladi.

7-§. Ozodlikdan mahrum etish jazosini oʻtab boʻlgan fuqarolarga ular tomonidan tadbirkorlik, meʼmorchilik, hunarmandchilik kabi yoʻnalishlardagi aniq loyihalar amalga oshirilishi uchun subsidiya ajrati sh tartibi

73. Ozodlikdan mahrum etish jazosini oʻtab boʻlgan fuqarolarga ular tomonidan tadbirkorlik, meʼmorchilik, hunarmandchilik kabi yoʻnalishlardagi aniq loyihalar amalga oshirilishi uchun subsidiya mehnatga haq toʻlashning eng kam miqdorining 10 baravari miqdorida ajratiladi.

74. Talabgor oʻzining yashash manzilidagi hokim yordamchisiga yoki Oʻzbekiston Respublikasi Yagona interaktiv davlat xizmatlari portali va “Onlayn mahalla” elektron platformasi orqali murojaat qiladi.

75. Murojaatda talabgorning familiyasi, ismi va otasining ismi, yashash manzili, pasport (ID-karta) seriyasi va raqami, ozodlikdan mahrum etish jazosini oʻtab boʻlganligi toʻgʻrisida maʼlumot hamda soʻralayotgan subsidiya boʻyicha aniq loyihalar turlari va miqdori koʻrsatiladi.

76. Hokim yordamchisi uch ish kunida talabgorning murojaatida qayd etilgan maʼlumotlarni oʻrganish uchun “Onlayn mahalla” elektron platformasi orqali skoring tizimiga yuboradi.

77. Skoring oʻrganish natijalari boʻyicha ijobiy natija kelgan taqdirda kollegial oʻrganish va qaror qabul qilish uchun “Mahalla yettiligi”ga kiritadi.

78. Skoring oʻrganish natijalari salbiy boʻlsa, subsidiya ajratishni rad etish sabablarini koʻrsatgan holda talabgorga xabarnoma yuboradi.

79. “Mahalla yettiligi” kollegial oʻrganish va qaror qabul qilish uchun kelib tushgan murojaat va unga ilova qilingan hujjatlarni uch ish kunida joyiga chiqqan holda oʻrganadi.

Bunda fuqaroning ozodlikdan mahrum etish jazosini oʻtab boʻlganligini, tadbirkorlik, meʼmorchilik, hunarmandchilik kabi yoʻnalishlardagi aniq loyihalarini amalga oshirish imkoniyati mavjudligini oʻrganadi.

80. “Mahalla yettiligi”ning har bir aʼzosi elektron imzo orqali oʻz ovozini bergan holda koʻpchilik ovozi bilan (bunda mahalladagi vakant lavozimlar inobatga olinmaydi) kollegial qaror qabul qiladi. Bunda:

a) subsidiya ajratish (yoki ajratishni rad etish) toʻgʻrisida kollegial qaror qabul qiladi. Kollegial qarorda amalga oshirilayotgan loyiha yoʻnalishlari va subsidiya miqdori koʻrsatilishi lozim;

b) subsidiya ajratish uchun kollegial qarorni ilovalari bilan birga “Onlayn mahalla” elektron platformasi orqali tuman (shahar) kambagʻallikni qisqartirish va bandlikka koʻmaklashish boʻlimlarini xabardor qilgan holda Jamgʻarmaga yuboradi.

v) oʻrganish natijalari boʻyicha subsidiya ajratishni rad etish toʻgʻrisida qaror qabul qilingan boʻlsa, bu haqda sabablarni koʻrsatgan holda talabgorga xabarnoma yuboradi.

79. Oʻrganish natijasiga koʻra hujjatlar toʻliq taqdim qilinmasa yoki hujjatlarda koʻrsatilgan maʼlumotlar oʻz tasdigʻini topmasa, subsidiya ajratish rad etiladi.

80. Kollegial qarorda qayd etilgan maʼlumotlarning haqqoniyligi uchun “Mahalla yettiligi”ning har bir aʼzosi birdek javobgar hisoblanadi.

81. Jamgʻarma uch ish kunida “Mahalla yettiligi” kollegial qarori boʻyicha soʻralayotgan subsidiyani loyiha yoʻnalishi boʻyicha fuqaroga toʻlab beradi.

82. Ushbu subsidiya turidan foydalanish huquqi bir marta beriladi.

7 1 -§. Pilla yetishtiruvchilarga (ipak qurti boquvchi va kasanachilarga) subsidiya ajratish tartibi

82 1 . Pilla yetishtiruvchilarga (ipak qurti boquvchi va kasanachilarga) “mahalla yettiligi”ning kollegial qarori asosida pillachilik klasteri haqiqatda pilla uchun toʻlab bergan mablagʻlarning 35 foizi miqdorida subsidiya ajratiladi.

82 2 . Talabgor subsidiya olish uchun oʻzining doimiy yashash manzilidagi hokim yordamchisiga yoki Oʻzbekiston Respublikasi Yagona interaktiv davlat xizmatlari portali va “Onlayn mahalla” elektron platformasi orqali murojaat qiladi.

82 3 . Talabgor murojaatida familiyasi, ismi, otasining ismi, kasanachining subsidiya toʻlab berilishi lozim boʻlgan bank plastik kartasi (rekvizitlari) va manzili koʻrsatiladi, shuningdek, murojaatga mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi, talabgorning pilla yetishtirish faoliyatidan olgan daromadi miqdori toʻgʻrisidagi maʼlumotnoma ilova qilinadi.

82 4 . Hokim yordamchisi uch ish kunida talabgorning murojaatida qayd etilgan maʼlumotlarni oʻrganish va pillachilik klasteri tomonidan haqiqatda toʻlangan mablagʻni aniqlash uchun “Onlayn mahalla” elektron platformasi orqali skoring tizimiga yuboradi.

82 5 . Hokim yordamchisi skoring oʻrganish natijalari ijobiy boʻlganida subsidiya ajratish toʻgʻrisidagi taklifni kollegial oʻrganish va qaror qabul qilish uchun “mahalla yettiligi”ga kiritadi.

82 6 . Skoring oʻrganish natijalari salbiy boʻlsa, subsidiya ajratishni rad etish sabablarini koʻrsatgan holda talabgorga xabarnoma yuboradi.

82 7 . “Mahalla yettiligi” kollegial oʻrganish va qaror qabul qilish uchun kelib tushgan murojaat va unga ilova qilingan hujjatlarni ikki ish kunida oʻrganadi.

Bunda subsidiya ajratish uchun talabgor bilan tuzilgan mehnat shartnomasi yoki fuqarolik-huquqiy tusdagi shartnoma yoxud pudrat shartnomasi “Yagona milliy mehnat tizimi” idoralararo dasturiy-apparat kompleksida roʻyxatdan oʻtkazilgani hamda rasmiylashtirilgani asos hisoblanadi.

Pilla yetishtirish faoliyati uchun subsidiya ajratish boʻyicha murojaatlar yuzasidan qoʻshimcha ravishda “mahalla yettiligi” talabgor daromadining haqqoniyligini tuman (shahar) soliq inspeksiyasidan maʼlumot olish orqali tekshiradi.

82 8 . “Mahalla yettiligi”ning har bir aʼzosi elektron imzo orqali oʻz ovozini bergan holda, kollegial qaror koʻpchilik ovozi bilan (mahalladagi vakant lavozimlar inobatga olinmaydi) qabul qilinadi.

Bunda:

subsidiya ajratish (yoki ajratishni rad etish) toʻgʻrisida kollegial qaror qabul qilinadi;

subsidiya ajratish uchun kollegial qarorni ilovalari bilan birga “Onlayn mahalla” elektron platformasi orqali tuman (shahar) kambagʻallikni qisqartirish va bandlikka koʻmaklashish boʻlimlarini xabardor qilgan holda Jamgʻarmaga yuboradi;

oʻrganish natijalari boʻyicha subsidiya ajratishni rad etish toʻgʻrisida qaror qabul qilingan boʻlsa, bu haqida sabablarni koʻrsatgan holda kasanachiga xabarnoma yuboradi.

82 9 . Subsidiya ajratish quyidagilarga koʻra rad etiladi:

hujjatlar talabgor tomonidan toʻliq taqdim etilmaganda;

talabgor bilan tuzilgan mehnat shartnomasi yoki fuqarolik-huquqiy tusdagi shartnoma yoxud pudrat shartnomasi “Yagona milliy mehnat tizimi” idoralararo dasturiy-apparat kompleksida roʻyxatdan oʻtkazilmaganda;

talabgorning daromadi toʻgʻrisidagi maʼlumotning haqqoniyligi oʻz tasdigʻini topmaganda.

82 10 . Kollegial qarorda qayd etilgan maʼlumotlar haqqoniyligi uchun “mahalla yettiligi”ning har bir aʼzosi birdek javobgar hisoblanadi.

82 11 . Jamgʻarma besh ish kunida:

“mahalla yettiligi”ning kollegial qarori asosida talabgorning bank plastik kartasiga subsidiyani oʻtkazib beradi;

subsidiya ajratiladigan talabgorning maʼlumotlarida nomutanosibliklar (plastik karta maʼlumotlari oʻzgarishi va boshqa holatlar) yuzaga kelganda, qayta kollegial qaror qabul qilish uchun “mahalla yettiligi”ga qaytaradi.

3-bob. Jamgʻarma mablagʻlari hisobidan ssudalar ajratish turlari va tartibi

8-§. Oʻzini oʻzi band qilmoqchi boʻlgan ishsiz fuqarolarni yoki Ijtimoiy reyestrga kiritilgan oilalar aʼzolarini kasanachi sifatida ishga olgan tadbirkorlik subyektlariga ularning aylanma mablagʻlarini toʻldirish uchun har bir jalb qilingan kasanachi uchun ssuda ajratish tartibi

83. Oʻzini oʻzi band qilmoqchi boʻlgan ishsiz fuqarolarni yoki Ijtimoiy reyestrga kiritilgan oilalar aʼzolarini kasanachi sifatida ishga olgan tadbirkorlik subyektlariga ularning aylanma mablagʻlarini toʻldirish uchun har bir jalb qilingan kasanachi uchun bazaviy hisoblash miqdorining 10 baravarigacha miqdordagi 3 yilgacha muddatga foizsiz ssudalar ajratiladi.

Bunda tadbirkorlik subyekti kamida 10 nafar kasanachini ishga qabul qilishi hamda ajratiladigan ssudaning jami miqdori bazaviy hisoblash miqdorining 200 baravaridan oshmasligi talab etiladi.

84. Talabgor kasanachilarni jalb etgandan soʻng ssuda olish uchun oʻzining yashash manzilidagi hokim yordamchisiga yoki Oʻzbekiston Respublikasi Yagona interaktiv davlat xizmatlari portali va “Onlayn mahalla” elektron platformasi orqali murojaat qiladi.

85. Talabgor murojaatiga quyidagilar ilova qilinishi shart:

jalb qilingan kasanachilarning soni, familiyasi, ismi, otasining ismi;

kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoki pudrat shartnomasi;

ssudaning miqdori va ssuda soʻralayotgan davr, shuningdek, ssudani qaytarishning kafolatlangan manbalari;

talabgorning ssuda toʻlab berilishi lozim boʻlgan hisobvaragʻi (rekvizitlari) va manzili;

oxirgi hisobot davri uchun soliqdan qarzdorligi yoʻqligi toʻgʻrisida soliq organlari maʼlumoti, shuningdek, muddati oʻtgan kredit qarzlari mavjud emasligi haqida xizmat koʻrsatuvchi tijorat bankidan maʼlumotnoma.

86. Hokim yordamchisi uch ish kunida talabgorning murojaatida qayd etilgan maʼlumotlarni oʻrganish uchun “Onlayn mahalla” elektron platformasi orqali skoring tizimiga yuboradi.

87. Skoring oʻrganish natijalari boʻyicha ijobiy natija kelgan taqdirda kollegial oʻrganish va qaror qabul qilish uchun “Mahalla yettiligi”ga kiritadi.

88. Skoring oʻrganish natijalari salbiy boʻlsa, subsidiya ajratishni rad etish sabablarini koʻrsatgan holda talabgorga xabarnoma yuboradi.

89. “Mahalla yettiligi” kollegial oʻrganish va qaror qabul qilish uchun kelib tushgan murojaat va unga ilova qilingan hujjatlarni uch ish kunida oʻrganadi.

90. “Mahalla yettiligi”ning har bir aʼzosi elektron imzo orqali oʻz ovozini bergan holda koʻpchilik ovozi bilan (bunda mahalladagi vakant lavozimlar inobatga olinmaydi) kollegial qaror qabul qiladi. Bunda:

a) ssuda ajratish (yoki ajratishni rad etish) toʻgʻrisida kollegial qaror qabul qiladi. Kollegial qarorda ssuda miqdori, uni ajratish va qaytarish muddatlari koʻrsatilishi lozim;

b) ssuda ajratish uchun kollegial qarorni ilovalari bilan birga “Onlayn mahalla” elektron platformasi orqali tuman (shahar) kambagʻallikni qisqartirish va bandlikka koʻmaklashish boʻlimlarini xabardor qilgan holda Jamgʻarmaga yuboradi;

v) oʻrganish natijalari boʻyicha ssuda ajratishni rad etish toʻgʻrisida qaror qabul qilingan boʻlsa, bu haqda sabablarni koʻrsatgan holda talabgorga xabarnoma yuboradi.

91. Ssuda ajratish quyidagilarga koʻra rad etiladi:

hujjatlar talabgor tomonidan toʻliq taqdim etilmaganda;

taqdim etilgan hujjatlar oʻz tasdigʻini topmaganda;

kasanachi bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi Oʻzbekiston Respublikasi Iqtisodiyot va moliya vazirligi huzuridagi Soliq qoʻmitasining Yagona elektron shartnomalar axborot portalida roʻyxatdan oʻtkazilmaganda.

92. Jamgʻarma besh ish kunida:

a) Jamgʻarma direktori va talabgor imzolari bilan tasdiqlanadigan ssuda ajratish toʻgʻrisida shartnoma tuzadi. Bunda shartnomaga ssudani qaytarish tartibi hamda jadvali ilova qilinadi;

b) shartnoma imzolangandan soʻng ssuda ajratiladi;

v) ushbu ssuda talabgor talabiga binoan kasanachilarning bank kartalariga (ijtimoiy karta) oʻtkazib berilishiga ruxsat beriladi.

93. Ssuda oluvchi ssudani ajratish uchun taqdim etilgan hujjatlarning toʻgʻriligi va asosliligi, shuningdek, ssudaning oʻz vaqtida qaytarilishi uchun javobgardir.

94. Talabgor tomonidan ssuda belgilangan muddatlarda qaytarilmagan taqdirda, mavjud qarzdorlik qonunchilik hujjatlarida belgilangan tartibda undiriladi.

9-§. Ijtimoiy reyestrga kiritilgan oila aʼzolariga oʻz faoliyatini boshlashi uchun zarur boʻlgan asbob-uskunalarni xarid qilishga ssuda ajratish tartibi

95. Ijtimoiy reyestrga kiritilgan oila aʼzolariga oʻz faoliyatini boshlashi uchun zarur boʻlgan asbob-uskunalarni xarid qilishga bazaviy hisoblash miqdorining 50 baravarigacha miqdordagi 6 oydan 3 yilgacha muddatga foizsiz ssuda ajratiladi.

96. Talabgor oʻzining yashash manzilidagi hokim yordamchisiga yoki Oʻzbekiston Respublikasi Yagona interaktiv davlat xizmatlari portali va “Onlayn mahalla” elektron platformasi orqali ssuda soʻrab murojaat qiladi.

97. Talabgorning murojaatida fuqaroning familiyasi, ismi va otasining ismi, yashash manzili, pasport (ID-karta) seriyasi va raqami, Ijtimoiy reyestrga kiritilgan oila aʼzo ekanligi, xarid qilish kerak boʻladigan asbob-uskuna va mehnat qurollarining nomi, tadbirkor sifatida Davlat xizmatlari markazida davlat roʻyxatidan yoki oʻzini oʻzi band qilgan shaxs sifatida soliq xizmati organlarida roʻyxatdan oʻtganligi hamda soʻralayotgan ssudaning miqdori koʻrsatiladi.

98. Hokim yordamchisi uch ish kunida talabgorning murojaatida qayd etilgan maʼlumotlarni oʻrganish uchun “Onlayn mahalla” elektron platformasi orqali skoring tizimiga yuboradi.

99. Skoring oʻrganish natijalari boʻyicha ijobiy natija kelgan taqdirda kollegial oʻrganish va qaror qabul qilish uchun “Mahalla yettiligi”ga kiritadi.

100. Skoring oʻrganish natijalari salbiy boʻlsa, ssuda ajratishni rad etish sabablarini koʻrsatgan holda talabgorga xabarnoma yuboradi.

101. “Mahalla yettiligi” kollegial oʻrganish va qaror qabul qilish uchun kelib tushgan murojaat va unga ilova qilingan hujjatlarni uch ish kunida joyiga chiqqan holda oʻrganadi.

102. “Mahalla yettiligi”ning har bir aʼzosi elektron imzo orqali oʻz ovozini bergan holda koʻpchilik ovozi bilan (bunda mahalladagi vakant lavozimlar inobatga olinmaydi) kollegial qaror qabul qiladi. Bunda:

a) ssuda ajratish (yoki ajratishni rad etish) toʻgʻrisida kollegial qaror qabul qiladi. Kollegial qarorda ssuda miqdori, uni ajratish va qaytarish muddatlari koʻrsatilishi lozim;

b) ssuda ajratish uchun kollegial qarorni ilovalari bilan birga “Onlayn mahalla” elektron platformasi orqali hududiy kambagʻallikni qisqartirish va bandlikka koʻmaklashish boʻlimlarini xabardor qilgan holda Jamgʻarmaga yuboradi;

v) oʻrganish natijalari boʻyicha ssuda ajratishni rad etish toʻgʻrisida qaror qabul qilingan boʻlsa, bu haqda sabablarni koʻrsatgan holda talabgorga xabarnoma yuboradi.

103. Oʻrganish natijasiga koʻra hujjatlar toʻliq taqdim qilinmasa yoki hujjatlarda koʻrsatilgan maʼlumotlar oʻz tasdigʻini topmasa, ssuda ajratish rad etiladi.

104. Jamgʻarma oʻn besh ish kunida:

a) Jamgʻarma ijrochi direktori va talabgor imzolari bilan tasdiqlanadigan ssuda ajratish toʻgʻrisida shartnoma tuzadi. Bunda shartnomaga xarid qilish kerak boʻladigan asbob-uskuna va mehnat qurollarining nomi, ssudani qaytarish tartibi hamda jadvali ilova qilinadi;

b) talabgor bilan ssuda hisobidan asosiy vosita, asbob-uskuna va mehnat qurollari yetkazib berish toʻgʻrisida jamgʻarma-talabgor-yetkazib beruvchilar bilan uch tomonlama shartnoma tuzib, belgilangan tartibda toʻlovlarni amalga oshiradi;

v) xarid qilingan asbob-uskuna va mehnat qurollarini talabgorga yetkazib beradi.

105. Ssuda oluvchi ssudani ajratish uchun taqdim etilgan hujjatlarning toʻgʻriligi va asosliligi, shuningdek, ssudaning oʻz vaqtida qaytarilishi uchun javobgardir.

106. Talabgor tomonidan ssuda belgilangan muddatlarda qaytarilmagan taqdirda, mavjud qarzdorlik qonunchilik hujjatlarida belgilangan tartibda undiriladi.

9 1 -§. Ipak qurtini parvarish qilish uchun zarur boʻlgan asbob-uskunalarni (jihozlarni) xarid qilish uchun kasanachilarga ssuda ajratish tartibi

106 1 . Ipak qurtini parvarish qilish boʻyicha shartnomasi boʻlgan kasanachilarga oʻz faoliyatini yuritish uchun zarur boʻlgan asbob-uskunalarni xarid qilishga bazaviy hisoblash miqdorining 50 baravarigacha 3 yilgacha muddatga foizsiz ssuda ajratiladi.

106 2 . Talabgor oʻzining doimiy yashash manzilidagi hokim yordamchisiga yoki Oʻzbekiston Respublikasi Yagona interaktiv davlat xizmatlari portali va “Onlayn mahalla” elektron platformasi orqali ssuda soʻrab murojaat qiladi.

106 3 . Talabgorning murojaatida fuqaroning familiyasi, ismi va otasining ismi, doimiy yashash manzili, pasporti (ID-kartasi) seriyasi hamda raqami, xarid qilish kerak boʻladigan asbob-uskuna va mehnat qurollarining nomi, ipak qurtini parvarish qilish boʻyicha shartnomasi hamda soʻralayotgan ssudaning miqdori koʻrsatiladi.

106 4 . Hokim yordamchisi uch ish kunida talabgorning murojaatida qayd etilgan maʼlumotlarni oʻrganish uchun “Onlayn mahalla” elektron platformasi orqali skoring tizimiga yuboradi.

106 5 . Skoring oʻrganish natijalari boʻyicha ijobiy natija kelgan taqdirda, kollegial oʻrganish va qaror qabul qilish uchun “mahalla yettiligi”ga kiritadi.

106 6 . Skoring oʻrganish natijalari salbiy boʻlsa, ssuda ajratishni rad etish sabablarini koʻrsatgan holda talabgorga xabarnoma yuboradi.

106 7 . “Mahalla yettiligi” kollegial oʻrganish va qaror qabul qilish uchun kelib tushgan murojaat va unga ilova qilingan hujjatlarni uch ish kunida joyiga chiqqan holda oʻrganadi.

106 8 . “Mahalla yettiligi”ning har bir aʼzosi elektron imzo orqali oʻz ovozini bergan holda, kollegial qaror koʻpchilik ovozi bilan (mahalladagi vakant lavozimlar inobatga olinmaydi) qabul qilinadi. Bunda:

ssuda ajratish (yoki ajratishni rad etish) toʻgʻrisida kollegial qaror qabul qilinadi. Kollegial qarorda ssuda miqdori, uni ajratish va qaytarish muddatlari koʻrsatilishi lozim;

ssuda ajratish uchun kollegial qarorni ilovalari bilan birga “Onlayn mahalla” elektron platformasi orqali hududiy kambagʻallikni qisqartirish va bandlikka koʻmaklashish boʻlimlarini xabardor qilgan holda Jamgʻarmaga yuboradi;

oʻrganish natijalari boʻyicha ssuda ajratishni rad etish toʻgʻrisida qaror qabul qilingan boʻlsa, bu haqida sabablarni koʻrsatgan holda talabgorga xabarnoma yuboradi.

106 9 . Oʻrganish natijasiga koʻra hujjatlar toʻliq taqdim qilinmasa yoki hujjatlarda koʻrsatilgan maʼlumotlar oʻz tasdigʻini topmasa, ssuda ajratish rad etiladi.

106 10 . Jamgʻarma oʻn besh ish kunida:

Jamgʻarma ijrochi direktori va talabgor imzolari bilan tasdiqlanadigan ssuda ajratish toʻgʻrisida shartnoma tuzadi. Bunda shartnomaga xarid qilish kerak boʻladigan asbob-uskuna va mehnat qurollarining nomi, ssudani qaytarish tartibi hamda jadvali ilova qilinadi;

talabgor bilan ssuda hisobidan asosiy vosita, asbob-uskuna va mehnat qurollari yetkazib berish toʻgʻrisida jamgʻarma-talabgor-yetkazib beruvchilar bilan uch tomonlama shartnoma tuzib, belgilangan tartibda toʻlovlarni amalga oshiradi;

xarid qilingan asbob-uskuna va mehnat qurollarini talabgorga yetkazib beradi.

106 11 . Ssuda oluvchi ssudani ajratish uchun taqdim etilgan hujjatlarning toʻgʻriligi va asosliligi, shuningdek, ssudaning oʻz vaqtida qaytarilishi uchun javobgardir.

106 12 . Talabgor tomonidan ssuda belgilangan muddatlarda qaytarilmagan taqdirda, mavjud qarzdorlik qonunchilik hujjatlarida belgilangan tartibda undiriladi.

106 13 . Talabgor ssuda olgan kundan boshlab 3 yil mobaynida pilla yetishtirish majburiyatini oladi.

10-§. Ijtimoiy reyestrga kiritilgan oilalarga dehqonchilik va bogʻdorchilik tashkil qilish uchun dehqon xoʻjaliklariga suv quduqlarini burgʻilash, nasos agregatlarini sotib olish, tomchilatib sugʻorish tizimini oʻrnatish va elektr tarmoqlarini tortish uchun ssuda ajratish tartibi

107. Ijtimoiy reyestrga kiritilgan oilalarga dehqonchilik va bogʻdorchilik tashkil qilish uchun dehqon xoʻjaliklariga suv quduqlarini burgʻilash, nasos agregatlarini sotib olish, tomchilatib sugʻorish tizimini oʻrnatish va elektr tarmoqlarini tortish uchun 6 oylik imtiyozli davr bilan bazaviy hisoblash miqdorining 200 baravarigacha miqdordagi 5 yilgacha muddatga foizsiz ssudalar ajratiladi.

108. Talabgor oʻzining yashash manzilidagi hokim yordamchisiga yoki Oʻzbekiston Respublikasi Yagona interaktiv davlat xizmatlari portali va “Onlayn mahalla” elektron platformasi orqali ssuda ajratish boʻyicha murojaat qiladi.

109. Murojaatda talabgorning familiyasi, ismi va otasining ismi, yashash manzili, pasport (ID-karta) seriyasi va raqami, Ijtimoiy reyestrga kiritilgan oila aʼzo ekanligi va ijara asosida ajratilgan yer maydonida dehqon xoʻjaligi bilan shugʻullanishini, xarid qilishi kerak boʻladigan asbob-uskuna nomi, dehqon xoʻjaligi sifatida davlat roʻyxatidan oʻtganligi hamda soʻralayotgan ssudaning miqdori koʻrsatiladi.

110. Hokim yordamchisi bir ish kunida talabgorning murojaatida qayd etilgan maʼlumotlarni oʻrganish uchun “Onlayn mahalla” elektron platformasi orqali skoring tizimiga yuboradi.

111. Skoring oʻrganish natijalari boʻyicha ijobiy natija kelgan taqdirda kollegial oʻrganish va qaror qabul qilish uchun “Mahalla yettiligi”ga kiritadi.

112. Skoring oʻrganish natijalari salbiy boʻlsa, subsidiya ajratishni rad etish sabablarini koʻrsatgan holda talabgorga xabarnoma yuboradi.

113. “Mahalla yettiligi” kollegial oʻrganish va qaror qabul qilish uchun kelib tushgan murojaat va unga ilova qilingan hujjatlarni uch ish kunida joyiga chiqqan holda oʻrganadi.

Bunda Ijtimoiy reyestrga kiritilgan oila aʼzosi ekanligi va ijara asosida yer maydoni ajratilib dehqon xoʻjaligi bilan shugʻullanishini, xarid qilish kerak boʻladigan asbob-uskuna ishlatish sharoitini oʻrganadi.

114. “Mahalla yettiligi”ning har bir aʼzosi elektron imzo orqali oʻz ovozini bergan holda koʻpchilik ovozi bilan (bunda mahalladagi vakant lavozimlar inobatga olinmaydi) kollegial qaror qabul qiladi. Bunda:

a) ssuda ajratish (yoki ajratishni rad etish) toʻgʻrisida kollegial qaror qabul qiladi. Kollegial qarorda ssuda miqdori, uni ajratish va qaytarish muddatlari koʻrsatilishi lozim;

b) ssuda ajratish uchun kollegial qarorni ilovalari bilan birga “Onlayn mahalla” elektron platformasi orqali tuman (shahar) kambagʻallikni qisqartirish va bandlikka koʻmaklashish boʻlimlarini xabardor qilgan holda jamgʻarmaga yuboradi;

v) oʻrganish natijalari boʻyicha ssuda ajratishni rad etish toʻgʻrisida qaror qabul qilingan boʻlsa, bu haqda sabablarni koʻrsatgan holda talabgorga xabarnoma yuboradi.

115. Oʻrganish natijasiga koʻra hujjatlar toʻliq taqdim qilinmasa yoki hujjatlarda koʻrsatilgan maʼlumotlar oʻz tasdigʻini topmasa, ssuda ajratish rad etiladi.

116. Jamgʻarma oʻn besh ish kunida:

a) Jamgʻarma direktori va talabgor imzolari bilan tasdiqlanadigan ssuda ajratish toʻgʻrisida shartnoma tuzadi. Bunda shartnomaga xarid qilish kerak boʻladigan asbob-uskunalarning nomi, ssudani qaytarish tartibi hamda jadvali ilova qilinadi;

Ssudani qaytarish, qoida tariqasida, ssuda ajratilgan oydan 6 oy oʻtgach boshlanadi;

b) talabgor bilan ssuda hisobidan asosiy vosita, asbob-uskuna va mehnat qurollari yetkazib berish toʻgʻrisida talabgor va yetkazib beruvchilar bilan uch tomonlama shartnoma tuzib, belgilangan tartibda toʻlovlarni amalga oshiradi.

v) xarid qilingan asbob-uskunalarni talabgorga yetkazib beradi.

117. Ssuda oluvchi ssudani ajratish uchun taqdim etilgan hujjatlarning toʻgʻriligi va asosliligi, shuningdek, ssudaning oʻz vaqtida qaytarilishi uchun javobgardir.

118. Talabgor tomonidan ssuda belgilangan muddatlarda qaytarilmagan taqdirda, mavjud qarzdorlik qonunchilik hujjatlarida belgilangan tartibda undiriladi.

4-bob. Jamgʻarma mablagʻlari hisobidan mahallalarning ixtisoslashuvi va drayver yoʻnalishlaridan kelib chiqib, oʻz tajribasini 10 tagacha Ijtimoiy reyestrga kiritilgan oilalarga oʻrgatgan va ularga doimiy daromad manbaiga ega boʻlishiga koʻmaklashgan tadbirkorlik subyektlariga har bir oila uchun grant ajratish tartibi

119. Mahallalarning ixtisoslashuvi va drayver yoʻnalishlaridan kelib chiqib, oʻz tajribasini 10 tagacha Ijtimoiy reyestrga kiritilgan oilalarga oʻrgatgan va ularga doimiy daromad manbaiga ega boʻlishiga koʻmaklashgan tadbirkorlik subyektlariga har bir Ijtimoiy reyestrga kiritilgan oila uchun bazaviy hisoblash miqdorining 3 baravari, biroq bazaviy hisoblash miqdorining 30 baravarigacha miqdordagi grant ajratiladi.

Bunda tadbirkorlik subyektlariga grantning 40 foizi avans shaklida, qolgan qismi biriktirilgan Ijtimoiy reyestrga kiritilgan oilalar daromad manbaiga ega boʻlib, tadbirkor yoki oʻzini oʻzi band qilgan shaxs sifatida roʻyxatdan oʻtganidan keyin ajratiladi.

120. Grant olayotgan talabgor oʻz tajribasini 5 tadan 10 tagacha Ijtimoiy reyestrga kiritilgan oilalarning aʼzolariga tadbirkorlikni boshlashdan tortib, yetishtirilgan yoki ishlab chiqarilgan mahsulotlarni sotishgacha boʻlgan jarayonlarni oʻrgatadi.

Bunda qishloq xoʻjaligi, ishlab chiqarish va xizmat koʻrsatish yoʻnalishida 6 oy muddatgacha hamrohlik qiladi.

121. Talabgor oʻzining yashash manzilidagi hokim yordamchisiga yoki Uzbekiston Respublikasi Yagona interaktiv davlat xizmatlari portali va “Onlayn mahalla” elektron platformasi orqali grant ajratish boʻyicha murojaat qiladi.

122. Murojaatda Ijtimoiy reyestrda turgan oila aʼzolarining familiyasi, ismi va otasining ismi, yashash manzili, pasport (ID-karta)seriyasi va raqami, soʻralayotgan grant miqdori, tadbirkorlik subyekti sifatida davlat roʻyxatidan oʻtganligi yoki oʻzini-oʻzi band qilganligi koʻrsatiladi, shuningdek, oʻrgatilayotgan tajriba va uning natijadorligi toʻgʻrisida maʼlumot hamda bank rekvizitlari ilova qilinadi.

123. Hokim yordamchisi uch ish kunida talabgorning murojaatida qayd etilgan maʼlumotlarni oʻrganish uchun “Onlayn mahalla” elektron platformasi orqali skoring tizimiga yuboradi.

124. Skoring oʻrganish natijalari boʻyicha ijobiy natija kelgan taqdirda kollegial oʻrganish va qaror qabul qilish uchun “Mahalla yettiligi”ga kiritadi.

125. Skoring oʻrganish natijalari salbiy boʻlsa, subsidiya ajratishni rad etish sabablarini koʻrsatgan holda talabgorga xabarnoma yuboradi.

126. “Mahalla yettiligi” kollegial oʻrganish va qaror qabul qilish uchun kelib tushgan murojaat va unga ilova qilingan hujjatlarni uch ish kunida joyiga chiqqan holda oʻrganadi.

Bunda talabgorning haqiqatda tadbirkorlik subyekti sifatida davlat roʻyxatidan oʻtkazilganligi yoki oʻzini-oʻzi band qilganligi, shuningdek, oʻrgatilayotgan tajriba va uning natijadorligi toʻgʻrisida maʼlumotlarni oʻrganadi.

127. “Mahalla yettiligi”ning har bir aʼzosi elektron imzo orqali oʻz ovozini bergan holda koʻpchilik ovozi bilan (bunda mahalladagi vakant lavozimlar inobatga olinmaydi) kollegial qaror qabul qiladi. Bunda:

a) grant ajratish (yoki ajratishni rad etish) toʻgʻrisida kollegial qaror qabul qiladi. Kollegial qarorda grant miqdori va uni ajratish muddati koʻrsatilishi lozim;

b) grant ajratish uchun kollegial qarorni ilovalari bilan birga “Onlayn mahalla” elektron platformasi orqali tuman (shahar) kambagʻallikni qisqartirish va bandlikka koʻmaklashish boʻlimlarini xabardor qilgan holda Jamgʻarmaga yuboradi.

v) oʻrganish natijalari boʻyicha grant ajratishni rad etish toʻgʻrisida qaror qabul qilingan boʻlsa, bu haqda sabablarni koʻrsatgan holda talabgorga xabarnoma yuboradi.

128. Oʻrganish natijasiga koʻra hujjatlar toʻliq taqdim qilinmasa yoki hujjatlarda koʻrsatilgan maʼlumotlar oʻz tasdigʻini topmasa, grant ajratish rad etiladi.

129. Kollegial qarorda qayd etilgan maʼlumotlar haqqoniyligi uchun “mahalla yettiligi”ning har bir aʼzosi birdek javobgar hisoblanadi.

130. Jamgʻarma uch ish kunida:

a) “Mahalla yettiligi”ning kollegial qarori boʻyicha soʻralayotgan grant mablagʻlarini talabgorning bankdagi hisobvaragʻiga oʻtkazib beradi.

b) grant ajratiladigan talabgorning maʼlumotlarida nomutanosibliklar (bank rekvizitlari oʻzgarishi va boshqa holatlar) vujudga kelganda qayta kollegial qaror qabul qilish uchun tegishli “Mahalla yettiligi”ga qaytaradi.

4 1 -bob. Ipak kurti urugʻchilik korxonalariga ipak qurti urugʻlarini tayyorlash faoliyatiga jalb etiladigan mavsumiy ishchilarning oylik ish haqining bir qismini kompensatsiya qilib berish tartibi

130 1 . Ipak kurti urugʻchilik korxonalariga ipak qurti urugʻlarini tayyorlash faoliyatiga jalb etiladigan har bir mavsumiy ishchi oylik ish haqining 50 foizi, biroq mehnatga haq toʻlashning eng kam miqdorining ikki baravaridan oshmagan qismi Jamgʻarma mablagʻlari hisobidan kompensatsiya qilib beriladi.

130 2 . Talabgor mavsumiy ishchilarga ish haqi toʻlagandan soʻng oʻzi joylashgan manzildagi hokim yordamchisiga yoki Oʻzbekiston Respublikasi Yagona interaktiv davlat xizmatlari portali va “Onlayn mahalla” elektron platformasi orqali mavsumiy ishchilarning oylik ish haqining 50 foizini kompensatsiya qilish boʻyicha murojaat qiladi.

130 3 . Talabgorning murojaatida mavsumiy ishchilarning familiyasi, ismi, otasining ismi, talabgorning kompensatsiya toʻlab berilishi lozim boʻlgan hisobvaragʻi (rekvizitlari) va manzili koʻrsatiladi, shuningdek, murojaatga mavsumiy ishchilar bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi, mavsumiy ishchilarning daromadi miqdori toʻgʻrisidagi maʼlumotnoma ilova qilinadi.

130 4 . Hokim yordamchisi uch ish kunida talabgorning murojaatida qayd etilgan maʼlumotlarni oʻrganish uchun “Onlayn mahalla” elektron platformasi orqali skoring tizimiga yuboradi.

130 5 . Skoring oʻrganish natijalari boʻyicha ijobiy natija kelgan taqdirda, kollegial oʻrganish va qaror qabul qilish uchun “mahalla yettiligi”ga kiritadi.

130 6 . Skoring oʻrganish natijalari salbiy boʻlsa, kompensatsiya ajratishni rad etish sabablarini koʻrsatgan holda talabgorga xabarnoma yuboradi.

130 7 . “Mahalla yettiligi” kollegial oʻrganish va qaror qabul qilish uchun kelib tushgan murojaat va unga ilova qilingan hujjatlarni uch ish kunida joyiga chiqqan holda oʻrganadi.

Bunda kompensatsiya ajratish uchun mavsumiy ishchilar bilan tuzilgan mehnat shartnomasi yoki fuqarolik-huquqiy tusdagi shartnoma yoki pudrat shartnomasi “Yagona milliy mehnat tizimi” idoralararo dasturiy-apparat kompleksida roʻyxatdan oʻtkazilgani hamda rasmiylashtirilgani va ish haqi toʻlangani asos hisoblanadi.

“Mahalla yettiligi” mavsumiy ishchi daromadining haqqoniyligi tuman (shahar) soliq inspeksiyasidan maʼlumot olish orqali yoki “Yagona milliy mehnat tizimi” idoralararo dasturiy-apparat kompleksi orqali tekshiradi.

130 8 . “Mahalla yettiligi”ning har bir aʼzosi elektron imzo orqali oʻz ovozini bergan holda, kollegial qaror koʻpchilik ovozi bilan (mahalladagi vakant lavozimlar inobatga olinmaydi) qabul qilinadi. Bunda:

a) kompensatsiya ajratish (yoki ajratishni rad etish) toʻgʻrisida kollegial qaror qabul qilinadi. Kollegial qarorda kompensatsiya miqdori va uni ajratish muddati koʻrsatilishi lozim;

b) kompensatsiya ajratish uchun kollegial qarorni ilovalari bilan birga “Onlayn mahalla” elektron platformasi orqali tuman (shahar) kambagʻallikni qisqartirish va bandlikka koʻmaklashish boʻlimlarini xabardor qilgan holda Jamgʻarmaga yuboradi;

v) oʻrganish natijalari boʻyicha kompensatsiya ajratishni rad etish toʻgʻrisida qaror qabul qilingan boʻlsa, bu haqida sabablarni koʻrsatgan holda talabgorga xabarnoma yuboradi.

130 9 . Kompensatsiya ajratish quyidagilarga koʻra rad etiladi:

hujjatlar talabgor tomonidan toʻliq taqdim etilmaganda;

mavsumiy ishchilar bilan tuzilgan mehnat shartnomasi yoki ishlarni bajarish (tovarlar ishlab chiqarish, xizmatlar koʻrsatish) haqidagi fuqarolik-huquqiy tusdagi shartnoma yoxud pudrat shartnomasi “Yagona milliy mehnat tizimi” idoralararo dasturiy-apparat kompleksi roʻyxatdan oʻtkazilmaganda;

mavsumiy ishchilarning daromadi toʻgʻrisidagi maʼlumotning haqqoniyligi oʻz tasdigʻini topmaganda.

130 10 . Kollegial qarorda qayd etilgan maʼlumotlar haqqoniyligi uchun “mahalla yettiligi”ning har bir aʼzosi birdek javobgar hisoblanadi.

130 11 . Jamgʻarma besh ish kunida:

“mahalla yettiligi”ning kollegial qarori boʻyicha soʻralayotgan kompensatsiya mablagʻlarini talabgorning bankdagi hisobvaragʻiga oʻtkazib beradi;

kompensatsiya ajratiladigan talabgorning maʼlumotlarida nomutanosibliklar (tadbirkorlik subyekti tugatilgani, bank rekvizitlari oʻzgarishi va boshqa holatlar) yuzaga kelganda, kollegial qarorni qayta qabul qilish uchun tegishli “mahalla yettiligi”ga qaytaradi.

5-bob. Jamgʻarma mablagʻlari samaradorligini monitoring qilish va foydalanilmayotgan asbob-uskunalar hamda ajratilgan moliyaviy koʻmakni qaytarib olish tartibi

131. “Mahalla yettiligi” ajratilgan moliyaviy koʻmakni talabgorlar tomonidan maqsadli sarflanishi boʻyicha ichki tartib bilan oʻzaro teng taqsimlagan holda moliyaviy koʻmak ajratilgandan boshlab bir oyda bir marotaba uch oy davomida, soʻngra uch oyda bir marotaba toʻqqiz oy davomida, keyin olti oyda bir marotaba uch yil davomida joyiga chiqqan holda monitoring oʻtkazadi va natijasi boʻyicha dalolatnoma rasmiylashtirib, xokim yordamchisi yordamida “Onlayn mahalla” elektron platformasiga kiritib boradi.

132. Ssuda taqdim qilingan talabgorlardan ssuda shartnomasi boʻyicha ssudani grafik asosida qaytarmaslik holatlari kuzatilganda Jamgʻarma tomonidan tegishli “Mahalla yettiligi” xabardor qilinadi. “Mahalla yettiligi” ushbu holat boʻyicha joyiga chiqqan holda rejadan tashqari monitoring oʻtkazadi.

133. Oʻtkazilgan monitoringlar natijalariga koʻra moliyaviy koʻmakdan maqsadli foydalanilmayotganligi aniqlansa, “Mahalla yettiligi” tomonidan tegishli dalolatnoma rasmiylashtiriladi va ushbu kamchiliklarni 10 kun muddatda bartaraf etish boʻyicha talabgorga xabarnoma yuboriladi.

134. Talabgor xabarnoma olingan kundan eʼtiboran 10 kun ichida koʻrsatilgan kamchiliklarni bartaraf etish choralarini koʻradi va amalga oshirilgan ishlar yuzasidan “mahalla yettiligi”ni xabardor qiladi.

135. Talabgordan kamchiliklar bartaraf etilganligi toʻgʻrisida xabarnoma kelgan kundan eʼtiboran uch ish kuni ichida, xabarnoma kelmagan taqdirda belgilangan muddatdan soʻng “Mahalla yettiligi”ning tegishli aʼzosi qayta monitoring oʻtkazadi.

136. Oʻtkazilgan monitoring natijalariga koʻra dastlabki monitoringda koʻrsatilgan kamchiliklar bartaraf etilmaganligi aniqlansa, “Mahalla yettiligi” talabgordan ajratilgan moliyaviy koʻmakni qaytarish boʻyicha karor qabul qiladi va Jamgʻarmaga xabarnoma yuboradi.

137. Jamgʻarma ajratilgan moliyaviy koʻmakni qaytarish uchun tegishli boʻlgan bank rekvizitlari koʻrsatilgan xabarnomani “Mahalla yettiligi” qarorini ilova qilgan holda talabgorga yuboradi.

138. Talabgor xabarnoma tushgan kundan eʼtiboran besh ish kuni ichida ajratilgan moliyaviy koʻmakni qiymati miqdorida Jamgʻarmaga tegishli boʻlgan bank rekvizitlariga toʻliq qaytarishi shart.

139. Talabgor tomonidan belgilangan muddatda moliyaviy koʻmak Jamgʻarmaning tegishli boʻlgan bank rekvizitlariga kelib tushmasa Jamgʻarma 3 ish kunida mablagʻlarni sud tartibida qaytarib olish uchun sud organiga murojaat qiladi.

b-bob. Yakunlovchi qoidalar

140. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.

141. Ushbu Nizom talablari buzilishida aybdor boʻlgan shaxslar qonunchilikda belgilangan tartibda javob beradilar.

Kambagʻallikni qisqartirish davlat maqsadli jamgʻarmasi mablagʻlari hisobidan subsidiya, grant va ssudalar ajratish tartibi toʻgʻrisida nizomga ILOVA

Kambagʻallikni qisqartirish davlat maqsadli jamgʻarmasi mablagʻlari hisobidan subsidiyalar, grantlar, ssudalar ajratish

Bosqichlar Subyektlar Tadbirlar Bajarish muddati 1-bosqich Ariza beruvchi — talabgor, jismoniy yoki yuridik shaxs Subsidiya, grant yoki ssuda (keyingi oʻrinlarda — moliyaviy koʻmak) olish uchun oʻzining yashash manzilidagi hokim yordamchisiga yoki Oʻzbekiston Respublikasi Yagona interaktiv davlat xizmatlari portali va “Onlayn mahalla” elektron platformasi orqali murojaat qiladi. Yuridik yoki jismoniy shaxslar xohishiga koʻra 2-bosqich Hokim yordamchisi 1. Talabgorning murojaatida qayd etilgan maʼlumotlarni oʻrganish uchun “Onlayn mahalla” elektron platformasi orqali skoring tizimiga yuboradi. 2. Oʻrganish natijalari boʻyicha: a) ijobiy natija kelgan taqdirda, kollegial oʻrganish va qaror qabul qilish uchun “Mahalla yettiligi”ga kiritadi; b) salbiy natija kelgan taqdirda, moliyaviy koʻmak ajratishni rad etish sabablarini koʻrsatgan holda talabgorga xabarnoma yuboradi. Skoring natijalari kelgan kuni (uch ish kuni ichida) 3-bosqich “Mahalla yettiligi” 1. Talabgorning moliyaviy koʻmak evaziga soʻrayotgan tovar (ish va xizmat) larning haqiqatda zarurligi va undan foydalanish hamda moliyaviy koʻmak mablagʻini oʻz vaqtida qaytarish imkoniyatlarini va boshqa holatlarni joyiga chiqqan holda oʻrganadi. 2. Oʻrganish natijasi boʻyicha zarur hollarda muhokama qilib, talabgorga moliyaviy koʻmak ajratish yoki uni rad etish toʻgʻrisida kollegial qaror qabul qiladi. Bunda: g) moliyaviy koʻmak ajratish toʻgʻrisida kollegial qaror qabul qiladi va kollegial qarorning ilovalari bilan birga “Onlayn mahalla” elektron platformasi orqali tuman (shahar) kambagʻallikni qisqartirish va bandlikka koʻmaklashish boʻlimlarini xabardor qilgan holda Jamgʻarmaga yuboradi; v) moliyaviy koʻmak ajratish rad etish toʻgʻrisida qaror qabul qilingan boʻlsa, bu haqda sabablarini koʻrsatgan holda talabgorga xabarnoma yuboradi. Uch ish kuni ichida 4-bosqich Jamgʻarma 1. “Mahalla yettiligi” tomonidan moliyaviy koʻmak ajratish toʻgʻrisida kollegial qarorini asos qilgan holda Jamgʻarma, talabgor va yetkazib beruvchilar bilan uch tomonlama shartnoma tuzadi va toʻlovlarni amalga oshiradi; 2. Moliyaviy koʻmak ajratiladigan talabgor shartnoma tuzish jarayonida ishtirok etish imkoni boʻlmagan va boshqa fors-major holatlari yuzaga kelganda qayta kollegial qaror qabul qilish uchun tegishli “Mahalla yettiligi”ga qaytaradi. uch ish kunidan oʻn besh ish kunigacha (moliyaviy koʻmak turiga koʻra) 5-bosqich Talabgor Tuzilgan shartnoma talablariga rioya qilgan holda Jamgʻarma tomonidan berilgan moliyaviy koʻmakni tuzilgan shartnomada koʻrsatilgan hisob raqamga oʻz muddatlarida belgilangan toʻlovlarni amalga oshirib boradi. Shartnomada belgilangan muddatlarda

Vazirlar Mahkamasining 2025-yil 11-martdagi 158-son qaroriga 4-ILOVA

Oʻzbekiston Respublikasi Vazirlar Mahkamasining oʻz kuchini yoʻqotgan deb hisoblanayotgan ayrim qarorlari

1. Vazirlar Mahkamasining “Oʻzbekiston Respublikasi Kambagʻallikni qisqartirish va bandlik vazirligi huzuridagi Jamoat ishlari jamgʻarmasi faoliyatini tashkil etish toʻgʻrisida” 2017-yil 5-oktabrdagi 799-son qarori .

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Mehnatga haq toʻlash, pensiyalar va boshqa toʻlovlar miqdorlarini aniqlash tartibini takomillashtirish toʻgʻrisida” 2019-yil 21-maydagi PF-5723-son Farmoni)” 2019-yil 28-dekabrdagi 1046-son qaroriga ilovaning 183-bandi .

4. Vazirlar Mahkamasining “Kambagʻal va ishsiz fuqarolarni kasb-hunarga oʻqitish tizimini takomillashtirish hamda mehnat organlari faoliyati samaradorligini oshirish boʻyicha qoʻshimcha chora-tadbirlar toʻgʻrisida” 2021-yil 5-apreldagi 183-son qaroriga 6-ilovaning 18-bandi .

5. Vazirlar Mahkamasining “Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligi faoliyatini tashkil etish chora-tadbirlari toʻgʻrisida” 2022-yil 19-apreldagi 195-son qarori .

6. Vazirlar Mahkamasining “Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligining Aholini tadbirkorlikka jalb qilish jamgʻarmasi mablagʻlari hisobidan subsidiyalar ajratish tartibi toʻgʻrisidagi nizomni tasdiqlash haqida” 2022-yil 11-maydagi 252-son qarori .

7. Vazirlar Mahkamasining “Oila va xotin-qizlar bilan ishlash, mahalla va nuroniylarni qoʻllab-quvvatlash tizimi takomillashtirilishi munosabati bilan Oʻzbekiston Respublikasi Hukumatining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2022-yil 9-avgustdagi 438-son qaroriga 1-ilovaning 13-bandi .

8. Vazirlar Mahkamasining “Yangi Oʻzbekiston maʼmuriy islohotlarini amalga oshirish doirasida Oʻzbekiston Respublikasi Vazirlar Mahkamasining yangilangan ijro etuvchi tuzilmasi tasdiqlanganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2023-yil 8-apreldagi 147-son qaroriga 2-ilovaning 32-bandi .

9. Vazirlar Mahkamasining “Oʻzbekiston Respublikasi Kambagʻallikni qisqartirish va bandlik vazirligi huzuridagi Hunarmandchilik va kasanachilikni qoʻllab-quvvatlash jamgʻarmasi faoliyatini tashkil etish chora-tadbirlari toʻgʻrisida” 2023-yil 22-iyuldagi 307-son qarori .

10. Vazirlar Mahkamasining “Xotin-qizlar va bolalarning huquqlari, erkinliklari hamda qonuniy manfaatlarini himoya qilish sohasidagi qonunchilik hujjatlari takomillashtirilganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2023-yil 31-avgustdagi 434-son qaroriga ilovaning 3-bandi .

11. Vazirlar Mahkamasining “Qishloq xoʻjaligi va oziq-ovqat xavfsizligi sohasidagi davlat boshqaruvi takomillashtirilganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2023-yil 11-dekabrdagi 653-son qaroriga ilovaning 33-bandi .

12. Vazirlar Mahkamasining “Mahallabay ishlash va tadbirkorlikni rivojlantirish agentligining Aholini tadbirkorlikka jalb qilish jamgʻarmasi mablagʻlari hisobidan subsidiyalar ajratish tartibi toʻgʻrisidagi nizomga oʻzgartirish va qoʻshimchalar kiritish haqida” 2024-yil 1-maydagi 255-son qarori .

13. Vazirlar Mahkamasining “Davlat mulkini boshqarish sohasi takomillashtirilishi munosabati bilan Oʻzbekiston Respublikasi Hukumatining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2024-yil 15-maydagi 282-son qaroriga 1-ilovaning 60-bandi .

14. Vazirlar Mahkamasining “Oʻzbekiston Respublikasi Suv xoʻjaligi vazirligi faoliyatini tartibga soluvchi normativ-huquqiy hujjatlarni tasdiqlash toʻgʻrisida” 2024-yil 7-oktabrdagi 645-son qaroriga 12-ilovaning 2-bandi .

15. Vazirlar Mahkamasining “Oʻzbekiston Respublikasi Oila va xotin-qizlar qoʻmitasi faoliyati hamda “Ayollar daftari”bilan ishlash tizimi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2024-yil 10-dekabrdagi 833-son qaroriga ilovaning 37-bandi .

16. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Biznes va tadbirkorlik oliy maktabi faoliyatini samarali tashkil etish chora-tadbirlari toʻgʻrisida” 2024-yil 30-dekabrdagi 904-son qaroriga 4-ilovaning 3-bandi .

Oʻzbekiston Respublikasining Bosh vaziri A. ARIPOV

Toshkent sh.,

2025-yil 11-mart,

158-son

(Qonunchilik maʼlumotlari milliy bazasi, 13.03.2025-y., 09/25/158/0235-son; 08.11.2025-y., 09/25/706/1024-son; 10.11.2025-y., 09/25/709/1027-son; 02.02.2026-y., 09/26/35/0101-son; 09.04.2026-y., 09/26/154/0331-son; 06.05.2026-y., 09/26/224/0457-son)

lex.uz