UzbekAI

Ўзбекистон Республикаси Президентининг

қарори

ТАРКИБИ

Имом Мотуридий таваллудининг 1155 йиллигини кенг нишонлаш тўғрисида

Буюк ватандошимиз, исломий илмлар ривожига улкан ҳисса қўшган беназир аллома, калом илмининг султони Имом Абу Мансур Мотуридийнинг (кейинги ўринларда — Имом Мотуридий) ибратли ҳаёт йўли ва бой илмий-маънавий меросини ҳар томонлама чуқур ўрганишни рағбатлантириш, мотуридийлик таълимотига хос бағрикенглик ва мўътадиллик тамойилларини халқимиз ва жаҳон жамоатчилиги ўртасида кенг тарғиб этиш, ёшларни Ватанга муҳаббат, миллий ва умуминсоний қадриятларга ҳурмат руҳида тарбиялаш мақсадида қарор қиламан:

1. Дин ишлари бўйича қўмита, Ўзбекистон мусулмонлари идораси, Самарқанд вилояти ҳокимлиги, Ўзбекистон халқаро ислом академияси, Имом Мотуридий халқаро илмий-тадқиқот марказининг 2025 йилда Имом Мотуридий таваллудининг 1155 йиллигини кенг нишонлаш тўғрисидаги таклифи маъқуллансин.

2. Имом Мотуридий таваллудининг 1155 йиллигига бағишланган тадбирларга тайёргарлик кўриш ва уларни ўтказиш бўйича ташкилий қўмита (кейинги ўринларда — Ташкилий қўмита) таркиби иловага мувофиқ тасдиқлансин.

3. Ташкилий қўмита (А. Арипов) икки ҳафта муддатда Имом Мотуридий таваллудининг 1155 йиллигини алломанинг ислом оламидаги обрў-эътибори ва нуфузига муносиб тарзда юқори савияда нишонлаш бўйича қуйидагиларни назарда тутадиган чора-тадбирлар дастурини тасдиқласин:

(а) 2025 йил апрель ойида Самарқанд шаҳрида «Мотуридийлик — бағрикенглик, мўътадиллик ва маърифат таълимоти» мавзусида халқаро илмий-амалий анжуман ўтказиш;

(б) хорижлик тадқиқотчилар ўртасида мотуридийлик таълимоти бўйича илмий танлов ўтказиш, ғолиблар иштирокида Ўзбекистонда маданий-маърифий учрашув ва семинар-тренинглар ташкил этиш;

(в) Имом Мотуридийнинг «Таъвилот ал-Қуръон» ва «Китоб ат-тавҳид» асарлари ва мотуридийлик таълимотига оид манбаларнинг ўзбек ва хорижий тиллардаги илмий-изоҳли академик таржималарини нашр этиш;

(г) Имом Мотуридий таваллудининг 1155 йиллигига бағишланган эсдалик сувенирларини муомалага чиқариш ҳамда почта маркалари, тақвимлар, буюк мутафаккирнинг ҳаёти ва илмий меросини ёритиб берадиган бошқа кўргазмали ахборот воситалари туркумини яратиш;

(д) Имом Мотуридийнинг серқирра ҳаёт йўли ва илмий меросининг бугунги кундаги аҳамиятини очиб берадиган бадиий-публицистик фильм яратиш;

(е) Самарқанд вилоятида Имом Мотуридий ва мотуридийлик таълимоти йўналишида фаолият олиб борган алломаларнинг ҳаёти, илмий ва ижодий меросига бағишланган асарларнинг нодир қўлёзма ва нашр нусхалари ҳамда китоблари кўргазмасини ташкил этиш;

(ж) Самарқанд шаҳридаги Абу Мансур Мотуридий мажмуасини қайта таъмирлаш ва ободонлаштириш.

4. Олий таълим, фан ва инновациялар вазирлиги:

(а) Дин ишлари бўйича қўмита билан биргаликда 2025 йил май ва октябрь ойларида Шароф Рашидов номидаги Самарқанд давлат университетида Олий таълим муассасаларини ривожлантириш жамғармаси маблағлари ҳисобидан «Мотуридийлик таълимоти ва ҳозирги замон» мавзусида республика илмий-амалий конференциясини ҳамда илмий мақолалар танловини ўтказсин;

(б) мотуридийлик таълимотига мансуб алломаларнинг илмий мероси ва ноёб қўлёзма асарларни ўрганиш бўйича Илм-фанни молиялаштириш ва инновацияларни қўллаб-қувватлаш жамғармаси маблағлари ҳисобидан амалга ошириладиган илмий-тадқиқот ишларига давлат буюртмасини белгиланган тартибда шакллантириб борсин.

5. Ўзбекистон мусулмонлари идорасига имом-хатиблар ҳамда диний таълим муассасалари талабалари ўртасида «Мотуридийлик таълимоти билимдони» танловини ўтказиш ва ғолибларни муносиб тақдирлаш тавсия этилсин.

6. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари Дин ишлари бўйича қўмита, Республика Маънавият ва маърифат маркази, Ёшлар ишлари агентлиги, Ўзбекистон Ёзувчилар уюшмаси билан биргаликда 2025 йил давомида жойларда Имом Мотуридийнинг илмий меросига бағишланган давра суҳбатларини ташкил этсин.

7. Имом Мотуридий халқаро илмий-тадқиқот маркази Маданий мерос агентлиги билан биргаликда:

(а) хорижий мамлакатларда сақланаётган Имом Мотуридий ва мотуридийлик таълимотига мансуб алломаларнинг ҳаёти ва илмий меросига оид ноёб қўлёзма асарлар ва бошқа маданий бойликларни аниқлаш, уларнинг нусхаларини Ўзбекистонга олиб келиш ва тадқиқ қилишни тизимли равишда ташкил этсин;

(б) Имом Мотуридийнинг ҳаёти ва илмий фаолиятига бағишланган юқори сифатли медиамаҳсулотлар ҳамда аудиовизуал асарлар яратиш, уларни маҳаллий ва хорижий оммавий ахборот воситаларида эълон қилиш, интернет тармоғи ва ижтимоий тармоқларда кенг тарғиб қилиш чораларини кўрсин.

8. Ўзбекистон Миллий ахборот агентлиги, Ўзбекистон Миллий телерадиокомпанияси, «Дунё» ахборот агентлиги ва Ўзбекистон миллий медиа ассоциациясига Имом Мотуридий таваллудининг 1155 йиллигини нишонлаш билан боғлиқ тадбирларни кенг ёритиб бориш тавсия этилсин.

9. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президентининг маслаҳатчиси Р.Қ. Давлетов зиммасига юклансин.

Ўзбекистон Республикаси Президентининг 2025 йил 14 мартдаги ПҚ-102-сонли қарорига ИЛОВА

Имом Мотуридий таваллудининг 1155 йиллигига бағишланган тадбирларга тайёргарлик кўриш ва уларни ўтказиш бўйича ташкилий қўмита

1. А. Арипов — Ўзбекистон Республикаси Бош вазири, Ташкилий қўмита раиси 2. Р. Давлетов — Ўзбекистон Республикаси Президенти маслаҳатчиси, Ташкилий қўмита раиси ўринбосари 3. Х. Султонов — Ўзбекистон Республикаси Президенти маслаҳатчиси 4. С. Тошбоев — Дин ишлари бўйича қўмита раиси 5. Б. Саидов — ташқи ишлар вазири 6. И. Махкамов — транспорт вазири 7. К. Шарипов — олий таълим, фан ва инновациялар вазири 8. О. Назарбеков — маданият вазири 9. У. Шадиев — Туризм қўмитаси раиси 10. Б. Абдуҳалимов — Фанлар академияси вице-президенти 11. Б. Абдикаримов — Маданий мерос агентлиги директори 12. Н. Холиқназар — Ўзбекистон мусулмонлари идораси раиси, муфтий 13. А. Бобоев — Самарқанд вилояти ҳокими в.б. 14. О. Хасанов — Республика маънавият ва маърифат маркази раҳбари 15. С. Саидов — Ўзбекистон Ёзувчилар уюшмаси раиси 16. Ш. Ризаев — Кинематография агентлиги бош директори в.б. 17. А. Джурабаев — Ўзбекистон Миллий телерадиокомпанияси раиси 18. Ш. Худайкулов — «Uzbekistan Airways» АЖ бошқаруви раиси 19. М. Камилов — Ўзбекистон халқаро ислом академияси ректори 20. Ж. Каримов — Имом Мотуридий халқаро илмий-тадқиқот маркази директори, Ташкилий қўмита котиби

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 14 март,

ПҚ-102-сон

(Қонунчилик маълумотлари миллий базаси, 15.03.2025 й., 07/25/102/0242-сон)

lex.uz

Oʻzbekiston Respublikasi Prezidentining

qarori

TARKIBI

Imom Moturidiy tavalludining 1155-yilligini keng nishonlash toʻgʻrisida

Buyuk vatandoshimiz, islomiy ilmlar rivojiga ulkan hissa qoʻshgan benazir alloma, kalom ilmining sultoni Imom Abu Mansur Moturidiyning (keyingi oʻrinlarda — Imom Moturidiy) ibratli hayot yoʻli va boy ilmiy-maʼnaviy merosini har tomonlama chuqur oʻrganishni ragʻbatlantirish, moturidiylik taʼlimotiga xos bagʻrikenglik va moʻtadillik tamoyillarini xalqimiz va jahon jamoatchiligi oʻrtasida keng targʻib etish, yoshlarni Vatanga muhabbat, milliy va umuminsoniy qadriyatlarga hurmat ruhida tarbiyalash maqsadida qaror qilaman:

1. Din ishlari boʻyicha qoʻmita, Oʻzbekiston musulmonlari idorasi, Samarqand viloyati hokimligi, Oʻzbekiston xalqaro islom akademiyasi, Imom Moturidiy xalqaro ilmiy-tadqiqot markazining 2025-yilda Imom Moturidiy tavalludining 1155-yilligini keng nishonlash toʻgʻrisidagi taklifi maʼqullansin.

2. Imom Moturidiy tavalludining 1155-yilligiga bagʻishlangan tadbirlarga tayyorgarlik koʻrish va ularni oʻtkazish boʻyicha tashkiliy qoʻmita (keyingi oʻrinlarda — Tashkiliy qoʻmita) tarkibi ilovaga muvofiq tasdiqlansin.

3. Tashkiliy qoʻmita (A. Aripov) ikki hafta muddatda Imom Moturidiy tavalludining 1155-yilligini allomaning islom olamidagi obroʻ-eʼtibori va nufuziga munosib tarzda yuqori saviyada nishonlash boʻyicha quyidagilarni nazarda tutadigan chora-tadbirlar dasturini tasdiqlasin:

(a) 2025-yil aprel oyida Samarqand shahrida “Moturidiylik — bagʻrikenglik, moʻtadillik va maʼrifat taʼlimoti” mavzusida xalqaro ilmiy-amaliy anjuman oʻtkazish;

(b) xorijlik tadqiqotchilar oʻrtasida moturidiylik taʼlimoti boʻyicha ilmiy tanlov oʻtkazish, gʻoliblar ishtirokida Oʻzbekistonda madaniy-maʼrifiy uchrashuv va seminar-treninglar tashkil etish;

(v) Imom Moturidiyning “Taʼvilot al-Qurʼon” va “Kitob at-tavhid” asarlari va moturidiylik taʼlimotiga oid manbalarning oʻzbek va xorijiy tillardagi ilmiy-izohli akademik tarjimalarini nashr etish;

(g) Imom Moturidiy tavalludining 1155-yilligiga bagʻishlangan esdalik suvenirlarini muomalaga chiqarish hamda pochta markalari, taqvimlar, buyuk mutafakkirning hayoti va ilmiy merosini yoritib beradigan boshqa koʻrgazmali axborot vositalari turkumini yaratish;

(d) Imom Moturidiyning serqirra hayot yoʻli va ilmiy merosining bugungi kundagi ahamiyatini ochib beradigan badiiy-publitsistik film yaratish;

(e) Samarqand viloyatida Imom Moturidiy va moturidiylik taʼlimoti yoʻnalishida faoliyat olib borgan allomalarning hayoti, ilmiy va ijodiy merosiga bagʻishlangan asarlarning nodir qoʻlyozma va nashr nusxalari hamda kitoblari koʻrgazmasini tashkil etish;

(j) Samarqand shahridagi Abu Mansur Moturidiy majmuasini qayta taʼmirlash va obodonlashtirish.

4. Oliy taʼlim, fan va innovatsiyalar vazirligi:

(a) Din ishlari boʻyicha qoʻmita bilan birgalikda 2025-yil may va oktabr oylarida Sharof Rashidov nomidagi Samarqand davlat universitetida Oliy taʼlim muassasalarini rivojlantirish jamgʻarmasi mablagʻlari hisobidan “Moturidiylik taʼlimoti va hozirgi zamon” mavzusida respublika ilmiy-amaliy konferensiyasini hamda ilmiy maqolalar tanlovini oʻtkazsin;

(b) moturidiylik taʼlimotiga mansub allomalarning ilmiy merosi va noyob qoʻlyozma asarlarni oʻrganish boʻyicha Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari hisobidan amalga oshiriladigan ilmiy-tadqiqot ishlariga davlat buyurtmasini belgilangan tartibda shakllantirib borsin.

5. Oʻzbekiston musulmonlari idorasiga imom-xatiblar hamda diniy taʼlim muassasalari talabalari oʻrtasida “Moturidiylik taʼlimoti bilimdoni” tanlovini oʻtkazish va gʻoliblarni munosib taqdirlash tavsiya etilsin.

6. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Din ishlari boʻyicha qoʻmita, Respublika Maʼnaviyat va maʼrifat markazi, Yoshlar ishlari agentligi, Oʻzbekiston Yozuvchilar uyushmasi bilan birgalikda 2025-yil davomida joylarda Imom Moturidiyning ilmiy merosiga bagʻishlangan davra suhbatlarini tashkil etsin.

7. Imom Moturidiy xalqaro ilmiy-tadqiqot markazi Madaniy meros agentligi bilan birgalikda:

(a) xorijiy mamlakatlarda saqlanayotgan Imom Moturidiy va moturidiylik taʼlimotiga mansub allomalarning hayoti va ilmiy merosiga oid noyob qoʻlyozma asarlar va boshqa madaniy boyliklarni aniqlash, ularning nusxalarini Oʻzbekistonga olib kelish va tadqiq qilishni tizimli ravishda tashkil etsin;

(b) Imom Moturidiyning hayoti va ilmiy faoliyatiga bagʻishlangan yuqori sifatli mediamahsulotlar hamda audiovizual asarlar yaratish, ularni mahalliy va xorijiy ommaviy axborot vositalarida eʼlon qilish, internet tarmogʻi va ijtimoiy tarmoqlarda keng targʻib qilish choralarini koʻrsin.

8. Oʻzbekiston Milliy axborot agentligi, Oʻzbekiston Milliy teleradiokompaniyasi, “Dunyo” axborot agentligi va Oʻzbekiston milliy media assotsiatsiyasiga Imom Moturidiy tavalludining 1155-yilligini nishonlash bilan bogʻliq tadbirlarni keng yoritib borish tavsiya etilsin.

9. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidentining maslahatchisi R.Q. Davletov zimmasiga yuklansin.

Oʻzbekiston Respublikasi Prezidentining 2025-yil 14-martdagi PQ-102-sonli qaroriga ILOVA

Imom Moturidiy tavalludining 1155-yilligiga bagʻishlangan tadbirlarga tayyorgarlik koʻrish va ularni oʻtkazish boʻyicha tashkiliy qoʻmita

1. A. Aripov — Oʻzbekiston Respublikasi Bosh vaziri, Tashkiliy qoʻmita raisi 2. R. Davletov — Oʻzbekiston Respublikasi Prezidenti maslahatchisi, Tashkiliy qoʻmita raisi oʻrinbosari 3. X. Sultonov — Oʻzbekiston Respublikasi Prezidenti maslahatchisi 4. S. Toshboyev — Din ishlari boʻyicha qoʻmita raisi 5. B. Saidov — tashqi ishlar vaziri 6. I. Maxkamov — transport vaziri 7. K. Sharipov — oliy taʼlim, fan va innovatsiyalar vaziri 8. O. Nazarbekov — madaniyat vaziri 9. U. Shadiyev — Turizm qoʻmitasi raisi 10. B. Abduhalimov — Fanlar akademiyasi vitse-prezidenti 11. B. Abdikarimov — Madaniy meros agentligi direktori 12. N. Xoliqnazar — Oʻzbekiston musulmonlari idorasi raisi, muftiy 13. A. Boboyev — Samarqand viloyati hokimi v.b. 14. O. Xasanov — Respublika maʼnaviyat va maʼrifat markazi rahbari 15. S. Saidov — Oʻzbekiston Yozuvchilar uyushmasi raisi 16. Sh. Rizayev — Kinematografiya agentligi bosh direktori v.b. 17. A. Djurabayev — Oʻzbekiston Milliy teleradiokompaniyasi raisi 18. Sh. Xudaykulov — “Uzbekistan Airways” AJ boshqaruvi raisi 19. M. Kamilov — Oʻzbekiston xalqaro islom akademiyasi rektori 20. J. Karimov — Imom Moturidiy xalqaro ilmiy-tadqiqot markazi direktori, Tashkiliy qoʻmita kotibi

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 14-mart,

PQ-102-son

(Qonunchilik maʼlumotlari milliy bazasi, 15.03.2025-y., 07/25/102/0242-son)

lex.uz

Президента Республики Узбекистан

Постановление

СОСТАВ

О широком праздновании 1155-летия со дня рождения Имама Матуриди

В целях стимулирования всестороннего глубокого изучения назидательного жизненного пути и богатого научно-духовного наследия великого нашего соотечественника, выдающегося мыслителя, внесшего огромный вклад в развитие исламских наук, ученого науки калям Имама Абу Мансура Матуриди (далее — Имам Матуриди), широкой пропаганды среди народа и мировой общественности свойственных учению матуридизма принципов великодушия и умеренности, воспитания молодежи в духе любви к Родине, уважения национальных и общечеловеческих ценностей постановляю:

1. Одобрить предложение Комитета по делам религий, Управления мусульман Узбекистана, хокимията Самаркандской области, Международной исламской академии Узбекистана, Международного научно-исследовательского центра Имама Матуриди о широком праздновании в 2025 году 1155-летия со дня рождения Имама Матуриди.

2. Утвердить состав Организационного комитета по подготовке и проведению мероприятий, посвященных 1155-летию со дня рождения Имама Матуриди (далее — Организационный комитет), согласно приложению .

3. Организационному комитету (А. Арипов) в двухнедельный срок утвердить Программу мер по достойному празднованию на высоком уровне 1155-летия со дня рождения Имама Матуриди в соответствии с авторитетом и статусом ученого в исламском мире, предусматривающую:

(а) проведение в апреле 2025 года в городе Самарканде международной научно-практической конференции на тему «Матуридизм — учение великодушия, умеренности и просветительства»;

(б) проведение научного конкурса по учению матуридизма среди зарубежных исследователей, организацию с участием его победителей культурно-просветительских встреч и семинаров-тренингов в Узбекистане;

(в) издание академических переводов с научными комментариями на узбекском и иностранных языках произведений Имама Матуриди «Таъвилот ал-Куръон» и «Китоб ат-тавхид» и источников касательно учения матуридизма;

(г) выпуск в обращение памятных сувениров, посвященных 1155-летию со дня рождения Имама Матуриди, а также создание серии почтовых марок, календарей и других наглядных средств информации, освещающих жизнь и научное наследие великого мыслителя;

(д) создание художественно-публицистического фильма, раскрывающего современное значение жизненного пути и многогранного научного наследия Имама Матуриди;

(е) организацию в Самаркандской области выставки редких рукописей произведений, печатных изданий и книг, посвященных жизни, научному и творческому наследию Имама Матуриди и ученых, осуществлявших деятельность в направлении учения матуридизма;

(ж) реконструкцию и благоустройство комплекса Абу Мансура Матуриди в городе Самарканде.

4. Министерству высшего образования, науки и инноваций:

(а) совместно с Комитетом по делам религий в мае и октябре 2025 года провести в Самаркандском государственном университете имени Шарафа Рашидова республиканскую научно-практическую конференцию на тему «Учение матуридизма и современный мир» и конкурса научных статей за счет средств Фонда развития высших образовательных учреждений;

(б) формировать в установленном порядке государственный заказ на научно-исследовательские работы по изучению научного наследия и редких рукописей представителей учения матуридизма, осуществляемые за счет средств Фонда финансирования науки и поддержки инноваций.

5. Рекомендовать Управлению мусульман Узбекистана проведение среди имам-хатибов и студентов религиозных образовательных учреждений конкурса «Знаток учения матуридизма» и достойного награждения его победителей.

6. Совету Министров Республики Каракалпакстан, хокимиятам областей и города Ташкента совместно с Комитетом по делам религий, Республиканским центром духовности и просветительства, Агентством по делам молодежи, Союзом писателей Узбекистана в течение 2025 года организовывать на местах круглые столы, посвященные научному наследию Имама Матуриди.

7. Международному научно-исследовательскому центру Имама Матуриди совместно с Агентством культурного наследия:

(а) организовывать на системной основе поиск хранящихся в зарубежных странах редких рукописных произведений и других источников культурного наследия, посвященных жизни и научному наследию Имама Матуриди и представителей учения матуридизма, а также их ввоз в Узбекистан и исследование их копий;

(б) принять меры по созданию высококачественной медиапродукции и аудиовизуальных произведений, посвященных жизни и научной деятельности Имама Матуриди, опубликованию их в отечественных и зарубежных средствах массовой информации, а также широкой пропаганде в интернете и социальных сетях.

8. Рекомендовать Национальному информационному агентству Узбекистана, Национальной телерадиокомпании Узбекистана, Информационному агентству «Дунё» и Национальной медиа-ассоциации Узбекистана широкое освещение мероприятий, связанных с празднованием 1155-летия со дня рождения Имама Матуриди.

9. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан Р.К. Давлетова.

ПРИЛОЖЕНИЕ к постановлению Президента Республики Узбекистан от 14 марта 2025 года № ПП-102

Организационного комитета по подготовке и проведению мероприятий, посвященных 1155-летию со дня рождения Имама Матуриди

1. А. Арипов — Премьер-министр Республики Узбекистан, председатель Организационного комитета 2. Р. Давлетов — советник Президента Республики Узбекистан, заместитель председателя Организационного комитета 3. Х. Султонов — советник Президента Республики Узбекистан 4. С. Тошбоев — председатель Комитета по делам религий 5. Б. Саидов — министр иностранных дел 6. И. Махкамов — министр транспорта 7. К. Шарипов — министр высшего образования, науки и инноваций 8. О. Назарбеков — министр культуры 9. У. Шадиев — председатель Комитета по туризму 10. Б. Абдухалимов — вице-президент Академии наук 11. Б. Абдикаримов — директор Агентства культурного наследия 12. Н. Холикназар — председатель Управления мусульман Узбекистана, муфтий 13. А. Бобоев — и.о. хокима Самаркандской области 14. О. Хасанов — руководитель Республиканского центра духовности и просветительства 15. С. Саидов — председатель Союза писателей Узбекистана 16. Ш. Ризаев — и.о. директора Агентства кинематографии 17. А. Джурабаев — председатель Национальной телерадиокомпании Узбекистана 18. Ш. Худайкулов — председатель правления АО «Uzbekistan Airways» 19. М. Камилов — ректор Международной исламской академии Узбекистана 20. Ж. Каримов — директор Международного научно-исследовательского центра Имама Матуриди, секретарь Организационного комитета

Президент Республики Узбекистан Ш. МИРЗИЁЕВ

г. Ташкент,

14 марта 2025 г.,

№ ПП-102

(Национальная база данных законодательства, 15.03.2025 г., № 07/25/102/0242)

lex.uz