📅 2025-yil 14-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 14 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 марта 2025 г. · Постановления Президента
Официальный текст. Официальный документ. Редакционные примечания не включены.
📅 14 March 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ТАРКИБИ
МАҚСАДЛИ КЎРСАТКИЧЛАРИ
МАҚСАДЛИ КЎРСАТКИЧЛАРИ
Оила ва хотин-қизларни қўллаб-қувватлаш тизимини янада такомиллаштириш чора-тадбирлари тўғрисида
[Кўчирма]
2025 йил 7 март куни Ўзбекистон Республикаси Президенти томонидан хотин-қизларни ҳар томонлама қўллаб-қувватлаш, иқтисодий фаоллигини ошириш ва ижтимоий ҳимоясини кучайтириш бўйича белгиланган асосий вазифаларни амалга ошириш мақсадида қарор қиламан:
I. Мақсадлар
1. 2025 йилда хотин-қизларни қўллаб-қувватлашнинг асосий мақсадли кўрсаткичлари этиб қуйидагилар белгилансин:
(а) 2 миллион нафар хотин-қизларнинг бандлигини таъминлаш;
(б) 250 минг нафар хотин-қизларни касб-ҳунар ва тадбиркорликка ўқитиш;
(в) 250 минг нафар хотин-қизларни олий таълим билан қамраб олиш;
(г) 50 минг нафар эҳтиёжманд хотин-қизларни санаторийларда соғломлаштириш ҳамда уларда тадбиркорлик кўникмаларини шакллантириш бўйича мотивацион семинарлар ташкил этиш.
II. Аёллар тадбиркорлигини қўллаб-қувватлаш
2. Белгилансинки, «HAMROH» тадбиркор аёлларни қўллаб-қувватлаш дастури доирасида 2025 йил 1 майдан бошлаб:
(а) хотин-қизларга «яшил лойиҳалар» ва IT соҳасидаги лойиҳаларни амалга оширишига, шунингдек, камида 5 нафар хотин-қизнинг тадбиркорлигини йўлга қўйишга кўмаклашган 1 минг нафар «устоз» тадбиркорларга 50 миллион сўмгача грант ажратиш йўлга қўйилади. Бунда грант маблағлари Ўзбекистон Республикаси Президентининг 2024 йил 8 ноябрдаги ПҚ-385-сон қарорининг 8-бандида назарда тутилган маблағлар ҳисобидан ажратилади;
(б) ижобий кредит тарихига эга бўлган хотин-қизларга 100 млн сўмгача гаровсиз кредит ажратилади;
(в) аёл тадбиркорлар томонидан кредит ҳисобидан сотиб олинаётган асбоб-ускуналар етказиб берилгунга қадар «Тадбиркорликни ривожлантириш компанияси» АЖ томонидан кафиллик тақдим этилиши йўлга қўйилади.
3. АТ «Халқ банки» Савдо-саноат палатаси билан биргаликда «Лойиҳалар фабрикаси» платформаси негизида қуйидаги имкониятларга эга «Тадбиркор аёллар» платформасини 2025 йил 1 июлга қадар ишга туширсин:
(а) аёл тадбиркорларга хомашё сотиб олишга кўмаклашиш;
(б) ўзаро кооперацияни кенгайтириш ва маҳсулотларни сотиш учун бозор топиш;
(в) зарур мутахассисларни излаш ва ишга қабул қилиш;
(г) лойиҳалар доирасида юзага келаётган муаммоларини аниқлаш ва уларга ечим топиш.
4. АТ «Халқ банки» уч ой муддатда «Тадбиркор аёллар» платформаси орқали тижорат банклари, Солиқ қўмитаси, Камбағалликни қисқартириш ва бандлик вазирлиги, Миллий статистика қўмитаси, Савдо-саноат палатаси ва бошқа манфаатдор ташкилотлар билан ўзаро ахборот алмашинувини йўлга қўйсин.
5. Савдо-саноат палатаси 2025 йил 1 майдан бошлаб қуйидагиларни назарда тутувчи «Ҳамкор тадбиркор» дастурини йўлга қўйсин:
(а) ўз бизнесини ташкил этмоқчи бўлган хотин-қизларда тадбиркорлик кўникмаларини шакллантириш;
(б) кооперация асосида хотин-қизларнинг тадбиркорлик фаолиятини йўлга қўйишга кўмаклашиш;
(в) маҳаллий ва халқаро электрон платформаларда хотин-қизларга ўз маҳсулотларини жойлаштириш ва сотишга кўмаклашиш.
6. Марказий банк тижорат банклари билан биргаликда 2025 йил 1 августга қадар Аёллар тадбиркорлигини қўллаб-қувватлаш йўналишида молиявий хизматлар кўрсатиш стратегиясини тасдиқласин. Бунда қуйидагилар назарда тутилсин:
(а) тижорат банкларида хотин-қизлар учун янгича ёндашувлар асосида замонавий молиявий хизматларни йўлга қўйиш;
(б) ҳомиладорлик ва туғиш таътилини олган аёллар учун банк кредитлари бўйича тўловлар муддатини 10 ойгача узайтириш.
7. Савдо-саноат палатасининг 1-иловага мувофиқ таркибда қуйидаги вазифаларни амалга оширувчи етакчи ишбилармон аёллардан иборат Тадбиркор аёллар кенгашини ташкил этиш тўғрисидаги таклифи маъқуллансин:
(а) мунтазам равишда ҳудудларга чиқиб, тадбиркор хотин-қизларнинг муаммоларини ўрганиш ва уларни бартараф этиш бўйича таклифлар ишлаб чиқиш;
(б) тадбиркор аёлларнинг илғор тажрибаларини бошқа ҳудудларда оммалаштиришга кўмаклашиш;
(в) аввал тадбиркорлик лойиҳаларини амалга оширган хотин-қизлар билан манзилли ишлаб, уларнинг муаммоларини ҳал қилиш ва бизнес ғояларини амалга оширишга кўмаклашиш;
(г) тизимли муаммоларни ҳал қилиш юзасидан Ҳукумат ва Олий Мажлис Қонунчилик палатасига таклифлар киритиб бориш.
8. Хотин-қизларни тадбиркорлик фаолиятига жалб қилиш ва аёллар тадбиркорлигини ривожлантиришнинг қуйидагиларни назарда тутувчи яхлит тизими жорий этилсин:
(а) «Бизнесга илк қадам» йўналишида — Савдо-саноат палатаси (Н. Шотурсунова) томонидан бизнес кўникмасига эга бўлмаган ташаббускор хотин-қизларни аниқлаш ва уларни тадбиркорлик асосларига ўқитиш;
(б) «Бизнесни йўлга қўйиш» йўналишида — АТ «Халқ банки» (Г. Рашидова) ва бошқа тижорат банклари томонидан ўзини ўзи банд қилган хотин-қизларга кичик тадбиркорлик фаолиятини ташкил этишга кўмаклашиш;
(в) «Бизнесни кенгайтириш» йўналишида — «Ҳамроҳ» хотин-қизлар тадбиркорлигини қўллаб-қувватлаш компанияси» масъулияти чекланган жамияти (Д. Нурматова) томонидан бизнес-режалар ишлаб чиқиш, молиялаштириш ва бозор топиш кўникмаларига ўргатиш орқали кичик корхоналар фаолиятини кенгайтириш;
(г) «Бизнесни юксалтириш» йўналишида — Савдо-саноат палатаси (Д. Ваҳобов) томонидан «Чемпион тадбиркорлар» дастури доирасида 50 нафар энг фаол аёл тадбиркорлар билан манзилли ишлаб, уларнинг йиллик айланмасини камида 100 миллиард сўмгача олиб чиқишга кўмаклашиш.
9. Бош вазир ўринбосари Ж.А. Қўчқоров икки ҳафта муддатда ҳудудлар ва тижорат банклари кесимида 2025 йилда хотин-қизларни тадбиркорлик фаолиятига жалб қилиш ва аёллар тадбиркорлигини ривожлантириш бўйича мақсадли кўрсаткичларни тасдиқласин.
III. Хотин-қизларни ижтимоий ва иқтисодий қўллаб-қувватлаш
10. Хотин-қизларни ижтимоий-иқтисодий қўллаб-қувватлаш бўйича республика комиссияси (Қ. Рафиков, З. Махкамова) ҳар йили «Аёллар дафтари»га киритилган ва эҳтиёжманд хотин-қизларнинг 50 минг нафарини Тошкент вилоятидаги дам олиш масканларига юбориб, уларга психологик ёрдам кўрсатиш ва тадбиркорлик кўникмаларини шакллантириш бўйича мотивацион семинарлар ташкил этсин.
Вазирлар Маҳкамаси ҳомийлик маблағлари ва қонунчиликда тақиқланмаган бошқа манбалар ҳисобидан ушбу тадбирларни молиялаштириш чораларини кўриб борсин.
11. Ижтимоий ҳимоя миллий агентлиги (М. Оллоёров) Қурилиш ва уй-жой коммунал хўжалиги вазирлиги ҳамда Иқтисодиёт ва молия вазирлиги билан биргаликда 2025 йил 1 августга қадар аҳолининг уй-жойга эҳтиёжи бўлган ижтимоий ҳимояга муҳтож қисмини уй-жой билан таъминлаш бўйича қарор лойиҳасини Вазирлар Маҳкамасига киритсин.
12. Камбағалликни қисқартириш ва бандлик вазирлигида рақамлаштириш, касбий таълим соҳасида замонавий ёндашувларни жорий қилиш ҳамда инновацион лойиҳаларни қўллаб-қувватлаш масалалари бўйича вазир маслаҳатчиси лавозими жорий этилсин.
13. Камбағалликни қисқартириш ва бандлик вазирлиги бир ой муддатда вазирлик фаолиятида замонавий ахборот-коммуникация ечимларини жорий қилиш, аҳолини, шу жумладан, аёлларни замонавий касбларга ўқитиш ҳамда юқори даромадли меҳнатга жалб қилишга қаратилган чора-тадбирлар дастурини ишлаб чиқсин ва тасдиқласин.
IV. Қарор ижросини ташкил этиш, таъминлаш ва назорат
14. 2025 йилда хотин-қизларнинг бандлигини таъминлаш ва тадбиркорликка жалб қилишнинг мақсадли кўрсаткичлари 2 ва 3-иловаларга мувофиқ тасдиқлансин.
15. Мазкур қарорнинг мақсадларига эришиш доирасида қуйидагилар масъул этиб белгилансин:
(а) Марказий банк (Т. Ишметов) ва тижорат банклари 1 миллион 300 минг нафар хотин-қизлар бандлигини таъминлаш ва тадбиркорликка жалб этишга;
(б) Хотин-қизларни ижтимоий-иқтисодий қўллаб-қувватлаш бўйича республика комиссияси (Қ. Рафиков) 636 минг нафар «Аёллар дафтари»га киритилган хотин-қизларни даромадли меҳнат билан таъминлашга;
(в) Оила ва хотин-қизлар қўмитаси (З. Махкамова) хотин-қизлар тадбиркорлик марказларида 100 минг нафар хотин-қизларни ўқитиш, иш билан таъминлаш ва уларга тадбиркорлик фаолиятини бошлаши учун кўмаклашишга;
(г) Олий таълим, фан ва инновациялар вазирлиги (К. Шарипов), Камбағалликни қисқартириш ва бандлик вазирлиги (Б. Захидов), Савдо-саноат палатаси (Д. Ваҳобов) 250 минг нафар хотин-қизларни касб-ҳунар ва тадбиркорликка ўқитишга.
16. Мазкур қарор доирасида хотин-қизларнинг бандлигини таъминлаш ва тадбиркорликка жалб қилиш бўйича ишларнинг натижадорлиги устидан назорат Бош прокурор ўринбосари Д.С. Касимовга юклансин.
17. Ўзбекистон Республикаси Ҳукуматининг айрим ҳужжатларига 4-иловага * мувофиқ ўзгартириш ва қўшимчалар киритилсин.
18. Оила ва хотин-қизлар қўмитаси манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
19. Қарор ижросини ҳар ойда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 14 мартдаги ПҚ-103-сон қарорига 1-ИЛОВА
Ўзбекистон Савдо-саноат палатаси ҳузуридаги Тадбиркор аёллар кенгашининг
1. Давлетова Нозимахон Элдаровна — Ўзбекистон Республикаси Президенти Администрациясининг Ташқи алоқалар департаменти Ташқи сиёсат ва ташқи иқтисодий ҳамкорликни кенгайтиришни ахборот-таҳлилий таъминлаш бошқармаси бошлиғи, Кенгаш раиси 2. Шотурсунова Нодира Носировна — Ўзбекистон Савдо-саноат палатаси раиси ўринбосари, Кенгаш раиси ўринбосари 3. Нурматова Дилфуза — «Ҳамроҳ» хотин-қизлар тадбиркорлигини қўллаб-қувватлаш компанияси» масъулияти чекланган жамияти бош директори, Кенгаш раиси ўринбосари 4. Цимерман Алина Владимировна — «Test Center Baho» МЧЖ таъсисчиси 5. Ташмухамедова Дилноза Равшановна — «Kids Plate Distrubition» МЧЖ таъсисчиси 6. Гозиева Дильноза Ахмаджановна — «Orient Group Management» МЧЖ таъсисчиси 7. Вахидова Нодира — «Business-Woman» тадбиркор аёллар мактаби таъсисчиси 8. Муминова Зебохон Рихсибаевна — « N ova school» хусусий мактаби таъсисчиси 9. Касимбаева Мадина Анваровна — ҳунарманд 10. Ахмадалиева Нодира Қахрамоновна — «GOLD GRОW N PHARMA » МЧЖ таъсисчиси 11. Бурханова Сабина Фахритдиновна — ҳунарманд 12. Хайтбаева Дилдора Баҳрамовна — «KAMRO N GOLD MEDIYA» МЧЖ таъсисчиси 13. Ниязова Марям Кадировна — « KUMUSН TOLA» ХК таъсисчиси 14. Ибрагимова Робия Шавкатовна — «RS SUCCESS AGRO» MЧЖ таъсисчиси 15. Аминова Наргиза Толибовна — « N ARIMTEKS» МЧЖ таъсисчиси 16. Холиқова Гулираъно Юлчибой қизи — «Холиқов Йўлчибой» фермер хўжалиги раҳбари 17. Бекмуратова Наргиза Улуғбековна — «ARTATEX» МЧЖ директори 18. Қурбонова Нодира Абдухалимовна — «YARATOV ILXOM ALXAMOVICН» фермер хўжалиги таъсисчиси 19. Каримова Шахноза Яндашовна — «BARAKA N O N N AVOIY» МЧЖ таъсисчиси 20. Хусанова Латофат Нуруллаевна — «CHADOS-2009» МЧЖ таъсисчиси 21. Добрих Анна Константиновна — «Iftihor Kiyim Sanoat» МЧЖ директори 22. Холикова Феруза — «FERUZA HUNAR MARKAZI» МЧЖ таъсисчиси 23. Якубова Мархабо Умаржановна — «JIZZAX BEK-STAR» МЧЖ таъсисчиси 24. Курбонова Тамилла — молиявий маслаҳатчи, тренер 25. Рашидова Гулзода Атахановна — АТ «Халқ банки» бошқаруви раиси ўринбосари, Кенгаш эксперти 26. Ибрагимова Шахло Алимбаевна — АТБ «Микрокредитбанк» бошқаруви раиси ўринбосари, Кенгаш эксперти 27. Нормахматова Гузал Файзуллаевна — Ўзбекистон Савдо-саноат палатаси бошқарма бошлиғи, Кенгаш котиби
Ўзбекистон Республикаси Президентининг 2025 йил 14 мартдаги ПҚ-103-сон қарорига 2-ИЛОВА
2025 йилда аҳолини, шу жумладан хотин-қизларни даромадли меҳнат билан таъминлашнинг
Т/р Ҳудуд номи/жами бандлиги таъминланадиганлар сони шундан хотин-қизлар Шу жумладан соҳалар кесимида: Инвестициялар, саноат ва савдо вазирлиги Марказий банк , тижорат банклари Ўзбекистон фермерлари кенгаши Қурилиш ва уй-жой коммунал хўжалиги вазирлиги жами шундан хотин-қизлар жами шундан хотин-қизлар жами шундан хотин-қизлар жами шундан хотин-қизлар ЖАМИ 5 196 846 2 050 934 289 758 63 816 3 570 000 1 299 264 1 168 555 678 260 168 533 9 594 1. Қорақалпоғистон Республикаси 125 831 46 822 9 892 2 077 86 383 31 301 23 931 13 162 5 625 281 2. Андижон вилояти 305 040 116 410 26 340 6 058 209 420 76 746 58 897 32 982 10 383 623 3. Бухоро вилояти 214 611 83 931 14 571 3 351 147 339 54 602 44 576 25 408 8 125 569 4. Жиззах вилояти 168 120 61 937 17 285 3 630 115 423 42 061 27 462 15 928 7 950 318 5. Қашқадарё вилояти 400 000 206 855 14 250 2 993 82 076 30 544 292 639 172 657 11 035 662 6. Навоий вилояти 140 000 54 626 9 220 2 028 96 116 34 432 29 697 17 818 4 967 348 7. Наманган вилояти 323 447 112 076 33 979 7 136 210 000 76 290 49 355 27 145 30 113 1 506 8. Самарқанд вилояти 320 000 122 399 23 804 5 475 221 310 80 192 64 265 35 988 10 621 743 9. Сурхондарё вилояти 375 000 162 291 14 694 3 233 210 000 77 620 142 313 81 118 7 993 320 10. Сирдарё вилояти 148 702 59 327 16 347 3 433 90 000 33 400 38 371 22 255 3 984 239 11. Тошкент вилояти 412 260 194 662 22 455 5 165 150 000 55 125 226 127 133 415 13 678 957 12. Фарғона вилояти 446 846 177 367 43 954 9 670 270 000 99 675 111 596 66 958 21 296 1 065 13. Хоразм вилояти 265 000 101 594 15 716 3 300 181 933 65 175 56 342 32 678 11 009 440 14. Тошкент шаҳри 1 551 989 550 637 27 251 6 268 1 500 000 542 100 2 984 746 21 754 1 523
Ўзбекистон Республикаси Президентининг 2025 йил 14 мартдаги ПҚ-103-сон қарорига 3-ИЛОВА
Тижорат банклари томонидан 2025 йилда хотин-қизлар бандлигини таъминлашнинг
Т/р Банклар номи Аҳолининг даромадли меҳнат билан бандлигини таъминлаш прогнози шундан хотин-қизлар * ЖАМИ 3 570 000 1 299 264 1. «Ўзмиллийбанк» АЖ 548 829 200 163 2. «Агробанк» АТБ 393 794 143 621 3. «Ўзсаноатқурилишбанк» АТБ 445 139 162 347 4. АТ «Халқ банки» 410 240 149 620 5. «Микрокредитбанк» АТБ 296 188 108 017 6. «Бизнесни ривожлантириш банки» АТБ 257 936 94 070 7. «Асакабанк» АЖ 225 746 82 249 8. «Турон банк» АТБ 204 533 74 577 9. АТ «Алоқабанк» 159 767 58 228 10. Бошқа банклар 627 828 226 372
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 14 март,
ПҚ-103-сон
Oʻzbekiston Respublikasi Prezidentining
qarori
TARKIBI
MAQSADLI KOʻRSATKICHLARI
MAQSADLI KOʻRSATKICHLARI
Oila va xotin-qizlarni qoʻllab-quvvatlash tizimini yanada takomillashtirish chora-tadbirlari toʻgʻrisida
[Koʻchirma]
2025-yil 7-mart kuni Oʻzbekiston Respublikasi Prezidenti tomonidan xotin-qizlarni har tomonlama qoʻllab-quvvatlash, iqtisodiy faolligini oshirish va ijtimoiy himoyasini kuchaytirish boʻyicha belgilangan asosiy vazifalarni amalga oshirish maqsadida qaror qilaman:
I. Maqsadlar
1. 2025-yilda xotin-qizlarni qoʻllab-quvvatlashning asosiy maqsadli koʻrsatkichlari etib quyidagilar belgilansin:
(a) 2 million nafar xotin-qizlarning bandligini taʼminlash;
(b) 250 ming nafar xotin-qizlarni kasb-hunar va tadbirkorlikka oʻqitish;
(v) 250 ming nafar xotin-qizlarni oliy taʼlim bilan qamrab olish;
(g) 50 ming nafar ehtiyojmand xotin-qizlarni sanatoriylarda sogʻlomlashtirish hamda ularda tadbirkorlik koʻnikmalarini shakllantirish boʻyicha motivatsion seminarlar tashkil etish.
II. Ayollar tadbirkorligini qoʻllab-quvvatlash
2. Belgilansinki, “HAMROH” tadbirkor ayollarni qoʻllab-quvvatlash dasturi doirasida 2025-yil 1-maydan boshlab:
(a) xotin-qizlarga “yashil loyihalar” va IT sohasidagi loyihalarni amalga oshirishiga, shuningdek, kamida 5 nafar xotin-qizning tadbirkorligini yoʻlga qoʻyishga koʻmaklashgan 1 ming nafar “ustoz” tadbirkorlarga 50 million soʻmgacha grant ajratish yoʻlga qoʻyiladi. Bunda grant mablagʻlari Oʻzbekiston Respublikasi Prezidentining 2024-yil 8-noyabrdagi PQ-385-son qarorining 8-bandida nazarda tutilgan mablagʻlar hisobidan ajratiladi;
(b) ijobiy kredit tarixiga ega boʻlgan xotin-qizlarga 100 mln soʻmgacha garovsiz kredit ajratiladi;
(v) ayol tadbirkorlar tomonidan kredit hisobidan sotib olinayotgan asbob-uskunalar yetkazib berilgunga qadar “Tadbirkorlikni rivojlantirish kompaniyasi” AJ tomonidan kafillik taqdim etilishi yoʻlga qoʻyiladi.
3. AT “Xalq banki” Savdo-sanoat palatasi bilan birgalikda “Loyihalar fabrikasi” platformasi negizida quyidagi imkoniyatlarga ega “Tadbirkor ayollar” platformasini 2025-yil 1-iyulga qadar ishga tushirsin:
(a) ayol tadbirkorlarga xomashyo sotib olishga koʻmaklashish;
(b) oʻzaro kooperatsiyani kengaytirish va mahsulotlarni sotish uchun bozor topish;
(v) zarur mutaxassislarni izlash va ishga qabul qilish;
(g) loyihalar doirasida yuzaga kelayotgan muammolarini aniqlash va ularga yechim topish.
4. AT “Xalq banki” uch oy muddatda “Tadbirkor ayollar” platformasi orqali tijorat banklari, Soliq qoʻmitasi, Kambagʻallikni qisqartirish va bandlik vazirligi, Milliy statistika qoʻmitasi, Savdo-sanoat palatasi va boshqa manfaatdor tashkilotlar bilan oʻzaro axborot almashinuvini yoʻlga qoʻysin.
5. Savdo-sanoat palatasi 2025-yil 1-maydan boshlab quyidagilarni nazarda tutuvchi “Hamkor tadbirkor” dasturini yoʻlga qoʻysin:
(a) oʻz biznesini tashkil etmoqchi boʻlgan xotin-qizlarda tadbirkorlik koʻnikmalarini shakllantirish;
(b) kooperatsiya asosida xotin-qizlarning tadbirkorlik faoliyatini yoʻlga qoʻyishga koʻmaklashish;
(v) mahalliy va xalqaro elektron platformalarda xotin-qizlarga oʻz mahsulotlarini joylashtirish va sotishga koʻmaklashish.
6. Markaziy bank tijorat banklari bilan birgalikda 2025-yil 1-avgustga qadar Ayollar tadbirkorligini qoʻllab-quvvatlash yoʻnalishida moliyaviy xizmatlar koʻrsatish strategiyasini tasdiqlasin. Bunda quyidagilar nazarda tutilsin:
(a) tijorat banklarida xotin-qizlar uchun yangicha yondashuvlar asosida zamonaviy moliyaviy xizmatlarni yoʻlga qoʻyish;
(b) homiladorlik va tugʻish taʼtilini olgan ayollar uchun bank kreditlari boʻyicha toʻlovlar muddatini 10 oygacha uzaytirish.
7. Savdo-sanoat palatasining 1-ilovaga muvofiq tarkibda quyidagi vazifalarni amalga oshiruvchi yetakchi ishbilarmon ayollardan iborat Tadbirkor ayollar kengashini tashkil etish toʻgʻrisidagi taklifi maʼqullansin:
(a) muntazam ravishda hududlarga chiqib, tadbirkor xotin-qizlarning muammolarini oʻrganish va ularni bartaraf etish boʻyicha takliflar ishlab chiqish;
(b) tadbirkor ayollarning ilgʻor tajribalarini boshqa hududlarda ommalashtirishga koʻmaklashish;
(v) avval tadbirkorlik loyihalarini amalga oshirgan xotin-qizlar bilan manzilli ishlab, ularning muammolarini hal qilish va biznes gʻoyalarini amalga oshirishga koʻmaklashish;
(g) tizimli muammolarni hal qilish yuzasidan Hukumat va Oliy Majlis Qonunchilik palatasiga takliflar kiritib borish.
8. Xotin-qizlarni tadbirkorlik faoliyatiga jalb qilish va ayollar tadbirkorligini rivojlantirishning quyidagilarni nazarda tutuvchi yaxlit tizimi joriy etilsin:
(a) “Biznesga ilk qadam” yoʻnalishida — Savdo-sanoat palatasi (N. Shotursunova) tomonidan biznes koʻnikmasiga ega boʻlmagan tashabbuskor xotin-qizlarni aniqlash va ularni tadbirkorlik asoslariga oʻqitish;
(b) “Biznesni yoʻlga qoʻyish” yoʻnalishida — AT “Xalq banki” (G. Rashidova) va boshqa tijorat banklari tomonidan oʻzini oʻzi band qilgan xotin-qizlarga kichik tadbirkorlik faoliyatini tashkil etishga koʻmaklashish;
(v) “Biznesni kengaytirish” yoʻnalishida — “Hamroh” xotin-qizlar tadbirkorligini qoʻllab-quvvatlash kompaniyasi” masʼuliyati cheklangan jamiyati (D. Nurmatova) tomonidan biznes-rejalar ishlab chiqish, moliyalashtirish va bozor topish koʻnikmalariga oʻrgatish orqali kichik korxonalar faoliyatini kengaytirish;
(g) “Biznesni yuksaltirish” yoʻnalishida — Savdo-sanoat palatasi (D. Vahobov) tomonidan “Chempion tadbirkorlar” dasturi doirasida 50 nafar eng faol ayol tadbirkorlar bilan manzilli ishlab, ularning yillik aylanmasini kamida 100 milliard soʻmgacha olib chiqishga koʻmaklashish.
9. Bosh vazir oʻrinbosari J.A. Qoʻchqorov ikki hafta muddatda hududlar va tijorat banklari kesimida 2025-yilda xotin-qizlarni tadbirkorlik faoliyatiga jalb qilish va ayollar tadbirkorligini rivojlantirish boʻyicha maqsadli koʻrsatkichlarni tasdiqlasin.
III. Xotin-qizlarni ijtimoiy va iqtisodiy qoʻllab-quvvatlash
10. Xotin-qizlarni ijtimoiy-iqtisodiy qoʻllab-quvvatlash boʻyicha respublika komissiyasi (Q. Rafikov, Z. Maxkamova) har yili “Ayollar daftari”ga kiritilgan va ehtiyojmand xotin-qizlarning 50 ming nafarini Toshkent viloyatidagi dam olish maskanlariga yuborib, ularga psixologik yordam koʻrsatish va tadbirkorlik koʻnikmalarini shakllantirish boʻyicha motivatsion seminarlar tashkil etsin.
Vazirlar Mahkamasi homiylik mablagʻlari va qonunchilikda taqiqlanmagan boshqa manbalar hisobidan ushbu tadbirlarni moliyalashtirish choralarini koʻrib borsin.
11. Ijtimoiy himoya milliy agentligi (M. Olloyorov) Qurilish va uy-joy kommunal xoʻjaligi vazirligi hamda Iqtisodiyot va moliya vazirligi bilan birgalikda 2025-yil 1-avgustga qadar aholining uy-joyga ehtiyoji boʻlgan ijtimoiy himoyaga muhtoj qismini uy-joy bilan taʼminlash boʻyicha qaror loyihasini Vazirlar Mahkamasiga kiritsin.
12. Kambagʻallikni qisqartirish va bandlik vazirligida raqamlashtirish, kasbiy taʼlim sohasida zamonaviy yondashuvlarni joriy qilish hamda innovatsion loyihalarni qoʻllab-quvvatlash masalalari boʻyicha vazir maslahatchisi lavozimi joriy etilsin.
13. Kambagʻallikni qisqartirish va bandlik vazirligi bir oy muddatda vazirlik faoliyatida zamonaviy axborot-kommunikatsiya yechimlarini joriy qilish, aholini, shu jumladan, ayollarni zamonaviy kasblarga oʻqitish hamda yuqori daromadli mehnatga jalb qilishga qaratilgan chora-tadbirlar dasturini ishlab chiqsin va tasdiqlasin.
IV. Qaror ijrosini tashkil etish, taʼminlash va nazorat
14. 2025-yilda xotin-qizlarning bandligini taʼminlash va tadbirkorlikka jalb qilishning maqsadli koʻrsatkichlari 2 va 3-ilovalarga muvofiq tasdiqlansin.
15. Mazkur qarorning maqsadlariga erishish doirasida quyidagilar masʼul etib belgilansin:
(a) Markaziy bank (T. Ishmetov) va tijorat banklari 1 million 300 ming nafar xotin-qizlar bandligini taʼminlash va tadbirkorlikka jalb etishga;
(b) Xotin-qizlarni ijtimoiy-iqtisodiy qoʻllab-quvvatlash boʻyicha respublika komissiyasi (Q. Rafikov) 636 ming nafar “Ayollar daftari”ga kiritilgan xotin-qizlarni daromadli mehnat bilan taʼminlashga;
(v) Oila va xotin-qizlar qoʻmitasi (Z. Maxkamova) xotin-qizlar tadbirkorlik markazlarida 100 ming nafar xotin-qizlarni oʻqitish, ish bilan taʼminlash va ularga tadbirkorlik faoliyatini boshlashi uchun koʻmaklashishga;
(g) Oliy taʼlim, fan va innovatsiyalar vazirligi (K. Sharipov), Kambagʻallikni qisqartirish va bandlik vazirligi (B. Zaxidov), Savdo-sanoat palatasi (D. Vahobov) 250 ming nafar xotin-qizlarni kasb-hunar va tadbirkorlikka oʻqitishga.
16. Mazkur qaror doirasida xotin-qizlarning bandligini taʼminlash va tadbirkorlikka jalb qilish boʻyicha ishlarning natijadorligi ustidan nazorat Bosh prokuror oʻrinbosari D.S. Kasimovga yuklansin.
17. Oʻzbekiston Respublikasi Hukumatining ayrim hujjatlariga 4-ilovaga * muvofiq oʻzgartirish va qoʻshimchalar kiritilsin.
18. Oila va xotin-qizlar qoʻmitasi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
19. Qaror ijrosini har oyda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 14-martdagi PQ-103-son qaroriga 1-ILOVA
Oʻzbekiston Savdo-sanoat palatasi huzuridagi Tadbirkor ayollar kengashining
1. Davletova Nozimaxon Eldarovna — Oʻzbekiston Respublikasi Prezidenti Administratsiyasining Tashqi aloqalar departamenti Tashqi siyosat va tashqi iqtisodiy hamkorlikni kengaytirishni axborot-tahliliy taʼminlash boshqarmasi boshligʻi, Kengash raisi 2. Shotursunova Nodira Nosirovna — Oʻzbekiston Savdo-sanoat palatasi raisi oʻrinbosari, Kengash raisi oʻrinbosari 3. Nurmatova Dilfuza — “Hamroh” xotin-qizlar tadbirkorligini qoʻllab-quvvatlash kompaniyasi” masʼuliyati cheklangan jamiyati bosh direktori, Kengash raisi oʻrinbosari 4. Simerman Alina Vladimirovna — “Test Center Baho” MCHJ taʼsischisi 5. Tashmuxamedova Dilnoza Ravshanovna — “Kids Plate Distrubition” MCHJ taʼsischisi 6. Goziyeva Dilnoza Axmadjanovna — “Orient Group Management” MCHJ taʼsischisi 7. Vaxidova Nodira — “Business-Woman” tadbirkor ayollar maktabi taʼsischisi 8. Muminova Zeboxon Rixsibayevna — “ N ova school” xususiy maktabi taʼsischisi 9. Kasimbayeva Madina Anvarovna — hunarmand 10. Axmadaliyeva Nodira Qaxramonovna — “GOLD GROW N PHARMA ” MCHJ taʼsischisi 11. Burxanova Sabina Faxritdinovna — hunarmand 12. Xaytbayeva Dildora Bahramovna — “KAMRO N GOLD MEDIYA” MCHJ taʼsischisi 13. Niyazova Maryam Kadirovna — “ KUMUSN TOLA” XK taʼsischisi 14. Ibragimova Robiya Shavkatovna — “RS SUCCESS AGRO” MCHJ taʼsischisi 15. Aminova Nargiza Tolibovna — “ N ARIMTEKS” MCHJ taʼsischisi 16. Xoliqova Guliraʼno Yulchiboy qizi — “Xoliqov Yoʻlchiboy” fermer xoʻjaligi rahbari 17. Bekmuratova Nargiza Ulugʻbekovna — “ARTATEX” MCHJ direktori 18. Qurbonova Nodira Abduxalimovna — “YARATOV ILXOM ALXAMOVICN” fermer xoʻjaligi taʼsischisi 19. Karimova Shaxnoza Yandashovna — “BARAKA N O N N AVOIY” MCHJ taʼsischisi 20. Xusanova Latofat Nurullayevna — “CHADOS-2009” MCHJ taʼsischisi 21. Dobrix Anna Konstantinovna — “Iftihor Kiyim Sanoat” MCHJ direktori 22. Xolikova Feruza — “FERUZA HUNAR MARKAZI” MCHJ taʼsischisi 23. Yakubova Marxabo Umarjanovna — “JIZZAX BEK-STAR” MCHJ taʼsischisi 24. Kurbonova Tamilla — moliyaviy maslahatchi, trener 25. Rashidova Gulzoda Ataxanovna — AT “Xalq banki” boshqaruvi raisi oʻrinbosari, Kengash eksperti 26. Ibragimova Shaxlo Alimbayevna — ATB “Mikrokreditbank” boshqaruvi raisi oʻrinbosari, Kengash eksperti 27. Normaxmatova Guzal Fayzullayevna — Oʻzbekiston Savdo-sanoat palatasi boshqarma boshligʻi, Kengash kotibi
Oʻzbekiston Respublikasi Prezidentining 2025-yil 14-martdagi PQ-103-son qaroriga 2-ILOVA
2025-yilda aholini, shu jumladan xotin-qizlarni daromadli mehnat bilan taʼminlashning
T/r Hudud nomi/jami bandligi taʼminlanadiganlar soni shundan xotin-qizlar Shu jumladan sohalar kesimida: Investitsiyalar, sanoat va savdo vazirligi Markaziy bank , tijorat banklari Oʻzbekiston fermerlari kengashi Qurilish va uy-joy kommunal xoʻjaligi vazirligi jami shundan xotin-qizlar jami shundan xotin-qizlar jami shundan xotin-qizlar jami shundan xotin-qizlar JAMI 5 196 846 2 050 934 289 758 63 816 3 570 000 1 299 264 1 168 555 678 260 168 533 9 594 1. Qoraqalpogʻiston Respublikasi 125 831 46 822 9 892 2 077 86 383 31 301 23 931 13 162 5 625 281 2. Andijon viloyati 305 040 116 410 26 340 6 058 209 420 76 746 58 897 32 982 10 383 623 3. Buxoro viloyati 214 611 83 931 14 571 3 351 147 339 54 602 44 576 25 408 8 125 569 4. Jizzax viloyati 168 120 61 937 17 285 3 630 115 423 42 061 27 462 15 928 7 950 318 5. Qashqadaryo viloyati 400 000 206 855 14 250 2 993 82 076 30 544 292 639 172 657 11 035 662 6. Navoiy viloyati 140 000 54 626 9 220 2 028 96 116 34 432 29 697 17 818 4 967 348 7. Namangan viloyati 323 447 112 076 33 979 7 136 210 000 76 290 49 355 27 145 30 113 1 506 8. Samarqand viloyati 320 000 122 399 23 804 5 475 221 310 80 192 64 265 35 988 10 621 743 9. Surxondaryo viloyati 375 000 162 291 14 694 3 233 210 000 77 620 142 313 81 118 7 993 320 10. Sirdaryo viloyati 148 702 59 327 16 347 3 433 90 000 33 400 38 371 22 255 3 984 239 11. Toshkent viloyati 412 260 194 662 22 455 5 165 150 000 55 125 226 127 133 415 13 678 957 12. Fargʻona viloyati 446 846 177 367 43 954 9 670 270 000 99 675 111 596 66 958 21 296 1 065 13. Xorazm viloyati 265 000 101 594 15 716 3 300 181 933 65 175 56 342 32 678 11 009 440 14. Toshkent shahri 1 551 989 550 637 27 251 6 268 1 500 000 542 100 2 984 746 21 754 1 523
Oʻzbekiston Respublikasi Prezidentining 2025-yil 14-martdagi PQ-103-son qaroriga 3-ILOVA
Tijorat banklari tomonidan 2025-yilda xotin-qizlar bandligini taʼminlashning
T/r Banklar nomi Aholining daromadli mehnat bilan bandligini taʼminlash prognozi shundan xotin-qizlar * JAMI 3 570 000 1 299 264 1. “Oʻzmilliybank” AJ 548 829 200 163 2. “Agrobank” ATB 393 794 143 621 3. “Oʻzsanoatqurilishbank” ATB 445 139 162 347 4. AT “Xalq banki” 410 240 149 620 5. “Mikrokreditbank” ATB 296 188 108 017 6. “Biznesni rivojlantirish banki” ATB 257 936 94 070 7. “Asakabank” AJ 225 746 82 249 8. “Turon bank” ATB 204 533 74 577 9. AT “Aloqabank” 159 767 58 228 10. Boshqa banklar 627 828 226 372
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 14-mart,
PQ-103-son
Президента Республики Узбекистан
Постановление
СОСТАВ
ЦЕЛЕВЫЕ ПОКАЗАТЕЛИ
ЦЕЛЕВЫЕ ПОКАЗАТЕЛИ
О мерах по дальнейшему совершенствованию системы поддержки семьи и женщин
[Извлечение]
В целях реализации основных задач по всесторонней поддержке, повышению экономической активности и усилению социальной защиты женщин, определенных Президентом Республики Узбекистан 7 марта 2025 года, постановляю:
I. Цели
1. Определить основными целевыми показателями поддержи женщин на 2025 год:
(а) обеспечение занятости 2 миллионов женщин;
(б) обучение профессиям и предпринимательству 250 тысяч женщин;
(в) охват высшим образованием 250 тысяч женщин;
(г) оздоровление в санаториях и организацию мотивационных семинаров по формированию предпринимательских навыков у 50 тысяч женщин, нуждающихся в поддержке.
II. Поддержка женского предпринимательства
2. Установить, что в рамках Программы поддержки женщин-предпринимателей «НAMROН» начиная с 1 мая 2025 года:
(а) организуется выделение гранта до 50 миллионов сумов одной тысяче предпринимателей-наставников, оказавших женщинам содействие в реализации «зеленых» проектов и проектов в сфере IТ, а также в налаживании предпринимательской деятельности не менее 5 женщин. При этом грантовые средства выделяются за счет средств, предусмотренных пунктом 8 постановления Президента Республики Узбекистан от 8 ноября 2024 года № ПП-385;
(б) женщинам с положительной кредитной историей выделяется беззалоговый кредит до 100 миллионов сумов;
(в) до поставки оборудования, приобретаемого женщинами-предпринимателями за счет кредита, внедряется предоставление поручительства АО «Компания по развитию предпринимательства».
3. АК «Халк банки» совместно с Торгово-промышленной палатой на базе платформы «Фабрика проектов» запустить в срок до 1 июля 2025 года платформу «Женщины-предприниматели» со следующими функциями:
(а) оказание женщинам-предпринимателям содействия в закупке сырья;
(б) расширение взаимной кооперации и определение рынков сбыта продукции;
(в) поиск и прием на работу необходимых специалистов;
(г) выявление и решение проблем, возникающих в рамках проектов.
4. АК «Халк банки» в трехмесячный срок внедрить обмен данными между коммерческими банками, Налоговым комитетом, Министерством занятости и сокращения бедности, Национальным комитетом по статистике, Торгово-промышленной палатой и другими заинтересованными организациями посредством платформы «Женщины-предприниматели».
5. Торгово-промышленной палате с 1 мая 2025 года внедрить Программу «Предприниматели — партнеры», предусматривающую:
(а) формирование предпринимательских навыков у женщин, желающих организовать собственный бизнес;
(б) оказание содействия в налаживании женской предпринимательской деятельности на основе кооперации;
(в) оказание содействия женщинам в размещении и реализации их продукции на отечественных и международных электронных платформах.
6. Центральному банку совместно с коммерческими банками в срок до 1 августа 2025 года утвердить Стратегию оказания финансовых услуг для поддержки женского предпринимательства. При этом предусмотреть:
(а) внедрение в коммерческих банках современных финансовых услуг на основе новых подходов для женщин;
(б) продление до 10 месяцев срока уплаты платежей по банковским кредитам женщинам, вышедшим в отпуск по беременности и родам.
7. Одобрить предложение Торгово-промышленной палаты по образованию Совета женщин-предпринимателей в составе согласно приложению № 1 , в который входят ведущие деловые женщины, по осуществлению следующих задач:
(а) изучение и выработка предложений по решению проблем женщин-предпринимателей с выездом в регионы на регулярной основе;
(б) оказание содействия в популяризации передового опыта женщин-предпринимателей в других регионах;
(в) ведение адресной работы с женщинами, реализовавшими ранее предпринимательские проекты, оказание содействия в решении проблем и реализации их бизнес-идей;
(г) регулярное внесение в Правительство и Законодательную палату Олий Мажлиса предложений о решении системных проблем.
8. Внедрить целостную систему привлечения к предпринимательской деятельности женщин и развития женского предпринимательства, предусматривающую:
(а) в направлении «Первый шаг в бизнес» — со стороны Торгово-промышленной палаты (Н. Шотурсунова) выявление и обучение основам предпринимательства инициативных женщин, не обладающих бизнес-навыками;
(б) в направлении «Налаживание бизнеса» — со стороны АК «Халк банки» (Г. Рашидова) и других коммерческих банков оказание самозанятым женщинам содействия в налаживании малой предпринимательской деятельности;
(в) в направлении «Расширение бизнеса» — со стороны общества с ограниченной ответственностью «Компания по поддержке женского предпринимательства «Хамрох» (Д. Нурматова) расширение деятельности малых предприятий путем привития навыков разработки бизнес-планов, финансирования и поиска рынков;
(г) в направлении «Развитие бизнеса» — со стороны Торгово-промышленной палаты (Д. Вахобов) ведение адресной работы с 50 наиболее активными женщинами-предпринимателями, оказание им содействия в доведении их годового оборота минимум до 100 миллиардов сумов в рамках Программы «Предприниматели-чемпионы».
9. Заместителю Премьер-министра Д.А. Кучкарову в двухнедельный срок утвердить Целевые показатели вовлечения женщин в предпринимательскую деятельность и развития женского предпринимательства на 2025 год в разрезе регионов и коммерческих банков.
III. Социальная и экономическая поддержка женщин
10. Республиканской комиссии по социально-экономической поддержке женщин (К. Рафиков, З. Махкамова) ежегодно направлять 50 тысяч женщин из числа включенных в «Женскую тетрадь» и нуждающихся в поддержке, в зоны отдыха Ташкентской области, организовывать оказание им психологической помощи, а также мотивационные семинары по формированию у них предпринимательских навыков.
Кабинету Министров регулярно принимать меры по финансированию вышеуказанных мер за счет спонсорских средств и иных источников, не запрещенных законодательством.
11. Национальному агентству социальной защиты (М. Оллоёров) совместно с Министерством строительства и жилищно-коммунального хозяйства, Министерством экономики и финансов до 1 августа 2025 года внести в Кабинет Министров проект постановления об обеспечении жильем нуждающихся в социальной защите слоев населения, которым требуется жилье.
12. Ввести в Министерстве занятости и сокращения бедности должность советника министра по вопросам цифровизации, внедрения современных подходов в сфере профессионального образования и поддержки инновационных проектов.
13. Министерству занятости и сокращения бедности в месячный срок разработать и утвердить Программу мер по внедрению современных информационно-коммуникационных подходов в деятельность министерства, обучению населения, в том числе женщин, современным профессиям и привлечению к труду, приносящему высокий доход.
IV. Организация, обеспечение и контроль исполнения постановления
14. Утвердить Целевые показатели обеспечения занятости и привлечения к предпринимательству женщин на 2025 год согласно приложениям №№ 2 и 3 .
15. В рамках достижения целей настоящего постановления определить ответственными:
(а) Центральный банк (Т. Ишметов) и коммерческие банки — за обеспечение занятости и вовлечение в предпринимательство 1 миллиона 300 тысяч женщин;
(б) Республиканскую комиссию по социально-экономической поддержке женщин (К. Рафиков) — за обеспечение трудом, приносящим доход, 636 тысяч женщин, включенных в «Женскую тетрадь»;
(в) Комитет семьи и женщин (З. Махкамова) — за обучение, обеспечение занятости и содействие в начале предпринимательской деятельности 100 тысячам женщин в центрах женского предпринимательства;
(г) Министерство высшего образования, науки и инноваций (К. Шарипов), Министерство занятости и сокращения бедности (Б. Захидов), Торгово-промышленную палату (Д. Вахобов) — за обучение профессиям и предпринимательству 250 тысяч женщин.
16. Возложить на заместителя Генерального прокурора Д.С. Касимова осуществление надзора за результативностью работ по обеспечению занятости и вовлечению в предпринимательство женщин.
17. Внести изменения и дополнения в некоторые постановления Правительства Республики Узбекистан согласно приложению № 4 * .
18. Комитету семьи и женщин совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
19. Ежемесячное обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 14 марта 2025 года № ПП-103
Совета женщин-предпринимателей при Торгово-промышленной палате Узбекистана
1. Давлетова Нозимахон Элдаровна — начальник Управления информационно-аналитического сопровождения внешней политики и расширения внешнеэкономического сотрудничества Департамента внешних связей Администрации Президента Республики Узбекистан, председатель Совета 2. Шотурсунова Нодира Носировна — заместитель председателя Торгово-промышленной палаты Узбекистана, заместитель председателя Совета 3. Нурматова Дилфуза — генеральный директор ООО «Компания по поддержке женского предпринимательства «Хамрох», заместитель председателя Совета 4. Цимерман Алина Владимировна — учредитель ООО «Test Center Baho» 5. Ташмухамедова Дилноза Равшановна — учредитель ООО «Kids Plate Distrubition» 6. Гозиева Дильноза Ахмаджановна — учредитель ООО «Orient Group Management» 7. Вахидова Нодира — учредитель школы женщин-предпринимателей «Business-Woman» 8. Муминова Зебохон Рихсибаевна — учредитель частной школы « N ova school» 9. Касимбаева Мадина Анваровна — ремесленница 10. Ахмадалиева Нодира Кахрамоновна — учредитель ООО « GOLD GROW N P Н ARMA» 11. Бурханова Сабина Фахритдиновна — ремесленница 12. Хайтбаева Дилдора Бахромовна — учредитель ООО «KAMRO N GOLD MEDIYA» 13. Ниязова Марям Кадировна — учредитель ЧП «KUMUSН TOLA» 14. Ибрагимова Робия Шавкатовна — учредитель ООО «RS SUCCESS AGRO» 15. Аминова Наргиза Толибовна — учредитель ООО « N ARIMTEKS» 16. Холикова Гулираъно Юлчибой кизи — руководитель фермерского хозяйства «Холиков Йулчибой» 17. Бекмуратова Наргиза Улугбековна — директор ООО «ARTATEX» 18. Курбонова Нодира Абдухалимовна — учредитель фермерского хозяйства «YARATOV ILXOM ALXAMOVICН» 19. Каримова Шахноза Яндашовна — учредитель ООО «BARAKA N O N N AVOIY» 20. Хусанова Латофат Нуруллаевна — учредитель ООО «CНADOS-2009» 21. Добрих Анна Константиновна — директор ООО «Iftihor Kiyim Sanoat» 22. Холикова Феруза — учредитель ООО « FERUZA НU N AR MARKAZI» 23. Якубова Мархабо Умаржоновна — директор ООО « JIZZAX BEK-STAR» 24. Курбонова Тамилла — финансовый консультант, тренер 25. Рашидова Гулзода Атахановна — заместитель председателя правления АК «Халк банки», эксперт Совета 26. Ибрагимова Шахло Алимбаевна — заместитель председателя правления АКБ «Микрокредитбанк», эксперт Совета 27. Нормахматова Гузал Файзуллаевна — начальник управления Торгово-промышленной палаты Узбекистана, секретарь Совета
ПРИЛОЖЕНИЕ № 2 к постановлению Президента Республики Узбекистан от 14 марта 2025 года № ПП-103
обеспечения населения, в том числе женщин, трудом, приносящим доход, в 2025 году
№ Наименование региона/общее количество лиц, занятость которых будет обеспечена из них женщин В том числе в разрезе сфер: Министерство инвестиций, промышленности и торговли Центральный банк , коммерческие банки Совет фермеров Узбекистана Министерство строительства и жилищно-коммунального хозяйства всего из них женщин всего из них женщин всего из них женщин всего из них женщин ВСЕГО 5 196 846 2 050 934 289 758 63 816 3 570 000 1 299 264 1 168 555 678 260 168 533 9 594 1. Республика Каракалпакстан 125 831 46 822 9 892 2 077 86 383 31 301 23 931 13 162 5 625 281 2. Андижанская область 305 040 116 410 26 340 6 058 209 420 76 746 58 897 32 982 10 383 623 3. Бухарская область 214 611 83 931 14 571 3 351 147 339 54 602 44 576 25 408 8 125 569 4. Джизакская область 168 120 61 937 17 285 3 630 115 423 42 061 27 462 15 928 7 950 318 5. Кашкадарьинская область 400 000 206 855 14 250 2 993 82 076 30 544 292 639 172 657 11 035 662 6. Навоийская область 140 000 54 626 9 220 2 028 96 116 34 432 29 697 17 818 4 967 348 7. Наманганская область 323 447 112 076 33 979 7 136 210 000 76 290 49 355 27 145 30 113 1 506 8. Самаркандская область 320 000 122 399 23 804 5 475 221 310 80 192 64 265 35 988 10 621 743 9. Сурхандарьинская область 375 000 162 291 14 694 3 233 210 000 77 620 142 313 81 118 7 993 320 10. Сырдарьинская область 148 702 59 327 16 347 3 433 90 000 33 400 38 371 22 255 3 984 239 11. Ташкентская область 412 260 194 662 22 455 5 165 150 000 55 125 226 127 133 415 13 678 957 12. Ферганская область 446 846 177 367 43 954 9 670 270 000 99 675 111 596 66 958 21 296 1 065 13. Хорезмская область 265 000 101 594 15 716 3 300 181 933 65 175 56 342 32 678 11 009 440 14. Город Ташкент 1 551 989 550 637 27 251 6 268 1 500 000 542 100 2 984 746 21 754 1 523
ПРИЛОЖЕНИЕ № 3 к постановлению Президента Республики Узбекистан от 14 марта 2025 года № ПП-103
обеспечения занятости женщин коммерческими банками в 2025 году
№ Наименование банков Прогноз обеспечения занятости населения трудом, приносящим доход в том числе женщин * ВСЕГО 3 570 000 1 299 264 1. АО «Узмиллийбанк» 548 829 200 163 2. АКБ «Агробанк» 393 794 143 621 3. АКБ «Узпромстройбанк» 445 139 162 347 4. АК «Халк банки» 410 240 149 620 5. АКБ «Микрокредитбанк» 296 188 108 017 6. АКБ «Банк развития бизнеса» 257 936 94 070 7. АО «Асакабанк» 225 746 82 249 8. АКБ «Турон банк» 204 533 74 577 9. АК «Алокабанк» 159 767 58 228 10. Прочие банки 627 828 226 372
Президент Республики Узбекистан Ш. МИРЗИЁЕВ
г. Ташкент,
14 марта 2025 г.,
№ ПП-103