📅 2025-yil 19-mart · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 19 март · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 19 марта 2025 г. · Законы и кодексы
Официальный текст. Официальный документ. Редакционные примечания не включены.
📅 19 March 2025 · Laws and codes
Official text. Official document. Editorial notes are not included.
Ўзбекистон Республикасининг Қонуни
Ўзбекистон Республикасининг «Ўзбекистон Республикасида хизмат кўрсатган эколог» фахрий унвонини таъсис этиш тўғрисида
Қонунчилик палатаси томонидан 2024 йил 24 декабрда қабул қилинган Сенат томонидан 2025 йил 25 январда маъқулланган
1-модда. «Ўзбекистон Республикасида хизмат кўрсатган эколог» фахрий унвони таъсис этилсин.
2-модда. Ўзбекистон Республикасининг 1995 йил 22 декабрда қабул қилинган «Давлат мукофотлари тўғрисида»ги 176-I-сонли Қонуни (Ўзбекистон Республикасининг 2018 йил 11 апрелда қабул қилинган ЎРҚ-473-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2018 йил, № 4, 221-модда; 2019 йил, № 9, 589-модда; 2020 йил, № 3, 200-модда, № 5, 299, 300-моддалар, № 6, 334-модда, № 12, 688-модда; 2021 йил, 4-сонга илова; 2022 йил, № 8, 790-модда; 2024 йил, № 8, 832-модда) 7-моддасининг биринчи қисмига қуйидаги қўшимча ва ўзгартириш киритилсин:
қуйидаги мазмундаги ўттиз бешинчи хатбоши билан тўлдирилсин:
«Ўзбекистон Республикасида хизмат кўрсатган эколог»;
ўттиз бешинчи , ўттиз олтинчи ва ўттиз еттинчи хатбошилари тегишинча ўттиз олтинчи, ўттиз еттинчи ва ўттиз саккизинчи хатбошилар деб ҳисоблансин.
3-модда. Ўзбекистон Республикасининг 1996 йил 26 апрелда қабул қилинган «Ўзбекистон Республикасининг фахрий унвонларини таъсис этиш тўғрисида»ги 226-I-сонли Қонунига (Ўзбекистон Республикаси Олий Мажлисининг Ахборотномаси, 1996 йил, № 5-6, 64-модда; 1997 йил, № 2, 64-модда; 1998 йил, № 5-6, 114-модда, № 9, 164-модда; 2000 йил, № 5-6, 153-модда; Ўзбекистон Республикаси Олий Мажлиси палаталарининг Ахборотномаси, 2020 йил, № 12, 688-модда; 2022 йил, № 5, 464-модда; 2024 йил, № 8, 832-модда) қуйидаги қўшимчалар ва ўзгартириш киритилсин:
1) 1-модда :
қуйидаги мазмундаги ўттиз бешинчи хатбоши билан тўлдирилсин:
«Ўзбекистон Республикасида хизмат кўрсатган эколог»;
ўттиз бешинчи , ўттиз олтинчи ва ўттиз еттинчи хатбошилари тегишинча ўттиз олтинчи, ўттиз еттинчи ва ўттиз саккизинчи хатбошилар деб ҳисоблансин;
2) Ўзбекистон Республикасининг фахрий унвонлари тўғрисидаги Низом «Ўзбекистон Республикасида хизмат кўрсатган чорвадор» фахрий унвони тўғрисидаги матндан кейин қуйидаги мазмундаги хатбоши билан тўлдирилсин:
«Ўзбекистон Республикасида хизмат кўрсатган эколог» фахрий унвони мамлакатимизда экология ва атроф-муҳитни муҳофаза қилиш соҳасини ривожлантириш, табиатни асраб-авайлаш, биологик хилма-хилликни сақлаш, иқлим ўзгариши оқибатларини юмшатиш, табиий ресурслардан оқилона фойдаланиш ва уларни қайта тиклаш борасида салмоқли натижаларга эришган, шунингдек экологик жиҳатдан тоза ва инновацион технологияларни ишлаб чиқишда ҳамда амалиётга жорий этишда, яшил ҳудудларни кенгайтиришда ва кўкаламзорлаштириш ишларида алоҳида ташаббус кўрсатган, аҳолининг экологик маданиятини ошириш, ёш авлодни табиатга ҳурмат руҳида тарбиялаш ҳамда тизимда юқори малакали кадрларни тайёрлаш борасида фидокорона меҳнат қилаётган мутахассис-ходимларга ва соҳа вакилларига, шунингдек мазкур йўналишда жамоатчилик назоратини амалга ошираётган экофаолларга берилади»;
3) Ўзбекистон Республикаси фахрий унвонларининг кўкрак нишонлари тавсифи «Ўзбекистон Республикасида хизмат кўрсатган чорвадор» фахрий унвонининг кўкрак нишонига оид тавсиф матнидан кейин қуйидаги мазмундаги матн билан тўлдирилсин:
«Ўзбекистон Республикасида хизмат кўрсатган эколог»
Кўкрак нишони диаметри 30 миллиметрли доира шаклида бўлади ва 925 пробали кумушдан тайёрланади. Нишоннинг қалинлиги 2,2 миллиметр.
Нишоннинг юз томони марказида, кўтарилаётган қуёш нурлари фонида, икки томонга очилган, асраб-авайлашни ифодалайдиган кафтлар узра юртимиз табиатини акс эттирувчи водий, дарёлар ва тоғ чўққилари тасвирланган.
Нишоннинг айланаси бўйлаб пастки ўнг қисмида дафна новдаси тасвирланган ва юқори қисмида «ХIZМАТ КО`RSATGАN EKOLOG» деган ёзув жой олган.
Нишоннинг орқа томонида Ўзбекистон Республикасининг Давлат герби тасвирланган.
Тасвирлар ва ёзув қабариқ.
Нишоннинг юз ва орқа томонлари чеккалари қабариқ ҳошия билан ўралган.
Кўкрак нишонининг ички қисмига Ўзбекистон Республикасининг Давлат байроғи рангларидаги шойи лента сирилган қадағичга ҳалқа ва илмоқча ёрдамида уланади.
Қадағичнинг бўйи 16 миллиметр, эни 25 миллиметр.
Қадағичнинг орқа томонида нишонни кийимга тақиб қўйиш учун тўғноғич тарзидаги мослама мавжуд».
4-модда. Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги ҳамда бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
5-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
6-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2025 йил 19 март,
ЎРҚ-1048-сон
Oʻzbekiston Respublikasining Qonuni
Oʻzbekiston Respublikasining “Oʻzbekiston Respublikasida xizmat koʻrsatgan ekolog” faxriy unvonini taʼsis etish toʻgʻrisida
Qonunchilik palatasi tomonidan 2024-yil 24-dekabrda qabul qilingan Senat tomonidan 2025-yil 25-yanvarda maʼqullangan
1-modda. “Oʻzbekiston Respublikasida xizmat koʻrsatgan ekolog” faxriy unvoni taʼsis etilsin.
2-modda. Oʻzbekiston Respublikasining 1995-yil 22-dekabrda qabul qilingan “Davlat mukofotlari toʻgʻrisida”gi 176-I-sonli Qonuni (Oʻzbekiston Respublikasining 2018-yil 11-aprelda qabul qilingan OʻRQ-473-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2018-yil, № 4, 221-modda; 2019-yil, № 9, 589-modda; 2020-yil, № 3, 200-modda, № 5, 299, 300-moddalar, № 6, 334-modda, № 12, 688-modda; 2021-yil, 4-songa ilova; 2022-yil, № 8, 790-modda; 2024-yil, № 8, 832-modda) 7-moddasining birinchi qismiga quyidagi qoʻshimcha va oʻzgartirish kiritilsin:
quyidagi mazmundagi oʻttiz beshinchi xatboshi bilan toʻldirilsin:
“Oʻzbekiston Respublikasida xizmat koʻrsatgan ekolog”;
oʻttiz beshinchi , oʻttiz oltinchi va oʻttiz yettinchi xatboshilari tegishincha oʻttiz oltinchi, oʻttiz yettinchi va oʻttiz sakkizinchi xatboshilar deb hisoblansin.
3-modda. Oʻzbekiston Respublikasining 1996-yil 26-aprelda qabul qilingan “Oʻzbekiston Respublikasining faxriy unvonlarini taʼsis etish toʻgʻrisida”gi 226-I-sonli Qonuniga (Oʻzbekiston Respublikasi Oliy Majlisining Axborotnomasi, 1996-yil, № 5-6, 64-modda; 1997-yil, № 2, 64-modda; 1998-yil, № 5-6, 114-modda, № 9, 164-modda; 2000-yil, № 5-6, 153-modda; Oʻzbekiston Respublikasi Oliy Majlisi palatalarining Axborotnomasi, 2020-yil, № 12, 688-modda; 2022-yil, № 5, 464-modda; 2024-yil, № 8, 832-modda) quyidagi qoʻshimchalar va oʻzgartirish kiritilsin:
1) 1-modda :
quyidagi mazmundagi oʻttiz beshinchi xatboshi bilan toʻldirilsin:
“Oʻzbekiston Respublikasida xizmat koʻrsatgan ekolog”;
oʻttiz beshinchi , oʻttiz oltinchi va oʻttiz yettinchi xatboshilari tegishincha oʻttiz oltinchi, oʻttiz yettinchi va oʻttiz sakkizinchi xatboshilar deb hisoblansin;
2) Oʻzbekiston Respublikasining faxriy unvonlari toʻgʻrisidagi Nizom “Oʻzbekiston Respublikasida xizmat koʻrsatgan chorvador” faxriy unvoni toʻgʻrisidagi matndan keyin quyidagi mazmundagi xatboshi bilan toʻldirilsin:
“Oʻzbekiston Respublikasida xizmat koʻrsatgan ekolog” faxriy unvoni mamlakatimizda ekologiya va atrof-muhitni muhofaza qilish sohasini rivojlantirish, tabiatni asrab-avaylash, biologik xilma-xillikni saqlash, iqlim oʻzgarishi oqibatlarini yumshatish, tabiiy resurslardan oqilona foydalanish va ularni qayta tiklash borasida salmoqli natijalarga erishgan, shuningdek ekologik jihatdan toza va innovatsion texnologiyalarni ishlab chiqishda hamda amaliyotga joriy etishda, yashil hududlarni kengaytirishda va koʻkalamzorlashtirish ishlarida alohida tashabbus koʻrsatgan, aholining ekologik madaniyatini oshirish, yosh avlodni tabiatga hurmat ruhida tarbiyalash hamda tizimda yuqori malakali kadrlarni tayyorlash borasida fidokorona mehnat qilayotgan mutaxassis-xodimlarga va soha vakillariga, shuningdek mazkur yoʻnalishda jamoatchilik nazoratini amalga oshirayotgan ekofaollarga beriladi”;
3) Oʻzbekiston Respublikasi faxriy unvonlarining koʻkrak nishonlari tavsifi “Oʻzbekiston Respublikasida xizmat koʻrsatgan chorvador” faxriy unvonining koʻkrak nishoniga oid tavsif matnidan keyin quyidagi mazmundagi matn bilan toʻldirilsin:
“Oʻzbekiston Respublikasida xizmat koʻrsatgan ekolog”
Koʻkrak nishoni diametri 30 millimetrli doira shaklida boʻladi va 925 probali kumushdan tayyorlanadi. Nishonning qalinligi 2,2 millimetr.
Nishonning yuz tomoni markazida, koʻtarilayotgan quyosh nurlari fonida, ikki tomonga ochilgan, asrab-avaylashni ifodalaydigan kaftlar uzra yurtimiz tabiatini aks ettiruvchi vodiy, daryolar va togʻ choʻqqilari tasvirlangan.
Nishonning aylanasi boʻylab pastki oʻng qismida dafna novdasi tasvirlangan va yuqori qismida “XIZMAT KO`RSATGAN EKOLOG” degan yozuv joy olgan.
Nishonning orqa tomonida Oʻzbekiston Respublikasining Davlat gerbi tasvirlangan.
Tasvirlar va yozuv qabariq.
Nishonning yuz va orqa tomonlari chekkalari qabariq hoshiya bilan oʻralgan.
Koʻkrak nishonining ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi.
Qadagʻichning boʻyi 16 millimetr, eni 25 millimetr.
Qadagʻichning orqa tomonida nishonni kiyimga taqib qoʻyish uchun toʻgʻnogʻich tarzidagi moslama mavjud”.
4-modda. Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi hamda boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
5-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
6-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2025-yil 19-mart,
OʻRQ-1048-son
Закон Республики Узбекистан
Об учреждении почетного звания Республики Узбекистан «Ўзбекистон Республикасида хизмат кўрсатган эколог»
Принят Законодательной палатой 24 декабря 2024 года Одобрен Сенатом 25 января 2025 года
Статья 1. Учредить почетное звание «Ўзбекистон Республикасида хизмат кўрсатган эколог» («Заслуженный эколог Республики Узбекистан»).
Статья 2. Внести в часть первую статьи 7 Закона Республики Узбекистан от 22 декабря 1995 года № 176-I « О государственных наградах » (в редакции Закона Республики Узбекистан от 11 апреля 2018 года № ЗРУ-473) (Ведомости палат Олий Мажлиса Республики Узбекистан, 2018 г., № 4, ст. 221; 2019 г., № 9, ст. 589; 2020 г., № 3, ст. 200, № 5, ст.ст. 299, 300, № 6, ст. 334, № 12, ст. 688; 2021 г., приложение к № 4; 2022 г., № 8, ст. 790; 2024 г., № 8, ст. 832) следующие дополнение и изменение:
дополнить абзацем тридцать пятым следующего содержания:
«Ўзбекистон Республикасида хизмат кўрсатган эколог» («Заслуженный эколог Республики Узбекистан»);
абзацы тридцать пятый , тридцать шестой и тридцать седьмой считать соответственно абзацами тридцать шестым, тридцать седьмым и тридцать восьмым.
Статья 3. Внести в Закон Республики Узбекистан от 26 апреля 1996 года № 226-I «Об учреждении почетных званий Республики Узбекистан» (Ведомости Олий Мажлиса Республики Узбекистан, 1996 г., № 5-6, ст. 64; 1997 г., № 2, ст. 64; 1998 г., № 5-6, ст. 114, № 9, ст. 164; 2000 г., № 5-6, ст. 153; Ведомости палат Олий Мажлиса Республики Узбекистан, 2020 г., № 12, ст. 688; 2022 г., № 5, ст. 464; 2024 г., № 8, ст. 832) следующие дополнения и изменение:
1) в статье 1 :
дополнить абзацем тридцать пятым следующего содержания:
«Ўзбекистон Республикасида хизмат кўрсатган эколог» («Заслуженный эколог Республики Узбекистан»);
абзацы тридцать пятый , тридцать шестой и тридцать седьмой считать соответственно абзацами тридцать шестым, тридцать седьмым и тридцать восьмым;
2) Положение о почетных званиях Республики Узбекистан после текста о почетном звании «Ўзбекистон Республикасида хизмат кўрсатган чорвадор» («Заслуженный животновод Республики Узбекистан») дополнить абзацем следующего содержания:
«Ўзбекистон Республикасида хизмат кўрсатган эколог» («Заслуженный эколог Республики Узбекистан») — специалистам-работникам и представителям сферы, а также экоактивистам, осуществляющим общественный контроль в данном направлении, добившимся значительных результатов в нашей стране в развитии сферы экологии и охраны окружающей среды, бережном сохранении природы, сохранении биологического разнообразия, смягчении последствий изменения климата, рациональном использовании природных ресурсов и их воспроизводства, а также проявившим особую инициативу в разработке и внедрении на практике экологически чистых и инновационных технологий, расширении зеленых территорий и озеленительных работах, самоотверженно трудящимся в повышении экологической культуры населения, воспитании молодого поколения в духе уважения природы и подготовке высококвалифицированных кадров в системе»;
3) Описание нагрудных знаков к почетным званиям Республики Узбекистан после текста описания нагрудного знака к почетному званию «Ўзбекистон Республикасида хизмат кўрсатган чорвадор» («Заслуженный животновод Республики Узбекистан») дополнить текстом следующего содержания:
«Ўзбекистон Республикасида хизмат кўрсатган эколог» («Заслуженный эколог Республики Узбекистан»)
Нагрудный знак имеет форму круга диаметром 30 миллиметров и изготовливается из серебра 925 пробы. Толщина знака 2,2 миллиметра.
На лицевой стороне в центре знака на фоне лучей восходящего солнца над раскрытыми в обе стороны ладонями, представляющими собой бережное сохранение, изображены долина, реки и горные вершины, символизирующие природу нашей страны.
Вдоль правого нижнего края знака изображена лавровая ветвь, и в его верхней части расположена надпись «XIZMAT KOʻRSATGAN EKOLOG».
На оборотной стороне знака изображен Государственный герб Республики Узбекистан.
Изображения и надпись выпуклые.
Края лицевой и оборотной сторон знака окаймлены бортиком.
Нагрудный знак с помощью кольца и ушка соединяется с колодкой, внутренная часть которой покрыта муаровой лентой цветов Государственного флага Республики Узбекистан.
Высота колодки 16 миллиметров, ширина 25 миллиметров.
На оборотной стороне колодки имеется приспособление в виде булавки для крепления знака к одежде».
Статья 4. Министерству экологии, охраны окружающей среды и изменения климата Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 5. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 6. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
19 марта 2025 г.,
№ ЗРУ-1048