UzbekAI

Ўзбекистон Республикаси Вазирлар Маҳкамасининг

қарори

ТУЗИЛМАСИ

НИЗОМ

ШАКЛИ

ШАКЛИ

ШАКЛИ

НИЗОМ

СХЕМАСИ

НИЗОМ

СХЕМАСИ

ШАКЛИ

НИЗОМ

ШАКЛИ

«ЙЎЛ ХАРИТАСИ»

РЎЙХАТИ

Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институти фаолиятини ташкил этиш чора-тадбирлари тўғрисида

Ўзбекистон Республикаси Президентининг «Маъмурий ислоҳотлар доирасида адлия органлари ва муассасаларининг масъулиятини янада ошириш ҳамда ихчам бошқарув тизимини шакллантириш тўғрисида» 2024 йил 24 майдаги ПФ-80-сон Фармони ижросини таъминлаш, шунингдек, адлия органлари ва муассасалари ходимлари, юридик хизмат, адвокатура, нотариат, медиация, интеллектуал мулк, суд экспертизаси, архив иши ва иш юритиш ҳамда бошқа соҳа мутахассисларини узлуксиз касбий ривожлантиришнинг замонавий тизимини йўлга қўйиш ҳамда уларни ўқитишни халқаро тажриба ва замонавий таълим стандартлари талабларидан келиб чиққан ҳолда такомиллаштириш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Маъмурий ислоҳотлар доирасида адлия органлари ва муассасаларининг масъулиятини янада ошириш ҳамда ихчам бошқарув тизимини шакллантириш тўғрисида» 2024 йил 24 майдаги ПФ-80-сон Фармонига мувофиқ Ўзбекистон Республикаси Адлия вазирлиги тизимидаги Юристлар малакасини ошириш маркази, Тошкент давлат юридик университети ҳузуридаги Юридик кадрларни халқаро стандартлар бўйича профессионал ўқитиш маркази, Х. Сулаймонова номидаги Республика суд экспертиза марказининг Суд экспертларининг малакасини ошириш ўқув маркази ҳамда Архив иши ва иш юритиш бўйича малака ошириш илмий-методик маркази негизида Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институти (кейинги ўринларда — Институт) ташкил этилганлиги маълумот учун қабул қилинсин.

2. Қуйидагилар Институтнинг асосий вазифалари этиб белгилансин:

замонавий талаблар ва жараёнларни ҳисобга олган ҳолда адлия органлари ва муассасалари ходимлари, юридик хизмат, адвокатура, нотариат, суд экспертизаси, архив иши ва иш юритиш, ижро интизоми, мурожаатлар билан ишлаш, медиация ва интеллектуал мулк соҳалари мутахассисларини қайта тайёрлаш ва уларнинг малакасини ошириш;

буюртмачиларга малака ошириш шаклларини касбий эҳтиёждан келиб чиққан ҳолда мустақил танлаш имкониятини яратиш;

касбий ўқитишнинг иш жараёни билан биргаликда амалга ошириладиган шаклларини (дуал таълим) жорий қилиш ва такомиллаштириб бориш;

халқаро миқёсда Ўзбекистон Республикаси манфаатларини муносиб ифода эта оладиган юридик кадрларни халқаро стандартлар бўйича профессионал ўқитиш;

олий маълумотга эга бўлган шахсларни юридик мутахассислик бўйича қайта тайёрлаш;

умумий ўрта, ўрта махсус ва профессионал таълим муассасаларида ҳуқуқий фанлардан дарс берадиган, олий ноюридик маълумотга эга педагог кадрларни қайта тайёрлаш, шунингдек, профессионал ва олий таълим тизимида ҳуқуқий фанлардан дарс берадиган педагог кадрларнинг белгиланган даврийликка мувофиқ малакасини ошириш;

юридик ва ноюридик соҳаларда фаолият юритувчи давлат хизматчилари, хусусий сектор ҳамда фуқаролик жамияти институтлари вакилларининг ҳуқуқий билимларини оширишга қаратилган ўқув курсларини ташкил қилиш;

ташкилотларнинг ички ҳужжатлари, иш юритиш тартиблари, шартномавий муносабатлари ҳамда ходимларининг касбий билим ва кўникмаларини юридик жиҳатдан таҳлил қилган ҳолда, ташкилотларнинг тегишли мутахассисларини талаб ва эҳтиёжлардан келиб чиқиб шартнома асосида манзилли ўқитиш;

касбий ривожланиш учун рақамли таълим ресурсларини яратиш, кадрларнинг назарий билим ва амалий кўникмаларини узлуксиз ривожлантириш ҳамда даврий баҳолаб бориш;

кредит-модуль тизимидан фойдаланган ҳолда кадрлар салоҳиятини ошириш, юридик таълимда казус ва кейс-технологиялар асосида ўқитишни ташкил этиш;

адлия органлари ва муассасалари фаолиятини, ҳуқуқий хизматлар кўрсатиш, суд экспертиза, архив иши ва иш юритиш соҳаларини илмий-методик ва консультатив жиҳатдан таъминлаш, шунингдек, уларнинг фаолият йўналишларини таҳлил қилган ҳолда янада такомиллаштириш бўйича илмий асослантирилган таклифлар ишлаб чиқиш;

ҳуқуқни қўллашдаги муаммолар ва юриспруденциянинг энг долзарб масалалари бўйича фундаментал, амалий ва инновацион тадқиқотлар лойиҳаларини, шу жумладан, миллий, хорижий ва халқаро грантларни жалб қилган ҳолда амалга ошириш;

қайта тайёрлаш ва малака ошириш жараёни ҳамда илмий фаолиятга юқори малакали маҳаллий ва хорижий мутахассисларни кенг жалб қилиш, педагогика соҳасида илғор тажриба алмашиш борасида халқаро ҳамкорликни кенг йўлга қўйиш ва ривожлантириш.

3. Қуйидагилар:

Юридик кадрларни қайта тайёрлаш ва малакасини ошириш институтининг тузилмаси 1-иловага мувофиқ;

Юридик кадрларни қайта тайёрлаш ва малакасини ошириш институтида мутахассисларни қайта тайёрлаш ҳамда уларнинг малакасини ошириш тартиби тўғрисидаги низом 2-иловага мувофиқ;

Юридик кадрларни халқаро стандартлар бўйича қисқа муддатли профессионал ўқитиш курслари тўғрисидаги низом 3-иловага мувофиқ;

Олий маълумотга эга бўлган шахсларни юридик мутахассислик бўйича қайта тайёрлаш курслари тўғрисидаги низом 4-иловага мувофиқ;

Умумий ўрта, ўрта махсус ва профессионал таълим муассасаларида ҳуқуқий фанлардан дарс берадиган, олий ноюридик маълумотга эга педагог кадрларни қайта тайёрлаш курслари тўғрисидаги низом 5-иловага мувофиқ;

Юридик кадрларни қайта тайёрлаш ва малакасини ошириш институти фаолиятини ташкил қилиш бўйича «йўл харитаси» 6-иловага мувофиқ тасдиқлансин.

4. Белгилаб қўйилсинки, Институтда:

а) 2025 йил 1 апрелдан бошлаб:

адлия органлари ва муассасалари ходимлари ҳамда юридик хизмат, адвокатура ва нотариат соҳалари бўйича юридик кадрларнинг билим ва кўникмаларини доимий ошириб боришни назарда тутувчи кредит-модуль механизмига асосланган узлуксиз касбий ривожлантириш тизими жорий этилади;

давлат органлари ва ташкилотлари, шунингдек, давлат иштирокидаги корхоналар ҳамда бошқа ташкилотларнинг янги ишга қабул қилинган архив иши ва иш юритишга масъул ходимлари ҳамда архив мутахассислари олти ой ичида ва кейинчалик ҳар уч йилда бир маротаба ўз малакасини оширади;

педагог кадрлар ва суд экспертларини қайта тайёрлаш курсларида машғулотлар дуал таълим принципи асосида ташкил этилади;

давлат ҳуқуқий сиёсати соҳасида яхлит илмий тадқиқотлар тизимини яратиш мақсадида тегишли ихтисосликлар, шу жумладан, архив иши ва иш юритиш соҳаси бўйича олий таълимдан кейинги таълим жорий этилади;

Институт тадқиқотчиларини тадқиқот соҳалари бўйича ташкилотларга бириктириш амалиёти жорий этилади, уларнинг илмий-тадқиқот мавзулари бириктирилган соҳаларнинг аниқ муаммоларини ҳал этишга йўналтирилади;

адлия органлари ва муассасалари ходимларига навбатдаги мартаба даражалари улар Институтнинг махсус малака ошириш курсларини муваффақиятли битиргандан сўнг берилади;

б) 2025 йил 1 майдан бошлаб оилавий медиация ишлари бўйича фуқаролар йиғини раислари профессионал медиаторликка бепул ўқитилади. Бунда:

2025 йил давомида Ўзбекистон маҳаллалари уюшмаси билан келишилган ҳолда ҳар бир туманда (шаҳарда) 5 нафардан фуқаролар йиғини раислари ўқитилади;

келгусида барча фуқаролар йиғини раислари профессионал медиаторликка босқичма-босқич ўқитиб борилади;

профессионал медиаторликка ўқитилган фуқаролар йиғини раислари отанинг (онанинг) вояга етмаган фарзандлари учун ота-оналик ҳуқуқларини таъминлаш билан боғлиқ низолар бўйича медиаторлик фаолиятини бепул амалга оширади;

в) 2025 йил 1 июндан бошлаб:

таълим жараёнларини бошқариш ва автоматлаштириш бўйича халқаро стандартлар ва технологияларни жорий этиш орқали «Рақамли институт» платформаси яратилиб, унда юридик кадрларга ўз касбий ривожланиш эҳтиёжларини қондиришга йўналтирилган малака ошириш шакллари ва дастурларини мустақил танлаш ва ўзлаштириш имконияти яратилади;

«Рақамли институт» платформаси орқали юридик кадрлар тегишли билим ва кўникмалар бўйича касбий текширувдан ўтказилади ҳамда натижасига кўра юридик кадрларнинг компетенция паспорти ва индивидуал касбий ривожланиш дастури тузилади ҳамда ушбу дастур орқали кадрлар малака оширишга йўналтирилади;

тингловчиларнинг малака оширишга бўлган эҳтиёжини аниқлаш учун рақамли портфолио тизими жорий қилинади, уларнинг касбий фаолият самарадорлиги баҳоланади ва рейтинги юритилади;

ўқув жараёни амалий ва ҳуқуқий низоларни таҳлил қилишга қаратилган билим ва кўникмаларга асосланган ёндашувга мувофиқ ташкил этилади, уларнинг камида 40 — 50 фоизи амалий машғулотларга ажратилади;

мантиқий фикрлаш, таҳлил ва тадқиқотга йўналтирилган замонавий технологиялар ва таълимнинг илғор ёндашувлари жорий этилади;

г) 2025-2026 йилларда умумий ўрта таълим муассасаларида ҳуқуқий фанлардан дарс берадиган олий ноюридик маълумотга эга педагог кадрлар касбий қайта тайёрлаш курсларида бепул ўқитилади.

5. Ўзбекистон Республикаси Адлия вазирлиги (кейинги ўринларда — Адлия вазирлиги) Институт ва Тошкент давлат юридик университети билан биргаликда:

а) юридик кадрларни халқаро стандартлар бўйича қисқа муддатли профессионал ўқитиш курсларини ташкил этиш мақсадида:

икки ой муддатда тингловчиларнинг инвестиция ва тижорат фаолиятида халқаро ҳуқуқ асосларини ўзлаштиришини, халқаро хусусий, тижорат ҳуқуқи, халқаро арбитражнинг моддий ва процессуал ҳуқуқ нормаларини амалда қўллаш, илғор адвокатлик техникаси, активларни халқаро қидириш ва қайтариш техникаси тўғрисидаги қонунчилик ҳужжатларига риоя қилиш соҳасида ўқитишни таъминлаш бўйича ўқув дастурларини ишлаб чиқсин;

доимий равишда тижорат арбитражи соҳасидаги халқаро юридик амалиётни, шунингдек, бу борада мамлакатларнинг ҳуқуқий позициясини ишлаб чиқиш ва ҳимоя қилишнинг замонавий тенденцияларини ўрганиб, ўқув фаолиятига жалб қилиб борсин;

тингловчиларнинг халқаро инвестиция ва тижорат фаолияти, халқаро арбитраж иш юритувини ҳуқуқий жиҳатдан таъминлаш соҳаларида процессуал ва бошқа ҳуқуқий ҳужжатларни тайёрлаш, ҳуқуқ ва халқаро шартномалар нормаларини талқин қилиш бўйича кўникмаларини такомиллаштириб борсин;

б) 2025 йил 1 июндан бошлаб мамлакатимизда яратилаётган замонавий бизнес ва тадбиркорлик муҳитида инвесторлар ҳуқуқ ва манфаатларининг ишончли ҳимоясини таъминлаш мақсадида «инглиз ҳуқуқининг фундаментал асослари» бўйича махсус ўқув курсларини йўлга қўйсин, бунда шартнома ҳуқуқи, арбитраж тартиб-таомиллари, инвестиция ҳуқуқи, адвокатлик техникаси, низоларни муқобил ҳал қилиш асослари бўйича ўқув жараёнлари ташкил этилишини таъминласин;

в) бир ой муддатда интеллектуал мулк соҳасидаги кадрларнинг малакасини ошириб бориш ўқув дастурларини ишлаб чиқсин ва улар асосида олий таълим ва илмий-тадқиқот ташкилотлари, аҳоли ва тадбиркорлик субъектлари учун «IP Management» (интеллектуал мулкни бошқариш) ўқув курсларини ташкил қилиб борсин;

г) икки ой муддатда юридик амалиётда замонавий технологияларни қўллашнинг асосий жиҳатлари, жумладан, юридик жараёнларни автоматлаштириш, кенг ҳажмли маълумотларни (big data) таҳлил қилиш ҳамда ҳуқуқий экспертизада сунъий интеллект тизимларидан фойдаланиш бўйича адлия органлари ва юридик хизматлар ходимларининг малакасини ошириш ва уларни юридик соҳанинг рақамли трансформацияси талаблари асосида тайёрлаш мақсадида Legal Tech ва сунъий интеллект комплекс ўқув дастурини ишлаб чиқсин ва амалиётга жорий этсин;

д) икки ой муддатда адлия органлари ва муассасалари ходимларига мартаба даражаларини бериш учун махсус малака ошириш курсларининг ўқув дастурларини ишлаб чиқсин.

6. Белгилансинки:

Институт Вазирлик қошидаги Юристлар малакасини ошириш маркази, Тошкент давлат юридик университети ҳузуридаги Юридик кадрларни халқаро стандартлар бўйича профессионал ўқитиш маркази, Х. Сулаймонова номидаги Республика суд экспертиза марказининг Суд экспертларининг малакасини ошириш ўқув маркази ҳамда Архив иши ва иш юритиш бўйича малака ошириш илмий-методик марказининг ҳуқуқ ва мажбуриятлари бўйича ҳуқуқий вориси ҳисобланади, шу жумладан, ушбу муассасаларнинг балансида бўлган мол-мулки ва товар-моддий бойликлари хатловдан ўтказилган ҳолда Институтга берилади;

Институт давлат таълим муассасаси ҳисобланади;

Институтга Ўзбекистон Республикаси адлия вазири томонидан лавозимга тайинланадиган ва лавозимдан озод этиладиган директор раҳбарлик қилади, унинг мақоми, транспорт, меҳнатга ҳақ тўлаш, моддий рағбатлантириш ва тиббий таъминоти шартлари олий таълим муассасалари ректорларига тенглаштирилади;

Институтнинг раҳбар ходимлари ва профессор-ўқитувчиларига олий таълим муассасаларида амалда бўлган меҳнатга ҳақ тўлаш миқдорлари, қолган ходимларига эса Вазирлик марказий аппарати ходимлари меҳнатига ҳақ тўлашнинг (шу жумладан, рағбатлантириш коэффициенти, алоҳида меҳнат шароитлари учун ва бошқа тўловлар) амалдаги миқдорлари қўлланилади;

Институтнинг Педагоглар маркази мудири меҳнатга ҳақ тўлаш ва моддий рағбатлантириш шарт-шароитлари бўйича олий таълим муассасаларининг кафедра мудири лавозимига тенглаштирилади;

Институтда ўқув машғулотларини ўтказиш учун жалб қилинадиган мутахассислар меҳнатига Институтни ривожлантириш жамғармаси маблағлари ҳисобидан соатбай ҳақ тўлаш тартиби асосида ҳақ тўланади, бунда Институтга белгиланган миқдорни икки юз фоизгача ошириш ҳуқуқи берилади;

Институтни ривожлантириш жамғармаси маблағларининг ҳамда шартнома асосида ишларни бажариш ва хизмат кўрсатишдан тушадиган бошқа маблағларнинг (уларни амалга ошириш учун харажатларини чегириб ташлаган ҳолда) саксон фоизгача қисмини Институт ходимларини ижтимоий ҳимоя қилиш ва моддий рағбатлантириш тадбирларига йўналтириш ҳуқуқи берилади.

7. Шундай тартиб ўрнатилсинки, унга мувофиқ:

Институтда юридик мутахассислик бўйича қайта тайёрлаш ўқув курсларини тугатган ва диплом олган шахслар юридик хизматларда, давлат хизматлари марказлари, фуқаролик ҳолати далолатномаларини ёзиш органларида барча лавозимларда, шунингдек, адвокатура ва нотариат тизимида олий юридик маълумот талаб этилмайдиган лавозимларда ишлаш, юридик маслаҳат хизматларини кўрсатувчи тижорат ташкилотларида юридик маслаҳат хизмати билан шуғулланиш ҳуқуқига эга бўлади;

Институтда олий таълим муассасаларининг ҳуқуқий фанлардан дарс берадиган профессор-ўқитувчилари қонунчиликда белгиланган тартибда қайта тайёрланади ва уларнинг малакаси оширилади ҳамда қайта тайёрлаш ва малака ошириш курсларидан муваффақиятли ўтган тингловчиларга қатъий ҳисобда турадиган давлат намунасидаги ҳужжат ҳисобланадиган малака аттестати берилади;

Институтда кадрларнинг малакасини ошириш харажатлари адлия органлари ва муассасалари ходимлари ҳамда давлат таълим муассасаларида ҳуқуқий фанлардан дарс берадиган педагог кадрлар учун Давлат бюджети маблағлари ҳисобидан қопланади, қолган тингловчилар учун шартнома асосида ҳақ эвазига амалга оширилади;

қайта тайёрлаш курсларида ўқиш учун Институт билан буюртмачи ўртасида белгиланган тартибда шартнома (тўлов контракти) расмийлаштирилади;

Вазирлик ходимлари, Институтнинг педагог ва бошқа ходимлари ҳамда тингловчиларини хорижий юридик компаниялар, халқаро арбитраж институтлари ва хорижий таълим ташкилотларига стажировка ва малака оширишга юбориш билан боғлиқ харажатлар бюджетдан ташқари Адлия органлари ва муассасаларини ривожлантириш жамғармаси маблағлари, Институтнинг бюджетдан ташқари маблағлари, шунингдек, келишувга асосан тингловчи ёки унинг иш жойи ёхуд ҳомийлик маблағлари ҳисобидан ҳам қопланиши мумкин.

8. Институт фаолиятини молиялаштириш:

Давлат бюджети маблағлари, тўлов-контракт асосида ўқитишдан тушадиган маблағлар, Институтнинг бюджетдан ташқари маблағлари, хўжалик фаолиятидан ва шартнома асосида хизматлар кўрсатишдан тушадиган тушумлар, ҳомийлик хайриялари ва грантлар ҳамда қонунчилик ҳужжатларида тақиқланмаган бошқа манбалар ҳисобидан амалга оширилиши;

2025 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Вазирликка ажратилган маблағлар доирасида амалга оширилиши, 2026 йилдан бошлаб Давлат бюджети параметрларида назарда тутилиши белгилансин.

9. Қуйидаги ҳуқуқлар берилсин:

а) Ўзбекистон Республикаси адлия вазирига:

Институт уставини ишлаб чиқиш ва тасдиқлаш;

зарур ҳолларда Институт тузилмасига ходимларнинг умумий чекланган сони ва меҳнатга ҳақ тўлаш жамғармаси доирасида ўзгартиришлар киритиш ҳамда Институтнинг бюджетдан ташқари маблағлари ҳисобидан қўшимча штатлар жорий этиш;

б) Институтга:

буюртмачи ташкилотларнинг эҳтиёжларини инобатга олган ҳолда малака талаблари, ўқув режалари ва дастурларини мустақил равишда ишлаб чиқиш ва тасдиқлаш;

илмий, таълим, ноширлик, матбаа ва қонунчиликда тақиқланмаган бошқа фаолиятни амалга ошириш бўйича пулли хизматлар кўрсатиш;

ҳуқуқий соҳанинг долзарб масалалари ҳамда Институтнинг реал имкониятларидан келиб чиқиб, янги малака ошириш ва қайта тайёрлаш дастурларини очиш;

Институтнинг бюджетдан ташқари маблағлари ҳисобидан молиялаштириладиган илмий-тадқиқот грантларини эълон қилиш ва амалга ошириш;

таълим жараёнига замонавий педагогика технологияларини қўллай оладиган судьялар, адвокатлар, ҳуқуқни муҳофаза қилувчи органлар ходимлари ва бошқа амалиётчи мутахассисларни, маҳаллий ҳамда хорижий профессор-ўқитувчиларни шартнома асосида соатбай ва ўриндошлик шартларида жалб этиш, шунингдек, хорижий мутахассисларнинг иш ҳақи ва бошқа тўловлари миқдорларини белгилаш ҳамда мазкур тўловларни Институтнинг бюджетдан ташқари маблағлари ҳисобидан амалга ошириш;

профессор-ўқитувчиларнинг ўқув юкламасини, шунингдек, ўқув-услубий ва илмий ишларини белгилаш;

Иқтисодиёт ва молия вазирлиги билан келишилган ҳолда шартнома асосида ўқитиш қийматларини мустақил белгилаш (қайта тайёрлаш курслари ва юридик кадрларни халқаро стандартлар бўйича профессионал ўқитиш курслари бундан мустасно);

в) Институт директорига:

етакчи хорижий олий таълим ва илмий-тадқиқот ташкилотлари билан кадрларни тайёрлаш ва уларнинг малакасини ошириш, шунингдек, қўшма таълим дастурларини амалга ошириш борасида ўзаро ҳамкорлик тўғрисида меморандум ва битимлар тузиш;

Институт ходимларига Вазирлик ва Институтнинг бюджетдан ташқари маблағлари ҳисобидан лавозим маошининг икки юз фоизигача ойлик устамалар белгилаш, шунингдек, ушбу устамаларни белгилашнинг тартиби ва мезонларини Вазирлик билан келишилган ҳолда тасдиқлаш.

10. Вазирлик манфаатдор вазирлик ва идоралар билан биргаликда:

а) уч ой муддатда:

замонавий ахборот-коммуникация технологиялари ва хорижий тажриба асосида Институтнинг бюджетдан ташқари маблағлари ҳисобидан «Рақамли институт» электрон платформасини яратиш чораларини кўрсин;

электрон платформа тизимида диагностика ва рақамли портфолио тизимини ишлаб чиқсин ҳамда амалиётга жорий қилсин;

адвокатлар ва юридик хизматлар ходимларининг ихтисослашуви бўйича ўқув дастурларини ишлаб чиқсин ҳамда улар асосида зарур ўқув контентларини тайёрласин;

малака ошириш курслари бўйича ўқув контентларини яратиш учун малакали маҳаллий ва хорижий мутахассисларни кенг жалб қилсин ва уларни видеодарслар, интерфаол дастурлар, таҳлилий материаллар билан бойитиш чораларини кўрсин;

Интернет жаҳон ахборот тармоғи орқали аҳолининг кенг қатлами ўртасида уларнинг ҳуқуқий саводхонлигини оширишга қаратилган масофавий ўқув курсларини ташкил қилишни йўлга қўйсин;

б) қуйидаги устувор масалаларда Институтга ҳар томонлама кўмаклашиб борсин:

Институтни стратегик ривожлантириш, унинг халқаро нуфузини ошириш, таълим фаолиятини халқаро стандартлар даражасига кўтариш, илмий-педагогик ва моддий-техник салоҳиятини кучайтириш;

доимий равишда кадрлар малакасини оширишнинг илғор шакл ва усулларини жорий этиш, ўқув-методик ресурсларни ишлаб чиқиш, таълим дастурларини доимий такомиллаштириш;

кадрлар буюртмачилари билан манфаатли ҳамкорликни йўлга қўйиш, юридик кадрларнинг касбий ўсишларини мониторинг қилиш, шунингдек, етакчи хорижий таълим ва илмий-тадқиқот муассасалари билан ҳамкорлик алоқаларини кенгайтириш;

профессор-ўқитувчилар ва тингловчилар стажировка ўташи учун зарур шарт-шароитларни яратиш, шу жумладан, уларнинг малакасини ошириш соҳасида халқаро ҳамкорликни йўлга қўйиш ва ривожлантириш;

илмий ишланмалар натижаларини қонун ижодкорлиги фаолияти ҳамда ҳуқуқни қўллаш амалиётига жорий этиш.

11. Ўзбекистон Республикаси Ташқи ишлар вазирлиги юридик компаниялар, халқаро арбитраж институтлари ва хорижий таълим ташкилотлари билан ҳамкорлик қилишда Институтга кўмаклашсин.

12. Республика ва маҳаллий ижро этувчи ҳокимият органлари ҳамда хўжалик бирлашмалари заруратга қараб, ўз кадрларининг ҳуқуқий билимларини ошириш ҳамда халқаро стандартлар асосида ўқитиш учун доимий равишда тегишли мутахассисларини Институтга йўналтириб борсин.

13. Ўзбекистон Республикаси Ҳукуматининг 7-иловага мувофиқ айрим қарорларига ўзгартириш ва қўшимчалар киритилсин.

14. Ўзбекистон Республикаси Ҳукуматининг 8-иловага мувофиқ айрим қарорлари ўз кучини йўқотган деб ҳисоблансин.

15. Вазирлик уч ой муддатда манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.

16. Ушбу қарорнинг бажарилишини назорат қилиш Ўзбекистон Республикаси адлия вазири А.Д. Ташкулов зиммасига юклансин.

Вазирлар Маҳкамасининг 2025 йил 19 мартдаги 171-сон қарорига 1-ИЛОВА

Юридик кадрларни қайта тайёрлаш ва малакасини ошириш институтининг

Директор Институт кенгаши Директорнинг ўқув ишлари бўйича биринчи ўринбосари Директорнинг молия-иқтисод ва хўжалик ишлари бўйича ўринбосари Директорнинг илмий ишлар ва халқаро ҳамкорлик бўйича ўринбосари Ўқув-услубий бўлим 4 Бухгалтерия ва режа-молия бўлими 2 Юридик кадрларни халқаро стандартлар бўйича профессионал ўқитиш факультети 3 Рақамли таълим технологиялари маркази 3 Маъмурий-хўжалик ва меҳнатни муҳофаза қилиш бўлими 2 Халқаро ҳамкорлик ва лойиҳалар бўлими 2 Медиастудия Маркетинг ва буюртмачилар билан алоқалар бўлими * Илмий-инновацион тадқиқотларни мувофиқлаштириш бўлими 2 Педагоглар маркази ** 19 Ташкилий-назорат бўлими * Инсон ресурслари бўйича бош мутахассис 1 Матбуот котиби * Юрисконсульт * Институт нашрлари * Ахборот-ресурс маркази 1

Вазирлар Маҳкамасининг 2025 йил 19 мартдаги 171-сон қарорига 2-ИЛОВА

Юридик кадрларни қайта тайёрлаш ва малакасини ошириш институтида мутахассисларни қайта тайёрлаш ҳамда уларнинг малакасини ошириш тартиби тўғрисида

1-боб. Умумий қоидалар

1. Ушбу Низом Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институтида (кейинги ўринларда — Институт) ҳамда буюртмачи ташкилотларда адлия органлари ва муассасалари ходимлари, юридик хизмат, адвокатура, нотариат, патент вакиллари, медиация, интеллектуал мулк, архив иши ва иш юритиш ҳамда бошқа соҳалар бўйича мутахассисларни қайта тайёрлаш ва уларнинг малакасини ошириш тартибини белгилайди.

Институтда юридик кадрларни халқаро стандартлар бўйича қисқа муддатли профессионал ўқитиш, олий маълумотга эга бўлган шахсларни юридик мутахассислик бўйича қайта тайёрлаш, умумий ўрта, ўрта махсус ва профессионал таълим муассасаларида ҳуқуқий фанлардан дарс берадиган, олий ноюридик маълумотга эга педагог кадрларни қайта тайёрлаш, профессионал ва олий таълим тизимида ҳуқуқий фанлардан дарс берадиган педагог кадрларнинг белгиланган даврийликка мувофиқ малакасини ошириш ҳамда суд экспертларини қайта тайёрлаш, уларнинг малакасини ва ҳуқуқий билимларини ошириш қонунчиликда белгиланган тартибда амалга оширилади.

2. Ушбу Низомда қуйидаги асосий тушунчалар қўлланилади:

буюртмачи — қайта тайёрлаш ва малака ошириш курсларида таълим олиш учун мурожаат қилган жисмоний ёки юридик шахс;

малака талаблари — тингловчиларнинг умумий билим ва касб тайёргарлиги даражасига қўйиладиган талаблар мажмуи;

қайта тайёрлаш — давлат ва жамият қурилиши соҳасини янада демократлаштириш жараёнлари, шунингдек, давлат ҳокимияти ҳамда бошқаруви соҳасида халқаро стандартлар ва талабларни ҳисобга олган ҳолда ишлаб чиқилган ўқув дастурлари асосида зарур билим, кўникма ва малакаларни ўзлаштириш орқали янги касбий фаолиятга йўналтиришга қаратилган ўқитиш шакли;

малака ошириш — тегишли ўқув дастурлари талабларидан келиб чиққан ҳолда, мутахассисларнинг малака ва кўникмаларини мунтазам равишда янгилаб бориш орқали уларнинг касбий билим ва маҳорати оширилишини таъминлашга қаратилган ўқитиш шакли;

махсус тайёрлаш — муайян касбни эгаллаш учун талабгорларнинг тегишли соҳа бўйича ишлаш ва иш юритишга йўналтирилган зарур билим, кўникма ва малакаларини шакллантиришга қаратилган ўқитиш шакли;

педагог-маслаҳатчи — таълим жараёнида тегишли ўқув курси (модули) бўйича тингловчилар фаолиятини мувофиқлаштирувчи ва йўналтирувчи, методик ёрдам кўрсатувчи, ўқиш ва билишни назорат қилувчи субъект;

тингловчи — тегишли тўловни амалга оширган ва ўқув курсларига қабул қилинган жисмоний шахс;

ўқув дастури — ўқув курсининг таълим мазмунини, унинг тингловчилар томонидан ўзлаштирилишининг мақсадга мувофиқ усулларини ташкил этишни назарда тутадиган, ахборот манбаи бўлган, мутахассисликларнинг малака талаблари, ўқув курсининг асосий мазмуни ва методик тузилишини аниқлаб берувчи асосий ҳужжат;

ўқув режаси — блоклар ва ўқув фанлари (курслар)нинг номларини, уларни ўзлаштириш учун ажратилган соатлар ҳажмини ҳамда тингловчиларнинг билимларини назорат қилиш шаклларини белгилаб берувчи асосий ҳужжат;

ҳуқуқий билимларни ошириш — тегишли соҳада фаолият юритиш учун лозим бўлган ҳуқуқий билимларни эгаллаш ва амалиётда қўллай олиш кўникмаларини шакллантириш.

3. Ушбу Низомга кўра Институтда ўқув курслари қуйидаги таълим дастурлари асосида ташкил этилади:

адлия органлари ва муассасалари ходимлари учун — давомийлиги 144 соат, захирадаги раҳбар ходимлар учун — 72 соат, мартаба даражаларини олиш учун — 36 соатдан 72 соатгача бўлган малака ошириш курслари (қисқа муддатли курслар бундан мустасно);

адвокат, нотариус ва юридик хизмат ходимлари, патент вакиллари учун — давомийлиги 72 соат бўлган малака ошириш курслари (қисқа муддатли курслар бундан мустасно);

давлат органлари ва ташкилотлари, шунингдек, давлат иштирокидаги корхоналар ҳамда бошқа ташкилотларнинг янги ишга қабул қилинган архив иши ва иш юритишга масъул ходимлари ҳамда архив мутахассислари учун — давомийлиги 36 соатдан 72 соатгача бўлган малака ошириш курслари (қисқа муддатли курслар бундан мустасно);

давлат органлари ва ташкилотларининг жисмоний ва юридик шахслар мурожаатлари билан ишлайдиган ходимлари учун — давомийлиги 12 соат бўлган малака ошириш курслари;

низоларни судгача муқобил ҳал қилиш механизми сифатида медиация институтида фаолият юритадиган медиаторлар учун — давомийлиги 36 соатдан 72 соатгача бўлган махсус тайёрлаш ҳамда 24 соатдан иборат малака ошириш курслари;

интеллектуал мулк ҳуқуқи соҳасига оид касбий билим ва кўникмаларни ошириш бўйича қисқа муддатли ўқув курслари;

давлат органлари ва ташкилотларининг ижро интизомига масъул ходимлари учун қисқа муддатли малака ошириш курслари;

юридик ва ноюридик соҳаларда фаолият юритувчи давлат хизматчилари, хусусий сектор ҳамда фуқаролик жамияти институтлари вакилларининг ҳуқуқий билимларини оширишга қаратилган қисқа муддатли ўқув курслари.

Институтга заруратга кўра ўқув курсларининг давомийлиги ва ўқув дастурларининг ҳажмига ўзгартириш киритиш, шунингдек, янги малака ошириш ва қайта тайёрлаш дастурларини очиш ҳуқуқи берилади.

4. Институтда ташкил этиладиган ўқув курслари (махсус тайёрлаш курслари ва қисқа муддатли ўқув курслари бундан мустасно) буюртмачи ташкилотлар билан келишилган ҳолда ишлаб чиқилган ва Институт директори томонидан тасдиқланадиган ўқув дастурлари асосида фаолият кўрсатади.

5. Институтда ташкил этиладиган курсларда тингловчининг асосий иш жойидан ажралган ёки ажралмаган ҳолда ўқитилади.

Институтда ташкил этиладиган курсларда аудитория ўқув юкламасининг энг кўп ҳажми, қоида тариқасида, ҳафтасига 36 соат этиб белгиланади.

6. Ўқитиш давомийлиги, қоида тариқасида:

қайта тайёрлаш курсларида — 16 — 24 ҳафтани;

махсус тайёрлаш курсларида — 1 — 4 ҳафтани;

малака ошириш курсларида — 1 — 4 ҳафтани ташкил этади.

7. Ўқув курсларида ўқув жараёни, қоида тариқасида, 25 нафардан ортиқ бўлмаган тингловчилардан иборат академик гуруҳларда ташкил қилинади.

Бунда аудитория машғулотлари барча турларининг давомийлиги Институт томонидан белгиланади, лекин 80 дақиқадан ошмаслиги ва ўқув машғулотлари оралиғидаги танаффус 10 дақиқадан кам бўлмаслиги лозим.

2-боб. Қайта тайёрлаш ва махсус тайёрлаш курсларини ташкил этиш

8. Қайта тайёрлаш курсларида ўқув жараёни буюртмачи ташкилотлар билан келишилган ҳолда, Институт кенгаши томонидан тасдиқланган ўқув режаси ва дастурлари асосида ташкил этилади ҳамда ўқув машғулотлари жадвали бўйича амалга оширилади.

Махсус тайёрлаш курсларида ўқув жараёни Институт томонидан ишлаб чиқилган ва тасдиқланган ўқув дастурлари асосида ташкил этилади ҳамда ўқув машғулотлари жадвали бўйича амалга оширилади.

9. Тингловчилар қайта тайёрлаш ва махсус тайёрлаш курсларида Институт билан тузиладиган шартномага (кейинги ўринларда — шартнома) мувофиқ тўлов асосида ўқитилади.

10. Буюртмачи қайта тайёрлаш ва махсус тайёрлаш курсларини ташкил этиш учун онлайн тарзда (Институтнинг расмий веб-сайти ёки махсус электрон дастурлар орқали) ёки бевосита Институтга мурожаат қилади.

11. Қайта тайёрлаш ва махсус тайёрлаш курсларига тингловчилар буюртмачининг мурожаатига асосан Институт директорининг буйруғи билан қабул қилинади.

12. Ўқув жараёнида ўқув машғулотларининг қуйидаги асосий турлари қўлланилади:

маъруза;

семинар;

амалий (лаборатория) машғулотлари.

Ўқув машғулотларининг қўшимча турлари — клиник таълим, суд мажлислари имитацияси (moot court), сайёр машғулотлар ва дарс машғулотларини ташкил этишнинг амалиётга йўналтирилган замонавий шакллари — кейс-стади, илмий тақдимотлар, жамоада ишлаш ва бошқалар ҳам қўлланилиши мумкин.

13. Масофавий таълим шаклидаги ўқув курсларида ўқув жараёни махсус таълим платформаларида онлайн (реал вақт режимида) ва офлайн (тегишли ўқув-методик ресурсларни мустақил равишда ўзлаштириш) режимда ташкил қилинади.

14. Қайта тайёрлаш курсларида тингловчиларнинг билими, қоида тариқасида, қуйидаги назорат турлари бўйича баҳоланади:

жорий назорат;

оралиқ назорат;

якуний назорат.

15. Масофавий таълим шаклида ташкил этилган қайта тайёрлаш курсларида якуний назорат, қоида тариқасида, тингловчининг бевосита иштирокида Институт аудиторияларида ўтказилади.

Асосий иш жойидан ажралмаган ҳолда масофавий таълим олаётган тингловчиларга якуний назорат топшириш вақтида ўртача ойлик маоши сақланган қўшимча таътил берилади.

16. Қайта тайёрлаш ва махсус тайёрлаш курсларида тингловчилар билимини баҳолаш шакллари ҳамда уларни ўтказиш тартибига доир талаблар Институт томонидан тасдиқланади. Бунда тингловчиларнинг фанлар (курслар)ни ўзлаштириш даражасининг назорати электрон тизим орқали амалга оширилади.

Муайян назорат турларидан ўтолмаган тингловчиларга фақат бир марта қайта топшириш имконияти берилади.

17. Ўзбекистон Республикаси адлия вазирининг буйруғи билан қайта тайёрлаш курслари тингловчиларининг Давлат аттестациясини ўтказиш бўйича давлат аттестация комиссияси тузилади.

18. Тингловчиларнинг Давлат аттестациясини ташкил этиш ва ўтказишга доир талаблар Институт кенгаши томонидан тасдиқланади.

19. Давлат аттестация комиссиясининг қарори Институт директори томонидан тингловчиларга белгиланган намунадаги дипломларни бериш тўғрисидаги буйруқ қабул қилиш учун асос ҳисобланади.

20. Давлат аттестацияси якунлари бўйича қониқарсиз баҳо олган шахсларга фақат бир марта кейинги қайта тайёрлаш курсларида Давлат аттестациясини такроран топшириш имконияти берилади.

21. Давлат аттестация комиссияси аъзолари меҳнатига ҳақ тўлаш меҳнатга соатбай ҳақ тўлашнинг белгиланган миқдорларидан келиб чиққан ҳолда белгиланади.

22. Қайта тайёрлаш курсларининг ўқув режасига киритилган ўқув фанларни (курсларни) ўзлаштирмаган тингловчилар Давлат аттестациясига қўйилмайди.

23. Қайта тайёрлаш курсини тамомлаган, якуний назоратларни муваффақиятли топширган тингловчиларга мазкур Низомга 1-иловада белгиланган намунадаги диплом берилади.

Қайта тайёрлашга иккинчи олий таълим сифатида қаралмайди. Қайта тайёрлаш натижасида бериладиган ҳужжат (диплом) фақат муайян лавозимда фаолият кўрсатиш ҳуқуқини беради.

Махсус тайёрлаш курси бўйича якуний назоратдан муваффақиятли ўтган тингловчиларга мазкур Низомга 2-иловада белгиланган намунадаги сертификат берилади.

3-боб. Малака ошириш курсларини ташкил этиш

24. Малака ошириш курсларида ўқиш муддати Институт билан келишилган ҳолда буюртмачи ташкилотлар томонидан тасдиқланадиган таълим олувчиларнинг малака ошириш курслари вақти, шакли ва йўналиши кўрсатилган тақсимот-режаларга мувофиқ белгиланади.

25. Буюртмачи ташкилотлар томонидан тақсимот-режалар ярим йил учун тузилади ҳамда ҳар йили июнь ва декабрь ойининг 15-санасига қадар тасдиқланиб, Институтга етказилади.

26. Буюртмачи ташкилотлар тақсимот-режаларга асосан ўқиши белгиланган ходимларининг малака ошириш курсларида қатнашишларини таъминлайди.

27. Тингловчилар малака ошириш курсларида Институт билан шартномага мувофиқ тўлов асосида ўқитилади.

28. Малака ошириш курсларига тингловчиларни қабул қилиш Институт директорининг буйруғи билан, қоида тариқасида, ўқув курслари бошланган куннинг ўзида расмийлаштирилади.

Институт тингловчиларнинг малака ошириш курсларига ўз вақтида келмаганлиги ёки уларда қатнашмаганлиги ҳақида буюртмачи ташкилотларга хабар беради.

Малака ошириш курсларига узрли сабабларга кўра ўз вақтида келмаган тингловчиларга ўқишнинг тегишли йўналиши бўйича навбатдаги малака ошириш курсларида ўқишга рухсат берилади.

29. Малака ошириш курсларида ўқув жараёни Институт директорининг ўринбосари томонидан тасдиқланадиган машғулотлар жадвали бўйича амалга оширилади.

30. Малака ошириш жараёнлари қуйидаги шаклларни ўз ичига олади:

ўқув машғулотларини бевосита Институтда ташкил этиш;

ўқув машғулотларини ходимнинг иш жойида ташкил этиш;

кредит-модуль тизими асосида ўқитиш;

масофавий таълим.

31. Ўқув машғулотларини ташкил этиш тегишли ихтисослик йўналишлари бўйича ишлаб чиқилган ўқув дастурларини ўзлаштиришдан иборат.

Ўқув машғулотлари 1+3, 2+2 ёки 3+1 схемалари бўйича (тегишли равишда 25, 50 ёки 75 фоиз — мустақил равишда билим орттириш, 75, 50 ёки 25 фоиз — бевосита Институтда) масофавий таълим ёки манфаатдор ташкилотлар базасида якка тартибдаги топшириқларни бажариш шаклида ташкил этилиши мумкин.

Ўқитишнинг бундай шакллари ахборот узатишнинг замонавий ахборот-коммуникация воситаларини қўллаш имконияти мавжуд бўлган тақдирда қўлланилади.

32. Ўқув машғулотларини ходимнинг иш жойида ташкил этиш ишдан ажралмаган ҳолда хизмат жойига Институт томонидан мутахассисларни жалб этиб, тегишли ўқув дастурларини ўзлаштиришдан иборат.

Ўқув машғулотлари ходимнинг иш жойида буюртмачи ташкилотлар билан келишилган ҳолда, Институт директори томонидан тасдиқланадиган малака оширишнинг якка тартибдаги режаси асосида ташкил этилади.

Малака оширишнинг якка тартибдаги режасида ходим томонидан ўқув дастурида белгиланган мавзуларни (модулларни) мустақил ўзлаштириш тартиби, мутахассисларни жалб қилиш ҳамда якуний синов имтиҳонини топшириш шакли ва муддатлари кўрсатилади. Бунда ходим томонидан ўқув дастурида белгиланган мавзуларни (модулларни) ўзлаштириш учун кўпи билан бир ой муддат белгиланади.

Малака оширишнинг ушбу шакли бўйича ўқув жараёни тингловчилар сони, қоида тариқасида, камида ўн нафар бўлган гуруҳларда ташкил этилади.

33. Кредит-модуль тизими бўйича малака ошириш мутахассис кадрлар малакасини оширишнинг белгиланган даврийлигига риоя қилинган ҳолда ўқув дастури модулларини узлуксиз, мустақил равишда ўзлаштириб боришни назарда тутади.

Институт директори ўқув дастурининг ҳар бир модули бўйича модуль раҳбарини, яъни алоҳида модулни ўқитишнинг сифати, ўқув материалини шакллантириш, шунингдек, барча турдаги назорат саволларини тузиш, тингловчилар билимини текширишда ягона стандартларни таъминлашга масъул бўлган педагог ходимни белгилайди. Модуллар бўйича тингловчилар билими йил давомида назорат жадваллари ва баҳолаш мезонлари асосида баҳолаб борилади.

Модулнинг ўқув дастури мазмунини ўзлаштириш кредитни, яъни тингловчиларнинг ўқув юклама ҳажмини аниқлашнинг шартли бирлигини қўллаган ҳолда белгиланади. Кредит тингловчи томонидан тегишли ўқув ишларини (модул хусусияти, мутахассисларнинг малака ва кўникмаларини мунтазам равишда янгилаб бориш учун ўқув ишларининг муҳимлигидан келиб чиқиб Институт томонидан белгиланадиган) бажаришга сарфланадиган вақтдан (соатлардан) ташкил топади. Ҳар бир модуль мустақил кредитга эга бўлади.

Ўқув курслари бўйича бир кредит таркиби ва ўқиш даврини тамомлаш учун тингловчи томонидан тўпланиши лозим бўлган кредитларнинг умумий сони ҳамда ушбу шакл бўйича малака оширишнинг тартиби Ўзбекистон Республикаси Адлия вазирлиги томонидан белгиланади.

34. Кредит-модуль тизими бўйича малака оширишда тегишли кредит балларни тўплаш учун қуйидагилар ҳам ҳисобга олинади:

жорий даврда илмий мақолалар чоп этиш, монография, дарслик ва ўқув қўлланмасини нашр эттириш;

малака оширишнинг муқобиллик тамойилига асосланган ҳолда Институт томонидан ташкил қилинадиган қисқа муддатли ўқув курсларида ихтиёрий равишда ўқиш;

Институтнинг тингловчилар контингентига бир ўқув йилида 100 соатдан кам бўлмаган ҳажмда ўқув машғулотларини ўтказиш;

малака оширишнинг белгиланган даврийлиги давомида фалсафа доктори (PhD) ёки фан доктори (DSc) илмий даражаларига эга бўлиш.

Ходим мос равишда фалсафа доктори (PhD) илмий даражасига эга бўлганда, малака ошириш учун белгиланган умумий кредит баллини тўплашдан озод қилиниб, тўғридан-тўғри якуний синов имтиҳонини топширишга рухсат берилади, фан доктори (DSc) илмий даражасига эга бўлганда эса, ходим беш йил муддатга малака ошириш курсларида ўқишдан озод қилинади.

Кредит-модуль тизими бўйича малака ошириш учун жалб қилинган ходим сўнгги уч йилдаги маълумотларни электрон портфолио тизимига шахсан ўзи киритади ва кўрсаткичлар электрон мониторинг тизими орқали қайд этиб борилади.

35. Адлия органлари ва муассасалари ходимларининг мартаба даражаларини бериш бўйича махсус малака ошириш ўқув курслари дастури тингловчиларнинг эгаллаб турган лавозими бўйича индивидуал касбий билим ва кўникмаларини оширишга ҳамда ҳуқуқ соҳасидаги мантиқий ва таҳлилий фикрлашини ривожлантиришга қаратилади.

Бунда махсус малака ошириш ўқув курслари, қоида тариқасида:

«3-даражали юрист» ва «2-даражали юрист» мартаба даражалари учун 36 соатлик ўқув дастурлари асосида масофавий таълим шаклида;

«1-даражали юрист» ва «3 даражали адлия маслаҳатчиси» мартаба даражалари учун 72 соатлик ўқув дастурлари асосида масофавий таълим шаклида;

«2-даражали адлия маслаҳатчиси» ва «1-даражали адлия маслаҳатчиси» мартаба даражалари учун ходимларнинг раҳбарлик қобилиятини шакллантиришга қаратилган 72 соатлик ўқув дастурлари асосида махсус малака ошириш ўқув курслари бевосита Институтда ташкил этилади.

36. Малака ошириш курслари ўқув дастурига мувофиқ белгиланган мавзулар (модуллар) бўйича якуний синов имтиҳонини топшириш билан якунланади.

Қисқа муддатли ўқув курсларида якуний синов имтиҳони ўқув дастурида назарда тутилгандагина ўтказилади.

Малака ошириш курсларида якуний синов имтиҳонларини қабул шакли ва тартибига доир талаблар Институт кенгаши томонидан тасдиқланади.

37. Институт юридик ва ноюридик соҳаларда фаолият юритувчи давлат хизматчилари, хусусий сектор ҳамда фуқаролик жамияти институтлари вакилларининг ҳуқуқий билимларини оширишга қаратилган қисқа муддатли ўқув курсларини ташкил этиши мумкин. Бундай курслар шартномага мувофиқ тўлов асосида ташкил этилади.

38. Қисқа муддатли ўқув курслари Институт томонидан мустақил равишда ёки буюртмачи ташкилотлар билан келишилган ҳолда тасдиқланадиган ўқув дастурларига мувофиқ ихтиёрий ташкил этилади.

Бунда ўқув курсларининг давомийлиги, ўқув юкламасининг ҳажми, ўқитиш шакллари ҳамда ўқув курслари якунлари бўйича қабул қилинадиган якуний синов имтиҳони Институт томонидан буюртмачи ташкилотлар билан келишилган ҳолда белгиланади.

Тингловчилар ўқув курсларига буюртмачининг мурожаатига асосан Институт директорининг буйруғи билан қабул қилинади.

39. Малака ошириш курсини (шу жумладан, қисқа муддатли ўқув курсларини) муваффақиятли тамомлаган тингловчиларга мазкур Низомга 3-иловада белгиланган намунадаги сертификат берилади. Сертификат, қоида тариқасида, электрон шаклда расмийлаштирилади.

Якуний синов имтиҳонини топширмаган тингловчига бир маротаба қайта топшириш учун уч ойгача муддат берилади.

Қайта топшириш натижасидан ҳам якуний синов имтиҳонидан ўтолмаган тингловчига сертификат берилмайди. Бу ҳолда тингловчига малака ошириш курсида қатнашганлиги тўғрисида маълумотнома берилади.

4-боб. Масофавий таълимни ташкил этиш

40. Масофавий таълим тегишли соҳа мутахассисларининг касбий эҳтиёжларидан келиб чиққан ҳолда ишлаб чиқилган ўқув дастурлари орқали онлайн ҳамда офлайн тарзда амалга оширилади.

41. Масофавий таълимнинг давомийлиги тегишли ўқув курси учун ажратилган академик соатларда белгиланади, бунда ўқишнинг календарь муддатлари академик муддатлардан ортиқ бўлиши мумкин.

42. Онлайн шаклдаги масофадан ўқитиш усули махсус жиҳозланган ўқув хоналарида реал вақт режимида амалга оширилади.

Ходимларнинг масофавий ўқишда иштироки буюртмачи ташкилотлар томонидан таъминланади.

43. Масофавий таълим курслари бошланишидан уч кун олдин тингловчиларга Институт томонидан электрон логин ва пароль берилади.

44. Тингловчилар ўзига берилган логин ва пароль ёрдамида Институтнинг расмий веб-сайтидаги махсус бўлимига киради ва унда ўзининг шахсий кабинетига эга бўлади.

45. Тингловчига берилган логин ва паролни ҳамда шахсий кабинетини бошқа шахсларга фойдаланиш учун бериш тақиқланади.

46. Масофавий таълим давомида тингловчилар курсларни ташкил этиш ва ўтказиш режасига, ўқиш давомийлигига амал қилиши, шунингдек, онлайн ва оффлайн режимдаги таълим жараёнида шахсан ўзи иштирок этиши талаб этилади.

47. Масофавий таълим шакли бўйича ўқитиш жараёнида тингловчилар фаолияти, таълим жараёнини мувофиқлаштириш ва йўналтириш Институт директорининг буйруғи билан бириктириладиган педагог-маслаҳатчи томонидан амалга оширилади.

48. Тингловчилар билан доимий алоқани йўлга қўйиш, тингловчиларга зарур методик ёрдам бериш, якка тартибдаги машғулотни ўтказиш юзасидан назоратни амалга ошириш ва тингловчилар билимларини баҳолаш педагог-маслаҳатчининг вазифаларига киради. Педагог-маслаҳатчи якка тартибдаги топшириқнинг тингловчи томонидан бажарилиши холисона баҳоланиши учун жавоб беради.

Педагог-маслаҳатчи билан алоқа электрон почта, телефон ва бошқа электрон алоқа воситалари ёрдамида амалга оширилади. Педагог-маслаҳатчи билан алоқа сессиялар (бевосита юзма-юз мулоқот) тарзида ҳам амалга оширилиши мумкин.

5-боб. Тингловчиларнинг ҳуқуқ ва мажбуриятлари

49. Тингловчилар ўқув машғулотлари бошланишидан олдин Институт тингловчиларининг ички тартиб-қоидалари билан таништирилади.

50. Тингловчилар қуйидаги ҳуқуқларга эга:

ўқув жараёнини янада яхшилаш, қайта тайёрлаш ва малака ошириш тизимини такомиллаштириш бўйича Институт раҳбариятига таклифлар киритиш;

маънавий-маърифий ва маданий тадбирларда қатнашиш;

қайта тайёрлаш ва малака ошириш билан боғлиқ бўлган қўшимча маълумотлар ва маслаҳатлар олиш;

Институтнинг ахборот-ресурс маркази, ўқув хоналари ва компьютер техника воситаларидан фойдаланиш;

Институт ходимлари хатти-ҳаракатлари юзасидан шикоят қилиш.

Тингловчилар қонунчилик ҳужжатларига мувофиқ бошқа ҳуқуқларга ҳам эга бўлишлари мумкин.

51. Тингловчилар:

белгиланган тартибда ўқув режаси ва дастурлари асосида ўқиш;

ўқув машғулотларига ўз вақтида шахсан ўзлари иштирок этиши ва онлайн ўқув машғулотларида веб-камерасини ёққан ҳолда қатнашиши;

ўқув дастурларида назарда тутилган назорат турларини ва якуний синов имтиҳонларини топшириши;

ўз назарий билимларини, касбий кўникмалари ва маҳорат даражасини ошириши;

ўқув жараёнида берилган топшириқларни ўз вақтида бажариши;

Институтга тегишли бўлган мол-мулкни асраб-авайлаши, Институт тингловчиларининг ички тартиб-қоидаларига қатъий риоя этиши лозим.

Тингловчилар қонунчилик ҳужжатларига мувофиқ бошқа мажбуриятларга ҳам эга бўлишлари мумкин.

52. Тингловчи қуйидаги ҳолатларда тингловчилар сафидан чиқарилади:

ўз хоҳишига биноан;

ўқув интизоми ва Институт тингловчиларининг ички тартиб-қоидаларини мунтазам равишда ёки бир маротаба қўпол равишда бузганда;

узрли сабабларсиз қайта тайёрлаш курслари бўйича ўқув машғулотларини ўттиз соатдан ва малака ошириш курслари бўйича ўқув машғулотларини ўн олти академик соатдан ортиқ қолдирганда;

тингловчига берилган логин ва паролни ҳамда шахсий кабинетини бошқа шахсларга фойдаланиш учун берганлиги аниқланганда;

шартнома асосида ўқитиш билан боғлиқ мажбуриятларни бажармаганда;

саломатлиги туфайли (тиббий комиссия маълумотномаси асосида);

суд томонидан озодликдан маҳрум этилганда;

вафот этганда.

53. Тингловчи қайта тайёрлаш ёки малака ошириш курси тингловчилари сафидан чиқарилганда, Институт бу ҳақида уни ўқишга юборган буюртмачи ташкилотга хабар беради.

Тингловчи мазкур Низомнинг 52-банд учинчи — олтинчи хатбошиларида назарда тутилган ҳолатларга кўра тингловчилар сафидан чиқарилган тақдирда, ушбу тингловчи учун тўланган тўлов миқдори қайтарилмайди.

6-боб. Якунловчи қоидалар

54. Диплом йўқотилган ёки яроқсиз ҳолга келган, бузилган ҳолларда дипломнинг дубликати (кейинги ўринларда — дубликат) берилади. Бунда ушбу шахслар Институт директорига дипломнинг йўқотиш, яроқсиз ҳолга келиш ёки бузилиш ҳолати тўлиқ баён этилган ёзма ариза беради.

55. Дубликат мурожаат қилинган санадан бошлаб ўн беш кун муддат мобайнида берилади.

56. Дубликатда ҳужжатларнинг аввалги қайд этилган рақами, серияси, берилган санаси кўрсатилади, янги бланканинг юқоридаги ўнг бурчагига «Дубликат» сўзи ёзилади.

57. Яроқсиз ҳолатга келган ёки бузилган диплом Институтга қайтарилиши ва қонунчилик ҳужжатларида белгиланган тартибда йўқ қилиниши лозим.

58. Мазкур Низомни қўллашда юзага келадиган низолар қонунчиликда белгиланган тартибда ҳал этилади.

59. Мазкур Низом талабларининг бузилишида айбдор шахслар қонунчилик ҳужжатларига мувофиқ жавобгар бўлади.

Юридик кадрларни қайта тайёрлаш ва малакасини ошириш институтида мутахассисларни қайта тайёрлаш ҳамда уларнинг малакасини ошириш тартиби тўғрисидаги низомга 1-ИЛОВА

Қайта тайёрлаш ҳақида давлат намунасидаги диплом

Ўзбекистон Республикаси Давлат герби Oʻzbekiston Respublikasi Qayta tayyorlash haqida DIPLOM QT №000000 __________________________________________________________________________________ (tinglovchining familiyasi, ismi, otasining ismi) 20_____-yil ____________________________________dan 20______-yil ______________________gacha Adliya vazirligi huzuridagi Yuridik kadrlarni qayta tayyorlash va malakasini oshirish institutida ____________ _________________ soatga moʻljallangan ______________________________________________________ _________________________________________________________________________________________ (qayta tayyorlash kursining nomi) qayta tayyorlash kursida taʼlim olib, _______________________________________________ bitiruv-malaka ishini ___________ bahoga himoya qildi va qayta tayyorlash oʻquv kursini muvaffaqiyatli tamomladi. Muhr oʻrni Direktor _____________ Sana _____________ Qayd raqami __________

Қайта тайёрлаш ҳақида давлат намунасидаги дипломнинг

ТАВСИФИ

Қайта тайёрлаш тўғрисидаги диплом А4 форматли оқ қоғозда офсет усулида, беш хил рангдан фойдаланган ҳолда: матн учун — қора рангда, расмлар тасвири учун — яшил, кўк, қизил рангларда, фон учун — оч пушти рангда босиб чиқарилади.

Варақнинг чап қисмида четидан 10 мм чекинган ҳолда, эни 32 мм бўлган Ўзбекистон Республикаси Давлат байроғи тасвирланган тасма жойлаштирилади. Тасманинг юқори қисмида диаметри 30 мм бўлган Давлат герби, паст қисмида эса — 35 мм ўлчамли иккита квадрат қўшилишидан ҳосил бўлган саккиз қиррали юлдуз, юлдузнинг ўртасида муҳр учун 25 мм диаметрли оқ айлана жойлашган.

Варақнинг қолган қисмида юқорида давлат тилида «OʻZBEKISTON RESPUBLIKASI» ва «Qayta tayyorlash haqida DIPLOM» сўзлари босилади. Диплом икки ҳарф — QТ ва олти рақамли сондан иборат тартиб рақамига эга. Барча матн нақшли растрдан иборат оч пушти ранг фонда босиб чиқарилади.

Диплом:

босиб чиқаришнинг икки усули — офсет ва юқори усули;

ёруғлик воситасида нусха кўчиришни қийинлаштириш учун очиқ ранглар;

нақшли растр;

ҳар хил рангли растрлардан фойдаланиш йўли билан турли рангларни ташкил этиш;

махсус қоғоз;

ўзгарадиган рақамлардан иборат тартиб рақами қўлланган ҳолда олтита ҳимояга эга.

Юридик кадрларни қайта тайёрлаш ва малакасини ошириш институтида мутахассисларни қайта тайёрлаш ҳамда уларнинг малакасини ошириш тартиби тўғрисидаги низомга 2-ИЛОВА

Махсус тайёрлаш курсини тамомлаганлик ҳақида давлат намунасидаги сертификат

Ўзбекистон Республикаси Давлат герби Oʻzbekiston Respublikasi __________________________________________________________________________ (maxsus tayyorlash kursining nomi) Maxsus tayyorlash kursini tugatganligi haqida SERTIFIKAT MТ № 000000 ________________________________________________________________________________ (tinglovchining familiyasi, ismi, otasining ismi) 20____ yil ____________________________________dan 20_____ yil ________________________gacha Adliya vazirligi huzuridagi Yuridik kadrlarni qayta tayyorlash va malakasini oshirish institutida jami ________ soatga moʻljallangan ________________________________________________________________________ (maxsus tayyorlash kursining nomi) oʻquv kursini muvaffaqiyatli tamomladi. Muhr oʻrni Direktor _____________ Sana _______________ Qayd raqami __________

Махсус тайёрлаш курсини тамомлаганлик ҳақида давлат намунасидаги сертификат

ТАВСИФИ

Малака ошириш тўғрисидаги сертификат А4 форматли оқ қоғозда офсет усулида, беш хил рангдан фойдаланган ҳолда: матн учун — қора рангда, расмлар тасвири учун — яшил, кўк, қизил рангларда, фон учун — оч кулрангда босиб чиқарилади.

Варақнинг чап қисмида четидан 10 мм чекинган ҳолда, эни 32 мм бўлган Ўзбекистон Республикаси Давлат байроғи тасвирланган тасма жойлаштирилади. Тасманинг юқори қисмида диаметри 30 мм бўлган Давлат герби, паст қисмида эса — 35 мм ўлчамли иккита квадрат қўшилишидан ҳосил бўлган саккиз қиррали юлдуз, юлдузнинг ўртасида муҳр учун 25 мм диаметрли оқ айлана жойлашган.

Варақнинг қолган қисмида юқорида давлат тилида «OʻZBEKISTON RESPUBLIKASI» ва «Maxsus tayyorlash kursini tagatganligi haqida SERTIFIKAT» сўзлари босилади. Сертификат икки ҳарф — МТ ва олти рақамли сондан иборат тартиб рақамига эга. Барча матн нақшли растрдан иборат оч кулранг фонда босиб чиқарилади.

Сертификат:

ёруғлик воситасида нусха кўчиришни қийинлаштириш учун очиқ ранглар;

нақшли растр;

ҳар хил рангли растрлардан фойдаланиш йўли билан турли рангларни ташкил этиш;

ўзгарадиган рақамлардан иборат тартиб рақами қўлланган ҳолда тўртта ҳимояга эга.

Юридик кадрларни қайта тайёрлаш ва малакасини ошириш институтида мутахассисларни қайта тайёрлаш ҳамда уларнинг малакасини ошириш тартиби тўғрисидаги низомга 3-ИЛОВА

Малака ошириш ҳақида давлат намунасидаги сертификат

Ўзбекистон Республикаси Давлат герби Oʻzbekiston Respublikasi Malaka oshirish haqida SЕRTIFIKAT МО № 000000 ________________________________________________________________________________ (tinglovchining familiyasi, ismi, otasining ismi) 20____-yil __________________________________ dan 20_____-yil ______________________ gacha Adliya vazirligi huzuridagi Yuridik kadrlarni qayta tayyorlash va malakasini oshirish institutida jami ________ soatga moʻljallangan ________________________________________________________________ boʻyicha (malaka oshirish kursining nomi) malakasini oshirdi. Muhr oʻrni Direktor _____________ Sana ________________ Qayd raqami __________

Малака ошириш ҳақида давлат намунасидаги сертификат

ТАВСИФИ

Малака ошириш тўғрисидаги сертификат А4 форматли оқ қоғозда офсет усулида, беш хил рангдан фойдаланган ҳолда: матн учун — қора рангда, расмлар тасвири учун — яшил, кўк, қизил рангларда, фон учун — оч кулрангда босиб чиқарилади.

Варақнинг чап қисмида четидан 10 мм чекинган ҳолда, эни 32 мм бўлган Ўзбекистон Республикаси Давлат байроғи тасвирланган тасма жойлаштирилади. Тасманинг юқори қисмида диаметри 30 мм бўлган Давлат герби, паст қисмида эса — 35 мм ўлчамли иккита квадрат қўшилишидан ҳосил бўлган саккиз қиррали юлдуз, юлдузнинг ўртасида муҳр учун 25 мм диаметрли оқ айлана жойлашган.

Варақнинг қолган қисмида юқорида давлат тилида «OʻZBEKISTON RESPUBLIKASI» ва «Malaka oshirish haqida SERTIFIKAT» сўзлари босилади. Сертификат икки ҳарф — MO ва олти рақамли сондан иборат тартиб рақамига эга. Барча матн нақшли растрдан иборат оч кулранг фонда босиб чиқарилади.

Сертификат:

ёруғлик воситасида нусха кўчиришни қийинлаштириш учун очиқ ранглар;

нақшли растр;

ҳар хил рангли растрлардан фойдаланиш йўли билан турли рангларни ташкил этиш;

ўзгарадиган рақамлардан иборат тартиб рақами қўлланган ҳолда тўртта ҳимояга эга.

Вазирлар Маҳкамасининг 2025 йил 19 мартдаги 171-сон қарорига 3-ИЛОВА

Юридик кадрларни халқаро стандартлар бўйича қисқа муддатли профессионал ўқитиш курслари тўғрисида

1-боб. Умумий қоидалар

1. Ушбу Низом Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институтида (кейинги ўринларда — Институт) юридик кадрларни халқаро стандартлар бўйича қисқа муддатли профессионал ўқитиш курсларини ташкил этиш ва ўтказиш тартибини белгилайди.

2. Ушбу Низомда қуйидаги асосий тушунчалар қўлланилади:

талабгор — профессионал ўқитиш курсларида таълим олиш учун мурожаат қилган, инглиз тилини амалиётда эркин қўллай олиш даражасида биладиган шахс;

тингловчи — белгиланган миқдордаги тўлов-контракт пулини тўлаган ҳамда Институт директорининг буйруғи билан профессионал ўқитиш курсларига қабул қилинган шахс;

юридик кадрларни халқаро стандартлар бўйича қисқа муддатли профессионал ўқитиш курслари (кейинги ўринларда — профессионал ўқитиш курслари) — инвестиция ва тижорат фаолиятида халқаро ҳуқуқ асосларини шакллантиришни таъминлашга, шунингдек, халқаро юридик амалиётда уларнинг касбий билим ва кўникмаларини ривожлантиришга қаратилган кадрларни қисқа муддатли ўқитиш шакли.

3. Профессионал ўқитиш курслари қуйидаги шаклларда ташкил этилади:

таянч курс — халқаро тижорат фаолияти, халқаро арбитраж ва суд низоларини ҳуқуқий таъминлаш соҳасида асосий малака ва кўникмаларни ривожлантиришга қаратилган курслар;

соҳавий курс — халқаро инвестиция ва тижорат фаолиятини самарали ҳуқуқий қўллаб-қувватлаш орқали таъминлаш, халқаро хусусий, тижорат ҳуқуқи, халқаро арбитражнинг моддий ва процессуал ҳуқуқ нормаларини қўллаш, илғор адвокатлик техникаси, активларни халқаро қидириш ва қайтариш, халқаро тергов қилиш ва коррупцияга қарши курашиш тўғрисидаги қонунчилик ҳужжатларига риоя қилиш ҳамда бошқа шу каби муайян соҳага оид билим ва кўникмаларни ривожлантириш учун зарур бўлган курслар;

инглиз ҳуқуқининг фундаментал асослари бўйича курс — мамлакатда яратилаётган замонавий бизнес ва тадбиркорлик муҳитида инвесторлар ҳуқуқ ва манфаатларининг ишончли ҳимоясини таъминлаш мақсадида инглиз ҳуқуқи элементлари асосида тингловчиларнинг суд прецеденти, одат ҳуқуқи, шартнома ҳуқуқи, арбитраж тартиб-таомиллари, инвестиция ҳуқуқи, адвокатлик техникаси, низоларни муқобил ҳал қилиш асослари ва бошқа шу каби соҳалар бўйича билим ва кўникмаларини оширишга қаратилган курслар.

4. Профессионал ўқитиш курсларида ўқиш муддати ва аудитория машғулотларининг давомийлиги Институт томонидан ўқув дастурларидан келиб чиққан ҳолда белгиланади.

5. Тингловчилар Институт томонидан Адлия вазирлиги билан келишилган ҳолда белгиланадиган ўринлар сонидан келиб чиққан ҳолда, тўлов-контракт асосида қабул қилинади.

6. Профессионал ўқитиш курсларида ўқув машғулотлари асосан инглиз тилида ўтказилади. Ўқув машғулотлари заруратга қараб бошқа тилларда ҳам ўтказилиши мумкин.

7. Курсларда ўқув машғулотларини ташкил этиш шаклидан (масофадан, анъанавий, аралаш) келиб чиққан ҳолда, тингловчининг асосий иш жойидан ажралган ёки ажралмаган ҳолда ўқитилади.

Профессионал ўқитиш курслари тингловчининг асосий иш жойидан ажралган ҳолда ташкил этилганда, курсларда ўқиш давомида Институт тингловчиларининг асосий иш жойидаги ўртача иш ҳақини сақлаб қолиш масаласи меҳнат қонунчилигида белгиланган тартибда ҳал қилинади.

8. Профессионал ўқитиш курслари мазкур Низомга иловадаги схема бўйича ташкил этилади ва ўтказилади.

2-боб. Профессионал ўқитиш курсларига қабулни ташкил этиш

9. Профессионал ўқитиш курсларида ўқув машғулотлари бошланишидан бир ой олдин Ўзбекистон Республикаси Адлия вазирлиги тегишли вазирлик ва идоралар, шунингдек, бошқа ташкилотларга ўз ходимларини курсларга ўқитишга йўналтириш тўғрисида хабар беради.

10. Институт вазирлик ва идоралар, шунингдек, бошқа ташкилотлар томонидан тақдим этилган тегишли буюртманомалар асосида профессионал ўқитиш курсларини ўтказиш графиги (дастури)ни тасдиқлайди.

Зарур ҳолларда, Институт томонидан турли мавзуларда қўшимча курслар ҳам ташкил этилиши мумкин.

11. Курс контингентини шакллантириш ва юридик таълим олишга кенг имконият яратиш мақсадида заруратга кўра Институт томонидан курсларга қабул юзасидан барча учун очиқ эълон берилиши, курсларда ўқиш истагини билдирган талабгорлар ўқишга қабул қилиниши мумкин.

12. Профессионал ўқитиш курсларида ўқиш учун йўналтирилган талабгорларга тегишли намунадаги тўлов-контрактлари юридик шахслар учун уч нусхада, жисмоний шахслар учун икки нусхада берилади ҳамда Институтнинг раҳбари ва бухгалтери имзолари билан тасдиқланади.

13. Профессионал ўқитиш курсларига тингловчиларни қабул қилиш белгиланган муддатда тўлов-контракт тўлови суммаси ўтказилган тақдирда, Институт директорининг буйруғи билан расмийлаштирилади.

14. Профессионал ўқитиш курсларида ўқиш учун тўлов-контракт суммаси миқдори Адлия вазирлиги билан келишилган ҳолда Институт томонидан белгиланади.

3-боб. Профессионал ўқитиш курсларида ўқув жараёни

15. Институт Адлия вазирлиги, шунингдек, хорижий юридик компаниялар ва таълим муассасалари билан биргаликда эҳтиёжлардан келиб чиқиб, профессионал ўқитишнинг талаб юқори бўлган йўналишларини аниқлайди.

16. Профессионал ўқитиш курсларининг ўқув дастури Институт томонидан хорижий юридик компаниялар ва таълим муассасалари билан биргаликда профессионал ўқитишнинг аниқланган йўналишидан келиб чиқиб, халқаро арбитраж муҳокамаларида иштирок этиш доирасида юзага келадиган долзарб муаммоларни ҳисобга олган ҳолда ишлаб чиқилади.

Профессионал ўқитиш курсларини ўтказиш муддати ва тартиби, мавзулар ҳамда ўқув машғулотларини ўтказувчи мутахассисларга оид маълумотлар акс этган ўқув дастури Институт томонидан тасдиқланади.

17. Ўқув жараёнида амалиётга йўналтирилган, шу жумладан, видеоконференцалоқа, масофавий таълим технологияларидан фойдаланган ҳолда ўқитишнинг замонавий интерфаол усуллари қўлланилади.

18. Институтда ўқув машғулотларини ўтказиш учун асосан хорижий юристлар ва тегишли чет эл мутахассислари шартнома асосида жалб этилади.

Ўқув машғулотларини ўтказишга арбитраж, суд процессларини ўз ичига олган халқаро ҳуқуқни қўллаш тажрибасига эга бўлган, ўз фаолиятини Ўзбекистон Республикаси ҳудудида амалга оширувчи хорижий юридик компаниялар ҳамда давлат органлари ва бошқа ташкилотларнинг ходимлари ва бошқа малакали мутахассислар ҳам жалб этилиши мумкин.

19. Курсларни муваффақиятли тамомлаган тингловчиларга Адлия вазирлиги томонидан тасдиқланадиган намунадаги сертификат берилади.

20. Курсни муваффақиятли тугатган тингловчилар хорижий мамлакатларга стажировкага юборилиши мумкин.

Институт курсларни муваффақиятли тамомлаган тингловчилар орасидан уларнинг касбий кўникма ва билимлари шаклланганлиги ҳамда ривожланганлиги, шунингдек, хорижий тилларни билиш даражасини инобатга олган ҳолда, хорижий юридик компаниялар ва халқаро арбитраж институтлари, шунингдек, бошқа тегишли ташкилотларда стажировкаларни ташкил этиш учун тингловчиларни танлаб олади. Стажировка, қоида тариқасида, 2-3 ойгача бўлган муддатда ташкил этади.

4-боб. Якунловчи қоидалар

21. Адлия вазирлиги тингловчиларнинг ўқув жараёни ва стажировкаси мониторингини юритади, улар билан доимий алоқада бўлади.

22. Тингловчи профессионал ўқитиш курсида ўқишни давом эттиришни рад этганда, курсларда иштирок этмаган ёки ўқишдан четлаштирилганда тўланган тўлов-контракт суммаси қайтариб берилмайди.

23. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавобгар бўлади.

Юридик кадрларни халқаро стандартлар бўйича қисқа муддатли профессионал ўқитиш курслари тўғрисидаги низомга ИЛОВА

Юридик кадрларни халқаро стандартлар бўйича қисқа муддатли профессионал ўқитиш курсларини ташкил қилиш ва ўтказиш

Босқичлар Субъектлар Тадбирлар Б ажариш муддати 1- босқич А длия вазирлиги ( Институт ) 1. Вазирлик ва идоралар, бошқа ташкилотларга ўз ходимларини курсларга ўқитишга йўналтириш тўғрисида хабар (заруратга кўра очиқ эълон) беради. Ўқув машғулотлари бошланишидан бир ой олдин 2. Вазирлик ва идоралар, шунингдек, бошқа ташкилотлар томонидан тақдим этилган тегишли буюртманомалар асосида профессионал ўқитиш курсларини ўтказиш графигини (дастури) тасдиқлайди. Ўқув машғулотлари бошланишидан икки ҳафта олдин 2- босқич Институт 1. Ҳ ужжатларни қабул қилади. Ўқув машғулотлари бошланишидан икки ҳафта олдин 2. Тўлов-контрактларни расмийлаштиради . 3. Тингловчиларни курсларга қабул қилади. Ўқув жараёнлари бошланган куни 3- босқич Институт 1. Ўқув машғулотларини ташкил этади. Тасдиқланган дастурга асосан А длия вазирлиги 2. Белгиланган тартибда сертификат беради. Курс якунлари бўйича

Вазирлар Маҳкамасининг 2025 йил 19 мартдаги 171-сон қарорига 4-ИЛОВА

Олий маълумотга эга бўлган шахсларни юридик мутахассислик бўйича қайта тайёрлаш курслари тўғрисида

1-боб. Умумий қоидалар

1. Ушбу Низом Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институтида (кейинги ўринларда — Институт) олий маълумотга эга бўлган шахсларни юридик мутахассислик бўйича қайта тайёрлаш курсларини ташкил этиш ва ўтказиш тартибини белгилайди.

2. Ушбу Низомда қуйидаги асосий тушунчалар қўлланилади:

анъанавий таълим шаклида ўқиш — ўқув дастурларини ишлаб чиқаришдан ажралган ҳолда, қайта тайёрлаш курсларида бевосита иштирок этиш орқали ўзлаштириш;

масофавий таълим шаклида ўқиш — ўқув дастурларини ишлаб чиқаришдан ажралмаган ҳолда онлайн (реал вақт режимида) ҳамда офлайн (видеомаърузалар, мавзуга доир маърузалар матни, ассесмент топшириқлари, амалиёт материаллари таҳлили, кичик назорат ишини бажариш орқали тегишли ўқув-методик ресурсларни мустақил равишда ўзлаштириш) тарзда ўзлаштириш;

олий маълумотга эга бўлган шахсларни юридик мутахассислик бўйича қайта тайёрлаш курслари (кейинги ўринларда — қайта тайёрлаш курслари) — давлат органлари ва ташкилотларининг юридик маълумот ҳамда билим талаб этадиган касб ва лавозимларида фаолият юритиш учун етарли даражадаги билим олиш ва кўникма шакллантиришни назарда тутадиган олий таълимдан кейинги ўқитиш шакли;

талабгор — қайта тайёрлаш курсларида таълим олиш учун мурожаат қилган олий маълумотга эга бўлган шахс;

тингловчи — кириш имтиҳонларидан муваффақиятли ўтган, ўқиш учун контракт тўловини тўлаган ва қайта тайёрлаш курсларига қабул қилинган шахс.

3. Тингловчилар Институт кенгаши томонидан курсни ташкил этиш шакли бўйича белгиланган ўринларга мувофиқ тўлов-контракт асосида қабул қилинади.

4. Тингловчилар суҳбат шаклида ўтказиладиган кириш имтиҳонларига кўра қабул қилинади.

5. Кириш имтиҳонлари юридик касбни танлашнинг асослантирилиши, ҳуқуқ соҳасидаги таянч билимлар ва таҳлилий фикрлашни аниқлаш нуқтаи назаридан ўтказилади.

6. Қайта тайёрлаш курсларида анъанавий ёки масофавий таълим шаклида давлат ва рус тилларида ўқитилади.

7. Кириш имтиҳонлари тингловчи қайта тайёрлаш курсларида таълим оладиган тилда ўтказилади.

8. Қайта тайёрлаш курсларида ўқитишнинг давомийлиги, қоида тариқасида, олти ойни ташкил этади.

Қайта тайёрлаш курсларида ишдан ажралган ҳолда ўқиш давомида тингловчиларнинг асосий иш жойидаги ўртача иш ҳақини сақлаб қолиш масаласи меҳнат қонунчилигида белгиланган тартибда ҳал қилинади.

9. Қайта тайёрлаш курсларида ўқиш иккинчи олий маълумот олиш ҳисобланмайди.

10. Қайта тайёрлаш курслари мазкур Низомга 1-иловадаги схемага мувофиқ ташкил этилади ва ўтказилади.

2-боб. Ҳужжатларни қабул қилиш ва қайта тайёрлаш курсларига қабулни ташкил этиш

11. Қайта тайёрлаш курсларига қабулни ташкил этиш учун Институт директорининг буйруғи билан Қабул комиссияси тузилади. Қабул комиссияси таркиби Институт ходимлари орасидан шакллантирилади. Институт директори лавозими бўйича қабул комиссиясининг раиси ҳисобланади.

12. Қабул комиссияси курсни ташкил этиш шаклидан келиб чиқиб, ҳужжатларни қабул қилиш муддатлари ва ўқиш учун ажратилган ўринларнинг умумий сони ҳақидаги маълумотларни, қоида тариқасида, ҳужжатларни қабул қилиш бошланишидан бир ҳафта олдин Институтнинг расмий веб-сайти ҳамда ижтимоий тармоқдаги расмий саҳифаларига жойлаштиради.

13. Қабул пайтида талабгорлар ҳужжатларни қабул қилиш учун махсус яратилган веб-сайт орқали таълим олиш тилини белгилаган ҳолда, мазкур Низомга 2-иловада кўрсатилган қайта тайёрлаш курсларига қабул қилиш ҳақидаги электрон аризани онлайн режимда тўлдиради.

14. Қабул қилиш тўғрисидаги аризага идентификацияловчи ID-карта (паспорт) ва олий маълумот тўғрисидаги диплом электрон шаклда илова қилинади.

Аризага илова қилинаётган ҳар бир ҳужжат ҳақиқийлиги сақланишини таъминловчи (ҳар бир дюймга 200 нуқтадан кам бўлмаган) алоҳида файл кўринишида бўлиши керак. Ҳар бир файл ўлчами 10 Мбдан ошмаслиги лозим.

Аризани ҳужжатлар PDF (portable document format) форматида сканер қилинган нусхалари кўринишида илова қилинган ҳолда жўнатишга йўл қўйилади.

15. Ушбу Низомнинг 13 ва 14-бандларида назарда тутилган талабларга мувофиқ барча ҳужжатлар тақдим этилганда, ариза 48 соат ичида ноёб рақам бериш орқали рўйхатга олинади ва талабгорга кириш имтиҳонлари ўтказиладиган кунда ҳужжатларнинг асл нусхаларини тақдим этиш ҳақида хабар берилади.

Аризага ноёб рақам бериш пайти қабул комиссияси томонидан ҳужжатлар қабул қилинган вақт ҳисобланади.

16. Тақдим қилинган ҳужжатлар мазкур Низомнинг 13 ва 14-бандларида назарда тутилган талабларга мувофиқ бўлмаганда, бир кун ичида аризада кўрсатилган электрон почта манзили бўйича талабгорга тегишли хабарнома юборилади. Бунда талабгорга кўрсатиб ўтилган камчиликларни тузатиш ва ҳужжатларни қабул қилишнинг белгиланган муддати тугагунга қадар уларни такроран тақдим этиш имкони берилади.

Ҳужжатларни қабул қилишнинг белгиланган муддати тугагандан сўнг уларга ўзгартириш ва қўшимчалар киритиш тақиқланади.

17. Қайта тайёрлаш курсларида ўқиш учун рўйхатга олинган аризалар сони тиллар кесимида қабул якунларига кўра Институтнинг расмий веб-сайтида жойлаштирилади.

18. Кириш имтиҳонлари Институт директори буйруғи билан тузилган Имтиҳон комиссияси томонидан ўтказилади. Имтиҳон комиссияси таркибига Институт ходимлари билан бир қаторда бошқа ташкилотларнинг вакиллари ҳам уларнинг раҳбарлари билан келишилган ҳолда киритилиши мумкин.

Имтиҳон комиссиясига комиссия аъзолари фаолиятини умумий мувофиқлаштирувчи раис раҳбарлик қилади. Имтиҳон комиссияси фаолиятини ташкилий жиҳатдан таъминлаш унинг котибига юкланади.

Жалб қилинган имтиҳон комиссияси аъзоларига шартнома асосида ҳақ тўланади.

19. Суҳбат саволларини тузиш учун эксперт гуруҳи ташкил этилади. Эксперт гуруҳи шартнома асосида тегишли соҳанинг малакали мутахассислари орасидан шакллантирилади. Эксперт гуруҳи фаолиятига қабул комиссияси раиси раҳбарлик қилади.

Кириш имтиҳонлари учун саволлар мазкур Низомнинг 5-бандида кўрсатилган мезонлар бўйича тузилади.

20. Тузиладиган саволларнинг сифати ва мазмуни юзасидан масъулият экспертлар гуруҳи аъзоларига юкланади.

21. Кириш имтиҳонлари билетлари экспертлар гуруҳи томонидан тузилган саволлардан шакллантирилади. Ҳар бир билет учта саволдан (ушбу Низомнинг 5-бандида кўрсатилган ҳар бир мезон бўйича биттадан) иборат бўлиши лозим.

22. Кириш имтиҳонларини ўтказиш жадваллари Институт директори томонидан тасдиқланади ва Институтнинг расмий веб-сайтида қоидага кўра суҳбат бошланишидан бир ҳафта олдин жойлаштирилади.

23. Заруратга кўра кириш имтиҳонлари ўтказилишига қадар консультациялар ташкил этилиши мумкин. Консультациялар жадвали Институт директори ўринбосари томонидан тасдиқланади.

24. Талабгорлар кириш имтиҳонлари ўтказиладиган кунда қабул комиссиясига мазкур Низомнинг 14-бандида кўрсатилган ҳужжатларнинг аслини тақдим этади.

Ҳужжатларнинг сохта ёки қалбакилиги аниқланганда, талабгор кириш имтиҳонларидан четлаштирилади.

25. Кириш имтиҳонлари бошланишидан олдин талабгор идентификацияловчи ID-картасини (паспорт) кўрсатиши шарт.

26. Кириш имтиҳонларига мобиль телефон ҳамда бошқа алоқа ва телекоммуникация воситаларини, шунингдек, имтиҳон жараёнларининг шаффоф ва адолатли ўтишига таъсир қиладиган бошқа ҳар қандай материалларни олиб кириш ва улардан фойдаланиш тақиқланади.

Кириш имтиҳони жараёнида талабгорнинг тақиқланган материаллардан фойдаланиши, фойдаланишга уриниши, бошқа талабгорлар билан мулоқот қилиши, шунингдек, имтиҳон ўтказиш тартибига зид бошқа хатти-ҳаракатлар содир қилиши унга нисбатан далолатнома расмийлаштирилиб, имтиҳондан четлаштирилишига асос бўлади.

27. Кириш имтиҳонларида талабгор учта саволдан иборат билетни танлайди. Талабгорга тайёрланиш учун ўн дақиқагача вақт ажратилади.

Суҳбат жараёнида талабгорга билет мазмуни доирасида қўшимча саволлар берилиши мумкин. Битта талабгор билан суҳбат ўн — ўн беш дақиқагача давом этади.

28. Кириш имтиҳонлари натижаларини аниқлаш учун имтиҳон комиссиясининг ҳар бир аъзоси бошқа аъзолардан мустақил равишда ҳар бир талабгор учун алоҳида баҳолаш варақасини тўлдиради ва уни имтиҳон комиссияси котибига тақдим этади.

Имтиҳон комиссиясининг котиби имтиҳон комиссияси аъзолари томонидан талабгорга қўйилган ўртача баллни ҳисоблайди.

Кириш имтиҳонлари натижалари рейтинг тизимига мувофиқ талабгорга қўйилган балларни (0 дан 100 гача бўлган доирада) назарда тутган ҳолда аниқланади ва Институт директори томонидан тасдиқланадиган Имтиҳон комиссияси мажлиси баённомасига киритилади.

Кириш имтиҳонлари курсни ташкил этиш шакли ва белгиланган ўринлар сонини инобатга олган ҳолда алоҳида ўтказилади.

29. Кириш имтиҳонлари натижалари Институтнинг расмий веб-сайтида суҳбат жараёнининг сўнгги босқичи бўлиб ўтгандан кейинги иш кунидан кечиктирмасдан жойлаштирилади.

30. Талабгор кириш имтиҳонларига келмаган тақдирда, унга 0 балл қўйилади. Талабгор суҳбат якуни бўйича белгиланган максимал баллнинг 55 фоизи ва ундан кам балл тўплаган тақдирда, қайта тайёрлаш курсларига қабул қилинмайди, табақалаштирилган тўлов-контракт асосида ўқишга қабул қилиниш ҳолатлари бундан мустасно.

31. Қайта тайёрлаш курсларига тингловчиларни қабул қилиш учун қайта кириш имтиҳонларини ўтказишга йўл қўйилмайди.

32. Кириш имтиҳонлари натижалари юзасидан Институтга шикоят қилиниши ва апелляция тартибида кўриб чиқилиши мумкин эмас.

33. Қайта тайёрлаш курсларига қуйидаги ҳолатларда қабул қилинади:

мазкур Низомнинг 3-бандига мувофиқ белгиланган ўринлар сонини инобатга олган ҳолда, кириш имтиҳонидан муваффақиятли ўтганда (суҳбатда белгиланган максимал баллнинг 55 фоизидан юқори балл тўплаганда);

Институт томонидан белгиланган муддатда талабгорнинг контракт тўлови суммаси ўтказилганда.

34. Кириш имтиҳонларидан муваффақиятли ўтган ва ўқиш учун маблағларни тўлаган талабгор Институт директорининг буйруғи билан ўқишга қабул қилинади.

35. Институт имкониятларидан келиб чиққан ҳолда, кириш имтиҳони натижаларига кўра қабул қилинмаган талабгорлар қўшимча равишда табақалаштирилган тўлов-контракт асосида қабул қилиниши мумкин.

Қўшимча равишда табақалаштирилган тўлов-контракт асосида ўқиш истагида бўлган талабгорлар Институт томонидан белгиланган муддатларда тўлов-контракт шартлари бажарилгандан сўнг Институт директорининг буйруғи билан ўқишга қабул қилинади.

36. Тасдиқланган намунадаги тўлов-контракт бланкалари кириш имтиҳонлари натижалари эълон қилинган кундан бошлаб юридик шахслар учун уч нусхада, жисмоний шахслар учун икки нусхада берилади ҳамда Институт директори ва бухгалтери имзолари билан тасдиқланади.

Қайта тайёрлаш курсларида ўқиш учун тўлов-контракт суммаси миқдори таълим шаклини инобатга олган ҳолда Институт кенгаши томонидан тасдиқланади.

3-боб. Қайта тайёрлаш курсларида ўқув юкламаси ҳажми

37. Аудитория ўқув юкламасининг энг кўп ҳажми ҳафтасига 36 соат этиб белгиланади.

Ўқитиш давомийлиги, қоида тариқасида, 24 ҳафтани ташкил этади. Институт заруратга кўра ўқитиш давомийлиги ва ўқув дастурларининг ҳажмига ўзгартириш киритиши мумкин.

38. Умумий ўқув вақти ҳажми қуйидагича тақсимланади:

назарий таълим — 18 — 21 ҳафта;

аттестация (якуний имтиҳонлар) — 2 — 4 ҳафта;

Давлат аттестацияси — 1-2 ҳафта.

4-боб. Қайта тайёрлаш курсларида ўқув жараёни

39. Ўқув жараёни Институт кенгаши томонидан таълим шакллари бўйича тасдиқланган малака талаблари, ўқув режалари ва дастурларига мувофиқ ташкил этилади.

40. Ўқув жараёнида ўқув машғулотларининг қуйидаги асосий турлари қўлланилади — маъруза ва семинар.

Ўқув машғулотларининг қўшимча турлари — клиник таълим, суд мажлислари имитацияси (moot court), сайёр машғулотлар ва дарс машғулотларини ташкил этишнинг амалиётга йўналтирилган замонавий шакллари — кейс-стади, илмий тақдимотлар, жамоада ишлаш ва бошқалар ҳам қўлланилиши мумкин.

41. Масофавий таълим шаклидаги қайта тайёрлаш курсларида ўқув жараёни махсус таълим платформаларида, онлайн (реал вақт режимида) ҳамда офлайн (видеомаърузалар, мавзуга доир маърузалар матни, ассесмент топшириқлари, амалиёт материаллари таҳлили, кичик назорат ишини бажариш орқали тегишли ўқув-методик ресурсларни мустақил равишда ўзлаштириш) режимда ташкил қилинади.

42. Барча турдаги аудитория машғулотларининг давомийлиги 80 дақиқани, ўқув машғулотлари ўртасидаги танаффус камида 10 дақиқани ташкил этади.

43. Ўқув жараёни, қоида тариқасида, 25 кишидан ортиқ бўлмаган тингловчилардан иборат академик гуруҳларда ташкил қилинади.

44. Тингловчиларнинг билими, қоида тариқасида, қуйидаги 3 та турдаги — жорий, оралиқ ва якуний назорат турлари бўйича баҳоланади.

Масофавий таълим шаклида ташкил этилган қайта тайёрлаш курсларида якуний назорат тингловчининг бевосита иштирокида Институт аудиторияларида ўтказилади.

Асосий иш жойидан ажралмаган ҳолда масофавий таълим олаётган тингловчиларга бевосита Институтга келиши талаб этиладиган якуний назоратни топшириш вақтида ўртача ойлик маоши сақланган қўшимча таътил берилади.

Тингловчиларнинг билимлари ёзма ишларни текшириш ва баҳолашда анонимликни таъминлайдиган, асосан ёзма шаклда назорат қилинади.

Муайян назорат турларидан ўтолмаган тингловчиларга фақат бир марта қайта топшириш имконияти берилади.

45. Қайта тайёрлаш курсларида ўқув жараёнларини ташкил этиш ва тингловчилар билимини баҳолаш Институт кенгаши томонидан тасдиқланадиган низом асосида назорат қилинади. Бунда тингловчиларнинг фанлар (курслар)ни ўзлаштириш даражасининг назорати электрон тизим орқали амалга оширилади.

46. Ўқув режасига киритилган фанларни (курслар) ўзлаштирмаган тингловчилар Давлат аттестациясига қўйилмайди.

5-боб. Тингловчиларнинг Давлат аттестацияси

47. Тингловчилар Давлат аттестациясига ўқув режасига киритилган фанларни (курслар) ўзлаштиргандан сўнг қўйилади.

48. Ўзбекистон Республикаси адлия вазирининг буйруғи билан тингловчиларнинг Давлат аттестациясини ўтказиш бўйича давлат аттестация комиссияси тузилади.

49. Тингловчиларнинг Давлат аттестациясини ташкил этиш ва ўтказишга доир талаблар Институт кенгаши томонидан тасдиқланади.

50. Давлат аттестация комиссиясининг қарори Институт директори томонидан тингловчиларга белгиланган намунадаги дипломларни бериш тўғрисидаги буйруқни қабул қилиш учун асос ҳисобланади.

51. Қайта тайёрлаш курслари якунлари бўйича тингловчиларга мазкур Низомга 3-иловада белгиланган шаклда давлат намунасидаги диплом берилади.

52. Давлат аттестацияси якунлари бўйича қониқарсиз баҳо олган шахсларга фақат бир марта кейинги қайта тайёрлаш курсларида Давлат аттестациясини такроран топшириш имконияти берилади.

53. Давлат аттестацияси комиссияси аъзолари меҳнатига ҳақ тўлаш меҳнатга соатбай ҳақ тўлашнинг белгиланган миқдорларидан келиб чиққан ҳолда белгиланади.

6-боб. Якунловчи қоидалар

54. Қайта тайёрлаш курсларидаги педагоглик фаолиятига профессор-ўқитувчи, амалиётчи мутахассислар, шунингдек, суд ва ҳуқуқни муҳофаза қилувчи органлар ходимлари, адвокатлар меҳнатига соатбай ҳақ тўлаш тартибидаги шартнома асосида жалб этилиши мумкин.

55. Тингловчилар қуйидаги ҳолатларда ўқув курсидан четлаштирилади:

ўз хоҳишига биноан;

узрли сабабларсиз ўқув машғулотларини ўттиз соатдан ортиқ қолдирганда;

ўқув режасидаги фан (курс)ни ўзлаштирмаганда;

ўқув интизоми ва Институт тингловчиларининг ички тартиб-қоидаларини мунтазам равишда ёки бир маротаба қўпол равишда бузганда;

саломатлиги туфайли (тиббий комиссия маълумотномаси асосида);

суд томонидан озодликдан маҳрум этилганда;

вафот этганда.

Тингловчилар ўқишдан четлаштирилганда ўқиш учун тўланган контракт суммаси қайтарилмайди.

Узрли сабаблар билан тингловчи курсдан четлаштирилганда, кейинги курсларда таълим олиш имконияти берилиши мумкин.

56. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавобгар бўладилар.

Олий маълумотга эга бўлган шахсларни юридик мутахассислик бўйича қайта тайёрлаш курслари тўғрисидаги низомга 1-ИЛОВА

Олий маълумотга эга бўлган шахсларни юридик мутахассислик бўйича қайта тайёрлаш курсларини ташкил қилиш ва ўтказиш

Босқичлар Субъектлар Тадбирлар Бажариш муддатлари 1-босқич Институт 1. Тегишли йил учун қабул комиссияси таркибини тасдиқлайди. 2. Ҳужжатларни қабул қилиш муддатлари ва ўқишга қабул қилиш учун ўринларнинг умумий сони тўғрисида эълон беради. 3. Имтиҳон комиссияси ва Эксперт гуруҳини тузади. Ҳужжатларни қабул қилиш бошланишидан, қоида тариқасида, бир ҳафта олдин 2-босқич Қабул комиссияси 1. Ҳужжатларни қабул қилади. Қабул вақти давомида Институт 2. Суҳбат ўтказиш жадвалини эълон қилади. Суҳбат бошланишидан бир ҳафта олдин 3-босқич Имтиҳон комиссияси 1. Суҳбат ўтказади. Ўқув жараёни бошланишидан, қоида тариқасида, бир ой олдин Институт 2. Суҳбат натижаларини эълон қилади. Суҳбат ўтказилганидан кейинги иш куни 4-босқич Институт 1. Қайта тайёрлаш курсларига тингловчиларни қабул қилади. Ўқув машғулотлари бошланганидан сўнг ўн кун ичида Давлат аттестация комиссияси 2. Ўқув жараёнини ташкил этади. Ўқув жараёни давомида 3. Давлат аттестациясини ўтказади. Ўқув жараёнининг якуни бўйича 5-босқич Институт Диплом беради. Курсларнинг якуни бўйича

Олий маълумотга эга бўлган шахсларни юридик мутахассислик бўйича қайта тайёрлаш курслари тўғрисидаги низомга 2-ИЛОВА

Institut direktori __________________________ (F.I.O.) fuqaro:______________________dan (familiya, ismi, otasining ismi) ARIZA Menga oliy maʼlumotga ega boʻlgan shaxslarni yuridik mutaxassislik boʻyicha qayta tayyorlash kurslarida oʻqish uchun kirish imtihonlariga ruxsat berishingizni soʻrayman. Men tugatgan oliy taʼlim yoʻnalishining nomi: _____________________________________________ _______________________________________________________________________________ Arizaga ilova qilaman: 1. _____________________________________________________________________________ 2. _____________________________________________________________________________ 3. _____________________________________________________________________________ 4. _____________________________________________________________________________ Aloqa maʼlumotlari _________________________________________________ ____________________________ (Telefon raqami) 20___-yil «_____»__________ ___________________ imzo

Олий маълумотга эга бўлган шахсларни юридик мутахассислик бўйича қайта тайёрлаш курслари тўғрисидаги низомга 3-ИЛОВА

Олий маълумотга эга бўлган шахсларни юридик мутахассислик бўйича қайта тайёрлаш курсларини тугатганлиги тўғрисида давлат намунасидаги диплом

Ўзбекистон Республикаси давлат герби O ʻ zbekiston Respublikasi Qayta tayyorlash haqida DIPLOM QT № 000000 ________________________________________________________________________ (Tinglovchining familiyasi, ismi, otasining ismi) 20 _____-yil ________________dan 20 _____-yil _____________________gacha Adliya vazirligi huzuridagi Yuridik kadrlarni qayta tayyorlash va malakasini oshirish institutida ____________________________________ soatga moʻljallangan _______________________________________________________________________________________ (Qayta tayyorlash kursining nomi) qayta tayyorlash kursida taʼlim olib, Davlat attestatsiyasida _________ ball bilan baholandi va qayta tayyorlash oʻquv kursini muvaffaqiyatli tamomladi. Muhr oʻrni Direktor ___________________ Sana ___________________ Qayd raqami _______________

Олий маълумотга эга бўлган шахсларни юридик мутахассислик бўйича қайта тайёрлаш курсларини тугатганлиги тўғрисида давлат намунасидаги диплом

ТАВСИФИ

Диплом А4 форматли оқ қоғозда офсет усулида беш хил рангдан фойдаланган ҳолда: матн учун — қора рангда, расмлар тасвири учун — яшил, кўк, қизил рангларда, фон учун — оч пушти рангда босиб чиқарилади.

Дипломнинг чап қисмида четидан 10 мм чекинган ҳолда, эни 32 мм бўлган Ўзбекистон Республикаси Давлат байроғи тасвирланган тасма жойлаштирилади. Тасманинг юқори қисмида диаметри 30 мм бўлган Ўзбекистон Республикаси Давлат герби, пастки қисмида эса — 35 мм ўлчамли иккита квадрат қўшилишидан ҳосил бўлган саккиз қиррали юлдуз, юлдузнинг ўртасида муҳр учун 25 мм диаметрли оқ айлана жойлашган.

Дипломнинг қолган юқори қисмида давлат тилида «OʻZBEKISTON RESPUBLIKASI. Qayta tayyorlash haqida DIPLOM» сўзлари босилади. Диплом икки ҳарф — QT ва олти рақамли сондан иборат тартиб рақамига эга. Барча матн нақшли растрдан иборат оч кулранг фонда босиб чиқарилади.

Диплом:

босиб чиқаришнинг икки усули — офсет ва юқори усули;

ёруғлик воситасида нусха кўчиришни қийинлаштириш учун очиқ ранглар;

нақшли растр;

ҳар хил рангли растрлардан фойдаланиш натижасида турли рангларни ҳосил қилиш;

махсус қоғоз;

ўзгарадиган рақамлардан иборат тартиб рақами қўлланган ҳолда олтита ҳимояга эга.

Вазирлар Маҳкамасининг 2025 йил 19 мартдаги 171-сон қарорига 5-ИЛОВА

Умумий ўрта, ўрта махсус ва профессионал таълим муассасаларида ҳуқуқий фанлардан дарс берадиган, олий ноюридик маълумотга эга педагог кадрларни қайта тайёрлаш курслари тўғрисида

1-боб. Умумий қоидалар

1. Ушбу Низом Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институтида (кейинги ўринларда — Институт) умумий ўрта, ўрта махсус ва профессионал таълим муассасаларида ҳуқуқий фанлардан дарс берадиган, олий ноюридик маълумотга эга педагог кадрларни қайта тайёрлаш курсларини ташкил этиш ва ўтказиш тартибини белгилайди.

2. Ушбу Низомда қуйидаги асосий тушунчалар қўлланилади:

буюртманома — муайян давр учун буюртмачи томонидан педагог кадрларни касбий қайта тайёрлаш курсларига қабул қилиш учун Институтга тақдим этиладиган педагог кадрлар рўйхати;

буюртмачи — Ўзбекистон Республикаси Олий таълим, фан ва инновациялар вазирлиги, Мактабгача ва мактаб таълими вазирлиги ва тизимида умумий ўрта, ўрта махсус ҳамда профессионал давлат таълим муассасалари бўлган вазирликлар ҳамда идоралар, шунингдек, умумий ўрта, ўрта махсус ва профессионал таълим соҳасидаги нодавлат таълим ташкилотлари;

масофавий таълим — ўқув дастурларини ишлаб чиқаришдан ажралмаган ҳолда, онлайн (реал вақт режимида) ҳамда оффлайн (видеомаърузалар, мавзуга доир маърузалар матни, ассесмент топшириқлари, амалиёт материаллари таҳлили, кичик назорат ишини бажариш орқали тегишли ўқув-методик ресурсларни мустақил бажариш) режим орқали ахборот-коммуникация технологияларидан фойдаланган ҳолда масофадан туриб ўзлаштириш;

педагог кадр — умумий ўрта, ўрта махсус ва профессионал таълим муассасаларида ҳуқуқий фанлардан дарс берувчи мутахассис;

талабгор — касбий қайта тайёрлаш курсларида ўқитиш мақсадида белгиланган тартибда тасдиқланган режа-графикка мувофиқ буюртманома асосида йўналтирилган шахс;

тингловчи — ўқиш учун тўлов-контракт суммасини тўлаган ва касбий қайта тайёрлаш курсларига қабул қилинган шахс;

умумий ўрта, ўрта махсус ва профессионал таълим муассасаларида ҳуқуқий фанлардан дарс берадиган, олий ноюридик маълумотга эга педагог кадрларни қайта тайёрлаш курслари (кейинги ўринларда — касбий қайта тайёрлаш курслари) — умумий ўрта, ўрта махсус ва профессионал таълим муассасаларида ҳуқуқий фанлар бўйича юқори савияда педагогик фаолиятни юритиш учун етарли даражадаги билим олиш ва кўникма шакллантиришни назарда тутадиган ўқитиш шакли.

3. Касбий қайта тайёрлаш курслари, қоида тариқасида, масофавий таълим шаклида давлат ва рус тилларида ўтказилади.

4. Касбий қайта тайёрлаш курсларида Институт кенгаши томонидан тасдиқланадиган тўлов-контракт асосида ўқитилади.

Бунда тўлов-контракт суммасини ушбу курсларда ўқиш давомида бўлиб-бўлиб тўлаш имконияти назарда тутилади.

5. Касбий қайта тайёрлаш курслари, қоида тариқасида, Институт кенгаши томонидан тасдиқланадиган тўрт ойлик ўқув режаси ва дастурларига мувофиқ ўтказилади.

6. Касбий қайта тайёрлаш курсларида ўқиш иккинчи олий маълумот олиш ҳисобланмайди.

7. Олий маълумотга эга бўлмаган педагог кадрлар касбий қайта тайёрлаш курсларига қабул қилинмайди.

2-боб. Касбий қайта тайёрлаш курсларига қабулни ташкил этиш

8. Буюртмачи ҳар йили 15 ноябрга қадар кейинги календарь йилда касбий қайта тайёрлаш курсларида ўқиши режалаштирилган педагог кадрлар рўйхатини Институтга тақдим этади.

Касбий қайта тайёрлаш курсларида ўқишни хоҳловчи педагог кадрлар аризасини буюртмачи томонидан қабул қилиш ва Институтга тақдим этиш махсус электрон платформа орқали онлайн рўйхатдан ўтказишни назарда тутган ҳолда ташкил этилиши мумкин.

9. Курс муддати, талабгорлар рўйхати акс эттирилган режа-график буюртмачи ва Институт томонидан тасдиқланиб, ҳар йили 15 декабрдан кечиктирмасдан, буюртмачи томонидан талабгорларнинг асосий иш жойига тақдим этилади ҳамда талабгорлар босқичма-босқич курсларга йўналтирилади.

Касбий қайта тайёрлаш курслари буюртманомасини тўғри шакллантириш — педагог кадрларнинг тегишли таълим муассасасида ишлаши ва ҳуқуқий фанлардан дарс беришини, олий маълумотга эгалигини инобатга олиш, ўз тизимидаги ҳуқуқий фанлардан дарс берувчи олий ноюридик маълумотга эга педагогларни курсларга ўқитиш учун йўналтириш буюртмачи зиммасида бўлади.

10. Талабгорлар ўқиш олдидан қуйидаги ҳужжатларни Институтга тақдим қиладилар:

талабгорни касбий қайта тайёрлаш курсларига юбориш тўғрисида асосий иш жойидан чиқарилган буйруқ (ишдан ажралган ҳолда курсга йўналтирилганда);

идентификацияловчи ID-картаси (паспорти);

олий маълумот тўғрисидаги ҳужжат (диплом).

11. Касбий қайта тайёрлаш курсларида ўқиш учун тўлов-контракт суммасини тўлаган талабгорлар Институт директорининг буйруғи билан тингловчи сифатида ўқишга қабул қилинади.

12. Тасдиқланган режа-графикка мувофиқ ўқув жараёни бошлангунга қадар Институтга ўқиш учун мурожаат қилмаган ёки ўқиши учун белгиланган тўловни тўламаган талабгорлар касбий қайта тайёрлаш курсларига қабул қилинмайди ва бу ҳақида тегишли равишда буюртмачига хабар берилади.

Бундай ҳолатда талабгор кейинги ташкил этиладиган курсларда ўқишга қабул қилиниши мумкин.

3-боб. Касбий қайта тайёрлаш курсларида ўқув юкламаси ҳажми ва ўқув жараёни

13. Касбий қайта тайёрлаш курсларида ўқув жараёни давомийлиги, қоида тариқасида, 16 ҳафтани ташкил этади. Институт заруратга кўра ўқув жараёни давомийлиги ва ўқув дастурларининг ҳажмига ўзгартириш киритиши мумкин.

Умумий ўқув вақти ҳажми қуйидагича тақсимланади:

назарий (амалий) таълим — 15-16 ҳафта;

якуний имтиҳон — 1 ҳафта.

14. Касбий қайта тайёрлаш курсларида ўқув жараёни Институтнинг ва масофавий таълимга оид махсус бошқа таълим платформаларида онлайн ҳамда оффлайн режимда ташкил қилинади.

Ўқув машғулотларини ташкил этиш, ўтказиш тартиби ва давомийлиги тегишли ўқув дастурларида белгиланади.

Касбий қайта тайёрлаш курслари масофавий (ишдан ажралмаган ҳолда) таълим шаклида ташкил этилишидан келиб чиқиб, ўқув жараёнлари дуал таълим принципи асосида ташкил этилади.

Бунда курснинг ўқув режаси ва дастурлари таълимнинг назарий қисми Институт базасида (тегишли таълим платформаларида), амалий қисми эса тингловчининг асосий иш жойида (таълим жараёни билан бирга) ташкил этилишини назарда тутган ҳолда ишлаб чиқилади.

15. Ўқув жараёнида ўқув машғулотлари, қоида тариқасида, маъруза ва семинар шаклларида ташкил этилади.

Ўқув машғулотларининг қўшимча турлари — клиник таълим, суд мажлислари имитацияси (moot court), сайёр машғулотлар ва дарс машғулотларини ташкил этишнинг амалиётга йўналтирилган замонавий шакллари — кейс-стади, илмий тақдимотлар, жамоада ишлаш ва бошқалар ҳам қўлланилиши мумкин.

16. Барча турдаги ўқув машғулотларининг давомийлиги, қоида тариқасида, 80 дақиқани, ўқув машғулотлари ўртасидаги танаффус камида 10 дақиқани ташкил этади.

Ўқув жараёни, қоида тариқасида, 25 кишидан ортиқ бўлмаган тингловчилардан иборат академик гуруҳларда ташкил қилинади.

17. Тингловчилар фанларни махсус электрон платформа орқали ўзлаштириб, барча модулларни ўзлаштирган тингловчиларга якуний имтиҳонга рухсат берилади.

4-боб. Тингловчиларнинг якуний имтиҳони

18. Касбий қайта тайёрлаш курсларида тингловчиларнинг якуний имтиҳони тест синовлари шаклида ўтказилади. Бунда тест синовлари онлайн режимида ўтказилиши ҳам мумкин.

Тест синовларини онлайн ёки оффлайн режимида ўтказиш Институт томонидан белгиланади.

19. Якуний имтиҳонда тест синовлари учун ажратилган максимал баллнинг 56 фоизидан кам балл тўплаган тингловчилар курсларни муваффақиятли ўзлаштирмаган ҳисобланади.

Тест синовларидан муваффақиятли ўта олмаган тингловчиларга кейинги касбий қайта тайёрлаш курслари якунида фақат бир марта қайта топшириш имкони берилади.

Бунда тингловчилар тест синовларини пулли асосида буюртмачининг маблағлари ёки тингловчининг ўз ҳисобидан такроран топширади.

Тест синовлари учун тўланадиган тўлов миқдори Институт томонидан белгиланади.

20. Якуний имтиҳондан муваффақиятли ўтган касбий қайта тайёрлаш курслари тингловчиларига Институт директорининг буйруғи билан мазкур Низомга иловада белгиланган намунадаги диплом берилади.

21. Тингловчиларнинг билимини баҳолаш ва якуний назоратни ўтказишга доир талаблар Институт кенгаши томонидан белгиланади.

5-боб. Якунловчи қоидалар

22. Касбий қайта тайёрлаш курсларини муваффақиятли тугатган ва белгиланган намунадаги дипломни олган тингловчилар — мактаб таълими тизими педагог кадрлари беш йил давомида, ўрта махсус ва профессионал таълим тизими педагог кадрлари уч йил давомида белгиланган даврийликка мувофиқ малака оширишдан озод этилади.

23. Касбий қайта тайёрлаш курсларида ўқув машғулотларини олиб бориш, шунингдек, ўқув материалларини тайёрлаш ҳамда назорат ишларини текшириш учун юқори малакали мутахассислар, педагоглар, шу жумладан, суд ва ҳуқуқни муҳофаза қилувчи органлар ходимлари, адвокатлар ва бошқа мутахассислар меҳнатга соатбай ҳақ тўлаш тартибида шартнома асосида жалб этилиши мумкин.

24. Тингловчилар қуйидаги ҳолатларда касбий қайта тайёрлаш курсларидан четлаштирилади:

ўз хоҳишига биноан;

Институт тингловчиларининг ички тартиб-қоидалари мунтазам равишда ёки бир маротаба қўпол равишда бузганда;

ўқув режасидаги фан(лар)ни ўзлаштирмаганда;

узрли сабабларсиз ўқув машғулотларини ўттиз академик соатдан ортиқ қолдирганда;

якуний имтиҳондан муваффақиятли ўта олмаганда;

саломатлиги туфайли (тиббий комиссия маълумотномаси асосида);

суд томонидан озодликдан маҳрум этилганда;

вафот этганда.

Тингловчи касбий қайта тайёрлаш курсларидан четлатилганда, унга Институт томонидан сабаблари кўрсатилган ҳолда маълумотнома берилиши мумкин, шунингдек, бу ҳақида уни касбий қайта тайёрлашга юборган буюртмачига хабар берилади.

25. Касбий қайта тайёрлаш курслари тингловчилари курсларда таълим олишни рад этганда ёки ўқишдан четлаштирилганда, ўқиш учун тўланган тўлов-контракт суммаси қайтарилмайди.

Узрли сабаблар билан тингловчи курсдан четлаштирилганда, кейинги курсларда таълим олиш имконияти берилиши мумкин.

26. Мазкур Низом талабларининг бузилишида айбдор шахслар қонунчилик ҳужжатларига мувофиқ жавобгар бўладилар.

Умумий ўрта, ўрта махсус ва профессионал таълим муассасаларида ҳуқуқий фанлардан дарс берадиган, олий ноюридик маълумотга эга педагог кадрларни қайта тайёрлаш курслари тўғрисидаги низомга ИЛОВА

Қайта тайёрлаш ҳақида давлат намунасидаги диплом

Ўзбекистон Республикаси Давлат герби Oʻzbekiston Respublikasi Qayta tayyorlash haqida DIPLOM QT № 000000 ___________________________________________________________________ (tinglovchining familiyasi, ismi, otasining ismi) 20____-yil ________________dan 20______-yil _________________gacha Adliya vazirligi huzuridagi Yuridik kadrlarni qayta tayyorlash va malakasini oshirish institutida _________________ soatga moʻljallangan _______________________________ __________________________________________________________________ (qayta tayyorlash kursining nomi) kursida taʼlim olib, uni muvaffaqiyatli yakunladi. Muhr oʻrni Direktor _________________ Sana ____________________ Qayd raqami ________________

Қайта тайёрлаш ҳақида давлат намунасидаги дипломининг

ТАВСИФИ

Қайта тайёрлаш тўғрисидаги диплом А4 форматли оқ қоғозда офсет усулида беш хил рангдан фойдаланган ҳолда: матн учун — қора рангда, расмлар тасвири учун — яшил, кўк, қизил рангларда, фон учун — оч пушти рангда босиб чиқарилади.

Варақнинг чап қисмида четидан 10 мм чекинган ҳолда, эни 32 мм бўлган Ўзбекистон Республикаси Давлат байроғи тасвирланган тасма жойлаштирилади. Тасманинг юқори қисмида диаметри 30 мм бўлган Давлат герби, паст қисмида эса — 35 мм ўлчамли иккита квадрат қўшилишидан ҳосил бўлган саккиз қиррали юлдуз, юлдузнинг ўртасида муҳр учун 25 мм диаметрли оқ айлана жойлашган.

Варақнинг қолган қисмида юқорида давлат тилида «OʻZBEKISTON RESPUBLIKASI. Qayta tayyorlash haqida DIPLOM» сўзлари босилади. Диплом икки ҳарф — QТ ва олти рақамли сондан иборат тартиб рақамига эга. Барча матн нақшли растрдан иборат оч пушти ранг фонда босиб чиқарилади.

Диплом:

ёруғлик воситасида нусха кўчиришни қийинлаштириш учун очиқ ранглар;

нақшли растр;

ҳар хил рангли растрлардан фойдаланиш йўли билан турли рангларни ташкил этиш;

ўзгарадиган рақамлардан иборат тартиб рақами қўлланган ҳолда тўртта ҳимояга эга.

Вазирлар Маҳкамасининг 2025 йил 19 мартдаги 171-сон қарорига 6-ИЛОВА

Юридик кадрларни қайта тайёрлаш ва малакасини ошириш институти фаолиятини ташкил қилиш бўйича

Т/р Чора-тадбирлар Амалга ошириш шакли Ижро муддати Молиялаштириш манбалари Масъул ижрочилар I. Юридик кадрларни қайта тайёрлаш ва малакасини ошириш институти фаолиятини самарали ташкил қилиш 1. Юридик кадрларни қайта тайёрлаш ва малакасини ошириш институтининг (кейинги ўринларда — Институт) штатлар жадвалини ишлаб чиқиш ва тасдиқлаш. Идоравий ҳужжат 2025 йил апрель - Адлия вазирлиги (А. Ташкулов) 2. Тегишли соҳалардаги кадрларни қайта тайёрлаш ва уларнинг малакасини ошириш бўйича давлат таълим талабларини ишлаб чиқиш. Идоравий ҳужжат 2025 йил май - Адлия вазирлиги (А. Ташкулов), манфаатдор вазирлик ва идоралар 3. Институтда тингловчилар билимини назорат қилиш тартиби ва баҳолаш мезонларини белгилаш. Институт кенгаши қарори 2025 йил апрель - Адлия вазирлиги (А. Ташкулов) 4. Институтда профессор-ўқитувчиларни очиқ танлов асосида ишга қабул қилиш тартиби тўғрисидаги низомни ишлаб чиқиш ва қабул қилиш. Институт кенгаши қарори 2025 йил апрель - Адлия вазирлиги (А. Ташкулов) 5. Институтни ўқитишнинг замонавий шакл ва услубларини қўллаш кўникмаларига ҳамда амалий иш тажрибасига эга, шунингдек, хорижий тилларни эгаллаган малакали кадрлар билан тўлдириш. Ташкилий чора-тадбирлар 2025 йил давомида - Адлия вазирлиги (А. Ташкулов) 6. Узлуксиз касбий ривожлантириш тизимида ўқув курслари бўйича бир кредит таркиби ва ўқиш даврини тамомлаш учун тингловчи томонидан тўпланиши лозим бўлган кредитларнинг умумий сони ҳамда ушбу шакл бўйича малака ошириш тартибини белгилаш. Идоравий норматив-ҳуқуқий ҳужжат 2025 йил май - Адлия вазирлиги (А. Ташкулов) 7. Қуйидаги устувор масалаларда Институтни ҳар томонлама ривожлантиришга кўмаклашиб бориш: Институтни стратегик ривожлантириш, унинг халқаро нуфузини ошириш, таълим фаолиятини халқаро стандартлар даражасига кўтариш, илмий-педагогик ва моддий-техник салоҳиятни кучайтириш; доимий равишда кадрлар малакасини оширишнинг илғор шакл ва усулларини жорий этиш, ўқув-методик ресурсларни ишлаб чиқиш, таълим дастурларини доимий такомиллаштириш; буюртмачи ташкилотлар билан манфаатли ҳамкорликни йўлга қўйиш, юридик кадрларнинг касбий ўсишини мониторинг қилиш, шунингдек, етакчи хорижий таълим ва илмий-тадқиқот муассасалари билан ҳамкорлик алоқаларини кенгайтириш; таълим ва илмий муассасалар, ҳуқуқни муҳофаза қилувчи органлар ҳамда хорижий ҳамкорлар билан таълим ва илм-фан соҳаларида мақсадли ҳамкорлик ўрнатиш ва ривожлантириш; профессор-ўқитувчилар, бошқа ходимлар ва тингловчиларни стажировка ўташи учун зарур шарт-шароитларни яратиш, шу жумладан, уларнинг малакасини ошириш соҳасида халқаро ҳамкорликни йўлга қўйиш ва ривожлантириш; илмий ишланмалар натижаларини қонун ижодкорлиги фаолияти ҳамда ҳуқуқни қўллаш амалиётига жорий этиш; Институт фаолиятини таъминлаш ва ривожлантириш учун бюджетдан ташқари маблағлар, ҳомийлик хайрияларини жалб этиш. Ташкилий чора-тадбирлар Доимий Институт ва Адлия вазирлигининг бюджетдан ташқари маблағлари Адлия вазирлиги (А. Ташкулов) II. Ўқув жараёнини ривожлантириш, таълим сифати ва самарадорлигини ошириш 8. Илғор хорижий давлатлар тажрибалари асосида таълим жараёнини сифатли ташкил қилиш, ўқув технологиялари ва методикаларини трансформация қилиш. Бунда: таълим жараёнларини бошқариш ва автоматлаштириш бўйича халқаро стандартлар ва технологияларни жорий этиш орқали «Рақамли институт» платформаси яратилади; «Рақамли институт» платформаси орқали юридик кадрлар тегишли компетенциялар бўйича касбий диагностикадан ўтказилади; касбий диагностика натижасига кўра юридик кадрларнинг билим ва кўникмалари паспорти ва индивидуал касбий ривожланиш дастури тузилади ва у орқали кадрлар малака оширишга йўналтирилади; ю ридик кадрларга ўз касбий ривожланиш эҳтиёжларини қондиришга йўналтирилган малака ошириш шакллари ҳамда дастурларини мустақил танлаш ва ўзлаштириш имконияти яратилади; ўқув жараёни рақамлаштирилади, шу жумладан, ўқув машғулотлари жадвали шакллантирилади, имтиҳонлар ўтказилади, таълим олувчилар баҳоланади ва уларнинг рейтинги шакллантирилади; тингловчиларнинг малака оширишга бўлган эҳтиёжини аниқлаш учун рақамли портфолио тизими жорий қилинади, уларнинг касбий фаолият самарадорлиги баҳоланади ва рейтинги юритилади; малака оширишнинг мақсади, вазифалари ва мазмунидан келиб чиқиб, ўқув жараёни ташкил этилади ва кадрларнинг узлуксиз малака ошириши учун таълим дастурлари доимий янгилаб борилади; «Рақамли институт» платформаси ваколатли давлат органларининг ахборот тизимлари билан интеграция қилинади; тингловчиларнинг узлуксиз касбий ривожланишини мониторинг қилиш тизими жорий этилади; ўқув жараёни амалий ва ҳуқуқий низоларни таҳлил қилишга қаратилган билим ва кўникмаларга асосланган ёндашувга мувофиқ ташкил этилад и, уларнинг камида 40-50 фоизи амалий машғулотларга ажратилади; мантиқий фикрлаш, таҳлил ва тадқиқотга йўналтирилган замонавий педагогик технологиялар ва таълимнинг илғор ёндашувлари жорий этилади; таълим олувчини касбий фаолиятда рағбатлантиришга қаратилг ан касбий мотивация тизимини жорий этган ҳолда малака ошириш ва қайта тайёрлаш тизими жозибадорлигини ошириш чоралари кўрилади; бошқарув механизмлари миллий ва халқаро стандартлар асосида модернизация қилинади. Ташкилий чора-тадбирлар 2025 йил июнь Институтнинг бюджетдан ташқари маблағлари Адлия вазирлиги (А. Ташкулов), Рақамли технологиялар вазирлиги (Ш. Шерматов) 9. Ўқув жараёнига замонавий педагогик ва ахборот-коммуникация технологиялари, шунингдек, масофавий таълим ҳамда ўқув машғулотларининг интерфаол («ақлий ҳужумлар», «кейс стади», «жамоа бўлиб ишлаш» ҳамда билим ва кўникмалар беришнинг бошқа замонавий шакллари) ва муаммоли-вазиятли услубларини кенг жорий этиш. Комплекс чора-тадбирлар 2025 йил апрель - Адлия вазирлиги (А. Ташкулов) 10. Адлия органл ари ва муассасалари ходимларига мартаба даражаларини бериш бўйича махсус малака ошириш курсларининг ўқув дастурларини ходимларга бериладиган мартаба даражасидан келиб чиқиб ишлаб чиқиш ва мунтазам янгилаб бориш . Комплекс чора-тадбирлар 2025 йил апрель - Адлия вазирлиги (А. Ташкулов) 11. Институтда ўқув жараёнининг сифатини ошириш бўйича тажриба алмашиш мақсадида юридик кадрларни тайёрловчи, қайта тайёрловчи ва уларнинг малакасини оширувчи таълим ва илмий-тадқиқот, шу жумладан, хорижий давлатлар муассасалари ҳамда халқаро ташкилотлар билан самарали идоралараро ҳамкорликни кенгайтириш. Комплекс чора-тадбирлар 2025 йил май Институт ва Адлия вазирлигининг бюджетдан ташқари маблағлари Адлия вазирлиги (А. Ташкулов), манфаатдор вазирлик ва идоралар 12. Юридик кадрларни қайта тайёрлаш ва уларнинг малакасини оширишга қўйиладиган малака талабларини ишлаб чиқиш ва тасдиқлаш. Институт кенгаши қарори 2025 йил апрель - Адлия вазирлиги (А. Ташкулов) 13. Узлуксиз касбий ривожлантириш учун алоҳида ўқув модуллари бўйича таълим дастурларини ишлаб чиқиш ва тасдиқлаш. Институт кенгаши қарори 2025 йил апрель - Адлия вазирлиги (А. Ташкулов) 14. Юридик кадрларни уларнинг касбий малака даражаси, билими, салоҳияти, иш тажрибаси ва индивидуал касбий ривожланиш дастурига мос келадиган таълим дастурлари бўйича ўқитиш тизимини йўлга қўйиш. Комплекс чора-тадбирлар 2025 йил апрель Институтнинг бюджетдан ташқари маблағлари Адлия вазирлиги (А. Ташкулов) 15. Юридик кадрларни кредит-модуль тизими асосида малакасини ошириш учун модуль дастурларининг мавзулари ва улар бўйича ўқув контентларини ишлаб чиқиш. Ташкилий чора-тадбирлар 2025 йил апрель Институтнинг бюджетдан ташқари маблағлари Адлия вазирлиги (А. Ташкулов) 16. Адвокатлар ва юридик хизмат ходимларини ихтисослашуви бўйича ўқув дастурларини ишлаб чиқиш ҳамда улар асосида зарур ўқув контентларини тайёрлаш. Ташкилий чора-тадбирлар Доимий - Адлия вазирлиги (А. Ташкулов) 17. Малака ошириш курслари бўйича ўқув контентларини яратиш учун малакали маҳаллий ва хорижий мутахассисларни кенг жалб қилиш ва мазкур ўқув контентларини видеодарслар, интерфаол дастурлар, таҳлилий материаллар билан бойитиш чораларини кўриш. Ташкилий чора-тадбирлар Доимий - Адлия вазирлиги (А. Ташкулов) 18. Интернет орқали кенг аҳоли қатлами ўртасида уларнинг ҳуқуқий саводхонлигини оширишга қаратилган масофавий ўқув курсларини ташкил қилишни йўлга қўйиш. Ташкилий чора-тадбирлар 2025 йил сентябрь Институтнинг бюджетдан ташқари маблағлари Адлия вазирлиги (А. Ташкулов) 19. Институт фаолиятига замонавий инновацион ўқитиш тизимини жорий этиш, унда, жумладан, қуйидагиларни назарда тутиш: тингловчиларни видеоконференцалоқа ва бошқа замонавий ахборот-коммуникация технологияларини қўллаган ҳолда масофавий (электрон) ўқитиш; ўқитишда имитацион моделлаштириш (суд мажлиси заллари, суд экспертиза лабораториялари ва бошқа)дан фойдаланиш. Ташкилий чора-тадбирлар Доимий Институт ва Адлия вазирлигининг бюджетдан ташқари маблағлари , ҳомийлик маблағлари Адлия вазирлиги (А. Ташкулов) , манфаатдор вазирлик ва идоралар 20. Статистика, архив ва бошқа маълумотлардан (қонунчиликка мувофиқ фойдаланиш чекланган маълумотлар бундан мустасно) фойдаланиш ҳуқуқини бериш орқали Институт ўқув ва илмий жараёнининг ҳуқуқни қўллаш амалиёти билан узвий интеграциялашувини таъминлаш. Комплекс чора-тадбирлар 20 25 йил май Институтнинг бюджетдан ташқари маблағлари Адлия вазирлиги (А. Ташкулов) , манфаатдор вазирлик ва идоралар III. Илмий-тадқиқот ва инновацион фаолиятнинг сифатини ошириш 21. Халқаро молия институтлари ва етакчи ташкилотлар билан ҳамкорликни мустаҳкамлаш, Институтда амалга ошириладиган илмий тадқиқотлар учун халқаро грантлар ва донор ташкилотлар маблағларини жалб қилиш. Комплекс чора-тадбирлар Доимий Халқаро грантлар ва донор ташкилотлар маблағлари Адлия вазирлиги (А. Ташкулов), Олий таълим, фан ва инновациялар вазирлиги (К. Шарипов) 22. Профессор-ўқитувчиларнинг турли инновацион, амалий ва фундаментал тадқиқотлар лойиҳалари танловларида иштирок этишини таъминлаш. Комплекс чора-тадбирлар Доимий - Адлия вазирлиги (А. Ташкулов), Олий таълим, фан ва инновациялар вазирлиги (К. Шарипов) 23. Институтда ҳуқуқ соҳасидаги халқаро маълумотлар базаларидан фойдаланиш имкониятини яратиш. Амалий чора-тадбирлар 2025 йил июнь Институтнинг бюджетдан ташқари маблағлари Адлия вазирлиги (А. Ташкулов) 24. Институтда олий таълимдан кейинги таълим институтини жорий қилиш ва унинг фаолиятини ташкил этиш. Комплекс чора-тадбирлар 2025 йил апрель - Адлия вазирлиги (А. Ташкулов), Олий таълим, фан ва инновациялар вазирлиги (К. Шарипов) 25. Адлия органлари ва муассасалари фаолиятини илмий-методик жиҳатдан таъминлаш бўйича ўқув ва ўқув-амалий қўлланмаларни тайёрлаш, Институт ахборот-ресурс маркази фондини мунтазам янгилаб бориш ҳамда ўқув ва методик адабиётлар муаллифларини муносиб равишда моддий рағбатлантириш ва уларга тегишли шарт-шароитлар яратиш. Ташкилий чора-тадбирлар Доимий Институт ва Адлия вазирлигининг бюджетдан ташқари маблағлари Адлия вазирлиги (А. Ташкулов) 26. Институт профессор-ўқитувчиларини давлат ҳуқуқий сиёсатини такомиллаштиришга ва юридик кадрларнинг узлуксиз ўқитишнинг долзарб муаммоларига доир илмий-тадқиқот ишларига жалб қилиш. Ташкилий чора-тадбирлар Доимий - Адлия вазирлиги (А. Ташкулов), манфаатдор вазирлик ва идоралар 27. Алишер Навоий номидаги Ўзбекистон Миллий кутубхонасининг ахборот-кутубхона фондига доимий ва узлуксиз равишда киришни ташкил этиш. Ташкилий чора-тадбирлар 2025 йил апрель Институтнинг бюджетдан ташқари маблағлари Адлия вазирлиги (А. Ташкулов), Ўзбекистон миллий кутубхонаси (У. Тешабаева) 28. Давлат ҳуқуқий сиёсати ҳамда юридик фан ва таълимни ривожлантиришга қаратилган илмий мақолалар чоп этиш, Институтнинг илмий журналлар мавқеини кўтариш, шунингдек, журналларнинг алоҳида сонларини хорижий давлатлардаги нуфузли илмий юридик журналлар билан ҳамкорликда нашр эттириш. Ташкилий чора-тадбирлар Доимий Институтнинг бюджетдан ташқари маблағлари Адлия вазирлиги (А. Ташкулов) IV. Халқаро ҳамкорликни ва шериклик муносабатларини ривожлантириш 29. Қуйидагилар орқали халқаро ҳамкорликни кенгайтириш: профессор-ўқитувчилар ҳамда тингловчиларни етакчи хорижий таълим ташкилотлари ва илмий-тадқиқот институтларида малака ошириши ва стажировкаларини ташкил этиш; Институт ходимлари ва тадқиқотчиларини юриспруденциянинг долзарб масалалари бўйича халқаро илмий-амалий форумларда иштирок этишини ташкил этиш; етакчи малака ошириш ва илмий-тадқиқот институтлари билан меморандумлар, ўзаро ҳамкорлик келишувларини тузиш, қўшма дастурларни амалга ошириш; таълим, маҳорат дарслари ва тажриба алмашиш учун хорижий олимлар, ўқитувчилар, мутахассисларни таклиф этиш; халқаро конференция ва семинарларни ташкил этиш, қўшма халқаро илмий тадқиқотларни ўтказиш. Ташкилий чора-тадбирлар Доимий Институтнинг бюджетдан ташқари маблағлари, халқаро грантлар ва донор ташкилотлар маблағлари Адлия вазирлиги (А. Ташкулов), манфаатдор вазирлик ва идоралар 30. Профессор-ўқитувчилар ва тингловчиларнинг хорижий давлатлардаги ўқув ва илмий-тадқиқот ишларини ташкил этиш чораларини кўриш ва бу борада тегишли халқаро шартнома ва битимлар тузиш бўйича таклифлар тайёрлаш. Ташкилий чора-тадбирлар доимий Институтнинг бюджетдан ташқари маблағлари, халқаро грантлар ва донор ташкилотлар маблағлари Адлия вазирлиги (А. Ташкулов), манфаатдор вазирлик ва идоралар V. Институтнинг моддий-техник базасини мустаҳкамлаш 31. Пулли хизматлар, шу жумладан, қисқа муддатли ўқув курсларини ташкил этиш орқали Институтга қўшимча молиявий маблағларни жалб қилиш чораларини кўриш. Ташкилий чора-тадбирлар Доимий - Адлия вазирлиги (А. Ташкулов) 32. Ўзига юкланган вазифаларни виждонан ва самарали бажараётган Институтнинг бошқарув, профессор-ўқитувчилар таркиби, шунингдек, ўқув-ёрдамчи ва бошқа ходимларига Адлия вазирлиги ва Институтнинг бюджетдан ташқари маблағлари ҳисобидан ҳар ойлик шахсий устамаларни белгилаш тартиби ва мезонларини тасдиқлаш. Идоравий ҳужжат 2025 йил апрель - Адлия вазирлиги (А. Ташкулов) 33. Масофавий ва мустақил таълим олиш учун электрон ўқув материалларини ишлаб чиқиш мақсадида Институтнинг масофавий таълим мультимедиа маҳсулотларини ишлаб чиқиш, техник студиясини зарур замонавий ускуналар ва дастурий маҳсулотлар билан жиҳозлаш. Комплекс чора-тадбирлар 2025 йил май Адлия вазирлиги ва Институтнинг бюджетдан ташқари маблағлари Адлия вазирлиги (А. Ташкулов) 34. Қуйидаги ташкилий чора-тадбирлар орқали Институтнинг янги имижини шакллантириш: Институтнинг ўзига хос янги рамзларни тасдиқлаш (логотип, байроқ ва бошқалар); проспектлар, турли брошюралар, флаерлар ва эсдалик совғаларини ишлаб чиқиш ва нашр этиш; Институтнинг расмий веб-сайтини замонавий ва халқаро стандартлар асосида модернизация қилиш ҳамда жамоатчилик билан алоқаларни кучайтириш. Ташкилий чора-тадбирлар 2025 йил апрель Институтнинг бюджетдан ташқари маблағлари Адлия вазирлиги (А. Ташкулов) 35. Институтнинг Ахборот-ресурс маркази фондини қуйидагиларни назарда тутган ҳолда такомиллаштириш: замонавий ўқув, илмий ва бошқа адабиётлар билан янгилаш, шу жумладан, маҳаллий ва хорижий, ҳуқуқий ва ахборот-таҳлилий нашрларга мунтазам обунасини таъминлаш; замонавий техника ва қўшимча воситалар билан жиҳозлаш. Комплекс чора-тадбирлар 2025 йил май Институтнинг бюджетдан ташқари маблағлари Адлия вазирлиги (А. Ташкулов) 36. Институтда масофавий таълимни ривожлантириш ва видеоконференциялар ўтказиш, шунингдек, интерфаол электрон курсларни ишлаб чиқиш, онлайн баҳолаш ва сўровномаларни ўтказиш учун тегишли ускуналар, қурилмалар ва дастурий маҳсулотларни харид қилиш ва ўрнатиш, жумладан: тармоқ ва сервер қурилмалари, зарур қисмлар, Институтнинг ходимлари ва ўқув аудиторияларини замонавий компьютер ва офис техникалари билан таъминлаш; аудиторияларни интерфаол ва инновацион панел ва мониторлар, видеоконференцалоқа жиҳозлари, тингловчилар орасида сўров ўтказишнинг интерфаол воситалари билан жиҳозлаш. Комплекс чора-тадбирлар 2025 йил апрель Институтнинг бюджетдан ташқари маблағлари Адлия вазирлиги (А. Ташкулов) 37. Институтни юқори тезликдаги Интернет тармоғига уланишини таъминлаш. Ташкилий чора-тадбирлар Институт талабига кўра Институт ва Адлия вазирлигининг бюджетдан ташқари маблағлари Адлия вазирлиги (А. Ташкулов), Рақамли технологиялар вазирлиги (Ш. Шерматов) 38. Институтда ўтказиладиган тадбирлар (конференция, семинар ва бошқалар) иштирокчиларига ва Институт тингловчиларига қўшимча қулайлик яратиш ҳамда ўқув машғулотлари оралиғидаги танаффус вақтлардан унумли фойдаланиш мақсадида кофе-брейклар ташкил этиш, аутсорсинг, кейтеринг ва бошқа хизматлардан фойдаланиш. Ташкилий чора-тадбирлар Доимий Институтнинг бюджетдан ташқари маблағлари Адлия вазирлиги (А. Ташкулов)

Вазирлар Маҳкамасининг 2025 йил 19 мартдаги 171-сон қарорига 7-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 2011 йил 29 мартдаги 93-сон қарори билан тасдиқланган Ўзбекистон Республикаси адлия органлари ва муассасалари ходимларининг мартаба даражалари тўғрисидаги низомда :

а) 3-банд қуйидаги таҳрирда баён этилсин:

«3. Ўзбекистон Республикаси адлия органлари ва муассасалари ходимларига мартаба даражалари ижобий аттестация, малакасига мувофиқ олий юридик маълумот ёки бошқа олий маълумот мавжуд бўлган ҳамда Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институтида махсус малака ошириш курсларини муваффақиятли ўтаган тақдирда, эгаллаб турган лавозими ва иш стажига, шунингдек, олдинги иш ёки хизмат жойида берилган махсус унвонларни ҳисобга олган ҳолда изчил тартибда берилади»;

б) 6-банд қуйидаги таҳрирда баён этилсин:

«6. Мартаба даражасида бўлиш муддати қуйидагича белгиланади:

3-даражали юрист — икки йил;

2-даражали юрист — уч йил;

1-даражали юрист — тўрт йил;

3-даражали адлия маслаҳатчиси — беш йил;

2-даражали адлия маслаҳатчиси — олти йил.

1-даражали адлия маслаҳатчиси ва ундан юқори мартабада бўлиш муддати белгиланмайди»;

в) 7-банддаги «идоралари ҳамда давлат нотариати ходимларига» сўзлари «ходимларига 3-даражали давлат адлия маслаҳатчисидан» сўзлари билан алмаштирилсин;

г) 8-банд қуйидаги таҳрирда баён этилсин:

«8. Ўзбекистон Республикаси адлия вазири:

ишда алоҳида ўрнак кўрсатган ёки хизмат бурчини намунали бажарган ходимларга мавжуд мартаба даражасида хизмат қилиш учун белгиланган муддатнинг камида учдан икки қисмини ўтганидан сўнг муддатидан олдин навбатдаги мартаба даражаси беришга;

биринчи марта аттестациядан ўтаётган ходимларга улар эгаллаб турган лавозим бўйича назарда тутилганидан бир даража паст мартаба даражалари беришга ҳақлидир».

2. Вазирлар Маҳкамасининг 2012 йил 26 сентябрдаги 278-сон қарори билан тасдиқланган Олий таълим муассасалари педагог кадрларини қайта тайёрлаш ва уларнинг малакасини ошириш минтақавий ва тармоқ марказлари рўйхатининг 15-позицияси қуйидаги таҳрирда баён қилинсин:

« 15. Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институти Юриспруденция; ҳуқуқшунослик. Адлия вазирлиги » .

3. Вазирлар Маҳкамасининг «Ўзбекистон Республикаси Адлия вазирлиги ҳузуридаги Х. Сулаймонова номидаги Республика суд экспертизаси маркази фаолиятини янада такомиллаштириш ҳамда суд экспертларининг малакасини ошириш тизимини ташкил қилиш тўғрисида» 2017 йил 13 апрелдаги 206-сон қарорида :

а) 1-банддаги «ҳамда Суд экспертларининг малакасини ошириш ўқув маркази» сўзлари чиқариб ташлансин;

б) 2-банд ўз кучини йўқотган деб ҳисоблансин;

в) 1-иловада :

4-банд қуйидаги таҳрирда баён этилсин:

«4. Суд экспертларининг малакасини ошириб бориш вазирликлар ва идоралар тизимида амалга оширилади»;

5-банд қуйидаги таҳрирда баён этилсин:

«5. Суд экспертларининг ҳуқуқий билимлари Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институтида (кейинги ўринларда — Институт) вазирликлар ва идораларнинг ушбу Низомга 1-иловага мувофиқ шакл бўйича тақдим қилинадиган буюртмасига асосан ошириб борилади»;

6-банддаги тегишли келишикдаги «Ўқув маркази» сўзлари тегишли келишикдаги «Институт» сўзи билан алмаштирилсин;

9-банднинг учинчи хатбошисидаги «Ўқув марказига» сўзлари «Институтга» сўзи билан алмаштирилсин;

15-банддаги «Ўқув маркази» сўзлари «Институт» сўзи билан алмаштирилсин;

18-банддаги «Ўқув маркази» сўзлари «Институт» сўзи билан алмаштирилсин;

20-банддаги «Ўқув маркази» сўзлари «Институт» сўзи билан алмаштирилсин;

23-банддаги «Суд экспертизаси маркази» сўзлари «Институт» сўзи билан алмаштирилсин;

24-банддаги «Ўқув марказига» ва «Суд экспертиза маркази» сўзлари тегишинча «Институтга» ва «Институт» сўзлари билан алмаштирилсин;

26-бандда :

биринчи хатбошидаги «Ўқув марказига» сўзлари «Институтга» сўзи билан алмаштирилсин;

иккинчи хатбошидаги «Суд экспертиза марказининг» сўзлари «Институтнинг» сўзи билан алмаштирилсин;

27-банддаги «Ўқув марказига» ва «Суд экспертизаси маркази» сўзлари тегишинча «Институтга» ва «Институт» сўзлари билан алмаштирилсин;

29-банддаги «Ўқув марказида» сўзлари «Институтда» сўзи билан алмаштирилсин;

32-банднинг иккинчи ва учинчи хатбошиларидаги «Ўқув марказида» сўзлари «Институтда» сўзи билан алмаштирилсин;

33-бандда :

биринчи хатбошидаги «Суд экспертиза маркази» сўзлари «Институт» сўзи билан алмаштирилсин;

иккинчи хатбошидаги «Ўқув марказида» сўзлари «Институтда» сўзи билан алмаштирилсин;

36-банднинг иккинчи хатбошисидаги «Суд экспертиза маркази» сўзлари «Институт» сўзи билан алмаштирилсин;

Низомга 1-иловадаги «Х. Сулаймонова номидаги Республика суд экспертизаси маркази директори» сўзлари «Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институти директори» сўзлари билан алмаштирилсин;

Низомга 3-иловадаги «Х. СУЛАЙМОНОВА НОМИДАГИ РЕСПУБЛИКА СУД ЭКСПЕРТИЗАСИ МАРКАЗИ» сўзлари «ЮРИДИК КАДРЛАРНИ ҚАЙТА ТАЙЁРЛАШ ВА МАЛАКАСИНИ ОШИРИШ ИНСТИТУТИ» сўзлари билан алмаштирилсин.

4. Вазирлар Маҳкамасининг «Аҳолига ҳуқуқий ахборотни етказиш ва юридик ёрдам кўрсатиш тизимини янада такомиллаштириш чора-тадбирлари тўғрисида» 2019 йил 6 сентябрдаги 741-сон қарорида :

а) 3-банд қуйидаги таҳрирда баён этилсин:

«3. Белгилансинки, Муассаса ва унинг ҳудудий бўлинмалари фаолиятини молиялаштириш:

давлат субсидияси, шунингдек давлат ижтимоий буюртмаси доирасида Ўзбекистон Республикаси Адлия вазирлиги, бошқа давлат органлари ва ташкилотларининг шартнома асосида Муассасага тўғридан-тўғри ажратиладиган бюджетдан ташқари маблағлари;

муассислар ва ташаббускорлар томонидан ажратиладиган маблағлар;

юридик ва жисмоний шахсларнинг ҳомийлик хайриялари;

халқаро молия институтлари ва хорижий ҳукумат молия ташкилотларининг молиявий маблағлари;

қонунчиликда тақиқланмаган бошқа манбалар ҳисобидан молиялаштирилади.

Адлия вазирлиги Муассасага ҳар йили ўзининг бюджетдан ташқари маблағларидан давлат ижтимоий буюртмаси учун ажратиладиган маблағлар миқдорини ва улардан фойдаланиш тартибини мустақил белгилайди»;

б) 5-бандда «таъминлаш» сўзидан кейин «уларни ва» сўзлари билан тўлдирилсин.

5. Вазирлар Маҳкамасининг «Архив иши ва иш юритиш соҳасидаги айрим норматив-ҳуқуқий ҳужжатларни тасдиқлаш тўғрисида» 2020 йил 19 мартдаги 174-сон қарорида :

а) 1-банднинг иккинчи хатбошиси чиқариб ташлансин;

б) 2-банд ва қарорга 1-илова ўз кучини йўқотган деб ҳисоблансин;

в) 2-иловада :

4-банднинг учинчи хатбошиси чиқариб ташлансин;

5-банддаги «ташкилотлар ҳамда Марказнинг» сўзлари «ташкилотларнинг» сўзи билан алмаштирилсин;

13-банддан «Марказ директорининг» сўзлари чиқариб ташлансин;

26-банднинг бешинчи хатбошисидаги «Архив иши ва иш юритиш маркази» сўзлари чиқариб ташлансин;

Низомга иловадаги I босқич позицияси «Масъуллар» ва «Чора-тадбирлар» устунларидаги «Архив иши ва иш юритиш маркази» сўзлари чиқариб ташлансин.

7. Вазирлар Маҳкамасининг «Юридик кадрларни халқаро стандартлар бўйича тайёрлаш тизимини янада такомиллаштиришга доир қўшимча чора-тадбирлар тўғрисида» 2021 йил 6 апрелдаги 189-сон қарорида :

а) 1 , 2 , 4 ва 6-бандлар ҳамда қарорга 1-илова ўз кучини йўқотган деб ҳисоблансин;

б) 3-бандда :

иккинчи хатбошидаги «Марказда» сўзи «Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институтида» сўзлари билан алмаштирилсин;

учинчи хатбоши қуйидаги таҳрирда баён этилсин:

«олий маълумотга эга бўлган шахслар юридик мутахассисликка қайта тайёрлаш курсларини муваффақиятли тугатиб, белгиланган намунадаги дипломни олган шахслар юридик хизматларда, давлат хизматлари марказлари, фуқаролик ҳолати далолатномаларини ёзиш органларида барча лавозимларда, шунингдек, адвокатура ва нотариат тизимида олий юридик маълумот талаб этмайдиган барча лавозимларда ишлаш ҳуқуқига эга бўлади»;

тўртинчи хатбоши қуйидаги таҳрирда баён этилсин:

«тадбиркорлар, давлат органлари ва ташкилотлар вакиллари, олий таълим ва илмий-тадқиқот муассасалари ходимларини интеллектуал мулкни яратиш ва ҳимоя қилиш асослари, тижоратлаштириш, брендинг ва маркетингга ўқитиш Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институтида қисқа муддатли ўқув курсларини ташкил этиш орқали амалга оширилади»;

в) 2-илованинг 5 ва 9-бандлари ўз кучини йўқотган деб ҳисоблансин.

8. Вазирлар Маҳкамасининг «Давлат органлари ва ташкилотларининг жисмоний ва юридик шахсларнинг мурожаатлари билан иш олиб борувчи ходимлари малакасини ошириш тартиби тўғрисидаги низомни тасдиқлаш ҳақида» 2022 йил 7 октябрдаги 582-сон қарорида :

а) 2-банднинг иккинчи хатбошисидаги «Ўзбекистон Республикаси Адлия вазирлиги ҳузуридаги Юристлар малакасини ошириш маркази ва унинг филиалларида» сўзлари «Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институтида» сўзлари билан алмаштирилсин;

б) иловада :

4-банддаги «Ўзбекистон Республикаси Адлия вазирлиги қошидаги Юристлар малакасини ошириш маркази ва унинг филиалларида» сўзлари «Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институтида» сўзлари билан алмаштирилсин;

Низомга 1-иловада :

I бўлимда (Малака ошириш курсини ташкил этиш тартиби):

1-босқич позициясида:

«Субъектлар» устунидаги «Юристлар малакасини ошириш маркази» сўзлари «Юридик кадрларни қайта тайёрлаш ва малакасини ошириш институти» сўзлари билан алмаштирилсин;

«Чора-тадбирлар» устунининг 2-банди қуйидаги таҳрирда баён этилсин:

«2. Ўқув дастурини Олий таълим, фан ва инновациялар вазирлиги билан келишган ҳолда тасдиқлайди»;

2-босқич позицияси «Чора-тадбирлар» устунининг 3-бандидаги «Юристлар малакасини ошириш марказига» сўзлари «Юридик кадрларни қайта тайёрлаш ва малакасини ошириш институтига» сўзлари билан алмаштирилсин;

3, 4 ва 5-босқич позициялари «Субъектлар» устунидаги «Юристлар малакасини ошириш маркази» сўзлари «Юридик кадрларни қайта тайёрлаш ва малакасини ошириш институти» сўзлари билан алмаштирилсин;

II бўлим (Мурожаатлар билан иш олиб борувчи ходимларнинг маълумотлари базасини шакллантириш ва юритиш тартиби) 2-босқич позицияси «Субъектлар» устунидаги «Юристлар малакасини ошириш маркази» сўзлари «Юридик кадрларни қайта тайёрлаш ва малакасини ошириш институти» сўзлари билан алмаштирилсин;

Низомга 4-илова номидаги «Ўзбекистон Республикаси Адлия вазирлиги қошидаги Юристлар малакасини ошириш маркази» сўзлари «Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институти» сўзлари билан алмаштирилсин.

9. Вазирлар Маҳкамасининг 2024 йил 12 октябрдаги 672-сон қарорининг 2-банди иккинчи хатбошиси қуйидаги таҳрирда баён этилсин:

«Самарқанд вилояти ҳокимлиги ҳузуридаги «Ягона буюртмачи хизмати» инжиниринг компанияси» ДУК буюртмачи этиб белгилансин».

Вазирлар Маҳкамасининг 2025 йил 19 мартдаги 171-сон қарорига 8-ИЛОВА

Ўзбекистон Республикаси Ҳукуматининг ўз кучини йўқотган деб эътироф этилаётган айрим қарорлари

1. Вазирлар Маҳкамасининг «Ўзбекистон Республикаси Адлия вазирлиги қошида Юристлар малакасини ошириш марказини ташкил этиш тўғрисида» 1997 йил 21 июлдаги 364-сон қарори .

2. Вазирлар Маҳкамасининг «Тошкент давлат юридик университети ҳузуридаги Юридик кадрларни халқаро стандартлар бўйича профессионал ўқитиш маркази фаолиятини ташкил этиш чора-тадбирлари тўғрисида» 2018 йил 14 июндаги 453-сон қарори .

3. Вазирлар Маҳкамасининг «Ўзбекистон Республикаси Адлия вазирлиги қошидаги Юристлар малакасини ошириш маркази фаолиятини янада такомиллаштириш тўғрисида» 2019 йил 27 июндаги 531-сон қарори .

4. Вазирлар Маҳкамасининг «Олий таълим муассасалари раҳбар ва педагог кадрларининг малакасини ошириш тизимини янада такомиллаштириш бўйича қўшимча чора-тадбирлар тўғрисида» 2019 йил 23 сентябрдаги 797-сон қарорига 5-илованинг 3-банди .

5. Вазирлар Маҳкамасининг «Юридик соҳага оид билим талаб этиладиган мутахассисларни қайта тайёрлаш ва малакасини оширишнинг замонавий тизимини жорий этиш чора-тадбирлари тўғрисида» 2020 йил 8 сентябрдаги 544-сон қарори .

6. Вазирлар Маҳкамасининг «Ўзбекистон Республикасида чет эл фуқаролари ва фуқаролиги бўлмаган шахсларни рўйхатга олиш тартибини соддалаштириш чора-тадбирлари тўғрисида» 2020 йил 28 сентябрдаги 593-сон қарорига 4-илованинг 57-банди .

7. Вазирлар Маҳкамасининг «Илмий ва инновацион фаолиятни бошқариш тизимини ташкил этиш чора-тадбирлари тўғрисида» 2021 йил 27 августдаги 545-сон қарорига 3-илованинг 29-банди .

8. Вазирлар Маҳкамасининг «Ўзбекистон Республикаси Адлия вазирлиги тизимидаги таълим муассасалари фаолиятини янада такомиллаштириш чора-тадбирлари тўғрисида» 2021 йил 22 ноябрдаги 705-сон қарорига 3-илованинг 3-банди .

9. Вазирлар Маҳкамасининг «Суд экспертиза соҳасини тартибга солувчи айрим норматив-ҳуқуқий ҳужжатларни тасдиқлаш тўғрисида» 2021 йил 22 ноябрдаги 706-сон қарорига 4-илованинг 2-банди .

10. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг «Норматив-ҳуқуқий ҳужжатлар тўғрисида» 2021 йил 20 апрелдаги ЎРҚ-682-сон Қонуни)» 2022 йил 4 апрелдаги 153-сон қарорига илованинг 651-банди .

11. Вазирлар Маҳкамасининг «Суд-экспертлик фаолиятини тартибга солувчи айрим норматив-ҳуқуқий ҳужжатларни тасдиқлаш тўғрисида» 2022 йил 13 декабрдаги 705-сон қарорига 3-илованинг 3-банди .

Ўзбекистон Республикасининг Бош вазири А. АРИПОВ

Тошкент ш.,

2025 йил 19 март,

171-сон

(Қонунчилик маълумотлари миллий базаси, 19.03.2025 й., 09/25/171/0258-сон; 23.02.2026 й., 09/26/74/0165-сон; 23.02.2026 й., 09/26/73/0164-сон; 01.07.2026 й., 09/26/350/0667-сон)

lex.uz

Oʻzbekiston Respublikasi Vazirlar Mahkamasining

qarori

TUZILMASI

NIZOM

SHAKLI

SHAKLI

SHAKLI

NIZOM

SXEMASI

NIZOM

SXEMASI

SHAKLI

NIZOM

SHAKLI

“YOʻL XARITASI”

ROʻYXATI

Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish instituti faoliyatini tashkil etish chora-tadbirlari toʻgʻrisida

Oʻzbekiston Respublikasi Prezidentining “Maʼmuriy islohotlar doirasida adliya organlari va muassasalarining masʼuliyatini yanada oshirish hamda ixcham boshqaruv tizimini shakllantirish toʻgʻrisida” 2024-yil 24-maydagi PF-80-son Farmoni ijrosini taʼminlash, shuningdek, adliya organlari va muassasalari xodimlari, yuridik xizmat, advokatura, notariat, mediatsiya, intellektual mulk, sud ekspertizasi, arxiv ishi va ish yuritish hamda boshqa soha mutaxassislarini uzluksiz kasbiy rivojlantirishning zamonaviy tizimini yoʻlga qoʻyish hamda ularni oʻqitishni xalqaro tajriba va zamonaviy taʼlim standartlari talablaridan kelib chiqqan holda takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Maʼmuriy islohotlar doirasida adliya organlari va muassasalarining masʼuliyatini yanada oshirish hamda ixcham boshqaruv tizimini shakllantirish toʻgʻrisida” 2024-yil 24-maydagi PF-80-son Farmoniga muvofiq Oʻzbekiston Respublikasi Adliya vazirligi tizimidagi Yuristlar malakasini oshirish markazi, Toshkent davlat yuridik universiteti huzuridagi Yuridik kadrlarni xalqaro standartlar boʻyicha professional oʻqitish markazi, X. Sulaymonova nomidagi Respublika sud ekspertiza markazining Sud ekspertlarining malakasini oshirish oʻquv markazi hamda Arxiv ishi va ish yuritish boʻyicha malaka oshirish ilmiy-metodik markazi negizida Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish instituti (keyingi oʻrinlarda — Institut) tashkil etilganligi maʼlumot uchun qabul qilinsin.

2. Quyidagilar Institutning asosiy vazifalari etib belgilansin:

zamonaviy talablar va jarayonlarni hisobga olgan holda adliya organlari va muassasalari xodimlari, yuridik xizmat, advokatura, notariat, sud ekspertizasi, arxiv ishi va ish yuritish, ijro intizomi, murojaatlar bilan ishlash, mediatsiya va intellektual mulk sohalari mutaxassislarini qayta tayyorlash va ularning malakasini oshirish;

buyurtmachilarga malaka oshirish shakllarini kasbiy ehtiyojdan kelib chiqqan holda mustaqil tanlash imkoniyatini yaratish;

kasbiy oʻqitishning ish jarayoni bilan birgalikda amalga oshiriladigan shakllarini (dual taʼlim) joriy qilish va takomillashtirib borish;

xalqaro miqyosda Oʻzbekiston Respublikasi manfaatlarini munosib ifoda eta oladigan yuridik kadrlarni xalqaro standartlar boʻyicha professional oʻqitish;

oliy maʼlumotga ega boʻlgan shaxslarni yuridik mutaxassislik boʻyicha qayta tayyorlash;

umumiy oʻrta, oʻrta maxsus va professional taʼlim muassasalarida huquqiy fanlardan dars beradigan, oliy noyuridik maʼlumotga ega pedagog kadrlarni qayta tayyorlash, shuningdek, professional va oliy taʼlim tizimida huquqiy fanlardan dars beradigan pedagog kadrlarning belgilangan davriylikka muvofiq malakasini oshirish;

yuridik va noyuridik sohalarda faoliyat yurituvchi davlat xizmatchilari, xususiy sektor hamda fuqarolik jamiyati institutlari vakillarining huquqiy bilimlarini oshirishga qaratilgan oʻquv kurslarini tashkil qilish;

tashkilotlarning ichki hujjatlari, ish yuritish tartiblari, shartnomaviy munosabatlari hamda xodimlarining kasbiy bilim va koʻnikmalarini yuridik jihatdan tahlil qilgan holda, tashkilotlarning tegishli mutaxassislarini talab va ehtiyojlardan kelib chiqib shartnoma asosida manzilli oʻqitish;

kasbiy rivojlanish uchun raqamli taʼlim resurslarini yaratish, kadrlarning nazariy bilim va amaliy koʻnikmalarini uzluksiz rivojlantirish hamda davriy baholab borish;

kredit-modul tizimidan foydalangan holda kadrlar salohiyatini oshirish, yuridik taʼlimda kazus va keys-texnologiyalar asosida oʻqitishni tashkil etish;

adliya organlari va muassasalari faoliyatini, huquqiy xizmatlar koʻrsatish, sud ekspertiza, arxiv ishi va ish yuritish sohalarini ilmiy-metodik va konsultativ jihatdan taʼminlash, shuningdek, ularning faoliyat yoʻnalishlarini tahlil qilgan holda yanada takomillashtirish boʻyicha ilmiy asoslantirilgan takliflar ishlab chiqish;

huquqni qoʻllashdagi muammolar va yurisprudensiyaning eng dolzarb masalalari boʻyicha fundamental, amaliy va innovatsion tadqiqotlar loyihalarini, shu jumladan, milliy, xorijiy va xalqaro grantlarni jalb qilgan holda amalga oshirish;

qayta tayyorlash va malaka oshirish jarayoni hamda ilmiy faoliyatga yuqori malakali mahalliy va xorijiy mutaxassislarni keng jalb qilish, pedagogika sohasida ilgʻor tajriba almashish borasida xalqaro hamkorlikni keng yoʻlga qoʻyish va rivojlantirish.

3. Quyidagilar:

Yuridik kadrlarni qayta tayyorlash va malakasini oshirish institutining tuzilmasi 1-ilovaga muvofiq;

Yuridik kadrlarni qayta tayyorlash va malakasini oshirish institutida mutaxassislarni qayta tayyorlash hamda ularning malakasini oshirish tartibi toʻgʻrisidagi nizom 2-ilovaga muvofiq;

Yuridik kadrlarni xalqaro standartlar boʻyicha qisqa muddatli professional oʻqitish kurslari toʻgʻrisidagi nizom 3-ilovaga muvofiq;

Oliy maʼlumotga ega boʻlgan shaxslarni yuridik mutaxassislik boʻyicha qayta tayyorlash kurslari toʻgʻrisidagi nizom 4-ilovaga muvofiq;

Umumiy oʻrta, oʻrta maxsus va professional taʼlim muassasalarida huquqiy fanlardan dars beradigan, oliy noyuridik maʼlumotga ega pedagog kadrlarni qayta tayyorlash kurslari toʻgʻrisidagi nizom 5-ilovaga muvofiq;

Yuridik kadrlarni qayta tayyorlash va malakasini oshirish instituti faoliyatini tashkil qilish boʻyicha “yoʻl xaritasi” 6-ilovaga muvofiq tasdiqlansin.

4. Belgilab qoʻyilsinki, Institutda:

a) 2025-yil 1-apreldan boshlab:

adliya organlari va muassasalari xodimlari hamda yuridik xizmat, advokatura va notariat sohalari boʻyicha yuridik kadrlarning bilim va koʻnikmalarini doimiy oshirib borishni nazarda tutuvchi kredit-modul mexanizmiga asoslangan uzluksiz kasbiy rivojlantirish tizimi joriy etiladi;

davlat organlari va tashkilotlari, shuningdek, davlat ishtirokidagi korxonalar hamda boshqa tashkilotlarning yangi ishga qabul qilingan arxiv ishi va ish yuritishga masʼul xodimlari hamda arxiv mutaxassislari olti oy ichida va keyinchalik har uch yilda bir marotaba oʻz malakasini oshiradi;

pedagog kadrlar va sud ekspertlarini qayta tayyorlash kurslarida mashgʻulotlar dual taʼlim prinsipi asosida tashkil etiladi;

davlat huquqiy siyosati sohasida yaxlit ilmiy tadqiqotlar tizimini yaratish maqsadida tegishli ixtisosliklar, shu jumladan, arxiv ishi va ish yuritish sohasi boʻyicha oliy taʼlimdan keyingi taʼlim joriy etiladi;

Institut tadqiqotchilarini tadqiqot sohalari boʻyicha tashkilotlarga biriktirish amaliyoti joriy etiladi, ularning ilmiy-tadqiqot mavzulari biriktirilgan sohalarning aniq muammolarini hal etishga yoʻnaltiriladi;

adliya organlari va muassasalari xodimlariga navbatdagi martaba darajalari ular Institutning maxsus malaka oshirish kurslarini muvaffaqiyatli bitirgandan soʻng beriladi;

b) 2025-yil 1-maydan boshlab oilaviy mediatsiya ishlari boʻyicha fuqarolar yigʻini raislari professional mediatorlikka bepul oʻqitiladi. Bunda:

2025-yil davomida Oʻzbekiston mahallalari uyushmasi bilan kelishilgan holda har bir tumanda (shaharda) 5 nafardan fuqarolar yigʻini raislari oʻqitiladi;

kelgusida barcha fuqarolar yigʻini raislari professional mediatorlikka bosqichma-bosqich oʻqitib boriladi;

professional mediatorlikka oʻqitilgan fuqarolar yigʻini raislari otaning (onaning) voyaga yetmagan farzandlari uchun ota-onalik huquqlarini taʼminlash bilan bogʻliq nizolar boʻyicha mediatorlik faoliyatini bepul amalga oshiradi;

v) 2025-yil 1-iyundan boshlab:

taʼlim jarayonlarini boshqarish va avtomatlashtirish boʻyicha xalqaro standartlar va texnologiyalarni joriy etish orqali “Raqamli institut” platformasi yaratilib, unda yuridik kadrlarga oʻz kasbiy rivojlanish ehtiyojlarini qondirishga yoʻnaltirilgan malaka oshirish shakllari va dasturlarini mustaqil tanlash va oʻzlashtirish imkoniyati yaratiladi;

“Raqamli institut” platformasi orqali yuridik kadrlar tegishli bilim va koʻnikmalar boʻyicha kasbiy tekshiruvdan oʻtkaziladi hamda natijasiga koʻra yuridik kadrlarning kompetensiya pasporti va individual kasbiy rivojlanish dasturi tuziladi hamda ushbu dastur orqali kadrlar malaka oshirishga yoʻnaltiriladi;

tinglovchilarning malaka oshirishga boʻlgan ehtiyojini aniqlash uchun raqamli portfolio tizimi joriy qilinadi, ularning kasbiy faoliyat samaradorligi baholanadi va reytingi yuritiladi;

oʻquv jarayoni amaliy va huquqiy nizolarni tahlil qilishga qaratilgan bilim va koʻnikmalarga asoslangan yondashuvga muvofiq tashkil etiladi, ularning kamida 40 — 50 foizi amaliy mashgʻulotlarga ajratiladi;

mantiqiy fikrlash, tahlil va tadqiqotga yoʻnaltirilgan zamonaviy texnologiyalar va taʼlimning ilgʻor yondashuvlari joriy etiladi;

g) 2025-2026-yillarda umumiy oʻrta taʼlim muassasalarida huquqiy fanlardan dars beradigan oliy noyuridik maʼlumotga ega pedagog kadrlar kasbiy qayta tayyorlash kurslarida bepul oʻqitiladi.

5. Oʻzbekiston Respublikasi Adliya vazirligi (keyingi oʻrinlarda — Adliya vazirligi) Institut va Toshkent davlat yuridik universiteti bilan birgalikda:

a) yuridik kadrlarni xalqaro standartlar boʻyicha qisqa muddatli professional oʻqitish kurslarini tashkil etish maqsadida:

ikki oy muddatda tinglovchilarning investitsiya va tijorat faoliyatida xalqaro huquq asoslarini oʻzlashtirishini, xalqaro xususiy, tijorat huquqi, xalqaro arbitrajning moddiy va protsessual huquq normalarini amalda qoʻllash, ilgʻor advokatlik texnikasi, aktivlarni xalqaro qidirish va qaytarish texnikasi toʻgʻrisidagi qonunchilik hujjatlariga rioya qilish sohasida oʻqitishni taʼminlash boʻyicha oʻquv dasturlarini ishlab chiqsin;

doimiy ravishda tijorat arbitraji sohasidagi xalqaro yuridik amaliyotni, shuningdek, bu borada mamlakatlarning huquqiy pozitsiyasini ishlab chiqish va himoya qilishning zamonaviy tendensiyalarini oʻrganib, oʻquv faoliyatiga jalb qilib borsin;

tinglovchilarning xalqaro investitsiya va tijorat faoliyati, xalqaro arbitraj ish yurituvini huquqiy jihatdan taʼminlash sohalarida protsessual va boshqa huquqiy hujjatlarni tayyorlash, huquq va xalqaro shartnomalar normalarini talqin qilish boʻyicha koʻnikmalarini takomillashtirib borsin;

b) 2025-yil 1-iyundan boshlab mamlakatimizda yaratilayotgan zamonaviy biznes va tadbirkorlik muhitida investorlar huquq va manfaatlarining ishonchli himoyasini taʼminlash maqsadida “ingliz huquqining fundamental asoslari” boʻyicha maxsus oʻquv kurslarini yoʻlga qoʻysin, bunda shartnoma huquqi, arbitraj tartib-taomillari, investitsiya huquqi, advokatlik texnikasi, nizolarni muqobil hal qilish asoslari boʻyicha oʻquv jarayonlari tashkil etilishini taʼminlasin;

v) bir oy muddatda intellektual mulk sohasidagi kadrlarning malakasini oshirib borish oʻquv dasturlarini ishlab chiqsin va ular asosida oliy taʼlim va ilmiy-tadqiqot tashkilotlari, aholi va tadbirkorlik subyektlari uchun “IP Management” (intellektual mulkni boshqarish) oʻquv kurslarini tashkil qilib borsin;

g) ikki oy muddatda yuridik amaliyotda zamonaviy texnologiyalarni qoʻllashning asosiy jihatlari, jumladan, yuridik jarayonlarni avtomatlashtirish, keng hajmli maʼlumotlarni (big data) tahlil qilish hamda huquqiy ekspertizada sunʼiy intellekt tizimlaridan foydalanish boʻyicha adliya organlari va yuridik xizmatlar xodimlarining malakasini oshirish va ularni yuridik sohaning raqamli transformatsiyasi talablari asosida tayyorlash maqsadida Legal Tech va sunʼiy intellekt kompleks oʻquv dasturini ishlab chiqsin va amaliyotga joriy etsin;

d) ikki oy muddatda adliya organlari va muassasalari xodimlariga martaba darajalarini berish uchun maxsus malaka oshirish kurslarining oʻquv dasturlarini ishlab chiqsin.

6. Belgilansinki:

Institut Vazirlik qoshidagi Yuristlar malakasini oshirish markazi, Toshkent davlat yuridik universiteti huzuridagi Yuridik kadrlarni xalqaro standartlar boʻyicha professional oʻqitish markazi, X. Sulaymonova nomidagi Respublika sud ekspertiza markazining Sud ekspertlarining malakasini oshirish oʻquv markazi hamda Arxiv ishi va ish yuritish boʻyicha malaka oshirish ilmiy-metodik markazining huquq va majburiyatlari boʻyicha huquqiy vorisi hisoblanadi, shu jumladan, ushbu muassasalarning balansida boʻlgan mol-mulki va tovar-moddiy boyliklari xatlovdan oʻtkazilgan holda Institutga beriladi;

Institut davlat taʼlim muassasasi hisoblanadi;

Institutga Oʻzbekiston Respublikasi adliya vaziri tomonidan lavozimga tayinlanadigan va lavozimdan ozod etiladigan direktor rahbarlik qiladi, uning maqomi, transport, mehnatga haq toʻlash, moddiy ragʻbatlantirish va tibbiy taʼminoti shartlari oliy taʼlim muassasalari rektorlariga tenglashtiriladi;

Institutning rahbar xodimlari va professor-oʻqituvchilariga oliy taʼlim muassasalarida amalda boʻlgan mehnatga haq toʻlash miqdorlari, qolgan xodimlariga esa Vazirlik markaziy apparati xodimlari mehnatiga haq toʻlashning (shu jumladan, ragʻbatlantirish koeffitsiyenti, alohida mehnat sharoitlari uchun va boshqa toʻlovlar) amaldagi miqdorlari qoʻllaniladi;

Institutning Pedagoglar markazi mudiri mehnatga haq toʻlash va moddiy ragʻbatlantirish shart-sharoitlari boʻyicha oliy taʼlim muassasalarining kafedra mudiri lavozimiga tenglashtiriladi;

Institutda oʻquv mashgʻulotlarini oʻtkazish uchun jalb qilinadigan mutaxassislar mehnatiga Institutni rivojlantirish jamgʻarmasi mablagʻlari hisobidan soatbay haq toʻlash tartibi asosida haq toʻlanadi, bunda Institutga belgilangan miqdorni ikki yuz foizgacha oshirish huquqi beriladi;

Institutni rivojlantirish jamgʻarmasi mablagʻlarining hamda shartnoma asosida ishlarni bajarish va xizmat koʻrsatishdan tushadigan boshqa mablagʻlarning (ularni amalga oshirish uchun xarajatlarini chegirib tashlagan holda) sakson foizgacha qismini Institut xodimlarini ijtimoiy himoya qilish va moddiy ragʻbatlantirish tadbirlariga yoʻnaltirish huquqi beriladi.

7. Shunday tartib oʻrnatilsinki, unga muvofiq:

Institutda yuridik mutaxassislik boʻyicha qayta tayyorlash oʻquv kurslarini tugatgan va diplom olgan shaxslar yuridik xizmatlarda, davlat xizmatlari markazlari, fuqarolik holati dalolatnomalarini yozish organlarida barcha lavozimlarda, shuningdek, advokatura va notariat tizimida oliy yuridik maʼlumot talab etilmaydigan lavozimlarda ishlash, yuridik maslahat xizmatlarini koʻrsatuvchi tijorat tashkilotlarida yuridik maslahat xizmati bilan shugʻullanish huquqiga ega boʻladi;

Institutda oliy taʼlim muassasalarining huquqiy fanlardan dars beradigan professor-oʻqituvchilari qonunchilikda belgilangan tartibda qayta tayyorlanadi va ularning malakasi oshiriladi hamda qayta tayyorlash va malaka oshirish kurslaridan muvaffaqiyatli oʻtgan tinglovchilarga qatʼiy hisobda turadigan davlat namunasidagi hujjat hisoblanadigan malaka attestati beriladi;

Institutda kadrlarning malakasini oshirish xarajatlari adliya organlari va muassasalari xodimlari hamda davlat taʼlim muassasalarida huquqiy fanlardan dars beradigan pedagog kadrlar uchun Davlat budjeti mablagʻlari hisobidan qoplanadi, qolgan tinglovchilar uchun shartnoma asosida haq evaziga amalga oshiriladi;

qayta tayyorlash kurslarida oʻqish uchun Institut bilan buyurtmachi oʻrtasida belgilangan tartibda shartnoma (toʻlov kontrakti) rasmiylashtiriladi;

Vazirlik xodimlari, Institutning pedagog va boshqa xodimlari hamda tinglovchilarini xorijiy yuridik kompaniyalar, xalqaro arbitraj institutlari va xorijiy taʼlim tashkilotlariga stajirovka va malaka oshirishga yuborish bilan bogʻliq xarajatlar budjetdan tashqari Adliya organlari va muassasalarini rivojlantirish jamgʻarmasi mablagʻlari, Institutning budjetdan tashqari mablagʻlari, shuningdek, kelishuvga asosan tinglovchi yoki uning ish joyi yoxud homiylik mablagʻlari hisobidan ham qoplanishi mumkin.

8. Institut faoliyatini moliyalashtirish:

Davlat budjeti mablagʻlari, toʻlov-kontrakt asosida oʻqitishdan tushadigan mablagʻlar, Institutning budjetdan tashqari mablagʻlari, xoʻjalik faoliyatidan va shartnoma asosida xizmatlar koʻrsatishdan tushadigan tushumlar, homiylik xayriyalari va grantlar hamda qonunchilik hujjatlarida taqiqlanmagan boshqa manbalar hisobidan amalga oshirilishi;

2025-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Vazirlikka ajratilgan mablagʻlar doirasida amalga oshirilishi, 2026-yildan boshlab Davlat budjeti parametrlarida nazarda tutilishi belgilansin.

9. Quyidagi huquqlar berilsin:

a) Oʻzbekiston Respublikasi adliya vaziriga:

Institut ustavini ishlab chiqish va tasdiqlash;

zarur hollarda Institut tuzilmasiga xodimlarning umumiy cheklangan soni va mehnatga haq toʻlash jamgʻarmasi doirasida oʻzgartirishlar kiritish hamda Institutning budjetdan tashqari mablagʻlari hisobidan qoʻshimcha shtatlar joriy etish;

b) Institutga:

buyurtmachi tashkilotlarning ehtiyojlarini inobatga olgan holda malaka talablari, oʻquv rejalari va dasturlarini mustaqil ravishda ishlab chiqish va tasdiqlash;

ilmiy, taʼlim, noshirlik, matbaa va qonunchilikda taqiqlanmagan boshqa faoliyatni amalga oshirish boʻyicha pulli xizmatlar koʻrsatish;

huquqiy sohaning dolzarb masalalari hamda Institutning real imkoniyatlaridan kelib chiqib, yangi malaka oshirish va qayta tayyorlash dasturlarini ochish;

Institutning budjetdan tashqari mablagʻlari hisobidan moliyalashtiriladigan ilmiy-tadqiqot grantlarini eʼlon qilish va amalga oshirish;

taʼlim jarayoniga zamonaviy pedagogika texnologiyalarini qoʻllay oladigan sudyalar, advokatlar, huquqni muhofaza qiluvchi organlar xodimlari va boshqa amaliyotchi mutaxassislarni, mahalliy hamda xorijiy professor-oʻqituvchilarni shartnoma asosida soatbay va oʻrindoshlik shartlarida jalb etish, shuningdek, xorijiy mutaxassislarning ish haqi va boshqa toʻlovlari miqdorlarini belgilash hamda mazkur toʻlovlarni Institutning budjetdan tashqari mablagʻlari hisobidan amalga oshirish;

professor-oʻqituvchilarning oʻquv yuklamasini, shuningdek, oʻquv-uslubiy va ilmiy ishlarini belgilash;

Iqtisodiyot va moliya vazirligi bilan kelishilgan holda shartnoma asosida oʻqitish qiymatlarini mustaqil belgilash (qayta tayyorlash kurslari va yuridik kadrlarni xalqaro standartlar boʻyicha professional oʻqitish kurslari bundan mustasno);

v) Institut direktoriga:

yetakchi xorijiy oliy taʼlim va ilmiy-tadqiqot tashkilotlari bilan kadrlarni tayyorlash va ularning malakasini oshirish, shuningdek, qoʻshma taʼlim dasturlarini amalga oshirish borasida oʻzaro hamkorlik toʻgʻrisida memorandum va bitimlar tuzish;

Institut xodimlariga Vazirlik va Institutning budjetdan tashqari mablagʻlari hisobidan lavozim maoshining ikki yuz foizigacha oylik ustamalar belgilash, shuningdek, ushbu ustamalarni belgilashning tartibi va mezonlarini Vazirlik bilan kelishilgan holda tasdiqlash.

10. Vazirlik manfaatdor vazirlik va idoralar bilan birgalikda:

a) uch oy muddatda:

zamonaviy axborot-kommunikatsiya texnologiyalari va xorijiy tajriba asosida Institutning budjetdan tashqari mablagʻlari hisobidan “Raqamli institut” elektron platformasini yaratish choralarini koʻrsin;

elektron platforma tizimida diagnostika va raqamli portfolio tizimini ishlab chiqsin hamda amaliyotga joriy qilsin;

advokatlar va yuridik xizmatlar xodimlarining ixtisoslashuvi boʻyicha oʻquv dasturlarini ishlab chiqsin hamda ular asosida zarur oʻquv kontentlarini tayyorlasin;

malaka oshirish kurslari boʻyicha oʻquv kontentlarini yaratish uchun malakali mahalliy va xorijiy mutaxassislarni keng jalb qilsin va ularni videodarslar, interfaol dasturlar, tahliliy materiallar bilan boyitish choralarini koʻrsin;

Internet jahon axborot tarmogʻi orqali aholining keng qatlami oʻrtasida ularning huquqiy savodxonligini oshirishga qaratilgan masofaviy oʻquv kurslarini tashkil qilishni yoʻlga qoʻysin;

b) quyidagi ustuvor masalalarda Institutga har tomonlama koʻmaklashib borsin:

Institutni strategik rivojlantirish, uning xalqaro nufuzini oshirish, taʼlim faoliyatini xalqaro standartlar darajasiga koʻtarish, ilmiy-pedagogik va moddiy-texnik salohiyatini kuchaytirish;

doimiy ravishda kadrlar malakasini oshirishning ilgʻor shakl va usullarini joriy etish, oʻquv-metodik resurslarni ishlab chiqish, taʼlim dasturlarini doimiy takomillashtirish;

kadrlar buyurtmachilari bilan manfaatli hamkorlikni yoʻlga qoʻyish, yuridik kadrlarning kasbiy oʻsishlarini monitoring qilish, shuningdek, yetakchi xorijiy taʼlim va ilmiy-tadqiqot muassasalari bilan hamkorlik aloqalarini kengaytirish;

professor-oʻqituvchilar va tinglovchilar stajirovka oʻtashi uchun zarur shart-sharoitlarni yaratish, shu jumladan, ularning malakasini oshirish sohasida xalqaro hamkorlikni yoʻlga qoʻyish va rivojlantirish;

ilmiy ishlanmalar natijalarini qonun ijodkorligi faoliyati hamda huquqni qoʻllash amaliyotiga joriy etish.

11. Oʻzbekiston Respublikasi Tashqi ishlar vazirligi yuridik kompaniyalar, xalqaro arbitraj institutlari va xorijiy taʼlim tashkilotlari bilan hamkorlik qilishda Institutga koʻmaklashsin.

12. Respublika va mahalliy ijro etuvchi hokimiyat organlari hamda xoʻjalik birlashmalari zaruratga qarab, oʻz kadrlarining huquqiy bilimlarini oshirish hamda xalqaro standartlar asosida oʻqitish uchun doimiy ravishda tegishli mutaxassislarini Institutga yoʻnaltirib borsin.

13. Oʻzbekiston Respublikasi Hukumatining 7-ilovaga muvofiq ayrim qarorlariga oʻzgartirish va qoʻshimchalar kiritilsin.

14. Oʻzbekiston Respublikasi Hukumatining 8-ilovaga muvofiq ayrim qarorlari oʻz kuchini yoʻqotgan deb hisoblansin.

15. Vazirlik uch oy muddatda manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.

16. Ushbu qarorning bajarilishini nazorat qilish Oʻzbekiston Respublikasi adliya vaziri A.D. Tashkulov zimmasiga yuklansin.

Vazirlar Mahkamasining 2025-yil 19-martdagi 171-son qaroriga 1-ILOVA

Yuridik kadrlarni qayta tayyorlash va malakasini oshirish institutining

Direktor Institut kengashi Direktorning oʻquv ishlari boʻyicha birinchi oʻrinbosari Direktorning moliya-iqtisod va xoʻjalik ishlari boʻyicha oʻrinbosari Direktorning ilmiy ishlar va xalqaro hamkorlik boʻyicha oʻrinbosari Oʻquv-uslubiy boʻlim 4 Buxgalteriya va reja-moliya boʻlimi 2 Yuridik kadrlarni xalqaro standartlar boʻyicha professional oʻqitish fakulteti 3 Raqamli taʼlim texnologiyalari markazi 3 Maʼmuriy-xoʻjalik va mehnatni muhofaza qilish boʻlimi 2 Xalqaro hamkorlik va loyihalar boʻlimi 2 Mediastudiya Marketing va buyurtmachilar bilan aloqalar boʻlimi * Ilmiy-innovatsion tadqiqotlarni muvofiqlashtirish boʻlimi 2 Pedagoglar markazi ** 19 Tashkiliy-nazorat boʻlimi * Inson resurslari boʻyicha bosh mutaxassis 1 Matbuot kotibi * Yuriskonsult * Institut nashrlari * Axborot-resurs markazi 1

Vazirlar Mahkamasining 2025-yil 19-martdagi 171-son qaroriga 2-ILOVA

Yuridik kadrlarni qayta tayyorlash va malakasini oshirish institutida mutaxassislarni qayta tayyorlash hamda ularning malakasini oshirish tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish institutida (keyingi oʻrinlarda — Institut) hamda buyurtmachi tashkilotlarda adliya organlari va muassasalari xodimlari, yuridik xizmat, advokatura, notariat, patent vakillari, mediatsiya, intellektual mulk, arxiv ishi va ish yuritish hamda boshqa sohalar boʻyicha mutaxassislarni qayta tayyorlash va ularning malakasini oshirish tartibini belgilaydi.

Institutda yuridik kadrlarni xalqaro standartlar boʻyicha qisqa muddatli professional oʻqitish, oliy maʼlumotga ega boʻlgan shaxslarni yuridik mutaxassislik boʻyicha qayta tayyorlash, umumiy oʻrta, oʻrta maxsus va professional taʼlim muassasalarida huquqiy fanlardan dars beradigan, oliy noyuridik maʼlumotga ega pedagog kadrlarni qayta tayyorlash, professional va oliy taʼlim tizimida huquqiy fanlardan dars beradigan pedagog kadrlarning belgilangan davriylikka muvofiq malakasini oshirish hamda sud ekspertlarini qayta tayyorlash, ularning malakasini va huquqiy bilimlarini oshirish qonunchilikda belgilangan tartibda amalga oshiriladi.

2. Ushbu Nizomda quyidagi asosiy tushunchalar qoʻllaniladi:

buyurtmachi — qayta tayyorlash va malaka oshirish kurslarida taʼlim olish uchun murojaat qilgan jismoniy yoki yuridik shaxs;

malaka talablari — tinglovchilarning umumiy bilim va kasb tayyorgarligi darajasiga qoʻyiladigan talablar majmui;

qayta tayyorlash — davlat va jamiyat qurilishi sohasini yanada demokratlashtirish jarayonlari, shuningdek, davlat hokimiyati hamda boshqaruvi sohasida xalqaro standartlar va talablarni hisobga olgan holda ishlab chiqilgan oʻquv dasturlari asosida zarur bilim, koʻnikma va malakalarni oʻzlashtirish orqali yangi kasbiy faoliyatga yoʻnaltirishga qaratilgan oʻqitish shakli;

malaka oshirish — tegishli oʻquv dasturlari talablaridan kelib chiqqan holda, mutaxassislarning malaka va koʻnikmalarini muntazam ravishda yangilab borish orqali ularning kasbiy bilim va mahorati oshirilishini taʼminlashga qaratilgan oʻqitish shakli;

maxsus tayyorlash — muayyan kasbni egallash uchun talabgorlarning tegishli soha boʻyicha ishlash va ish yuritishga yoʻnaltirilgan zarur bilim, koʻnikma va malakalarini shakllantirishga qaratilgan oʻqitish shakli;

pedagog-maslahatchi — taʼlim jarayonida tegishli oʻquv kursi (moduli) boʻyicha tinglovchilar faoliyatini muvofiqlashtiruvchi va yoʻnaltiruvchi, metodik yordam koʻrsatuvchi, oʻqish va bilishni nazorat qiluvchi subyekt;

tinglovchi — tegishli toʻlovni amalga oshirgan va oʻquv kurslariga qabul qilingan jismoniy shaxs;

oʻquv dasturi — oʻquv kursining taʼlim mazmunini, uning tinglovchilar tomonidan oʻzlashtirilishining maqsadga muvofiq usullarini tashkil etishni nazarda tutadigan, axborot manbai boʻlgan, mutaxassisliklarning malaka talablari, oʻquv kursining asosiy mazmuni va metodik tuzilishini aniqlab beruvchi asosiy hujjat;

oʻquv rejasi — bloklar va oʻquv fanlari (kurslar)ning nomlarini, ularni oʻzlashtirish uchun ajratilgan soatlar hajmini hamda tinglovchilarning bilimlarini nazorat qilish shakllarini belgilab beruvchi asosiy hujjat;

huquqiy bilimlarni oshirish — tegishli sohada faoliyat yuritish uchun lozim boʻlgan huquqiy bilimlarni egallash va amaliyotda qoʻllay olish koʻnikmalarini shakllantirish.

3. Ushbu Nizomga koʻra Institutda oʻquv kurslari quyidagi taʼlim dasturlari asosida tashkil etiladi:

adliya organlari va muassasalari xodimlari uchun — davomiyligi 144 soat, zaxiradagi rahbar xodimlar uchun — 72 soat, martaba darajalarini olish uchun — 36 soatdan 72 soatgacha boʻlgan malaka oshirish kurslari (qisqa muddatli kurslar bundan mustasno);

advokat, notarius va yuridik xizmat xodimlari, patent vakillari uchun — davomiyligi 72 soat boʻlgan malaka oshirish kurslari (qisqa muddatli kurslar bundan mustasno);

davlat organlari va tashkilotlari, shuningdek, davlat ishtirokidagi korxonalar hamda boshqa tashkilotlarning yangi ishga qabul qilingan arxiv ishi va ish yuritishga masʼul xodimlari hamda arxiv mutaxassislari uchun — davomiyligi 36 soatdan 72 soatgacha boʻlgan malaka oshirish kurslari (qisqa muddatli kurslar bundan mustasno);

davlat organlari va tashkilotlarining jismoniy va yuridik shaxslar murojaatlari bilan ishlaydigan xodimlari uchun — davomiyligi 12 soat boʻlgan malaka oshirish kurslari;

nizolarni sudgacha muqobil hal qilish mexanizmi sifatida mediatsiya institutida faoliyat yuritadigan mediatorlar uchun — davomiyligi 36 soatdan 72 soatgacha boʻlgan maxsus tayyorlash hamda 24 soatdan iborat malaka oshirish kurslari;

intellektual mulk huquqi sohasiga oid kasbiy bilim va koʻnikmalarni oshirish boʻyicha qisqa muddatli oʻquv kurslari;

davlat organlari va tashkilotlarining ijro intizomiga masʼul xodimlari uchun qisqa muddatli malaka oshirish kurslari;

yuridik va noyuridik sohalarda faoliyat yurituvchi davlat xizmatchilari, xususiy sektor hamda fuqarolik jamiyati institutlari vakillarining huquqiy bilimlarini oshirishga qaratilgan qisqa muddatli oʻquv kurslari.

Institutga zaruratga koʻra oʻquv kurslarining davomiyligi va oʻquv dasturlarining hajmiga oʻzgartirish kiritish, shuningdek, yangi malaka oshirish va qayta tayyorlash dasturlarini ochish huquqi beriladi.

4. Institutda tashkil etiladigan oʻquv kurslari (maxsus tayyorlash kurslari va qisqa muddatli oʻquv kurslari bundan mustasno) buyurtmachi tashkilotlar bilan kelishilgan holda ishlab chiqilgan va Institut direktori tomonidan tasdiqlanadigan oʻquv dasturlari asosida faoliyat koʻrsatadi.

5. Institutda tashkil etiladigan kurslarda tinglovchining asosiy ish joyidan ajralgan yoki ajralmagan holda oʻqitiladi.

Institutda tashkil etiladigan kurslarda auditoriya oʻquv yuklamasining eng koʻp hajmi, qoida tariqasida, haftasiga 36 soat etib belgilanadi.

6. Oʻqitish davomiyligi, qoida tariqasida:

qayta tayyorlash kurslarida — 16 — 24 haftani;

maxsus tayyorlash kurslarida — 1 — 4 haftani;

malaka oshirish kurslarida — 1 — 4 haftani tashkil etadi.

7. Oʻquv kurslarida oʻquv jarayoni, qoida tariqasida, 25 nafardan ortiq boʻlmagan tinglovchilardan iborat akademik guruhlarda tashkil qilinadi.

Bunda auditoriya mashgʻulotlari barcha turlarining davomiyligi Institut tomonidan belgilanadi, lekin 80 daqiqadan oshmasligi va oʻquv mashgʻulotlari oraligʻidagi tanaffus 10 daqiqadan kam boʻlmasligi lozim.

2-bob. Qayta tayyorlash va maxsus tayyorlash kurslarini tashkil etish

8. Qayta tayyorlash kurslarida oʻquv jarayoni buyurtmachi tashkilotlar bilan kelishilgan holda, Institut kengashi tomonidan tasdiqlangan oʻquv rejasi va dasturlari asosida tashkil etiladi hamda oʻquv mashgʻulotlari jadvali boʻyicha amalga oshiriladi.

Maxsus tayyorlash kurslarida oʻquv jarayoni Institut tomonidan ishlab chiqilgan va tasdiqlangan oʻquv dasturlari asosida tashkil etiladi hamda oʻquv mashgʻulotlari jadvali boʻyicha amalga oshiriladi.

9. Tinglovchilar qayta tayyorlash va maxsus tayyorlash kurslarida Institut bilan tuziladigan shartnomaga (keyingi oʻrinlarda — shartnoma) muvofiq toʻlov asosida oʻqitiladi.

10. Buyurtmachi qayta tayyorlash va maxsus tayyorlash kurslarini tashkil etish uchun onlayn tarzda (Institutning rasmiy veb-sayti yoki maxsus elektron dasturlar orqali) yoki bevosita Institutga murojaat qiladi.

11. Qayta tayyorlash va maxsus tayyorlash kurslariga tinglovchilar buyurtmachining murojaatiga asosan Institut direktorining buyrugʻi bilan qabul qilinadi.

12. Oʻquv jarayonida oʻquv mashgʻulotlarining quyidagi asosiy turlari qoʻllaniladi:

maʼruza;

seminar;

amaliy (laboratoriya) mashgʻulotlari.

Oʻquv mashgʻulotlarining qoʻshimcha turlari — klinik taʼlim, sud majlislari imitatsiyasi (moot court), sayyor mashgʻulotlar va dars mashgʻulotlarini tashkil etishning amaliyotga yoʻnaltirilgan zamonaviy shakllari — keys-stadi, ilmiy taqdimotlar, jamoada ishlash va boshqalar ham qoʻllanilishi mumkin.

13. Masofaviy taʼlim shaklidagi oʻquv kurslarida oʻquv jarayoni maxsus taʼlim platformalarida onlayn (real vaqt rejimida) va oflayn (tegishli oʻquv-metodik resurslarni mustaqil ravishda oʻzlashtirish) rejimda tashkil qilinadi.

14. Qayta tayyorlash kurslarida tinglovchilarning bilimi, qoida tariqasida, quyidagi nazorat turlari boʻyicha baholanadi:

joriy nazorat;

oraliq nazorat;

yakuniy nazorat.

15. Masofaviy taʼlim shaklida tashkil etilgan qayta tayyorlash kurslarida yakuniy nazorat, qoida tariqasida, tinglovchining bevosita ishtirokida Institut auditoriyalarida oʻtkaziladi.

Asosiy ish joyidan ajralmagan holda masofaviy taʼlim olayotgan tinglovchilarga yakuniy nazorat topshirish vaqtida oʻrtacha oylik maoshi saqlangan qoʻshimcha taʼtil beriladi.

16. Qayta tayyorlash va maxsus tayyorlash kurslarida tinglovchilar bilimini baholash shakllari hamda ularni oʻtkazish tartibiga doir talablar Institut tomonidan tasdiqlanadi. Bunda tinglovchilarning fanlar (kurslar)ni oʻzlashtirish darajasining nazorati elektron tizim orqali amalga oshiriladi.

Muayyan nazorat turlaridan oʻtolmagan tinglovchilarga faqat bir marta qayta topshirish imkoniyati beriladi.

17. Oʻzbekiston Respublikasi adliya vazirining buyrugʻi bilan qayta tayyorlash kurslari tinglovchilarining Davlat attestatsiyasini oʻtkazish boʻyicha davlat attestatsiya komissiyasi tuziladi.

18. Tinglovchilarning Davlat attestatsiyasini tashkil etish va oʻtkazishga doir talablar Institut kengashi tomonidan tasdiqlanadi.

19. Davlat attestatsiya komissiyasining qarori Institut direktori tomonidan tinglovchilarga belgilangan namunadagi diplomlarni berish toʻgʻrisidagi buyruq qabul qilish uchun asos hisoblanadi.

20. Davlat attestatsiyasi yakunlari boʻyicha qoniqarsiz baho olgan shaxslarga faqat bir marta keyingi qayta tayyorlash kurslarida Davlat attestatsiyasini takroran topshirish imkoniyati beriladi.

21. Davlat attestatsiya komissiyasi aʼzolari mehnatiga haq toʻlash mehnatga soatbay haq toʻlashning belgilangan miqdorlaridan kelib chiqqan holda belgilanadi.

22. Qayta tayyorlash kurslarining oʻquv rejasiga kiritilgan oʻquv fanlarni (kurslarni) oʻzlashtirmagan tinglovchilar Davlat attestatsiyasiga qoʻyilmaydi.

23. Qayta tayyorlash kursini tamomlagan, yakuniy nazoratlarni muvaffaqiyatli topshirgan tinglovchilarga mazkur Nizomga 1-ilovada belgilangan namunadagi diplom beriladi.

Qayta tayyorlashga ikkinchi oliy taʼlim sifatida qaralmaydi. Qayta tayyorlash natijasida beriladigan hujjat (diplom) faqat muayyan lavozimda faoliyat koʻrsatish huquqini beradi.

Maxsus tayyorlash kursi boʻyicha yakuniy nazoratdan muvaffaqiyatli oʻtgan tinglovchilarga mazkur Nizomga 2-ilovada belgilangan namunadagi sertifikat beriladi.

3-bob. Malaka oshirish kurslarini tashkil etish

24. Malaka oshirish kurslarida oʻqish muddati Institut bilan kelishilgan holda buyurtmachi tashkilotlar tomonidan tasdiqlanadigan taʼlim oluvchilarning malaka oshirish kurslari vaqti, shakli va yoʻnalishi koʻrsatilgan taqsimot-rejalarga muvofiq belgilanadi.

25. Buyurtmachi tashkilotlar tomonidan taqsimot-rejalar yarim yil uchun tuziladi hamda har yili iyun va dekabr oyining 15-sanasiga qadar tasdiqlanib, Institutga yetkaziladi.

26. Buyurtmachi tashkilotlar taqsimot-rejalarga asosan oʻqishi belgilangan xodimlarining malaka oshirish kurslarida qatnashishlarini taʼminlaydi.

27. Tinglovchilar malaka oshirish kurslarida Institut bilan shartnomaga muvofiq toʻlov asosida oʻqitiladi.

28. Malaka oshirish kurslariga tinglovchilarni qabul qilish Institut direktorining buyrugʻi bilan, qoida tariqasida, oʻquv kurslari boshlangan kunning oʻzida rasmiylashtiriladi.

Institut tinglovchilarning malaka oshirish kurslariga oʻz vaqtida kelmaganligi yoki ularda qatnashmaganligi haqida buyurtmachi tashkilotlarga xabar beradi.

Malaka oshirish kurslariga uzrli sabablarga koʻra oʻz vaqtida kelmagan tinglovchilarga oʻqishning tegishli yoʻnalishi boʻyicha navbatdagi malaka oshirish kurslarida oʻqishga ruxsat beriladi.

29. Malaka oshirish kurslarida oʻquv jarayoni Institut direktorining oʻrinbosari tomonidan tasdiqlanadigan mashgʻulotlar jadvali boʻyicha amalga oshiriladi.

30. Malaka oshirish jarayonlari quyidagi shakllarni oʻz ichiga oladi:

oʻquv mashgʻulotlarini bevosita Institutda tashkil etish;

oʻquv mashgʻulotlarini xodimning ish joyida tashkil etish;

kredit-modul tizimi asosida oʻqitish;

masofaviy taʼlim.

31. Oʻquv mashgʻulotlarini tashkil etish tegishli ixtisoslik yoʻnalishlari boʻyicha ishlab chiqilgan oʻquv dasturlarini oʻzlashtirishdan iborat.

Oʻquv mashgʻulotlari 1+3, 2+2 yoki 3+1 sxemalari boʻyicha (tegishli ravishda 25, 50 yoki 75 foiz — mustaqil ravishda bilim orttirish, 75, 50 yoki 25 foiz — bevosita Institutda) masofaviy taʼlim yoki manfaatdor tashkilotlar bazasida yakka tartibdagi topshiriqlarni bajarish shaklida tashkil etilishi mumkin.

Oʻqitishning bunday shakllari axborot uzatishning zamonaviy axborot-kommunikatsiya vositalarini qoʻllash imkoniyati mavjud boʻlgan taqdirda qoʻllaniladi.

32. Oʻquv mashgʻulotlarini xodimning ish joyida tashkil etish ishdan ajralmagan holda xizmat joyiga Institut tomonidan mutaxassislarni jalb etib, tegishli oʻquv dasturlarini oʻzlashtirishdan iborat.

Oʻquv mashgʻulotlari xodimning ish joyida buyurtmachi tashkilotlar bilan kelishilgan holda, Institut direktori tomonidan tasdiqlanadigan malaka oshirishning yakka tartibdagi rejasi asosida tashkil etiladi.

Malaka oshirishning yakka tartibdagi rejasida xodim tomonidan oʻquv dasturida belgilangan mavzularni (modullarni) mustaqil oʻzlashtirish tartibi, mutaxassislarni jalb qilish hamda yakuniy sinov imtihonini topshirish shakli va muddatlari koʻrsatiladi. Bunda xodim tomonidan oʻquv dasturida belgilangan mavzularni (modullarni) oʻzlashtirish uchun koʻpi bilan bir oy muddat belgilanadi.

Malaka oshirishning ushbu shakli boʻyicha oʻquv jarayoni tinglovchilar soni, qoida tariqasida, kamida oʻn nafar boʻlgan guruhlarda tashkil etiladi.

33. Kredit-modul tizimi boʻyicha malaka oshirish mutaxassis kadrlar malakasini oshirishning belgilangan davriyligiga rioya qilingan holda oʻquv dasturi modullarini uzluksiz, mustaqil ravishda oʻzlashtirib borishni nazarda tutadi.

Institut direktori oʻquv dasturining har bir moduli boʻyicha modul rahbarini, yaʼni alohida modulni oʻqitishning sifati, oʻquv materialini shakllantirish, shuningdek, barcha turdagi nazorat savollarini tuzish, tinglovchilar bilimini tekshirishda yagona standartlarni taʼminlashga masʼul boʻlgan pedagog xodimni belgilaydi. Modullar boʻyicha tinglovchilar bilimi yil davomida nazorat jadvallari va baholash mezonlari asosida baholab boriladi.

Modulning oʻquv dasturi mazmunini oʻzlashtirish kreditni, yaʼni tinglovchilarning oʻquv yuklama hajmini aniqlashning shartli birligini qoʻllagan holda belgilanadi. Kredit tinglovchi tomonidan tegishli oʻquv ishlarini (modul xususiyati, mutaxassislarning malaka va koʻnikmalarini muntazam ravishda yangilab borish uchun oʻquv ishlarining muhimligidan kelib chiqib Institut tomonidan belgilanadigan) bajarishga sarflanadigan vaqtdan (soatlardan) tashkil topadi. Har bir modul mustaqil kreditga ega boʻladi.

Oʻquv kurslari boʻyicha bir kredit tarkibi va oʻqish davrini tamomlash uchun tinglovchi tomonidan toʻplanishi lozim boʻlgan kreditlarning umumiy soni hamda ushbu shakl boʻyicha malaka oshirishning tartibi Oʻzbekiston Respublikasi Adliya vazirligi tomonidan belgilanadi.

34. Kredit-modul tizimi boʻyicha malaka oshirishda tegishli kredit ballarni toʻplash uchun quyidagilar ham hisobga olinadi:

joriy davrda ilmiy maqolalar chop etish, monografiya, darslik va oʻquv qoʻllanmasini nashr ettirish;

malaka oshirishning muqobillik tamoyiliga asoslangan holda Institut tomonidan tashkil qilinadigan qisqa muddatli oʻquv kurslarida ixtiyoriy ravishda oʻqish;

Institutning tinglovchilar kontingentiga bir oʻquv yilida 100 soatdan kam boʻlmagan hajmda oʻquv mashgʻulotlarini oʻtkazish;

malaka oshirishning belgilangan davriyligi davomida falsafa doktori (PhD) yoki fan doktori (DSc) ilmiy darajalariga ega boʻlish.

Xodim mos ravishda falsafa doktori (PhD) ilmiy darajasiga ega boʻlganda, malaka oshirish uchun belgilangan umumiy kredit ballini toʻplashdan ozod qilinib, toʻgʻridan-toʻgʻri yakuniy sinov imtihonini topshirishga ruxsat beriladi, fan doktori (DSc) ilmiy darajasiga ega boʻlganda esa, xodim besh yil muddatga malaka oshirish kurslarida oʻqishdan ozod qilinadi.

Kredit-modul tizimi boʻyicha malaka oshirish uchun jalb qilingan xodim soʻnggi uch yildagi maʼlumotlarni elektron portfolio tizimiga shaxsan oʻzi kiritadi va koʻrsatkichlar elektron monitoring tizimi orqali qayd etib boriladi.

35. Adliya organlari va muassasalari xodimlarining martaba darajalarini berish boʻyicha maxsus malaka oshirish oʻquv kurslari dasturi tinglovchilarning egallab turgan lavozimi boʻyicha individual kasbiy bilim va koʻnikmalarini oshirishga hamda huquq sohasidagi mantiqiy va tahliliy fikrlashini rivojlantirishga qaratiladi.

Bunda maxsus malaka oshirish oʻquv kurslari, qoida tariqasida:

“3-darajali yurist” va “2-darajali yurist” martaba darajalari uchun 36 soatlik oʻquv dasturlari asosida masofaviy taʼlim shaklida;

“1-darajali yurist” va “3 darajali adliya maslahatchisi” martaba darajalari uchun 72 soatlik oʻquv dasturlari asosida masofaviy taʼlim shaklida;

“2-darajali adliya maslahatchisi” va “1-darajali adliya maslahatchisi” martaba darajalari uchun xodimlarning rahbarlik qobiliyatini shakllantirishga qaratilgan 72 soatlik oʻquv dasturlari asosida maxsus malaka oshirish oʻquv kurslari bevosita Institutda tashkil etiladi.

36. Malaka oshirish kurslari oʻquv dasturiga muvofiq belgilangan mavzular (modullar) boʻyicha yakuniy sinov imtihonini topshirish bilan yakunlanadi.

Qisqa muddatli oʻquv kurslarida yakuniy sinov imtihoni oʻquv dasturida nazarda tutilgandagina oʻtkaziladi.

Malaka oshirish kurslarida yakuniy sinov imtihonlarini qabul shakli va tartibiga doir talablar Institut kengashi tomonidan tasdiqlanadi.

37. Institut yuridik va noyuridik sohalarda faoliyat yurituvchi davlat xizmatchilari, xususiy sektor hamda fuqarolik jamiyati institutlari vakillarining huquqiy bilimlarini oshirishga qaratilgan qisqa muddatli oʻquv kurslarini tashkil etishi mumkin. Bunday kurslar shartnomaga muvofiq toʻlov asosida tashkil etiladi.

38. Qisqa muddatli oʻquv kurslari Institut tomonidan mustaqil ravishda yoki buyurtmachi tashkilotlar bilan kelishilgan holda tasdiqlanadigan oʻquv dasturlariga muvofiq ixtiyoriy tashkil etiladi.

Bunda oʻquv kurslarining davomiyligi, oʻquv yuklamasining hajmi, oʻqitish shakllari hamda oʻquv kurslari yakunlari boʻyicha qabul qilinadigan yakuniy sinov imtihoni Institut tomonidan buyurtmachi tashkilotlar bilan kelishilgan holda belgilanadi.

Tinglovchilar oʻquv kurslariga buyurtmachining murojaatiga asosan Institut direktorining buyrugʻi bilan qabul qilinadi.

39. Malaka oshirish kursini (shu jumladan, qisqa muddatli oʻquv kurslarini) muvaffaqiyatli tamomlagan tinglovchilarga mazkur Nizomga 3-ilovada belgilangan namunadagi sertifikat beriladi. Sertifikat, qoida tariqasida, elektron shaklda rasmiylashtiriladi.

Yakuniy sinov imtihonini topshirmagan tinglovchiga bir marotaba qayta topshirish uchun uch oygacha muddat beriladi.

Qayta topshirish natijasidan ham yakuniy sinov imtihonidan oʻtolmagan tinglovchiga sertifikat berilmaydi. Bu holda tinglovchiga malaka oshirish kursida qatnashganligi toʻgʻrisida maʼlumotnoma beriladi.

4-bob. Masofaviy taʼlimni tashkil etish

40. Masofaviy taʼlim tegishli soha mutaxassislarining kasbiy ehtiyojlaridan kelib chiqqan holda ishlab chiqilgan oʻquv dasturlari orqali onlayn hamda oflayn tarzda amalga oshiriladi.

41. Masofaviy taʼlimning davomiyligi tegishli oʻquv kursi uchun ajratilgan akademik soatlarda belgilanadi, bunda oʻqishning kalendar muddatlari akademik muddatlardan ortiq boʻlishi mumkin.

42. Onlayn shakldagi masofadan oʻqitish usuli maxsus jihozlangan oʻquv xonalarida real vaqt rejimida amalga oshiriladi.

Xodimlarning masofaviy oʻqishda ishtiroki buyurtmachi tashkilotlar tomonidan taʼminlanadi.

43. Masofaviy taʼlim kurslari boshlanishidan uch kun oldin tinglovchilarga Institut tomonidan elektron login va parol beriladi.

44. Tinglovchilar oʻziga berilgan login va parol yordamida Institutning rasmiy veb-saytidagi maxsus boʻlimiga kiradi va unda oʻzining shaxsiy kabinetiga ega boʻladi.

45. Tinglovchiga berilgan login va parolni hamda shaxsiy kabinetini boshqa shaxslarga foydalanish uchun berish taqiqlanadi.

46. Masofaviy taʼlim davomida tinglovchilar kurslarni tashkil etish va oʻtkazish rejasiga, oʻqish davomiyligiga amal qilishi, shuningdek, onlayn va offlayn rejimdagi taʼlim jarayonida shaxsan oʻzi ishtirok etishi talab etiladi.

47. Masofaviy taʼlim shakli boʻyicha oʻqitish jarayonida tinglovchilar faoliyati, taʼlim jarayonini muvofiqlashtirish va yoʻnaltirish Institut direktorining buyrugʻi bilan biriktiriladigan pedagog-maslahatchi tomonidan amalga oshiriladi.

48. Tinglovchilar bilan doimiy aloqani yoʻlga qoʻyish, tinglovchilarga zarur metodik yordam berish, yakka tartibdagi mashgʻulotni oʻtkazish yuzasidan nazoratni amalga oshirish va tinglovchilar bilimlarini baholash pedagog-maslahatchining vazifalariga kiradi. Pedagog-maslahatchi yakka tartibdagi topshiriqning tinglovchi tomonidan bajarilishi xolisona baholanishi uchun javob beradi.

Pedagog-maslahatchi bilan aloqa elektron pochta, telefon va boshqa elektron aloqa vositalari yordamida amalga oshiriladi. Pedagog-maslahatchi bilan aloqa sessiyalar (bevosita yuzma-yuz muloqot) tarzida ham amalga oshirilishi mumkin.

5-bob. Tinglovchilarning huquq va majburiyatlari

49. Tinglovchilar oʻquv mashgʻulotlari boshlanishidan oldin Institut tinglovchilarining ichki tartib-qoidalari bilan tanishtiriladi.

50. Tinglovchilar quyidagi huquqlarga ega:

oʻquv jarayonini yanada yaxshilash, qayta tayyorlash va malaka oshirish tizimini takomillashtirish boʻyicha Institut rahbariyatiga takliflar kiritish;

maʼnaviy-maʼrifiy va madaniy tadbirlarda qatnashish;

qayta tayyorlash va malaka oshirish bilan bogʻliq boʻlgan qoʻshimcha maʼlumotlar va maslahatlar olish;

Institutning axborot-resurs markazi, oʻquv xonalari va kompyuter texnika vositalaridan foydalanish;

Institut xodimlari xatti-harakatlari yuzasidan shikoyat qilish.

Tinglovchilar qonunchilik hujjatlariga muvofiq boshqa huquqlarga ham ega boʻlishlari mumkin.

51. Tinglovchilar:

belgilangan tartibda oʻquv rejasi va dasturlari asosida oʻqish;

oʻquv mashgʻulotlariga oʻz vaqtida shaxsan oʻzlari ishtirok etishi va onlayn oʻquv mashgʻulotlarida veb-kamerasini yoqqan holda qatnashishi;

oʻquv dasturlarida nazarda tutilgan nazorat turlarini va yakuniy sinov imtihonlarini topshirishi;

oʻz nazariy bilimlarini, kasbiy koʻnikmalari va mahorat darajasini oshirishi;

oʻquv jarayonida berilgan topshiriqlarni oʻz vaqtida bajarishi;

Institutga tegishli boʻlgan mol-mulkni asrab-avaylashi, Institut tinglovchilarining ichki tartib-qoidalariga qatʼiy rioya etishi lozim.

Tinglovchilar qonunchilik hujjatlariga muvofiq boshqa majburiyatlarga ham ega boʻlishlari mumkin.

52. Tinglovchi quyidagi holatlarda tinglovchilar safidan chiqariladi:

oʻz xohishiga binoan;

oʻquv intizomi va Institut tinglovchilarining ichki tartib-qoidalarini muntazam ravishda yoki bir marotaba qoʻpol ravishda buzganda;

uzrli sabablarsiz qayta tayyorlash kurslari boʻyicha oʻquv mashgʻulotlarini oʻttiz soatdan va malaka oshirish kurslari boʻyicha oʻquv mashgʻulotlarini oʻn olti akademik soatdan ortiq qoldirganda;

tinglovchiga berilgan login va parolni hamda shaxsiy kabinetini boshqa shaxslarga foydalanish uchun berganligi aniqlanganda;

shartnoma asosida oʻqitish bilan bogʻliq majburiyatlarni bajarmaganda;

salomatligi tufayli (tibbiy komissiya maʼlumotnomasi asosida);

sud tomonidan ozodlikdan mahrum etilganda;

vafot etganda.

53. Tinglovchi qayta tayyorlash yoki malaka oshirish kursi tinglovchilari safidan chiqarilganda, Institut bu haqida uni oʻqishga yuborgan buyurtmachi tashkilotga xabar beradi.

Tinglovchi mazkur Nizomning 52-band uchinchi — oltinchi xatboshilarida nazarda tutilgan holatlarga koʻra tinglovchilar safidan chiqarilgan taqdirda, ushbu tinglovchi uchun toʻlangan toʻlov miqdori qaytarilmaydi.

6-bob. Yakunlovchi qoidalar

54. Diplom yoʻqotilgan yoki yaroqsiz holga kelgan, buzilgan hollarda diplomning dublikati (keyingi oʻrinlarda — dublikat) beriladi. Bunda ushbu shaxslar Institut direktoriga diplomning yoʻqotish, yaroqsiz holga kelish yoki buzilish holati toʻliq bayon etilgan yozma ariza beradi.

55. Dublikat murojaat qilingan sanadan boshlab oʻn besh kun muddat mobaynida beriladi.

56. Dublikatda hujjatlarning avvalgi qayd etilgan raqami, seriyasi, berilgan sanasi koʻrsatiladi, yangi blankaning yuqoridagi oʻng burchagiga “Dublikat” soʻzi yoziladi.

57. Yaroqsiz holatga kelgan yoki buzilgan diplom Institutga qaytarilishi va qonunchilik hujjatlarida belgilangan tartibda yoʻq qilinishi lozim.

58. Mazkur Nizomni qoʻllashda yuzaga keladigan nizolar qonunchilikda belgilangan tartibda hal etiladi.

59. Mazkur Nizom talablarining buzilishida aybdor shaxslar qonunchilik hujjatlariga muvofiq javobgar boʻladi.

Yuridik kadrlarni qayta tayyorlash va malakasini oshirish institutida mutaxassislarni qayta tayyorlash hamda ularning malakasini oshirish tartibi toʻgʻrisidagi nizomga 1-ILOVA

Qayta tayyorlash haqida davlat namunasidagi diplom

Oʻzbekiston Respublikasi Davlat gerbi Oʻzbekiston Respublikasi Qayta tayyorlash haqida DIPLOM QT №000000 __________________________________________________________________________________ (tinglovchining familiyasi, ismi, otasining ismi) 20_____-yil ____________________________________dan 20______-yil ______________________gacha Adliya vazirligi huzuridagi Yuridik kadrlarni qayta tayyorlash va malakasini oshirish institutida ____________ _________________ soatga moʻljallangan ______________________________________________________ _________________________________________________________________________________________ (qayta tayyorlash kursining nomi) qayta tayyorlash kursida taʼlim olib, _______________________________________________ bitiruv-malaka ishini ___________ bahoga himoya qildi va qayta tayyorlash oʻquv kursini muvaffaqiyatli tamomladi. Muhr oʻrni Direktor _____________ Sana _____________ Qayd raqami __________

Qayta tayyorlash haqida davlat namunasidagi diplomning

TAVSIFI

Qayta tayyorlash toʻgʻrisidagi diplom A4 formatli oq qogʻozda ofset usulida, besh xil rangdan foydalangan holda: matn uchun — qora rangda, rasmlar tasviri uchun — yashil, koʻk, qizil ranglarda, fon uchun — och pushti rangda bosib chiqariladi.

Varaqning chap qismida chetidan 10 mm chekingan holda, eni 32 mm boʻlgan Oʻzbekiston Respublikasi Davlat bayrogʻi tasvirlangan tasma joylashtiriladi. Tasmaning yuqori qismida diametri 30 mm boʻlgan Davlat gerbi, past qismida esa — 35 mm oʻlchamli ikkita kvadrat qoʻshilishidan hosil boʻlgan sakkiz qirrali yulduz, yulduzning oʻrtasida muhr uchun 25 mm diametrli oq aylana joylashgan.

Varaqning qolgan qismida yuqorida davlat tilida “OʻZBEKISTON RESPUBLIKASI” va “Qayta tayyorlash haqida DIPLOM” soʻzlari bosiladi. Diplom ikki harf — QT va olti raqamli sondan iborat tartib raqamiga ega. Barcha matn naqshli rastrdan iborat och pushti rang fonda bosib chiqariladi.

Diplom:

bosib chiqarishning ikki usuli — ofset va yuqori usuli;

yorugʻlik vositasida nusxa koʻchirishni qiyinlashtirish uchun ochiq ranglar;

naqshli rastr;

har xil rangli rastrlardan foydalanish yoʻli bilan turli ranglarni tashkil etish;

maxsus qogʻoz;

oʻzgaradigan raqamlardan iborat tartib raqami qoʻllangan holda oltita himoyaga ega.

Yuridik kadrlarni qayta tayyorlash va malakasini oshirish institutida mutaxassislarni qayta tayyorlash hamda ularning malakasini oshirish tartibi toʻgʻrisidagi nizomga 2-ILOVA

Maxsus tayyorlash kursini tamomlaganlik haqida davlat namunasidagi sertifikat

Oʻzbekiston Respublikasi Davlat gerbi Oʻzbekiston Respublikasi __________________________________________________________________________ (maxsus tayyorlash kursining nomi) Maxsus tayyorlash kursini tugatganligi haqida SERTIFIKAT MT № 000000 ________________________________________________________________________________ (tinglovchining familiyasi, ismi, otasining ismi) 20____ yil ____________________________________dan 20_____ yil ________________________gacha Adliya vazirligi huzuridagi Yuridik kadrlarni qayta tayyorlash va malakasini oshirish institutida jami ________ soatga moʻljallangan ________________________________________________________________________ (maxsus tayyorlash kursining nomi) oʻquv kursini muvaffaqiyatli tamomladi. Muhr oʻrni Direktor _____________ Sana _______________ Qayd raqami __________

Maxsus tayyorlash kursini tamomlaganlik haqida davlat namunasidagi sertifikat

TAVSIFI

Malaka oshirish toʻgʻrisidagi sertifikat A4 formatli oq qogʻozda ofset usulida, besh xil rangdan foydalangan holda: matn uchun — qora rangda, rasmlar tasviri uchun — yashil, koʻk, qizil ranglarda, fon uchun — och kulrangda bosib chiqariladi.

Varaqning chap qismida chetidan 10 mm chekingan holda, eni 32 mm boʻlgan Oʻzbekiston Respublikasi Davlat bayrogʻi tasvirlangan tasma joylashtiriladi. Tasmaning yuqori qismida diametri 30 mm boʻlgan Davlat gerbi, past qismida esa — 35 mm oʻlchamli ikkita kvadrat qoʻshilishidan hosil boʻlgan sakkiz qirrali yulduz, yulduzning oʻrtasida muhr uchun 25 mm diametrli oq aylana joylashgan.

Varaqning qolgan qismida yuqorida davlat tilida “OʻZBEKISTON RESPUBLIKASI” va “Maxsus tayyorlash kursini tagatganligi haqida SERTIFIKAT” soʻzlari bosiladi. Sertifikat ikki harf — MT va olti raqamli sondan iborat tartib raqamiga ega. Barcha matn naqshli rastrdan iborat och kulrang fonda bosib chiqariladi.

Sertifikat:

yorugʻlik vositasida nusxa koʻchirishni qiyinlashtirish uchun ochiq ranglar;

naqshli rastr;

har xil rangli rastrlardan foydalanish yoʻli bilan turli ranglarni tashkil etish;

oʻzgaradigan raqamlardan iborat tartib raqami qoʻllangan holda toʻrtta himoyaga ega.

Yuridik kadrlarni qayta tayyorlash va malakasini oshirish institutida mutaxassislarni qayta tayyorlash hamda ularning malakasini oshirish tartibi toʻgʻrisidagi nizomga 3-ILOVA

Malaka oshirish haqida davlat namunasidagi sertifikat

Oʻzbekiston Respublikasi Davlat gerbi Oʻzbekiston Respublikasi Malaka oshirish haqida SERTIFIKAT MO № 000000 ________________________________________________________________________________ (tinglovchining familiyasi, ismi, otasining ismi) 20____-yil __________________________________ dan 20_____-yil ______________________ gacha Adliya vazirligi huzuridagi Yuridik kadrlarni qayta tayyorlash va malakasini oshirish institutida jami ________ soatga moʻljallangan ________________________________________________________________ boʻyicha (malaka oshirish kursining nomi) malakasini oshirdi. Muhr oʻrni Direktor _____________ Sana ________________ Qayd raqami __________

Malaka oshirish haqida davlat namunasidagi sertifikat

TAVSIFI

Malaka oshirish toʻgʻrisidagi sertifikat A4 formatli oq qogʻozda ofset usulida, besh xil rangdan foydalangan holda: matn uchun — qora rangda, rasmlar tasviri uchun — yashil, koʻk, qizil ranglarda, fon uchun — och kulrangda bosib chiqariladi.

Varaqning chap qismida chetidan 10 mm chekingan holda, eni 32 mm boʻlgan Oʻzbekiston Respublikasi Davlat bayrogʻi tasvirlangan tasma joylashtiriladi. Tasmaning yuqori qismida diametri 30 mm boʻlgan Davlat gerbi, past qismida esa — 35 mm oʻlchamli ikkita kvadrat qoʻshilishidan hosil boʻlgan sakkiz qirrali yulduz, yulduzning oʻrtasida muhr uchun 25 mm diametrli oq aylana joylashgan.

Varaqning qolgan qismida yuqorida davlat tilida “OʻZBEKISTON RESPUBLIKASI” va “Malaka oshirish haqida SERTIFIKAT” soʻzlari bosiladi. Sertifikat ikki harf — MO va olti raqamli sondan iborat tartib raqamiga ega. Barcha matn naqshli rastrdan iborat och kulrang fonda bosib chiqariladi.

Sertifikat:

yorugʻlik vositasida nusxa koʻchirishni qiyinlashtirish uchun ochiq ranglar;

naqshli rastr;

har xil rangli rastrlardan foydalanish yoʻli bilan turli ranglarni tashkil etish;

oʻzgaradigan raqamlardan iborat tartib raqami qoʻllangan holda toʻrtta himoyaga ega.

Vazirlar Mahkamasining 2025-yil 19-martdagi 171-son qaroriga 3-ILOVA

Yuridik kadrlarni xalqaro standartlar boʻyicha qisqa muddatli professional oʻqitish kurslari toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish institutida (keyingi oʻrinlarda — Institut) yuridik kadrlarni xalqaro standartlar boʻyicha qisqa muddatli professional oʻqitish kurslarini tashkil etish va oʻtkazish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

talabgor — professional oʻqitish kurslarida taʼlim olish uchun murojaat qilgan, ingliz tilini amaliyotda erkin qoʻllay olish darajasida biladigan shaxs;

tinglovchi — belgilangan miqdordagi toʻlov-kontrakt pulini toʻlagan hamda Institut direktorining buyrugʻi bilan professional oʻqitish kurslariga qabul qilingan shaxs;

yuridik kadrlarni xalqaro standartlar boʻyicha qisqa muddatli professional oʻqitish kurslari (keyingi oʻrinlarda — professional oʻqitish kurslari) — investitsiya va tijorat faoliyatida xalqaro huquq asoslarini shakllantirishni taʼminlashga, shuningdek, xalqaro yuridik amaliyotda ularning kasbiy bilim va koʻnikmalarini rivojlantirishga qaratilgan kadrlarni qisqa muddatli oʻqitish shakli.

3. Professional oʻqitish kurslari quyidagi shakllarda tashkil etiladi:

tayanch kurs — xalqaro tijorat faoliyati, xalqaro arbitraj va sud nizolarini huquqiy taʼminlash sohasida asosiy malaka va koʻnikmalarni rivojlantirishga qaratilgan kurslar;

sohaviy kurs — xalqaro investitsiya va tijorat faoliyatini samarali huquqiy qoʻllab-quvvatlash orqali taʼminlash, xalqaro xususiy, tijorat huquqi, xalqaro arbitrajning moddiy va protsessual huquq normalarini qoʻllash, ilgʻor advokatlik texnikasi, aktivlarni xalqaro qidirish va qaytarish, xalqaro tergov qilish va korrupsiyaga qarshi kurashish toʻgʻrisidagi qonunchilik hujjatlariga rioya qilish hamda boshqa shu kabi muayyan sohaga oid bilim va koʻnikmalarni rivojlantirish uchun zarur boʻlgan kurslar;

ingliz huquqining fundamental asoslari boʻyicha kurs — mamlakatda yaratilayotgan zamonaviy biznes va tadbirkorlik muhitida investorlar huquq va manfaatlarining ishonchli himoyasini taʼminlash maqsadida ingliz huquqi elementlari asosida tinglovchilarning sud pretsedenti, odat huquqi, shartnoma huquqi, arbitraj tartib-taomillari, investitsiya huquqi, advokatlik texnikasi, nizolarni muqobil hal qilish asoslari va boshqa shu kabi sohalar boʻyicha bilim va koʻnikmalarini oshirishga qaratilgan kurslar.

4. Professional oʻqitish kurslarida oʻqish muddati va auditoriya mashgʻulotlarining davomiyligi Institut tomonidan oʻquv dasturlaridan kelib chiqqan holda belgilanadi.

5. Tinglovchilar Institut tomonidan Adliya vazirligi bilan kelishilgan holda belgilanadigan oʻrinlar sonidan kelib chiqqan holda, toʻlov-kontrakt asosida qabul qilinadi.

6. Professional oʻqitish kurslarida oʻquv mashgʻulotlari asosan ingliz tilida oʻtkaziladi. Oʻquv mashgʻulotlari zaruratga qarab boshqa tillarda ham oʻtkazilishi mumkin.

7. Kurslarda oʻquv mashgʻulotlarini tashkil etish shaklidan (masofadan, anʼanaviy, aralash) kelib chiqqan holda, tinglovchining asosiy ish joyidan ajralgan yoki ajralmagan holda oʻqitiladi.

Professional oʻqitish kurslari tinglovchining asosiy ish joyidan ajralgan holda tashkil etilganda, kurslarda oʻqish davomida Institut tinglovchilarining asosiy ish joyidagi oʻrtacha ish haqini saqlab qolish masalasi mehnat qonunchiligida belgilangan tartibda hal qilinadi.

8. Professional oʻqitish kurslari mazkur Nizomga ilovadagi sxema boʻyicha tashkil etiladi va oʻtkaziladi.

2-bob. Professional oʻqitish kurslariga qabulni tashkil etish

9. Professional oʻqitish kurslarida oʻquv mashgʻulotlari boshlanishidan bir oy oldin Oʻzbekiston Respublikasi Adliya vazirligi tegishli vazirlik va idoralar, shuningdek, boshqa tashkilotlarga oʻz xodimlarini kurslarga oʻqitishga yoʻnaltirish toʻgʻrisida xabar beradi.

10. Institut vazirlik va idoralar, shuningdek, boshqa tashkilotlar tomonidan taqdim etilgan tegishli buyurtmanomalar asosida professional oʻqitish kurslarini oʻtkazish grafigi (dasturi)ni tasdiqlaydi.

Zarur hollarda, Institut tomonidan turli mavzularda qoʻshimcha kurslar ham tashkil etilishi mumkin.

11. Kurs kontingentini shakllantirish va yuridik taʼlim olishga keng imkoniyat yaratish maqsadida zaruratga koʻra Institut tomonidan kurslarga qabul yuzasidan barcha uchun ochiq eʼlon berilishi, kurslarda oʻqish istagini bildirgan talabgorlar oʻqishga qabul qilinishi mumkin.

12. Professional oʻqitish kurslarida oʻqish uchun yoʻnaltirilgan talabgorlarga tegishli namunadagi toʻlov-kontraktlari yuridik shaxslar uchun uch nusxada, jismoniy shaxslar uchun ikki nusxada beriladi hamda Institutning rahbari va buxgalteri imzolari bilan tasdiqlanadi.

13. Professional oʻqitish kurslariga tinglovchilarni qabul qilish belgilangan muddatda toʻlov-kontrakt toʻlovi summasi oʻtkazilgan taqdirda, Institut direktorining buyrugʻi bilan rasmiylashtiriladi.

14. Professional oʻqitish kurslarida oʻqish uchun toʻlov-kontrakt summasi miqdori Adliya vazirligi bilan kelishilgan holda Institut tomonidan belgilanadi.

3-bob. Professional oʻqitish kurslarida oʻquv jarayoni

15. Institut Adliya vazirligi, shuningdek, xorijiy yuridik kompaniyalar va taʼlim muassasalari bilan birgalikda ehtiyojlardan kelib chiqib, professional oʻqitishning talab yuqori boʻlgan yoʻnalishlarini aniqlaydi.

16. Professional oʻqitish kurslarining oʻquv dasturi Institut tomonidan xorijiy yuridik kompaniyalar va taʼlim muassasalari bilan birgalikda professional oʻqitishning aniqlangan yoʻnalishidan kelib chiqib, xalqaro arbitraj muhokamalarida ishtirok etish doirasida yuzaga keladigan dolzarb muammolarni hisobga olgan holda ishlab chiqiladi.

Professional oʻqitish kurslarini oʻtkazish muddati va tartibi, mavzular hamda oʻquv mashgʻulotlarini oʻtkazuvchi mutaxassislarga oid maʼlumotlar aks etgan oʻquv dasturi Institut tomonidan tasdiqlanadi.

17. Oʻquv jarayonida amaliyotga yoʻnaltirilgan, shu jumladan, videokonferensaloqa, masofaviy taʼlim texnologiyalaridan foydalangan holda oʻqitishning zamonaviy interfaol usullari qoʻllaniladi.

18. Institutda oʻquv mashgʻulotlarini oʻtkazish uchun asosan xorijiy yuristlar va tegishli chet el mutaxassislari shartnoma asosida jalb etiladi.

Oʻquv mashgʻulotlarini oʻtkazishga arbitraj, sud protsesslarini oʻz ichiga olgan xalqaro huquqni qoʻllash tajribasiga ega boʻlgan, oʻz faoliyatini Oʻzbekiston Respublikasi hududida amalga oshiruvchi xorijiy yuridik kompaniyalar hamda davlat organlari va boshqa tashkilotlarning xodimlari va boshqa malakali mutaxassislar ham jalb etilishi mumkin.

19. Kurslarni muvaffaqiyatli tamomlagan tinglovchilarga Adliya vazirligi tomonidan tasdiqlanadigan namunadagi sertifikat beriladi.

20. Kursni muvaffaqiyatli tugatgan tinglovchilar xorijiy mamlakatlarga stajirovkaga yuborilishi mumkin.

Institut kurslarni muvaffaqiyatli tamomlagan tinglovchilar orasidan ularning kasbiy koʻnikma va bilimlari shakllanganligi hamda rivojlanganligi, shuningdek, xorijiy tillarni bilish darajasini inobatga olgan holda, xorijiy yuridik kompaniyalar va xalqaro arbitraj institutlari, shuningdek, boshqa tegishli tashkilotlarda stajirovkalarni tashkil etish uchun tinglovchilarni tanlab oladi. Stajirovka, qoida tariqasida, 2-3 oygacha boʻlgan muddatda tashkil etadi.

4-bob. Yakunlovchi qoidalar

21. Adliya vazirligi tinglovchilarning oʻquv jarayoni va stajirovkasi monitoringini yuritadi, ular bilan doimiy aloqada boʻladi.

22. Tinglovchi professional oʻqitish kursida oʻqishni davom ettirishni rad etganda, kurslarda ishtirok etmagan yoki oʻqishdan chetlashtirilganda toʻlangan toʻlov-kontrakt summasi qaytarib berilmaydi.

23. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.

Yuridik kadrlarni xalqaro standartlar boʻyicha qisqa muddatli professional oʻqitish kurslari toʻgʻrisidagi nizomga ILOVA

Yuridik kadrlarni xalqaro standartlar boʻyicha qisqa muddatli professional oʻqitish kurslarini tashkil qilish va oʻtkazish

Bosqichlar Subyektlar Tadbirlar B ajarish muddati 1- bosqich A dliya vazirligi ( Institut ) 1. Vazirlik va idoralar, boshqa tashkilotlarga oʻz xodimlarini kurslarga oʻqitishga yoʻnaltirish toʻgʻrisida xabar (zaruratga koʻra ochiq eʼlon) beradi. Oʻquv mashgʻulotlari boshlanishidan bir oy oldin 2. Vazirlik va idoralar, shuningdek, boshqa tashkilotlar tomonidan taqdim etilgan tegishli buyurtmanomalar asosida professional oʻqitish kurslarini oʻtkazish grafigini (dasturi) tasdiqlaydi. Oʻquv mashgʻulotlari boshlanishidan ikki hafta oldin 2- bosqich Institut 1. H ujjatlarni qabul qiladi. Oʻquv mashgʻulotlari boshlanishidan ikki hafta oldin 2. Toʻlov-kontraktlarni rasmiylashtiradi . 3. Tinglovchilarni kurslarga qabul qiladi. Oʻquv jarayonlari boshlangan kuni 3- bosqich Institut 1. Oʻquv mashgʻulotlarini tashkil etadi. Tasdiqlangan dasturga asosan A dliya vazirligi 2. Belgilangan tartibda sertifikat beradi. Kurs yakunlari boʻyicha

Vazirlar Mahkamasining 2025-yil 19-martdagi 171-son qaroriga 4-ILOVA

Oliy maʼlumotga ega boʻlgan shaxslarni yuridik mutaxassislik boʻyicha qayta tayyorlash kurslari toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish institutida (keyingi oʻrinlarda — Institut) oliy maʼlumotga ega boʻlgan shaxslarni yuridik mutaxassislik boʻyicha qayta tayyorlash kurslarini tashkil etish va oʻtkazish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

anʼanaviy taʼlim shaklida oʻqish — oʻquv dasturlarini ishlab chiqarishdan ajralgan holda, qayta tayyorlash kurslarida bevosita ishtirok etish orqali oʻzlashtirish;

masofaviy taʼlim shaklida oʻqish — oʻquv dasturlarini ishlab chiqarishdan ajralmagan holda onlayn (real vaqt rejimida) hamda oflayn (videomaʼruzalar, mavzuga doir maʼruzalar matni, assesment topshiriqlari, amaliyot materiallari tahlili, kichik nazorat ishini bajarish orqali tegishli oʻquv-metodik resurslarni mustaqil ravishda oʻzlashtirish) tarzda oʻzlashtirish;

oliy maʼlumotga ega boʻlgan shaxslarni yuridik mutaxassislik boʻyicha qayta tayyorlash kurslari (keyingi oʻrinlarda — qayta tayyorlash kurslari) — davlat organlari va tashkilotlarining yuridik maʼlumot hamda bilim talab etadigan kasb va lavozimlarida faoliyat yuritish uchun yetarli darajadagi bilim olish va koʻnikma shakllantirishni nazarda tutadigan oliy taʼlimdan keyingi oʻqitish shakli;

talabgor — qayta tayyorlash kurslarida taʼlim olish uchun murojaat qilgan oliy maʼlumotga ega boʻlgan shaxs;

tinglovchi — kirish imtihonlaridan muvaffaqiyatli oʻtgan, oʻqish uchun kontrakt toʻlovini toʻlagan va qayta tayyorlash kurslariga qabul qilingan shaxs.

3. Tinglovchilar Institut kengashi tomonidan kursni tashkil etish shakli boʻyicha belgilangan oʻrinlarga muvofiq toʻlov-kontrakt asosida qabul qilinadi.

4. Tinglovchilar suhbat shaklida oʻtkaziladigan kirish imtihonlariga koʻra qabul qilinadi.

5. Kirish imtihonlari yuridik kasbni tanlashning asoslantirilishi, huquq sohasidagi tayanch bilimlar va tahliliy fikrlashni aniqlash nuqtai nazaridan oʻtkaziladi.

6. Qayta tayyorlash kurslarida anʼanaviy yoki masofaviy taʼlim shaklida davlat va rus tillarida oʻqitiladi.

7. Kirish imtihonlari tinglovchi qayta tayyorlash kurslarida taʼlim oladigan tilda oʻtkaziladi.

8. Qayta tayyorlash kurslarida oʻqitishning davomiyligi, qoida tariqasida, olti oyni tashkil etadi.

Qayta tayyorlash kurslarida ishdan ajralgan holda oʻqish davomida tinglovchilarning asosiy ish joyidagi oʻrtacha ish haqini saqlab qolish masalasi mehnat qonunchiligida belgilangan tartibda hal qilinadi.

9. Qayta tayyorlash kurslarida oʻqish ikkinchi oliy maʼlumot olish hisoblanmaydi.

10. Qayta tayyorlash kurslari mazkur Nizomga 1-ilovadagi sxemaga muvofiq tashkil etiladi va oʻtkaziladi.

2-bob. Hujjatlarni qabul qilish va qayta tayyorlash kurslariga qabulni tashkil etish

11. Qayta tayyorlash kurslariga qabulni tashkil etish uchun Institut direktorining buyrugʻi bilan Qabul komissiyasi tuziladi. Qabul komissiyasi tarkibi Institut xodimlari orasidan shakllantiriladi. Institut direktori lavozimi boʻyicha qabul komissiyasining raisi hisoblanadi.

12. Qabul komissiyasi kursni tashkil etish shaklidan kelib chiqib, hujjatlarni qabul qilish muddatlari va oʻqish uchun ajratilgan oʻrinlarning umumiy soni haqidagi maʼlumotlarni, qoida tariqasida, hujjatlarni qabul qilish boshlanishidan bir hafta oldin Institutning rasmiy veb-sayti hamda ijtimoiy tarmoqdagi rasmiy sahifalariga joylashtiradi.

13. Qabul paytida talabgorlar hujjatlarni qabul qilish uchun maxsus yaratilgan veb-sayt orqali taʼlim olish tilini belgilagan holda, mazkur Nizomga 2-ilovada koʻrsatilgan qayta tayyorlash kurslariga qabul qilish haqidagi elektron arizani onlayn rejimda toʻldiradi.

14. Qabul qilish toʻgʻrisidagi arizaga identifikatsiyalovchi ID-karta (pasport) va oliy maʼlumot toʻgʻrisidagi diplom elektron shaklda ilova qilinadi.

Arizaga ilova qilinayotgan har bir hujjat haqiqiyligi saqlanishini taʼminlovchi (har bir duymga 200 nuqtadan kam boʻlmagan) alohida fayl koʻrinishida boʻlishi kerak. Har bir fayl oʻlchami 10 Mbdan oshmasligi lozim.

Arizani hujjatlar PDF (portable document format) formatida skaner qilingan nusxalari koʻrinishida ilova qilingan holda joʻnatishga yoʻl qoʻyiladi.

15. Ushbu Nizomning 13 va 14-bandlarida nazarda tutilgan talablarga muvofiq barcha hujjatlar taqdim etilganda, ariza 48 soat ichida noyob raqam berish orqali roʻyxatga olinadi va talabgorga kirish imtihonlari oʻtkaziladigan kunda hujjatlarning asl nusxalarini taqdim etish haqida xabar beriladi.

Arizaga noyob raqam berish payti qabul komissiyasi tomonidan hujjatlar qabul qilingan vaqt hisoblanadi.

16. Taqdim qilingan hujjatlar mazkur Nizomning 13 va 14-bandlarida nazarda tutilgan talablarga muvofiq boʻlmaganda, bir kun ichida arizada koʻrsatilgan elektron pochta manzili boʻyicha talabgorga tegishli xabarnoma yuboriladi. Bunda talabgorga koʻrsatib oʻtilgan kamchiliklarni tuzatish va hujjatlarni qabul qilishning belgilangan muddati tugagunga qadar ularni takroran taqdim etish imkoni beriladi.

Hujjatlarni qabul qilishning belgilangan muddati tugagandan soʻng ularga oʻzgartirish va qoʻshimchalar kiritish taqiqlanadi.

17. Qayta tayyorlash kurslarida oʻqish uchun roʻyxatga olingan arizalar soni tillar kesimida qabul yakunlariga koʻra Institutning rasmiy veb-saytida joylashtiriladi.

18. Kirish imtihonlari Institut direktori buyrugʻi bilan tuzilgan Imtihon komissiyasi tomonidan oʻtkaziladi. Imtihon komissiyasi tarkibiga Institut xodimlari bilan bir qatorda boshqa tashkilotlarning vakillari ham ularning rahbarlari bilan kelishilgan holda kiritilishi mumkin.

Imtihon komissiyasiga komissiya aʼzolari faoliyatini umumiy muvofiqlashtiruvchi rais rahbarlik qiladi. Imtihon komissiyasi faoliyatini tashkiliy jihatdan taʼminlash uning kotibiga yuklanadi.

Jalb qilingan imtihon komissiyasi aʼzolariga shartnoma asosida haq toʻlanadi.

19. Suhbat savollarini tuzish uchun ekspert guruhi tashkil etiladi. Ekspert guruhi shartnoma asosida tegishli sohaning malakali mutaxassislari orasidan shakllantiriladi. Ekspert guruhi faoliyatiga qabul komissiyasi raisi rahbarlik qiladi.

Kirish imtihonlari uchun savollar mazkur Nizomning 5-bandida koʻrsatilgan mezonlar boʻyicha tuziladi.

20. Tuziladigan savollarning sifati va mazmuni yuzasidan masʼuliyat ekspertlar guruhi aʼzolariga yuklanadi.

21. Kirish imtihonlari biletlari ekspertlar guruhi tomonidan tuzilgan savollardan shakllantiriladi. Har bir bilet uchta savoldan (ushbu Nizomning 5-bandida koʻrsatilgan har bir mezon boʻyicha bittadan) iborat boʻlishi lozim.

22. Kirish imtihonlarini oʻtkazish jadvallari Institut direktori tomonidan tasdiqlanadi va Institutning rasmiy veb-saytida qoidaga koʻra suhbat boshlanishidan bir hafta oldin joylashtiriladi.

23. Zaruratga koʻra kirish imtihonlari oʻtkazilishiga qadar konsultatsiyalar tashkil etilishi mumkin. Konsultatsiyalar jadvali Institut direktori oʻrinbosari tomonidan tasdiqlanadi.

24. Talabgorlar kirish imtihonlari oʻtkaziladigan kunda qabul komissiyasiga mazkur Nizomning 14-bandida koʻrsatilgan hujjatlarning aslini taqdim etadi.

Hujjatlarning soxta yoki qalbakiligi aniqlanganda, talabgor kirish imtihonlaridan chetlashtiriladi.

25. Kirish imtihonlari boshlanishidan oldin talabgor identifikatsiyalovchi ID-kartasini (pasport) koʻrsatishi shart.

26. Kirish imtihonlariga mobil telefon hamda boshqa aloqa va telekommunikatsiya vositalarini, shuningdek, imtihon jarayonlarining shaffof va adolatli oʻtishiga taʼsir qiladigan boshqa har qanday materiallarni olib kirish va ulardan foydalanish taqiqlanadi.

Kirish imtihoni jarayonida talabgorning taqiqlangan materiallardan foydalanishi, foydalanishga urinishi, boshqa talabgorlar bilan muloqot qilishi, shuningdek, imtihon oʻtkazish tartibiga zid boshqa xatti-harakatlar sodir qilishi unga nisbatan dalolatnoma rasmiylashtirilib, imtihondan chetlashtirilishiga asos boʻladi.

27. Kirish imtihonlarida talabgor uchta savoldan iborat biletni tanlaydi. Talabgorga tayyorlanish uchun oʻn daqiqagacha vaqt ajratiladi.

Suhbat jarayonida talabgorga bilet mazmuni doirasida qoʻshimcha savollar berilishi mumkin. Bitta talabgor bilan suhbat oʻn — oʻn besh daqiqagacha davom etadi.

28. Kirish imtihonlari natijalarini aniqlash uchun imtihon komissiyasining har bir aʼzosi boshqa aʼzolardan mustaqil ravishda har bir talabgor uchun alohida baholash varaqasini toʻldiradi va uni imtihon komissiyasi kotibiga taqdim etadi.

Imtihon komissiyasining kotibi imtihon komissiyasi aʼzolari tomonidan talabgorga qoʻyilgan oʻrtacha ballni hisoblaydi.

Kirish imtihonlari natijalari reyting tizimiga muvofiq talabgorga qoʻyilgan ballarni (0 dan 100 gacha boʻlgan doirada) nazarda tutgan holda aniqlanadi va Institut direktori tomonidan tasdiqlanadigan Imtihon komissiyasi majlisi bayonnomasiga kiritiladi.

Kirish imtihonlari kursni tashkil etish shakli va belgilangan oʻrinlar sonini inobatga olgan holda alohida oʻtkaziladi.

29. Kirish imtihonlari natijalari Institutning rasmiy veb-saytida suhbat jarayonining soʻnggi bosqichi boʻlib oʻtgandan keyingi ish kunidan kechiktirmasdan joylashtiriladi.

30. Talabgor kirish imtihonlariga kelmagan taqdirda, unga 0 ball qoʻyiladi. Talabgor suhbat yakuni boʻyicha belgilangan maksimal ballning 55 foizi va undan kam ball toʻplagan taqdirda, qayta tayyorlash kurslariga qabul qilinmaydi, tabaqalashtirilgan toʻlov-kontrakt asosida oʻqishga qabul qilinish holatlari bundan mustasno.

31. Qayta tayyorlash kurslariga tinglovchilarni qabul qilish uchun qayta kirish imtihonlarini oʻtkazishga yoʻl qoʻyilmaydi.

32. Kirish imtihonlari natijalari yuzasidan Institutga shikoyat qilinishi va apellyatsiya tartibida koʻrib chiqilishi mumkin emas.

33. Qayta tayyorlash kurslariga quyidagi holatlarda qabul qilinadi:

mazkur Nizomning 3-bandiga muvofiq belgilangan oʻrinlar sonini inobatga olgan holda, kirish imtihonidan muvaffaqiyatli oʻtganda (suhbatda belgilangan maksimal ballning 55 foizidan yuqori ball toʻplaganda);

Institut tomonidan belgilangan muddatda talabgorning kontrakt toʻlovi summasi oʻtkazilganda.

34. Kirish imtihonlaridan muvaffaqiyatli oʻtgan va oʻqish uchun mablagʻlarni toʻlagan talabgor Institut direktorining buyrugʻi bilan oʻqishga qabul qilinadi.

35. Institut imkoniyatlaridan kelib chiqqan holda, kirish imtihoni natijalariga koʻra qabul qilinmagan talabgorlar qoʻshimcha ravishda tabaqalashtirilgan toʻlov-kontrakt asosida qabul qilinishi mumkin.

Qoʻshimcha ravishda tabaqalashtirilgan toʻlov-kontrakt asosida oʻqish istagida boʻlgan talabgorlar Institut tomonidan belgilangan muddatlarda toʻlov-kontrakt shartlari bajarilgandan soʻng Institut direktorining buyrugʻi bilan oʻqishga qabul qilinadi.

36. Tasdiqlangan namunadagi toʻlov-kontrakt blankalari kirish imtihonlari natijalari eʼlon qilingan kundan boshlab yuridik shaxslar uchun uch nusxada, jismoniy shaxslar uchun ikki nusxada beriladi hamda Institut direktori va buxgalteri imzolari bilan tasdiqlanadi.

Qayta tayyorlash kurslarida oʻqish uchun toʻlov-kontrakt summasi miqdori taʼlim shaklini inobatga olgan holda Institut kengashi tomonidan tasdiqlanadi.

3-bob. Qayta tayyorlash kurslarida oʻquv yuklamasi hajmi

37. Auditoriya oʻquv yuklamasining eng koʻp hajmi haftasiga 36 soat etib belgilanadi.

Oʻqitish davomiyligi, qoida tariqasida, 24 haftani tashkil etadi. Institut zaruratga koʻra oʻqitish davomiyligi va oʻquv dasturlarining hajmiga oʻzgartirish kiritishi mumkin.

38. Umumiy oʻquv vaqti hajmi quyidagicha taqsimlanadi:

nazariy taʼlim — 18 — 21 hafta;

attestatsiya (yakuniy imtihonlar) — 2 — 4 hafta;

Davlat attestatsiyasi — 1-2 hafta.

4-bob. Qayta tayyorlash kurslarida oʻquv jarayoni

39. Oʻquv jarayoni Institut kengashi tomonidan taʼlim shakllari boʻyicha tasdiqlangan malaka talablari, oʻquv rejalari va dasturlariga muvofiq tashkil etiladi.

40. Oʻquv jarayonida oʻquv mashgʻulotlarining quyidagi asosiy turlari qoʻllaniladi — maʼruza va seminar.

Oʻquv mashgʻulotlarining qoʻshimcha turlari — klinik taʼlim, sud majlislari imitatsiyasi (moot court), sayyor mashgʻulotlar va dars mashgʻulotlarini tashkil etishning amaliyotga yoʻnaltirilgan zamonaviy shakllari — keys-stadi, ilmiy taqdimotlar, jamoada ishlash va boshqalar ham qoʻllanilishi mumkin.

41. Masofaviy taʼlim shaklidagi qayta tayyorlash kurslarida oʻquv jarayoni maxsus taʼlim platformalarida, onlayn (real vaqt rejimida) hamda oflayn (videomaʼruzalar, mavzuga doir maʼruzalar matni, assesment topshiriqlari, amaliyot materiallari tahlili, kichik nazorat ishini bajarish orqali tegishli oʻquv-metodik resurslarni mustaqil ravishda oʻzlashtirish) rejimda tashkil qilinadi.

42. Barcha turdagi auditoriya mashgʻulotlarining davomiyligi 80 daqiqani, oʻquv mashgʻulotlari oʻrtasidagi tanaffus kamida 10 daqiqani tashkil etadi.

43. Oʻquv jarayoni, qoida tariqasida, 25 kishidan ortiq boʻlmagan tinglovchilardan iborat akademik guruhlarda tashkil qilinadi.

44. Tinglovchilarning bilimi, qoida tariqasida, quyidagi 3 ta turdagi — joriy, oraliq va yakuniy nazorat turlari boʻyicha baholanadi.

Masofaviy taʼlim shaklida tashkil etilgan qayta tayyorlash kurslarida yakuniy nazorat tinglovchining bevosita ishtirokida Institut auditoriyalarida oʻtkaziladi.

Asosiy ish joyidan ajralmagan holda masofaviy taʼlim olayotgan tinglovchilarga bevosita Institutga kelishi talab etiladigan yakuniy nazoratni topshirish vaqtida oʻrtacha oylik maoshi saqlangan qoʻshimcha taʼtil beriladi.

Tinglovchilarning bilimlari yozma ishlarni tekshirish va baholashda anonimlikni taʼminlaydigan, asosan yozma shaklda nazorat qilinadi.

Muayyan nazorat turlaridan oʻtolmagan tinglovchilarga faqat bir marta qayta topshirish imkoniyati beriladi.

45. Qayta tayyorlash kurslarida oʻquv jarayonlarini tashkil etish va tinglovchilar bilimini baholash Institut kengashi tomonidan tasdiqlanadigan nizom asosida nazorat qilinadi. Bunda tinglovchilarning fanlar (kurslar)ni oʻzlashtirish darajasining nazorati elektron tizim orqali amalga oshiriladi.

46. Oʻquv rejasiga kiritilgan fanlarni (kurslar) oʻzlashtirmagan tinglovchilar Davlat attestatsiyasiga qoʻyilmaydi.

5-bob. Tinglovchilarning Davlat attestatsiyasi

47. Tinglovchilar Davlat attestatsiyasiga oʻquv rejasiga kiritilgan fanlarni (kurslar) oʻzlashtirgandan soʻng qoʻyiladi.

48. Oʻzbekiston Respublikasi adliya vazirining buyrugʻi bilan tinglovchilarning Davlat attestatsiyasini oʻtkazish boʻyicha davlat attestatsiya komissiyasi tuziladi.

49. Tinglovchilarning Davlat attestatsiyasini tashkil etish va oʻtkazishga doir talablar Institut kengashi tomonidan tasdiqlanadi.

50. Davlat attestatsiya komissiyasining qarori Institut direktori tomonidan tinglovchilarga belgilangan namunadagi diplomlarni berish toʻgʻrisidagi buyruqni qabul qilish uchun asos hisoblanadi.

51. Qayta tayyorlash kurslari yakunlari boʻyicha tinglovchilarga mazkur Nizomga 3-ilovada belgilangan shaklda davlat namunasidagi diplom beriladi.

52. Davlat attestatsiyasi yakunlari boʻyicha qoniqarsiz baho olgan shaxslarga faqat bir marta keyingi qayta tayyorlash kurslarida Davlat attestatsiyasini takroran topshirish imkoniyati beriladi.

53. Davlat attestatsiyasi komissiyasi aʼzolari mehnatiga haq toʻlash mehnatga soatbay haq toʻlashning belgilangan miqdorlaridan kelib chiqqan holda belgilanadi.

6-bob. Yakunlovchi qoidalar

54. Qayta tayyorlash kurslaridagi pedagoglik faoliyatiga professor-oʻqituvchi, amaliyotchi mutaxassislar, shuningdek, sud va huquqni muhofaza qiluvchi organlar xodimlari, advokatlar mehnatiga soatbay haq toʻlash tartibidagi shartnoma asosida jalb etilishi mumkin.

55. Tinglovchilar quyidagi holatlarda oʻquv kursidan chetlashtiriladi:

oʻz xohishiga binoan;

uzrli sabablarsiz oʻquv mashgʻulotlarini oʻttiz soatdan ortiq qoldirganda;

oʻquv rejasidagi fan (kurs)ni oʻzlashtirmaganda;

oʻquv intizomi va Institut tinglovchilarining ichki tartib-qoidalarini muntazam ravishda yoki bir marotaba qoʻpol ravishda buzganda;

salomatligi tufayli (tibbiy komissiya maʼlumotnomasi asosida);

sud tomonidan ozodlikdan mahrum etilganda;

vafot etganda.

Tinglovchilar oʻqishdan chetlashtirilganda oʻqish uchun toʻlangan kontrakt summasi qaytarilmaydi.

Uzrli sabablar bilan tinglovchi kursdan chetlashtirilganda, keyingi kurslarda taʼlim olish imkoniyati berilishi mumkin.

56. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladilar.

Oliy maʼlumotga ega boʻlgan shaxslarni yuridik mutaxassislik boʻyicha qayta tayyorlash kurslari toʻgʻrisidagi nizomga 1-ILOVA

Oliy maʼlumotga ega boʻlgan shaxslarni yuridik mutaxassislik boʻyicha qayta tayyorlash kurslarini tashkil qilish va oʻtkazish

Bosqichlar Subyektlar Tadbirlar Bajarish muddatlari 1-bosqich Institut 1. Tegishli yil uchun qabul komissiyasi tarkibini tasdiqlaydi. 2. Hujjatlarni qabul qilish muddatlari va oʻqishga qabul qilish uchun oʻrinlarning umumiy soni toʻgʻrisida eʼlon beradi. 3. Imtihon komissiyasi va Ekspert guruhini tuzadi. Hujjatlarni qabul qilish boshlanishidan, qoida tariqasida, bir hafta oldin 2-bosqich Qabul komissiyasi 1. Hujjatlarni qabul qiladi. Qabul vaqti davomida Institut 2. Suhbat oʻtkazish jadvalini eʼlon qiladi. Suhbat boshlanishidan bir hafta oldin 3-bosqich Imtihon komissiyasi 1. Suhbat oʻtkazadi. Oʻquv jarayoni boshlanishidan, qoida tariqasida, bir oy oldin Institut 2. Suhbat natijalarini eʼlon qiladi. Suhbat oʻtkazilganidan keyingi ish kuni 4-bosqich Institut 1. Qayta tayyorlash kurslariga tinglovchilarni qabul qiladi. Oʻquv mashgʻulotlari boshlanganidan soʻng oʻn kun ichida Davlat attestatsiya komissiyasi 2. Oʻquv jarayonini tashkil etadi. Oʻquv jarayoni davomida 3. Davlat attestatsiyasini oʻtkazadi. Oʻquv jarayonining yakuni boʻyicha 5-bosqich Institut Diplom beradi. Kurslarning yakuni boʻyicha

Oliy maʼlumotga ega boʻlgan shaxslarni yuridik mutaxassislik boʻyicha qayta tayyorlash kurslari toʻgʻrisidagi nizomga 2-ILOVA

Institut direktori __________________________ (F.I.O.) fuqaro:______________________dan (familiya, ismi, otasining ismi) ARIZA Menga oliy maʼlumotga ega boʻlgan shaxslarni yuridik mutaxassislik boʻyicha qayta tayyorlash kurslarida oʻqish uchun kirish imtihonlariga ruxsat berishingizni soʻrayman. Men tugatgan oliy taʼlim yoʻnalishining nomi: _____________________________________________ _______________________________________________________________________________ Arizaga ilova qilaman: 1. _____________________________________________________________________________ 2. _____________________________________________________________________________ 3. _____________________________________________________________________________ 4. _____________________________________________________________________________ Aloqa maʼlumotlari _________________________________________________ ____________________________ (Telefon raqami) 20___-yil “_____”__________ ___________________ imzo

Oliy maʼlumotga ega boʻlgan shaxslarni yuridik mutaxassislik boʻyicha qayta tayyorlash kurslari toʻgʻrisidagi nizomga 3-ILOVA

Oliy maʼlumotga ega boʻlgan shaxslarni yuridik mutaxassislik boʻyicha qayta tayyorlash kurslarini tugatganligi toʻgʻrisida davlat namunasidagi diplom

Oʻzbekiston Respublikasi davlat gerbi O ʻ zbekiston Respublikasi Qayta tayyorlash haqida DIPLOM QT № 000000 ________________________________________________________________________ (Tinglovchining familiyasi, ismi, otasining ismi) 20 _____-yil ________________dan 20 _____-yil _____________________gacha Adliya vazirligi huzuridagi Yuridik kadrlarni qayta tayyorlash va malakasini oshirish institutida ____________________________________ soatga moʻljallangan _______________________________________________________________________________________ (Qayta tayyorlash kursining nomi) qayta tayyorlash kursida taʼlim olib, Davlat attestatsiyasida _________ ball bilan baholandi va qayta tayyorlash oʻquv kursini muvaffaqiyatli tamomladi. Muhr oʻrni Direktor ___________________ Sana ___________________ Qayd raqami _______________

Oliy maʼlumotga ega boʻlgan shaxslarni yuridik mutaxassislik boʻyicha qayta tayyorlash kurslarini tugatganligi toʻgʻrisida davlat namunasidagi diplom

TAVSIFI

Diplom A4 formatli oq qogʻozda ofset usulida besh xil rangdan foydalangan holda: matn uchun — qora rangda, rasmlar tasviri uchun — yashil, koʻk, qizil ranglarda, fon uchun — och pushti rangda bosib chiqariladi.

Diplomning chap qismida chetidan 10 mm chekingan holda, eni 32 mm boʻlgan Oʻzbekiston Respublikasi Davlat bayrogʻi tasvirlangan tasma joylashtiriladi. Tasmaning yuqori qismida diametri 30 mm boʻlgan Oʻzbekiston Respublikasi Davlat gerbi, pastki qismida esa — 35 mm oʻlchamli ikkita kvadrat qoʻshilishidan hosil boʻlgan sakkiz qirrali yulduz, yulduzning oʻrtasida muhr uchun 25 mm diametrli oq aylana joylashgan.

Diplomning qolgan yuqori qismida davlat tilida “OʻZBEKISTON RESPUBLIKASI. Qayta tayyorlash haqida DIPLOM” soʻzlari bosiladi. Diplom ikki harf — QT va olti raqamli sondan iborat tartib raqamiga ega. Barcha matn naqshli rastrdan iborat och kulrang fonda bosib chiqariladi.

Diplom:

bosib chiqarishning ikki usuli — ofset va yuqori usuli;

yorugʻlik vositasida nusxa koʻchirishni qiyinlashtirish uchun ochiq ranglar;

naqshli rastr;

har xil rangli rastrlardan foydalanish natijasida turli ranglarni hosil qilish;

maxsus qogʻoz;

oʻzgaradigan raqamlardan iborat tartib raqami qoʻllangan holda oltita himoyaga ega.

Vazirlar Mahkamasining 2025-yil 19-martdagi 171-son qaroriga 5-ILOVA

Umumiy oʻrta, oʻrta maxsus va professional taʼlim muassasalarida huquqiy fanlardan dars beradigan, oliy noyuridik maʼlumotga ega pedagog kadrlarni qayta tayyorlash kurslari toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish institutida (keyingi oʻrinlarda — Institut) umumiy oʻrta, oʻrta maxsus va professional taʼlim muassasalarida huquqiy fanlardan dars beradigan, oliy noyuridik maʼlumotga ega pedagog kadrlarni qayta tayyorlash kurslarini tashkil etish va oʻtkazish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

buyurtmanoma — muayyan davr uchun buyurtmachi tomonidan pedagog kadrlarni kasbiy qayta tayyorlash kurslariga qabul qilish uchun Institutga taqdim etiladigan pedagog kadrlar roʻyxati;

buyurtmachi — Oʻzbekiston Respublikasi Oliy taʼlim, fan va innovatsiyalar vazirligi, Maktabgacha va maktab taʼlimi vazirligi va tizimida umumiy oʻrta, oʻrta maxsus hamda professional davlat taʼlim muassasalari boʻlgan vazirliklar hamda idoralar, shuningdek, umumiy oʻrta, oʻrta maxsus va professional taʼlim sohasidagi nodavlat taʼlim tashkilotlari;

masofaviy taʼlim — oʻquv dasturlarini ishlab chiqarishdan ajralmagan holda, onlayn (real vaqt rejimida) hamda offlayn (videomaʼruzalar, mavzuga doir maʼruzalar matni, assesment topshiriqlari, amaliyot materiallari tahlili, kichik nazorat ishini bajarish orqali tegishli oʻquv-metodik resurslarni mustaqil bajarish) rejim orqali axborot-kommunikatsiya texnologiyalaridan foydalangan holda masofadan turib oʻzlashtirish;

pedagog kadr — umumiy oʻrta, oʻrta maxsus va professional taʼlim muassasalarida huquqiy fanlardan dars beruvchi mutaxassis;

talabgor — kasbiy qayta tayyorlash kurslarida oʻqitish maqsadida belgilangan tartibda tasdiqlangan reja-grafikka muvofiq buyurtmanoma asosida yoʻnaltirilgan shaxs;

tinglovchi — oʻqish uchun toʻlov-kontrakt summasini toʻlagan va kasbiy qayta tayyorlash kurslariga qabul qilingan shaxs;

umumiy oʻrta, oʻrta maxsus va professional taʼlim muassasalarida huquqiy fanlardan dars beradigan, oliy noyuridik maʼlumotga ega pedagog kadrlarni qayta tayyorlash kurslari (keyingi oʻrinlarda — kasbiy qayta tayyorlash kurslari) — umumiy oʻrta, oʻrta maxsus va professional taʼlim muassasalarida huquqiy fanlar boʻyicha yuqori saviyada pedagogik faoliyatni yuritish uchun yetarli darajadagi bilim olish va koʻnikma shakllantirishni nazarda tutadigan oʻqitish shakli.

3. Kasbiy qayta tayyorlash kurslari, qoida tariqasida, masofaviy taʼlim shaklida davlat va rus tillarida oʻtkaziladi.

4. Kasbiy qayta tayyorlash kurslarida Institut kengashi tomonidan tasdiqlanadigan toʻlov-kontrakt asosida oʻqitiladi.

Bunda toʻlov-kontrakt summasini ushbu kurslarda oʻqish davomida boʻlib-boʻlib toʻlash imkoniyati nazarda tutiladi.

5. Kasbiy qayta tayyorlash kurslari, qoida tariqasida, Institut kengashi tomonidan tasdiqlanadigan toʻrt oylik oʻquv rejasi va dasturlariga muvofiq oʻtkaziladi.

6. Kasbiy qayta tayyorlash kurslarida oʻqish ikkinchi oliy maʼlumot olish hisoblanmaydi.

7. Oliy maʼlumotga ega boʻlmagan pedagog kadrlar kasbiy qayta tayyorlash kurslariga qabul qilinmaydi.

2-bob. Kasbiy qayta tayyorlash kurslariga qabulni tashkil etish

8. Buyurtmachi har yili 15-noyabrga qadar keyingi kalendar yilda kasbiy qayta tayyorlash kurslarida oʻqishi rejalashtirilgan pedagog kadrlar roʻyxatini Institutga taqdim etadi.

Kasbiy qayta tayyorlash kurslarida oʻqishni xohlovchi pedagog kadrlar arizasini buyurtmachi tomonidan qabul qilish va Institutga taqdim etish maxsus elektron platforma orqali onlayn roʻyxatdan oʻtkazishni nazarda tutgan holda tashkil etilishi mumkin.

9. Kurs muddati, talabgorlar roʻyxati aks ettirilgan reja-grafik buyurtmachi va Institut tomonidan tasdiqlanib, har yili 15-dekabrdan kechiktirmasdan, buyurtmachi tomonidan talabgorlarning asosiy ish joyiga taqdim etiladi hamda talabgorlar bosqichma-bosqich kurslarga yoʻnaltiriladi.

Kasbiy qayta tayyorlash kurslari buyurtmanomasini toʻgʻri shakllantirish — pedagog kadrlarning tegishli taʼlim muassasasida ishlashi va huquqiy fanlardan dars berishini, oliy maʼlumotga egaligini inobatga olish, oʻz tizimidagi huquqiy fanlardan dars beruvchi oliy noyuridik maʼlumotga ega pedagoglarni kurslarga oʻqitish uchun yoʻnaltirish buyurtmachi zimmasida boʻladi.

10. Talabgorlar oʻqish oldidan quyidagi hujjatlarni Institutga taqdim qiladilar:

talabgorni kasbiy qayta tayyorlash kurslariga yuborish toʻgʻrisida asosiy ish joyidan chiqarilgan buyruq (ishdan ajralgan holda kursga yoʻnaltirilganda);

identifikatsiyalovchi ID-kartasi (pasporti);

oliy maʼlumot toʻgʻrisidagi hujjat (diplom).

11. Kasbiy qayta tayyorlash kurslarida oʻqish uchun toʻlov-kontrakt summasini toʻlagan talabgorlar Institut direktorining buyrugʻi bilan tinglovchi sifatida oʻqishga qabul qilinadi.

12. Tasdiqlangan reja-grafikka muvofiq oʻquv jarayoni boshlangunga qadar Institutga oʻqish uchun murojaat qilmagan yoki oʻqishi uchun belgilangan toʻlovni toʻlamagan talabgorlar kasbiy qayta tayyorlash kurslariga qabul qilinmaydi va bu haqida tegishli ravishda buyurtmachiga xabar beriladi.

Bunday holatda talabgor keyingi tashkil etiladigan kurslarda oʻqishga qabul qilinishi mumkin.

3-bob. Kasbiy qayta tayyorlash kurslarida oʻquv yuklamasi hajmi va oʻquv jarayoni

13. Kasbiy qayta tayyorlash kurslarida oʻquv jarayoni davomiyligi, qoida tariqasida, 16 haftani tashkil etadi. Institut zaruratga koʻra oʻquv jarayoni davomiyligi va oʻquv dasturlarining hajmiga oʻzgartirish kiritishi mumkin.

Umumiy oʻquv vaqti hajmi quyidagicha taqsimlanadi:

nazariy (amaliy) taʼlim — 15-16 hafta;

yakuniy imtihon — 1 hafta.

14. Kasbiy qayta tayyorlash kurslarida oʻquv jarayoni Institutning va masofaviy taʼlimga oid maxsus boshqa taʼlim platformalarida onlayn hamda offlayn rejimda tashkil qilinadi.

Oʻquv mashgʻulotlarini tashkil etish, oʻtkazish tartibi va davomiyligi tegishli oʻquv dasturlarida belgilanadi.

Kasbiy qayta tayyorlash kurslari masofaviy (ishdan ajralmagan holda) taʼlim shaklida tashkil etilishidan kelib chiqib, oʻquv jarayonlari dual taʼlim prinsipi asosida tashkil etiladi.

Bunda kursning oʻquv rejasi va dasturlari taʼlimning nazariy qismi Institut bazasida (tegishli taʼlim platformalarida), amaliy qismi esa tinglovchining asosiy ish joyida (taʼlim jarayoni bilan birga) tashkil etilishini nazarda tutgan holda ishlab chiqiladi.

15. Oʻquv jarayonida oʻquv mashgʻulotlari, qoida tariqasida, maʼruza va seminar shakllarida tashkil etiladi.

Oʻquv mashgʻulotlarining qoʻshimcha turlari — klinik taʼlim, sud majlislari imitatsiyasi (moot court), sayyor mashgʻulotlar va dars mashgʻulotlarini tashkil etishning amaliyotga yoʻnaltirilgan zamonaviy shakllari — keys-stadi, ilmiy taqdimotlar, jamoada ishlash va boshqalar ham qoʻllanilishi mumkin.

16. Barcha turdagi oʻquv mashgʻulotlarining davomiyligi, qoida tariqasida, 80 daqiqani, oʻquv mashgʻulotlari oʻrtasidagi tanaffus kamida 10 daqiqani tashkil etadi.

Oʻquv jarayoni, qoida tariqasida, 25 kishidan ortiq boʻlmagan tinglovchilardan iborat akademik guruhlarda tashkil qilinadi.

17. Tinglovchilar fanlarni maxsus elektron platforma orqali oʻzlashtirib, barcha modullarni oʻzlashtirgan tinglovchilarga yakuniy imtihonga ruxsat beriladi.

4-bob. Tinglovchilarning yakuniy imtihoni

18. Kasbiy qayta tayyorlash kurslarida tinglovchilarning yakuniy imtihoni test sinovlari shaklida oʻtkaziladi. Bunda test sinovlari onlayn rejimida oʻtkazilishi ham mumkin.

Test sinovlarini onlayn yoki offlayn rejimida oʻtkazish Institut tomonidan belgilanadi.

19. Yakuniy imtihonda test sinovlari uchun ajratilgan maksimal ballning 56 foizidan kam ball toʻplagan tinglovchilar kurslarni muvaffaqiyatli oʻzlashtirmagan hisoblanadi.

Test sinovlaridan muvaffaqiyatli oʻta olmagan tinglovchilarga keyingi kasbiy qayta tayyorlash kurslari yakunida faqat bir marta qayta topshirish imkoni beriladi.

Bunda tinglovchilar test sinovlarini pulli asosida buyurtmachining mablagʻlari yoki tinglovchining oʻz hisobidan takroran topshiradi.

Test sinovlari uchun toʻlanadigan toʻlov miqdori Institut tomonidan belgilanadi.

20. Yakuniy imtihondan muvaffaqiyatli oʻtgan kasbiy qayta tayyorlash kurslari tinglovchilariga Institut direktorining buyrugʻi bilan mazkur Nizomga ilovada belgilangan namunadagi diplom beriladi.

21. Tinglovchilarning bilimini baholash va yakuniy nazoratni oʻtkazishga doir talablar Institut kengashi tomonidan belgilanadi.

5-bob. Yakunlovchi qoidalar

22. Kasbiy qayta tayyorlash kurslarini muvaffaqiyatli tugatgan va belgilangan namunadagi diplomni olgan tinglovchilar — maktab taʼlimi tizimi pedagog kadrlari besh yil davomida, oʻrta maxsus va professional taʼlim tizimi pedagog kadrlari uch yil davomida belgilangan davriylikka muvofiq malaka oshirishdan ozod etiladi.

23. Kasbiy qayta tayyorlash kurslarida oʻquv mashgʻulotlarini olib borish, shuningdek, oʻquv materiallarini tayyorlash hamda nazorat ishlarini tekshirish uchun yuqori malakali mutaxassislar, pedagoglar, shu jumladan, sud va huquqni muhofaza qiluvchi organlar xodimlari, advokatlar va boshqa mutaxassislar mehnatga soatbay haq toʻlash tartibida shartnoma asosida jalb etilishi mumkin.

24. Tinglovchilar quyidagi holatlarda kasbiy qayta tayyorlash kurslaridan chetlashtiriladi:

oʻz xohishiga binoan;

Institut tinglovchilarining ichki tartib-qoidalari muntazam ravishda yoki bir marotaba qoʻpol ravishda buzganda;

oʻquv rejasidagi fan(lar)ni oʻzlashtirmaganda;

uzrli sabablarsiz oʻquv mashgʻulotlarini oʻttiz akademik soatdan ortiq qoldirganda;

yakuniy imtihondan muvaffaqiyatli oʻta olmaganda;

salomatligi tufayli (tibbiy komissiya maʼlumotnomasi asosida);

sud tomonidan ozodlikdan mahrum etilganda;

vafot etganda.

Tinglovchi kasbiy qayta tayyorlash kurslaridan chetlatilganda, unga Institut tomonidan sabablari koʻrsatilgan holda maʼlumotnoma berilishi mumkin, shuningdek, bu haqida uni kasbiy qayta tayyorlashga yuborgan buyurtmachiga xabar beriladi.

25. Kasbiy qayta tayyorlash kurslari tinglovchilari kurslarda taʼlim olishni rad etganda yoki oʻqishdan chetlashtirilganda, oʻqish uchun toʻlangan toʻlov-kontrakt summasi qaytarilmaydi.

Uzrli sabablar bilan tinglovchi kursdan chetlashtirilganda, keyingi kurslarda taʼlim olish imkoniyati berilishi mumkin.

26. Mazkur Nizom talablarining buzilishida aybdor shaxslar qonunchilik hujjatlariga muvofiq javobgar boʻladilar.

Umumiy oʻrta, oʻrta maxsus va professional taʼlim muassasalarida huquqiy fanlardan dars beradigan, oliy noyuridik maʼlumotga ega pedagog kadrlarni qayta tayyorlash kurslari toʻgʻrisidagi nizomga ILOVA

Qayta tayyorlash haqida davlat namunasidagi diplom

Oʻzbekiston Respublikasi Davlat gerbi Oʻzbekiston Respublikasi Qayta tayyorlash haqida DIPLOM QT № 000000 ___________________________________________________________________ (tinglovchining familiyasi, ismi, otasining ismi) 20____-yil ________________dan 20______-yil _________________gacha Adliya vazirligi huzuridagi Yuridik kadrlarni qayta tayyorlash va malakasini oshirish institutida _________________ soatga moʻljallangan _______________________________ __________________________________________________________________ (qayta tayyorlash kursining nomi) kursida taʼlim olib, uni muvaffaqiyatli yakunladi. Muhr oʻrni Direktor _________________ Sana ____________________ Qayd raqami ________________

Qayta tayyorlash haqida davlat namunasidagi diplomining

TAVSIFI

Qayta tayyorlash toʻgʻrisidagi diplom A4 formatli oq qogʻozda ofset usulida besh xil rangdan foydalangan holda: matn uchun — qora rangda, rasmlar tasviri uchun — yashil, koʻk, qizil ranglarda, fon uchun — och pushti rangda bosib chiqariladi.

Varaqning chap qismida chetidan 10 mm chekingan holda, eni 32 mm boʻlgan Oʻzbekiston Respublikasi Davlat bayrogʻi tasvirlangan tasma joylashtiriladi. Tasmaning yuqori qismida diametri 30 mm boʻlgan Davlat gerbi, past qismida esa — 35 mm oʻlchamli ikkita kvadrat qoʻshilishidan hosil boʻlgan sakkiz qirrali yulduz, yulduzning oʻrtasida muhr uchun 25 mm diametrli oq aylana joylashgan.

Varaqning qolgan qismida yuqorida davlat tilida “OʻZBEKISTON RESPUBLIKASI. Qayta tayyorlash haqida DIPLOM” soʻzlari bosiladi. Diplom ikki harf — QT va olti raqamli sondan iborat tartib raqamiga ega. Barcha matn naqshli rastrdan iborat och pushti rang fonda bosib chiqariladi.

Diplom:

yorugʻlik vositasida nusxa koʻchirishni qiyinlashtirish uchun ochiq ranglar;

naqshli rastr;

har xil rangli rastrlardan foydalanish yoʻli bilan turli ranglarni tashkil etish;

oʻzgaradigan raqamlardan iborat tartib raqami qoʻllangan holda toʻrtta himoyaga ega.

Vazirlar Mahkamasining 2025-yil 19-martdagi 171-son qaroriga 6-ILOVA

Yuridik kadrlarni qayta tayyorlash va malakasini oshirish instituti faoliyatini tashkil qilish boʻyicha

T/r Chora-tadbirlar Amalga oshirish shakli Ijro muddati Moliyalashtirish manbalari Masʼul ijrochilar I. Yuridik kadrlarni qayta tayyorlash va malakasini oshirish instituti faoliyatini samarali tashkil qilish 1. Yuridik kadrlarni qayta tayyorlash va malakasini oshirish institutining (keyingi oʻrinlarda — Institut) shtatlar jadvalini ishlab chiqish va tasdiqlash. Idoraviy hujjat 2025-yil aprel - Adliya vazirligi (A. Tashkulov) 2. Tegishli sohalardagi kadrlarni qayta tayyorlash va ularning malakasini oshirish boʻyicha davlat taʼlim talablarini ishlab chiqish. Idoraviy hujjat 2025-yil may - Adliya vazirligi (A. Tashkulov), manfaatdor vazirlik va idoralar 3. Institutda tinglovchilar bilimini nazorat qilish tartibi va baholash mezonlarini belgilash. Institut kengashi qarori 2025-yil aprel - Adliya vazirligi (A. Tashkulov) 4. Institutda professor-oʻqituvchilarni ochiq tanlov asosida ishga qabul qilish tartibi toʻgʻrisidagi nizomni ishlab chiqish va qabul qilish. Institut kengashi qarori 2025-yil aprel - Adliya vazirligi (A. Tashkulov) 5. Institutni oʻqitishning zamonaviy shakl va uslublarini qoʻllash koʻnikmalariga hamda amaliy ish tajribasiga ega, shuningdek, xorijiy tillarni egallagan malakali kadrlar bilan toʻldirish. Tashkiliy chora-tadbirlar 2025-yil davomida - Adliya vazirligi (A. Tashkulov) 6. Uzluksiz kasbiy rivojlantirish tizimida oʻquv kurslari boʻyicha bir kredit tarkibi va oʻqish davrini tamomlash uchun tinglovchi tomonidan toʻplanishi lozim boʻlgan kreditlarning umumiy soni hamda ushbu shakl boʻyicha malaka oshirish tartibini belgilash. Idoraviy normativ-huquqiy hujjat 2025-yil may - Adliya vazirligi (A. Tashkulov) 7. Quyidagi ustuvor masalalarda Institutni har tomonlama rivojlantirishga koʻmaklashib borish: Institutni strategik rivojlantirish, uning xalqaro nufuzini oshirish, taʼlim faoliyatini xalqaro standartlar darajasiga koʻtarish, ilmiy-pedagogik va moddiy-texnik salohiyatni kuchaytirish; doimiy ravishda kadrlar malakasini oshirishning ilgʻor shakl va usullarini joriy etish, oʻquv-metodik resurslarni ishlab chiqish, taʼlim dasturlarini doimiy takomillashtirish; buyurtmachi tashkilotlar bilan manfaatli hamkorlikni yoʻlga qoʻyish, yuridik kadrlarning kasbiy oʻsishini monitoring qilish, shuningdek, yetakchi xorijiy taʼlim va ilmiy-tadqiqot muassasalari bilan hamkorlik aloqalarini kengaytirish; taʼlim va ilmiy muassasalar, huquqni muhofaza qiluvchi organlar hamda xorijiy hamkorlar bilan taʼlim va ilm-fan sohalarida maqsadli hamkorlik oʻrnatish va rivojlantirish; professor-oʻqituvchilar, boshqa xodimlar va tinglovchilarni stajirovka oʻtashi uchun zarur shart-sharoitlarni yaratish, shu jumladan, ularning malakasini oshirish sohasida xalqaro hamkorlikni yoʻlga qoʻyish va rivojlantirish; ilmiy ishlanmalar natijalarini qonun ijodkorligi faoliyati hamda huquqni qoʻllash amaliyotiga joriy etish; Institut faoliyatini taʼminlash va rivojlantirish uchun budjetdan tashqari mablagʻlar, homiylik xayriyalarini jalb etish. Tashkiliy chora-tadbirlar Doimiy Institut va Adliya vazirligining budjetdan tashqari mablagʻlari Adliya vazirligi (A. Tashkulov) II. Oʻquv jarayonini rivojlantirish, taʼlim sifati va samaradorligini oshirish 8. Ilgʻor xorijiy davlatlar tajribalari asosida taʼlim jarayonini sifatli tashkil qilish, oʻquv texnologiyalari va metodikalarini transformatsiya qilish. Bunda: taʼlim jarayonlarini boshqarish va avtomatlashtirish boʻyicha xalqaro standartlar va texnologiyalarni joriy etish orqali “Raqamli institut” platformasi yaratiladi; “Raqamli institut” platformasi orqali yuridik kadrlar tegishli kompetensiyalar boʻyicha kasbiy diagnostikadan oʻtkaziladi; kasbiy diagnostika natijasiga koʻra yuridik kadrlarning bilim va koʻnikmalari pasporti va individual kasbiy rivojlanish dasturi tuziladi va u orqali kadrlar malaka oshirishga yoʻnaltiriladi; yu ridik kadrlarga oʻz kasbiy rivojlanish ehtiyojlarini qondirishga yoʻnaltirilgan malaka oshirish shakllari hamda dasturlarini mustaqil tanlash va oʻzlashtirish imkoniyati yaratiladi; oʻquv jarayoni raqamlashtiriladi, shu jumladan, oʻquv mashgʻulotlari jadvali shakllantiriladi, imtihonlar oʻtkaziladi, taʼlim oluvchilar baholanadi va ularning reytingi shakllantiriladi; tinglovchilarning malaka oshirishga boʻlgan ehtiyojini aniqlash uchun raqamli portfolio tizimi joriy qilinadi, ularning kasbiy faoliyat samaradorligi baholanadi va reytingi yuritiladi; malaka oshirishning maqsadi, vazifalari va mazmunidan kelib chiqib, oʻquv jarayoni tashkil etiladi va kadrlarning uzluksiz malaka oshirishi uchun taʼlim dasturlari doimiy yangilab boriladi; “Raqamli institut” platformasi vakolatli davlat organlarining axborot tizimlari bilan integratsiya qilinadi; tinglovchilarning uzluksiz kasbiy rivojlanishini monitoring qilish tizimi joriy etiladi; oʻquv jarayoni amaliy va huquqiy nizolarni tahlil qilishga qaratilgan bilim va koʻnikmalarga asoslangan yondashuvga muvofiq tashkil etilad i, ularning kamida 40-50 foizi amaliy mashgʻulotlarga ajratiladi; mantiqiy fikrlash, tahlil va tadqiqotga yoʻnaltirilgan zamonaviy pedagogik texnologiyalar va taʼlimning ilgʻor yondashuvlari joriy etiladi; taʼlim oluvchini kasbiy faoliyatda ragʻbatlantirishga qaratilg an kasbiy motivatsiya tizimini joriy etgan holda malaka oshirish va qayta tayyorlash tizimi jozibadorligini oshirish choralari koʻriladi; boshqaruv mexanizmlari milliy va xalqaro standartlar asosida modernizatsiya qilinadi. Tashkiliy chora-tadbirlar 2025 yil iyun Institutning budjetdan tashqari mablagʻlari Adliya vazirligi (A. Tashkulov), Raqamli texnologiyalar vazirligi (Sh. Shermatov) 9. Oʻquv jarayoniga zamonaviy pedagogik va axborot-kommunikatsiya texnologiyalari, shuningdek, masofaviy taʼlim hamda oʻquv mashgʻulotlarining interfaol (“aqliy hujumlar”, “keys stadi”, “jamoa boʻlib ishlash” hamda bilim va koʻnikmalar berishning boshqa zamonaviy shakllari) va muammoli-vaziyatli uslublarini keng joriy etish. Kompleks chora-tadbirlar 2025 yil aprel - Adliya vazirligi (A. Tashkulov) 10. Adliya organl ari va muassasalari xodimlariga martaba darajalarini berish boʻyicha maxsus malaka oshirish kurslarining oʻquv dasturlarini xodimlarga beriladigan martaba darajasidan kelib chiqib ishlab chiqish va muntazam yangilab borish . Kompleks chora-tadbirlar 2025 yil aprel - Adliya vazirligi (A. Tashkulov) 11. Institutda oʻquv jarayonining sifatini oshirish boʻyicha tajriba almashish maqsadida yuridik kadrlarni tayyorlovchi, qayta tayyorlovchi va ularning malakasini oshiruvchi taʼlim va ilmiy-tadqiqot, shu jumladan, xorijiy davlatlar muassasalari hamda xalqaro tashkilotlar bilan samarali idoralararo hamkorlikni kengaytirish. Kompleks chora-tadbirlar 2025 yil may Institut va Adliya vazirligining budjetdan tashqari mablagʻlari Adliya vazirligi (A. Tashkulov), manfaatdor vazirlik va idoralar 12. Yuridik kadrlarni qayta tayyorlash va ularning malakasini oshirishga qoʻyiladigan malaka talablarini ishlab chiqish va tasdiqlash. Institut kengashi qarori 2025 yil aprel - Adliya vazirligi (A. Tashkulov) 13. Uzluksiz kasbiy rivojlantirish uchun alohida oʻquv modullari boʻyicha taʼlim dasturlarini ishlab chiqish va tasdiqlash. Institut kengashi qarori 2025 yil aprel - Adliya vazirligi (A. Tashkulov) 14. Yuridik kadrlarni ularning kasbiy malaka darajasi, bilimi, salohiyati, ish tajribasi va individual kasbiy rivojlanish dasturiga mos keladigan taʼlim dasturlari boʻyicha oʻqitish tizimini yoʻlga qoʻyish. Kompleks chora-tadbirlar 2025 yil aprel Institutning budjetdan tashqari mablagʻlari Adliya vazirligi (A. Tashkulov) 15. Yuridik kadrlarni kredit-modul tizimi asosida malakasini oshirish uchun modul dasturlarining mavzulari va ular boʻyicha oʻquv kontentlarini ishlab chiqish. Tashkiliy chora-tadbirlar 2025 yil aprel Institutning budjetdan tashqari mablagʻlari Adliya vazirligi (A. Tashkulov) 16. Advokatlar va yuridik xizmat xodimlarini ixtisoslashuvi boʻyicha oʻquv dasturlarini ishlab chiqish hamda ular asosida zarur oʻquv kontentlarini tayyorlash. Tashkiliy chora-tadbirlar Doimiy - Adliya vazirligi (A. Tashkulov) 17. Malaka oshirish kurslari boʻyicha oʻquv kontentlarini yaratish uchun malakali mahalliy va xorijiy mutaxassislarni keng jalb qilish va mazkur oʻquv kontentlarini videodarslar, interfaol dasturlar, tahliliy materiallar bilan boyitish choralarini koʻrish. Tashkiliy chora-tadbirlar Doimiy - Adliya vazirligi (A. Tashkulov) 18. Internet orqali keng aholi qatlami oʻrtasida ularning huquqiy savodxonligini oshirishga qaratilgan masofaviy oʻquv kurslarini tashkil qilishni yoʻlga qoʻyish. Tashkiliy chora-tadbirlar 2025 yil sentabr Institutning budjetdan tashqari mablagʻlari Adliya vazirligi (A. Tashkulov) 19. Institut faoliyatiga zamonaviy innovatsion oʻqitish tizimini joriy etish, unda, jumladan, quyidagilarni nazarda tutish: tinglovchilarni videokonferensaloqa va boshqa zamonaviy axborot-kommunikatsiya texnologiyalarini qoʻllagan holda masofaviy (elektron) oʻqitish; oʻqitishda imitatsion modellashtirish (sud majlisi zallari, sud ekspertiza laboratoriyalari va boshqa)dan foydalanish. Tashkiliy chora-tadbirlar Doimiy Institut va Adliya vazirligining budjetdan tashqari mablagʻlari , homiylik mablagʻlari Adliya vazirligi (A. Tashkulov) , manfaatdor vazirlik va idoralar 20. Statistika, arxiv va boshqa maʼlumotlardan (qonunchilikka muvofiq foydalanish cheklangan maʼlumotlar bundan mustasno) foydalanish huquqini berish orqali Institut oʻquv va ilmiy jarayonining huquqni qoʻllash amaliyoti bilan uzviy integratsiyalashuvini taʼminlash. Kompleks chora-tadbirlar 20 25 yil may Institutning budjetdan tashqari mablagʻlari Adliya vazirligi (A. Tashkulov) , manfaatdor vazirlik va idoralar III. Ilmiy-tadqiqot va innovatsion faoliyatning sifatini oshirish 21. Xalqaro moliya institutlari va yetakchi tashkilotlar bilan hamkorlikni mustahkamlash, Institutda amalga oshiriladigan ilmiy tadqiqotlar uchun xalqaro grantlar va donor tashkilotlar mablagʻlarini jalb qilish. Kompleks chora-tadbirlar Doimiy Xalqaro grantlar va donor tashkilotlar mablagʻlari Adliya vazirligi (A. Tashkulov), Oliy taʼlim, fan va innovatsiyalar vazirligi (K. Sharipov) 22. Professor-oʻqituvchilarning turli innovatsion, amaliy va fundamental tadqiqotlar loyihalari tanlovlarida ishtirok etishini taʼminlash. Kompleks chora-tadbirlar Doimiy - Adliya vazirligi (A. Tashkulov), Oliy taʼlim, fan va innovatsiyalar vazirligi (K. Sharipov) 23. Institutda huquq sohasidagi xalqaro maʼlumotlar bazalaridan foydalanish imkoniyatini yaratish. Amaliy chora-tadbirlar 2025-yil iyun Institutning budjetdan tashqari mablagʻlari Adliya vazirligi (A. Tashkulov) 24. Institutda oliy taʼlimdan keyingi taʼlim institutini joriy qilish va uning faoliyatini tashkil etish. Kompleks chora-tadbirlar 2025-yil aprel - Adliya vazirligi (A. Tashkulov), Oliy taʼlim, fan va innovatsiyalar vazirligi (K. Sharipov) 25. Adliya organlari va muassasalari faoliyatini ilmiy-metodik jihatdan taʼminlash boʻyicha oʻquv va oʻquv-amaliy qoʻllanmalarni tayyorlash, Institut axborot-resurs markazi fondini muntazam yangilab borish hamda oʻquv va metodik adabiyotlar mualliflarini munosib ravishda moddiy ragʻbatlantirish va ularga tegishli shart-sharoitlar yaratish. Tashkiliy chora-tadbirlar Doimiy Institut va Adliya vazirligining budjetdan tashqari mablagʻlari Adliya vazirligi (A. Tashkulov) 26. Institut professor-oʻqituvchilarini davlat huquqiy siyosatini takomillashtirishga va yuridik kadrlarning uzluksiz oʻqitishning dolzarb muammolariga doir ilmiy-tadqiqot ishlariga jalb qilish. Tashkiliy chora-tadbirlar Doimiy - Adliya vazirligi (A. Tashkulov), manfaatdor vazirlik va idoralar 27. Alisher Navoiy nomidagi Oʻzbekiston Milliy kutubxonasining axborot-kutubxona fondiga doimiy va uzluksiz ravishda kirishni tashkil etish. Tashkiliy chora-tadbirlar 2025-yil aprel Institutning budjetdan tashqari mablagʻlari Adliya vazirligi (A. Tashkulov), Oʻzbekiston milliy kutubxonasi (U. Teshabayeva) 28. Davlat huquqiy siyosati hamda yuridik fan va taʼlimni rivojlantirishga qaratilgan ilmiy maqolalar chop etish, Institutning ilmiy jurnallar mavqeyini koʻtarish, shuningdek, jurnallarning alohida sonlarini xorijiy davlatlardagi nufuzli ilmiy yuridik jurnallar bilan hamkorlikda nashr ettirish. Tashkiliy chora-tadbirlar Doimiy Institutning budjetdan tashqari mablagʻlari Adliya vazirligi (A. Tashkulov) IV. Xalqaro hamkorlikni va sheriklik munosabatlarini rivojlantirish 29. Quyidagilar orqali xalqaro hamkorlikni kengaytirish: professor-oʻqituvchilar hamda tinglovchilarni yetakchi xorijiy taʼlim tashkilotlari va ilmiy-tadqiqot institutlarida malaka oshirishi va stajirovkalarini tashkil etish; Institut xodimlari va tadqiqotchilarini yurisprudensiyaning dolzarb masalalari boʻyicha xalqaro ilmiy-amaliy forumlarda ishtirok etishini tashkil etish; yetakchi malaka oshirish va ilmiy-tadqiqot institutlari bilan memorandumlar, oʻzaro hamkorlik kelishuvlarini tuzish, qoʻshma dasturlarni amalga oshirish; taʼlim, mahorat darslari va tajriba almashish uchun xorijiy olimlar, oʻqituvchilar, mutaxassislarni taklif etish; xalqaro konferensiya va seminarlarni tashkil etish, qoʻshma xalqaro ilmiy tadqiqotlarni oʻtkazish. Tashkiliy chora-tadbirlar Doimiy Institutning budjetdan tashqari mablagʻlari, xalqaro grantlar va donor tashkilotlar mablagʻlari Adliya vazirligi (A. Tashkulov), manfaatdor vazirlik va idoralar 30. Professor-oʻqituvchilar va tinglovchilarning xorijiy davlatlardagi oʻquv va ilmiy-tadqiqot ishlarini tashkil etish choralarini koʻrish va bu borada tegishli xalqaro shartnoma va bitimlar tuzish boʻyicha takliflar tayyorlash. Tashkiliy chora-tadbirlar doimiy Institutning budjetdan tashqari mablagʻlari, xalqaro grantlar va donor tashkilotlar mablagʻlari Adliya vazirligi (A. Tashkulov), manfaatdor vazirlik va idoralar V. Institutning moddiy-texnik bazasini mustahkamlash 31. Pulli xizmatlar, shu jumladan, qisqa muddatli oʻquv kurslarini tashkil etish orqali Institutga qoʻshimcha moliyaviy mablagʻlarni jalb qilish choralarini koʻrish. Tashkiliy chora-tadbirlar Doimiy - Adliya vazirligi (A. Tashkulov) 32. Oʻziga yuklangan vazifalarni vijdonan va samarali bajarayotgan Institutning boshqaruv, professor-oʻqituvchilar tarkibi, shuningdek, oʻquv-yordamchi va boshqa xodimlariga Adliya vazirligi va Institutning budjetdan tashqari mablagʻlari hisobidan har oylik shaxsiy ustamalarni belgilash tartibi va mezonlarini tasdiqlash. Idoraviy hujjat 2025-yil aprel - Adliya vazirligi (A. Tashkulov) 33. Masofaviy va mustaqil taʼlim olish uchun elektron oʻquv materiallarini ishlab chiqish maqsadida Institutning masofaviy taʼlim multimedia mahsulotlarini ishlab chiqish, texnik studiyasini zarur zamonaviy uskunalar va dasturiy mahsulotlar bilan jihozlash. Kompleks chora-tadbirlar 2025-yil may Adliya vazirligi va Institutning budjetdan tashqari mablagʻlari Adliya vazirligi (A. Tashkulov) 34. Quyidagi tashkiliy chora-tadbirlar orqali Institutning yangi imijini shakllantirish: Institutning oʻziga xos yangi ramzlarni tasdiqlash (logotip, bayroq va boshqalar); prospektlar, turli broshyuralar, flayerlar va esdalik sovgʻalarini ishlab chiqish va nashr etish; Institutning rasmiy veb-saytini zamonaviy va xalqaro standartlar asosida modernizatsiya qilish hamda jamoatchilik bilan aloqalarni kuchaytirish. Tashkiliy chora-tadbirlar 2025-yil aprel Institutning budjetdan tashqari mablagʻlari Adliya vazirligi (A. Tashkulov) 35. Institutning Axborot-resurs markazi fondini quyidagilarni nazarda tutgan holda takomillashtirish: zamonaviy oʻquv, ilmiy va boshqa adabiyotlar bilan yangilash, shu jumladan, mahalliy va xorijiy, huquqiy va axborot-tahliliy nashrlarga muntazam obunasini taʼminlash; zamonaviy texnika va qoʻshimcha vositalar bilan jihozlash. Kompleks chora-tadbirlar 2025-yil may Institutning budjetdan tashqari mablagʻlari Adliya vazirligi (A. Tashkulov) 36. Institutda masofaviy taʼlimni rivojlantirish va videokonferensiyalar oʻtkazish, shuningdek, interfaol elektron kurslarni ishlab chiqish, onlayn baholash va soʻrovnomalarni oʻtkazish uchun tegishli uskunalar, qurilmalar va dasturiy mahsulotlarni xarid qilish va oʻrnatish, jumladan: tarmoq va server qurilmalari, zarur qismlar, Institutning xodimlari va oʻquv auditoriyalarini zamonaviy kompyuter va ofis texnikalari bilan taʼminlash; auditoriyalarni interfaol va innovatsion panel va monitorlar, videokonferensaloqa jihozlari, tinglovchilar orasida soʻrov oʻtkazishning interfaol vositalari bilan jihozlash. Kompleks chora-tadbirlar 2025 yil aprel Institutning budjetdan tashqari mablagʻlari Adliya vazirligi (A. Tashkulov) 37. Institutni yuqori tezlikdagi Internet tarmogʻiga ulanishini taʼminlash. Tashkiliy chora-tadbirlar Institut talabiga koʻra Institut va Adliya vazirligining budjetdan tashqari mablagʻlari Adliya vazirligi (A. Tashkulov), Raqamli texnologiyalar vazirligi (Sh. Shermatov) 38. Institutda oʻtkaziladigan tadbirlar (konferensiya, seminar va boshqalar) ishtirokchilariga va Institut tinglovchilariga qoʻshimcha qulaylik yaratish hamda oʻquv mashgʻulotlari oraligʻidagi tanaffus vaqtlardan unumli foydalanish maqsadida kofe-breyklar tashkil etish, autsorsing, keytering va boshqa xizmatlardan foydalanish. Tashkiliy chora-tadbirlar Doimiy Institutning budjetdan tashqari mablagʻlari Adliya vazirligi (A. Tashkulov)

Vazirlar Mahkamasining 2025-yil 19-martdagi 171-son qaroriga 7-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2011-yil 29-martdagi 93-son qarori bilan tasdiqlangan Oʻzbekiston Respublikasi adliya organlari va muassasalari xodimlarining martaba darajalari toʻgʻrisidagi nizomda :

a) 3-band quyidagi tahrirda bayon etilsin:

“3. Oʻzbekiston Respublikasi adliya organlari va muassasalari xodimlariga martaba darajalari ijobiy attestatsiya, malakasiga muvofiq oliy yuridik maʼlumot yoki boshqa oliy maʼlumot mavjud boʻlgan hamda Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish institutida maxsus malaka oshirish kurslarini muvaffaqiyatli oʻtagan taqdirda, egallab turgan lavozimi va ish stajiga, shuningdek, oldingi ish yoki xizmat joyida berilgan maxsus unvonlarni hisobga olgan holda izchil tartibda beriladi”;

b) 6-band quyidagi tahrirda bayon etilsin:

“6. Martaba darajasida boʻlish muddati quyidagicha belgilanadi:

3-darajali yurist — ikki yil;

2-darajali yurist — uch yil;

1-darajali yurist — toʻrt yil;

3-darajali adliya maslahatchisi — besh yil;

2-darajali adliya maslahatchisi — olti yil.

1-darajali adliya maslahatchisi va undan yuqori martabada boʻlish muddati belgilanmaydi”;

v) 7-banddagi “idoralari hamda davlat notariati xodimlariga” soʻzlari “xodimlariga 3-darajali davlat adliya maslahatchisidan” soʻzlari bilan almashtirilsin;

g) 8-band quyidagi tahrirda bayon etilsin:

“8. Oʻzbekiston Respublikasi adliya vaziri:

ishda alohida oʻrnak koʻrsatgan yoki xizmat burchini namunali bajargan xodimlarga mavjud martaba darajasida xizmat qilish uchun belgilangan muddatning kamida uchdan ikki qismini oʻtganidan soʻng muddatidan oldin navbatdagi martaba darajasi berishga;

birinchi marta attestatsiyadan oʻtayotgan xodimlarga ular egallab turgan lavozim boʻyicha nazarda tutilganidan bir daraja past martaba darajalari berishga haqlidir”.

2. Vazirlar Mahkamasining 2012-yil 26-sentabrdagi 278-son qarori bilan tasdiqlangan Oliy taʼlim muassasalari pedagog kadrlarini qayta tayyorlash va ularning malakasini oshirish mintaqaviy va tarmoq markazlari roʻyxatining 15-pozitsiyasi quyidagi tahrirda bayon qilinsin:

“ 15. Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish instituti Yurisprudensiya; huquqshunoslik. Adliya vazirligi ” .

3. Vazirlar Mahkamasining “Oʻzbekiston Respublikasi Adliya vazirligi huzuridagi X. Sulaymonova nomidagi Respublika sud ekspertizasi markazi faoliyatini yanada takomillashtirish hamda sud ekspertlarining malakasini oshirish tizimini tashkil qilish toʻgʻrisida” 2017-yil 13-apreldagi 206-son qarorida :

a) 1-banddagi “hamda Sud ekspertlarining malakasini oshirish oʻquv markazi” soʻzlari chiqarib tashlansin;

b) 2-band oʻz kuchini yoʻqotgan deb hisoblansin;

v) 1-ilovada :

4-band quyidagi tahrirda bayon etilsin:

“4. Sud ekspertlarining malakasini oshirib borish vazirliklar va idoralar tizimida amalga oshiriladi”;

5-band quyidagi tahrirda bayon etilsin:

“5. Sud ekspertlarining huquqiy bilimlari Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish institutida (keyingi oʻrinlarda — Institut) vazirliklar va idoralarning ushbu Nizomga 1-ilovaga muvofiq shakl boʻyicha taqdim qilinadigan buyurtmasiga asosan oshirib boriladi”;

6-banddagi tegishli kelishikdagi “Oʻquv markazi” soʻzlari tegishli kelishikdagi “Institut” soʻzi bilan almashtirilsin;

9-bandning uchinchi xatboshisidagi “Oʻquv markaziga” soʻzlari “Institutga” soʻzi bilan almashtirilsin;

15-banddagi “Oʻquv markazi” soʻzlari “Institut” soʻzi bilan almashtirilsin;

18-banddagi “Oʻquv markazi” soʻzlari “Institut” soʻzi bilan almashtirilsin;

20-banddagi “Oʻquv markazi” soʻzlari “Institut” soʻzi bilan almashtirilsin;

23-banddagi “Sud ekspertizasi markazi” soʻzlari “Institut” soʻzi bilan almashtirilsin;

24-banddagi “Oʻquv markaziga” va “Sud ekspertiza markazi” soʻzlari tegishincha “Institutga” va “Institut” soʻzlari bilan almashtirilsin;

26-bandda :

birinchi xatboshidagi “Oʻquv markaziga” soʻzlari “Institutga” soʻzi bilan almashtirilsin;

ikkinchi xatboshidagi “Sud ekspertiza markazining” soʻzlari “Institutning” soʻzi bilan almashtirilsin;

27-banddagi “Oʻquv markaziga” va “Sud ekspertizasi markazi” soʻzlari tegishincha “Institutga” va “Institut” soʻzlari bilan almashtirilsin;

29-banddagi “Oʻquv markazida” soʻzlari “Institutda” soʻzi bilan almashtirilsin;

32-bandning ikkinchi va uchinchi xatboshilaridagi “Oʻquv markazida” soʻzlari “Institutda” soʻzi bilan almashtirilsin;

33-bandda :

birinchi xatboshidagi “Sud ekspertiza markazi” soʻzlari “Institut” soʻzi bilan almashtirilsin;

ikkinchi xatboshidagi “Oʻquv markazida” soʻzlari “Institutda” soʻzi bilan almashtirilsin;

36-bandning ikkinchi xatboshisidagi “Sud ekspertiza markazi” soʻzlari “Institut” soʻzi bilan almashtirilsin;

Nizomga 1-ilovadagi “X. Sulaymonova nomidagi Respublika sud ekspertizasi markazi direktori” soʻzlari “Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish instituti direktori” soʻzlari bilan almashtirilsin;

Nizomga 3-ilovadagi “X. SULAYMONOVA NOMIDAGI RESPUBLIKA SUD EKSPERTIZASI MARKAZI” soʻzlari “YURIDIK KADRLARNI QAYTA TAYYORLASH VA MALAKASINI OSHIRISH INSTITUTI” soʻzlari bilan almashtirilsin.

4. Vazirlar Mahkamasining “Aholiga huquqiy axborotni yetkazish va yuridik yordam koʻrsatish tizimini yanada takomillashtirish chora-tadbirlari toʻgʻrisida” 2019-yil 6-sentabrdagi 741-son qarorida :

a) 3-band quyidagi tahrirda bayon etilsin:

“3. Belgilansinki, Muassasa va uning hududiy boʻlinmalari faoliyatini moliyalashtirish:

davlat subsidiyasi, shuningdek davlat ijtimoiy buyurtmasi doirasida Oʻzbekiston Respublikasi Adliya vazirligi, boshqa davlat organlari va tashkilotlarining shartnoma asosida Muassasaga toʻgʻridan-toʻgʻri ajratiladigan budjetdan tashqari mablagʻlari;

muassislar va tashabbuskorlar tomonidan ajratiladigan mablagʻlar;

yuridik va jismoniy shaxslarning homiylik xayriyalari;

xalqaro moliya institutlari va xorijiy hukumat moliya tashkilotlarining moliyaviy mablagʻlari;

qonunchilikda taqiqlanmagan boshqa manbalar hisobidan moliyalashtiriladi.

Adliya vazirligi Muassasaga har yili oʻzining budjetdan tashqari mablagʻlaridan davlat ijtimoiy buyurtmasi uchun ajratiladigan mablagʻlar miqdorini va ulardan foydalanish tartibini mustaqil belgilaydi”;

b) 5-bandda “taʼminlash” soʻzidan keyin “ularni va” soʻzlari bilan toʻldirilsin.

5. Vazirlar Mahkamasining “Arxiv ishi va ish yuritish sohasidagi ayrim normativ-huquqiy hujjatlarni tasdiqlash toʻgʻrisida” 2020-yil 19-martdagi 174-son qarorida :

a) 1-bandning ikkinchi xatboshisi chiqarib tashlansin;

b) 2-band va qarorga 1-ilova oʻz kuchini yoʻqotgan deb hisoblansin;

v) 2-ilovada :

4-bandning uchinchi xatboshisi chiqarib tashlansin;

5-banddagi “tashkilotlar hamda Markazning” soʻzlari “tashkilotlarning” soʻzi bilan almashtirilsin;

13-banddan “Markaz direktorining” soʻzlari chiqarib tashlansin;

26-bandning beshinchi xatboshisidagi “Arxiv ishi va ish yuritish markazi” soʻzlari chiqarib tashlansin;

Nizomga ilovadagi I bosqich pozitsiyasi “Masʼullar” va “Chora-tadbirlar” ustunlaridagi “Arxiv ishi va ish yuritish markazi” soʻzlari chiqarib tashlansin.

7. Vazirlar Mahkamasining “Yuridik kadrlarni xalqaro standartlar boʻyicha tayyorlash tizimini yanada takomillashtirishga doir qoʻshimcha chora-tadbirlar toʻgʻrisida” 2021-yil 6-apreldagi 189-son qarorida :

a) 1 , 2 , 4 va 6-bandlar hamda qarorga 1-ilova oʻz kuchini yoʻqotgan deb hisoblansin;

b) 3-bandda :

ikkinchi xatboshidagi “Markazda” soʻzi “Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish institutida” soʻzlari bilan almashtirilsin;

uchinchi xatboshi quyidagi tahrirda bayon etilsin:

“oliy maʼlumotga ega boʻlgan shaxslar yuridik mutaxassislikka qayta tayyorlash kurslarini muvaffaqiyatli tugatib, belgilangan namunadagi diplomni olgan shaxslar yuridik xizmatlarda, davlat xizmatlari markazlari, fuqarolik holati dalolatnomalarini yozish organlarida barcha lavozimlarda, shuningdek, advokatura va notariat tizimida oliy yuridik maʼlumot talab etmaydigan barcha lavozimlarda ishlash huquqiga ega boʻladi”;

toʻrtinchi xatboshi quyidagi tahrirda bayon etilsin:

“tadbirkorlar, davlat organlari va tashkilotlar vakillari, oliy taʼlim va ilmiy-tadqiqot muassasalari xodimlarini intellektual mulkni yaratish va himoya qilish asoslari, tijoratlashtirish, brending va marketingga oʻqitish Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish institutida qisqa muddatli oʻquv kurslarini tashkil etish orqali amalga oshiriladi”;

v) 2-ilovaning 5 va 9-bandlari oʻz kuchini yoʻqotgan deb hisoblansin.

8. Vazirlar Mahkamasining “Davlat organlari va tashkilotlarining jismoniy va yuridik shaxslarning murojaatlari bilan ish olib boruvchi xodimlari malakasini oshirish tartibi toʻgʻrisidagi nizomni tasdiqlash haqida” 2022-yil 7-oktabrdagi 582-son qarorida :

a) 2-bandning ikkinchi xatboshisidagi “Oʻzbekiston Respublikasi Adliya vazirligi huzuridagi Yuristlar malakasini oshirish markazi va uning filiallarida” soʻzlari “Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish institutida” soʻzlari bilan almashtirilsin;

b) ilovada :

4-banddagi “Oʻzbekiston Respublikasi Adliya vazirligi qoshidagi Yuristlar malakasini oshirish markazi va uning filiallarida” soʻzlari “Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish institutida” soʻzlari bilan almashtirilsin;

Nizomga 1-ilovada :

I boʻlimda (Malaka oshirish kursini tashkil etish tartibi):

1-bosqich pozitsiyasida:

“Subyektlar” ustunidagi “Yuristlar malakasini oshirish markazi” soʻzlari “Yuridik kadrlarni qayta tayyorlash va malakasini oshirish instituti” soʻzlari bilan almashtirilsin;

“Chora-tadbirlar” ustunining 2-bandi quyidagi tahrirda bayon etilsin:

“2. Oʻquv dasturini Oliy taʼlim, fan va innovatsiyalar vazirligi bilan kelishgan holda tasdiqlaydi”;

2-bosqich pozitsiyasi “Chora-tadbirlar” ustunining 3-bandidagi “Yuristlar malakasini oshirish markaziga” soʻzlari “Yuridik kadrlarni qayta tayyorlash va malakasini oshirish institutiga” soʻzlari bilan almashtirilsin;

3, 4 va 5-bosqich pozitsiyalari “Subyektlar” ustunidagi “Yuristlar malakasini oshirish markazi” soʻzlari “Yuridik kadrlarni qayta tayyorlash va malakasini oshirish instituti” soʻzlari bilan almashtirilsin;

II boʻlim (Murojaatlar bilan ish olib boruvchi xodimlarning maʼlumotlari bazasini shakllantirish va yuritish tartibi) 2-bosqich pozitsiyasi “Subyektlar” ustunidagi “Yuristlar malakasini oshirish markazi” soʻzlari “Yuridik kadrlarni qayta tayyorlash va malakasini oshirish instituti” soʻzlari bilan almashtirilsin;

Nizomga 4-ilova nomidagi “Oʻzbekiston Respublikasi Adliya vazirligi qoshidagi Yuristlar malakasini oshirish markazi” soʻzlari “Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish instituti” soʻzlari bilan almashtirilsin.

9. Vazirlar Mahkamasining 2024-yil 12-oktabrdagi 672-son qarorining 2-bandi ikkinchi xatboshisi quyidagi tahrirda bayon etilsin:

“Samarqand viloyati hokimligi huzuridagi “Yagona buyurtmachi xizmati” injiniring kompaniyasi” DUK buyurtmachi etib belgilansin”.

Vazirlar Mahkamasining 2025-yil 19-martdagi 171-son qaroriga 8-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari

1. Vazirlar Mahkamasining “Oʻzbekiston Respublikasi Adliya vazirligi qoshida Yuristlar malakasini oshirish markazini tashkil etish toʻgʻrisida” 1997-yil 21-iyuldagi 364-son qarori .

2. Vazirlar Mahkamasining “Toshkent davlat yuridik universiteti huzuridagi Yuridik kadrlarni xalqaro standartlar boʻyicha professional oʻqitish markazi faoliyatini tashkil etish chora-tadbirlari toʻgʻrisida” 2018-yil 14-iyundagi 453-son qarori .

3. Vazirlar Mahkamasining “Oʻzbekiston Respublikasi Adliya vazirligi qoshidagi Yuristlar malakasini oshirish markazi faoliyatini yanada takomillashtirish toʻgʻrisida” 2019-yil 27-iyundagi 531-son qarori .

4. Vazirlar Mahkamasining “Oliy taʼlim muassasalari rahbar va pedagog kadrlarining malakasini oshirish tizimini yanada takomillashtirish boʻyicha qoʻshimcha chora-tadbirlar toʻgʻrisida” 2019-yil 23-sentabrdagi 797-son qaroriga 5-ilovaning 3-bandi .

5. Vazirlar Mahkamasining “Yuridik sohaga oid bilim talab etiladigan mutaxassislarni qayta tayyorlash va malakasini oshirishning zamonaviy tizimini joriy etish chora-tadbirlari toʻgʻrisida” 2020-yil 8-sentabrdagi 544-son qarori .

6. Vazirlar Mahkamasining “Oʻzbekiston Respublikasida chet el fuqarolari va fuqaroligi boʻlmagan shaxslarni roʻyxatga olish tartibini soddalashtirish chora-tadbirlari toʻgʻrisida” 2020-yil 28-sentabrdagi 593-son qaroriga 4-ilovaning 57-bandi .

7. Vazirlar Mahkamasining “Ilmiy va innovatsion faoliyatni boshqarish tizimini tashkil etish chora-tadbirlari toʻgʻrisida” 2021-yil 27-avgustdagi 545-son qaroriga 3-ilovaning 29-bandi .

8. Vazirlar Mahkamasining “Oʻzbekiston Respublikasi Adliya vazirligi tizimidagi taʼlim muassasalari faoliyatini yanada takomillashtirish chora-tadbirlari toʻgʻrisida” 2021-yil 22-noyabrdagi 705-son qaroriga 3-ilovaning 3-bandi .

9. Vazirlar Mahkamasining “Sud ekspertiza sohasini tartibga soluvchi ayrim normativ-huquqiy hujjatlarni tasdiqlash toʻgʻrisida” 2021-yil 22-noyabrdagi 706-son qaroriga 4-ilovaning 2-bandi .

10. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Normativ-huquqiy hujjatlar toʻgʻrisida” 2021-yil 20-apreldagi OʻRQ-682-son Qonuni)” 2022-yil 4-apreldagi 153-son qaroriga ilovaning 651-bandi .

11. Vazirlar Mahkamasining “Sud-ekspertlik faoliyatini tartibga soluvchi ayrim normativ-huquqiy hujjatlarni tasdiqlash toʻgʻrisida” 2022-yil 13-dekabrdagi 705-son qaroriga 3-ilovaning 3-bandi .

Oʻzbekiston Respublikasining Bosh vaziri A. ARIPOV

Toshkent sh.,

2025-yil 19-mart,

171-son

(Qonunchilik maʼlumotlari milliy bazasi, 19.03.2025-y., 09/25/171/0258-son; 23.02.2026-y., 09/26/74/0165-son; 23.02.2026-y., 09/26/73/0164-son; 01.07.2026-y., 09/26/350/0667-son)

lex.uz