📅 2025-yil 27-fevral · Vazirlik va idoralar hujjatlari · Vazirlar Mahkamasi huzuridagi Oʻzbekiston texnik jihatdan tartibga solish agentligi direktori
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 27 февраль · Вазирлик ва идоралар ҳужжатлари · Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги директори
Расмий матн. Расмий ҳужжат. Таҳририй изоҳлар киритилмаган.
📅 27 февраля 2025 г. · Документы министерств и ведомств · Директор Узбекского агентства по техническому регулированию при Кабинете Министров
Официальный текст. Официальный документ. Редакционные примечания не включены.
📅 27 February 2025 · Ministry and agency documents · Vazirlar Mahkamasi huzuridagi Oʻzbekiston texnik jihatdan tartibga solish agentligi direktori
Official text. Official document. Editorial notes are not included.
Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги директорининг
буйруғи
«Сифат бўйича эксперт-аудиторларни аттестациядан ўтказиш тартиби тўғрисидаги низомни тасдиқлаш ҳақида»ги буйруққа ўзгартириш ва қўшимчалар киритиш тўғрисида
Ўзбекистон Республикасининг « Техник жиҳатдан тартибга солиш тўғрисида »ги ва « Мувофиқликни баҳолаш органларини аккредитация қилиш тўғрисида »ги қонунлари, Ўзбекистон Республикаси Вазирлар Маҳкамасининг 2024 йил 1 июлдаги 370-сон « Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги ва унинг тизимидаги ташкилотлари фаолиятини самарали йўлга қўйиш чоралари тўғрисида »ги ҳамда 2024 йил 1 июлдаги 371-сон « Техник жиҳатдан тартибга солиш соҳасидаги давлат бошқаруви такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида »ги қарорларига мувофиқ буюраман:
1. Ўзбекистон стандартлаштириш, метрология ва сертификатлаштириш агентлиги бош директорининг 2017 йил 20 июндаги 411-сон «Сифат бўйича эксперт-аудиторларни аттестациядан ўтказиш тартиби тўғрисидаги низомни тасдиқлаш ҳақида»ги буйруғига (рўйхат рақами 2899, 2017 йил 21 июль) (Ўзбекистон Республикаси қонун ҳужжатлари тўплами, 2017 й., 29-сон, 718-модда) иловага мувофиқ ўзгартириш ва қўшимчалар киритилсин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги директорининг 2025 йил 27 февралдаги 21-сон буйруғига ИЛОВА
«Сифат бўйича эксперт-аудиторларни аттестациядан ўтказиш тартиби тўғрисидаги низомни тасдиқлаш ҳақида»ги буйруққа киритилаётган ўзгартириш ва қўшимчалар
1. Буйруқ муқаддимасидаги «Маҳсулотлар ва хизматларни сертификатлаштириш тўғрисида»ги Қонуни ва Вазирлар Маҳкамасининг 2004 йил 5 августдаги 373-сон қарори билан тасдиқланган Ўзбекистон стандартлаштириш, метрология ва сертификатлаштириш агентлиги тўғрисидаги низомга» деган сўзлар «Техник жиҳатдан тартибга солиш тўғрисида»ги Қонуни ва Вазирлар Маҳкамасининг 2024 йил 1 июлдаги 370-сон «Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги ва унинг тизимидаги ташкилотлари фаолиятини самарали йўлга қўйиш чоралари тўғрисида»ги қарорига» деган сўзлар билан алмаштирилсин.
2. Низомда :
а) муқаддима қуйидаги таҳрирда баён этилсин:
«Мазкур Низом сифат бўйича эксперт-аудиторларни ҳамда сифат бўйича эксперт-аудиторликка номзодларни (бундан буён матнда номзод деб юритилади) аттестациядан ўтказиш тартибини белгилайди.»;
б) 1-бандда :
иккинчи хатбоши қуйидаги таҳрирда баён этилсин:
« аккредитация — мувофиқликни баҳолаш органларининг муайян фаолият соҳасида мувофиқликни баҳолашга доир ишларни бажаришга ваколатлилигини аккредитация органи томонидан расман тасдиқлаш;»;
бешинчи хатбоши қуйидаги таҳрирда баён этилсин:
« даврий баҳолаш — аккредитация қилинган субъект фаолиятининг аккредитация даврида белгиланган талабларга мувофиқлигини аккредитация циклида қайта баҳолаш тартиб-таомили;»;
д) 3-банддаги «инспекция назоратларида» деган сўзлар «даврий баҳолашларда» деган сўзлар билан алмаштирилсин;
э) 7-банд қуйидаги таҳрирда баён этилсин:
«7. Аттестация комиссияси Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги (бундан буён матнда Агентлик деб юритилади) директорининг буйруғига асосан Агентлик, Техник жиҳатдан тартибга солиш соҳасида назорат инспекцияси, «Ўзбекистон стандартлар институти» давлат муассасаси, «Ўзбекистон илмий-синов ва сифат назорати маркази» давлат муассасаси, «Ўзбекистон миллий метрология институти» давлат муассасаси ва «Ўзбекистон аккредитация маркази» давлат муассасаси мутахассислари орасидан камида тўққиз аъзодан иборат таркибда тузилади.»;
ф) 8 ва 25-бандлардан «бош» деган сўз чиқариб ташлансин;
г) 9-банддаги «ва сифат тизимларини жорий этиш» деган сўзлар «бўйича техник сиёсатни амалга ошириш» деган сўзлар билан алмаштирилсин;
и) 14-банд қуйидаги таҳрирда баён этилсин:
«14. Номзод аттестациядан ўтиш учун аттестациядан ўтиш ҳақидаги ариза билан Агентликка мурожаат қилади.
Аризага қуйидаги ҳужжатлар илова қилинади:
номзоднинг мазкур Низомнинг 1-иловасига мувофиқ шакл бўйича анкетаси;
аккредитация ва даврий баҳолашларда иштирок этганлигини тасдиқловчи буйруқ нусхалари;
иш жойидан тавсифнома;
ходимни сертификатлаштирилганлиги тўғрисидаги мувофиқлик сертификати нусхаси.
Мазкур бандда назарда тутилмаган ҳужжатлар талаб қилинишига йўл қўйилмайди.»;
ж) 26-банд қуйидаги таҳрирда баён этилсин:
«26. Апелляция комиссияси аттестация комиссияси таркибига кирмаган Агентлик, «Ўзбекистон стандартлар институти» давлат муассасаси, «Ўзбекистон илмий-синов ва сифат назорати маркази» давлат муассасаси, «Ўзбекистон стандартлар институти» давлат муассасаси мувофиқликни баҳолаш органларининг мутахассисларидан беш кишидан иборат таркибда тузилади.»;
к) 1-иловадаги «паспортининг серияси, тартиб рақами» деган сўзлар «паспортининг ёки идентификацияловчи ID-картасининг серияси ва рақами» деган сўзлар билан алмаштирилсин;
л) 2-иловадаги «Ўзстандарт» деган сўз «Техник жиҳатдан тартибга солиш» деган сўзлар билан алмаштирилсин.
Директор А. ЖУМАНАЗАРОВ
Тошкент ш.,
2025 йил 27 февраль,
21-сон
Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligi direktorining
buyrugʻi
“Sifat boʻyicha ekspert-auditorlarni attestatsiyadan oʻtkazish tartibi toʻgʻrisidagi nizomni tasdiqlash haqida”gi buyruqqa oʻzgartirish va qoʻshimchalar kiritish toʻgʻrisida
Oʻzbekiston Respublikasining “ Texnik jihatdan tartibga solish toʻgʻrisida ”gi va “ Muvofiqlikni baholash organlarini akkreditatsiya qilish toʻgʻrisida ”gi qonunlari, Oʻzbekiston Respublikasi Vazirlar Mahkamasining 2024-yil 1-iyuldagi 370-son “ Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligi va uning tizimidagi tashkilotlari faoliyatini samarali yoʻlga qoʻyish choralari toʻgʻrisida ”gi hamda 2024-yil 1-iyuldagi 371-son “ Texnik jihatdan tartibga solish sohasidagi davlat boshqaruvi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida ”gi qarorlariga muvofiq buyuraman:
1. Oʻzbekiston standartlashtirish, metrologiya va sertifikatlashtirish agentligi bosh direktorining 2017-yil 20-iyundagi 411-son “Sifat boʻyicha ekspert-auditorlarni attestatsiyadan oʻtkazish tartibi toʻgʻrisidagi nizomni tasdiqlash haqida”gi buyrugʻiga (roʻyxat raqami 2899, 2017-yil 21-iyul) (Oʻzbekiston Respublikasi qonun hujjatlari toʻplami, 2017-y., 29-son, 718-modda) ilovaga muvofiq oʻzgartirish va qoʻshimchalar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligi direktorining 2025-yil 27-fevraldagi 21-son buyrugʻiga ILOVA
“Sifat boʻyicha ekspert-auditorlarni attestatsiyadan oʻtkazish tartibi toʻgʻrisidagi nizomni tasdiqlash haqida”gi buyruqqa kiritilayotgan oʻzgartirish va qoʻshimchalar
1. Buyruq muqaddimasidagi “Mahsulotlar va xizmatlarni sertifikatlashtirish toʻgʻrisida”gi Qonuni va Vazirlar Mahkamasining 2004-yil 5-avgustdagi 373-son qarori bilan tasdiqlangan Oʻzbekiston standartlashtirish, metrologiya va sertifikatlashtirish agentligi toʻgʻrisidagi nizomga” degan soʻzlar “Texnik jihatdan tartibga solish toʻgʻrisida”gi Qonuni va Vazirlar Mahkamasining 2024-yil 1-iyuldagi 370-son “Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligi va uning tizimidagi tashkilotlari faoliyatini samarali yoʻlga qoʻyish choralari toʻgʻrisida”gi qaroriga” degan soʻzlar bilan almashtirilsin.
2. Nizomda :
a) muqaddima quyidagi tahrirda bayon etilsin:
“Mazkur Nizom sifat boʻyicha ekspert-auditorlarni hamda sifat boʻyicha ekspert-auditorlikka nomzodlarni (bundan buyon matnda nomzod deb yuritiladi) attestatsiyadan oʻtkazish tartibini belgilaydi.”;
b) 1-bandda :
ikkinchi xatboshi quyidagi tahrirda bayon etilsin:
“ akkreditatsiya — muvofiqlikni baholash organlarining muayyan faoliyat sohasida muvofiqlikni baholashga doir ishlarni bajarishga vakolatliligini akkreditatsiya organi tomonidan rasman tasdiqlash;”;
beshinchi xatboshi quyidagi tahrirda bayon etilsin:
“ davriy baholash — akkreditatsiya qilingan subyekt faoliyatining akkreditatsiya davrida belgilangan talablarga muvofiqligini akkreditatsiya siklida qayta baholash tartib-taomili;”;
d) 3-banddagi “inspeksiya nazoratlarida” degan soʻzlar “davriy baholashlarda” degan soʻzlar bilan almashtirilsin;
e) 7-band quyidagi tahrirda bayon etilsin:
“7. Attestatsiya komissiyasi Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligi (bundan buyon matnda Agentlik deb yuritiladi) direktorining buyrugʻiga asosan Agentlik, Texnik jihatdan tartibga solish sohasida nazorat inspeksiyasi, “Oʻzbekiston standartlar instituti” davlat muassasasi, “Oʻzbekiston ilmiy-sinov va sifat nazorati markazi” davlat muassasasi, “Oʻzbekiston milliy metrologiya instituti” davlat muassasasi va “Oʻzbekiston akkreditatsiya markazi” davlat muassasasi mutaxassislari orasidan kamida toʻqqiz aʼzodan iborat tarkibda tuziladi.”;
f) 8 va 25-bandlardan “bosh” degan soʻz chiqarib tashlansin;
g) 9-banddagi “va sifat tizimlarini joriy etish” degan soʻzlar “boʻyicha texnik siyosatni amalga oshirish” degan soʻzlar bilan almashtirilsin;
i) 14-band quyidagi tahrirda bayon etilsin:
“14. Nomzod attestatsiyadan oʻtish uchun attestatsiyadan oʻtish haqidagi ariza bilan Agentlikka murojaat qiladi.
Arizaga quyidagi hujjatlar ilova qilinadi:
nomzodning mazkur Nizomning 1-ilovasiga muvofiq shakl boʻyicha anketasi;
akkreditatsiya va davriy baholashlarda ishtirok etganligini tasdiqlovchi buyruq nusxalari;
ish joyidan tavsifnoma;
xodimni sertifikatlashtirilganligi toʻgʻrisidagi muvofiqlik sertifikati nusxasi.
Mazkur bandda nazarda tutilmagan hujjatlar talab qilinishiga yoʻl qoʻyilmaydi.”;
j) 26-band quyidagi tahrirda bayon etilsin:
“26. Apellyatsiya komissiyasi attestatsiya komissiyasi tarkibiga kirmagan Agentlik, “Oʻzbekiston standartlar instituti” davlat muassasasi, “Oʻzbekiston ilmiy-sinov va sifat nazorati markazi” davlat muassasasi, “Oʻzbekiston standartlar instituti” davlat muassasasi muvofiqlikni baholash organlarining mutaxassislaridan besh kishidan iborat tarkibda tuziladi.”;
k) 1-ilovadagi “pasportining seriyasi, tartib raqami” degan soʻzlar “pasportining yoki identifikatsiyalovchi ID-kartasining seriyasi va raqami” degan soʻzlar bilan almashtirilsin;
l) 2-ilovadagi “Oʻzstandart” degan soʻz “Texnik jihatdan tartibga solish” degan soʻzlar bilan almashtirilsin.
Direktor A. JUMANAZAROV
Toshkent sh.,
2025-yil 27-fevral,
21-son