📅 2025-yil 24-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 24 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 марта 2025 г. · Постановления Президента
Официальный текст. Официальный документ. Редакционные примечания не включены.
📅 24 March 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
«Тошкент шаҳри, Тошкент ва Андижон вилоятларида қаттиқ маиший чиқиндиларни ёқиш орқали электр энергияси ишлаб чиқариш» инвестиция лойиҳасини амалга ошириш чора-тадбирлари тўғрисида
Тошкент шаҳри, Тошкент ва Андижон вилоятларида экологик вазиятни яхшилаш, чиқиндиларни қайта ишлаш соҳасига замонавий ечимлар ва технологияларни жорий этиш орқали электр энергияси ишлаб чиқариш ҳамда соҳага тўғридан-тўғри инвестицияларни жалб этиш мақсадида қарор қиламан:
I. Қаттиқ маиший чиқиндиларни ёқиш орқали электр энергияси ишлаб чиқаришни ташкил этиш.
1. Тўғридан-тўғри музокаралар натижасида:
(а) «China CAMC Engineering» компанияси (Хитой Халқ Республикаси) (кейинги ўринларда — Инвестор) томонидан «Тошкент шаҳри, Тошкент ва Андижон вилоятларида қаттиқ маиший чиқиндиларни ёқиш орқали электр энергияси ишлаб чиқариш» инвестиция лойиҳаси (кейинги ўринларда — Лойиҳалар) доирасида хорижий корхоналар (кейинги ўринларда — Лойиҳа компаниялари) таъсис этилиши;
(б) Инвестор ва Ўзбекистон Республикаси Ҳукумати номидан Инвестициялар, саноат ва савдо вазирлиги ўртасида 2025 йил 17 мартда инвестиция шартномалари имзолангани;
(в) «Ўзэнергосотиш» АЖ ва Инвестор ўртасида 2025 йил 14 мартда Лойиҳалар доирасида ишлаб чиқарилган электр энергиясини сотиб олиш тўғрисидаги битимлар имзолангани;
(г) Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Чиқиндиларни бошқариш ва циркуляр иқтисодиётни ривожлантириш агентлиги (кейинги ўринларда — Агентлик) ва Инвестор ўртасида 2025 йил 14 мартда қаттиқ маиший чиқиндиларни Лойиҳа компанияларига етказиб бериш тўғрисидаги битимлар имзолангани маълумот учун қабул қилинсин.
II. Мажбурият ва имтиёзлар.
2. Белгилансинки, электр энергиясини сотиб олиш ва қаттиқ маиший чиқиндиларни етказиб бериш тўғрисидаги битимларга мувофиқ:
(а) Лойиҳа компаниялари ишлаб чиқарилган электр энергиясини 30 йил давомида «Ўзэнергосотиш» АЖга кафолатланган тарзда сотади;
(б) Лойиҳа компаниялари Лойиҳалар доирасида электр станциясини ягона электр энергияси тармоғига улаш учун ҳаво электр узатиш тармоқларини қуради ҳамда ишга туширилгандан сўнг уларни «Ўзбекистон миллий электр тармоқлари» АЖга топширади;
(в) «Ўзэнергосотиш» АЖ 30 йил давомида электр энергиясини кафолатланган тарзда харид қилади ва миллий валютада тўлов қилади;
(г) Агентлик Лойиҳа компанияларига 30 йил давомида қаттиқ маиший чиқиндиларни кафолатланган ҳажмда етказиб беради;
(д) Лойиҳа компаниялари қурилиш давридаги ўз мажбуриятлари лозим даражада бажарилишининг таъминоти сифатида 18 миллион АҚШ доллари миқдорида биринчи даражали банк кафолатини тақдим этади;
(е) Инвестор ўз ҳуқуқ ва мажбуриятларидан Лойиҳалар доирасида ўзи томонидан ташкил этиладиган Лойиҳа компаниялари фойдасига воз кечади.
3. Агентлик:
(а) ҳаво электр узатиш тармоқлари учун ажратилган ер участкаларини Лойиҳа компанияларига ва «Ўзбекистон миллий электр тармоқлари» АЖга ижарага беради;
(б) ер участкаларини Лойиҳалар доирасида фойдаланиш учун Лойиҳалар муддатига тенг бўлган муддатга Инвесторга ижарага беради.
4. Лойиҳа компаниялари ва «Ўзбекистон миллий электр тармоқлари» АЖ томонидан ер участкалари учун тўланадиган ижара тўлови миқдори ер солиғи миқдорига тенглаштирилсин.
5. Лойиҳалар чиқинди полигонлари ҳудудида чиқиндиларни утилизация қилиш ва қайта ишлашга ихтисослашган саноат зоналари ҳудудларида амалга оширилиши белгилансин.
III. Молиявий ресурслар.
6. Инвестор ва Лойиҳа компаниялари 2025 — 2027 йилларда:
(а) Тошкент вилоятида 240 миллион АҚШ доллари миқдорида тўғридан-тўғри инвестицияларни жалб этган ҳолда кунига 2,5 минг тонна чиқиндиларни термик усулда қайта ишлаш орқали 390 миллион кВт электр энергияси;
(б) Андижон вилоятида 110 миллион АҚШ доллари миқдорида тўғридан-тўғри инвестицияларни жалб этган ҳолда кунига 1,5 минг тонна чиқиндиларни термик қайта ишлаб, 240 миллион кВт электр энергияси ишлаб чиқариш қувватига эга ускуналар ишга туширилишини таъминласин.
IV. Лойиҳаларни амалга оширишни жадаллаштириш чора-тадбирлари.
7. Агентлик ва «Ўзэнергосотиш» АЖга:
(а) Лойиҳа компаниялари билан биргаликда битимларда белгиланган тартиб-таомилларга мувофиқ Лойиҳаларни амалга ошириш учун халқаро мустақил инжиниринг компаниялари ва бошқа маслаҳатчиларни тўғридан-тўғри шартномалар тузган ҳолда жалб қилишга;
(б) Лойиҳалар доирасида уч ой давомида ишлаб чиқариладиган электр энергиясини сотиб олиш, чиқиндиларни етказиб бериш мажбурияти бажарилишининг таъминоти сифатида Лойиҳа компаниялари фойдасига республика банкларида тасдиқланган ва тикланадиган аккредитивлар очишга рухсат берилади.
8. Белгилансинки, Лойиҳалар доирасида:
(а) инфратузилма объектларини қуриш ишларини молиялаштириш Ўзбекистон Республикаси Президентининг 2020 йил 18 декабрдаги «Ҳудудларда муҳандислик-коммуникация инфратузилмасини янада ривожлантириш чора-тадбирлари тўғрисида»ги ПҚ-4929-сон қарорига мувофиқ амалга оширилади;
(б) инфратузилма объектларини қуриш-таъмирлаш ишлари бўйича буюртмачи вазифаси Ўзбекистон Республикаси Президентининг 2021 йил 30 апрелдаги «Махсус иқтисодий ва кичик саноат зоналари муҳандислик-коммуникация инфратузилмасини янада ривожлантириш чора-тадбирлари тўғрисида»ги ПҚ-5101-сон қарорида белгиланган ташкилотлар томонидан амалга оширилади;
(в) Инвестициялар, саноат ва савдо вазирлиги, Агентлик, «Ўзэнергосотиш» АЖ ва «Ўзбекистон миллий электр тармоқлари» АЖга Инвестор томонидан Лойиҳаларни амалга ошириш доирасида имзоланган битимлар бўйича мажбуриятлар бажарилмаган тақдирда, Лойиҳа компаниялари ва Инвестор ҳуқуқини Лойиҳаларни молиялаштиришда иштирок этадиган бошқа кредиторларга тўғридан-тўғри ўтказиш ҳақида битимлар тузиш ҳуқуқи берилади.
(г) Инвесторга барча солиқлар ва йиғимлар тўланган ҳолда, инвестиция лойиҳасини молиялаштириш доирасида қуйидаги ҳуқуқлар берилади:
кредит олиш, чет эл валютасида маблағлар олиш ва улардан фойдаланиш (шу жумладан, чет эл валютасида кредит тушумлари) учун чет элдаги хорижий банкларда банк ҳисобварақлари очиш;
Ўзбекистон Республикасидан ташқарида бўлган хорижий пудрат ташкилотлари, етказиб берувчилар ёки хорижий кредиторларга тўловларни Ўзбекистон Республикасидаги банк ҳисобварақлари орқали ўтказмасдан, тўғридан-тўғри амалга ошириш.
9. Инвесторнинг буюртманомасига биноан Лойиҳаларни амалга ошириш доирасида:
(а) Ташқи ишлар вазирлиги — жалб қилинадиган хорижий мутахассислар ҳамда уларнинг оила аъзолари учун кириш визалари, зарур ҳолларда, Ислом Каримов номидаги Тошкент халқаро аэропортида белгиланган тартибда расмийлаштирилишини;
(б) Ички ишлар вазирлиги — жалб қилинадиган хорижий мутахассислар ҳамда уларнинг оила аъзоларига кўп марталик виза берилиши ва унинг муддати узайтирилишини, шунингдек, турган жойи бўйича рўйхатдан ўтказилиши ва унинг муддати узайтирилишини;
(в) Камбағалликни қисқартириш ва бандлик вазирлиги — хорижий фуқароларга Ўзбекистон Республикаси ҳудудида меҳнат фаолияти билан шуғулланиш ҳуқуқини берувчи тасдиқномалар берилишини (муддати узайтирилишини) белгиланган тартибда таъминласин.
10. Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссиясига, зарур ҳолларда, Лойиҳаларнинг мақсадли кўрсаткичларига ва техник-иқтисодий параметрларига Инвестор билан келишган ҳолда ўзгартириш ва қўшимчалар киритиш ҳуқуқи берилсин.
V. Қарор ижросини ташкил этиш, таъминлаш ва назорат.
11. Инвестициялар, саноат ва савдо вазирлиги Экология, атроф-муҳитни муҳофаза қилиш ва иқлим ўзгариши вазирлиги, Энергетика вазирлиги билан биргаликда Лойиҳалар амалга оширилиши, шунингдек, томонлар ўртасидаги битимлар доирасидаги мажбуриятлар бажарилиши устидан доимий назорат ўрнатсин.
12. Экология, атроф-муҳитни муҳофаза қилиш ва иқлим ўзгариши вазирлиги лойиҳа ҳужжатлари белгиланган тартибда экологик экспертизадан ўтказилишини ва Лойиҳаларни амалга оширишда табиатни муҳофаза қилишга оид қонунчилик ҳужжатларига риоя этилишини таъминласин.
13. Қарор ижроси учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 24 март,
ПҚ-116-сон
Oʻzbekiston Respublikasi Prezidentining
qarori
“Toshkent shahri, Toshkent va Andijon viloyatlarida qattiq maishiy chiqindilarni yoqish orqali elektr energiyasi ishlab chiqarish” investitsiya loyihasini amalga oshirish chora-tadbirlari toʻgʻrisida
Toshkent shahri, Toshkent va Andijon viloyatlarida ekologik vaziyatni yaxshilash, chiqindilarni qayta ishlash sohasiga zamonaviy yechimlar va texnologiyalarni joriy etish orqali elektr energiyasi ishlab chiqarish hamda sohaga toʻgʻridan-toʻgʻri investitsiyalarni jalb etish maqsadida qaror qilaman:
I. Qattiq maishiy chiqindilarni yoqish orqali elektr energiyasi ishlab chiqarishni tashkil etish.
1. Toʻgʻridan-toʻgʻri muzokaralar natijasida:
(a) “China CAMC Engineering” kompaniyasi (Xitoy Xalq Respublikasi) (keyingi oʻrinlarda — Investor) tomonidan “Toshkent shahri, Toshkent va Andijon viloyatlarida qattiq maishiy chiqindilarni yoqish orqali elektr energiyasi ishlab chiqarish” investitsiya loyihasi (keyingi oʻrinlarda — Loyihalar) doirasida xorijiy korxonalar (keyingi oʻrinlarda — Loyiha kompaniyalari) taʼsis etilishi;
(b) Investor va Oʻzbekiston Respublikasi Hukumati nomidan Investitsiyalar, sanoat va savdo vazirligi oʻrtasida 2025-yil 17-martda investitsiya shartnomalari imzolangani;
(v) “Oʻzenergosotish” AJ va Investor oʻrtasida 2025-yil 14-martda Loyihalar doirasida ishlab chiqarilgan elektr energiyasini sotib olish toʻgʻrisidagi bitimlar imzolangani;
(g) Ekologiya, atrof-muhitni muhofaza qilish va iqlim oʻzgarishi vazirligi huzuridagi Chiqindilarni boshqarish va sirkulyar iqtisodiyotni rivojlantirish agentligi (keyingi oʻrinlarda — Agentlik) va Investor oʻrtasida 2025-yil 14-martda qattiq maishiy chiqindilarni Loyiha kompaniyalariga yetkazib berish toʻgʻrisidagi bitimlar imzolangani maʼlumot uchun qabul qilinsin.
II. Majburiyat va imtiyozlar.
2. Belgilansinki, elektr energiyasini sotib olish va qattiq maishiy chiqindilarni yetkazib berish toʻgʻrisidagi bitimlarga muvofiq:
(a) Loyiha kompaniyalari ishlab chiqarilgan elektr energiyasini 30 yil davomida “Oʻzenergosotish” AJga kafolatlangan tarzda sotadi;
(b) Loyiha kompaniyalari Loyihalar doirasida elektr stansiyasini yagona elektr energiyasi tarmogʻiga ulash uchun havo elektr uzatish tarmoqlarini quradi hamda ishga tushirilgandan soʻng ularni “Oʻzbekiston milliy elektr tarmoqlari” AJga topshiradi;
(v) “Oʻzenergosotish” AJ 30 yil davomida elektr energiyasini kafolatlangan tarzda xarid qiladi va milliy valyutada toʻlov qiladi;
(g) Agentlik Loyiha kompaniyalariga 30 yil davomida qattiq maishiy chiqindilarni kafolatlangan hajmda yetkazib beradi;
(d) Loyiha kompaniyalari qurilish davridagi oʻz majburiyatlari lozim darajada bajarilishining taʼminoti sifatida 18 million AQSH dollari miqdorida birinchi darajali bank kafolatini taqdim etadi;
(e) Investor oʻz huquq va majburiyatlaridan Loyihalar doirasida oʻzi tomonidan tashkil etiladigan Loyiha kompaniyalari foydasiga voz kechadi.
3. Agentlik:
(a) havo elektr uzatish tarmoqlari uchun ajratilgan yer uchastkalarini Loyiha kompaniyalariga va “Oʻzbekiston milliy elektr tarmoqlari” AJga ijaraga beradi;
(b) yer uchastkalarini Loyihalar doirasida foydalanish uchun Loyihalar muddatiga teng boʻlgan muddatga Investorga ijaraga beradi.
4. Loyiha kompaniyalari va “Oʻzbekiston milliy elektr tarmoqlari” AJ tomonidan yer uchastkalari uchun toʻlanadigan ijara toʻlovi miqdori yer soligʻi miqdoriga tenglashtirilsin.
5. Loyihalar chiqindi poligonlari hududida chiqindilarni utilizatsiya qilish va qayta ishlashga ixtisoslashgan sanoat zonalari hududlarida amalga oshirilishi belgilansin.
III. Moliyaviy resurslar.
6. Investor va Loyiha kompaniyalari 2025 — 2027-yillarda:
(a) Toshkent viloyatida 240 million AQSH dollari miqdorida toʻgʻridan-toʻgʻri investitsiyalarni jalb etgan holda kuniga 2,5 ming tonna chiqindilarni termik usulda qayta ishlash orqali 390 million kVt elektr energiyasi;
(b) Andijon viloyatida 110 million AQSH dollari miqdorida toʻgʻridan-toʻgʻri investitsiyalarni jalb etgan holda kuniga 1,5 ming tonna chiqindilarni termik qayta ishlab, 240 million kVt elektr energiyasi ishlab chiqarish quvvatiga ega uskunalar ishga tushirilishini taʼminlasin.
IV. Loyihalarni amalga oshirishni jadallashtirish chora-tadbirlari.
7. Agentlik va “Oʻzenergosotish” AJga:
(a) Loyiha kompaniyalari bilan birgalikda bitimlarda belgilangan tartib-taomillarga muvofiq Loyihalarni amalga oshirish uchun xalqaro mustaqil injiniring kompaniyalari va boshqa maslahatchilarni toʻgʻridan-toʻgʻri shartnomalar tuzgan holda jalb qilishga;
(b) Loyihalar doirasida uch oy davomida ishlab chiqariladigan elektr energiyasini sotib olish, chiqindilarni yetkazib berish majburiyati bajarilishining taʼminoti sifatida Loyiha kompaniyalari foydasiga respublika banklarida tasdiqlangan va tiklanadigan akkreditivlar ochishga ruxsat beriladi.
8. Belgilansinki, Loyihalar doirasida:
(a) infratuzilma obyektlarini qurish ishlarini moliyalashtirish Oʻzbekiston Respublikasi Prezidentining 2020-yil 18-dekabrdagi “Hududlarda muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi PQ-4929-son qaroriga muvofiq amalga oshiriladi;
(b) infratuzilma obyektlarini qurish-taʼmirlash ishlari boʻyicha buyurtmachi vazifasi Oʻzbekiston Respublikasi Prezidentining 2021-yil 30-apreldagi “Maxsus iqtisodiy va kichik sanoat zonalari muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi PQ-5101-son qarorida belgilangan tashkilotlar tomonidan amalga oshiriladi;
(v) Investitsiyalar, sanoat va savdo vazirligi, Agentlik, “Oʻzenergosotish” AJ va “Oʻzbekiston milliy elektr tarmoqlari” AJga Investor tomonidan Loyihalarni amalga oshirish doirasida imzolangan bitimlar boʻyicha majburiyatlar bajarilmagan taqdirda, Loyiha kompaniyalari va Investor huquqini Loyihalarni moliyalashtirishda ishtirok etadigan boshqa kreditorlarga toʻgʻridan-toʻgʻri oʻtkazish haqida bitimlar tuzish huquqi beriladi.
(g) Investorga barcha soliqlar va yigʻimlar toʻlangan holda, investitsiya loyihasini moliyalashtirish doirasida quyidagi huquqlar beriladi:
kredit olish, chet el valyutasida mablagʻlar olish va ulardan foydalanish (shu jumladan, chet el valyutasida kredit tushumlari) uchun chet eldagi xorijiy banklarda bank hisobvaraqlari ochish;
Oʻzbekiston Respublikasidan tashqarida boʻlgan xorijiy pudrat tashkilotlari, yetkazib beruvchilar yoki xorijiy kreditorlarga toʻlovlarni Oʻzbekiston Respublikasidagi bank hisobvaraqlari orqali oʻtkazmasdan, toʻgʻridan-toʻgʻri amalga oshirish.
9. Investorning buyurtmanomasiga binoan Loyihalarni amalga oshirish doirasida:
(a) Tashqi ishlar vazirligi — jalb qilinadigan xorijiy mutaxassislar hamda ularning oila aʼzolari uchun kirish vizalari, zarur hollarda, Islom Karimov nomidagi Toshkent xalqaro aeroportida belgilangan tartibda rasmiylashtirilishini;
(b) Ichki ishlar vazirligi — jalb qilinadigan xorijiy mutaxassislar hamda ularning oila aʼzolariga koʻp martalik viza berilishi va uning muddati uzaytirilishini, shuningdek, turgan joyi boʻyicha roʻyxatdan oʻtkazilishi va uning muddati uzaytirilishini;
(v) Kambagʻallikni qisqartirish va bandlik vazirligi — xorijiy fuqarolarga Oʻzbekiston Respublikasi hududida mehnat faoliyati bilan shugʻullanish huquqini beruvchi tasdiqnomalar berilishini (muddati uzaytirilishini) belgilangan tartibda taʼminlasin.
10. Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasiga, zarur hollarda, Loyihalarning maqsadli koʻrsatkichlariga va texnik-iqtisodiy parametrlariga Investor bilan kelishgan holda oʻzgartirish va qoʻshimchalar kiritish huquqi berilsin.
V. Qaror ijrosini tashkil etish, taʼminlash va nazorat.
11. Investitsiyalar, sanoat va savdo vazirligi Ekologiya, atrof-muhitni muhofaza qilish va iqlim oʻzgarishi vazirligi, Energetika vazirligi bilan birgalikda Loyihalar amalga oshirilishi, shuningdek, tomonlar oʻrtasidagi bitimlar doirasidagi majburiyatlar bajarilishi ustidan doimiy nazorat oʻrnatsin.
12. Ekologiya, atrof-muhitni muhofaza qilish va iqlim oʻzgarishi vazirligi loyiha hujjatlari belgilangan tartibda ekologik ekspertizadan oʻtkazilishini va Loyihalarni amalga oshirishda tabiatni muhofaza qilishga oid qonunchilik hujjatlariga rioya etilishini taʼminlasin.
13. Qaror ijrosi uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 24-mart,
PQ-116-son
Президента Республики Узбекистан
Постановление
О мерах по реализации Инвестиционного проекта «Производство электрической энергии путем сжигания твердых бытовых отходов в городе Ташкенте, Ташкентской и Андижанской областях»
В целях улучшения экологической обстановки в городе Ташкенте, Ташкентской и Андижанской областях, производства электрической энергии путем внедрения современных решений и технологий в сферу переработки отходов, а также привлечения прямых инвестиций в данную отрасль постановляю:
I. Организация производства электрической энергии путем сжигания твердых бытовых отходов.
1. Принять к сведению, что в результате прямых переговоров:
(а) Компанией «China CAMC Engineering» (Китайская Народная Республика) (далее — Инвестор) в рамках реализации Инвестиционного проекта «Производство электрической энергии путем сжигания твердых бытовых отходов в городе Ташкенте, Ташкентской и Андижанской областях» (далее — Проекты) будут учреждены иностранные предприятия (далее — Проектные компании);
(б) между Инвестором и от имени Правительства Республики Узбекистан Министерством инвестиций, промышленности и торговли 17 марта 2025 года были подписаны инвестиционные договора;
(в) между АО «Узэнергосотиш» и Инвестором 14 марта 2025 года были подписаны соглашения о закупке электрической энергии, произведенной в рамках Проекта;
(г) между Агентством по управлению отходами и развитию циркулярной экономики при Министерстве экологии, охраны окружающей среды и изменения климата (далее — Агентство) и Инвестором 14 марта 2025 года были подписаны соглашения о поставке твердых бытовых отходов Проектным компаниям.
II. Обязательства и льготы.
2. Установить, что в соответствии с соглашениями о закупке электрической энергии и поставке твердых бытовых отходов:
(а) Проектные компании осуществляют гарантированную реализацию произведенной электрической энергии АО «Узэнергосотиш» в течение 30 лет;
(б) Проектные компании в рамках Проектов осуществляют строительство воздушных линий электропередач для подключения электростанции к единой электроэнергетической сети и после ввода в эксплуатацию — их передачу АО «Национальные электрические сети Узбекистана»;
(в) АО «Узэнергосотиш» осуществляет гарантированную закупку и оплату за электрическую энергию в национальной валюте в течение 30 лет;
(г) Агентство осуществляет поставку твердых бытовых отходов Проектным компаниям в течение 30 лет в гарантированном объеме;
(д) Проектные компании предоставляют гарантию первоклассного банка в качестве обеспечения надлежащего исполнения своих обязательств в период строительства в размере 18 миллионов долларов США;
(е) Инвестор уступает свои права и обязательства в пользу Проектных компаний, учреждаемых им в рамках Проектов.
3. Агентство:
(а) предоставляет в аренду земельные участки, выделенные для воздушных линий электропередач, Проектным компаниям и АО «Национальные электрические сети Узбекистана»;
(б) предоставляет в аренду земельные участки Инвестору для использования в рамках Проектов на срок, равным срокам Проектов.
4. Приравнять размер арендной платы, уплачиваемой Проектными компаниями и АО «Национальные электрические сети Узбекистана» за земельные участки, к размеру земельного налога.
5. Определить, что Проекты реализуются на территории промышленных зон, специализированных для утилизации и переработки отходов на территории полигонов отходов.
III. Финансовые ресурсы.
6. Инвестору и Проектным компаниям обеспечить в 2025 — 2027 годах запуск оборудования производственной мощностью:
(а) 390 миллионов кВт электроэнергии путем переработки термическим методом 2,5 тысячи тонн отходов в день с привлечением прямых инвестиций в размере 240 миллионов долларов США — в Ташкентской области;
(б) 240 миллионов кВт электроэнергии путем ежедневной переработки термическим методом 1,5 тысячи тонн отходов с привлечением прямых инвестиций в размере 110 миллионов долларов США — в Андижанской области.
IV. Меры по ускорению реализации Проектов.
7. Агентству и АО «Узэнергосотиш» разрешается:
(а) совместно с Проектными компаниями привлекать международные независимые инжиниринговые компании и иных консультантов к реализации Проектов в соответствии с процедурами, определенными соглашениями, путем заключения прямых договоров;
(б) открывать в банках республики в рамках Проектов подтвержденные и возобновляемые аккредитивы в пользу Проектных компаний в качестве обеспечения исполнения обязательства закупки произведенной электрической энергии, поставки отходов в течение трех месяцев.
8. Установить, что в рамках Проектов:
(а) финансирование работ по строительству объектов инфраструктуры осуществляется в соответствии с постановлением Президента Республики Узбекистан от 18 декабря 2020 года № ПП-4929 «О мерах по дальнейшему развитию инженерно-коммуникационной инфраструктуры в регионах»;
(б) функция заказчика работ по строительству и ремонту объектов инфраструктуры осуществляется организациями, определенными в постановлении Президента Республики Узбекистан от 30 апреля 2021 года № ПП-5101 «О мерах по дальнейшему развитию инженерно-коммуникационной инфраструктуры специальных экономических и малых промышленных зон»;
(в) Министерству инвестиций, промышленности и торговли, Агентству, АО «Узэнергосотиш» и АО «Национальные электрические сети Узбекистана» предоставляется право на заключение соглашений о прямой передаче прав Проектных компаний и Инвестора другим кредиторам, участиющим в финансировании Проектов, в случае неисполнения Инвестором обязательств по соглашениям, подписанным в рамках реализации Проектов.
(г) Инвестору предоставляются следующие права в рамках финансирования инвестиционного проекта при условии уплаты всех налогов и сборов:
открывать банковские счета в иностранных банках за рубежом для получения и использования денежных средств в иностранной валюте (включая кредитные поступления в иностранной валюте);
напрямую осуществлять платежи зарубежным подрядным организациям, поставщикам или иностранным кредиторам, находящимся за пределами Республики Узбекистан, без проведения таких платежей через банковские счета в Республике Узбекистан.
9. Обеспечить по заявкам Инвестора в рамках реализации Проектов:
(а) Министерству иностранных дел — оформление в установленном порядке въездных виз привлекаемым зарубежным специалистам, а также членам их семей, при необходимости — в Международном аэропорту «Ташкент» имени Ислама Каримова;
(б) Министерству внутренних дел — выдачу и продление срока многоразовых виз, а также регистрацию по месту пребывания и ее продление привлекаемым зарубежным специалистам, а также членам их семей;
(в) Министерству занятости и сокращения бедности — выдачу (продление срока) в установленном порядке подтверждений на право осуществления трудовой деятельности на территории Республики Узбекистан иностранным гражданам.
10. Предоставить Правительственной комиссии по вопросам привлечения инвестиций, развития промышленности и регулирования торговли право на внесение при необходимости изменений и дополнений в целевые показатели и технико-экономические параметры Проектов по согласованию с Инвестором.
V. Организация, обеспечение и контроль исполнения постановления.
11. Министерству инвестиций, промышленности и торговли совместно с Министерством экологии, охраны окружающей среды и изменения климата, а также Министерством энергетики установить постоянный контроль за реализацией Проектов, а также исполнением сторонами обязательств в рамках соглашений.
12. Министерству экологии, охраны окружающей среды и изменения климата обеспечить проведение в установленном порядке экологической экспертизы проектной документации и соблюдение актов законодательства об охране природы при реализации Проектов.
13. Осуществление координации и контроля за деятельностью ведомств, ответственных за исполнение настоящего постановления, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
24 марта 2025 г.,
№ ПП-116