📅 2025-yil 26-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 26 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 26 марта 2025 г. · Постановления Президента
Официальный текст. Официальный документ. Редакционные примечания не включены.
📅 26 March 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Муборак Рамазон ҳайитини нишонлаш тўғрисида
Янги Ўзбекистонда «Инсон қадри учун, инсон бахти учун» деган эзгу ғоя асосида амалга оширилаётган кенг кўламли ислоҳотлар туфайли халқимиз фаровонлигини ошириш, кўпмиллатли жамиятимизда тинчлик-осойишталик, дўстлик ва ҳамжиҳатликни мустаҳкамлаш борасидаги ишлар сифат жиҳатидан янги босқичга кўтарилмоқда.
Буларнинг барчаси бағрикенглик, саховат ва шукроналик тимсоли бўлган муборак Рамазон ойини мамлакатимизда тинч-тотув, файзли ва шукуҳли муҳитда ўтказишда муҳим аҳамият касб этмоқда. Буни эл-юртимиз ўртасида инсонпарварлик, ўзаро ҳурмат ва меҳр-оқибат, кам таъминланган ва эҳтиёжманд шахслар, ёрдамга муҳтож оилаларга эътибор ва ғамхўрлик кўрсатиш каби юксак инсоний фазилатлар айни кунларда янада яққол намоён бўлаётгани ҳам тасдиқлайди.
Улуғ айём — муқаддас Рамазон ҳайитини ана шундай хайрли ишларни изчил давом эттирган ҳолда ҳар томонлама муносиб кутиб олиш, ўтказиш ва унинг моҳиятида мужассам бўлган эзгу қадрият ва анъаналарни кенг тарғиб этиш мақсадида қарор қиламан:
1. Жорий йилда Рамазон ҳайитининг биринчи куни 30 март — якшанба кунига тўғри келиши ҳақидаги Ўзбекистон мусулмонлари идорасининг ахбороти маълумот учун қабул қилиниб, мамлакатимизда 2025 йил 30 март куни Рамазон ҳайити байрами сифатида кенг нишонлансин.
2. Ўзбекистон Республикаси Меҳнат кодексининг 208-моддасига мувофиқ:
(а) ишланмайдиган байрам куни ҳисобланувчи Рамазон ҳайитининг биринчи куни 2025 йилда якшанба — дам олиш кунига тўғри келиши муносабати билан ушбу дам олиш куни 31 март — душанба кунига кўчирилиши;
(б) бунда ишлаб чиқариш-техник ва ташкилий шароитлар (мавжуд узлуксиз ишлаб чиқариш, аҳолига ҳар куни хизмат кўрсатиш, навбатчилик асосида ишлаш ва бошқалар) туфайли ишланмайдиган байрам кунлари тўхтатиб қўйиш мумкин бўлмаган ишларни бажаришда дам олиш кунлари кўчирилмаслиги маълумот учун қабул қилинсин.
3. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари Дин ишлари бўйича қўмита, Ўзбекистон маҳаллалари уюшмаси, Ижтимоий ҳимоя миллий агентлиги ва бошқа ҳамкор ташкилотлар билан биргаликда ҳудудларда Рамазон ҳайитини халқимизнинг миллий анъана ва урф-одатларига уйғун ҳолда ўтказиш бўйича тегишли чора-тадбирларни амалга оширсин.
Туризм қўмитаси Транспорт вазирлиги билан биргаликда юртдошларимиз учун Рамазон ҳайити кунларида мўътабар зиёратгоҳлар ва тарихий қадамжоларга зиёратларни ташкил этиш мақсадида қулай шароит ва имкониятлар яратсин.
4. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига Рамазон ҳайитини нишонлаш билан боғлиқ тадбирларни кенг ёритиш тавсия этилсин.
5. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президентининг маслаҳатчиси Р.Қ. Давлетов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 26 март,
ПҚ-124-сон
Oʻzbekiston Respublikasi Prezidentining
qarori
Muborak Ramazon hayitini nishonlash toʻgʻrisida
Yangi Oʻzbekistonda “Inson qadri uchun, inson baxti uchun” degan ezgu gʻoya asosida amalga oshirilayotgan keng koʻlamli islohotlar tufayli xalqimiz farovonligini oshirish, koʻpmillatli jamiyatimizda tinchlik-osoyishtalik, doʻstlik va hamjihatlikni mustahkamlash borasidagi ishlar sifat jihatidan yangi bosqichga koʻtarilmoqda.
Bularning barchasi bagʻrikenglik, saxovat va shukronalik timsoli boʻlgan muborak Ramazon oyini mamlakatimizda tinch-totuv, fayzli va shukuhli muhitda oʻtkazishda muhim ahamiyat kasb etmoqda. Buni el-yurtimiz oʻrtasida insonparvarlik, oʻzaro hurmat va mehr-oqibat, kam taʼminlangan va ehtiyojmand shaxslar, yordamga muhtoj oilalarga eʼtibor va gʻamxoʻrlik koʻrsatish kabi yuksak insoniy fazilatlar ayni kunlarda yanada yaqqol namoyon boʻlayotgani ham tasdiqlaydi.
Ulugʻ ayyom — muqaddas Ramazon hayitini ana shunday xayrli ishlarni izchil davom ettirgan holda har tomonlama munosib kutib olish, oʻtkazish va uning mohiyatida mujassam boʻlgan ezgu qadriyat va anʼanalarni keng targʻib etish maqsadida qaror qilaman:
1. Joriy yilda Ramazon hayitining birinchi kuni 30-mart — yakshanba kuniga toʻgʻri kelishi haqidagi Oʻzbekiston musulmonlari idorasining axboroti maʼlumot uchun qabul qilinib, mamlakatimizda 2025-yil 30-mart kuni Ramazon hayiti bayrami sifatida keng nishonlansin.
2. Oʻzbekiston Respublikasi Mehnat kodeksining 208-moddasiga muvofiq:
(a) ishlanmaydigan bayram kuni hisoblanuvchi Ramazon hayitining birinchi kuni 2025-yilda yakshanba — dam olish kuniga toʻgʻri kelishi munosabati bilan ushbu dam olish kuni 31-mart — dushanba kuniga koʻchirilishi;
(b) bunda ishlab chiqarish-texnik va tashkiliy sharoitlar (mavjud uzluksiz ishlab chiqarish, aholiga har kuni xizmat koʻrsatish, navbatchilik asosida ishlash va boshqalar) tufayli ishlanmaydigan bayram kunlari toʻxtatib qoʻyish mumkin boʻlmagan ishlarni bajarishda dam olish kunlari koʻchirilmasligi maʼlumot uchun qabul qilinsin.
3. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Din ishlari boʻyicha qoʻmita, Oʻzbekiston mahallalari uyushmasi, Ijtimoiy himoya milliy agentligi va boshqa hamkor tashkilotlar bilan birgalikda hududlarda Ramazon hayitini xalqimizning milliy anʼana va urf-odatlariga uygʻun holda oʻtkazish boʻyicha tegishli chora-tadbirlarni amalga oshirsin.
Turizm qoʻmitasi Transport vazirligi bilan birgalikda yurtdoshlarimiz uchun Ramazon hayiti kunlarida moʻtabar ziyoratgohlar va tarixiy qadamjolarga ziyoratlarni tashkil etish maqsadida qulay sharoit va imkoniyatlar yaratsin.
4. Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga Ramazon hayitini nishonlash bilan bogʻliq tadbirlarni keng yoritish tavsiya etilsin.
5. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidentining maslahatchisi R.Q. Davletov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 26-mart,
PQ-124-son
Президента Республики Узбекистан
Постановление
О праздновании священного Рамазан хайита
В Новом Узбекистане благодаря широкомасштабным реформам, осуществляемым на основе благородной идеи «Во имя человека, во имя его счастья», работа по повышению благосостояния народа, укреплению мира и спокойствия, дружбы и единства нашего многонационального общества поднимается на качественно новый уровень.
Все это имеет важное значение в проведении священного месяца Рамазан, олицетворяющего великодушие, щедрость и благодарность, в атмосфере мира и согласия, благоденствия и праздника в стране. Такие издревле свойственные нашему народу высокие человеческие качества, как гуманизм, взаимоуважение, доброта и милосердие, внимание и забота о малообеспеченных гражданах, нуждающихся в поддержке семьях, особенно ярко проявляются в эти благословенные дни.
В продолжение такой благородной работы в целях достойной встречи и проведения на высоком уровне священного праздника Рамазан хайит, а также широкой пропаганды воплощенных в нем добрых традиций и ценностей нашего народа постановляю:
1. Принять к сведению информацию Управления мусульман Узбекистана о совпадении в текущем году первого дня Рамазан хайита с 30 марта — воскресенье, широко отметить 30 марта 2025 года в нашей стране в качестве праздника Рамазан хайит.
2. Принять к сведению, что в соответствии со статьей 208 Трудового кодекса Республики Узбекистан:
(а) в связи с совпадением в 2025 году первого дня Рамазан хайита, являющегося праздничным нерабочим днем, с воскресеньем — выходным днем, данный выходной день переносится на 31 марта — понедельник;
(б) при этом при выполнении в праздничные нерабочие дни работ, приостановка которых невозможна по производственно-техническим и организационным условиям (непрерывно действующее производство, ежедневное обслуживание населения, работа вахтовым методом и другие), перенос выходных дней не производится.
3. Совету Министров Республики Каракалпакстан, хокимиятам областей и города Ташкента совместно с Комитетом по делам религий, Ассоциацией махаллей Узбекистана, Национальным агентством социальной защиты и другими организациями-партнерами осуществить в регионах соответствующие меры для проведения Рамазан хайита в созвучии с национальными традициями и обычаями нашего народа.
Комитету по туризму совместно с Министерством транспорта создать благоприятные условия и возможности в целях организации посещения священных мест паломничества и исторических святынь для наших соотечественников в дни Рамазан хайита.
4. Рекомендовать Национальной телерадиокомпании Узбекистана, Национальному информационному агентству Узбекистана и другим средствам массовой информации широко освещать мероприятия, связанные с празднованием Рамазан хайита.
5. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан Р.К. Давлетова.
Президент Республики Узбекистан Ш. МИРЗИЁЕВ
г. Ташкент,
26 марта 2025 г.,
№ ПП-124