📅 2025-yil 26-mart · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 26 март · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 26 марта 2025 г. · Указы Президента
Официальный текст. Официальный документ. Редакционные примечания не включены.
📅 26 March 2025 · Presidential decrees
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
фармони
ЧОРА-ТАДБИРЛАР ДАСТУРИ
Ўзбекистон Республикаси Президентининг ёшлар билан очиқ мулоқотида белгиланган вазифаларни амалга оширишга доир чора-тадбирлар тўғрисида
Жорий йилнинг 14 февраль куни ўтказилган Ўзбекистон Республикаси Президентининг ёшлар билан очиқ мулоқоти доирасида белгиланган асосий вазифалар ижросини таъминлаш, шунингдек, ёшларнинг ташаббусларини қўллаб-қувватлаш, сифатли таълим олишлари учун имкониятларни янада кенгайтириш, илм-фанни оммалаштириш мақсадида қарор қиламан:
1. Ёшлар билан мулоқотда билдирилган таклиф ва ташаббуслар асосида, уларни рўёбга чиқариш мақсадида ишлаб чиқилган Ўзбекистон Республикаси Президентининг ёшлар билан 2025 йилдаги очиқ мулоқотида белгиланган вазифаларни амалга оширишга доир чора-тадбирлар дастури иловага мувофиқ тасдиқлансин.
2. Вазирлар Маҳкамаси Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари билан биргаликда икки ой муддатда креатив индустрия паркини (кейинги ўринларда — креатив парк), ҳудудларда унинг филиалларини ҳамда уларда креатив соҳа вакилларини ўқитадиган бизнес мактаблар фаолиятини ташкил этиш ҳамда зарур шароит яратиш чораларини кўрсин.
Креатив парк фаолиятини бошқариш Маданият ва санъатни ривожлантириш жамғармаси муассислигида масъулияти чекланган жамият шаклида ташкил этиладиган Креатив индустрия парклари дирекцияси томонидан амалга оширилади.
3. Иқтисодиёт ва молия вазирлиги, Солиқ қўмитаси ҳамда Маданият ва санъатни ривожлантириш жамғармасининг креатив парк резидентларига 2025 йил 1 майдан бошлаб 2031 йил 1 январгача бўлган муддатга қуйидаги солиқ имтиёзларини жорий этиш тўғрисидаги таклифи маъқуллансин:
(а) ижтимоий солиқни ҳамда жисмоний шахслардан олинадиган даромад солиғини 50 фоиз камайтирилган ставкада тўлаш;
(б) резидентларни товарларни (ишларни, хизматларни) реализация қилишдан олинган даромади миқдоридан қатъи назар айланмадан олинадиган солиқ тўловчилар тоифасига киритиш. Бунда резидентлар ўз истагига биноан умумбелгиланган солиқ солиш тартибига ўтишлари мумкин.
Иқтисодиёт ва молия вазирлиги Солиқ қўмитаси билан биргаликда бир ой муддатда ушбу бандда назарда тутилган имтиёзларни қўллаш бўйича қонун лойиҳасини Вазирлар Маҳкамасига киритсин.
Креатив индустрия субъектларини креатив парк резидентлигига қабул қилиш ҳамда тегишли резидентларга мазкур бандда назарда тутилган имтиёзларни қўллаш шартлари қонунчилик ҳужжатлари билан белгиланади.
4. Белгилансинки, хорижий тиллар бўйича камида С1 даражадаги миллий ёки унга тенглаштирилган мос даражадаги халқаро тан олинган сертификатни олганига икки йилдан ошмаган шахсларга олис ва бориш қийин бўлган ҳудудларда чет тилларига ихтисослашган ўқув марказларини очиш учун Ёшлар ишлари агентлиги ҳузуридаги Ёшлар тадбиркорлигини ривожлантириш давлат мақсадли жамғармаси томонидан олти ойлик имтиёзли давр билан уч йил муддатга базавий ҳисоблаш миқдорининг 320 бараваригача миқдорда фоизсиз ссуда берилади.
Ёшлар ишлари агентлиги уч ой муддатда мазкур бандда назарда тутилган ссудани ажратиш тартибини ҳамда олис ва бориш қийин бўлган ҳудудлар рўйхатини Вазирлар Маҳкамасига киритсин.
5. 2025 йилдан бошлаб «Эл-юрт умиди» жамғармасининг янги стипендия йўналиши сифатида қуйидагиларни назарда тутувчи «Ёрқин истеъдод» лойиҳаси жорий этилсин:
(а) ҳар йили иқтидорли, билимга чанқоқ, оғир оилавий шароити сабабли ўқиш имкониятига эга бўлмаган камбағал оилалар фарзандларини хорижда ўқитиш мақсадида ҳар бир маҳалладан фаол ёшларни саралаш;
(б) саралаб олинган ёшларнинг иқтидорини аниқлаш орқали уларни салоҳиятига мос хорижий олийгоҳларга юбориш учун тайёргарлик курсларида ўқитиш;
(в) тайёргарлик курсларидан муваффақиятли ўтган ёшларни нуфузли халқаро рейтинг ташкилотларининг юқори 100 талик рўйхатига киритилган хорижий олий таълим ташкилотларига бакалавриат таълим йўналиши бўйича белгиланган тартибда ўқишга юбориш, ўқиш ва яшаш харажатларини қоплаб бериш. Бунда тайёргарлик курсларида ўқитиш харажатлари «Эл-юрт умиди» жамғармасига ажратиладиган маблағлар ҳисобидан қоплаб берилади.
Иқтисодиёт ва молия вазирлиги «Эл-юрт умиди» жамғармасининг тегишли ҳисоб-китобларига асосан жорий йилда «Ёрқин истеъдод» лойиҳаси натижаларидан келиб чиқиб 300 миллиард сўм ажратсин, келгуси йиллардан мазкур мақсадлар учун маблағларни бюджет параметрларида назарда тутсин.
6. Шундай тартиб ўрнатилсинки, унга мувофиқ:
(а) «Эл-юрт умиди» жамғармаси орқали хорижий мамлакатларда таълим олиб қайтган стипендиатлар миллий кадрлар захирасига тўғридан-тўғри киритилади ҳамда улар давлат органлари, ташкилотлари ва муассасаларига танловсиз ишга олинади;
(б) 2025 йил 1 июндан бошлаб:
(i) нуфузли халқаро рейтинг ташкилотларининг юқори 100 талик рўйхатига киритилган хорижий олий таълим ташкилотларида илмий даража (PhD ва унга тенглаштирилган бошқа илмий даража) олган 35 ёшгача бўлган мутахассисларга уй-жой сотиб олиш учун уй-жой жойлашган ҳудуддан келиб чиқиб, ўн йил муддатга базавий ҳисоблаш миқдорининг 2 150 бараваригача миқдорда фоизсиз ссуда ажратилади;
(ii) нуфузли халқаро фан олимпиадалари ғолиб ва совриндорларига тўланадиган бир марталик пул мукофотининг амалдаги миқдорлари 5 бараварга оширилади.
Олий таълим, фан ва инновациялар вазирлиги «Эл-юрт умиди» жамғармаси, Ёшлар ишлари агентлиги, Иқтисодиёт ва молия вазирлиги билан биргаликда икки ой муддатда ушбу банднинг тўртинчи хатбошисида назарда тутилган фоизсиз ссудани ажратиш тартибини ишлаб чиқиб, Вазирлар Маҳкамасига киритсин. Бунда фоизсиз ссудани ажратиш бўйича аризаларни қабул қилиш ва кўриб чиқиш Ягона интерактив давлат хизматлари портали орқали амалга оширилади.
7. 2025/2026 ўқув йилидан бошлаб:
(а) Ўзбекистон Республикаси олий ҳарбий таълим муассасаларининг намунали курсантлари (талабалари) ва тингловчилари учун «Олий бош қўмондон» давлат стипендияси жорий этилади.
Мудофаа вазирлиги тасарруфида олий ҳарбий таълим муассасалари бўлган вазирлик ва идоралар билан биргаликда икки ой муддатда «Олий бош қўмондон» давлат стипендиясини тайинлаш тартибини ишлаб чиқиб, Вазирлар Маҳкамасига киритсин;
(б) ўқувчилар ўртасида муҳандислик-ихтирочилик йўналишида олимпиадалар ўтказиш йўлга қўйилади ва ғолиб бўлган битирувчи ёшлар давлат олий таълим муассасаларининг олимпиада йўналишига мос ва турдош таълим йўналишларига имтиҳонларсиз қўшимча давлат гранти асосида ўқишга қабул қилинади.
Мактабгача ва мактаб таълими вазирлиги Олий таълим, фан ва инновациялар вазирлиги билан биргаликда икки ой муддатда ушбу олимпиадани ташкил этиш ҳамда унинг ғолиблари қўшимча давлат гранти асосида ўқишга қабул қилинадиган олий таълим йўналишлари рўйхатини назарда тутувчи тегишли норматив-ҳуқуқий ҳужжат лойиҳасини Вазирлар Маҳкамасига киритсин.
8. Белгилансинки:
(а) Ёшлар ишлари агентлиги томонидан Ёшларга оид давлат сиёсатини қўллаб-қувватлаш жамғармасига ажратилган маблағлар доирасида ёшларни илмга қизиқтирувчи, тарбиявий аҳамиятга эга ва умуммиллий қадриятларни шакллантиришга хизмат қилувчи миллий медиаконтентлар яратиш ҳамда энг яхши интеллектуал шоуларни ташкил этиш учун 100 миллион сўмгача грантлар ажратилади;
(б) ёшларда табиатга муҳаббат ҳиссини уйғотиш, атроф-муҳитни муҳофаза қилишга қаратилган лойиҳаларни қўллаб-қувватлаш учун Ёшлар ишлари агентлиги ҳузурида юридик шахс мақомига эга бўлмаган «Яшил ташаббуслар»ни қўллаб-қувватлаш жамғармаси ташкил этилади. Бунда «Яшил ташаббуслар»ни қўллаб-қувватлаш жамғармаси қуйидаги манбалар ҳисобидан 10 миллиард сўмгача миқдорда шакллантирилади:
(i) Ёшлар ишлари агентлигининг Ёшларга оид давлат сиёсатини қўллаб-қувватлаш жамғармаси;
(ii) халқаро молия институтлари, хорижий ҳукумат молия ташкилотлари, хорижий банклар ва бошқа халқаро молия ташкилотларининг грант маблағлари;
(iii) жисмоний ва юридик шахсларнинг, шу жумладан, Ўзбекистон Республикаси норезидентларининг ҳомийлик хайриялари;
(iv) қонунчилик ҳужжатлари билан тақиқланмаган бошқа манбалар.
9. Белгилансинки, Ёшлар ишлари агентлиги ва унинг ҳудудий бўлинмалари балансидаги бино ва иншоотларни уларда ёшларни спорт, илм-фан, хорижий тиллар ва касбларга ўқитиш, креатив лойиҳаларни амалга ошириш ва бошқа хизматларни кўрсатиш учун ижарага беришдан тушадиган маблағлар тегишли бино ва иншоотнинг балансда сақловчисига тўлиқ миқдорда (бундан аукцион харажатлари мустасно) ўтказилади ҳамда унинг фаолиятини ривожлантириш мақсадларига йўналтирилади.
10. Ахборот ва оммавий коммуникациялар агентлиги Ёшлар ишлари агентлиги билан биргаликда бир ой муддатда илм-фан ва таълим йўналишидаги фойдали миллий интернет ресурслари реестрини шакллантирсин, Рақамли технологиялар вазирлиги улардан бепул интернет тармоғи орқали фойдаланишни йўлга қўйсин.
11. Тошкент шаҳри ҳокимлиги 2025 йил 1 октябрга қадар маҳаллий бюджетнинг қўшимча манбалари ҳисобидан Тошкент шаҳрида Робототехника марказини барпо этиш ва зарур жиҳозлар билан таъминлаш бўйича тегишли чора-тадбирларни амалга оширсин.
12. Маданият вазирлиги Тошкент шаҳри ҳокимлиги билан биргаликда уч ой муддатда Ёшлар экспериментал театр студиясини ташкил этиш ва уни зарур жиҳозлар билан таъминлаш чораларини кўрсин.
13. Самарқанд вилояти ҳокимлиги Ташқи ишлар вазирлиги, Мудофаа вазирлиги, Рақамли технологиялар вазирлиги ва Ёшлар ишлари агентлиги билан биргаликда 2026 йилда Самарқанд шаҳрида халқаро «Технофест» фестивали доирасидаги «Take Off» стартап саммитини юқори савияда ташкил этиш чораларини кўрсин.
14. Мазкур Фармон ижроси бўйича масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 26 мартдаги ПФ-61-сон Фармонига ИЛОВА
Ўзбекистон Республикаси Президентининг ёшлар билан 2025 йилдаги очиқ мулоқотида белгиланган вазифаларни амалга оширишга доир
Т/р Амалга ошириладиган чора-тадбирлар Амалга ошириш шакли Ижро муддати Молиялаштириш манбалари Масъул ижрочилар 1. 1. «Эл-юрт умиди» жамғармаси орқали хорижда ўқиётган ҳар бир талаба билан доимий мулоқотда бўлиб, уларнинг эҳтиёжларини аниқлаш, Ватанга қайтиб, ўз ўрнини топиши, муваффақиятли карьера қилишига кўмаклашиш. Бунда Жамғарма орқали хорижда ўқиб қайтган ёшлар ҳамда уларнинг ота-оналари ҳамжамиятларини ташкил этиш. 2. «Эл-юрт умиди» жамғармасининг энергетика, транспорт, урбанизация, замонавий архитектура, тиббиёт йўналишларидаги квоталари сонини янада ошириш. Амалий чора-тадбирлар Доимий - «Эл-юрт умиди» жамғармаси (Бекмуродов) , Бошқарув самарадорлиги агентлиги (У. Хусаинов), Ёшлар ишлари агентлиги (Саъдуллаев) 2. 1. «Эл-юрт умиди» жамғармасининг янги стипендия йўналиши сифатида «Ёрқин истеъдод» лойиҳасини амалга ошириш тартибини ишлаб чиқиш. Бунда қуйидагиларни назарда тутиш: иқтидорли, билимга чанқоқ, оғир оилавий шароити сабабли ўқиш имкониятига эга бўлмаган камбағал оилалар фарзандларини хорижда ўқитиш мақсадида ҳар бир маҳалладан фаол ёшларни саралаш тартиби; ёшларнинг иқтидорини аниқлаш орқали уларни салоҳиятига мос хорижий олийгоҳларга юбориш учун тайёргарлик курсларида ўқитиш тартиби; тайёргарлик курсларидан муваффақиятли ўтган ёшларни нуфузли халқаро рейтинг ташкилотларининг юқори 100 талик рўйхатига киритилган хорижий олий таълим муассасаларида бакалавриат таълим йўналиши бўйича белгиланган тартибда ўқишга юбориш, ўқиш ва яшаш харажатларини қоплаб бериш тартиби. 2. «Ёрқин истеъдод» лойиҳаси доирасида ёшларни саралаб олиш жараёнларига Ёшлар муаммоларини ўрганиш ва истиқболли кадрларни тайёрлаш институтини жалб этиш. Ўзбекистон Республикаси Президенти қарори лойиҳаси 2025 йил май 2025 йилда Давлат бюджетидан 300 млрд сўм ҳамда келгуси йиллардан ҳисоб-китобларга асосан Ўзбекистон Республикаси Президенти Администрацияси (Мирзаев) , «Эл-юрт умиди» жамғармаси (Бекмуродов) , Иқтисодиёт ва молия вазирлиги (Қўчқоров) , Олий таълим, фан ва инновациялар вазирлиги (Шарипов) , Ёшлар ишлари агентлиги (Саъдуллаев) 3. «Ёрқин истеъдод» лойиҳаси доирасида хорижда ёшларни ўқитиш учун нуфузли халқаро рейтинг ташкилотларининг юқори 100 талик рўйхатига киритилган хорижий олий таълим муассасалари билан музокаралар олиб бориш ҳамда лойиҳа доирасида ўқишга юбориладиган ёшларнинг имтиёзли шартлар асосида таълим олишига шарт-шароит яратиш бўйича келишувга эришиш чораларини кўриш. Амалий чора-тадбирлар 2025 йил II — IV чораклар - Ташқи ишлар вазирлиги (Саидов) , «Эл-юрт умиди» жамғармаси (Бекмуродов) , Давлат хизматини ривожлантириш агентлиги (Мусаев) , Олий таълим, фан ва инновациялар вазирлиги (Шарипов) 4. «Эл-юрт умиди» жамғармаси орқали хорижий мамлакатларда таълим олиб қайтган стипендиатларни миллий кадрлар захирасига тўғридан-тўғри киритиш ҳамда уларни давлат органлари, ташкилотлари ва муассасаларига танловсиз ишга олиш амалиётини жорий этиш. Қонун лойиҳаси, амалий чора-тадбирлар 2025 йил май - «Эл-юрт умиди» жамғармаси (Бекмуродов) , Давлат хизматини ривожлантириш агентлиги (Мусаев) 5. Миллий қаҳрамон образини яратиш, Ватанга муҳаббат, табиатни асраш туйғуларини кучайтиришга қаратилган «Бек ва Лола», «Ал-Хоразмий», «Яшил макон» каби миллий видео контентларни, шунингдек, «Ибрат фарзандлари», «Мутолаа», «Устоз AI» лойиҳаларини мактабгача ва мактаб таълими жараёнларида намойиш этиш орқали янада оммалаштириш чораларини кўриш. Амалий чора-тадбирлар 2025 йил апрель - Ёшлар ишлари агентлиги (Саъдуллаев), Мактабгача ва мактаб таълими вазирлиги (Умарова) 6. Креатив парклар базасида ташкил этиладиган бизнес мактабларда ёшларга янги ва замонавий бизнес юритиш ҳамда электрон тижорат каби хизмат кўрсатишнинг инновацион усулларини ўргатиш чораларини кўриш. Амалий чора-тадбирлар Креатив парклар ташкил этилгандан сўнг бир ой ичида Маданият ва санъатни ривожлантириш жамғармаси, Ёшларга оид давлат сиёсатини қўллаб-қувватлаш жамғармаси, «Ёшлар дафтари» жамғармалари, қонунчилик ҳужжатлари билан тақиқланмаган бошқа манбалар Савдо-саноат палатаси (Ваҳобов) , Ёшлар ишлари агентлиги (Саъдуллаев) , Маданият ва санъатни ривожлантириш жамғармаси (Умерова) 7. Илгари ажратилган ерга қишлоқ хўжалиги экинларини экиб, камида 100 миллион сўм даромад олган ёшларга Ўзбекистон Республикаси Президентининг 2025 йил 3 февралдаги «Қишлоқ хўжалиги экин майдонлари унумдорлигини ошириш, тармоққа инвестициялар жалб қилиш учун қулай шарт-шароит яратиш бўйича навбатдаги чора-тадбирлар тўғрисида»ги ПФ-18-сон Фармонига асосан жорий этилган янгича тартиб асосида қўшимча ер майдонлари ажратиш. Амалий чора-тадбирлар 2025 йил октябрь - Қишлоқ хўжалиги вазирлиги (Абдурахмонов), Кадастр агентлиги (Пулатов), Ёшлар ишлари агентлиги (Саъдуллаев) 8. «Сурхондарё тажрибаси» асосида ёшлар саноат зоналарида саноат ипотекаси асосида барпо этилган ишлаб чиқариш бино-иншоотларини ажратиш билан биргаликда зарур ускуналар хариди учун ёш тадбиркорларга Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссияси қарорисиз тўғридан-тўғри тижорат банклари орқали 500 минг АҚШ доллари эквивалентидан ошмаган миқдорда кредит ажратиш масаласини кўриб чиқиб, таклиф киритиш. Таҳлилий маълумотнома 2025 йил апрель Тижорат банклари кредитлари Инвестициялар, саноат ва савдо вазирлиги (Кудратов) , Ёшлар ишлари агентлиги (Саъдуллаев) , Марказий банк (Ишметов) , Сурхондарё вилояти ҳокимлиги (Қосимов) 9. Креатив парк, унинг ҳудудлардаги филиалларини, шунингдек, уларда креатив соҳа вакиллари ўқитиладиган бизнес мактаблар фаолиятини ташкил этиш ҳамда зарур шароит яратиш. Амалий чора-тадбирлар 2025 йил май Маҳаллий бюджетларнинг қўшимча манбалари, ҳомийлик маблағлари Вазирлар Маҳкамаси, Маданият ва санъатни ривожлантириш жамғармаси (Умерова) , Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари 10. Креатив соҳа вакилларини креатив парк резидентлигига қабул қилиш ҳамда резидентларга солиқ имтиёзларини қўллаш шартларини белгилаб бериш. Вазирлар Маҳкамаси қарори лойиҳаси 2025 йил май - Маданият ва санъатни ривожлантириш жамғармаси (Умерова) , Иқтисодиёт ва молия вазирлиги (Қўчқоров) , Солиқ қўмитаси (Кудбиев) 11. Хусусий ўқув марказларида хорижий тилларни ўрганадиган ёшларга ўқув харажатларини «2+6» шаклида тўлаб бериш орқали 100 минг нафар ёшларни хорижий тилларга ўқитишга қаратилган дастур ишлаб чиқиш. Вазирлар Маҳкамаси қарори лойиҳаси 2025 йил май Ёшларга оид давлат сиёсатини қўллаб-қувватлаш жамғармаси, «Ёшлар дафтари» жамғармалари Ёшлар ишлари агентлиги (Саъдуллаев) 12. 1. «Бир миллион дастурчи» лойиҳаси доирасида 300 минг ёшларни ўқитишни ташкил этиш. 2. 50 минг нафар хотин-қизларни ахборот технологиялари бўйича бепул ўқитиш. Амалий чора-тадбирлар 2025 йил декабрь Рақамли технологиялар вазирлиги тизимидаги ташкилотлар маблағлари, ҳомийлик маблағлари, қонунчилик ҳужжатлари билан тақиқланмаган бошқа манбалар Рақамли технологиялар вазирлиги (Шерматов) , Мактабгача ва мактаб таълими вазирлиги (Умарова) 3. «Курсера» платформасида босқичма-босқич 3 мингдан ортиқ курсда сунъий интеллект ёрдамида ёшлар учун ўзбек тилида таълим олиш имкониятини яратиб бориш. 2025 йил сентябрдан бошлаб 4. «Бир миллион дастурчи» ва «Муҳаммад ал-Хоразмий ворислари» лойиҳаларини ҳамда ёшлар учун мўлжалланган бошқа рақамли таълим лойиҳаларини (шу билан бирга халқаро олимпиада ҳамда танловлар иштирокчиларини) мониторинг қилувчи «Рақамли ёшлар» платформасини ишлаб чиқиш. 2025 йил сентябрь 13. Бирлашган Араб Амирликлари билан ҳамкорликда «Бир миллион сунъий интеллект фойдаланувчилари» лойиҳасини амалга ошириш. Амалий чора-тадбирлар 2025 йил 1 июндан бошлаб - Рақамли технологиялар вазирлиги (Шерматов) 14. 1. Хоразм вилоятида амалга оширилган «Муҳаммад ал-Хоразмий ворислари» лойиҳаси тажрибаси асосида ушбу лойиҳани босқичма-босқич Қорақалпоғистон Республикасида жорий этиш. 2. «Бир миллион дастурчи» лойиҳасининг навбатдаги босқичини барча ҳудудларда жорий қилишда энг юқори натижага эришган ўқувчи-талабалар ва уларнинг ўқитувчилари, шунингдек, таълим муассасаларини қимматбаҳо совғалар билан рағбатлантириш. Вазирлар Маҳкамаси қарори лойиҳаси 2025 йил июнь - Рақамли технологиялар вазирлиги (Шерматов) , Қорақалпоғистон Республикаси Вазирлар Кенгаши (Эрманов) , Мактабгача ва мактаб таълими вазирлиги (Умарова) 15. IT соҳасидаги лойиҳаларни муваффақиятли тугатган минг нафар қизлар орасидан сараланган иқтидорли қизларни халқаро олимпиадаларга тайёрлаш чораларини кўриш. Амалий чора-тадбирлар 2025 йил декабрь Рақамли технологияларни ривожлантириш жамғармаси, Ёшларга оид давлат сиёсатини қўллаб-қувватлаш жамғармаси Рақамли технологиялар вазирлиги (Шерматов), Ёшлар ишлари агентлиги (Саъдуллаев) , Мактабгача ва мактаб таълими вазирлиги (Умарова) 16. Ёшларни бирлаштириш, ёш авлодда миллий қадриятларни шакллантириш мақсадида уларнинг қизиқиш ва эҳтиёжларини сунъий интеллект технологиялари асосида барвақт аниқлаш, салоҳиятини монетизация қилиш, ижтимоий аҳамиятга молик лойиҳаларга жалб этиш бўйича рақамли ижтимоий экотизимни жорий этишга қаратилган узоқ муддатли стратегияни ишлаб чиқиш. Ўзбекистон Республикаси Президенти қарори лойиҳаси 2025 йил июнь - Ўзбекистон Республикаси Президенти Администрацияси (Давлетов) , Республика Маънавият ва маърифат маркази (Хасанов) , Ёшлар ишлари агентлиги (Саъдуллаев) , Рақамли технологиялар вазирлиги (Шерматов) 17. Тошкент шаҳридаги 1 та таълим муассасасида ўқувчи-талабаларни дунёнинг нуфузли халқаро рейтинг ташкилотларининг ТОП-10 талик рўйхатига кирувчи олийгоҳларга пухта тайёрлаш гуруҳини ташкил этиш. Амалий чора-тадбирлар 2025 йил апрель Олий таълим, фан ва инновациялар вазирлигининг бюджет ташқари маблағлари, Тошкент шаҳар маҳаллий бюджетининг қўшимча манбалари Олий таълим, фан ва инновациялар вазирлиги (Шарипов), Фанлар академияси (Аюпов), Ёшлар ишлари агентлиги (Саъдуллаев) , Тошкент шаҳри ҳокимлиги (Умурзаков) 18. Дунёнинг энг нуфузли ТОП-10 талик рўйхатига кирувчи олийгоҳларида ўқиш истагидаги ўқувчи-талабалар учун квоталар сонини ошириш бўйича музокаралар олиб бориш. Амалий чора-тадбирлар 2025 йил август - Олий таълим, фан ва инновациялар вазирлиги (Шарипов), Ёшлар ишлари агентлиги (Саъдуллаев) , Ташқи ишлар вазирлиги (Саидов) 19. Ёшлар ишлари агентлиги томонидан ёшларни илмга қизиқтирувчи миллий ва фойдали медиаконтентлар яратиш ҳамда энг яхши интеллектуал шоуларни ташкил этиш учун 100 миллион сўмгача грантлар ажратиш тартибини, шу жумладан, талабгорлар ва лойиҳаларни танлаб олиш механизмларини кўзда тутган ҳолда ишлаб чиқиш. Бунда грант маблағларини ажратиш бўйича аризаларни тақдим этиш ва кўриб чиқиш жараёнлари Ягона интерактив давлат хизматлари портали орқали амалга оширилишини назарда тутиш. Норматив-ҳуқуқий ҳужжат лойиҳаси 2025 йил май Ёшларга оид давлат сиёсатини қўллаб-қувватлаш жамғармаси Ёшлар ишлари агентлиги (Саъдуллаев), Ахборот ва оммавий коммуникациялар агентлиги (Ходжаев), Ўзбекистон Миллий телерадиокомпанияси (Джурабаев) 20. Ёшларда табиатга муҳаббат ҳиссини уйғотиш, уларнинг атроф-муҳитни муҳофаза қилишга қаратилган лойиҳаларини қўллаб-қувватлаш учун Ёшлар ишлари агентлиги ҳузурида юридик шахс мақомига эга бўлмаган «Яшил ташаббуслар»ни қўллаб-қувватлаш жамғармасини ташкил этиш. Норматив-ҳуқуқий ҳужжат лойиҳаси 2025 йил май Ёшларга оид давлат сиёсатини қўллаб-қувватлаш жамғармаси, Ёшлар тадбиркорлигини ривожлантириш жамғармаси Ёшлар ишлари агентлиги (Саъдуллаев), Экология, атроф-муҳитни муҳофаза қилиш ва иқлим ўзгариши вазирлиги (Абдухакимов) 21. Олмазор тумани тажрибаси асосида республиканинг ҳар бир туманида (шаҳарда) камида 1 тадан мактабда муҳандислик лабораторияларини ташкил этиб, уларни зарур жиҳозлар билан таъминлаш. Амалий чора-тадбирлар 2025 йил август Маҳаллий бюджетнинг қўшимча манбалари ва ҳомийлик маблағлари Қорақалпоғистон Республикаси Вазирлар Кенгаши, Тошкент шаҳри ва вилоятлар, туман (шаҳар) ҳокимликлари, Мактабгача ва мактаб таълими вазирлиги (Умарова) 22. Илм-фан ва таълим йўналишидаги фойдали миллий интернет ресурслари («Ибрат фарзандлари», «Мутолаа», «Устоз AI», «Қизлар академияси», «UzChess» ва бошқа) реестрини шакллантириб, улардан интернет тармоғи орқали бепул фойдаланишни йўлга қўйиш. Амалий чора-тадбирлар 2025 йил апрель - Ахборот ва оммавий коммуникациялар агентлиги (Ходжаев) , Ёшлар ишлари агентлиги (Саъдуллаев), Рақамли технологиялар вазирлиги (Шерматов) 23. Ҳар бир маҳаллада ёшлар ўртасида маҳалла — туман — вилоят — республика даражасида «Шижоат ва ғайрат» спорт ўйинларини ўтказишни йўлга қўйиш ҳамда ғолиб маҳаллаларга спорт иншоотини қуриб бериш ва зарур анжомлар билан таъминлаш. Норматив-ҳуқуқий ҳужжат лойиҳаси, амалий чора-тадбирлар 2025 йил апрель Маҳаллий бюджетларнинг қўшимча манбалари, ижрочиларнинг ўз маблағлари ва ҳомийлик маблағлари Ўзбекистон маҳаллалари уюшмаси (Куранбаев) , Давлат хавфсизлик хизмати (Жўраев) , Ёшлар ишлари агентлиги (Саъдуллаев) , Қорақалпоғистон Республикаси Вазирлар Кенгаши, вилоятлар, Тошкент шаҳри ҳокимликлари 24. 1. Ёшларда ватанпарварлик руҳини кучайтиришга қаратилган «Ватан таянчи» болалар ва ўсмирлар ҳарбий-ватанпарварлик ҳаракати жамоалари ўртасида мактаб — туман — вилоят — республика босқичларида спорт ва ижодий мусобақалар ташкил этиш. 2. «Ватан таянчи» ва «Шижоат ва ғайрат» мусобақалари ғолибларига ҳарбий олийгоҳларга ўқишга кириш учун тавсияномалар бериш амалиётини жорий этиш. Норматив-ҳуқуқий ҳужжат лойиҳаси, амалий чора-тадбирлар 2025 йил апрель Республика бюджетидан ажратиладиган 50 млрд сўм маблағ Мудофаа вазирлиги (Қаршиев), Мактабгача ва мактаб таълими вазирлиги (Боқиев), Олий таълим, фан ва инновациялар вазирлиги (Бузрукхонов), Иқтисодиёт ва молия вазирлиги (Қўчқоров) 25. 1. Ҳудудий ва маҳаллий бўлинма раҳбарлари ёшлар етакчилари билан биргаликда ўз ҳаракат дастурини ишлаб чиқиб, жамоатчиликка мурожаат қилиш амалиётини йўлга қўйиш. 2. «Мутолаа» лойиҳаси доирасида ёшларимизда китобга меҳрни ошириш, буюк соҳибқирон Амир Темурнинг болалик даври ҳақида болалар учун китоб, «Илдиз» тўплами ҳамда анимацион мультфильмлар тайёрлаб, оммалаштириш. 3. Хотин-қизларни психологик қўллаб-қувватлаш мақсадида «Колл-марказ» фаолиятини йўлга қўйиш. Амалий чора-тадбирлар Доимий Ёшларга оид давлат сиёсатини қўллаб-қувватлаш жамғармаси Ёшлар ишлари агентлиги (Саъдуллаев) 26. Фарғона вилояти Учкўприк туманидаги «Ахмад клуб» нодавлат таълим муассасаси намунаси асосида республиканинг бошқа туман (шаҳар)ларида спорт клублари фаолиятини йўлга қўйиш. Амалий чора-тадбирлар 2025 йил декабрь Маҳаллий бюджетнинг қўшимча манбалари ва ҳомийлик маблағлари Қорақалпоғистон Республикаси Вазирлар Кенгаши, вилоятлар, Тошкент шаҳри ҳокимликлари, Ички ишлар вазирлиги (Ташпулатов) , Давлат активларини бошқариш агентлиги (Ортиков) 27. «Ёшлар овози» газетасининг 100 йиллигини муносиб нишонлаш, Давлат раҳбарининг ёшлар билан очиқ мулоқотида иштирок этган иқтидорли ва ташаббускор ёшларнинг эришган ютуқлари ҳамда уларнинг фаолиятини газетада кенг ёритиш, газета таҳририяти билан биргаликда уларнинг фаолияти акс этган «Ёшлар — халқимиз, Ватанимизнинг олтин фонди» номли махсус китоб-альбом тайёрлаш ва чоп этиш чораларини кўриш. Амалий чора-тадбирлар 2025 йил июнь Ёшларга оид давлат сиёсатини қўллаб-қувватлаш жамғармаси Ёшлар ишлари агентлиги (Саъдуллаев) , Ахборот ва оммавий коммуникациялар агентлиги (Ходжаев)
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 26 март,
ПФ-61-сон
OʻZBEKISTON RESPUBLIKASI PREZIDENTINING
farmoni
CHORA-TADBIRLAR DASTURI
Oʻzbekiston Respublikasi Prezidentining yoshlar bilan ochiq muloqotida belgilangan vazifalarni amalga oshirishga doir chora-tadbirlar toʻgʻrisida
Joriy yilning 14-fevral kuni oʻtkazilgan Oʻzbekiston Respublikasi Prezidentining yoshlar bilan ochiq muloqoti doirasida belgilangan asosiy vazifalar ijrosini taʼminlash, shuningdek, yoshlarning tashabbuslarini qoʻllab-quvvatlash, sifatli taʼlim olishlari uchun imkoniyatlarni yanada kengaytirish, ilm-fanni ommalashtirish maqsadida qaror qilaman:
1. Yoshlar bilan muloqotda bildirilgan taklif va tashabbuslar asosida, ularni roʻyobga chiqarish maqsadida ishlab chiqilgan Oʻzbekiston Respublikasi Prezidentining yoshlar bilan 2025-yildagi ochiq muloqotida belgilangan vazifalarni amalga oshirishga doir chora-tadbirlar dasturi ilovaga muvofiq tasdiqlansin.
2. Vazirlar Mahkamasi Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari bilan birgalikda ikki oy muddatda kreativ industriya parkini (keyingi oʻrinlarda — kreativ park), hududlarda uning filiallarini hamda ularda kreativ soha vakillarini oʻqitadigan biznes maktablar faoliyatini tashkil etish hamda zarur sharoit yaratish choralarini koʻrsin.
Kreativ park faoliyatini boshqarish Madaniyat va sanʼatni rivojlantirish jamgʻarmasi muassisligida masʼuliyati cheklangan jamiyat shaklida tashkil etiladigan Kreativ industriya parklari direksiyasi tomonidan amalga oshiriladi.
3. Iqtisodiyot va moliya vazirligi, Soliq qoʻmitasi hamda Madaniyat va sanʼatni rivojlantirish jamgʻarmasining kreativ park rezidentlariga 2025-yil 1-maydan boshlab 2031-yil 1-yanvargacha boʻlgan muddatga quyidagi soliq imtiyozlarini joriy etish toʻgʻrisidagi taklifi maʼqullansin:
(a) ijtimoiy soliqni hamda jismoniy shaxslardan olinadigan daromad soligʻini 50 foiz kamaytirilgan stavkada toʻlash;
(b) rezidentlarni tovarlarni (ishlarni, xizmatlarni) realizatsiya qilishdan olingan daromadi miqdoridan qatʼi nazar aylanmadan olinadigan soliq toʻlovchilar toifasiga kiritish. Bunda rezidentlar oʻz istagiga binoan umumbelgilangan soliq solish tartibiga oʻtishlari mumkin.
Iqtisodiyot va moliya vazirligi Soliq qoʻmitasi bilan birgalikda bir oy muddatda ushbu bandda nazarda tutilgan imtiyozlarni qoʻllash boʻyicha qonun loyihasini Vazirlar Mahkamasiga kiritsin.
Kreativ industriya subyektlarini kreativ park rezidentligiga qabul qilish hamda tegishli rezidentlarga mazkur bandda nazarda tutilgan imtiyozlarni qoʻllash shartlari qonunchilik hujjatlari bilan belgilanadi.
4. Belgilansinki, xorijiy tillar boʻyicha kamida S1 darajadagi milliy yoki unga tenglashtirilgan mos darajadagi xalqaro tan olingan sertifikatni olganiga ikki yildan oshmagan shaxslarga olis va borish qiyin boʻlgan hududlarda chet tillariga ixtisoslashgan oʻquv markazlarini ochish uchun Yoshlar ishlari agentligi huzuridagi Yoshlar tadbirkorligini rivojlantirish davlat maqsadli jamgʻarmasi tomonidan olti oylik imtiyozli davr bilan uch yil muddatga bazaviy hisoblash miqdorining 320 baravarigacha miqdorda foizsiz ssuda beriladi.
Yoshlar ishlari agentligi uch oy muddatda mazkur bandda nazarda tutilgan ssudani ajratish tartibini hamda olis va borish qiyin boʻlgan hududlar roʻyxatini Vazirlar Mahkamasiga kiritsin.
5. 2025-yildan boshlab “El-yurt umidi” jamgʻarmasining yangi stipendiya yoʻnalishi sifatida quyidagilarni nazarda tutuvchi “Yorqin isteʼdod” loyihasi joriy etilsin:
(a) har yili iqtidorli, bilimga chanqoq, ogʻir oilaviy sharoiti sababli oʻqish imkoniyatiga ega boʻlmagan kambagʻal oilalar farzandlarini xorijda oʻqitish maqsadida har bir mahalladan faol yoshlarni saralash;
(b) saralab olingan yoshlarning iqtidorini aniqlash orqali ularni salohiyatiga mos xorijiy oliygohlarga yuborish uchun tayyorgarlik kurslarida oʻqitish;
(v) tayyorgarlik kurslaridan muvaffaqiyatli oʻtgan yoshlarni nufuzli xalqaro reyting tashkilotlarining yuqori 100 talik roʻyxatiga kiritilgan xorijiy oliy taʼlim tashkilotlariga bakalavriat taʼlim yoʻnalishi boʻyicha belgilangan tartibda oʻqishga yuborish, oʻqish va yashash xarajatlarini qoplab berish. Bunda tayyorgarlik kurslarida oʻqitish xarajatlari “El-yurt umidi” jamgʻarmasiga ajratiladigan mablagʻlar hisobidan qoplab beriladi.
Iqtisodiyot va moliya vazirligi “El-yurt umidi” jamgʻarmasining tegishli hisob-kitoblariga asosan joriy yilda “Yorqin isteʼdod” loyihasi natijalaridan kelib chiqib 300 milliard soʻm ajratsin, kelgusi yillardan mazkur maqsadlar uchun mablagʻlarni budjet parametrlarida nazarda tutsin.
6. Shunday tartib oʻrnatilsinki, unga muvofiq:
(a) “El-yurt umidi” jamgʻarmasi orqali xorijiy mamlakatlarda taʼlim olib qaytgan stipendiatlar milliy kadrlar zaxirasiga toʻgʻridan-toʻgʻri kiritiladi hamda ular davlat organlari, tashkilotlari va muassasalariga tanlovsiz ishga olinadi;
(b) 2025-yil 1-iyundan boshlab:
(i) nufuzli xalqaro reyting tashkilotlarining yuqori 100 talik roʻyxatiga kiritilgan xorijiy oliy taʼlim tashkilotlarida ilmiy daraja (PhD va unga tenglashtirilgan boshqa ilmiy daraja) olgan 35 yoshgacha boʻlgan mutaxassislarga uy-joy sotib olish uchun uy-joy joylashgan hududdan kelib chiqib, oʻn yil muddatga bazaviy hisoblash miqdorining 2 150 baravarigacha miqdorda foizsiz ssuda ajratiladi;
(ii) nufuzli xalqaro fan olimpiadalari gʻolib va sovrindorlariga toʻlanadigan bir martalik pul mukofotining amaldagi miqdorlari 5 baravarga oshiriladi.
Oliy taʼlim, fan va innovatsiyalar vazirligi “El-yurt umidi” jamgʻarmasi, Yoshlar ishlari agentligi, Iqtisodiyot va moliya vazirligi bilan birgalikda ikki oy muddatda ushbu bandning toʻrtinchi xatboshisida nazarda tutilgan foizsiz ssudani ajratish tartibini ishlab chiqib, Vazirlar Mahkamasiga kiritsin. Bunda foizsiz ssudani ajratish boʻyicha arizalarni qabul qilish va koʻrib chiqish Yagona interaktiv davlat xizmatlari portali orqali amalga oshiriladi.
7. 2025/2026 oʻquv yilidan boshlab:
(a) Oʻzbekiston Respublikasi oliy harbiy taʼlim muassasalarining namunali kursantlari (talabalari) va tinglovchilari uchun “Oliy bosh qoʻmondon” davlat stipendiyasi joriy etiladi.
Mudofaa vazirligi tasarrufida oliy harbiy taʼlim muassasalari boʻlgan vazirlik va idoralar bilan birgalikda ikki oy muddatda “Oliy bosh qoʻmondon” davlat stipendiyasini tayinlash tartibini ishlab chiqib, Vazirlar Mahkamasiga kiritsin;
(b) oʻquvchilar oʻrtasida muhandislik-ixtirochilik yoʻnalishida olimpiadalar oʻtkazish yoʻlga qoʻyiladi va gʻolib boʻlgan bitiruvchi yoshlar davlat oliy taʼlim muassasalarining olimpiada yoʻnalishiga mos va turdosh taʼlim yoʻnalishlariga imtihonlarsiz qoʻshimcha davlat granti asosida oʻqishga qabul qilinadi.
Maktabgacha va maktab taʼlimi vazirligi Oliy taʼlim, fan va innovatsiyalar vazirligi bilan birgalikda ikki oy muddatda ushbu olimpiadani tashkil etish hamda uning gʻoliblari qoʻshimcha davlat granti asosida oʻqishga qabul qilinadigan oliy taʼlim yoʻnalishlari roʻyxatini nazarda tutuvchi tegishli normativ-huquqiy hujjat loyihasini Vazirlar Mahkamasiga kiritsin.
8. Belgilansinki:
(a) Yoshlar ishlari agentligi tomonidan Yoshlarga oid davlat siyosatini qoʻllab-quvvatlash jamgʻarmasiga ajratilgan mablagʻlar doirasida yoshlarni ilmga qiziqtiruvchi, tarbiyaviy ahamiyatga ega va umummilliy qadriyatlarni shakllantirishga xizmat qiluvchi milliy mediakontentlar yaratish hamda eng yaxshi intellektual shoularni tashkil etish uchun 100 million soʻmgacha grantlar ajratiladi;
(b) yoshlarda tabiatga muhabbat hissini uygʻotish, atrof-muhitni muhofaza qilishga qaratilgan loyihalarni qoʻllab-quvvatlash uchun Yoshlar ishlari agentligi huzurida yuridik shaxs maqomiga ega boʻlmagan “Yashil tashabbuslar”ni qoʻllab-quvvatlash jamgʻarmasi tashkil etiladi. Bunda “Yashil tashabbuslar”ni qoʻllab-quvvatlash jamgʻarmasi quyidagi manbalar hisobidan 10 milliard soʻmgacha miqdorda shakllantiriladi:
(i) Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi;
(ii) xalqaro moliya institutlari, xorijiy hukumat moliya tashkilotlari, xorijiy banklar va boshqa xalqaro moliya tashkilotlarining grant mablagʻlari;
(iii) jismoniy va yuridik shaxslarning, shu jumladan, Oʻzbekiston Respublikasi norezidentlarining homiylik xayriyalari;
(iv) qonunchilik hujjatlari bilan taqiqlanmagan boshqa manbalar.
9. Belgilansinki, Yoshlar ishlari agentligi va uning hududiy boʻlinmalari balansidagi bino va inshootlarni ularda yoshlarni sport, ilm-fan, xorijiy tillar va kasblarga oʻqitish, kreativ loyihalarni amalga oshirish va boshqa xizmatlarni koʻrsatish uchun ijaraga berishdan tushadigan mablagʻlar tegishli bino va inshootning balansda saqlovchisiga toʻliq miqdorda (bundan auksion xarajatlari mustasno) oʻtkaziladi hamda uning faoliyatini rivojlantirish maqsadlariga yoʻnaltiriladi.
10. Axborot va ommaviy kommunikatsiyalar agentligi Yoshlar ishlari agentligi bilan birgalikda bir oy muddatda ilm-fan va taʼlim yoʻnalishidagi foydali milliy internet resurslari reyestrini shakllantirsin, Raqamli texnologiyalar vazirligi ulardan bepul internet tarmogʻi orqali foydalanishni yoʻlga qoʻysin.
11. Toshkent shahri hokimligi 2025-yil 1-oktabrga qadar mahalliy budjetning qoʻshimcha manbalari hisobidan Toshkent shahrida Robototexnika markazini barpo etish va zarur jihozlar bilan taʼminlash boʻyicha tegishli chora-tadbirlarni amalga oshirsin.
12. Madaniyat vazirligi Toshkent shahri hokimligi bilan birgalikda uch oy muddatda Yoshlar eksperimental teatr studiyasini tashkil etish va uni zarur jihozlar bilan taʼminlash choralarini koʻrsin.
13. Samarqand viloyati hokimligi Tashqi ishlar vazirligi, Mudofaa vazirligi, Raqamli texnologiyalar vazirligi va Yoshlar ishlari agentligi bilan birgalikda 2026-yilda Samarqand shahrida xalqaro “Texnofest” festivali doirasidagi “Take Off” startap sammitini yuqori saviyada tashkil etish choralarini koʻrsin.
14. Mazkur Farmon ijrosi boʻyicha masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 26-martdagi PF-61-son Farmoniga ILOVA
Oʻzbekiston Respublikasi Prezidentining yoshlar bilan 2025-yildagi ochiq muloqotida belgilangan vazifalarni amalga oshirishga doir
T/r Amalga oshiriladigan chora-tadbirlar Amalga oshirish shakli Ijro muddati Moliyalashtirish manbalari Masʼul ijrochilar 1. 1. “El-yurt umidi” jamgʻarmasi orqali xorijda oʻqiyotgan har bir talaba bilan doimiy muloqotda boʻlib, ularning ehtiyojlarini aniqlash, Vatanga qaytib, oʻz oʻrnini topishi, muvaffaqiyatli karyera qilishiga koʻmaklashish. Bunda Jamgʻarma orqali xorijda oʻqib qaytgan yoshlar hamda ularning ota-onalari hamjamiyatlarini tashkil etish. 2. “El-yurt umidi” jamgʻarmasining energetika, transport, urbanizatsiya, zamonaviy arxitektura, tibbiyot yoʻnalishlaridagi kvotalari sonini yanada oshirish. Amaliy chora-tadbirlar Doimiy - “El-yurt umidi” jamgʻarmasi (Bekmurodov) , Boshqaruv samaradorligi agentligi (U. Xusainov), Yoshlar ishlari agentligi (Saʼdullayev) 2. 1. “El-yurt umidi” jamgʻarmasining yangi stipendiya yoʻnalishi sifatida “Yorqin isteʼdod” loyihasini amalga oshirish tartibini ishlab chiqish. Bunda quyidagilarni nazarda tutish: iqtidorli, bilimga chanqoq, ogʻir oilaviy sharoiti sababli oʻqish imkoniyatiga ega boʻlmagan kambagʻal oilalar farzandlarini xorijda oʻqitish maqsadida har bir mahalladan faol yoshlarni saralash tartibi; yoshlarning iqtidorini aniqlash orqali ularni salohiyatiga mos xorijiy oliygohlarga yuborish uchun tayyorgarlik kurslarida oʻqitish tartibi; tayyorgarlik kurslaridan muvaffaqiyatli oʻtgan yoshlarni nufuzli xalqaro reyting tashkilotlarining yuqori 100 talik roʻyxatiga kiritilgan xorijiy oliy taʼlim muassasalarida bakalavriat taʼlim yoʻnalishi boʻyicha belgilangan tartibda oʻqishga yuborish, oʻqish va yashash xarajatlarini qoplab berish tartibi. 2. “Yorqin isteʼdod” loyihasi doirasida yoshlarni saralab olish jarayonlariga Yoshlar muammolarini oʻrganish va istiqbolli kadrlarni tayyorlash institutini jalb etish. Oʻzbekiston Respublikasi Prezidenti qarori loyihasi 2025-yil may 2025-yilda Davlat budjetidan 300 mlrd soʻm hamda kelgusi yillardan hisob-kitoblarga asosan Oʻzbekiston Respublikasi Prezidenti Administratsiyasi (Mirzayev) , “El-yurt umidi” jamgʻarmasi (Bekmurodov) , Iqtisodiyot va moliya vazirligi (Qoʻchqorov) , Oliy taʼlim, fan va innovatsiyalar vazirligi (Sharipov) , Yoshlar ishlari agentligi (Saʼdullayev) 3. “Yorqin isteʼdod” loyihasi doirasida xorijda yoshlarni oʻqitish uchun nufuzli xalqaro reyting tashkilotlarining yuqori 100 talik roʻyxatiga kiritilgan xorijiy oliy taʼlim muassasalari bilan muzokaralar olib borish hamda loyiha doirasida oʻqishga yuboriladigan yoshlarning imtiyozli shartlar asosida taʼlim olishiga shart-sharoit yaratish boʻyicha kelishuvga erishish choralarini koʻrish. Amaliy chora-tadbirlar 2025-yil II — IV choraklar - Tashqi ishlar vazirligi (Saidov) , “El-yurt umidi” jamgʻarmasi (Bekmurodov) , Davlat xizmatini rivojlantirish agentligi (Musayev) , Oliy taʼlim, fan va innovatsiyalar vazirligi (Sharipov) 4. “El-yurt umidi” jamgʻarmasi orqali xorijiy mamlakatlarda taʼlim olib qaytgan stipendiatlarni milliy kadrlar zaxirasiga toʻgʻridan-toʻgʻri kiritish hamda ularni davlat organlari, tashkilotlari va muassasalariga tanlovsiz ishga olish amaliyotini joriy etish. Qonun loyihasi, amaliy chora-tadbirlar 2025-yil may - “El-yurt umidi” jamgʻarmasi (Bekmurodov) , Davlat xizmatini rivojlantirish agentligi (Musayev) 5. Milliy qahramon obrazini yaratish, Vatanga muhabbat, tabiatni asrash tuygʻularini kuchaytirishga qaratilgan “Bek va Lola”, “Al-Xorazmiy”, “Yashil makon” kabi milliy video kontentlarni, shuningdek, “Ibrat farzandlari”, “Mutolaa”, “Ustoz AI” loyihalarini maktabgacha va maktab taʼlimi jarayonlarida namoyish etish orqali yanada ommalashtirish choralarini koʻrish. Amaliy chora-tadbirlar 2025-yil aprel - Yoshlar ishlari agentligi (Saʼdullayev), Maktabgacha va maktab taʼlimi vazirligi (Umarova) 6. Kreativ parklar bazasida tashkil etiladigan biznes maktablarda yoshlarga yangi va zamonaviy biznes yuritish hamda elektron tijorat kabi xizmat koʻrsatishning innovatsion usullarini oʻrgatish choralarini koʻrish. Amaliy chora-tadbirlar Kreativ parklar tashkil etilgandan soʻng bir oy ichida Madaniyat va sanʼatni rivojlantirish jamgʻarmasi, Yoshlarga oid davlat siyosatini qoʻllab-quvvatlash jamgʻarmasi, “Yoshlar daftari” jamgʻarmalari, qonunchilik hujjatlari bilan taqiqlanmagan boshqa manbalar Savdo-sanoat palatasi (Vahobov) , Yoshlar ishlari agentligi (Saʼdullayev) , Madaniyat va sanʼatni rivojlantirish jamgʻarmasi (Umerova) 7. Ilgari ajratilgan yerga qishloq xoʻjaligi ekinlarini ekib, kamida 100 million soʻm daromad olgan yoshlarga Oʻzbekiston Respublikasi Prezidentining 2025-yil 3-fevraldagi “Qishloq xoʻjaligi ekin maydonlari unumdorligini oshirish, tarmoqqa investitsiyalar jalb qilish uchun qulay shart-sharoit yaratish boʻyicha navbatdagi chora-tadbirlar toʻgʻrisida”gi PF-18-son Farmoniga asosan joriy etilgan yangicha tartib asosida qoʻshimcha yer maydonlari ajratish. Amaliy chora-tadbirlar 2025-yil oktabr - Qishloq xoʻjaligi vazirligi (Abduraxmonov), Kadastr agentligi (Pulatov), Yoshlar ishlari agentligi (Saʼdullayev) 8. “Surxondaryo tajribasi” asosida yoshlar sanoat zonalarida sanoat ipotekasi asosida barpo etilgan ishlab chiqarish bino-inshootlarini ajratish bilan birgalikda zarur uskunalar xaridi uchun yosh tadbirkorlarga Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi qarorisiz toʻgʻridan-toʻgʻri tijorat banklari orqali 500 ming AQSH dollari ekvivalentidan oshmagan miqdorda kredit ajratish masalasini koʻrib chiqib, taklif kiritish. Tahliliy maʼlumotnoma 2025-yil aprel Tijorat banklari kreditlari Investitsiyalar, sanoat va savdo vazirligi (Kudratov) , Yoshlar ishlari agentligi (Saʼdullayev) , Markaziy bank (Ishmetov) , Surxondaryo viloyati hokimligi (Qosimov) 9. Kreativ park, uning hududlardagi filiallarini, shuningdek, ularda kreativ soha vakillari oʻqitiladigan biznes maktablar faoliyatini tashkil etish hamda zarur sharoit yaratish. Amaliy chora-tadbirlar 2025-yil may Mahalliy budjetlarning qoʻshimcha manbalari, homiylik mablagʻlari Vazirlar Mahkamasi, Madaniyat va sanʼatni rivojlantirish jamgʻarmasi (Umerova) , Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 10. Kreativ soha vakillarini kreativ park rezidentligiga qabul qilish hamda rezidentlarga soliq imtiyozlarini qoʻllash shartlarini belgilab berish. Vazirlar Mahkamasi qarori loyihasi 2025-yil may - Madaniyat va sanʼatni rivojlantirish jamgʻarmasi (Umerova) , Iqtisodiyot va moliya vazirligi (Qoʻchqorov) , Soliq qoʻmitasi (Kudbiyev) 11. Xususiy oʻquv markazlarida xorijiy tillarni oʻrganadigan yoshlarga oʻquv xarajatlarini “2+6” shaklida toʻlab berish orqali 100 ming nafar yoshlarni xorijiy tillarga oʻqitishga qaratilgan dastur ishlab chiqish. Vazirlar Mahkamasi qarori loyihasi 2025-yil may Yoshlarga oid davlat siyosatini qoʻllab-quvvatlash jamgʻarmasi, “Yoshlar daftari” jamgʻarmalari Yoshlar ishlari agentligi (Saʼdullayev) 12. 1. “Bir million dasturchi” loyihasi doirasida 300 ming yoshlarni oʻqitishni tashkil etish. 2. 50 ming nafar xotin-qizlarni axborot texnologiyalari boʻyicha bepul oʻqitish. Amaliy chora-tadbirlar 2025-yil dekabr Raqamli texnologiyalar vazirligi tizimidagi tashkilotlar mablagʻlari, homiylik mablagʻlari, qonunchilik hujjatlari bilan taqiqlanmagan boshqa manbalar Raqamli texnologiyalar vazirligi (Shermatov) , Maktabgacha va maktab taʼlimi vazirligi (Umarova) 3. “Kursera” platformasida bosqichma-bosqich 3 mingdan ortiq kursda sunʼiy intellekt yordamida yoshlar uchun oʻzbek tilida taʼlim olish imkoniyatini yaratib borish. 2025-yil sentabrdan boshlab 4. “Bir million dasturchi” va “Muhammad al-Xorazmiy vorislari” loyihalarini hamda yoshlar uchun moʻljallangan boshqa raqamli taʼlim loyihalarini (shu bilan birga xalqaro olimpiada hamda tanlovlar ishtirokchilarini) monitoring qiluvchi “Raqamli yoshlar” platformasini ishlab chiqish. 2025-yil sentabr 13. Birlashgan Arab Amirliklari bilan hamkorlikda “Bir million sunʼiy intellekt foydalanuvchilari” loyihasini amalga oshirish. Amaliy chora-tadbirlar 2025-yil 1-iyundan boshlab - Raqamli texnologiyalar vazirligi (Shermatov) 14. 1. Xorazm viloyatida amalga oshirilgan “Muhammad al-Xorazmiy vorislari” loyihasi tajribasi asosida ushbu loyihani bosqichma-bosqich Qoraqalpogʻiston Respublikasida joriy etish. 2. “Bir million dasturchi” loyihasining navbatdagi bosqichini barcha hududlarda joriy qilishda eng yuqori natijaga erishgan oʻquvchi-talabalar va ularning oʻqituvchilari, shuningdek, taʼlim muassasalarini qimmatbaho sovgʻalar bilan ragʻbatlantirish. Vazirlar Mahkamasi qarori loyihasi 2025-yil iyun - Raqamli texnologiyalar vazirligi (Shermatov) , Qoraqalpogʻiston Respublikasi Vazirlar Kengashi (Ermanov) , Maktabgacha va maktab taʼlimi vazirligi (Umarova) 15. IT sohasidagi loyihalarni muvaffaqiyatli tugatgan ming nafar qizlar orasidan saralangan iqtidorli qizlarni xalqaro olimpiadalarga tayyorlash choralarini koʻrish. Amaliy chora-tadbirlar 2025-yil dekabr Raqamli texnologiyalarni rivojlantirish jamgʻarmasi, Yoshlarga oid davlat siyosatini qoʻllab-quvvatlash jamgʻarmasi Raqamli texnologiyalar vazirligi (Shermatov), Yoshlar ishlari agentligi (Saʼdullayev) , Maktabgacha va maktab taʼlimi vazirligi (Umarova) 16. Yoshlarni birlashtirish, yosh avlodda milliy qadriyatlarni shakllantirish maqsadida ularning qiziqish va ehtiyojlarini sunʼiy intellekt texnologiyalari asosida barvaqt aniqlash, salohiyatini monetizatsiya qilish, ijtimoiy ahamiyatga molik loyihalarga jalb etish boʻyicha raqamli ijtimoiy ekotizimni joriy etishga qaratilgan uzoq muddatli strategiyani ishlab chiqish. Oʻzbekiston Respublikasi Prezidenti qarori loyihasi 2025-yil iyun - Oʻzbekiston Respublikasi Prezidenti Administratsiyasi (Davletov) , Respublika Maʼnaviyat va maʼrifat markazi (Xasanov) , Yoshlar ishlari agentligi (Saʼdullayev) , Raqamli texnologiyalar vazirligi (Shermatov) 17. Toshkent shahridagi 1 ta taʼlim muassasasida oʻquvchi-talabalarni dunyoning nufuzli xalqaro reyting tashkilotlarining TOP-10 talik roʻyxatiga kiruvchi oliygohlarga puxta tayyorlash guruhini tashkil etish. Amaliy chora-tadbirlar 2025-yil aprel Oliy taʼlim, fan va innovatsiyalar vazirligining budjet tashqari mablagʻlari, Toshkent shahar mahalliy budjetining qoʻshimcha manbalari Oliy taʼlim, fan va innovatsiyalar vazirligi (Sharipov), Fanlar akademiyasi (Ayupov), Yoshlar ishlari agentligi (Saʼdullayev) , Toshkent shahri hokimligi (Umurzakov) 18. Dunyoning eng nufuzli TOP-10 talik roʻyxatiga kiruvchi oliygohlarida oʻqish istagidagi oʻquvchi-talabalar uchun kvotalar sonini oshirish boʻyicha muzokaralar olib borish. Amaliy chora-tadbirlar 2025-yil avgust - Oliy taʼlim, fan va innovatsiyalar vazirligi (Sharipov), Yoshlar ishlari agentligi (Saʼdullayev) , Tashqi ishlar vazirligi (Saidov) 19. Yoshlar ishlari agentligi tomonidan yoshlarni ilmga qiziqtiruvchi milliy va foydali mediakontentlar yaratish hamda eng yaxshi intellektual shoularni tashkil etish uchun 100 million soʻmgacha grantlar ajratish tartibini, shu jumladan, talabgorlar va loyihalarni tanlab olish mexanizmlarini koʻzda tutgan holda ishlab chiqish. Bunda grant mablagʻlarini ajratish boʻyicha arizalarni taqdim etish va koʻrib chiqish jarayonlari Yagona interaktiv davlat xizmatlari portali orqali amalga oshirilishini nazarda tutish. Normativ-huquqiy hujjat loyihasi 2025-yil may Yoshlarga oid davlat siyosatini qoʻllab-quvvatlash jamgʻarmasi Yoshlar ishlari agentligi (Saʼdullayev), Axborot va ommaviy kommunikatsiyalar agentligi (Xodjayev), Oʻzbekiston Milliy teleradiokompaniyasi (Djurabayev) 20. Yoshlarda tabiatga muhabbat hissini uygʻotish, ularning atrof-muhitni muhofaza qilishga qaratilgan loyihalarini qoʻllab-quvvatlash uchun Yoshlar ishlari agentligi huzurida yuridik shaxs maqomiga ega boʻlmagan “Yashil tashabbuslar”ni qoʻllab-quvvatlash jamgʻarmasini tashkil etish. Normativ-huquqiy hujjat loyihasi 2025-yil may Yoshlarga oid davlat siyosatini qoʻllab-quvvatlash jamgʻarmasi, Yoshlar tadbirkorligini rivojlantirish jamgʻarmasi Yoshlar ishlari agentligi (Saʼdullayev), Ekologiya, atrof-muhitni muhofaza qilish va iqlim oʻzgarishi vazirligi (Abduxakimov) 21. Olmazor tumani tajribasi asosida respublikaning har bir tumanida (shaharda) kamida 1 tadan maktabda muhandislik laboratoriyalarini tashkil etib, ularni zarur jihozlar bilan taʼminlash. Amaliy chora-tadbirlar 2025-yil avgust Mahalliy budjetning qoʻshimcha manbalari va homiylik mablagʻlari Qoraqalpogʻiston Respublikasi Vazirlar Kengashi, Toshkent shahri va viloyatlar, tuman (shahar) hokimliklari, Maktabgacha va maktab taʼlimi vazirligi (Umarova) 22. Ilm-fan va taʼlim yoʻnalishidagi foydali milliy internet resurslari (“Ibrat farzandlari”, “Mutolaa”, “Ustoz AI”, “Qizlar akademiyasi”, “UzChess” va boshqa) reyestrini shakllantirib, ulardan internet tarmogʻi orqali bepul foydalanishni yoʻlga qoʻyish. Amaliy chora-tadbirlar 2025-yil aprel - Axborot va ommaviy kommunikatsiyalar agentligi (Xodjayev) , Yoshlar ishlari agentligi (Saʼdullayev), Raqamli texnologiyalar vazirligi (Shermatov) 23. Har bir mahallada yoshlar oʻrtasida mahalla — tuman — viloyat — respublika darajasida “Shijoat va gʻayrat” sport oʻyinlarini oʻtkazishni yoʻlga qoʻyish hamda gʻolib mahallalarga sport inshootini qurib berish va zarur anjomlar bilan taʼminlash. Normativ-huquqiy hujjat loyihasi, amaliy chora-tadbirlar 2025-yil aprel Mahalliy budjetlarning qoʻshimcha manbalari, ijrochilarning oʻz mablagʻlari va homiylik mablagʻlari Oʻzbekiston mahallalari uyushmasi (Kuranbayev) , Davlat xavfsizlik xizmati (Joʻrayev) , Yoshlar ishlari agentligi (Saʼdullayev) , Qoraqalpogʻiston Respublikasi Vazirlar Kengashi, viloyatlar, Toshkent shahri hokimliklari 24. 1. Yoshlarda vatanparvarlik ruhini kuchaytirishga qaratilgan “Vatan tayanchi” bolalar va oʻsmirlar harbiy-vatanparvarlik harakati jamoalari oʻrtasida maktab — tuman — viloyat — respublika bosqichlarida sport va ijodiy musobaqalar tashkil etish. 2. “Vatan tayanchi” va “Shijoat va gʻayrat” musobaqalari gʻoliblariga harbiy oliygohlarga oʻqishga kirish uchun tavsiyanomalar berish amaliyotini joriy etish. Normativ-huquqiy hujjat loyihasi, amaliy chora-tadbirlar 2025-yil aprel Respublika budjetidan ajratiladigan 50 mlrd soʻm mablagʻ Mudofaa vazirligi (Qarshiyev), Maktabgacha va maktab taʼlimi vazirligi (Boqiyev), Oliy taʼlim, fan va innovatsiyalar vazirligi (Buzrukxonov), Iqtisodiyot va moliya vazirligi (Qoʻchqorov) 25. 1. Hududiy va mahalliy boʻlinma rahbarlari yoshlar yetakchilari bilan birgalikda oʻz harakat dasturini ishlab chiqib, jamoatchilikka murojaat qilish amaliyotini yoʻlga qoʻyish. 2. “Mutolaa” loyihasi doirasida yoshlarimizda kitobga mehrni oshirish, buyuk sohibqiron Amir Temurning bolalik davri haqida bolalar uchun kitob, “Ildiz” toʻplami hamda animatsion multfilmlar tayyorlab, ommalashtirish. 3. Xotin-qizlarni psixologik qoʻllab-quvvatlash maqsadida “Koll-markaz” faoliyatini yoʻlga qoʻyish. Amaliy chora-tadbirlar Doimiy Yoshlarga oid davlat siyosatini qoʻllab-quvvatlash jamgʻarmasi Yoshlar ishlari agentligi (Saʼdullayev) 26. Fargʻona viloyati Uchkoʻprik tumanidagi “Axmad klub” nodavlat taʼlim muassasasi namunasi asosida respublikaning boshqa tuman (shahar)larida sport klublari faoliyatini yoʻlga qoʻyish. Amaliy chora-tadbirlar 2025-yil dekabr Mahalliy budjetning qoʻshimcha manbalari va homiylik mablagʻlari Qoraqalpogʻiston Respublikasi Vazirlar Kengashi, viloyatlar, Toshkent shahri hokimliklari, Ichki ishlar vazirligi (Tashpulatov) , Davlat aktivlarini boshqarish agentligi (Ortikov) 27. “Yoshlar ovozi” gazetasining 100 yilligini munosib nishonlash, Davlat rahbarining yoshlar bilan ochiq muloqotida ishtirok etgan iqtidorli va tashabbuskor yoshlarning erishgan yutuqlari hamda ularning faoliyatini gazetada keng yoritish, gazeta tahririyati bilan birgalikda ularning faoliyati aks etgan “Yoshlar — xalqimiz, Vatanimizning oltin fondi” nomli maxsus kitob-albom tayyorlash va chop etish choralarini koʻrish. Amaliy chora-tadbirlar 2025-yil iyun Yoshlarga oid davlat siyosatini qoʻllab-quvvatlash jamgʻarmasi Yoshlar ishlari agentligi (Saʼdullayev) , Axborot va ommaviy kommunikatsiyalar agentligi (Xodjayev)
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 26-mart,
PF-61-son
ПРЕЗИДЕНТА РЕСПУБЛИКИ УЗБЕКИСТАН
УКАЗ
О мерах по реализации задач, определенных в открытом диалоге Президента Республики Узбекистан с молодежью
В целях обеспечения реализации основных задач, определенных в рамках открытого диалога Президента Республики Узбекистан с молодежью, проведенного 14 февраля текущего года, поддержки инициатив молодежи, дальнейшего расширения возможностей для получения качественного образования, а также популяризации науки постановляю:
1. Утвердить Программу мер по реализации задач, определенных в открытом диалоге 2025 года Президента Республики Узбекистан с молодежью, согласно приложению * , разработанную на основе предложений и инициатив, выдвинутых в ходе диалога с молодежью, в целях их реализации.
2. Кабинету Министров совместно с Председателем Совета Министров Республики Каракалпакстан, хокимами областей и города Ташкента в двухмесячный срок принять меры по организации деятельности Парка креативной индустрии (далее — креативный парк), его филиалов в регионах, бизнес-школ по обучению представителей креативной сферы в данных филиалах, а также созданию необходимых условий.
Управление деятельностью креативного парка осуществляется Дирекцией парков креативной индустрии, образуемой при учредительстве Фонда развития культуры и искусства в форме общества с ограниченной ответственностью.
3. Одобрить предложение Министерства экономики и финансов, Налогового комитета, а также Фонда развития культуры и искусства о внедрении следующих налоговых льгот для резидентов креативного парка в период с 1 мая 2025 года по 1 января 2031 года:
(а) оплата социального налога и налога на доходы физических лиц по ставке, сниженной на 50 процентов;
(б) включение резидентов в категорию плательщиков налога с оборота независимо от размера их дохода, полученного от реализации товаров (работ, услуг). При этом резиденты по их желанию могут перейти на общеустановленный порядок налогообложения.
Министерству экономики и финансов совместно с Налоговым комитетом в месячный срок внести в Кабинет Министров проект закона о применении льгот, предусмотренных настоящим пунктом.
Условия приема в резиденты креативного парка субъектов креативной индустрии, а также применения льгот к соответствующим резидентам, предусмотренных данным пунктом, устанавливаются актами законодательства.
4. Определить, что лицам, имеющим национальный сертификат по иностранному языку уровня не ниже С1 либо приравненный к нему международно признанный сертификат соответствующего уровня, со дня получения которого прошло не более двух лет, Государственным целевым фондом развития молодежного предпринимательства при Агентстве по делам молодежи предоставляется беспроцентная ссуда до 320-кратного размера базовой расчетной величины сроком на 3 года, включая льготный период 6 месяцев, для создания учебных центров, специализирующихся на иностранных языках, в отдаленных и труднодоступных районах.
Агентству по делам молодежи в трехмесячный срок внести в Кабинет Министров порядок выделения ссуды, предусмотренной настоящим пунктом, а также перечень отдаленных и труднодоступных районов.
5. Внедрить начиная с 2025 года проект «Ёркин истеъдод» («Яркие таланты») в качестве нового направления стипендий Фонда «Эл-юрт умиди», предусматривающий:
(а) ежегодное проведение отбора активной молодежи в каждой махалле в целях обучения за рубежом талантливых, стремящихся к знаниям детей из бедных семей, не имеющих возможности учиться по причине тяжелого семейного обстоятельства;
(б) обучение отобранной молодежи на подготовительных курсах для направления в соответствующие ее потенциалу зарубежные вузы путем определения ее талантов;
(в) направление в установленном порядке на учебу по направлениям образования бакалавриата зарубежных высших образовательных организаций, включенных в топ-100 рейтинга авторитетных международных рейтинговых организаций, молодых людей, успешно прошедших подготовительные курсы, а также компенсацию их расходов на обучение и проживание. При этом расходы на обучение на подготовительных курсах компенсируются за счет средств, выделяемых Фонду «Эл-юрт умиди».
Министерству экономики и финансов на основании соответствующих расчетов Фонда «Эл-юрт умиди» выделить в текущем году 300 миллиардов сумов исходя из результатов реализации проекта «Ёркин истеъдод» («Яркие таланты»), в последующие годы предусматривать средства на указанные цели в бюджетных параметрах.
6. Установить порядок, в соответствии с которым:
(а) стипендиаты, завершившие обучение и вернувшиеся из зарубежных стран по линии Фонда «Эл-юрт умиди», включаются непосредственно в Национальный кадровый резерв и принимаются на работу в государственные органы, организации и учреждения без конкурса;
(б) начиная с 1 июня 2025 года:
(i) специалистам до 35 лет, получившим ученую степень (PhD и приравненную к ней другую ученую степень) в зарубежных высших образовательных организациях, включенных в топ-100 рейтинга авторитетных международных рейтинговых организаций, для приобретения жилья выделяется беспроцентная ссуда до 2 150-кратного размера базовой расчетной величины в зависимости от региона, в котором расположено жилье, сроком на 10 лет;
(ii) действующие размеры единовременного денежного вознаграждения, выплачиваемого победителям и призерам престижных международных предметных олимпиад, повышаются в 5 раз.
Министерству высшего образования, науки и инноваций совместно с Фондом «Эл-юрт умиди», Агентством по делам молодежи, Министерством экономики и финансов в двухмесячный срок разработать и внести в Кабинет Министров порядок выделения беспроцентной ссуды, предусмотренной абзацем четвертым настоящего пункта. При этом прием и рассмотрение заявлений на выделение беспроцентной ссуды осуществляются посредством Единого портала интерактивных государственных услуг.
7. Начиная с 2025/2026 учебного года:
(а) для образцовых курсантов (студентов) и слушателей высших военных образовательных учреждений Республики Узбекистан учреждается Государственная стипендия Верховного главнокомандующего.
Министерству обороны совместно с министерствами и ведомствами, имеющими подведомственные высшие военные образовательные учреждения, в двухмесячный срок разработать и внести в Кабинет Министров порядок назначения Государственной стипендии Верховного главнокомандующего;
(б) внедряется проведение олимпиад по инженерно-рационализаторскому направлению среди учащихся, при этом выпускники, ставшие их победителями, принимаются на учебу на соответствующие и смежные направлению олимпиад направления образования государственных высших образовательных учреждений без экзаменов на основе дополнительного государственного гранта.
Министерству дошкольного и школьного образования совместно с Министерством высшего образования, науки и инноваций в двухмесячный срок внести в Кабинет Министров соответствующий проект нормативно-правового акта, предусматривающий организацию этих олимпиад и перечень направлений высшего образования, на которые победители олимпиад будут приниматься на учебу по дополнительному государственному гранту.
8. Установить, что:
(а) Агентством по делам молодежи в рамках средств, выделенных Фонду поддержки государственной молодежной политики, выделяются гранты до 100 миллионов сумов для создания национальных медиа-контентов, формирующих у молодежи стремление к знаниям, имеющих воспитательное значение и служащих развитию общенациональных ценностей, а также организации лучших интеллектуальных шоу;
(б) для пробуждения у молодежи чувства любви к природе, поддержки проектов по охране окружающей среды создается Фонд поддержки «зеленых» инициатив при Агентстве по делам молодежи без статуса юридического лица. При этом Фонд поддержки «зеленых» инициатив формируется в размере до 10 миллиардов сумов за счет следующих источников:
(i) Фонда поддержки государственной молодежной политики Агентства по делам молодежи;
(ii) грантовых средств международных финансовых институтов, зарубежных правительственных финансовых организаций, иностранных банков и прочих международных финансовых организаций;
(iii) благотворительных пожертвований физических и юридических лиц, в том числе нерезидентов Республики Узбекистан;
(iv) иных источников, не запрещенных актами законодательства.
9. Определить, что средства, поступающие от передачи в аренду зданий и сооружений, находящихся на балансе Агентства по делам молодежи и его территориальных подразделений, для обучения молодежи спорту, предметам и науке, иностранным языкам и профессиям, реализации креативных проектов и оказания иных услуг, перечисляются в полном размере (за исключением расходов на аукцион) и направляются на цели развития деятельности балансодержателя соответствующих зданий и сооружений.
10. Агентству информации и массовых коммуникаций совместно с Агентством по делам молодежи в месячный срок составить Реестр полезных национальных интернет-ресурсов в направлении науки и образования, Министерству цифровых технологий — наладить бесплатное использование этих ресурсов посредством сети Интернет.
11. Хокимияту города Ташкента в срок до 1 октября 2025 года осуществить соответствующие меры по созданию и оснащению необходимым оборудованием Центра робототехники в городе Ташкенте за счет дополнительных источников местного бюджета.
12. Министерству культуры совместно с хокимиятом города Ташкента в трехмесячный срок принять меры по созданию и оснащению необходимым оборудованием Молодежного экспериментального театра-студии.
13. Хокимияту Самаркандской области совместно с Министерством иностранных дел, Министерством обороны, Министерством цифровых технологий и Агентством по делам молодежи принять меры по организации на высоком уровне стартап-саммита «Take Off» в рамках Международного фестиваля «Технофест» в городе Самарканде в 2026 году.
14. Осуществление координации и контроля за деятельностью организаций, ответственных за исполнение настоящего Указа, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
26 марта 2025 г.,
№ УП-61