UzbekAI

Ўзбекистон Республикаси Президентининг

қарори

Халқаро шартномаларни тасдиқлаш тўғрисида

«Ўзбекистон Республикасининг халқаро шартномалари тўғрисида»ги Ўзбекистон Республикаси Қонунининг 22-моддасига мувофиқ:

1. Қуйидагилар:

(а) 2024 йил 23 сентябрь куни Нью-Йорк шаҳрида имзоланган Ўзбекистон Республикаси билан Португалия Республикаси ўртасида иқтисодий ҳамкорлик тўғрисидаги битим;

(б) 2024 йил 24 сентябрь куни Нью-Йорк шаҳрида имзоланган Ўзбекистон Республикаси Ҳукумати билан Словакия Республикаси Ҳукумати ўртасида иқтисодий ҳамкорлик тўғрисидаги битим;

(в) 2024 йил 27 сентябрь куни Тошкент шаҳрида имзоланган Ўзбекистон Республикаси Ҳукумати билан Ҳиндистон Республикаси Ҳукумати ўртасида икки томонлама инвестиция битими тасдиқлансин.

2. Инвестициялар, саноат ва савдо вазирлиги мазкур халқаро шартномаларни амалга ошириш учун масъул бўлган ваколатли орган этиб белгилансин.

3. Ташқи ишлар вазирлиги Ўзбекистон Республикаси томонидан мазкур халқаро шартномаларнинг кучга кириши учун зарур бўлган давлат ички тартиб-таомиллари бажарилганлиги ҳамда уларни амалга ошириш учун масъул бўлган ваколатли орган тўғрисида хориж томонига тегишли билдиришнома юборсин.

4. Вазирлар Маҳкамаси ҳамда тегишли вазирлик ва идораларнинг раҳбарлари мазкур халқаро шартномалар кучга кирганидан кейин белгиланган тартибда уларнинг қоидалари амалга оширилиши устидан назоратни таъминласин.

5. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 27 март,

ПҚ-126-сон

(Қонунчилик маълумотлари миллий базаси, 29.03.2025 й., 07/25/126/0286-сон)

lex.uz

Oʻzbekiston Respublikasi Prezidentining

qarori

Xalqaro shartnomalarni tasdiqlash toʻgʻrisida

“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 22-moddasiga muvofiq:

1. Quyidagilar:

(a) 2024-yil 23-sentabr kuni Nyu-York shahrida imzolangan Oʻzbekiston Respublikasi bilan Portugaliya Respublikasi oʻrtasida iqtisodiy hamkorlik toʻgʻrisidagi bitim;

(b) 2024-yil 24-sentabr kuni Nyu-York shahrida imzolangan Oʻzbekiston Respublikasi Hukumati bilan Slovakiya Respublikasi Hukumati oʻrtasida iqtisodiy hamkorlik toʻgʻrisidagi bitim;

(v) 2024-yil 27-sentabr kuni Toshkent shahrida imzolangan Oʻzbekiston Respublikasi Hukumati bilan Hindiston Respublikasi Hukumati oʻrtasida ikki tomonlama investitsiya bitimi tasdiqlansin.

2. Investitsiyalar, sanoat va savdo vazirligi mazkur xalqaro shartnomalarni amalga oshirish uchun masʼul boʻlgan vakolatli organ etib belgilansin.

3. Tashqi ishlar vazirligi Oʻzbekiston Respublikasi tomonidan mazkur xalqaro shartnomalarning kuchga kirishi uchun zarur boʻlgan davlat ichki tartib-taomillari bajarilganligi hamda ularni amalga oshirish uchun masʼul boʻlgan vakolatli organ toʻgʻrisida xorij tomoniga tegishli bildirishnoma yuborsin.

4. Vazirlar Mahkamasi hamda tegishli vazirlik va idoralarning rahbarlari mazkur xalqaro shartnomalar kuchga kirganidan keyin belgilangan tartibda ularning qoidalari amalga oshirilishi ustidan nazoratni taʼminlasin.

5. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 27-mart,

PQ-126-son

(Qonunchilik maʼlumotlari milliy bazasi, 29.03.2025-y., 07/25/126/0286-son)

lex.uz

Президента Республики Узбекистан

Постановление

Об утверждении международных договоров

В соответствии со статьей 22 Закона Республики Узбекистан «О международных договорах Республики Узбекистан»:

1. Утвердить:

а) Соглашение между Республикой Узбекистан и Португальской Республикой об экономическом сотрудничестве, подписанное 23 сентября 2024 года в городе Нью-Йорке;

б) Соглашение между Правительством Республики Узбекистан и Правительством Словацкой Республики об экономическом сотрудничестве, подписанное 24 сентября 2024 года в городе Нью-Йорке;

в) Двустороннее инвестиционное соглашение между Правительством Республики Узбекистан и Правительством Республики Индия, подписанное 27 сентября 2024 года в городе Ташкенте.

2. Определить Министерство инвестиций, промышленности и торговли компетентным органом, ответственным за реализацию данных международных договоров.

3. Министерству иностранных дел направить зарубежным сторонам соответствующие уведомления о выполнении Республикой Узбекистан внутригосударственных процедур, необходимых для вступления в силу указанных международных договоров, а также компетентном органе, ответственном за их реализацию.

4. Кабинету Министров и руководителям соответствующих министерств и ведомств после вступления в силу указанных международных договоров в установленном порядке обеспечить контроль за выполнением их положений.

5. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

27 марта 2025 г.,

№ ПП-126

(Национальная база данных законодательства, 29.03.2025 г., № 07/25/126/0286)

lex.uz