UzbekAI

Ўзбекистон Республикаси Президентининг

қарори

ЎЗГАРТИРИШ ВА ҚЎШИМЧАЛАР

Қишлоқ хўжалигида ердан фойдаланиш самарадорлигини ошириш ва маҳсулот етиштириш ҳажмини кўпайтириш бўйича қўшимча чора-тадбирлар тўғрисида

[Кўчирма]

Қишлоқ хўжалигида ер ресурсларидан оқилона ва самарали фойдаланиш, бўш турган ер участкаларини тезроқ иқтисодий оборотга киритиш, қишлоқ хўжалиги маҳсулотлари ишлаб чиқарувчи хўжаликлар фаолиятини рағбатлантириш мақсадида қарор қиламан:

I. Мақсадлар

1. Ушбу қарорни қабул қилишдан кўзланган асосий мақсадлар этиб қуйидагилар белгилансин:

(а) туман ҳокимликлари тасарруфидаги бўш турган қишлоқ хўжалиги ерларида экин экиш ва маҳсулот етиштиришни ташкил этиш;

(б) чорвачилик учун озуқа экинлар етиштириш ҳажмини ошириш орқали гўшт ва сут маҳсулотлари нархларининг барқарорлигини таъминлаш;

(в) ердан самарали фойдаланишни иқтисодий механизмлар орқали рағбатлантириш, аҳоли бандлиги ва турмуш даражасини ошириш.

II. Электрон онлайн аукционлар ўтказиш бўйича янги тартиб-таомиллар

2. Белгилансинки, барча турдаги қишлоқ хўжалигига мўлжалланган ерларни ижарага беришда 2025 йил 11 мартдан жорий этилган тартибга мувофиқ:

(а) электрон онлайн аукцион савдосини ўтказиш тўғрисидаги хабарномани эълон қилиш муддати 15 кундан 5 кунга, такрорий савдоларда — 5 кундан 1 кунга қисқартирилади;

(б) такрорий савдоларда фақат бир нафар талабгордан ариза келиб тушган тақдирда, унга ушбу савдода эълон қилинган нархда лотни ихтиёрий сотиб олиш таклиф этилади;

(в) ҳар такрорий савдода лот нархи 10 фоиздан босқичма-босқич бошланғич нархнинг 10 фоизига тушганига қадар пасайтирилади.

3. 2025 йил 1 апрелдан бошлаб барча ҳудудларда қишлоқ хўжалигига мўлжалланган барча турдаги ерларни ижарага бериш бўйича ўтказиладиган электрон онлайн аукцион савдоларида ер участкасига ижара ҳуқуқини олиш учун тўловларни бўлиб-бўлиб тўлаш ва тўлов тўлиқ тўланганда чегирма бериш тартиби бекор қилинсин, ушбу тўловлар 15 иш куни ичида тўлиқ тўланиши шартлиги белгилансин (Ўзбекистон Республикаси Президентининг ҳужжатларида белгиланган ҳоллар бундан мустасно).

4. 2025-2026 йилларда Қорақалпоғистон Республикаси ва вилоятлар ҳудуди доирасида электрон онлайн аукцион савдоларига чиқариладиган қишлоқ хўжалигига мўлжалланган ерлар жами майдонининг ўртача 10 — 20 фоизи чорва учун озуқа экинларини экиш шарти билан савдога чиқарилсин.

III. Қайта ижара

5. Ушбу қарор кучга киргунига қадар ижарага берилган қишлоқ хўжалиги ерлари бўйича ижара муддатига тенг тақсимланадиган қўшимча тўловлар ёки ижарага олиш ҳуқуқини бўлиб-бўлиб тўлаш бўйича тўловлардан муддати ўтган қарздорлиги бўлган ижарачиларга:

(а) ер участкасидан ўзи фойдаланган муддатдан қатъи назар, туман ҳокими иштирокида уч томонлама шартнома асосида ерга бўлган ҳуқуқлари ва мажбуриятларини, шу жумладан, қўшимча тўловлар ва бўлиб-бўлиб тўлаш бўйича тўловларни тўлаб бориш мажбуриятини бошқа шахсга ўтказиш (қайта ижарага бериш) ҳуқуқи берилсин;

(б) агар улар деҳқон хўжалиги юритиш учун ер участкаларини олиш бўйича 2022 йил 1 январдан 2023 йил 15 апрелга қадар ўтказилган очиқ электрон танловларда ғолиб бўлган «Темир дафтар», «Аёллар дафтари», «Ёшлар дафтари»га киритилган фуқаролар ва меҳнат мигрантлари бўлса, ижара муддатига тенг тақсимланадиган қўшимча тўловлар миқдори ушбу ер участкаси норматив қийматининг бир баробарига ва бошқа шахслар учун ушбу ер участкаси норматив қийматининг тўрт баробарига тенг миқдорда белгилансин.

6. Суд ҳужжатлари ва бошқа органларнинг ҳужжатларини ижро этиш жараёнида ундирувни қарздорнинг қишлоқ хўжалигига мўлжалланган ер участкасини узоқ муддатга ижарага олиш ҳуқуқига қаратишда қуйидаги соддалаштирилган тартиб жорий этилсин:

(а) ундирувни ижара ҳуқуқига қаратиш учун туман (шаҳар) ҳокимининг — ижарага берувчининг розилиги талаб этилмайди;

(б) ижара ҳуқуқини баҳолаш талаб этилмайди, давлат ижрочиси Ўзбекистон Республикасининг «Суд ҳужжатлари ва бошқа органлар ҳужжатларини ижро этиш тўғрисида»ги Қонунига мувофиқ қарздорнинг мол-мулкини хатлаш ва реализация қилиш навбатига риоя қилган ҳолда ваколатли ташкилотлардан ер участкасининг норматив қийматини аниқлаб, унга тенг бўлган бошланғич нарх миқдорини мулкий ҳуқуқни хатлаш далолатномасида кўрсатади. Мулкий ҳуқуқни хатлаш далолатномаси давлат ижрочиси ва қарздор ўртасида ёзма равишда холислар иштирокида тузилади ва ушбу далолатнома электрон онлайн аукцион савдоларини ўтказиш учун буюртмага илова қилинади;

(в) электрон онлайн аукцион савдолари ушбу қарорнинг 2-банди талабларини инобатга олган ҳолда ўтказилади;

(г) электрон онлайн аукцион савдолари натижалари тўғрисидаги баённома ер ижараси шартномаси бўйича ҳуқуқлар ва мажбуриятлар қолган муддатга қарздордан аукцион ғолибига ўтганлигини — қайта ижарани давлат рўйхатидан ўтказиш учун асос ҳисобланади.

IV. Фермерларга имтиёзлар

7. Шундай тартиб ўрнатилсинки, унга мувофиқ 2025 йил ҳосилидан бошлаб ҳар йили пахтадан 50 центнер/гектар, ғалладан 80 центнер/гектардан юқори ҳосил олганини солиқ ҳисоботларида акс эттирган фермер хўжаликлари ва бошқа қишлоқ хўжалиги корхоналарига келгуси йилда:

(а) ижарага олинган жами ер майдонининг 25 фоизига алмашлаб экиш усулида чорва учун озуқа, сабзавот, полиз, картошка, мойли ва дуккакли экинларни экиш (жойлаштириш) кафолатланади;

(б) Ўзбекистон фермерлари кенгашига аъзолик бадали пахта хомашёси бўйича биржада эълон қилинадиган бошланғич нархдан ва доннинг шаклланган ўртача нархидан 0,3 фоиз миқдорида белгиланади;

(в) Ўзбекистон Республикаси Президентининг 2025 йил 3 февралдаги ПФ-18-сон Фармонининг 15-бандига мувофиқ ер солиғини ҳисоблашда базавий ставкага нисбатан мутаносиб равишда уч каррагача камайтирувчи коэффициентлар қўлланади.

8. Қуйидагилар:

(а) қишлоқ хўжалиги кооперативларига аъзо бўлган фермер хўжаликларининг 50 фоизидан ошмаган қисмига пахта етиштириш учун Қишлоқ хўжалигини давлат томонидан қўллаб-қувватлаш жамғармасининг ресурслари ҳисобидан 50 фоизлик мол-мулк гарови, хусусан, ерга ижара ҳуқуқи гарови билан имтиёзли кредит ажратишга рухсат этилсин, бунда ушбу кредит пахта хомашёсининг эълон қилинган бошланғич нархидан келиб чиқиб ажратилсин;

(б) қишлоқ хўжалиги кооперативларига аъзо бўлган фермер хўжаликлари етиштирган пахта хомашёсини тўғридан-тўғри харид қилишга рухсат берилсин, бунда тўғридан-тўғри шартномалар «Ўзбекистон республика товар-хом ашё биржаси» АЖнинг ахборот порталида тузилиши ва улар бўйича тўловлар биржанинг ҳисоб-китоб-клиринг операцияларини ўтказиш (тўлов ҳужжатларига мувофиқ пул ўтказиш) қоидалари асосида амалга оширилиши белгилансин.

9. Қишлоқ хўжалиги вазирлиги Солиқ қўмитаси ва Савдо-саноат палатаси билан биргаликда бир ой муддатда Тадбиркорлик субъектларининг барқарорлик рейтингини аниқлашда фермер хўжаликлари ва қишлоқ хўжалиги корхоналари учун ер участкасига бўлган ҳуқуқ тури, ишчилар сони, норматив ҳосилдорликка нисбатан етиштирилган ҳосил миқдори каби қўшимча мезонларни белгиласин.

10. Иқтисодиёт ва молия вазирлиги Қишлоқ хўжалиги вазирлиги билан биргаликда бир ой муддатда самарали фаолият кўрсатаётган фермер хўжаликлари ва қишлоқ хўжалиги корхоналарини рағбатлантириш чоралари бўйича норматив-ҳуқуқий ҳужжат лойиҳасини Вазирлар Маҳкамасига киритсин.

V. Қарор ижросини ташкил этиш ва назорат қилиш

11. Кадастр агентлиги:

(а) ҳар чорак якуни билан кейинги ойнинг бешинчи санасига қадар қишлоқ хўжалигига мўлжалланган бўш турган ер участкаларининг номма-ном рўйхатини Қорақалпоғистон Республикаси Вазирлар Кенгаши, вилоятлар ҳокимликлари, Қишлоқ хўжалиги вазирлиги ва Агросаноат мажмуи устидан назорат қилиш инспекциясига тақдим этиб борсин;

(б) Қишлоқ хўжалиги вазирлиги билан биргаликда 2025 йил 1 декабрга қадар Кадастр ва кўчмас мулкни рўйхатдан ўтказиш («Uzkad»), «Yer hisobot», «Agroplatforma.uz», «E-ijara» ахборот тизимларида қишлоқ хўжалигига мўлжалланган ерлар тўғрисидаги маълумотлар реал вақт режимида онлайн алмашинишини ва ўзаро мувофиқ бўлишини таъминласин.

12. Ветеринария ва чорвачиликни ривожлантириш қўмитаси:

(а) чорвачилик хўжаликларининг чорва учун озуқа экиладиган ер майдонларига бўлган эҳтиёжларини ўрганиб, бир ҳафта ичида, кейинчалик ҳар чоракда бу ҳақдаги маълумотни Қишлоқ хўжалиги вазирлигига тақдим этиб борсин;

(б) ўтказиладиган электрон онлайн аукцион савдолари ҳақида Давлат активларини бошқариш агентлиги билан биргаликда чорвачилик хўжаликларини дарҳол хабардор қилиб борсин.

13. Қорақалпоғистон Республикаси Вазирлар Кенгаши ва вилоятлар ҳокимликлари, Қишлоқ хўжалиги вазирлиги бир ой муддатда:

(а) қўшимча тўловлар ва бўлиб-бўлиб тўлаш бўйича тўловлардан муддати ўтган қарздорлиги бўлган ҳамда ердан самарали фойдаланмаётган ер ижарачилари рўйхатини шакллантирсин;

(б) самарали фойдаланилмаётган ерларни мазкур қарорда белгиланган тартибда қайтариб, электрон онлайн аукцион савдоларига чиқариш ёки қайта ижарага бериш чораларини кўрсин;

14. Бош прокуратура ҳузуридаги Мажбурий ижро бюроси:

(а) икки ҳафта муддатда қарздор қишлоқ хўжалигига мўлжалланган ер участкалари ижарачилари иштирокидаги ижро ишлари рўйхатини шакллантирсин;

(б) бир ой муддатда ушбу ишлар бўйича бошқа мулк ва мулкий ҳуқуқлар бўлмаган ҳолларда ер участкасига ижара ҳуқуқи хатланиши ва электрон онлайн аукцион савдоларига чиқарилишини таъминласин.

15. Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига иловага мувофиқ ўзгартириш ва қўшимчалар киритилсин.

16. Қишлоқ хўжалиги вазирлиги, Адлия вазирлиги икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

17. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосарлари Ж.А. Ходжаев ва Ж.А. Қўчқоров, Қорақалпоғистон Республикаси Вазирлар Кенгаши Раиси ва вилоятлар ҳокимлари белгилансин.

18. Қарор ижросини ҳар ойда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2025 йил 28 мартдаги ПҚ-131-сон қарорига ИЛОВА

Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига киритилаётган

1. Ўзбекистон Республикаси Президентининг 2018 йил 26 апрелдаги «Фермер, деҳқон хўжаликлари ва томорқа ер эгалари фаолиятини такомиллаштириш бўйича қўшимча чора-тадбирлар тўғрисида»ги ПҚ-3680-сон қарори 4-бандининг иккинчи хатбошиси қуйидаги таҳрирда баён этилсин:

«пахта ва ғалла етиштиришга ихтисослаштирилган фермер хўжаликлари томонидан етиштириладиган пахта хомашёси бўйича биржада эълон қилинадиган бошланғич нархдан ҳамда доннинг шаклланган ўртача нархидан 0,6 фоиз миқдорида, бунда 2025 йил ҳосилидан бошлаб пахтадан гектарига 50 центнердан ва ғалладан 80 центнердан юқори ҳосил олган фермер хўжаликлари учун 0,3 фоиз миқдорида».

3. Ўзбекистон Республикаси Президентининг 2025 йил 14 февралдаги «Uzagrostar xolding» компанияси фаолиятини ташкил этиш тўғрисида»ги ПҚ-57-сон қарорига 1-иловада :

(а) 11-позициянинг «Қамраб олинадиган туманлар» устуни «, Янгибозор, Гурлан» сўзлари билан тўлдирилсин;

(б) 14-позициянинг «Қамраб олинадиган туманлар» устуни «, Ҳазорасп, Янгиариқ» сўзлари билан тўлдирилсин.

5. Вазирлар Маҳкамасининг 2021 йил 24 ноябрдаги 709-сон қарори билан тасдиқланган Бўш турган қишлоқ хўжалигига мўлжалланган ер участкаларини қишлоқ хўжалиги мақсадлари учун электрон онлайн-аукцион савдо орқали ижарага бериш тартиби тўғрисидаги низомда :

(а) 16-банд қуйидаги таҳрирда баён этилсин:

«16. Оператор буюртмани олган кундан икки иш кунидан кечиктирмай, электрон онлайн аукцион савдо ўтказилиши тўғрисида хабарномани савдо платформасида эълон қилади. Бунда:

электрон онлайн аукцион савдоларини ўтказиш тўғрисидаги хабарномалар савдолар ўтказилишидан беш календарь куни ва такрорий савдоларда бир календарь куни олдин эълон қилинади;

такрорий савдоларда бир нафар талабгордан ариза келиб тушган тақдирда, унга ушбу савдода эълон қилинган нархда лотни ихтиёрий сотиб олиш таклиф этилади;

сотилмаган лот нархи ҳар такрорий савдода 10 фоиздан босқичма-босқич бошланғич нархнинг 20 фоизига тушганига қадар пасайтирилади»;

(б) 18-бандда :

биринчи хатбошидаги «Икки ёки ундан ортиқ» сўзлари «Деҳқон хўжалиги ташкил этиш учун икки ёки ундан ортиқ» сўзлари билан алмаштирилсин;

иккинчи хатбошидаги «Электрон онлайн-аукцион савдода» сўзлари «Деҳқон хўжалиги ташкил этиш учун электрон онлайн-аукцион савдода» сўзлари билан алмаштирилсин;

(в) 19-бандда :

биринчи хатбошидаги «қийматининг дастлабки 15 фоиз миқдори 10 иш куни ичида» сўзлари «қиймати 15 иш куни ичида» сўзлари билан алмаштирилсин;

иккинчи хатбошидан «ҳамда электрон онлайн-аукцион савдо ғолиби томонидан «бўлиб-бўлиб тўлаш» танланган тақдирда, тўлов графигига асосан тенг тақсимланади» сўзлари чиқариб ташлансин;

(г) 27-банднинг иккинчи хатбошиси қуйидаги мазмундаги жумла билан тўлдирилсин:

«Бунда мазкур маблағларнинг жами миқдори бир календарь йилда базавий ҳисоблаш миқдорининг юз минг бараваридан ошмаслиги лозим»;

(д) 28 ва 29-бандлар ўз кучини йўқотган деб ҳисоблансин.

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 28 март,

ПҚ-131-сон

(Қонунчилик маълумотлари миллий базаси, 31.03.2025 й., 07/25/131/0288-сон; 01.05.2026 й., 06/26/68/0435-сон)

lex.uz

Oʻzbekiston Respublikasi Prezidentining

qarori

OʻZGARTIRISH VA QOʻSHIMCHALAR

Qishloq xoʻjaligida yerdan foydalanish samaradorligini oshirish va mahsulot yetishtirish hajmini koʻpaytirish boʻyicha qoʻshimcha chora-tadbirlar toʻgʻrisida

[Koʻchirma]

Qishloq xoʻjaligida yer resurslaridan oqilona va samarali foydalanish, boʻsh turgan yer uchastkalarini tezroq iqtisodiy oborotga kiritish, qishloq xoʻjaligi mahsulotlari ishlab chiqaruvchi xoʻjaliklar faoliyatini ragʻbatlantirish maqsadida qaror qilaman:

I. Maqsadlar

1. Ushbu qarorni qabul qilishdan koʻzlangan asosiy maqsadlar etib quyidagilar belgilansin:

(a) tuman hokimliklari tasarrufidagi boʻsh turgan qishloq xoʻjaligi yerlarida ekin ekish va mahsulot yetishtirishni tashkil etish;

(b) chorvachilik uchun ozuqa ekinlar yetishtirish hajmini oshirish orqali goʻsht va sut mahsulotlari narxlarining barqarorligini taʼminlash;

(v) yerdan samarali foydalanishni iqtisodiy mexanizmlar orqali ragʻbatlantirish, aholi bandligi va turmush darajasini oshirish.

II. Elektron onlayn auksionlar oʻtkazish boʻyicha yangi tartib-taomillar

2. Belgilansinki, barcha turdagi qishloq xoʻjaligiga moʻljallangan yerlarni ijaraga berishda 2025-yil 11-martdan joriy etilgan tartibga muvofiq:

(a) elektron onlayn auksion savdosini oʻtkazish toʻgʻrisidagi xabarnomani eʼlon qilish muddati 15 kundan 5 kunga, takroriy savdolarda — 5 kundan 1 kunga qisqartiriladi;

(b) takroriy savdolarda faqat bir nafar talabgordan ariza kelib tushgan taqdirda, unga ushbu savdoda eʼlon qilingan narxda lotni ixtiyoriy sotib olish taklif etiladi;

(v) har takroriy savdoda lot narxi 10 foizdan bosqichma-bosqich boshlangʻich narxning 10 foiziga tushganiga qadar pasaytiriladi.

3. 2025-yil 1-apreldan boshlab barcha hududlarda qishloq xoʻjaligiga moʻljallangan barcha turdagi yerlarni ijaraga berish boʻyicha oʻtkaziladigan elektron onlayn auksion savdolarida yer uchastkasiga ijara huquqini olish uchun toʻlovlarni boʻlib-boʻlib toʻlash va toʻlov toʻliq toʻlanganda chegirma berish tartibi bekor qilinsin, ushbu toʻlovlar 15 ish kuni ichida toʻliq toʻlanishi shartligi belgilansin (Oʻzbekiston Respublikasi Prezidentining hujjatlarida belgilangan hollar bundan mustasno).

4. 2025-2026-yillarda Qoraqalpogʻiston Respublikasi va viloyatlar hududi doirasida elektron onlayn auksion savdolariga chiqariladigan qishloq xoʻjaligiga moʻljallangan yerlar jami maydonining oʻrtacha 10 — 20 foizi chorva uchun ozuqa ekinlarini ekish sharti bilan savdoga chiqarilsin.

III. Qayta ijara

5. Ushbu qaror kuchga kirguniga qadar ijaraga berilgan qishloq xoʻjaligi yerlari boʻyicha ijara muddatiga teng taqsimlanadigan qoʻshimcha toʻlovlar yoki ijaraga olish huquqini boʻlib-boʻlib toʻlash boʻyicha toʻlovlardan muddati oʻtgan qarzdorligi boʻlgan ijarachilarga:

(a) yer uchastkasidan oʻzi foydalangan muddatdan qatʼi nazar, tuman hokimi ishtirokida uch tomonlama shartnoma asosida yerga boʻlgan huquqlari va majburiyatlarini, shu jumladan, qoʻshimcha toʻlovlar va boʻlib-boʻlib toʻlash boʻyicha toʻlovlarni toʻlab borish majburiyatini boshqa shaxsga oʻtkazish (qayta ijaraga berish) huquqi berilsin;

(b) agar ular dehqon xoʻjaligi yuritish uchun yer uchastkalarini olish boʻyicha 2022-yil 1-yanvardan 2023-yil 15-aprelga qadar oʻtkazilgan ochiq elektron tanlovlarda gʻolib boʻlgan “Temir daftar”, “Ayollar daftari”, “Yoshlar daftari”ga kiritilgan fuqarolar va mehnat migrantlari boʻlsa, ijara muddatiga teng taqsimlanadigan qoʻshimcha toʻlovlar miqdori ushbu yer uchastkasi normativ qiymatining bir barobariga va boshqa shaxslar uchun ushbu yer uchastkasi normativ qiymatining toʻrt barobariga teng miqdorda belgilansin.

6. Sud hujjatlari va boshqa organlarning hujjatlarini ijro etish jarayonida undiruvni qarzdorning qishloq xoʻjaligiga moʻljallangan yer uchastkasini uzoq muddatga ijaraga olish huquqiga qaratishda quyidagi soddalashtirilgan tartib joriy etilsin:

(a) undiruvni ijara huquqiga qaratish uchun tuman (shahar) hokimining — ijaraga beruvchining roziligi talab etilmaydi;

(b) ijara huquqini baholash talab etilmaydi, davlat ijrochisi Oʻzbekiston Respublikasining “Sud hujjatlari va boshqa organlar hujjatlarini ijro etish toʻgʻrisida”gi Qonuniga muvofiq qarzdorning mol-mulkini xatlash va realizatsiya qilish navbatiga rioya qilgan holda vakolatli tashkilotlardan yer uchastkasining normativ qiymatini aniqlab, unga teng boʻlgan boshlangʻich narx miqdorini mulkiy huquqni xatlash dalolatnomasida koʻrsatadi. Mulkiy huquqni xatlash dalolatnomasi davlat ijrochisi va qarzdor oʻrtasida yozma ravishda xolislar ishtirokida tuziladi va ushbu dalolatnoma elektron onlayn auksion savdolarini oʻtkazish uchun buyurtmaga ilova qilinadi;

(v) elektron onlayn auksion savdolari ushbu qarorning 2-bandi talablarini inobatga olgan holda oʻtkaziladi;

(g) elektron onlayn auksion savdolari natijalari toʻgʻrisidagi bayonnoma yer ijarasi shartnomasi boʻyicha huquqlar va majburiyatlar qolgan muddatga qarzdordan auksion gʻolibiga oʻtganligini — qayta ijarani davlat roʻyxatidan oʻtkazish uchun asos hisoblanadi.

IV. Fermerlarga imtiyozlar

7. Shunday tartib oʻrnatilsinki, unga muvofiq 2025-yil hosilidan boshlab har yili paxtadan 50 sentner/gektar, gʻalladan 80 sentner/gektardan yuqori hosil olganini soliq hisobotlarida aks ettirgan fermer xoʻjaliklari va boshqa qishloq xoʻjaligi korxonalariga kelgusi yilda:

(a) ijaraga olingan jami yer maydonining 25 foiziga almashlab ekish usulida chorva uchun ozuqa, sabzavot, poliz, kartoshka, moyli va dukkakli ekinlarni ekish (joylashtirish) kafolatlanadi;

(b) Oʻzbekiston fermerlari kengashiga aʼzolik badali paxta xomashyosi boʻyicha birjada eʼlon qilinadigan boshlangʻich narxdan va donning shakllangan oʻrtacha narxidan 0,3 foiz miqdorida belgilanadi;

(v) Oʻzbekiston Respublikasi Prezidentining 2025-yil 3-fevraldagi PF-18-son Farmonining 15-bandiga muvofiq yer soligʻini hisoblashda bazaviy stavkaga nisbatan mutanosib ravishda uch karragacha kamaytiruvchi koeffitsiyentlar qoʻllanadi.

8. Quyidagilar:

(a) qishloq xoʻjaligi kooperativlariga aʼzo boʻlgan fermer xoʻjaliklarining 50 foizidan oshmagan qismiga paxta yetishtirish uchun Qishloq xoʻjaligini davlat tomonidan qoʻllab-quvvatlash jamgʻarmasining resurslari hisobidan 50 foizlik mol-mulk garovi, xususan, yerga ijara huquqi garovi bilan imtiyozli kredit ajratishga ruxsat etilsin, bunda ushbu kredit paxta xomashyosining eʼlon qilingan boshlangʻich narxidan kelib chiqib ajratilsin;

(b) qishloq xoʻjaligi kooperativlariga aʼzo boʻlgan fermer xoʻjaliklari yetishtirgan paxta xomashyosini toʻgʻridan-toʻgʻri xarid qilishga ruxsat berilsin, bunda toʻgʻridan-toʻgʻri shartnomalar “Oʻzbekiston respublika tovar-xom ashyo birjasi” AJning axborot portalida tuzilishi va ular boʻyicha toʻlovlar birjaning hisob-kitob-kliring operatsiyalarini oʻtkazish (toʻlov hujjatlariga muvofiq pul oʻtkazish) qoidalari asosida amalga oshirilishi belgilansin.

9. Qishloq xoʻjaligi vazirligi Soliq qoʻmitasi va Savdo-sanoat palatasi bilan birgalikda bir oy muddatda Tadbirkorlik subyektlarining barqarorlik reytingini aniqlashda fermer xoʻjaliklari va qishloq xoʻjaligi korxonalari uchun yer uchastkasiga boʻlgan huquq turi, ishchilar soni, normativ hosildorlikka nisbatan yetishtirilgan hosil miqdori kabi qoʻshimcha mezonlarni belgilasin.

10. Iqtisodiyot va moliya vazirligi Qishloq xoʻjaligi vazirligi bilan birgalikda bir oy muddatda samarali faoliyat koʻrsatayotgan fermer xoʻjaliklari va qishloq xoʻjaligi korxonalarini ragʻbatlantirish choralari boʻyicha normativ-huquqiy hujjat loyihasini Vazirlar Mahkamasiga kiritsin.

V. Qaror ijrosini tashkil etish va nazorat qilish

11. Kadastr agentligi:

(a) har chorak yakuni bilan keyingi oyning beshinchi sanasiga qadar qishloq xoʻjaligiga moʻljallangan boʻsh turgan yer uchastkalarining nomma-nom roʻyxatini Qoraqalpogʻiston Respublikasi Vazirlar Kengashi, viloyatlar hokimliklari, Qishloq xoʻjaligi vazirligi va Agrosanoat majmui ustidan nazorat qilish inspeksiyasiga taqdim etib borsin;

(b) Qishloq xoʻjaligi vazirligi bilan birgalikda 2025-yil 1-dekabrga qadar Kadastr va koʻchmas mulkni roʻyxatdan oʻtkazish (“Uzkad”), “Yer hisobot”, “Agroplatforma.uz”, “E-ijara” axborot tizimlarida qishloq xoʻjaligiga moʻljallangan yerlar toʻgʻrisidagi maʼlumotlar real vaqt rejimida onlayn almashinishini va oʻzaro muvofiq boʻlishini taʼminlasin.

12. Veterinariya va chorvachilikni rivojlantirish qoʻmitasi:

(a) chorvachilik xoʻjaliklarining chorva uchun ozuqa ekiladigan yer maydonlariga boʻlgan ehtiyojlarini oʻrganib, bir hafta ichida, keyinchalik har chorakda bu haqdagi maʼlumotni Qishloq xoʻjaligi vazirligiga taqdim etib borsin;

(b) oʻtkaziladigan elektron onlayn auksion savdolari haqida Davlat aktivlarini boshqarish agentligi bilan birgalikda chorvachilik xoʻjaliklarini darhol xabardor qilib borsin.

13. Qoraqalpogʻiston Respublikasi Vazirlar Kengashi va viloyatlar hokimliklari, Qishloq xoʻjaligi vazirligi bir oy muddatda:

(a) qoʻshimcha toʻlovlar va boʻlib-boʻlib toʻlash boʻyicha toʻlovlardan muddati oʻtgan qarzdorligi boʻlgan hamda yerdan samarali foydalanmayotgan yer ijarachilari roʻyxatini shakllantirsin;

(b) samarali foydalanilmayotgan yerlarni mazkur qarorda belgilangan tartibda qaytarib, elektron onlayn auksion savdolariga chiqarish yoki qayta ijaraga berish choralarini koʻrsin;

14. Bosh prokuratura huzuridagi Majburiy ijro byurosi:

(a) ikki hafta muddatda qarzdor qishloq xoʻjaligiga moʻljallangan yer uchastkalari ijarachilari ishtirokidagi ijro ishlari roʻyxatini shakllantirsin;

(b) bir oy muddatda ushbu ishlar boʻyicha boshqa mulk va mulkiy huquqlar boʻlmagan hollarda yer uchastkasiga ijara huquqi xatlanishi va elektron onlayn auksion savdolariga chiqarilishini taʼminlasin.

15. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga ilovaga muvofiq oʻzgartirish va qoʻshimchalar kiritilsin.

16. Qishloq xoʻjaligi vazirligi, Adliya vazirligi ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

17. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosarlari J.A. Xodjayev va J.A. Qoʻchqorov, Qoraqalpogʻiston Respublikasi Vazirlar Kengashi Raisi va viloyatlar hokimlari belgilansin.

18. Qaror ijrosini har oyda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2025-yil 28-martdagi PQ-131-son qaroriga ILOVA

Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga kiritilayotgan

1. Oʻzbekiston Respublikasi Prezidentining 2018-yil 26-apreldagi “Fermer, dehqon xoʻjaliklari va tomorqa yer egalari faoliyatini takomillashtirish boʻyicha qoʻshimcha chora-tadbirlar toʻgʻrisida”gi PQ-3680-son qarori 4-bandining ikkinchi xatboshisi quyidagi tahrirda bayon etilsin:

“paxta va gʻalla yetishtirishga ixtisoslashtirilgan fermer xoʻjaliklari tomonidan yetishtiriladigan paxta xomashyosi boʻyicha birjada eʼlon qilinadigan boshlangʻich narxdan hamda donning shakllangan oʻrtacha narxidan 0,6 foiz miqdorida, bunda 2025-yil hosilidan boshlab paxtadan gektariga 50 sentnerdan va gʻalladan 80 sentnerdan yuqori hosil olgan fermer xoʻjaliklari uchun 0,3 foiz miqdorida”.

3. Oʻzbekiston Respublikasi Prezidentining 2025-yil 14-fevraldagi “Uzagrostar xolding” kompaniyasi faoliyatini tashkil etish toʻgʻrisida”gi PQ-57-son qaroriga 1-ilovada :

(a) 11-pozitsiyaning “Qamrab olinadigan tumanlar” ustuni “, Yangibozor, Gurlan” soʻzlari bilan toʻldirilsin;

(b) 14-pozitsiyaning “Qamrab olinadigan tumanlar” ustuni “, Hazorasp, Yangiariq” soʻzlari bilan toʻldirilsin.

5. Vazirlar Mahkamasining 2021-yil 24-noyabrdagi 709-son qarori bilan tasdiqlangan Boʻsh turgan qishloq xoʻjaligiga moʻljallangan yer uchastkalarini qishloq xoʻjaligi maqsadlari uchun elektron onlayn-auksion savdo orqali ijaraga berish tartibi toʻgʻrisidagi nizomda :

(a) 16-band quyidagi tahrirda bayon etilsin:

“16. Operator buyurtmani olgan kundan ikki ish kunidan kechiktirmay, elektron onlayn auksion savdo oʻtkazilishi toʻgʻrisida xabarnomani savdo platformasida eʼlon qiladi. Bunda:

elektron onlayn auksion savdolarini oʻtkazish toʻgʻrisidagi xabarnomalar savdolar oʻtkazilishidan besh kalendar kuni va takroriy savdolarda bir kalendar kuni oldin eʼlon qilinadi;

takroriy savdolarda bir nafar talabgordan ariza kelib tushgan taqdirda, unga ushbu savdoda eʼlon qilingan narxda lotni ixtiyoriy sotib olish taklif etiladi;

sotilmagan lot narxi har takroriy savdoda 10 foizdan bosqichma-bosqich boshlangʻich narxning 20 foiziga tushganiga qadar pasaytiriladi”;

(b) 18-bandda :

birinchi xatboshidagi “Ikki yoki undan ortiq” soʻzlari “Dehqon xoʻjaligi tashkil etish uchun ikki yoki undan ortiq” soʻzlari bilan almashtirilsin;

ikkinchi xatboshidagi “Elektron onlayn-auksion savdoda” soʻzlari “Dehqon xoʻjaligi tashkil etish uchun elektron onlayn-auksion savdoda” soʻzlari bilan almashtirilsin;

(v) 19-bandda :

birinchi xatboshidagi “qiymatining dastlabki 15 foiz miqdori 10 ish kuni ichida” soʻzlari “qiymati 15 ish kuni ichida” soʻzlari bilan almashtirilsin;

ikkinchi xatboshidan “hamda elektron onlayn-auksion savdo gʻolibi tomonidan “boʻlib-boʻlib toʻlash” tanlangan taqdirda, toʻlov grafigiga asosan teng taqsimlanadi” soʻzlari chiqarib tashlansin;

(g) 27-bandning ikkinchi xatboshisi quyidagi mazmundagi jumla bilan toʻldirilsin:

“Bunda mazkur mablagʻlarning jami miqdori bir kalendar yilda bazaviy hisoblash miqdorining yuz ming baravaridan oshmasligi lozim”;

(d) 28 va 29-bandlar oʻz kuchini yoʻqotgan deb hisoblansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 28-mart,

PQ-131-son

(Qonunchilik maʼlumotlari milliy bazasi, 31.03.2025-y., 07/25/131/0288-son; 01.05.2026-y., 06/26/68/0435-son)

lex.uz

Президента Республики Узбекистан

Постановление

ИЗМЕНЕНИЯ И ДОПОЛНЕНИЯ,

О дополнительных мерах по повышению эффективности землепользования и увеличению объема выращивания продукции в сельском хозяйстве

[Извлечение]

В целях рационального и эффективного использования земельных ресурсов в сельском хозяйстве, ускорения введения в экономический оборот пустующих земельных участков, а также стимулирования деятельности хозяйств — производителей сельскохозяйственной продукции постановляю:

I. Цели

1. Определить основными целями принятия настоящего постановления:

(а) организацию посадки культур и выращивания продукции на пустующих сельскохозяйственных землях, находящихся в ведении хокимиятов районов;

(б) обеспечение стабильности цен на мясную и молочную продукцию путем увеличения объема выращивания кормовых культур для животноводства;

(в) стимулирование эффективного использования земель посредством экономических механизмов, повышение занятости и уровня жизни населения.

II. Новые процедуры проведения электронных онлайн-аукционов

2. Установить, что при передаче в аренду всех видов земель сельскохозяйственного назначения в соответствии с порядком, внедренным с 11 марта 2025 года:

(а) сроки опубликования сообщения о проведении электронных онлайн-аукционных торгов сокращаются с 15 дней до 5 дней, повторных торгов — с 5 дней до 1 дня;

(б) на повторных торгах в случае поступления заявления только от одного претендента ему предлагается добровольно купить лот по цене, объявленной в данных торгах;

(в) на каждых повторных торгах цена лота снижается с 10 процентов поэтапно до понижения его стартовой цены до 10 процентов.

3. Начиная с 1 апреля 2025 года отменить порядок предоставления рассрочки платежа и скидок при полной оплате в электронных онлайн-аукционных торгах по передаче в аренду всех видов земель сельскохозяйственного назначения во всех регионах, установив, что данные платежи должны быть оплачены в полном объеме в течение 15 рабочих дней (за исключением случаев, установленных документами Президента Республики Узбекистан).

4. В 2025-2026 годах выставить на электронные онлайн-аукционные торги в среднем 10 — 20 процентов общей площади земель сельскохозяйственного назначения, выставляемых на торги в пределах территорий Республики Каракалпакстан и областей, с условием посадки на них кормовых культур для скота.

III. Перенаем

5. Арендаторам, имеющим просроченную задолженность по распределяемым соразмерно сроку аренды дополнительным платежам либо подлежащим осуществлению в рассрочку платежам за право аренды сельскохозяйственных земель, переданных в аренду до вступления в силу настоящего постановления:

(а) предоставить право передачи (перенайма) другим лицам своих прав на земельный участок и обязательств, включая обязательство осуществления дополнительных платежей и платежей в рассрочку, на основании трехстороннего договора с участием хокима района, независимо от срока пользования ими земельным участком;

(б) из числа граждан, включенных в «Железную тетрадь», «Женскую тетрадь», «Молодежную тетрадь», и трудовых мигрантов, ставших победителями проведенного с 1 января 2022 года по 15 апреля 2023 года открытого электронного конкурса на получение земельных участков для ведения ими дехканского хозяйства, установить размер дополнительных платежей, распределяемых соразмерно сроку аренды, равный однократному размеру нормативной стоимости этого земельного участка, для других лиц — четырехкратному размеру нормативной стоимости этого земельного участка.

6. В процессе исполнения судебных актов и актов иных органов при обращении взыскания на право долгосрочной аренды земельного участка сельскохозяйственного назначения задолжника внедрить упрощенный порядок, в соответствии с которым:

(а) для обращения взыскания на право аренды согласие хокима района (города) — арендодателя не требуется;

(б) оценка права аренды не требуется, при этом государственный исполнитель в соответствии с Законом Республики Узбекистан «Об исполнении судебных актов и актов иных органов», соблюдая очередность наложения ареста и реализации имущества должника, уточняет нормативную стоимость земельного участка у уполномоченных организаций и указывает в акте об аресте имущественного права размер стартовой цены, равный этой стоимости. Акт об аресте имущественного права составляется в письменной форме между государственным исполнителем и должником в присутствии понятых, и данный акт прилагается к заявке на проведение электронных онлайн-аукционных торгов;

(в) электронные онлайн-аукционные торги проводятся с учетом требований пункта 2 настоящего постановления;

(г) протокол о результатах электронных онлайн-аукционных торгов является основанием для передачи прав и обязательств по договору аренды земельного участка от задолжника победителю аукциона на оставшийся срок — для государственной регистрации перенайма.

IV. Льготы фермерам

7. Установить порядок, в соответствии с которым начиная с урожая 2025 года фермерским хозяйствам и другим сельскохозяйственным предприятиям, ежегодно отображающим в налоговых отчетах полученные ими урожаи хлопка более 50 центнеров с гектара, зерна — свыше 80 центнеров с гектара, в следующем году:

(а) гарантируется посадка (размещение) картофеля, овощных, бахчевых, масличных, бобовых и кормовых культур для скота методом севооборота на 25 процентах арендованной общей земельной площади;

(б) членские взносы в Совет фермеров Узбекистана устанавливаются в размере 0,3 процента объявленной на бирже стартовой цены на хлопок-сырец и сформировавшейся на бирже средней цены на зерно;

(в) при исчислении земельного налога применяются понижающие до трехкратного размера коэффициенты пропорционально базовой ставке в соответствии с пунктом 15 Указа Президента Республики Узбекистан от 3 февраля 2025 года № УП-18.

8. Разрешить:

(а) выделение льготных кредитов не более 50 процентам фермерских хозяйств, являющихся членами сельскохозяйственных кооперативов под 50-процентный залог имущества, в частности под залог права аренды на землю за счет ресурсов Фонда государственной поддержки сельского хозяйства для выращивания хлопка, при этом выделять данные кредиты исходя из объявленной стартовой цены на хлопок-сырец;

(б) напрямую закупать хлопок-сырец, выращенный фермерскими хозяйствами, являющимися членами сельскохозяйственных кооперативов, при этом установить, что прямые договора заключаются на информационном портале АО «Узбекская Республиканская товарно-сырьевая биржа» и платежи по ним производятся по правилам осуществления расчетно-клиринговых операций (перечисления денежных средств в соответствии с платежными документами) биржи.

9. Министерству сельского хозяйства совместно с Налоговым комитетом и Торгово-промышленной палатой в месячный срок установить дополнительные критерии определения Рейтинга устойчивости субъектов предпринимательства для фермерских хозяйств и сельскохозяйственных предприятий, такие как вид права на земельный участок, численность работников, объем выращенного урожая по отношению к нормативной урожайности.

10. Министерству экономики и финансов совместно с Министерством сельского хозяйства в месячный срок внести в Кабинет Министров проект нормативно-правового акта по мерам стимулирования фермерских хозяйств и сельскохозяйственных предприятий, осуществляющих эффективную деятельность.

V. Организация и контроль исполнения постановления

11. Агентству по кадастру:

(а) регулярно в срок до пятого числа месяца, следующего за отчетным кварталом, вносить поименный перечень пустующих земельных участков сельскохозяйственного назначения в Совет Министров Республики Каракалпакстан, хокимияты областей, Министерство сельского хозяйства и Инспекцию по контролю за агропромышленным комплексом;

(б) совместно с Министерством сельского хозяйства в срок до 1 декабря 2025 года обеспечить онлайн-обмен в режиме реального времени и приведение во взаимное соответствие данных по земельным участкам сельскохозяйственного назначения в информационных системах Кадастра и регистрации недвижимости (UZKAD), «Yer hisobot», «Аgroplatforma.uz», «E-ijara».

12. Комитету ветеринарии и развития животноводства:

(а) изучить потребность животноводческих хозяйств в земельных площадях под посадку кормовых культур для скота и в недельный срок представить в Министерство сельского хозяйства информацию об этом, в дальнейшем — представлять ее ежеквартально;

(б) совместно с Агентством по управлению государственными активами незамедлительно оповещать животноводческие хозяйства о проведении электронных онлайн-аукционных торгов.

13. Совету Министров Республики Каракалпакстан и хокимиятам областей, Министерству сельского хозяйства в месячный срок:

(а) составить перечень арендаторов земельных участков, имеющих просроченную задолженность по осуществлению дополнительных платежей и платежей в рассрочку, а также неэффективно использующих земельные участки;

(б) принять меры по возврату в порядке, установленном настоящим постановлением, выставлению на электронные онлайн-аукционные торги либо перенайму неэффективно используемых земельных участков;

14. Бюро принудительного исполнения при Генеральной прокуратуре:

(а) в двухнедельный срок составить перечень исполнительных дел с участием задолжников-арендаторов земельных участков сельскохозяйственного назначения;

(б) в месячный срок по указанным делам в случае отсутствия другого имущества и имущественных прав обеспечить арест и выставление на электронные онлайн-аукционные торги права аренды земельных участков.

15. Внести изменения и дополнения в некоторые постановления Президента Республики Узбекистан и Правительства Республики Узбекистан согласно приложению .

16. Министерству сельского хозяйства, Министерству юстиции в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

17. Возложить на заместителей Премьер-министра Ж.А. Ходжаева и Д.А. Кучкарова, Председателя Совета Министров Республики Каракалпакстан и хокимов областей персональную ответственность за эффективную организацию исполнения настоящего постановления.

18. Ежемесячное обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.

ПРИЛОЖЕНИЕ к постановлению Президента Республики Узбекистан от 28 марта 2025 года № ПП-131

вносимые в некоторые постановления Президента Республики Узбекистан и Правительства Республики Узбекистан

1. Абзац второй пункта 4 постановления Президента Республики Узбекистан от 26 апреля 2018 года № ПП-3680 «О дополнительных мерах по совершенствованию деятельности фермерских, дехканских хозяйств и владельцев приусадебных земель» изложить в следующей редакции:

«для фермерских хозяйств, специализирующихся на производстве хлопка и зерна, в размере 0,6 процента от стартовой цены, объявляемой на бирже по хлопку-сырцу, выращиваемому фермерскими хозяйствами, и от сформированной средней цены зерна, при этом начиная с урожая 2025 года для фермерских хозяйств, получивших с одного гектара свыше 50 центнеров хлопка и свыше 80 центнеров зерна, — в размере 0,3 процента».

3. В тексте на государственном языке приложения № 1 к постановлению Президента Республики Узбекистан от 14 февраля 2025 года № ПП-57 «Об организации деятельности Компании «Uzagrostar xolding»:

(а) в графе «Қамраб олинадиган туманлар» позиции 11 дополнить словами «, Янгибозор, Гурлан»;

(б) в графе «Қамраб олинадиган туманлар» позиции 14 дополнить словами «, Ҳазорасп, Янгиариқ».

5. В тексте на государственном языке Положения о порядке предоставления в аренду пустующих земельных участков сельскохозяйственного назначения посредством электронных онлайн-аукционных торгов в сельскохозяйственных целях, утвержденного постановлением Кабинета Министров от 24 ноября 2021 года № 709:

(а) пункт 16 изложить в следующей редакции:

«16. Оператор буюртмани олган кундан икки иш кунидан кечиктирмай, электрон онлайн аукцион савдо ўтказилиши тўғрисида хабарномани савдо платформасида эълон қилади. Бунда:

электрон онлайн аукцион савдоларини ўтказиш тўғрисидаги хабарномалар савдолар ўтказилишидан беш календарь куни ва такрорий савдоларда бир календарь куни олдин эълон қилинади;

такрорий савдоларда бир нафар талабгордан ариза келиб тушган тақдирда, унга ушбу савдода эълон қилинган нархда лотни ихтиёрий сотиб олиш таклиф этилади;

сотилмаган лот нархи ҳар такрорий савдода 10 фоиздан босқичма-босқич бошланғич нархнинг 20 фоизига тушганига қадар пасайтирилади»;

(б) в пункте 18 :

в абзаце первом слова «Икки ёки ундан ортиқ» заменить словами «Деҳқон хўжалиги ташкил этиш учун икки ёки ундан ортиқ»;

в абзаце втором слова «Электрон онлайн-аукцион савдода» заменить словами «Деҳқон хўжалиги ташкил этиш учун электрон онлайн-аукцион савдода»;

(в) в пункте 19 :

в абзаце первом слова «қийматининг дастлабки 15 фоиз миқдори 10 иш куни ичида» заменить словами «қиймати 15 иш куни ичида»;

из абзаца второго слова «ҳамда электрон онлайн-аукцион савдо ғолиби томонидан «бўлиб-бўлиб тўлаш» танланган тақдирда, тўлов графигига асосан тенг тақсимланади» исключить;

(г) абзац второй пункта 27 дополнить предложением следующего содержания:

«Бунда мазкур маблағларнинг жами миқдори бир календарь йилда базавий ҳисоблаш миқдорининг юз минг бараваридан ошмаслиги лозим»;

(д) пункты 28 и 29 признать утратившими силу.

Президент Республики Узбекистан Ш. МИРЗИЁЕВ

г. Ташкент,

28 марта 2025 г.,

№ ПП-131

(Национальная база данных законодательства, 31.03.2025 г., № 07/25/131/0288)

lex.uz