UzbekAI

ЎЗБЕКИСТОН РЕСПУБЛИКАСИ ИҚТИСОДИЁТ ВА МОЛИЯ ВАЗИРЛИГИ ЎЗБЕКИСТОН РЕСПУБЛИКАСИ ИЧКИ ИШЛАР ВАЗИРЛИГИНИНГ

қарори

Божхона чегарасидан олиб ўтилаётган автотранспорт воситаларини божхона расмийлаштирувидан ўтказиш тартиби тўғрисидаги низомга қўшимчалар ва ўзгартириш киритиш ҳақида

Ўзбекистон Республикаси Вазирлар Маҳкамасининг 2024 йил 4 октябрдаги 630-сон « Божхона тартиб-таомиллари янада такомиллаштирилганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида »ги ва 2024 йил 26 ноябрдаги 787-сон « Махсус электрон тизим орқали рухсат этиш хусусиятига эга айрим ҳужжатларни бериш соҳасидаги қонунчилик ҳужжатлари тизимлаштирилиши муносабати билан Вазирлар Маҳкамасининг «Халқаро йўлларда ташиш дафтарчасини қўллаган ҳолда юкларни халқаро ташиш соҳасидаги айрим норматив-ҳуқуқий ҳужжатларни тасдиқлаш тўғрисида» 2021 йил 2 декабрдаги 727-сон қарорига ўзгартириш ва қўшимчалар киритиш тўғрисида »ги қарорларига мувофиқ Ўзбекистон Республикаси Иқтисодиёт ва молия вазирлиги ҳамда Ички ишлар вазирлиги қарор қилади:

1. Ўзбекистон Республикаси Давлат божхона қўмитаси ва Ички ишлар вазирлигининг 2010 йил 28 октябрдаги 01-02/12-8, 20-сон қарори (рўйхат рақами 2156, 2010 йил 19 ноябрь) (Ўзбекистон Республикаси қонун ҳужжатлари тўплами, 2010 й., 47-сон, 439-модда) билан тасдиқланган Божхона чегарасидан олиб ўтилаётган автотранспорт воситаларини божхона расмийлаштирувидан ўтказиш тартиби тўғрисидаги низомга иловага мувофиқ қўшимчалар ва ўзгартириш киритилсин.

2. Мазкур қарор расмий эълон қилинган кундан эътиборан кучга киради.

Ўзбекистон Республикаси Иқтисодиёт ва молия вазирлигининг 2025 йил 19 мартдаги 241-сон ҳамда Ички ишлар вазирлигининг 2025 йил 17 мартдаги 10-сон қарорига ИЛОВА

Божхона чегарасидан олиб ўтилаётган автотранспорт воситаларини божхона расмийлаштирувидан ўтказиш тартиби тўғрисидаги низомга киритилаётган қўшимчалар ва ўзгартириш

1. 26 , 54 ва 57 1 -бандлар «эркин муомалага чиқариш» деган сўзлардан кейин «(импорт)» деган сўз билан тўлдирилсин.

2. 52-банднинг биринчи хатбошиси қуйидаги таҳрирда баён этилсин:

«52. Товар сифатида олиб кирилган автотранспорт воситаси «эркин муомалага чиқариш (импорт)» ёки «вақтинча олиб кириш» божхона режимига расмийлаштирилгандан сўнг, ТИФ божхона пости томонидан ушбу Низомнинг 5-иловасига мувофиқ Давлат божхона хизматининг ҳудудий органи томонидан ДЙҲХХнинг ҳудудий органларига электрон тарзда тақдим қилинадиган маълумотлар (кейинги ўринларда электрон маълумотлар деб юритилади) Божхона қўмитасининг электрон базаси орқали шакллантирилади ва ДЙҲХХга реал вақт режимида юборилади».

3. 57-банд «Эркин муомалага чиқариш» деган сўзлардан кейин «(импорт)» деган сўз билан тўлдирилсин.

Иқтисодиёт ва молия вазири Д. КУЧКАРОВ

Ички ишлар вазири А. ТАШПУЛАТОВ

Тошкент ш.,

2025 йил 19 март,

Тошкент ш.,

2025 йил 17 март,

241-сон

10-сон

(Қонунчилик маълумотлари миллий базаси, 01.04.2025 й., 10/25/2156-6/0292-сон)

OʻZBEKISTON RESPUBLIKASI IQTISODIYOT VA MOLIYA VAZIRLIGI OʻZBEKISTON RESPUBLIKASI ICHKI ISHLAR VAZIRLIGINING

qarori

Bojxona chegarasidan olib oʻtilayotgan avtotransport vositalarini bojxona rasmiylashtiruvidan oʻtkazish tartibi toʻgʻrisidagi nizomga qoʻshimchalar va oʻzgartirish kiritish haqida

Oʻzbekiston Respublikasi Vazirlar Mahkamasining 2024-yil 4-oktabrdagi 630-son “ Bojxona tartib-taomillari yanada takomillashtirilganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida ”gi va 2024-yil 26-noyabrdagi 787-son “ Maxsus elektron tizim orqali ruxsat etish xususiyatiga ega ayrim hujjatlarni berish sohasidagi qonunchilik hujjatlari tizimlashtirilishi munosabati bilan Vazirlar Mahkamasining “Xalqaro yoʻllarda tashish daftarchasini qoʻllagan holda yuklarni xalqaro tashish sohasidagi ayrim normativ-huquqiy hujjatlarni tasdiqlash toʻgʻrisida” 2021-yil 2-dekabrdagi 727-son qaroriga oʻzgartirish va qoʻshimchalar kiritish toʻgʻrisida ”gi qarorlariga muvofiq Oʻzbekiston Respublikasi Iqtisodiyot va moliya vazirligi hamda Ichki ishlar vazirligi qaror qiladi:

1. Oʻzbekiston Respublikasi Davlat bojxona qoʻmitasi va Ichki ishlar vazirligining 2010-yil 28-oktabrdagi 01-02/12-8, 20-son qarori (roʻyxat raqami 2156, 2010-yil 19-noyabr) (Oʻzbekiston Respublikasi qonun hujjatlari toʻplami, 2010-y., 47-son, 439-modda) bilan tasdiqlangan Bojxona chegarasidan olib oʻtilayotgan avtotransport vositalarini bojxona rasmiylashtiruvidan oʻtkazish tartibi toʻgʻrisidagi nizomga ilovaga muvofiq qoʻshimchalar va oʻzgartirish kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Oʻzbekiston Respublikasi Iqtisodiyot va moliya vazirligining 2025-yil 19-martdagi 241-son hamda Ichki ishlar vazirligining 2025-yil 17-martdagi 10-son qaroriga ILOVA

Bojxona chegarasidan olib oʻtilayotgan avtotransport vositalarini bojxona rasmiylashtiruvidan oʻtkazish tartibi toʻgʻrisidagi nizomga kiritilayotgan qoʻshimchalar va oʻzgartirish

1. 26 , 54 va 57 1 -bandlar “erkin muomalaga chiqarish” degan soʻzlardan keyin “(import)” degan soʻz bilan toʻldirilsin.

2. 52-bandning birinchi xatboshisi quyidagi tahrirda bayon etilsin:

“52. Tovar sifatida olib kirilgan avtotransport vositasi “erkin muomalaga chiqarish (import)” yoki “vaqtincha olib kirish” bojxona rejimiga rasmiylashtirilgandan soʻng, TIF bojxona posti tomonidan ushbu Nizomning 5-ilovasiga muvofiq Davlat bojxona xizmatining hududiy organi tomonidan DYHXXning hududiy organlariga elektron tarzda taqdim qilinadigan maʼlumotlar (keyingi oʻrinlarda elektron maʼlumotlar deb yuritiladi) Bojxona qoʻmitasining elektron bazasi orqali shakllantiriladi va DYHXXga real vaqt rejimida yuboriladi”.

3. 57-band “Erkin muomalaga chiqarish” degan soʻzlardan keyin “(import)” degan soʻz bilan toʻldirilsin.

Iqtisodiyot va moliya vaziri D. KUCHKAROV

Ichki ishlar vaziri A. TASHPULATOV

Toshkent sh.,

2025-yil 19-mart,

Toshkent sh.,

2025-yil 17-mart,

241-son

10-son

(Qonunchilik maʼlumotlari milliy bazasi, 01.04.2025-y., 10/25/2156-6/0292-son)