📅 2025-yil 7-mart · Vazirlik va idoralar hujjatlari · Oliy taʼlim, fan va innovatsiyalar vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 7 март · Вазирлик ва идоралар ҳужжатлари · Олий таълим, фан ва инновациялар вазири
Расмий матн. Расмий ҳужжат. Таҳририй изоҳлар киритилмаган.
📅 7 марта 2025 г. · Документы министерств и ведомств · Министр высшего образования, науки и инноваций
Официальный текст. Официальный документ. Редакционные примечания не включены.
📅 7 March 2025 · Ministry and agency documents · Oliy taʼlim, fan va innovatsiyalar vaziri
Official text. Official document. Editorial notes are not included.
Ўзбекистон Республикаси Олий таълим, фан ва инновациялар вазирининг
буйруғи
«Ўрта махсус, касб-ҳунар таълими ташкилотларида якуний давлат аттестациясини ўтказиш тартиби тўғрисида низомни тасдиқлаш ҳақида»ги қарорга ўзгартиришлар киритиш тўғрисида
Ўзбекистон Республикаси Вазирлар Маҳкамасининг 2024 йил 13 декабрдаги 836-сон «Олий ва касбий таълим ташкилотлари битирувчиларининг якуний давлат аттестациясини ташкил этиш чора-тадбирлари тўғрисида»ги қарорига мувофиқ буюраман:
1. Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази ҳамда Вазирлар Маҳкамаси ҳузуридаги Давлат тест марказининг 2009 йил 4 сентябрдаги 39/ҚҚ ва 27/ҚҚ-сон «Ўрта махсус, касб-ҳунар таълими ташкилотларида якуний давлат аттестациясини ўтказиш тартиби тўғрисида низомни тасдиқлаш ҳақида»ги қарорига (рўйхат рақами 2011, 2009 йил 6 октябрь) (Ўзбекистон Республикаси қонун ҳужжатлари тўплами, 2009 й., 41-сон, 443-модда) иловага мувофиқ ўзгартиришлар киритилсин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси олий таълим, фан ва инновациялар вазирининг 2025 йил 7 мартдаги 90-сон буйруғига ИЛОВА
«Ўрта махсус, касб-ҳунар таълими ташкилотларида якуний давлат аттестациясини ўтказиш тартиби тўғрисида низомни тасдиқлаш ҳақида»ги қарорга киритилаётган ўзгартиришлар
1. Қарорда :
қарор номидаги «Ўрта махсус, касб-ҳунар таълими ташкилотларида» деган сўзлар «Ўрта махсус таълим ташкилотларида» деган сўзлар билан алмаштирилсин;
қарор муқаддимасидаги «Таълим тўғрисида»ги ва «Кадрлар тайёрлаш миллий дастури тўғрисида»ги қонунларига» деган сўзлар «Таълим тўғрисида»ги Қонунига» деган сўзлар билан алмаштирилсин;
1-банддаги «Ўрта махсус, касб-ҳунар таълими ташкилотларида» деган сўзлар «Ўрта махсус таълим ташкилотларида» деган сўзлар билан алмаштирилсин.
2. Низомда :
низом номидаги «Ўрта махсус, касб-ҳунар таълими ташкилотларида» деган сўзлар «Ўрта махсус таълим ташкилотларида» деган сўзлар билан алмаштирилсин;
низом муқаддимаси қуйидаги таҳрирда баён этилсин:
«Мазкур Низом ўрта махсус таълим ташкилотлари битирувчи ўқувчиларининг (бундан буён матнда ўқувчилар деб юритилади) якуний давлат аттестациясини (бундан буён матнда якуний аттестация деб юритилади) ташкил этиш ва ўтказиш тартибини белгилайди.»;
1-бандда :
биринчи хатбошидаги «Ўрта махсус, касб-ҳунар таълими ташкилотларида (кейинги ўринларда» деган сўзлар «Ўрта махсус таълим ташкилотларида (бундан буён матнда» деган сўзлар билан алмаштирилсин;
учинчи хатбоши чиқариб ташлансин;
тўртинчи хатбоши учинчи хатбоши деб ҳисоблансин;
2-банд қуйидаги таҳрирда баён этилсин:
«2. Якуний аттестация таълим ташкилотларида ташкил этиладиган якуний давлат аттестация комиссияси (бундан буён матнда ДАК деб юритилади) томонидан амалга оширилади.»;
3-банд қуйидаги таҳрирда баён этилсин:
«3. Якуний аттестацияни ўтказиш учун ДАКдан ташқари давлат имтиҳонлари ўтказиладиган ҳар бир фандан алоҳида Имтиҳон комиссиялари ташкил этилади. Имтиҳон комиссиялари фаолият юритишда ДАКга бўйсунади ҳамда ҳисобот беради.»;
4-бандда :
тўртинчи хатбошидаги «давлат имтиҳонлари ва малакавий битирув диплом иши (лойиҳа)ни (кейинги ўринларда малакавий иш деб юритилади) ҳимоясини» деган сўзлар «давлат имтиҳонларини» деган сўзлар билан алмаштирилсин;
олтинчи хатбоши чиқариб ташлансин;
еттинчи хатбоши олтинчи хатбоши деб ҳисоблансин;
6-банддаги «ўрта махсус, касб-ҳунар таълими ташкилотларида» деган сўзлар «таълим ташкилотларида» деган сўзлар билан алмаштирилсин;
7-банд қуйидаги таҳрирда баён этилсин:
«7. Якуний аттестация синовлари давлат имтиҳонлари шаклида амалга оширилади.»;
8 ва 9-бандлар ўз кучини йўқотган деб топилсин;
10-банд қуйидаги таҳрирда баён этилсин:
«10. Якуний аттестация синовларининг таркибий қисмлари ва уларни ўтказиш муддати таълим ташкилотларининг намунавий ўқув режасига мувофиқ белгиланади.»;
11-банддан «ва малакавий ишни ҳимоя қилиш» деган сўзлар чиқариб ташлансин;
12-банддаги «давлат таълим стандарти (тармоқ таълим стандарти)га» деган сўзлар «малака талабларига» деган сўзлар билан алмаштирилсин;
13-банддаги «7 ёки 9 кишидан» деган сўзлар «5 ёки 7 кишидан» деган сўзлар билан алмаштирилсин;
14-банд қуйидаги таҳрирда баён этилсин:
«14. Олий таълим ташкилотларининг профессор-ўқитувчилари, турдош ва мазкур таълим ташкилотининг тажрибали, малакали ўқитувчилари таркибидан ДАК ҳамда Имтиҳон комиссиялари шакллантирилади.
Имтиҳон комиссиялари аъзолари таркибининг камида ўттиз фоизини олий таълим ташкилотларининг профессор-ўқитувчилари ҳамда турдош таълим ташкилотларининг вакиллари ташкил этиши лозим.»;
15 ва 16-бандлар ўз кучини йўқотган деб топилсин;
18-банд қуйидаги таҳрирда баён этилсин:
«18. ДАК ва Имтиҳон комиссиялари аъзолари таркиби таълим ташкилоти директорининг вазирлик ва идоралар, тегишли олий таълим ташкилотлари ва турдош таълим ташкилотлари раҳбарларига йўллаган ёзма мурожаатларига уларнинг юборган розилик хати асосида якуний аттестация бошланишидан камида қирқ беш кун олдин шакллантирилади.»;
19-банд қуйидаги таҳрирда баён этилсин:
«19. ДАК раиси якуний аттестация бошланишидан камида икки ҳафта олдин бир йил (календарь йил) муддатга вазирлик, идора ёки олий таълим ташкилоти раҳбарининг, ДАК аъзолари эса, таълим ташкилоти директорининг буйруғи билан тасдиқланади.»;
20-банддан «ва касб-ҳунар коллежларида иш берувчи ташкилотлар» деган сўзлар чиқариб ташлансин;
21-банддан «тегишли йўналиш (мутахассислик) бўйича» деган сўзлар чиқариб ташлансин;
26-банддаги «белгиланган тартибда ўрта махсус, касб-ҳунар таълим ташкилотини» деган сўзлар «таълим ташкилотини» деган сўзлар билан алмаштирилсин;
27-банддаги «имтиёзли диплом» деган сўзлар «аъло даражали диплом» деган сўзлар билан алмаштирилсин;
28-банд қуйидаги таҳрирда баён этилсин:
«28. Якуний аттестация синовларининг бирортасидан «2» (қониқарсиз) баҳо олган ёки унга узрли сабаб (ўқувчининг ёки яқин қариндошининг бетоблиги (тиббий маълумотнома асосида), йўл-транспорт ҳодисаси, яқин қариндошининг вафоти, яқин қариндошининг никоҳ тузиши, республика ёки халқаро олимпиада ва танловларда таълим ташкилоти номидан иштирок этганлиги, Ўзбекистон Республикасидан ташқарида бўлиши сабабли) билан келмаган ўқувчи бошқа синовлар (давлат имтиҳонлари)ни топшириш ҳуқуқидан маҳрум этилмайди.
Якуний аттестация синовларининг бирортасидан «2» (қониқарсиз) баҳо олган ёки унга узрли сабаб билан иштирок эта олмаган ўқувчиларга шу ўқув йилида ДАК фаолияти якунига қадар тегишли имтиҳонни бир марта қайта топширишга рухсат берилади.
Қайта топшириш жараёнлари аттестация тугаганидан сўнг ўқувчининг аризасига мувофиқ бир ой ичида ўтказилади.»;
29-бандда «Ўрта махсус, касб-ҳунар таълим ташкилотининг белгиланган давлат таълим стандартларига» ва «3-босқич» деган сўзлар тегишли равишда «Ўрта махсус таълимнинг давлат таълим стандартига» ва «2-босқич» деган сўзлар билан алмаштирилсин;
30-бандда :
биринчи хатбошидаги «3-босқичда» деган сўзлар «2-босқичда» деган сўзлар билан алмаштирилсин;
иккинчи хатбошидаги «3-босқичда қайта ўқиш учун ариза бермаган ўқувчига ўрта махсус, касб-ҳунар таълим ташкилотининг» деган сўзлар «2-босқичда қайта ўқиш учун ариза бермаган ўқувчига таълим ташкилотининг» деган сўзлар билан алмаштирилсин;
2-параграф номи қуйидаги таҳрирда баён этилсин:
«2-§. Таълим ташкилотларида давлат имтиҳонларини ташкил этиш ва ўтказиш»;
31-банд қуйидаги таҳрирда баён этилсин:
«31. Давлат имтиҳонлари она тили ва адабиёт, Ўзбекистон тарихи ва таълим йўналишининг намунавий ўқув режасида белгиланган иккита чуқурлаштирилган фанлар бўйича ўтказиладиган имтиҳонлардан иборат.»;
32-банд ўз кучини йўқотган деб топилсин;
33-банд қуйидаги таҳрирда баён этилсин:
«33. Имтиҳонлар она тили ва адабиёт фанидан иншо, математика фанидан ёзма, Ўзбекистон тарихи фанидан тест ва қолган фанлардан оғзаки синовлар кўринишида ўтказилади.
Таълим йўналишларининг хусусиятларидан келиб чиқиб, айрим йўналишларда чуқурлаштирилган фандан давлат имтиҳони ижодий имтиҳон кўринишида ўтказилиши мумкин.»;
34-банд қуйидаги таҳрирда баён этилсин:
«34. Давлат имтиҳонлари материаллари ҳамда мезонлари, ижодий имтиҳонни ўтказиш тартиби Имтиҳон комиссиялари томонидан ишлаб чиқилади ҳамда ДАК раиси томонидан тасдиқланади.»;
35-банддаги «Ўзбекистон Республикаси Вазирлар Маҳкамасининг 2000 йил 16 октябрдаги 400-сон «Ўрта махсус, касб-ҳунар таълимининг давлат таълим стандартларини тасдиқлаш тўғрисида»ги қарорига» деган сўзлар «Ўрта махсус таълимнинг давлат таълим стандартига» деган сўзлар билан алмаштирилсин;
3-параграф номи чиқариб ташлансин;
36-банд қуйидаги таҳрирда баён этилсин:
«36. Ўзбекистон тарихи бўйича ўтказиладиган тест синовларини холисона ва адолатли ўтказиш ДАК ва Имтиҳон комиссияси аъзолари, аудитория раҳбари ва кузатувчиси зиммасига юклатилади.»;
37-банддаги «ўрта махсус, касб-ҳунар таълим ташкилотларининг педагог (тест ўтказиладиган фан ўқитувчиларидан ташқари), муҳандис-педагог, ишлаб чиқариш таълими устаси» деган сўзлар «таълим ташкилотларининг педагог ўқитувчилари (тест ўтказиладиган фан ўқитувчиларидан ташқари)» деган сўзлар билан алмаштирилсин;
38-банд қуйидаги таҳрирда баён этилсин:
«38. Тест синовлари топшириқлари тўплами ўқув дастурлари мазмунини тўлиқ қамраб олган ҳолда таълим ташкилоти ўқитувчилари томонидан шакллантирилади, тегишли бўлим (кафедра)ларда муҳокама қилинади.
Таълим ташкилоти томонидан тест синовлари топшириқлари намуналари камида бир ой олдин ўқувчиларнинг эътиборига етказилиши лозим.»;
40-банд қуйидаги таҳрирда баён этилсин:
«40. Тест синовлари топшириқлари фан дастурлари доирасида тузилади. Тест синовлари топшириқлари сони ўқув гуруҳлари сонидан кам бўлмаслиги керак.»;
43-банддаги «72 та» деган сўзлар «50 та» деган сўзлар билан алмаштирилсин;
4-параграф ва V-боб ўз кучини йўқотган деб топилсин;
90-банд қуйидаги таҳрирда баён этилсин:
«90. Ушбу Низом идоравий бўйсунишидан қатъи назар, Ўзбекистон Республикасидаги барча таълим ташкилотларига татбиқ этилади, бундан Тошкент давлат юридик университети ҳузуридаги академик лицейлар мустасно.»;
91-банддаги «ўрта махсус, касб-ҳунар таълими ташкилотларининг» деган сўзлар «таълим ташкилотларининг» деган сўзлар билан алмаштирилсин.
Вазир К. ШАРИПОВ
Тошкент ш.,
2025 йил 7 март,
90-сон
Oʻzbekiston Respublikasi Oliy taʼlim, fan va innovatsiyalar vazirining
buyrugʻi
“Oʻrta maxsus, kasb-hunar taʼlimi tashkilotlarida yakuniy davlat attestatsiyasini oʻtkazish tartibi toʻgʻrisida nizomni tasdiqlash haqida”gi qarorga oʻzgartirishlar kiritish toʻgʻrisida
Oʻzbekiston Respublikasi Vazirlar Mahkamasining 2024-yil 13-dekabrdagi 836-son “Oliy va kasbiy taʼlim tashkilotlari bitiruvchilarining yakuniy davlat attestatsiyasini tashkil etish chora-tadbirlari toʻgʻrisida”gi qaroriga muvofiq buyuraman:
1. Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi hamda Vazirlar Mahkamasi huzuridagi Davlat test markazining 2009-yil 4-sentabrdagi 39/QQ va 27/QQ-son “Oʻrta maxsus, kasb-hunar taʼlimi tashkilotlarida yakuniy davlat attestatsiyasini oʻtkazish tartibi toʻgʻrisida nizomni tasdiqlash haqida”gi qaroriga (roʻyxat raqami 2011, 2009-yil 6-oktabr) (Oʻzbekiston Respublikasi qonun hujjatlari toʻplami, 2009-y., 41-son, 443-modda) ilovaga muvofiq oʻzgartirishlar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi oliy taʼlim, fan va innovatsiyalar vazirining 2025-yil 7-martdagi 90-son buyrugʻiga ILOVA
“Oʻrta maxsus, kasb-hunar taʼlimi tashkilotlarida yakuniy davlat attestatsiyasini oʻtkazish tartibi toʻgʻrisida nizomni tasdiqlash haqida”gi qarorga kiritilayotgan oʻzgartirishlar
1. Qarorda :
qaror nomidagi “Oʻrta maxsus, kasb-hunar taʼlimi tashkilotlarida” degan soʻzlar “Oʻrta maxsus taʼlim tashkilotlarida” degan soʻzlar bilan almashtirilsin;
qaror muqaddimasidagi “Taʼlim toʻgʻrisida”gi va “Kadrlar tayyorlash milliy dasturi toʻgʻrisida”gi qonunlariga” degan soʻzlar “Taʼlim toʻgʻrisida”gi Qonuniga” degan soʻzlar bilan almashtirilsin;
1-banddagi “Oʻrta maxsus, kasb-hunar taʼlimi tashkilotlarida” degan soʻzlar “Oʻrta maxsus taʼlim tashkilotlarida” degan soʻzlar bilan almashtirilsin.
2. Nizomda :
nizom nomidagi “Oʻrta maxsus, kasb-hunar taʼlimi tashkilotlarida” degan soʻzlar “Oʻrta maxsus taʼlim tashkilotlarida” degan soʻzlar bilan almashtirilsin;
nizom muqaddimasi quyidagi tahrirda bayon etilsin:
“Mazkur Nizom oʻrta maxsus taʼlim tashkilotlari bitiruvchi oʻquvchilarining (bundan buyon matnda oʻquvchilar deb yuritiladi) yakuniy davlat attestatsiyasini (bundan buyon matnda yakuniy attestatsiya deb yuritiladi) tashkil etish va oʻtkazish tartibini belgilaydi.”;
1-bandda :
birinchi xatboshidagi “Oʻrta maxsus, kasb-hunar taʼlimi tashkilotlarida (keyingi oʻrinlarda” degan soʻzlar “Oʻrta maxsus taʼlim tashkilotlarida (bundan buyon matnda” degan soʻzlar bilan almashtirilsin;
uchinchi xatboshi chiqarib tashlansin;
toʻrtinchi xatboshi uchinchi xatboshi deb hisoblansin;
2-band quyidagi tahrirda bayon etilsin:
“2. Yakuniy attestatsiya taʼlim tashkilotlarida tashkil etiladigan yakuniy davlat attestatsiya komissiyasi (bundan buyon matnda DAK deb yuritiladi) tomonidan amalga oshiriladi.”;
3-band quyidagi tahrirda bayon etilsin:
“3. Yakuniy attestatsiyani oʻtkazish uchun DAKdan tashqari davlat imtihonlari oʻtkaziladigan har bir fandan alohida Imtihon komissiyalari tashkil etiladi. Imtihon komissiyalari faoliyat yuritishda DAKga boʻysunadi hamda hisobot beradi.”;
4-bandda :
toʻrtinchi xatboshidagi “davlat imtihonlari va malakaviy bitiruv diplom ishi (loyiha)ni (keyingi oʻrinlarda malakaviy ish deb yuritiladi) himoyasini” degan soʻzlar “davlat imtihonlarini” degan soʻzlar bilan almashtirilsin;
oltinchi xatboshi chiqarib tashlansin;
yettinchi xatboshi oltinchi xatboshi deb hisoblansin;
6-banddagi “oʻrta maxsus, kasb-hunar taʼlimi tashkilotlarida” degan soʻzlar “taʼlim tashkilotlarida” degan soʻzlar bilan almashtirilsin;
7-band quyidagi tahrirda bayon etilsin:
“7. Yakuniy attestatsiya sinovlari davlat imtihonlari shaklida amalga oshiriladi.”;
8 va 9-bandlar oʻz kuchini yoʻqotgan deb topilsin;
10-band quyidagi tahrirda bayon etilsin:
“10. Yakuniy attestatsiya sinovlarining tarkibiy qismlari va ularni oʻtkazish muddati taʼlim tashkilotlarining namunaviy oʻquv rejasiga muvofiq belgilanadi.”;
11-banddan “va malakaviy ishni himoya qilish” degan soʻzlar chiqarib tashlansin;
12-banddagi “davlat taʼlim standarti (tarmoq taʼlim standarti)ga” degan soʻzlar “malaka talablariga” degan soʻzlar bilan almashtirilsin;
13-banddagi “7 yoki 9 kishidan” degan soʻzlar “5 yoki 7 kishidan” degan soʻzlar bilan almashtirilsin;
14-band quyidagi tahrirda bayon etilsin:
“14. Oliy taʼlim tashkilotlarining professor-oʻqituvchilari, turdosh va mazkur taʼlim tashkilotining tajribali, malakali oʻqituvchilari tarkibidan DAK hamda Imtihon komissiyalari shakllantiriladi.
Imtihon komissiyalari aʼzolari tarkibining kamida oʻttiz foizini oliy taʼlim tashkilotlarining professor-oʻqituvchilari hamda turdosh taʼlim tashkilotlarining vakillari tashkil etishi lozim.”;
15 va 16-bandlar oʻz kuchini yoʻqotgan deb topilsin;
18-band quyidagi tahrirda bayon etilsin:
“18. DAK va Imtihon komissiyalari aʼzolari tarkibi taʼlim tashkiloti direktorining vazirlik va idoralar, tegishli oliy taʼlim tashkilotlari va turdosh taʼlim tashkilotlari rahbarlariga yoʻllagan yozma murojaatlariga ularning yuborgan rozilik xati asosida yakuniy attestatsiya boshlanishidan kamida qirq besh kun oldin shakllantiriladi.”;
19-band quyidagi tahrirda bayon etilsin:
“19. DAK raisi yakuniy attestatsiya boshlanishidan kamida ikki hafta oldin bir yil (kalendar yil) muddatga vazirlik, idora yoki oliy taʼlim tashkiloti rahbarining, DAK aʼzolari esa, taʼlim tashkiloti direktorining buyrugʻi bilan tasdiqlanadi.”;
20-banddan “va kasb-hunar kollejlarida ish beruvchi tashkilotlar” degan soʻzlar chiqarib tashlansin;
21-banddan “tegishli yoʻnalish (mutaxassislik) boʻyicha” degan soʻzlar chiqarib tashlansin;
26-banddagi “belgilangan tartibda oʻrta maxsus, kasb-hunar taʼlim tashkilotini” degan soʻzlar “taʼlim tashkilotini” degan soʻzlar bilan almashtirilsin;
27-banddagi “imtiyozli diplom” degan soʻzlar “aʼlo darajali diplom” degan soʻzlar bilan almashtirilsin;
28-band quyidagi tahrirda bayon etilsin:
“28. Yakuniy attestatsiya sinovlarining birortasidan “2” (qoniqarsiz) baho olgan yoki unga uzrli sabab (oʻquvchining yoki yaqin qarindoshining betobligi (tibbiy maʼlumotnoma asosida), yoʻl-transport hodisasi, yaqin qarindoshining vafoti, yaqin qarindoshining nikoh tuzishi, respublika yoki xalqaro olimpiada va tanlovlarda taʼlim tashkiloti nomidan ishtirok etganligi, Oʻzbekiston Respublikasidan tashqarida boʻlishi sababli) bilan kelmagan oʻquvchi boshqa sinovlar (davlat imtihonlari)ni topshirish huquqidan mahrum etilmaydi.
Yakuniy attestatsiya sinovlarining birortasidan “2” (qoniqarsiz) baho olgan yoki unga uzrli sabab bilan ishtirok eta olmagan oʻquvchilarga shu oʻquv yilida DAK faoliyati yakuniga qadar tegishli imtihonni bir marta qayta topshirishga ruxsat beriladi.
Qayta topshirish jarayonlari attestatsiya tugaganidan soʻng oʻquvchining arizasiga muvofiq bir oy ichida oʻtkaziladi.”;
29-bandda “Oʻrta maxsus, kasb-hunar taʼlim tashkilotining belgilangan davlat taʼlim standartlariga” va “3-bosqich” degan soʻzlar tegishli ravishda “Oʻrta maxsus taʼlimning davlat taʼlim standartiga” va “2-bosqich” degan soʻzlar bilan almashtirilsin;
30-bandda :
birinchi xatboshidagi “3-bosqichda” degan soʻzlar “2-bosqichda” degan soʻzlar bilan almashtirilsin;
ikkinchi xatboshidagi “3-bosqichda qayta oʻqish uchun ariza bermagan oʻquvchiga oʻrta maxsus, kasb-hunar taʼlim tashkilotining” degan soʻzlar “2-bosqichda qayta oʻqish uchun ariza bermagan oʻquvchiga taʼlim tashkilotining” degan soʻzlar bilan almashtirilsin;
2-paragraf nomi quyidagi tahrirda bayon etilsin:
“2-§. Taʼlim tashkilotlarida davlat imtihonlarini tashkil etish va oʻtkazish”;
31-band quyidagi tahrirda bayon etilsin:
“31. Davlat imtihonlari ona tili va adabiyot, Oʻzbekiston tarixi va taʼlim yoʻnalishining namunaviy oʻquv rejasida belgilangan ikkita chuqurlashtirilgan fanlar boʻyicha oʻtkaziladigan imtihonlardan iborat.”;
32-band oʻz kuchini yoʻqotgan deb topilsin;
33-band quyidagi tahrirda bayon etilsin:
“33. Imtihonlar ona tili va adabiyot fanidan insho, matematika fanidan yozma, Oʻzbekiston tarixi fanidan test va qolgan fanlardan ogʻzaki sinovlar koʻrinishida oʻtkaziladi.
Taʼlim yoʻnalishlarining xususiyatlaridan kelib chiqib, ayrim yoʻnalishlarda chuqurlashtirilgan fandan davlat imtihoni ijodiy imtihon koʻrinishida oʻtkazilishi mumkin.”;
34-band quyidagi tahrirda bayon etilsin:
“34. Davlat imtihonlari materiallari hamda mezonlari, ijodiy imtihonni oʻtkazish tartibi Imtihon komissiyalari tomonidan ishlab chiqiladi hamda DAK raisi tomonidan tasdiqlanadi.”;
35-banddagi “Oʻzbekiston Respublikasi Vazirlar Mahkamasining 2000-yil 16-oktabrdagi 400-son “Oʻrta maxsus, kasb-hunar taʼlimining davlat taʼlim standartlarini tasdiqlash toʻgʻrisida”gi qaroriga” degan soʻzlar “Oʻrta maxsus taʼlimning davlat taʼlim standartiga” degan soʻzlar bilan almashtirilsin;
3-paragraf nomi chiqarib tashlansin;
36-band quyidagi tahrirda bayon etilsin:
“36. Oʻzbekiston tarixi boʻyicha oʻtkaziladigan test sinovlarini xolisona va adolatli oʻtkazish DAK va Imtihon komissiyasi aʼzolari, auditoriya rahbari va kuzatuvchisi zimmasiga yuklatiladi.”;
37-banddagi “oʻrta maxsus, kasb-hunar taʼlim tashkilotlarining pedagog (test oʻtkaziladigan fan oʻqituvchilaridan tashqari), muhandis-pedagog, ishlab chiqarish taʼlimi ustasi” degan soʻzlar “taʼlim tashkilotlarining pedagog oʻqituvchilari (test oʻtkaziladigan fan oʻqituvchilaridan tashqari)” degan soʻzlar bilan almashtirilsin;
38-band quyidagi tahrirda bayon etilsin:
“38. Test sinovlari topshiriqlari toʻplami oʻquv dasturlari mazmunini toʻliq qamrab olgan holda taʼlim tashkiloti oʻqituvchilari tomonidan shakllantiriladi, tegishli boʻlim (kafedra)larda muhokama qilinadi.
Taʼlim tashkiloti tomonidan test sinovlari topshiriqlari namunalari kamida bir oy oldin oʻquvchilarning eʼtiboriga yetkazilishi lozim.”;
40-band quyidagi tahrirda bayon etilsin:
“40. Test sinovlari topshiriqlari fan dasturlari doirasida tuziladi. Test sinovlari topshiriqlari soni oʻquv guruhlari sonidan kam boʻlmasligi kerak.”;
43-banddagi “72 ta” degan soʻzlar “50 ta” degan soʻzlar bilan almashtirilsin;
4-paragraf va V-bob oʻz kuchini yoʻqotgan deb topilsin;
90-band quyidagi tahrirda bayon etilsin:
“90. Ushbu Nizom idoraviy boʻysunishidan qatʼi nazar, Oʻzbekiston Respublikasidagi barcha taʼlim tashkilotlariga tatbiq etiladi, bundan Toshkent davlat yuridik universiteti huzuridagi akademik litseylar mustasno.”;
91-banddagi “oʻrta maxsus, kasb-hunar taʼlimi tashkilotlarining” degan soʻzlar “taʼlim tashkilotlarining” degan soʻzlar bilan almashtirilsin.
Vazir K. SHARIPOV
Toshkent sh.,
2025-yil 7-mart,
90-son