📅 2025-yil 28-fevral · Markaziy bank hujjatlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 28 февраль · Марказий банк ҳужжатлари
Расмий матн. Расмий ҳужжат. Таҳририй изоҳлар киритилмаган.
📅 28 февраля 2025 г. · Документы Центрального банка
Официальный текст. Официальный документ. Редакционные примечания не включены.
📅 28 February 2025 · Central Bank documents
Official text. Official document. Editorial notes are not included.
Ўзбекистон Республикаси Марказий банки бошқаруви Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг
қарори
Тижорат банкларида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига қўшимча ва ўзгартиришлар киритиш ҳақида
Ўзбекистон Республикасининг « Ўзбекистон Республикасининг Марказий банки тўғрисида »ги ва « Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисида »ги қонунларига мувофиқ Ўзбекистон Республикаси Марказий банки бошқаруви ва Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти қарор қилади:
1. Ўзбекистон Республикаси Марказий банки бошқаруви ва Ўзбекистон Республикаси Бош прокуратураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаментининг 2017 йил 17 апрелдаги 343-V ва 14-сон қарори (рўйхат рақами 2886, 2017 йил 23 май) (Ўзбекистон Республикаси қонун ҳужжатлари тўплами, 2017 й., 21-сон, 401-модда) билан тасдиқланган Тижорат банкларида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига иловага мувофиқ қўшимча ва ўзгартиришлар киритилсин.
2. Мазкур қарор расмий эълон қилинган кундан эътиборан уч ойдан кейин кучга киради.
Ўзбекистон Республикаси Марказий банки бошқарувининг 2025 йил 28 февралдаги 343-Б-13-сон ва Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг 2025 йил 14 февралдаги 12-сон қарорига ИЛОВА
Тижорат банкларида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига киритилаётган қўшимча ва ўзгартиришлар
1. 1-банд қуйидаги мазмундаги хатбошилар билан тўлдирилсин:
« номинант — жисмоний (жисмоний шахслар гуруҳи) ёки юридик шахс томонидан унинг номидан ташкилотга нисбатан муайян мақомда иш юритиш учун тайинланган жисмоний ёки юридик шахс;
номинатор — номинантга бевосита ёки билвосита ўз номидан директор ёки акциядор сифатида ҳаракат қилиш тўғрисида кўрсатма берадиган жисмоний (жисмоний шахслар гуруҳи) ёки юридик шахс;
аниқлик даражаси — тижорат банкининг автоматлаштирилган ахборот тизимларида операция иштирокчиларидан бирининг идентификация маълумотлари Рўйхатдаги шахсларнинг идентификация маълумотлари билан солиштириш жараёнида мос келиш даражасини ифодаловчи кўрсаткич.».
2. 6-банднинг ўнинчи хатбошиси қуйидаги таҳрирда баён этилсин:
«Рўйхатга киритилган шахсларнинг операциясини аниқлаш ҳамда ушбу операцияларни кечиктирмасдан ва олдиндан хабар қилмасдан тўхтатиб туриш (юридик ёки жисмоний шахснинг ҳисобварағига тушган пул маблағларини ҳисобга киритиш бўйича операциялар бундан мустасно) ва (ёки) пул маблағларини ёки бошқа мол-мулкини ишга солмай тўхтатиб қўйиш ҳамда тўхтатиб турилган операцияларни ҳамда ишга солмай тўхтатиб қўйилган пул маблағлари ёки бошқа мол-мулкларни доимий назорат ва мониторинг қилиш тартиби;».
3. 10-банднинг учинчи хатбошиси қуйидаги таҳрирда баён этилсин:
«Филиаллари ва/ёки банк хизматлари офислари сони 50 та ёки ундан ортиқ бўлган тижорат банкларининг бош офисидаги Ички назорат хизмати штат бирлиги 10 тадан кам бўлмаслиги лозим.».
4. 22-банднинг «а» кичик банди қуйидаги мазмундаги хатбоши билан тўлдирилсин:
«жисмоний шахс банк мобил иловаси орқали аккаунт очиш учун мурожаат қилганда;».
5. Қуйидаги мазмундаги 24 1 -банд билан тўлдирилсин:
«24 1 .Тижорат банклари ахборот тизимларидаги аниқлик даражасини ҳар бир хизмат ёки операция тоифасининг таваккалчилик даражасидан келиб чиққан ҳолда белгилаши керак.
Аниқлик даражаси операция иштирокчилари идентификация маълумотларининг ҳар бир элементи бўйича алоҳида белгиланиши лозим.».
6. Қуйидаги мазмундаги 27 1 -банд билан тўлдирилсин:
«27 1 . Тижорат банклари юридик шахсларни лозим даражада текшириш жараёнида мижознинг директори ёки таъсисчилари (акциядорлари, иштирокчилари) номинант эканлиги аниқлаган тақдирда, бу ҳақида ва номинатор тўғрисида махсус ваколатли давлат органига хабар бериши лозим.».
7. 38 1 -бандда :
биринчи ва иккинчи хатбошилардаги «36» рақами «30» рақами билан алмаштирилсин;
қуйидаги мазмундаги хатбоши билан тўлдирилсин:
«Тижорат банклари мазкур Қоидаларнинг 76-бандига мувофиқ пул маблағлари ёки бошқа мол-мулкдан фойдаланишга рухсат берилган операция сифатида ички электрон пул ўтказмаларини амалга оширишда уларни томонлардан бири Рўйхатга киритилган шахс эканлиги ҳақидаги маълумотлар билан бирга олувчи банкка юборилишини таъминлашлари керак.».
8. 48-бандда :
ўн учинчи , ўн бешинчи , ўн олтинчи , ўн тўққизинчи ва йигирма биринчи хатбошилардаги «500» рақами «1000» рақами билан алмаштирилсин;
ўн тўртинчи хатбоши чиқариб ташлансин;
ўн бешинчи — йигирма биринчи хатбошилар тегишли равишда ўн тўртинчи — йигирманчи хатбошилар деб ҳисоблансин;
ўн олтинчи хатбоши чиқариб ташлансин;
ўн еттинчи — йигирманчи хатбошилар тегишли равишда ўн олтинчи — ўн тўққизинчи хатбошилар деб ҳисоблансин.
9. 49-бандда :
учинчи ва тўртинчи хатбошилар қуйидаги таҳрирда баён этилсин:
«жисмоний шахслар томонидан (шу жумладан, бир нечта жисмоний шахслар томонидан бир контрагент номига), шу жумладан, пул ўтказмалари тизимлари орқали бир вақтда ёки кўп маротаба 30 кундан ошмаган муддат давомида базавий ҳисоблаш миқдорининг 1000 бараварига тенг ёки ундан ошадиган умумий суммада чет эл валютасида чет элдан жўнатилган пул маблағлари олиниши ёки чет элга пул маблағлари жўнатилиши;
жисмоний шахслар ва/ёки якка тартибдаги тадбиркорлар томонидан бир вақтда ёки кўп маротаба 30 кундан ошмаган муддат давомида базавий ҳисоблаш миқдорининг 1000 бараварига тенг ёки ундан ошадиган умумий суммада чет эл валютасидаги пул маблағлари сотилиши, сотиб олиниши ёки халқаро тўлов карталаридан нақд пул кўринишида ечиб олиниши;»;
еттинчи , ўн бешинчи , ўн еттинчи — ўн тўққизинчи хатбошилардаги «500» рақами «1000» рақами билан алмаштирилсин;
ўн тўртинчи хатбоши қуйидаги таҳрирда баён этилсин:
«давлат рўйхатидан ўтганига ёки қайта рўйхатдан ўтганига ёхуд банкда ҳисобварақ очганига уч ойдан кўп бўлмаган юридик шахснинг пул айланмаси базавий ҳисоблаш миқдорининг 20000 бараварига тенг ёки ундан ошса;»;
қуйидаги мазмундаги хатбошилар билан тўлдирилсин:
«норезидент шахсдан (агар бундай маълумотлар тижорат банкига маълум бўлса) резидент жисмоний шахсга бир вақтда ёки кўп маротаба 30 кундан ошмаган муддат давомида базавий ҳисоблаш миқдорининг 1000 бараварига тенг ёки ундан ошадиган умумий суммада чет эл валютасидаги пул маблағларининг келиб тушиши;
ҳисоб-китобларни амалга ошириш тартиби мижознинг одатий фаолиятидан фарқ қилувчи ностандарт ёки ғайриоддий мураккаб схемалардан иборат бўлиши;
юридик шахслар ёки якка тартибдаги тадбиркорлар ҳисобварақларидан жисмоний шахс ҳисобварағига операция амалга оширилиш кунига белгиланган базавий ҳисоблаш миқдорининг 1000 бараварига тенг ёки ундан ошадиган суммадаги пул маблағларининг молиявий ёрдам ёки қарз сифатида кўчирилиши;
юридик шахслар ёки якка тартибдаги тадбиркорларнинг ҳисобварақларидан фақат товарлар импорти учун чиқарилган хорижий валюталар бўйича шартнома предметини хизмат кўрсатишга ўзгартирилиши ёки дебитор қарздорликни хизмат кўрсатиш орқали сўндирилиши, башарти унинг қиймати базавий ҳисоблаш миқдорининг 20000 бараварига тенг ёки ундан ошса.».
10. 52-бандда :
қуйидаги мазмундаги учинчи хатбоши билан тўлдирилсин:
«Барча идентификация маълумотлари Рўйхатга киритилган шахснинг маълумотлари билан тўлиқ мос келган мижоз ҳисобварақ очиш учун қилган мурожаати билан очиш сўралган ҳисобвараққа кирим қилиниши лозим бўлган пул маблағларини тақдим қилса, тижорат банки бу операцияни кечиктирмасдан ва олдиндан хабар қилмасдан тўхтатиб туради ва пул маблағларини алоҳида транзит ҳисобвараққа кирим қилиб, ишга солмай тўхтатиб қўяди.»;
учинчи — еттинчи хатбошилар тегишли равишда тўртинчи — саккизинчи хатбошилар деб ҳисоблансин.
11. 55-банд қуйидаги мазмундаги л 3 -кичик банд билан тўлдирилсин:
«л 3 ) бир вақтнинг ўзида раҳбари ва таъсисчилари/бенефициар мулкдорлари ўзгарган юридик шахслар (агар бундай маълумотлар тижорат банкига маълум бўлса);».
12. 74-банднинг тўққизинчи хатбошисидаги «хабардор қилишга ҳақли» деган сўзлар «хабардор қилиши лозим» деган сўзлар билан алмаштирилсин.
13. 1-илованинг 7-банди қуйидаги таҳрирда баён этилсин:
«7. Телефон рақами (агар мавжуд бўлса).».
Марказий банки раиси Т. ИШМЕТОВ
Иқтисодий жиноятларга қарши курашиш департаменти бошлиғи Ш. СОХИБНАЗАРОВ
Тошкент ш.,
2025 йил 28 февраль,
Тошкент ш.,
2025 йил 14 февраль,
343-Б-13-сон
12-сон
Oʻzbekiston Respublikasi Markaziy banki boshqaruvi Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining
qarori
Tijorat banklarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga qoʻshimcha va oʻzgartirishlar kiritish haqida
Oʻzbekiston Respublikasining “ Oʻzbekiston Respublikasining Markaziy banki toʻgʻrisida ”gi va “ Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisida ”gi qonunlariga muvofiq Oʻzbekiston Respublikasi Markaziy banki boshqaruvi va Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qaror qiladi:
1. Oʻzbekiston Respublikasi Markaziy banki boshqaruvi va Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining 2017-yil 17-apreldagi 343-V va 14-son qarori (roʻyxat raqami 2886, 2017-yil 23-may) (Oʻzbekiston Respublikasi qonun hujjatlari toʻplami, 2017-y., 21-son, 401-modda) bilan tasdiqlangan Tijorat banklarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga ilovaga muvofiq qoʻshimcha va oʻzgartirishlar kiritilsin.
2. Mazkur qaror rasmiy eʼlon qilingan kundan eʼtiboran uch oydan keyin kuchga kiradi.
Oʻzbekiston Respublikasi Markaziy banki boshqaruvining 2025-yil 28-fevraldagi 343-B-13-son va Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining 2025-yil 14-fevraldagi 12-son qaroriga ILOVA
Tijorat banklarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga kiritilayotgan qoʻshimcha va oʻzgartirishlar
1. 1-band quyidagi mazmundagi xatboshilar bilan toʻldirilsin:
“ nominant — jismoniy (jismoniy shaxslar guruhi) yoki yuridik shaxs tomonidan uning nomidan tashkilotga nisbatan muayyan maqomda ish yuritish uchun tayinlangan jismoniy yoki yuridik shaxs;
nominator — nominantga bevosita yoki bilvosita oʻz nomidan direktor yoki aksiyador sifatida harakat qilish toʻgʻrisida koʻrsatma beradigan jismoniy (jismoniy shaxslar guruhi) yoki yuridik shaxs;
aniqlik darajasi — tijorat bankining avtomatlashtirilgan axborot tizimlarida operatsiya ishtirokchilaridan birining identifikatsiya maʼlumotlari Roʻyxatdagi shaxslarning identifikatsiya maʼlumotlari bilan solishtirish jarayonida mos kelish darajasini ifodalovchi koʻrsatkich.”.
2. 6-bandning oʻninchi xatboshisi quyidagi tahrirda bayon etilsin:
“Roʻyxatga kiritilgan shaxslarning operatsiyasini aniqlash hamda ushbu operatsiyalarni kechiktirmasdan va oldindan xabar qilmasdan toʻxtatib turish (yuridik yoki jismoniy shaxsning hisobvaragʻiga tushgan pul mablagʻlarini hisobga kiritish boʻyicha operatsiyalar bundan mustasno) va (yoki) pul mablagʻlarini yoki boshqa mol-mulkini ishga solmay toʻxtatib qoʻyish hamda toʻxtatib turilgan operatsiyalarni hamda ishga solmay toʻxtatib qoʻyilgan pul mablagʻlari yoki boshqa mol-mulklarni doimiy nazorat va monitoring qilish tartibi;”.
3. 10-bandning uchinchi xatboshisi quyidagi tahrirda bayon etilsin:
“Filiallari va/yoki bank xizmatlari ofislari soni 50 ta yoki undan ortiq boʻlgan tijorat banklarining bosh ofisidagi Ichki nazorat xizmati shtat birligi 10 tadan kam boʻlmasligi lozim.”.
4. 22-bandning “a” kichik bandi quyidagi mazmundagi xatboshi bilan toʻldirilsin:
“jismoniy shaxs bank mobil ilovasi orqali akkaunt ochish uchun murojaat qilganda;”.
5. Quyidagi mazmundagi 24 1 -band bilan toʻldirilsin:
“24 1 .Tijorat banklari axborot tizimlaridagi aniqlik darajasini har bir xizmat yoki operatsiya toifasining tavakkalchilik darajasidan kelib chiqqan holda belgilashi kerak.
Aniqlik darajasi operatsiya ishtirokchilari identifikatsiya maʼlumotlarining har bir elementi boʻyicha alohida belgilanishi lozim.”.
6. Quyidagi mazmundagi 27 1 -band bilan toʻldirilsin:
“27 1 . Tijorat banklari yuridik shaxslarni lozim darajada tekshirish jarayonida mijozning direktori yoki taʼsischilari (aksiyadorlari, ishtirokchilari) nominant ekanligi aniqlagan taqdirda, bu haqida va nominator toʻgʻrisida maxsus vakolatli davlat organiga xabar berishi lozim.”.
7. 38 1 -bandda :
birinchi va ikkinchi xatboshilardagi “36” raqami “30” raqami bilan almashtirilsin;
quyidagi mazmundagi xatboshi bilan toʻldirilsin:
“Tijorat banklari mazkur Qoidalarning 76-bandiga muvofiq pul mablagʻlari yoki boshqa mol-mulkdan foydalanishga ruxsat berilgan operatsiya sifatida ichki elektron pul oʻtkazmalarini amalga oshirishda ularni tomonlardan biri Roʻyxatga kiritilgan shaxs ekanligi haqidagi maʼlumotlar bilan birga oluvchi bankka yuborilishini taʼminlashlari kerak.”.
8. 48-bandda :
oʻn uchinchi , oʻn beshinchi , oʻn oltinchi , oʻn toʻqqizinchi va yigirma birinchi xatboshilardagi “500” raqami “1000” raqami bilan almashtirilsin;
oʻn toʻrtinchi xatboshi chiqarib tashlansin;
oʻn beshinchi — yigirma birinchi xatboshilar tegishli ravishda oʻn toʻrtinchi — yigirmanchi xatboshilar deb hisoblansin;
oʻn oltinchi xatboshi chiqarib tashlansin;
oʻn yettinchi — yigirmanchi xatboshilar tegishli ravishda oʻn oltinchi — oʻn toʻqqizinchi xatboshilar deb hisoblansin.
9. 49-bandda :
uchinchi va toʻrtinchi xatboshilar quyidagi tahrirda bayon etilsin:
“jismoniy shaxslar tomonidan (shu jumladan, bir nechta jismoniy shaxslar tomonidan bir kontragent nomiga), shu jumladan, pul oʻtkazmalari tizimlari orqali bir vaqtda yoki koʻp marotaba 30 kundan oshmagan muddat davomida bazaviy hisoblash miqdorining 1000 baravariga teng yoki undan oshadigan umumiy summada chet el valyutasida chet eldan joʻnatilgan pul mablagʻlari olinishi yoki chet elga pul mablagʻlari joʻnatilishi;
jismoniy shaxslar va/yoki yakka tartibdagi tadbirkorlar tomonidan bir vaqtda yoki koʻp marotaba 30 kundan oshmagan muddat davomida bazaviy hisoblash miqdorining 1000 baravariga teng yoki undan oshadigan umumiy summada chet el valyutasidagi pul mablagʻlari sotilishi, sotib olinishi yoki xalqaro toʻlov kartalaridan naqd pul koʻrinishida yechib olinishi;”;
yettinchi , oʻn beshinchi , oʻn yettinchi — oʻn toʻqqizinchi xatboshilardagi “500” raqami “1000” raqami bilan almashtirilsin;
oʻn toʻrtinchi xatboshi quyidagi tahrirda bayon etilsin:
“davlat roʻyxatidan oʻtganiga yoki qayta roʻyxatdan oʻtganiga yoxud bankda hisobvaraq ochganiga uch oydan koʻp boʻlmagan yuridik shaxsning pul aylanmasi bazaviy hisoblash miqdorining 20000 baravariga teng yoki undan oshsa;”;
quyidagi mazmundagi xatboshilar bilan toʻldirilsin:
“norezident shaxsdan (agar bunday maʼlumotlar tijorat bankiga maʼlum boʻlsa) rezident jismoniy shaxsga bir vaqtda yoki koʻp marotaba 30 kundan oshmagan muddat davomida bazaviy hisoblash miqdorining 1000 baravariga teng yoki undan oshadigan umumiy summada chet el valyutasidagi pul mablagʻlarining kelib tushishi;
hisob-kitoblarni amalga oshirish tartibi mijozning odatiy faoliyatidan farq qiluvchi nostandart yoki gʻayrioddiy murakkab sxemalardan iborat boʻlishi;
yuridik shaxslar yoki yakka tartibdagi tadbirkorlar hisobvaraqlaridan jismoniy shaxs hisobvaragʻiga operatsiya amalga oshirilish kuniga belgilangan bazaviy hisoblash miqdorining 1000 baravariga teng yoki undan oshadigan summadagi pul mablagʻlarining moliyaviy yordam yoki qarz sifatida koʻchirilishi;
yuridik shaxslar yoki yakka tartibdagi tadbirkorlarning hisobvaraqlaridan faqat tovarlar importi uchun chiqarilgan xorijiy valyutalar boʻyicha shartnoma predmetini xizmat koʻrsatishga oʻzgartirilishi yoki debitor qarzdorlikni xizmat koʻrsatish orqali soʻndirilishi, basharti uning qiymati bazaviy hisoblash miqdorining 20000 baravariga teng yoki undan oshsa.”.
10. 52-bandda :
quyidagi mazmundagi uchinchi xatboshi bilan toʻldirilsin:
“Barcha identifikatsiya maʼlumotlari Roʻyxatga kiritilgan shaxsning maʼlumotlari bilan toʻliq mos kelgan mijoz hisobvaraq ochish uchun qilgan murojaati bilan ochish soʻralgan hisobvaraqqa kirim qilinishi lozim boʻlgan pul mablagʻlarini taqdim qilsa, tijorat banki bu operatsiyani kechiktirmasdan va oldindan xabar qilmasdan toʻxtatib turadi va pul mablagʻlarini alohida tranzit hisobvaraqqa kirim qilib, ishga solmay toʻxtatib qoʻyadi.”;
uchinchi — yettinchi xatboshilar tegishli ravishda toʻrtinchi — sakkizinchi xatboshilar deb hisoblansin.
11. 55-band quyidagi mazmundagi l 3 -kichik band bilan toʻldirilsin:
“l 3 ) bir vaqtning oʻzida rahbari va taʼsischilari/benefitsiar mulkdorlari oʻzgargan yuridik shaxslar (agar bunday maʼlumotlar tijorat bankiga maʼlum boʻlsa);”.
12. 74-bandning toʻqqizinchi xatboshisidagi “xabardor qilishga haqli” degan soʻzlar “xabardor qilishi lozim” degan soʻzlar bilan almashtirilsin.
13. 1-ilovaning 7-bandi quyidagi tahrirda bayon etilsin:
“7. Telefon raqami (agar mavjud boʻlsa).”.
Markaziy banki raisi T. ISHMETOV
Iqtisodiy jinoyatlarga qarshi kurashish departamenti boshligʻi Sh. SOXIBNAZAROV
Toshkent sh.,
2025-yil 28-fevral,
Toshkent sh.,
2025-yil 14-fevral,
343-B-13-son
12-son
Правления Центрального банка Республики Узбекистан Департамента по борьбе с экономическими преступлениями при Генеральной прокуратуре Республики Узбекистан
Постановление
О внесении дополнений и изменений в Правила внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения в коммерческих банках
В соответствии с законами Республики Узбекистан « О Центральном банке Республики Узбекистан » и « О противодействии легализации доходов, полученных от преступной деятельности, финансированию терроризма и финансированию распространения оружия массового уничтожения » Правление Центрального банка Республики Узбекистан и Департамент по борьбе с экономическими преступлениями при Генеральной прокуратуре Республики Узбекистан постановляют:
1. Внести дополнения и изменения в Правила внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения в коммерческих банках, утвержденные постановлением правления Центрального банка Республики Узбекистан и Департамента по борьбе с налоговыми, валютными преступлениями и легализацией преступных доходов при Генеральной прокуратуре Республики Узбекистан от 17 апреля 2017 года №№ 343-В и 14 (рег. № 2886 от 23 мая 2017 года) (Собрание законодательства Республики Узбекистан, 2017 г., № 21, ст. 401), согласно приложению .
2. Настоящее постановление вступает в силу через три месяца со дня официального опубликования.
ПРИЛОЖЕНИЕ к постановлению правления Центрального банка Республики Узбекистан от 28 февраля 2025 года № 343-В-13 и Департамента по борьбе с экономическими преступлениями при Генеральной прокуратуре Республики Узбекистан от 14 февраля 2025 года № 12
Дополнения и изменения, вносимые в Правила внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения в коммерческих банках
1. В пункте 1 дополнить абзацем следующего содержания:
« номинант — это физическое или юридическое лицо, которому другое физическое (группа физических лиц) или юридическое лицо поручило действовать от его имени в определенном качестве в отношении организации;
номинатор — физическое лицо (группа физических лиц) или юридическое лицо, которое прямо или косвенно поручает номинанту действовать от его имени в качестве директора или акционера;
уровень точности — показатель, представляющий уровень соответствия в процессе сравнения идентификационных данных одного из участников сделки с идентификационными данными лиц из Перечня в автоматизированных информационных системах коммерческого банка.».
2. Абзац десятый пункта 6 изложить в следующей редакции:
«порядок выявления и безотлагательного приостановления операции лиц, включенных в Перечень (за исключением операций по зачислению денежных средств, поступивших на счет юридического или физического лица) и (или) замораживания денежных средств или иного имущества указанных лиц без их предварительного уведомления, а также постоянного контроля и мониторинга за приостановленными операциями или замороженными денежными средствами или иным имуществом;».
3. Абзац третий пункта 10 изложить в следующей редакции:
«Штатная численность Службы внутреннего контроля в головных офисах коммерческих банков, число филиалов и/или офисов банковских услуг которых составляет 50 или более, должна составлять не менее 10 единиц.».
4. Подпункт «а» пункта 22 дополнить абзацем следующего содержания:
«при обращении физического лица на открытие аккаунта через мобильное приложение банка;».
5. Дополнить пунктом 24 1 следующего содержания:
«24 1 . Коммерческим банкам необходимо установить уровень точности своих информационных систем исходя из уровня риска по каждой категории услуг или операции.
Уровень точности должен быть установлен отдельно по каждому элементу идентификационных данных участников операции.».
6. Дополнить пунктом 27 1 следующего содержания:
«27 1 . В случае выявления номинанта, действующего в качестве директора или учредителя (акционера/участника) в процессе наджежащей проверки клиента, коммерческие банки должны направить сообщение об этом и номинаторе в специально уполномоченный государственный орган.».
7. В пункте 38 1 :
в абзацах первом и втором цифру «36» заменить цифрой «30»;
дополнить абзацем следующего содержания:
«Коммерческие банки при осуществлении внутренних электронных денежных переводов в качестве операции, для совершении которой в соответствии с пунктом 76 настоящих Правил предоставляется доступ к использованию денежных средств или иного имущества, должны обеспечить направление в банк-получатель сведений о том, что одной из сторон является лицо, включенное в Перечень.».
8. В пункте 48 :
в абзацах тринадцатом , пятнадцатом , шестнадцатом , девятнадцатом и двадцать первом число «500» заменить числом «1000»;
абзац четырнадцатый исключить;
абзацы пятнадцатый — двадцать первый считать соответственно абзацами четырнадцатым — двадцатым;
абзац шестнадцатый исключить;
абзацы семнадцатый — двадцатый считать соответственно абзацами шестнадцатым — девятнадцатым.
9. В пункте 49 :
абзацы третий и четвертый изложить в следующей редакции:
«получение отправленных из-за рубежа или отправление за рубеж физическими лицами (в том числе несколькими физическими лицами на имя одного контрагента) денежных средств в иностранной валюте, в том числе через системы денежных переводов, на общую сумму, равную или превышающую 1000-кратный размер базовой расчетной величины, единовременно или многократно в течение срока, не превышающего 30 дней;
продажа или покупка, а также снятие в наличной форме с международных платежных карт физическими лицами и/или индивидуальными предпринимателями денежных средств в иностранной валюте на сумму, равную или превышающую 1000-кратный размер базовой расчетной величины, единовременно или многократно в течение срока, не превышающего 30 дней;»;
в абзацах седьмом , пятнадцатом , семнадцатом — девятнадцатом число «500» заменить числом «1000»;
абзац четырнадцатый изложить в следующей редакции:
«оборот юридического лица, прошедшего государственную регистрацию или перерегистрированного либо открывшего банковский счет не более чем на три месяца, равен или превышает 20000-кратный размер базовой расчетной величины;»;
дополнить пунктами следующего содержания:
«поступление от физического лица-нерезидента (если такая информация известна коммерческому банку) денежных средств в иностранной валюте в пользу физического лица-резидента единовременно или неоднократно в течение срока, не превышающего 30 дней, в общей сумме, равной или превышающей 1000-кратный размер базовой расчетной величины;
порядок проведения расчетов содержит нестандартные или необычно сложные схемы, отличающиеся от обычной деятельности клиента;
перечисление со счетов юридических лиц или индивидуальных предпринимателей на счет физического лица денежных средств на сумму, равную или превышающую 1000-кратный размер базовой расчетной величины на день осуществления операции, в качестве финансовой помощи или займа;
изменение предмета договора по перечислению иностранной валюты со счетов юридических лиц или индивидуальных предпринимателей исключительно для импорта товаров на оказание услуг или погашение дебиторской задолженности через предоставление услуг, при условии, что его стоимость равна или превышает 20000-кратный размер базовой расчетной величины.».
10. В пункте 52 :
дополнить абзацем третьим следующего содержания:
«В случае, когда клиент, все идентификационные данные которого полностью совпадают с данными лица, включенного в Перечень, обращается с заявлением на открытие счета для осуществления операции по зачислению денежных средств на данный счет, коммерческий банк должен безотлагательно и без предварительного уведомления приостановить ее проведение и заморозить денежные средства, перечислив их на отдельный транзитный счет.»;
абзацы третий — седьмой считать соответственно абзацами четвертым — восьмым.
11. В пункте 55 дополнить подпунктом л 3 следующего содержания:
«л 3 ) юридические лица, у которых одновременно сменились руководитель и учредители/бенефициарные собственники (если такая информация известна коммерческому банку);».
12. В абзаце девятом пункта 74 в слова «вправе проинформировать» заменить словами «должен уведомить».
13. Пункт 7 приложения 1 изложить в следующей редакции:
«7. Номер телефона (если имеется).».
Председатель Центрального банка Т. ИШМЕТОВ
Начальник Департамента по борьбе с экономическими преступлениями при Генеральной прокуратуре Республики Узбекистан Ш. СОХИБНАЗАРОВ
г. Ташкент,
28 февраля 2025 г.,
г. Ташкент,
14 февраля 2025 г.,
№ 343-Б-13
№ 12