📅 2025-yil 8-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 8 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 8 апреля 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 8 April 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
МАЪМУРИЙ РЕГЛАМЕНТИ
СХЕМАСИ
СЎРОВНОМА
Талабгорларни архив ҳужжатларини тартибга келтиришга компетентлиги юзасидан аттестациядан ўтказиш бўйича давлат хизматини кўрсатишнинг маъмурий регламентини тасдиқлаш тўғрисида
Ўзбекистон Республикаси Президентининг «Ўзбекистон — 2030» стратегияси тўғрисида» 2023 йил 11 сентябрдаги ПФ-158-сон Фармони ижросини таъминлаш ҳамда архив органлари томонидан кўрсатилаётган давлат хизматларини янги босқичга олиб чиқиш ҳамда фуқароларга қўшимча қулайлик яратиш мақсадида Вазирлар Маҳкамаси қарор қилади:
1. Қуйидагиларни назарда тутувчи Талабгорларни архив ҳужжатларини тартибга келтиришга компетентлиги юзасидан аттестациядан ўтказиш бўйича давлат хизматини кўрсатишнинг маъмурий регламенти (кейинги ўринларда — Регламент) 1-иловага мувофиқ тасдиқлансин:
касбий компетентлик гувоҳномаларининг давлат хизматлари марказлари ҳамда Ягона интерактив давлат хизматлари портали (кейинги ўринларда — ЯИДХП) орқали электрон шаклда расмийлаштирилиши;
касбий компетентлик гувоҳномаларини олиш учун аттестациянинг талабгор иштирок этиш жойига қараб масофавий ёки анъанавий тарзда ўтказилиши;
касбий компетентлик гувоҳномаларини олиш учун аттестацияни ўтказишда талабгорни баҳолаш тартиби.
2. Белгилаб қўйилсинки, ташкилотларнинг архив ҳужжатлари касбий компетентлик гувоҳномасига эга шахс томонидан тартибга келтирилади.
3. Мазкур қарор кучга киргандан бошлаб:
амалдаги гувоҳномага эга архив мутахассисларининг касбий компетентлик гувоҳномалари муддати тугагунига қадар ҳақиқий деб ҳисобланади;
касбий компетентлик гувоҳномаларига эга шахслар архив ҳужжатларини фақат ўзи фаолият юритадиган ташкилотларда тартибга келтиради ёки унинг номидан бошқа ташкилотларга хизмат кўрсатади.
4. Адлия вазирлиги:
а) Рақамли технологиялар вазирлиги билан биргаликда бир ой муддатда:
Регламент бўйича давлат хизмати ЯИДХП орқали жорий этилишини таъминласин;
ЯИДХПда давлат хизмати кўрсатишнинг ҳар бир босқичида мурожаатлар кўриб чиқилишини кузатиб бориш тартибини жорий этсин;
б) икки ой муддатда амалдаги касбий компетентлик гувоҳномалари ҳақидаги маълумотлар архив ҳужжатларини тартибга келтиришга компетентлиги юзасидан аттестациядан ўтказилган талабгорлар реестрига киритилишини таъминласин;
в) давлат органлари ва бошқа ташкилотлар томонидан мазкур қарорга мувофиқ давлат хизмати кўрсатилишининг белгиланган тартибига риоя этилиши устидан доимий назорат ўрнатсин;
г) Регламентга мувофиқ давлат хизматини кўрсатиш тартибларини бузганлик учун давлат органлари ва бошқа ташкилотлар мансабдор шахсларига нисбатан белгиланган тартибда маъмурий жазо чораларини қўлласин.
5. Ўзбекистон Республикаси Ҳукуматининг 2-иловага мувофиқ айрим қарорларига ўзгартиришлар киритилсин.
6. Мазкур қарорнинг бажарилишини назорат қилиш Ўзбекистон Республикаси адлия вазири А.Ж. Ташкулов зиммасига юклансин.
Вазирлар Маҳкамасининг 2025 йил 8 апрелдаги 208-сон қарорига 1-ИЛОВА
Талабгорларни архив ҳужжатларини тартибга келтиришга компетентлиги юзасидан аттестациядан ўтказиш бўйича давлат хизматини кўрсатишнинг
1-боб. Умумий қоидалар
1. Ушбу Регламент ташкилотлар ҳужжатларини тартибга келтиришга масъул шахснинг компетентлиги юзасидан уни аттестациядан ўтказиш бўйича давлат хизматини (кейинги ўринларда — давлат хизмати) кўрсатиш тартибини белгилайди.
2. Ушбу Регламентда қуйидаги асосий тушунчалар қўлланилади:
аттестация — талабгорнинг ташкилотлар ҳужжатларини тартибга келтиришга компетентлиги даражасини ваколатли орган томонидан аниқлаш тартиб-таомили;
ваколатли орган — Ўзбекистон Республикаси Адлия вазирлиги ҳузуридаги «Ўзархив» агентлиги;
касбий компетентлик гувоҳномаси (гувоҳнома) — талабгорнинг аттестациядан ўтказилганлигини тасдиқловчи ваколатли орган томонидан бериладиган расмий ҳужжат.
талабгор — ташкилотлар ҳужжатларини тартибга келтиришга компетентлиги юзасидан аттестациядан ўтиш учун ариза берувчи жисмоний шахс;
3. Давлат хизмати ваколатли орган томонидан Давлат хизматлари марказлари (кейинги ўринларда — Марказ) ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали кўрсатилади.
4. Аттестация ташкилотлар ҳужжатларини тартибга келтиришга қўйиладиган малака талабларига талабгорнинг мувофиқлигини аниқлаш ва касбий малака даражасини холисона баҳолаш мақсадида ўтказилади.
5. Аттестация архивларни ташкил этишга ва архив ходимлари билан меҳнат шартномасини тузишга, улар томонидан архив иши соҳасида бошқа хизматларни кўрсатишга, шунингдек, талабгорнинг эгаллаб турган лавозимига тўсиқ бўла олмайди, ташкилотлар ҳужжатларини тартибга келтириш ёки ходимнинг компетентлиги эгаллаб турган лавозимининг асосий мезони ҳисобланган ҳоллар бундан мустасно.
6. Гувоҳнома эгаси архив ҳужжатларини фақат ўзи фаолият юритадиган ташкилотда тартибга келтиради ёки унинг номидан бошқа ташкилотларга хизмат кўрсатади.
7. Давлат хизмати мазкур Регламентга 1-иловага мувофиқ схема бўйича кўрсатилади.
2-боб. Давлат хизматини кўрсатиш тартиби
8. Талабгор ўзи келиб мурожаат этган тақдирда, Марказ ходими талабгор номидан, ЯИДХП орқали мурожаат қилинган ҳолларда эса, Регламентга 2-иловага мувофиқ шаклдаги сўровномани электрон шаклда тўлдиради.
Сўровномага сўнгги уч йилда архив иши бўйича малака оширилганлигини тасдиқловчи ҳужжат нусхаси илова қилинади.
Талабгордан ушбу бандда кўрсатилмаган маълумотларни ҳамда бошқа ҳужжатларни талаб қилиш қатъиян тақиқланади.
9. Сўровномага зарур маълумотлар киритилгандан сўнг талабгор маълумотларнинг тўғрилигини текширади ва имзоларни идентификация қилишнинг замонавий воситалари (дактилоскопия, электрон рақамли имзо, Мобил-ID ва бошқалар) билан тасдиқлайди.
Талабгор ЯИДХП орқали мурожаат этган тақдирда, сўровномани электрон рақамли имзо (кейинги ўринларда — ЭРИ) билан тасдиқлаш талаб этилмайди.
10. Давлат хизматини кўрсатиш учун талабгордан базавий ҳисоблаш миқдорининг бир баравари миқдорида йиғим ундирилади.
Давлат хизмати кўрсатилиши учун ЯИДХП орқали мурожаат этилганда, ушбу банднинг биринчи хатбошисида кўрсатилган йиғим суммасининг 90 фоизи ундирилади.
Ижтимоий реестрнинг «камбағал оила» тоифасига киритилган оилаларнинг аъзоларига, шунингдек, I ва II гуруҳ ногиронлиги бўлган шахсларга мазкур банднинг биринчи ва иккинчи хатбошиларида белгиланган йиғимнинг 50 фоизи миқдорида, Ижтимоий реестрнинг «давлат таъминотидаги оила» тоифасига киритилган оилаларнинг аъзоларига мазкур банднинг биринчи ва иккинчи хатбошиларида белгиланган йиғимдан 75 фоиз миқдорида чегирма қўлланилади. Бунда чегирма Ижтимоий реестрнинг:
«давлат таъминотидаги оила» ёки «камбағал оила» тоифасидан «камбағаллик чегарасидаги оила» тоифасига ўтказилган оилаларга, уларнинг илгари белгиланган тоифасига мувофиқ миқдорда;
оғир ҳаётий вазиятга тушган оила сифатида «камбағаллик чегарасидаги оила» тоифасига киритилган оилаларга «камбағал оила» тоифасидаги оила учун белгиланган миқдорда қўлланилади.
Давлат хизматларини кўрсатиш учун йиғим тўлангани ахборот-коммуникация тизимлари орқали тасдиқланади.
11. Йиғим суммаси қуйидаги тартибда тақсимланади:
а) Марказ орқали мурожаат этилганда:
18 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига;
0,5 фоизи — Рақамли технологиялар вазирлиги ҳузуридаги «Электрон ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги Ғазначилик хизмати қўмитасидаги махсус ҳисобварағига (Ягона биллинг тизими орқали тасдиқланганлиги учун);
қолган маблағлар — «Ўзархив» агентлиги ҳузуридаги Архив ишини ривожлантириш жамғармаси ҳисобварағига;
б) ЯИДХП орқали мурожаат этилганда:
10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси;
11,75 фоизи — Ўзбекистон Республикаси Рақамли технологиялар вазирлиги ҳузуридаги «Электрон ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасининг махсус ҳисобварағига (шу жумладан, 0,5 фоизи йиғим тўланганлиги Ягона биллинг тизими орқали тасдиқланганлиги учун);
қолган маблағлар — «Ўзархив» агентлиги ҳузуридаги Архив ишини ривожлантириш жамғармаси ҳисобварағига ўтказилади.
12. Талабгор Марказга келиб мурожаат этганда, унинг сўровномаси Марказ ходими томонидан тўлдирилиб, талабгор томонидан тасдиқлангандан сўнг ўн дақиқада ваколатли органга электрон шаклда юборилади. ЯИДХП орқали мурожаат қилинганда эса, сўровнома автоматик тарзда ваколатли органга юборилади.
13. Ваколатли орган сўровнома тушган кундан бошлаб 1 иш кунида талабгорнинг аттестацияга қўйилиши ёки қўйилмаслиги ҳақида Марказга (ўзи келиб мурожаат этган тақдирда) ёки ариза берувчига (электрон шаклда мурожаат этган тақдирда) ЯИДХП орқали электрон хабарнома юборади.
Марказ хабарнома келиб тушгандан сўнг 10 дақиқа мобайнида ариза берувчини бу ҳақида ахборот-коммуникация тизими орқали хабардор қилади.
14. Қуйидагилар давлат хизматини кўрсатишни рад этиш учун асос ҳисобланади:
сўровномада нотўғри маълумотлар кўрсатилиши;
амал қилиш муддати уч ой ва ундан ортиқ бўлган гувоҳноманинг мавжудлиги;
сўнгги уч йилда архив иши бўйича малака оширилмагани;
Давлат хизматини кўрсатишни бошқа асослар бўйича рад этиш қатъиян тақиқланади.
Талабгор унинг сўровномаси рад этилгани тўғрисидаги хабарномани олган кундан бошлаб ўттиз кун ичида ҳужжатлардаги камчиликларни тўғрилаб, давлат хизматларини кўрсатиш учун йиғим тўламаган ҳолда, Марказга ёки ЯИДХТТ орқали такроран мурожаат қилиш ҳуқуқига эга.
Бунда сўровнома рад этилгани тўғрисидаги хабарномада келтирилган камчиликлар бартараф қилиниб, ўттиз кун ичида такроран мурожаат қилинмаган тақдирда, ариза кўриб чиқилиши тугатилади ва тўланган йиғим талабгорга қайтарилмайди.
15. Ҳужжатлар ваколатли орган томонидан бир иш куни давомида такроран кўриб чиқилади.
Бунда ваколатли орган томонидан аввал рад этиш учун асосларда баён этилмаган сабаблар келтирилишига йўл қўйилмайди, аввал кўрсатилган сабаблар бартараф этилганлигини тасдиқловчи маълумотлар билан боғлиқ рад этиш сабаблари келтирилиши бундан мустасно.
16. Аттестацияни ўтказиш куни, вақти ва жойи тўғрисидаги маълумот ваколатли органнинг расмий веб-сайтида имтиҳон санасидан 10 иш куни олдин жойлаштирилади.
17. Талабгор давлат хизматларидан фойдаланишда уларни кўрсатишнинг ҳар қандай босқичида бош тортиш ҳуқуқига эга. Талабгор давлат хизматларидан фойдаланишдан бош тортганда, унинг сўровномаси кўриб чиқилмасдан қолдирилади ва тўланган йиғим суммаси қайтарилмайди.
18. Ваколатли орган томонидан аттестациядан ўтказиладиганлар рўйхати аттестация ўтказиш кунидан аввал 5 иш кунигача келиб тушган аризалар бўйича шакллантирилади.
19. Аттестация икки ойда камида бир марта ўтказилади.
3-боб. Талабгорни аттестациядан ўтказиш тартиби ва баҳолаш мезонлари
20. Аттестация талабгорнинг хоҳишига кўра масофавий ёки анъанавий тарзда ўтказилади.
Бунда масофавий аттестация ваколатли органнинг тегишли архив иши ҳудудий бошқармаси биносида ахборот-коммуникация технологияларини қўллаган ҳолда ваколатли орган томонидан, анъанавий аттестация эса, ваколатли орган биносида ташкил этилади.
21. Талабгорнинг билим даражасини баҳолаш учун бериладиган саволлар архив иши ва иш юритиш соҳаси, архив ҳужжатларини тартибга келтириш, шу жумладан, ҳужжатлар қимматлилигини аниқлаш экспертизасини ўтказиш мавзуси доирасида бўлиши лозим.
22. Аттестация қуйидаги босқичларда ташкил этилади:
1-босқич — талабгорнинг танловига кўра ўзбек, қорақалпоқ ёки рус тилида тест саволларига жавоб бериш;
2-босқич — суҳбат ўтказиш.
25 тадан иборат тест саволларига жавоб бериш учун 45 дақиқа вақт берилади, ҳар бир тўғри жавоб 2 баллдан автоматик баҳоланади. Тест натижасига кўра 36-50 балл тўплаганлар кейинги босқичга ўтиши мумкин.
Тест саволлари вариантлари ва уларнинг жавоблари ваколатли орган томонидан ишлаб чиқилади. Тест саволлари қонунчилик ҳужжатларига киритилган ўзгартириш ва қўшимчалар асосида янгиланиб, ваколатли органнинг расмий веб-сайтида мунтазам равишда жойлаштириб борилади.
Суҳбат босқичида талабгорлар танланган билет бўйича 5 та саволга ҳамда қўшимча саволларга берилган жавоблар учун 50 баллгача комиссия аъзолари томонидан алоҳида баҳоланиб борилади ҳамда ўрта арифметик нисбатда умумлаштирилади.
Аттестациянинг умумий давомийлиги 3 иш кунидан ошиб кетишига йўл қўйилмайди.
23. Талабгор аттестацияга шахсини тасдиқловчи ҳужжат асосида киритилади.
Аттестациядан ўтиш жараёнида талабгорга қуйидагилар тақиқланади:
қонунчилик ҳужжатлари, ахборотномалар ва махсус адабиётлардан фойдаланиш;
мобил алоқа воситаси ва бошқа алоқа воситаларидан фойдаланиш;
бошқа талабгорлар билан суҳбатлашиш;
аттестация ўтказилаётган хонадан ташқарига чиқиш.
Ушбу талабларни бузган талабгорлар аттестация ўтказилаётган хонадан чиқариб юборилади ва аттестациядан ўтмаган ҳисобланади.
Бегона шахсларга аттестацияда иштирок этишга рухсат берилмайди.
24. Аттестация жараёни узлуксиз равишда овозли видеотасвирга туширилади ва бир йил мобайнида сақланади.
Аттестацияни ўтказиш жараёнини узлуксиз равишда овозли видеотасвирга тушириш учун ваколатли орган аттестацияни ўтказиш учун алоҳида тест хоналарини ажратади ҳамда замонавий техник асбоб-ускуналар (компьютер, овозли видео камера, Интернет жаҳон ахборот тармоғи ва бошқалар) билан таъминлаб, талабгорлар учун тегишли шарт-шароитлар яратади.
25. Аттестация умумий натижаларига кўра жами 70 — 100 балл тўплаганлар аттестациядан муваффақиятли ўтган ҳисобланади.
26. Ўтказилган аттестация натижаси бўйича ваколатли орган 2 иш куни ичида:
ташкилотлар ҳужжатларини тартибга келтириш бўйича тегишли компетентга эга деб топилган талабгорга мазкур Регламентга 3-иловага мувофиқ QR-код (матрик штрихли код) қўйилган гувоҳномани;
ташкилотлар ҳужжатларини тартибга келтириш бўйича тегишли компетентга эга эмас деб топилган талабгорга унинг сабабларини кўрсатган ҳолда, QR-код (матрик штрихли код) қўйилган билдиришномани расмийлаштиради ва уни ўз ЭРИси билан тасдиқлайди ҳамда Марказга (ўзи келиб мурожаат этган тақдирда) ёки талабгорга (электрон шаклда мурожаат этган тақдирда) ЯИДХП орқали юборади.
Марказ гувоҳнома ёки билдиришнома келиб тушгандан сўнг 10 дақиқа мобайнида уни талабгорнинг электрон манзилига юборади ва талабгорни бу ҳақида ахборот-коммуникация тизими орқали хабардор қилади. Марказ талабгор ўзи келиб мурожаат қилган тақдирда, талабгорнинг сўровига кўра унга гувоҳномани электрон ёки қоғоз шаклда тақдим этади.
27. Ваколатли орган томонидан гувоҳномага эга шахсларнинг электрон реестри (кейинги ўринларда — Реестр) юритилади ва унда қуйидаги маълумотлар қайд этилади:
гувоҳномага эга шахснинг фамилияси, исми, отасининг исми;
шахсини тасдиқловчи (паспорти ёки идентификация ID-картаси) маълумотлари;
гувоҳнома рақами, берилган санаси ва амал қилиш муддати;
гувоҳнома бекор қилинган бўлса, унга асос ва бекор қилинган санаси;
гувоҳномани қайта расмийлаштириш тўғрисидаги маълумотлар.
28. Гувоҳнома 3 йил муддатга берилади.
4-боб. Аттестация комиссияси
29. Аттестация ўтказиш учун ваколатли орган раҳбари ёки унинг ўринбосари раислик қилувчи аттестация комиссияси ташкил этилади.
30. Аттестация комиссияси ваколатли органнинг буйруғига асосан архив иши ва иш юритиш соҳасидаги тажрибали 5 нафар мутахассисдан иборат таркибда тузилади. Бу таркибда комиссия котиби аъзо ҳисобланмайди.
31. Аттестация комиссияси аттестация натижаларига кўра ташкилотлар ҳужжатларини тартибга келтириш бўйича тегишли компетентга эга ёки эга эмаслиги тўғрисида қарорлар чиқаради.
32. Комиссия аъзоларининг учдан икки қисми иштирок этганда ваколатли ҳисобланади.
33. Аттестация комиссияси қарори иштирок этган аъзолари томонидан имзоланадиган баённома билан расмийлаштирилади.
Аттестация комиссиясининг баённомалари ваколатли органда камида 3 йил муддатда сақланади.
34. Аттестация комиссиясининг қарори юзасидан қонунчилик ҳужжатларида белгиланган тартибда судга шикоят қилиниши мумкин.
5-боб. Гувоҳномани қайта расмийлаштириш, тўхтатиб туриш ва бекор қилиш тартиби
35. Гувоҳнома эгасининг паспортида (идентификацияловчи ID-картасида) кўрсатилган фамилияси, исми, отасининг исми ўзгартирилганда, бир ой давомида ваколатли органга гувоҳномани қайта расмийлаштириш тўғрисида Марказ ёки ЯИДХП орқали ушбу Регламентга 2-иловага мувофиқ шаклдаги сўровномани топшириши шарт.
36. Гувоҳнома гувоҳнома эгаси томонидан сўровнома берилган пайтдан бошлаб икки иш куни мобайнида қайта расмийлаштирилади, бунда Реестрга тегишли ўзгартиришлар киритилади.
Гувоҳномани қайта расмийлаштириш учун гувоҳнома эгасини аттестациядан ўтказиш талаб этилмайди.
Гувоҳномани қайта расмийлаштиришда тўлов ундирилмайди.
Реестрда гувоҳнома эгасининг амалдаги гувоҳномаси мавжуд эмаслиги сўровномани рад этиш учун асос ҳисобланади.
37. Гувоҳноманинг амал қилишини тўхтатиб туриш учун қуйидагилар асос бўлади:
гувоҳнома эгасининг аризасига кўра гувоҳноманинг амал қилиш муддати тугашига қадар бўлган муддатгача;
гувоҳнома эгаси ўз фаолиятини амалга оширишда қонунчилик ҳужжатлари талабларини бузганда;
ҳужжатларни нотўғри йўқ қилишга ажратиш ҳамда нотўғри ва сифатсиз тартибга келтириш ҳолатлари аниқланганда;
ваколатли органнинг аниқланган қоидабузарликларни бартараф этиш бўйича кўрсатмаси бажарилмаганда.
38. Гувоҳноманинг амал қилиши ваколатли орган томонидан 1 ой муддатга тўхтатиб турилади, мазкур Регламентнинг 37-банди иккинчи хатбошисида назарда тутилган ҳолат бундан мустасно.
39. Ваколатли органнинг гувоҳноманинг амал қилишини тўхтатиб туриш тўғрисидаги қарори бўйича 2 иш куни ичида гувоҳнома эгаси хабардор қилинади ва гувоҳноманинг амал қилиши тўхтатиб турилганлиги ҳақида Реестрга тегишли ёзув киритилади.
40. Ваколатли орган гувоҳноманинг амал қилиши тўхтатиб турилишига сабаб бўлган ҳолатларнинг гувоҳнома эгаси томонидан бартараф этилиши учун 1 ой муддат беради.
41. Камчиликлар бартараф этилгани тўғрисидаги маълумот тушган кундан бошлаб 3 иш куни ичида ваколатли орган маълумотларни ўрганиши лозим.
Ўрганишлар натижасида гувоҳноманинг амал қилишини тўхтатиб туришга сабаб бўлган ҳолатлар гувоҳнома эгаси томонидан бартараф этилганлиги аниқланган тақдирда, ваколатли орган 2 иш куни ичида камчиликлар бартараф этилганлиги тўғрисида гувоҳнома эгасини хабардор қилади ҳамда гувоҳноманинг амал қилиши тикланади.
42. Гувоҳнома қуйидаги ҳолларда ваколатли орган томонидан бекор қилинади:
гувоҳнома эгаси гувоҳноманинг амал қилишини бекор қилиш бўйича мурожаат қилганда;
гувоҳномани бериш тартиби бекор қилинганда;
гувоҳнома эгасининг муомалага лаёқатлилиги белгиланган тартибда чекланганда, у муомалага лаёқатсиз деб топилганда;
гувоҳнома эгаси вафот этганда;
гувоҳноманинг амал қилиши гувоҳнома эгасининг мурожаатига асосан тўхтатиб турилганда ҳамда тегишли муддат давомида гувоҳноманинг амал қилишини қайта тиклаш тўғрисида ваколатли органга мурожаат қилинмаган тақдирда.
43. Ваколатли орган қуйидаги ҳолларда гувоҳноманинг амал қилишини бекор қилиш тўғрисида судга мурожаат қилади:
гувоҳнома эгаси гувоҳноманинг амал қилишини тўхтатиб туришга олиб келган ҳолатларни ваколатли орган белгилаган муддатда бартараф этмаганда;
ваколатли органнинг гувоҳномани бериш тўғрисидаги қарорининг қонунга хилофлиги аниқланганда;
гувоҳнома қалбаки ҳужжатлардан фойдаланган ҳолда олингани ёки мазкур Регламентнинг 6-бандида белгиланган талаблар бузилиши аниқланганда.
44. Ваколатли органнинг гувоҳномани тўхтатиб туриш ёки бекор қилиш ҳақидаги қарори ёхуд мазкур Регламентнинг 43-бандида назарда тутилган асосларда ваколатли орган томонидан гувоҳномани бекор қилиш бўйича судга даъво киритилганда, гувоҳнома эгаси иш материаллари билан танишишга ҳамда улардан кўчирма олишга, оғзаки ва ёзма тушунтиришлар беришга, далилларни тақдим этишга ва уларни текширишда иштирок этишга, илтимосномалар тақдим этишга ҳамда қонунчилик ҳужжатларида назарда тутилган бошқа ҳуқуқлардан фойдаланишга ҳақлидир.
45. Ваколатли органнинг гувоҳноманинг амал қилишини бекор қилиш тўғрисидаги қарори ҳақида 2 иш куни ичида гувоҳнома эгаси хабардор қилинади ва бу ҳақида Реестрга тегишли ёзув киритилади.
Гувоҳнома бекор қилинганда, гувоҳнома эгаси гувоҳномани олиш бўйича ушбу Регламентга асосан умумий тартибда мурожаат қилиши мумкин.
6-боб. Якунловчи қоидалар
46. Давлат хизматлари марказлари ва ваколатли орган ўз фаолиятини амалга ошириши натижасида олинган маълумотлар сир сақланишини таъминлайди.
47. Ўзбекистон Республикаси Адлия вазирлиги, унинг ҳудудий бошқармалари ва Давлат хизматлари марказлари Регламент талаблари бажарилиши бўйича ваколатли органининг фаолияти устидан давлат хизматларини кўрсатиш давомида, шу жумладан, ЯИДХП орқали доимий назорат ва мониторингни амалга оширади.
48. Талабгорлар ва гувоҳнома эгалари ваколатли органлар ходимларининг хатти-ҳаракатлари устидан қонунчиликда белгиланган тартибда шикоят қилишлари мумкин.
49. Мазкур Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Талабгорларни архив ҳужжатларини тартибга келтиришга компетентлиги юзасидан аттестациядан ўтказиш бўйича давлат хизматини кўрсатишнинг маъмурий регламентига 1-ИЛОВА
Талабгорларни архив ҳужжатларини тартибга келтиришга компетентлиги юзасидан аттестациядан ўтказиш бўйича давлат хизматини кўрсатиш
Босқичлар Субъектлар Тадбирлар Бажариш муддатлари 1-босқич Талабгор Аттестациядан ўтиш учун Давлат хизматлари марказига ўзи келган ҳолда ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали электрон шаклда мурожаат қилади. Хоҳишига кўра 2-босқич 1. Давлат хизматлари маркази 1. Сўровнома шаклини тўлдириб, ваколатли органга юборади. 1. Сўровнома тўлдирилгандан кейин 10 дақиқада 2. ЯИДХП 2. Тўлдирилган сўровнома автоматик тарзда ваколатли органга юборади. 2. Автоматик тарзда 3-босқич Ваколатли орган Талабгорнинг аттестацияга қўйилиши ёки қўйилмаслиги ҳақида қарор қабул қилади ва бу ҳақида Марказга (ўзи келиб мурожаат этган тақдирда) ёки ариза берувчига (электрон шаклда мурожаат этган тақдирда) ЯИДХП орқали электрон равишда хабарнома юборади. 1 иш кунида 4-босқич Ваколатли орган Келиб тушган аризалар бўйича аттестация ўтказилишини ташкил этади. 2 ойда камида бир марта 5-босқич Ваколатли орган Ўтказилган аттестация натижаси бўйича шу куннинг ўзида QR-код (матрик штрихли код) қўйилган гувоҳнома ёки билдиришномани расмийлаштиради ва уни ўз ЭРИси билан тасдиқлайди ҳамда Марказга (ўзи келиб мурожаат этган тақдирда) ёки талабгорга (электрон шаклда мурожаат этган тақдирда) ЯИДХП орқали юборади. 2 иш кунида 6-босқич Давлат хизматлари маркази 1. Гувоҳнома ёки билдиришнома келиб тушгандан сўнг уни талабгорнинг электрон манзилига юборади ва талабгорни бу ҳақида ахборот-коммуникация тизими орқали хабардор қилади. 1. 10 дақиқада 2. Ўзи келиб мурожаат қилган тақдирда гувоҳномани электрон ёки қоғоз шаклида тақдим этади. 2. Талабгорнинг сўровига кўра
Талабгорларни архив ҳужжатларини тартибга келтиришга компетентлиги юзасидан аттестациядан ўтказиш бўйича давлат хизматини кўрсатишнинг маъмурий регламентига 2-ИЛОВА
Талабгорларни архив ҳужжатларини тартибга келтиришга компетентлиги юзасидан аттестациядан ўтказиш бўйича давлат хизматидан фойдаланиш учун
Гувоҳномани олиш учун 1. Ф.И.О:* 2. Паспорт ёки идентификацияловчи ID-картаси маълумотлари (серияси ва рақами, жисмоний шахснинг шахсий идентификация рақами): 3. Электрон почта манзили (мавжуд бўлса): 4. Телефон рақами: 5. Аттестацияда иштирок этиш шакли: Масофавий Анъанавий 6. Сўровномага сўнгги уч йилда архив иши бўйича малакасини оширилганлигини тасдиқловчи ҳужжат нусхаси илова қилинади. Гувоҳномани қайта расмийлаштириш учун 1. Ф.И.О*: 2. Паспорт ёки идентификацияловчи ID-картаси маълумотлари (серияси ва рақами, жисмоний шахснинг шахсий идентификация рақами): * «Рақамли ҳукумат» тизимининг идоралараро интеграциялашув платформаси орқали мустақил равишда олинади.
Талабгорларни архив ҳужжатларини тартибга келтиришга компетентлиги юзасидан аттестациядан ўтказиш бўйича давлат хизматини кўрсатишнинг маъмурий регламентига 3-ИЛОВА
Ўзбекистон Республикаси Адлия вазирлиги ҳузуридаги «Ўзархив» агентлиги ________________________________________________________________________________________ (архив иши соҳасида ваколатли органнинг номи) Касбий компетентлик тўғрисида -сон гувоҳнома ____________ (ЖШШИР) Ушбу гувоҳнома ________________________________________________________________________ га (фамилияси, исми, отасининг исми) архив ҳужжатларини тартибга келтириш бўйича компетентга эга эканлиги тўғрисида берилди. Амал қилиш муддати: ___ . ___ . _____ йилга қадар. Асос: Аттестация комиссиясининг ___ . ___ . _____ йилдаги ____ -сон қарори. Ваколатли орган раҳбарининг Ф.И.О. ____________________________________________ QR-код
Вазирлар Маҳкамасининг 2025 йил 8 апрелдаги 208-сон қарорига 2-ИЛОВА
Ўзбекистон Республикаси Ҳукуматининг айрим ҳужжатларига киритилаётган ўзгартиришлар
1. Вазирлар Маҳкамасининг «Ўзбекистон Республикасида архив ишини такомиллаштириш тўғрисида» 2012 йил 5 апрелдаги 101-сон қарорида :
а) 1-бандда :
олтинчи хатбоши чиқариб ташлансин;
еттинчи хатбоши олтинчи хатбоши деб ҳисоблансин;
б) 5-илова ўз кучини йўқотган деб ҳисоблансин.
2. Вазирлар Маҳкамасининг «Ўзбекистон Республикасида архив иши ва иш юритиш соҳаси такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2021 йил 15 февралдаги 68-сон қарорига 1-илованинг 3-банди «д» кичик банди ўз кучини йўқотган деб ҳисоблансин.
Ўзбекистон Республикасининг Бош вазири А. АРИПОВ
Тошкент ш.,
2025 йил 8 апрель,
208-сон
Oʻzbekiston Respublikasi Vazirlar Mahkamasining
qarori
MAʼMURIY REGLAMENTI
SXEMASI
SOʻROVNOMA
Talabgorlarni arxiv hujjatlarini tartibga keltirishga kompetentligi yuzasidan attestatsiyadan oʻtkazish boʻyicha davlat xizmatini koʻrsatishning maʼmuriy reglamentini tasdiqlash toʻgʻrisida
Oʻzbekiston Respublikasi Prezidentining “Oʻzbekiston — 2030” strategiyasi toʻgʻrisida” 2023-yil 11-sentabrdagi PF-158-son Farmoni ijrosini taʼminlash hamda arxiv organlari tomonidan koʻrsatilayotgan davlat xizmatlarini yangi bosqichga olib chiqish hamda fuqarolarga qoʻshimcha qulaylik yaratish maqsadida Vazirlar Mahkamasi qaror qiladi:
1. Quyidagilarni nazarda tutuvchi Talabgorlarni arxiv hujjatlarini tartibga keltirishga kompetentligi yuzasidan attestatsiyadan oʻtkazish boʻyicha davlat xizmatini koʻrsatishning maʼmuriy reglamenti (keyingi oʻrinlarda — Reglament) 1-ilovaga muvofiq tasdiqlansin:
kasbiy kompetentlik guvohnomalarining davlat xizmatlari markazlari hamda Yagona interaktiv davlat xizmatlari portali (keyingi oʻrinlarda — YIDXP) orqali elektron shaklda rasmiylashtirilishi;
kasbiy kompetentlik guvohnomalarini olish uchun attestatsiyaning talabgor ishtirok etish joyiga qarab masofaviy yoki anʼanaviy tarzda oʻtkazilishi;
kasbiy kompetentlik guvohnomalarini olish uchun attestatsiyani oʻtkazishda talabgorni baholash tartibi.
2. Belgilab qoʻyilsinki, tashkilotlarning arxiv hujjatlari kasbiy kompetentlik guvohnomasiga ega shaxs tomonidan tartibga keltiriladi.
3. Mazkur qaror kuchga kirgandan boshlab:
amaldagi guvohnomaga ega arxiv mutaxassislarining kasbiy kompetentlik guvohnomalari muddati tugaguniga qadar haqiqiy deb hisoblanadi;
kasbiy kompetentlik guvohnomalariga ega shaxslar arxiv hujjatlarini faqat oʻzi faoliyat yuritadigan tashkilotlarda tartibga keltiradi yoki uning nomidan boshqa tashkilotlarga xizmat koʻrsatadi.
4. Adliya vazirligi:
a) Raqamli texnologiyalar vazirligi bilan birgalikda bir oy muddatda:
Reglament boʻyicha davlat xizmati YIDXP orqali joriy etilishini taʼminlasin;
YIDXPda davlat xizmati koʻrsatishning har bir bosqichida murojaatlar koʻrib chiqilishini kuzatib borish tartibini joriy etsin;
b) ikki oy muddatda amaldagi kasbiy kompetentlik guvohnomalari haqidagi maʼlumotlar arxiv hujjatlarini tartibga keltirishga kompetentligi yuzasidan attestatsiyadan oʻtkazilgan talabgorlar reyestriga kiritilishini taʼminlasin;
v) davlat organlari va boshqa tashkilotlar tomonidan mazkur qarorga muvofiq davlat xizmati koʻrsatilishining belgilangan tartibiga rioya etilishi ustidan doimiy nazorat oʻrnatsin;
g) Reglamentga muvofiq davlat xizmatini koʻrsatish tartiblarini buzganlik uchun davlat organlari va boshqa tashkilotlar mansabdor shaxslariga nisbatan belgilangan tartibda maʼmuriy jazo choralarini qoʻllasin.
5. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirishlar kiritilsin.
6. Mazkur qarorning bajarilishini nazorat qilish Oʻzbekiston Respublikasi adliya vaziri A.J. Tashkulov zimmasiga yuklansin.
Vazirlar Mahkamasining 2025-yil 8-apreldagi 208-son qaroriga 1-ILOVA
Talabgorlarni arxiv hujjatlarini tartibga keltirishga kompetentligi yuzasidan attestatsiyadan oʻtkazish boʻyicha davlat xizmatini koʻrsatishning
1-bob. Umumiy qoidalar
1. Ushbu Reglament tashkilotlar hujjatlarini tartibga keltirishga masʼul shaxsning kompetentligi yuzasidan uni attestatsiyadan oʻtkazish boʻyicha davlat xizmatini (keyingi oʻrinlarda — davlat xizmati) koʻrsatish tartibini belgilaydi.
2. Ushbu Reglamentda quyidagi asosiy tushunchalar qoʻllaniladi:
attestatsiya — talabgorning tashkilotlar hujjatlarini tartibga keltirishga kompetentligi darajasini vakolatli organ tomonidan aniqlash tartib-taomili;
vakolatli organ — Oʻzbekiston Respublikasi Adliya vazirligi huzuridagi “Oʻzarxiv” agentligi;
kasbiy kompetentlik guvohnomasi (guvohnoma) — talabgorning attestatsiyadan oʻtkazilganligini tasdiqlovchi vakolatli organ tomonidan beriladigan rasmiy hujjat.
talabgor — tashkilotlar hujjatlarini tartibga keltirishga kompetentligi yuzasidan attestatsiyadan oʻtish uchun ariza beruvchi jismoniy shaxs;
3. Davlat xizmati vakolatli organ tomonidan Davlat xizmatlari markazlari (keyingi oʻrinlarda — Markaz) yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali koʻrsatiladi.
4. Attestatsiya tashkilotlar hujjatlarini tartibga keltirishga qoʻyiladigan malaka talablariga talabgorning muvofiqligini aniqlash va kasbiy malaka darajasini xolisona baholash maqsadida oʻtkaziladi.
5. Attestatsiya arxivlarni tashkil etishga va arxiv xodimlari bilan mehnat shartnomasini tuzishga, ular tomonidan arxiv ishi sohasida boshqa xizmatlarni koʻrsatishga, shuningdek, talabgorning egallab turgan lavozimiga toʻsiq boʻla olmaydi, tashkilotlar hujjatlarini tartibga keltirish yoki xodimning kompetentligi egallab turgan lavozimining asosiy mezoni hisoblangan hollar bundan mustasno.
6. Guvohnoma egasi arxiv hujjatlarini faqat oʻzi faoliyat yuritadigan tashkilotda tartibga keltiradi yoki uning nomidan boshqa tashkilotlarga xizmat koʻrsatadi.
7. Davlat xizmati mazkur Reglamentga 1-ilovaga muvofiq sxema boʻyicha koʻrsatiladi.
2-bob. Davlat xizmatini koʻrsatish tartibi
8. Talabgor oʻzi kelib murojaat etgan taqdirda, Markaz xodimi talabgor nomidan, YIDXP orqali murojaat qilingan hollarda esa, Reglamentga 2-ilovaga muvofiq shakldagi soʻrovnomani elektron shaklda toʻldiradi.
Soʻrovnomaga soʻnggi uch yilda arxiv ishi boʻyicha malaka oshirilganligini tasdiqlovchi hujjat nusxasi ilova qilinadi.
Talabgordan ushbu bandda koʻrsatilmagan maʼlumotlarni hamda boshqa hujjatlarni talab qilish qatʼiyan taqiqlanadi.
9. Soʻrovnomaga zarur maʼlumotlar kiritilgandan soʻng talabgor maʼlumotlarning toʻgʻriligini tekshiradi va imzolarni identifikatsiya qilishning zamonaviy vositalari (daktiloskopiya, elektron raqamli imzo, Mobil-ID va boshqalar) bilan tasdiqlaydi.
Talabgor YIDXP orqali murojaat etgan taqdirda, soʻrovnomani elektron raqamli imzo (keyingi oʻrinlarda — ERI) bilan tasdiqlash talab etilmaydi.
10. Davlat xizmatini koʻrsatish uchun talabgordan bazaviy hisoblash miqdorining bir baravari miqdorida yigʻim undiriladi.
Davlat xizmati koʻrsatilishi uchun YIDXP orqali murojaat etilganda, ushbu bandning birinchi xatboshisida koʻrsatilgan yigʻim summasining 90 foizi undiriladi.
Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga mazkur bandning birinchi va ikkinchi xatboshilarida belgilangan yigʻimning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga mazkur bandning birinchi va ikkinchi xatboshilarida belgilangan yigʻimdan 75 foiz miqdorida chegirma qoʻllaniladi. Bunda chegirma Ijtimoiy reyestrning:
“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;
ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi.
Davlat xizmatlarini koʻrsatish uchun yigʻim toʻlangani axborot-kommunikatsiya tizimlari orqali tasdiqlanadi.
11. Yigʻim summasi quyidagi tartibda taqsimlanadi:
a) Markaz orqali murojaat etilganda:
18 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;
0,5 foizi — Raqamli texnologiyalar vazirligi huzuridagi “Elektron hukumat loyihalarini boshqarish markazi” davlat muassasasining Iqtisodiyot va moliya vazirligi Gʻaznachilik xizmati qoʻmitasidagi maxsus hisobvaragʻiga (Yagona billing tizimi orqali tasdiqlanganligi uchun);
qolgan mablagʻlar — “Oʻzarxiv” agentligi huzuridagi Arxiv ishini rivojlantirish jamgʻarmasi hisobvaragʻiga;
b) YIDXP orqali murojaat etilganda:
10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasi;
11,75 foizi — Oʻzbekiston Respublikasi Raqamli texnologiyalar vazirligi huzuridagi “Elektron hukumat loyihalarini boshqarish markazi” davlat muassasasining Iqtisodiyot va moliya vazirligi huzuridagi Gʻaznachilik xizmati qoʻmitasining maxsus hisobvaragʻiga (shu jumladan, 0,5 foizi yigʻim toʻlanganligi Yagona billing tizimi orqali tasdiqlanganligi uchun);
qolgan mablagʻlar — “Oʻzarxiv” agentligi huzuridagi Arxiv ishini rivojlantirish jamgʻarmasi hisobvaragʻiga oʻtkaziladi.
12. Talabgor Markazga kelib murojaat etganda, uning soʻrovnomasi Markaz xodimi tomonidan toʻldirilib, talabgor tomonidan tasdiqlangandan soʻng oʻn daqiqada vakolatli organga elektron shaklda yuboriladi. YIDXP orqali murojaat qilinganda esa, soʻrovnoma avtomatik tarzda vakolatli organga yuboriladi.
13. Vakolatli organ soʻrovnoma tushgan kundan boshlab 1 ish kunida talabgorning attestatsiyaga qoʻyilishi yoki qoʻyilmasligi haqida Markazga (oʻzi kelib murojaat etgan taqdirda) yoki ariza beruvchiga (elektron shaklda murojaat etgan taqdirda) YIDXP orqali elektron xabarnoma yuboradi.
Markaz xabarnoma kelib tushgandan soʻng 10 daqiqa mobaynida ariza beruvchini bu haqida axborot-kommunikatsiya tizimi orqali xabardor qiladi.
14. Quyidagilar davlat xizmatini koʻrsatishni rad etish uchun asos hisoblanadi:
soʻrovnomada notoʻgʻri maʼlumotlar koʻrsatilishi;
amal qilish muddati uch oy va undan ortiq boʻlgan guvohnomaning mavjudligi;
soʻnggi uch yilda arxiv ishi boʻyicha malaka oshirilmagani;
Davlat xizmatini koʻrsatishni boshqa asoslar boʻyicha rad etish qatʼiyan taqiqlanadi.
Talabgor uning soʻrovnomasi rad etilgani toʻgʻrisidagi xabarnomani olgan kundan boshlab oʻttiz kun ichida hujjatlardagi kamchiliklarni toʻgʻrilab, davlat xizmatlarini koʻrsatish uchun yigʻim toʻlamagan holda, Markazga yoki YAIDXTT orqali takroran murojaat qilish huquqiga ega.
Bunda soʻrovnoma rad etilgani toʻgʻrisidagi xabarnomada keltirilgan kamchiliklar bartaraf qilinib, oʻttiz kun ichida takroran murojaat qilinmagan taqdirda, ariza koʻrib chiqilishi tugatiladi va toʻlangan yigʻim talabgorga qaytarilmaydi.
15. Hujjatlar vakolatli organ tomonidan bir ish kuni davomida takroran koʻrib chiqiladi.
Bunda vakolatli organ tomonidan avval rad etish uchun asoslarda bayon etilmagan sabablar keltirilishiga yoʻl qoʻyilmaydi, avval koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablari keltirilishi bundan mustasno.
16. Attestatsiyani oʻtkazish kuni, vaqti va joyi toʻgʻrisidagi maʼlumot vakolatli organning rasmiy veb-saytida imtihon sanasidan 10 ish kuni oldin joylashtiriladi.
17. Talabgor davlat xizmatlaridan foydalanishda ularni koʻrsatishning har qanday bosqichida bosh tortish huquqiga ega. Talabgor davlat xizmatlaridan foydalanishdan bosh tortganda, uning soʻrovnomasi koʻrib chiqilmasdan qoldiriladi va toʻlangan yigʻim summasi qaytarilmaydi.
18. Vakolatli organ tomonidan attestatsiyadan oʻtkaziladiganlar roʻyxati attestatsiya oʻtkazish kunidan avval 5 ish kunigacha kelib tushgan arizalar boʻyicha shakllantiriladi.
19. Attestatsiya ikki oyda kamida bir marta oʻtkaziladi.
3-bob. Talabgorni attestatsiyadan oʻtkazish tartibi va baholash mezonlari
20. Attestatsiya talabgorning xohishiga koʻra masofaviy yoki anʼanaviy tarzda oʻtkaziladi.
Bunda masofaviy attestatsiya vakolatli organning tegishli arxiv ishi hududiy boshqarmasi binosida axborot-kommunikatsiya texnologiyalarini qoʻllagan holda vakolatli organ tomonidan, anʼanaviy attestatsiya esa, vakolatli organ binosida tashkil etiladi.
21. Talabgorning bilim darajasini baholash uchun beriladigan savollar arxiv ishi va ish yuritish sohasi, arxiv hujjatlarini tartibga keltirish, shu jumladan, hujjatlar qimmatliligini aniqlash ekspertizasini oʻtkazish mavzusi doirasida boʻlishi lozim.
22. Attestatsiya quyidagi bosqichlarda tashkil etiladi:
1-bosqich — talabgorning tanloviga koʻra oʻzbek, qoraqalpoq yoki rus tilida test savollariga javob berish;
2-bosqich — suhbat oʻtkazish.
25 tadan iborat test savollariga javob berish uchun 45 daqiqa vaqt beriladi, har bir toʻgʻri javob 2 balldan avtomatik baholanadi. Test natijasiga koʻra 36-50 ball toʻplaganlar keyingi bosqichga oʻtishi mumkin.
Test savollari variantlari va ularning javoblari vakolatli organ tomonidan ishlab chiqiladi. Test savollari qonunchilik hujjatlariga kiritilgan oʻzgartirish va qoʻshimchalar asosida yangilanib, vakolatli organning rasmiy veb-saytida muntazam ravishda joylashtirib boriladi.
Suhbat bosqichida talabgorlar tanlangan bilet boʻyicha 5 ta savolga hamda qoʻshimcha savollarga berilgan javoblar uchun 50 ballgacha komissiya aʼzolari tomonidan alohida baholanib boriladi hamda oʻrta arifmetik nisbatda umumlashtiriladi.
Attestatsiyaning umumiy davomiyligi 3 ish kunidan oshib ketishiga yoʻl qoʻyilmaydi.
23. Talabgor attestatsiyaga shaxsini tasdiqlovchi hujjat asosida kiritiladi.
Attestatsiyadan oʻtish jarayonida talabgorga quyidagilar taqiqlanadi:
qonunchilik hujjatlari, axborotnomalar va maxsus adabiyotlardan foydalanish;
mobil aloqa vositasi va boshqa aloqa vositalaridan foydalanish;
boshqa talabgorlar bilan suhbatlashish;
attestatsiya oʻtkazilayotgan xonadan tashqariga chiqish.
Ushbu talablarni buzgan talabgorlar attestatsiya oʻtkazilayotgan xonadan chiqarib yuboriladi va attestatsiyadan oʻtmagan hisoblanadi.
Begona shaxslarga attestatsiyada ishtirok etishga ruxsat berilmaydi.
24. Attestatsiya jarayoni uzluksiz ravishda ovozli videotasvirga tushiriladi va bir yil mobaynida saqlanadi.
Attestatsiyani oʻtkazish jarayonini uzluksiz ravishda ovozli videotasvirga tushirish uchun vakolatli organ attestatsiyani oʻtkazish uchun alohida test xonalarini ajratadi hamda zamonaviy texnik asbob-uskunalar (kompyuter, ovozli video kamera, Internet jahon axborot tarmogʻi va boshqalar) bilan taʼminlab, talabgorlar uchun tegishli shart-sharoitlar yaratadi.
25. Attestatsiya umumiy natijalariga koʻra jami 70 — 100 ball toʻplaganlar attestatsiyadan muvaffaqiyatli oʻtgan hisoblanadi.
26. Oʻtkazilgan attestatsiya natijasi boʻyicha vakolatli organ 2 ish kuni ichida:
tashkilotlar hujjatlarini tartibga keltirish boʻyicha tegishli kompetentga ega deb topilgan talabgorga mazkur Reglamentga 3-ilovaga muvofiq QR-kod (matrik shtrixli kod) qoʻyilgan guvohnomani;
tashkilotlar hujjatlarini tartibga keltirish boʻyicha tegishli kompetentga ega emas deb topilgan talabgorga uning sabablarini koʻrsatgan holda, QR-kod (matrik shtrixli kod) qoʻyilgan bildirishnomani rasmiylashtiradi va uni oʻz ERIsi bilan tasdiqlaydi hamda Markazga (oʻzi kelib murojaat etgan taqdirda) yoki talabgorga (elektron shaklda murojaat etgan taqdirda) YIDXP orqali yuboradi.
Markaz guvohnoma yoki bildirishnoma kelib tushgandan soʻng 10 daqiqa mobaynida uni talabgorning elektron manziliga yuboradi va talabgorni bu haqida axborot-kommunikatsiya tizimi orqali xabardor qiladi. Markaz talabgor oʻzi kelib murojaat qilgan taqdirda, talabgorning soʻroviga koʻra unga guvohnomani elektron yoki qogʻoz shaklda taqdim etadi.
27. Vakolatli organ tomonidan guvohnomaga ega shaxslarning elektron reyestri (keyingi oʻrinlarda — Reyestr) yuritiladi va unda quyidagi maʼlumotlar qayd etiladi:
guvohnomaga ega shaxsning familiyasi, ismi, otasining ismi;
shaxsini tasdiqlovchi (pasporti yoki identifikatsiya ID-kartasi) maʼlumotlari;
guvohnoma raqami, berilgan sanasi va amal qilish muddati;
guvohnoma bekor qilingan boʻlsa, unga asos va bekor qilingan sanasi;
guvohnomani qayta rasmiylashtirish toʻgʻrisidagi maʼlumotlar.
28. Guvohnoma 3 yil muddatga beriladi.
4-bob. Attestatsiya komissiyasi
29. Attestatsiya oʻtkazish uchun vakolatli organ rahbari yoki uning oʻrinbosari raislik qiluvchi attestatsiya komissiyasi tashkil etiladi.
30. Attestatsiya komissiyasi vakolatli organning buyrugʻiga asosan arxiv ishi va ish yuritish sohasidagi tajribali 5 nafar mutaxassisdan iborat tarkibda tuziladi. Bu tarkibda komissiya kotibi aʼzo hisoblanmaydi.
31. Attestatsiya komissiyasi attestatsiya natijalariga koʻra tashkilotlar hujjatlarini tartibga keltirish boʻyicha tegishli kompetentga ega yoki ega emasligi toʻgʻrisida qarorlar chiqaradi.
32. Komissiya aʼzolarining uchdan ikki qismi ishtirok etganda vakolatli hisoblanadi.
33. Attestatsiya komissiyasi qarori ishtirok etgan aʼzolari tomonidan imzolanadigan bayonnoma bilan rasmiylashtiriladi.
Attestatsiya komissiyasining bayonnomalari vakolatli organda kamida 3 yil muddatda saqlanadi.
34. Attestatsiya komissiyasining qarori yuzasidan qonunchilik hujjatlarida belgilangan tartibda sudga shikoyat qilinishi mumkin.
5-bob. Guvohnomani qayta rasmiylashtirish, toʻxtatib turish va bekor qilish tartibi
35. Guvohnoma egasining pasportida (identifikatsiyalovchi ID-kartasida) koʻrsatilgan familiyasi, ismi, otasining ismi oʻzgartirilganda, bir oy davomida vakolatli organga guvohnomani qayta rasmiylashtirish toʻgʻrisida Markaz yoki YIDXP orqali ushbu Reglamentga 2-ilovaga muvofiq shakldagi soʻrovnomani topshirishi shart.
36. Guvohnoma guvohnoma egasi tomonidan soʻrovnoma berilgan paytdan boshlab ikki ish kuni mobaynida qayta rasmiylashtiriladi, bunda Reyestrga tegishli oʻzgartirishlar kiritiladi.
Guvohnomani qayta rasmiylashtirish uchun guvohnoma egasini attestatsiyadan oʻtkazish talab etilmaydi.
Guvohnomani qayta rasmiylashtirishda toʻlov undirilmaydi.
Reyestrda guvohnoma egasining amaldagi guvohnomasi mavjud emasligi soʻrovnomani rad etish uchun asos hisoblanadi.
37. Guvohnomaning amal qilishini toʻxtatib turish uchun quyidagilar asos boʻladi:
guvohnoma egasining arizasiga koʻra guvohnomaning amal qilish muddati tugashiga qadar boʻlgan muddatgacha;
guvohnoma egasi oʻz faoliyatini amalga oshirishda qonunchilik hujjatlari talablarini buzganda;
hujjatlarni notoʻgʻri yoʻq qilishga ajratish hamda notoʻgʻri va sifatsiz tartibga keltirish holatlari aniqlanganda;
vakolatli organning aniqlangan qoidabuzarliklarni bartaraf etish boʻyicha koʻrsatmasi bajarilmaganda.
38. Guvohnomaning amal qilishi vakolatli organ tomonidan 1 oy muddatga toʻxtatib turiladi, mazkur Reglamentning 37-bandi ikkinchi xatboshisida nazarda tutilgan holat bundan mustasno.
39. Vakolatli organning guvohnomaning amal qilishini toʻxtatib turish toʻgʻrisidagi qarori boʻyicha 2 ish kuni ichida guvohnoma egasi xabardor qilinadi va guvohnomaning amal qilishi toʻxtatib turilganligi haqida Reyestrga tegishli yozuv kiritiladi.
40. Vakolatli organ guvohnomaning amal qilishi toʻxtatib turilishiga sabab boʻlgan holatlarning guvohnoma egasi tomonidan bartaraf etilishi uchun 1 oy muddat beradi.
41. Kamchiliklar bartaraf etilgani toʻgʻrisidagi maʼlumot tushgan kundan boshlab 3 ish kuni ichida vakolatli organ maʼlumotlarni oʻrganishi lozim.
Oʻrganishlar natijasida guvohnomaning amal qilishini toʻxtatib turishga sabab boʻlgan holatlar guvohnoma egasi tomonidan bartaraf etilganligi aniqlangan taqdirda, vakolatli organ 2 ish kuni ichida kamchiliklar bartaraf etilganligi toʻgʻrisida guvohnoma egasini xabardor qiladi hamda guvohnomaning amal qilishi tiklanadi.
42. Guvohnoma quyidagi hollarda vakolatli organ tomonidan bekor qilinadi:
guvohnoma egasi guvohnomaning amal qilishini bekor qilish boʻyicha murojaat qilganda;
guvohnomani berish tartibi bekor qilinganda;
guvohnoma egasining muomalaga layoqatliligi belgilangan tartibda cheklanganda, u muomalaga layoqatsiz deb topilganda;
guvohnoma egasi vafot etganda;
guvohnomaning amal qilishi guvohnoma egasining murojaatiga asosan toʻxtatib turilganda hamda tegishli muddat davomida guvohnomaning amal qilishini qayta tiklash toʻgʻrisida vakolatli organga murojaat qilinmagan taqdirda.
43. Vakolatli organ quyidagi hollarda guvohnomaning amal qilishini bekor qilish toʻgʻrisida sudga murojaat qiladi:
guvohnoma egasi guvohnomaning amal qilishini toʻxtatib turishga olib kelgan holatlarni vakolatli organ belgilagan muddatda bartaraf etmaganda;
vakolatli organning guvohnomani berish toʻgʻrisidagi qarorining qonunga xilofligi aniqlanganda;
guvohnoma qalbaki hujjatlardan foydalangan holda olingani yoki mazkur Reglamentning 6-bandida belgilangan talablar buzilishi aniqlanganda.
44. Vakolatli organning guvohnomani toʻxtatib turish yoki bekor qilish haqidagi qarori yoxud mazkur Reglamentning 43-bandida nazarda tutilgan asoslarda vakolatli organ tomonidan guvohnomani bekor qilish boʻyicha sudga daʼvo kiritilganda, guvohnoma egasi ish materiallari bilan tanishishga hamda ulardan koʻchirma olishga, ogʻzaki va yozma tushuntirishlar berishga, dalillarni taqdim etishga va ularni tekshirishda ishtirok etishga, iltimosnomalar taqdim etishga hamda qonunchilik hujjatlarida nazarda tutilgan boshqa huquqlardan foydalanishga haqlidir.
45. Vakolatli organning guvohnomaning amal qilishini bekor qilish toʻgʻrisidagi qarori haqida 2 ish kuni ichida guvohnoma egasi xabardor qilinadi va bu haqida Reyestrga tegishli yozuv kiritiladi.
Guvohnoma bekor qilinganda, guvohnoma egasi guvohnomani olish boʻyicha ushbu Reglamentga asosan umumiy tartibda murojaat qilishi mumkin.
6-bob. Yakunlovchi qoidalar
46. Davlat xizmatlari markazlari va vakolatli organ oʻz faoliyatini amalga oshirishi natijasida olingan maʼlumotlar sir saqlanishini taʼminlaydi.
47. Oʻzbekiston Respublikasi Adliya vazirligi, uning hududiy boshqarmalari va Davlat xizmatlari markazlari Reglament talablari bajarilishi boʻyicha vakolatli organining faoliyati ustidan davlat xizmatlarini koʻrsatish davomida, shu jumladan, YIDXP orqali doimiy nazorat va monitoringni amalga oshiradi.
48. Talabgorlar va guvohnoma egalari vakolatli organlar xodimlarining xatti-harakatlari ustidan qonunchilikda belgilangan tartibda shikoyat qilishlari mumkin.
49. Mazkur Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Talabgorlarni arxiv hujjatlarini tartibga keltirishga kompetentligi yuzasidan attestatsiyadan oʻtkazish boʻyicha davlat xizmatini koʻrsatishning maʼmuriy reglamentiga 1-ILOVA
Talabgorlarni arxiv hujjatlarini tartibga keltirishga kompetentligi yuzasidan attestatsiyadan oʻtkazish boʻyicha davlat xizmatini koʻrsatish
Bosqichlar Subyektlar Tadbirlar Bajarish muddatlari 1-bosqich Talabgor Attestatsiyadan oʻtish uchun Davlat xizmatlari markaziga oʻzi kelgan holda yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali elektron shaklda murojaat qiladi. Xohishiga koʻra 2-bosqich 1. Davlat xizmatlari markazi 1. Soʻrovnoma shaklini toʻldirib, vakolatli organga yuboradi. 1. Soʻrovnoma toʻldirilgandan keyin 10 daqiqada 2. YIDXP 2. Toʻldirilgan soʻrovnoma avtomatik tarzda vakolatli organga yuboradi. 2. Avtomatik tarzda 3-bosqich Vakolatli organ Talabgorning attestatsiyaga qoʻyilishi yoki qoʻyilmasligi haqida qaror qabul qiladi va bu haqida Markazga (oʻzi kelib murojaat etgan taqdirda) yoki ariza beruvchiga (elektron shaklda murojaat etgan taqdirda) YIDXP orqali elektron ravishda xabarnoma yuboradi. 1 ish kunida 4-bosqich Vakolatli organ Kelib tushgan arizalar boʻyicha attestatsiya oʻtkazilishini tashkil etadi. 2 oyda kamida bir marta 5-bosqich Vakolatli organ Oʻtkazilgan attestatsiya natijasi boʻyicha shu kunning oʻzida QR-kod (matrik shtrixli kod) qoʻyilgan guvohnoma yoki bildirishnomani rasmiylashtiradi va uni oʻz ERIsi bilan tasdiqlaydi hamda Markazga (oʻzi kelib murojaat etgan taqdirda) yoki talabgorga (elektron shaklda murojaat etgan taqdirda) YIDXP orqali yuboradi. 2 ish kunida 6-bosqich Davlat xizmatlari markazi 1. Guvohnoma yoki bildirishnoma kelib tushgandan soʻng uni talabgorning elektron manziliga yuboradi va talabgorni bu haqida axborot-kommunikatsiya tizimi orqali xabardor qiladi. 1. 10 daqiqada 2. Oʻzi kelib murojaat qilgan taqdirda guvohnomani elektron yoki qogʻoz shaklida taqdim etadi. 2. Talabgorning soʻroviga koʻra
Talabgorlarni arxiv hujjatlarini tartibga keltirishga kompetentligi yuzasidan attestatsiyadan oʻtkazish boʻyicha davlat xizmatini koʻrsatishning maʼmuriy reglamentiga 2-ILOVA
Talabgorlarni arxiv hujjatlarini tartibga keltirishga kompetentligi yuzasidan attestatsiyadan oʻtkazish boʻyicha davlat xizmatidan foydalanish uchun
Guvohnomani olish uchun 1. F.I.O:* 2. Pasport yoki identifikatsiyalovchi ID-kartasi maʼlumotlari (seriyasi va raqami, jismoniy shaxsning shaxsiy identifikatsiya raqami): 3. Elektron pochta manzili (mavjud boʻlsa): 4. Telefon raqami: 5. Attestatsiyada ishtirok etish shakli: Masofaviy Anʼanaviy 6. Soʻrovnomaga soʻnggi uch yilda arxiv ishi boʻyicha malakasini oshirilganligini tasdiqlovchi hujjat nusxasi ilova qilinadi. Guvohnomani qayta rasmiylashtirish uchun 1. F.I.O*: 2. Pasport yoki identifikatsiyalovchi ID-kartasi maʼlumotlari (seriyasi va raqami, jismoniy shaxsning shaxsiy identifikatsiya raqami): * “Raqamli hukumat” tizimining idoralararo integratsiyalashuv platformasi orqali mustaqil ravishda olinadi.
Talabgorlarni arxiv hujjatlarini tartibga keltirishga kompetentligi yuzasidan attestatsiyadan oʻtkazish boʻyicha davlat xizmatini koʻrsatishning maʼmuriy reglamentiga 3-ILOVA
Oʻzbekiston Respublikasi Adliya vazirligi huzuridagi “Oʻzarxiv” agentligi ________________________________________________________________________________________ (arxiv ishi sohasida vakolatli organning nomi) Kasbiy kompetentlik toʻgʻrisida -son guvohnoma ____________ (JSHSHIR) Ushbu guvohnoma ________________________________________________________________________ ga (familiyasi, ismi, otasining ismi) arxiv hujjatlarini tartibga keltirish boʻyicha kompetentga ega ekanligi toʻgʻrisida berildi. Amal qilish muddati: ___ . ___ . _____ yilga qadar. Asos: Attestatsiya komissiyasining ___ . ___ . _____ yildagi ____ -son qarori. Vakolatli organ rahbarining F.I.O. ____________________________________________ QR-kod
Vazirlar Mahkamasining 2025-yil 8-apreldagi 208-son qaroriga 2-ILOVA
Oʻzbekiston Respublikasi Hukumatining ayrim hujjatlariga kiritilayotgan oʻzgartirishlar
1. Vazirlar Mahkamasining “Oʻzbekiston Respublikasida arxiv ishini takomillashtirish toʻgʻrisida” 2012-yil 5-apreldagi 101-son qarorida :
a) 1-bandda :
oltinchi xatboshi chiqarib tashlansin;
yettinchi xatboshi oltinchi xatboshi deb hisoblansin;
b) 5-ilova oʻz kuchini yoʻqotgan deb hisoblansin.
2. Vazirlar Mahkamasining “Oʻzbekiston Respublikasida arxiv ishi va ish yuritish sohasi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2021-yil 15-fevraldagi 68-son qaroriga 1-ilovaning 3-bandi “d” kichik bandi oʻz kuchini yoʻqotgan deb hisoblansin.
Oʻzbekiston Respublikasining Bosh vaziri A. ARIPOV
Toshkent sh.,
2025-yil 8-aprel,
208-son