UzbekAI

Ўзбекистон Республикасининг Қонуни

Қонунлар лойиҳаларини Ўзбекистон Республикаси Олий Мажлисининг Қонунчилик палатасига киритиш ва кўриб чиқиш тартиби такомиллаштирилиши муносабати билан Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида

Қонунчилик палатаси томонидан 2025 йил 21 январда қабул қилинган Сенат томонидан 2025 йил 17 мартда маъқулланган

Кейинги йилларда мамлакатимизда амалга оширилаётган кенг кўламли ислоҳотлар натижасида ижтимоий ҳаётнинг барча соҳаларини тартибга солишнинг ҳуқуқий асослари тизимли равишда такомиллаштирилмоқда. Ҳар томонлама мукаммаллаштирилган қонунларнинг қабул қилиниши аҳолининг фаровонлигини ошириш ҳамда фуқароларнинг ҳуқуқ ва эркинликларини таъминлаш учун асос бўлиб хизмат қилмоқда.

Шу билан бирга қонун ижодкорлиги фаолиятининг сифати янги қонунларнинг Ўзбекистон Республикаси Конституциясига , миллий қонунчиликка, халқаро ҳуқуқнинг умумэътироф этилган принциплари ва нормаларига, шунингдек Ўзбекистон Республикасининг халқаро мажбуриятларига мувофиқлигини таъминловчи тартиб-таомиллар ва механизмлар самарадорлигига кўп жиҳатдан боғлиқдир.

Бундан ташқари фуқароларнинг жамоатчилик муҳокамалари жараёнида билдирилган фикрлари ва позицияларини ўрганиш ҳамда инобатга олиш қонун лойиҳаларини ишлаб чиқиш ва қабул қилишда самарали қарорлар қабул қилиниши учун энг муҳим шартдир.

Мазкур Қонун билан « Ўзбекистон Республикаси Олий Мажлиси Қонунчилик палатасининг Регламенти тўғрисида »ги ҳамда « Қонунлар лойиҳаларини тайёрлаш ва Ўзбекистон Республикаси Олий Мажлисининг Қонунчилик палатасига киритиш тартиби тўғрисида »ги Ўзбекистон Республикаси қонунларига қонун лойиҳасини парламентга киритишда қонун лойиҳасининг ва халқаро шартнома лойиҳасининг (матнининг) ўтказилган ҳуқуқий экспертизаси натижаларини, шунингдек қонун лойиҳасининг коррупцияга қарши экспертизаси ва у бўйича ўтказилган жамоатчилик муҳокамаси натижаларини тақдим этиш тўғрисидаги талабнинг белгиланишини назарда тутувчи қўшимчалар киритилмоқда.

Шунингдек қонунчилик ташаббуси ҳуқуқи субъектига ўзи киритган қонун лойиҳаси иккинчи ўқишда қабул қилингунига қадар Ўзбекистон Республикаси Олий Мажлисининг Қонунчилик палатасига таклиф киритиш орқали уни чақириб олиш ҳуқуқини беришнинг ҳуқуқий асоси белгиланмоқда.

Ушбу Қонун қонунчилик ташаббуси ҳуқуқи субъектларининг қонун ижодкорлиги соҳасидаги фаолияти сифатини оширишга, қонунларнинг ижтимоий муносабатларни тартибга солишдаги ролини мустаҳкамлашга хизмат қилади.

1-модда. Ўзбекистон Республикасининг 2003 йил 29 августда қабул қилинган «Ўзбекистон Республикаси Олий Мажлиси Қонунчилик палатасининг Регламенти тўғрисида»ги 522-II-сонли Қонунига (Ўзбекистон Республикаси Олий Мажлисининг Ахборотномаси, 2003 йил, № 9-10, 136-модда; Ўзбекистон Республикаси Олий Мажлиси палаталарининг Ахборотномаси, 2007 йил, № 4, 163-модда, № 7, 326-модда; 2008 йил, № 12, 637-модда; 2009 йил, № 4, 136-модда; 2011 йил, № 4, 101-модда; 2013 йил, № 4, 95-модда; 2014 йил, № 4, 86-модда, № 5, 130-модда; 2015 йил, № 12, 452-модда; 2016 йил, № 9, 276-модда; 2017 йил, № 6, 300-модда, № 9, 510-модда; 2018 йил, № 1, 4-модда, № 4, 224-модда, № 7, 431-модда; 2019 йил, № 1, 1-модда, № 3, 157-модда, № 5, 261, 265-моддалар, № 8, 468-модда, № 9, 588-модда, № 12, 884-модда; 2020 йил, № 8, 488-модда; 2021 йил, 4-сонга илова, № 11, 1061-модда; 2022 йил, № 10, 983-модда; 2023 йил, № 12, 1003-модда; 2024 йил, № 2, 10-модда, № 12, 1285-модда) қуйидаги қўшимчалар ва ўзгартириш киритилсин:

1) 12-модданинг иккинчи қисми қуйидаги мазмундаги 6 — 10-бандлар билан тўлдирилсин:

«6) халқаро шартнома лойиҳасининг (матнининг) Ўзбекистон Республикаси Ташқи ишлар вазирлиги томонидан ўтказилган ҳуқуқий экспертизаси натижалари бўйича ушбу вазирликнинг хулосаси — халқаро шартномаларни ратификация қилишни ёки уларга қўшилишни назарда тутувчи қонун лойиҳалари учун;

7) халқаро шартнома лойиҳасининг (матнининг) Ўзбекистон Республикаси қонунчилигига мувофиқлиги нуқтаи назаридан Ўзбекистон Республикаси Адлия вазирлиги томонидан ўтказилган ҳуқуқий экспертизаси натижалари бўйича ушбу вазирликнинг хулосаси — халқаро шартномаларни ратификация қилишни ёки уларга қўшилишни назарда тутувчи қонун лойиҳалари учун;

8) қонун лойиҳасининг ҳуқуқий экспертизаси натижалари бўйича хулоса;

9) қонун лойиҳасининг коррупцияга қарши экспертизасини ўтказиш чоғида тўлдирилган чеклист;

10) қонун лойиҳасининг жамоатчилик муҳокамаси натижалари тўғрисидаги ахборот (келиб тушган фикр-мулоҳазалар ва (ёки) таклифларни кўриб чиқиш натижалари кўрсатилган ҳолда), бундан жамоатчилик муҳокамасидан ўтказилиши мажбурий бўлмаган қонун лойиҳалари мустасно»;

2) 15-модда :

қуйидаги мазмундаги ўн тўртинчи қисм билан тўлдирилсин:

«Қонун лойиҳасини киритган қонунчилик ташаббуси ҳуқуқи субъекти ўзи киритган қонун лойиҳасини қонун лойиҳаси Қонунчилик палатаси томонидан иккинчи ўқишда қабул қилингунига қадар чақириб олиш тўғрисида Қонунчилик палатасига таклиф киритишга ҳақли. Қонун лойиҳасини чақириб олиш тўғрисидаги масала Қонунчилик палатаси томонидан кўриб чиқилади»;

ўн тўртинчи — ўн еттинчи қисмлари тегишинча ўн бешинчи — ўн саккизинчи қисмлар деб ҳисоблансин.

2-модда. Ўзбекистон Республикасининг 2006 йил 11 октябрда қабул қилинган «Қонунлар лойиҳаларини тайёрлаш ва Ўзбекистон Республикаси Олий Мажлисининг Қонунчилик палатасига киритиш тартиби тўғрисида»ги ЎРҚ-60-сонли Қонунига (Ўзбекистон Республикаси Олий Мажлиси палаталарининг Ахборотномаси, 2006 йил, № 10, 537-модда; 2014 йил, № 5, 130-модда; 2017 йил, № 9, 510-модда; 2018 йил, № 1, 1, 4-моддалар; 2019 йил, № 5, 261-модда; 2020 йил, № 8, 488-модда; 2021 йил, 4-сонга илова, № 10, 968-модда; 2022 йил, № 10, 983-модда; 2023 йил, № 11, 923-модда; 2024 йил, № 2, 109-модда) қуйидаги қўшимчалар ва ўзгартириш киритилсин:

1) 9-модда қуйидаги мазмундаги иккинчи қисм билан тўлдирилсин:

«Энг муҳим иқтисодий ва ижтимоий-сиёсий аҳамиятга эга қонун лойиҳасини ишлаб чиқишдан олдин унинг тайёрланиши ҳақидаги ахборот норматив-ҳуқуқий ҳужжатлар лойиҳалари муҳокамаси порталига жойлаштирилади ҳамда жамоатчилик муҳокамалари иштирокчиларидан келиб тушган фикр-мулоҳазалар ва (ёки) таклифлар инобатга олинган ҳолда қонун лойиҳаси ишлаб чиқилади»;

2) 14-модда қуйидаги мазмундаги иккинчи қисм билан тўлдирилсин:

«Қонун лойиҳасини тайёрлашда тегишли соҳада қонуности ҳужжатлари билан тартибга солинадиган муносабатларни қонун даражасида тартибга солиш имконияти кўриб чиқилади ва мазкур ахборот қонун лойиҳасининг тушунтириш хатида кўрсатилади»;

3) 19-модда :

қуйидаги мазмундаги тўққизинчи қисм билан тўлдирилсин:

«Қонун лойиҳасида назарда тутилган ҳаволаки нормаларни амалга оширишнинг аниқ муддатлари ва масъул ижрочилар қонун лойиҳасининг ўзида белгиланади»;

тўққизинчи қисми ўнинчи қисм деб ҳисоблансин;

4) 27-модданинг биринчи қисми қуйидаги мазмундаги 6 — 10-бандлар билан тўлдирилсин:

8) қонун лойиҳасининг ҳуқуқий экспертизаси натижалари бўйича хулоса;

9) қонун лойиҳасининг коррупцияга қарши экспертизасини ўтказиш чоғида тўлдирилган чеклист;

10) қонун лойиҳасининг жамоатчилик муҳокамаси натижалари тўғрисидаги ахборот (келиб тушган фикр-мулоҳазалар ва (ёки) таклифларни кўриб чиқиш натижалари кўрсатилган ҳолда), бундан жамоатчилик муҳокамасидан ўтказилиши шарт бўлмаган қонун лойиҳалари мустасно».

3-модда. Ўзбекистон Республикасининг 2021 йил 20 апрелда қабул қилинган «Норматив-ҳуқуқий ҳужжатлар тўғрисида»ги ЎРҚ-682-сонли Қонунига (Ўзбекистон Республикаси Олий Мажлиси палаталарининг Ахборотномаси, 2021 йил, № 4, 288-модда; 2022 йил, № 3, 213-модда, № 8, 788-модда, № 10, 983-модда; 2023 йил, № 8, 629-модда, № 11, 923-модда; 2024 йил, № 2, 109-модда, № 10, 1076-модда) қуйидаги қўшимча ва ўзгартиришлар киритилсин:

1) 21-модда :

қуйидаги мазмундаги иккинчи қисм билан тўлдирилсин:

«Энг муҳим иқтисодий ва ижтимоий-сиёсий аҳамиятга эга норматив-ҳуқуқий ҳужжат лойиҳасини ишлаб чиқишдан олдин унинг тайёрланиши ҳақидаги ахборот норматив-ҳуқуқий ҳужжатлар лойиҳалари муҳокамаси порталига жойлаштирилади ҳамда жамоатчилик муҳокамалари иштирокчиларидан келиб тушган фикр-мулоҳазалар ва (ёки) таклифлар инобатга олинган ҳолда норматив-ҳуқуқий ҳужжат лойиҳаси ишлаб чиқилади»;

иккинчи , учинчи ва тўртинчи қисмлари тегишинча учинчи, тўртинчи ва бешинчи қисмлар деб ҳисоблансин;

2) 35-модда :

қуйидаги мазмундаги учинчи қисм билан тўлдирилсин:

«Қонун кучга кирган кундан эътиборан беш йил ўтгач, масъул давлат органларининг ва Ўзбекистон Республикаси Олий Мажлиси палаталари қўмиталарининг ташаббусига кўра қонуннинг самарадорлигини, унда белгиланган мақсадга ва кутилаётган натижаларга эришилганлигини аниқлаш учун қонуннинг тартибга солиш таъсири баҳолашдан ўтказилиши мумкин. Мазкур жараёнга фуқаролик жамияти институтлари ва бошқа ташкилотлар ҳам жалб этилиши мумкин»;

учинчи қисми тўртинчи қисм деб ҳисоблансин;

3) 46-модда қуйидаги мазмундаги тўртинчи қисм билан тўлдирилсин:

«Норматив-ҳуқуқий ҳужжатни ўз кучини йўқотган деб топиш тўғрисидаги норматив-ҳуқуқий ҳужжат лойиҳаси ишлаб чиқилаётганда унинг асосида ҳамда уни ижро этиш учун қабул қилинган норматив-ҳуқуқий ҳужжатлар хатловдан ўтказилади ва уларни ҳам ўз кучини йўқотган деб топиш ҳақидаги масала кўриб чиқилади»;

4) илованинг :

29-банди :

қуйидаги мазмундаги еттинчи хатбоши билан тўлдирилсин:

«қабул қилинаётган қонунда назарда тутилган ҳаволаки нормаларни амалга оширишнинг аниқ муддатлари ва масъул ижрочилари»;

еттинчи ва саккизинчи хатбошилари тегишинча саккизинчи ва тўққизинчи хатбошилар деб ҳисоблансин;

84-банди :

қуйидаги мазмундаги бешинчи хатбоши билан тўлдирилсин:

«қонун лойиҳасини тайёрлашда тегишли соҳада қонуности ҳужжатлари билан тартибга солинадиган муносабатларни қонун даражасида тартибга солиш имконияти кўриб чиқилганлиги тўғрисидаги ахборот»;

бешинчи — ўн тўртинчи хатбошилари тегишинча олтинчи — ўн бешинчи хатбошилар деб ҳисоблансин.

4-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин;

ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

5-модда. Ушбу Қонун расмий эълон қилинган кундан эътиборан кучга киради.

Ўзбекистон Республикасининг Президенти Ш. МИРЗИЁЕВ

Тошкент ш.,

2025 йил 10 апрель,

ЎРҚ-1054-сон

(Қонунчилик маълумотлари миллий базаси, 10.04.2025 й., 03/25/1054/0329-сон)

lex.uz

Oʻzbekiston Respublikasining Qonuni

Qonunlar loyihalarini Oʻzbekiston Respublikasi Oliy Majlisining Qonunchilik palatasiga kiritish va koʻrib chiqish tartibi takomillashtirilishi munosabati bilan Oʻzbekiston Respublikasining ayrim qonun hujjatlariga qoʻshimcha va oʻzgartirishlar kiritish toʻgʻrisida

Qonunchilik palatasi tomonidan 2025-yil 21-yanvarda qabul qilingan Senat tomonidan 2025-yil 17-martda maʼqullangan

Keyingi yillarda mamlakatimizda amalga oshirilayotgan keng koʻlamli islohotlar natijasida ijtimoiy hayotning barcha sohalarini tartibga solishning huquqiy asoslari tizimli ravishda takomillashtirilmoqda. Har tomonlama mukammallashtirilgan qonunlarning qabul qilinishi aholining farovonligini oshirish hamda fuqarolarning huquq va erkinliklarini taʼminlash uchun asos boʻlib xizmat qilmoqda.

Shu bilan birga qonun ijodkorligi faoliyatining sifati yangi qonunlarning Oʻzbekiston Respublikasi Konstitutsiyasiga , milliy qonunchilikka, xalqaro huquqning umumeʼtirof etilgan prinsiplari va normalariga, shuningdek Oʻzbekiston Respublikasining xalqaro majburiyatlariga muvofiqligini taʼminlovchi tartib-taomillar va mexanizmlar samaradorligiga koʻp jihatdan bogʻliqdir.

Bundan tashqari fuqarolarning jamoatchilik muhokamalari jarayonida bildirilgan fikrlari va pozitsiyalarini oʻrganish hamda inobatga olish qonun loyihalarini ishlab chiqish va qabul qilishda samarali qarorlar qabul qilinishi uchun eng muhim shartdir.

Mazkur Qonun bilan “ Oʻzbekiston Respublikasi Oliy Majlisi Qonunchilik palatasining Reglamenti toʻgʻrisida ”gi hamda “ Qonunlar loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida ”gi Oʻzbekiston Respublikasi qonunlariga qonun loyihasini parlamentga kiritishda qonun loyihasining va xalqaro shartnoma loyihasining (matnining) oʻtkazilgan huquqiy ekspertizasi natijalarini, shuningdek qonun loyihasining korrupsiyaga qarshi ekspertizasi va u boʻyicha oʻtkazilgan jamoatchilik muhokamasi natijalarini taqdim etish toʻgʻrisidagi talabning belgilanishini nazarda tutuvchi qoʻshimchalar kiritilmoqda.

Shuningdek qonunchilik tashabbusi huquqi subyektiga oʻzi kiritgan qonun loyihasi ikkinchi oʻqishda qabul qilinguniga qadar Oʻzbekiston Respublikasi Oliy Majlisining Qonunchilik palatasiga taklif kiritish orqali uni chaqirib olish huquqini berishning huquqiy asosi belgilanmoqda.

Ushbu Qonun qonunchilik tashabbusi huquqi subyektlarining qonun ijodkorligi sohasidagi faoliyati sifatini oshirishga, qonunlarning ijtimoiy munosabatlarni tartibga solishdagi rolini mustahkamlashga xizmat qiladi.

1-modda. Oʻzbekiston Respublikasining 2003-yil 29-avgustda qabul qilingan “Oʻzbekiston Respublikasi Oliy Majlisi Qonunchilik palatasining Reglamenti toʻgʻrisida”gi 522-II-sonli Qonuniga (Oʻzbekiston Respublikasi Oliy Majlisining Axborotnomasi, 2003-yil, № 9-10, 136-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 163-modda, № 7, 326-modda; 2008-yil, № 12, 637-modda; 2009-yil, № 4, 136-modda; 2011-yil, № 4, 101-modda; 2013-yil, № 4, 95-modda; 2014-yil, № 4, 86-modda, № 5, 130-modda; 2015-yil, № 12, 452-modda; 2016-yil, № 9, 276-modda; 2017-yil, № 6, 300-modda, № 9, 510-modda; 2018-yil, № 1, 4-modda, № 4, 224-modda, № 7, 431-modda; 2019-yil, № 1, 1-modda, № 3, 157-modda, № 5, 261, 265-moddalar, № 8, 468-modda, № 9, 588-modda, № 12, 884-modda; 2020-yil, № 8, 488-modda; 2021-yil, 4-songa ilova, № 11, 1061-modda; 2022-yil, № 10, 983-modda; 2023-yil, № 12, 1003-modda; 2024-yil, № 2, 10-modda, № 12, 1285-modda) quyidagi qoʻshimchalar va oʻzgartirish kiritilsin:

1) 12-moddaning ikkinchi qismi quyidagi mazmundagi 6 — 10-bandlar bilan toʻldirilsin:

“6) xalqaro shartnoma loyihasining (matnining) Oʻzbekiston Respublikasi Tashqi ishlar vazirligi tomonidan oʻtkazilgan huquqiy ekspertizasi natijalari boʻyicha ushbu vazirlikning xulosasi — xalqaro shartnomalarni ratifikatsiya qilishni yoki ularga qoʻshilishni nazarda tutuvchi qonun loyihalari uchun;

7) xalqaro shartnoma loyihasining (matnining) Oʻzbekiston Respublikasi qonunchiligiga muvofiqligi nuqtai nazaridan Oʻzbekiston Respublikasi Adliya vazirligi tomonidan oʻtkazilgan huquqiy ekspertizasi natijalari boʻyicha ushbu vazirlikning xulosasi — xalqaro shartnomalarni ratifikatsiya qilishni yoki ularga qoʻshilishni nazarda tutuvchi qonun loyihalari uchun;

8) qonun loyihasining huquqiy ekspertizasi natijalari boʻyicha xulosa;

9) qonun loyihasining korrupsiyaga qarshi ekspertizasini oʻtkazish chogʻida toʻldirilgan cheklist;

10) qonun loyihasining jamoatchilik muhokamasi natijalari toʻgʻrisidagi axborot (kelib tushgan fikr-mulohazalar va (yoki) takliflarni koʻrib chiqish natijalari koʻrsatilgan holda), bundan jamoatchilik muhokamasidan oʻtkazilishi majburiy boʻlmagan qonun loyihalari mustasno”;

2) 15-modda :

quyidagi mazmundagi oʻn toʻrtinchi qism bilan toʻldirilsin:

“Qonun loyihasini kiritgan qonunchilik tashabbusi huquqi subyekti oʻzi kiritgan qonun loyihasini qonun loyihasi Qonunchilik palatasi tomonidan ikkinchi oʻqishda qabul qilinguniga qadar chaqirib olish toʻgʻrisida Qonunchilik palatasiga taklif kiritishga haqli. Qonun loyihasini chaqirib olish toʻgʻrisidagi masala Qonunchilik palatasi tomonidan koʻrib chiqiladi”;

oʻn toʻrtinchi — oʻn yettinchi qismlari tegishincha oʻn beshinchi — oʻn sakkizinchi qismlar deb hisoblansin.

2-modda. Oʻzbekiston Respublikasining 2006-yil 11-oktabrda qabul qilingan “Qonunlar loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida”gi OʻRQ-60-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2006-yil, № 10, 537-modda; 2014-yil, № 5, 130-modda; 2017-yil, № 9, 510-modda; 2018-yil, № 1, 1, 4-moddalar; 2019-yil, № 5, 261-modda; 2020-yil, № 8, 488-modda; 2021-yil, 4-songa ilova, № 10, 968-modda; 2022-yil, № 10, 983-modda; 2023-yil, № 11, 923-modda; 2024-yil, № 2, 109-modda) quyidagi qoʻshimchalar va oʻzgartirish kiritilsin:

1) 9-modda quyidagi mazmundagi ikkinchi qism bilan toʻldirilsin:

“Eng muhim iqtisodiy va ijtimoiy-siyosiy ahamiyatga ega qonun loyihasini ishlab chiqishdan oldin uning tayyorlanishi haqidagi axborot normativ-huquqiy hujjatlar loyihalari muhokamasi portaliga joylashtiriladi hamda jamoatchilik muhokamalari ishtirokchilaridan kelib tushgan fikr-mulohazalar va (yoki) takliflar inobatga olingan holda qonun loyihasi ishlab chiqiladi”;

2) 14-modda quyidagi mazmundagi ikkinchi qism bilan toʻldirilsin:

“Qonun loyihasini tayyorlashda tegishli sohada qonunosti hujjatlari bilan tartibga solinadigan munosabatlarni qonun darajasida tartibga solish imkoniyati koʻrib chiqiladi va mazkur axborot qonun loyihasining tushuntirish xatida koʻrsatiladi”;

3) 19-modda :

quyidagi mazmundagi toʻqqizinchi qism bilan toʻldirilsin:

“Qonun loyihasida nazarda tutilgan havolaki normalarni amalga oshirishning aniq muddatlari va masʼul ijrochilar qonun loyihasining oʻzida belgilanadi”;

toʻqqizinchi qismi oʻninchi qism deb hisoblansin;

4) 27-moddaning birinchi qismi quyidagi mazmundagi 6 — 10-bandlar bilan toʻldirilsin:

8) qonun loyihasining huquqiy ekspertizasi natijalari boʻyicha xulosa;

9) qonun loyihasining korrupsiyaga qarshi ekspertizasini oʻtkazish chogʻida toʻldirilgan cheklist;

3-modda. Oʻzbekiston Respublikasining 2021-yil 20-aprelda qabul qilingan “Normativ-huquqiy hujjatlar toʻgʻrisida”gi OʻRQ-682-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2021-yil, № 4, 288-modda; 2022-yil, № 3, 213-modda, № 8, 788-modda, № 10, 983-modda; 2023-yil, № 8, 629-modda, № 11, 923-modda; 2024-yil, № 2, 109-modda, № 10, 1076-modda) quyidagi qoʻshimcha va oʻzgartirishlar kiritilsin:

1) 21-modda :

quyidagi mazmundagi ikkinchi qism bilan toʻldirilsin:

“Eng muhim iqtisodiy va ijtimoiy-siyosiy ahamiyatga ega normativ-huquqiy hujjat loyihasini ishlab chiqishdan oldin uning tayyorlanishi haqidagi axborot normativ-huquqiy hujjatlar loyihalari muhokamasi portaliga joylashtiriladi hamda jamoatchilik muhokamalari ishtirokchilaridan kelib tushgan fikr-mulohazalar va (yoki) takliflar inobatga olingan holda normativ-huquqiy hujjat loyihasi ishlab chiqiladi”;

ikkinchi , uchinchi va toʻrtinchi qismlari tegishincha uchinchi, toʻrtinchi va beshinchi qismlar deb hisoblansin;

2) 35-modda :

quyidagi mazmundagi uchinchi qism bilan toʻldirilsin:

“Qonun kuchga kirgan kundan eʼtiboran besh yil oʻtgach, masʼul davlat organlarining va Oʻzbekiston Respublikasi Oliy Majlisi palatalari qoʻmitalarining tashabbusiga koʻra qonunning samaradorligini, unda belgilangan maqsadga va kutilayotgan natijalarga erishilganligini aniqlash uchun qonunning tartibga solish taʼsiri baholashdan oʻtkazilishi mumkin. Mazkur jarayonga fuqarolik jamiyati institutlari va boshqa tashkilotlar ham jalb etilishi mumkin”;

uchinchi qismi toʻrtinchi qism deb hisoblansin;

3) 46-modda quyidagi mazmundagi toʻrtinchi qism bilan toʻldirilsin:

“Normativ-huquqiy hujjatni oʻz kuchini yoʻqotgan deb topish toʻgʻrisidagi normativ-huquqiy hujjat loyihasi ishlab chiqilayotganda uning asosida hamda uni ijro etish uchun qabul qilingan normativ-huquqiy hujjatlar xatlovdan oʻtkaziladi va ularni ham oʻz kuchini yoʻqotgan deb topish haqidagi masala koʻrib chiqiladi”;

4) ilovaning :

29-bandi :

quyidagi mazmundagi yettinchi xatboshi bilan toʻldirilsin:

“qabul qilinayotgan qonunda nazarda tutilgan havolaki normalarni amalga oshirishning aniq muddatlari va masʼul ijrochilari”;

yettinchi va sakkizinchi xatboshilari tegishincha sakkizinchi va toʻqqizinchi xatboshilar deb hisoblansin;

84-bandi :

quyidagi mazmundagi beshinchi xatboshi bilan toʻldirilsin:

“qonun loyihasini tayyorlashda tegishli sohada qonunosti hujjatlari bilan tartibga solinadigan munosabatlarni qonun darajasida tartibga solish imkoniyati koʻrib chiqilganligi toʻgʻrisidagi axborot”;

beshinchi — oʻn toʻrtinchi xatboshilari tegishincha oltinchi — oʻn beshinchi xatboshilar deb hisoblansin.

4-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;

ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

5-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2025-yil 10-aprel,

OʻRQ-1054-son

(Qonunchilik maʼlumotlari milliy bazasi, 10.04.2025-y., 03/25/1054/0329-son)

lex.uz

Закон Республики Узбекистан

О внесении дополнений и изменений в некоторые законодательные акты Республики Узбекистан в связи с совершенствованием порядка внесения проектов законов в Законодательную палату Олий Мажлиса Республики Узбекистан и их рассмотрения

Принят Законодательной палатой 21 января 2025 года Одобрен Сенатом 17 марта 2025 года

В последние годы в нашей стране на системной основе совершенствуются правовые основы регулирования всех сфер общественной жизни в результате проводимых широкомасштабных реформ. Принятие всесторонне усовершенствованных законов служит основой для повышения благосостояния населения и обеспечения прав и свобод граждан.

Вместе с тем качество законотворческой деятельности во многом зависит от эффективности процедур и механизмов, обеспечивающих соответствие новых законов Конституции Республики Узбекистан, национальному законодательству, общепризнанным принципам и нормам международного права, а также международным обязательствам Республики Узбекистан.

Кроме того, ключевым условием для принятия эффективных решений при разработке и принятии проектов законов является изучение и учет мнений и позиции граждан, выраженных в ходе общественных обсуждений.

Данным Законом в законы Республики Узбекистан « О Регламенте Законодательной палаты Олий Мажлиса Республики Узбекистан » и « О порядке подготовки проектов законов и их внесения в Законодательную палату Олий Мажлиса Республики Узбекистан » вносятся дополнения, предусматривающие установление требования о представлении при внесении законопроекта в парламент результатов проведенной правовой экспертизы проекта закона и проекта (текста) международного договора, а также результатов антикоррупционной экспертизы проекта закона и проведенного по нему общественного обсуждения.

Также устанавливается правовая основа предоставления субъекту права законодательной инициативы права отозвать внесенный им проект закона до его принятия во втором чтении путем внесения предложения в Законодательную палату Олий Мажлиса Республики Узбекистан.

Настоящий Закон послужит повышению качества деятельности субъектов права законодательной инициативы в области законотворчества, укреплению роли законов в регулировании общественных отношений.

Статья 1. Внести в Закон Республики Узбекистан от 29 августа 2003 года № 522-II «О Регламенте Законодательной палаты Олий Мажлиса Республики Узбекистан» (Ведомости Олий Мажлиса Республики Узбекистан, 2003 г., № 9-10, ст. 136; Ведомости палат Олий Мажлиса Республики Узбекистан, 2007 г., № 4, ст. 163, № 7, ст. 326; 2008 г., № 12, ст. 637; 2009 г., № 4, ст. 136; 2011 г., № 4, ст. 101; 2013 г., № 4, ст. 95; 2014 г., № 4, ст. 86, № 5, ст. 130; 2015 г., № 12, ст. 452; 2016 г., № 9, ст. 276; 2017 г., № 6, ст. 300, № 9, ст. 510; 2018 г., № 1, ст. 4, № 4, ст. 224, № 7, ст. 431; 2019 г., № 1, ст. 1, № 3, ст. 157, № 5, ст.ст. 261, 265, № 8, ст. 468, № 9, ст. 588, № 12, ст. 884; 2020 г., № 8, ст. 488; 2021 г., приложение к № 4, № 11, ст. 1061; 2022 г., № 10, ст. 983; 2023 г., № 12, ст. 1003; 2024 г., № 2, ст. 10, № 12, ст. 1285) следующие дополнения и изменение:

1) часть вторую статьи 12 дополнить пунктами 6 — 10 следующего содержания:

«6) заключение Министерства иностранных дел Республики Узбекистан по результатам проведенной им правовой экспертизы проекта (текста) международного договора — для законопроектов, предусматривающих ратификацию международных договоров или присоединение к ним;

7) заключение Министерства юстиции Республики Узбекистан по результатам проведенной им правовой экспертизы проекта (текста) международного договора, на предмет соответствия законодательству Республики Узбекистан — для законопроектов, предусматривающих ратификацию международных договоров или присоединение к ним;

8) заключение по результатам правовой экспертизы законопроекта;

9) чеклист, заполненный при проведении антикоррупционной экспертизы законопроекта;

10) информация о результатах общественного обсуждения законопроекта (с указанием результатов рассмотрения поступивших замечаний и (или) предложений), за исключением проектов законов, проведение общественного обсуждения по которым не является обязательным»;

2) в статье 15 :

дополнить частью четырнадцатой следующего содержания:

«До принятия законопроекта Законодательной палатой во втором чтении субъект права законодательной инициативы, внесший законопроект, вправе внести в Законодательную палату предложение об отзыве внесенного им законопроекта. Вопрос о возврате законопроекта рассматривается Законодательной палатой»;

части четырнадцатую — семнадцатую считать соответственно частями пятнадцатой — восемнадцатой.

Статья 2. Внести в Закон Республики Узбекистан от 11 октября 2006 года № ЗРУ-60 «О порядке подготовки проектов законов и их внесения в Законодательную палату Олий Мажлиса Республики Узбекистан» (Ведомости палат Олий Мажлиса Республики Узбекистан, 2006 г., № 10, ст. 537; 2014 г., № 5, ст. 130; 2017 г., № 9, ст. 510; 2018 г., № 1, ст.ст. 1, 4; 2019 г., № 5, ст. 261; 2020 г., № 8, ст. 488; 2021 г., приложение к № 4, № 10, ст. 968; 2022 г., № 10, ст. 983; 2023 г., № 11, ст. 923; 2024 г., № 2, ст. 109) следующие дополнения и изменение:

1) статью 9 дополнить частью второй следующего содержания:

«Перед разработкой проекта закона, имеющего важнейшее экономическое и общественно-политическое значение, информация о его подготовке размещается на портале обсуждения проектов нормативно-правовых актов и проект закона разрабатывается с учетом замечаний и (или) предложений, поступивших от участников общественных обсуждений»;

2) статью 14 дополнить частью второй следующего содержания:

«При подготовке проекта закона рассматривается возможность регулирования отношений в соответствующей сфере, регулируемых подзаконными актами, на уровне закона и данная информация указывается в пояснительной записке к проекту закона»;

3) в статье 19 :

дополнить частью девятой следующего содержания:

«Конкретные сроки реализации отсылочных норм и ответственные исполнители, предусмотренные в проекте закона, определяются в самом проекте закона»;

часть девятую считать частью десятой;

4) часть первую статьи 27 дополнить пунктами 6 — 10 следующего содержания:

8) заключение по результатам правовой экспертизы законопроекта;

9) чеклист, заполненный при проведении антикоррупционной экспертизы законопроекта;

Статья 3. Внести в Закон Республики Узбекистан от 20 апреля 2021 года № ЗРУ-682 «О нормативно-правовых актах» (Ведомости палат Олий Мажлиса Республики Узбекистан, 2021 г., № 4, ст. 288; 2022 г., № 3, ст. 213, № 8, ст. 788, № 10, ст. 983; 2023 г., № 8, ст. 629, № 11, ст. 923; 2024 г., № 2, ст. 109, № 10, ст. 1076) следующие дополнения и изменения:

1) в статье 21 :

дополнить частью второй следующего содержания:

«Перед разработкой проекта нормативно-правового акта, имеющего важнейшее экономическое и общественно-политическое значение, информация о его подготовке размещается на портале обсуждения проектов нормативно-правовых актов и проект нормативно-правового акта разрабатывается с учетом замечаний и (или) предложений, поступивших от участников общественных обсуждений»;

части вторую , третью и четвертую считать соответственно частями третьей, четвертой и пятой;

2) в статье 35 :

дополнить частью третьей следующего содержания:

«По истечении пяти лет со дня вступления закона в силу по инициативе ответственных государственных органов и комитетов палат Олий Мажлиса Республики Узбекистан может проводиться оценка регуляторного воздействия закона для определения его эффективности, достижения определенной им цели и ожидаемых результатов. К данному процессу также могут быть привлечены институты гражданского общества и другие организации»;

часть третью считать частью четвертой;

3) статью 46 дополнить частью четвертой следующего содержания:

«При разработке проекта нормативно-правового акта о признании нормативно-правового акта утратившим силу проводится инвентаризация нормативно-правовых актов, принятых на его основе и во исполнение его и рассматривается вопрос о признании их также утратившими силу»;

4) в приложении :

в пункте 29 :

дополнить абзацем седьмым следующего содержания:

«конкретные сроки реализации отсылочных норм и ответственные исполнители, предусмотренные принимаемым законом»;

абзацы седьмой и восьмой считать соответственно абзацами восьмым и девятым;

в пункте 84 :

дополнить абзацем пятым следующего содержания:

«информация о рассмотрении при подготовке законопроекта возможности регулирования отношений в соответствующей сфере, регулируемых подзаконными актами, на уровне закона»;

абзацы пятый — четырнадцатый считать соответственно абзацами шестым — пятнадцатым.

Статья 4. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону;

обеспечить исполнение, доведение до исполнителей и разъяснение среди населения сути и значения настоящего Закона.

Статья 5. Настоящий Закон вступает в силу со дня его официального опубликования.

Президент Республики Узбекистан Ш. МИРЗИЁЕВ

г. Ташкент,

10 апреля 2025 г.,

№ ЗРУ-1054

(Национальная база данных законодательства, 10.04.2025 г., № 03/25/1054/0329)

lex.uz