📅 2025-yil 11-mart · Vazirlik va idoralar hujjatlari · Favqulodda vaziyatlar vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 11 март · Вазирлик ва идоралар ҳужжатлари · Фавқулодда вазиятлар вазири
Расмий матн. Расмий ҳужжат. Таҳририй изоҳлар киритилмаган.
📅 11 марта 2025 г. · Документы министерств и ведомств · Министр по чрезвычайным ситуациям
Официальный текст. Официальный документ. Редакционные примечания не включены.
📅 11 March 2025 · Ministry and agency documents · Favqulodda vaziyatlar vaziri
Official text. Official document. Editorial notes are not included.
Ўзбекистон Республикаси Фавқулодда вазиятлар вазирининг
буйруғи
Давлат ёнғин назорати органлари фаолиятини ташкил этиш ва амалга ошириш тартиби тўғрисидаги йўриқномага қўшимча ва ўзгартиришлар киритиш ҳақида
Ўзбекистон Республикаси Президентининг 2024 йил 14 ноябрдаги ПФ-184-сон «Тадбиркорлар ҳуқуқлари ва қонуний манфаатларини ишончли ҳимоя қилиш чора-тадбирлари тўғрисида»ги Фармони ва Ўзбекистон Республикаси Вазирлар Маҳкамасининг 2013 йил 4 октябрдаги 272-сон «Давлат ёнғин назорати тўғрисидаги низомни тасдиқлаш ҳақида»ги қарорига мувофиқ буюраман:
1. Ўзбекистон Республикаси ички ишлар вазирининг 2018 йил 28 октябрдаги 228-сон буйруғи (рўйхат рақами 3097, 2018 йил 11 декабрь) (Қонун ҳужжатлари маълумотлари миллий базаси, 12.12.2018 й.,10/18/3097/2314-сон) билан тасдиқланган Давлат ёнғин назорати органлари фаолиятини ташкил этиш ва амалга ошириш тартиби тўғрисидаги йўриқномага иловага мувофиқ қўшимча ва ўзгартиришлар киритилсин.
2. Мазкур буйруқ Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил, Ўзбекистон Республикаси Президенти ҳузуридаги Ижтимоий ҳимоя миллий агентлиги, Ўзбекистон Республикаси Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги, Қурилиш ва уй-жой коммунал хўжалиги вазирлиги ва Ўзбекистон Савдо-саноат палатаси билан келишилган.
3. Мазкур буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси фавқулодда вазиятлар вазирининг 2025 йил 11 мартдаги 1/4/27-393-сон буйруғига ИЛОВА
Давлат ёнғин назорати органлари фаолиятини ташкил этиш ва амалга ошириш тартиби тўғрисидаги йўриқномага киритилаётган қўшимча ва ўзгартиришлар
1. 1-банд қуйидаги мазмундаги хатбошилар билан тўлдирилсин:
« чеклист — профилактика тадбири доирасида тадбиркорлик субъекти томонидан тўлдириладиган намунавий шаклдаги саволнома;
« Хавфни таҳлил қилиш» электрон тизими — ДЁН органлари томонидан ёнғин хавфсизлиги соҳаси бўйича аниқ мезонларга асосланиб, тадбиркорлик субъекти фаолиятида қонунчилик бузилиш хавфи даражасини аниқлаш электрон тизими.».
2. 24-банднинг еттинчи хатбошисидан «текширув ўтказиш келишилганлиги ёки ваколатли орган текширув ҳақида хабардор этилганлигини тасдиқловчи ҳужжат нусхаси,» деган сўзлар чиқариб ташлансин.
3. 27 1 -банднинг биринчи хатбошиси қуйидаги таҳрирда баён этилсин:
«27 1 . Тадбиркорлик субъектлари фаолиятида текширувларни ўтказиш «Хавфни таҳлил қилиш» электрон тизими натижалари асосида (бундан аниқ факт ва ҳоллар бўйича фуқароларнинг ҳаёти ва соғлиғига, жамоат хавфсизлиги, атроф-муҳитга, жисмоний ва юридик шахсларнинг ҳамда давлат манфаатларига зарар етказиш хавфининг олдини олиш ёки бартараф этишга қаратилган ҳолатлар мустасно) Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилни хабардор этган ҳолда «Ягона давлат назорати» ахборот тизимида рўйхатга олиш орқали амалга оширилади.».
4. 27 3 -бандда :
қуйидаги мазмундаги саккизинчи хатбоши билан тўлдирилсин:
«тадбиркорлик субъектларига ўрнатилган тартибда тасдиқланган чеклист тақдим этиш, чеклист тўлдирилиши натижалари бўйича улар фаолиятида қонунбузилишларга олиб келиши мумкин бўлган камчиликларни бартараф этишга кўмаклашиш.»;
саккизинчи хатбоши тўққизинчи хатбоши деб ҳисоблансин.
5. 34-банд қуйидаги таҳрирда баён этилсин:
«34. Уй-жой секторининг ҳудудида ҳамда кўп квартирали уйларга туташ бўлган ер участкаларида, шунингдек, кўп квартирали уйлардаги умумий мол-мулкда (яшаш учун мўлжалланмаган жойларда жойлашган савдо, маиший ва носаноат йўналишидаги ўзга эҳтиёжларга мўлжалланган жойлар бундан мустасно) ва давлат уй-жой фондига қарашли кўп квартирали уйларнинг квартираларида мавжуд бўлган ёнғин хавфсизлиги талабларининг бузилишини бартараф этиш бўйича ёзма кўрсатмалар тегишли равишда кўп квартирали уйларни бошқариш органларига (кўп квартирали уйни бошқарувчи ташкилот ёки бошқарувчиси, кўп квартирали уй кенгаши, уй-жой мулкдорлари ширкати), давлат муассасалари ва ташкилотларига ҳамда фуқароларнинг ўзини ўзи бошқариш органлари топширилади.
Хусусий уй-жой фондига қарашли якка тартибда қурилган уйлар ва кўп квартирали уйларнинг квартираларида ёнғин хавфсизлиги талабларининг бузилишини бартараф этиш бўйича ёзма кўрсатмалар хусусий мулк эгаларига (ижарачиларга) берилади.».
6. 108-бандда :
олтинчи хатбоши қуйидаги таҳрирда баён этилсин:
«далилларни олиш далолатномаси (текширув ўтказаётган шахс томонидан эркин равишда тузилиб, холислар томонидан имзоланади. Барча далиллар ва уларни олиш жойлари воқеа (ёнғин) жойини кўздан кечириш баённомаси ёки далилларни олиш махсус баённомасида батафсил тавсифланади. Намуналар олинган барча нуқталар ёнғин жойининг чизмасида белгиланади ва зарур ҳолларда қисқа шарҳланади);»;
саккизинчи хатбошидаги «ашёвий далиллар ва бошқаларга» деган сўзлар «далиллар ва бошқаларга» деган сўзлар билан алмаштирилсин.
7. 2 1 -иловада :
1) 3-бандда :
ўн бешинчи хатбошидаги «саховат уйлари, мурувват уйлари» деган сўзлар «ижтимоий қўллаб-қувватлаш марказлари, мурувват интернат уйлари» деган сўзлар билан алмаштирилсин;
йигирма иккинчи хатбоши «масканлари» деган сўздан кейин «(бундан тез овқатланиш шохобчалари мустасно)» деган сўзлар билан тўлдирилсин;
йигирма еттинчи хатбоши қуйидаги таҳрирда баён этилсин:
«янги қурилаётган, реконструкция қилинаётган, кенгайтирилаётган, техник жиҳатдан қайта жиҳозланаётган ва капитал таъмирланаётган объектлар (қурилиш ҳажми 300 куб м гача бўлган объектлар бундан мустасно);»;
қуйидаги мазмундаги хатбошилар билан тўлдирилсин:
«божхона омборлари;
йўловчи ва юк ташувчи автотранспорт корхоналари;
сиғимидан қатъи назар товар-юк сақлаш омборлари.»;
2) 4-бандда :
учинчи хатбошидан «мингдан кўп ўринга мўлжалланган» деган сўзлар чиқариб ташлансин;
еттинчи хатбоши «супермаркетлар» деган сўздан кейин «ва майдони ҳамда ҳажмидан қатъи назар бошқа савдо корхона (шохобча)лари» деган сўзлар билан тўлдирилсин;
тўққизинчи хатбошидан «15,5 м (беш қават)дан» деган сўзлар чиқариб ташлансин;
қуйидаги мазмундаги хатбошилар билан тўлдирилсин:
«тез овқатланиш шохобчалари;
мобиль алоқа ва интернет компанияларининг офислари;
алоқа ва бошқа муҳандислик-коммуникация тизимлари (иншоотлари);
аҳолига маиший хизмат кўрсатиш шохобчалари;
бошқа хизмат кўрсатиш шохобчалари;
интернет дўконлари ва уларнинг объектлари;
почта ва касса шохобчалари;
республика ва маҳаллий ижро этувчи ҳокимият органлари, давлат органлари ва ташкилотлари, давлат муассасалари, шунингдек фуқароларнинг ўзини ўзи бошқариш органларининг маъмурий бинолари;
истироҳат боғлари;
очиқ турдаги автотураргоҳлар.
Ушбу гуруҳга муомаласида ёнувчи модда ва материаллар бўлган (шу жумладан, ёнувчи упаковкадаги ёнмайдиган ва (ёки) қийин ёнадиган модда ва материаллар ҳам) барча объектлар ҳам киради.».
3) 5-бандда :
иккинчи хатбоши «объектлар» деган сўздан кейин «(қонунчилик ҳужжатлари билан белгиланган ўта муҳим ва тоифаланган объектлар бундан мустасно)» деган сўзлар билан тўлдирилсин;
тўртинчи — тўққизинчи хатбошила р чиқариб ташлансин;
қуйидаги мазмундаги хатбоши билан тўлдирилсин:
«ёнмайдиган қурилиш материаллари савдоси шохобчалари.».
8. 20-илованинг матнидаги «излар ва ашёвий далиллар» ва «олинган ашёвий далилларнинг ҳаммаси» деган сўзлар тегишли равишда «излар ва далиллар» ва «олинган далилларнинг ҳаммаси» деган сўзлар билан алмаштирилсин.
Вазир Б. КУДРАТХОДЖАЕВ
Ўзбекистон Савдо-саноат палатаси Раиси Д. ВАХАБОВ
Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил Д. КАСИМОВ
Ижтимоий ҳимоя миллий агентлиги директори М. ОЛЛОЁРОВ
Ўзбекистон техник жиҳатдан тартибга солиш агентлиги директори А. ЖУМАНАЗАРОВ
Қурилиш ва уй-жой коммунал хўжалиги вазири Ш. ХИДОЯТОВ
Тошкент ш.,
2025 йил 11 март,
2025 йил 6 март
2025 йил 27 февраль
2025 йил 21 февраль
2025 йил 19 февраль
2025 йил 15 февраль
1/4/27-393-сон
Oʻzbekiston Respublikasi Favqulodda vaziyatlar vazirining
buyrugʻi
Davlat yongʻin nazorati organlari faoliyatini tashkil etish va amalga oshirish tartibi toʻgʻrisidagi yoʻriqnomaga qoʻshimcha va oʻzgartirishlar kiritish haqida
Oʻzbekiston Respublikasi Prezidentining 2024-yil 14-noyabrdagi PF-184-son “Tadbirkorlar huquqlari va qonuniy manfaatlarini ishonchli himoya qilish chora-tadbirlari toʻgʻrisida”gi Farmoni va Oʻzbekiston Respublikasi Vazirlar Mahkamasining 2013-yil 4-oktabrdagi 272-son “Davlat yongʻin nazorati toʻgʻrisidagi nizomni tasdiqlash haqida”gi qaroriga muvofiq buyuraman:
1. Oʻzbekiston Respublikasi ichki ishlar vazirining 2018-yil 28-oktabrdagi 228-son buyrugʻi (roʻyxat raqami 3097, 2018-yil 11-dekabr) (Qonun hujjatlari maʼlumotlari milliy bazasi, 12.12.2018-y.,10/18/3097/2314-son) bilan tasdiqlangan Davlat yongʻin nazorati organlari faoliyatini tashkil etish va amalga oshirish tartibi toʻgʻrisidagi yoʻriqnomaga ilovaga muvofiq qoʻshimcha va oʻzgartirishlar kiritilsin.
2. Mazkur buyruq Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Oʻzbekiston Respublikasi Prezidenti huzuridagi Ijtimoiy himoya milliy agentligi, Oʻzbekiston Respublikasi Vazirlar Mahkamasi huzuridagi Oʻzbekiston texnik jihatdan tartibga solish agentligi, Qurilish va uy-joy kommunal xoʻjaligi vazirligi va Oʻzbekiston Savdo-sanoat palatasi bilan kelishilgan.
3. Mazkur buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi favqulodda vaziyatlar vazirining 2025-yil 11-martdagi 1/4/27-393-son buyrugʻiga ILOVA
Davlat yongʻin nazorati organlari faoliyatini tashkil etish va amalga oshirish tartibi toʻgʻrisidagi yoʻriqnomaga kiritilayotgan qoʻshimcha va oʻzgartirishlar
1. 1-band quyidagi mazmundagi xatboshilar bilan toʻldirilsin:
“ cheklist — profilaktika tadbiri doirasida tadbirkorlik subyekti tomonidan toʻldiriladigan namunaviy shakldagi savolnoma;
“ Xavfni tahlil qilish” elektron tizimi — DYON organlari tomonidan yongʻin xavfsizligi sohasi boʻyicha aniq mezonlarga asoslanib, tadbirkorlik subyekti faoliyatida qonunchilik buzilish xavfi darajasini aniqlash elektron tizimi.”.
2. 24-bandning yettinchi xatboshisidan “tekshiruv oʻtkazish kelishilganligi yoki vakolatli organ tekshiruv haqida xabardor etilganligini tasdiqlovchi hujjat nusxasi,” degan soʻzlar chiqarib tashlansin.
3. 27 1 -bandning birinchi xatboshisi quyidagi tahrirda bayon etilsin:
“27 1 . Tadbirkorlik subyektlari faoliyatida tekshiruvlarni oʻtkazish “Xavfni tahlil qilish” elektron tizimi natijalari asosida (bundan aniq fakt va hollar boʻyicha fuqarolarning hayoti va sogʻligʻiga, jamoat xavfsizligi, atrof-muhitga, jismoniy va yuridik shaxslarning hamda davlat manfaatlariga zarar yetkazish xavfining oldini olish yoki bartaraf etishga qaratilgan holatlar mustasno) Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakilni xabardor etgan holda “Yagona davlat nazorati” axborot tizimida roʻyxatga olish orqali amalga oshiriladi.”.
4. 27 3 -bandda :
quyidagi mazmundagi sakkizinchi xatboshi bilan toʻldirilsin:
“tadbirkorlik subyektlariga oʻrnatilgan tartibda tasdiqlangan cheklist taqdim etish, cheklist toʻldirilishi natijalari boʻyicha ular faoliyatida qonunbuzilishlarga olib kelishi mumkin boʻlgan kamchiliklarni bartaraf etishga koʻmaklashish.”;
sakkizinchi xatboshi toʻqqizinchi xatboshi deb hisoblansin.
5. 34-band quyidagi tahrirda bayon etilsin:
“34. Uy-joy sektorining hududida hamda koʻp kvartirali uylarga tutash boʻlgan yer uchastkalarida, shuningdek, koʻp kvartirali uylardagi umumiy mol-mulkda (yashash uchun moʻljallanmagan joylarda joylashgan savdo, maishiy va nosanoat yoʻnalishidagi oʻzga ehtiyojlarga moʻljallangan joylar bundan mustasno) va davlat uy-joy fondiga qarashli koʻp kvartirali uylarning kvartiralarida mavjud boʻlgan yongʻin xavfsizligi talablarining buzilishini bartaraf etish boʻyicha yozma koʻrsatmalar tegishli ravishda koʻp kvartirali uylarni boshqarish organlariga (koʻp kvartirali uyni boshqaruvchi tashkilot yoki boshqaruvchisi, koʻp kvartirali uy kengashi, uy-joy mulkdorlari shirkati), davlat muassasalari va tashkilotlariga hamda fuqarolarning oʻzini oʻzi boshqarish organlari topshiriladi.
Xususiy uy-joy fondiga qarashli yakka tartibda qurilgan uylar va koʻp kvartirali uylarning kvartiralarida yongʻin xavfsizligi talablarining buzilishini bartaraf etish boʻyicha yozma koʻrsatmalar xususiy mulk egalariga (ijarachilarga) beriladi.”.
6. 108-bandda :
oltinchi xatboshi quyidagi tahrirda bayon etilsin:
“dalillarni olish dalolatnomasi (tekshiruv oʻtkazayotgan shaxs tomonidan erkin ravishda tuzilib, xolislar tomonidan imzolanadi. Barcha dalillar va ularni olish joylari voqea (yongʻin) joyini koʻzdan kechirish bayonnomasi yoki dalillarni olish maxsus bayonnomasida batafsil tavsiflanadi. Namunalar olingan barcha nuqtalar yongʻin joyining chizmasida belgilanadi va zarur hollarda qisqa sharhlanadi);”;
sakkizinchi xatboshidagi “ashyoviy dalillar va boshqalarga” degan soʻzlar “dalillar va boshqalarga” degan soʻzlar bilan almashtirilsin.
7. 2 1 -ilovada :
1) 3-bandda :
oʻn beshinchi xatboshidagi “saxovat uylari, muruvvat uylari” degan soʻzlar “ijtimoiy qoʻllab-quvvatlash markazlari, muruvvat internat uylari” degan soʻzlar bilan almashtirilsin;
yigirma ikkinchi xatboshi “maskanlari” degan soʻzdan keyin “(bundan tez ovqatlanish shoxobchalari mustasno)” degan soʻzlar bilan toʻldirilsin;
yigirma yettinchi xatboshi quyidagi tahrirda bayon etilsin:
“yangi qurilayotgan, rekonstruksiya qilinayotgan, kengaytirilayotgan, texnik jihatdan qayta jihozlanayotgan va kapital taʼmirlanayotgan obyektlar (qurilish hajmi 300 kub m gacha boʻlgan obyektlar bundan mustasno);”;
quyidagi mazmundagi xatboshilar bilan toʻldirilsin:
“bojxona omborlari;
yoʻlovchi va yuk tashuvchi avtotransport korxonalari;
sigʻimidan qatʼi nazar tovar-yuk saqlash omborlari.”;
2) 4-bandda :
uchinchi xatboshidan “mingdan koʻp oʻringa moʻljallangan” degan soʻzlar chiqarib tashlansin;
yettinchi xatboshi “supermarketlar” degan soʻzdan keyin “va maydoni hamda hajmidan qatʼi nazar boshqa savdo korxona (shoxobcha)lari” degan soʻzlar bilan toʻldirilsin;
toʻqqizinchi xatboshidan “15,5 m (besh qavat)dan” degan soʻzlar chiqarib tashlansin;
quyidagi mazmundagi xatboshilar bilan toʻldirilsin:
“tez ovqatlanish shoxobchalari;
mobil aloqa va internet kompaniyalarining ofislari;
aloqa va boshqa muhandislik-kommunikatsiya tizimlari (inshootlari);
aholiga maishiy xizmat koʻrsatish shoxobchalari;
boshqa xizmat koʻrsatish shoxobchalari;
internet doʻkonlari va ularning obyektlari;
pochta va kassa shoxobchalari;
respublika va mahalliy ijro etuvchi hokimiyat organlari, davlat organlari va tashkilotlari, davlat muassasalari, shuningdek fuqarolarning oʻzini oʻzi boshqarish organlarining maʼmuriy binolari;
istirohat bogʻlari;
ochiq turdagi avtoturargohlar.
Ushbu guruhga muomalasida yonuvchi modda va materiallar boʻlgan (shu jumladan, yonuvchi upakovkadagi yonmaydigan va (yoki) qiyin yonadigan modda va materiallar ham) barcha obyektlar ham kiradi.”.
3) 5-bandda :
ikkinchi xatboshi “obyektlar” degan soʻzdan keyin “(qonunchilik hujjatlari bilan belgilangan oʻta muhim va toifalangan obyektlar bundan mustasno)” degan soʻzlar bilan toʻldirilsin;
toʻrtinchi — toʻqqizinchi xatboshila r chiqarib tashlansin;
quyidagi mazmundagi xatboshi bilan toʻldirilsin:
“yonmaydigan qurilish materiallari savdosi shoxobchalari.”.
8. 20-ilovaning matnidagi “izlar va ashyoviy dalillar” va “olingan ashyoviy dalillarning hammasi” degan soʻzlar tegishli ravishda “izlar va dalillar” va “olingan dalillarning hammasi” degan soʻzlar bilan almashtirilsin.
Vazir B. KUDRATXODJAYEV
Oʻzbekiston Savdo-sanoat palatasi Raisi D. VAXABOV
Tadbirkorlik subyektlarining huquqlari va qonuniy manfaatlarini himoya qilish boʻyicha vakil D. KASIMOV
Ijtimoiy himoya milliy agentligi direktori M. OLLOYOROV
Oʻzbekiston texnik jihatdan tartibga solish agentligi direktori A. JUMANAZAROV
Qurilish va uy-joy kommunal xoʻjaligi vaziri Sh. XIDOYATOV
Toshkent sh.,
2025-yil 11-mart,
2025-yil 6-mart
2025-yil 27-fevral
2025-yil 21-fevral
2025-yil 19-fevral
2025-yil 15-fevral
1/4/27-393-son