UzbekAI

Ўзбекистон Республикаси Соғлиқни сақлаш вазирлиги Ўзбекистон Республикаси Иқтисодиёт ва молия вазирлиги ўзбекистон республикаси камбағалликни қисқартириш ва бандлик вазирлигининг

Қарори

Тиббиёт муассасаларини моддий рағбатлантириш ва ривожлантириш жамғармаси тўғрисидаги низомга ўзгартиришлар киритиш ҳақида

Ўзбекистон Республикаси Президентининг 2024 йил 8 июлдаги ПФ-99-сон «Яширин иқтисодиётга қарши курашиш фаолиятини самарали ташкил этишга доир қўшимча чора-тадбирлар тўғрисида»ги Фармони ҳамда Ўзбекистон Республикаси Вазирлар Маҳкамасининг 2024 йил 10 декабрдаги 833-сон «Ўзбекистон Республикаси Оила ва хотин-қизлар қўмитаси фаолияти ҳамда «Аёллар дафтари» билан ишлаш тизими такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида»ги қарорига мувофиқ Ўзбекистон Республикаси Соғлиқни сақлаш вазирлиги, Иқтисодиёт ва молия вазирлиги ҳамда Камбағалликни қисқартириш ва бандлик вазирлиги қарор қилади:

1. Ўзбекистон Республикаси Соғлиқни сақлаш вазирлигининг 2022 йил 30 декабрдаги 30-сон, Бандлик ва меҳнат муносабатлари вазирлигининг 2022 йил 21 декабрдаги 35-2022/ққ-сон ва Молия вазирлигининг 2022 йил 29 декабрдаги 71-сон қарори (рўйхат рақами 3416, 2023 йил 16 январь) (Қонунчилик маълумотлари миллий базаси, 17.01.2023 й., 10/23/3416/0032-сон) билан тасдиқланган Тиббиёт муассасаларини моддий рағбатлантириш ва ривожлантириш жамғармаси тўғрисидаги низомга иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

Ўзбекистон Республикаси Соғлиқни сақлаш вазирлигининг 2025 йил 2 апрелдаги 4-сон, Иқтисодиёт ва молия вазирлигининг 2025 йил 27 мартдаги 244-сон ҳамда Камбағалликни қисқартириш ва бандлик вазирлигининг 2025 йил 24 мартдаги 2-қ/қ-сон қарорига ИЛОВА

Тиббиёт муассасаларини моддий рағбатлантириш ва ривожлантириш жамғармаси тўғрисидаги низомга киритилаётган ўзгартиришлар

1. 9-банднинг тўртинчи хатбошиси қуйидаги таҳрирда баён этилсин:

«Жамғарма маблағлари ҳисобидан, тиббиёт муассасаларининг барча ходимларига касбий ва бошқа байрамлар муносабати билан бериладиган мукофот пуллари ва моддий ёрдам пуллари.».

2. 24-банд қуйидаги таҳрирда баён этилсин:

«24. Жамғарма маблағларидан мақсадли фойдаланилиши устидан назорат Ўзбекистон Республикаси Соғлиқни сақлаш вазирлигининг Ички аудит департаменти, шунингдек Ўзбекистон Республикаси Бош прокуратураси ҳузуридаги Давлат молиявий назорати инспекцияси ва унинг ҳудудий бошқармалари томонидан қонунчилик ҳужжатларида белгиланган тартибда амалга оширилади.».

Соғлиқни сақлаш вазири А. ХУДАЯРОВ

Иқтисодиёт ва молия вазири Д. КУЧКАРОВ

Камбағалликни қисқартириш ва бандлик вазири Б. ЗАХИДОВ

Тошкент ш.,

2025 йил 2 апрель,

Тошкент ш.,

2025 йил 27 март,

Тошкент ш.,

2025 йил 24 март,

4-сон

244-сон

2-қ/қ-сон

(Қонунчилик маълумотлари миллий базаси, 17.04.2025 й., 10/25/3416-1/0353-сон)

Oʻzbekiston Respublikasi Sogʻliqni saqlash vazirligi Oʻzbekiston Respublikasi Iqtisodiyot va moliya vazirligi oʻzbekiston respublikasi kambagʻallikni qisqartirish va bandlik vazirligining

Qarori

Tibbiyot muassasalarini moddiy ragʻbatlantirish va rivojlantirish jamgʻarmasi toʻgʻrisidagi nizomga oʻzgartirishlar kiritish haqida

Oʻzbekiston Respublikasi Prezidentining 2024-yil 8-iyuldagi PF-99-son “Yashirin iqtisodiyotga qarshi kurashish faoliyatini samarali tashkil etishga doir qoʻshimcha chora-tadbirlar toʻgʻrisida”gi Farmoni hamda Oʻzbekiston Respublikasi Vazirlar Mahkamasining 2024-yil 10-dekabrdagi 833-son “Oʻzbekiston Respublikasi Oila va xotin-qizlar qoʻmitasi faoliyati hamda “Ayollar daftari” bilan ishlash tizimi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida”gi qaroriga muvofiq Oʻzbekiston Respublikasi Sogʻliqni saqlash vazirligi, Iqtisodiyot va moliya vazirligi hamda Kambagʻallikni qisqartirish va bandlik vazirligi qaror qiladi:

1. Oʻzbekiston Respublikasi Sogʻliqni saqlash vazirligining 2022-yil 30-dekabrdagi 30-son, Bandlik va mehnat munosabatlari vazirligining 2022-yil 21-dekabrdagi 35-2022/qq-son va Moliya vazirligining 2022-yil 29-dekabrdagi 71-son qarori (roʻyxat raqami 3416, 2023-yil 16-yanvar) (Qonunchilik maʼlumotlari milliy bazasi, 17.01.2023-y., 10/23/3416/0032-son) bilan tasdiqlangan Tibbiyot muassasalarini moddiy ragʻbatlantirish va rivojlantirish jamgʻarmasi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Oʻzbekiston Respublikasi Sogʻliqni saqlash vazirligining 2025-yil 2-apreldagi 4-son, Iqtisodiyot va moliya vazirligining 2025-yil 27-martdagi 244-son hamda Kambagʻallikni qisqartirish va bandlik vazirligining 2025-yil 24-martdagi 2-q/q-son qaroriga ILOVA

Tibbiyot muassasalarini moddiy ragʻbatlantirish va rivojlantirish jamgʻarmasi toʻgʻrisidagi nizomga kiritilayotgan oʻzgartirishlar

1. 9-bandning toʻrtinchi xatboshisi quyidagi tahrirda bayon etilsin:

“Jamgʻarma mablagʻlari hisobidan, tibbiyot muassasalarining barcha xodimlariga kasbiy va boshqa bayramlar munosabati bilan beriladigan mukofot pullari va moddiy yordam pullari.”.

2. 24-band quyidagi tahrirda bayon etilsin:

“24. Jamgʻarma mablagʻlaridan maqsadli foydalanilishi ustidan nazorat Oʻzbekiston Respublikasi Sogʻliqni saqlash vazirligining Ichki audit departamenti, shuningdek Oʻzbekiston Respublikasi Bosh prokuraturasi huzuridagi Davlat moliyaviy nazorati inspeksiyasi va uning hududiy boshqarmalari tomonidan qonunchilik hujjatlarida belgilangan tartibda amalga oshiriladi.”.

Sogʻliqni saqlash vaziri A. XUDAYAROV

Iqtisodiyot va moliya vaziri D. KUCHKAROV

Kambagʻallikni qisqartirish va bandlik vaziri B. ZAXIDOV

Toshkent sh.,

2025-yil 2-aprel,

Toshkent sh.,

2025-yil 27-mart,

Toshkent sh.,

2025-yil 24-mart,

4-son

244-son

2-q/q-son

(Qonunchilik maʼlumotlari milliy bazasi, 17.04.2025-y., 10/25/3416-1/0353-son)