📅 2025-yil 17-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 17 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 17 апреля 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 17 April 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
СТАВКАЛАРИ
Саноат намуналарини халқаро рўйхатдан ўтказиш тўғрисидаги Гаага битимининг Женева актига (Женева, 1999 йил 2 июль) мувофиқ саноат намуналарини халқаро рўйхатдан ўтказишда якка тартибдаги божларнинг ставкаларини белгилаш тўғрисида
Ўзбекистон Республикасининг «Саноат намуналарини халқаро рўйхатдан ўтказиш тўғрисидаги Гаага битимининг Женева актига (Женева, 1999 йил 2 июль) Ўзбекистон Республикасининг қўшилиши ҳақида»ги Қонуни ижросини таъминлаш мақсадида Вазирлар Маҳкамаси қарор қилади:
1. Саноат намуналарини халқаро рўйхатдан ўтказиш тўғрисидаги Гаага битимининг Женева актига (Женева, 1999 йил 2 июль) мувофиқ саноат намуналарини халқаро рўйхатдан ўтказишда ундириладиган якка тартибдаги божлар ставкалари иловага мувофиқ тасдиқлансин.
2. Белгилансинки, Ўзбекистон Республикаси Адлия вазирлигининг Интеллектуал мулкни ривожлантириш жамғармасига тушадиган якка тартибдаги бож маблағлари қуйидаги тартибда тақсимланади:
а) Ўзбекистон Республикасининг норезидентларидан келиб тушадиган маблағларнинг:
78 фоизи — Илм-фанни молиялаштириш ва инновацияларни қўллаб-қувватлаш жамғармаси ҳисобварағига;
2 фоизи — Ўзбекистон Республикаси Давлат бюджетининг тегишли ҳисобварағига ўтказилади;
20 фоизи — Адлия вазирлигининг моддий-техник базасини мустаҳкамлашда ҳамда саноат намунаси ва интеллектуал мулкнинг бошқа турларини ҳуқуқий муҳофаза қилиш соҳасида халқаро ташкилотларда қатнашганлик учун аъзолик бадалларини тўлашда улардан фойдаланиш (камида 50 фоизи), шунингдек, ходимларни моддий рағбатлантириш учун Ўзбекистон Республикаси Адлия вазирлигининг Интеллектуал мулкни ривожлантириш жамғармасида қолдирилади;
б) Ўзбекистон Республикасининг резидентларидан келиб тушадиган маблағларнинг:
20 фоизи — Ўзбекистон Республикаси Давлат бюджетининг тегишли ҳисобварағига ўтказилади;
80 фоизи — Адлия вазирлигининг моддий-техник базасини мустаҳкамлашда ҳамда саноат намунаси ва интеллектуал мулкнинг бошқа турларини ҳуқуқий муҳофаза қилиш соҳасида халқаро ташкилотларда қатнашганлик учун аъзолик бадалларини тўлашда улардан фойдаланиш (камида 50 фоизи), шунингдек ходимларни моддий рағбатлантириш учун Ўзбекистон Республикаси Адлия вазирлигининг Интеллектуал мулкни ривожлантириш жамғармасида қолдирилади.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.
Вазирлар Маҳкамасининг 2025 йил 17 апрелдаги 238-сон қарорига ИЛОВА
Саноат намуналарини халқаро рўйхатдан ўтказиш тўғрисидаги Гаага битимининг Женева актига (Женева, 1999 йил 2 июль) мувофиқ саноат намуналарини халқаро рўйхатдан ўтказишда ундириладиган якка тартибдаги божлар
Бож коди Юридик аҳамиятга эга ҳаракат Ставкалар (АҚШ долларида) 1. Саноат намунасини халқаро рўйхатдан ўтказиш тўғрисидаги аризада Ўзбекистон Республикаси кўрсатилганлиги учун: 1.1 Саноат намунасининг битта вариантига 322 1.2 Саноат намунасининг ҳар бир қўшимча вариантига 53 2. Саноат намунасининг амал қилишини биринчи беш йиллик муддатга узайтирганлик учун 349 3. Саноат намунасининг амал қилишини иккинчи беш йиллик муддатга узайтирганлик учун 537
Ўзбекистон Республикасининг Бош вазири А. АРИПОВ
Тошкент ш.,
2025 йил 17 апрель,
238-сон
Oʻzbekiston Respublikasi Vazirlar Mahkamasining
qarori
STAVKALARI
Sanoat namunalarini xalqaro roʻyxatdan oʻtkazish toʻgʻrisidagi Gaaga bitimining Jeneva aktiga (Jeneva, 1999-yil 2-iyul) muvofiq sanoat namunalarini xalqaro roʻyxatdan oʻtkazishda yakka tartibdagi bojlarning stavkalarini belgilash toʻgʻrisida
Oʻzbekiston Respublikasining “Sanoat namunalarini xalqaro roʻyxatdan oʻtkazish toʻgʻrisidagi Gaaga bitimining Jeneva aktiga (Jeneva, 1999-yil 2-iyul) Oʻzbekiston Respublikasining qoʻshilishi haqida”gi Qonuni ijrosini taʼminlash maqsadida Vazirlar Mahkamasi qaror qiladi:
1. Sanoat namunalarini xalqaro roʻyxatdan oʻtkazish toʻgʻrisidagi Gaaga bitimining Jeneva aktiga (Jeneva, 1999-yil 2-iyul) muvofiq sanoat namunalarini xalqaro roʻyxatdan oʻtkazishda undiriladigan yakka tartibdagi bojlar stavkalari ilovaga muvofiq tasdiqlansin.
2. Belgilansinki, Oʻzbekiston Respublikasi Adliya vazirligining Intellektual mulkni rivojlantirish jamgʻarmasiga tushadigan yakka tartibdagi boj mablagʻlari quyidagi tartibda taqsimlanadi:
a) Oʻzbekiston Respublikasining norezidentlaridan kelib tushadigan mablagʻlarning:
78 foizi — Ilm-fanni moliyalashtirish va innovatsiyalarni qoʻllab-quvvatlash jamgʻarmasi hisobvaragʻiga;
2 foizi — Oʻzbekiston Respublikasi Davlat budjetining tegishli hisobvaragʻiga oʻtkaziladi;
20 foizi — Adliya vazirligining moddiy-texnik bazasini mustahkamlashda hamda sanoat namunasi va intellektual mulkning boshqa turlarini huquqiy muhofaza qilish sohasida xalqaro tashkilotlarda qatnashganlik uchun aʼzolik badallarini toʻlashda ulardan foydalanish (kamida 50 foizi), shuningdek, xodimlarni moddiy ragʻbatlantirish uchun Oʻzbekiston Respublikasi Adliya vazirligining Intellektual mulkni rivojlantirish jamgʻarmasida qoldiriladi;
b) Oʻzbekiston Respublikasining rezidentlaridan kelib tushadigan mablagʻlarning:
20 foizi — Oʻzbekiston Respublikasi Davlat budjetining tegishli hisobvaragʻiga oʻtkaziladi;
80 foizi — Adliya vazirligining moddiy-texnik bazasini mustahkamlashda hamda sanoat namunasi va intellektual mulkning boshqa turlarini huquqiy muhofaza qilish sohasida xalqaro tashkilotlarda qatnashganlik uchun aʼzolik badallarini toʻlashda ulardan foydalanish (kamida 50 foizi), shuningdek xodimlarni moddiy ragʻbatlantirish uchun Oʻzbekiston Respublikasi Adliya vazirligining Intellektual mulkni rivojlantirish jamgʻarmasida qoldiriladi.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.
Vazirlar Mahkamasining 2025-yil 17-apreldagi 238-son qaroriga ILOVA
Sanoat namunalarini xalqaro roʻyxatdan oʻtkazish toʻgʻrisidagi Gaaga bitimining Jeneva aktiga (Jeneva, 1999-yil 2-iyul) muvofiq sanoat namunalarini xalqaro roʻyxatdan oʻtkazishda undiriladigan yakka tartibdagi bojlar
Boj kodi Yuridik ahamiyatga ega harakat Stavkalar (AQSH dollarida) 1. Sanoat namunasini xalqaro roʻyxatdan oʻtkazish toʻgʻrisidagi arizada Oʻzbekiston Respublikasi koʻrsatilganligi uchun: 1.1 Sanoat namunasining bitta variantiga 322 1.2 Sanoat namunasining har bir qoʻshimcha variantiga 53 2. Sanoat namunasining amal qilishini birinchi besh yillik muddatga uzaytirganlik uchun 349 3. Sanoat namunasining amal qilishini ikkinchi besh yillik muddatga uzaytirganlik uchun 537
Oʻzbekiston Respublikasining Bosh vaziri A. ARIPOV
Toshkent sh.,
2025-yil 17-aprel,
238-son