UzbekAI

Ўзбекистон Республикаси Вазирлар Маҳкамасининг

қарори

НИЗОМ

НИЗОМ

БУЮРТМАНОМАСИ

ДАЛОЛАТНОМА

НИЗОМ

СХЕМАСИ

НИЗОМ

МЕЗОНЛАРИ

НИЗОМ

СХЕМАСИ

РЎЙХАТИ

Ўзбекистон Республикаси фуқароларини хорижда ташкиллаштирилган тартибда ишга жойлаштириш тизимини янада такомиллаштириш чора-тадбирлари тўғрисида

Ўзбекистон Республикаси Президентининг «Миграция жараёнларини бошқариш тизимини ислоҳ қилиш бўйича биринчи навбатдаги чора-тадбирлар тўғрисида» 2024 йил 17 октябрдаги ПФ-162-сон Фармони ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Миграция жараёнларини бошқариш тизимини ислоҳ қилиш бўйича биринчи навбатдаги чора-тадбирлар тўғрисида» 2024 йил 17 октябрдаги ПФ-162-сон Фармонига мувофиқ:

Камбағалликни қисқартириш ва бандлик вазирлиги ҳузуридаги Ташқи меҳнат миграцияси агентлиги фаолияти тугатилганлиги ҳамда Вазирлар Маҳкамаси ҳузурида Миграция агентлиги (кейинги ўринларда — Агентлик) ташкил этилганлиги;

Хорижда меҳнат фаолиятини амалга оширувчи шахсларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси негизида юридик шахс мақомига эга бўлмаган Миграция жамғармаси ташкил этилганлиги маълумот учун қабул қилинсин.

2. Қуйидагилар:

Ўзбекистон Республикаси Вазирлар Маҳкамаси ҳузуридаги Миграция агентлиги тўғрисидаги низом 1-иловага мувофиқ;

Ўзбекистон Республикаси фуқароларини хорижда меҳнат фаолиятини амалга ошириш учун ташкиллаштирилган ҳолда юбориш тартиби тўғрисидаги низом 2-иловага мувофиқ;

Ўзбекистон Республикаси Вазирлар Маҳкамаси ҳузуридаги Миграция агентлигининг хориждаги ваколатхоналари ходимларининг лавозим маошлари миқдори 3-иловага мувофиқ;

Хорижда меҳнат фаолиятини амалга ошириш учун кетаётган ҳамда меҳнат миграциясида бўлган фуқароларга субсидия, компенсация ва кредитлар ажратиш тартиби тўғрисидаги низом 4-иловага мувофиқ;

Касбий таълим ташкилотлари ва касбий кўникмалар марказларида фаолият юритаётган чет тили фани ўқитувчиларининг рейтингини аниқлаш ва субсидия бериш тартиби тўғрисидаги низом 5-иловага мувофиқ;

Миграция жамғармаси тўғрисидаги низом 6-иловага мувофиқ тасдиқлансин.

3. Белгилансинки, Агентлик ваколатхоналари мавжуд бўлмаган хорижий давлатларда меҳнат фаолиятини амалга ошираётган фуқароларга ёрдам кўрсатиш билан боғлиқ харажатлар Миграция жамғармаси маблағлари ҳисобидан Ўзбекистон Республикасининг хориждаги дипломатик ваколатхоналари ва консуллик муассасалари орқали молиялаштирилади.

4. Фуқароларга миграция соҳасида кўрсатиладиган хизматларни соддалаштириш, қўшимча қулайликлар яратиш, хорижий иш берувчилар билан танловларни, тест ва кўниктириш жараёнларини ўтказиш мақсадида Агентлик, Ўзбекистон Республикаси Олий таълим, фан ва инновациялар вазирлиги, Камбағалликни қисқартириш ва бандлик вазирлиги, Давлат активларини бошқариш агентлигининг қуйидаги таклифларига розилик берилсин:

Тошкент шаҳрининг Учтепа тумани Кўкча Оқтепа кўчасида жойлашган Тошкент шаҳридаги Касбий кўникмалар марказининг Учтепа филиали биносида «Хорижга ишга тайёрлаш маркази»ни ташкил этиш ва унда «Ягона дарча» тамойили асосида меҳнат миграциясига доир хизматларни кўрсатиш;

Камбағалликни қисқартириш ва бандлик вазирлигининг Қорақалпоғистон Республикаси, вилоятлар марказлари ва Тошкент шаҳридаги касбий кўникмалар марказлари биноларида алоҳида хоналар ажратган ҳолда Агентлик ҳудудий филиалларини жойлаштириш;

хорижий ҳамда нодавлат таълим ташкилотлари томонидан хорижга вақтинча меҳнат фаолиятини амалга ошириш учун кетаётган фуқароларни касб-ҳунар ва чет тилларига ўқитиш учун Камбағалликни қисқартириш ва бандлик вазирлигига тегишли Тошкент шаҳрининг Чилонзор тумани Лутфий кўчасидаги 47-уйнинг «Б» ва «Е» корпусларини Агентликка фойдаланиш учун бериш.

Белгилансинки, мазкур банднинг учинчи ва тўртинчи хатбошиларида назарда тутилган касбий кўникмалар марказлари ва корпуслар Агентликка текин фойдаланиш ҳуқуқи асосида берилади, уларни таъмирлаш ва сақлаш харажатлари Миграция жамғармаси маблағлари ҳисобидан амалга оширилади.

5. Ўзбекистон Республикаси Транспорт вазирлиги ва Ички ишлар вазирлиги Агентлик билан биргаликда:

йўловчи автобуслар сонини кўпайтириш орқали хорижга вақтинча меҳнат фаолиятини амалга ошириш учун кетаётган ва қайтаётган фуқароларни ташишда арзон ва тартибли транспорт қатновини йўлга қўйсин;

мамлакатдан ташқарига чиқадиган Ўзбекистон Республикаси фуқаролари билан йўловчи автомобиль транспортида (микроавтобуслар ва автобуслар) ҳаракатланишда хавфсизлик қоидалари ҳамда хорижда бўлиш қоидаларига риоя этиш тўғрисида тушунтириш ишларини (инструктаж) ўтказиб борсин;

Ўзбекистон Республикаси фуқароларининг хавфсизлигини таъминлаш мақсадида Давлат чегараси орқали ўтказиш пунктларида ҳайдовчиларнинг меҳнат ва дам олиш тартибига, йўловчилар ва юкларни ташиш қоидаларига, оғир ва ҳажми катта ўлчамдаги автомобиль ташувлари хавфсизлигини таъминлаш бўйича талабларга риоя этишлари устидан қатъий назоратни ўрнатсин.

6. Ўзбекистон Республикаси Ҳукуматининг 7-иловага мувофиқ айрим қарорларига ўзгартириш ва қўшимчалар киритилсин.

7. Ўзбекистон Республикаси Ҳукуматининг 8-иловага мувофиқ айрим қарорлари ўз кучини йўқотган деб ҳисоблансин.

8. Ушбу қарорнинг бажарилишини назорат қилиш Вазирлар Маҳкамаси ҳузуридаги Миграция агентлиги директори Б.А. Мусаев зиммасига юклансин.

Вазирлар Маҳкамасининг 2025 йил 22 апрелдаги 252-сон қарорига 1-ИЛОВА

Ўзбекистон Республикаси Вазирлар Маҳкамаси ҳузуридаги Миграция агентлиги тўғрисида

1-боб. Умумий қоидалар

1. Ушбу Низом Ўзбекистон Республикаси Вазирлар Маҳкамаси ҳузуридаги Миграция агентлигининг (кейинги ўринларда — Агентлик) мақоми, асосий вазифалари, функциялари, ҳуқуқлари ва жавобгарлигини, фаолиятини ташкил этиш тартибини белгилайди.

2. Агентлик ташқи меҳнат миграцияси соҳасида давлат сиёсатини амалга оширувчи, давлат органларининг ушбу йўналишдаги фаолиятини мувофиқлаштирувчи ва мазкур соҳада давлат хизматларини кўрсатувчи ваколатли республика ижро этувчи ҳокимият органи ҳисобланади.

3. Агентлик республика миллий манфаатларини инобатга олган ҳолда, Ўзбекистон Республикаси фуқароларининг меҳнат миграцияси жараёнларини тартибга солиш ва уларни хорижга ташкиллаштирилган ҳолда юбориш тартиби тўғрисидаги халқаро ҳуқуқ нормалари ва қоидаларига асосланган фаолиятни амалга оширади.

4. Агентлик ўз фаолиятида Ўзбекистон Республикаси Конституциясига , Ўзбекистон Республикаси қонунларига, Ўзбекистон Республикаси Олий Мажлиси палаталари қарорларига, Ўзбекистон Республикаси Президентининг фармонлари, фармойишлари ва қарорларига, Ўзбекистон Республикаси Вазирлар Маҳкамаси қарорлари ва фармойишларига, шунингдек, ушбу Низомга амал қилади.

5. Агентлик бевосита Вазирлар Маҳкамасига бўйсунади ва фаолияти юзасидан ҳисобот беради.

6. Агентлик Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга ва бланкаларга, штамп ҳамда ўз фаолияти учун зарур бўлган рамзларга, мустақил балансга, Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида ғазна ҳисобварақларига, банк ҳисобварақларига, шу жумладан, хорижий валютадаги ҳисобварақларига эга бўлади.

7. Агентликнинг ваколатхоналари Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга, ўз номи ёзилган штамплар, бланкларга эга бўлади.

8. Агентлик Тошкент шаҳрининг Қамарнисо кўчасидаги 1-уйда жойлашган. Почта индекси: 100179.

9. Агентликнинг расмий номи:

а) давлат тилида:

тўлиқ — Ўзбекистон Республикаси Вазирлар Маҳкамаси ҳузуридаги Миграция агентлиги;

қисқартмаси — Миграция агентлиги;

б) инглиз тилида:

тўлиқ — Migration Agency under the Cabinet of Ministers of the Republic of Uzbekistan;

қисқартмаси — Migration Agency;

в) рус тилида:

тўлиқ — Агентство миграции при Кабинете Министров Республики Узбекистан;

қисқартмаси — Агентство миграции.

2-боб. Агентликнинг асосий вазифалари ва функциялари

10. Қуйидагилар Агентликнинг асосий вазифалари ҳисобланади:

ташқи меҳнат миграцияси жараёнларини комплекс тартибга солиш, фуқароларни хорижда меҳнат фаолиятини амалга ошириш учун ташкиллаштирилган ҳолда юбориш ишларини назорат қилиш ҳамда ушбу фуқароларнинг ҳисобини юритиш;

хусусий бандлик агентликларининг Ўзбекистон Республикасидан ташқарида иш қидираётган шахсларни ишга жойлаштириш бўйича фаолиятини лицензиялаш, улар томонидан лицензия талаблари ва шарт-шароитларига риоя этилишини назорат қилиш;

миграция соҳасида халқаро лойиҳаларни ишлаб чиқиш ва амалга ошириш, фуқароларни хорижда ишга жойлаштириш ва уларнинг меҳнат ҳуқуқларини таъминлаш масалалари бўйича чет давлатларнинг ваколатли органлари билан ҳамкорлик қилиш;

хорижий иш берувчиларнинг талабларидан келиб чиқиб, фуқароларни касб-ҳунар ва чет тилларига ўқитиш ишларини ташкил қилиш, ривожланган давлатларда тан олинадиган малакани баҳолаш ва сертификатлаш тизимларини жорий қилиш;

чет элда вақтинча меҳнат фаолиятини амалга ошириш вақтида ҳуқуқлари бузилган, мураккаб молиявий ва бошқа қийин аҳволда қолган фуқароларни қонунчиликда белгиланган тартибда ҳуқуқий ва ижтимоий ҳимоя қилиш, уларни Ўзбекистон Республикасига қайтаришга кўмаклашиш;

Ўзбекистоннинг хориждаги ва хорижий давлатларнинг республикамиздаги дипломатик муассасалари билан доимий ҳамкорлик қилиш, ўзбек диаспоралари ва ватандошлар билан алоқаларни кенгайтириш.

11. Агентлик ўзига юкланган асосий вазифаларга мувофиқ қуйидаги функцияларни амалга оширади:

а) ташқи меҳнат миграцияси жараёнларини комплекс тартибга солиш, фуқароларни хорижга меҳнат фаолиятини амалга ошириш учун ташкиллаштирилган ҳолда юбориш ишларини назорат қилиш ҳамда ушбу фуқароларнинг ҳисобини юритиш соҳасида:

ташқи меҳнат миграцияси соҳасидаги ягона давлат сиёсатини амалга оширади;

Ўзбекистон Республикаси фуқароларини меҳнат фаолиятини амалга ошириш учун хорижга юбориш мақсадида хорижий мамлакатларнинг меҳнат бозорини ўрганади, хорижий иш берувчиларни топади, Ўзбекистон Республикаси фуқароларини ташкиллаштирилган ҳолда танлаш тўғрисида хорижий иш берувчилар ва хусусий агентликлар билан шартномалар тузади ҳамда уларнинг амалга оширилишини таъминлайди;

хорижда ишлаш истаги бўлган Ўзбекистон Республикаси фуқароларини иш берувчилар томонидан танлаб олиш жараёнлари ташкил этилишини назорат қилади ва сайёр қабуллар, учрашувлар ҳамда давра суҳбатларида иштирок этади;

дастлабки мослаштириш тадбирлари ўтказилишини назорат қилади;

ташқи меҳнат миграцияси соҳасини ривожлантириш бўйича норматив-ҳуқуқий ҳужжатлар ва бошқа ҳужжатлар лойиҳаларини ишлаб чиқади ва ишлаб чиқишда қатнашади;

ташқи меҳнат миграция соҳасида халқаро шартномалар лойиҳаларини ишлаб чиқиш ва амалга оширишда қатнашади;

ҳуқуқни қўллаш амалиётини ўрганиш ва умумлаштириш, илғор хорижий ва миллий тажрибани Агентлик фаолиятига жорий этиш бўйича тавсиялар ишлаб чиқади;

меҳнат миграцияси соҳасидаги муаммоларни ўрганади, ушбу соҳани такомиллаштириш бўйича аниқ таклифларни ишлаб чиқади, қонунчиликдаги бўшлиқ ва камчиликларни аниқлаб, уни бартараф қилиш чораларини кўради;

ўз ваколати доирасида Ўзбекистон Республикаси фуқароларини хорижда ташкиллаштирилган ҳолда ишга жойлаштириш соҳасида халқаро ва минтақавий ташкилотлар, хорижий мамлакатларнинг ваколатли органлари билан музокаралар олиб боради, халқаро, давлатлараро ва идоралараро шартномалар, битимлар ва баённомалар лойиҳаларини тайёрлайди;

ўқув курслари ташкил этиладиган касбий таълим ташкилотларида кадрлар тайёрлаш жараёнларини мувофиқлаштириш юзасидан таклифлар тайёрлайди;

хорижда ишга жойлашиш билан боғлиқ, шу жумладан, «ишчи виза»га оид ҳужжатларини расмийлаштириш бўйича бепул консалтинг хизматларини кўрсатади;

хорижда вақтинча меҳнат фаолиятини амалга оширишдаги муаммоларни ҳал қилиш бўйича фуқароларнинг ва иш берувчиларнинг фикрлари, таклифлари ва қонуний талабларини ўрганади ҳамда таҳлил қилади ва шу асосда уларни ҳал қилишга қаратилган амалий чора-тадбирлар юзасидан таклифлар ишлаб чиқилишини таъминлайди;

хорижда меҳнат фаолиятини амалга ошираётган Ўзбекистон Республикаси фуқароларининг ягона маълумотлар базасини шакллантиришда иштирок этади, шунингдек, хорижий иш берувчилар реестрини юритади;

вақтинча меҳнат фаолиятини амалга ошириш учун хорижга кетиш истагида бўлган ва чет тилларига ўқитилган фуқаролар тўғрисидаги маълумотларни Агентликнинг ҳудудий филиаллари томонидан тегишли тартибда манзилли рўйхатларни шакллантириши ва «Xorijda ish» меҳнат миграцияси электрон дастурий мажмуасига киритилишини назорат қилади;

б) хусусий бандлик агентликларининг Ўзбекистон Республикасидан ташқарида иш қидираётган шахсларни ишга жойлаштириш бўйича фаолиятини лицензиялаш, улар томонидан лицензия талаблари ва шарт-шароитларига риоя этилишини назорат қилиш соҳасида:

хусусий бандлик агентликларининг Ўзбекистон Республикасидан ташқарида иш қидираётган шахсларни ишга жойлаштириш бўйича фаолиятини лицензиялаш учун талабгорларнинг мурожаатларини қабул қилади ва кўриб чиқади;

хусусий бандлик агентликларининг Ўзбекистон Республикасидан ташқарида иш қидираётган шахсларни ишга жойлаштириш бўйича фаолиятини амалга оширишга бўлган ҳуқуқини тасдиқловчи, чекланмаган муддатга бериладиган электрон ҳужжатни (кейинги — ўринларда лицензия) беради ёки беришни рад этади;

Ўзбекистон Республикасидан ташқарида иш қидираётган шахсларни ишга жойлаштириш бўйича фаолиятини амалга ошириш учун лицензияга эга бўлган юридик шахслар томонидан лицензия талаблари ва шартларига риоя этилишини назорат қилади;

лицензияларни қайта расмийлаштиради;

лицензияларнинг амал қилишини тўхтатиб туради, қайта тиклайди;

лицензияларни бекор қилади ёки лицензияларни бекор қилиш тўғрисидаги ариза билан судга мурожаат қилади;

лицензияларни ўзгартиради;

лицензиялар реестрини юритади;

Ўзбекистон Республикасининг «Хусусий бандлик агентликлари тўғрисида»ги Қонунига мувофиқ хусусий бандлик агентликлари томонидан қонунчилик ҳужжатлари талабларига риоя этилишини назорат қилади;

лицензияга эга бўлмаган юридик ва жисмоний шахслар томонидан фуқароларга Ўзбекистон Республикаси ҳудудидан ташқарида иш билан таъминлашни тарғиб қилиш ёки иш билан таъминлаш ҳолатларини текширади;

хусусий бандлик агентликлари ва хорижий иш берувчилар реестрларини юритишини ташкил этади;

хорижий иш берувчилар ва (ёки) рекрутинг агентликларидан жалб қилинган иш ўринларини лицензияга эга хусусий бандлик агентликлари ўртасида тақсимлайди;

в) миграция соҳасида халқаро лойиҳаларни ишлаб чиқиш ва амалга ошириш, фуқароларни хорижда вақтинча ишга жойлаштириш ва уларнинг меҳнат ҳуқуқларини таъминлаш масалалари бўйича чет давлатларнинг ваколатли органлари билан ҳамкорлик қилиш соҳасида:

фуқароларни хорижда меҳнат фаолиятини амалга ошириш учун ташкиллаштирилган ҳолда ишга жойлаштириш, Ўзбекистон Республикасидан ташқарида меҳнат фаолиятини амалга ошириш даврида фуқароларнинг ҳуқуқлари ва қонуний манфаатлари ҳимоя қилинишини таъминлаш масалалари бўйича Ўзбекистон Республикасининг халқаро шартномалари лойиҳаларини ишлаб чиқади ва уларни амалга оширишда иштирок этади ҳамда ушбу йўналишда чет давлатларнинг ваколатли органлари билан ҳамкорлик қилади;

меҳнат миграцияси соҳасида халқаро ташкилотлар ва хорижий давлатларнинг ваколатли ташкилотлари билан музокаралар олиб боради, ҳамкорлик келишувлари лойиҳаларини ишлаб чиқади ва имзоланишини таъминлайди;

хорижий давлатларда меҳнат фаолиятини амалга ошириш истагида бўлган фуқароларга хавфсиз, тартибли ва қонуний меҳнат миграциясини амалга оширишда қулай шарт-шароитлар яратиш мақсадида салоҳиятли хорижий давлат иш берувчиларини излаб топади ва улар билан ҳамкорлик қилиш учун музокаралар олиб боради;

Ўзбекистон Республикаси фуқароларини хорижда меҳнат фаолиятини амалга ошириш учун ташкиллаштирилган ҳолда ишга жойлаштириш масалалари бўйича Ўзбекистон Республикасининг хорижий давлатлар билан ҳамкорлиги тўғрисидаги шартномалар, битимлар, баённомалар ва бошқа ҳужжатлардан келиб чиқадиган тегишли қарорлар ва мажбуриятларнинг хорижий ҳамкорлар ва иш берувчилар томонидан бажарилишини мувофиқлаштиради;

г) хорижий иш берувчиларнинг талабларидан келиб чиқиб фуқароларни касб-ҳунар ва чет тилларига ўқитиш ишларини ташкил қилиш, ривожланган давлатларда тан олинадиган малакани баҳолаш ва сертификатлаш тизимларини жорий қилиш соҳасида:

вақтинча меҳнат фаолиятини амалга ошириш учун хорижга кетаётган Ўзбекистон Республикаси фуқароларини кетишдан олдин мослаштириш, ўқитиш, қайта ўқитиш ва малака ошириш марказлари, тил ўргатиш марказлари фаолиятини, жумладан, давлат-хусусий шериклик шартлари асосида ташкил этади ва бошқаради;

вақтинча меҳнат фаолиятини амалга ошириш учун хорижга кетаётган Ўзбекистон Республикаси фуқароларини касбий таълим ташкилотлари ва касб-ҳунар марказлари ёки нодавлат таълим ташкилотларида касбга ўқитади, кетишдан олдин мослаштиради, қайта тайёрлайди ва малакасини оширади, уларга чет тилларини, хавфсизлик техникаси ва ишлаб чиқаришда меҳнатни ҳимоя қилиш қоидаларини ўргатади;

хорижий ҳамкорлар томонидан ташкил этилган ўқув марказлардаги ўқув курсларида ўқиётган ва курсларни якунлаган фуқаролар электрон базасини шакллантиради;

ривожланган давлатларда тан олинадиган малакани баҳолаш ва сертификатлаш тизимларини жорий қилиш юзасидан хорижий давлатларнинг ваколатли ташкилотлари билан музокаралар ўтказади;

малакани баҳолаш ва сертификатлаш ташкилотларини Ўзбекистон Республикаси ҳудудига жалб қилиш чораларини кўради ва белгиланган тартибда уларнинг фаолиятини расмийлаштиришда кўмаклашади;

д) чет элда вақтинча меҳнат фаолиятини амалга ошириш вақтида ҳуқуқлари бузилган, мураккаб молиявий ва бошқа қийин аҳволда қолган фуқароларни қонунчиликда белгиланган тартибда ҳуқуқий ва ижтимоий ҳимоя қилиш, уларни Ўзбекистон Республикасига қайтаришга кўмаклашиш соҳасида:

Ўзбекистон Республикасининг хориждаги дипломатик ваколатхоналари ва консуллик муассасалари, шунингдек, Агентликнинг хориждаги ваколатхоналари ва вакиллари орқали хорижда ишлаётган Ўзбекистон Республикаси фуқароларининг меҳнат фаолиятининг мониторингини юритади;

хорижда меҳнат фаолиятини амалга ошириш вақтида тазйиққа учраган, мажбурий меҳнатга мажбур қилинган ва таҳқирланган, меҳнат ва бошқа ҳуқуқлари бузилган, мураккаб молиявий аҳволда қолган ва шахсини тасдиқловчи ҳужжатларсиз, тирикчилик учун маблағсиз қолган фуқароларни ҳуқуқий ва ижтимоий ҳимоя қилади, шунингдек, уларни Миграция жамғармаси маблағлари ҳисобидан Ўзбекистон Республикасига қайтаришга кўмаклашади;

ж) Ўзбекистоннинг хориждаги ва хорижий давлатларнинг республикамиздаги дипломатик муассасалари билан доимий ҳамкорлик қилиш, ўзбек диаспоралари ва ватандошлар билан алоқаларни кенгайтириш соҳасида:

салоҳиятли хорижий иш берувчилар билан яқин алоқалар ўрнатиш, уларнинг Ўзбекистон Республикаси фуқароларига нисбатан муносабати ва тасаввурини яхшилаш чораларини кўради;

Ўзбекистон Республикаси фуқароларининг ҳуқуқлари ва қонуний манфаатларини ҳимоя қилиш, миграция соҳасидаги механизмларни такомиллаштириш, қийин ҳаётий вазиятга тушиб қолган мигрантларга юридик, психологик, моддий ва бошқа ёрдам кўрсатишга қаратилган ижтимоий лойиҳаларни амалга оширади;

хорижда вақтинча меҳнат фаолиятини амалга ошираётган фуқароларнинг меҳнат ва маиший шароитларини яхшилайди;

хорижда вақтинча меҳнат фаолиятини амалга ошираётган фуқаролар зич яшайдиган ҳудудларда маданий-маърифий тадбирлар ташкил этади.

Агентлик қонунчилик ҳужжатларига мувофиқ бошқа функцияларни ҳам амалга ошириши мумкин.

3-боб. Агентликнинг ҳуқуқлари ва жавобгарлиги

12. Агентлик ўзига юкланган вазифалар ва функцияларни амалга ошириш учун қуйидаги ҳуқуқларга эга:

хорижга кетаётган Ўзбекистон Республикаси фуқароларини кетишдан олдин тайёрлаш, чет тилига ўқитиш ва имтиҳонга тайёрлашга ихтисослашган марказларни ташкил этиш;

Миграция бўйича республика комиссиясига Агентликнинг хориждаги ваколатхоналарини ташкил этиш ва тугатиш, Агентлик вакиллари учун штат бирликларини очиш ва қисқартириш юзасидан таклифлар киритиш;

хорижда меҳнат фаолиятини амалга ошириш истагида бўлган Ўзбекистон Республикаси фуқароларини касбий таълим ташкилотлари, касб-ҳунар марказлари ёки нодавлат таълим ташкилотларида чет тилларига ўқитиш ва касб-ҳунарга ўргатиш ҳамда ўқув дастури якунлари бўйича имтиҳондан муваффақиятли ўтганларга давлат намунасидаги ҳужжат беришга тавсия этиш;

тузилган шартномаларга мувофиқ хорижда ишлаш учун кадрларни танлаб олиш, уларнинг чет тилларни билишини ва касбга лойиқлигини текшириш, шунингдек, ишга жойлашадиган мамлакатнинг асосий қонунларини тушунтириш;

хорижий ҳамкорлар билан тузилган битимларни (шартномаларни) ҳисобга олган ҳолда, дастлабки саралашдан ўтган Ўзбекистон Республикаси фуқаролари билан уларни хорижда ишга жойлаштиришда хизматлар кўрсатиш бўйича шартномалар тузиш;

хорижий ҳамкорлар билан меҳнат миграцияси соҳасида ҳамкорлик тўғрисида тузилган шартномаларга мувофиқ хорижга ишга юбориладиган номзодлар ҳақида ахборот олиш учун ваколатли органларга мурожаат қилиш;

Миграция бўйича республика комиссияси билан келишган ҳолда, Ўзбекистон Республикаси ҳудудида ва хорижда меҳнат миграциясига оид тадбирлар ўтказиш, улар доирасида меҳмонларни кутиб олиш, кузатиш, овқатланиш, транспорт, совғалар ва халқаро ҳамкорлик доирасидаги масалаларига тааллуқли бошқа тадбирлар харажатларини ўз маблағлари ҳисобидан молиялаштириш;

хорижий ишчи кучини ёлловчи ёки бунга кўмаклашувчи хорижий ташкилотлар билан ўз ваколати доирасида бевосита ўзаро ҳамкорлик қилиш;

Агентликка юкланган вазифаларни бажариш доирасида Агентликнинг ўз маблағлари ҳисобидан вазирлик ва идораларнинг мутахассисларини, бошқа юридик ва жисмоний шахсларни, шу жумладан, шартномавий-ҳуқуқий асосда жалб қилиш;

Агентликнинг хориждаги вакилларини чекланган штатлари сони доирасида бошқа ҳудудларга бириктириш ёки тугатиш;

ваколатига кирадиган масалалар ҳамда унга юкланган вазифалар ва функцияларни бажариш билан боғлиқ бўлган қарорлар, буйруқлар, кўрсатмалар қабул қилиш, зарур бўлганда бошқа давлат ташкилотлари билан биргаликда тегишли қарорлар қабул қилиш;

қонунчилик ҳужжатларида назарда тутилган ҳолларда ваколатига кирадиган масалаларда давлат органлари ва тегишли ташкилотлар билан ҳамкорлик қилиш;

Агентлик ваколатига кирадиган масалаларда белгиланган тартибда судларга аризалар ва даъволар киритиш;

агар қонунчилик ҳужжатларида белгиланган бўлса, маъмурий ҳуқуқбузарликлар тўғрисидаги ишларни белгиланган тартибда кўриб чиқиш ва жарималар солиш;

қонунчиликда белгиланган тартибда бюджетдан ташқари жамғармаларга эга бўлиш;

бўш турган маблағларни банклар депозит ҳисобрақамларига жойлаштириш;

Агентлик номидан белгиланган тартибда шартномалар тузиш;

давлат органлари ва манфаатдор шахслардан ўз ваколати доирасида зарур ахборотларни сўраш ва олиш;

қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

13. Агентлик:

ўзига юкланган вазифа ва функцияларни самарали бажариши;

ўзи қабул қилган қарорлар ҳамда буйруқларни ўз вақтида, сифатли ва тўлиқ бажариши;

фаолиятини ривожлантириш бўйича тасдиқланган дастурлар, чора-тадбирлар режаси, «йўл хариталари» ва бошқа дастурий ҳужжатлар ижросини самарали ташкил этиши ва бажариши;

балансидаги мулклар, шу жумладан, кўчмас мулклардан мақсадли фойдаланишга қатъий риоя этиш;

ўзига юкланган вазифа ва функциялар доирасида фуқаролар ҳамда тадбиркорлик субъектларининг ҳуқуқлари ва қонуний манфаатларини ҳимоя қилиши шарт.

Агентликка қонунчилик ҳужжатларига мувофиқ бошқа мажбуриятлар ҳам юкланиши мумкин.

14. Агентлик ўз мажбуриятлари бўйича ихтиёридаги маблағлар билан жавоб беради. Бу маблағлар етарли бўлмаса, муассис давлат муассасасининг мажбуриятлари юзасидан субсидиар жавобгар бўлади.

Агентлик муассиснинг мажбуриятлари бўйича жавоб бермайди.

15. Агентликнинг ўз ваколатлари доирасида қабул қилинган қарорлари республика ва маҳаллий ижро этувчи ҳокимият органлари хамда бошқа ташкилотлар, шунингдек, фуқаролар томонидан бажарилиши мажбурийдир.

16. Агентлик ҳудудий филиаллари, хориждаги ваколатхона ва вакиллари мажбуриятлари бўйича қонунчиликда белгиланган тартибда жавоб беради.

17. Агентлик давлат активларини, шу жумладан, уларнинг товар-моддий бойликлари ва бошқа мол-мулкларининг бут сақланиши бўйича моддий жавобгар ҳисобланади.

4-боб. Агентлик мол-мулки ва молия-хўжалик фаолияти

18. Куйидагилар Агентликнинг мулки ҳисобланади:

муассис томонидан Агентликка оператив бошқарув ҳуқуқи билан бириктирилган ҳамда қонунчилик ҳужжатларига асосан вужудга келган мулк;

қонунчилик ҳужжатларида назарда тутилган бюджет ва бюджетдан ташқари маблағлари ҳамда ўз маблағлари;

қонунчилик ҳужжатларига зид бўлмаган бошқа манбалар ҳисобидан шакллантирилган мулклар.

Агентликнинг даромад келтирувчи фаолият билан шуғулланиш ҳуқуқи мавжуд. Агентликнинг бу даромад ҳисобидан сотиб олинган мол-мулки Агентликнинг мустақил тасарруфига ўтади ва алоҳида балансда ҳисобга олинади.

19. Агентликнинг мулки Агентлик ходимлари ўртасида тақсимланиши мумкин эмас.

20. Агентликнинг мулки қуйидаги ҳолларда қонунчилик ҳужжатларига мувофиқ белгиланган тартибда муассис билан келишган ҳолда тасарруф этилади:

асосий воситаларни сотиш, ҳисобдан чиқариш (бинолари ва иншоотлари, шу жумладан, қурилиши тугалланмаган бинолари ва иншоотларидан ташқари);

Ўзбекистон Республикаси Қурилиш ва уй-жой коммунал хўжалиги вазирлиги ҳузуридаги Қурилиш ва уй-жой коммунал хўжалиги соҳасида назорат қилиш инспекциясининг ҳудудий бўлинмалари, қурилиш соҳасидаги лойиҳалаштириш ташкилотлари, махсус лицензияга эга бўлган ташкилотлар ҳамда илмий-тадқиқот муассасаларининг хулосасига мувофиқ яроқсиз деб топилган ҳамда ваколатли органлар томонидан бузиш тўғрисида қарор қабул қилинган кўчмас мулк объектларини бузиш;

автотранспорт воситаларини харид қилиш, бино ва иншоотларни сотиб олиш ва/ёки қуриш;

мулкни Агентлик фаолияти мақсадларига мувофиқ бўлмаган бошқача тарзда тасарруф этиш.

21. Агентлик даромад келтирадиган қуйидаги хизматларни кўрсатади:

вақтинча меҳнат фаолиятини амалга ошириш учун хорижга кетаётган Ўзбекистон Республикаси фуқароларига авиа, темир йўл ва автотранспорт чипталарини харид қилишда ва бошқа транспорт-логистика масалаларини ҳал қилишда кўмаклашиш;

хорижда ишга жойлашиш учун зарур ҳужжатларни расмийлаштиришда кўмаклашиш;

жисмоний ва юридик шахслар талабномалари бўйича иш жараёнига жалб этилмаган Агентлик транспорт воситаларини жалб қилиш орқали транспорт хизматларини кўрсатиш;

Ўзбекистон Республикаси фуқароларини ва чет эл фуқароларини меҳмонхоналарга жойлаштириш бўйича шартнома асосида хизматлар кўрсатиш;

қонунчилик ҳужжатларида тақиқланмаган бошқа хизматлар.

22. Даромад Агентлик молия-хўжалик фаолиятининг асосий умумлаштирувчи кўрсаткичи ҳисобланади.

23. Қуйидагилар Агентликнинг молиявий ресурсларини шакллантириш манбалари ҳисобланади:

даромад келтирадиган фаолият билан шуғулланишдан тушган фойда (даромад);

чет эл фуқароларига Ўзбекистон Республикаси ҳудудида меҳнат фаолиятини амалга ошириш ҳуқуқини берадиган тасдиқномалар учун йиғимларнинг бир қисми;

Ўзбекистон Республикаси фуқароларини ишга жойлаштириш, касбга тайёрлаш, кетишдан олдин мослаштириш, қайта тайёрлаш ва уларнинг малакасини ошириш, уларга чет тилларини, техника хавфсизлиги ва меҳнатни муҳофаза қилиш қоидаларини ўргатиш бўйича кўрсатиладиган хизматлардан олинган маблағлар;

қонунчилик ҳужжатларида тақиқланмаган бошқа манбалар.

24. Агентлик Ўзбекистон Республикаси қонунчилик ҳужжатларига мувофиқ вазифалар ва функцияларни бажариш учун ташқи иқтисодий фаолиятни амалга ошириш ҳуқуқига эга.

25. Хўжалик фаолиятидан тушган валюта тушуми Агентликнинг валюта ҳисобрақамига ўтказилади ва ундан қонунчиликда белгиланган тартибда фойдаланилади.

26. Агентлик ўз фаолиятининг оператив ва бухгалтерия ҳисобини, шунингдек, статистика ҳисоботини юритади.

27. Агентлик марказий аппарати ва ҳудудий филиаллари фаолияти Агентликнинг даромад келтирадиган фаолиятидан тушган маблағлар ҳамда қонунчилик ҳужжатларида тақиқланмаган бошқа маблағлар ҳисобидан молиялаштирилади ва моддий-техник таъминланади.

Агентликнинг хориждаги ваколатхоналари ва вакиллари фаолияти Миграция жамғармаси маблағлари ҳисобидан молиялаштирилади.

28. Агентлик ходимларининг иш ҳақи лавозим маоши, мукофотлар, қўшимча тўловлар, устамалар ва қонунчилик ҳужжатларида тақиқланмаган бошқа тўловлардан иборат.

5-боб. Агентликка раҳбарлик қилиш

29. Агентликка Ўзбекистон Республикаси Президенти томонидан лавозимга тайинланадиган ва лавозимдан озод этиладиган директор раҳбарлик қилади.

Агентлик директори мақоми, тиббий ва маиший таъминот шароитлари бўйича вазирга тенглаштирилади.

30. Агентлик директори қуйидаги функцияларни бажаради:

Агентликка умумий раҳбарлик қилади, унинг жорий фаолиятини ташкил этади ва ўз зиммасига юкланган вазифалар бажарилиши учун жавоб беради;

давлат органлари, юридик ва жисмоний шахслар, шу жумладан, хорижий давлатларнинг давлат органлари, юридик ва жисмоний шахслари, шунингдек, халқаро ташкилотлар билан муносабатларда Агентлик номидан иш юритади;

Агентлик ва Миграция жамғармаси фаолиятини, шу жумладан пул маблағларини сарфлаш самарадорлиги ва натижадорлигини назорат қилади;

Агентликнинг штатлар жадвали, бизнес режаси ва сметаларини тасдиқлайди;

Агентлик, унинг ҳудудий филиаллари ва хориждаги ваколатхоналари тузилмасини тасдиқлайди, ходимларини лавозимга тайинлайди ва лавозимдан озод қилади, шунингдек, белгиланган тартибда уларни рағбатлантиради;

Агентлик фаолиятининг самарадорлиги ва натижадорлигини баҳолаш мезонлари ҳамда индикаторларини тасдиқлайди;

кадрларнинг қайта тайёрланишини ва малакаси оширилишини ташкил этади;

жисмоний ва юридик шахслар мурожаатларини кўриб чиқади, шунингдек, Агентлик ваколатига кирадиган масалалар юзасидан қонунчилик ҳужжатлари бузилишини бартараф этиш юзасидан зарур хатти-ҳаракатларни амалга оширади;

Агентлик марказий аппарати таркибий бўлинмалари, унинг ҳудудий филиаллари ва хориждаги ваколатхоналари бошлиқлари ва ходимлари ҳамда меҳнат миграцияси масалалари бўйича атташелар фаолияти самарадорлигини баҳолаш тартибини тасдиқлайди.

Агентликка юкланган вазифаларга мувофиқ бошқа функцияларни бажаради.

31. Агентлик директори қуйидаги ҳуқуқларга эга:

Агентлик фаолиятига умумий раҳбарлик қилиш;

Агентлик ходимлари билан қонунчилик ҳужжатларида белгиланган тартибда меҳнат шартномаларини тузиш ва бекор қилиш;

Агентлик ходимлари бажариши шарт бўлган буйруқларни қабул қилиш ҳамда кўрсатмалар бериш;

Агентлик номидан ишончномасиз фаолият кўрсатиш;

Агентликка юкланган вазифаларни бажариш доирасида давлат органлари, илмий-таълим муассасаларининг юқори малакали мутахассисларини, шу жумладан, хорижий мутахассис ва экспертларни шартнома асосида жалб этиш;

Агентликнинг марказий аппарати, ҳудудий филиаллари, хориждаги ваколатхоналари тузилмаларига бошқарув ходимларининг белгиланган умумий штатлар сони ва меҳнатга ҳақ тўлаш фонди доирасида ўзгартиришлар киритиш;

меҳнатга ҳақ тўлаш фондидан тежаб қолинган маблағларни Агентлик, унинг ҳудудий филиаллари ва хориждаги ваколатхоналари ходимларини моддий рағбатлантиришга йўналтириш;

Агентлик директори қонунчилик ҳужжатларида назарда тутилган бошқа ҳуқуқларга ҳам эга бўлиши мумкин.

32. Агентлик директори:

Ўзбекистон Республикаси Конституцияси ва қонунлари, Ўзбекистон Республикаси Президентининг тегишли ҳужжатлари, Вазирлар Маҳкамасининг қарорлари ва бошқа қонунчилик ҳужжатлари билан Агентликка юкланган вазифа ва функциялар бажарилишини ташкил этиши;

Агентлик олдига қўйилган вазифаларнинг бажарилишини ташкил этиши ва назорат қилиши;

давлат сирлари ёки қонун билан қўриқланадиган бошқа сирни ташкил этувчи маълумотлар билан ишлашда қонунчилик ҳужжатларида белгиланган талабларга риоя қилиши;

ўз фаолияти билан боғлиқ прогноз кўрсаткичлари, даврий иш режалари ва фаолияти самарадорлигини баҳолаш кўрсаткичлари ҳамда мезонларига сўзсиз эришилишини таъминлаши;

фаолиятини ривожлантириш бўйича тасдиқланган дастурлар, чора-тадбирлар режаси, «йўл хариталари» ва бошқа дастурий ҳужжатларни самарали амалга ошириши;

жисмоний ва юридик шахсларнинг ҳуқуқлари ҳамда қонуний манфаатларини ҳимоя қилиши шарт.

Агентлик директори қонунчилик ҳужжатларида назарда тутилган бошқа мажбуриятларни ҳам бажаради.

33. Агентлик директори Вазирлар Маҳкамаси томонидан лавозимга тайинланадиган ва лавозимдан озод этиладиган икки нафар ўринбосарга эга.

Агентлик директори ўринбосарлари мақоми, тиббий ва маиший таъминот шароитлари бўйича вазир ўринбосарларига тенглаштирилади.

Агентлик директори ва унинг ўринбосарларининг хорижий давлатларга хизмат сафарлари Вазирлар Маҳкамаси рухсати билан амалга оширилади.

6-боб. Ҳисобдорлик

34. Агентлик қонунчилик ҳужжатларида назарда тутилган ҳолларда ҳар йили ҳисобот даври тугагач, Вазирлар Маҳкамасига давлат муассасаси фаолияти тўғрисида ҳисобот тақдим этади.

Агентлик Вазирлар Маҳкамаси ва Миграция бўйича республика комиссиясига бевосита ҳисобдор бўлади.

35. Агентликда қонунчиликда белгиланган тартибда ташқи аудит ўтказилади.

36. Қонунчилик ҳужжатларида белгиланган тартибда ваколатли органлар Агентлик директори зиммасига юкланган вазифалар самарали бажарилиши юзасидан уларнинг фаолияти устидан мунтазам мониторинг юритади, мониторинг натижаларига кўра давлат муассасаси фаолияти самарадорлигига холисона баҳо беради.

37. Ҳужжатларнинг сақланиши ва белгиланган тартибда сақлашга берилиши учун Агентлик директори шахсан жавобгар ҳисобланади.

38. Агентликда белгиланган тартибда ташкил этиладиган Жамоатчилик кенгаши фаолият юритади.

7-боб. Агентлик фаолиятининг самарадорлиги ва натижадорлигини баҳолаш мезонлари ҳамда кўрсаткичлари

39. Агентлик фаолиятининг самарадорлиги ва натижадорлиги мунтазам равишда баҳолаб борилади.

Агентлик директори ва унинг ўринбосарлари фаолиятининг энг муҳим самарадорлик кўрсаткичлари Вазирлар Маҳкамаси томонидан тасдиқланади.

40. Агентлик марказий аппарати таркибий бўлинмалари, унинг ҳудудий филиаллари ва хориждаги ваколатхоналари бошлиқлари ва ходимлари ҳамда меҳнат миграцияси масалалари бўйича атташелар фаолияти самарадорлиги Агентлиги директори томонидан тасдиқланадиган фаолият самарадорлиги ва натижадорлигини баҳолаш мезонлари асосида баҳоланади.

41. Агентлик фаолиятининг самарадорлиги ва натижадорлиги баҳолаш якунлари бўйича:

Агентлик раҳбарлари ва ходимларини рағбатлантириш (мукофотлаш) ёки интизомий жавобгарлик чоралари;

Агентлик фаолиятида аниқланган камчиликларни бартараф этиш ва унинг фаолиятини янада такомиллаштириш чоралари кўрилади.

8-боб. Агентлик ходимларини моддий-техник таъминлаш ва рағбатлантириш чора-тадбирлари

42. Меҳнатга ҳақ тўлаш жамғармаси, бюджетдан ташқари жамғармалар маблағлари ва қонунчилик ҳужжатларида тақиқланмаган бошқа маблағлар Агентлик ходимларига иш ҳақи тўлаш ҳамда уларни моддий рағбатлантириш манбалари ҳисобланади.

43. Агентлик ходимларини, жумладан ваколатхона (вакиллик) ходимларини меҳнатига ҳақ тўлаш ва уларни моддий рағбатлантириш тартиби Иқтисодиёт ва молия вазирлиги билан келишилган ҳолда, Агентлик раҳбарияти томонидан тасдиқланади.

9-боб. Якунловчи қоида

44. Агентлик қонунчилик ҳужжатларида белгиланган тартибда қайта ташкил этилади ва тугатилади.

Вазирлар Маҳкамасининг 2025 йил 22 апрелдаги 252-сон қарорига 2-ИЛОВА

Ўзбекистон Республикаси фуқароларини хорижда меҳнат фаолиятини амалга ошириш учун ташкиллаштирилган ҳолда юбориш тартиби тўғрисида

1-боб. Умумий қоидалар

1. Ушбу Низом Ўзбекистон Республикаси фуқароларини чет элга меҳнат фаолиятини амалга ошириш учун ташкиллаштирилган ҳолда юбориш тартибини белгилайди.

2. Ушбу Низомда қуйидаги асосий тушунчалардан фойдаланилади:

ихтиёрий рўйхатдан ўтган фуқаро — хорижий давлатга вақтинча меҳнат фаолиятини амалга ошириш учун кетишдан олдин «Xorijda ish» меҳнат миграцияси электрон дастурий мажмуасида ихтиёрий рўйхатдан ўтган Ўзбекистон Республикаси фуқароси;

иш берувчилар реестри — ташкиллаштирилган ҳолда юбориш ва хорижда ишга жойлаштиришда иштирок этувчи хорижий иш берувчилар рўйхати;

ишга жойлаштириладиган давлат — меҳнат мигранти вақтинча меҳнат фаолиятини амалга оширадиган хорижий давлат;

иш изловчи шахс (талабгор) — мақбул келадиган иш жойини танлаш ва хорижда ишга жойлашишга кўмаклашиш хизматларидан фойдаланиш учун юборувчи ташкилотга мурожаат қилган жисмоний шахс, Ўзбекистон Республикаси фуқароси;

лицензия — юридик шахсларга Ўзбекистон Республикасидан ташқарида иш қидираётган шахсларни ташкиллаштирилган ҳолда ишга жойлаштириш бўйича фаолиятни амалга ошириш ҳуқуқини берувчи рухсат этиш хусусиятига эга ҳужжат;

меҳнат мигрантлари — хорижда вақтинча меҳнат фаолиятини амалга оширувчи Ўзбекистон Республикаси фуқаролари, Ўзбекистон Республикасининг хориждаги ваколатхоналари ва дипломатик миссияларида ишловчи шахслар бундан мустасно;

мавсумий меҳнат миграцияси — мавсумий тусга эга бўлган ва фақат йилнинг бир қисмида вақтинча меҳнат фаолиятини амалга ошириш мақсадида бориш;

танлаш — хорижий иш берувчилар ва (ёки) уларнинг хорижий ишчиларни ишга жойлаштириш соҳасида фаолият кўрсатувчи ваколатли хорижий ташкилотларининг буюртманомалари бўйича Ўзбекистон Республикаси фуқароларини хорижда ишга жойлаштиришни таъминлаш мақсадида юборувчи ташкилот томонидан амалга ошириладиган тадбирлар мажмуи;

хорижий иш берувчи — ишга жойлаштириладиган давлатнинг қонунчилик ҳужжатларида меҳнат мигрантларни ёллаш ҳуқуқи берилган хорижий давлатнинг жисмоний ёки юридик шахси;

«Xorijda ish» меҳнат миграцияси электрон дастурий мажмуаси — Ўзбекистон Республикаси Вазирлар Маҳкамаси ҳузуридаги Миграция агентлигининг (кейинги ўринларда — Агентлик) махсус электрон платформада рўйхатга олиш тизими бўлиб, унинг ёрдамида Ўзбекистон Республикаси фуқаролари, юборувчи ташкилотлар ҳамда Камбағалликни қисқартириш ва бандлик вазирлигининг Камбағалликни қисқартириш ва бандликка кўмаклашиш бўлимлари (кейинги ўринларда — Бандликка кўмаклашиш бўлимлари) хорижда иш изловчиларнинг зарур маълумотларини киритиши мумкин;

юборувчи ташкилот — Агентлик, шунингдек, Ўзбекистон Республикасидан ташқарида иш қидираётган шахсларни ишга жойлаштириш бўйича фаолиятни амалга ошириш учун лицензияга эга бўлган хусусий бандлик агентликлари.

3. Ўзбекистон Республикаси фуқаролари хорижда меҳнат фаолиятини амалга ошириш учун ташкиллаштирилган ҳолда юборувчи ташкилотлар томонидан ушбу Низомда ва бошқа қонунчилик ҳужжатларида белгиланган тартибда юборилади.

4. Юборувчи ташкилот Ўзбекистон Республикасидан ташқарида иш қидираётган шахсларни ишга жойлаштириш хизматларини кўрсатиш учун чет эллик иш берувчи ва (ёки) чет эллик шерик билан ҳамкорлик тўғрисида шартнома тузади.

5. Юборувчи ташкилот томонидан Ўзбекистон Республикасидан ташқарида иш қидираётган шахсларни ишга жойлаштириш бўйича чет эллик иш берувчи ва (ёки) чет эллик шерик билан ҳамкорлиги тўғрисидаги шартноманинг давлат тилига таржима қилинган матни ушбу ташкилотнинг расмий веб-сайтида жойлаштирилади.

6. Юборувчи ташкилот Ўзбекистон Республикасидан ташқарида иш қидираётган шахсларни ишга жойлаштириш бўйича чет эллик иш берувчи ва (ёки) чет эллик шерик билан ҳамкорлиги тўғрисида шартномани тузмасдан, Ўзбекистон Республикасидан ташқарида иш қидираётган шахсларни ишга жойлаштириш хизматларини кўрсатиши тақиқланади.

7. Агентликка Ўзбекистон Республикасидан ташқарида иш қидираётган шахсларни ташкиллаштирилган ҳолда ишга жойлаштириш бўйича фаолиятни амалга ошириш учун лицензия олиш талаб этилмайди.

8. Агентлик хорижий иш берувчилар ва (ёки) рекрутинг агентликларидан жалб қилинган иш ўринларини лицензияга эга хусусий бандлик агентликлари ўртасида тақсимлайди, Ўзбекистон Республикасининг халқаро шартномасида ва идоравий келишувларида назарда тутилган ҳоллар бундан мустасно.

2-боб. «Xorijda ish» меҳнат миграцияси электрон дастурий мажмуаси маълумотлар базасини шакллантириш тартиби

9. «Xorijda ish» меҳнат миграцияси электрон дастурий мажмуаси талабгорларнинг фамилияси, исми ва отасининг исми, паспорт маълумотлари, туғилган санаси ва йили, яшаш жойи, телефон рақамлари, маълумоти, мутахассислиги, иш тажрибаси, бошқа кўникмалари, фотосуратларини ўз ичига олади.

10. Қуйидаги маълумотлар «Xorijda ish» меҳнат миграцияси электрон дастурий мажмуаси маълумотлар базасига киритиладиган ахборот манбалари ҳисобланади:

талабгор томонидан мустақил киритилган ахборот;

талабгорнинг розилиги билан юборувчи ташкилот томонидан киритилган ахборот;

талабгорнинг розилиги билан Бандликка кўмаклашиш бўлимлари томонидан киритилган ахборот.

11. «Xorijda ish» меҳнат миграцияси электрон дастурий мажмуасида рўйхатдан ўтказилган ҳар бир талабгорга рўйхатдан ўтказилган шахсий рақам берилади.

12. Талабгор «Xorijda ish» меҳнат миграцияси электрон дастурий мажмуасига киритилишидан олдин унга Ўзбекистон Республикаси фуқароларини тегишли лицензия асосида хорижий давлатга ташкиллаштирилган ҳолда ишга юборадиган юридик шахс томонидан ёзма шаклда билдиришнома берилади.

13. Билдиришномада Ўзбекистон Республикаси фуқароларини тегишли лицензия асосида хорижий давлатга ташкиллаштирилган ҳолда ишга юборадиган юридик шахс томонидан шартнома мажбуриятлари бажарилмаган ёки лозим даражада бажарилмаган тақдирда, мурожаат қилиш учун хусусий бандлик агентлигининг ҳамда Агентликнинг почта манзиллари ҳамда боғланиш учун телефон рақамлари кўрсатилади.

14. Шахсий маълумотлар ҳақидаги ахборот учинчи шахсларга берилмайди, қонунчилик ҳужжатларида белгиланган ҳолатлар бундан мустасно.

15. Талабгорнинг мурожаати ва тақдим этган маълумотлари асосида юборувчи ташкилот «Xorijda ish» меҳнат миграцияси электрон дастурий мажмуасида унинг маълумотлар базасини мустақил равишда шакллантириш ҳуқуқига эга.

Маълумотларнинг ҳаққонийлиги юзасидан жавобгарлик талабгорга юкланади.

16. Бандликка кўмаклашиш бўлимлари талабгорларни Ўзбекистон Республикаси ҳудудида ишга жойлаштириш учун «Xorijda ish» меҳнат миграцияси электрон дастурий мажмуаси маълумотлар базасидан фойдаланиши мумкин.

17. «Xorijda ish» меҳнат миграцияси электрон дастурий мажмуасида тақдим этилган ахборотнинг ишончлилиги учун талабгор шахсан жавобгар.

3-боб. Хорижда иш берувчиларни излаш

18. Талабгор хорижда меҳнат фаолиятини амалга ошириш учун Иш берувчилар реестрига киритилган иш берувчилар билан биргаликда ташкиллаштирилган ҳолда юборилади.

19. Иш берувчилар реестрига хорижий иш берувчилар тўғрисидаги маълумотлар:

Агентлик маълумотлари;

Ўзбекистон Республикаси дипломатик ваколатхоналарининг Атташеси, Агентликнинг хориждаги ваколатхоналари раҳбарларидан (вакиллари) ва юборувчи ташкилотлардан ушбу Низомга 1-иловага мувофиқ юборилган талабнома асосида киритилади.

20. Иш берувчилар реестри Агентлик томонидан юритилади ҳамда унинг расмий веб-сайтига жойлаштирилади.

21. Иш берувчилар реестри маълумотлари очиқ ҳисобланиб, улардан барча юборувчи ташкилотлар фойдаланиши учун Агентлик веб-сайтида эълон қилинади.

22. Иш берувчилар реестрига киритилмаган, шунингдек, Ўзбекистон Республикасида ёки ишга жойлаштириладиган давлатларда ҳам аввал меҳнат тўғрисидаги ва бошқа қонунчилик ҳужжатларини бузган хорижий иш берувчилар талабгорларни хорижда ишга жойлаштириш учун танлаш ман этилади.

23. Агентликда холис, очиқ ва ишончли ахборотни шакллантириш мақсадида Меҳнат миграцияси масалалари бўйича атташе, Агентликнинг хориждаги ваколатхоналари раҳбарлари (вакиллари) ва юборувчи ташкилот доимий асосда:

меҳнат мигрантларини бошқа мамлакатларда ишга жойлаштириш имкониятлари тўғрисида ахборот тўплайди;

бўлажак иш берувчилар билан музокаралар ўтказади;

хорижий иш берувчи томонидан тақдим этилган меҳнат шартномаси шартларини, меҳнат қилиш ва яшаш шарт-шароитларини батафсил ўрганади.

24. Хорижий иш берувчи томонидан қоидабузарликлар тўғрисида ахборот олинган ҳолларда, Агентлик ходимлари ва/ёки Меҳнат миграцияси масалалари бўйича атташе фуқаролар ишга жойлаштирилган жойларга бориб ўрганади ва ўрганиш якунлари бўйича далолатнома тузилади.

25. Ўрганиш якунлари бўйича тузилган далолатнома қоидабузарлик мавжудлиги тасдиқланган тақдирда, Агентлик хорижий ишончсиз иш берувчини Иш берувчилар реестридан чиқариш бўйича тегишли чоралар кўради.

26. Иш берувчилар реестридан чиқарилган ташкилотларда аввал ишга жойлашган ва меҳнат фаолиятини давом эттиришни хоҳловчи меҳнат мигрантларига нисбатан талабгор ва юборувчи ташкилот ўртасидаги барча келишилган шартлар тўлиқ бажарилгунга қадар сақлаб қолинади.

27. Агентлик томонидан хорижий иш берувчининг айби билан ишсиз қолган меҳнат мигрантларига нисбатан уларни такроран ишга жойлаштириш ёки ватанига қайтариш чоралари кўрилади.

4-боб. Талабгорларни танлаб олиш ва кетишдан олдин мослаштириш

28. Юборувчи ташкилот талабгорларни «Xorijda ish» меҳнат миграцияси электрон дастурий мажмуаси маълумотлар базаси маълумотлари, ўз маркетинг ишланмалари асосида хорижий иш берувчи билан олдиндан келишув бўйича танлайди.

Ўзбекистон Республикаси фуқароларини хорижий давлатга ташкиллаштирилган ҳолда ишга юборадиган юридик шахс шартнома асосида талабгорга ишга жойлаштириш соҳасида ахборот ва маслаҳат хизматларини кўрсатади.

Ишга жойлаштириш соҳасида хизматлар кўрсатиш тўғрисидаги шартномалар асосида тақдим этиладиган ахборот ва маслаҳат хизматларининг қиймати қонунчилик ҳужжатларида белгиланади.

Юборувчи ташкилотлар томонидан кўрсатиладиган хизматлар қиймати улар томонидан мустақил белгиланади.

29. Ташкиллаштирилган ҳолда хорижга чиқиб кетаётган талабгорлар ишга юборилишидан олдин касбий таълим ташкилотлари, касб-ҳунар марказлари ёки нодавлат таълим ташкилотларида касб-ҳунарга ўқитилади, хорижий иш берувчининг малака талабларига жавоб берадиган талабгор бундан мустасно.

Юборувчи ташкилот талабгордан унинг малакасини ва чет тилини билиш даражасини тасдиқловчи ҳужжатни сўраш ҳуқуқига эга.

Агар талабгор малакасини тасдиқловчи ҳужжати бўлмаса, касбий таълим ташкилотлари, касб-ҳунар марказлари ёки нодавлат таълим ташкилотларида касб-ҳунарга ўқитилади.

30. Юборувчи ташкилот талабгорнинг чет тилини билишини ва касбга яроқлилигини текшириш ҳуқуқига эга.

31. Хорижий иш берувчи томонидан билдирилган малака ва тил билиш даражаси бўйича талабларга жавоб бермайдиган, шунингдек, чет элга чиқиши чекланган талабгорни ташкиллаштирилган ҳолда юбориш ман этилади.

32. Юборувчи ташкилот хорижий иш берувчи билан келишувларига мувофиқ ишга жойлаштириладиган давлатга талабгорларни юбориш учун гуруҳ тузади.

33. Гуруҳ тузиш якунлари бўйича юборувчи ташкилот хорижда ишга жойлаштириш юзасидан хизматлар кўрсатиш тўғрисида талабгор билан шартнома тузади.

Юборувчи ташкилот томонидан хизматлар кўрсатиш тўғрисидаги шартнома «Xorijda ish» меҳнат миграцияси электрон дастурий мажмуасида реал вақт режимида рўйхатдан ўтказилади.

34. Юборувчи ташкилот юборилаётган мамлакатларнинг ўзига хослигидан келиб чиқиб, хорижда вақтинча меҳнат фаолиятини амалга оширувчи фуқаронинг рақобатбардошлигини ошириш бўйича уларнинг ўқув-тайёргарлик, мослаштириш тадбирларидан дастлабки тарзда ўтказилишини таъминлайди, шу жумладан:

талабгорни хорижий иш берувчи билан тузиладиган меҳнат шартномаси лойиҳаси, яшаш ва меҳнат шароитлари билан таништириши;

талабгорни тиббий кўрикдан ўтказиши, шу жумладан, сил, руҳий, таносил касалликлари бор ёки йўқлиги ва гиёҳванд моддалар истеъмол қилиш ёки истеъмол қилмаслигини текшириши;

заруратга кўра чиқиш визасини олиш учун тегишли ҳужжатларни расмийлаштиришда талабгорга кўмаклашиши шарт.

35. Юборувчи ташкилот жўнатиш тадбирларидан олдин талабгор ишга жойлаштириладиган давлат тилини, анъаналари ва қонунчилигини ўргатиш, хавфсизлик техникаси, диний экстремизм ва терроризмнинг, таносил касалликлари ва ОИВ-инфекцияси тарқалишининг олдини олиш бўйича Агентлик томонидан ташкил қилинадиган қисқа муддатли курсларга талабгорни йўналтириш, ўқишини, курс якуни бўйича имтиҳонларда иштирокини ҳамда сертификатга эга бўлишини таъминлаш мажбуриятини олади.

36. Юборувчи ташкилот талабгор ҳаёти ва соғлиғини ажратиладиган субсидия ҳисобидан суғурта қилиш жараёнини ташкил этади.

Талабгорда атрофдагиларга хавф туғдирадиган касалликлар ва вақтинча меҳнат фаолиятини амалга оширишга тўсқинлик қилувчи касалликлар аниқланса, талабгор тўлиқ соғайиб кетгунига қадар кетишдан олдин мослаштиришдан четлатилади.

5-боб. Талабгорни жўнатиш

37. Талабгор учун қулай шарт-шароитлар ва қулайликлар яратиш мақсадида юборувчи ташкилот темир йўл, авиа ва автотранспортга йўл чипталарини банд қилади. Келишувга кўра йўл чипталари талабгор ёки иш берувчи томонидан харид қилинади.

38. Талабгорни республикадан ташқарида вақтинча меҳнат фаолиятини амалга ошириш жойига хавфсиз кузатиб қўйиш, йўлда йўл-транспорт ҳодисаларининг олдини олиш мақсадида талабгорлар тегишли лицензияга эга ташувчилар орқали юборилади.

39. Талабгор ишга жойлаштириладиган давлатга хорижий иш берувчи билан келишган ҳолда, юборувчи ташкилотнинг ходими ҳамроҳлигида гуруҳ бўлиб жўнатилади.

40. Ўтказилган тадбирлар якунлари бўйича ушбу Низомга 2-иловага мувофиқ шакл бўйича талабгорни ишга жойлаштириш тўғрисида ҳужжат тузилади. Унга талабгор ва хорижий иш берувчи ўртасидаги меҳнат шартномаси нусхалари илова қилинади.

41. Хорижий иш берувчи талаб қилинган ижтимоий ва маиший шарт-шароитларни, меҳнатга ҳақ тўлаш шартларини таъминламаса ёки иш берувчи меҳнат мигрантини ишга жойлаштиришни рад этишига сабаб бўлган бошқа масалалар юзага келса, юборувчи ташкилот талабгорни бошқа хорижий иш берувчида ишга жойлаштириш бўйича шошилинч чоралар кўради.

42. Талабгорни аввал келишилган талабларга мувофиқ ишга жойлаштириш имкони бўлмаса, юборувчи ташкилот уни ўз ватанига қайтарилишини таъминлаши шарт.

Юборувчи ташкилот томонидан мазкур мажбурият бажарилмаган тақдирда, Агентлик талабгорни Миграция жамғармаси ҳисобидан ватанга қайтариш бўйича шошилинч чоралар кўради ва харажатлар юборувчи ташкилотнинг депозитга жойлаштирилган маблағлари ҳисобидан қопланади.

6-боб. Меҳнат мигрантлари фаолиятининг мониторинги

43. Хорижий давлатдаги меҳнат мигрантлари фаолиятининг мониторинги уларнинг ҳуқуқ ва манфаатларини ҳимоя қилиш:

Меҳнат миграцияси масалалари бўйича атташе;

Агентликнинг хорижий ваколатхоналари;

Агентликнинг давлат ва нодавлат хорижий ҳамкорлари;

юборувчи ташкилотлар;

нодавлат нотижорат ташкилотлари;

меҳнат мигрантларининг ҳуқуқ ва манфаатларини ҳимоя қилувчи бошқа ташкилотлар томонидан амалга оширилади.

44. Агентлик меҳнат мигрантларини ишончсиз иш берувчидан ҳимоя қилишда ва меҳнат мигрантлари томонидан ҳуқуқбузарликлар содир этилишининг олдини олишда мониторинг юритиш бўйича Ўзбекистон Республикасининг бош ваколатли органи ҳисобланади.

45. Мониторинг қуйидаги барча жиҳатларни инобатга олган ҳолда амалга оширилади:

вақтинча меҳнат фаолиятини амалга ошириш мақсадида меҳнат мигрантларини жалб қилиш учун ўз мамлакатининг ваколатли органларида расман рўйхатга олинган ёки аккредитациядан ўтказилган хорижий иш берувчилар билан битимлар тузилгани;

талабгорни танлаш бўйича хизматлар кўрсатиш учун юборувчи ташкилотлар томонидан тузиладиган шартномаларнинг ва меҳнат мигрантлари томонидан хорижий иш берувчилар билан тузилган меҳнат шартномаларининг қонунчилик ҳужжатларига ҳамда халқаро ҳуқуқ ва бошқа қонунчилик ҳужжатлари нормаларига мувофиқлиги;

ишга жойлаштириладиган давлатда ходимларнинг тегишли тоифаси учун белгиланган иш ҳақидан кам бўлмаган даражада меҳнат мигрантларини иш ҳақи билан таъминлаш нормаларига риоя этилиши;

ишга жойлаштириладиган мамлакатда белгиланган муносиб яшаш ва ишлаш шарт-шароитларини таъминлаш нормаларига риоя қилиниши.

46. Заруратга кўра Агентлик ва унинг хориждаги ваколатхоналари турли масалалар юзасидан меҳнат мигрантлари, ваколатли ташкилотлар билан учрашувлар ўтказади, тиббий хизматлардан фойдаланишда кўмаклашади, меҳнат мигрантларининг ҳуқуқлари иш берувчи томонидан бузилишининг олдини олади.

47. Меҳнат мигрантлари ҳуқуқлари ва манфаатларини ҳимоя қилиш тартиб-таомиллари Миграция жамғармаси маблағлари ҳисобидан молиялаштирилади.

7-боб. Меҳнат мигрантларининг ҳисобини юритиш

48. Хорижда вақтинча меҳнат фаолиятини амалга ошириш учун юборувчи ташкилотлар орқали юборилган ҳамда мамлакатдан чиқиб кетишда ихтиёрий равишда рўйхатдан ўтган фуқаролар тўғрисидаги маълумот «Xorijda ish» меҳнат миграцияси электрон дастурий мажмуасида шакллантирилади.

49. «Xorijda ish» электрон дастурий мажмуасида рўйхатдан ўтган фуқаролар хорижга юборилган меҳнат мигрантлари сифатида ҳисобга олинади ва уларга белгиланган тартибда ҳуқуқий ва моддий ёрдамлар кўрсатилади.

8-боб. Якунловчи қоида

50. Ушбу Низом талабларини бузишда айбдор бўлган шахслар қонунчилик ҳужжатларида белгиланган тартибда жавоб берадилар.

Ўзбекистон Республикаси фуқароларини хорижда меҳнат фаолиятини амалга ошириш учун ташкиллаштирилган ҳолда юбориш тартиби тўғрисидаги низомга 1-ИЛОВА

Ўзбекистон Республикаси дипломатик ваколатхоналарнинг Атташеси, Миграция агентлигининг хориждаги ваколатхоналари раҳбарлари (вакиллари)ни ва юборувчи ташкилотларнинг хорижий иш берувчини Иш берувчилар реестрига киритиш

________________________________________________________________________________________ Агентлик хорижий ваколатхоналари, Меҳнат миграцияси масалалари бўйича атташенинг, юборувчи ташкилотнинг номи) Ишга жойлаштириладиган давлатнинг қонунчилигига мувофиқ меҳнат мигрантларини ишга жойлаштириш ҳуқуқини олган ва текширилган хорижий иш берувчини хорижда ишга жойлаштириш учун Иш берувчилар реестрига киритиш учун у тўғрисида қуйидаги ахборотни тақдим этади: Ташкилот номи Фаолият тури Жойлашган жойи (почта манзили) Телефон E-mail Веб-сайт Давлат рўйхатидан ўтказилган сана ва рақам Устав капитали Лицензия рақами Таклиф этилаётган иш турлари ва жойлашган ҳудуди Бошқа муҳим ахборот Ташкилот раҳбари, Ф.И.О., телефон рақами Боғланиш мумкин бўлган шахс, Ф.И.О., лавозими, телефон рақами Буюртманома берувчи хулосаси ________________________________________________________ ________________________________________________________ ________________________________________________________ _________________ (буюртманома берувчи) (имзо) М.Ў. (мавжуд бўлса)

Ўзбекистон Республикаси фуқароларини хорижда меҳнат фаолиятини амалга ошириш учун ташкиллаштирилган ҳолда юбориш тартиби тўғрисидаги низомга 2-ИЛОВА

Ўзбекистон Республикаси фуқароларини ишга жойлаштириш тўғрисида

20___ йил «___» __________ ____________ шаҳри Ушбу далолатнома Ўзбекистон Республикаси фуқароларини хорижда ишга жойлаштириш бўйича хизматлар кўрсатиш тўғрисида __________-сон лицензия асосида фаолият кўрсатувчи _________________________________________ ҳамда _________________________________________ _______________ (юборувчи ташкилот) _______________________________ (хорижий иш берувчи) ўртасида Ўзбекистон Республикаси фуқароларини _____________________________________________ _______________________________________________________ (ишга жойлаштирадиган мамлакат) ҳудудида ишга жойлаштириш учун ташкиллаштирилган ҳолда танлаш тизими доирасида имзоланган 20___ йил «___» _________даги ____-сон шартнома асосида қуйидаги таркибдаги Ўзбекистон Республикасининг фуқаролари келиб ишга жойлашгани тўғрисида тузилди: Т/р Ф.И.О. Туғилган санаси Паспорт серияси ва рақами Фаолият тури ________________________ ________________________ (юборувчи ташкилот) (хорижий иш берувчи)

Вазирлар Маҳкамасининг 2025 йил 22 апрелдаги 252-сон қарорига 3-ИЛОВА

Ўзбекистон Республикаси Вазирлар Маҳкамаси ҳузуридаги Миграция агентлигининг хориждаги ваколатхоналари ходимларининг лавозим маошлари миқдори

Т/р Ваколатхонадаги лавозим номи Иш ҳақи даражаси * 1. Ваколатхона раҳбари 85 2. Ваколатхона раҳбари ўринбосари 75 3. Бош мутахассис 70 4. Етакчи мутахассис 60 5. Ҳисобчи (бухгалтер) 65 6. Фронт-офис мутахассиси, мурожаатлар билан ишлаш мутахассиси 55 7. Техник ходим 45

Вазирлар Маҳкамасининг 2025 йил 22 апрелдаги 252-сон қарорига 4-ИЛОВА

Хорижда меҳнат фаолиятини амалга ошириш учун кетаётган ҳамда меҳнат миграциясида бўлган фуқароларга субсидия, компенсация ва кредитлар ажратиш тартиби тўғрисида

1-боб. Умумий қоидалар

Ушбу Низом Вазирлар Маҳкамаси ҳузуридаги Миграция агентлигининг (кейинги ўринларда — Агентлик) вақтинча меҳнат фаолиятини амалга ошириш учун хорижга кетаётган, шунингдек, хорижда меҳнат фаолиятини амалга ошираётган Ўзбекистон Республикаси фуқароларига субсидия, компенсация, микрокредит ва таълим кредитларини ажратиш тартибини белгилайди.

2-боб. Миграция жамғармаси томонидан субсидия ва компенсациялар ажратиш тартиби

1. Субсидия ва компенсациялар Ўзбекистон Республикаси фуқароларига Агентликнинг Миграция жамғармаси (кейинги ўринларда — Миграция жамғармаси) ҳисобидан ажратилади.

2. Субсидия ва компенсациялар «Xorijda ish» меҳнат миграцияси электрон дастурий мажмуасида (кейинги ўринларда — «Xorijda ish» дастурий мажмуаси) рўйхатдан ўтган ва ташкиллаштирилган ҳолда меҳнат миграциясига кетаётган фуқароларга қуйидаги харажатларни қоплаш бўйича ажратилади:

а) чет тиллари ва (ёки) касб бўйича малака имтиҳонларини топшириш билан боғлиқ харажатларни қоплаш учун, башарти улар муваффақиятли топширилганда ва сертификат олинганда — базавий ҳисоблаш миқдорининг уч бараваригача миқдорда;

б) хорижда меҳнат фаолиятини амалга оширишга «ишчи виза»ни расмийлаштириш билан боғлиқ харажатларни қоплаш учун — базавий ҳисоблаш миқдорининг беш бараваригача миқдорда;

в) йўл чиптасини харид қилиш билан боғлиқ харажатларни қоплаш учун — базавий ҳисоблаш миқдорининг икки бараваригача миқдорда;

г) Ижтимоий реестрга ёки «Темир дафтар», «Аёллар дафтари», «Ёшлар дафтари»дан бирига киритилган ҳамда ўзи мустақил равишда хорижга ишга кетаётган, шунингдек, ташкиллаштирилган ҳолда меҳнат миграциясига кетаётган фуқароларнинг соғлиғи ва ҳаёти ҳамда бошқа таваккалчиликларини суғурталаш бўйича суғурта мукофотини қоплаш мақсадида суғурта ташкилотларига ҳар бир суғурталанган фуқаро учун йилига бир марта уч юз минг сўмгача миқдорда;

д) немис, инглиз, япон ва корейс тиллари бўйича камида В1 ёки унга тенглаштирилган даражадаги халқаро сертификат олган битирувчилари энг кўп бўлган 50 нафаргача ўқитувчига 50 миллион сўм миқдорида.

3. Субсидия ва компенсациялар тўлаб берилишини сўраб фуқаро «Xorijda ish» дастурий мажмуаси орқали электрон шаклда ёки бевосита Агентликка ариза билан мурожаат қилади ва қуйидаги ҳужжатларни илова қилади:

а) чет тиллари ва (ёки) касб бўйича малака имтиҳонларини топшириш билан боғлиқ харажатларни қоплаш учун:

чет тиллари ва (ёки) касб бўйича малака имтиҳонларини муваффақиятли топширганлигини тасдиқловчи сертификат нусхаси;

тўлов қилинганлигини тасдиқловчи ҳужжат;

тасдиқланган меҳнат шартномаси нусхаси;

б) хорижда меҳнат фаолиятини амалга оширишга «ишчи виза»ни расмийлаштириш билан боғлиқ харажатларни қоплаш учун:

«ишчи виза» нусхаси;

тўлов тўланганлигини тасдиқловчи ҳужжат;

тасдиқланган меҳнат шартномаси нусхаси;

в) йўл чиптасини харид қилиш билан боғлиқ харажатларини қоплаш учун:

йўл чиптаси нусхаси;

тўлов тўланганлигини тасдиқловчи ҳужжат;

тасдиқланган меҳнат шартномаси нусхаси.

4. Ариза Агентлик томонидан уч иш кунида кўриб чиқилади ва натижаси бўйича ариза берувчига «Xorijda ish» дастурий мажмуасидаги шахсий кабинети орқали хабарнома юборилади.

5. Ариза қуйидаги ҳолларда рад этилиши мумкин:

«Xorijda ish» дастурий мажмуасида «хорижда ишга жойлашган шахс» мақомида бўлмаганда;

Агентлик ёки Ўзбекистон Республикасидан ташқарида иш қидираётган шахсларни ишга жойлаштириш бўйича фаолиятни амалга ошириш учун лицензияга эга хусусий бандлик агентликлари орқали ташкиллаштирилган ҳолда меҳнат миграциясига кетмаганда;

асослантирувчи ҳужжатларнинг мавжуд эмаслиги ёки талабга мос эмаслиги аниқланганда.

6. Ариза маъқулланган тақдирда, компенсация суммаси Миграция жамғармаси маблағлари ҳисобидан фуқаро хорижда ишга жойлашганидан сўнг бир ойдан кечикмасдан, унинг аризасида кўрсатилган банк пластик картасига ўтказиб берилади ва фуқаро «Xorijda ish» дастурий мажмуаси орқали хабардор қилинади.

7. Ариза рад этилган тақдирда, фуқаро кўрсатилган камчиликларни бартараф этган ҳолда уч иш кунида қайта мурожаат қилиши мумкин ва ариза Агентлик томонидан белгиланган тартибда ўрганиб чиқилади.

8. Агентлик меҳнат миграциясига кетаётган фуқароларнинг соғлиги ва ҳаёти, шунингдек, бошқа таваккалчиликларини суғурталаш бўйича суғурта мукофотини қоплаш учун суғурта ташкилотини танлаш юзасидан қонунчиликда белгиланган тартибда тендер ўтказади.

Ўтказилган тендер натижасида ғолибликни қўлга киритган суғурта ташкилоти (кейинги ўринларда — суғурта ташкилоти) билан шартнома тузилади.

Фуқароларга сифатли ва тезкор хизмат кўрсатишни йўлга қуйиш мақсадида суғурта ташкилотининг электрон платформаси «Xorijda ish» дастурий мажмуаси билан интеграция қилинади ва онлайн режимда суғурта шартномасини расмийлаштириш, бекор қилиш ва ахборот алмашиш ишлари амалга оширилади.

9. Меҳнат миграциясига кетаётган фуқароларнинг соғлиғи ва ҳаёти, шунингдек, бошқа таваккалчиликларини суғурталаш бўйича суғурта мукофотини қоплаш юзасидан субсидия қуйидаги тартибда ажратилади:

Агентлик ва унинг ҳудудий филиаллари томондан суғурта ташкилоти билан тузилган шартнома доирасида хорижда вақтинча меҳнат фаолиятини амалга ошириш истагида бўлган фуқаролар «Xorijda ish» дастурий мажмуасида рўйхатдан ўтказади, уларнинг Ижтимоий реестрга ёки «Темир дафтар», «Аёллар дафтари», «Ёшлар дафтари»дан бирига киритилгани текширилади ҳамда суғурталаш учун тавсия берилади;

суғурта ташкилоти суғурталаш учун ариза йўллаган фуқароларга суғурта шартномасини расмийлаштиради;

суғурта ташкилоти ҳисобот ойида расмийлаштирилган суғурта шартномаси билан бир қаторда Агентликка суғурта шартномаси бўйича тўловларни амалга ошириш бўйича талабнома киритади;

Агентлик томонидан уч иш куни ичида суғурта ташкилотининг талабномасида кўрсатилган реквизитлар бўйича субсидия ҳар бир суғурталанган фуқаро учун уч юз минг сўмгача миқдорда ўтказиб берилади.

10. Суғурта шартномаси фуқаролар билан суғурта ташкилоти ўртасида электрон шаклда расмийлаштирилади.

11. Суғурта ташкилоти талабномасида қуйидагилар кўрсатилиши лозим:

суғурталанган фуқароларининг шахсий маълумотлари (Ф.И.О, паспорт серияси ва рақами, ЖШШИР, туғилган санаси);

суғурта шартномаси серияси ва рақами (нусхаси илова қилинади);

суғурта ташкилоти реквизитлари.

12. Суғурта шартномаси бўйича суғурта мукофотини қоплаш учун субсидия маблағлари тўлаб берилганидан сўнг суғурталовчи томонидан уч иш куни ичида қонунчиликда белгиланган тартибда шакллантирилган суғурта полиси «Xorijda ish» дастурий мажмуасига юборилади.

Агентлик ва суғурта ташкилоти томонидан ҳар ой якунлари бўйича расмийлаштирилган суғурта шартномасини ва амалга оширилган тўловлар бўйича ўзаро таққослаш далолатномаси расмийлаштириб борилади.

3-боб. Хорижга ишлаш учун чиқиб кетаётган фуқароларга ривожланган мамлакатларда ишга жойлашиш билан боғлиқ харажатларни қоплаш учун микрокредитлар ажратиш тартиби

13. Вақтинча меҳнат фаолиятини амалга ошириш учун ташкиллаштирилган ҳолда ривожланган мамлакатларга чиқиб кетаётган фуқароларга тижорат банклари томонидан Миграция жамғармаси маблағлари ҳисобидан 10 миллион сўмгача миқдорда Марказий банкнинг асосий ставкасидан тўрт фоиз бандга юқори ставкада икки йил муддатга микрокредитлар ажратилади.

Бунда ривожланган мамлакатлар рўйхати Бирлашган Миллатлар Ташкилоти томонидан эълон қилинган ҳисоботлар асосида шакллантирилиб, Агентликнинг расмий веб-сайтида ҳамда «Xorijda ish» дастурий мажмуасида барча учун очиқ эълон қилинади.

14. Микрокредитлар қайтарилиши, тўланиши, муддатлилиги ва улардан мақсадли фойдаланиш шартлари асосида Ўзбекистон Республикаси фуқароси бўлган ўн саккиз ёшга тўлган ва эллик ёшдан ошмаган шахсларга (кейинги ўринларда — кредит олувчи) ажратилади.

Бунда кредит олувчининг доимий даромад манбаига эга бўлган оила аъзолари (ота-онаси, ака-укаси, опа-синглиси, турмуш ўртоғи) ёки учинчи шахс биргаликда қарз олувчи сифатида микрокредит шартномасида кафил сифатида қатнашишлари мумкин.

15. Микрокредит бўйича фоизлар фуқарога маблағ ўтказилган кундан бошлаб ҳисобланади ва банк ҳамда қарз олувчи томонидан тасдиқланган жадвалга асосан тўлаб борилади.

16. Миграция жамғармаси томонидан микрокредит учун маблағларни ажратишда тижорат банкларига нисбатан қуйидаги мувофиқлик мезонлари белгиланади:

тижорат банкида микрокредитлар ажратиш юзасидан аниқ белгиланган ички тартибнинг мавжудлиги;

тижорат банки халқаро рейтинг агентликларининг «В» даражасидан паст бўлмаган даражада узоқ муддатли кредит рейтингига эга бўлиши;

охирги уч йиллик молиявий ҳисоботлар бўйича аудиторлик ташкилоти ижобий хулосасининг мавжудлиги. Агар тижорат банки уч йилдан кам муддат фаолият кўрсатган бўлса, тижорат банкининг фаолият юритган йиллар учун молиявий ҳисоботлари бўйича аудиторлик ташкилотининг хулосаси мавжуд бўлиши;

тижорат банкининг регулятив капитали 500 миллиард сўмдан кам бўлмаслиги;

тижорат банки Давлат бюджети маблағлари, шу жумладан, Ўзбекистон Республикаси Иқтисодиёт ва молия вазирлиги (кейинги ўринларда — Иқтисодиёт ва молия вазирлиги) томонидан жойлаштирилган кредит линиялари бўйича муддати ўтган қарздорликка эга бўлмаслиги;

Марказий банк томонидан белгиланган пруденциал нормативлар бузилганлиги сабабли унга нисбатан микрокредит берилишига тўсқинлик қилувчи амалдаги чора ва санкциялар мавжуд бўлмаслиги.

Агентлик мазкур банднинг иккинчи — олтинчи хатбошиларида назарда тутилган ҳужжат ва маълумотларни мурожаат этувчи тижорат банкларидан, мазкур банднинг еттинчи хатбошисида келтирилган маълумотларни Марказий банкдан белгиланган тартибда сўраб олади.

17. Агентлик тижорат банкларининг мувофиқлик мезонларига мос келишини баҳолашда, Марказий банкдан уларнинг молиявий ҳолати тўғрисидаги қўшимча ахборотни сўраб олади.

Тақдим этилган ҳужжат ва маълумотлар Агентлик томонидан беш иш кунида ушбу Низомнинг 16-бандида кўрсатилган мезонларга мувофиқлиги юзасидан ўрганилади.

18. Белгиланган мезонларга мувофиқ деб топилган тижорат банклари ва Миграция жамғармаси ўртасида микрокредитлар ажратиш юзасидан икки йил муддатга Бош битим (кейинги ўринларда — Бош битим) тузилади.

Бунда ушбу муддат мобайнида томонларда Бош битимда кўзда тутилган шартлар бўйича эътирозлар юзага келмаган тақдирда, Бош битимнинг муддати автоматик тарзда келгуси молия йиллари учун узайтирилган деб ҳисобланади.

Миграция жамғармаси томонидан ажратилган маблағлар тижорат банкининг биринчи даражали регулятив капиталидан ошиб кетмаслиги лозим.

19. Тижорат банклари ушбу Низомнинг 16-бандида кўрсатилган мезонларга мувофиқ эмас деб топилганда, улар билан Бош битим тузишни рад этиш ҳақида тегишли тижорат банклари ёзма тарзда хабардор қилинади.

20. Агентлик доимий равишда ушбу Низом доирасида Агентлик билан Бош битим тузган тижорат банкларининг рўйхатини ўзининг расмий веб-сайтида эълон қилиб боради.

21. Ташкиллаштирилган ҳолда хорижга ишлаш учун чиқиб кетаётган фуқароларга ривожланган мамлакатларда ишга жойлашиш билан боғлиқ харажатларни қоплаш учун микрокредитлар мазкур Низомга иловадаги схемага мувофиқ ажратилади.

Миграция жамғармасининг маблағларни тижорат банкларига Марказий банкнинг асосий ставкасида жойлаштиради.

22. Кредит олувчи микрокредитни олиш учун Агентликнинг расмий веб-сайтида эълон қилинган тижорат банкларига қуйидаги ҳужжатларни тақдим этади:

а) шахсни тасдиқловчи ҳужжат;

б) микрокредит олиш учун ариза;

в) Миграция агентлигининг тавсияномаси;

г) банк ички сиёсатидан келиб чиқиб, кредит ажратиш учун талаб қилинадиган ҳужжатлар.

23. Тижорат банки кредит олувчи томонидан микрокредит беришни сўраб тақдим қилинган ариза ва унга илова қилинган ҳужжатларни уч иш куни мобайнида кўриб чиқиб, микрокредит шартномасини имзолайди.

Кредит олувчи томонидан тақдим этилган ҳужжатлар мазкур Низом ва тижорат банкининг кредит сиёсати талабларига мувофиқ бўлмаган ҳолатларда, тижорат банки томонидан кредит беришни рад этиш тўғрисида қарор қабул қилинади ҳамда ариза берувчига кредит беришни рад этишнинг аниқ сабаблари кўрсатилган ҳолда жавоб хати юборилади.

24. Микрокредит шартномаси кредит олувчига аризада қайд этилган асосланган ҳужжат ёки бошқалардан келиб чиқиб, унга тенг миқдордаги суммага тузилади.

25. Тижорат банклари томонидан микрокредит кредит олувчининг номига расмийлаштирилган банк пластик карточкасига маблағ ўтказиш йўли билан ажратилади.

26. Микрокредитнинг асосий қарз ва фоиз тўловлари кредит олувчи томонидан микрокредит шартномасида кўрсатилган шартларда тўланади.

27. Кредит олувчи (кафил ёки бошқалар) микрокредит бўйича асосий қарзни микрокредит шартномасида белгиланган муддатлардан олдин қайтаришга ҳақлидир.

Бунда тижорат банки кредит олувчи (биргаликда кредит олувчи)дан микрокредит бўйича асосий қарзни шартномада белгиланган муддатлардан олдин қайтаргани учун комиссия ёки неустойка олиш тақиқланади.

28. Кредит олувчи микрокредит бўйича асосий қарзни микрокредит шартномасида белгиланган муддатларда қайтармаса, тижорат банки микрокредит бўйича муддати ўтган қарздорликларни ўзининг ички ҳужжатларига асосан қайтариш чораларини кўради.

29. Агентлик томонидан тижорат банкларига берилган маблағлар тижорат банклари ва Агентлик ўртасида тузилган Бош битимда белгиланган шарт, тартиб ва муддатларда қайтарилади.

4-боб. Халқаро тан олинган дастурлар ва малака сертификатларини жорий қилган таълим ташкилотларида касб ўрганмоқчи бўлган фуқароларнинг таълим олиши учун таълим кредитларини ажратиш тартиби

30. Халқаро тан олинган дастурлар ва малака сертификатларини жорий қилган таълим ташкилотларида касб ўрганмоқчи бўлган фуқароларга таълим кредитлари Иқтисодиёт ва молия вазирлиги ҳузуридаги Таълим кредитини молиялаштириш жамғармаси (кейинги ўринларда — Таълим жамғармаси) ҳисобидан берилади.

31. Халқаро тан олинган дастурлар ва малака сертификатларини жорий қилган таълим ташкилотларида касб ўрганмоқчи бўлган фуқароларга тўлов-контракт асосида ўқиши учун Таълим жамғармаси ҳисобидан таълим кредитлари тижорат банклари томонидан уларнинг қайтарилиши, тўланиши, муддатлилиги ва мақсадли фойдаланиш шартлари асосида белгиланган талабларга мувофиқ ажратилади.

32. Таълим жамғармаси томонидан ҳар йили беш минг нафаргача халқаро тан олинган дастурлар ва малака сертификатларини жорий қилган таълим ташкилотларида касб ўрганмоқчи учун таълим кредитлари ажратиш учун тижорат банкларига маблағ ажратилади.

33. Таълим кредитлари тижорат банклари томонидан халқаро тан олинган дастурлар ва малака сертификатларини жорий қилган таълим ташкилотларида ўқиш учун базавий ҳисоблаш миқдорининг олтмиш беш бараваригача миқдорда икки йил муддатгача берилади.

Бунда кредит олувчининг доимий даромад манбаига эга бўлган оила аъзолари (ота-онаси, ака-укаси, опа-синглиси, турмуш ўртоғи) ёки учинчи шахс биргаликда қарз олувчи сифатида таълим кредити шартномасида кафил сифатида қатнашишлари мумкин.

34. Таълим кредити икки йил муддатга олти ойлик имтиёзли давр билан ажратилади.

Таълим кредитининг фоизи кредит маблағи таълим ташкилотларига маблағ ўтказилган кундан бошлаб ҳисобланади ва банк ҳамда қарз олувчи томонидан тасдиқланган жадвалга асосан тўлови амалга оширилади.

35. Таълим жамғармаси томонидан таълим кредитлари учун маблағларни ажратишда тижорат банкларига нисбатан қуйидаги мувофиқлик мезонлари белгиланади:

тижорат банкида таълим кредитларини ажратиш юзасидан аниқ белгиланган ички тартибнинг мавжудлиги;

тижорат банки «Fitch Ratings» ёки «Standard & Poorʼs» рейтинг агентликларининг «В» даражасидан ёки «Moodyʼs Investors Service» рейтинг агентлигининг «В2» рейтингидан паст бўлмаган даражада узоқ муддатли кредит рейтингига эга бўлиши;

охирги уч йиллик молиявий ҳисоботлар бўйича аудиторлик ташкилоти ижобий хулосасининг мавжудлиги. Агар тижорат банки уч йилдан кам муддат фаолият кўрсатган бўлса, тижорат банкининг фаолият юритган йиллар учун молиявий ҳисоботлари бўйича аудиторлик ташкилотининг ижобий хулосаси мавжуд бўлиши;

тижорат банкининг регулятив капитали 500 миллиард сўмдан кам бўлмаслиги;

тижорат банки Давлат бюджети маблағлари, шу жумладан, Иқтисодиёт ва молия вазирлиги томонидан жойлаштирилган кредит линиялари бўйича муддати ўтган қарздорликка эга бўлмаслиги;

Марказий банк томонидан белгиланган пруденциал нормативлар бузилганлиги сабабли унга нисбатан таълим кредити берилишига тўсқинлик қилувчи амалдаги чора ва санкциялар мавжуд бўлмаслиги.

Иқтисодиёт ва молия вазирлиги мазкур банднинг иккинчи-олтинчи хатбошиларида назарда тутилган ҳужжат ва маълумотларни мурожаат этувчи тижорат банкларидан, мазкур банднинг еттинчи хатбошисида келтирилган маълумотларни Марказий банкдан белгиланган тартибда сўраб олади.

Иқтисодиёт ва молия вазирлиги тижорат банкларининг мувофиқлик мезонларига мос келишини баҳолашда Марказий банкдан уларнинг молиявий ҳолати тўғрисидаги қўшимча ахборотни сўраб олиши мумкин.

36. Тижорат банклари ушбу Низомнинг 35-бандида кўрсатилган мезонларга мувофиқликни тасдиқловчи ҳужжат ва маълумотларни Таълим жамғармасига тақдим этади.

Тақдим этилган ҳужжат ва маълумотлар Таълим жамғармаси томонидан беш иш кунида ушбу Низомнинг 35-бандида кўрсатилган мезонларга мувофиқлиги юзасидан ўрганилади.

37. Белгиланган мезонларга мувофиқ деб топилган тижорат банклари ва Таълим жамғармаси ўртасида таълим кредитлари учун маблағ ажратиш юзасидан икки йил муддатга Бош битим тузилади.

Бунда ушбу муддат мобайнида томонларда Бош битимда кўзда тутилган шартлар бўйича эътирозлар юзага келмаган тақдирда, Бош битимнинг муддати автоматик тарзда келгуси молия йиллари учун узайтирилган деб ҳисобланади.

Таълим жамғармаси томонидан ушбу Низом доирасида ажратилган маблағлар тижорат банкининг биринчи даражали регулятив капиталидан ошиб кетмаслиги лозим.

38. Тижорат банклари ушбу Низомнинг 35-бандида кўрсатилган мезонларга мувофиқ эмас деб топилганда, улар билан Бош битим тузишни рад этиш ҳақида тегишли тижорат банклари ёзма тарзда хабардор қилинади.

39. Таълим жамғармаси ва Агентлик доимий равишда ушбу Низом доирасида Таълим жамғармаси билан Бош битим тузган тижорат банкларининг рўйхатини ўзининг расмий веб-сайтида эълон қилиб боради.

40. Кредит уни олувчилар тўғрисидаги маълумотлар Олий таълим, фан ва инновациялар вазирлигининг «Профессионал таълим жараёнларини бошқариш» (prof.edu.uz) ахборот тизимида мавжуд бўлганда ажратилади ҳамда тўлов-контракт шартномаси «kontrakt.edu.uz» ва «prof.edu.uz» ахборот тизимлари орқали шакллантирилади.

41. Таълим кредити тижорат банклари томонидан кредит олувчига Марказий банкнинг асосий ставкаси миқдорида ажратилади.

Таълим жамғармаси маблағларни тижорат банкларига Марказий банкнинг асосий ставкасидан тўрт фоиз бандга паст ставкада жойлаштиради.

Бунда Марказий банкнинг асосий ставкаси пасайтирилган тақдирда, Иқтисодиёт ва молия вазирлиги ва тижорат банклари ўртасида тузилган таълим кредити учун маблағларни ажратиш тўғрисидаги депозит шартномасига фоиз ставкасини тегишли давр учун мос равишдаги фоиз бандга тушириш бўйича тегишли ўзгартиришлар киритилади.

Марказий банкнинг асосий ставкаси кўтарилган тақдирда, таълим кредити учун маблағларни ажратиш бўйича фоиз ставкаси ўзгаришсиз қолдирилади.

42. Кредит олувчи таълим кредитини олиш учун тўғридан-тўғри тижорат банкларига мурожаат қилишда қуйидаги ҳужжатларни тақдим этади:

а) шахсни тасдиқловчи ҳужжат;

б) таълим кредити олиш учун ариза;

в) талаба ва таълим ташкилоти ўртасидаги тўлов-контракт асосида ўқиш ҳақида белгиланган тартибда расмийлаштирилган шартнома (контракт) ва унга илова қилинадиган ҳисоб варақаси/фактураси (мавжуд бўлганда). Шартнома (контракт)да ўқишни тамомлашнинг белгиланган муддати ва бир йил учун тўлов миқдори кўрсатилган бўлиши лозим;

г) банкнинг кредит сиёсати ва ички тартибига мувофиқ таълим кредити қайтарилишининг таъминоти бўйича ҳужжат. Бунда Ижтимоий реестрга киритилган оилаларнинг фарзандларига ажратиладиган таълим кредити бўйича гаров ва кафиллик талаб этилмайди;

д) Ижтимоий реестрга киритилганлигини тасдиқловчи маълумотнома (Ижтимоий реестрга киритилган оилалар фарзандлари учун);

ж) банкнинг ички ҳужжатларида (сиёсатида) белгиланган бошқа ҳужжатлар, шу жумладан, биргаликда кредит олувчига тегишли маълумот ва ҳужжатлар.

43. Тижорат банки кредит олувчи томонидан таълим кредити беришни сўраб тақдим қилинган ариза ва унга илова қилинган ҳужжатларни беш иш куни мобайнида кўриб чиқиб, таълим кредити шартномасини имзолайди.

Кредит олувчи томонидан тақдим этилган ҳужжатлар мазкур Низом ва тижорат банкининг кредит сиёсати талабларига мувофиқ бўлмаган ҳолатларда тижорат банки кредит беришни рад этиш тўғрисида қарор қабул қилади ва ариза берувчига кредит беришни рад этишнинг аниқ сабаблари кўрсатилган ҳолда жавоб хати юборади.

44. Таълим кредити шартномаси кредит олувчи томонидан тақдим этилган халқаро тан олинган дастурлар ва малака сертификатларини жорий қилган таълим ташкилотлари ва касбга ўқимоқчи бўлган фуқаро ўртасидаги тўлов-контракт асосида ўқиш ҳақидаги шартнома (контракт)да кўрсатилган муддатга тўлов суммасидан келиб чиқиб, унга тенг миқдордаги суммага тузилади.

45. Тижорат банклари томонидан таълим кредити кредит олувчининг ссуда ҳисобварағидан унинг шахсий ёзма топшириғи асосида кредит олувчи ва халқаро тан олинган дастурлар ва малака сертификатларини жорий қилган таълим ташкилотларининг ўқув курсларида ўқиш ҳақида белгиланган тартибда расмийлаштирилган шартнома (контракт) ёки ҳисоб варақаси/фактурада кўрсатиб ўтилган ҳисобварағига маблағ ўтказиш йўли билан ажратилади.

46. Таълим кредитининг асосий қарз ва фоиз тўловлари кредит олувчи томонидан таълим кредити шартномасида кўрсатилган шартларда тўланади.

47. Кредит олувчи (кафил ёки бошқалар) таълим кредити бўйича асосий қарзни таълим кредити шартномасида белгиланган муддатлардан олдин қайтаришга ҳақлидир.

Бунда тижорат банки кредит олувчи (биргаликда кредит олувчи)дан микрокредит бўйича асосий қарзни шартномада белгиланган муддатлардан олдин қайтаргани учун комиссия ёки неустойка олиш тақиқланади.

48. Кредит олувчи таълим кредити бўйича асосий қарзни таълим кредити шартномасида белгиланган муддатларда қайтармаса, тижорат банки таълим кредити бўйича муддати ўтган қарздорликларни ўзининг ички ҳужжатларига асосан қайтариш чораларини кўради.

49. Бош битимга мувофиқ тижорат банклари қарз олувчиларга ажратилган таълим кредитлари фоизларини қоплаш юзасидан талабномани шакллантириб, Таълим жамғармасига тақдим этади.

50. Таълим жамғармаси томонидан халқаро тан олинган дастурлар ва малака сертификатларини жорий қилган таълим ташкилотларида касб ўрганмоқчи бўлган фуқароларнинг таълим олиши учун таълим кредитларини ажратиш учун берилган маблағлар бўйича ҳисоб-китоб ишлари тижорат банклари ва Таълим жамғармаси ўртасида таълим кредитлари учун маблағ ажратиш юзасидан тузилган Бош битим асосида амалга оширилади.

51. Таълим жамғармаси томонидан тижорат банкларига берилган маблағлар тижорат банклари ва Жамғарма ўртасида тузилган Бош битим шартномасида белгиланган тартибда ва муддатларда қайтарилади.

5-боб. Компенсация, субсидия ва кредитларни муддатидан олдин қайтариш

52. Хорижда меҳнат фаолиятини амалга ошириш шартномаси шартларига фуқаролар томонидан асоссиз равишда риоя қилинмаган тақдирда, уларга ажратилган субсидия, компенсация ва кредитлар муддатидан аввал қайтарилади.

6-боб. Якунловчи қоидалар

53. Мазкур Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.

54. Немис, инглиз, япон ва корейс тиллари бўйича камида В1 ёки унга тенглаштирилган даражадаги халқаро сертификат олган битирувчилари энг кўп бўлган 50 нафаргача ўқитувчига 50 миллион сўм миқдорида субсидия Касбий таълим ташкилотлари ва касбий кўникмалар марказларида фаолият юритаётган чет тили фани ўқитувчиларининг рейтингини аниқлаш ва рағбатлантириш тартиби тўғрисидаги низомда белгиланган тартибда тўлаб берилади.

55. Ушбу Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Хорижда меҳнат фаолиятини амалга ошириш учун кетаётган ҳамда меҳнат миграциясида бўлган фуқароларга субсидия, компенсация ва кредитлар ажратиш тартиби тўғрисидаги низомга ИЛОВА

Миграция жамғармаси ҳисобидан ташкиллаштирилган ҳолда ривожланган давлатларга ишлаш учун чиқиб кетаётган фуқароларга ривожланган мамлакатларда ишга жойлашиш билан боғлиқ харажатларни қоплаш учун микрокредитларни ажратиш

Босқичлар Ижрочилар Чора-тадбирлар Муддатлар I. Тижорат банкларига депозит маблағларни жойлаштириш 1-босқич Агентлик Тижорат банкларининг мувофиқлик мезонларига мослигини ўрганади. Тижорат банклари мувофиқлик мезонларига мос эмас деб топилганда, улар билан Бош битим тузишни рад этиш ҳақида ёзма тарзда хабардор қилади. Ҳужжатлар тақдим этилгандан сўнг беш иш кунида 2-босқич Агентлик Мувофиқлик мезонларига мос деб топилган тижорат банклари ҳамда Агентлик ўртасида микрокредитлар учун депозит маблағларини жойлаштириш юзасидан Бош битим тузади. Ўзаро келишувга мувофиқ 3-босқич Агентлик Тижорат банкларига кредитлар ажратиш учун икки йилдан кўп бўлмаган муддатда депозит маблағларини жойлаштиради. Бош битимда белгиланган муддатларда II. Микрокредитларни ажратиш 4-босқич Агентлик Агентлик ҳамда тижорат банклари ўртасида кредитлар учун депозит маблағларини жойлаштириш юзасидан тузилган депозит шартномасига мувофиқ маблағлар тижорат банкларининг тегишли ҳисобварағига ўтказиб берилишини таъминлайди. Шартномада белгиланган муддатларда 5-босқич Тижорат банклари Кредит шартномасини тузади ҳамда кредит ажратилишини таъминлайди. Уч иш кунида 6-босқич Тижорат банклари Агентлик томонидан ажратилган маблағларни депозит шартномасида белгиланган шарт, тартиб ва муддатларда қайтаради. Шартномада белгиланган муддатларда

Вазирлар Маҳкамасининг 2025 йил 22 апрелдаги 252-сон қарорига 5-ИЛОВА

Касбий таълим ташкилотлари ва касбий кўникмалар марказларида фаолият юритаётган чет тили фани ўқитувчиларининг рейтингини аниқлаш ва субсидия бериш тартиби тўғрисида

1-боб. Умумий қоидалар

1. Ушбу Низом давлат касбий таълим ташкилотлари ва касбий кўникмалар марказларида фаолият юритаётган инглиз, корейс, немис ва япон тили фани ўқитувчиларининг фаолияти самарадорлиги бўйича рейтингини (кейинги ўринларда — рейтинг) аниқлаш ва уларга Ўзбекистон Республикаси Вазирлар Маҳкамаси ҳузуридаги Миграция агентлиги (кейинги ўринларда — Агентлик) томонидан субсидия тўлаш тартибини белгилайди.

2. Мазкур Низом талаблари нодавлат касбий таълим ташкилотлари ўқитувчиларига нисбатан татбиқ этилмайди.

2-боб. Рейтингни аниқлашнинг мақсад ва вазифалари

3. Касбий таълим ташкилотлари ва касбий кўникмалар марказлари ўртасида соғлом рақобат муҳитини шакллантириш, уларда фаолият юритаётган чет тили фани ўқитувчиларининг педагогик фаолияти даражаси ва сифатини оширишни рағбатлантириш, уларнинг салоҳиятидан самарали фойдаланиш, ўқитиш сифати бўйича халқаро мезон ва стандартларга мувофиқ юқори кўрсаткичларга эришиш, мамлакатимизда чет тилларни ўргатишни оммалаштириш рейтингни аниқлашнинг мақсади ҳисобланади.

4. Қуйидагилар рейтингни аниқлаш борасидаги асосий вазифалар ҳисобланади:

касбий таълим ташкилотлари ва касбий кўникмалар марказларида таълим бераётган чет тили фани ўқитувчиларининг профессионал билим даражасини аниқлаш;

касбий таълим ташкилотлари ва касбий кўникмалар марказларида таълимни мунтазам такомиллаштириб бориш асосида хорижий меҳнат бозорларида талаб юқори бўлган малакали кадрларни тайёрлаш;

касбий таълим ташкилотлари ва касбий кўникмалар марказларининг рейтинги юқори бўлган ва чет (инглиз, корейс, немис ва япон) тиллари бўйича камида B1 ёки унга тенглаштирилган даражадаги халқаро сертификат олган битирувчилари сони энг кўп бўлган чет тили фани ўқитувчиларини рағбатлантириш;

касбий таълим ташкилотлари ва касбий кўникмалар марказларида таълим бераётган чет тили фани ўқитувчиларининг рейтингини аниқлаш орқали уларнинг малакасини ошириш тадбирларини амалга ошириш;

касбий таълим ташкилотлари ва касбий кўникмалар марказларининг ушбу йўналишдаги фаолияти самарадорлигини ошириш мақсадида республикамиз ва халқаро миқёсда рейтинги юқори таълим муассасалари билан ҳамкорликни йўлга қўйиш ҳамда уларнинг халқаро стандартларга мувофиқ юқори кўрсаткичларга эришишига кўмаклашиш.

3-боб. Рейтинг баҳолаш кўрсаткичлари (индикаторлари)

5. Рейтинг қуйидаги кўрсаткич (индикатор)лар асосида баҳоланади:

ҳисобот йилида ўқувчилар ва (ёки) битирувчиларнинг чет тили бўйича камида В1 ёки унга тенглаштирилган халқаро сертификатларни қўлга киритгани;

чет тили фани бўйича ўқитувчида ўқитаётган тили бўйича камида B1 ёки унга тенглаштирилган халқаро сертификатнинг мавжудлиги;

чет тили фани бўйича ўқитувчида халқаро тан олинган педагогик сертификатнинг мавжудлиги;

чет тили фани бўйича ўқитувчи томонидан дарс берилган гуруҳ битирувчиларининг ривожланган хорижий давлатларда меҳнат фаолиятини амалга ошираётгани;

чет тили фани бўйича ўқитувчининг таълим даражаси.

4-боб. Рейтингни аниқлашга оид маълумотлар базасини шакллантириш

6. Чет тили фани ўқитувчиларининг рейтинги Агентлик томонидан «Xorijda ish» меҳнат миграцияси электрон дастурий мажмуасига (кейинги ўринларда — «Xorijda ish» дастурий мажмуаси) киритилган маълумотлар ва асослантирувчи ҳужжатлар асосида аниқланади.

7. Касбий таълим ташкилотлари ва касбий кўникмалар марказлари томонидан рейтингни аниқлашга оид маълумотлар асослантирувчи ҳужжатлар билан биргаликда рейтинг аниқланаётган йилнинг 30 январига қадар «Xorijda ish» дастурий мажмуасига киритилади.

Рейтингни аниқлашга оид маълумотлар ва асослантирувчи ҳужжатлар ўқитувчи томонидан рейтинг аниқланаётган йилдан бир йил олдин эришилган натижалар асосида шакллантирилади.

«Xorijda ish» дастурий мажмуасига рейтинг аниқланаётган йилнинг 30 январидан сўнг қўшимча маълумот жойлаштиришга йўл қўйилмайди.

8. Рейтингни аниқлашга оид маълумотлар асослантирувчи ҳужжатлар билан бирга кўриб чиқилади.

Асослантирувчи ҳужжатлар тақдим этилмаган тақдирда, маълумотлар рейтингни ҳисоблашда инобатга олинмайди.

9. Рейтинг «Xorijda ish» дастурий мажмуасидаги маълумотлар асосида Агентлик томонидан ҳисобот йилидан кейинги йилнинг биринчи чораги якунига қадар шакллантирилади.

5-боб. Рейтингни аниқлашга оид баҳолаш ва натижаларни ҳисоблаш

10. Чет тили фани ўқитувчиларининг рейтинги ҳар йили февраль-март ойларида мазкур Низомга иловага мувофиқ рейтингни аниқлаш мезонларидан келиб чиқиб, Агентлик директорининг буйруғи асосида тузиладиган комиссия томонидан баҳоланади.

Бунда:

комиссия таркибига Олий таълим, фан ва инновациялар вазирлиги ҳамда Камбағалликни қисқартириш ва бандлик вазирлигининг вакиллари киритилади;

рейтингни аниқлашда мазкур Низомга иловада кўрсатилган мезонларга мувофиқ камида 75 балл тўплаган чет тили фани ўқитувчиларининг натижалари инобатга олинади.

11. «Xorijda ish» дастурий мажмуасига юкланган рейтингни аниқлашга оид маълумотлар таҳлил қилиниб, рейтинг индикаторлари учун баллар қуйидагича ҳисобланади:

тегишли рейтинг индикатори бўйича ўқитувчиларнинг кўрсаткичлари аниқланади;

кўрсаткичларга асосан ўқитувчиларга шу индикатор учун белгиланган баллар берилади;

ҳар бир индикатор бўйича ҳисобланган баллар йиғиндисидан ўқитувчилар рейтинги белгиланади.

6-боб. Рейтингини эълон қилиш ва рағбатлантириш

12. Касбий таълим ташкилотлари ва касбий кўникмалар марказларида таълим бераётган чет тили фани ўқитувчиларининг аниқланган якуний рейтинги натижалари II чорак бошланишидан кечикмай, Агентликнинг расмий веб-сайти ва «Xorijda ish» дастурий мажмуасида эълон қилинади.

13. Рейтингни аниқлаш якуни бўйича энг юқори натижа кўрсатган 50 нафар чет тили фани ўқитувчиларига Миграция жамғармаси ҳисобидан 50 миллион сўмдан субсидия тўланади.

14. Ғолиб бўлган ўқитувчилар Агентликнинг «Xorijda ish» дастурий мажмуасидаги шахсий кабинетига ғолиб бўлганлиги тўғрисида хабардор қилинади.

Хабарномани олгандан сўнг ғолиб бўлган ўқитувчи томонидан белгиланган шаклдаги ариза тўлдиради.

Ариза келиб тушган кундан бошлаб 15 кун ичида Агентлик томонидан 50 миллион сўм миқдоридаги субсидия суммаси Миграция жамғармаси маблағлари ҳисобидан унинг аризасида кўрсатилган банк пластик картасига ўтказиб берилади ва фуқаро «Xorijda ish» дастурий мажмуаси орқали хабардор қилинади.

15. Рейтингни аниқлашга оид маълумотлар Агентликда 3 йил давомида сақланади.

7-боб. Якунловчи қоидалар

16. Рейтинг натижаларидан норози бўлган ўқитувчилар Агентликка шикоят қилишлари мумкин.

Ўқитувчиларнинг шикоятлари Агентликда ташкил этилган Апелляция комиссияси томонидан кўриб чиқилади.

Апелляция комиссиясининг фаолият тартиби Агентлик директори томонидан белгиланади.

17. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.

18. Ушбу Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Касбий таълим ташкилотлари ва касбий кўникмалар марказларида фаолият юритаётган чет тили фани ўқитувчиларининг рейтингини аниқлаш ва рағбатлантириш тартиби тўғрисидаги низомга ИЛОВА

Касбий таълим ташкилотлари ва касбий кўникмалар марказларида фаолият юритаётган чет тили фани ўқитувчиларининг рейтингини аниқлаш

Т/р Рейтинг индикатори Изоҳ Балл 1. Ҳисобот йилида ўқувчилар ва (ёки) битирувчиларнинг чет тили бўйича камида B 1 ёки унга тенглаштирилган халқаро сертификатни қўлга киритган. Халқаро сертификат сифатида қуйидагилар тан олинади: Инглиз тили бўйича: IELTS, TOEFL (iBT/iTP), Cambridge Assessment English Немис тили бўйича: Goethe-Zertifikat, Deutsches Sprachdiplom (DSD I/II), Test Deutsch als Fremdsprache (Test DAF), Ö SD Zertifikat Корейс тили бўйича: TOPIK (I/II) Япон тили бўйича: Japanese Language Proficiency Test (JLPT). Ўқувчилар сони: 1) 3 нафардан 10 нафаргача — 10 балл; 2) 10 нафардан 20 нафаргача — 30 балл; 3) 20 нафардан 30 нафаргача — 50 балл; 4) 30 нафардан 40 нафаргача — 70 балл; 5) 40 нафар ва ундан юқори — 100 балл. 2. Чет тили фани бўйича ўқитувчида ўқитаётган тили бўйича камида В1 ёки унга тенглаштирилган халқаро сертификатнинг мавжудлиги. Халқаро сертификат сифатида қуйидагилар ган олинади: Инглиз тили бўйича: IELTS, TOEFL (iBT/iTP), Cambridge Assessment English Немис тили бўйича: Goethe-Zertifikat, Deutsches Sprachdiplom (DSD I/II), Test Deutsch als Fremdsprache (Test DAF), Ö SD Zertifikat Корейс тили бўйича: TOPIK (I/II) Япон тили бўйича: Japanese Language Proficiency Test (JLPT). Сертификат даражаси: 1) B 1 ёки унга тенглаштирилган — 10 балл; 2) B 2 ёки унга тенглаштирилган — 20 балл; 3) C 1 ва ундан юқори ёки унга тенглаштирилган — 35 балл. 3. Чет тили фани бўйича ўқитувчи томонидан дарс берилган гуруҳ битирувчиларининг ривожланган хорижий давлатларда меҳнат фаолиятини амалга ошираётган. 1. Ривожланган мамлакатлар рўйхати Бирлашган Миллатлар Ташкилоти томонидан эълон қилинган ҳисоботлар асосида шакллантирилиб, Агентликнинг расмий веб-сайтида ҳамда «Xorijda ish» дастурий мажмуасида барча учун очиқ эълон қилинади. 2. Битирувчининг ривожланган хорижий давлатда меҳнат фаолиятини амалга ошираётгани «Xorijda ish» дастурий мажмуасидаги маълумотлар билан асосланган бўлиши лозим. 3. Касбий таълим ташкилоти ёки касбий кўникмалар марказини рейтинг аниқланадиган йилдан кўпи билан бир йил олдин битирган битирувчилар инобатга олинади. Битирувчилар сони: 1) 3 нафардан 10 нафаргача — 5 балл; 2) 10 нафардан 20 нафаргача — 10 балл; 3) 20 нафардан 30 нафаргача — 20 балл; 4) 30 нафардан 40 нафаргача — 30 балл; 5) 40 нафар ва ундан юқори — 50 балл. 4. Чет тили фани бўйича ўқитувчининг таълим даражаси. 1) Бакалавр — 10 балл; 2) Магистр — 15 балл. Жами 200 балл

Вазирлар Маҳкамасининг 2025 йил 22 апрелдаги 252-сон қарорига 6-ИЛОВА

Миграция жамғармаси тўғрисида

1-боб. Умумий қоидалар

1. Ушбу Низом Ўзбекистон Республикаси Вазирлар Маҳкамаси ҳузуридаги Миграция агентлигининг (кейинги ўринларда — Агентлик) Миграция жамғармаси (кейинги ўринларда — Жамғарма) маблағларини шакллантириш ва улардан фойдаланиш тартибини белгилайди.

Ушбу Низом Ўзбекистон Республикаси Вазирлар Маҳкамасининг «Хорижий давлатлар ҳудудида фавқулодда вазиятлар оқибатида жабрланган Ўзбекистон Республикаси фуқароларига ёрдам кўрсатиш тартиби тўғрисидаги низомни тасдиқлаш ҳақида» 2018 йил 18 мартдаги 206-сон қарорида назарда тутилган ҳолатлар ва қоидаларга татбиқ этилмайди.

2. Жамғарма юридик шахс ҳисобланмайди ва Агентлик таркибида бўлади.

Жамғарма маблағлари Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида очилган Агентликнинг шахсий ғазна ҳисобварағида йиғилади.

3. Жамғарма маблағлари ҳисобидан хорижда вақтинча меҳнат фаолиятини амалга оширувчи фуқаролар ҳуқуқий, ижтимоий ҳимоя қилинади ва уларга моддий ёрдам кўрсатилади.

2-боб. Жамғарма маблағларини шакллантириш тартиби

4. Жамғарма маблағлари қуйидаги манбалар ҳисобидан шакллантирилади:

Давлат бюджетидан ажратиладиган беғараз молиявий ёрдам;

чет эл фуқароларига Ўзбекистон Республикаси ҳудудида меҳнат фаолиятини амалга ошириш ҳуқуқини берадиган тасдиқномалар учун йиғимларнинг бир қисми;

Жамғарманинг вақтинча бўш маблағларини тижорат банклари депозитларига жойлаштиришдан олинадиган даромадлар;

халқаро молия институтларининг имтиёзли кредитлари, ҳомийлик, грант маблағлари ва қонунчилик ҳужжатларида тақиқланмаган бошқа манбалар.

5. Халқаро молия институтлари ва бошқа хорижий донорларнинг грантлари, жисмоний ва юридик шахслар, хайрия жамғармалари, шу жумладан, Ўзбекистон Республикаси норезидентларининг ихтиёрий хайрия маблағлари қонунчилик ҳужжатларида белгиланган тартибда Жамғарма ҳисобрақамларига тушади, халқаро молия институтлари ва бошқа хорижий донорларнинг тартиб-таомилларида ёки хорижий грантларни тақдим этиш шартларида бошқа тартиб белгиланган ҳоллар бундан мустасно.

3-боб. Жамғарма маблағларидан фойдаланиш тартиби

6. Жамғарма маблағларидан қуйидаги харажатларни молиялаштириш учун фойдаланилади:

хорижда меҳнат фаолиятини амалга ошириш даврида зўравонликка, мажбурий меҳнатга ва таҳқирланишга дучор бўлган, меҳнат ва бошқа ҳуқуқлари бузилган, мураккаб молиявий аҳволга тушиб қолган ва шахсини тасдиқловчи ҳужжатларисиз, яшаш учун маблағларсиз қолган Ўзбекистон Республикаси фуқаролари ва уларнинг фарзандларига ҳуқуқий, ижтимоий ҳамда моддий ёрдам кўрсатиш;

меҳнат миграциясида бўлган вақтда жароҳат олган, бахтсиз ҳодисага учраган, оғир касалликка чалинган Ўзбекистон Республикаси фуқароларига тиббий ёрдам кўрсатиш, башарти ушбу хизматлар қийматини уларнинг ўз маблағлари ёки тиббий суғурта ҳисобидан тўлаш имкони бўлмаган тақдирда;

чет элда бўлган даврда вафот этган Ўзбекистон Республикаси фуқароларининг жасадларини, шунингдек, хорижда меҳнат фаолиятини амалга ошириш даврида майиб бўлган ёки оғир тан жароҳати олган фуқароларни олиб келиш;

аввал ташкиллаштирилган ҳолда танлаш доирасида хорижга ишга юборилган ва борган мамлакатнинг қонунчилик ҳужжатларини бузиши натижасида чиқариб юборилган (депортация қилинган) Ўзбекистон Республикаси фуқароларини қайтариш, кейинчалик тўланган маблағларни мазкур шахслар ҳисобидан қоплаш, шунингдек, хорижий иш берувчилар томонидан ишга жойлаштириш бўйича келишилган шароитлар билан таъминланмаган Ўзбекистон Республикаси фуқароларини қайтариш;

хорижда вақтинча меҳнат фаолиятини амалга оширган даврда фуқароларнинг ҳаёти, соғлиғи ва бошқа таваккалчиликларини суғурталаш бўйича суғурта мукофотининг ўрнини қоплаш учун суғурта компанияларига субсидиялар тўлаш;

фуқароларни (ёшларни) чет тилларига ўқитиш ва хорижий давлатларда ишлашга мақсадли тайёрлаш маркази, унинг филиаллари ҳамда кетиш олдидан мослаштириш марказлари фаолиятини ташкил этиш ва фаолият юритишини таъминлаш, шунингдек, малакали чет эллик педагог кадрларни маҳаллий таълим ташкилотларига жалб қилиш билан боғлиқ харажатларни молиялаштириш;

вақтинча меҳнат фаолиятини амалга ошириш учун хорижга кетиш истагида бўлган Ўзбекистон Республикаси фуқароларини касб-ҳунарга тайёрлаш ва чет тилларига ўқитиш;

«Xorijda ish» меҳнат миграцияси электрон дастурий мажмуасида рўйхатдан ўтган ва хорижда меҳнат фаолиятини амалга ошириш учун ташкиллаштирилган ҳолда танлаш тартибида меҳнат миграциясига кетаётган фуқароларга хорижий тиллар ва (ёки) касб бўйича муваффақиятли топширилган малака имтиҳони харажатларини тўлаб бериш, хорижга кетиш учун йўл транспорт чиптасини харид қилишга компенсация тўлаш;

ривожланган давлатларга ташкиллаштирилган ҳолда танлаш тартибида меҳнат миграциясига кетаётган фуқароларга «ишчи виза»ни расмийлаштириш харажатларини қоплаб бериш;

Ўзбекистон Республикаси фуқароларини хорижда ташкиллаштирилган ҳолда ишга жойлаштиришни кенгайтириш, ноқонуний меҳнат миграциясининг олдини олиш масалаларига доир ахборот-маърифий тадбирлар ўтказиш;

Агентликнинг чет элдаги ваколатхоналарини ташкил этиш, жиҳозлаш ва сақлаб туриш;

хорижда вақтинча меҳнат фаолиятини амалга оширувчи Ўзбекистон Республикаси фуқароларининг иш билан таъминланганлик ҳолатини улар ишга жойлашган жойларга борган ҳолда мониторинг қилиб бориш;

Агентлик ходимларини хорижий давлатларга узоқ муддатли хизмат сафарига юбориш ва унинг хорижий давлатлардаги вакиллари сифатида жалб этилган шахслар фаолиятини молиялаштириш;

хорижда вақтинча меҳнат фаолиятини амалга ошираётган фуқароларга ёрдам кўрсатиш учун туну-кун ишлайдиган «Call марказ» фаолиятини техник қўллаб-қувватлаш харажатларини молиялаштириш;

меҳнат мигрантлари учун вақтинча бўлиб турган мамлакатлари ва у ердаги бўш иш ўринлари тўғрисида маълумотларни жойлаштириш, ватандошлар билан онлайн мулоқот қилиш ва пул ўтказмаларини амалга ошириш, қийин ҳаётий вазиятга тушиб қолган фуқароларга ёрдам кўрсатувчи ташкилотлар билан боғланиш имконини берувчи мобил илова яратиш ва уни келгусида техник қўллаб-қувватлаш харажатларини молиялаштириш;

Ўзбекистон ҳудудидан ташқарига чиқувчи ва мамлакатимиз ҳудудига кириб келувчи шахсларнинг аниқ ҳисобини юритиш имконини берувчи Ягона идоралараро электрон маълумотлар базасини яратиш ва уни келгусида техник қўллаб-қувватлаш харажатларини молиялаштириш;

ташкиллаштирилган ҳолда вақтинча меҳнат фаолиятини амалга ошириш учун ривожланган давлатларга чиқиб кетаётган фуқароларга 10 миллион сўмгача микрокредитлар ажратиш билан боғлиқ харажатларни молиялаштириш;

инглиз, корейс, немис ва япон тиллари бўйича камида B1 ёки унга тенглаштирилган даражадаги халқаро сертификат олган битирувчилар сони энг кўп бўлган касбий таълим ташкилотлари ва касбий кўникмалар марказларининг 50 нафар чет тили фани ўқитувчиларига 50 миллион сўмдан субсидия тўлаш;

вақтинча меҳнат фаолиятини амалга ошириш учун хорижга кетаётган Ўзбекистон Республикаси фуқаролари учун дарсликлар ва бошқа тарқатма материалларни нашр қилишни молиялаштириш;

вақтинча меҳнат фаолиятини амалга ошириш учун хорижга кетаётган Ўзбекистон Республикаси фуқароларини тил ва касбга ўқитаётган ўқитувчиларни малака ошириш учун хорижий давлатларга юбориш ва уларнинг хизмат сафари харажатларни қоплаш;

қонунчилик ҳужжатларида назарда тутилган бошқа харажатларни молиялаштириш.

Жамғарманинг жорий йилда фойдаланилмаган маблағлари қолдиғи навбатдаги молия йилига ўтади ва олиб қўйилмайди.

7. Ушбу Низомнинг 6-бандида кўрсатилган харажатлар учун Жамғарма маблағларидан маблағлар сарфлашни ташкил этиш схемасига мувофиқ ушбу Низомга иловага биноан тасдиқланган йўналишларга асосан фойдаланилади.

8. Жамғарма маблағларидан меҳнат фаолиятини амалга ошириш учун хорижга Ўзбекистон Республикаси фуқароларини юборган ташкилотлар айби билан юзага келган ва ушбу Низомнинг 6-банди иккинчи — бешинчи хатбошиларида кўрсатилган харажатлар учун фойдаланилса, Жамғарманинг фойдаланилган маблағлар юборувчи ташкилотларнинг захира қилинган маблағлар ҳисобидан қопланади.

Юборувчи ташкилот захира қилинган суммадан фойдаланилган маблағларни бир ҳафта муддатда қоплаши шарт.

9. Жорий йилда Жамғарманинг фойдаланилмаган маблағлари қолдиқлари кейинги молия йилига ўтади ва кейинги йилга мўлжалланган харажатлар сметасини тузишда ҳисобга олинади.

10. Хусусий бандлик агентликлари томонидан базавий ҳисоблаш миқдорининг тўрт минг баравари миқдоридаги маблағлар тегишли лицензия амал қилиш муддатига мутаносиб даврга Агентликнинг розилигисиз сарфламаслик ва маблағлар сарфланган тақдирда, белгиланган муддатларда ўрнини тўлдириш шарти билан тижорат банкларидаги депозитларга захирага жойлаштирилади.

Бунда захира маблағлари қўйиладиган тижорат банкларига нисбатан қуйидаги мувофиқлик мезонлари белгиланади:

тижорат банки халқаро рейтинг агентликларининг «В» даражасидан паст бўлмаган даражада узоқ муддатли кредит рейтингига эга бўлиши;

охирги уч йиллик молиявий ҳисоботлар бўйича аудиторлик ташкилоти ижобий хулосасининг мавжудлиги;

тижорат банкининг регулятив капитали 500 миллиард сўмдан кам бўлмаслиги;

тижорат банки Давлат бюджети маблағлари, шу жумладан, Ўзбекистон Республикаси Иқтисодиёт ва молия вазирлиги томонидан жойлаштирилган депозитлар бўйича муддати ўтган қарздорликка эга бўлмаслиги.

Захира маблағларини депозитга жойлаштириш, сарфлаш, қисман ечиш, қайта тўлдириш, фоиз даромадларини йўналтириш тартиби Агентлик, хусусий бандлик агентлиги ва тижорат банклари ўртасидаги шартнома билан тартибга солинади.

4-боб. Жамғарма маблағларини ҳисобга олиш, улар бўйича ҳисобот тузиш ва улардан фойдаланишни назорат қилиш

11. Агентлик директори кечиктириб бўлмайдиган ҳолатларда Миграция бўйича республика комиссияси билан келишилган ҳолда, Жамғарманинг маблағларидан фойдаланиш параметрларига тезкор ўзгартиришлар киритиш ёки Жамғарма маблағларини мазкур Низомнинг 6-бандида назарда тутилмаган харажатларни молиялаштиришга йўналтириш ҳуқуқига эга.

12. Агентлик директори ҳар олти ойда Жамғарма фаолияти, ташқи меҳнат миграцияси соҳасида амалга оширилган ишлар, тизимли муаммолар ва уларнинг ечими тўғрисида Миграция бўйича республика комиссиясига ҳисобот беради.

5-боб. Якунловчи қоидалар

13. Жамғарма маблағларидан фойдаланишда юзага келадиган низолар қонунчилик ҳужжатларида белгиланган тартибда ҳал этилади.

14. Мазкур Низом талабларини бузишда айбдор бўлган шахслар қонунчилик ҳужжатларида белгиланган тартибда жавоб берадилар.

15. Жамғарма қонунчилик ҳужжатларида белгиланган тартибда қайта ташкил этилади ва тугатилади.

Миграция жамғармаси тўғрисидаги низомга ИЛОВА

Миграция жамғармаси маблағларининг тасдиқланган йўналишларга мувофиқ сарфланишини ташкил этиш

Т/р Жамғарма маблағларидан фойдаланиш йўналишлари * Харажатларни тўлаш учун талаб этиладиган ҳужжатлар Назарда тутиладиган чоралар Молиялаштириш лимити МДҲ давлатлари бошқа давлатлар 1. Хорижда меҳнат фаолиятини амалга ошириш даврида зўравонликка, мажбурий меҳнатга ва таҳқирланишга дучор бўлган, меҳнат ва бошқа ҳуқуқлари бузилган, мураккаб молиявий аҳволга тушиб қолган ва шахсини тасдиқловчи ҳужжатларисиз, яшаш учун маблағларсиз қолган Ўзбекистон Республикаси фуқароларига ва уларнинг фарзандларига ҳуқуқий, ижтимоий ҳамда моддий ёрдам кўрсатиш. 1. Ўзбекистон Республикаси Вазирлар Маҳкамаси ҳузуридаги Миграция агентлиги (Агентлик) директори номига ҳуқуқий, ижтимоий ҳамда моддий ёрдам кўрсатиш бўйича қоғоз ёки электрон шаклда ариза. 2. Ариза қоғоз шаклида берилганда — ариза берувчининг шахсини тасдиқловчи ҳужжатлар (ҳужжатлар йўқолган ҳоллар бундан мустасно). 3. Фуқаро хорижда вақтинча меҳнат фаолиятини амалга ошираётганини тасдиқловчи ҳужжатлар (меҳнат фаолиятини амалга ошириш учун рухсатнома ёки хорижий давлатга меҳнат фаолиятини амалга ошириш учун кириб келганлигини тасдиқловчи ҳужжат ёки Ўзбекистоннинг чет элдаги дипломатик ваколатхоналарининг тасдиқнома ёки маълумотномалари ёки меҳнат шартномаси ёхуд меҳнат соҳасидаги назорат бўйича ваколатли органнинг маълумотномаси). Бунда хорижда мураккаб молиявий аҳволга тушиб қолган ва Ўзбекистон Республикаси фуқароси бўлган хотин-қизлардан хорижда вақтинча меҳнат фаолиятини амалга ошираётганини тасдиқловчи ҳужжатлар талаб этилмайди. 4. Ўзбекистон Республикаси фуқароси фарзандининг туғилганлик тўғрисида гувоҳномаси. 1. Мурожаат қилганларни ҳимоя қилиш мақсадида адвокатнинг, юридик хизматлар кўрсатувчи ташкилотларнинг ёки ҳуқуқни муҳофаза қилиш ташкилотларининг хизматларига ҳақ тўлаш. 3 минг АҚШ долларигача 2. Хостеллар ва суткалик меҳмонхоналар томонидан кўрсатилган хизматларга ҳақ тўлаш (30 суткадан кўп бўлмаган муддатга). 300 АҚШ долларигача 500 АҚШ долларигача 3. Мурожаат қилган фуқаронинг ҳуқуқий ва ижтимоий ҳимоя қилинишини таъминлаш учун ишга жойлаштирилган мамлакатнинг ваколатли органларига мурожаатни юбориш. - 4. Ўзбекистон Республикасига қайтиш учун авиа ва темир йўл чипталари ҳақини тўлаш. Транспорт компаниялари нархларига мувофиқ 5. Хорижий иш берувчиларда мавжуд бўлган бўш иш ўринларини таклиф қилиш. - 6. Бир марталик моддий ёрдам тўлаш. Базавий ҳисоблаш миқдорининг уч баравари миқдорида Базавий ҳисоблаш миқдорининг беш баравари миқдорида 2. Меҳнат миграциясида бўлган вақтда жароҳат олган, бахтсиз ҳодисага учраган, оғир касалликка чалинган Ўзбекистон Республикаси фуқароларига тиббий ёрдам кўрсатиш, башарти ушбу хизматлар қийматини уларнинг ўз маблағлари ёки тиббий суғурта ҳисобидан тўлаш имкони бўлмаган тақдирда. 1. Агентлик директори номига маблағлар ёки тиббий суғурта шартномаси йўқлиги сабаблари кўрсатган қоғоз ёки электрон шаклдаги ариза (шошилинч тиббий хизмат кўрсатилган ҳоллар мустасно). 2. Ариза қоғоз шаклида берилганда — ариза берувчининг шахсини тасдиқловчи ҳужжатлар (ҳужжатлар йўқолган ҳоллар бундан мустасно). 3. Фуқаро хорижда вақтинча меҳнат фаолиятини амалга ошираётганини тасдиқловчи ҳужжатлар (меҳнат фаолиятини амалга ошириш учун рухсатнома ёки хорижий давлатга меҳнат фаолиятини амалга ошириш учун кириб келганлигини тасдиқловчи ҳужжат ёки Ўзбекистоннинг чет элдаги дипломатик ваколатхоналарининг тасдиқнома ёки маълумотномалари ёки меҳнат шартномаси ёхуд меҳнат соҳасидаги назорат бўйича ваколатли органнинг маълумотномаси). 4. Ишга жойлаштирилган мамлакатнинг соғлиқни сақлаш органлари томонидан берилган тиббий ёрдам олиш заруратини тасдиқловчи ҳужжат. 1. Ишга жойлаштирилган мамлакатнинг соғлиқни сақлаш муассасаларига кўрсатилган тиббий хизматлар ҳақини тўлиқ ёки қисман тўлаш, шу жумладан меҳнат миграциясига юборилаётган/ ундан қайтаётган шахслар йўл-транспорт ҳодисаларига учраган бўлса, уларга шошилинч тиббий ёрдам кўрсатиш. 1 минг АҚШ долларигача 1,5 минг АҚШ долларигача 2. Суғурта шартномаси ҳисобига харажатлар тўланмагани сабаби тўғрисида хорижий иш берувчига ва суғурта компаниясига сўров юбориш. - 3. Ўзбекистон Республикасига қайтиш учун, шу жумладан, оғир касалликка чалинган фуқаролар ҳамда уларнинг вояга етмаган фарзандлари ташилишини ҳисобга олган ҳолда транспорт компаниялари (заруратга қараб, тез тиббий ёрдамнинг кўчма бригадалари) ҳақини тўлаш. Транспорт компаниялари, тиббий муассасалар нархларига мувофиқ 4. Тиббиёт ходими кузатуви остида фуқароларни Ўзбекистон Республикасига қайтаришда тиббиёт ходимининг хизмат сафари ҳақини тўлаш. Транспорт, яшаш ва суткалик харажатларни белгиланган нормаларга мувофиқ 3. Чет элда бўлган даврда вафот этган Ўзбекистон Республикаси фуқароларининг жасадларини, шунингдек, хорижда меҳнат фаолиятини амалга ошириш даврида майиб бўлган ёки оғир тан жароҳати олган фуқароларни олиб келиш. 1. Агентлик ёки унинг хорижий ваколатхонасига, шунингдек, Ўзбекистон Республикасининг хориждаги дипломатик ваколатхоналари ва консуллик муассасаларига мурожаат (фуқаролар вафот этган бўлса — мурожаат этувчининг шахсини тасдиқловчи маълумотлар ва яшаш манзилини кўрсатган ҳолда). 2. Вафот этган фуқаронинг шахсини аниқлашга ёрдам берадиган ва ҳолат бўйича мурожаат этувчига маълум бўлган барча маълумотлар. 3. Фуқаро чет элда вафот этган бўлса, ваколатли органлар томонидан берилган ўлимни тасдиқловчи маълумотнома. 1. Вафот этган шахс жасадини олиб кетиш учун уни урф-одатларга кўра тайёрлаш хизматлари ва бошқа хизматлар ҳақини тўлаш. 1,5 минг АҚШ долларигача 9 минг АҚШ долларигача 2. Вафот этган шахснинг жасадини Ўзбекистон Республикасига ташиш бўйича транспорт компаниялари хизматлари ҳақини тўлаш. Транспорт компаниялари нархларига мувофиқ 3. Ўзбекистон Республикасига қайтиш учун, шу жумладан, оғир касалликка чалинган фуқаролар ташилишини ҳисобга олган ҳолда транспорт компаниялари ҳақини тўлаш. Транспорт компаниялари нархларига мувофиқ 4. Вафот этган ёки меҳнат қобилиятини йўқотган фуқаронинг вояга етмаган оила аъзоларининг Ўзбекистонга қайтиши учун автотранспорт, темир йўл ва авиа чипталари ҳақини тўлаш. Транспорт компаниялари нархларига мувофиқ 4. Аввал ташкиллаштирилган ҳолда танлаш доирасида хорижга ишга юборилган ва борган мамлакатнинг қонунчилик ҳужжатларини бузиши натижасида чиқариб юборилган (депортация қилинган) Ўзбекистон Республикаси фуқароларини қайтариш, кейинчалик тўланган маблағларни мазкур шахслар ҳисобидан қоплаш, шунингдек, хорижий иш берувчилар томонидан ишга жойлаштириш бўйича келишилган шароитлар билан таъминланмаган Ўзбекистон Республикаси фуқароларини қайтариш. 1. Агентлик директори номига маблағлар ёки тиббий суғурта шартномаси йўқлиги сабаблари кўрсатган қоғоз ёки электрон шаклдаги ариза. 2. Ариза қоғоз шаклида берилганда — ариза берувчининг шахсини тасдиқловчи ҳужжатлар (ҳужжатлар йўқолган ҳоллар бундан мустасно). 3. Фуқаро хорижда вақтинча меҳнат фаолиятини амалга ошираётганини тасдиқловчи ҳужжатлар (меҳнат фаолиятини амалга ошириш учун рухсатнома ёки хорижий давлатга меҳнат фаолиятини амалга ошириш учун кириб келганлигини тасдиқловчи ҳужжат ёки Ўзбекистоннинг чет элдаги дипломатик ваколатхоналарининг тасдиқнома ёки маълумотномалари ёки меҳнат шартномаси ёхуд меҳнат соҳасидаги назорат бўйича ваколатли органнинг маълумотномаси). 4. Хорижий давлат суди ёки ҳуқуқни муҳофаза қилиш органларининг фуқарони депортация қилиш (чиқариб юборишни)га оид ҳужжатлари (қарор, хулоса, маълумотнома ва бошқалар). 5. Хорижий иш берувчилар томонидан ишга жойлаштириш бўйича келишилган шартлар бузилганлигини тасдиқловчи ҳужжатлар (Агентлик ёки унинг хорижий ваколатхоналари, Ўзбекистон Республикасининг хориждаги дипломатик ваколатхоналари ва консуллик муассасалари, хусусий бандлик агентликлари, ишга жойлаштирилган мамлакатнинг меҳнат соҳасидаги назорат бўйича ваколатли органларининг хулосалари, маълумотномалари ва бошқалар). 1. Ўзбекистон Республикасига қайтгунга қадар меҳмонхоналар ва суткалик меҳмонхоналар хизматлари ҳақини тўлаш (маблағсиз ва яшаш жойисиз қолган фуқаролар учун). 1 минг АҚШ долларигача 1 минг АҚШ долларигача 2. Фуқароларнинг меҳнат ҳуқуқларини ҳимоя қилиш масалалари бўйича ишга жойлаштирилган мамлакатнинг ваколатли органларига мурожаатлар юбориш (хорижий иш берувчи ишга жойлаштириш шартларини бузганда). - 3. Ўзбекистон Республикасига қайтиш учун авиа ва темир йўл чипталари ҳақини тўлаш. Транспорт компаниялари нархларига мувофиқ 4. Хорижий иш берувчиларда мавжуд бўлган бўш иш ўринларини таклиф қилиш (депортация ва чиқариб юбориш ҳолатлари бундан мустасно). - 5. Фуқаролар Ўзбекистон Республикасига қайтиб келгач, уларни қайтаришга сарфланган маблағларни қоплаш тўғрисида шартнома тузиш. - 5. Хорижда вақтинча меҳнат фаолиятини амалга оширган даврда фуқароларнинг ҳаёти, соғлиғи ва бошқа таваккалчиликларини суғурталаш бўйича суғурта мукофотининг ўрнини қоплаш учун суғурта компанияларига субсидиялар тўлаш. Суғурта ташкилоти талабномаси. Бунда суғурта талабномасида суғурталанган фуқароларининг шахсий маълумотлари (Ф.И.О, паспорт серияси ва рақами, ЖШШИР, туғилган санаси) ҳамда суғурта полиси серияси ва рақами кўрсатилиши лозим. Меҳнат миграциясига кетаётган фуқароларнинг соғлиғи ва ҳаёти, шунингдек, бошқа таваккалчиликларини суғурталаш бўйича суғурта мукофотини қоплаб бериш. 300 минг сўмгача 6. Фуқароларни (ёшларни) чет тилларига ўқитиш ва хорижий давлатларда ишлашга мақсадли тайёрлаш маркази, унинг филиаллари ҳамда кетиш олдидан мослаштириш марказлари фаолиятини ташкил этиш ва фаолият юритишини таъминлаш, шунингдек, малакали чет эллик педагог кадрларни маҳаллий таълим ташкилотларига жалб қилиш билан боғлиқ харажатларни молиялаштириш. 1. Агентлик директори номига қоғоз ёки электрон шаклдаги ариза. 2. Фуқароларни (ёшларни) чет тилларига ўқитиш ва хорижий давлатларда ишлашга мақсадли тайёрлаш маркази, унинг филиаллари ҳамда кетиш олдидан мослаштириш марказларини қуриш, реконструкция қилиш, капитал ва жорий таъмирлаш ҳамда жиҳозлаш бўйича харажатлар сметаси. 3. Фуқароларни (ёшларни) чет тилларига ўқитиш ва хорижий давлатларда ишлашга мақсадли тайёрлаш маркази, унинг филиаллари ҳамда кетиш олдидан мослаштириш марказларни зарур асбоб-ускуналар, лаборатория ва компьютер техникаси ва адабиётлар билан таъминлашга оид шартномалар (лойиҳалаштирувчилар, пудратчилар ва етказиб берувчилар белгиланган тартибда саралангандан кейин). 4. Малакали чет эллик педагог кадрларни маҳаллий таълим ташкилотларига жалб қилишга оид шартномалар нусхалари. Лойиҳалаштирувчилар, пудратчилар ва етказиб берувчиларнинг бажарган ишлари, кўрсатган хизматлари ва етказиб берган товарлар қийматини тасдиқланган смета ва тузилган шартномалар шартларига мувофиқ тўлаб бериш. Тасдиқланган сметалар ва тузилган шартномаларга мувофиқ 7. Вақтинча меҳнат фаолиятини амалга ошириш учун хорижга кетиш истагида бўлган Ўзбекистон Республикаси фуқароларини касб-ҳунарга тайёрлаш ва чет тилларига ўқитиш. 1. Давлат ва нодавлат таълим ташкилотлари ҳамда Агентлик ўртасида тузилган шартнома нусхаси. Бунда Агентлик тасарруфидаги ҳамда унга бириктирилган давлат таълим ташкилотлари билан тўғридан-тўғри шартнома тузилади. 2. Агентлик буюртмаси. 3. Вақтинча меҳнат фаолиятини амалга ошириш учун хорижга кетаётган Ўзбекистон Республикаси фуқаросининг «Xorijda ish» дастурий мажмуасида рўйхатдан ўтганлиги. 4. Фуқаро касб-ҳунар ёки чет тилига ўқитилаётганини тасдиқловчи ҳужжатлар (фуқаро ва таълим ташкилоти ўртасида тузилган шартнома нусхаси, ўқиш якуни бўйича берилган сертификатлар ҳамда бошқалар). Вақтинча меҳнат фаолиятини амалга ошириш учун хорижга кетиш истагида бўлган Ўзбекистон Республикаси фуқароларини касб-ҳунарга тайёрлаш ва чет тилларига ўқитиш боғлиқ харажатларни молиялаштириш. Ҳар ойда базавий ҳисоблаш миқдорининг беш бараваригача 8. «Xorijda ish» меҳнат миграцияси электрон дастурий мажмуасида рўйхатдан ўтган ва ташкиллаштирилган ҳолда меҳнат миграциясига кетаётган фуқароларга: хорижий тиллар ва (ёки) касб бўйича малака имтиҳонларини топшириш билан боғлиқ харажатларини қоплаш учун, башарти улар муваффақиятли топширилганда ва сертификат олинганда; ривожланган давлатларга хорижда меҳнат фаолиятини амалга оширишга «ишчи виза»ни расмийлаштириш билан боғлиқ харажатларини қоплаш учун; йўл чиптасини харид қилиш билан боғлиқ харажатларини қоплаш учун компенсация тўлаш. 1. Агентлик директори номига ариза. 2. Ариза берувчининг шахсини тасдиқловчи ҳужжатлар. 3. Асослантирувчи ҳужжатлар: хорижий тиллар ва (ёки) касб бўйича малака имтиҳонларини муваффақиятли топширганлигини тасдиқловчи сертификат ва тўлов тўланганлигини тасдиқловчи ҳужжат нусхаси; «ишчи виза» учун тўлов тўланганлигини тасдиқловчи ҳужжат нусхаси ҳамда фуқаро ва хорижий иш берувчи ўртасида тузилган шартнома (контракт) нусхаси; йўл чиптаси учун тўлов тўланганлигини тасдиқловчи ҳужжат нусхаси. 1. Хорижий тиллар ёки касб бўйича муваффақиятли топширилган малака имтиҳони харажатларини қоплаш учун компенсация тўлаш. Базавий ҳисоблаш миқдорининг уч бараваригача 2. Хорижга кетиш учун йўл транспорт чиптасини харид қилишга компенсация тўлаш ** Базавий ҳисоблаш миқдорининг икки бараваригача 3. Ривожланган давлатларда меҳнат фаолиятини амалга ошириш учун «ишчи виза»ни расмийлаштириш билан боғлиқ харажатларни қоплаш учун компенсация тўлаш. Базавий ҳисоблаш миқдорининг беш бараваригача 9. Ўзбекистон Республикаси фуқароларини хорижда ташкиллаштирилган ҳолда ишга жойлаштиришни кенгайтириш, ноқонуний меҳнат миграциясининг олдини олиш масалаларига доир ахборот-маърифий тадбирлар ўтказиш. 1. Агентлик тегишли бўлимининг ахборот-маърифий тадбирлар ўтказиш тўғрисидаги илтимосномаси. 2. Миграция соҳасига доир ахборот-маърифий маҳсулотлар (эълонлар, флаерлар, буклетлар, баннерлар ва бошқалар)ни тайёрлаш ва жойлаштиришга оид шартномалар нусхалари . 3. Миграция соҳасига доир маслаҳатлашувлар, семинарлар, давра суҳбатларини ўтказиш, мақолалар, рисолалар, қўлланмалар ва бошқа ахборот материалларини тайёрлаш, шу жумладан, видео ва аудиороликлар ҳамда фильмлар, илмий-амалий тадқиқотлар ва бошқа тадбирларни ташкил этиш бўйича шартномалар нусхалари . 4. Оммавий ахборот воситалари ва ижтимоий тармоқларда миграция соҳасига доир тарғибот ва ташвиқот тадбирларини ўтказиш бўйича шартномалар нусхалари . Ахборот-маърифий тадбирлар ўтказиш харажатларини молиялаштириш. 10 минг АҚШ долларигача *** 10. Миграция агентлигининг чет элдаги ваколатхоналарини ташкил этиш, жиҳозлаш ва сақлаб туриш. 1. Агентлик директори буйруғи. 2. Ваколатхоналарнинг харажатлар сметаси ҳамда штатлар жадвали. Қуйидаги харажатларни молиялаштириш: ваколатхона бинолари ва хоналарини капитал ҳамда жорий таъмирлаш; ваколатхона ходимлари учун автотранспорт воситаларини харид қилиш, вояга етмаган фарзандларининг умумтаълим муассасаларида таълим олиши билан боғлиқ тўловларни қоплаб бериш (умумтаълим муассасалари пулли бўлганда); ваколатхона ходимлари иш ҳақи, ижтимоий солиқ тўловлари (Ўзбекистон Республикаси ҳудудида тўланади), ходимлар ва уларнинг оила аъзоларини ҳаёти ва соғлиғини суғурталаш харажатлари; меҳнатга ҳақ тўлаш фондидан тежаб қолинган, шунингдек, тасдиқланган штатлар жадвалида назарда тутилган штат бирликлари тўлдирилмаган сабабли бўш маблағларни хориждаги ваколатхоналари ходимларини моддий рағбатлантиришга йўналтириш; мебель ва идора техникаси билан жиҳозлаш, тузилган ижара шартномаларига мувофиқ ваколатхона бинолари ва хоналари ҳамда ходимларнинг уй-жойи учун ижара ҳақи тўлаш. Тасдиқланган сметаларга ва тузилган шартномаларга мувофиқ 11. Хорижда вақтинча меҳнат фаолиятини амалга оширувчи Ўзбекистон Республикаси фуқароларининг иш билан таъминланганлик ҳолатини улар ишга жойлашган жойларга борган ҳолда мониторинг қилиб бориш. 1. Агентлик директорининг мониторинг ўтказиш тўғрисидаги буйруғи. 2. Сафарга юбориш учун режа-жадвал ва харажатлар сметаси. 5 суткадан кўп бўлмаган хизмат сафари билан боғлиқ бўлган харажатларни молиялаштириш. Транспорт, яшаш ва суткалик харажатлар (белгиланган нормаларга мувофиқ) 12. Миграция агентлиги ходимларини хорижий давлатларга узоқ муддатли хизмат сафарига юбориш ва унинг хорижий давлатлардаги вакиллари сифатида жалб этилган шахслар фаолиятини молиялаштириш. 1. Агентлик тегишли бўлинмасининг ходимларни Ўзбекистон Республикасининг хорижий давлатлардаги дипломатик ваколатхоналарига узоқ муддатли хизмат сафарига юбориш ва (ёки) Агентликнинг хорижий давлатлардаги вакиллари сифатида жалб этиш тўғрисидаги илтимосномаси. 2. Агентлик директорининг Агентлик ходимларини узоқ муддатли хизмат сафарига юбориш ва Агентликнинг хорижий давлатлардаги вакиллари сифатида ишга қабул қилиш тўғрисидаги буйруғи. 3. Хизмат сафарга юбориш учун режа-жадвал ва харажатлар сметаси. 1. Хорижий давлатларга узоқ муддатли хизмат сафарига юбориладиган Агентлик ходимларининг иш ҳақи, ижтимоий солиқ тўловлари (Ўзбекистон Республикаси ҳудудида тўланади), суғурта, хизмат сафари, ижара (офис ва турар жой учун), асосий воситалар ва жиҳозлар билан таъминлаш харажатларини молиялаштириш. 2. Агентликнинг хорижий давлатлардаги вакили сифатида жалб этилган шахсларга иш ҳақи харажатларни молиялаштириш. Тасдиқланган сметаларга ва тузилган шартномаларга мувофиқ 13. Хорижда вақтинча меҳнат фаолиятини амалга ошираётган фуқароларга ёрдам кўрсатиш учун туну-кун ишлайдиган «Call марказ» фаолиятини юритиш ва техник қўллаб-қувватлаш харажатларини молиялаштириш. «Call-марказ» фаолиятини юритиш ва уни келгусида техник қўллаб-қувватлаш учун шартномалар нусхалари. Call-марказ фаолиятини ташкил этиш ва уни келгусида техник қўллаб-қувватлаш билан боғлиқ харажатларни молиялаштириш. Тасдиқланган сметаларга ва тузилган шартномаларга мувофиқ 14. Меҳнат мигрантлари учун вақтинча бўлиб турган мамлакатлари ва у ердаги бўш иш ўринлари тўғрисида маълумотларни жойлаштириш, ватандошлар билан онлайн мулоқот қилиш ва пул ўтказмаларини амалга ошириш, қийин ҳаётий вазиятга тушиб қолган фуқароларга ёрдам кўрсатувчи ташкилотлар билан боғланиш имконини берувчи мобил илова яратиш ва уни келгусида техник қўллаб-қувватлаш харажатларини молиялаштириш. Мобил иловани яратиш ва уни келгусида техник қўллаб-қувватлаш бўйича шартномалар нусхалари. «Xorijda ish» меҳнат миграцияси электрон дастурий мажмуасининг мобил илова си ни яратиш ҳамда ушбу иловани келгусида техник қўллаб-қувватлаш билан боғлиқ харажатларни молиялаштириш. Тасдиқланган сметаларга ва тузилган шартномаларга мувофиқ 15. Ўзбекистон ҳудудидан ташқарига чиқувчи ва давлат ҳудудига кириб келувчи шахсларнинг аниқ ҳисобини юритиш имконини берувчи ягона идоралараро электрон маълумотлар базасини яратиш ва уни келгусида техник қўллаб-қувватлаш харажатларини молиялаштириш. Ягона электрон маълумотлар базасини яратиш ва уни келгусида техник қўллаб-қувватлаш бўйича шартномалар нусхалари. Ягона электрон маълумотлар базасини яратиш ва уни келгусида техник қўллаб-қувватлаш билан боғлиқ харажатларни Миграция жамғармаси ва Ўзбекистон Республикаси Ички ишлар вазирлигининг маблағлари ҳисобидан тенг улушларда молиялаштириш Тасдиқланган сметаларга ва тузилган шартномаларга мувофиқ 16. Ташкиллаштирилган ҳолда вақтинча меҳнат фаолиятини амалга ошириш учун ривожланган давлатларга чиқиб кетаётган фуқароларга 10 миллион сўмгача микрокредитлар ажратиш. 1.Тижорат банклари томонидан микрокредитлар бериш учун Миграция жамғармаси ҳисобидан ресурс ажратиш бўйича талабнома. 2.Ташкиллаштирилган ҳолда вақтинча меҳнат фаолиятини амалга ошириш учун хорижга чиқиб кетаётган фуқаролар ва банк ўртасида тузилган шартнома нусхаси. 3.Микрокредитлар ажратилган фуқароларининг шахсий маълумотлари (Ф.И.О, паспорт серияси ва рақами, ЖШШИР, туғилган санаси) Ташкиллаштирилган ҳолда вақтинча меҳнат фаолиятини амалга ошириш учун ривожланган давлатларга чиқиб кетаётган фуқароларга микрокредитлар ажратиш учун тижорат банкларида ресурслар жойлаштириш. 10 миллион сўмгача *** 17. Инглиз, корейс, немис ва япон тиллари бўйича камида B1 ёки унга тенглаштирилган даражадаги халқаро сертификат олган битирувчилар сони энг кўп бўлган касбий таълим ташкилотлари ва касбий кўникмалар марказларининг 50 нафар чет тили фани ўқитувчиларига 50 миллион сўмдан субсидия тўлаш. «Xorijda ish» меҳнат миграцияси электрон дастурий мажмуаси жойлаштириладиган рейтинг натижалари. Рейтинг натижаларига кўра ўқитувчиларга субсидия тақдим этилиши тўғрисидаги Агентлиги директорининг буйруғи. Ўқитувчи шахсини тасдиқловчи ҳужжат. Агентлик директори буйруғига мувофиқ ўқитувчиларнинг пластик карточкасига субсидияни ўтказиб бериш. 50 миллион сўмдан 18. Вақтинча меҳнат фаолиятини амалга ошириш учун хорижга кетаётган Ўзбекистон Республикаси фуқаролари учун дарсликлар ва бошқа тарқатма материалларни нашр қилишни молиялаштириш. 1. Ўзбекистон Республикаси фуқароларини касб-ҳунарга тайёрлаш ва чет тилларига ўқитиш фаолиятини амалга ошираётган таълим ташкилотларининг Агентлик директори номига аризаси. 2. Агентлик директорининг буйруғи. Тузилган шартномаларга мувофиқ дарсликлар ва бошқа тарқатма материалларни нашр этиш ва таълим ташкилотларига етказиб бериш харажатларини молиялаштириш. 10 минг АҚШ долларигача *** 19. Меҳнат фаолиятини амалга ошириш учун хорижга кетаётган Ўзбекистон Республикаси фуқаролари тил ва касб ўрганаётган ўқитувчиларни малака ошириш учун хорижий давлатларга юбориш ва уларнинг хизмат сафари харажатларни қоплаш. «Xorijda ish» меҳнат миграцияси электрон дастурий мажмуасига жойлаштириладиган рейтинг натижалари. Агентлик директорининг буйруғи. Хизмат сафаридаги тўловларни тасдиқловчи ҳужжатлар. Асословчи ҳужжатлар асосида ўқитувчиларнинг хорижда малака ошириш ва хизмат сафари харажатларини молиялаштириш. Тасдиқланган сметаларга ва тузилган шартномаларга мувофиқ

Вазирлар Маҳкамасининг 2025 йил 22 апрелдаги 252-сон қарорига 7-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Давлат ҳокимияти ва бошқаруви органлари, суд органлари ва нотариал идоралар ходимлари меҳнатига ҳақ тўлашнинг тариф сеткасини жорий этиш тўғрисида» 1996 йил 12 апрелдаги 147-сон қарорига рус тилида қабул қилинган 3-илованинг номи «Агентства по оборонной промышленности при Министерстве обороны Республики Узбекистан» сўзларидан кейин «, Агентство миграции при Кабинете Министров Республики Узбекистан» сўзлари билан тўлдирилсин.

2. Вазирлар Маҳкамасининг «Давлат бошқаруви ва маҳаллий давлат ҳокимияти органларида хизмат автотранспорт воситаларидан фойдаланиш тизимини тубдан такомиллаштириш чора-тадбирлари тўғрисида» 2021 йил 29 февралдаги 258-сон қарорига 1-иловада :

изоҳ қисми қуйидаги мазмундаги бешинчи хатбоши билан тўлдирилсин:

бешинчи — ўнинчи хатбошилар тегишинча олтинчи — ўн биринчи хатбошилар деб ҳисоблансин.

3. Вазирлар Маҳкамасининг 2022 йил 21 февралдаги 80-сон қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисидаги ягона низомга 17-иловада :

4-позициянинг учинчи устунидаги «Ўзбекистон Республикаси Камбағалликни қисқартириш ва бандлик вазирлиги» сўзлари «Ўзбекистон Республикаси Вазирлар Маҳкамаси ҳузуридаги Миграция агентлиги» сўзлари билан алмаштирилсин;

5-позициянинг учинчи устуни қуйидаги мазмундаги «в» кичик банд билан тўлдирилсин:

«в) юридик шахс уставининг тасдиқланган нусхаси.»

9-позициянинг учинчи устуни қуйидаги таҳрирда баён қилинсин:

«а) меҳнат ва меҳнат миграцияси тўғрисидаги қонунчилик ҳужжатларига риоя қилиш*;

б) лицензия даъвогари томонидан базавий ҳисоблаш миқдорининг тўрт минг баравари миқдоридаги маблағларни тегишли лицензия амал қилиш муддатига мутаносиб даврга Ўзбекистон Республикаси Вазирлар Маҳкамаси ҳузуридаги Миграция агентлиги розилигисиз сарфламаслик ва маблағлар сарфланган тақдирда, белгиланган муддатларда ўрнини тўлдириш шарти билан тижорат банкларидаги депозитларга захирага жойлаштириш*;

в) «Хусусий бандлик агентликлари тўғрисида»ги Ўзбекистон Республикаси Қонунида назарда тутилган фаолиятни амалга ошириш;

г) штатда камида икки нафар ходимнинг, шу жумладан, олий маълумотга эга раҳбарнинг бўлиши;

д) хусусий бандлик агентлиги таъсисчилари ва (ёки) раҳбарлари таркибида фирибгарлик, одам савдоси, терроризм, экстремизм билан боғлиқ жиноятларни содир этганлик учун судланганлиги тугалланмаган ёки олиб ташланмаган шахслар мавжуд эмаслиги, шунингдек, хусусий бандлик агентликлари томонидан ушбу жиноятларни содир этганлик учун судланганлиги тугалланмаган ёки олиб ташланмаган шахслар билан меҳнат, фуқаролик-ҳуқуқий ва агентлик шартномалари тузилмаслиги;

е) юридик шахс ходимлари томонидан уч йилда камида бир марта лицензияловчи орган томонидан белгиланган тартибга мувофиқ малака сертификатини олиш;

ж) ушбу фаолиятни амалга ошириш учун зарур шарт-шароитлар яратиш, шу жумладан, хусусий ёки ижарага олинган бинога эга бўлиш ҳамда унинг ёнғин хавфсизлиги, санитария қоидалари, нормалари ва гигиена нормативларига мувофиқлигини таъминлаш, тегишли моддий-техник база ва бошқа воситалардан фойдаланиш;

з) хусусий бандлик агентликлари билан фуқаролар ўртасида тузилаётган ҳар бир шартномани махсус яратиладиган электрон ахборот тизимига киритиш ва уни доимий янгилаб бориш*;

и) хизматлар кўрсатиш тўғрисида бажарилган шартномаларга оид архив материалларини шакллантириш ва сақлаш;

к) хусусий бандлик агентликларининг хизмат кўрсатиш тўғрисидаги шартномаларида белгиланган мажбуриятларини бажариш билан боғлиқ харажатларни ушбу депозитга жойлаштирилган маблағлар ҳисобидан Ўзбекистон Республикаси Вазирлар Маҳкамаси ҳузуридаги Миграция агентлиги кўрсатмасига асосан қоплаш*».

4. Вазирлар Маҳкамасининг «Ёшларни касбга (мутахассисликка) ва чет тилларига ўқитиш тизимини такомиллаштириш чора-тадбирлари тўғрисида» 2024 йил 17 апрелдаги 213-сон қарорида :

1-банднинг «а» кичик бандидаги «Камбағалликни қисқартириш ва бандлик вазирлиги ҳузуридаги Ташқи меҳнат миграцияси агентлиги» сўзлари «Вазирлар Маҳкамаси ҳузуридаги Миграция агентлиги» сўзлари билан алмаштирилсин;

1-банднинг «б» кичик банди , 2-банднинг иккинчи , тўртинчи , олтинчи — еттинчи хатбошилари , 3-банд , 5-банднинг «б» кичик банди учинчи хатбошиси , «г» кичик банди иккинчи хатбошиси , «д» кичик банди , 7-банди учинчи хатбошиси , 8-банднинг «а» — «д» кичик бандлари , 9-банд учинчи , бешинчи хатбошиси , 10-банд иккинчи-учинчи хатбошилари , 11-банднинг иккинчи хатбошиси , 12-банд , 1-илованинг номи ва изоҳ қисми , 2-илованинг номи , 1-позиция «Тадбирлар» устунининг 2-банди, 3-илова номи , 4 — 15-позицияларидаги «профессионал таълим муассасалари» сўзлари тегишли келишикдаги «касбий таълим ташкилотлари» сўзлари билан алмаштирилсин.

5-банднинг «б» кичик банди қуйидаги мазмундаги тўртинчи хатбоши билан тўлдирилсин:

«ташкиллаштирилган меҳнат миграцияси йўли билан хорижий мамлакатларда ишлаш учун кетиш истагида бўлган ва «Xorijda ish» меҳнат миграцияси электрон дастурий мажмуасида рўйхатга олинган фуқаролар Бандликка кўмаклашиш давлат жамғармаси ҳисобидан давлат гранти асосида ўқишга қабул қилинади».

5. Вазирлар Маҳкамасининг 2024 йил 31 июлдаги 463-сон қарори билан тасдиқланган Фаолияти энг муҳим самарадорлик кўрсаткичлари асосида баҳоланадиган республика ижро этувчи ҳокимият органлари ва хўжалик бирлашмалари рўйхати қуйидаги мазмундаги 32 1 -банд билан тўлдирилсин:

«Ўзбекистон Республикаси Вазирлар Маҳкамаси ҳузуридаги Миграция агентлиги».

Вазирлар Маҳкамасининг 2025 йил 22 апрелдаги 252-сон қарорига 8-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорлари

1. Вазирлар Маҳкамасининг «Ўзбекистон Республикаси фуқароларини хорижда уюшган ҳолда ишга жойлаштириш тизимини янада такомиллаштириш ва тубдан қайта кўриб чиқиш чора-тадбирлари тўғрисида» 2018 йил 12 сентябрдаги 725-сон қарори .

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Жаҳон банки ва Халқаро молия корпорациясининг «Бизнес юритиш» йиллик ҳисоботида Ўзбекистон Республикасининг рейтингини яхшилашга доир қўшимча чора-тадбирлар тўғрисида» 2019 йил 5 февралдаги ПҚ-4160-сон қарори)» 2019 йил 10 августдаги 661-сон қарорига илованинг 62-банди .

3. Вазирлар Маҳкамасининг «Хорижда вақтинчалик меҳнат фаолиятини амалга ошираётган Ўзбекистон Республикаси фуқароларининг ҳуқуқлари ва қонуний манфаатларини ҳимоя қилишга доир қўшимча чора-тадбирлар тўғрисида» 2019 йил 23 августдаги 713-сон қарори .

4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида («Хусусий бандлик агентликлари тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида» 2020 йил 13 августдаги ЎРҚ-632-сон Ўзбекистон Республикаси Қонуни, Ўзбекистон Республикаси Президентининг «Лицензиялаш ва рухсат бериш тартиб-таомилларини тубдан такомиллаштириш чора-тадбирлари тўғрисида» 2020 йил 24 августдаги ПФ-6044-сон Фармони ва Ўзбекистон Республикаси Президентининг «Хавфсиз, тартибли ва қонуний меҳнат миграцияси тизимини жорий қилиш чора-тадбирлари тўғрисида» 2020 йил 15 сентябрдаги ПҚ-4829-сон қарори)» 2020 йил 2 декабрдаги 764-сон қарори .

5. Вазирлар Маҳкамасининг «Камбағал ва ишсиз фуқароларни касб-ҳунарга ўқитиш тизимини такомиллаштириш ҳамда меҳнат органлари фаолияти самарадорлигини ошириш бўйича қўшимча чора-тадбирлар тўғрисида» 2021 йил 5 апрелдаги 183-сон қарорига 6-илованинг 20-банди .

6. Вазирлар Маҳкамасининг «Ўзбекистон Республикаси Адлия Вазирлиги тизимидаги таълим муассасалари фаолиятини янада такомиллаштириш чора-тадбирлари тўғрисида» 2021 йил 22 ноябрдаги 705-сон қарорига 3-илованинг 5-банди .

7. Вазирлар Маҳкамасининг «Аҳоли ва тадбиркорлик субъектларининг давлат хизматларидан фойдаланиш имкониятлари кенгайтирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2021 йил 27 декабрдаги 774-сон қарорига 1-илованинг 40-банди .

8. Вазирлар Маҳкамасининг «Фаолиятни бошлаш ёки тугатиш учун ваколатли органни хабардор қилиш тартиби тўғрисидаги ягона низомни тасдиқлаш ҳақида» 2022 йил 25 февралдаги 88-сон қарорига 3-илованинг 17-банди .

Ўзбекистон Республикасининг Бош вазири А. АРИПОВ

Тошкент ш.,

2025 йил 22 апрель,

252-сон

(Қонунчилик маълумотлари миллий базаси, 22.04.2025 й., 09/25/252/0371-сон; 02.02.2026 й., 09/26/35/0101-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

NIZOM

BUYURTMANOMASI

DALOLATNOMA

NIZOM

SXEMASI

NIZOM

MEZONLARI

NIZOM

SXEMASI

ROʻYXATI

Oʻzbekiston Respublikasi fuqarolarini xorijda tashkillashtirilgan tartibda ishga joylashtirish tizimini yanada takomillashtirish chora-tadbirlari toʻgʻrisida

Oʻzbekiston Respublikasi Prezidentining “Migratsiya jarayonlarini boshqarish tizimini isloh qilish boʻyicha birinchi navbatdagi chora-tadbirlar toʻgʻrisida” 2024-yil 17-oktabrdagi PF-162-son Farmoni ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Migratsiya jarayonlarini boshqarish tizimini isloh qilish boʻyicha birinchi navbatdagi chora-tadbirlar toʻgʻrisida” 2024-yil 17-oktabrdagi PF-162-son Farmoniga muvofiq:

Kambagʻallikni qisqartirish va bandlik vazirligi huzuridagi Tashqi mehnat migratsiyasi agentligi faoliyati tugatilganligi hamda Vazirlar Mahkamasi huzurida Migratsiya agentligi (keyingi oʻrinlarda — Agentlik) tashkil etilganligi;

Xorijda mehnat faoliyatini amalga oshiruvchi shaxslarni qoʻllab-quvvatlash hamda ularning huquq va manfaatlarini himoya qilish jamgʻarmasi negizida yuridik shaxs maqomiga ega boʻlmagan Migratsiya jamgʻarmasi tashkil etilganligi maʼlumot uchun qabul qilinsin.

2. Quyidagilar:

Oʻzbekiston Respublikasi Vazirlar Mahkamasi huzuridagi Migratsiya agentligi toʻgʻrisidagi nizom 1-ilovaga muvofiq;

Oʻzbekiston Respublikasi fuqarolarini xorijda mehnat faoliyatini amalga oshirish uchun tashkillashtirilgan holda yuborish tartibi toʻgʻrisidagi nizom 2-ilovaga muvofiq;

Oʻzbekiston Respublikasi Vazirlar Mahkamasi huzuridagi Migratsiya agentligining xorijdagi vakolatxonalari xodimlarining lavozim maoshlari miqdori 3-ilovaga muvofiq;

Xorijda mehnat faoliyatini amalga oshirish uchun ketayotgan hamda mehnat migratsiyasida boʻlgan fuqarolarga subsidiya, kompensatsiya va kreditlar ajratish tartibi toʻgʻrisidagi nizom 4-ilovaga muvofiq;

Kasbiy taʼlim tashkilotlari va kasbiy koʻnikmalar markazlarida faoliyat yuritayotgan chet tili fani oʻqituvchilarining reytingini aniqlash va subsidiya berish tartibi toʻgʻrisidagi nizom 5-ilovaga muvofiq;

Migratsiya jamgʻarmasi toʻgʻrisidagi nizom 6-ilovaga muvofiq tasdiqlansin.

3. Belgilansinki, Agentlik vakolatxonalari mavjud boʻlmagan xorijiy davlatlarda mehnat faoliyatini amalga oshirayotgan fuqarolarga yordam koʻrsatish bilan bogʻliq xarajatlar Migratsiya jamgʻarmasi mablagʻlari hisobidan Oʻzbekiston Respublikasining xorijdagi diplomatik vakolatxonalari va konsullik muassasalari orqali moliyalashtiriladi.

4. Fuqarolarga migratsiya sohasida koʻrsatiladigan xizmatlarni soddalashtirish, qoʻshimcha qulayliklar yaratish, xorijiy ish beruvchilar bilan tanlovlarni, test va koʻniktirish jarayonlarini oʻtkazish maqsadida Agentlik, Oʻzbekiston Respublikasi Oliy taʼlim, fan va innovatsiyalar vazirligi, Kambagʻallikni qisqartirish va bandlik vazirligi, Davlat aktivlarini boshqarish agentligining quyidagi takliflariga rozilik berilsin:

Toshkent shahrining Uchtepa tumani Koʻkcha Oqtepa koʻchasida joylashgan Toshkent shahridagi Kasbiy koʻnikmalar markazining Uchtepa filiali binosida “Xorijga ishga tayyorlash markazi”ni tashkil etish va unda “Yagona darcha” tamoyili asosida mehnat migratsiyasiga doir xizmatlarni koʻrsatish;

Kambagʻallikni qisqartirish va bandlik vazirligining Qoraqalpogʻiston Respublikasi, viloyatlar markazlari va Toshkent shahridagi kasbiy koʻnikmalar markazlari binolarida alohida xonalar ajratgan holda Agentlik hududiy filiallarini joylashtirish;

xorijiy hamda nodavlat taʼlim tashkilotlari tomonidan xorijga vaqtincha mehnat faoliyatini amalga oshirish uchun ketayotgan fuqarolarni kasb-hunar va chet tillariga oʻqitish uchun Kambagʻallikni qisqartirish va bandlik vazirligiga tegishli Toshkent shahrining Chilonzor tumani Lutfiy koʻchasidagi 47-uyning “B” va “E” korpuslarini Agentlikka foydalanish uchun berish.

Belgilansinki, mazkur bandning uchinchi va toʻrtinchi xatboshilarida nazarda tutilgan kasbiy koʻnikmalar markazlari va korpuslar Agentlikka tekin foydalanish huquqi asosida beriladi, ularni taʼmirlash va saqlash xarajatlari Migratsiya jamgʻarmasi mablagʻlari hisobidan amalga oshiriladi.

5. Oʻzbekiston Respublikasi Transport vazirligi va Ichki ishlar vazirligi Agentlik bilan birgalikda:

yoʻlovchi avtobuslar sonini koʻpaytirish orqali xorijga vaqtincha mehnat faoliyatini amalga oshirish uchun ketayotgan va qaytayotgan fuqarolarni tashishda arzon va tartibli transport qatnovini yoʻlga qoʻysin;

mamlakatdan tashqariga chiqadigan Oʻzbekiston Respublikasi fuqarolari bilan yoʻlovchi avtomobil transportida (mikroavtobuslar va avtobuslar) harakatlanishda xavfsizlik qoidalari hamda xorijda boʻlish qoidalariga rioya etish toʻgʻrisida tushuntirish ishlarini (instruktaj) oʻtkazib borsin;

Oʻzbekiston Respublikasi fuqarolarining xavfsizligini taʼminlash maqsadida Davlat chegarasi orqali oʻtkazish punktlarida haydovchilarning mehnat va dam olish tartibiga, yoʻlovchilar va yuklarni tashish qoidalariga, ogʻir va hajmi katta oʻlchamdagi avtomobil tashuvlari xavfsizligini taʼminlash boʻyicha talablarga rioya etishlari ustidan qatʼiy nazoratni oʻrnatsin.

6. Oʻzbekiston Respublikasi Hukumatining 7-ilovaga muvofiq ayrim qarorlariga oʻzgartirish va qoʻshimchalar kiritilsin.

7. Oʻzbekiston Respublikasi Hukumatining 8-ilovaga muvofiq ayrim qarorlari oʻz kuchini yoʻqotgan deb hisoblansin.

8. Ushbu qarorning bajarilishini nazorat qilish Vazirlar Mahkamasi huzuridagi Migratsiya agentligi direktori B.A. Musayev zimmasiga yuklansin.

Vazirlar Mahkamasining 2025-yil 22-apreldagi 252-son qaroriga 1-ILOVA

Oʻzbekiston Respublikasi Vazirlar Mahkamasi huzuridagi Migratsiya agentligi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Vazirlar Mahkamasi huzuridagi Migratsiya agentligining (keyingi oʻrinlarda — Agentlik) maqomi, asosiy vazifalari, funksiyalari, huquqlari va javobgarligini, faoliyatini tashkil etish tartibini belgilaydi.

2. Agentlik tashqi mehnat migratsiyasi sohasida davlat siyosatini amalga oshiruvchi, davlat organlarining ushbu yoʻnalishdagi faoliyatini muvofiqlashtiruvchi va mazkur sohada davlat xizmatlarini koʻrsatuvchi vakolatli respublika ijro etuvchi hokimiyat organi hisoblanadi.

3. Agentlik respublika milliy manfaatlarini inobatga olgan holda, Oʻzbekiston Respublikasi fuqarolarining mehnat migratsiyasi jarayonlarini tartibga solish va ularni xorijga tashkillashtirilgan holda yuborish tartibi toʻgʻrisidagi xalqaro huquq normalari va qoidalariga asoslangan faoliyatni amalga oshiradi.

4. Agentlik oʻz faoliyatida Oʻzbekiston Respublikasi Konstitutsiyasiga , Oʻzbekiston Respublikasi qonunlariga, Oʻzbekiston Respublikasi Oliy Majlisi palatalari qarorlariga, Oʻzbekiston Respublikasi Prezidentining farmonlari, farmoyishlari va qarorlariga, Oʻzbekiston Respublikasi Vazirlar Mahkamasi qarorlari va farmoyishlariga, shuningdek, ushbu Nizomga amal qiladi.

5. Agentlik bevosita Vazirlar Mahkamasiga boʻysunadi va faoliyati yuzasidan hisobot beradi.

6. Agentlik Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, shtamp hamda oʻz faoliyati uchun zarur boʻlgan ramzlarga, mustaqil balansga, Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida gʻazna hisobvaraqlariga, bank hisobvaraqlariga, shu jumladan, xorijiy valyutadagi hisobvaraqlariga ega boʻladi.

7. Agentlikning vakolatxonalari Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga, oʻz nomi yozilgan shtamplar, blanklarga ega boʻladi.

8. Agentlik Toshkent shahrining Qamarniso koʻchasidagi 1-uyda joylashgan. Pochta indeksi: 100179.

9. Agentlikning rasmiy nomi:

a) davlat tilida:

toʻliq — Oʻzbekiston Respublikasi Vazirlar Mahkamasi huzuridagi Migratsiya agentligi;

qisqartmasi — Migratsiya agentligi;

b) ingliz tilida:

toʻliq — Migration Agency under the Cabinet of Ministers of the Republic of Uzbekistan;

qisqartmasi — Migration Agency;

v) rus tilida:

toʻliq — Agentstvo migratsii pri Kabinete Ministrov Respubliki Uzbekistan;

qisqartmasi — Agentstvo migratsii.

2-bob. Agentlikning asosiy vazifalari va funksiyalari

10. Quyidagilar Agentlikning asosiy vazifalari hisoblanadi:

tashqi mehnat migratsiyasi jarayonlarini kompleks tartibga solish, fuqarolarni xorijda mehnat faoliyatini amalga oshirish uchun tashkillashtirilgan holda yuborish ishlarini nazorat qilish hamda ushbu fuqarolarning hisobini yuritish;

xususiy bandlik agentliklarining Oʻzbekiston Respublikasidan tashqarida ish qidirayotgan shaxslarni ishga joylashtirish boʻyicha faoliyatini litsenziyalash, ular tomonidan litsenziya talablari va shart-sharoitlariga rioya etilishini nazorat qilish;

migratsiya sohasida xalqaro loyihalarni ishlab chiqish va amalga oshirish, fuqarolarni xorijda ishga joylashtirish va ularning mehnat huquqlarini taʼminlash masalalari boʻyicha chet davlatlarning vakolatli organlari bilan hamkorlik qilish;

xorijiy ish beruvchilarning talablaridan kelib chiqib, fuqarolarni kasb-hunar va chet tillariga oʻqitish ishlarini tashkil qilish, rivojlangan davlatlarda tan olinadigan malakani baholash va sertifikatlash tizimlarini joriy qilish;

chet elda vaqtincha mehnat faoliyatini amalga oshirish vaqtida huquqlari buzilgan, murakkab moliyaviy va boshqa qiyin ahvolda qolgan fuqarolarni qonunchilikda belgilangan tartibda huquqiy va ijtimoiy himoya qilish, ularni Oʻzbekiston Respublikasiga qaytarishga koʻmaklashish;

Oʻzbekistonning xorijdagi va xorijiy davlatlarning respublikamizdagi diplomatik muassasalari bilan doimiy hamkorlik qilish, oʻzbek diasporalari va vatandoshlar bilan aloqalarni kengaytirish.

11. Agentlik oʻziga yuklangan asosiy vazifalarga muvofiq quyidagi funksiyalarni amalga oshiradi:

a) tashqi mehnat migratsiyasi jarayonlarini kompleks tartibga solish, fuqarolarni xorijga mehnat faoliyatini amalga oshirish uchun tashkillashtirilgan holda yuborish ishlarini nazorat qilish hamda ushbu fuqarolarning hisobini yuritish sohasida:

tashqi mehnat migratsiyasi sohasidagi yagona davlat siyosatini amalga oshiradi;

Oʻzbekiston Respublikasi fuqarolarini mehnat faoliyatini amalga oshirish uchun xorijga yuborish maqsadida xorijiy mamlakatlarning mehnat bozorini oʻrganadi, xorijiy ish beruvchilarni topadi, Oʻzbekiston Respublikasi fuqarolarini tashkillashtirilgan holda tanlash toʻgʻrisida xorijiy ish beruvchilar va xususiy agentliklar bilan shartnomalar tuzadi hamda ularning amalga oshirilishini taʼminlaydi;

xorijda ishlash istagi boʻlgan Oʻzbekiston Respublikasi fuqarolarini ish beruvchilar tomonidan tanlab olish jarayonlari tashkil etilishini nazorat qiladi va sayyor qabullar, uchrashuvlar hamda davra suhbatlarida ishtirok etadi;

dastlabki moslashtirish tadbirlari oʻtkazilishini nazorat qiladi;

tashqi mehnat migratsiyasi sohasini rivojlantirish boʻyicha normativ-huquqiy hujjatlar va boshqa hujjatlar loyihalarini ishlab chiqadi va ishlab chiqishda qatnashadi;

tashqi mehnat migratsiya sohasida xalqaro shartnomalar loyihalarini ishlab chiqish va amalga oshirishda qatnashadi;

huquqni qoʻllash amaliyotini oʻrganish va umumlashtirish, ilgʻor xorijiy va milliy tajribani Agentlik faoliyatiga joriy etish boʻyicha tavsiyalar ishlab chiqadi;

mehnat migratsiyasi sohasidagi muammolarni oʻrganadi, ushbu sohani takomillashtirish boʻyicha aniq takliflarni ishlab chiqadi, qonunchilikdagi boʻshliq va kamchiliklarni aniqlab, uni bartaraf qilish choralarini koʻradi;

oʻz vakolati doirasida Oʻzbekiston Respublikasi fuqarolarini xorijda tashkillashtirilgan holda ishga joylashtirish sohasida xalqaro va mintaqaviy tashkilotlar, xorijiy mamlakatlarning vakolatli organlari bilan muzokaralar olib boradi, xalqaro, davlatlararo va idoralararo shartnomalar, bitimlar va bayonnomalar loyihalarini tayyorlaydi;

oʻquv kurslari tashkil etiladigan kasbiy taʼlim tashkilotlarida kadrlar tayyorlash jarayonlarini muvofiqlashtirish yuzasidan takliflar tayyorlaydi;

xorijda ishga joylashish bilan bogʻliq, shu jumladan, “ishchi viza”ga oid hujjatlarini rasmiylashtirish boʻyicha bepul konsalting xizmatlarini koʻrsatadi;

xorijda vaqtincha mehnat faoliyatini amalga oshirishdagi muammolarni hal qilish boʻyicha fuqarolarning va ish beruvchilarning fikrlari, takliflari va qonuniy talablarini oʻrganadi hamda tahlil qiladi va shu asosda ularni hal qilishga qaratilgan amaliy chora-tadbirlar yuzasidan takliflar ishlab chiqilishini taʼminlaydi;

xorijda mehnat faoliyatini amalga oshirayotgan Oʻzbekiston Respublikasi fuqarolarining yagona maʼlumotlar bazasini shakllantirishda ishtirok etadi, shuningdek, xorijiy ish beruvchilar reyestrini yuritadi;

vaqtincha mehnat faoliyatini amalga oshirish uchun xorijga ketish istagida boʻlgan va chet tillariga oʻqitilgan fuqarolar toʻgʻrisidagi maʼlumotlarni Agentlikning hududiy filiallari tomonidan tegishli tartibda manzilli roʻyxatlarni shakllantirishi va “Xorijda ish” mehnat migratsiyasi elektron dasturiy majmuasiga kiritilishini nazorat qiladi;

b) xususiy bandlik agentliklarining Oʻzbekiston Respublikasidan tashqarida ish qidirayotgan shaxslarni ishga joylashtirish boʻyicha faoliyatini litsenziyalash, ular tomonidan litsenziya talablari va shart-sharoitlariga rioya etilishini nazorat qilish sohasida:

xususiy bandlik agentliklarining Oʻzbekiston Respublikasidan tashqarida ish qidirayotgan shaxslarni ishga joylashtirish boʻyicha faoliyatini litsenziyalash uchun talabgorlarning murojaatlarini qabul qiladi va koʻrib chiqadi;

xususiy bandlik agentliklarining Oʻzbekiston Respublikasidan tashqarida ish qidirayotgan shaxslarni ishga joylashtirish boʻyicha faoliyatini amalga oshirishga boʻlgan huquqini tasdiqlovchi, cheklanmagan muddatga beriladigan elektron hujjatni (keyingi — oʻrinlarda litsenziya) beradi yoki berishni rad etadi;

Oʻzbekiston Respublikasidan tashqarida ish qidirayotgan shaxslarni ishga joylashtirish boʻyicha faoliyatini amalga oshirish uchun litsenziyaga ega boʻlgan yuridik shaxslar tomonidan litsenziya talablari va shartlariga rioya etilishini nazorat qiladi;

litsenziyalarni qayta rasmiylashtiradi;

litsenziyalarning amal qilishini toʻxtatib turadi, qayta tiklaydi;

litsenziyalarni bekor qiladi yoki litsenziyalarni bekor qilish toʻgʻrisidagi ariza bilan sudga murojaat qiladi;

litsenziyalarni oʻzgartiradi;

litsenziyalar reyestrini yuritadi;

Oʻzbekiston Respublikasining “Xususiy bandlik agentliklari toʻgʻrisida”gi Qonuniga muvofiq xususiy bandlik agentliklari tomonidan qonunchilik hujjatlari talablariga rioya etilishini nazorat qiladi;

litsenziyaga ega boʻlmagan yuridik va jismoniy shaxslar tomonidan fuqarolarga Oʻzbekiston Respublikasi hududidan tashqarida ish bilan taʼminlashni targʻib qilish yoki ish bilan taʼminlash holatlarini tekshiradi;

xususiy bandlik agentliklari va xorijiy ish beruvchilar reyestrlarini yuritishini tashkil etadi;

xorijiy ish beruvchilar va (yoki) rekruting agentliklaridan jalb qilingan ish oʻrinlarini litsenziyaga ega xususiy bandlik agentliklari oʻrtasida taqsimlaydi;

v) migratsiya sohasida xalqaro loyihalarni ishlab chiqish va amalga oshirish, fuqarolarni xorijda vaqtincha ishga joylashtirish va ularning mehnat huquqlarini taʼminlash masalalari boʻyicha chet davlatlarning vakolatli organlari bilan hamkorlik qilish sohasida:

fuqarolarni xorijda mehnat faoliyatini amalga oshirish uchun tashkillashtirilgan holda ishga joylashtirish, Oʻzbekiston Respublikasidan tashqarida mehnat faoliyatini amalga oshirish davrida fuqarolarning huquqlari va qonuniy manfaatlari himoya qilinishini taʼminlash masalalari boʻyicha Oʻzbekiston Respublikasining xalqaro shartnomalari loyihalarini ishlab chiqadi va ularni amalga oshirishda ishtirok etadi hamda ushbu yoʻnalishda chet davlatlarning vakolatli organlari bilan hamkorlik qiladi;

mehnat migratsiyasi sohasida xalqaro tashkilotlar va xorijiy davlatlarning vakolatli tashkilotlari bilan muzokaralar olib boradi, hamkorlik kelishuvlari loyihalarini ishlab chiqadi va imzolanishini taʼminlaydi;

xorijiy davlatlarda mehnat faoliyatini amalga oshirish istagida boʻlgan fuqarolarga xavfsiz, tartibli va qonuniy mehnat migratsiyasini amalga oshirishda qulay shart-sharoitlar yaratish maqsadida salohiyatli xorijiy davlat ish beruvchilarini izlab topadi va ular bilan hamkorlik qilish uchun muzokaralar olib boradi;

Oʻzbekiston Respublikasi fuqarolarini xorijda mehnat faoliyatini amalga oshirish uchun tashkillashtirilgan holda ishga joylashtirish masalalari boʻyicha Oʻzbekiston Respublikasining xorijiy davlatlar bilan hamkorligi toʻgʻrisidagi shartnomalar, bitimlar, bayonnomalar va boshqa hujjatlardan kelib chiqadigan tegishli qarorlar va majburiyatlarning xorijiy hamkorlar va ish beruvchilar tomonidan bajarilishini muvofiqlashtiradi;

g) xorijiy ish beruvchilarning talablaridan kelib chiqib fuqarolarni kasb-hunar va chet tillariga oʻqitish ishlarini tashkil qilish, rivojlangan davlatlarda tan olinadigan malakani baholash va sertifikatlash tizimlarini joriy qilish sohasida:

vaqtincha mehnat faoliyatini amalga oshirish uchun xorijga ketayotgan Oʻzbekiston Respublikasi fuqarolarini ketishdan oldin moslashtirish, oʻqitish, qayta oʻqitish va malaka oshirish markazlari, til oʻrgatish markazlari faoliyatini, jumladan, davlat-xususiy sheriklik shartlari asosida tashkil etadi va boshqaradi;

vaqtincha mehnat faoliyatini amalga oshirish uchun xorijga ketayotgan Oʻzbekiston Respublikasi fuqarolarini kasbiy taʼlim tashkilotlari va kasb-hunar markazlari yoki nodavlat taʼlim tashkilotlarida kasbga oʻqitadi, ketishdan oldin moslashtiradi, qayta tayyorlaydi va malakasini oshiradi, ularga chet tillarini, xavfsizlik texnikasi va ishlab chiqarishda mehnatni himoya qilish qoidalarini oʻrgatadi;

xorijiy hamkorlar tomonidan tashkil etilgan oʻquv markazlardagi oʻquv kurslarida oʻqiyotgan va kurslarni yakunlagan fuqarolar elektron bazasini shakllantiradi;

rivojlangan davlatlarda tan olinadigan malakani baholash va sertifikatlash tizimlarini joriy qilish yuzasidan xorijiy davlatlarning vakolatli tashkilotlari bilan muzokaralar oʻtkazadi;

malakani baholash va sertifikatlash tashkilotlarini Oʻzbekiston Respublikasi hududiga jalb qilish choralarini koʻradi va belgilangan tartibda ularning faoliyatini rasmiylashtirishda koʻmaklashadi;

d) chet elda vaqtincha mehnat faoliyatini amalga oshirish vaqtida huquqlari buzilgan, murakkab moliyaviy va boshqa qiyin ahvolda qolgan fuqarolarni qonunchilikda belgilangan tartibda huquqiy va ijtimoiy himoya qilish, ularni Oʻzbekiston Respublikasiga qaytarishga koʻmaklashish sohasida:

Oʻzbekiston Respublikasining xorijdagi diplomatik vakolatxonalari va konsullik muassasalari, shuningdek, Agentlikning xorijdagi vakolatxonalari va vakillari orqali xorijda ishlayotgan Oʻzbekiston Respublikasi fuqarolarining mehnat faoliyatining monitoringini yuritadi;

xorijda mehnat faoliyatini amalga oshirish vaqtida tazyiqqa uchragan, majburiy mehnatga majbur qilingan va tahqirlangan, mehnat va boshqa huquqlari buzilgan, murakkab moliyaviy ahvolda qolgan va shaxsini tasdiqlovchi hujjatlarsiz, tirikchilik uchun mablagʻsiz qolgan fuqarolarni huquqiy va ijtimoiy himoya qiladi, shuningdek, ularni Migratsiya jamgʻarmasi mablagʻlari hisobidan Oʻzbekiston Respublikasiga qaytarishga koʻmaklashadi;

j) Oʻzbekistonning xorijdagi va xorijiy davlatlarning respublikamizdagi diplomatik muassasalari bilan doimiy hamkorlik qilish, oʻzbek diasporalari va vatandoshlar bilan aloqalarni kengaytirish sohasida:

salohiyatli xorijiy ish beruvchilar bilan yaqin aloqalar oʻrnatish, ularning Oʻzbekiston Respublikasi fuqarolariga nisbatan munosabati va tasavvurini yaxshilash choralarini koʻradi;

Oʻzbekiston Respublikasi fuqarolarining huquqlari va qonuniy manfaatlarini himoya qilish, migratsiya sohasidagi mexanizmlarni takomillashtirish, qiyin hayotiy vaziyatga tushib qolgan migrantlarga yuridik, psixologik, moddiy va boshqa yordam koʻrsatishga qaratilgan ijtimoiy loyihalarni amalga oshiradi;

xorijda vaqtincha mehnat faoliyatini amalga oshirayotgan fuqarolarning mehnat va maishiy sharoitlarini yaxshilaydi;

xorijda vaqtincha mehnat faoliyatini amalga oshirayotgan fuqarolar zich yashaydigan hududlarda madaniy-maʼrifiy tadbirlar tashkil etadi.

Agentlik qonunchilik hujjatlariga muvofiq boshqa funksiyalarni ham amalga oshirishi mumkin.

3-bob. Agentlikning huquqlari va javobgarligi

12. Agentlik oʻziga yuklangan vazifalar va funksiyalarni amalga oshirish uchun quyidagi huquqlarga ega:

xorijga ketayotgan Oʻzbekiston Respublikasi fuqarolarini ketishdan oldin tayyorlash, chet tiliga oʻqitish va imtihonga tayyorlashga ixtisoslashgan markazlarni tashkil etish;

Migratsiya boʻyicha respublika komissiyasiga Agentlikning xorijdagi vakolatxonalarini tashkil etish va tugatish, Agentlik vakillari uchun shtat birliklarini ochish va qisqartirish yuzasidan takliflar kiritish;

xorijda mehnat faoliyatini amalga oshirish istagida boʻlgan Oʻzbekiston Respublikasi fuqarolarini kasbiy taʼlim tashkilotlari, kasb-hunar markazlari yoki nodavlat taʼlim tashkilotlarida chet tillariga oʻqitish va kasb-hunarga oʻrgatish hamda oʻquv dasturi yakunlari boʻyicha imtihondan muvaffaqiyatli oʻtganlarga davlat namunasidagi hujjat berishga tavsiya etish;

tuzilgan shartnomalarga muvofiq xorijda ishlash uchun kadrlarni tanlab olish, ularning chet tillarni bilishini va kasbga loyiqligini tekshirish, shuningdek, ishga joylashadigan mamlakatning asosiy qonunlarini tushuntirish;

xorijiy hamkorlar bilan tuzilgan bitimlarni (shartnomalarni) hisobga olgan holda, dastlabki saralashdan oʻtgan Oʻzbekiston Respublikasi fuqarolari bilan ularni xorijda ishga joylashtirishda xizmatlar koʻrsatish boʻyicha shartnomalar tuzish;

xorijiy hamkorlar bilan mehnat migratsiyasi sohasida hamkorlik toʻgʻrisida tuzilgan shartnomalarga muvofiq xorijga ishga yuboriladigan nomzodlar haqida axborot olish uchun vakolatli organlarga murojaat qilish;

Migratsiya boʻyicha respublika komissiyasi bilan kelishgan holda, Oʻzbekiston Respublikasi hududida va xorijda mehnat migratsiyasiga oid tadbirlar oʻtkazish, ular doirasida mehmonlarni kutib olish, kuzatish, ovqatlanish, transport, sovgʻalar va xalqaro hamkorlik doirasidagi masalalariga taalluqli boshqa tadbirlar xarajatlarini oʻz mablagʻlari hisobidan moliyalashtirish;

xorijiy ishchi kuchini yollovchi yoki bunga koʻmaklashuvchi xorijiy tashkilotlar bilan oʻz vakolati doirasida bevosita oʻzaro hamkorlik qilish;

Agentlikka yuklangan vazifalarni bajarish doirasida Agentlikning oʻz mablagʻlari hisobidan vazirlik va idoralarning mutaxassislarini, boshqa yuridik va jismoniy shaxslarni, shu jumladan, shartnomaviy-huquqiy asosda jalb qilish;

Agentlikning xorijdagi vakillarini cheklangan shtatlari soni doirasida boshqa hududlarga biriktirish yoki tugatish;

vakolatiga kiradigan masalalar hamda unga yuklangan vazifalar va funksiyalarni bajarish bilan bogʻliq boʻlgan qarorlar, buyruqlar, koʻrsatmalar qabul qilish, zarur boʻlganda boshqa davlat tashkilotlari bilan birgalikda tegishli qarorlar qabul qilish;

qonunchilik hujjatlarida nazarda tutilgan hollarda vakolatiga kiradigan masalalarda davlat organlari va tegishli tashkilotlar bilan hamkorlik qilish;

Agentlik vakolatiga kiradigan masalalarda belgilangan tartibda sudlarga arizalar va daʼvolar kiritish;

agar qonunchilik hujjatlarida belgilangan boʻlsa, maʼmuriy huquqbuzarliklar toʻgʻrisidagi ishlarni belgilangan tartibda koʻrib chiqish va jarimalar solish;

qonunchilikda belgilangan tartibda budjetdan tashqari jamgʻarmalarga ega boʻlish;

boʻsh turgan mablagʻlarni banklar depozit hisobraqamlariga joylashtirish;

Agentlik nomidan belgilangan tartibda shartnomalar tuzish;

davlat organlari va manfaatdor shaxslardan oʻz vakolati doirasida zarur axborotlarni soʻrash va olish;

qonunchilik hujjatlariga muvofiq boshqa huquqlarga ham ega boʻlishi mumkin.

13. Agentlik:

oʻziga yuklangan vazifa va funksiyalarni samarali bajarishi;

oʻzi qabul qilgan qarorlar hamda buyruqlarni oʻz vaqtida, sifatli va toʻliq bajarishi;

faoliyatini rivojlantirish boʻyicha tasdiqlangan dasturlar, chora-tadbirlar rejasi, “yoʻl xaritalari” va boshqa dasturiy hujjatlar ijrosini samarali tashkil etishi va bajarishi;

balansidagi mulklar, shu jumladan, koʻchmas mulklardan maqsadli foydalanishga qatʼiy rioya etish;

oʻziga yuklangan vazifa va funksiyalar doirasida fuqarolar hamda tadbirkorlik subyektlarining huquqlari va qonuniy manfaatlarini himoya qilishi shart.

Agentlikka qonunchilik hujjatlariga muvofiq boshqa majburiyatlar ham yuklanishi mumkin.

14. Agentlik oʻz majburiyatlari boʻyicha ixtiyoridagi mablagʻlar bilan javob beradi. Bu mablagʻlar yetarli boʻlmasa, muassis davlat muassasasining majburiyatlari yuzasidan subsidiar javobgar boʻladi.

Agentlik muassisning majburiyatlari boʻyicha javob bermaydi.

15. Agentlikning oʻz vakolatlari doirasida qabul qilingan qarorlari respublika va mahalliy ijro etuvchi hokimiyat organlari xamda boshqa tashkilotlar, shuningdek, fuqarolar tomonidan bajarilishi majburiydir.

16. Agentlik hududiy filiallari, xorijdagi vakolatxona va vakillari majburiyatlari boʻyicha qonunchilikda belgilangan tartibda javob beradi.

17. Agentlik davlat aktivlarini, shu jumladan, ularning tovar-moddiy boyliklari va boshqa mol-mulklarining but saqlanishi boʻyicha moddiy javobgar hisoblanadi.

4-bob. Agentlik mol-mulki va moliya-xoʻjalik faoliyati

18. Kuyidagilar Agentlikning mulki hisoblanadi:

muassis tomonidan Agentlikka operativ boshqaruv huquqi bilan biriktirilgan hamda qonunchilik hujjatlariga asosan vujudga kelgan mulk;

qonunchilik hujjatlarida nazarda tutilgan budjet va budjetdan tashqari mablagʻlari hamda oʻz mablagʻlari;

qonunchilik hujjatlariga zid boʻlmagan boshqa manbalar hisobidan shakllantirilgan mulklar.

Agentlikning daromad keltiruvchi faoliyat bilan shugʻullanish huquqi mavjud. Agentlikning bu daromad hisobidan sotib olingan mol-mulki Agentlikning mustaqil tasarrufiga oʻtadi va alohida balansda hisobga olinadi.

19. Agentlikning mulki Agentlik xodimlari oʻrtasida taqsimlanishi mumkin emas.

20. Agentlikning mulki quyidagi hollarda qonunchilik hujjatlariga muvofiq belgilangan tartibda muassis bilan kelishgan holda tasarruf etiladi:

asosiy vositalarni sotish, hisobdan chiqarish (binolari va inshootlari, shu jumladan, qurilishi tugallanmagan binolari va inshootlaridan tashqari);

Oʻzbekiston Respublikasi Qurilish va uy-joy kommunal xoʻjaligi vazirligi huzuridagi Qurilish va uy-joy kommunal xoʻjaligi sohasida nazorat qilish inspeksiyasining hududiy boʻlinmalari, qurilish sohasidagi loyihalashtirish tashkilotlari, maxsus litsenziyaga ega boʻlgan tashkilotlar hamda ilmiy-tadqiqot muassasalarining xulosasiga muvofiq yaroqsiz deb topilgan hamda vakolatli organlar tomonidan buzish toʻgʻrisida qaror qabul qilingan koʻchmas mulk obyektlarini buzish;

avtotransport vositalarini xarid qilish, bino va inshootlarni sotib olish va/yoki qurish;

mulkni Agentlik faoliyati maqsadlariga muvofiq boʻlmagan boshqacha tarzda tasarruf etish.

21. Agentlik daromad keltiradigan quyidagi xizmatlarni koʻrsatadi:

vaqtincha mehnat faoliyatini amalga oshirish uchun xorijga ketayotgan Oʻzbekiston Respublikasi fuqarolariga avia, temir yoʻl va avtotransport chiptalarini xarid qilishda va boshqa transport-logistika masalalarini hal qilishda koʻmaklashish;

xorijda ishga joylashish uchun zarur hujjatlarni rasmiylashtirishda koʻmaklashish;

jismoniy va yuridik shaxslar talabnomalari boʻyicha ish jarayoniga jalb etilmagan Agentlik transport vositalarini jalb qilish orqali transport xizmatlarini koʻrsatish;

Oʻzbekiston Respublikasi fuqarolarini va chet el fuqarolarini mehmonxonalarga joylashtirish boʻyicha shartnoma asosida xizmatlar koʻrsatish;

qonunchilik hujjatlarida taqiqlanmagan boshqa xizmatlar.

22. Daromad Agentlik moliya-xoʻjalik faoliyatining asosiy umumlashtiruvchi koʻrsatkichi hisoblanadi.

23. Quyidagilar Agentlikning moliyaviy resurslarini shakllantirish manbalari hisoblanadi:

daromad keltiradigan faoliyat bilan shugʻullanishdan tushgan foyda (daromad);

chet el fuqarolariga Oʻzbekiston Respublikasi hududida mehnat faoliyatini amalga oshirish huquqini beradigan tasdiqnomalar uchun yigʻimlarning bir qismi;

Oʻzbekiston Respublikasi fuqarolarini ishga joylashtirish, kasbga tayyorlash, ketishdan oldin moslashtirish, qayta tayyorlash va ularning malakasini oshirish, ularga chet tillarini, texnika xavfsizligi va mehnatni muhofaza qilish qoidalarini oʻrgatish boʻyicha koʻrsatiladigan xizmatlardan olingan mablagʻlar;

qonunchilik hujjatlarida taqiqlanmagan boshqa manbalar.

24. Agentlik Oʻzbekiston Respublikasi qonunchilik hujjatlariga muvofiq vazifalar va funksiyalarni bajarish uchun tashqi iqtisodiy faoliyatni amalga oshirish huquqiga ega.

25. Xoʻjalik faoliyatidan tushgan valyuta tushumi Agentlikning valyuta hisobraqamiga oʻtkaziladi va undan qonunchilikda belgilangan tartibda foydalaniladi.

26. Agentlik oʻz faoliyatining operativ va buxgalteriya hisobini, shuningdek, statistika hisobotini yuritadi.

27. Agentlik markaziy apparati va hududiy filiallari faoliyati Agentlikning daromad keltiradigan faoliyatidan tushgan mablagʻlar hamda qonunchilik hujjatlarida taqiqlanmagan boshqa mablagʻlar hisobidan moliyalashtiriladi va moddiy-texnik taʼminlanadi.

Agentlikning xorijdagi vakolatxonalari va vakillari faoliyati Migratsiya jamgʻarmasi mablagʻlari hisobidan moliyalashtiriladi.

28. Agentlik xodimlarining ish haqi lavozim maoshi, mukofotlar, qoʻshimcha toʻlovlar, ustamalar va qonunchilik hujjatlarida taqiqlanmagan boshqa toʻlovlardan iborat.

5-bob. Agentlikka rahbarlik qilish

29. Agentlikka Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan direktor rahbarlik qiladi.

Agentlik direktori maqomi, tibbiy va maishiy taʼminot sharoitlari boʻyicha vazirga tenglashtiriladi.

30. Agentlik direktori quyidagi funksiyalarni bajaradi:

Agentlikka umumiy rahbarlik qiladi, uning joriy faoliyatini tashkil etadi va oʻz zimmasiga yuklangan vazifalar bajarilishi uchun javob beradi;

davlat organlari, yuridik va jismoniy shaxslar, shu jumladan, xorijiy davlatlarning davlat organlari, yuridik va jismoniy shaxslari, shuningdek, xalqaro tashkilotlar bilan munosabatlarda Agentlik nomidan ish yuritadi;

Agentlik va Migratsiya jamgʻarmasi faoliyatini, shu jumladan pul mablagʻlarini sarflash samaradorligi va natijadorligini nazorat qiladi;

Agentlikning shtatlar jadvali, biznes rejasi va smetalarini tasdiqlaydi;

Agentlik, uning hududiy filiallari va xorijdagi vakolatxonalari tuzilmasini tasdiqlaydi, xodimlarini lavozimga tayinlaydi va lavozimdan ozod qiladi, shuningdek, belgilangan tartibda ularni ragʻbatlantiradi;

Agentlik faoliyatining samaradorligi va natijadorligini baholash mezonlari hamda indikatorlarini tasdiqlaydi;

kadrlarning qayta tayyorlanishini va malakasi oshirilishini tashkil etadi;

jismoniy va yuridik shaxslar murojaatlarini koʻrib chiqadi, shuningdek, Agentlik vakolatiga kiradigan masalalar yuzasidan qonunchilik hujjatlari buzilishini bartaraf etish yuzasidan zarur xatti-harakatlarni amalga oshiradi;

Agentlik markaziy apparati tarkibiy boʻlinmalari, uning hududiy filiallari va xorijdagi vakolatxonalari boshliqlari va xodimlari hamda mehnat migratsiyasi masalalari boʻyicha attashelar faoliyati samaradorligini baholash tartibini tasdiqlaydi.

Agentlikka yuklangan vazifalarga muvofiq boshqa funksiyalarni bajaradi.

31. Agentlik direktori quyidagi huquqlarga ega:

Agentlik faoliyatiga umumiy rahbarlik qilish;

Agentlik xodimlari bilan qonunchilik hujjatlarida belgilangan tartibda mehnat shartnomalarini tuzish va bekor qilish;

Agentlik xodimlari bajarishi shart boʻlgan buyruqlarni qabul qilish hamda koʻrsatmalar berish;

Agentlik nomidan ishonchnomasiz faoliyat koʻrsatish;

Agentlikka yuklangan vazifalarni bajarish doirasida davlat organlari, ilmiy-taʼlim muassasalarining yuqori malakali mutaxassislarini, shu jumladan, xorijiy mutaxassis va ekspertlarni shartnoma asosida jalb etish;

Agentlikning markaziy apparati, hududiy filiallari, xorijdagi vakolatxonalari tuzilmalariga boshqaruv xodimlarining belgilangan umumiy shtatlar soni va mehnatga haq toʻlash fondi doirasida oʻzgartirishlar kiritish;

mehnatga haq toʻlash fondidan tejab qolingan mablagʻlarni Agentlik, uning hududiy filiallari va xorijdagi vakolatxonalari xodimlarini moddiy ragʻbatlantirishga yoʻnaltirish;

Agentlik direktori qonunchilik hujjatlarida nazarda tutilgan boshqa huquqlarga ham ega boʻlishi mumkin.

32. Agentlik direktori:

Oʻzbekiston Respublikasi Konstitutsiyasi va qonunlari, Oʻzbekiston Respublikasi Prezidentining tegishli hujjatlari, Vazirlar Mahkamasining qarorlari va boshqa qonunchilik hujjatlari bilan Agentlikka yuklangan vazifa va funksiyalar bajarilishini tashkil etishi;

Agentlik oldiga qoʻyilgan vazifalarning bajarilishini tashkil etishi va nazorat qilishi;

davlat sirlari yoki qonun bilan qoʻriqlanadigan boshqa sirni tashkil etuvchi maʼlumotlar bilan ishlashda qonunchilik hujjatlarida belgilangan talablarga rioya qilishi;

oʻz faoliyati bilan bogʻliq prognoz koʻrsatkichlari, davriy ish rejalari va faoliyati samaradorligini baholash koʻrsatkichlari hamda mezonlariga soʻzsiz erishilishini taʼminlashi;

faoliyatini rivojlantirish boʻyicha tasdiqlangan dasturlar, chora-tadbirlar rejasi, “yoʻl xaritalari” va boshqa dasturiy hujjatlarni samarali amalga oshirishi;

jismoniy va yuridik shaxslarning huquqlari hamda qonuniy manfaatlarini himoya qilishi shart.

Agentlik direktori qonunchilik hujjatlarida nazarda tutilgan boshqa majburiyatlarni ham bajaradi.

33. Agentlik direktori Vazirlar Mahkamasi tomonidan lavozimga tayinlanadigan va lavozimdan ozod etiladigan ikki nafar oʻrinbosarga ega.

Agentlik direktori oʻrinbosarlari maqomi, tibbiy va maishiy taʼminot sharoitlari boʻyicha vazir oʻrinbosarlariga tenglashtiriladi.

Agentlik direktori va uning oʻrinbosarlarining xorijiy davlatlarga xizmat safarlari Vazirlar Mahkamasi ruxsati bilan amalga oshiriladi.

6-bob. Hisobdorlik

34. Agentlik qonunchilik hujjatlarida nazarda tutilgan hollarda har yili hisobot davri tugagach, Vazirlar Mahkamasiga davlat muassasasi faoliyati toʻgʻrisida hisobot taqdim etadi.

Agentlik Vazirlar Mahkamasi va Migratsiya boʻyicha respublika komissiyasiga bevosita hisobdor boʻladi.

35. Agentlikda qonunchilikda belgilangan tartibda tashqi audit oʻtkaziladi.

36. Qonunchilik hujjatlarida belgilangan tartibda vakolatli organlar Agentlik direktori zimmasiga yuklangan vazifalar samarali bajarilishi yuzasidan ularning faoliyati ustidan muntazam monitoring yuritadi, monitoring natijalariga koʻra davlat muassasasi faoliyati samaradorligiga xolisona baho beradi.

37. Hujjatlarning saqlanishi va belgilangan tartibda saqlashga berilishi uchun Agentlik direktori shaxsan javobgar hisoblanadi.

38. Agentlikda belgilangan tartibda tashkil etiladigan Jamoatchilik kengashi faoliyat yuritadi.

7-bob. Agentlik faoliyatining samaradorligi va natijadorligini baholash mezonlari hamda koʻrsatkichlari

39. Agentlik faoliyatining samaradorligi va natijadorligi muntazam ravishda baholab boriladi.

Agentlik direktori va uning oʻrinbosarlari faoliyatining eng muhim samaradorlik koʻrsatkichlari Vazirlar Mahkamasi tomonidan tasdiqlanadi.

40. Agentlik markaziy apparati tarkibiy boʻlinmalari, uning hududiy filiallari va xorijdagi vakolatxonalari boshliqlari va xodimlari hamda mehnat migratsiyasi masalalari boʻyicha attashelar faoliyati samaradorligi Agentligi direktori tomonidan tasdiqlanadigan faoliyat samaradorligi va natijadorligini baholash mezonlari asosida baholanadi.

41. Agentlik faoliyatining samaradorligi va natijadorligi baholash yakunlari boʻyicha:

Agentlik rahbarlari va xodimlarini ragʻbatlantirish (mukofotlash) yoki intizomiy javobgarlik choralari;

Agentlik faoliyatida aniqlangan kamchiliklarni bartaraf etish va uning faoliyatini yanada takomillashtirish choralari koʻriladi.

8-bob. Agentlik xodimlarini moddiy-texnik taʼminlash va ragʻbatlantirish chora-tadbirlari

42. Mehnatga haq toʻlash jamgʻarmasi, budjetdan tashqari jamgʻarmalar mablagʻlari va qonunchilik hujjatlarida taqiqlanmagan boshqa mablagʻlar Agentlik xodimlariga ish haqi toʻlash hamda ularni moddiy ragʻbatlantirish manbalari hisoblanadi.

43. Agentlik xodimlarini, jumladan vakolatxona (vakillik) xodimlarini mehnatiga haq toʻlash va ularni moddiy ragʻbatlantirish tartibi Iqtisodiyot va moliya vazirligi bilan kelishilgan holda, Agentlik rahbariyati tomonidan tasdiqlanadi.

9-bob. Yakunlovchi qoida

44. Agentlik qonunchilik hujjatlarida belgilangan tartibda qayta tashkil etiladi va tugatiladi.

Vazirlar Mahkamasining 2025-yil 22-apreldagi 252-son qaroriga 2-ILOVA

Oʻzbekiston Respublikasi fuqarolarini xorijda mehnat faoliyatini amalga oshirish uchun tashkillashtirilgan holda yuborish tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi fuqarolarini chet elga mehnat faoliyatini amalga oshirish uchun tashkillashtirilgan holda yuborish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

ixtiyoriy roʻyxatdan oʻtgan fuqaro — xorijiy davlatga vaqtincha mehnat faoliyatini amalga oshirish uchun ketishdan oldin “Xorijda ish” mehnat migratsiyasi elektron dasturiy majmuasida ixtiyoriy roʻyxatdan oʻtgan Oʻzbekiston Respublikasi fuqarosi;

ish beruvchilar reyestri — tashkillashtirilgan holda yuborish va xorijda ishga joylashtirishda ishtirok etuvchi xorijiy ish beruvchilar roʻyxati;

ishga joylashtiriladigan davlat — mehnat migranti vaqtincha mehnat faoliyatini amalga oshiradigan xorijiy davlat;

ish izlovchi shaxs (talabgor) — maqbul keladigan ish joyini tanlash va xorijda ishga joylashishga koʻmaklashish xizmatlaridan foydalanish uchun yuboruvchi tashkilotga murojaat qilgan jismoniy shaxs, Oʻzbekiston Respublikasi fuqarosi;

litsenziya — yuridik shaxslarga Oʻzbekiston Respublikasidan tashqarida ish qidirayotgan shaxslarni tashkillashtirilgan holda ishga joylashtirish boʻyicha faoliyatni amalga oshirish huquqini beruvchi ruxsat etish xususiyatiga ega hujjat;

mehnat migrantlari — xorijda vaqtincha mehnat faoliyatini amalga oshiruvchi Oʻzbekiston Respublikasi fuqarolari, Oʻzbekiston Respublikasining xorijdagi vakolatxonalari va diplomatik missiyalarida ishlovchi shaxslar bundan mustasno;

mavsumiy mehnat migratsiyasi — mavsumiy tusga ega boʻlgan va faqat yilning bir qismida vaqtincha mehnat faoliyatini amalga oshirish maqsadida borish;

tanlash — xorijiy ish beruvchilar va (yoki) ularning xorijiy ishchilarni ishga joylashtirish sohasida faoliyat koʻrsatuvchi vakolatli xorijiy tashkilotlarining buyurtmanomalari boʻyicha Oʻzbekiston Respublikasi fuqarolarini xorijda ishga joylashtirishni taʼminlash maqsadida yuboruvchi tashkilot tomonidan amalga oshiriladigan tadbirlar majmui;

xorijiy ish beruvchi — ishga joylashtiriladigan davlatning qonunchilik hujjatlarida mehnat migrantlarni yollash huquqi berilgan xorijiy davlatning jismoniy yoki yuridik shaxsi;

“Xorijda ish” mehnat migratsiyasi elektron dasturiy majmuasi — Oʻzbekiston Respublikasi Vazirlar Mahkamasi huzuridagi Migratsiya agentligining (keyingi oʻrinlarda — Agentlik) maxsus elektron platformada roʻyxatga olish tizimi boʻlib, uning yordamida Oʻzbekiston Respublikasi fuqarolari, yuboruvchi tashkilotlar hamda Kambagʻallikni qisqartirish va bandlik vazirligining Kambagʻallikni qisqartirish va bandlikka koʻmaklashish boʻlimlari (keyingi oʻrinlarda — Bandlikka koʻmaklashish boʻlimlari) xorijda ish izlovchilarning zarur maʼlumotlarini kiritishi mumkin;

yuboruvchi tashkilot — Agentlik, shuningdek, Oʻzbekiston Respublikasidan tashqarida ish qidirayotgan shaxslarni ishga joylashtirish boʻyicha faoliyatni amalga oshirish uchun litsenziyaga ega boʻlgan xususiy bandlik agentliklari.

3. Oʻzbekiston Respublikasi fuqarolari xorijda mehnat faoliyatini amalga oshirish uchun tashkillashtirilgan holda yuboruvchi tashkilotlar tomonidan ushbu Nizomda va boshqa qonunchilik hujjatlarida belgilangan tartibda yuboriladi.

4. Yuboruvchi tashkilot Oʻzbekiston Respublikasidan tashqarida ish qidirayotgan shaxslarni ishga joylashtirish xizmatlarini koʻrsatish uchun chet ellik ish beruvchi va (yoki) chet ellik sherik bilan hamkorlik toʻgʻrisida shartnoma tuzadi.

5. Yuboruvchi tashkilot tomonidan Oʻzbekiston Respublikasidan tashqarida ish qidirayotgan shaxslarni ishga joylashtirish boʻyicha chet ellik ish beruvchi va (yoki) chet ellik sherik bilan hamkorligi toʻgʻrisidagi shartnomaning davlat tiliga tarjima qilingan matni ushbu tashkilotning rasmiy veb-saytida joylashtiriladi.

6. Yuboruvchi tashkilot Oʻzbekiston Respublikasidan tashqarida ish qidirayotgan shaxslarni ishga joylashtirish boʻyicha chet ellik ish beruvchi va (yoki) chet ellik sherik bilan hamkorligi toʻgʻrisida shartnomani tuzmasdan, Oʻzbekiston Respublikasidan tashqarida ish qidirayotgan shaxslarni ishga joylashtirish xizmatlarini koʻrsatishi taqiqlanadi.

7. Agentlikka Oʻzbekiston Respublikasidan tashqarida ish qidirayotgan shaxslarni tashkillashtirilgan holda ishga joylashtirish boʻyicha faoliyatni amalga oshirish uchun litsenziya olish talab etilmaydi.

8. Agentlik xorijiy ish beruvchilar va (yoki) rekruting agentliklaridan jalb qilingan ish oʻrinlarini litsenziyaga ega xususiy bandlik agentliklari oʻrtasida taqsimlaydi, Oʻzbekiston Respublikasining xalqaro shartnomasida va idoraviy kelishuvlarida nazarda tutilgan hollar bundan mustasno.

2-bob. “Xorijda ish” mehnat migratsiyasi elektron dasturiy majmuasi maʼlumotlar bazasini shakllantirish tartibi

9. “Xorijda ish” mehnat migratsiyasi elektron dasturiy majmuasi talabgorlarning familiyasi, ismi va otasining ismi, pasport maʼlumotlari, tugʻilgan sanasi va yili, yashash joyi, telefon raqamlari, maʼlumoti, mutaxassisligi, ish tajribasi, boshqa koʻnikmalari, fotosuratlarini oʻz ichiga oladi.

10. Quyidagi maʼlumotlar “Xorijda ish” mehnat migratsiyasi elektron dasturiy majmuasi maʼlumotlar bazasiga kiritiladigan axborot manbalari hisoblanadi:

talabgor tomonidan mustaqil kiritilgan axborot;

talabgorning roziligi bilan yuboruvchi tashkilot tomonidan kiritilgan axborot;

talabgorning roziligi bilan Bandlikka koʻmaklashish boʻlimlari tomonidan kiritilgan axborot.

11. “Xorijda ish” mehnat migratsiyasi elektron dasturiy majmuasida roʻyxatdan oʻtkazilgan har bir talabgorga roʻyxatdan oʻtkazilgan shaxsiy raqam beriladi.

12. Talabgor “Xorijda ish” mehnat migratsiyasi elektron dasturiy majmuasiga kiritilishidan oldin unga Oʻzbekiston Respublikasi fuqarolarini tegishli litsenziya asosida xorijiy davlatga tashkillashtirilgan holda ishga yuboradigan yuridik shaxs tomonidan yozma shaklda bildirishnoma beriladi.

13. Bildirishnomada Oʻzbekiston Respublikasi fuqarolarini tegishli litsenziya asosida xorijiy davlatga tashkillashtirilgan holda ishga yuboradigan yuridik shaxs tomonidan shartnoma majburiyatlari bajarilmagan yoki lozim darajada bajarilmagan taqdirda, murojaat qilish uchun xususiy bandlik agentligining hamda Agentlikning pochta manzillari hamda bogʻlanish uchun telefon raqamlari koʻrsatiladi.

14. Shaxsiy maʼlumotlar haqidagi axborot uchinchi shaxslarga berilmaydi, qonunchilik hujjatlarida belgilangan holatlar bundan mustasno.

15. Talabgorning murojaati va taqdim etgan maʼlumotlari asosida yuboruvchi tashkilot “Xorijda ish” mehnat migratsiyasi elektron dasturiy majmuasida uning maʼlumotlar bazasini mustaqil ravishda shakllantirish huquqiga ega.

Maʼlumotlarning haqqoniyligi yuzasidan javobgarlik talabgorga yuklanadi.

16. Bandlikka koʻmaklashish boʻlimlari talabgorlarni Oʻzbekiston Respublikasi hududida ishga joylashtirish uchun “Xorijda ish” mehnat migratsiyasi elektron dasturiy majmuasi maʼlumotlar bazasidan foydalanishi mumkin.

17. “Xorijda ish” mehnat migratsiyasi elektron dasturiy majmuasida taqdim etilgan axborotning ishonchliligi uchun talabgor shaxsan javobgar.

3-bob. Xorijda ish beruvchilarni izlash

18. Talabgor xorijda mehnat faoliyatini amalga oshirish uchun Ish beruvchilar reyestriga kiritilgan ish beruvchilar bilan birgalikda tashkillashtirilgan holda yuboriladi.

19. Ish beruvchilar reyestriga xorijiy ish beruvchilar toʻgʻrisidagi maʼlumotlar:

Agentlik maʼlumotlari;

Oʻzbekiston Respublikasi diplomatik vakolatxonalarining Attashesi, Agentlikning xorijdagi vakolatxonalari rahbarlaridan (vakillari) va yuboruvchi tashkilotlardan ushbu Nizomga 1-ilovaga muvofiq yuborilgan talabnoma asosida kiritiladi.

20. Ish beruvchilar reyestri Agentlik tomonidan yuritiladi hamda uning rasmiy veb-saytiga joylashtiriladi.

21. Ish beruvchilar reyestri maʼlumotlari ochiq hisoblanib, ulardan barcha yuboruvchi tashkilotlar foydalanishi uchun Agentlik veb-saytida eʼlon qilinadi.

22. Ish beruvchilar reyestriga kiritilmagan, shuningdek, Oʻzbekiston Respublikasida yoki ishga joylashtiriladigan davlatlarda ham avval mehnat toʻgʻrisidagi va boshqa qonunchilik hujjatlarini buzgan xorijiy ish beruvchilar talabgorlarni xorijda ishga joylashtirish uchun tanlash man etiladi.

23. Agentlikda xolis, ochiq va ishonchli axborotni shakllantirish maqsadida Mehnat migratsiyasi masalalari boʻyicha attashe, Agentlikning xorijdagi vakolatxonalari rahbarlari (vakillari) va yuboruvchi tashkilot doimiy asosda:

mehnat migrantlarini boshqa mamlakatlarda ishga joylashtirish imkoniyatlari toʻgʻrisida axborot toʻplaydi;

boʻlajak ish beruvchilar bilan muzokaralar oʻtkazadi;

xorijiy ish beruvchi tomonidan taqdim etilgan mehnat shartnomasi shartlarini, mehnat qilish va yashash shart-sharoitlarini batafsil oʻrganadi.

24. Xorijiy ish beruvchi tomonidan qoidabuzarliklar toʻgʻrisida axborot olingan hollarda, Agentlik xodimlari va/yoki Mehnat migratsiyasi masalalari boʻyicha attashe fuqarolar ishga joylashtirilgan joylarga borib oʻrganadi va oʻrganish yakunlari boʻyicha dalolatnoma tuziladi.

25. Oʻrganish yakunlari boʻyicha tuzilgan dalolatnoma qoidabuzarlik mavjudligi tasdiqlangan taqdirda, Agentlik xorijiy ishonchsiz ish beruvchini Ish beruvchilar reyestridan chiqarish boʻyicha tegishli choralar koʻradi.

26. Ish beruvchilar reyestridan chiqarilgan tashkilotlarda avval ishga joylashgan va mehnat faoliyatini davom ettirishni xohlovchi mehnat migrantlariga nisbatan talabgor va yuboruvchi tashkilot oʻrtasidagi barcha kelishilgan shartlar toʻliq bajarilgunga qadar saqlab qolinadi.

27. Agentlik tomonidan xorijiy ish beruvchining aybi bilan ishsiz qolgan mehnat migrantlariga nisbatan ularni takroran ishga joylashtirish yoki vataniga qaytarish choralari koʻriladi.

4-bob. Talabgorlarni tanlab olish va ketishdan oldin moslashtirish

28. Yuboruvchi tashkilot talabgorlarni “Xorijda ish” mehnat migratsiyasi elektron dasturiy majmuasi maʼlumotlar bazasi maʼlumotlari, oʻz marketing ishlanmalari asosida xorijiy ish beruvchi bilan oldindan kelishuv boʻyicha tanlaydi.

Oʻzbekiston Respublikasi fuqarolarini xorijiy davlatga tashkillashtirilgan holda ishga yuboradigan yuridik shaxs shartnoma asosida talabgorga ishga joylashtirish sohasida axborot va maslahat xizmatlarini koʻrsatadi.

Ishga joylashtirish sohasida xizmatlar koʻrsatish toʻgʻrisidagi shartnomalar asosida taqdim etiladigan axborot va maslahat xizmatlarining qiymati qonunchilik hujjatlarida belgilanadi.

Yuboruvchi tashkilotlar tomonidan koʻrsatiladigan xizmatlar qiymati ular tomonidan mustaqil belgilanadi.

29. Tashkillashtirilgan holda xorijga chiqib ketayotgan talabgorlar ishga yuborilishidan oldin kasbiy taʼlim tashkilotlari, kasb-hunar markazlari yoki nodavlat taʼlim tashkilotlarida kasb-hunarga oʻqitiladi, xorijiy ish beruvchining malaka talablariga javob beradigan talabgor bundan mustasno.

Yuboruvchi tashkilot talabgordan uning malakasini va chet tilini bilish darajasini tasdiqlovchi hujjatni soʻrash huquqiga ega.

Agar talabgor malakasini tasdiqlovchi hujjati boʻlmasa, kasbiy taʼlim tashkilotlari, kasb-hunar markazlari yoki nodavlat taʼlim tashkilotlarida kasb-hunarga oʻqitiladi.

30. Yuboruvchi tashkilot talabgorning chet tilini bilishini va kasbga yaroqliligini tekshirish huquqiga ega.

31. Xorijiy ish beruvchi tomonidan bildirilgan malaka va til bilish darajasi boʻyicha talablarga javob bermaydigan, shuningdek, chet elga chiqishi cheklangan talabgorni tashkillashtirilgan holda yuborish man etiladi.

32. Yuboruvchi tashkilot xorijiy ish beruvchi bilan kelishuvlariga muvofiq ishga joylashtiriladigan davlatga talabgorlarni yuborish uchun guruh tuzadi.

33. Guruh tuzish yakunlari boʻyicha yuboruvchi tashkilot xorijda ishga joylashtirish yuzasidan xizmatlar koʻrsatish toʻgʻrisida talabgor bilan shartnoma tuzadi.

Yuboruvchi tashkilot tomonidan xizmatlar koʻrsatish toʻgʻrisidagi shartnoma “Xorijda ish” mehnat migratsiyasi elektron dasturiy majmuasida real vaqt rejimida roʻyxatdan oʻtkaziladi.

34. Yuboruvchi tashkilot yuborilayotgan mamlakatlarning oʻziga xosligidan kelib chiqib, xorijda vaqtincha mehnat faoliyatini amalga oshiruvchi fuqaroning raqobatbardoshligini oshirish boʻyicha ularning oʻquv-tayyorgarlik, moslashtirish tadbirlaridan dastlabki tarzda oʻtkazilishini taʼminlaydi, shu jumladan:

talabgorni xorijiy ish beruvchi bilan tuziladigan mehnat shartnomasi loyihasi, yashash va mehnat sharoitlari bilan tanishtirishi;

talabgorni tibbiy koʻrikdan oʻtkazishi, shu jumladan, sil, ruhiy, tanosil kasalliklari bor yoki yoʻqligi va giyohvand moddalar isteʼmol qilish yoki isteʼmol qilmasligini tekshirishi;

zaruratga koʻra chiqish vizasini olish uchun tegishli hujjatlarni rasmiylashtirishda talabgorga koʻmaklashishi shart.

35. Yuboruvchi tashkilot joʻnatish tadbirlaridan oldin talabgor ishga joylashtiriladigan davlat tilini, anʼanalari va qonunchiligini oʻrgatish, xavfsizlik texnikasi, diniy ekstremizm va terrorizmning, tanosil kasalliklari va OIV-infeksiyasi tarqalishining oldini olish boʻyicha Agentlik tomonidan tashkil qilinadigan qisqa muddatli kurslarga talabgorni yoʻnaltirish, oʻqishini, kurs yakuni boʻyicha imtihonlarda ishtirokini hamda sertifikatga ega boʻlishini taʼminlash majburiyatini oladi.

36. Yuboruvchi tashkilot talabgor hayoti va sogʻligʻini ajratiladigan subsidiya hisobidan sugʻurta qilish jarayonini tashkil etadi.

Talabgorda atrofdagilarga xavf tugʻdiradigan kasalliklar va vaqtincha mehnat faoliyatini amalga oshirishga toʻsqinlik qiluvchi kasalliklar aniqlansa, talabgor toʻliq sogʻayib ketguniga qadar ketishdan oldin moslashtirishdan chetlatiladi.

5-bob. Talabgorni joʻnatish

37. Talabgor uchun qulay shart-sharoitlar va qulayliklar yaratish maqsadida yuboruvchi tashkilot temir yoʻl, avia va avtotransportga yoʻl chiptalarini band qiladi. Kelishuvga koʻra yoʻl chiptalari talabgor yoki ish beruvchi tomonidan xarid qilinadi.

38. Talabgorni respublikadan tashqarida vaqtincha mehnat faoliyatini amalga oshirish joyiga xavfsiz kuzatib qoʻyish, yoʻlda yoʻl-transport hodisalarining oldini olish maqsadida talabgorlar tegishli litsenziyaga ega tashuvchilar orqali yuboriladi.

39. Talabgor ishga joylashtiriladigan davlatga xorijiy ish beruvchi bilan kelishgan holda, yuboruvchi tashkilotning xodimi hamrohligida guruh boʻlib joʻnatiladi.

40. Oʻtkazilgan tadbirlar yakunlari boʻyicha ushbu Nizomga 2-ilovaga muvofiq shakl boʻyicha talabgorni ishga joylashtirish toʻgʻrisida hujjat tuziladi. Unga talabgor va xorijiy ish beruvchi oʻrtasidagi mehnat shartnomasi nusxalari ilova qilinadi.

41. Xorijiy ish beruvchi talab qilingan ijtimoiy va maishiy shart-sharoitlarni, mehnatga haq toʻlash shartlarini taʼminlamasa yoki ish beruvchi mehnat migrantini ishga joylashtirishni rad etishiga sabab boʻlgan boshqa masalalar yuzaga kelsa, yuboruvchi tashkilot talabgorni boshqa xorijiy ish beruvchida ishga joylashtirish boʻyicha shoshilinch choralar koʻradi.

42. Talabgorni avval kelishilgan talablarga muvofiq ishga joylashtirish imkoni boʻlmasa, yuboruvchi tashkilot uni oʻz vataniga qaytarilishini taʼminlashi shart.

Yuboruvchi tashkilot tomonidan mazkur majburiyat bajarilmagan taqdirda, Agentlik talabgorni Migratsiya jamgʻarmasi hisobidan vatanga qaytarish boʻyicha shoshilinch choralar koʻradi va xarajatlar yuboruvchi tashkilotning depozitga joylashtirilgan mablagʻlari hisobidan qoplanadi.

6-bob. Mehnat migrantlari faoliyatining monitoringi

43. Xorijiy davlatdagi mehnat migrantlari faoliyatining monitoringi ularning huquq va manfaatlarini himoya qilish:

Mehnat migratsiyasi masalalari boʻyicha attashe;

Agentlikning xorijiy vakolatxonalari;

Agentlikning davlat va nodavlat xorijiy hamkorlari;

yuboruvchi tashkilotlar;

nodavlat notijorat tashkilotlari;

mehnat migrantlarining huquq va manfaatlarini himoya qiluvchi boshqa tashkilotlar tomonidan amalga oshiriladi.

44. Agentlik mehnat migrantlarini ishonchsiz ish beruvchidan himoya qilishda va mehnat migrantlari tomonidan huquqbuzarliklar sodir etilishining oldini olishda monitoring yuritish boʻyicha Oʻzbekiston Respublikasining bosh vakolatli organi hisoblanadi.

45. Monitoring quyidagi barcha jihatlarni inobatga olgan holda amalga oshiriladi:

vaqtincha mehnat faoliyatini amalga oshirish maqsadida mehnat migrantlarini jalb qilish uchun oʻz mamlakatining vakolatli organlarida rasman roʻyxatga olingan yoki akkreditatsiyadan oʻtkazilgan xorijiy ish beruvchilar bilan bitimlar tuzilgani;

talabgorni tanlash boʻyicha xizmatlar koʻrsatish uchun yuboruvchi tashkilotlar tomonidan tuziladigan shartnomalarning va mehnat migrantlari tomonidan xorijiy ish beruvchilar bilan tuzilgan mehnat shartnomalarining qonunchilik hujjatlariga hamda xalqaro huquq va boshqa qonunchilik hujjatlari normalariga muvofiqligi;

ishga joylashtiriladigan davlatda xodimlarning tegishli toifasi uchun belgilangan ish haqidan kam boʻlmagan darajada mehnat migrantlarini ish haqi bilan taʼminlash normalariga rioya etilishi;

ishga joylashtiriladigan mamlakatda belgilangan munosib yashash va ishlash shart-sharoitlarini taʼminlash normalariga rioya qilinishi.

46. Zaruratga koʻra Agentlik va uning xorijdagi vakolatxonalari turli masalalar yuzasidan mehnat migrantlari, vakolatli tashkilotlar bilan uchrashuvlar oʻtkazadi, tibbiy xizmatlardan foydalanishda koʻmaklashadi, mehnat migrantlarining huquqlari ish beruvchi tomonidan buzilishining oldini oladi.

47. Mehnat migrantlari huquqlari va manfaatlarini himoya qilish tartib-taomillari Migratsiya jamgʻarmasi mablagʻlari hisobidan moliyalashtiriladi.

7-bob. Mehnat migrantlarining hisobini yuritish

48. Xorijda vaqtincha mehnat faoliyatini amalga oshirish uchun yuboruvchi tashkilotlar orqali yuborilgan hamda mamlakatdan chiqib ketishda ixtiyoriy ravishda roʻyxatdan oʻtgan fuqarolar toʻgʻrisidagi maʼlumot “Xorijda ish” mehnat migratsiyasi elektron dasturiy majmuasida shakllantiriladi.

49. “Xorijda ish” elektron dasturiy majmuasida roʻyxatdan oʻtgan fuqarolar xorijga yuborilgan mehnat migrantlari sifatida hisobga olinadi va ularga belgilangan tartibda huquqiy va moddiy yordamlar koʻrsatiladi.

8-bob. Yakunlovchi qoida

50. Ushbu Nizom talablarini buzishda aybdor boʻlgan shaxslar qonunchilik hujjatlarida belgilangan tartibda javob beradilar.

Oʻzbekiston Respublikasi fuqarolarini xorijda mehnat faoliyatini amalga oshirish uchun tashkillashtirilgan holda yuborish tartibi toʻgʻrisidagi nizomga 1-ILOVA

Oʻzbekiston Respublikasi diplomatik vakolatxonalarning Attashesi, Migratsiya agentligining xorijdagi vakolatxonalari rahbarlari (vakillari)ni va yuboruvchi tashkilotlarning xorijiy ish beruvchini Ish beruvchilar reyestriga kiritish

________________________________________________________________________________________ Agentlik xorijiy vakolatxonalari, Mehnat migratsiyasi masalalari boʻyicha attashening, yuboruvchi tashkilotning nomi) Ishga joylashtiriladigan davlatning qonunchiligiga muvofiq mehnat migrantlarini ishga joylashtirish huquqini olgan va tekshirilgan xorijiy ish beruvchini xorijda ishga joylashtirish uchun Ish beruvchilar reyestriga kiritish uchun u toʻgʻrisida quyidagi axborotni taqdim etadi: Tashkilot nomi Faoliyat turi Joylashgan joyi (pochta manzili) Telefon E-mail Veb-sayt Davlat roʻyxatidan oʻtkazilgan sana va raqam Ustav kapitali Litsenziya raqami Taklif etilayotgan ish turlari va joylashgan hududi Boshqa muhim axborot Tashkilot rahbari, F.I.O., telefon raqami Bogʻlanish mumkin boʻlgan shaxs, F.I.O., lavozimi, telefon raqami Buyurtmanoma beruvchi xulosasi ________________________________________________________ ________________________________________________________ ________________________________________________________ _________________ (buyurtmanoma beruvchi) (imzo) M.Oʻ. (mavjud boʻlsa)

Oʻzbekiston Respublikasi fuqarolarini xorijda mehnat faoliyatini amalga oshirish uchun tashkillashtirilgan holda yuborish tartibi toʻgʻrisidagi nizomga 2-ILOVA

Oʻzbekiston Respublikasi fuqarolarini ishga joylashtirish toʻgʻrisida

20___ yil “___” __________ ____________ shahri Ushbu dalolatnoma Oʻzbekiston Respublikasi fuqarolarini xorijda ishga joylashtirish boʻyicha xizmatlar koʻrsatish toʻgʻrisida __________-son litsenziya asosida faoliyat koʻrsatuvchi _________________________________________ hamda _________________________________________ _______________ (yuboruvchi tashkilot) _______________________________ (xorijiy ish beruvchi) oʻrtasida Oʻzbekiston Respublikasi fuqarolarini _____________________________________________ _______________________________________________________ (ishga joylashtiradigan mamlakat) hududida ishga joylashtirish uchun tashkillashtirilgan holda tanlash tizimi doirasida imzolangan 20___ yil “___” _________dagi ____-son shartnoma asosida quyidagi tarkibdagi Oʻzbekiston Respublikasining fuqarolari kelib ishga joylashgani toʻgʻrisida tuzildi: T/r F.I.O. Tugʻilgan sanasi Pasport seriyasi va raqami Faoliyat turi ________________________ ________________________ (yuboruvchi tashkilot) (xorijiy ish beruvchi)

Vazirlar Mahkamasining 2025-yil 22-apreldagi 252-son qaroriga 3-ILOVA

Oʻzbekiston Respublikasi Vazirlar Mahkamasi huzuridagi Migratsiya agentligining xorijdagi vakolatxonalari xodimlarining lavozim maoshlari miqdori

T/r Vakolatxonadagi lavozim nomi Ish haqi darajasi * 1. Vakolatxona rahbari 85 2. Vakolatxona rahbari oʻrinbosari 75 3. Bosh mutaxassis 70 4. Yetakchi mutaxassis 60 5. Hisobchi (buxgalter) 65 6. Front-ofis mutaxassisi, murojaatlar bilan ishlash mutaxassisi 55 7. Texnik xodim 45

Vazirlar Mahkamasining 2025-yil 22-apreldagi 252-son qaroriga 4-ILOVA

Xorijda mehnat faoliyatini amalga oshirish uchun ketayotgan hamda mehnat migratsiyasida boʻlgan fuqarolarga subsidiya, kompensatsiya va kreditlar ajratish tartibi toʻgʻrisida

1-bob. Umumiy qoidalar

Ushbu Nizom Vazirlar Mahkamasi huzuridagi Migratsiya agentligining (keyingi oʻrinlarda — Agentlik) vaqtincha mehnat faoliyatini amalga oshirish uchun xorijga ketayotgan, shuningdek, xorijda mehnat faoliyatini amalga oshirayotgan Oʻzbekiston Respublikasi fuqarolariga subsidiya, kompensatsiya, mikrokredit va taʼlim kreditlarini ajratish tartibini belgilaydi.

2-bob. Migratsiya jamgʻarmasi tomonidan subsidiya va kompensatsiyalar ajratish tartibi

1. Subsidiya va kompensatsiyalar Oʻzbekiston Respublikasi fuqarolariga Agentlikning Migratsiya jamgʻarmasi (keyingi oʻrinlarda — Migratsiya jamgʻarmasi) hisobidan ajratiladi.

2. Subsidiya va kompensatsiyalar “Xorijda ish” mehnat migratsiyasi elektron dasturiy majmuasida (keyingi oʻrinlarda — “Xorijda ish” dasturiy majmuasi) roʻyxatdan oʻtgan va tashkillashtirilgan holda mehnat migratsiyasiga ketayotgan fuqarolarga quyidagi xarajatlarni qoplash boʻyicha ajratiladi:

a) chet tillari va (yoki) kasb boʻyicha malaka imtihonlarini topshirish bilan bogʻliq xarajatlarni qoplash uchun, basharti ular muvaffaqiyatli topshirilganda va sertifikat olinganda — bazaviy hisoblash miqdorining uch baravarigacha miqdorda;

b) xorijda mehnat faoliyatini amalga oshirishga “ishchi viza”ni rasmiylashtirish bilan bogʻliq xarajatlarni qoplash uchun — bazaviy hisoblash miqdorining besh baravarigacha miqdorda;

v) yoʻl chiptasini xarid qilish bilan bogʻliq xarajatlarni qoplash uchun — bazaviy hisoblash miqdorining ikki baravarigacha miqdorda;

g) Ijtimoiy reyestrga yoki “Temir daftar”, “Ayollar daftari”, “Yoshlar daftari”dan biriga kiritilgan hamda oʻzi mustaqil ravishda xorijga ishga ketayotgan, shuningdek, tashkillashtirilgan holda mehnat migratsiyasiga ketayotgan fuqarolarning sogʻligʻi va hayoti hamda boshqa tavakkalchiliklarini sugʻurtalash boʻyicha sugʻurta mukofotini qoplash maqsadida sugʻurta tashkilotlariga har bir sugʻurtalangan fuqaro uchun yiliga bir marta uch yuz ming soʻmgacha miqdorda;

d) nemis, ingliz, yapon va koreys tillari boʻyicha kamida V1 yoki unga tenglashtirilgan darajadagi xalqaro sertifikat olgan bitiruvchilari eng koʻp boʻlgan 50 nafargacha oʻqituvchiga 50 million soʻm miqdorida.

3. Subsidiya va kompensatsiyalar toʻlab berilishini soʻrab fuqaro “Xorijda ish” dasturiy majmuasi orqali elektron shaklda yoki bevosita Agentlikka ariza bilan murojaat qiladi va quyidagi hujjatlarni ilova qiladi:

a) chet tillari va (yoki) kasb boʻyicha malaka imtihonlarini topshirish bilan bogʻliq xarajatlarni qoplash uchun:

chet tillari va (yoki) kasb boʻyicha malaka imtihonlarini muvaffaqiyatli topshirganligini tasdiqlovchi sertifikat nusxasi;

toʻlov qilinganligini tasdiqlovchi hujjat;

tasdiqlangan mehnat shartnomasi nusxasi;

b) xorijda mehnat faoliyatini amalga oshirishga “ishchi viza”ni rasmiylashtirish bilan bogʻliq xarajatlarni qoplash uchun:

“ishchi viza” nusxasi;

toʻlov toʻlanganligini tasdiqlovchi hujjat;

tasdiqlangan mehnat shartnomasi nusxasi;

v) yoʻl chiptasini xarid qilish bilan bogʻliq xarajatlarini qoplash uchun:

yoʻl chiptasi nusxasi;

toʻlov toʻlanganligini tasdiqlovchi hujjat;

tasdiqlangan mehnat shartnomasi nusxasi.

4. Ariza Agentlik tomonidan uch ish kunida koʻrib chiqiladi va natijasi boʻyicha ariza beruvchiga “Xorijda ish” dasturiy majmuasidagi shaxsiy kabineti orqali xabarnoma yuboriladi.

5. Ariza quyidagi hollarda rad etilishi mumkin:

“Xorijda ish” dasturiy majmuasida “xorijda ishga joylashgan shaxs” maqomida boʻlmaganda;

Agentlik yoki Oʻzbekiston Respublikasidan tashqarida ish qidirayotgan shaxslarni ishga joylashtirish boʻyicha faoliyatni amalga oshirish uchun litsenziyaga ega xususiy bandlik agentliklari orqali tashkillashtirilgan holda mehnat migratsiyasiga ketmaganda;

asoslantiruvchi hujjatlarning mavjud emasligi yoki talabga mos emasligi aniqlanganda.

6. Ariza maʼqullangan taqdirda, kompensatsiya summasi Migratsiya jamgʻarmasi mablagʻlari hisobidan fuqaro xorijda ishga joylashganidan soʻng bir oydan kechikmasdan, uning arizasida koʻrsatilgan bank plastik kartasiga oʻtkazib beriladi va fuqaro “Xorijda ish” dasturiy majmuasi orqali xabardor qilinadi.

7. Ariza rad etilgan taqdirda, fuqaro koʻrsatilgan kamchiliklarni bartaraf etgan holda uch ish kunida qayta murojaat qilishi mumkin va ariza Agentlik tomonidan belgilangan tartibda oʻrganib chiqiladi.

8. Agentlik mehnat migratsiyasiga ketayotgan fuqarolarning sogʻligi va hayoti, shuningdek, boshqa tavakkalchiliklarini sugʻurtalash boʻyicha sugʻurta mukofotini qoplash uchun sugʻurta tashkilotini tanlash yuzasidan qonunchilikda belgilangan tartibda tender oʻtkazadi.

Oʻtkazilgan tender natijasida gʻoliblikni qoʻlga kiritgan sugʻurta tashkiloti (keyingi oʻrinlarda — sugʻurta tashkiloti) bilan shartnoma tuziladi.

Fuqarolarga sifatli va tezkor xizmat koʻrsatishni yoʻlga quyish maqsadida sugʻurta tashkilotining elektron platformasi “Xorijda ish” dasturiy majmuasi bilan integratsiya qilinadi va onlayn rejimda sugʻurta shartnomasini rasmiylashtirish, bekor qilish va axborot almashish ishlari amalga oshiriladi.

9. Mehnat migratsiyasiga ketayotgan fuqarolarning sogʻligʻi va hayoti, shuningdek, boshqa tavakkalchiliklarini sugʻurtalash boʻyicha sugʻurta mukofotini qoplash yuzasidan subsidiya quyidagi tartibda ajratiladi:

Agentlik va uning hududiy filiallari tomondan sugʻurta tashkiloti bilan tuzilgan shartnoma doirasida xorijda vaqtincha mehnat faoliyatini amalga oshirish istagida boʻlgan fuqarolar “Xorijda ish” dasturiy majmuasida roʻyxatdan oʻtkazadi, ularning Ijtimoiy reyestrga yoki “Temir daftar”, “Ayollar daftari”, “Yoshlar daftari”dan biriga kiritilgani tekshiriladi hamda sugʻurtalash uchun tavsiya beriladi;

sugʻurta tashkiloti sugʻurtalash uchun ariza yoʻllagan fuqarolarga sugʻurta shartnomasini rasmiylashtiradi;

sugʻurta tashkiloti hisobot oyida rasmiylashtirilgan sugʻurta shartnomasi bilan bir qatorda Agentlikka sugʻurta shartnomasi boʻyicha toʻlovlarni amalga oshirish boʻyicha talabnoma kiritadi;

Agentlik tomonidan uch ish kuni ichida sugʻurta tashkilotining talabnomasida koʻrsatilgan rekvizitlar boʻyicha subsidiya har bir sugʻurtalangan fuqaro uchun uch yuz ming soʻmgacha miqdorda oʻtkazib beriladi.

10. Sugʻurta shartnomasi fuqarolar bilan sugʻurta tashkiloti oʻrtasida elektron shaklda rasmiylashtiriladi.

11. Sugʻurta tashkiloti talabnomasida quyidagilar koʻrsatilishi lozim:

sugʻurtalangan fuqarolarining shaxsiy maʼlumotlari (F.I.O, pasport seriyasi va raqami, JSHSHIR, tugʻilgan sanasi);

sugʻurta shartnomasi seriyasi va raqami (nusxasi ilova qilinadi);

sugʻurta tashkiloti rekvizitlari.

12. Sugʻurta shartnomasi boʻyicha sugʻurta mukofotini qoplash uchun subsidiya mablagʻlari toʻlab berilganidan soʻng sugʻurtalovchi tomonidan uch ish kuni ichida qonunchilikda belgilangan tartibda shakllantirilgan sugʻurta polisi “Xorijda ish” dasturiy majmuasiga yuboriladi.

Agentlik va sugʻurta tashkiloti tomonidan har oy yakunlari boʻyicha rasmiylashtirilgan sugʻurta shartnomasini va amalga oshirilgan toʻlovlar boʻyicha oʻzaro taqqoslash dalolatnomasi rasmiylashtirib boriladi.

3-bob. Xorijga ishlash uchun chiqib ketayotgan fuqarolarga rivojlangan mamlakatlarda ishga joylashish bilan bogʻliq xarajatlarni qoplash uchun mikrokreditlar ajratish tartibi

13. Vaqtincha mehnat faoliyatini amalga oshirish uchun tashkillashtirilgan holda rivojlangan mamlakatlarga chiqib ketayotgan fuqarolarga tijorat banklari tomonidan Migratsiya jamgʻarmasi mablagʻlari hisobidan 10 million soʻmgacha miqdorda Markaziy bankning asosiy stavkasidan toʻrt foiz bandga yuqori stavkada ikki yil muddatga mikrokreditlar ajratiladi.

Bunda rivojlangan mamlakatlar roʻyxati Birlashgan Millatlar Tashkiloti tomonidan eʼlon qilingan hisobotlar asosida shakllantirilib, Agentlikning rasmiy veb-saytida hamda “Xorijda ish” dasturiy majmuasida barcha uchun ochiq eʼlon qilinadi.

14. Mikrokreditlar qaytarilishi, toʻlanishi, muddatliligi va ulardan maqsadli foydalanish shartlari asosida Oʻzbekiston Respublikasi fuqarosi boʻlgan oʻn sakkiz yoshga toʻlgan va ellik yoshdan oshmagan shaxslarga (keyingi oʻrinlarda — kredit oluvchi) ajratiladi.

Bunda kredit oluvchining doimiy daromad manbaiga ega boʻlgan oila aʼzolari (ota-onasi, aka-ukasi, opa-singlisi, turmush oʻrtogʻi) yoki uchinchi shaxs birgalikda qarz oluvchi sifatida mikrokredit shartnomasida kafil sifatida qatnashishlari mumkin.

15. Mikrokredit boʻyicha foizlar fuqaroga mablagʻ oʻtkazilgan kundan boshlab hisoblanadi va bank hamda qarz oluvchi tomonidan tasdiqlangan jadvalga asosan toʻlab boriladi.

16. Migratsiya jamgʻarmasi tomonidan mikrokredit uchun mablagʻlarni ajratishda tijorat banklariga nisbatan quyidagi muvofiqlik mezonlari belgilanadi:

tijorat bankida mikrokreditlar ajratish yuzasidan aniq belgilangan ichki tartibning mavjudligi;

tijorat banki xalqaro reyting agentliklarining “V” darajasidan past boʻlmagan darajada uzoq muddatli kredit reytingiga ega boʻlishi;

oxirgi uch yillik moliyaviy hisobotlar boʻyicha auditorlik tashkiloti ijobiy xulosasining mavjudligi. Agar tijorat banki uch yildan kam muddat faoliyat koʻrsatgan boʻlsa, tijorat bankining faoliyat yuritgan yillar uchun moliyaviy hisobotlari boʻyicha auditorlik tashkilotining xulosasi mavjud boʻlishi;

tijorat bankining regulyativ kapitali 500 milliard soʻmdan kam boʻlmasligi;

tijorat banki Davlat budjeti mablagʻlari, shu jumladan, Oʻzbekiston Respublikasi Iqtisodiyot va moliya vazirligi (keyingi oʻrinlarda — Iqtisodiyot va moliya vazirligi) tomonidan joylashtirilgan kredit liniyalari boʻyicha muddati oʻtgan qarzdorlikka ega boʻlmasligi;

Markaziy bank tomonidan belgilangan prudensial normativlar buzilganligi sababli unga nisbatan mikrokredit berilishiga toʻsqinlik qiluvchi amaldagi chora va sanksiyalar mavjud boʻlmasligi.

Agentlik mazkur bandning ikkinchi — oltinchi xatboshilarida nazarda tutilgan hujjat va maʼlumotlarni murojaat etuvchi tijorat banklaridan, mazkur bandning yettinchi xatboshisida keltirilgan maʼlumotlarni Markaziy bankdan belgilangan tartibda soʻrab oladi.

17. Agentlik tijorat banklarining muvofiqlik mezonlariga mos kelishini baholashda, Markaziy bankdan ularning moliyaviy holati toʻgʻrisidagi qoʻshimcha axborotni soʻrab oladi.

Taqdim etilgan hujjat va maʼlumotlar Agentlik tomonidan besh ish kunida ushbu Nizomning 16-bandida koʻrsatilgan mezonlarga muvofiqligi yuzasidan oʻrganiladi.

18. Belgilangan mezonlarga muvofiq deb topilgan tijorat banklari va Migratsiya jamgʻarmasi oʻrtasida mikrokreditlar ajratish yuzasidan ikki yil muddatga Bosh bitim (keyingi oʻrinlarda — Bosh bitim) tuziladi.

Bunda ushbu muddat mobaynida tomonlarda Bosh bitimda koʻzda tutilgan shartlar boʻyicha eʼtirozlar yuzaga kelmagan taqdirda, Bosh bitimning muddati avtomatik tarzda kelgusi moliya yillari uchun uzaytirilgan deb hisoblanadi.

Migratsiya jamgʻarmasi tomonidan ajratilgan mablagʻlar tijorat bankining birinchi darajali regulyativ kapitalidan oshib ketmasligi lozim.

19. Tijorat banklari ushbu Nizomning 16-bandida koʻrsatilgan mezonlarga muvofiq emas deb topilganda, ular bilan Bosh bitim tuzishni rad etish haqida tegishli tijorat banklari yozma tarzda xabardor qilinadi.

20. Agentlik doimiy ravishda ushbu Nizom doirasida Agentlik bilan Bosh bitim tuzgan tijorat banklarining roʻyxatini oʻzining rasmiy veb-saytida eʼlon qilib boradi.

21. Tashkillashtirilgan holda xorijga ishlash uchun chiqib ketayotgan fuqarolarga rivojlangan mamlakatlarda ishga joylashish bilan bogʻliq xarajatlarni qoplash uchun mikrokreditlar mazkur Nizomga ilovadagi sxemaga muvofiq ajratiladi.

Migratsiya jamgʻarmasining mablagʻlarni tijorat banklariga Markaziy bankning asosiy stavkasida joylashtiradi.

22. Kredit oluvchi mikrokreditni olish uchun Agentlikning rasmiy veb-saytida eʼlon qilingan tijorat banklariga quyidagi hujjatlarni taqdim etadi:

a) shaxsni tasdiqlovchi hujjat;

b) mikrokredit olish uchun ariza;

v) Migratsiya agentligining tavsiyanomasi;

g) bank ichki siyosatidan kelib chiqib, kredit ajratish uchun talab qilinadigan hujjatlar.

23. Tijorat banki kredit oluvchi tomonidan mikrokredit berishni soʻrab taqdim qilingan ariza va unga ilova qilingan hujjatlarni uch ish kuni mobaynida koʻrib chiqib, mikrokredit shartnomasini imzolaydi.

Kredit oluvchi tomonidan taqdim etilgan hujjatlar mazkur Nizom va tijorat bankining kredit siyosati talablariga muvofiq boʻlmagan holatlarda, tijorat banki tomonidan kredit berishni rad etish toʻgʻrisida qaror qabul qilinadi hamda ariza beruvchiga kredit berishni rad etishning aniq sabablari koʻrsatilgan holda javob xati yuboriladi.

24. Mikrokredit shartnomasi kredit oluvchiga arizada qayd etilgan asoslangan hujjat yoki boshqalardan kelib chiqib, unga teng miqdordagi summaga tuziladi.

25. Tijorat banklari tomonidan mikrokredit kredit oluvchining nomiga rasmiylashtirilgan bank plastik kartochkasiga mablagʻ oʻtkazish yoʻli bilan ajratiladi.

26. Mikrokreditning asosiy qarz va foiz toʻlovlari kredit oluvchi tomonidan mikrokredit shartnomasida koʻrsatilgan shartlarda toʻlanadi.

27. Kredit oluvchi (kafil yoki boshqalar) mikrokredit boʻyicha asosiy qarzni mikrokredit shartnomasida belgilangan muddatlardan oldin qaytarishga haqlidir.

Bunda tijorat banki kredit oluvchi (birgalikda kredit oluvchi)dan mikrokredit boʻyicha asosiy qarzni shartnomada belgilangan muddatlardan oldin qaytargani uchun komissiya yoki neustoyka olish taqiqlanadi.

28. Kredit oluvchi mikrokredit boʻyicha asosiy qarzni mikrokredit shartnomasida belgilangan muddatlarda qaytarmasa, tijorat banki mikrokredit boʻyicha muddati oʻtgan qarzdorliklarni oʻzining ichki hujjatlariga asosan qaytarish choralarini koʻradi.

29. Agentlik tomonidan tijorat banklariga berilgan mablagʻlar tijorat banklari va Agentlik oʻrtasida tuzilgan Bosh bitimda belgilangan shart, tartib va muddatlarda qaytariladi.

4-bob. Xalqaro tan olingan dasturlar va malaka sertifikatlarini joriy qilgan taʼlim tashkilotlarida kasb oʻrganmoqchi boʻlgan fuqarolarning taʼlim olishi uchun taʼlim kreditlarini ajratish tartibi

30. Xalqaro tan olingan dasturlar va malaka sertifikatlarini joriy qilgan taʼlim tashkilotlarida kasb oʻrganmoqchi boʻlgan fuqarolarga taʼlim kreditlari Iqtisodiyot va moliya vazirligi huzuridagi Taʼlim kreditini moliyalashtirish jamgʻarmasi (keyingi oʻrinlarda — Taʼlim jamgʻarmasi) hisobidan beriladi.

31. Xalqaro tan olingan dasturlar va malaka sertifikatlarini joriy qilgan taʼlim tashkilotlarida kasb oʻrganmoqchi boʻlgan fuqarolarga toʻlov-kontrakt asosida oʻqishi uchun Taʼlim jamgʻarmasi hisobidan taʼlim kreditlari tijorat banklari tomonidan ularning qaytarilishi, toʻlanishi, muddatliligi va maqsadli foydalanish shartlari asosida belgilangan talablarga muvofiq ajratiladi.

32. Taʼlim jamgʻarmasi tomonidan har yili besh ming nafargacha xalqaro tan olingan dasturlar va malaka sertifikatlarini joriy qilgan taʼlim tashkilotlarida kasb oʻrganmoqchi uchun taʼlim kreditlari ajratish uchun tijorat banklariga mablagʻ ajratiladi.

33. Taʼlim kreditlari tijorat banklari tomonidan xalqaro tan olingan dasturlar va malaka sertifikatlarini joriy qilgan taʼlim tashkilotlarida oʻqish uchun bazaviy hisoblash miqdorining oltmish besh baravarigacha miqdorda ikki yil muddatgacha beriladi.

Bunda kredit oluvchining doimiy daromad manbaiga ega boʻlgan oila aʼzolari (ota-onasi, aka-ukasi, opa-singlisi, turmush oʻrtogʻi) yoki uchinchi shaxs birgalikda qarz oluvchi sifatida taʼlim krediti shartnomasida kafil sifatida qatnashishlari mumkin.

34. Taʼlim krediti ikki yil muddatga olti oylik imtiyozli davr bilan ajratiladi.

Taʼlim kreditining foizi kredit mablagʻi taʼlim tashkilotlariga mablagʻ oʻtkazilgan kundan boshlab hisoblanadi va bank hamda qarz oluvchi tomonidan tasdiqlangan jadvalga asosan toʻlovi amalga oshiriladi.

35. Taʼlim jamgʻarmasi tomonidan taʼlim kreditlari uchun mablagʻlarni ajratishda tijorat banklariga nisbatan quyidagi muvofiqlik mezonlari belgilanadi:

tijorat bankida taʼlim kreditlarini ajratish yuzasidan aniq belgilangan ichki tartibning mavjudligi;

tijorat banki “Fitch Ratings” yoki “Standard & Poorʼs” reyting agentliklarining “V” darajasidan yoki “Moodyʼs Investors Service” reyting agentligining “V2” reytingidan past boʻlmagan darajada uzoq muddatli kredit reytingiga ega boʻlishi;

oxirgi uch yillik moliyaviy hisobotlar boʻyicha auditorlik tashkiloti ijobiy xulosasining mavjudligi. Agar tijorat banki uch yildan kam muddat faoliyat koʻrsatgan boʻlsa, tijorat bankining faoliyat yuritgan yillar uchun moliyaviy hisobotlari boʻyicha auditorlik tashkilotining ijobiy xulosasi mavjud boʻlishi;

tijorat bankining regulyativ kapitali 500 milliard soʻmdan kam boʻlmasligi;

tijorat banki Davlat budjeti mablagʻlari, shu jumladan, Iqtisodiyot va moliya vazirligi tomonidan joylashtirilgan kredit liniyalari boʻyicha muddati oʻtgan qarzdorlikka ega boʻlmasligi;

Markaziy bank tomonidan belgilangan prudensial normativlar buzilganligi sababli unga nisbatan taʼlim krediti berilishiga toʻsqinlik qiluvchi amaldagi chora va sanksiyalar mavjud boʻlmasligi.

Iqtisodiyot va moliya vazirligi mazkur bandning ikkinchi-oltinchi xatboshilarida nazarda tutilgan hujjat va maʼlumotlarni murojaat etuvchi tijorat banklaridan, mazkur bandning yettinchi xatboshisida keltirilgan maʼlumotlarni Markaziy bankdan belgilangan tartibda soʻrab oladi.

Iqtisodiyot va moliya vazirligi tijorat banklarining muvofiqlik mezonlariga mos kelishini baholashda Markaziy bankdan ularning moliyaviy holati toʻgʻrisidagi qoʻshimcha axborotni soʻrab olishi mumkin.

36. Tijorat banklari ushbu Nizomning 35-bandida koʻrsatilgan mezonlarga muvofiqlikni tasdiqlovchi hujjat va maʼlumotlarni Taʼlim jamgʻarmasiga taqdim etadi.

Taqdim etilgan hujjat va maʼlumotlar Taʼlim jamgʻarmasi tomonidan besh ish kunida ushbu Nizomning 35-bandida koʻrsatilgan mezonlarga muvofiqligi yuzasidan oʻrganiladi.

37. Belgilangan mezonlarga muvofiq deb topilgan tijorat banklari va Taʼlim jamgʻarmasi oʻrtasida taʼlim kreditlari uchun mablagʻ ajratish yuzasidan ikki yil muddatga Bosh bitim tuziladi.

Bunda ushbu muddat mobaynida tomonlarda Bosh bitimda koʻzda tutilgan shartlar boʻyicha eʼtirozlar yuzaga kelmagan taqdirda, Bosh bitimning muddati avtomatik tarzda kelgusi moliya yillari uchun uzaytirilgan deb hisoblanadi.

Taʼlim jamgʻarmasi tomonidan ushbu Nizom doirasida ajratilgan mablagʻlar tijorat bankining birinchi darajali regulyativ kapitalidan oshib ketmasligi lozim.

38. Tijorat banklari ushbu Nizomning 35-bandida koʻrsatilgan mezonlarga muvofiq emas deb topilganda, ular bilan Bosh bitim tuzishni rad etish haqida tegishli tijorat banklari yozma tarzda xabardor qilinadi.

39. Taʼlim jamgʻarmasi va Agentlik doimiy ravishda ushbu Nizom doirasida Taʼlim jamgʻarmasi bilan Bosh bitim tuzgan tijorat banklarining roʻyxatini oʻzining rasmiy veb-saytida eʼlon qilib boradi.

40. Kredit uni oluvchilar toʻgʻrisidagi maʼlumotlar Oliy taʼlim, fan va innovatsiyalar vazirligining “Professional taʼlim jarayonlarini boshqarish” (prof.edu.uz) axborot tizimida mavjud boʻlganda ajratiladi hamda toʻlov-kontrakt shartnomasi “kontrakt.edu.uz” va “prof.edu.uz” axborot tizimlari orqali shakllantiriladi.

41. Taʼlim krediti tijorat banklari tomonidan kredit oluvchiga Markaziy bankning asosiy stavkasi miqdorida ajratiladi.

Taʼlim jamgʻarmasi mablagʻlarni tijorat banklariga Markaziy bankning asosiy stavkasidan toʻrt foiz bandga past stavkada joylashtiradi.

Bunda Markaziy bankning asosiy stavkasi pasaytirilgan taqdirda, Iqtisodiyot va moliya vazirligi va tijorat banklari oʻrtasida tuzilgan taʼlim krediti uchun mablagʻlarni ajratish toʻgʻrisidagi depozit shartnomasiga foiz stavkasini tegishli davr uchun mos ravishdagi foiz bandga tushirish boʻyicha tegishli oʻzgartirishlar kiritiladi.

Markaziy bankning asosiy stavkasi koʻtarilgan taqdirda, taʼlim krediti uchun mablagʻlarni ajratish boʻyicha foiz stavkasi oʻzgarishsiz qoldiriladi.

42. Kredit oluvchi taʼlim kreditini olish uchun toʻgʻridan-toʻgʻri tijorat banklariga murojaat qilishda quyidagi hujjatlarni taqdim etadi:

a) shaxsni tasdiqlovchi hujjat;

b) taʼlim krediti olish uchun ariza;

v) talaba va taʼlim tashkiloti oʻrtasidagi toʻlov-kontrakt asosida oʻqish haqida belgilangan tartibda rasmiylashtirilgan shartnoma (kontrakt) va unga ilova qilinadigan hisob varaqasi/fakturasi (mavjud boʻlganda). Shartnoma (kontrakt)da oʻqishni tamomlashning belgilangan muddati va bir yil uchun toʻlov miqdori koʻrsatilgan boʻlishi lozim;

g) bankning kredit siyosati va ichki tartibiga muvofiq taʼlim krediti qaytarilishining taʼminoti boʻyicha hujjat. Bunda Ijtimoiy reyestrga kiritilgan oilalarning farzandlariga ajratiladigan taʼlim krediti boʻyicha garov va kafillik talab etilmaydi;

d) Ijtimoiy reyestrga kiritilganligini tasdiqlovchi maʼlumotnoma (Ijtimoiy reyestrga kiritilgan oilalar farzandlari uchun);

j) bankning ichki hujjatlarida (siyosatida) belgilangan boshqa hujjatlar, shu jumladan, birgalikda kredit oluvchiga tegishli maʼlumot va hujjatlar.

43. Tijorat banki kredit oluvchi tomonidan taʼlim krediti berishni soʻrab taqdim qilingan ariza va unga ilova qilingan hujjatlarni besh ish kuni mobaynida koʻrib chiqib, taʼlim krediti shartnomasini imzolaydi.

Kredit oluvchi tomonidan taqdim etilgan hujjatlar mazkur Nizom va tijorat bankining kredit siyosati talablariga muvofiq boʻlmagan holatlarda tijorat banki kredit berishni rad etish toʻgʻrisida qaror qabul qiladi va ariza beruvchiga kredit berishni rad etishning aniq sabablari koʻrsatilgan holda javob xati yuboradi.

44. Taʼlim krediti shartnomasi kredit oluvchi tomonidan taqdim etilgan xalqaro tan olingan dasturlar va malaka sertifikatlarini joriy qilgan taʼlim tashkilotlari va kasbga oʻqimoqchi boʻlgan fuqaro oʻrtasidagi toʻlov-kontrakt asosida oʻqish haqidagi shartnoma (kontrakt)da koʻrsatilgan muddatga toʻlov summasidan kelib chiqib, unga teng miqdordagi summaga tuziladi.

45. Tijorat banklari tomonidan taʼlim krediti kredit oluvchining ssuda hisobvaragʻidan uning shaxsiy yozma topshirigʻi asosida kredit oluvchi va xalqaro tan olingan dasturlar va malaka sertifikatlarini joriy qilgan taʼlim tashkilotlarining oʻquv kurslarida oʻqish haqida belgilangan tartibda rasmiylashtirilgan shartnoma (kontrakt) yoki hisob varaqasi/fakturada koʻrsatib oʻtilgan hisobvaragʻiga mablagʻ oʻtkazish yoʻli bilan ajratiladi.

46. Taʼlim kreditining asosiy qarz va foiz toʻlovlari kredit oluvchi tomonidan taʼlim krediti shartnomasida koʻrsatilgan shartlarda toʻlanadi.

47. Kredit oluvchi (kafil yoki boshqalar) taʼlim krediti boʻyicha asosiy qarzni taʼlim krediti shartnomasida belgilangan muddatlardan oldin qaytarishga haqlidir.

Bunda tijorat banki kredit oluvchi (birgalikda kredit oluvchi)dan mikrokredit boʻyicha asosiy qarzni shartnomada belgilangan muddatlardan oldin qaytargani uchun komissiya yoki neustoyka olish taqiqlanadi.

48. Kredit oluvchi taʼlim krediti boʻyicha asosiy qarzni taʼlim krediti shartnomasida belgilangan muddatlarda qaytarmasa, tijorat banki taʼlim krediti boʻyicha muddati oʻtgan qarzdorliklarni oʻzining ichki hujjatlariga asosan qaytarish choralarini koʻradi.

49. Bosh bitimga muvofiq tijorat banklari qarz oluvchilarga ajratilgan taʼlim kreditlari foizlarini qoplash yuzasidan talabnomani shakllantirib, Taʼlim jamgʻarmasiga taqdim etadi.

50. Taʼlim jamgʻarmasi tomonidan xalqaro tan olingan dasturlar va malaka sertifikatlarini joriy qilgan taʼlim tashkilotlarida kasb oʻrganmoqchi boʻlgan fuqarolarning taʼlim olishi uchun taʼlim kreditlarini ajratish uchun berilgan mablagʻlar boʻyicha hisob-kitob ishlari tijorat banklari va Taʼlim jamgʻarmasi oʻrtasida taʼlim kreditlari uchun mablagʻ ajratish yuzasidan tuzilgan Bosh bitim asosida amalga oshiriladi.

51. Taʼlim jamgʻarmasi tomonidan tijorat banklariga berilgan mablagʻlar tijorat banklari va Jamgʻarma oʻrtasida tuzilgan Bosh bitim shartnomasida belgilangan tartibda va muddatlarda qaytariladi.

5-bob. Kompensatsiya, subsidiya va kreditlarni muddatidan oldin qaytarish

52. Xorijda mehnat faoliyatini amalga oshirish shartnomasi shartlariga fuqarolar tomonidan asossiz ravishda rioya qilinmagan taqdirda, ularga ajratilgan subsidiya, kompensatsiya va kreditlar muddatidan avval qaytariladi.

6-bob. Yakunlovchi qoidalar

53. Mazkur Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.

54. Nemis, ingliz, yapon va koreys tillari boʻyicha kamida V1 yoki unga tenglashtirilgan darajadagi xalqaro sertifikat olgan bitiruvchilari eng koʻp boʻlgan 50 nafargacha oʻqituvchiga 50 million soʻm miqdorida subsidiya Kasbiy taʼlim tashkilotlari va kasbiy koʻnikmalar markazlarida faoliyat yuritayotgan chet tili fani oʻqituvchilarining reytingini aniqlash va ragʻbatlantirish tartibi toʻgʻrisidagi nizomda belgilangan tartibda toʻlab beriladi.

55. Ushbu Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Xorijda mehnat faoliyatini amalga oshirish uchun ketayotgan hamda mehnat migratsiyasida boʻlgan fuqarolarga subsidiya, kompensatsiya va kreditlar ajratish tartibi toʻgʻrisidagi nizomga ILOVA

Migratsiya jamgʻarmasi hisobidan tashkillashtirilgan holda rivojlangan davlatlarga ishlash uchun chiqib ketayotgan fuqarolarga rivojlangan mamlakatlarda ishga joylashish bilan bogʻliq xarajatlarni qoplash uchun mikrokreditlarni ajratish

Bosqichlar Ijrochilar Chora-tadbirlar Muddatlar I. Tijorat banklariga depozit mablagʻlarni joylashtirish 1-bosqich Agentlik Tijorat banklarining muvofiqlik mezonlariga mosligini oʻrganadi. Tijorat banklari muvofiqlik mezonlariga mos emas deb topilganda, ular bilan Bosh bitim tuzishni rad etish haqida yozma tarzda xabardor qiladi. Hujjatlar taqdim etilgandan soʻng besh ish kunida 2-bosqich Agentlik Muvofiqlik mezonlariga mos deb topilgan tijorat banklari hamda Agentlik oʻrtasida mikrokreditlar uchun depozit mablagʻlarini joylashtirish yuzasidan Bosh bitim tuzadi. Oʻzaro kelishuvga muvofiq 3-bosqich Agentlik Tijorat banklariga kreditlar ajratish uchun ikki yildan koʻp boʻlmagan muddatda depozit mablagʻlarini joylashtiradi. Bosh bitimda belgilangan muddatlarda II. Mikrokreditlarni ajratish 4-bosqich Agentlik Agentlik hamda tijorat banklari oʻrtasida kreditlar uchun depozit mablagʻlarini joylashtirish yuzasidan tuzilgan depozit shartnomasiga muvofiq mablagʻlar tijorat banklarining tegishli hisobvaragʻiga oʻtkazib berilishini taʼminlaydi. Shartnomada belgilangan muddatlarda 5-bosqich Tijorat banklari Kredit shartnomasini tuzadi hamda kredit ajratilishini taʼminlaydi. Uch ish kunida 6-bosqich Tijorat banklari Agentlik tomonidan ajratilgan mablagʻlarni depozit shartnomasida belgilangan shart, tartib va muddatlarda qaytaradi. Shartnomada belgilangan muddatlarda

Vazirlar Mahkamasining 2025-yil 22-apreldagi 252-son qaroriga 5-ILOVA

Kasbiy taʼlim tashkilotlari va kasbiy koʻnikmalar markazlarida faoliyat yuritayotgan chet tili fani oʻqituvchilarining reytingini aniqlash va subsidiya berish tartibi toʻgʻrisida

1-bob. Umumiy qoidalar

1. Ushbu Nizom davlat kasbiy taʼlim tashkilotlari va kasbiy koʻnikmalar markazlarida faoliyat yuritayotgan ingliz, koreys, nemis va yapon tili fani oʻqituvchilarining faoliyati samaradorligi boʻyicha reytingini (keyingi oʻrinlarda — reyting) aniqlash va ularga Oʻzbekiston Respublikasi Vazirlar Mahkamasi huzuridagi Migratsiya agentligi (keyingi oʻrinlarda — Agentlik) tomonidan subsidiya toʻlash tartibini belgilaydi.

2. Mazkur Nizom talablari nodavlat kasbiy taʼlim tashkilotlari oʻqituvchilariga nisbatan tatbiq etilmaydi.

2-bob. Reytingni aniqlashning maqsad va vazifalari

3. Kasbiy taʼlim tashkilotlari va kasbiy koʻnikmalar markazlari oʻrtasida sogʻlom raqobat muhitini shakllantirish, ularda faoliyat yuritayotgan chet tili fani oʻqituvchilarining pedagogik faoliyati darajasi va sifatini oshirishni ragʻbatlantirish, ularning salohiyatidan samarali foydalanish, oʻqitish sifati boʻyicha xalqaro mezon va standartlarga muvofiq yuqori koʻrsatkichlarga erishish, mamlakatimizda chet tillarni oʻrgatishni ommalashtirish reytingni aniqlashning maqsadi hisoblanadi.

4. Quyidagilar reytingni aniqlash borasidagi asosiy vazifalar hisoblanadi:

kasbiy taʼlim tashkilotlari va kasbiy koʻnikmalar markazlarida taʼlim berayotgan chet tili fani oʻqituvchilarining professional bilim darajasini aniqlash;

kasbiy taʼlim tashkilotlari va kasbiy koʻnikmalar markazlarida taʼlimni muntazam takomillashtirib borish asosida xorijiy mehnat bozorlarida talab yuqori boʻlgan malakali kadrlarni tayyorlash;

kasbiy taʼlim tashkilotlari va kasbiy koʻnikmalar markazlarining reytingi yuqori boʻlgan va chet (ingliz, koreys, nemis va yapon) tillari boʻyicha kamida B1 yoki unga tenglashtirilgan darajadagi xalqaro sertifikat olgan bitiruvchilari soni eng koʻp boʻlgan chet tili fani oʻqituvchilarini ragʻbatlantirish;

kasbiy taʼlim tashkilotlari va kasbiy koʻnikmalar markazlarida taʼlim berayotgan chet tili fani oʻqituvchilarining reytingini aniqlash orqali ularning malakasini oshirish tadbirlarini amalga oshirish;

kasbiy taʼlim tashkilotlari va kasbiy koʻnikmalar markazlarining ushbu yoʻnalishdagi faoliyati samaradorligini oshirish maqsadida respublikamiz va xalqaro miqyosda reytingi yuqori taʼlim muassasalari bilan hamkorlikni yoʻlga qoʻyish hamda ularning xalqaro standartlarga muvofiq yuqori koʻrsatkichlarga erishishiga koʻmaklashish.

3-bob. Reyting baholash koʻrsatkichlari (indikatorlari)

5. Reyting quyidagi koʻrsatkich (indikator)lar asosida baholanadi:

hisobot yilida oʻquvchilar va (yoki) bitiruvchilarning chet tili boʻyicha kamida V1 yoki unga tenglashtirilgan xalqaro sertifikatlarni qoʻlga kiritgani;

chet tili fani boʻyicha oʻqituvchida oʻqitayotgan tili boʻyicha kamida B1 yoki unga tenglashtirilgan xalqaro sertifikatning mavjudligi;

chet tili fani boʻyicha oʻqituvchida xalqaro tan olingan pedagogik sertifikatning mavjudligi;

chet tili fani boʻyicha oʻqituvchi tomonidan dars berilgan guruh bitiruvchilarining rivojlangan xorijiy davlatlarda mehnat faoliyatini amalga oshirayotgani;

chet tili fani boʻyicha oʻqituvchining taʼlim darajasi.

4-bob. Reytingni aniqlashga oid maʼlumotlar bazasini shakllantirish

6. Chet tili fani oʻqituvchilarining reytingi Agentlik tomonidan “Xorijda ish” mehnat migratsiyasi elektron dasturiy majmuasiga (keyingi oʻrinlarda — “Xorijda ish” dasturiy majmuasi) kiritilgan maʼlumotlar va asoslantiruvchi hujjatlar asosida aniqlanadi.

7. Kasbiy taʼlim tashkilotlari va kasbiy koʻnikmalar markazlari tomonidan reytingni aniqlashga oid maʼlumotlar asoslantiruvchi hujjatlar bilan birgalikda reyting aniqlanayotgan yilning 30-yanvariga qadar “Xorijda ish” dasturiy majmuasiga kiritiladi.

Reytingni aniqlashga oid maʼlumotlar va asoslantiruvchi hujjatlar oʻqituvchi tomonidan reyting aniqlanayotgan yildan bir yil oldin erishilgan natijalar asosida shakllantiriladi.

“Xorijda ish” dasturiy majmuasiga reyting aniqlanayotgan yilning 30-yanvaridan soʻng qoʻshimcha maʼlumot joylashtirishga yoʻl qoʻyilmaydi.

8. Reytingni aniqlashga oid maʼlumotlar asoslantiruvchi hujjatlar bilan birga koʻrib chiqiladi.

Asoslantiruvchi hujjatlar taqdim etilmagan taqdirda, maʼlumotlar reytingni hisoblashda inobatga olinmaydi.

9. Reyting “Xorijda ish” dasturiy majmuasidagi maʼlumotlar asosida Agentlik tomonidan hisobot yilidan keyingi yilning birinchi choragi yakuniga qadar shakllantiriladi.

5-bob. Reytingni aniqlashga oid baholash va natijalarni hisoblash

10. Chet tili fani oʻqituvchilarining reytingi har yili fevral-mart oylarida mazkur Nizomga ilovaga muvofiq reytingni aniqlash mezonlaridan kelib chiqib, Agentlik direktorining buyrugʻi asosida tuziladigan komissiya tomonidan baholanadi.

Bunda:

komissiya tarkibiga Oliy taʼlim, fan va innovatsiyalar vazirligi hamda Kambagʻallikni qisqartirish va bandlik vazirligining vakillari kiritiladi;

reytingni aniqlashda mazkur Nizomga ilovada koʻrsatilgan mezonlarga muvofiq kamida 75 ball toʻplagan chet tili fani oʻqituvchilarining natijalari inobatga olinadi.

11. “Xorijda ish” dasturiy majmuasiga yuklangan reytingni aniqlashga oid maʼlumotlar tahlil qilinib, reyting indikatorlari uchun ballar quyidagicha hisoblanadi:

tegishli reyting indikatori boʻyicha oʻqituvchilarning koʻrsatkichlari aniqlanadi;

koʻrsatkichlarga asosan oʻqituvchilarga shu indikator uchun belgilangan ballar beriladi;

har bir indikator boʻyicha hisoblangan ballar yigʻindisidan oʻqituvchilar reytingi belgilanadi.

6-bob. Reytingini eʼlon qilish va ragʻbatlantirish

12. Kasbiy taʼlim tashkilotlari va kasbiy koʻnikmalar markazlarida taʼlim berayotgan chet tili fani oʻqituvchilarining aniqlangan yakuniy reytingi natijalari II chorak boshlanishidan kechikmay, Agentlikning rasmiy veb-sayti va “Xorijda ish” dasturiy majmuasida eʼlon qilinadi.

13. Reytingni aniqlash yakuni boʻyicha eng yuqori natija koʻrsatgan 50 nafar chet tili fani oʻqituvchilariga Migratsiya jamgʻarmasi hisobidan 50 million soʻmdan subsidiya toʻlanadi.

14. Gʻolib boʻlgan oʻqituvchilar Agentlikning “Xorijda ish” dasturiy majmuasidagi shaxsiy kabinetiga gʻolib boʻlganligi toʻgʻrisida xabardor qilinadi.

Xabarnomani olgandan soʻng gʻolib boʻlgan oʻqituvchi tomonidan belgilangan shakldagi ariza toʻldiradi.

Ariza kelib tushgan kundan boshlab 15 kun ichida Agentlik tomonidan 50 million soʻm miqdoridagi subsidiya summasi Migratsiya jamgʻarmasi mablagʻlari hisobidan uning arizasida koʻrsatilgan bank plastik kartasiga oʻtkazib beriladi va fuqaro “Xorijda ish” dasturiy majmuasi orqali xabardor qilinadi.

15. Reytingni aniqlashga oid maʼlumotlar Agentlikda 3 yil davomida saqlanadi.

7-bob. Yakunlovchi qoidalar

16. Reyting natijalaridan norozi boʻlgan oʻqituvchilar Agentlikka shikoyat qilishlari mumkin.

Oʻqituvchilarning shikoyatlari Agentlikda tashkil etilgan Apellyatsiya komissiyasi tomonidan koʻrib chiqiladi.

Apellyatsiya komissiyasining faoliyat tartibi Agentlik direktori tomonidan belgilanadi.

17. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.

18. Ushbu Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Kasbiy taʼlim tashkilotlari va kasbiy koʻnikmalar markazlarida faoliyat yuritayotgan chet tili fani oʻqituvchilarining reytingini aniqlash va ragʻbatlantirish tartibi toʻgʻrisidagi nizomga ILOVA

Kasbiy taʼlim tashkilotlari va kasbiy koʻnikmalar markazlarida faoliyat yuritayotgan chet tili fani oʻqituvchilarining reytingini aniqlash

T/r Reyting indikatori Izoh Ball 1. Hisobot yilida oʻquvchilar va (yoki) bitiruvchilarning chet tili boʻyicha kamida B 1 yoki unga tenglashtirilgan xalqaro sertifikatni qoʻlga kiritgan. Xalqaro sertifikat sifatida quyidagilar tan olinadi: Ingliz tili boʻyicha: IELTS, TOEFL (iBT/iTP), Cambridge Assessment English Nemis tili boʻyicha: Goethe-Zertifikat, Deutsches Sprachdiplom (DSD I/II), Test Deutsch als Fremdsprache (Test DAF), Ö SD Zertifikat Koreys tili boʻyicha: TOPIK (I/II) Yapon tili boʻyicha: Japanese Language Proficiency Test (JLPT). Oʻquvchilar soni: 1) 3 nafardan 10 nafargacha — 10 ball; 2) 10 nafardan 20 nafargacha — 30 ball; 3) 20 nafardan 30 nafargacha — 50 ball; 4) 30 nafardan 40 nafargacha — 70 ball; 5) 40 nafar va undan yuqori — 100 ball. 2. Chet tili fani boʻyicha oʻqituvchida oʻqitayotgan tili boʻyicha kamida V1 yoki unga tenglashtirilgan xalqaro sertifikatning mavjudligi. Xalqaro sertifikat sifatida quyidagilar gan olinadi: Ingliz tili boʻyicha: IELTS, TOEFL (iBT/iTP), Cambridge Assessment English Nemis tili boʻyicha: Goethe-Zertifikat, Deutsches Sprachdiplom (DSD I/II), Test Deutsch als Fremdsprache (Test DAF), Ö SD Zertifikat Koreys tili boʻyicha: TOPIK (I/II) Yapon tili boʻyicha: Japanese Language Proficiency Test (JLPT). Sertifikat darajasi: 1) B 1 yoki unga tenglashtirilgan — 10 ball; 2) B 2 yoki unga tenglashtirilgan — 20 ball; 3) C 1 va undan yuqori yoki unga tenglashtirilgan — 35 ball. 3. Chet tili fani boʻyicha oʻqituvchi tomonidan dars berilgan guruh bitiruvchilarining rivojlangan xorijiy davlatlarda mehnat faoliyatini amalga oshirayotgan. 1. Rivojlangan mamlakatlar roʻyxati Birlashgan Millatlar Tashkiloti tomonidan eʼlon qilingan hisobotlar asosida shakllantirilib, Agentlikning rasmiy veb-saytida hamda “Xorijda ish” dasturiy majmuasida barcha uchun ochiq eʼlon qilinadi. 2. Bitiruvchining rivojlangan xorijiy davlatda mehnat faoliyatini amalga oshirayotgani “Xorijda ish” dasturiy majmuasidagi maʼlumotlar bilan asoslangan boʻlishi lozim. 3. Kasbiy taʼlim tashkiloti yoki kasbiy koʻnikmalar markazini reyting aniqlanadigan yildan koʻpi bilan bir yil oldin bitirgan bitiruvchilar inobatga olinadi. Bitiruvchilar soni: 1) 3 nafardan 10 nafargacha — 5 ball; 2) 10 nafardan 20 nafargacha — 10 ball; 3) 20 nafardan 30 nafargacha — 20 ball; 4) 30 nafardan 40 nafargacha — 30 ball; 5) 40 nafar va undan yuqori — 50 ball. 4. Chet tili fani boʻyicha oʻqituvchining taʼlim darajasi. 1) Bakalavr — 10 ball; 2) Magistr — 15 ball. Jami 200 ball

Vazirlar Mahkamasining 2025-yil 22-apreldagi 252-son qaroriga 6-ILOVA

Migratsiya jamgʻarmasi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Vazirlar Mahkamasi huzuridagi Migratsiya agentligining (keyingi oʻrinlarda — Agentlik) Migratsiya jamgʻarmasi (keyingi oʻrinlarda — Jamgʻarma) mablagʻlarini shakllantirish va ulardan foydalanish tartibini belgilaydi.

Ushbu Nizom Oʻzbekiston Respublikasi Vazirlar Mahkamasining “Xorijiy davlatlar hududida favqulodda vaziyatlar oqibatida jabrlangan Oʻzbekiston Respublikasi fuqarolariga yordam koʻrsatish tartibi toʻgʻrisidagi nizomni tasdiqlash haqida” 2018-yil 18-martdagi 206-son qarorida nazarda tutilgan holatlar va qoidalarga tatbiq etilmaydi.

2. Jamgʻarma yuridik shaxs hisoblanmaydi va Agentlik tarkibida boʻladi.

Jamgʻarma mablagʻlari Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida ochilgan Agentlikning shaxsiy gʻazna hisobvaragʻida yigʻiladi.

3. Jamgʻarma mablagʻlari hisobidan xorijda vaqtincha mehnat faoliyatini amalga oshiruvchi fuqarolar huquqiy, ijtimoiy himoya qilinadi va ularga moddiy yordam koʻrsatiladi.

2-bob. Jamgʻarma mablagʻlarini shakllantirish tartibi

4. Jamgʻarma mablagʻlari quyidagi manbalar hisobidan shakllantiriladi:

Davlat budjetidan ajratiladigan begʻaraz moliyaviy yordam;

chet el fuqarolariga Oʻzbekiston Respublikasi hududida mehnat faoliyatini amalga oshirish huquqini beradigan tasdiqnomalar uchun yigʻimlarning bir qismi;

Jamgʻarmaning vaqtincha boʻsh mablagʻlarini tijorat banklari depozitlariga joylashtirishdan olinadigan daromadlar;

xalqaro moliya institutlarining imtiyozli kreditlari, homiylik, grant mablagʻlari va qonunchilik hujjatlarida taqiqlanmagan boshqa manbalar.

5. Xalqaro moliya institutlari va boshqa xorijiy donorlarning grantlari, jismoniy va yuridik shaxslar, xayriya jamgʻarmalari, shu jumladan, Oʻzbekiston Respublikasi norezidentlarining ixtiyoriy xayriya mablagʻlari qonunchilik hujjatlarida belgilangan tartibda Jamgʻarma hisobraqamlariga tushadi, xalqaro moliya institutlari va boshqa xorijiy donorlarning tartib-taomillarida yoki xorijiy grantlarni taqdim etish shartlarida boshqa tartib belgilangan hollar bundan mustasno.

3-bob. Jamgʻarma mablagʻlaridan foydalanish tartibi

6. Jamgʻarma mablagʻlaridan quyidagi xarajatlarni moliyalashtirish uchun foydalaniladi:

xorijda mehnat faoliyatini amalga oshirish davrida zoʻravonlikka, majburiy mehnatga va tahqirlanishga duchor boʻlgan, mehnat va boshqa huquqlari buzilgan, murakkab moliyaviy ahvolga tushib qolgan va shaxsini tasdiqlovchi hujjatlarisiz, yashash uchun mablagʻlarsiz qolgan Oʻzbekiston Respublikasi fuqarolari va ularning farzandlariga huquqiy, ijtimoiy hamda moddiy yordam koʻrsatish;

mehnat migratsiyasida boʻlgan vaqtda jarohat olgan, baxtsiz hodisaga uchragan, ogʻir kasallikka chalingan Oʻzbekiston Respublikasi fuqarolariga tibbiy yordam koʻrsatish, basharti ushbu xizmatlar qiymatini ularning oʻz mablagʻlari yoki tibbiy sugʻurta hisobidan toʻlash imkoni boʻlmagan taqdirda;

chet elda boʻlgan davrda vafot etgan Oʻzbekiston Respublikasi fuqarolarining jasadlarini, shuningdek, xorijda mehnat faoliyatini amalga oshirish davrida mayib boʻlgan yoki ogʻir tan jarohati olgan fuqarolarni olib kelish;

avval tashkillashtirilgan holda tanlash doirasida xorijga ishga yuborilgan va borgan mamlakatning qonunchilik hujjatlarini buzishi natijasida chiqarib yuborilgan (deportatsiya qilingan) Oʻzbekiston Respublikasi fuqarolarini qaytarish, keyinchalik toʻlangan mablagʻlarni mazkur shaxslar hisobidan qoplash, shuningdek, xorijiy ish beruvchilar tomonidan ishga joylashtirish boʻyicha kelishilgan sharoitlar bilan taʼminlanmagan Oʻzbekiston Respublikasi fuqarolarini qaytarish;

xorijda vaqtincha mehnat faoliyatini amalga oshirgan davrda fuqarolarning hayoti, sogʻligʻi va boshqa tavakkalchiliklarini sugʻurtalash boʻyicha sugʻurta mukofotining oʻrnini qoplash uchun sugʻurta kompaniyalariga subsidiyalar toʻlash;

fuqarolarni (yoshlarni) chet tillariga oʻqitish va xorijiy davlatlarda ishlashga maqsadli tayyorlash markazi, uning filiallari hamda ketish oldidan moslashtirish markazlari faoliyatini tashkil etish va faoliyat yuritishini taʼminlash, shuningdek, malakali chet ellik pedagog kadrlarni mahalliy taʼlim tashkilotlariga jalb qilish bilan bogʻliq xarajatlarni moliyalashtirish;

vaqtincha mehnat faoliyatini amalga oshirish uchun xorijga ketish istagida boʻlgan Oʻzbekiston Respublikasi fuqarolarini kasb-hunarga tayyorlash va chet tillariga oʻqitish;

“Xorijda ish” mehnat migratsiyasi elektron dasturiy majmuasida roʻyxatdan oʻtgan va xorijda mehnat faoliyatini amalga oshirish uchun tashkillashtirilgan holda tanlash tartibida mehnat migratsiyasiga ketayotgan fuqarolarga xorijiy tillar va (yoki) kasb boʻyicha muvaffaqiyatli topshirilgan malaka imtihoni xarajatlarini toʻlab berish, xorijga ketish uchun yoʻl transport chiptasini xarid qilishga kompensatsiya toʻlash;

rivojlangan davlatlarga tashkillashtirilgan holda tanlash tartibida mehnat migratsiyasiga ketayotgan fuqarolarga “ishchi viza”ni rasmiylashtirish xarajatlarini qoplab berish;

Oʻzbekiston Respublikasi fuqarolarini xorijda tashkillashtirilgan holda ishga joylashtirishni kengaytirish, noqonuniy mehnat migratsiyasining oldini olish masalalariga doir axborot-maʼrifiy tadbirlar oʻtkazish;

Agentlikning chet eldagi vakolatxonalarini tashkil etish, jihozlash va saqlab turish;

xorijda vaqtincha mehnat faoliyatini amalga oshiruvchi Oʻzbekiston Respublikasi fuqarolarining ish bilan taʼminlanganlik holatini ular ishga joylashgan joylarga borgan holda monitoring qilib borish;

Agentlik xodimlarini xorijiy davlatlarga uzoq muddatli xizmat safariga yuborish va uning xorijiy davlatlardagi vakillari sifatida jalb etilgan shaxslar faoliyatini moliyalashtirish;

xorijda vaqtincha mehnat faoliyatini amalga oshirayotgan fuqarolarga yordam koʻrsatish uchun tunu-kun ishlaydigan “Call markaz” faoliyatini texnik qoʻllab-quvvatlash xarajatlarini moliyalashtirish;

mehnat migrantlari uchun vaqtincha boʻlib turgan mamlakatlari va u yerdagi boʻsh ish oʻrinlari toʻgʻrisida maʼlumotlarni joylashtirish, vatandoshlar bilan onlayn muloqot qilish va pul oʻtkazmalarini amalga oshirish, qiyin hayotiy vaziyatga tushib qolgan fuqarolarga yordam koʻrsatuvchi tashkilotlar bilan bogʻlanish imkonini beruvchi mobil ilova yaratish va uni kelgusida texnik qoʻllab-quvvatlash xarajatlarini moliyalashtirish;

Oʻzbekiston hududidan tashqariga chiquvchi va mamlakatimiz hududiga kirib keluvchi shaxslarning aniq hisobini yuritish imkonini beruvchi Yagona idoralararo elektron maʼlumotlar bazasini yaratish va uni kelgusida texnik qoʻllab-quvvatlash xarajatlarini moliyalashtirish;

tashkillashtirilgan holda vaqtincha mehnat faoliyatini amalga oshirish uchun rivojlangan davlatlarga chiqib ketayotgan fuqarolarga 10 million soʻmgacha mikrokreditlar ajratish bilan bogʻliq xarajatlarni moliyalashtirish;

ingliz, koreys, nemis va yapon tillari boʻyicha kamida B1 yoki unga tenglashtirilgan darajadagi xalqaro sertifikat olgan bitiruvchilar soni eng koʻp boʻlgan kasbiy taʼlim tashkilotlari va kasbiy koʻnikmalar markazlarining 50 nafar chet tili fani oʻqituvchilariga 50 million soʻmdan subsidiya toʻlash;

vaqtincha mehnat faoliyatini amalga oshirish uchun xorijga ketayotgan Oʻzbekiston Respublikasi fuqarolari uchun darsliklar va boshqa tarqatma materiallarni nashr qilishni moliyalashtirish;

vaqtincha mehnat faoliyatini amalga oshirish uchun xorijga ketayotgan Oʻzbekiston Respublikasi fuqarolarini til va kasbga oʻqitayotgan oʻqituvchilarni malaka oshirish uchun xorijiy davlatlarga yuborish va ularning xizmat safari xarajatlarni qoplash;

qonunchilik hujjatlarida nazarda tutilgan boshqa xarajatlarni moliyalashtirish.

Jamgʻarmaning joriy yilda foydalanilmagan mablagʻlari qoldigʻi navbatdagi moliya yiliga oʻtadi va olib qoʻyilmaydi.

7. Ushbu Nizomning 6-bandida koʻrsatilgan xarajatlar uchun Jamgʻarma mablagʻlaridan mablagʻlar sarflashni tashkil etish sxemasiga muvofiq ushbu Nizomga ilovaga binoan tasdiqlangan yoʻnalishlarga asosan foydalaniladi.

8. Jamgʻarma mablagʻlaridan mehnat faoliyatini amalga oshirish uchun xorijga Oʻzbekiston Respublikasi fuqarolarini yuborgan tashkilotlar aybi bilan yuzaga kelgan va ushbu Nizomning 6-bandi ikkinchi — beshinchi xatboshilarida koʻrsatilgan xarajatlar uchun foydalanilsa, Jamgʻarmaning foydalanilgan mablagʻlar yuboruvchi tashkilotlarning zaxira qilingan mablagʻlar hisobidan qoplanadi.

Yuboruvchi tashkilot zaxira qilingan summadan foydalanilgan mablagʻlarni bir hafta muddatda qoplashi shart.

9. Joriy yilda Jamgʻarmaning foydalanilmagan mablagʻlari qoldiqlari keyingi moliya yiliga oʻtadi va keyingi yilga moʻljallangan xarajatlar smetasini tuzishda hisobga olinadi.

10. Xususiy bandlik agentliklari tomonidan bazaviy hisoblash miqdorining toʻrt ming baravari miqdoridagi mablagʻlar tegishli litsenziya amal qilish muddatiga mutanosib davrga Agentlikning roziligisiz sarflamaslik va mablagʻlar sarflangan taqdirda, belgilangan muddatlarda oʻrnini toʻldirish sharti bilan tijorat banklaridagi depozitlarga zaxiraga joylashtiriladi.

Bunda zaxira mablagʻlari qoʻyiladigan tijorat banklariga nisbatan quyidagi muvofiqlik mezonlari belgilanadi:

tijorat banki xalqaro reyting agentliklarining “V” darajasidan past boʻlmagan darajada uzoq muddatli kredit reytingiga ega boʻlishi;

oxirgi uch yillik moliyaviy hisobotlar boʻyicha auditorlik tashkiloti ijobiy xulosasining mavjudligi;

tijorat bankining regulyativ kapitali 500 milliard soʻmdan kam boʻlmasligi;

tijorat banki Davlat budjeti mablagʻlari, shu jumladan, Oʻzbekiston Respublikasi Iqtisodiyot va moliya vazirligi tomonidan joylashtirilgan depozitlar boʻyicha muddati oʻtgan qarzdorlikka ega boʻlmasligi.

Zaxira mablagʻlarini depozitga joylashtirish, sarflash, qisman yechish, qayta toʻldirish, foiz daromadlarini yoʻnaltirish tartibi Agentlik, xususiy bandlik agentligi va tijorat banklari oʻrtasidagi shartnoma bilan tartibga solinadi.

4-bob. Jamgʻarma mablagʻlarini hisobga olish, ular boʻyicha hisobot tuzish va ulardan foydalanishni nazorat qilish

11. Agentlik direktori kechiktirib boʻlmaydigan holatlarda Migratsiya boʻyicha respublika komissiyasi bilan kelishilgan holda, Jamgʻarmaning mablagʻlaridan foydalanish parametrlariga tezkor oʻzgartirishlar kiritish yoki Jamgʻarma mablagʻlarini mazkur Nizomning 6-bandida nazarda tutilmagan xarajatlarni moliyalashtirishga yoʻnaltirish huquqiga ega.

12. Agentlik direktori har olti oyda Jamgʻarma faoliyati, tashqi mehnat migratsiyasi sohasida amalga oshirilgan ishlar, tizimli muammolar va ularning yechimi toʻgʻrisida Migratsiya boʻyicha respublika komissiyasiga hisobot beradi.

5-bob. Yakunlovchi qoidalar

13. Jamgʻarma mablagʻlaridan foydalanishda yuzaga keladigan nizolar qonunchilik hujjatlarida belgilangan tartibda hal etiladi.

14. Mazkur Nizom talablarini buzishda aybdor boʻlgan shaxslar qonunchilik hujjatlarida belgilangan tartibda javob beradilar.

15. Jamgʻarma qonunchilik hujjatlarida belgilangan tartibda qayta tashkil etiladi va tugatiladi.

Migratsiya jamgʻarmasi toʻgʻrisidagi nizomga ILOVA

Migratsiya jamgʻarmasi mablagʻlarining tasdiqlangan yoʻnalishlarga muvofiq sarflanishini tashkil etish

T/r Jamgʻarma mablagʻlaridan foydalanish yoʻnalishlari * Xarajatlarni toʻlash uchun talab etiladigan hujjatlar Nazarda tutiladigan choralar Moliyalashtirish limiti MDH davlatlari boshqa davlatlar 1. Xorijda mehnat faoliyatini amalga oshirish davrida zoʻravonlikka, majburiy mehnatga va tahqirlanishga duchor boʻlgan, mehnat va boshqa huquqlari buzilgan, murakkab moliyaviy ahvolga tushib qolgan va shaxsini tasdiqlovchi hujjatlarisiz, yashash uchun mablagʻlarsiz qolgan Oʻzbekiston Respublikasi fuqarolariga va ularning farzandlariga huquqiy, ijtimoiy hamda moddiy yordam koʻrsatish. 1. Oʻzbekiston Respublikasi Vazirlar Mahkamasi huzuridagi Migratsiya agentligi (Agentlik) direktori nomiga huquqiy, ijtimoiy hamda moddiy yordam koʻrsatish boʻyicha qogʻoz yoki elektron shaklda ariza. 2. Ariza qogʻoz shaklida berilganda — ariza beruvchining shaxsini tasdiqlovchi hujjatlar (hujjatlar yoʻqolgan hollar bundan mustasno). 3. Fuqaro xorijda vaqtincha mehnat faoliyatini amalga oshirayotganini tasdiqlovchi hujjatlar (mehnat faoliyatini amalga oshirish uchun ruxsatnoma yoki xorijiy davlatga mehnat faoliyatini amalga oshirish uchun kirib kelganligini tasdiqlovchi hujjat yoki Oʻzbekistonning chet eldagi diplomatik vakolatxonalarining tasdiqnoma yoki maʼlumotnomalari yoki mehnat shartnomasi yoxud mehnat sohasidagi nazorat boʻyicha vakolatli organning maʼlumotnomasi). Bunda xorijda murakkab moliyaviy ahvolga tushib qolgan va Oʻzbekiston Respublikasi fuqarosi boʻlgan xotin-qizlardan xorijda vaqtincha mehnat faoliyatini amalga oshirayotganini tasdiqlovchi hujjatlar talab etilmaydi. 4. Oʻzbekiston Respublikasi fuqarosi farzandining tugʻilganlik toʻgʻrisida guvohnomasi. 1. Murojaat qilganlarni himoya qilish maqsadida advokatning, yuridik xizmatlar koʻrsatuvchi tashkilotlarning yoki huquqni muhofaza qilish tashkilotlarining xizmatlariga haq toʻlash. 3 ming AQSH dollarigacha 2. Xostellar va sutkalik mehmonxonalar tomonidan koʻrsatilgan xizmatlarga haq toʻlash (30 sutkadan koʻp boʻlmagan muddatga). 300 AQSH dollarigacha 500 AQSH dollarigacha 3. Murojaat qilgan fuqaroning huquqiy va ijtimoiy himoya qilinishini taʼminlash uchun ishga joylashtirilgan mamlakatning vakolatli organlariga murojaatni yuborish. - 4. Oʻzbekiston Respublikasiga qaytish uchun avia va temir yoʻl chiptalari haqini toʻlash. Transport kompaniyalari narxlariga muvofiq 5. Xorijiy ish beruvchilarda mavjud boʻlgan boʻsh ish oʻrinlarini taklif qilish. - 6. Bir martalik moddiy yordam toʻlash. Bazaviy hisoblash miqdorining uch baravari miqdorida Bazaviy hisoblash miqdorining besh baravari miqdorida 2. Mehnat migratsiyasida boʻlgan vaqtda jarohat olgan, baxtsiz hodisaga uchragan, ogʻir kasallikka chalingan Oʻzbekiston Respublikasi fuqarolariga tibbiy yordam koʻrsatish, basharti ushbu xizmatlar qiymatini ularning oʻz mablagʻlari yoki tibbiy sugʻurta hisobidan toʻlash imkoni boʻlmagan taqdirda. 1. Agentlik direktori nomiga mablagʻlar yoki tibbiy sugʻurta shartnomasi yoʻqligi sabablari koʻrsatgan qogʻoz yoki elektron shakldagi ariza (shoshilinch tibbiy xizmat koʻrsatilgan hollar mustasno). 2. Ariza qogʻoz shaklida berilganda — ariza beruvchining shaxsini tasdiqlovchi hujjatlar (hujjatlar yoʻqolgan hollar bundan mustasno). 3. Fuqaro xorijda vaqtincha mehnat faoliyatini amalga oshirayotganini tasdiqlovchi hujjatlar (mehnat faoliyatini amalga oshirish uchun ruxsatnoma yoki xorijiy davlatga mehnat faoliyatini amalga oshirish uchun kirib kelganligini tasdiqlovchi hujjat yoki Oʻzbekistonning chet eldagi diplomatik vakolatxonalarining tasdiqnoma yoki maʼlumotnomalari yoki mehnat shartnomasi yoxud mehnat sohasidagi nazorat boʻyicha vakolatli organning maʼlumotnomasi). 4. Ishga joylashtirilgan mamlakatning sogʻliqni saqlash organlari tomonidan berilgan tibbiy yordam olish zaruratini tasdiqlovchi hujjat. 1. Ishga joylashtirilgan mamlakatning sogʻliqni saqlash muassasalariga koʻrsatilgan tibbiy xizmatlar haqini toʻliq yoki qisman toʻlash, shu jumladan mehnat migratsiyasiga yuborilayotgan/ undan qaytayotgan shaxslar yoʻl-transport hodisalariga uchragan boʻlsa, ularga shoshilinch tibbiy yordam koʻrsatish. 1 ming AQSH dollarigacha 1,5 ming AQSH dollarigacha 2. Sugʻurta shartnomasi hisobiga xarajatlar toʻlanmagani sababi toʻgʻrisida xorijiy ish beruvchiga va sugʻurta kompaniyasiga soʻrov yuborish. - 3. Oʻzbekiston Respublikasiga qaytish uchun, shu jumladan, ogʻir kasallikka chalingan fuqarolar hamda ularning voyaga yetmagan farzandlari tashilishini hisobga olgan holda transport kompaniyalari (zaruratga qarab, tez tibbiy yordamning koʻchma brigadalari) haqini toʻlash. Transport kompaniyalari, tibbiy muassasalar narxlariga muvofiq 4. Tibbiyot xodimi kuzatuvi ostida fuqarolarni Oʻzbekiston Respublikasiga qaytarishda tibbiyot xodimining xizmat safari haqini toʻlash. Transport, yashash va sutkalik xarajatlarni belgilangan normalarga muvofiq 3. Chet elda boʻlgan davrda vafot etgan Oʻzbekiston Respublikasi fuqarolarining jasadlarini, shuningdek, xorijda mehnat faoliyatini amalga oshirish davrida mayib boʻlgan yoki ogʻir tan jarohati olgan fuqarolarni olib kelish. 1. Agentlik yoki uning xorijiy vakolatxonasiga, shuningdek, Oʻzbekiston Respublikasining xorijdagi diplomatik vakolatxonalari va konsullik muassasalariga murojaat (fuqarolar vafot etgan boʻlsa — murojaat etuvchining shaxsini tasdiqlovchi maʼlumotlar va yashash manzilini koʻrsatgan holda). 2. Vafot etgan fuqaroning shaxsini aniqlashga yordam beradigan va holat boʻyicha murojaat etuvchiga maʼlum boʻlgan barcha maʼlumotlar. 3. Fuqaro chet elda vafot etgan boʻlsa, vakolatli organlar tomonidan berilgan oʻlimni tasdiqlovchi maʼlumotnoma. 1. Vafot etgan shaxs jasadini olib ketish uchun uni urf-odatlarga koʻra tayyorlash xizmatlari va boshqa xizmatlar haqini toʻlash. 1,5 ming AQSH dollarigacha 9 ming AQSH dollarigacha 2. Vafot etgan shaxsning jasadini Oʻzbekiston Respublikasiga tashish boʻyicha transport kompaniyalari xizmatlari haqini toʻlash. Transport kompaniyalari narxlariga muvofiq 3. Oʻzbekiston Respublikasiga qaytish uchun, shu jumladan, ogʻir kasallikka chalingan fuqarolar tashilishini hisobga olgan holda transport kompaniyalari haqini toʻlash. Transport kompaniyalari narxlariga muvofiq 4. Vafot etgan yoki mehnat qobiliyatini yoʻqotgan fuqaroning voyaga yetmagan oila aʼzolarining Oʻzbekistonga qaytishi uchun avtotransport, temir yoʻl va avia chiptalari haqini toʻlash. Transport kompaniyalari narxlariga muvofiq 4. Avval tashkillashtirilgan holda tanlash doirasida xorijga ishga yuborilgan va borgan mamlakatning qonunchilik hujjatlarini buzishi natijasida chiqarib yuborilgan (deportatsiya qilingan) Oʻzbekiston Respublikasi fuqarolarini qaytarish, keyinchalik toʻlangan mablagʻlarni mazkur shaxslar hisobidan qoplash, shuningdek, xorijiy ish beruvchilar tomonidan ishga joylashtirish boʻyicha kelishilgan sharoitlar bilan taʼminlanmagan Oʻzbekiston Respublikasi fuqarolarini qaytarish. 1. Agentlik direktori nomiga mablagʻlar yoki tibbiy sugʻurta shartnomasi yoʻqligi sabablari koʻrsatgan qogʻoz yoki elektron shakldagi ariza. 2. Ariza qogʻoz shaklida berilganda — ariza beruvchining shaxsini tasdiqlovchi hujjatlar (hujjatlar yoʻqolgan hollar bundan mustasno). 3. Fuqaro xorijda vaqtincha mehnat faoliyatini amalga oshirayotganini tasdiqlovchi hujjatlar (mehnat faoliyatini amalga oshirish uchun ruxsatnoma yoki xorijiy davlatga mehnat faoliyatini amalga oshirish uchun kirib kelganligini tasdiqlovchi hujjat yoki Oʻzbekistonning chet eldagi diplomatik vakolatxonalarining tasdiqnoma yoki maʼlumotnomalari yoki mehnat shartnomasi yoxud mehnat sohasidagi nazorat boʻyicha vakolatli organning maʼlumotnomasi). 4. Xorijiy davlat sudi yoki huquqni muhofaza qilish organlarining fuqaroni deportatsiya qilish (chiqarib yuborishni)ga oid hujjatlari (qaror, xulosa, maʼlumotnoma va boshqalar). 5. Xorijiy ish beruvchilar tomonidan ishga joylashtirish boʻyicha kelishilgan shartlar buzilganligini tasdiqlovchi hujjatlar (Agentlik yoki uning xorijiy vakolatxonalari, Oʻzbekiston Respublikasining xorijdagi diplomatik vakolatxonalari va konsullik muassasalari, xususiy bandlik agentliklari, ishga joylashtirilgan mamlakatning mehnat sohasidagi nazorat boʻyicha vakolatli organlarining xulosalari, maʼlumotnomalari va boshqalar). 1. Oʻzbekiston Respublikasiga qaytgunga qadar mehmonxonalar va sutkalik mehmonxonalar xizmatlari haqini toʻlash (mablagʻsiz va yashash joyisiz qolgan fuqarolar uchun). 1 ming AQSH dollarigacha 1 ming AQSH dollarigacha 2. Fuqarolarning mehnat huquqlarini himoya qilish masalalari boʻyicha ishga joylashtirilgan mamlakatning vakolatli organlariga murojaatlar yuborish (xorijiy ish beruvchi ishga joylashtirish shartlarini buzganda). - 3. Oʻzbekiston Respublikasiga qaytish uchun avia va temir yoʻl chiptalari haqini toʻlash. Transport kompaniyalari narxlariga muvofiq 4. Xorijiy ish beruvchilarda mavjud boʻlgan boʻsh ish oʻrinlarini taklif qilish (deportatsiya va chiqarib yuborish holatlari bundan mustasno). - 5. Fuqarolar Oʻzbekiston Respublikasiga qaytib kelgach, ularni qaytarishga sarflangan mablagʻlarni qoplash toʻgʻrisida shartnoma tuzish. - 5. Xorijda vaqtincha mehnat faoliyatini amalga oshirgan davrda fuqarolarning hayoti, sogʻligʻi va boshqa tavakkalchiliklarini sugʻurtalash boʻyicha sugʻurta mukofotining oʻrnini qoplash uchun sugʻurta kompaniyalariga subsidiyalar toʻlash. Sugʻurta tashkiloti talabnomasi. Bunda sugʻurta talabnomasida sugʻurtalangan fuqarolarining shaxsiy maʼlumotlari (F.I.O, pasport seriyasi va raqami, JSHSHIR, tugʻilgan sanasi) hamda sugʻurta polisi seriyasi va raqami koʻrsatilishi lozim. Mehnat migratsiyasiga ketayotgan fuqarolarning sogʻligʻi va hayoti, shuningdek, boshqa tavakkalchiliklarini sugʻurtalash boʻyicha sugʻurta mukofotini qoplab berish. 300 ming soʻmgacha 6. Fuqarolarni (yoshlarni) chet tillariga oʻqitish va xorijiy davlatlarda ishlashga maqsadli tayyorlash markazi, uning filiallari hamda ketish oldidan moslashtirish markazlari faoliyatini tashkil etish va faoliyat yuritishini taʼminlash, shuningdek, malakali chet ellik pedagog kadrlarni mahalliy taʼlim tashkilotlariga jalb qilish bilan bogʻliq xarajatlarni moliyalashtirish. 1. Agentlik direktori nomiga qogʻoz yoki elektron shakldagi ariza. 2. Fuqarolarni (yoshlarni) chet tillariga oʻqitish va xorijiy davlatlarda ishlashga maqsadli tayyorlash markazi, uning filiallari hamda ketish oldidan moslashtirish markazlarini qurish, rekonstruksiya qilish, kapital va joriy taʼmirlash hamda jihozlash boʻyicha xarajatlar smetasi. 3. Fuqarolarni (yoshlarni) chet tillariga oʻqitish va xorijiy davlatlarda ishlashga maqsadli tayyorlash markazi, uning filiallari hamda ketish oldidan moslashtirish markazlarni zarur asbob-uskunalar, laboratoriya va kompyuter texnikasi va adabiyotlar bilan taʼminlashga oid shartnomalar (loyihalashtiruvchilar, pudratchilar va yetkazib beruvchilar belgilangan tartibda saralangandan keyin). 4. Malakali chet ellik pedagog kadrlarni mahalliy taʼlim tashkilotlariga jalb qilishga oid shartnomalar nusxalari. Loyihalashtiruvchilar, pudratchilar va yetkazib beruvchilarning bajargan ishlari, koʻrsatgan xizmatlari va yetkazib bergan tovarlar qiymatini tasdiqlangan smeta va tuzilgan shartnomalar shartlariga muvofiq toʻlab berish. Tasdiqlangan smetalar va tuzilgan shartnomalarga muvofiq 7. Vaqtincha mehnat faoliyatini amalga oshirish uchun xorijga ketish istagida boʻlgan Oʻzbekiston Respublikasi fuqarolarini kasb-hunarga tayyorlash va chet tillariga oʻqitish. 1. Davlat va nodavlat taʼlim tashkilotlari hamda Agentlik oʻrtasida tuzilgan shartnoma nusxasi. Bunda Agentlik tasarrufidagi hamda unga biriktirilgan davlat taʼlim tashkilotlari bilan toʻgʻridan-toʻgʻri shartnoma tuziladi. 2. Agentlik buyurtmasi. 3. Vaqtincha mehnat faoliyatini amalga oshirish uchun xorijga ketayotgan Oʻzbekiston Respublikasi fuqarosining “Xorijda ish” dasturiy majmuasida roʻyxatdan oʻtganligi. 4. Fuqaro kasb-hunar yoki chet tiliga oʻqitilayotganini tasdiqlovchi hujjatlar (fuqaro va taʼlim tashkiloti oʻrtasida tuzilgan shartnoma nusxasi, oʻqish yakuni boʻyicha berilgan sertifikatlar hamda boshqalar). Vaqtincha mehnat faoliyatini amalga oshirish uchun xorijga ketish istagida boʻlgan Oʻzbekiston Respublikasi fuqarolarini kasb-hunarga tayyorlash va chet tillariga oʻqitish bogʻliq xarajatlarni moliyalashtirish. Har oyda bazaviy hisoblash miqdorining besh baravarigacha 8. “Xorijda ish” mehnat migratsiyasi elektron dasturiy majmuasida roʻyxatdan oʻtgan va tashkillashtirilgan holda mehnat migratsiyasiga ketayotgan fuqarolarga: xorijiy tillar va (yoki) kasb boʻyicha malaka imtihonlarini topshirish bilan bogʻliq xarajatlarini qoplash uchun, basharti ular muvaffaqiyatli topshirilganda va sertifikat olinganda; rivojlangan davlatlarga xorijda mehnat faoliyatini amalga oshirishga “ishchi viza”ni rasmiylashtirish bilan bogʻliq xarajatlarini qoplash uchun; yoʻl chiptasini xarid qilish bilan bogʻliq xarajatlarini qoplash uchun kompensatsiya toʻlash. 1. Agentlik direktori nomiga ariza. 2. Ariza beruvchining shaxsini tasdiqlovchi hujjatlar. 3. Asoslantiruvchi hujjatlar: xorijiy tillar va (yoki) kasb boʻyicha malaka imtihonlarini muvaffaqiyatli topshirganligini tasdiqlovchi sertifikat va toʻlov toʻlanganligini tasdiqlovchi hujjat nusxasi; “ishchi viza” uchun toʻlov toʻlanganligini tasdiqlovchi hujjat nusxasi hamda fuqaro va xorijiy ish beruvchi oʻrtasida tuzilgan shartnoma (kontrakt) nusxasi; yoʻl chiptasi uchun toʻlov toʻlanganligini tasdiqlovchi hujjat nusxasi. 1. Xorijiy tillar yoki kasb boʻyicha muvaffaqiyatli topshirilgan malaka imtihoni xarajatlarini qoplash uchun kompensatsiya toʻlash. Bazaviy hisoblash miqdorining uch baravarigacha 2. Xorijga ketish uchun yoʻl transport chiptasini xarid qilishga kompensatsiya toʻlash ** Bazaviy hisoblash miqdorining ikki baravarigacha 3. Rivojlangan davlatlarda mehnat faoliyatini amalga oshirish uchun “ishchi viza”ni rasmiylashtirish bilan bogʻliq xarajatlarni qoplash uchun kompensatsiya toʻlash. Bazaviy hisoblash miqdorining besh baravarigacha 9. Oʻzbekiston Respublikasi fuqarolarini xorijda tashkillashtirilgan holda ishga joylashtirishni kengaytirish, noqonuniy mehnat migratsiyasining oldini olish masalalariga doir axborot-maʼrifiy tadbirlar oʻtkazish. 1. Agentlik tegishli boʻlimining axborot-maʼrifiy tadbirlar oʻtkazish toʻgʻrisidagi iltimosnomasi. 2. Migratsiya sohasiga doir axborot-maʼrifiy mahsulotlar (eʼlonlar, flayerlar, bukletlar, bannerlar va boshqalar)ni tayyorlash va joylashtirishga oid shartnomalar nusxalari . 3. Migratsiya sohasiga doir maslahatlashuvlar, seminarlar, davra suhbatlarini oʻtkazish, maqolalar, risolalar, qoʻllanmalar va boshqa axborot materiallarini tayyorlash, shu jumladan, video va audioroliklar hamda filmlar, ilmiy-amaliy tadqiqotlar va boshqa tadbirlarni tashkil etish boʻyicha shartnomalar nusxalari . 4. Ommaviy axborot vositalari va ijtimoiy tarmoqlarda migratsiya sohasiga doir targʻibot va tashviqot tadbirlarini oʻtkazish boʻyicha shartnomalar nusxalari . Axborot-maʼrifiy tadbirlar oʻtkazish xarajatlarini moliyalashtirish. 10 ming AQSH dollarigacha *** 10. Migratsiya agentligining chet eldagi vakolatxonalarini tashkil etish, jihozlash va saqlab turish. 1. Agentlik direktori buyrugʻi. 2. Vakolatxonalarning xarajatlar smetasi hamda shtatlar jadvali. Quyidagi xarajatlarni moliyalashtirish: vakolatxona binolari va xonalarini kapital hamda joriy taʼmirlash; vakolatxona xodimlari uchun avtotransport vositalarini xarid qilish, voyaga yetmagan farzandlarining umumtaʼlim muassasalarida taʼlim olishi bilan bogʻliq toʻlovlarni qoplab berish (umumtaʼlim muassasalari pulli boʻlganda); vakolatxona xodimlari ish haqi, ijtimoiy soliq toʻlovlari (Oʻzbekiston Respublikasi hududida toʻlanadi), xodimlar va ularning oila aʼzolarini hayoti va sogʻligʻini sugʻurtalash xarajatlari; mehnatga haq toʻlash fondidan tejab qolingan, shuningdek, tasdiqlangan shtatlar jadvalida nazarda tutilgan shtat birliklari toʻldirilmagan sababli boʻsh mablagʻlarni xorijdagi vakolatxonalari xodimlarini moddiy ragʻbatlantirishga yoʻnaltirish; mebel va idora texnikasi bilan jihozlash, tuzilgan ijara shartnomalariga muvofiq vakolatxona binolari va xonalari hamda xodimlarning uy-joyi uchun ijara haqi toʻlash. Tasdiqlangan smetalarga va tuzilgan shartnomalarga muvofiq 11. Xorijda vaqtincha mehnat faoliyatini amalga oshiruvchi Oʻzbekiston Respublikasi fuqarolarining ish bilan taʼminlanganlik holatini ular ishga joylashgan joylarga borgan holda monitoring qilib borish. 1. Agentlik direktorining monitoring oʻtkazish toʻgʻrisidagi buyrugʻi. 2. Safarga yuborish uchun reja-jadval va xarajatlar smetasi. 5 sutkadan koʻp boʻlmagan xizmat safari bilan bogʻliq boʻlgan xarajatlarni moliyalashtirish. Transport, yashash va sutkalik xarajatlar (belgilangan normalarga muvofiq) 12. Migratsiya agentligi xodimlarini xorijiy davlatlarga uzoq muddatli xizmat safariga yuborish va uning xorijiy davlatlardagi vakillari sifatida jalb etilgan shaxslar faoliyatini moliyalashtirish. 1. Agentlik tegishli boʻlinmasining xodimlarni Oʻzbekiston Respublikasining xorijiy davlatlardagi diplomatik vakolatxonalariga uzoq muddatli xizmat safariga yuborish va (yoki) Agentlikning xorijiy davlatlardagi vakillari sifatida jalb etish toʻgʻrisidagi iltimosnomasi. 2. Agentlik direktorining Agentlik xodimlarini uzoq muddatli xizmat safariga yuborish va Agentlikning xorijiy davlatlardagi vakillari sifatida ishga qabul qilish toʻgʻrisidagi buyrugʻi. 3. Xizmat safarga yuborish uchun reja-jadval va xarajatlar smetasi. 1. Xorijiy davlatlarga uzoq muddatli xizmat safariga yuboriladigan Agentlik xodimlarining ish haqi, ijtimoiy soliq toʻlovlari (Oʻzbekiston Respublikasi hududida toʻlanadi), sugʻurta, xizmat safari, ijara (ofis va turar joy uchun), asosiy vositalar va jihozlar bilan taʼminlash xarajatlarini moliyalashtirish. 2. Agentlikning xorijiy davlatlardagi vakili sifatida jalb etilgan shaxslarga ish haqi xarajatlarni moliyalashtirish. Tasdiqlangan smetalarga va tuzilgan shartnomalarga muvofiq 13. Xorijda vaqtincha mehnat faoliyatini amalga oshirayotgan fuqarolarga yordam koʻrsatish uchun tunu-kun ishlaydigan “Call markaz” faoliyatini yuritish va texnik qoʻllab-quvvatlash xarajatlarini moliyalashtirish. “Call-markaz” faoliyatini yuritish va uni kelgusida texnik qoʻllab-quvvatlash uchun shartnomalar nusxalari. Call-markaz faoliyatini tashkil etish va uni kelgusida texnik qoʻllab-quvvatlash bilan bogʻliq xarajatlarni moliyalashtirish. Tasdiqlangan smetalarga va tuzilgan shartnomalarga muvofiq 14. Mehnat migrantlari uchun vaqtincha boʻlib turgan mamlakatlari va u yerdagi boʻsh ish oʻrinlari toʻgʻrisida maʼlumotlarni joylashtirish, vatandoshlar bilan onlayn muloqot qilish va pul oʻtkazmalarini amalga oshirish, qiyin hayotiy vaziyatga tushib qolgan fuqarolarga yordam koʻrsatuvchi tashkilotlar bilan bogʻlanish imkonini beruvchi mobil ilova yaratish va uni kelgusida texnik qoʻllab-quvvatlash xarajatlarini moliyalashtirish. Mobil ilovani yaratish va uni kelgusida texnik qoʻllab-quvvatlash boʻyicha shartnomalar nusxalari. “Xorijda ish” mehnat migratsiyasi elektron dasturiy majmuasining mobil ilova si ni yaratish hamda ushbu ilovani kelgusida texnik qoʻllab-quvvatlash bilan bogʻliq xarajatlarni moliyalashtirish. Tasdiqlangan smetalarga va tuzilgan shartnomalarga muvofiq 15. Oʻzbekiston hududidan tashqariga chiquvchi va davlat hududiga kirib keluvchi shaxslarning aniq hisobini yuritish imkonini beruvchi yagona idoralararo elektron maʼlumotlar bazasini yaratish va uni kelgusida texnik qoʻllab-quvvatlash xarajatlarini moliyalashtirish. Yagona elektron maʼlumotlar bazasini yaratish va uni kelgusida texnik qoʻllab-quvvatlash boʻyicha shartnomalar nusxalari. Yagona elektron maʼlumotlar bazasini yaratish va uni kelgusida texnik qoʻllab-quvvatlash bilan bogʻliq xarajatlarni Migratsiya jamgʻarmasi va Oʻzbekiston Respublikasi Ichki ishlar vazirligining mablagʻlari hisobidan teng ulushlarda moliyalashtirish Tasdiqlangan smetalarga va tuzilgan shartnomalarga muvofiq 16. Tashkillashtirilgan holda vaqtincha mehnat faoliyatini amalga oshirish uchun rivojlangan davlatlarga chiqib ketayotgan fuqarolarga 10 million soʻmgacha mikrokreditlar ajratish. 1.Tijorat banklari tomonidan mikrokreditlar berish uchun Migratsiya jamgʻarmasi hisobidan resurs ajratish boʻyicha talabnoma. 2.Tashkillashtirilgan holda vaqtincha mehnat faoliyatini amalga oshirish uchun xorijga chiqib ketayotgan fuqarolar va bank oʻrtasida tuzilgan shartnoma nusxasi. 3.Mikrokreditlar ajratilgan fuqarolarining shaxsiy maʼlumotlari (F.I.O, pasport seriyasi va raqami, JSHSHIR, tugʻilgan sanasi) Tashkillashtirilgan holda vaqtincha mehnat faoliyatini amalga oshirish uchun rivojlangan davlatlarga chiqib ketayotgan fuqarolarga mikrokreditlar ajratish uchun tijorat banklarida resurslar joylashtirish. 10 million soʻmgacha *** 17. Ingliz, koreys, nemis va yapon tillari boʻyicha kamida B1 yoki unga tenglashtirilgan darajadagi xalqaro sertifikat olgan bitiruvchilar soni eng koʻp boʻlgan kasbiy taʼlim tashkilotlari va kasbiy koʻnikmalar markazlarining 50 nafar chet tili fani oʻqituvchilariga 50 million soʻmdan subsidiya toʻlash. “Xorijda ish” mehnat migratsiyasi elektron dasturiy majmuasi joylashtiriladigan reyting natijalari. Reyting natijalariga koʻra oʻqituvchilarga subsidiya taqdim etilishi toʻgʻrisidagi Agentligi direktorining buyrugʻi. Oʻqituvchi shaxsini tasdiqlovchi hujjat. Agentlik direktori buyrugʻiga muvofiq oʻqituvchilarning plastik kartochkasiga subsidiyani oʻtkazib berish. 50 million soʻmdan 18. Vaqtincha mehnat faoliyatini amalga oshirish uchun xorijga ketayotgan Oʻzbekiston Respublikasi fuqarolari uchun darsliklar va boshqa tarqatma materiallarni nashr qilishni moliyalashtirish. 1. Oʻzbekiston Respublikasi fuqarolarini kasb-hunarga tayyorlash va chet tillariga oʻqitish faoliyatini amalga oshirayotgan taʼlim tashkilotlarining Agentlik direktori nomiga arizasi. 2. Agentlik direktorining buyrugʻi. Tuzilgan shartnomalarga muvofiq darsliklar va boshqa tarqatma materiallarni nashr etish va taʼlim tashkilotlariga yetkazib berish xarajatlarini moliyalashtirish. 10 ming AQSH dollarigacha *** 19. Mehnat faoliyatini amalga oshirish uchun xorijga ketayotgan Oʻzbekiston Respublikasi fuqarolari til va kasb oʻrganayotgan oʻqituvchilarni malaka oshirish uchun xorijiy davlatlarga yuborish va ularning xizmat safari xarajatlarni qoplash. “Xorijda ish” mehnat migratsiyasi elektron dasturiy majmuasiga joylashtiriladigan reyting natijalari. Agentlik direktorining buyrugʻi. Xizmat safaridagi toʻlovlarni tasdiqlovchi hujjatlar. Asoslovchi hujjatlar asosida oʻqituvchilarning xorijda malaka oshirish va xizmat safari xarajatlarini moliyalashtirish. Tasdiqlangan smetalarga va tuzilgan shartnomalarga muvofiq

Vazirlar Mahkamasining 2025-yil 22-apreldagi 252-son qaroriga 7-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Davlat hokimiyati va boshqaruvi organlari, sud organlari va notarial idoralar xodimlari mehnatiga haq toʻlashning tarif setkasini joriy etish toʻgʻrisida” 1996-yil 12-apreldagi 147-son qaroriga rus tilida qabul qilingan 3-ilovaning nomi “Agentstva po oboronnoy promishlennosti pri Ministerstve oboroni Respubliki Uzbekistan” soʻzlaridan keyin “, Agentstvo migratsii pri Kabinete Ministrov Respubliki Uzbekistan” soʻzlari bilan toʻldirilsin.

2. Vazirlar Mahkamasining “Davlat boshqaruvi va mahalliy davlat hokimiyati organlarida xizmat avtotransport vositalaridan foydalanish tizimini tubdan takomillashtirish chora-tadbirlari toʻgʻrisida” 2021-yil 29-fevraldagi 258-son qaroriga 1-ilovada :

izoh qismi quyidagi mazmundagi beshinchi xatboshi bilan toʻldirilsin:

beshinchi — oʻninchi xatboshilar tegishincha oltinchi — oʻn birinchi xatboshilar deb hisoblansin.

3. Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizomga 17-ilovada :

4-pozitsiyaning uchinchi ustunidagi “Oʻzbekiston Respublikasi Kambagʻallikni qisqartirish va bandlik vazirligi” soʻzlari “Oʻzbekiston Respublikasi Vazirlar Mahkamasi huzuridagi Migratsiya agentligi” soʻzlari bilan almashtirilsin;

5-pozitsiyaning uchinchi ustuni quyidagi mazmundagi “v” kichik band bilan toʻldirilsin:

“v) yuridik shaxs ustavining tasdiqlangan nusxasi.”

9-pozitsiyaning uchinchi ustuni quyidagi tahrirda bayon qilinsin:

“a) mehnat va mehnat migratsiyasi toʻgʻrisidagi qonunchilik hujjatlariga rioya qilish*;

b) litsenziya daʼvogari tomonidan bazaviy hisoblash miqdorining toʻrt ming baravari miqdoridagi mablagʻlarni tegishli litsenziya amal qilish muddatiga mutanosib davrga Oʻzbekiston Respublikasi Vazirlar Mahkamasi huzuridagi Migratsiya agentligi roziligisiz sarflamaslik va mablagʻlar sarflangan taqdirda, belgilangan muddatlarda oʻrnini toʻldirish sharti bilan tijorat banklaridagi depozitlarga zaxiraga joylashtirish*;

v) “Xususiy bandlik agentliklari toʻgʻrisida”gi Oʻzbekiston Respublikasi Qonunida nazarda tutilgan faoliyatni amalga oshirish;

g) shtatda kamida ikki nafar xodimning, shu jumladan, oliy maʼlumotga ega rahbarning boʻlishi;

d) xususiy bandlik agentligi taʼsischilari va (yoki) rahbarlari tarkibida firibgarlik, odam savdosi, terrorizm, ekstremizm bilan bogʻliq jinoyatlarni sodir etganlik uchun sudlanganligi tugallanmagan yoki olib tashlanmagan shaxslar mavjud emasligi, shuningdek, xususiy bandlik agentliklari tomonidan ushbu jinoyatlarni sodir etganlik uchun sudlanganligi tugallanmagan yoki olib tashlanmagan shaxslar bilan mehnat, fuqarolik-huquqiy va agentlik shartnomalari tuzilmasligi;

e) yuridik shaxs xodimlari tomonidan uch yilda kamida bir marta litsenziyalovchi organ tomonidan belgilangan tartibga muvofiq malaka sertifikatini olish;

j) ushbu faoliyatni amalga oshirish uchun zarur shart-sharoitlar yaratish, shu jumladan, xususiy yoki ijaraga olingan binoga ega boʻlish hamda uning yongʻin xavfsizligi, sanitariya qoidalari, normalari va gigiyena normativlariga muvofiqligini taʼminlash, tegishli moddiy-texnik baza va boshqa vositalardan foydalanish;

z) xususiy bandlik agentliklari bilan fuqarolar oʻrtasida tuzilayotgan har bir shartnomani maxsus yaratiladigan elektron axborot tizimiga kiritish va uni doimiy yangilab borish*;

i) xizmatlar koʻrsatish toʻgʻrisida bajarilgan shartnomalarga oid arxiv materiallarini shakllantirish va saqlash;

k) xususiy bandlik agentliklarining xizmat koʻrsatish toʻgʻrisidagi shartnomalarida belgilangan majburiyatlarini bajarish bilan bogʻliq xarajatlarni ushbu depozitga joylashtirilgan mablagʻlar hisobidan Oʻzbekiston Respublikasi Vazirlar Mahkamasi huzuridagi Migratsiya agentligi koʻrsatmasiga asosan qoplash*”.

4. Vazirlar Mahkamasining “Yoshlarni kasbga (mutaxassislikka) va chet tillariga oʻqitish tizimini takomillashtirish chora-tadbirlari toʻgʻrisida” 2024-yil 17-apreldagi 213-son qarorida :

1-bandning “a” kichik bandidagi “Kambagʻallikni qisqartirish va bandlik vazirligi huzuridagi Tashqi mehnat migratsiyasi agentligi” soʻzlari “Vazirlar Mahkamasi huzuridagi Migratsiya agentligi” soʻzlari bilan almashtirilsin;

1-bandning “b” kichik bandi , 2-bandning ikkinchi , toʻrtinchi , oltinchi — yettinchi xatboshilari , 3-band , 5-bandning “b” kichik bandi uchinchi xatboshisi , “g” kichik bandi ikkinchi xatboshisi , “d” kichik bandi , 7-bandi uchinchi xatboshisi , 8-bandning “a” — “d” kichik bandlari , 9-band uchinchi , beshinchi xatboshisi , 10-band ikkinchi-uchinchi xatboshilari , 11-bandning ikkinchi xatboshisi , 12-band , 1-ilovaning nomi va izoh qismi , 2-ilovaning nomi , 1-pozitsiya “Tadbirlar” ustunining 2-bandi, 3-ilova nomi , 4 — 15-pozitsiyalaridagi “professional taʼlim muassasalari” soʻzlari tegishli kelishikdagi “kasbiy taʼlim tashkilotlari” soʻzlari bilan almashtirilsin.

5-bandning “b” kichik bandi quyidagi mazmundagi toʻrtinchi xatboshi bilan toʻldirilsin:

“tashkillashtirilgan mehnat migratsiyasi yoʻli bilan xorijiy mamlakatlarda ishlash uchun ketish istagida boʻlgan va “Xorijda ish” mehnat migratsiyasi elektron dasturiy majmuasida roʻyxatga olingan fuqarolar Bandlikka koʻmaklashish davlat jamgʻarmasi hisobidan davlat granti asosida oʻqishga qabul qilinadi”.

5. Vazirlar Mahkamasining 2024-yil 31-iyuldagi 463-son qarori bilan tasdiqlangan Faoliyati eng muhim samaradorlik koʻrsatkichlari asosida baholanadigan respublika ijro etuvchi hokimiyat organlari va xoʻjalik birlashmalari roʻyxati quyidagi mazmundagi 32 1 -band bilan toʻldirilsin:

“Oʻzbekiston Respublikasi Vazirlar Mahkamasi huzuridagi Migratsiya agentligi”.

Vazirlar Mahkamasining 2025-yil 22-apreldagi 252-son qaroriga 8-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari

1. Vazirlar Mahkamasining “Oʻzbekiston Respublikasi fuqarolarini xorijda uyushgan holda ishga joylashtirish tizimini yanada takomillashtirish va tubdan qayta koʻrib chiqish chora-tadbirlari toʻgʻrisida” 2018-yil 12-sentabrdagi 725-son qarori .

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Jahon banki va Xalqaro moliya korporatsiyasining “Biznes yuritish” yillik hisobotida Oʻzbekiston Respublikasining reytingini yaxshilashga doir qoʻshimcha chora-tadbirlar toʻgʻrisida” 2019-yil 5-fevraldagi PQ-4160-son qarori)” 2019-yil 10-avgustdagi 661-son qaroriga ilovaning 62-bandi .

3. Vazirlar Mahkamasining “Xorijda vaqtinchalik mehnat faoliyatini amalga oshirayotgan Oʻzbekiston Respublikasi fuqarolarining huquqlari va qonuniy manfaatlarini himoya qilishga doir qoʻshimcha chora-tadbirlar toʻgʻrisida” 2019-yil 23-avgustdagi 713-son qarori .

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (“Xususiy bandlik agentliklari toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida” 2020-yil 13-avgustdagi OʻRQ-632-son Oʻzbekiston Respublikasi Qonuni, Oʻzbekiston Respublikasi Prezidentining “Litsenziyalash va ruxsat berish tartib-taomillarini tubdan takomillashtirish chora-tadbirlari toʻgʻrisida” 2020-yil 24-avgustdagi PF-6044-son Farmoni va Oʻzbekiston Respublikasi Prezidentining “Xavfsiz, tartibli va qonuniy mehnat migratsiyasi tizimini joriy qilish chora-tadbirlari toʻgʻrisida” 2020-yil 15-sentabrdagi PQ-4829-son qarori)” 2020-yil 2-dekabrdagi 764-son qarori .

5. Vazirlar Mahkamasining “Kambagʻal va ishsiz fuqarolarni kasb-hunarga oʻqitish tizimini takomillashtirish hamda mehnat organlari faoliyati samaradorligini oshirish boʻyicha qoʻshimcha chora-tadbirlar toʻgʻrisida” 2021-yil 5-apreldagi 183-son qaroriga 6-ilovaning 20-bandi .

6. Vazirlar Mahkamasining “Oʻzbekiston Respublikasi Adliya Vazirligi tizimidagi taʼlim muassasalari faoliyatini yanada takomillashtirish chora-tadbirlari toʻgʻrisida” 2021-yil 22-noyabrdagi 705-son qaroriga 3-ilovaning 5-bandi .

7. Vazirlar Mahkamasining “Aholi va tadbirkorlik subyektlarining davlat xizmatlaridan foydalanish imkoniyatlari kengaytirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2021-yil 27-dekabrdagi 774-son qaroriga 1-ilovaning 40-bandi .

8. Vazirlar Mahkamasining “Faoliyatni boshlash yoki tugatish uchun vakolatli organni xabardor qilish tartibi toʻgʻrisidagi yagona nizomni tasdiqlash haqida” 2022-yil 25-fevraldagi 88-son qaroriga 3-ilovaning 17-bandi .

Oʻzbekiston Respublikasining Bosh vaziri A. ARIPOV

Toshkent sh.,

2025-yil 22-aprel,

252-son

(Qonunchilik maʼlumotlari milliy bazasi, 22.04.2025-y., 09/25/252/0371-son; 02.02.2026-y., 09/26/35/0101-son)

lex.uz