📅 2025-yil 28-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 28 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 апреля 2025 г. · Постановления Президента
Официальный текст. Официальный документ. Редакционные примечания не включены.
📅 28 April 2025 · Presidential resolutions
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ҚАРОРИ
ТАРКИБИ
«ЙЎЛ ХАРИТАСИ»
«Янги Ўзбекистон» университети фаолиятини янада такомиллаштириш чора-тадбирлари тўғрисида
«Янги Ўзбекистон» университети фаолиятини такомиллаштириш орқали саноатнинг муҳим тармоқларида илғор илмий тадқиқотлар олиб бориш, илмий ва инновацион ёндашув асосида саноат маҳсулотлари экспорти ва ишлаб чиқариш самарадорлигини ошириш жараёнларига иқтидорли ёшларни жалб қилиш мақсадида қарор қиламан:
I. Асосий мақсадлар
1. Ушбу қарорни қабул қилишдан кўзланган асосий мақсадлар этиб қуйидагилар белгилансин:
(а) энг иқтидорли ёшлар ва юқори салоҳиятли профессор-ўқитувчиларнинг илмий мактабларини шакллантириш;
(б) илмий ва инновацион ёндашув асосида саноатда экспорт ҳамда ишлаб чиқариш самарадорлигини ошириш, таннархни пасайтиришга қаратилган илмий лойиҳаларни амалга ошириш;
(в) дунё миқёсидаги илмий лабораторияларни ташкил этиш ва замонавий асбоб-ускуналар билан таъминлаш;
(г) халқаро стандартлар ва илғор тажриба асосида тиббиёт соҳасида таълим, амалиёт ҳамда илмий тадқиқот фаолияти уйғунлигини таъминлаш, соҳа учун рақобатбардош ва юқори малакали мутахассислар тайёрлаш.
II. «Янги Ўзбекистон» университети фаолиятини такомиллаштириш
2. Мактабгача ва мактаб таълими вазирлиги ҳамда Олий таълим, фан ва инновациялар вазирлигининг қуйидагиларни назарда тутувчи таклифларига розилик берилсин:
(а) «Янги Ўзбекистон» университетининг (кейинги ўринларда — Университет) замонавий илмий лаборатория базасини шакллантириш, уни илғор технологик асбоб-ускуналар билан жиҳозлаш ҳамда муҳандислик-техник, сунъий интеллект, нанотехнологиялар, «яшил» иқтисодиёт ва тиббиёт соҳаларини ривожлантиришга қаратилган илмий тадқиқотларни кенгайтириш ва уларнинг трансфери бўйича самарали тизимни шакллантириш;
(б) барча ресурслар, шу жумладан, интеллектуал ва молиявий имкониятларни бирлаштириш орқали илғор тажриба асосида Университетда мамлакат иқтисодиёти ва ижтимоий ҳаётидаги устувор соҳаларда юксак билимга эга кадрлар тайёрлаш ва юқори самарадорликка асосланган илмий-тадқиқот ишларини ташкил этиш тизимини йўлга қўйиш;
(в) апробация жараёнидан ўтиб, татбиқ этилган замонавий таълим технологиялари ва олий таълим ташкилотини бошқариш тизимларини республиканинг бошқа олий таълим ташкилотларига босқичма-босқич жорий этиш мақсадида Университет ҳузурида юридик шахс ҳисобланган Илғор билим ва тажрибалар трансфери марказини ташкил этиш.
3. «Янги Ўзбекистон» университети фаолиятини стратегик ривожлантириш кенгаши (кейинги ўринларда — Ривожлантириш кенгаши) 1-иловага мувофиқ таркибда ташкил этилсин.
Белгилансинки, Университетни ривожлантиришнинг стратегик йўналишлари ва мақсадларини белгилаш, унинг фаолияти халқаро стандартларга мослигини таъминлаш Ривожлантириш кенгашининг асосий вазифалари ҳисобланади.
4. Белгилаб қўйилсинки:
(а) Университетга қуйидаги ҳуқуқлар берилади:
(i) илмий унвонлар ва илмий даражалар берувчи илмий кенгашлар тузиш, уларнинг таркибини тасдиқлаш;
(ii) тегишли ихтисосликларда илмий унвон ва илмий даражаларни бериш, шунингдек, олий таълимдан кейинги таълим институтида ўқитиш тартибини тасдиқлаш;
(б) 2025/2026 ўқув йилидан бошлаб Университетнинг магистратура мутахассисликлари талабаларига Ўзбекистон Республикаси Вазирлар Маҳкамасининг 2022 йил 2 июндаги 300-сон қарори билан таълимнинг бакалавриат босқичига жорий қилинган давлат грантини ажратиш тартиби жорий этилади;
(в) 2027 йил 1 декабрга қадар Университет учун олиб келинадиган ва муқобили Ўзбекистонда ишлаб чиқарилмайдиган қурилма, дастурий ва техник воситалар, бутловчи қисмлар божхона тўловларидан (қўшилган қиймат солиғи, акциз солиғи ва божхона расмийлаштируви йиғимларидан ташқари) озод этилсин.
5. «Янги Ўзбекистон» университети фаолиятини стратегик ривожлантириш бўйича «йўл харитаси» 2-иловага мувофиқ тасдиқлансин.
III. Илмий-тадқиқот лойиҳаларини амалга оширишнинг янги механизмларини жорий этиш
6. Шундай тартиб ўрнатилсинки, унга кўра Университетда техника ва тиббиёт соҳаларидаги илмий-тадқиқот лойиҳаларини грант асосида молиялаштиришнинг янги механизми жорий этилади. Бунда:
(а) илмий-тадқиқот лойиҳасини бир йиллик молиялаштириш қиймати базавий ҳисоблаш миқдорининг 2 500 баробаридан юқори бўлган ҳолларда ушбу лойиҳани молиялаштириш халқаро эътироф этилган ташкилотлар рейтингида юқори 30 талик рўйхатга кирган олий таълим ташкилотидан жалб қилинган экспертлар хулосаси асосида амалга оширилади;
(б) илмий-тадқиқот лойиҳаларига ажратилган маблағларнинг камида 60 фоизи ушбу лойиҳа доирасида фойдаланиш учун тегишли асбоб-ускуна харид қилишга йўналтирилади, бундан бир йиллик молиялаштириш қиймати базавий ҳисоблаш миқдорининг 1 040 баробаригача бўлган лойиҳалар мустасно;
(в) илмий-тадқиқот лойиҳасини бир йиллик молиялаштириш қиймати базавий ҳисоблаш миқдорининг 5 000 баробаридан юқори бўлган ҳолларда ушбу лойиҳа раҳбарига қуйидаги мажбуриятлар юкланади:
(i) илмий-тадқиқот лойиҳаси умумий қийматининг камида 20 фоизини ҳамкорликда молиялаштириш мақсадида хорижий ва (ёки) маҳаллий грантларни жалб қилиш;
(ii) илмий-тадқиқот лойиҳасини 3 нафар докторант ва 10 нафар магистрантни жалб қилган ҳолда амалга ошириш;
(iii) илмий-тадқиқот лойиҳасини амалга оширишда камида 10 нафардан иборат тадқиқотчилар гуруҳини тузиш ҳамда камида Хирш индекси 20 дан юқори бўлган 1 нафар чет эллик олимни жалб қилиш;
(г) илмий-тадқиқот лойиҳалари қўшма молиялаштириш механизми орқали амалга оширилади. Бунда лойиҳа умумий қийматининг 60 фоизи Давлат бюджети, қолган қисми эса бошқа манбалар ҳисобидан ажратилади.
7. Илмий-тадқиқот лойиҳаларини молиялаштириш мақсадида Университетда юридик шахс бўлмаган Илмий тадқиқот инфратузилмасини ривожлантириш жамғармаси (кейинги ўринларда — Жамғарма) ташкил этилсин ва унинг маблағларини шакллантириш манбалари этиб қуйидагилар белгилансин:
(а) Давлат бюджетидан белгиланган тартибда ажратиладиган маблағлар;
(б) Университетда белгиланган тартибда ташкил этиладиган бир йиллик магистратура мутахассисликларида тўлов-контракт асосида ўқитишдан тушадиган маблағларнинг 50 фоизи. Бунда ушбу магистратура мутахассисликлари Университет кузатув кенгашининг қарорларига мувофиқ белгиланади;
(в) халқаро молия ташкилотларининг грантлари, саноат тармоқлари ва бошқа ташкилотлардан жалб қилинган маблағлар;
(г) жисмоний ва юридик шахсларнинг ҳомийлик хайриялари;
(д) қонунчилик ҳужжатлари билан тақиқланмаган бошқа манбалар.
Бунда жорий йил учун, истисно тариқасида, дастлабки лойиҳаларни амалга оширишни жадаллаштириш мақсадида Мактабгача ва мактаб таълими вазирлигига ажратилган маблағлар доирасида Жамғармага 20 млрд сўмгача маблағ ажратилади.
IV. Тиббиёт факультетини ташкил этиш
8. Мактабгача ва мактаб таълими вазирлиги, Олий таълим, фан ва инновациялар вазирлиги, Соғлиқни сақлаш вазирлиги, Иқтисодиёт ва молия вазирлигининг чет эллик мутахассисларни жалб этган ҳолда Европа стандартлари асосида Университетда Германия Федератив Республикасининг олий таълим ташкилотлари билан ҳамкорликда тиббиёт факультетини (кейинги ўринларда — Тиббиёт факультети) ташкил этиш тўғрисидаги таклифига розилик берилсин. Бунда:
(а) Тиббиёт факультетини ташкил этишда Германия Федератив Республикасининг илғор олий таълим ташкилоти стратегик ҳамкор сифатида жалб қилинади;
(б) Тиббиёт факультети таълим — амалиёт — илм-фан уйғунлигида ташкил этилади ҳамда ўз клиникаси ва тадқиқот марказига эга бўлади;
(в) Тиббиёт факультетини ташкил этиш халқаро молия институтлари ва хорижий ҳукумат молия ташкилотларидан давлат кафолати остида жалб қилинадиган қарз ҳисобидан амалга оширилади;
(г) давлат кафолати остида халқаро молия институтлари ва хорижий ҳукумат молия ташкилотларидан маблағлар жалб қилингунига қадар Тиббиёт факультетини ташкил этиш лойиҳасининг техник-иқтисодий асосини ишлаб чиқиш, Тиббиёт факультетининг ўқув биноси, клиникаси ва тадқиқот маркази қурилишини лойиҳалаш ишлари Ихтисослаштирилган таълим муассасалари агентлиги ҳузуридаги Иқтидорли ёшларни қўллаб-қувватлаш жамғармаси ҳисобидан амалга оширилади.
9. Инвестициялар, саноат ва савдо вазирлиги:
(а) Тиббиёт факультетини ташкил этиш лойиҳасини 2026 йилги давлат ташқи қарзи ҳисобидан молиялаштириладиган лойиҳалар рўйхатига киритсин;
(б) Мактабгача ва мактаб таълими вазирлиги ҳамда Соғлиқни сақлаш вазирлиги билан биргаликда Тиббиёт факультетини ташкил этиш учун қарз маблағларини жалб этиш чораларини кўрсин.
10. Мактабгача ва мактаб таълими вазирлиги икки ой муддатда:
(а) ҳамкор хорижий олий таълим ташкилотлари билан музокаралар ўтказиб, Тиббиёт факультетини ташкил этиш юзасидан узоқ муддатли келишувга эришиш чораларини кўрсин;
(б) Тиббиёт факультетини ташкил этиш лойиҳасини, шу жумладан, лойиҳанинг техник-иқтисодий асоси, концепциясини ишлаб чиқиш учун экспертлар гуруҳини ташкил этсин. Бунда маҳаллий ва хорижий консалтинг компаниялари жалб этилишига рухсат берилади.
V. Қарор ижросини ташкил этиш, таъминлаш ва назорат қилиш
11. Белгилансинки, мазкур қарор ижроси учун талаб этиладиган маблағлар қуйидаги тартибда ажратилади, Тиббиёт факультетини ташкил этиш билан боғлиқ маблағлар бундан мустасно:
(а) жорий йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Мактабгача ва мактаб таълими вазирлигига ажратиладиган маблағлар доирасида;
(б) 2026 йилдан бошлаб ҳар йили Давлат бюджети параметрларида Мактабгача ва мактаб таълими вазирлиги учун республика бюджетидан ажратиладиган харажатлар маблағлар қисмида назарда тутиш орқали.
12. Мактабгача ва мактаб таълими вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисидаги таклифларни Вазирлар Маҳкамасига киритсин.
13. Ушбу қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 28 апрелдаги ПҚ-151-сон қарорига 1-ИЛОВА
«Янги Ўзбекистон» университети фаолиятини стратегик ривожлантириш кенгашининг
1. Х.У. Умарова — Ўзбекистон Республикаси мактабгача ва мактаб таълими вазири, Ривожлантириш кенгаши раиси 2. В.А. Ҳерман — «Янги Ўзбекистон» университети фахрий президенти, Ривожлантириш кенгаши раиси ўринбосари 3. К.А. Шарипов — Ўзбекистон Республикаси олий таълим, фан ва инновациялар вазири 4. Л.Ш. Кудратов — Ўзбекистон Республикаси инвестициялар, саноат ва савдо вазири 5. Ж.Т. Мирзамаҳмудов — Ўзбекистон Республикаси энергетика вазири 6. Қ.С. Санақулов — «Навоий кон-металлургия комбинати» АЖ бош директори 7. А.Х. Хурсанов — «Олмалиқ кон-металлургия комбинати» АЖ бош директори 8. О.Ш. Темиров — «Ўзкимёсаноат» АЖ бошқаруви раиси 9. Лавозими бўйича — «Янги Ўзбекистон» университети ректори, Ривожлантириш кенгаши котиби
Ўзбекистон Республикаси Президентининг 2025 йил 28 апрелдаги ПҚ-151-сон қарорига 2-ИЛОВА
«Янги Ўзбекистон» университети фаолиятини стратегик ривожлантириш бўйича
T/р Чора-тадбирлар номи Амалга ошириш ва натижаларга эришиш механизмлари Ижро муддати Молиялаштириш манбалари Масъул ижрочилар 1. «Янги Ўзбекистон» университети фаолиятини стратегик ривожлантириш кенгаши (кейинги ўринларда — Ривожлантириш кенгаши) фаолиятини ташкил этиш. 1. Ривожлантириш кенгаши низомини ишлаб чиқиш. 2. Ривожлантириш кенгаши низомини тасдиқлаш. 2025 йил декабрь - Мактабгача ва мактаб таълими вазирлиги (Умарова) 2. «Янги Ўзбекистон» университети (кейинги ўринларда — Университет) ҳузурида Илғор билим ва тажрибалар трансфери марказини (кейинги ўринларда — Марказ) ташкил этиш. 1. Марказ уставини ишлаб чиқиш ва тасдиқлаш. 2025 йил июнь Университет маблағлари Мактабгача ва мактаб таълими вазирлиги (Умарова), Адлия вазирлиги (Ташкулов) 2. Марказни белгиланган тартибда давлат рўйхатидан ўтказиш. 2025 йил июль 3. Марказ тузилмасини шакллантириш ва тасдиқлаш. 2025 йил август 4. Марказни катта тажрибага эга ва юқори салоҳиятли ходимлар билан тўлдириш. 2025 йил декабрь 3. Университетда Тиббиёт факультетини ташкил этиш ва унинг фаолиятини йўлга қўйиш. 1. Ҳамкор хорижий олий таълим муассасалари билан музокаралар ўтказиш. 2025 йил сентябрь Ихтисослаштирилган таълим муассасалари агентлиги ҳузуридаги Иқтидорли ёшларни қўллаб-қувватлаш жамғармаси ва давлат кафолати остида жалб қилинадиган қарз маблағлари Мактабгача ва мактаб таълими вазирлиги (Умарова) 2. Ҳамкор хорижий олий таълим муассасалари ва ташкилотлар билан Тиббиёт факультетини ташкил этиш юзасидан узоқ муддатли келишув имзолаш. 2025 йил октябрь 3. Махсус ишчи гуруҳ (маъмурий, ўқув, техник, қурилиш йўналишларида) тузиш ва таркибини тасдиқлаш. 2025 йил июль 4. Тиббиёт факультетини ташкил этиш лойиҳасининг техник-иқтисодий асосини ишлаб чиқиш. 5. Тиббиёт факультетининг ўқув биноси, клиникаси ва тадқиқот маркази қурилиши лойиҳасини ишлаб чиқиш ва белгиланган тартибда тасдиқлаш. 2025 — 2027 йиллар 4. Тиббиёт факультетида таълим жараёнини ташкил этиш. 1. Фанларнинг ўқув дастурини (силлабусни) яратиш. 2026 йил май Ихтисослаштирилган таълим муассасалари агентлиги ҳузуридаги Иқтидорли ёшларни қўллаб-қувватлаш жамғармаси ва давлат кафолати остида жалб қилинадиган қарз маблағлари Мактабгача ва мактаб таълими вазирлиги (Умарова) 2. Тиббиёт факультетига талабаларни қабул қилиш. 2026/2027 ўқув йилидан 3. Таълим дастурини нуфузли халқаро ташкилотларда аккредитациядан ўтказиш. 2034 йил сентябрь 5. Университетда техника ва тиббиёт соҳаларидаги илмий-тадқиқот лойиҳаларини грант асосида молиялаштиришнинг янги механизмини жорий этиш. 1. Илмий-тадқиқот лойиҳаларини молиялаштириш тартибини ишлаб чиқиш ва тасдиқлаш. 2025 йил июнь Университет қошидаги Илмий тадқиқот инфратузилмасини ривожлантириш жамғармаси Мактабгача ва мактаб таълими вазирлиги (Умарова) 2. Амалга ошириладиган илмий-тадқиқот лойиҳалари параметрларини тасдиқлаш. Ҳар йили май ойида 3. Дастлабки илмий-тадқиқот лойиҳаларини амалга ошириш учун Илмий тадқиқот инфратузилмасини ривожлантириш жамғармасига 20 млрд сўмгача маблағ ажратиш. 2025 йил август 4. Илмий-тадқиқот лойиҳаларини қўшма молиялаштириш механизмини амалга ошириш учун зарур маблағларни Давлат бюджети параметрларида назарда тутиш. Ҳар йили декабрь 5. Илмий-тадқиқот лойиҳалари мавзуларини шакллантириш ва тегишли тармоқ ташкилотлари билан келишиш. Доимий 6. Илмий унвонлар ва илмий даражалар берувчи илмий кенгашлар тузиш. 1. Юқори малакали маҳаллий ва хорижий профессор-ўқитувчилар ҳамда олимлар таркибини шакллантириш. 2025 йил июль - Мактабгача ва мактаб таълими вазирлиги (Умарова) 2. Илмий унвонлар ва илмий даражалар берувчи илмий кенгашлар таркибини тасдиқлаш. 2025 йил июль 3. Тегишли ихтисосликларда илмий унвон ва илмий даражаларни бериш, шунингдек, докторант ва мустақил изланувчиларга илмий раҳбарлик қилиш тартибини тасдиқлаш. 2025 йил август
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 28 апрель,
ПҚ-151-сон
OʻZBEKISTON RESPUBLIKASI PREZIDENTINING
QARORI
TARKIBI
“YOʻL XARITASI”
“Yangi Oʻzbekiston” universiteti faoliyatini yanada takomillashtirish chora-tadbirlari toʻgʻrisida
“Yangi Oʻzbekiston” universiteti faoliyatini takomillashtirish orqali sanoatning muhim tarmoqlarida ilgʻor ilmiy tadqiqotlar olib borish, ilmiy va innovatsion yondashuv asosida sanoat mahsulotlari eksporti va ishlab chiqarish samaradorligini oshirish jarayonlariga iqtidorli yoshlarni jalb qilish maqsadida qaror qilaman:
I. Asosiy maqsadlar
1. Ushbu qarorni qabul qilishdan koʻzlangan asosiy maqsadlar etib quyidagilar belgilansin:
(a) eng iqtidorli yoshlar va yuqori salohiyatli professor-oʻqituvchilarning ilmiy maktablarini shakllantirish;
(b) ilmiy va innovatsion yondashuv asosida sanoatda eksport hamda ishlab chiqarish samaradorligini oshirish, tannarxni pasaytirishga qaratilgan ilmiy loyihalarni amalga oshirish;
(v) dunyo miqyosidagi ilmiy laboratoriyalarni tashkil etish va zamonaviy asbob-uskunalar bilan taʼminlash;
(g) xalqaro standartlar va ilgʻor tajriba asosida tibbiyot sohasida taʼlim, amaliyot hamda ilmiy tadqiqot faoliyati uygʻunligini taʼminlash, soha uchun raqobatbardosh va yuqori malakali mutaxassislar tayyorlash.
II. “Yangi Oʻzbekiston” universiteti faoliyatini takomillashtirish
2. Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligining quyidagilarni nazarda tutuvchi takliflariga rozilik berilsin:
(a) “Yangi Oʻzbekiston” universitetining (keyingi oʻrinlarda — Universitet) zamonaviy ilmiy laboratoriya bazasini shakllantirish, uni ilgʻor texnologik asbob-uskunalar bilan jihozlash hamda muhandislik-texnik, sunʼiy intellekt, nanotexnologiyalar, “yashil” iqtisodiyot va tibbiyot sohalarini rivojlantirishga qaratilgan ilmiy tadqiqotlarni kengaytirish va ularning transferi boʻyicha samarali tizimni shakllantirish;
(b) barcha resurslar, shu jumladan, intellektual va moliyaviy imkoniyatlarni birlashtirish orqali ilgʻor tajriba asosida Universitetda mamlakat iqtisodiyoti va ijtimoiy hayotidagi ustuvor sohalarda yuksak bilimga ega kadrlar tayyorlash va yuqori samaradorlikka asoslangan ilmiy-tadqiqot ishlarini tashkil etish tizimini yoʻlga qoʻyish;
(v) aprobatsiya jarayonidan oʻtib, tatbiq etilgan zamonaviy taʼlim texnologiyalari va oliy taʼlim tashkilotini boshqarish tizimlarini respublikaning boshqa oliy taʼlim tashkilotlariga bosqichma-bosqich joriy etish maqsadida Universitet huzurida yuridik shaxs hisoblangan Ilgʻor bilim va tajribalar transferi markazini tashkil etish.
3. “Yangi Oʻzbekiston” universiteti faoliyatini strategik rivojlantirish kengashi (keyingi oʻrinlarda — Rivojlantirish kengashi) 1-ilovaga muvofiq tarkibda tashkil etilsin.
Belgilansinki, Universitetni rivojlantirishning strategik yoʻnalishlari va maqsadlarini belgilash, uning faoliyati xalqaro standartlarga mosligini taʼminlash Rivojlantirish kengashining asosiy vazifalari hisoblanadi.
4. Belgilab qoʻyilsinki:
(a) Universitetga quyidagi huquqlar beriladi:
(i) ilmiy unvonlar va ilmiy darajalar beruvchi ilmiy kengashlar tuzish, ularning tarkibini tasdiqlash;
(ii) tegishli ixtisosliklarda ilmiy unvon va ilmiy darajalarni berish, shuningdek, oliy taʼlimdan keyingi taʼlim institutida oʻqitish tartibini tasdiqlash;
(b) 2025/2026 oʻquv yilidan boshlab Universitetning magistratura mutaxassisliklari talabalariga Oʻzbekiston Respublikasi Vazirlar Mahkamasining 2022-yil 2-iyundagi 300-son qarori bilan taʼlimning bakalavriat bosqichiga joriy qilingan davlat grantini ajratish tartibi joriy etiladi;
(v) 2027-yil 1-dekabrga qadar Universitet uchun olib kelinadigan va muqobili Oʻzbekistonda ishlab chiqarilmaydigan qurilma, dasturiy va texnik vositalar, butlovchi qismlar bojxona toʻlovlaridan (qoʻshilgan qiymat soligʻi, aksiz soligʻi va bojxona rasmiylashtiruvi yigʻimlaridan tashqari) ozod etilsin.
5. “Yangi Oʻzbekiston” universiteti faoliyatini strategik rivojlantirish boʻyicha “yoʻl xaritasi” 2-ilovaga muvofiq tasdiqlansin.
III. Ilmiy-tadqiqot loyihalarini amalga oshirishning yangi mexanizmlarini joriy etish
6. Shunday tartib oʻrnatilsinki, unga koʻra Universitetda texnika va tibbiyot sohalaridagi ilmiy-tadqiqot loyihalarini grant asosida moliyalashtirishning yangi mexanizmi joriy etiladi. Bunda:
(a) ilmiy-tadqiqot loyihasini bir yillik moliyalashtirish qiymati bazaviy hisoblash miqdorining 2 500 barobaridan yuqori boʻlgan hollarda ushbu loyihani moliyalashtirish xalqaro eʼtirof etilgan tashkilotlar reytingida yuqori 30 talik roʻyxatga kirgan oliy taʼlim tashkilotidan jalb qilingan ekspertlar xulosasi asosida amalga oshiriladi;
(b) ilmiy-tadqiqot loyihalariga ajratilgan mablagʻlarning kamida 60 foizi ushbu loyiha doirasida foydalanish uchun tegishli asbob-uskuna xarid qilishga yoʻnaltiriladi, bundan bir yillik moliyalashtirish qiymati bazaviy hisoblash miqdorining 1 040 barobarigacha boʻlgan loyihalar mustasno;
(v) ilmiy-tadqiqot loyihasini bir yillik moliyalashtirish qiymati bazaviy hisoblash miqdorining 5 000 barobaridan yuqori boʻlgan hollarda ushbu loyiha rahbariga quyidagi majburiyatlar yuklanadi:
(i) ilmiy-tadqiqot loyihasi umumiy qiymatining kamida 20 foizini hamkorlikda moliyalashtirish maqsadida xorijiy va (yoki) mahalliy grantlarni jalb qilish;
(ii) ilmiy-tadqiqot loyihasini 3 nafar doktorant va 10 nafar magistrantni jalb qilgan holda amalga oshirish;
(iii) ilmiy-tadqiqot loyihasini amalga oshirishda kamida 10 nafardan iborat tadqiqotchilar guruhini tuzish hamda kamida Xirsh indeksi 20 dan yuqori boʻlgan 1 nafar chet ellik olimni jalb qilish;
(g) ilmiy-tadqiqot loyihalari qoʻshma moliyalashtirish mexanizmi orqali amalga oshiriladi. Bunda loyiha umumiy qiymatining 60 foizi Davlat budjeti, qolgan qismi esa boshqa manbalar hisobidan ajratiladi.
7. Ilmiy-tadqiqot loyihalarini moliyalashtirish maqsadida Universitetda yuridik shaxs boʻlmagan Ilmiy tadqiqot infratuzilmasini rivojlantirish jamgʻarmasi (keyingi oʻrinlarda — Jamgʻarma) tashkil etilsin va uning mablagʻlarini shakllantirish manbalari etib quyidagilar belgilansin:
(a) Davlat budjetidan belgilangan tartibda ajratiladigan mablagʻlar;
(b) Universitetda belgilangan tartibda tashkil etiladigan bir yillik magistratura mutaxassisliklarida toʻlov-kontrakt asosida oʻqitishdan tushadigan mablagʻlarning 50 foizi. Bunda ushbu magistratura mutaxassisliklari Universitet kuzatuv kengashining qarorlariga muvofiq belgilanadi;
(v) xalqaro moliya tashkilotlarining grantlari, sanoat tarmoqlari va boshqa tashkilotlardan jalb qilingan mablagʻlar;
(g) jismoniy va yuridik shaxslarning homiylik xayriyalari;
(d) qonunchilik hujjatlari bilan taqiqlanmagan boshqa manbalar.
Bunda joriy yil uchun, istisno tariqasida, dastlabki loyihalarni amalga oshirishni jadallashtirish maqsadida Maktabgacha va maktab taʼlimi vazirligiga ajratilgan mablagʻlar doirasida Jamgʻarmaga 20 mlrd soʻmgacha mablagʻ ajratiladi.
IV. Tibbiyot fakultetini tashkil etish
8. Maktabgacha va maktab taʼlimi vazirligi, Oliy taʼlim, fan va innovatsiyalar vazirligi, Sogʻliqni saqlash vazirligi, Iqtisodiyot va moliya vazirligining chet ellik mutaxassislarni jalb etgan holda Yevropa standartlari asosida Universitetda Germaniya Federativ Respublikasining oliy taʼlim tashkilotlari bilan hamkorlikda tibbiyot fakultetini (keyingi oʻrinlarda — Tibbiyot fakulteti) tashkil etish toʻgʻrisidagi taklifiga rozilik berilsin. Bunda:
(a) Tibbiyot fakultetini tashkil etishda Germaniya Federativ Respublikasining ilgʻor oliy taʼlim tashkiloti strategik hamkor sifatida jalb qilinadi;
(b) Tibbiyot fakulteti taʼlim — amaliyot — ilm-fan uygʻunligida tashkil etiladi hamda oʻz klinikasi va tadqiqot markaziga ega boʻladi;
(v) Tibbiyot fakultetini tashkil etish xalqaro moliya institutlari va xorijiy hukumat moliya tashkilotlaridan davlat kafolati ostida jalb qilinadigan qarz hisobidan amalga oshiriladi;
(g) davlat kafolati ostida xalqaro moliya institutlari va xorijiy hukumat moliya tashkilotlaridan mablagʻlar jalb qilinguniga qadar Tibbiyot fakultetini tashkil etish loyihasining texnik-iqtisodiy asosini ishlab chiqish, Tibbiyot fakultetining oʻquv binosi, klinikasi va tadqiqot markazi qurilishini loyihalash ishlari Ixtisoslashtirilgan taʼlim muassasalari agentligi huzuridagi Iqtidorli yoshlarni qoʻllab-quvvatlash jamgʻarmasi hisobidan amalga oshiriladi.
9. Investitsiyalar, sanoat va savdo vazirligi:
(a) Tibbiyot fakultetini tashkil etish loyihasini 2026-yilgi davlat tashqi qarzi hisobidan moliyalashtiriladigan loyihalar roʻyxatiga kiritsin;
(b) Maktabgacha va maktab taʼlimi vazirligi hamda Sogʻliqni saqlash vazirligi bilan birgalikda Tibbiyot fakultetini tashkil etish uchun qarz mablagʻlarini jalb etish choralarini koʻrsin.
10. Maktabgacha va maktab taʼlimi vazirligi ikki oy muddatda:
(a) hamkor xorijiy oliy taʼlim tashkilotlari bilan muzokaralar oʻtkazib, Tibbiyot fakultetini tashkil etish yuzasidan uzoq muddatli kelishuvga erishish choralarini koʻrsin;
(b) Tibbiyot fakultetini tashkil etish loyihasini, shu jumladan, loyihaning texnik-iqtisodiy asosi, konsepsiyasini ishlab chiqish uchun ekspertlar guruhini tashkil etsin. Bunda mahalliy va xorijiy konsalting kompaniyalari jalb etilishiga ruxsat beriladi.
V. Qaror ijrosini tashkil etish, taʼminlash va nazorat qilish
11. Belgilansinki, mazkur qaror ijrosi uchun talab etiladigan mablagʻlar quyidagi tartibda ajratiladi, Tibbiyot fakultetini tashkil etish bilan bogʻliq mablagʻlar bundan mustasno:
(a) joriy yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Maktabgacha va maktab taʼlimi vazirligiga ajratiladigan mablagʻlar doirasida;
(b) 2026-yildan boshlab har yili Davlat budjeti parametrlarida Maktabgacha va maktab taʼlimi vazirligi uchun respublika budjetidan ajratiladigan xarajatlar mablagʻlar qismida nazarda tutish orqali.
12. Maktabgacha va maktab taʼlimi vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisidagi takliflarni Vazirlar Mahkamasiga kiritsin.
13. Ushbu qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 28-apreldagi PQ-151-son qaroriga 1-ILOVA
“Yangi Oʻzbekiston” universiteti faoliyatini strategik rivojlantirish kengashining
1. X.U. Umarova — Oʻzbekiston Respublikasi maktabgacha va maktab taʼlimi vaziri, Rivojlantirish kengashi raisi 2. V.A. Herman — “Yangi Oʻzbekiston” universiteti faxriy prezidenti, Rivojlantirish kengashi raisi oʻrinbosari 3. K.A. Sharipov — Oʻzbekiston Respublikasi oliy taʼlim, fan va innovatsiyalar vaziri 4. L.Sh. Kudratov — Oʻzbekiston Respublikasi investitsiyalar, sanoat va savdo vaziri 5. J.T. Mirzamahmudov — Oʻzbekiston Respublikasi energetika vaziri 6. Q.S. Sanaqulov — “Navoiy kon-metallurgiya kombinati” AJ bosh direktori 7. A.X. Xursanov — “Olmaliq kon-metallurgiya kombinati” AJ bosh direktori 8. O.Sh. Temirov — “Oʻzkimyosanoat” AJ boshqaruvi raisi 9. Lavozimi boʻyicha — “Yangi Oʻzbekiston” universiteti rektori, Rivojlantirish kengashi kotibi
Oʻzbekiston Respublikasi Prezidentining 2025-yil 28-apreldagi PQ-151-son qaroriga 2-ILOVA
“Yangi Oʻzbekiston” universiteti faoliyatini strategik rivojlantirish boʻyicha
T/r Chora-tadbirlar nomi Amalga oshirish va natijalarga erishish mexanizmlari Ijro muddati Moliyalashtirish manbalari Masʼul ijrochilar 1. “Yangi Oʻzbekiston” universiteti faoliyatini strategik rivojlantirish kengashi (keyingi oʻrinlarda — Rivojlantirish kengashi) faoliyatini tashkil etish. 1. Rivojlantirish kengashi nizomini ishlab chiqish. 2. Rivojlantirish kengashi nizomini tasdiqlash. 2025-yil dekabr - Maktabgacha va maktab taʼlimi vazirligi (Umarova) 2. “Yangi Oʻzbekiston” universiteti (keyingi oʻrinlarda — Universitet) huzurida Ilgʻor bilim va tajribalar transferi markazini (keyingi oʻrinlarda — Markaz) tashkil etish. 1. Markaz ustavini ishlab chiqish va tasdiqlash. 2025-yil iyun Universitet mablagʻlari Maktabgacha va maktab taʼlimi vazirligi (Umarova), Adliya vazirligi (Tashkulov) 2. Markazni belgilangan tartibda davlat roʻyxatidan oʻtkazish. 2025-yil iyul 3. Markaz tuzilmasini shakllantirish va tasdiqlash. 2025-yil avgust 4. Markazni katta tajribaga ega va yuqori salohiyatli xodimlar bilan toʻldirish. 2025-yil dekabr 3. Universitetda Tibbiyot fakultetini tashkil etish va uning faoliyatini yoʻlga qoʻyish. 1. Hamkor xorijiy oliy taʼlim muassasalari bilan muzokaralar oʻtkazish. 2025-yil sentabr Ixtisoslashtirilgan taʼlim muassasalari agentligi huzuridagi Iqtidorli yoshlarni qoʻllab-quvvatlash jamgʻarmasi va davlat kafolati ostida jalb qilinadigan qarz mablagʻlari Maktabgacha va maktab taʼlimi vazirligi (Umarova) 2. Hamkor xorijiy oliy taʼlim muassasalari va tashkilotlar bilan Tibbiyot fakultetini tashkil etish yuzasidan uzoq muddatli kelishuv imzolash. 2025-yil oktabr 3. Maxsus ishchi guruh (maʼmuriy, oʻquv, texnik, qurilish yoʻnalishlarida) tuzish va tarkibini tasdiqlash. 2025-yil iyul 4. Tibbiyot fakultetini tashkil etish loyihasining texnik-iqtisodiy asosini ishlab chiqish. 5. Tibbiyot fakultetining oʻquv binosi, klinikasi va tadqiqot markazi qurilishi loyihasini ishlab chiqish va belgilangan tartibda tasdiqlash. 2025 — 2027-yillar 4. Tibbiyot fakultetida taʼlim jarayonini tashkil etish. 1. Fanlarning oʻquv dasturini (sillabusni) yaratish. 2026-yil may Ixtisoslashtirilgan taʼlim muassasalari agentligi huzuridagi Iqtidorli yoshlarni qoʻllab-quvvatlash jamgʻarmasi va davlat kafolati ostida jalb qilinadigan qarz mablagʻlari Maktabgacha va maktab taʼlimi vazirligi (Umarova) 2. Tibbiyot fakultetiga talabalarni qabul qilish. 2026/2027 oʻquv yilidan 3. Taʼlim dasturini nufuzli xalqaro tashkilotlarda akkreditatsiyadan oʻtkazish. 2034-yil sentabr 5. Universitetda texnika va tibbiyot sohalaridagi ilmiy-tadqiqot loyihalarini grant asosida moliyalashtirishning yangi mexanizmini joriy etish. 1. Ilmiy-tadqiqot loyihalarini moliyalashtirish tartibini ishlab chiqish va tasdiqlash. 2025-yil iyun Universitet qoshidagi Ilmiy tadqiqot infratuzilmasini rivojlantirish jamgʻarmasi Maktabgacha va maktab taʼlimi vazirligi (Umarova) 2. Amalga oshiriladigan ilmiy-tadqiqot loyihalari parametrlarini tasdiqlash. Har yili may oyida 3. Dastlabki ilmiy-tadqiqot loyihalarini amalga oshirish uchun Ilmiy tadqiqot infratuzilmasini rivojlantirish jamgʻarmasiga 20 mlrd soʻmgacha mablagʻ ajratish. 2025-yil avgust 4. Ilmiy-tadqiqot loyihalarini qoʻshma moliyalashtirish mexanizmini amalga oshirish uchun zarur mablagʻlarni Davlat budjeti parametrlarida nazarda tutish. Har yili dekabr 5. Ilmiy-tadqiqot loyihalari mavzularini shakllantirish va tegishli tarmoq tashkilotlari bilan kelishish. Doimiy 6. Ilmiy unvonlar va ilmiy darajalar beruvchi ilmiy kengashlar tuzish. 1. Yuqori malakali mahalliy va xorijiy professor-oʻqituvchilar hamda olimlar tarkibini shakllantirish. 2025-yil iyul - Maktabgacha va maktab taʼlimi vazirligi (Umarova) 2. Ilmiy unvonlar va ilmiy darajalar beruvchi ilmiy kengashlar tarkibini tasdiqlash. 2025-yil iyul 3. Tegishli ixtisosliklarda ilmiy unvon va ilmiy darajalarni berish, shuningdek, doktorant va mustaqil izlanuvchilarga ilmiy rahbarlik qilish tartibini tasdiqlash. 2025-yil avgust
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 28-aprel,
PQ-151-son
ПРЕЗИДЕНТА РЕСПУБЛИКИ УЗБЕКИСТАН
ПОСТАНОВЛЕНИЕ
О мерах по дальнейшему совершенствованию деятельности Университета «Новый Узбекистан»
В целях привлечения одаренной молодежи к процессам проведения передовых научных исследований в ключевых отраслях промышленности, повышения эффективности экспорта и производства промышленной продукции на основе научного и инновационного подхода путем совершенствования деятельности Университета «Новый Узбекистан» постановляю:
I. Основные цели
1. Определить основными целями принятия настоящего постановления:
(а) формирование научных школ талантливой молодежи и профессоров-преподавателей с высоким потенциалом;
(б) реализацию научных проектов, направленных на повышение эффективности экспорта и производства в промышленности, снижение себестоимости на основе научного и инновационного подхода;
(в) создание научных лабораторий мирового уровня и оснащение их современным оборудованием;
(г) обеспечение взаимосвязи образования, практики и научно-исследовательской деятельности в области медицины на основе международных стандартов и передового опыта, подготовку конкурентоспособных и высококвалифицированных специалистов для отрасли.
II. Совершенствование деятельности Университета «Новый Узбекистан»
2. Согласиться с предложениями Министерства дошкольного и школьного образования и Министерства высшего образования, науки и инноваций, предусматривающими:
(а) формирование современной научно-лабораторной базы Университета «Новый Узбекистан» (далее — Университет), оснащение ее передовым технологическим оборудованием, расширение научных исследований, направленных на развитие инженерно-технических направлений, искусственного интеллекта, нанотехнологий, «зеленой» экономики и медицины, а также создание эффективной системы их трансфера;
(б) налаживание в Университете системы подготовки кадров с прочными знаниями в приоритетных отраслях экономики и социальной жизни страны и организации научно-исследовательской деятельности, ориентированной на высокую эффективность, на основе передового опыта путем объединения всех ресурсов, включая интеллектуальные и финансовые возможности;
(в) создание при Университете Центра трансфера передовых знаний и опыта со статусом юридического лица с целью поэтапного внедрения в другие высшие образовательные организации республики современных образовательных технологий и систем управления высшими образовательными организациями, прошедших процесс апробации и успешно внедренных.
3. Создать Совет стратегического развития деятельности Университета «Новый Узбекистан» (далее — Совет развития) в составе согласно приложению № 1 * .
Установить, что основными задачами Совета развития являются определение стратегических направлений и целей развития Университета, а также обеспечение соответствия его деятельности международным стандартам.
4. Определить, что:
(а) Университету предоставляются следующие права:
(i) создание научных советов по присуждению ученых званий и ученых степеней, и утверждение их составов;
(ii) присуждение ученых званий и ученых степеней по соответствующим специальностям, а также утверждение порядка преподавания в Институте дополнительного образования;
(б) начиная с 2025/2026 учебного года для студентов специальностей магистратуры Университета вводится порядок выделения государственных грантов, установленный постановлением Кабинета Министров Республики Узбекистан от 2 июня 2022 года № 300 для этапа образования бакалавриат;
(в) до 1 декабря 2027 года освободить от уплаты таможенных платежей (за исключением налога на добавленную стоимость, акцизного налога и сборов за таможенное оформление) ввозимые для Университета оборудование, программные и технические средства, а также комплектующие, аналоги которых не производятся в Узбекистане.
5. Утвердить «Дорожную карту» стратегического развития деятельности Университета «Новый Узбекистан» согласно приложению № 2 * .
III. Внедрение новых механизмов реализации научно-исследовательских проектов
6. Установить порядок, в соответствии с которым в Университете внедряется новый механизм финансирования на грантовой основе научно-исследовательских проектов в области техники и медицины. При этом:
(а) если годовая сумма финансирования научно-исследовательского проекта превышает 2 500-кратный размер базовой расчетной величины, финансирование такого проекта осуществляется на основании экспертного заключения, полученного от организации высшего образования, входящей в топ-30 рейтинга международно-признанных организаций;
(б) не менее 60 процентов средств, выделенных для научно-исследовательских проектов, направляется на приобретение соответствующего оборудования для использования в рамках данного проекта, за исключением проектов, годовая сумма финансирования которых не превышает 1 040-кратного размера базовой расчетной величины;
(в) если годовая сумма финансирования научно-исследовательского проекта превышает 5 000-кратный размер базовой расчетной величины, на руководителя проекта возлагаются следующие обязанности:
(i) привлечение иностранных и (или) отечественных грантов в целях совместного финансирования не менее 20 процентов общей стоимости научно-исследовательского проекта;
(ii) реализация научно-исследовательского проекта с привлечением 3 докторантов и 10 магистрантов;
(iii) формирование при реализации научно-исследовательского проекта группы исследователей из числа не менее 10 человек, а также привлечение как минимум одного иностранного ученого с индексом Хирша выше 20;
(г) научно-исследовательские проекты реализуются на основе механизма совместного финансирования. При этом 60 процентов от общей стоимости проекта покрывается за счет Государственного бюджета, а остальная часть — за счет иных источников.
7. В целях финансирования научно-исследовательских проектов создать в Университете Фонд развития научно-исследовательской инфраструктуры (далее — Фонд) без статуса юридического лица и определить источниками формирования его средств:
(а) средства, выделяемые из Государственного бюджета в установленном порядке;
(б) 50 процентов средств, поступающих от обучения на основе платного контракта по одногодичным специальностям магистратуры, организуемым в установленном порядке в Университете. При этом указанные специальности магистратуры определяются на основании решений Наблюдательного совета Университета;
(в) гранты международных финансовых организаций, средства, привлеченные из промышленных отраслей и других организаций;
(г) благотворительные пожертвования физических и юридических лиц;
(д) иные источники, не запрещенные актами законодательства.
При этом в текущем году в порядке исключения с целью ускорения реализации первых проектов Фонду в рамках средств, выделенных Министерству дошкольного и школьного образования, будет направлено до 20 миллиардов сумов.
IV. Создание медицинского факультета
8. Согласиться с предложением Министерства дошкольного и школьного образования, Министерства высшего образования, науки и инноваций, Министерства здравоохранения, Министерства экономики и финансов о создании медицинского факультета в Университете (далее — Медицинский факультет) в сотрудничестве с высшими образовательными организациями Федеративной Республики Германия на основе европейских стандартов с привлечением зарубежных специалистов. При этом:
(а) в качестве стратегического партнера при создании Медицинского факультета привлекается ведущая высшая образовательная организация Федеративной Республики Германия;
(б) Медицинский факультет будет создан на основе интеграции «образование — практика — наука» и будет обладать собственной клиникой и научно-исследовательским центром;
(в) создание Медицинского факультета будет осуществляться за счет заемных средств, привлекаемых под государственную гарантию от международных финансовых институтов и зарубежных правительственных финансовых организаций;
(г) до привлечения средств от международных финансовых институтов и зарубежных правительственных финансовых организаций под государственную гарантию работы по разработке технико-экономического обоснования проекта создания Медицинского факультета, проектированию учебного корпуса, клиники и исследовательского центра Медицинского факультета осуществляются за счет Фонда поддержки одаренной молодежи при Агентстве специализированных образовательных учреждений.
9. Министерству инвестиций, промышленности и торговли:
(а) включить проект создания Медицинского факультета в перечень проектов, подлежащих финансированию за счет государственного внешнего долга в 2026 году;
(б) совместно с Министерством дошкольного и школьного образования и Министерством здравоохранения принять меры по привлечению заемных средств для создания Медицинского факультета.
10. Министерству дошкольного и школьного образования в двухмесячный срок:
(а) провести переговоры с партнерскими зарубежными высшими образовательными организациями и принять меры по достижению долгосрочного соглашения о создании Медицинского факультета;
(б) сформировать экспертную группу для разработки проекта создания Медицинского факультета, в том числе технико-экономического обоснования и концепции проекта. При этом разрешается привлечение отечественных и зарубежных консалтинговых компаний.
V. Организация, обеспечение и контроль исполнения постановления
11. Установить, что средства, необходимые для исполнения настоящего постановления, за исключением средств, связанных с созданием Медицинского факультета, выделяются в следующем порядке:
(а) в текущем году — в пределах средств, выделяемых Министерству дошкольного и школьного образования из республиканского бюджета Республики Узбекистан в качестве распределителя бюджетных средств первого уровня;
(б) начиная с 2026 года — посредством ежегодного предусмотрения в параметрах Государственного бюджета в части расходов, выделяемых из республиканского бюджета для Министерства дошкольного и школьного образования.
12. Министерству дошкольного и школьного образования совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
13. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
28 апреля 2025 г.,
№ ПП-151