UzbekAI

Ўзбекистон Республикаси Вазирлар Маҳкамасининг

қарори

Эндокринология ҳамда болалар онкологияси, гематологияси ва иммунологияси соҳасидаги илм-фанни ривожлантириш чора-тадбирлари белгилангани муносабати билан Вазирлар Маҳкамасининг «Давлат илмий ташкилотларини Ўзбекистон Республикаси Давлат бюджети маблағлари ҳисобидан базавий молиялаштиришга ўтказиш тўғрисида» 2021 йил 26 майдаги 326-сон қарорига ўзгартириш ва қўшимчалар киритиш ҳақида

Ўзбекистон Республикаси Президентининг « Эндокринология хизматини такомиллаштириш ва кўламини кенгайтириш чора-тадбирлари тўғрисида » 2022 йил 26 январдаги ПҚ-102-сон ҳамда « Онкологик, гематологик ва иммунологик касалликларга чалинган болаларга тиббий ёрдам кўрсатишни янада такомиллаштириш чора-тадбирлари тўғрисида » 2024 йил 21 майдаги ПҚ-183-сон қарорларига мувофиқ эндокринология соҳасида илмий лабораторияларни ташкил этиш ҳамда онкология, гематология ва иммунология йўналишларида илмий тадқиқотлар ўтказиш мақсадида Вазирлар Маҳкамаси қарор қилади:

1. Қуйидагилар:

Ўзбекистон Республикаси Президентининг «Эндокринология хизматини такомиллаштириш ва кўламини кенгайтириш чора-тадбирлари тўғрисида» 2022 йил 26 январдаги ПҚ-102-сон қарорига мувофиқ Республика ихтисослаштирилган эндокринология илмий-амалий тиббиёт маркази базасида эндокрин касалликлар эпидемиологияси, тиреоидология ва йод танқислиги, репродуктив эндокринология, нейроэндокринология каби муҳим йўналишлар бўйича уйғунлашган илмий лабораторияларни ташкил этиш белгилангани;

Ўзбекистон Республикаси Президентининг «Онкологик, гематологик ва иммунологик касалликларга чалинган болаларга тиббий ёрдам кўрсатишни янада такомиллаштириш чора-тадбирлари тўғрисида» 2024 йил 21 майдаги ПҚ-183-сон қарорида онкологик, гематологик ва иммунологик касалликларнинг олдини олиш, уларни диагностика қилиш ва даволашнинг устувор йўналишларида илмий тадқиқотлар ўтказиш назарда тутилгани маълумот учун қабул қилинсин.

2. Белгилансинки, Ё.Х. Туракулов номидаги Республика ихтисослаштирилган эндокринология илмий-амалий тиббиёт марказининг ҳамда Болалар онкологияси, гематологияси ва иммунологияси илмий-амалий тиббиёт марказининг илмий-тадқиқот ишлари билан шуғулланадиган тузилмаларини Давлат бюджети маблағлари ҳисобидан сақлаш харажатлари 2025 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Соғлиқни сақлаш вазирлигига ажратилган маблағлар доирасида амалга оширилади, 2026 йилдан бошлаб эса Давлат бюджети параметрларида назарда тутилади.

3. Ўзбекистон Республикаси Вазирлар Маҳкамасининг «Давлат илмий ташкилотларини Ўзбекистон Республикаси Давлат бюджети маблағлари ҳисобидан базавий молиялаштиришга ўтказиш тўғрисида» 2021 йил 26 майдаги 326-сон қарорига иловага мувофиқ ўзгартириш ва қўшимчалар киритилсин.

4. Ушбу қарорнинг бажарилишини назорат қилиш Ўзбекистон Республикаси соғлиқни сақлаш вазири А.А. Худаяров зиммасига юклансин.

Вазирлар Маҳкамасининг 2025 йил 29 апрелдаги 280-сон қарорига ИЛОВА

Вазирлар Маҳкамасининг «Давлат илмий ташкилотларини Ўзбекистон Республикаси Давлат бюджети маблағлари ҳисобидан базавий молиялаштиришга ўтказиш тўғрисида» 2021 йил 26 майдаги 326-сон қарорига киритилаётган ўзгартириш ва қўшимчалар

1. 1-илованинг «I. Соғлиқни сақлаш вазирлиги» бўлими қуйидаги мазмундаги 24-позиция билан тўлдирилсин:

« 24. Болалар онкологияси, гематологияси ва иммунологияси илмий-амалий тиббиёт маркази ».

2. 2-иловада :

а) «I. Соғлиқни сақлаш вазирлиги бўйича» бўлимида:

14-позиция қуйидаги таҳрирда баён этилсин:

« 14. Ё.Х. Туракулов номидаги Республика ихтисослаштирилган эндокринология илмий-амалий тиббиёт маркази Директор 1 Илмий ишлар бўйича директор ўринбосари 1 Илмий котиб 1 Лаборатория мудирлари 5 Лаборантлар 5 Жами 13 »;

қуйидаги мазмундаги 21 3 -позиция билан тўлдирилсин:

« 21 3 . Болалар онкологияси, гематологияси ва иммунологияси илмий-амалий тиббиёт маркази Директор 1 Илмий ишлар бўйича директор ўринбосари 1 Илмий котиб 1 Бўлим мудирлари 6 Лаборатория мудирлари 2 Лаборантлар 2 Жами 13 »;

«Жами» позициясининг «Штат бирлиги сони» устунидаги «277» рақами «298» рақами билан алмаштирилсин;

б) «Жами ташкилотлар бўйича» позициясининг «Штат бирлиги сони» устунидаги «340» рақами «361» рақами билан алмаштирилсин.

Ўзбекистон Республикасининг Бош вазири А. АРИПОВ

Тошкент ш.,

2025 йил 29 апрель,

280-сон

(Қонунчилик маълумотлари миллий базаси, 30.04.2025 й., 09/25/280/0396-сон)

lex.uz

Oʻzbekiston Respublikasi Vazirlar Mahkamasining

qarori

Endokrinologiya hamda bolalar onkologiyasi, gematologiyasi va immunologiyasi sohasidagi ilm-fanni rivojlantirish chora-tadbirlari belgilangani munosabati bilan Vazirlar Mahkamasining “Davlat ilmiy tashkilotlarini Oʻzbekiston Respublikasi Davlat budjeti mablagʻlari hisobidan bazaviy moliyalashtirishga oʻtkazish toʻgʻrisida” 2021-yil 26-maydagi 326-son qaroriga oʻzgartirish va qoʻshimchalar kiritish haqida

Oʻzbekiston Respublikasi Prezidentining “ Endokrinologiya xizmatini takomillashtirish va koʻlamini kengaytirish chora-tadbirlari toʻgʻrisida ” 2022-yil 26-yanvardagi PQ-102-son hamda “ Onkologik, gematologik va immunologik kasalliklarga chalingan bolalarga tibbiy yordam koʻrsatishni yanada takomillashtirish chora-tadbirlari toʻgʻrisida ” 2024-yil 21-maydagi PQ-183-son qarorlariga muvofiq endokrinologiya sohasida ilmiy laboratoriyalarni tashkil etish hamda onkologiya, gematologiya va immunologiya yoʻnalishlarida ilmiy tadqiqotlar oʻtkazish maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Prezidentining “Endokrinologiya xizmatini takomillashtirish va koʻlamini kengaytirish chora-tadbirlari toʻgʻrisida” 2022-yil 26-yanvardagi PQ-102-son qaroriga muvofiq Respublika ixtisoslashtirilgan endokrinologiya ilmiy-amaliy tibbiyot markazi bazasida endokrin kasalliklar epidemiologiyasi, tireoidologiya va yod tanqisligi, reproduktiv endokrinologiya, neyroendokrinologiya kabi muhim yoʻnalishlar boʻyicha uygʻunlashgan ilmiy laboratoriyalarni tashkil etish belgilangani;

Oʻzbekiston Respublikasi Prezidentining “Onkologik, gematologik va immunologik kasalliklarga chalingan bolalarga tibbiy yordam koʻrsatishni yanada takomillashtirish chora-tadbirlari toʻgʻrisida” 2024-yil 21-maydagi PQ-183-son qarorida onkologik, gematologik va immunologik kasalliklarning oldini olish, ularni diagnostika qilish va davolashning ustuvor yoʻnalishlarida ilmiy tadqiqotlar oʻtkazish nazarda tutilgani maʼlumot uchun qabul qilinsin.

2. Belgilansinki, Yo.X. Turakulov nomidagi Respublika ixtisoslashtirilgan endokrinologiya ilmiy-amaliy tibbiyot markazining hamda Bolalar onkologiyasi, gematologiyasi va immunologiyasi ilmiy-amaliy tibbiyot markazining ilmiy-tadqiqot ishlari bilan shugʻullanadigan tuzilmalarini Davlat budjeti mablagʻlari hisobidan saqlash xarajatlari 2025-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Sogʻliqni saqlash vazirligiga ajratilgan mablagʻlar doirasida amalga oshiriladi, 2026-yildan boshlab esa Davlat budjeti parametrlarida nazarda tutiladi.

3. Oʻzbekiston Respublikasi Vazirlar Mahkamasining “Davlat ilmiy tashkilotlarini Oʻzbekiston Respublikasi Davlat budjeti mablagʻlari hisobidan bazaviy moliyalashtirishga oʻtkazish toʻgʻrisida” 2021-yil 26-maydagi 326-son qaroriga ilovaga muvofiq oʻzgartirish va qoʻshimchalar kiritilsin.

4. Ushbu qarorning bajarilishini nazorat qilish Oʻzbekiston Respublikasi sogʻliqni saqlash vaziri A.A. Xudayarov zimmasiga yuklansin.

Vazirlar Mahkamasining 2025-yil 29-apreldagi 280-son qaroriga ILOVA

Vazirlar Mahkamasining “Davlat ilmiy tashkilotlarini Oʻzbekiston Respublikasi Davlat budjeti mablagʻlari hisobidan bazaviy moliyalashtirishga oʻtkazish toʻgʻrisida” 2021-yil 26-maydagi 326-son qaroriga kiritilayotgan oʻzgartirish va qoʻshimchalar

1. 1-ilovaning “I. Sogʻliqni saqlash vazirligi” boʻlimi quyidagi mazmundagi 24-pozitsiya bilan toʻldirilsin:

“ 24. Bolalar onkologiyasi, gematologiyasi va immunologiyasi ilmiy-amaliy tibbiyot markazi ”.

2. 2-ilovada :

a) “I. Sogʻliqni saqlash vazirligi boʻyicha” boʻlimida:

14-pozitsiya quyidagi tahrirda bayon etilsin:

“ 14. Yo.X. Turakulov nomidagi Respublika ixtisoslashtirilgan endokrinologiya ilmiy-amaliy tibbiyot markazi Direktor 1 Ilmiy ishlar boʻyicha direktor oʻrinbosari 1 Ilmiy kotib 1 Laboratoriya mudirlari 5 Laborantlar 5 Jami 13 ”;

quyidagi mazmundagi 21 3 -pozitsiya bilan toʻldirilsin:

“ 21 3 . Bolalar onkologiyasi, gematologiyasi va immunologiyasi ilmiy-amaliy tibbiyot markazi Direktor 1 Ilmiy ishlar boʻyicha direktor oʻrinbosari 1 Ilmiy kotib 1 Boʻlim mudirlari 6 Laboratoriya mudirlari 2 Laborantlar 2 Jami 13 ”;

“Jami” pozitsiyasining “Shtat birligi soni” ustunidagi “277” raqami “298” raqami bilan almashtirilsin;

b) “Jami tashkilotlar boʻyicha” pozitsiyasining “Shtat birligi soni” ustunidagi “340” raqami “361” raqami bilan almashtirilsin.

Oʻzbekiston Respublikasining Bosh vaziri A. ARIPOV

Toshkent sh.,

2025-yil 29-aprel,

280-son

(Qonunchilik maʼlumotlari milliy bazasi, 30.04.2025-y., 09/25/280/0396-son)

lex.uz