📅 2025-yil 30-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 30 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 апреля 2025 г. · Постановления Президента
Официальный текст. Официальный документ. Редакционные примечания не включены.
📅 30 April 2025 · Presidential resolutions
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ПРЕЗИДЕНТИНИНГ
ҚАРОРИ
РЎЙХАТИ
Ал-Хоразмий университетини ташкил этиш ҳамда ахборот технологиялари соҳасида кадрлар тайёрлаш тизимини янада такомиллаштириш чора-тадбирлари тўғрисида
Мамлакатимизда муҳандислик, ахборот технологиялари, сунъий интеллект соҳаларида илғор техник ечимларни ишлаб чиқиш ва жорий этиш кўникмаларига эга, иқтисодиёт ва жамиятнинг рақамли трансформациясига кўмаклаша оладиган, инновацион маҳсулот ва хизматлар ярата оладиган юқори малакали кадрлар тайёрлаш, бу борада мактаб, олий таълим ва олий таълимдан кейинги таълимнинг узвийлиги ва ўзаро интеграциясини таъминлаш мақсадида қарор қиламан:
I. Ал-Хоразмий университетини ташкил этиш
1. Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги (кейинги ўринларда — Агентлик) тизимида муҳандислик ва IT соҳасида кадрлар тайёрлашга ихтисослашган давлат олий таълим муассасаси шаклида Ал-Хоразмий университети (кейинги ўринларда — Университет) ташкил этилсин.
2. Қуйидагилар Университетнинг асосий фаолият йўналишлари этиб белгилансин:
(а) математика, аэрокосмик технологиялар, муҳандислик, IT ва сунъий интеллект соҳалари учун замонавий билим ва малакага эга олий маълумотли кадрлар тайёрлаш;
(б) ўқув-тарбия жараёнини илғор педагогик ва замонавий ахборот технологияларини қўллаган ҳолда жаҳоннинг етакчи университетларида жорий этилган таълим технологиялари ва усуллари асосида ташкил этиш;
(в) талабаларнинг интеллектуал қобилиятини ривожлантириш, билимини амалий тажрибалар орқали мустаҳкамлаш, ўқув материалларини самарали ва пухта ўзлаштиришга хизмат қиладиган ҳар томонлама қулай таълим муҳитини шакллантириш;
(г) ижтимоий-иқтисодий соҳалардаги мавжуд эҳтиёжлардан келиб чиқиб, илмий-тадқиқот ишларини олиб бориш, шунингдек, чет эллардаги нуфузли, тан олинган илмий марказлар билан яқиндан ҳамкорлик қилиш, талабаларни илмий ва инновацион фаолиятга кенг жалб этиш;
(д) таълим, илм-фан ва ишлаб чиқариш жараёнлари интеграцияси асосида янги авлод мутахассисларини тайёрлаш ҳамда илмий янгиликларни амалиётга жорий этишга хизмат қиладиган инновацион экотизимни шакллантириш.
3. Белгилансинки:
(а) Университетда таълим жараёни 2025/2026 ўқув йилидан бошлаб ташкил этилади ҳамда талабаларни ўқитиш давлат ва инглиз тилларида кредит-модуль тизими асосида олиб борилади;
(б) Университетда таълим жараёни Бирлашган Араб Амирликлари, Хитой Халқ Республикаси, Буюк Британия каби давлатларнинг нуфузли олий таълим ташкилотлари билан ҳамкорликда ташкил этилади;
(в) В.И. Романовский номидаги Математика институтининг Урганч филиали фаолияти Университет биносида ташкил этилади ҳамда ҳар бир илмий ходимга талаба бириктириш амалиёти йўлга қўйилади;
(г) Университетда таълим жараёни давлат гранти ва тўлов-контракт асосида амалга оширилади;
(д) Университет фаолиятини стратегик ривожлантириш мактабгача ва мактаб таълими вазири раислигидаги Кузатув кенгаши томонидан амалга оширилади. Бунда Кузатув кенгаши таркиби Мактабгача ва мактаб таълими вазирлиги томонидан тасдиқланади;
(е) Агентлик Университетга малакали профессор-ўқитувчиларни, шу жумладан, хорижий мутахассисларни жалб қилишга яқиндан кўмаклашади;
(ж) талабаларни қабул қилиш параметрлари Агентлик билан келишган ҳолда Университет томонидан белгиланади;
(з) Университет талабаларига давлат грантини ажратишда Ўзбекистон Республикаси Президентининг 2021 йил 23 июндаги ПҚ-5158-сон қарорининг 4-банди татбиқ этилади.
4. Университетга қуйидагиларни амалга ошириш ваколати берилади:
(а) Университетнинг тузилмаси ва штатлар жадвалини тасдиқлаш, шунингдек, бакалавриат ва магистратурада ўқиш тартибини белгилаш;
(б) хорижий олий таълим муассасалари билан тузилган келишувлар асосида таълим йўналишларини белгилаш, ўқув режалари ва дастурларини тасдиқлаш ҳамда педагог ходимларнинг меҳнатини меъёрлаштириш;
(в) Университетга малакали ходимларни, шу жумладан, хорижий мамлакатлардаги етук мутахассисларни жалб этиш, меҳнат бозорининг амалдаги конъюнктурасини ҳисобга олган ҳолда Университет ходимларининг иш ҳақи ва бошқа тўловлар миқдорини белгилаш;
(г) бакалавриат, магистратура ва докторантурага қабул қилиш шартларини, шунингдек, талабаликка қабул қилишда тест синовлари топшириладиган фанлар мажмуасини ва тўлов-контракт миқдорини белгилаш;
(д) илмий ва инновацион фаолият олиб бориш, илм-фан ютуқларини тижоратлаштириш ҳамда молиявий ресурсларни жалб этиш учун тижорат ва нотижорат ташкилотлар (стартап, жамғарма, марказлар ва бошқалар) тузиш;
(е) хорижий таълим ва илмий ташкилотлар билан тўғридан-тўғри музокаралар олиб бориш ҳамда ўз фаолиятига оид молиявий-иқтисодий ва маъмурий бошқарув юзасидан қарорлар қабул қилиш.
5. Белгилансинки, Университетда Таълим — илм-фан — саноат интеграцияси дастури (кейинги ўринларда — Интеграция дастури) йўлга қўйилади ва унинг доирасида қуйидагилар амалга оширилади:
(а) қуйидагилар Интеграция дастурининг устувор йўналишлари этиб белгиланади:
(i) иқтисодиёт, молия ва соғлиқни сақлаш соҳаларида сунъий интеллект технологияларини жорий этиш;
(ii) мудофаа ва қишлоқ хўжалиги соҳаларида учувчисиз технологияларни жорий этиш;
(iii) бизнес жараёнларини ва хўжалик фаолиятини юритувчи субъектлар фаолиятини рақамлаштириш, иқтисодий тармоқларда симуляцион моделлаштириш методларини қўллаш;
(б) Интеграция дастурини амалга ошириш учун Университетга саноат ҳамкори сифатида Рақамли технологиялар вазирлиги, Қишлоқ хўжалиги вазирлиги, Мудофаа вазирлиги, Соғлиқни сақлаш вазирлиги ва Савдо-саноат палатаси (кейинги ўринларда — Саноат ҳамкорлари) бириктирилади ҳамда улар иштирокида Университет ҳузурида саноат кенгаши ташкил этилади;
(в) Саноат ҳамкорлари Интеграция дастури доирасида қуйидагиларни амалга оширади:
(i) Университетнинг иқтидорли талабалари учун Саноат ҳамкорлари стипендиясини таъсис этиш;
(ii) тегишли соҳадаги илмий ёндашув талаб этадиган масалалар рўйхатини шакллантириб бориш;
(iii) илмий ёндашув талаб этадиган масалалар асосида грант дастурларини молиялаштириш ҳамда зарур ҳолларда тадқиқот гуруҳлари фаолиятига ўз мутахассисларини жалб этиш.
6. Вазирлар Маҳкамаси:
(а) Университетга Хоразм вилояти Урганч шаҳридаги Ал-Хоразмий мажмуаси ҳудудидан кампус қуриш учун зарур ер майдонини доимий фойдаланиш ҳуқуқи билан ажратиш чораларини кўрсин;
(б) бир ой муддатда Университетни лойиҳа-смета ҳужжатларига мувофиқ қуриш ва жиҳозлаш учун зарур бўлган маблағларнинг етишмаган қисми бўйича молиялаштириш манбасини аниқласин ҳамда ўз вақтида маблағ ажратилишини таъминласин;
(в) хорижий лойиҳа ва пудрат компанияларини жалб этган ҳолда Университет учун замонавий ўқув кампуси лойиҳаси ишлаб чиқилиши ва халқаро стандартлар асосида қурилишини таъминласин.
7. Университет биносини қуриш ва жиҳозлаш ишларини амалга оширишда Хоразм вилояти ҳокимлиги ҳузуридаги «Ягона буюртмачи хизмати» инжиниринг компанияси — буюртмачи этиб белгилансин.
8. Иқтисодиёт ва молия вазирлиги:
(а) 2025 йил 1 июлга қадар Университетни қуриш ва жиҳозлаш ишларининг лойиҳа-смета ҳужжатларини ишлаб чиқиш учун буюртмачи томонидан тақдим этиладиган ҳисоб-китоблар асосида 2025 йилги Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида иқтисод қилинган ва ўзлаштирилмаган маблағлар, шунингдек, қонунчилик ҳужжатлари билан тақиқланмаган бошқа манбалар ҳисобидан зарур маблағларни ажратсин;
(б) Мактабгача ва мактаб таълими вазирлиги, Қурилиш ва уй-жой коммунал хўжалиги вазирлиги, Хоразм вилояти ҳокимлиги билан биргаликда Муҳаммад ал-Хоразмий номидаги ихтисослаштирилган мактабнинг Урганч филиалини қуриш ва жиҳозлаш ишларини 2025 йилда ижтимоий ва ишлаб чиқариш инфратузилмасини ривожлантириш дастурига, Ал-Хоразмий университетини қуриш ва жиҳозлаш ишларини босқичма-босқич 2026 — 2028 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурига киритиш ҳамда зарур маблағларни ажратиб бориш чораларини кўрсин;
(в) Мактабгача ва мактаб таълими вазирлигининг асосланган ҳисоб-китобларига мувофиқ Университет фаолияти йўлга қўйилгандан бошлаб давлат гранти асосида қабул қилинган талабаларнинг ўқиш харажатлари Ўзбекистон Республикаси Давлат бюджети маблағлари ҳисобидан молиялаштирилишини таъминласин.
II. Урганч давлат университетида ахборот технологиялари соҳасида кадрлар тайёрлаш тизимини такомиллаштириш
9. Олий таълим, фан ва инновациялар вазирлиги, Рақамли технологиялар вазирлиги ҳамда Хоразм вилояти ҳокимлигининг 2025/2026 ўқув йилидан бошлаб Тошкент ахборот технологиялари университетининг Урганч филиалини Урганч давлат университетига қўшиб юбориш тўғрисидаги таклифи маъқуллансин.
10. Белгилансинки:
(а) Тошкент ахборот технологиялари университетининг Урганч филиалида таҳсил олаётган барча талабалар ўқишини 2025/2026 ўқув йилидан бошлаб Урганч давлат университетининг мос бакалавриат таълим йўналишлари ва магистратура мутахассисликларида давом эттиради;
(б) Урганч давлат университети Тошкент ахборот технологиялари университети Урганч филиалининг ҳуқуқлари, мажбуриятлари ва шартномалари бўйича ҳуқуқий вориси ҳисобланади;
(в) ҳудуднинг, жумладан, иқтисодиёт тармоқларининг олий маълумотли кадрларга бўлган реал эҳтиёжларига мувофиқ 2025/2026 ўқув йилидан Урганч давлат университетида ахборот технологиялари, муҳандислик, ишлаб чиқариш соҳаларида кадрлар тайёрлаш бўйича қабул параметрлари ошириб борилади.
11. Урганч давлат университетига оператив бошқарув ҳуқуқи асосида бепул бериладиган объектлар рўйхати иловага мувофиқ тасдиқлансин.
12. Урганч давлат университетини фаолиятини молиялаштириш:
(а) Давлат бюджети маблағлари, тўлов-контракт асосида ўқитишдан тушадиган маблағлар, хўжалик фаолияти ва шартнома асосида хизматлар кўрсатишдан тушадиган тушумлар, ҳомийлик хайриялари ва грантлар ҳамда қонунчилик ҳужжатларида тақиқланмаган бошқа манбалар ҳисобидан амалга оширилади;
(б) 2025 йилда Ўзбекистон Республикасининг республика бюджетидан биринчи даражали бюджет маблағларини тақсимловчилар сифатида Олий таълим, фан ва инновациялар вазирлиги ва Рақамли технологиялар вазирлигига ажратиладиган маблағлар доирасида тасдиқланган бюджет параметрларига тегишли ўзгартириш киритган ҳолда амалга оширилади, 2026 йилдан бошлаб Давлат бюджети параметрларида назарда тутилади.
III. Ихтисослаштирилган мактаб ташкил этиш
13. Муҳаммад ал-Хоразмий номидаги ихтисослаштирилган мактабнинг Урганч филиали (кейинги ўринларда — ихтисослаштирилган мактаб) Ал-Хоразмий мажмуаси ҳудудида ташкил этилсин.
14. Белгилансинки:
(а) ихтисослаштирилган мактабда ўқув жараёни 7 йиллик дастур асосида STEM модели бўйича ташкил этилади. Бунда:
(i) дастлабки 5 йилда устуворлик ўқувчиларда физика, математика, информатика ва инглиз тили бўйича фундаментал билимларни шакллантиришга, кейинги 2 йилда эса муҳандисликка бошланғич тайёргарликни таъминлашга қаратилади;
(ii) ўқувчилар танлови умумий ўрта таълим ташкилотларининг математика ва информатика фанлари бўйича қобилияти бор 4-синф битирувчилари орасидан амалга оширилади;
(б) ихтисослаштирилган мактабга Муҳаммад ал-Хоразмий номидаги ихтисослаштирилган мактаб раҳбари, ходимлари ва ўқувчилари учун белгиланган ташкилий, академик ва молиявий шарт-шароитлар татбиқ этилади;
(в) ихтисослаштирилган мактабни сақлаш билан боғлиқ харажатлар белгиланган тартибда Ўзбекистон Республикаси Давлат бюджети маблағлари ва қонун ҳужжатларида тақиқланмаган бошқа манбалар ҳисобидан молиялаштирилади;
(г) ихтисослаштирилган мактабни Муҳаммад ал-Хоразмий номидаги ихтисослаштирилган мактаб директорининг тавсиясига кўра Агентлик томонидан тайинланадиган директор бошқаради.
15. Шундай тартиб ўрнатилсинки, унга кўра:
(а) ихтисослаштирилган мактабнинг муҳандислик таълим дастурлари Университет бакалавриат таълим дастурлари билан ўзаро интеграция қилинади;
(б) Агентлик тизимидаги Муҳаммад ал-Хоразмий номидаги ихтисослаштирилган мактаб ва унинг филиалларининг муҳандислик таълим дастурларини лозим даражада ўзлаштирган битирувчиларга ўз ўқишини Университетнинг тегишли бакалавриат таълим йўналишида 2-босқичдан давом эттириш имкони яратилади.
16. Мактабгача ва мактаб таълими вазирлиги, Хоразм вилояти ҳокимлиги ихтисослаштирилган мактабни янги бино қурилгунига қадар Хоразм вилояти, Урганч шаҳри, А. Баҳодирхон кўчаси, 195-уй манзилидаги бўш бинога вақтинчалик жойлаштирсин.
IV. Қарор ижросини ташкил этиш, таъминлаш ва назорат қилиш
17. 2028 йил 1 июнга қадар Университет томонидан белгиланган тартибда шакллантирилган рўйхатлар асосида олиб келинадиган, ўхшаши республикада ишлаб чиқарилмайдиган қурилма, дастурий ва техник воситалар, бутловчи қисмлар республикага олиб киришда божхона тўловларидан (қўшилган қиймат солиғи, акциз солиғи ва божхона расмийлаштируви йиғимларидан ташқари) озод этилади.
18. Ташқи ишлар вазирлиги жалб этиладиган хорижий ўқитувчилар ва мутахассислар, уларнинг оила аъзолари учун кўп марталик кириш визалари белгиланган тартибда расмийлаштирилишини таъминласин.
19. Ички ишлар вазирлиги жалб этиладиган хорижий ўқитувчилар ва мутахассислар, уларнинг оила аъзолари учун белгиланган тартибда кўп марталик визалар узайтирилишини, шунингдек, уларнинг турган жойлари бўйича рўйхатдан ўтказилиши ҳамда унинг муддати узайтирилишини таъминласин.
20. Ушбу қарор ижроси билан боғлиқ бюджет маблағлари ҳисобидан харажатларни молиялаштириш 2025 йилда Ўзбекистон Республикаси республика бюджетидан биринчи даражали бюджет маблағларини тақсимловчи сифатида Мактабгача ва мактаб таълими вазирлигига ажратилган маблағлар доирасида амалга оширилади, 2026 йилдан бошлаб эса Давлат бюджети параметрларида назарда тутилади.
21. Мактабгача ва мактаб таълими вазирлиги бир ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
22. Мазкур қарорнинг ижросини самарали ташкил қилишга масъул ва шахсий жавобгар этиб мактабгача ва мактаб таълими вазири Х.У. Умарова, қурилиш ва уй-жой коммунал хўжалиги вазири Ш.С. Хидоятов ҳамда Хоразм вилояти ҳокими Ж.Р. Рахимов белгилансин.
Қарор ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси Ижтимоий ривожланиш департаменти раҳбари О.Қ. Абдурахманов зиммасига юклансин.
Ўзбекистон Республикаси Президентининг 2025 йил 30 апрелдаги ПҚ-160-сон қарорига ИЛОВА
Урганч давлат университетига оператив бошқарув ҳуқуқи асосида бепул бериладиган объектлар
Т/р Объектнинг номи Манзили Эгаллаган майдони, (м 2 ) Кадастр рақами Балансда сақловчи 1. Ўқув биноси Урганч шаҳри, Ал-Хоразмий кўчаси, 110-уй 6 308,96 22:11:41:02:03:00441 Тошкент ахборот технологиялари университети Урганч филиали 2. Талабалар турар жойи Урганч шаҳри, Ал-Хоразмий кўчаси, 110-уй 4 160,32 22:11:41:02:03:00440 3. Ёрдамчи бино Урганч шаҳри, Ал-Хоразмий кўчаси, 110-уй 76,43 22:11:41:02:03:00439
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 30 апрель,
ПҚ-160-сон
OʻZBEKISTON RESPUBLIKASI PREZIDENTINING
QARORI
ROʻYXATI
Al-Xorazmiy universitetini tashkil etish hamda axborot texnologiyalari sohasida kadrlar tayyorlash tizimini yanada takomillashtirish chora-tadbirlari toʻgʻrisida
Mamlakatimizda muhandislik, axborot texnologiyalari, sunʼiy intellekt sohalarida ilgʻor texnik yechimlarni ishlab chiqish va joriy etish koʻnikmalariga ega, iqtisodiyot va jamiyatning raqamli transformatsiyasiga koʻmaklasha oladigan, innovatsion mahsulot va xizmatlar yarata oladigan yuqori malakali kadrlar tayyorlash, bu borada maktab, oliy taʼlim va oliy taʼlimdan keyingi taʼlimning uzviyligi va oʻzaro integratsiyasini taʼminlash maqsadida qaror qilaman:
I. Al-Xorazmiy universitetini tashkil etish
1. Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi (keyingi oʻrinlarda — Agentlik) tizimida muhandislik va IT sohasida kadrlar tayyorlashga ixtisoslashgan davlat oliy taʼlim muassasasi shaklida Al-Xorazmiy universiteti (keyingi oʻrinlarda — Universitet) tashkil etilsin.
2. Quyidagilar Universitetning asosiy faoliyat yoʻnalishlari etib belgilansin:
(a) matematika, aerokosmik texnologiyalar, muhandislik, IT va sunʼiy intellekt sohalari uchun zamonaviy bilim va malakaga ega oliy maʼlumotli kadrlar tayyorlash;
(b) oʻquv-tarbiya jarayonini ilgʻor pedagogik va zamonaviy axborot texnologiyalarini qoʻllagan holda jahonning yetakchi universitetlarida joriy etilgan taʼlim texnologiyalari va usullari asosida tashkil etish;
(v) talabalarning intellektual qobiliyatini rivojlantirish, bilimini amaliy tajribalar orqali mustahkamlash, oʻquv materiallarini samarali va puxta oʻzlashtirishga xizmat qiladigan har tomonlama qulay taʼlim muhitini shakllantirish;
(g) ijtimoiy-iqtisodiy sohalardagi mavjud ehtiyojlardan kelib chiqib, ilmiy-tadqiqot ishlarini olib borish, shuningdek, chet ellardagi nufuzli, tan olingan ilmiy markazlar bilan yaqindan hamkorlik qilish, talabalarni ilmiy va innovatsion faoliyatga keng jalb etish;
(d) taʼlim, ilm-fan va ishlab chiqarish jarayonlari integratsiyasi asosida yangi avlod mutaxassislarini tayyorlash hamda ilmiy yangiliklarni amaliyotga joriy etishga xizmat qiladigan innovatsion ekotizimni shakllantirish.
3. Belgilansinki:
(a) Universitetda taʼlim jarayoni 2025/2026 oʻquv yilidan boshlab tashkil etiladi hamda talabalarni oʻqitish davlat va ingliz tillarida kredit-modul tizimi asosida olib boriladi;
(b) Universitetda taʼlim jarayoni Birlashgan Arab Amirliklari, Xitoy Xalq Respublikasi, Buyuk Britaniya kabi davlatlarning nufuzli oliy taʼlim tashkilotlari bilan hamkorlikda tashkil etiladi;
(v) V.I. Romanovskiy nomidagi Matematika institutining Urganch filiali faoliyati Universitet binosida tashkil etiladi hamda har bir ilmiy xodimga talaba biriktirish amaliyoti yoʻlga qoʻyiladi;
(g) Universitetda taʼlim jarayoni davlat granti va toʻlov-kontrakt asosida amalga oshiriladi;
(d) Universitet faoliyatini strategik rivojlantirish maktabgacha va maktab taʼlimi vaziri raisligidagi Kuzatuv kengashi tomonidan amalga oshiriladi. Bunda Kuzatuv kengashi tarkibi Maktabgacha va maktab taʼlimi vazirligi tomonidan tasdiqlanadi;
(e) Agentlik Universitetga malakali professor-oʻqituvchilarni, shu jumladan, xorijiy mutaxassislarni jalb qilishga yaqindan koʻmaklashadi;
(j) talabalarni qabul qilish parametrlari Agentlik bilan kelishgan holda Universitet tomonidan belgilanadi;
(z) Universitet talabalariga davlat grantini ajratishda Oʻzbekiston Respublikasi Prezidentining 2021-yil 23-iyundagi PQ-5158-son qarorining 4-bandi tatbiq etiladi.
4. Universitetga quyidagilarni amalga oshirish vakolati beriladi:
(a) Universitetning tuzilmasi va shtatlar jadvalini tasdiqlash, shuningdek, bakalavriat va magistraturada oʻqish tartibini belgilash;
(b) xorijiy oliy taʼlim muassasalari bilan tuzilgan kelishuvlar asosida taʼlim yoʻnalishlarini belgilash, oʻquv rejalari va dasturlarini tasdiqlash hamda pedagog xodimlarning mehnatini meʼyorlashtirish;
(v) Universitetga malakali xodimlarni, shu jumladan, xorijiy mamlakatlardagi yetuk mutaxassislarni jalb etish, mehnat bozorining amaldagi konyunkturasini hisobga olgan holda Universitet xodimlarining ish haqi va boshqa toʻlovlar miqdorini belgilash;
(g) bakalavriat, magistratura va doktoranturaga qabul qilish shartlarini, shuningdek, talabalikka qabul qilishda test sinovlari topshiriladigan fanlar majmuasini va toʻlov-kontrakt miqdorini belgilash;
(d) ilmiy va innovatsion faoliyat olib borish, ilm-fan yutuqlarini tijoratlashtirish hamda moliyaviy resurslarni jalb etish uchun tijorat va notijorat tashkilotlar (startap, jamgʻarma, markazlar va boshqalar) tuzish;
(e) xorijiy taʼlim va ilmiy tashkilotlar bilan toʻgʻridan-toʻgʻri muzokaralar olib borish hamda oʻz faoliyatiga oid moliyaviy-iqtisodiy va maʼmuriy boshqaruv yuzasidan qarorlar qabul qilish.
5. Belgilansinki, Universitetda Taʼlim — ilm-fan — sanoat integratsiyasi dasturi (keyingi oʻrinlarda — Integratsiya dasturi) yoʻlga qoʻyiladi va uning doirasida quyidagilar amalga oshiriladi:
(a) quyidagilar Integratsiya dasturining ustuvor yoʻnalishlari etib belgilanadi:
(i) iqtisodiyot, moliya va sogʻliqni saqlash sohalarida sunʼiy intellekt texnologiyalarini joriy etish;
(ii) mudofaa va qishloq xoʻjaligi sohalarida uchuvchisiz texnologiyalarni joriy etish;
(iii) biznes jarayonlarini va xoʻjalik faoliyatini yurituvchi subyektlar faoliyatini raqamlashtirish, iqtisodiy tarmoqlarda simulyatsion modellashtirish metodlarini qoʻllash;
(b) Integratsiya dasturini amalga oshirish uchun Universitetga sanoat hamkori sifatida Raqamli texnologiyalar vazirligi, Qishloq xoʻjaligi vazirligi, Mudofaa vazirligi, Sogʻliqni saqlash vazirligi va Savdo-sanoat palatasi (keyingi oʻrinlarda — Sanoat hamkorlari) biriktiriladi hamda ular ishtirokida Universitet huzurida sanoat kengashi tashkil etiladi;
(v) Sanoat hamkorlari Integratsiya dasturi doirasida quyidagilarni amalga oshiradi:
(i) Universitetning iqtidorli talabalari uchun Sanoat hamkorlari stipendiyasini taʼsis etish;
(ii) tegishli sohadagi ilmiy yondashuv talab etadigan masalalar roʻyxatini shakllantirib borish;
(iii) ilmiy yondashuv talab etadigan masalalar asosida grant dasturlarini moliyalashtirish hamda zarur hollarda tadqiqot guruhlari faoliyatiga oʻz mutaxassislarini jalb etish.
6. Vazirlar Mahkamasi:
(a) Universitetga Xorazm viloyati Urganch shahridagi Al-Xorazmiy majmuasi hududidan kampus qurish uchun zarur yer maydonini doimiy foydalanish huquqi bilan ajratish choralarini koʻrsin;
(b) bir oy muddatda Universitetni loyiha-smeta hujjatlariga muvofiq qurish va jihozlash uchun zarur boʻlgan mablagʻlarning yetishmagan qismi boʻyicha moliyalashtirish manbasini aniqlasin hamda oʻz vaqtida mablagʻ ajratilishini taʼminlasin;
(v) xorijiy loyiha va pudrat kompaniyalarini jalb etgan holda Universitet uchun zamonaviy oʻquv kampusi loyihasi ishlab chiqilishi va xalqaro standartlar asosida qurilishini taʼminlasin.
7. Universitet binosini qurish va jihozlash ishlarini amalga oshirishda Xorazm viloyati hokimligi huzuridagi “Yagona buyurtmachi xizmati” injiniring kompaniyasi — buyurtmachi etib belgilansin.
8. Iqtisodiyot va moliya vazirligi:
(a) 2025-yil 1-iyulga qadar Universitetni qurish va jihozlash ishlarining loyiha-smeta hujjatlarini ishlab chiqish uchun buyurtmachi tomonidan taqdim etiladigan hisob-kitoblar asosida 2025-yilgi Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida iqtisod qilingan va oʻzlashtirilmagan mablagʻlar, shuningdek, qonunchilik hujjatlari bilan taqiqlanmagan boshqa manbalar hisobidan zarur mablagʻlarni ajratsin;
(b) Maktabgacha va maktab taʼlimi vazirligi, Qurilish va uy-joy kommunal xoʻjaligi vazirligi, Xorazm viloyati hokimligi bilan birgalikda Muhammad al-Xorazmiy nomidagi ixtisoslashtirilgan maktabning Urganch filialini qurish va jihozlash ishlarini 2025-yilda ijtimoiy va ishlab chiqarish infratuzilmasini rivojlantirish dasturiga, Al-Xorazmiy universitetini qurish va jihozlash ishlarini bosqichma-bosqich 2026 — 2028-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturiga kiritish hamda zarur mablagʻlarni ajratib borish choralarini koʻrsin;
(v) Maktabgacha va maktab taʼlimi vazirligining asoslangan hisob-kitoblariga muvofiq Universitet faoliyati yoʻlga qoʻyilgandan boshlab davlat granti asosida qabul qilingan talabalarning oʻqish xarajatlari Oʻzbekiston Respublikasi Davlat budjeti mablagʻlari hisobidan moliyalashtirilishini taʼminlasin.
II. Urganch davlat universitetida axborot texnologiyalari sohasida kadrlar tayyorlash tizimini takomillashtirish
9. Oliy taʼlim, fan va innovatsiyalar vazirligi, Raqamli texnologiyalar vazirligi hamda Xorazm viloyati hokimligining 2025/2026 oʻquv yilidan boshlab Toshkent axborot texnologiyalari universitetining Urganch filialini Urganch davlat universitetiga qoʻshib yuborish toʻgʻrisidagi taklifi maʼqullansin.
10. Belgilansinki:
(a) Toshkent axborot texnologiyalari universitetining Urganch filialida tahsil olayotgan barcha talabalar oʻqishini 2025/2026 oʻquv yilidan boshlab Urganch davlat universitetining mos bakalavriat taʼlim yoʻnalishlari va magistratura mutaxassisliklarida davom ettiradi;
(b) Urganch davlat universiteti Toshkent axborot texnologiyalari universiteti Urganch filialining huquqlari, majburiyatlari va shartnomalari boʻyicha huquqiy vorisi hisoblanadi;
(v) hududning, jumladan, iqtisodiyot tarmoqlarining oliy maʼlumotli kadrlarga boʻlgan real ehtiyojlariga muvofiq 2025/2026 oʻquv yilidan Urganch davlat universitetida axborot texnologiyalari, muhandislik, ishlab chiqarish sohalarida kadrlar tayyorlash boʻyicha qabul parametrlari oshirib boriladi.
11. Urganch davlat universitetiga operativ boshqaruv huquqi asosida bepul beriladigan obyektlar roʻyxati ilovaga muvofiq tasdiqlansin.
12. Urganch davlat universitetini faoliyatini moliyalashtirish:
(a) Davlat budjeti mablagʻlari, toʻlov-kontrakt asosida oʻqitishdan tushadigan mablagʻlar, xoʻjalik faoliyati va shartnoma asosida xizmatlar koʻrsatishdan tushadigan tushumlar, homiylik xayriyalari va grantlar hamda qonunchilik hujjatlarida taqiqlanmagan boshqa manbalar hisobidan amalga oshiriladi;
(b) 2025-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchilar sifatida Oliy taʼlim, fan va innovatsiyalar vazirligi va Raqamli texnologiyalar vazirligiga ajratiladigan mablagʻlar doirasida tasdiqlangan budjet parametrlariga tegishli oʻzgartirish kiritgan holda amalga oshiriladi, 2026-yildan boshlab Davlat budjeti parametrlarida nazarda tutiladi.
III. Ixtisoslashtirilgan maktab tashkil etish
13. Muhammad al-Xorazmiy nomidagi ixtisoslashtirilgan maktabning Urganch filiali (keyingi oʻrinlarda — ixtisoslashtirilgan maktab) Al-Xorazmiy majmuasi hududida tashkil etilsin.
14. Belgilansinki:
(a) ixtisoslashtirilgan maktabda oʻquv jarayoni 7 yillik dastur asosida STEM modeli boʻyicha tashkil etiladi. Bunda:
(i) dastlabki 5 yilda ustuvorlik oʻquvchilarda fizika, matematika, informatika va ingliz tili boʻyicha fundamental bilimlarni shakllantirishga, keyingi 2 yilda esa muhandislikka boshlangʻich tayyorgarlikni taʼminlashga qaratiladi;
(ii) oʻquvchilar tanlovi umumiy oʻrta taʼlim tashkilotlarining matematika va informatika fanlari boʻyicha qobiliyati bor 4-sinf bitiruvchilari orasidan amalga oshiriladi;
(b) ixtisoslashtirilgan maktabga Muhammad al-Xorazmiy nomidagi ixtisoslashtirilgan maktab rahbari, xodimlari va oʻquvchilari uchun belgilangan tashkiliy, akademik va moliyaviy shart-sharoitlar tatbiq etiladi;
(v) ixtisoslashtirilgan maktabni saqlash bilan bogʻliq xarajatlar belgilangan tartibda Oʻzbekiston Respublikasi Davlat budjeti mablagʻlari va qonun hujjatlarida taqiqlanmagan boshqa manbalar hisobidan moliyalashtiriladi;
(g) ixtisoslashtirilgan maktabni Muhammad al-Xorazmiy nomidagi ixtisoslashtirilgan maktab direktorining tavsiyasiga koʻra Agentlik tomonidan tayinlanadigan direktor boshqaradi.
15. Shunday tartib oʻrnatilsinki, unga koʻra:
(a) ixtisoslashtirilgan maktabning muhandislik taʼlim dasturlari Universitet bakalavriat taʼlim dasturlari bilan oʻzaro integratsiya qilinadi;
(b) Agentlik tizimidagi Muhammad al-Xorazmiy nomidagi ixtisoslashtirilgan maktab va uning filiallarining muhandislik taʼlim dasturlarini lozim darajada oʻzlashtirgan bitiruvchilarga oʻz oʻqishini Universitetning tegishli bakalavriat taʼlim yoʻnalishida 2-bosqichdan davom ettirish imkoni yaratiladi.
16. Maktabgacha va maktab taʼlimi vazirligi, Xorazm viloyati hokimligi ixtisoslashtirilgan maktabni yangi bino qurilguniga qadar Xorazm viloyati, Urganch shahri, A. Bahodirxon koʻchasi, 195-uy manzilidagi boʻsh binoga vaqtinchalik joylashtirsin.
IV. Qaror ijrosini tashkil etish, taʼminlash va nazorat qilish
17. 2028-yil 1-iyunga qadar Universitet tomonidan belgilangan tartibda shakllantirilgan roʻyxatlar asosida olib kelinadigan, oʻxshashi respublikada ishlab chiqarilmaydigan qurilma, dasturiy va texnik vositalar, butlovchi qismlar respublikaga olib kirishda bojxona toʻlovlaridan (qoʻshilgan qiymat soligʻi, aksiz soligʻi va bojxona rasmiylashtiruvi yigʻimlaridan tashqari) ozod etiladi.
18. Tashqi ishlar vazirligi jalb etiladigan xorijiy oʻqituvchilar va mutaxassislar, ularning oila aʼzolari uchun koʻp martalik kirish vizalari belgilangan tartibda rasmiylashtirilishini taʼminlasin.
19. Ichki ishlar vazirligi jalb etiladigan xorijiy oʻqituvchilar va mutaxassislar, ularning oila aʼzolari uchun belgilangan tartibda koʻp martalik vizalar uzaytirilishini, shuningdek, ularning turgan joylari boʻyicha roʻyxatdan oʻtkazilishi hamda uning muddati uzaytirilishini taʼminlasin.
20. Ushbu qaror ijrosi bilan bogʻliq budjet mablagʻlari hisobidan xarajatlarni moliyalashtirish 2025-yilda Oʻzbekiston Respublikasi respublika budjetidan birinchi darajali budjet mablagʻlarini taqsimlovchi sifatida Maktabgacha va maktab taʼlimi vazirligiga ajratilgan mablagʻlar doirasida amalga oshiriladi, 2026-yildan boshlab esa Davlat budjeti parametrlarida nazarda tutiladi.
21. Maktabgacha va maktab taʼlimi vazirligi bir oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
22. Mazkur qarorning ijrosini samarali tashkil qilishga masʼul va shaxsiy javobgar etib maktabgacha va maktab taʼlimi vaziri X.U. Umarova, qurilish va uy-joy kommunal xoʻjaligi vaziri Sh.S. Xidoyatov hamda Xorazm viloyati hokimi J.R. Raximov belgilansin.
Qaror ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari O.Q. Abduraxmanov zimmasiga yuklansin.
Oʻzbekiston Respublikasi Prezidentining 2025-yil 30-apreldagi PQ-160-son qaroriga ILOVA
Urganch davlat universitetiga operativ boshqaruv huquqi asosida bepul beriladigan obyektlar
T/r Obyektning nomi Manzili Egallagan maydoni, (m 2 ) Kadastr raqami Balansda saqlovchi 1. Oʻquv binosi Urganch shahri, Al-Xorazmiy koʻchasi, 110-uy 6 308,96 22:11:41:02:03:00441 Toshkent axborot texnologiyalari universiteti Urganch filiali 2. Talabalar turar joyi Urganch shahri, Al-Xorazmiy koʻchasi, 110-uy 4 160,32 22:11:41:02:03:00440 3. Yordamchi bino Urganch shahri, Al-Xorazmiy koʻchasi, 110-uy 76,43 22:11:41:02:03:00439
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 30-aprel,
PQ-160-son
ПРЕЗИДЕНТА РЕСПУБЛИКИ УЗБЕКИСТАН
ПОСТАНОВЛЕНИЕ
О мерах по созданию Университета Аль-Хорезми и дальнейшему совершенствованию системы подготовки кадров в сфере информационных технологий
В целях подготовки в стране высококвалифицированных кадров, обладающих навыками разработки и внедрения передовых технических решений в области инженерии, информационных технологий, искусственного интеллекта, способных содействовать цифровой трансформации экономики и общества, создавать инновационные продукты и услуги, а также обеспечения преемственности и взаимной интеграции школьного, высшего и послевузовского образования в этом направлении постановляю:
I. Создание Университета Аль-Хорезми
1. Создать в системе Агентства специализированных образовательных учреждений при Министерстве дошкольного и школьного образования (далее — Агентство) Университет Аль-Хорезми (далее — Университет) в форме государственного высшего образовательного учреждения, специализирующегося на подготовке кадров в области инженерии и IT-сфере.
2. Определить основными направлениями деятельности Университета:
(а) подготовку кадров с высшим образованием, обладающих современными знаниями и квалификациями, для сферы математики, аэрокосмических технологий, инженерии, IT и искусственного интеллекта;
(б) организацию учебно-воспитательного процесса на основе образовательных технологий и методов, внедренных в ведущих университетах мира, с применением передовых педагогических и современных информационных технологий;
(в) формирование всесторонне благоприятной образовательной среды, служащей для развития интеллектуальных способностей студентов, укрепления их знаний посредством практического опыта, эффективного и тщательного освоения учебных материалов;
(г) осуществление научно-исследовательских работ исходя из имеющихся потребностей в социально-экономических сферах, а также тесное сотрудничество с авторитетными, признанными научными центрами за рубежом, широкое привлечение студентов к научной и инновационной деятельности;
(д) формирование инновационной экосистемы, служащей подготовке специалистов нового поколения на основе интеграции процессов образования, науки и производства, а также внедрению на практике научных новшеств.
3. Определить, что:
(а) в Университете образовательный процесс организуется начиная с 2025/2026 учебного года, обучение студентов ведется на государственном и английском языках, на основе кредитно-модульной системы;
(б) в Университете образовательный процесс организуется в сотрудничестве с авторитетными высшими образовательными организациями таких государств, как Объединенные Арабские Эмираты, Китайская Народная Республика, Великобритания;
(в) деятельность Ургенчского филиала Института математики имени В.И. Романовского организуется в здании Университета и внедряется практика прикрепления студента к каждому научному сотруднику;
(г) образовательный процесс в Университете осуществляется на основе государственного гранта и платного контракта;
(д) стратегическое развитие деятельности Университета осуществляется Наблюдательным советом под председательством министра дошкольного и школьного образования. При этом состав Наблюдательного совета утверждается Министерством дошкольного и школьного образования;
(е) Агентство оказывает тесное содействие Университету в привлечении квалифицированных профессоров-преподавателей, в том числе зарубежных специалистов;
(ж) параметры приема студентов определяются Университетом по согласованию с Агентством;
(з) на студентов Университета при выделении государственного гранта распространяется пункт 4 постановления Президента Республики Узбекистан от 23 июня 2021 года № ПП-5158.
4. Университету предоставляется полномочие на:
(а) утверждение структуры и штатного расписания, а также определение порядка обучения в бакалавриате и магистратуре Университета;
(б) определение направлений образования на основе соглашений, заключенных с зарубежными высшими образовательными учреждениями, утверждение учебных планов и программ, а также нормирование труда педагогических работников;
(в) привлечение в Университет квалифицированных работников, в том числе ведущих специалистов из зарубежных стран, определение размера заработной платы и иных выплат работников Университета с учетом действующей конъюнктуры рынка труда;
(г) определение условий приема в бакалавриат, магистратуру и докторантуру, а также комплекса предметов, по которым сдаются тестовые испытания, при приеме студентов и размера платного контракта;
(д) создание коммерческих и некоммерческих организаций (стартап, фонд, центры и другие) для ведения научной и инновационной деятельности, коммерциализации научных достижений и привлечения финансовых ресурсов;
(е) ведение прямых переговоров с зарубежными образовательными и научными организациями, а также принятие решений по финансово-экономическому и административному управлению касательно своей деятельности.
5. Определить, что в Университете внедряется программа интеграции «Образование — наука — промышленность» (далее — Программа интеграции) и в ее рамках осуществляется следующее:
(а) определение приоритетными направлениями Программы интеграции:
(i) внедрение технологий искусственного интеллекта в сферах экономики, финансов и здравоохранения;
(ii) внедрение использования беспилотных технологий в области обороны и сельского хозяйства;
(iii) применение методов цифровизации бизнес-процессов и деятельности хозяйствующих субъектов, симуляционного моделирования в экономических отраслях;
(б) для реализации Программы интеграции прикрепление к Университету в качестве промышленного партнера Министерства цифровых технологий, Министерства сельского хозяйства, Министерства обороны, Министерства здравоохранения и Торгово-промышленной палаты (далее — Промышленные партнеры) и с их участием создание при Университете Промышленного совета;
(в) в рамках Программы интеграции Промышленные партнеры:
(i) учреждают стипендию Промышленного партнера для одаренных студентов Университета;
(ii) формируют перечень вопросов, требующих научного подхода в соответствующей сфере;
(iii) финансируют грантовые программы на основе вопросов, требующих научного подхода, а также при необходимости — привлекают своих специалистов к деятельности исследовательских групп.
6. Кабинету Министров:
(а) принять меры по выделению Университету необходимой земельной площади для строительства кампуса на территории комплекса «Ал-Хоразмий» в городе Ургенче Хорезмской области на праве постоянного пользования;
(б) в месячный срок определить источник финансирования по недостающей части средств, необходимых для строительства и оснащения Университета согласно проектно-сметной документации, а также обеспечить своевременное выделение средств;
(в) обеспечить разработку проекта и строительство на основе международных стандартов современного учебного кампуса для Университета с привлечением зарубежных проектных и подрядных компаний.
7. Определить Инжиниринговую компанию «Служба единого заказчика» при хокимияте Хорезмской области заказчиком при осуществлении работ по строительству и оснащению здания Университета.
8. Министерству экономики и финансов:
(а) в срок до 1 июля 2025 года на основе расчетов, представляемых заказчиком для разработки проектно-сметной документации работ по строительству и оснащению Университета, выделить необходимые средства за счет сэкономленных и неосвоенных средств в рамках Программы развития социальной и производственной инфраструктуры Республики Узбекистан на 2025 год, а также иных источников, не запрещенных актами законодательства;
(б) совместно с Министерством дошкольного и школьного образования, Министерством строительства и жилищно-коммунального хозяйства, хокимиятом Хорезмской области принять меры включения работ по строительству и оснащению Ургенчского филиала специализированной школы имени Мухаммада аль-Хорезми в Программу развития социальной и производственной инфраструктуры на 2025 год, работ по строительству и оснащению Университета Аль-Хорезми поэтапно в Программу развития социальной и производственной инфраструктуры Республики Узбекистан в 2026 — 2028 годах, а также выделения необходимых средств;
(в) согласно обоснованным расчетам Министерства дошкольного и школьного образования обеспечить финансирование расходов на обучение студентов, принятых на основе государственного гранта с периода налаживания деятельности Университета, за счет средств Государственного бюджета Республики Узбекистан.
II. Совершенствование системы подготовки кадров в сфере информационных технологий в Ургенчском государственном университете
9. Одобрить предложение Министерства высшего образования, науки и инноваций, Министерства цифровых технологий и хокимията Хорезмской области о присоединении начиная с 2025/2026 учебного года Ургенчского филиала Ташкентского университета информационных технологий к Ургенчскому государственному университету.
10. Определить, что:
(а) все студенты, обучающиеся в Ургенчском филиале Ташкентского университета информационных технологий, начиная с 2025/2026 учебного года продолжат обучение по соответствующим направлениям образования бакалавриата и специальностям магистратуры Ургенчского государственного университета;
(б) Ургенчский государственный университет является правопреемником по правам, обязательствам и договорам Ургенчского филиала Ташкентского университета информационных технологий;
(в) исходя из реальных потребностей региона, в частности отраслей экономики в кадрах с высшим образованием, начиная с 2025/2026 учебного года в Ургенчском государственном университете будут увеличиваться параметры приема по подготовке кадров в сферах информационных технологий, инженерии, производства.
11. Утвердить перечень объектов, безвозмездно передаваемых Ургенчскому государственному университету на основе права оперативного управления, согласно приложению * .
12. Финансирование деятельности Ургенчского государственного университета осуществляется:
(а) за счет средств Государственного бюджета, средств, поступающих от обучения на платно-контрактной основе, поступлений от хозяйственной деятельности и оказания услуг на договорной основе, благотворительных пожертвований и грантов, а также иных источников, не запрещенных актами законодательства;
(б) с внесением соответствующих изменений в утвержденные бюджетные параметры в рамках средств, выделяемых в 2025 году из республиканского бюджета Республики Узбекистан Министерству высшего образования, науки и инноваций, Министерству цифровых технологий в качестве распорядителей бюджетных средств первого уровня, начиная с 2026 года — предусматриваются в параметрах Государственного бюджета.
III. Создание специализированной школы
13. Создать Ургенчский филиал специализированной школы имени Мухаммада аль-Хорезми (далее — специализированная школа) на территории комплекса «Ал-Хоразмий».
14. Определить, что:
(а) учебный процесс в специализированной школе организуется на основе 7-летней программы по модели STEM. При этом:
(i) в первые 5 лет приоритет отдается формированию у учащихся фундаментальных знаний по физике, математике, информатике и английскому языку, в последующие 2 года — обеспечению начальной подготовки к инженерии;
(ii) отбор учащихся осуществляется из числа выпускников 4-х классов общих средних образовательных организаций, имеющих способности по предметам математика и информатика;
(б) на специализированную школу распространяются организационные, академические и финансовые условия, определенные для руководителя, работников и учащихся специализированной школы имени Мухаммада аль-Хорезми;
(в) расходы, связанные с содержанием специализированной школы, финансируются в установленном порядке за счет средств Государственного бюджета Республики Узбекистан и иных источников, не запрещенных актами законодательства;
(г) специализированной школой руководит директор, назначаемый Агентством по рекомендации директора специализированной школы имени Мухаммада аль-Хорезми.
15. Установить порядок, в соответствии с которым:
(а) инженерные образовательные программы специализированной школы интегрируются с программами образования бакалавриата Университета;
(б) для выпускников специализированной школы имени Мухаммада аль-Хорезми и ее филиалов в системе Агентства, освоивших на надлежащем уровне инженерные образовательные программы, создается возможность продолжения обучения со 2-го курса Университета по соответствующему направлению образования бакалавриата.
16. Министерству дошкольного и школьного образования, хокимияту Хорезмской области до строительства нового здания временно разместить специализированную школу в пустующем здании, расположенном по адресу: Хорезмская область, город Ургенч, улица А. Баходирхон, дом 195.
IV. Организация, обеспечение и контроль исполнения постановления
17. До 1 июня 2028 года устройства, программные и технические средства, комплектующие изделия, аналоги которых не производятся в республике, ввозимые на основании перечней, формируемых Университетом в установленном порядке, при ввозе в республику освобождаются от таможенных платежей (за исключением налога на добавленную стоимость, акцизного налога и сборов за таможенное оформление).
18. Министерству иностранных дел обеспечить оформление в установленном порядке многократных въездных виз для привлекаемых зарубежных преподавателей и специалистов, а также членов их семей.
19. Министерству внутренних дел обеспечить продление в установленном порядке многократных виз для привлекаемых зарубежных преподавателей и специалистов, а также членов их семей, регистрацию по месту их пребывания и продление ее срока.
20. Финансирование расходов, связанных с исполнением настоящего постановления, за счет бюджетных средств, в 2025 году осуществляется в рамках средств, выделенных из республиканского бюджета Республики Узбекистан Министерству дошкольного и школьного образования в качестве распорядителя бюджетных средств первого уровня, с 2026 года — предусматривается в параметрах Государственного бюджета.
21. Министерству дошкольного и школьного образования в месячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
22. Возложить на министра дошкольного и школьного образования Х.У. Умарову, министра строительства и жилищно-коммунального хозяйства Ш.С. Хидоятова и хокима Хорезмской области Ж.Р. Рахимова персональную ответственность за эффективную организацию исполнения настоящего постановления.
Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Департамента социального развития Администрации Президента Республики Узбекистан О.К. Абдурахманова.
Президент Республики Узбекистан Ш. МИРЗИЁЕВ
г. Ташкент,
30 апреля 2025 г.,
№ ПП-160