UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

ПАСПОРТИ *

ПАСПОРТИ *

ПАСПОРТИ *

ПАСПОРТИ *

ПАСПОРТИ *

ПАСПОРТИ *

ПАСПОРТИ *

ПАСПОРТИ *

ПАСПОРТИ

ПАСПОРТИ *

ПАСПОРТИ *

ПАСПОРТИ *

ПАСПОРТИ

БИЛДИРИШНОМА

ДАЛОЛАТНОМА

РЎЙХАТИ

Етим ва ота-она қарамоғидан маҳрум бўлган болаларни ҳар томонлама қўллаб-қувватлаш ҳамда уларга ижтимоий ёрдам кўрсатиш билан боғлиқ харажатларни молиялаштиришга доир қўшимча чора-тадбирлар тўғрисида

[Кўчирма]

Ўзбекистон Республикаси Президентининг «Болаларни ижтимоий ҳимоя қилиш тизимини янада такомиллаштириш чора-тадбирлари тўғрисида» 2024 йил 14 ноябрдаги ПФ-185-сон Фармонига мувофиқ етим болалар ва ота-она қарамоғидан маҳрум бўлган болалар ҳамда ижтимоий ҳимояга муҳтож оилаларнинг фарзандларини ижтимоий қўллаб-қувватлаш чораларининг самарадорлигини янада ошириш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Болаларни ижтимоий ҳимоя қилиш тизимини янада такомиллаштириш чора-тадбирлари тўғрисида» 2024 йил 14 ноябрдаги ПФ-185-сон Фармонига мувофиқ:

2025 йил 1 январдан бошлаб Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузуридаги «Меҳр дафтари» жамғармаларининг амалдаги молиялаштириш манбалари ҳамда мавжуд қолдиқ маблағлари Ижтимоий ҳимоя давлат жамғармасига ўтказилган ҳолда тугатилгани;

Ижтимоий ҳимоя давлат жамғармаси томонидан «Меҳр дафтари»га киритилган етим болалар ва ота-она қарамоғидан маҳрум бўлган болаларни қўллаб-қувватлаш тадбирлари учун ажратилган маблағлар Ўзбекистон Республикаси Президенти ҳузуридаги Ижтимоий ҳимоя миллий агентлигининг (кейинги ўринларда — Агентлик) Қорақалпоғистон Республикаси, вилоятлар ва Тошкент шаҳар бошқармаларининг (кейинги ўринларда — ҳудудий бошқармалар) ғазна ҳисобварағига ушбу ҳудудлардаги етим болалар ва ота-она қарамоғидан маҳрум бўлган болалар сонига мутаносиб равишда тақсимланиши белгилангани маълумот учун қабул қилинсин.

2. Белгилансинки, Агентликнинг ҳудудий бошқармалари ғазна ҳисобварақларига тақсимланган маблағлар қуйидагиларга ижтимоий ёрдамлар кўрсатишга сарфланади:

а) муқобил жойлаштириш шакллари бўйича тарбияга олинган (фарзандликка олинган болалар бундан мустасно) етим болалар ва ота-она қарамоғидан маҳрум бўлган болаларга.

Бунда:

оилавий болалар уйларини ташкил этган фуқароларга оилавий болалар уйида тарбияланаётган болалар учун зарур шарт-шароитлар яратиш ҳамда турар жойларни таъмирлаш мақсадида, истисно тариқасида, базавий ҳисоблаш миқдорининг 100 бараваригача миқдорда ижтимоий ёрдам кўрсатишга рухсат берилади;

оилавий болалар уйларини ташкил этган фуқароларнинг ушбу мақсадлар учун уй-жой шароитларини яхшилаш, шу жумладан, болалар учун яшаш хоналарини таъмирлаш, кенгайтириш ҳамда алоҳида хоналар ажратиш (қуриш) чоралари кўрилади;

б) ота-онаси уч ойдан ортиқ муддатга чет давлатга вақтинча чиқиб кетаётганлиги муносабати билан васийлик (ҳомийлик) тайинланган бола(лар)ни васийлик (ҳомийлик)ка берган ёки васийлик (ҳомийлик)ка олган оилаларнинг бири (иккаласи) Ижтимоий реестрга киритилган бўлса, васийлик (ҳомийлик)ка берилган бола(лар)га (кейинги ўринларда — васийлик ёки ҳомийликка берилган Ижтимоий реестрга киритилган оилалардаги болалар).

3. Шундай тартиб ўрнатилсинки, унга мувофиқ:

етим болалар ва ота-она қарамоғидан маҳрум бўлган болаларга ижтимоий ёрдамлар уларнинг мақоми ва ёшига мувофиқ шакллантириладиган индивидуал ривожланиш ҳамда индивидуал интеграция режалари асосида кўрсатилади;

васийлик ёки ҳомийликка берилган Ижтимоий реестрга киритилган оилалардаги болаларга ижтимоий ёрдамлар уларнинг оиласи бўйича ишлаб чиқилган индивидуал режада назарда тутилган тақдирда кўрсатилади;

етим болалар ва ота-она қарамоғидан маҳрум бўлган болалар ҳамда васийлик ёки ҳомийликка берилган Ижтимоий реестрга киритилган оилалардаги болаларга ижтимоий ёрдам алоҳида мурожаат талаб этмаган ҳолда кўрсатилади;

бевосита товарларни (асбоб-ускуна, меҳнат қуроллари, уй жиҳозлари ва бошқалар) харид қилиш билан боғлиқ ёрдамлар «Ягона миллий ижтимоий ҳимоя» ахборот тизимининг электрон савдо платформаси (кейинги ўринларда — электрон савдо платформаси) ёки тадбиркорлик субъектлари томонидан юритиладиган электрон савдо майдончалари орқали кўрсатилади.

4. Ижтимоий ҳимоя миллий агентлиги ҳамда Камбағалликни қисқартириш ва бандлик вазирлигининг етим болалар ва ота-она қарамоғидан маҳрум бўлган ишсиз болаларни касб-ҳунарга ўқитган тадбиркорлик субъектлари учун ўқиш тўловини жорий этиш тўғрисидаги таклифига розилик берилсин.

Белгилансинки, ушбу ўқиш тўлови 2026 йил 1 мартдан бошлаб 17 ёшдан 23 ёшгача бўлган ҳар бир етим бола ёки ота-она қарамоғидан маҳрум бўлган бола деб эътироф этилган шахсларни ўқитган тадбиркорлик субъектларига Тошкент шаҳрида базавий ҳисоблаш миқдорининг 2 бараваригача, Нукус шаҳри ва вилоятлар марказларида базавий ҳисоблаш миқдорининг 1,5 бараваригача, қолган ҳудудларда базавий ҳисоблаш миқдорининг 1 бараваригача миқдорда тўланади.

5. Қуйидагиларни назарда тутувчи Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низом 1-иловага мувофиқ тасдиқлансин:

кўрсатиладиган ижтимоий ёрдамлар дастурлари ва турларини белгилаш;

ижтимоий ёрдамларни кўрсатишни мониторинг қилиш ва тўхтатиш;

ижтимоий ёрдам кўрсатиш харажатларини молиялаштириш тартиби.

6. Иқтисодиёт ва молия вазирлиги Ижтимоий ҳимоя миллий агентлиги билан биргаликда бир ой муддатда ушбу қарорнинг 1-бандига мувофиқ Ижтимоий ҳимоя миллий агентлигининг ҳудудий бошқармалари учун тегишли ғазна ҳисобварақлари очилишини таъминласин.

7. Ижтимоий ҳимоя миллий агентлиги:

а) уч ой муддатда манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатлар ушбу қарорга мувофиқлаштирилишини;

б) 2025 йил 1 августга қадар Рақамли технологиялар вазирлиги билан биргаликда етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиб-таомилларининг тўлиқ рақамлаштирилишини;

в) доимий равишда Ўзбекистон Миллий телерадиокомпанияси, Ахборот ва оммавий коммуникациялар агентлиги ҳамда манфаатдор вазирлик ва идоралар билан биргаликда Ижтимоий ҳимоя давлат жамғармаси маблағлари ва қонунчилик ҳужжатлари билан тақиқланмаган бошқа манбалар ҳисобидан болаларга нисбатан зўравонликнинг барча шакллари жамиятнинг ижтимоий барқарорлигига салбий таъсирини кўрсатадиган, оғир ҳаётий вазиятга тушган ва жамиятга тўлиқ ижтимоий мослаштирилган болалар ҳақида кўрсатувлар, фильмлар ва ижтимоий роликлар тайёрлаб, тарғибот қилинишини таъминласин.

Бунда тайёрланган кўрсатувлар, фильмлар ва ижтимоий роликлар Ўзбекистон Миллий телерадиокомпанияси таркибидаги ва нодавлат телеканаллар томонидан бепул эфирга узатилади.

10. Ўзбекистон Республикаси Ҳукуматининг 3-иловага мувофиқ айрим қарорларига ўзгартириш ва қўшимчалар киритилсин.

11. Ўзбекистон Республикаси Ҳукуматининг баъзи қарорлари 4-иловага мувофиқ ўз кучини йўқотган деб ҳисоблансин.

12. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.

Вазирлар Маҳкамасининг 2025 йил 5 майдаги 294-сон қарорига 1-ИЛОВА

Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисида

1-боб. Умумий қоидалар

1. Ушбу Низом етим болалар ва ота-она қарамоғидан маҳрум бўлган болаларга ижтимоий ёрдамлар кўрсатиш тартибини белгилайди.

Ушбу Низом талаблари ота-онаси уч ойдан ортиқ муддатга чет давлатга вақтинча чиқиб кетаётганлиги муносабати билан васийлик (ҳомийлик) тайинланган бола(лар)ни васийлик (ҳомийлик)ка берган ёки васийлик (ҳомийлик)ка олган оилаларнинг бири (иккаласи) Ижтимоий реестрга киритилган бўлса, васийлик (ҳомийлик)ка берилган бола(лар)га (кейинги ўринларда — васийлик ёки ҳомийликка берилган Ижтимоий реестрга киритилган оилалардаги болалар) нисбатан ҳам татбиқ этилади. Бунда:

ушбу Низом асосида васийлик ёки ҳомийликка берилган Ижтимоий реестрга киритилган оилалардаги болаларга ижтимоий ёрдамлар уларнинг оиласи бўйича ишлаб чиқилган индивидуал режада назарда тутилган тақдирда кўрсатилади;

васийлик ёки ҳомийликка берилган Ижтимоий реестрга киритилган оилалардаги болаларга реестрга киритилган оила фарзандларига ижтимоий ёрдам кўрсатишда алоҳида мурожаат қилиш талаб этилмайди.

2. Ушбу Низомда қуйидаги асосий тушунчалардан фойдаланилади:

ваучер — айрим турдаги товарларни давлат томонидан қоплаб бериладиган маблағлар (субсидия) ҳисобидан харид қилиш имкониятини берадиган матрицали штрих код (QR-код) билан тасдиқланган электрон ҳужжат;

етим бола ва ота-она қарамоғидан маҳрум бўлган болалар — васийлик ёки ҳомийлик белгиланган, тутинган (фостер) оилага берилган, Болалар уйлари, Меҳрибонлик уйлари, Кичик ҳажмли болалар уйлари, Республика ўқув-тарбия муассасалари ҳамда «SOS — Ўзбекистон болалар маҳаллалари» уюшмасининг болаларни муқобил парвариш қилиш хизматида тарбияланаётган ёки битирувчилари бўлган етим бола ёки ота-она қарамоғидан маҳрум бўлган бола деб эътироф этилган болалар;

Жамғарма — Ўзбекистон Республикаси Президенти ҳузуридаги Ижтимоий ҳимоя миллий агентлигининг (кейинги ўринларда — Агентлик) Ижтимоий ҳимоя давлат жамғармаси;

индивидуал интеграция режаси — 14 ёшдан 23 ёшгача бўлган етим ёки ота-она қарамоғидан маҳрум бўлган ёшларнинг жамиятга ижтимоий мослашуви ҳамда интеграциясини таъминлаш, уларнинг эркин касб танлашлари учун шарт-шароитлар яратиш, уларнинг ташаббусларини қўллаб-қувватлашга қаратилган ижтимоий хизмат ва ёрдамлар белгиланадиган режа;

индивидуал ривожланиш режаси — 14 ёшгача бўлган етим болалар ёки ота-она қарамоғидан маҳрум бўлган болаларни қизиқишлари, эҳтиёжлари ва яшаш шароитларини комплекс баҳолаш орқали уларга кўрсатилиши талаб этиладиган ижтимоий хизмат ва ёрдамлар белгиланадиган режа;

ихтисослаштирилган тарбия муассасалари — Болалар уйлари, Меҳрибонлик уйлари, Кичик ҳажмли болалар уйлари, Республика ўқув-тарбия муассасалари ҳамда «SOS — Ўзбекистон болалар маҳаллалари» уюшмасининг болаларни муқобил парвариш қилиш хизмати;

қонуний вакил — васий ва ҳомий ҳамда тутинган (фостер) оила ва ихтисослаштирилган тарбия муассасалари тарбияланувчилари учун «Инсон» ижтимоий хизматлар марказлари;

сотувчи — асбоб-ускуна, велосипед, компьютер жамланмаси, меҳнат қуроллари, уй жиҳозлари ҳамда кийим-бош ишлаб чиқариш, тайёрлаш, етказиб бериш хизматини кўрсатувчи тадбиркорлик субъектлари;

тутинган (фостер) оила — етим болалар ва ота-она қарамоғидан маҳрум бўлган болаларни шартнома асосида оилага тарбияга (патронат) ва оилавий болалар уйига олган оила;

ҳудудий бошқарма — Ўзбекистон Республикаси Президенти ҳузуридаги Ижтимоий ҳимоя миллий агентлигининг Қорақалпоғистон Республикаси, вилоятлар ва Тошкент шаҳар бошқармалари.

3. Етим бола ва ота-она қарамоғидан маҳрум бўлган болаларга ижтимоий ёрдамлар ушбу болаларнинг мақоми ва ёшига қараб, «Инсон» ижтимоий хизматлар марказлари (кейинги ўринларда — «Инсон» маркази) томонидан шакллантириладиган индивидуал ривожланиш режаси ва индивидуал интеграция режасига мувофиқ (оилавий болалар уйларини таъмирлаш учун ижтимоий ёрдам бундан мустасно) кўрсатилади.

4. Етим бола ва ота-она қарамоғидан маҳрум бўлган болаларга ижтимоий ёрдамлар ушбу Низомга 1-иловага мувофиқ схема асосида кўрсатилади.

2-боб. Етим бола ва ота-она қарамоғидан маҳрум бўлган болаларни аниқлаш ва уларга кўрсатиладиган ижтимоий ёрдамларни белгилаш

5. Ушбу Низомда назарда тутилган ижтимоий ёрдамларга муҳтож етим бола ва ота-она қарамоғидан маҳрум бўлган бола қонунчилик ҳужжатларида белгиланган тартибда аниқланади.

6. Етим бола ёки ота-она қарамоғидан маҳрум бўлган болага, шу жумладан, ихтисослаштирилган тарбия муассасаларининг тарбияланувчиларига ушбу Низомда назарда тутилган ижтимоий ёрдамлар қонунчилик ҳужжатларида белгиланган тартибда «Инсон» марказлари томонидан уларнинг ёшига мувофиқ шакллантириладиган индивидуал ривожланиш режаси ёки индивидуал интеграция режаси асосида алоҳида мурожаат қилиш талаб этилмаган ҳолда кўрсатилади. Бунда:

етим бола ёки ота-она қарамоғидан маҳрум бўлган болага ижтимоий ёрдамларни кўрсатиш учун «Инсон» маркази томонидан «Ягона миллий ижтимоий ҳимоя» ахборот тизимида (кейинги ўринларда — «Ижтимоий ҳимоя» АТ) индивидуал ривожланиш режаси ёки индивидуал интеграция режаси асосида тавсиянома шакллантирилади ҳамда тегишли ижтимоий ёрдамлар кўрсатилишини ташкил этиш учун «Ижтимоий ҳимоя» АТ орқали электрон шаклда ҳудудий бошқармаларга юборилади;

етим бола ёки ота-она қарамоғидан маҳрум бўлган бола бўйича шакллантириладиган индивидуал ривожланиш режаси ёки индивидуал интеграция режаси ушбу боланинг қизиқишлари, эҳтиёжлари ва яшаш шароитларидан келиб чиққан ҳолда доимий янгилаб борилади;

индивидуал ривожланиш режаси ёки индивидуал интеграция режасига ушбу Низомда назарда тутилган, бироқ етим бола ёки ота-она қарамоғидан маҳрум бўлган болага муқаддам кўрсатилмаган янги ижтимоий ёрдам кўрсатиш бўйича маълумот киритилган тақдирда, ушбу турдаги ижтимоий ёрдам кўрсатилишини ташкил этиш учун «Инсон» маркази томонидан тавсиянома шакллантирилиб, ҳудудий бошқармаларга киритилади. Бунда тегишли ижтимоий ёрдамни кўрсатиш учун ушбу Низомга 2 — 14-иловаларга мувофиқ паспортларда назарда тутилган ҳужжатлар тақдим этилмагунга қадар тавсиянома шакллантирилмайди.

Тавсиянома «Инсон» марказлари директорлари томонидан электрон рақамли имзо орқали тасдиқланади.

3-боб. Ижтимоий ёрдамлар турлари ва уларни кўрсатиш тартиби

7. Етим бола ёки ота-она қарамоғидан маҳрум бўлган болага ушбу Низомга 2 — 14-иловаларга мувофиқ паспортларда назарда тутилган қуйидаги дастурлар асосида ижтимоий ёрдамлар кўрсатилади:

бандликни таъминлашга кўмаклашиш дастури;

сифатли таълим олишга кўмаклашиш дастури;

эҳтиёжларни қўллаб-қувватлаш дастури;

уй-жой шароитларини яхшилаш дастури;

соғлиқни сақлаш дастури.

8. Етим бола ёки ота-она қарамоғидан маҳрум бўлган болага ушбу Низомнинг 7-бандида назарда тутилган дастурлар асосида ижтимоий ёрдамлар уларга нисбатан шакллантирилган индивидуал ривожланиш режаси ёки индивидуал интеграция режасида назарда тутилган тақдирда кўрсатилади.

9. Ушбу Низомга 2 — 13-иловаларга мувофиқ паспортларда назарда тутилган ижтимоий ёрдамларни кўрсатиш қуйидаги ҳолатларда тўхтатилади:

ижтимоий ёрдам кўрсатилаётган етим бола ёки ота-она қарамоғидан маҳрум бўлган бола ёхуд уларнинг қонуний вакили тегишли ижтимоий ёрдамдан фойдаланишни тўхтатиш ҳақида ариза билан мурожаат қилганда;

ижтимоий ёрдам кўрсатилаётган етим бола ёки ота-она қарамоғидан маҳрум бўлган бола вафот этганда;

етим бола ёки ота-она қарамоғидан маҳрум бўлган бола тегишли ижтимоий ёрдам кўрсатиш белгиланган чекланган ёшга тўлганда;

ушбу Низомнинг 1-банди иккинчи хатбошисида назарда тутилган ижтимоий ёрдам кўрсатиладиган боланинг оиласи Ижтимоий реестрдан чиқарилганда;

ихтисослашган тарбия муассасаларининг ижтимоий ходимлари томонидан ижтимоий ёрдам кўрсатилаётган етим бола ёки ота-она қарамоғидан маҳрум бўлган болага ижтимоий ёрдам кўрсатиш зарурати йўқлиги сабабли уни тўхтатиш ҳақида сўров киритилганда.

10. Ушбу Низомнинг 9-бандида назарда тутилган ҳолатлар аниқланган тақдирда, уч иш кунида «Инсон» марказлари томонидан «Ижтимоий ҳимоя» АТда далолатнома расмийлаштирилади ҳамда «Инсон» марказлари директорининг электрон рақамли имзоси билан тасдиқланган ҳолда ҳудудий бошқармаларга киритилади.

11. Ҳудудий бошқармалар томонидан «Инсон» марказларининг далолатномаси келиб тушган вақтдан бошлаб етим бола ёки ота-она қарамоғидан маҳрум бўлган болага ижтимоий ёрдам кўрсатиш тўхтатилади.

4-боб. Айрим турдаги ижтимоий ёрдамларни кўрсатишнинг ўзига хос хусусиятлари

1-§. Таълим олиш ва меҳнат ҳуқуқларидан фойдаланиш ҳамда фуқаролик мажбуриятларини бажаришга йўналтирилган ижтимоий хизматларни кўрсатиш

12. Ушбу Низомга мувофиқ таълим олиш, меҳнат ҳуқуқларидан фойдаланиш ва фуқаролик мажбуриятларини бажаришга қаратилган ижтимоий ёрдамлардан фойдаланиш учун уларни кўрсатиш тартиблари белгиланган паспортларда назарда тутилган талаб ва шартларнинг бажарилиши, шу жумладан, тегишли ҳужжатларнинг «Инсон» марказларига тақдим этилиши талаб этилади.

Бунда тегишли талаб ва шартлар қуйидаги шахслар томонидан бажарилади:

ушбу Низомга 2 , 5 , 6 , 7 , 12 ва 13-иловаларга мувофиқ паспортларда назарда тутилган ижтимоий ёрдамлар бўйича — етим болалар ёки ота-она қарамоғидан маҳрум бўлган болалар томонидан;

ушбу Низомга 14-иловага мувофиқ паспортда назарда тутилган ижтимоий ёрдамлар бўйича — оилавий болалар уйларни ташкил қилган жисмоний шахслар томонидан.

14. Ушбу Низомга 2 , 5 ва 13-иловаларга мувофиқ ижтимоий ёрдамларни кўрсатишда етим бола ёки ота-она қарамоғидан маҳрум бўлган боланинг тегишли ўқув курсларига мунтазам қатнашиши индивидуал ривожланиш режаси ёки индивидуал интеграция режасини шакллантирган «Инсон» маркази масъул ходимлари томонидан ўқув курслари тугагунга қадар ҳар ойда камида бир марта мониторинг қилиб борилади.

«Инсон» маркази томонидан ушбу Низомга 2 , 5 ва 13-иловаларга мувофиқ ижтимоий ёрдамларни кўрсатишда мазкур ўқув курсларини ташкил этган таълим ташкилотларидан етим бола ёки ота-она қарамоғидан маҳрум бўлган боланинг тегишли ўқув курсларида ҳақиқатда ўқиганлиги тўғрисида маълумотнома олинади.

Ушбу банднинг биринчи ва иккинчи хатбошиларида назарда тутилган тадбирлар бўйича биринчи ой учун тўлов амалга оширилади ва кейинги ойлар учун тўловлар етим бола ёки ота-она қарамоғидан маҳрум бўлган боланинг тегишли ўқув курсларида ўқиганлиги «Инсон» ижтимоий хизматлар марказлари томонидан тасдиқланган тақдирда амалга оширилади.

Бунда етим бола ёки ота-она қарамоғидан маҳрум бўлган боланинг ҳисобот ойда тегишли ўқув курсларида мунтазам қатнашмаганлиги аниқланганда, ҳисобот ойи учун тўланган тўлов суммаси кейинги тўловларни амалга оширишда ҳисобга олинади.

2-§. Электрон тижорат орқали амалга ошириладиган ижтимоий ёрдам кўрсатувчиларни аниқлаш тартиби

15. Ушбу Низомга 3 , 4 , 8 , 9 ва 10-иловаларга мувофиқ паспортларда назарда тутилган асбоб-ускуна, велосипед, компьютер жамланмаси, меҳнат қуроллари, уй жиҳозлари, кийим-бош, мусиқа ва спорт инвентарлари, асбоблари ва ускуналари ҳамда махсус кийимларни (кейинги ўринларда — товар) харид қилиш тарзидаги ижтимоий ёрдамлар «Ижтимоий ҳимоя» АТнинг электрон савдо платформаси (кейинги ўринларда — электрон савдо платформаси) орқали кўрсатилади.

Ушбу Низомга 3 , 4 , 8 , 9 ва 10-иловаларга мувофиқ паспортларда назарда тутилган товарлар тадбиркорлик субъектлари томонидан юритиладиган электрон савдо майдончалари орқали ҳам харид қилиниши мумкин. Бунда электрон савдо майдончалари орқали товарлар ушбу электрон савдо майдончалари операторлари ва уларда товарларни сотадиган тадбиркорлик субъектлари томонидан белгиланган тартибда харид қилинади.

16. Электрон савдо платформаси орқали харид қилинадиган товарлар ушбу турдаги товарлар сотувчилари томонидан электрон савдо платформасига жойлаштирилади.

17. Сотувчилар электрон савдо платформасига улар томонидан сотиладиган товарларни жойлаштириш учун «Ижтимоий ҳимоя» АТда электрон офертани тасдиқлаш орқали бепул ва ихтиёрийлик асосида авторизациядан ўтади.

Сотувчилар «Ижтимоий ҳимоя» АТда авторизациядан ўтишда қуйидаги маълумотларни кўрсатади:

юридик шахслар учун солиқ тўловчининг идентификация рақами (СТИР) ҳамда телефон рақами;

якка тартибдаги тадбиркорлар учун паспорт серияси ва рақами, жисмоний шахснинг шахсий идентификация рақами (ЖШШИР) ҳамда телефон рақами;

тадбиркорлик субъекти ва унинг филиалининг юридик манзиллари, ҳисобварағи, банк реквизитлари, ишончли вакил ҳақида маълумотлар ҳамда унинг телефон рақами;

сотиладиган товарларнинг турлари ва номи ҳамда қонунчилик ҳужжатларида белгиланган ҳолларда уларнинг мувофиқлик сертификати рақамлари ҳамда амал қилиш муддатлари.

18. Авторизациядан тегишли маълумотлар тўлдирилиб, электрон рақамли имзо (кейинги ўринларда — ЭРИ) ёки «Ижтимоий ҳимоя» АТда «Электрон ҳукумат» тизими фойдаланувчиларини идентификация қилишнинг ягона ахборот тизими (OneID) орқали тасдиқлангандан сўнг ўтилади.

Бунда сотувчилар электрон офертани тасдиқлаганидан сўнг улар томонидан кўрсатилган маълумотларнинг тўғрилиги ва тўловга қобилиятсизлик тартиб-таомилларининг мавжуд эмаслиги «Ижтимоий ҳимоя» АТда идоралараро электрон ҳамкорлик орқали автоматик тарзда аниқланади.

Сотувчилар томонидан кўрсатилган маълумотлар тўғрилиги ҳамда уларнинг фаолияти тугатилмагани аниқланган тақдирда, сотувчилар авторизациядан ўтказилади ва улар учун «Ижтимоий ҳимоя» АТда шахсий кабинет очилади.

19. Ушбу Низомнинг 18-бандида назарда тутилган талабларга жавоб бермайдиган сотувчилар «Ижтимоий ҳимоя» АТда авторизациядан ўтказилмайди.

20. Қуйидагилар сотувчиларнинг электрон савдо платформасида товарларни сотиш фаолиятини чеклаш учун асос ҳисобланади:

тадбиркорлик субъекти тугатилганда ёки банкрот деб топилганда;

етим бола ёки ота-она қарамоғидан маҳрум бўлган болага айни бир сотувчи томонидан икки ва ундан кўп маротаба сифатсиз ва нуқсонли товарлар етказиб берилганда.

21. «Ижтимоий ҳимоя» АТда авторизациядан ўтказилган сотувчилар товарларни электрон тижорат орқали сотиш учун улар тўғрисидаги қуйидаги маълумотларни тегишлича «Ижтимоий ҳимоя» АТнинг «Ижтимоий ҳимояга муҳтож болалар учун товарлар» бўлимига Агентлик томонидан тасдиқланган электрон офертага илова қилинадиган минимал техник талабларга мувофиқ жойлаштиради:

ҳар бир товарнинг номи, нархи, фойдаланиш ва кафолат муддатлари, техник тавсифи ва кўрсаткичлари, улардан фойдаланиш бўйича йўриқнома, кафолат ва фойдаланиш муддатлари тугамасдан ёки тугаганидан сўнг амалга ошириладиган тадбирлар;

қонунчилик ҳужжатларида белгиланган ҳолларда мувофиқлиги баҳоланиши ёки давлат рўйхатидан ўтказилиши лозим бўлган товарлар бўйича уларнинг мувофиқлик сертификати ва давлат рўйхатидан ўтказилгани тўғрисидаги маълумотлар;

Агентлик томонидан белгиланган талаблар бўйича ҳар бир товарнинг фотосуратлари. Бунда реализация қилинадиган товарга мувофиқ келмайдиган фотосуратларни жойлаштириш тақиқланади;

товарни етказиб бериш муддати.

22. Товарларнинг минимал техник талабларга мувофиқлиги ҳамда улар тўғрисидаги маълумотлар тўғрилиги ва тўлиқлиги Агентликнинг масъул ходимлари томонидан «Ижтимоий ҳимоя» АТда қабул қилингандан сўнг улар тегишлича «Ижтимоий ҳимоя» АТнинг «Ижтимоий ҳимояга муҳтож болалар учун товарлар» бўлими орқали электрон тижоратга чиқарилади.

Бунда минимал техник талабларга мувофиқ келмайдиган ҳамда қонунчилик ҳужжатларида белгиланган ҳолларда олиниши лозим бўлган мувофиқлик сертификати ёки давлат рўйхатидан ўтказилгани тўғрисидаги гувоҳнома олинмаганда ва уларнинг амал қилиш муддати тугаганда ушбу товарларни электрон тижоратга чиқаришга йўл қўйилмайди.

Ушбу Низомнинг 16 — 22 бандларидаги талаблар электрон савдо майдончалари операторлари ҳамда Агентлик ўртасида келишувга асосан электрон савдо майдончаси орқали харид қилинадиган товарларга ҳам татбиқ этилади.

3-§. Электрон тижорат воситасида товарларни харид қилиш ва етказиб бериш тартиби

23. Индивидуал ривожланиш режаси ва индивидуал интеграция режасида ушбу Низомга 3 , 4 , 8 , 9 ва 10-иловаларга мувофиқ паспортларда назарда тутилган ижтимоий ёрдамларни кўрсатиш белгиланган тақдирда, «Инсон» марказлари томонидан:

ушбу ижтимоий ёрдамлар кўрсатиладиган етим бола ёки ота-она қарамоғидан маҳрум бўлган бола номига «Ижтимоий ҳимоя» АТ орқали ваучер шакллантирилади;

етим бола ёки ота-она қарамоғидан маҳрум бўлган бола унинг номига ваучер шакллантирилгани тўғрисида «Ижтимоий ҳимоя» АТ ёки СМС-хабарнома орқали хабардор қилинади.

Бунда ваучердан у шаклланган санадан бошлаб ўн икки ой давомида ваучерда белгиланган маблағ доирасида бир неча марта фойдаланиш мумкин.

24. Етим бола ёки ота-она қарамоғидан маҳрум бўлган бола унга нисбатан ваучер шакллангани тўғрисидаги хабарни олгандан сўнг бевосита ўзи ёки қонуний вакили орқали электрон савдо платформасида ваучерга мувофиқ тегишли товарни харид қилиш бўйича буюртма бериш учун «Ижтимоий ҳимоя» АТда шахсни тасдиқловчи ҳужжат (биометрик паспорт ёки идентификацияловчи ID-карта ёхуд туғилганлик ҳақидаги гувоҳнома) маълумотлари ва телефон рақамини киритган ҳолда рўйхатдан ўтади.

Киритилган маълумотлар етим бола ёки ота-она қарамоғидан маҳрум бўлган бола ёхуд унинг қонуний вакилининг розилигини ифодалайдиган ҳамда уни идентификация ва аутентификация қилиш имконини берадиган электрон тасдиқлаш усуллари (СМС-хабарнома, Face-ID) ёки «Ижтимоий ҳимоя» АТда яратилган махсус идентификация қилиш (Ягона идентификация тизими (OneID), Mobile-ID) орқали тасдиқлангандан сўнг рўйхатдан ўтказилади.

Рўйхатдан ўтган етим бола ёки ота-она қарамоғидан маҳрум бўлган бола ёхуд унинг қонуний вакилига «Ижтимоий ҳимоя» АТда шахсий кабинет очилади.

25. Етим бола ёки ота-она қарамоғидан маҳрум бўлган бола «Ижтимоий ҳимоя» АТда рўйхатдан ўтиш ҳамда ваучерга мувофиқ товарга буюртма бериш учун бевосита ўзи ёки қонуний вакили орқали «Инсон» маркази ёки ижтимоий ходимга мурожаат қилиши мумкин.

Бунда ушбу шахсларнинг мурожаатларига асосан «Инсон» маркази ёки ижтимоий ходим электрон қурилма воситалари ёрдамида реал вақт режимида уларни «Ижтимоий ҳимоя» АТда рўйхатдан ўтказади ҳамда уларнинг номидан ваучерга мувофиқ тегишли товарга буюртмани шакллантиради.

26. Етим бола ёки ота-она қарамоғидан маҳрум бўлган бола ёхуд уларнинг қонуний вакиллари электрон тижорат орқали товарга берган буюртмаларининг тўлиқлиги ва тўғрилиги учун масъул ҳисобланади.

27. Етим бола ёки ота-она қарамоғидан маҳрум бўлган болани тегишли товарлар билан таъминлашда:

етим бола ёки ота-она қарамоғидан маҳрум бўлган бола ёхуд уларнинг қонуний вакиллари ўз хоҳишига кўра «Ижтимоий ҳимоя» АТнинг «Ижтимоий ҳимояга муҳтож болалар учун товарлар» бўлими ёки тадбиркорлик субъектлари томонидан юритиладиган электрон савдо майдончалари орқали товарлар сотувчисини ҳамда ваучерда кўрсатилган товарнинг турини танлайди ва буюртма қилади;

сотувчи буюртмани «Ижтимоий ҳимоя» АТ орқали қабул қилиб олгандан сўнг уч кун ичида буюртма қилинган товарни етказиб бериш вақти ҳақидаги маълумотларни етим бола ёки ота-она қарамоғидан маҳрум бўлган бола ёхуд уларнинг қонуний вакилларини электрон шаклда ёки мобил алоқа воситаси орқали хабардор қилади;

сотувчилар товарлар бўйича буюртмани қабул қилиб олгандан сўнг буюртма қилинган товарнинг етим бола ёки ота-она қарамоғидан маҳрум бўлган бола ёхуд уларнинг қонуний вакилларига уч кун ичида етказиб берилишини таъминлаши лозим;

товарлар бевосита етим бола ёки ота-она қарамоғидан маҳрум бўлган бола ёки уларнинг қонуний вакилларининг ўзига топширилгандан сўнг етим бола ёки ота-она қарамоғидан маҳрум бўлган бола ёхуд уларнинг қонуний вакиллари томонидан товар қабул қилиб олингани тўғрисидаги СМС-хабарнома тасдиқ коди маълум қилинганда, сотувчилар буюртма уларга етказиб берилганлигини «Ижтимоий ҳимоя» АТда тасдиқлайди.

Етим бола ёки ота-она қарамоғидан маҳрум бўлган болани тегишли товарлар билан таъминлаш жараёни тадбиркорлик субъектларининг савдо майдончалари орқали амалга оширилганда, савдо операторлар томонидан белгиланган талабларга мувофиқ айрим жараёнлар мақбуллаштирилиши ёки қўшимча маълумотлар сўралиши мумкин.

4-§. Электрон тижорат воситасида харид қилинган ва етказиб берилган товарлар учун тўловларни амалга ошириш тартиби

28. Ўзбекистон Республикаси Иқтисодиёт ва молия вазирлигининг Давлат молиясини бошқариш ахборот тизимида (кейинги ўринларда — ДМБАТ) мазкур бобга мувофиқ харид қилинадиган товарлар бўйича тўловларни амалга ошириш ва ҳисобини юритиш мақсадида ҳудудий бошқармалар учун алоҳида шахсий ғазна ҳисобварағи очилади.

29. Етим бола ёки ота-она қарамоғидан маҳрум бўлган бола ёхуд уларнинг қонуний вакиллари томонидан ваучерга мувофиқ ушбу бобда белгиланган тартибда берилган буюртмалар кесимидаги маълумотлар «Ижтимоий ҳимоя» АТда шакллантириб борилади.

30. Етим бола ёки ота-она қарамоғидан маҳрум бўлган бола ёхуд уларнинг қонуний вакиллари томонидан ваучерга мувофиқ танланган буюртманинг харид нархи ва ваучерда кўрсатилган миқдордаги маблағ ўртасида салбий фарқ мавжуд бўлганда, етим бола ёки ота-она қарамоғидан маҳрум бўлган бола ёхуд уларнинг қонуний вакиллари томонидан дастлаб ушбу салбий фарқ суммаси тўланиши лозим.

Буюртманинг харид нархи ваучерда кўрсатилган миқдордан ортиқ бўлганда ва маблағ ўртасидаги фарқ суммаси етим бола ёки ота-она қарамоғидан маҳрум бўлган бола ёхуд уларнинг қонуний вакиллари томонидан тўланмаган тақдирда, ушбу товарни сотаётган сотувчи буюртмани қабул қилишни рад қилади.

31. Буюртмалар ушбу Низомнинг 27-бандида белгиланган тартибда етим бола ёки ота-она қарамоғидан маҳрум бўлган бола ёхуд уларнинг қонуний вакилларига етказиб берилгани тасдиқлангандан сўнг ушбу шахсларнинг яшаш жойи бўйича «Инсон» марказининг «Ижтимоий ҳимоя» АТдаги шахсий кабинетига бу тўғрисида хабарлар келиб тушади.

32. «Инсон» маркази ижтимоий ходимлари «Ижтимоий ҳимоя» АТдаги шахсий кабинетга хабар келиб тушгандан сўнг беш иш куни ичида буюртмалар етим бола ёки ота-она қарамоғидан маҳрум бўлган бола ёхуд уларнинг қонуний вакилларига ҳақиқатда етказиб берилганлигини жойига чиққан ҳолда ўрганади. Бунда:

буюртмалар ҳақиқатда етказиб берилган тақдирда, ижтимоий ходимлар томонидан бир иш куни ичида «Ижтимоий ҳимоя» АТда ушбу Низомга 15-иловага мувофиқ шаклда тегишли товарни сотувчиларга ваучер қийматидан кўп бўлмаган миқдордаги маблағларни ўтказиш бўйича билдиришнома расмийлаштирилади. Бунда етим бола ёки ота-она қарамоғидан маҳрум бўлган бола ёхуд уларнинг қонуний вакиллари буюртмани ҳақиқатда олганлигини тасдиқловчи фотосуратлар билдиришномага илова қилинади;

етказиб берилган товарнинг сифатсизлиги ва нуқсонлари мавжудлиги аниқланган ҳолларда, «Инсон» марказлари томонидан «Ижтимоий ҳимоя» АТда ушбу Низомга 16-иловага мувофиқ шаклда етим бола ёки ота-она қарамоғидан маҳрум бўлган бола ёхуд уларнинг қонуний вакиллари томонидан ваучер асосида харид қилинган товарларнинг ҳақиқатда етказиб берилгани бўйича далолатнома тузилади ва сотувчиларга уни мақбул сифатлисига алмаштириш чораларини кўриш учун электрон шаклда юборилади. Бунда буюртманинг сифатсизлиги ва нуқсонларини тасдиқловчи фотосуратлар далолатномага илова қилинади.

Ушбу бандга мувофиқ ўрганиш жараёнида буюртмани қабул қилиб олган етим бола ёки ота-она қарамоғидан маҳрум бўлган бола ёхуд уларнинг қонуний вакиллари буюртмани олган ҳолда, чет давлатга чиқиб кетганлиги аниқланса, бу тўғрисида «маҳалла еттилиги» томонидан далолатнома тузилади. Бунда далолатнома ушбу Низомнинг 34-бандига мувофиқ билдиришнома тузишга асос бўлади.

33. Агар буюртмани қабул қилиб олган етим бола ёки ота-она қарамоғидан маҳрум бўлган бола ёхуд уларнинг қонуний вакиллари яшаш манзилидан кўчиб кетган ва у ерда яшамаётганлиги аниқланган ҳолларда, «Инсон» маркази томонидан «Ижтимоий ҳимоя» АТда ушбу Низомга 16-иловага мувофиқ шаклда электрон далолатнома тузилади ва ушбу далолатнома кўрсатилган маълумот асосида етим бола ёки ота-она қарамоғидан маҳрум бўлган бола ёхуд уларнинг қонуний вакилларининг ҳозирги яшаш манзилидаги «Инсон» марказининг «Ижтимоий ҳимоя» АТдаги шахсий кабинетига хабар келиб тушади.

Бунда «Инсон» маркази «Ижтимоий ҳимоя» АТдаги шахсий кабинетига келиб тушган хабарни қабул қилиб олгандан сўнг беш иш куни ичида буюртмалар етим бола ёки ота-она қарамоғидан маҳрум бўлган бола ёхуд уларнинг қонуний вакилларига ҳақиқатда етказиб берилгани ва уларнинг электрон тижоратда эълон қилинган талабларига мувофиқлигини жойига чиққан ҳолда ушбу Низомнинг 32-бандида белгиланган тартибда ўрганади.

34. Етим бола ёки ота-она қарамоғидан маҳрум бўлган бола буюртмани қабул қилиб олгандан сўнг «Инсон» маркази томонидан ўрганиш даврида вафот этган ҳолларда, «Инсон» маркази «Ижтимоий ҳимоя» АТда ушбу Низомга 15-иловага мувофиқ шаклда электрон билдиришнома расмийлаштиради.

35. «Ижтимоий ҳимоя» АТда билдиришнома расмийлаштирилгандан сўнг бу тўғрисидаги маълумотлар «Ижтимоий ҳимоя» АТ орқали Давлат имтиёзлари ягона электрон платформасига юборилади.

Давлат имтиёзлари ягона электрон платформаси орқали буюртманинг харид нархи, бироқ ушбу Низомга 3 , 4 , 8 , 9 ва 10-иловаларга мувофиқ паспортларда кўрсатилган миқдордаги маблағдан кўп бўлмаган миқдордаги маблағ ДМБАТга йўналтирилади. Бунда ДМБАТ томонидан тегишли маблағлар товарларни сотувчиларнинг банк ҳисобварағига буюртма етим бола ёки ота-она қарамоғидан маҳрум бўлган бола ёхуд уларнинг қонуний вакилларига етказиб берилгани тасдиқлангандан сўнг автоматик тарзда ўтказилади.

Маблағлар сотувчиларнинг банк ҳисобварағига дам олиш кунига ёки байрам ёхуд бошқа ишланмайдиган кунга тўғри келса, ундан кейинги биринчи иш кунида ўтказилади.

Харид қилинган товарлар харид нархи ваучерда кўрсатилган миқдордан кам бўлган тақдирда, ўртада ҳосил бўлган фарқ суммаси шахсий ғазна ҳисобварағида қолдирилади.

36. Етим бола ёки ота-она қарамоғидан маҳрум бўлган бола ёхуд уларнинг қонуний вакилларининг буюртмалари уларга етказиб берилмаганда ҳамда буюртмаларда нуқсонлар мавжудлиги тўғрисида ижтимоий ходимлар томонидан далолатнома расмийлаштирилган тақдирда, маблағлар сотувчиларнинг банк ҳисобварағига ўтказилмайди.

37. Етим бола ёки ота-она қарамоғидан маҳрум бўлган бола ёхуд уларнинг қонуний вакилларининг буюртмалари тадбиркорлик субъектларининг савдо майдончалари орқали берилганда, савдо майдончаси оператори томонидан товарнинг ҳақиқатда етказиб берилганлиги тўғрисидаги электрон маълумоти асосида Давлат имтиёзлари ягона электрон платформасига тегишли хабар юборилади ҳамда маблағлар сотувчиларнинг банк ҳисобварағига ўтказиб берилади.

38. Етим бола ёки ота-она қарамоғидан маҳрум бўлган бола берилган товарлар кафолат муддати давомида носоз бўлиб қолса, уларни етказиб берган (сотган) сотувчилар томонидан бепул таъмирлаб берилади ёки бошқасига алмаштирилади.

5-боб. Ижтимоий ёрдамларни кўрсатиш билан боғлиқ харажатларни молиялаштириш

39. Етим болалар ёки ота-она қарамоғидан маҳрум бўлган болаларни қўллаб-қувватлаш мақсадида ижтимоий ёрдамларни кўрсатиш билан боғлиқ харажатлар Ўзбекистон Республикаси Президентининг «Етим болалар ва ота-она қарамоғидан маҳрум бўлган болаларни тарбиялашнинг тубдан янгиланган тизимини жорий этиш чора-тадбирлари тўғрисида» 2021 йил 9 августдаги ПҚ-5215-сон қарорининг 10-бандида назарда тутилган манбалар ҳисобидан Жамғармада жамланган маблағлардан молиялаштирилади.

Мазкур бандга мувофиқ Жамғармада жамланган маблағлар ҳисобидан:

етим бола ва ота-она қарамоғидан маҳрум бўлган болаларни қонунчиликда белгиланган тартибда уй-жой билан таъминлаш харажатлари ҳам молиялаштирилиши;

васийлик ёки ҳомийликка берилган Ижтимоий реестрга киритилган оилалардаги болаларга ушбу Низомга 2 — 13-иловаларга мувофиқ паспортларда назарда тутилган ижтимоий ёрдамлар кўрсатилиши мумкин.

40. Ушбу Низомнинг 39-бандига мувофиқ Жамғармада жамланган маблағлар ҳар ойда Жамғарма томонидан ҳудудий бошқармаларда очилган ғазна ҳисобварақларига ушбу ҳудудлардаги етим болалар ва ота-она қарамоғидан маҳрум бўлган болалар сонига мутаносиб равишда тақсимланади.

Бунда ҳудудий бошқармаларда очилган ғазна ҳисобварақларида ҳар ой бошида қолган қолдиқ маблағлар Агентлик томонидан ҳудудий бошқармалар ўртасида қайта тақсимланиши мумкин.

41. Ушбу Низомга 2 — 14-иловаларга мувофиқ паспортларда назарда тутилган ижтимоий ёрдамларни кўрсатиш ҳамда ушбу Низомнинг 39-банди учинчи ва тўртинчи хатбошиларида назарда тутилган харажатларни молиялаштириш Жамғарма томонидан тақсимланган ва ҳудудий бошқармалар ғазна ҳисобварақларига ўтказилган маблағлар доирасида амалга оширилади.

6-боб. Якунловчи қоидалар

42. «Инсон» марказларининг ижтимоий ходимлари ва ҳудудий бошқармалар томонидан етим бола ва ота-она қарамоғидан маҳрум бўлган болаларга кўрсатилган ҳар бир ижтимоий ёрдам тўғрисида «Ижтимоий ҳимоя» АТга ушбу ижтимоий ёрдам кўрсатилганидан сўнг бир иш куни ичида маълумот киритиб борилади.

43. Ушбу Низомда назарда тутилган СМС-хабарномаларни юбориш билан боғлиқ харажатлар Ижтимоий ҳимоя давлат жамғармаси ва қонунчилик ҳужжатларида тақиқланмаган бошқа манбалар ҳисобидан қопланади.

44. Ушбу Низомга мувофиқ етим бола ва ота-она қарамоғидан маҳрум бўлган болаларни ижтимоий қўллаб-қувватлаш мақсадида ижтимоий ёрдамлар кўрсатиш учун ажратилган маблағларнинг мақсадли ва самарали сарфланиши Агентликнинг ички аудит хизмати ва Давлат молиявий назорати инспекцияси томонидан назорат қилинади.

45. Етим бола ва ота-она қарамоғидан маҳрум бўлган болалар ёки уларнинг қонуний вакиллари ушбу Низомга мувофиқ ижтимоий ёрдамларни кўрсатиш билан боғлиқ тартиб-таомилларни амалга оширувчи мансабдор шахсларнинг хатти-ҳаракатлари устидан Агентликка ёки бевосита судга шикоят қилиши мумкин.

46. Сотувчилар қабул қилинган буюртмалар асосида товарларнинг белгиланган сифат ва муддатда етказиб берилишини таъминлаш учун жавобгар ҳисобланади.

47. Етим бола ва ота-она қарамоғидан маҳрум бўлган болалар товарлардан фойдаланиш йўриқномаси билан тўлиқ танишиб чиқиши ҳамда товарни сақлаш, фойдаланиш муддати давомида фойдаланиш, унинг фойдаланиш тартиб ва қоидаларига риоя қилиши лозим.

48. Етим бола ва ота-она қарамоғидан маҳрум бўлган болалар ёки уларнинг қонуний вакиллари томонидан товарларни бошқа шахсларга фойдаланиш учун бериш, улардан бошқа мақсадларда фойдаланиш, бошқа шахсларга совға қилиш ҳамда уларнинг қисмларини алмаштириш ёки сотиш қатъиян тақиқланади.

49. Етим бола ва ота-она қарамоғидан маҳрум бўлган болалар товарларни буюртма қилишдан олдин вафот этган тақдирда, уларга нисбатан шакллантирилган ваучер ўз кучини йўқотади.

50. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга 1-ИЛОВА

Етим бола ва ота-она қарамоғидан маҳрум бўлган болаларга ижтимоий ёрдамларни кўрсатиш

Босқичлар Субъектлар Тадбирлар Бажариш муддатлари 1-босқич «Инсон» ижтимоий хизматлар марказлари 1. Васийлик ёки ҳомийлик белгиланган, тутинган (фостер) оилага берилган, Болалар уйлари, Меҳрибонлик уйлари, Кичик ҳажмли болалар уйлари, Республика ўқув-тарбия муассасалари ҳамда «SOS — Ўзбекистон болалар маҳаллалари» уюшмасининг Болаларни муқобил парвариш қилиш хизматида тарбияланаётган (битирган) етим бола ёки ота-она қарамоғидан маҳрум бўлган бола деб эътироф этилган болалар бўйича индивидуал ривожланиш режаси ва индивидуал интеграция режасини шакллантиради. 2. Индивидуал ривожланиш режаси ва индивидуал интеграция режасига етим бола ва ота-она қарамоғидан маҳрум бўлган болага кўрсатилиши талаб этиладиган ижтимоий ёрдамларни белгилайди. 3. Етим бола ва ота-она қарамоғидан маҳрум бўлган болага кўрсатилиши мумкин бўлган ижтимоий ёрдамларни кўрсатиш бўйича тавсиянома шакллантиради. 4. Тавсияномани етим бола ёки ота-она қарамоғидан маҳрум бўлган болага тегишли ижтимоий ёрдам кўрсатиш учун Ўзбекистон Республикаси Президенти ҳузуридаги Ижтимоий ҳимоя миллий агентлигининг Қорақалпоғистон Республикаси, вилоятлар ва Тошкент шаҳар бошқармаларига (ҳудудий бошқармалар) киритади. Қонунчиликда белгиланган муддатларда Қонунчиликда белгиланган муддатларда Тегишли ижтимоий ёрдам паспортида назарда тутилган муддатда Тавсиянома тасдиқланганидан сўнг автоматик равишда 2-босқич Ҳудудий бошқармалар Тавсияномага мувофиқ етим бола ёки ота-она қарамоғидан маҳрум бўлган болага тегишли ижтимоий ёрдам кўрсатилишини таъминлайди. Тегишли ижтимоий ёрдамлар паспортларига мувофиқ

Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга 2-ИЛОВА

Касб-ҳунарга ўқитиш курслари харажатларини қоплаш тарзидаги ижтимоий ёрдамни кўрсатиш

1. Ижтимоий ёрдам номи: Касб-ҳунарга ўқитиш курслари харажатларини қоплаш 2. Ижтимоий ёрдам кўрсатиладиган дастур: Бандликни таъминлашга кўмаклашиш дастури 3. Ижтимоий ёрдам миқдори: Ҳар бир курс учун бир ойда қуйидаги миқдорларда: Тошкент шаҳрида базавий ҳисоблаш миқдорининг 2 бараваригача; Нукус шаҳри ва вилоятлар марказларида базавий ҳисоблаш миқдорининг 1,5 бараваригача; қолган ҳудудларда базавий ҳисоблаш миқдорининг 1 бараваригача. 4. Ижтимоий ёрдам кўрсатилувчи болалар тоифаси: Қуйидаги етим болалар ва ота-она қарамоғидан маҳрум бўлган болалар: ҳомийлик белгиланган болалар; тутинган (фостер) оилага берилган болалар; «SOS — Ўзбекистон болалар маҳаллалари» уюшмасининг болаларни муқобил парвариш қилиш хизмати тарбияланувчилари ва битирувчилари; республика ўқув-тарбия муассасаларининг битирувчилари; Меҳрибонлик уйи тарбияланувчилари ва битирувчилари; Кичик ҳажмли болалар уйлари тарбияланувчилари ва битирувчилари. 5. Ижтимоий ёрдамдан фойдаланувчининг ёш тоифаси: 17 — 23 ёш 6. Ижтимоий ёрдамдан фойдаланиш учун тақдим қилинадиган ҳужжатлар: Касб-ҳунарга ўқитиш курсларини ташкил этган тадбиркорлик субъекти билан тузилган шартнома ** . 7. Ижтимоий ёрдамни кўрсатиш талаблари ва шартлари: Қуйидаги мажбуриятлар юклатилади: касб-ҳунарга, шу жумладан, тадбиркорликка ўқитиш курсларига мунтазам қатнашиш; ўқув курси якуни бўйича белгиланган намунадаги бериладиган сертификатни олиш. 8. Ижтимоий ёрдам кўрсатиш даврийлиги: Фақат бир турдаги курс учун бир маротаба, 6 ойгача бўлган муддатда 9. Ижтимоий ёрдам кўрсатиш шакли: Мазкур паспортнинг 4-позициясида назарда тутилган болаларни касб-ҳунарга ўқитган (ўргатган) тадбиркорлик субъектларига ўқув курси ташкил этилган ҳудуд учун белгиланган миқдорларда электрон шаклда тузилган шартномага мувофиқ субсидия шаклида ўтказилади. Шартномага мувофиқ субсидия тўловлари ўқув курси давомийлигидан қатъий назар 6 ойгача бўлган давр учун ойма-ой мазкур паспортнинг 3-позициясида белгиланган миқдорлардан кўп бўлмаган миқдорда тўлаб борилади.

Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга 3-ИЛОВА

Тадбиркорлик ёки ўзини ўзи банд қилиш фаолиятини бошлаш учун асбоб-ускуна ёки меҳнат қуролларини харид қилиш тарзидаги ижтимоий ёрдамни кўрсатиш

1. Ижтимоий ёрдам номи: Тадбиркорлик ёки ўзини ўзи банд қилиш фаолиятини бошлаш учун асбоб-ускуна, велосипед, компьютер жамланмаси ва бошқа меҳнат қуролларини харид қилиш 2. Ижтимоий ёрдам кўрсатиладиган дастур: Бандликни таъминлашга кўмаклашиш дастури 3. Ижтимоий ёрдам миқдори: Базавий ҳисоблаш миқдорининг 30 бараваригача 4. Ижтимоий ёрдам кўрсатиладиган болалар тоифаси: Қуйидаги етим болалар ва ота-она қарамоғидан маҳрум бўлган болалар: ҳомийлик белгиланган болалар; тутинган (фостер) оилага берилган болалар; «SOS — Ўзбекистон болалар маҳаллалари» уюшмасининг болаларни муқобил парвариш қилиш хизмати битирувчилари; республика ўқув-тарбия муассасаларининг битирувчилари; Меҳрибонлик уйи тарбияланувчилари ва битирувчилари; Кичик ҳажмли болалар уйлари битирувчилари. 5. Ижтимоий ёрдамдан фойдаланувчининг ёш тоифаси: 16 — 23 ёш 6. Ижтимоий ёрдамдан фойдаланиш учун тақдим қилинадиган ҳужжатлар: — 7. Ижтимоий ёрдам кўрсатиш талаблари ва шартлари: Қуйидаги мажбуриятлар юклатилади: харид қилинган асбоб-ускуна, велосипед, компьютер жамланмаси ва бошқа меҳнат қуролларидан фойдаланиш орқали даромад келтирувчи фаолият билан шуғулланиш; харид қилинган асбоб-ускуна, велосипед, компьютер жамланмаси ва бошқа меҳнат қуролларини сотиб юбормаслик; харид қилинган асбоб-ускуна, велосипед, компьютер жамланмаси ва бошқа меҳнат қуролларини бошқа шахсларга фойдаланиш учун бермаслик. 8. Ижтимоий ёрдам кўрсатиш даврийлиги: Бир маротаба 9. Ижтимоий ёрдам кўрсатиш шакли: Асбоб-ускуна ёки велосипед ёхуд компьютер жамланмаси ёки меҳнат қуроллари етим бола ва ота-она қарамоғидан маҳрум бўлган болалар ёки уларнинг қонуний вакиллари томонидан ушбу турдаги товарлар сотиладиган электрон савдо платформаси ва савдо майдончалари орқали электрон шаклда харид қилинади ** .

Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга 4-ИЛОВА

Мусиқа ва спорт йўналишида инвентарлар, асбоб-ускуналар ҳамда махсус кийимларни харид қилиш тарзидаги ижтимоий ёрдамни кўрсатиш

1. Ижтимоий ёрдам номи: Мусиқа ва спорт йўналишида инвентарлар, асбоб-ускуналар ҳамда махсус кийимларни харид қилиш 2. Ижтимоий ёрдам кўрсатиладиган дастур: Эҳтиёжларни қўллаб-қувватлаш дастури 3. Ижтимоий ёрдам миқдори: Базавий ҳисоблаш миқдорининг 10 бараваригача 4. Ижтимоий ёрдам кўрсатиладиган болалар тоифаси: Қуйидаги етим болалар ва ота-она қарамоғидан маҳрум бўлган болалар: васийлик ёки ҳомийлик белгиланган болалар; тутинган (фостер) оилага берилган болалар . 5. Ижтимоий ёрдамдан фойдаланувчининг ёш тоифаси: 5 — 18 ёш 6. Ижтимоий ёрдамдан фойдаланиш учун тақдим қилинадиган ҳужжатлар: — 7. Ижтимоий ёрдамни кўрсатиш талаблари ва шартлари: — 8. Ижтимоий ёрдам кўрсатиш даврийлиги: Ҳар уч йилда бир маротаба 9. Ижтимоий ёрдам кўрсатиш шакли: Инвентарь, асбоб-ускуналар ҳамда махсус кийимлар етим бола ва ота-она қарамоғидан маҳрум бўлган болалар ёки уларнинг қонуний вакиллари томонидан ушбу турдаги товарлар реализация қилинадиган электрон савдо платформаси ва савдо майдончалари орқали электрон шаклда харид қилинади ** .

Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга 5-ИЛОВА

Олий таълим ташкилотларига ўқишга кириш учун тайёрланиш харажатларини қоплаш тарзидаги ижтимоий ёрдамни кўрсатиш

1. Ижтимоий ёрдам номи: Олий таълим ташкилотларига ўқишга кириш учун тайёрланиш харажатларини қоплаш 2. Ижтимоий ёрдам кўрсатиладиган дастур: Сифатли таълим олишга кўмаклашиш дастури 3. Ижтимоий ёрдам миқдори: Ҳар бир курс учун қуйидаги миқдорларда: Тошкент шаҳрида базавий ҳисоблаш миқдорининг 2 бараваригача; Нукус шаҳри ва вилоятлар марказларида базавий ҳисоблаш миқдорининг 1,5 бараваригача; қолган ҳудудларда базавий ҳисоблаш миқдорининг 1 бараваригача. 4. Ижтимоий ёрдам кўрсатиладиган болалар тоифаси: Қуйидаги етим болалар ва ота-она қарамоғидан маҳрум бўлган болалар: ҳомийлик белгиланган болалар; тутинган (фостер) оилага берилган болалар; «SOS — Ўзбекистон болалар маҳаллалари» уюшмасининг болаларни муқобил парвариш қилиш хизмати битирувчилари; республика ўқув-тарбия муассасаларининг битирувчилари; Меҳрибонлик уйи битирувчилари; Кичик ҳажмли болалар уйлари битирувчилари . 5. Ижтимоий ёрдамдан фойдаланувчининг ёш тоифаси: 14 — 23 ёш 6. Ижтимоий ёрдамдан фойдаланиш учун тақдим қилинадиган ҳужжатлар: Олий таълим ташкилотларига ўқишга кириш учун тайёрлаш хизматларини кўрсатувчи нодавлат таълим ташкилоти билан тузилган шартнома** 7. Ижтимоий ёрдамни кўрсатиш талаблари ва шартлари: Таълим ташкилотларига ўқишга кириш учун тайёрлаш курсларига мунтазам қатнашиш. 8. Ижтимоий ёрдам кўрсатиш даврийлиги: Ҳар бир курс (5 тагача) учун бир маротаба, 12 ойгача 9. Ижтимоий ёрдам кўрсатиш шакли: Нодавлат таълим ташкилотига шартномага мувофиқ ўтказилади. Бунда: ижтимоий ёрдам нодавлат таълим ташкилотига ўқув курси ташкил этилган ҳудуд учун белгиланган миқдорларда амалга оширилади; шартномага мувофиқ субсидия тўловлари ўқув курси давомида 12 ойгача бўлган давр учун ойма-ой мазкур паспортнинг 3-позициясида белгиланган миқдорлардан кўп бўлмаган миқдорда тўлаб борилади.

Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга 6-ИЛОВА

Олий таълим ташкилотлари талабаларининг таълим олиши учун тўлов-контракт суммасини тўлаш тарзидаги ижтимоий ёрдамни кўрсатиш

1. Ижтимоий ёрдам номи: Олий таълим ташкилотлари талабаларининг таълими учун тўлов-контракт суммасини тўлаш 2. Ижтимоий ёрдам кўрсатиладиган дастур: Сифатли таълим олишга кўмаклашиш дастури 3. Ижтимоий ёрдам миқдори: Давлат олий таълим муассасаларнинг тегишли бакалавриат таълим йўналишлари бўйича тасдиқланган тўлов-контракт суммалари миқдорида 4. Ижтимоий ёрдам кўрсатиладиган болалар тоифаси: Қуйидаги етим болалар ва ота-она қарамоғидан маҳрум бўлган болалар: ҳомийлик белгиланган болалар; тутинган (фостер) оилага берилган болалар; «SOS — Ўзбекистон болалар маҳаллалари» уюшмасининг болалар муқобил парвариш қилиш хизмати битирувчилари; республика ўқув-тарбия муассасаларининг битирувчилари; Меҳрибонлик уйи битирувчилари; Кичик ҳажмли болалар уйлари битирувчилари . 5. Ижтимоий ёрдамдан фойдаланувчининг ёш тоифаси: 17 — 23 ёш 6. Ижтимоий ёрдамдан фойдаланиш учун тақдим қилинадиган ҳужжатлар: Тўлов-контракт асосида таълим бериш тўғрисидаги шартнома. 7. Ижтимоий ёрдамни кўрсатиш талаблари ва шартлари: Олий таълим ташкилотлари талабаларининг таълим олиши учун тўлов-контракт суммасини тўлаш тарзидаги ижтимоий ёрдам фақат давлат олий таълим ташкилотлари бакалавриат босқичининг кундузги, кечки ва масофавий таълим шаклига ўқишга қабул қилинган етим болалар ва ота-она қарамоғидан маҳрум бўлган болаларга кўрсатилади. 8. Ижтимоий ёрдам кўрсатиш даврийлиги: Олий таълим ташкилотини бакалавр босқичини тугатгунга қадар, бироқ ижтимоий ёрдам олиш ёши доирасида 9. Ижтимоий ёрдам кўрсатиш шакли: Олий таълим ташкилотига тўлов-контракт асосида таълим бериш тўғрисидаги икки томонлама шартнома мувофиқ ўтказилади.

Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга 7-ИЛОВА

Миллий ва халқаро имтиҳон тизимлари бўйича имтиҳон топшириш харажатини компенсация қилиш тарзидаги ижтимоий ёрдамни кўрсатиш

1. Ижтимоий ёрдам номи: Миллий ва халқаро имтиҳон тизимлари бўйича имтиҳон топшириш харажатини компенсация қилиш. Бунда барча фанлар бўйича миллий имтиҳонлар ҳамда қуйидаги халқаро имтиҳон тизимлари харажатлари қопланади: International English Language Testing System (IELTS); Test of English as a Foreign Language internet Based Test (TOEFL) iBT; Graduate Management Admission Test (GMAT); Graduate Record Examinations (GRЕ); Scholastic Assessment Test (SAT). 2. Ижтимоий ёрдам кўрсатиладиган дастур: Сифатли таълим олишга кўмаклашиш дастури 3. Ижтимоий ёрдам миқдори: Базавий ҳисоблаш миқдорининг 7 бараваригача 4. Ижтимоий ёрдам кўрсатиладиган болалар тоифаси: Қуйидаги етим болалар ва ота-она қарамоғидан маҳрум бўлган болалар: ҳомийлик белгиланган болалар; тутинган (фостер) оилага берилган болалар; «SOS — Ўзбекистон болалар маҳаллалари» уюшмасининг болаларни муқобил парвариш қилиш хизмати битирувчилари; республика ўқув-тарбия муассасаларининг битирувчилари; Меҳрибонлик уйи битирувчилари; Кичик ҳажмли болалар уйлари битирувчилари . 5. Ижтимоий ёрдамдан фойдаланувчининг ёш тоифаси: 14 — 23 ёш 6. Ижтимоий ёрдамдан фойдаланиш учун тақдим қилинадиган ҳужжатлар: миллий ва халқаро имтиҳон тизимлари бўйича имтиҳон топшириш учун белгиланган тартибда юборилган ариза; миллий ва халқаро имтиҳон тизимлари бўйича имтиҳон топшириш учун тўлов амалга оширилганлигини тасдиқловчи ҳужжат (тўлов топшириқномаси, чек ва бошқалар); миллий ва халқаро имтиҳон тизимлари бўйича топширилган имтиҳон натижасини акс эттирувчи ҳужжатлар (сертификат, гувоҳнома ва бошқа). Мазкур блокда назарда тутилган ҳужжатларнинг ҳақиқийлиги Ўзбекистон Республикаси Ёшлар ишлари агентлиги кўмагида верификациядан ўтказилади ёки белгиланган тартибда тасдиқлатиб олинади. 7. Ижтимоий ёрдамни кўрсатиш талаблари ва шартлари: халқаро имтиҳон тизимлари бўйича имтиҳон топшириш харажати муқаддам қонунчилик ҳужжатларида белгиланган тартибда компенсация қилинмаган бўлса ** ; халқаро имтиҳон тизимлари бўйича топширилган имтиҳон натижаси қонунчилик ҳужжатларига мувофиқ имтиҳон топшириш харажати компенсация қилинадиган халқаро имтиҳон тизимлари рўйхатида назарда тутилган имтиҳон топшириш харажати компенсация қилиниши учун тўпланиши лозим бўлган юқори баллнинг (даражанинг) минимал кўрсаткичи билан бир хил ёки ундан 30 фоизга паст бўлса; миллий ва халқаро имтиҳон тизимлари бўйича топширилган имтиҳон натижасини акс эттирувчи ҳужжатлар ҳақиқий бўлса. 8. Ижтимоий ёрдам кўрсатиш даврийлиги: Халқаро имтиҳонда икки маротаба, миллий имтиҳонда эса ҳар бир фан бўйича (5 тагача) икки маротаба 9. Ижтимоий ёрдам кўрсатиш шакли: Етим болалар ва ота-она қарамоғидан маҳрум бўлган болалар ёки уларнинг қонуний вакилининг банк картасига ўтказилади.

Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга 8-ИЛОВА

Кийим-бош билан таъминлаш тарзидаги ижтимоий ёрдамни кўрсатиш

1. Ижтимоий ёрдам номи: Кийим-бош билан таъминлаш 2. Ижтимоий ёрдам кўрсатиладиган дастур: Эҳтиёжларни қўллаб-қувватлаш дастури 3. Ижтимоий ёрдам миқдори: Базавий ҳисоблаш миқдорининг 5 бараваригача 4. Ижтимоий ёрдам кўрсатиладиган болалар тоифаси: Васийлик ёки ҳомийлик белгиланган етим болалар ва ота-она қарамоғидан маҳрум бўлган болалар 5. Ижтимоий ёрдамдан фойдаланувчининг ёш тоифаси: 0 — 18 ёш 6. Ижтимоий ёрдамдан фойдаланиш учун тақдим қилинадиган ҳужжатлар: — 7. Ижтимоий ёрдамни кўрсатиш талаблари ва шартлари: — 8. Ижтимоий ёрдам кўрсатиш даврийлиги: Бир маротаба, ҳар йили 9. Ижтимоий ёрдам кўрсатиш шакли: Кийим-бош етим бола ва ота-она қарамоғидан маҳрум бўлган болалар ёки уларнинг қонуний вакиллари томонидан ушбу турдаги товарлар сотиладиган электрон савдо майдончалари орқали электрон шаклда харид қилинади.

Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга 9-ИЛОВА

Зарур уй жиҳозлари билан таъминлаш тарзидаги ижтимоий ёрдамни кўрсатиш

1. Ижтимоий ёрдам номи: Зарур уй жиҳозлари билан таъминлаш 2. Ижтимоий ёрдам кўрсатиладиган дастур: Эҳтиёжларни қўллаб-қувватлаш дастури 3. Ижтимоий ёрдам миқдори: Базавий ҳисоблаш миқдорининг 10 бараваригача 4. Ижтимоий ёрдам кўрсатиладиган болалар тоифаси: Қуйидаги етим болалар ва ота-она қарамоғидан маҳрум бўлган болалар: васийлик белгиланган болалар; ҳомийлик белгиланган болалар; тутинган (фостер) оилага берилган болалар . 5. Ижтимоий ёрдамдан фойдаланувчининг ёш тоифаси: 0 — 18 ёш 6. Ижтимоий ёрдамдан фойдаланиш учун тақдим қилинадиган ҳужжатлар: — 7. Ижтимоий ёрдамни кўрсатиш талаблари ва шартлари: Етим бола ёки ота-она қарамоғидан маҳрум бўлган бола учун зарур бўлган уй жиҳозларига бўлган эҳтиёж «Инсон» маркази ижтимоий ходимлари томонидан бевосита ушбу болалар яшаш жойига борган ҳолда ўрганилади. 8. Ижтимоий ёрдам кўрсатиш даврийлиги: Ҳар беш йилда бир маротаба 9. Ижтимоий ёрдам кўрсатиш шакли: Зарур уй жиҳозлари етим бола ва ота-она қарамоғидан маҳрум бўлган болалар ёки уларнинг қонуний вакиллари томонидан ушбу турдаги товарлар сотиладиган электрон савдо платформалари ёки савдо майдончалари орқали электрон шаклда харид қилинади ** .

Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга 10-ИЛОВА

Турар жойни жиҳозлаш харажатларини тўлаш тарзидаги ижтимоий ёрдамни кўрсатиш

1. Ижтимоий ёрдам номи: Турар жойни жиҳозлаш харажатларини тўлаш * 2. Ижтимоий ёрдам кўрсатиладиган дастур: Уй-жой шароитларини яхшилаш дастури 3. Ижтимоий ёрдам миқдори: Базавий ҳисоблаш миқдорининг 50 бараваригача 4. Ижтимоий ёрдам кўрсатиладиган болалар тоифаси: Қуйидаги етим болалар ва ота-она қарамоғидан маҳрум бўлган болалар: ҳомийлик белгиланган болалар ** ; тутинган (фостер) оилага берилган болалар ** ; «SOS — Ўзбекистон болалар маҳаллалари» уюшмасининг болаларни муқобил парвариш қилиш хизмати битирувчилари; республика ўқув-тарбия муассасаларининг битирувчилари; Меҳрибонлик уйи битирувчилари; Кичик ҳажмли болалар уйлари битирувчилари. 5. Ижтимоий ёрдамдан фойдаланувчининг ёш тоифаси: 18 — 23 ёш 6. Ижтимоий ёрдамдан фойдаланиш учун тақдим қилинадиган ҳужжатлар: — 7. Ижтимоий ёрдамни кўрсатиш талаблари ва шартлари: Мазкур турдаги ижтимоий ёрдам қонунчилик ҳужжатларига мувофиқ: давлат ҳисобидан турар жой билан таъминланадиган тоифага кирувчи ҳамда белгиланган тартибда турар жой олувчилар рўйхатига киритилган болаларга кўрсатилади; етим болалар ва ота-она қарамоғидан маҳрум бўлган болаларнинг давлат ҳисобидан берилган турар жойларини ёки мулк ҳуқуқи асосида ўзига тегишли бошқа турар жойларини жиҳозлаш учун ишлатилади; давлат ҳисобидан турар жойни бериш жараёнида зарур эҳтиёждан келиб чиқиб белгиланади. 8. Ижтимоий ёрдам кўрсатиш даврийлиги: Бир маротаба 9. Ижтимоий ёрдам кўрсатиш шакли: Жиҳозлар етим болалар ва ота-она қарамоғидан маҳрум бўлган болалар ёки уларнинг қонуний вакиллари томонидан ушбу турдаги товарлар сотиладиган электрон савдо платформалари ёхуд савдо майдончалари орқали электрон шаклда харид қилинади*** .

Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга 11-ИЛОВА

Жарроҳлик амалиётисиз даволаниш ҳамда жарроҳлик амалиёти харажатларини қоплаш тарзидаги ижтимоий ёрдамни кўрсатиш

1. Ижтимоий ёрдам номи: Жарроҳлик амалиётисиз даволаниш ҳамда жарроҳлик амалиёти харажатларини қоплаш 2. Ижтимоий ёрдам кўрсатиладиган дастур: Соғлиқни сақлаш дастури 3. Ижтимоий ёрдам миқдори: жарроҳлик амалиётисиз даволаниш харажатларини қоплаш учун Давлат тиббий суғурта жамғармаси томонидан қоплашини белгиланган базавий нархлар доирасида; жарроҳлик амалиётини ўтказиш, шу жумладан, амалиёт ўтказиладиган тиббиёт муассасасида жарроҳлик амалиётини ўтказишга қадар тиббий кўрик ва таҳлилларни ўтказиш ҳамда даволаш билан боғлиқ харажатларини қоплаш учун Давлат тиббий суғурта жамғармаси томонидан қоплашини белгиланган базавий нархлар доирасида. 4. Ижтимоий ёрдам кўрсатиладиган болалар тоифаси: Қуйидаги етим болалар ва ота-она қарамоғидан маҳрум бўлган болалар: а) даволаниш харажатларини қоплаш: васийлик белгиланган болалар; ҳомийлик белгиланган болалар; тутинган (фостер) оилага берилган болалар; б) жарроҳлик амалиёти харажатларини қоплаш: васийлик белгиланган болалар; ҳомийлик белгиланган болалар; Болалар уйлари тарбияланувчилари; тутинган (фостер) оилага берилган болалар; «SOS — Ўзбекистон болалар маҳаллалари» уюшмасининг болаларни муқобил парвариш қилиш хизмати битирувчилари; республика ўқув-тарбия муассасаларининг битирувчилари; Меҳрибонлик уйи битирувчилари; Кичик ҳажмли болалар уйлари битирувчилари. 5. Ижтимоий ёрдамдан фойдаланувчининг ёш тоифаси: 0 — 2 3 ёш 6. Ижтимоий ёрдамдан фойдаланиш учун тақдим қилинадиган ҳужжатлар: а) жарроҳлик амалиётисиз даволаниш харажатларини қоплаш учун етим бола ёки ота-она қарамоғидан маҳрум бўлган бола даволанаётган ёхуд даволаниши режалаштирилаётган даволаш-профилактика муассасасининг амалга оширилиши лозим бўлган муолажалар ва хизматлар ҳамда кўрсатилган тиббий хизмат учун тўланиши лозим бўлган маблағлар ҳақидаги маълумотномаси; б) жарроҳлик амалиёти харажатларини қоплаш учун етим бола ёки ота-она қарамоғидан маҳрум бўлган боланинг жарроҳлик амалиёти ўтказилишига муҳтожлигини тасдиқловчи ҳужжатлар. 7. Ижтимоий ёрдамни кўрсатиш талаблари ва шартлари: — 8. Ижтимоий ёрдам кўрсатиш даврийлиги: жарроҳлик амалиётисиз даволаниш харажатларини қоплаш — бир йилда бир маротаба; жарроҳлик амалиёти харажатларини қоплаш — заруратга кўра чекланмаган маротаба. 9. Ижтимоий ёрдам кўрсатиш шакли: Мазкур ижтимоий ёрдамни кўрсатиш бўйича маблағлар Давлат тиббий суғуртаси жамғармасига ўтказиб берилади. Бунда: ёрдам кўрсатиладиган шахсни жарроҳлик амалиётисиз даволаш ёки жарроҳлик амалиётини ўтказиш Давлат тиббий суғуртаси жамғармаси томонидан қонунчиликда белгиланган тартибда танланган ҳамда шартнома тузилган тиббиёт ташкилоти (давлат ёки нодавлат) томонидан амалга оширилади; Давлат тиббий суғуртаси жамғармаси томонидан мазкур турдаги ижтимоий ёрдамга муҳтож бола навбатсиз жарроҳлик амалиётидан ўтказилиши ҳамда тегишли тўловларни тиббиёт ташкилотига ўтказилиши таъминланади; ёрдам кўрсатиладиган шахсни жарроҳлик амалиётисиз даволаш ёки жарроҳлик амалиёти ўтказилганидан сўнг Давлат тиббий суғуртаси жамғармасининг талабномасига мувофиқ тегишли харажатларни молиялаштириш учун маблағлар Давлат тиббий суғуртаси жамғармасига ўтказилади; Давлат тиббий суғуртаси жамғармаси Ижро этувчи аппарати томонидан тегишли маблағлар тиббиёт ташкилотига ўтказиб берилади. 10. Изоҳ: Мазкур ёрдам уни олувчилар учун қонунчилик ҳужжатларига мувофиқ: Давлат бюджети маблағлари ҳисобидан имтиёзли тоифага кирувчи шахслар даволанадиган касалликлар рўйхатига мувофиқ йўлланмалар асосида; Тиббий ёрдам харажатлари Давлат тиббий суғуртаси жамғармаси ҳисобидан қопланмаган ҳолатларда кўрсатилади. Давлат тиббий суғуртаси жамғармаси томонидан Ижтимоий ҳимоя давлат жамғармаси маблағлари ҳисобидан тиббиёт ташкилотларига ўтказилган маблағлар бўйича алоҳида ҳисоб-китоб юритилади.

Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга 12-ИЛОВА

Сафарбарлик чақируви резервидаги хизматни ўташ харажатини қоплаш тарзидаги ижтимоий ёрдамни кўрсатиш

1. Ижтимоий ёрдам номи: Сафарбарлик чақируви резервидаги хизматни ўташ харажатини қоплаш 2. Ижтимоий ёрдам кўрсатиладиган дастур: Эҳтиёжларни қўллаб-қувватлаш дастури 3. Ижтимоий ёрдам миқдори: Қонунчилик ҳужжатларида белгиланган миқдорда 4. Ижтимоий ёрдам кўрсатиладиган болалар тоифаси: Қуйидаги етим болалар ва ота-она қарамоғидан маҳрум бўлган болалар: ҳомийлик белгиланган болалар ** ; тутинган (фостер) оилага берилган болалар ** ; «SOS — Ўзбекистон болалар маҳаллалари» уюшмасининг болаларни муқобил парвариш қилиш хизмати битирувчилари; республика ўқув-тарбия муассасаларининг битирувчилари; Меҳрибонлик уйи битирувчилари; Кичик ҳажмли болалар уйлари битирувчилари. 5. Ижтимоий ёрдамдан фойдаланувчининг ёш тоифаси: 18 — 2 3 ёш 6. Ижтимоий ёрдамдан фойдаланиш учун тақдим қилинадиган ҳужжатлар: Ариза берувчи ва туман (шаҳар) мудофаа ишлари бўлими ўртасида тузилган шартнома 7. Ижтимоий ёрдамни кўрсатиш талаблари ва шартлари: Шартномада белгиланган муддат ва талаблар асосида сафарбарлик чақируви резервидаги хизматни ўз вақтида ўташ 8. Ижтимоий ёрдам кўрсатиш даврийлиги: Бир маротаба 9. Ижтимоий ёрдам кўрсатиш шакли: Мудофаа вазирлигининг «Сафарбарлик чақируви резерви маблағлари» махсус ҳисобварағига бадал ўтказиш тартиби тўғрисидаги шартномага мувофиқ ўтказилади.

Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга 13-ИЛОВА

Автомототранспорт воситалари ҳайдовчиларини тайёрлаш ўқув курси, тест ва амалий имтиҳонлар харажатларини қоплаш тарзидаги ижтимоий ёрдамни кўрсатиш

1. Ижтимоий ёрдам номи: Автомототранспорт воситалари ҳайдовчиларини тайёрлаш ўқув курси, тест ва амалий имтиҳонлар харажатларини қоплаш 2. Ижтимоий ёрдам кўрсатиладиган дастур: Бандликни таъминлашга кўмаклашиш дастури 3. Ижтимоий ёрдам миқдори: ҳайдовчиларни тайёрлаш ўқув курси харажатларини қоплаш учун базавий ҳисоблаш миқдорининг 22 бараваригача; тест ва амалий имтиҳонлари харажатларини қоплаш учун базавий ҳисоблаш миқдорининг 8 бараваригача 4. Ижтимоий ёрдам кўрсатиладиган болалар тоифаси: Қуйидаги етим болалар ва ота-она қарамоғидан маҳрум бўлган болалар: ҳомийлик белгиланган болалар ** ; тутинган (фостер) оилага берилган болалар ** ; «SOS — Ўзбекистон болалар маҳаллалари» уюшмасининг болаларни муқобил парвариш қилиш хизмати битирувчилари; республика ўқув-тарбия муассасаларининг битирувчилари; Меҳрибонлик уйи битирувчилари; Кичик ҳажмли болалар уйлари битирувчилари. 5. Ижтимоий ёрдамдан фойдаланувчининг ёш тоифаси: 18 — 2 3 ёш 6. Ижтимоий ёрдамдан фойдаланиш учун тақдим қилинадиган ҳужжатлар: Мазкур ижтимоий ёрдамдан фойдаланувчи ҳамда давлат ва нодавлат таълим ташкилоти ўртасида электрон шаклда тузилган шартнома 7. Ижтимоий ёрдамни кўрсатиш талаблари ва шартлари: Қуйидаги мажбуриятлар юкланади: ўқув курсига мунтазам қатнашиш; ўқув курси якуни бўйича бериладиган белгиланган намунадаги ҳужжатни олиш; ўқув курсини тамомлагач, миллий ҳайдовчилик гувоҳномасини олиш бўйича назарий ва амалий имтиҳонларни топшириш. 8. Ижтимоий ёрдам кўрсатиш даврийлиги: Белгиланган сумма доирасида ҳар бир тоифа учун бир маротаба. 9. Ижтимоий ёрдам кўрсатиш шакли: Давлат ва нодавлат таълим ташкилотлари билан тузилган электрон шартномага мувофиқ (мазкур паспортнинг 3-позициясида белгиланганидан кўп бўлмаган миқдорда) ойма-ой ўтказилади

Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга 14-ИЛОВА

Оилавий болалар уйларини таъмирлаш учун маблағ ажратиш тарзидаги ижтимоий ёрдамни кўрсатиш

1. Ижтимоий ёрдам номи: Оилавий болалар уйларини таъмирлаш учун маблағ ажратиш 2. Ижтимоий ёрдам миқдори: Базавий ҳисоблаш миқдорининг 100 бараваригача 3. Ижтимоий ёрдам олувчи: Оилавий болалар уйларини ташкил этган жисмоний шахслар 4. Ижтимоий ёрдамдан фойдаланувчининг ёш тоифаси: 30 — 65 ёш 5. Ижтимоий ёрдамдан фойдаланиш учун тақдим қилинадиган ҳужжатлар: Хизмат кўрсатувчи ва қурилиш маҳсулотлари етказиб берувчи ҳамда ариза берувчи ўртасида тузилган шартнома нусхаси. 6. Ижтимоий ёрдамни кўрсатиш талаблари ва шартлари: — 7. Ижтимоий ёрдам кўрсатиш даврийлиги: 5 йилда бир марта 8. Ижтимоий ёрдам кўрсатиш шакли: 1. Мазкур ёрдам бўйича қурилиш материаллари ва таъмирлаш учун маблағлар туман (шаҳар)лар ободонлаштириш бошқармалари ёки «Маҳалла сервис компанияси» МЧЖга шартномага мувофиқ пул ўтказиш йўли билан тақдим этилади. Кўрсатилган маблағларнинг 20 фоизигача бўлган қисми иш ҳақи ва бошқа харажатлар учун сарфланади. Таъмирлаш ишларини бошлаш учун туман (шаҳар)лар ободонлаштириш бошқармалари ёки «Маҳалла сервис компанияси» га кўрсатилган маблағларнинг 30 фоизи аванс сифатида шартномага асосан ўтказиб берилади. Уй-жойни таъмирлаш ишлари ёрдамдан фойдаланувчи томонидан амалга оширилиши кўрсатилган тақдирда, назарда тутилган маблағнинг 80 фоизи қурилиш материаллари етказиб берувчи тадбиркорлик субъектларига шартномага мувофиқ ўтказиб берилади. 2. Туманлар (шаҳарлар) ободонлаштириш бошқармалари ёки «Маҳалла сервис компанияси» таъмирлаш ишларининг натижалари «Инсон» ижтимоий хизматлар маркази ва «маҳалла еттилиги» томонидан топшириш-қабул қилиш далолатномасига асосан қабул қилинади ҳамда таъмирлаш учун қолган маблағлар ўтказиб берилади. Бунда нуқсон далолатномасида кўрсатилган ҳолатлар тўлиқ бартараф этилмаганда, таъмирлаш ишлари якунланмаган ҳисобланади ҳамда «маҳалла еттилиги» томонидан қабул қилинмайди. 9. Изоҳ: Уй-жойни жорий таъмирлаш бўйича маблағлар қуйидаги ҳолларда ажратилади: уй-жойнинг том қисмини таъмирлаш учун; уй-жойнинг яшаш хоналарини пол қисмини таъмирлаш учун; уй-жойнинг яшаш хоналарини кенгайтириш ва қўшимча хона қуриш учун; уй-жойнинг яшаш хоналари ва ошхонасининг эшик ва деразаси йўқ ёки яроқсиз ҳолатда бўлса, янгилаш ёки таъмирлаш учун; уй-жойнинг ҳаммом ёки ҳожатхонаси мавжуд бўлмаса ёки таъмирталаб бўлса, янгитдан қуриш ёки таъмирлаш учун; уй-жойнинг иситиш тизими мавжуд бўлмаса ёки таъмирталаб бўлса, иситиш тизимини қуриш ёки таъмирлаш, шунингдек, заруратга кўра, иситиш қозонларини ёки қуёш панелларини харид қилиш, ўрнатиш ва таъмирлаш учун. Мазкур ёрдамдан фойдаланиш учун Оилавий болалар уйини ташкил этган хонадон эгаси мурожаатига мувофиқ «Инсон» ижтимоий хизматлар маркази томонидан ёрдам олувчиларга мулк ҳуқуқи ёки бошқа ашёвий ҳуқуқлар асосида тегишли бўлган уй-жойларга борган ҳолда ҳақиқатда муҳтожлик мавжудлиги юзасидан ўрганиш ўтказилиб, нуқсон далолатномаси тузилади. Бунда нуқсон далолатномасида ёрдамдан фойдаланувчига тегишли уй-жойнинг таъмирланиши лозим бўлган қисмлари ҳамда янгисига алмаштирилиши лозим бўлган жиҳозлар (эшик-ром, шифер ва бошқалар) аниқ кўрсатилган ҳолда уй-жойнинг фотосуратлари илова қилинади. «Маҳалла еттилиги» томонидан тасдиқланган далолатномага асосан таъмирлаш ишлари учун маблағлар ўтказиб берилади.

Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга 15-ИЛОВА

Ваучер асосида етим бола, ота-она қарамоғидан маҳрум бўлган болага етказиб берилган товарлар учун сотувчиларга ваучер қийматидан кўп бўлмаган миқдордаги маблағларни ўтказиш бўйича

20__ йил ___ ___________ _________ шаҳри (тумани) Далолатномани расмийлаштирувчи ______________________ туман (шаҳар) «Инсон» ижтимоий хизматлар марказлари ижтимоий ходими: _________________________________________________________________ (Ф.И.О.) Етим бола ёки ота-она қарамоғидан маҳрум бўлган боланинг Ф.И.О ҳамда жисмоний шахснинг шахсий идентификация рақами (ЖШШИР): _________________________________________________________________ Етим бола ёки ота-она қарамоғидан маҳрум бўлган боланинг яшаш манзили:__________________________________________________________ Етим бола ёки ота-она қарамоғидан маҳрум бўлган боланинг ваучер асосида сотиб олган буюртмалари етказиб берилган ва қабул қилиб олинган сана:_____________________________________________________________ Етим бола ёки ота-она қарамоғидан маҳрум бўлган бола томонидан ваучер асосида сотиб олинган товар тури, номи ва нархи: _________________________________________________________________ Сотиб олинган тегишли товар учун белгиланган ваучер қиймати: _________________________________________________________________ Етказиб берилган, топширилган товарнинг ҳақиқатда етим бола ёки ота-она қарамоғидан маҳрум бўлган болага етказиб берилгани ва уларда нуқсонлар аниқланмагани тўғрисидаги маълумотлар: ________________________________________________________________ * Буюртмани қабул қилиб олган етим бола ёки ота-она қарамоғидан маҳрум бўлган боланинг вафот этганлиги ҳолатлари. Бунда етим бола ёки ота-она қарамоғидан маҳрум бўлган боланинг вафот этганлиги Адлия вазирлигининг тегишли ахборот тизимлари орқали ўлим тўғрисидаги маълумотлари асосида тасдиқланиши лозим. Сотувчи ташкилотнинг номи ва СТИР рақами: _________________________________________________________________ Сотувчининг банк ҳисобварағи ва МФО рақами: _________________________________________________________________ * Етим бола ёки ота-она қарамоғидан маҳрум бўлган боланинг буюртмани ҳақиқатда олганлигини тасдиқловчи фотосуратлар илова қилинади. Ижтимоий ходим: _________________________ (Ф.И.О) QR- код (матрик штрихли код)

Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга 16-ИЛОВА

Етим бола ёки ота-она қарамоғидан маҳрум бўлган болага ваучер асосида сотиб олинган товарларнинг ҳақиқатда етказиб берилганлигини ўрганиш бўйича

20__ йил ___ ___________ _________ шаҳри (тумани) Далолатномани расмийлаштирувчи ______________________ туман (шаҳар) «Инсон» ижтимоий хизматлар марказлари ижтимоий ходими _________________________________________________________________ (Ф.И.О) Етим бола ёки ота-она қарамоғидан маҳрум бўлган боланинг Ф.И.О ҳамда жисмоний шахснинг шахсий идентификация рақами (ЖШШИР): _________________________________________________________________ Етим бола ёки ота-она қарамоғидан маҳрум бўлган боланинг яшаш манзили:__________________________________________________________ Етим бола ёки ота-она қарамоғидан маҳрум бўлган бола ваучер асосида сотиб олган товар етказиб берилган ва қабул қилиб олинган сана: _________________________________________________________________ Етим бола ёки ота-она қарамоғидан маҳрум бўлган бола томонидан ваучер асосида сотиб олинган товар тури ва номи: _________________________________________________________________ Етказиб берилган (етим бола ёки ота-она қарамоғидан маҳрум бўлган болага топширилган) товар тури ва номи: ______________________________ Етказиб берилган, етим бола ёки ота-она қарамоғидан маҳрум бўлган болага топширилган товарнинг ҳолати (техник талабларга мувофиқлиги, сифати, нуқсонлари мавжудлиги) тўғрисидаги маълумотлар: _________________________________________________________________ I. Етим бола ёки ота-она қарамоғидан маҳрум бўлган бола фойдаланишида бўлган товарнинг носоз ёки фойдаланиш учун яроқсиз бўлиб қолганлиги тўғрисидаги маълумотлар: а) кафолат муддати давомида носоз бўлиб қолганлиги ҳолатлари: _________________________________________________________________ б) кафолат муддати тугагандан сўнг фойдаланиш муддати давомида яроқсиз бўлиб қолганлиги ҳолатлари: ________________________________* II. Буюртмани қабул қилиб олган етим бола ёки ота-она қарамоғидан маҳрум бўлган бола яшаш манзилидан кўчиб кетган ва у ерда яшамаётганлиги ҳолатлари ҳамда ҳозирда яшаш манзили тўғрисидаги маълумотлар: ___________________________________ ____ __ Буюртмаларнинг етказиб берилганлиги ва уларнинг техник ҳолати ўрганилган сана ва вақт: _____________________________________________ * Товарнинг сифатсизлиги, нуқсонлари мавжудлиги ва фойдаланиш учун яроқсиз бўлиб қолганлигини тасдиқловчи фотосуратлар илова қилинади. Ижтимоий ходим: ______________________ (Ф.И.О) QR-код (матрик штрихли код)

Вазирлар Маҳкамасининг 2025 йил 5 майдаги 294-сон қарорига 3-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Етим болалар ва ота-онасининг ёки бошқа қонуний вакилларининг қарамоғидан маҳрум бўлган болаларнинг ижтимоий ҳимоясини янада кучайтириш чора-тадбирлари тўғрисида» 2020 йил 21 ноябрдаги 739-сон қарорида :

а) 1-банднинг иккинчи хатбошиси қуйидаги таҳрирда баён этилсин:

«етим болалар ва ота-онасининг ёки бошқа қонуний вакилларининг қарамоғидан маҳрум бўлган болалар давлат тарбия, даволаш-соғломлаштириш, тиббий-ижтимоий муассасаларида ҳамда уларни тамомлагандан сўнг академик лицей, касб-ҳунар мактаблари, коллежлар, техникумлар ва олий таълим муассасаларида (кейинги ўринларда — таълим муассасалари) таълим-тарбия оладиган муддатда тўлиқ давлат таъминотида бўлиши»;

б) қуйидаги мазмундаги 2 1 -банд билан тўлдирилсин:

«2 1 . Мазкур қарорнинг 2-бандида назарда тутилган битирув нафақаси олий таълим муассасаларидан ўқишдан четлаштирилган (ўқишнинг бошқа таълим муассасасига кўчирилиши бундан мустасно) талабаларга ҳам улар меҳнат шартномаси асосида ўзларининг бандлигини таъминлаган ҳамда уч ойлик иш ҳақи олганлигини тасдиқловчи ҳужжатларни тақдим этганда берилади.

Мазкур бандда назарда тутилган талабаларга битирув нафақаси улар ўқишдан четлатилган таълим муассасаси томонидан берилади»;

в) 1-иловада :

илованинг номи ва 1-банддаги «ва техникумларда» сўзлари «ва техникумлар ҳамда олий таълим муассасаларида» сўзлари билан алмаштирилсин;

4-банднинг учинчи хатбошиси қуйидаги таҳрирда баён этилсин:

«Шунингдек, ўқувчи (талаба)ларга улар таълим муассасасини битираётганда, ўқишдан четлаштирилганда (ўқишнинг бошқа таълим муассасасига кўчирилганлиги, суд қарорига кўра кириш имтиҳонларида белгиланган тартибни бузганлиги аниқланганлиги, вафот этганлиги муносабати билан ўқишдан четлатилганлик бундан мустасно), ишга қабул қилинаётганда кийим-бош, пойабзал ва бошқа буюмлар сотиб олиш ҳамда йўл харажатлари учун меҳнатга ҳақ тўлашнинг энг кам миқдорининг 35 баравари миқдорида пул нафақаси (кейинги ўринларда — битирув нафақаси) берилади, ушбу Низомнинг 8-банди учинчи хатбошисида кўрсатилган ўқувчи (талаба)лар бундан мустасно»;

12-банд қуйидаги таҳрирда баён этилсин:

«12. Ўқувчи (талаба)ларга ижтимоий таъминот ёрдами, транспортда юриш карточкалари ҳамда битирув нафақасини бериш бўйича тегишли ҳужжатларни йиғиш ва расмийлаштириш ўқувчи (талаба)нинг гуруҳ раҳбари (мураббий) ёки ишчи гуруҳнинг бошқа масъули томонидан амалга оширилади.

Гуруҳ раҳбари ёки Ишчи гуруҳнинг бошқа масъули томонидан ўқувчи (талаба)ларга битирув нафақасини бериш бўйича тегишли ҳужжатларни йиғиш ва расмийлаштиришда ўқувчи (талаба)ларга муқаддам ушбу нафақа берилмаганлигини аниқлаш учун уларни бошқа таълим муассасаларини битирган ёки улардан ўқишдан четлатилганда «Олий таълим жараёнларини бошқариш (HEMIS)» ахборот тизими орқали текширилади»;

14-бандда :

биринчи хатбошидаги «гуруҳ раҳбари томонидан» сўзлари «гуруҳ раҳбари ёки Ишчи гуруҳнинг бошқа масъули томонидан» сўзлари билан алмаштирилсин;

«г» кичик банд қуйидаги мазмундаги «г» ва «д» кичик бандлари билан алмаштирилсин:

«г) ўқишдан четлаштирилган талабанинг уч ой ишлаганлиги ҳамда иш ҳақи ва иш стажини тасдиқловчи маълумотнома;

д) ўқувчи (талаба)нинг етим болалар ва ота-онасининг ёки бошқа қонуний вакилларининг қарамоғидан маҳрум бўлганлигини тасдиқловчи ҳужжатлар:

ота-онасининг ўлими ҳақидаги гувоҳнома нусхаси ёки суднинг ота-онани вафот этган деб топганлиги тўғрисидаги қарори нусхаси;

ота-онасининг ёки бошқа қонуний вакилларининг қарамоғидан маҳрум бўлганлигини тасдиқловчи ҳужжат нусхаси»;

31-бандда :

биринчи хатбоши «таълим муассасасини битираётганда,» сўзларидан кейин «ўқишдан четлаштирилганда,» сўзлари билан тўлдирилсин;

қуйидаги мазмундаги учинчи хатбоши билан тўлдирилсин:

«Ўқишдан четлаштирилган талабаларга битирув нафақаси улар томонидан мазкур Низомнинг 14-бандининг «г» кичик бандида белгиланган ҳужжатларни тақдим этилган тақдирда берилади»;

32-банд «таълим муассасасини битираётганда,» сўзларидан кейин «ўқишдан четлаштирилганда,» сўзлари билан тўлдирилсин;

33-банд қуйидаги мазмундаги иккинчи хатбоши билан тўлдирилсин:

«Ўқишдан четлаштирилган талабаларга битирув нафақаси мазкур Низомнинг 14-бандининг «г» кичик бандида назарда тутилган ҳужжатларни тақдим этган кундан эътиборан уч ой ичида унинг банк картасига пул ўтказиш орқали ёки нақд пул шаклида берилади».

2. Вазирлар Маҳкамасининг 2020 йил 30 ноябрдаги 753-сон қарори билан тасдиқланган Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалигида хизматлар кўрсатиш агентлигининг Виночиликни ривожлантириш жамғармаси тўғрисидаги низомнинг 5-банди ўн бешинчи хатбошиси қуйидаги таҳрирда баён этилсин:

«2022 йил 1 январдан бошлаб алкоголь маҳсулотларининг (пиво ва табиий вино бундан мустасно) улгуржи савдоси билан шуғулланувчи корхоналар соф тушумининг уч фоизи миқдоридаги ажратмалар ҳисобидан етим болалар ва ота-она қарамоғидан маҳрум бўлган болалар ҳамда ижтимоий ҳимояга муҳтож оилаларнинг фарзандларини қўллаб-қувватлаш ҳамда ижтимоий ёрдам кўрсатиш учун Ижтимоий ҳимоя давлат жамғармасини молиялаштириш».

3. Вазирлар Маҳкамасининг 2021 йил 25 октябрдаги 656-сон қарори билан тасдиқланган Етим болалар ва ота-она қарамоғидан маҳрум бўлган болаларни уй-жой билан таъминлаш тартиби тўғрисидаги низомда :

11-банд қуйидаги мазмундаги иккинчи хатбоши билан тўлдирилсин:

«Бунда 23 ёшдан катта бўлмаган даврда «онлайн-навбат» ахборот тизимига киритилган ва уй-жой билан таъминлаш ҳуқуқига эга бўлган етим болалар ва ота-она қарамоғидан маҳрум бўлган болаларга улар 27 ёшга етгунга қадар Етим болалар ва ота-она қарамоғидан маҳрум бўлган болаларни уй-жой билан таъминлаш туман (шаҳар) комиссияларининг хулосасига асосан уй-жой харид қилиниши мумкин»;

18-банднинг учинчи хатбошиси «ота-она қарамоғидан маҳрум бўлган болалар» сўзларидан кейин «улар 23 ёшга тўлгунига қадар» сўзлари билан тўлдирилсин.

Вазирлар Маҳкамасининг 2025 йил 5 майдаги 294-сон қарорига 4-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган баъзи қарорлари

1. Вазирлар Маҳкамасининг «Етим болалар ва ота-она қарамоғидан маҳрум бўлган болаларни ҳар томонлама қўллаб-қувватлашга қаратилган «Меҳр дафтари» тизимини жорий этиш чора-тадбирлари тўғрисида» 2022 йил 17 январдаги 26-сон қарори .

2. Вазирлар Маҳкамасининг «Оила ва хотин-қизлар билан ишлаш, маҳалла ва нуронийларни қўллаб-қувватлаш тизими такомиллаштирилиши муносабати билан Ўзбекистон Республикаси Ҳукуматининг айрим ҳужжатларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2022 йил 9 августдаги 438-сон қарорига 1-илованинг 107-банди .

Ўзбекистон Республикаси Бош вазири А. АРИПОВ

Тошкент ш.,

2025 йил 5 май,

294-сон

(Қонунчилик маълумотлари миллий базаси, 08.05.2025 й., 09/25/294/0419-сон; 17.09.2025 й., 09/25/587/0836-сон; 12.02.2026 й., 09/26/48/0134-сон; 22.05.2026 й., 09/26/271/0529-сон; 07.10.2026 й., 09/26/539/1004-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

PASPORTI *

PASPORTI *

PASPORTI *

PASPORTI *

PASPORTI *

PASPORTI *

PASPORTI *

PASPORTI *

PASPORTI

PASPORTI *

PASPORTI *

PASPORTI *

PASPORTI

BILDIRISHNOMA

DALOLATNOMA

ROʻYXATI

Yetim va ota-ona qaramogʻidan mahrum boʻlgan bolalarni har tomonlama qoʻllab-quvvatlash hamda ularga ijtimoiy yordam koʻrsatish bilan bogʻliq xarajatlarni moliyalashtirishga doir qoʻshimcha chora-tadbirlar toʻgʻrisida

[Koʻchirma]

Oʻzbekiston Respublikasi Prezidentining “Bolalarni ijtimoiy himoya qilish tizimini yanada takomillashtirish chora-tadbirlari toʻgʻrisida” 2024-yil 14-noyabrdagi PF-185-son Farmoniga muvofiq yetim bolalar va ota-ona qaramogʻidan mahrum boʻlgan bolalar hamda ijtimoiy himoyaga muhtoj oilalarning farzandlarini ijtimoiy qoʻllab-quvvatlash choralarining samaradorligini yanada oshirish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Bolalarni ijtimoiy himoya qilish tizimini yanada takomillashtirish chora-tadbirlari toʻgʻrisida” 2024-yil 14-noyabrdagi PF-185-son Farmoniga muvofiq:

2025-yil 1-yanvardan boshlab Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi “Mehr daftari” jamgʻarmalarining amaldagi moliyalashtirish manbalari hamda mavjud qoldiq mablagʻlari Ijtimoiy himoya davlat jamgʻarmasiga oʻtkazilgan holda tugatilgani;

Ijtimoiy himoya davlat jamgʻarmasi tomonidan “Mehr daftari”ga kiritilgan yetim bolalar va ota-ona qaramogʻidan mahrum boʻlgan bolalarni qoʻllab-quvvatlash tadbirlari uchun ajratilgan mablagʻlar Oʻzbekiston Respublikasi Prezidenti huzuridagi Ijtimoiy himoya milliy agentligining (keyingi oʻrinlarda — Agentlik) Qoraqalpogʻiston Respublikasi, viloyatlar va Toshkent shahar boshqarmalarining (keyingi oʻrinlarda — hududiy boshqarmalar) gʻazna hisobvaragʻiga ushbu hududlardagi yetim bolalar va ota-ona qaramogʻidan mahrum boʻlgan bolalar soniga mutanosib ravishda taqsimlanishi belgilangani maʼlumot uchun qabul qilinsin.

2. Belgilansinki, Agentlikning hududiy boshqarmalari gʻazna hisobvaraqlariga taqsimlangan mablagʻlar quyidagilarga ijtimoiy yordamlar koʻrsatishga sarflanadi:

a) muqobil joylashtirish shakllari boʻyicha tarbiyaga olingan (farzandlikka olingan bolalar bundan mustasno) yetim bolalar va ota-ona qaramogʻidan mahrum boʻlgan bolalarga.

Bunda:

oilaviy bolalar uylarini tashkil etgan fuqarolarga oilaviy bolalar uyida tarbiyalanayotgan bolalar uchun zarur shart-sharoitlar yaratish hamda turar joylarni taʼmirlash maqsadida, istisno tariqasida, bazaviy hisoblash miqdorining 100 baravarigacha miqdorda ijtimoiy yordam koʻrsatishga ruxsat beriladi;

oilaviy bolalar uylarini tashkil etgan fuqarolarning ushbu maqsadlar uchun uy-joy sharoitlarini yaxshilash, shu jumladan, bolalar uchun yashash xonalarini taʼmirlash, kengaytirish hamda alohida xonalar ajratish (qurish) choralari koʻriladi;

b) ota-onasi uch oydan ortiq muddatga chet davlatga vaqtincha chiqib ketayotganligi munosabati bilan vasiylik (homiylik) tayinlangan bola(lar)ni vasiylik (homiylik)ka bergan yoki vasiylik (homiylik)ka olgan oilalarning biri (ikkalasi) Ijtimoiy reyestrga kiritilgan boʻlsa, vasiylik (homiylik)ka berilgan bola(lar)ga (keyingi oʻrinlarda — vasiylik yoki homiylikka berilgan Ijtimoiy reyestrga kiritilgan oilalardagi bolalar).

3. Shunday tartib oʻrnatilsinki, unga muvofiq:

yetim bolalar va ota-ona qaramogʻidan mahrum boʻlgan bolalarga ijtimoiy yordamlar ularning maqomi va yoshiga muvofiq shakllantiriladigan individual rivojlanish hamda individual integratsiya rejalari asosida koʻrsatiladi;

vasiylik yoki homiylikka berilgan Ijtimoiy reyestrga kiritilgan oilalardagi bolalarga ijtimoiy yordamlar ularning oilasi boʻyicha ishlab chiqilgan individual rejada nazarda tutilgan taqdirda koʻrsatiladi;

yetim bolalar va ota-ona qaramogʻidan mahrum boʻlgan bolalar hamda vasiylik yoki homiylikka berilgan Ijtimoiy reyestrga kiritilgan oilalardagi bolalarga ijtimoiy yordam alohida murojaat talab etmagan holda koʻrsatiladi;

bevosita tovarlarni (asbob-uskuna, mehnat qurollari, uy jihozlari va boshqalar) xarid qilish bilan bogʻliq yordamlar “Yagona milliy ijtimoiy himoya” axborot tizimining elektron savdo platformasi (keyingi oʻrinlarda — elektron savdo platformasi) yoki tadbirkorlik subyektlari tomonidan yuritiladigan elektron savdo maydonchalari orqali koʻrsatiladi.

4. Ijtimoiy himoya milliy agentligi hamda Kambagʻallikni qisqartirish va bandlik vazirligining yetim bolalar va ota-ona qaramogʻidan mahrum boʻlgan ishsiz bolalarni kasb-hunarga oʻqitgan tadbirkorlik subyektlari uchun oʻqish toʻlovini joriy etish toʻgʻrisidagi taklifiga rozilik berilsin.

Belgilansinki, ushbu oʻqish toʻlovi 2026-yil 1-martdan boshlab 17 yoshdan 23 yoshgacha boʻlgan har bir yetim bola yoki ota-ona qaramogʻidan mahrum boʻlgan bola deb eʼtirof etilgan shaxslarni oʻqitgan tadbirkorlik subyektlariga Toshkent shahrida bazaviy hisoblash miqdorining 2 baravarigacha, Nukus shahri va viloyatlar markazlarida bazaviy hisoblash miqdorining 1,5 baravarigacha, qolgan hududlarda bazaviy hisoblash miqdorining 1 baravarigacha miqdorda toʻlanadi.

5. Quyidagilarni nazarda tutuvchi Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizom 1-ilovaga muvofiq tasdiqlansin:

koʻrsatiladigan ijtimoiy yordamlar dasturlari va turlarini belgilash;

ijtimoiy yordamlarni koʻrsatishni monitoring qilish va toʻxtatish;

ijtimoiy yordam koʻrsatish xarajatlarini moliyalashtirish tartibi.

6. Iqtisodiyot va moliya vazirligi Ijtimoiy himoya milliy agentligi bilan birgalikda bir oy muddatda ushbu qarorning 1-bandiga muvofiq Ijtimoiy himoya milliy agentligining hududiy boshqarmalari uchun tegishli gʻazna hisobvaraqlari ochilishini taʼminlasin.

7. Ijtimoiy himoya milliy agentligi:

a) uch oy muddatda manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlar ushbu qarorga muvofiqlashtirilishini;

b) 2025-yil 1-avgustga qadar Raqamli texnologiyalar vazirligi bilan birgalikda yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartib-taomillarining toʻliq raqamlashtirilishini;

v) doimiy ravishda Oʻzbekiston Milliy teleradiokompaniyasi, Axborot va ommaviy kommunikatsiyalar agentligi hamda manfaatdor vazirlik va idoralar bilan birgalikda Ijtimoiy himoya davlat jamgʻarmasi mablagʻlari va qonunchilik hujjatlari bilan taqiqlanmagan boshqa manbalar hisobidan bolalarga nisbatan zoʻravonlikning barcha shakllari jamiyatning ijtimoiy barqarorligiga salbiy taʼsirini koʻrsatadigan, ogʻir hayotiy vaziyatga tushgan va jamiyatga toʻliq ijtimoiy moslashtirilgan bolalar haqida koʻrsatuvlar, filmlar va ijtimoiy roliklar tayyorlab, targʻibot qilinishini taʼminlasin.

Bunda tayyorlangan koʻrsatuvlar, filmlar va ijtimoiy roliklar Oʻzbekiston Milliy teleradiokompaniyasi tarkibidagi va nodavlat telekanallar tomonidan bepul efirga uzatiladi.

10. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.

11. Oʻzbekiston Respublikasi Hukumatining baʼzi qarorlari 4-ilovaga muvofiq oʻz kuchini yoʻqotgan deb hisoblansin.

12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Vazirlar Mahkamasining 2025-yil 5-maydagi 294-son qaroriga 1-ILOVA

Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisida

1-bob. Umumiy qoidalar

1. Ushbu Nizom yetim bolalar va ota-ona qaramogʻidan mahrum boʻlgan bolalarga ijtimoiy yordamlar koʻrsatish tartibini belgilaydi.

Ushbu Nizom talablari ota-onasi uch oydan ortiq muddatga chet davlatga vaqtincha chiqib ketayotganligi munosabati bilan vasiylik (homiylik) tayinlangan bola(lar)ni vasiylik (homiylik)ka bergan yoki vasiylik (homiylik)ka olgan oilalarning biri (ikkalasi) Ijtimoiy reyestrga kiritilgan boʻlsa, vasiylik (homiylik)ka berilgan bola(lar)ga (keyingi oʻrinlarda — vasiylik yoki homiylikka berilgan Ijtimoiy reyestrga kiritilgan oilalardagi bolalar) nisbatan ham tatbiq etiladi. Bunda:

ushbu Nizom asosida vasiylik yoki homiylikka berilgan Ijtimoiy reyestrga kiritilgan oilalardagi bolalarga ijtimoiy yordamlar ularning oilasi boʻyicha ishlab chiqilgan individual rejada nazarda tutilgan taqdirda koʻrsatiladi;

vasiylik yoki homiylikka berilgan Ijtimoiy reyestrga kiritilgan oilalardagi bolalarga reyestrga kiritilgan oila farzandlariga ijtimoiy yordam koʻrsatishda alohida murojaat qilish talab etilmaydi.

2. Ushbu Nizomda quyidagi asosiy tushunchalardan foydalaniladi:

vaucher — ayrim turdagi tovarlarni davlat tomonidan qoplab beriladigan mablagʻlar (subsidiya) hisobidan xarid qilish imkoniyatini beradigan matritsali shtrix kod (QR-kod) bilan tasdiqlangan elektron hujjat;

yetim bola va ota-ona qaramogʻidan mahrum boʻlgan bolalar — vasiylik yoki homiylik belgilangan, tutingan (foster) oilaga berilgan, Bolalar uylari, Mehribonlik uylari, Kichik hajmli bolalar uylari, Respublika oʻquv-tarbiya muassasalari hamda “SOS — Oʻzbekiston bolalar mahallalari” uyushmasining bolalarni muqobil parvarish qilish xizmatida tarbiyalanayotgan yoki bitiruvchilari boʻlgan yetim bola yoki ota-ona qaramogʻidan mahrum boʻlgan bola deb eʼtirof etilgan bolalar;

Jamgʻarma — Oʻzbekiston Respublikasi Prezidenti huzuridagi Ijtimoiy himoya milliy agentligining (keyingi oʻrinlarda — Agentlik) Ijtimoiy himoya davlat jamgʻarmasi;

individual integratsiya rejasi — 14 yoshdan 23 yoshgacha boʻlgan yetim yoki ota-ona qaramogʻidan mahrum boʻlgan yoshlarning jamiyatga ijtimoiy moslashuvi hamda integratsiyasini taʼminlash, ularning erkin kasb tanlashlari uchun shart-sharoitlar yaratish, ularning tashabbuslarini qoʻllab-quvvatlashga qaratilgan ijtimoiy xizmat va yordamlar belgilanadigan reja;

individual rivojlanish rejasi — 14 yoshgacha boʻlgan yetim bolalar yoki ota-ona qaramogʻidan mahrum boʻlgan bolalarni qiziqishlari, ehtiyojlari va yashash sharoitlarini kompleks baholash orqali ularga koʻrsatilishi talab etiladigan ijtimoiy xizmat va yordamlar belgilanadigan reja;

ixtisoslashtirilgan tarbiya muassasalari — Bolalar uylari, Mehribonlik uylari, Kichik hajmli bolalar uylari, Respublika oʻquv-tarbiya muassasalari hamda “SOS — Oʻzbekiston bolalar mahallalari” uyushmasining bolalarni muqobil parvarish qilish xizmati;

qonuniy vakil — vasiy va homiy hamda tutingan (foster) oila va ixtisoslashtirilgan tarbiya muassasalari tarbiyalanuvchilari uchun “Inson” ijtimoiy xizmatlar markazlari;

sotuvchi — asbob-uskuna, velosiped, kompyuter jamlanmasi, mehnat qurollari, uy jihozlari hamda kiyim-bosh ishlab chiqarish, tayyorlash, yetkazib berish xizmatini koʻrsatuvchi tadbirkorlik subyektlari;

tutingan (foster) oila — yetim bolalar va ota-ona qaramogʻidan mahrum boʻlgan bolalarni shartnoma asosida oilaga tarbiyaga (patronat) va oilaviy bolalar uyiga olgan oila;

hududiy boshqarma — Oʻzbekiston Respublikasi Prezidenti huzuridagi Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmalari.

3. Yetim bola va ota-ona qaramogʻidan mahrum boʻlgan bolalarga ijtimoiy yordamlar ushbu bolalarning maqomi va yoshiga qarab, “Inson” ijtimoiy xizmatlar markazlari (keyingi oʻrinlarda — “Inson” markazi) tomonidan shakllantiriladigan individual rivojlanish rejasi va individual integratsiya rejasiga muvofiq (oilaviy bolalar uylarini taʼmirlash uchun ijtimoiy yordam bundan mustasno) koʻrsatiladi.

4. Yetim bola va ota-ona qaramogʻidan mahrum boʻlgan bolalarga ijtimoiy yordamlar ushbu Nizomga 1-ilovaga muvofiq sxema asosida koʻrsatiladi.

2-bob. Yetim bola va ota-ona qaramogʻidan mahrum boʻlgan bolalarni aniqlash va ularga koʻrsatiladigan ijtimoiy yordamlarni belgilash

5. Ushbu Nizomda nazarda tutilgan ijtimoiy yordamlarga muhtoj yetim bola va ota-ona qaramogʻidan mahrum boʻlgan bola qonunchilik hujjatlarida belgilangan tartibda aniqlanadi.

6. Yetim bola yoki ota-ona qaramogʻidan mahrum boʻlgan bolaga, shu jumladan, ixtisoslashtirilgan tarbiya muassasalarining tarbiyalanuvchilariga ushbu Nizomda nazarda tutilgan ijtimoiy yordamlar qonunchilik hujjatlarida belgilangan tartibda “Inson” markazlari tomonidan ularning yoshiga muvofiq shakllantiriladigan individual rivojlanish rejasi yoki individual integratsiya rejasi asosida alohida murojaat qilish talab etilmagan holda koʻrsatiladi. Bunda:

yetim bola yoki ota-ona qaramogʻidan mahrum boʻlgan bolaga ijtimoiy yordamlarni koʻrsatish uchun “Inson” markazi tomonidan “Yagona milliy ijtimoiy himoya” axborot tizimida (keyingi oʻrinlarda — “Ijtimoiy himoya” AT) individual rivojlanish rejasi yoki individual integratsiya rejasi asosida tavsiyanoma shakllantiriladi hamda tegishli ijtimoiy yordamlar koʻrsatilishini tashkil etish uchun “Ijtimoiy himoya” AT orqali elektron shaklda hududiy boshqarmalarga yuboriladi;

yetim bola yoki ota-ona qaramogʻidan mahrum boʻlgan bola boʻyicha shakllantiriladigan individual rivojlanish rejasi yoki individual integratsiya rejasi ushbu bolaning qiziqishlari, ehtiyojlari va yashash sharoitlaridan kelib chiqqan holda doimiy yangilab boriladi;

individual rivojlanish rejasi yoki individual integratsiya rejasiga ushbu Nizomda nazarda tutilgan, biroq yetim bola yoki ota-ona qaramogʻidan mahrum boʻlgan bolaga muqaddam koʻrsatilmagan yangi ijtimoiy yordam koʻrsatish boʻyicha maʼlumot kiritilgan taqdirda, ushbu turdagi ijtimoiy yordam koʻrsatilishini tashkil etish uchun “Inson” markazi tomonidan tavsiyanoma shakllantirilib, hududiy boshqarmalarga kiritiladi. Bunda tegishli ijtimoiy yordamni koʻrsatish uchun ushbu Nizomga 2 — 14-ilovalarga muvofiq pasportlarda nazarda tutilgan hujjatlar taqdim etilmagunga qadar tavsiyanoma shakllantirilmaydi.

Tavsiyanoma “Inson” markazlari direktorlari tomonidan elektron raqamli imzo orqali tasdiqlanadi.

3-bob. Ijtimoiy yordamlar turlari va ularni koʻrsatish tartibi

7. Yetim bola yoki ota-ona qaramogʻidan mahrum boʻlgan bolaga ushbu Nizomga 2 — 14-ilovalarga muvofiq pasportlarda nazarda tutilgan quyidagi dasturlar asosida ijtimoiy yordamlar koʻrsatiladi:

bandlikni taʼminlashga koʻmaklashish dasturi;

sifatli taʼlim olishga koʻmaklashish dasturi;

ehtiyojlarni qoʻllab-quvvatlash dasturi;

uy-joy sharoitlarini yaxshilash dasturi;

sogʻliqni saqlash dasturi.

8. Yetim bola yoki ota-ona qaramogʻidan mahrum boʻlgan bolaga ushbu Nizomning 7-bandida nazarda tutilgan dasturlar asosida ijtimoiy yordamlar ularga nisbatan shakllantirilgan individual rivojlanish rejasi yoki individual integratsiya rejasida nazarda tutilgan taqdirda koʻrsatiladi.

9. Ushbu Nizomga 2 — 13-ilovalarga muvofiq pasportlarda nazarda tutilgan ijtimoiy yordamlarni koʻrsatish quyidagi holatlarda toʻxtatiladi:

ijtimoiy yordam koʻrsatilayotgan yetim bola yoki ota-ona qaramogʻidan mahrum boʻlgan bola yoxud ularning qonuniy vakili tegishli ijtimoiy yordamdan foydalanishni toʻxtatish haqida ariza bilan murojaat qilganda;

ijtimoiy yordam koʻrsatilayotgan yetim bola yoki ota-ona qaramogʻidan mahrum boʻlgan bola vafot etganda;

yetim bola yoki ota-ona qaramogʻidan mahrum boʻlgan bola tegishli ijtimoiy yordam koʻrsatish belgilangan cheklangan yoshga toʻlganda;

ushbu Nizomning 1-bandi ikkinchi xatboshisida nazarda tutilgan ijtimoiy yordam koʻrsatiladigan bolaning oilasi Ijtimoiy reyestrdan chiqarilganda;

ixtisoslashgan tarbiya muassasalarining ijtimoiy xodimlari tomonidan ijtimoiy yordam koʻrsatilayotgan yetim bola yoki ota-ona qaramogʻidan mahrum boʻlgan bolaga ijtimoiy yordam koʻrsatish zarurati yoʻqligi sababli uni toʻxtatish haqida soʻrov kiritilganda.

10. Ushbu Nizomning 9-bandida nazarda tutilgan holatlar aniqlangan taqdirda, uch ish kunida “Inson” markazlari tomonidan “Ijtimoiy himoya” ATda dalolatnoma rasmiylashtiriladi hamda “Inson” markazlari direktorining elektron raqamli imzosi bilan tasdiqlangan holda hududiy boshqarmalarga kiritiladi.

11. Hududiy boshqarmalar tomonidan “Inson” markazlarining dalolatnomasi kelib tushgan vaqtdan boshlab yetim bola yoki ota-ona qaramogʻidan mahrum boʻlgan bolaga ijtimoiy yordam koʻrsatish toʻxtatiladi.

4-bob. Ayrim turdagi ijtimoiy yordamlarni koʻrsatishning oʻziga xos xususiyatlari

1-§. Taʼlim olish va mehnat huquqlaridan foydalanish hamda fuqarolik majburiyatlarini bajarishga yoʻnaltirilgan ijtimoiy xizmatlarni koʻrsatish

12. Ushbu Nizomga muvofiq taʼlim olish, mehnat huquqlaridan foydalanish va fuqarolik majburiyatlarini bajarishga qaratilgan ijtimoiy yordamlardan foydalanish uchun ularni koʻrsatish tartiblari belgilangan pasportlarda nazarda tutilgan talab va shartlarning bajarilishi, shu jumladan, tegishli hujjatlarning “Inson” markazlariga taqdim etilishi talab etiladi.

Bunda tegishli talab va shartlar quyidagi shaxslar tomonidan bajariladi:

ushbu Nizomga 2 , 5 , 6 , 7 , 12 va 13-ilovalarga muvofiq pasportlarda nazarda tutilgan ijtimoiy yordamlar boʻyicha — yetim bolalar yoki ota-ona qaramogʻidan mahrum boʻlgan bolalar tomonidan;

ushbu Nizomga 14-ilovaga muvofiq pasportda nazarda tutilgan ijtimoiy yordamlar boʻyicha — oilaviy bolalar uylarni tashkil qilgan jismoniy shaxslar tomonidan.

14. Ushbu Nizomga 2 , 5 va 13-ilovalarga muvofiq ijtimoiy yordamlarni koʻrsatishda yetim bola yoki ota-ona qaramogʻidan mahrum boʻlgan bolaning tegishli oʻquv kurslariga muntazam qatnashishi individual rivojlanish rejasi yoki individual integratsiya rejasini shakllantirgan “Inson” markazi masʼul xodimlari tomonidan oʻquv kurslari tugagunga qadar har oyda kamida bir marta monitoring qilib boriladi.

“Inson” markazi tomonidan ushbu Nizomga 2 , 5 va 13-ilovalarga muvofiq ijtimoiy yordamlarni koʻrsatishda mazkur oʻquv kurslarini tashkil etgan taʼlim tashkilotlaridan yetim bola yoki ota-ona qaramogʻidan mahrum boʻlgan bolaning tegishli oʻquv kurslarida haqiqatda oʻqiganligi toʻgʻrisida maʼlumotnoma olinadi.

Ushbu bandning birinchi va ikkinchi xatboshilarida nazarda tutilgan tadbirlar boʻyicha birinchi oy uchun toʻlov amalga oshiriladi va keyingi oylar uchun toʻlovlar yetim bola yoki ota-ona qaramogʻidan mahrum boʻlgan bolaning tegishli oʻquv kurslarida oʻqiganligi “Inson” ijtimoiy xizmatlar markazlari tomonidan tasdiqlangan taqdirda amalga oshiriladi.

Bunda yetim bola yoki ota-ona qaramogʻidan mahrum boʻlgan bolaning hisobot oyda tegishli oʻquv kurslarida muntazam qatnashmaganligi aniqlanganda, hisobot oyi uchun toʻlangan toʻlov summasi keyingi toʻlovlarni amalga oshirishda hisobga olinadi.

2-§. Elektron tijorat orqali amalga oshiriladigan ijtimoiy yordam koʻrsatuvchilarni aniqlash tartibi

15. Ushbu Nizomga 3 , 4 , 8 , 9 va 10-ilovalarga muvofiq pasportlarda nazarda tutilgan asbob-uskuna, velosiped, kompyuter jamlanmasi, mehnat qurollari, uy jihozlari, kiyim-bosh, musiqa va sport inventarlari, asboblari va uskunalari hamda maxsus kiyimlarni (keyingi oʻrinlarda — tovar) xarid qilish tarzidagi ijtimoiy yordamlar “Ijtimoiy himoya” ATning elektron savdo platformasi (keyingi oʻrinlarda — elektron savdo platformasi) orqali koʻrsatiladi.

Ushbu Nizomga 3 , 4 , 8 , 9 va 10-ilovalarga muvofiq pasportlarda nazarda tutilgan tovarlar tadbirkorlik subyektlari tomonidan yuritiladigan elektron savdo maydonchalari orqali ham xarid qilinishi mumkin. Bunda elektron savdo maydonchalari orqali tovarlar ushbu elektron savdo maydonchalari operatorlari va ularda tovarlarni sotadigan tadbirkorlik subyektlari tomonidan belgilangan tartibda xarid qilinadi.

16. Elektron savdo platformasi orqali xarid qilinadigan tovarlar ushbu turdagi tovarlar sotuvchilari tomonidan elektron savdo platformasiga joylashtiriladi.

17. Sotuvchilar elektron savdo platformasiga ular tomonidan sotiladigan tovarlarni joylashtirish uchun “Ijtimoiy himoya” ATda elektron ofertani tasdiqlash orqali bepul va ixtiyoriylik asosida avtorizatsiyadan oʻtadi.

Sotuvchilar “Ijtimoiy himoya” ATda avtorizatsiyadan oʻtishda quyidagi maʼlumotlarni koʻrsatadi:

yuridik shaxslar uchun soliq toʻlovchining identifikatsiya raqami (STIR) hamda telefon raqami;

yakka tartibdagi tadbirkorlar uchun pasport seriyasi va raqami, jismoniy shaxsning shaxsiy identifikatsiya raqami (JSHSHIR) hamda telefon raqami;

tadbirkorlik subyekti va uning filialining yuridik manzillari, hisobvaragʻi, bank rekvizitlari, ishonchli vakil haqida maʼlumotlar hamda uning telefon raqami;

sotiladigan tovarlarning turlari va nomi hamda qonunchilik hujjatlarida belgilangan hollarda ularning muvofiqlik sertifikati raqamlari hamda amal qilish muddatlari.

18. Avtorizatsiyadan tegishli maʼlumotlar toʻldirilib, elektron raqamli imzo (keyingi oʻrinlarda — ERI) yoki “Ijtimoiy himoya” ATda “Elektron hukumat” tizimi foydalanuvchilarini identifikatsiya qilishning yagona axborot tizimi (OneID) orqali tasdiqlangandan soʻng oʻtiladi.

Bunda sotuvchilar elektron ofertani tasdiqlaganidan soʻng ular tomonidan koʻrsatilgan maʼlumotlarning toʻgʻriligi va toʻlovga qobiliyatsizlik tartib-taomillarining mavjud emasligi “Ijtimoiy himoya” ATda idoralararo elektron hamkorlik orqali avtomatik tarzda aniqlanadi.

Sotuvchilar tomonidan koʻrsatilgan maʼlumotlar toʻgʻriligi hamda ularning faoliyati tugatilmagani aniqlangan taqdirda, sotuvchilar avtorizatsiyadan oʻtkaziladi va ular uchun “Ijtimoiy himoya” ATda shaxsiy kabinet ochiladi.

19. Ushbu Nizomning 18-bandida nazarda tutilgan talablarga javob bermaydigan sotuvchilar “Ijtimoiy himoya” ATda avtorizatsiyadan oʻtkazilmaydi.

20. Quyidagilar sotuvchilarning elektron savdo platformasida tovarlarni sotish faoliyatini cheklash uchun asos hisoblanadi:

tadbirkorlik subyekti tugatilganda yoki bankrot deb topilganda;

yetim bola yoki ota-ona qaramogʻidan mahrum boʻlgan bolaga ayni bir sotuvchi tomonidan ikki va undan koʻp marotaba sifatsiz va nuqsonli tovarlar yetkazib berilganda.

21. “Ijtimoiy himoya” ATda avtorizatsiyadan oʻtkazilgan sotuvchilar tovarlarni elektron tijorat orqali sotish uchun ular toʻgʻrisidagi quyidagi maʼlumotlarni tegishlicha “Ijtimoiy himoya” ATning “Ijtimoiy himoyaga muhtoj bolalar uchun tovarlar” boʻlimiga Agentlik tomonidan tasdiqlangan elektron ofertaga ilova qilinadigan minimal texnik talablarga muvofiq joylashtiradi:

har bir tovarning nomi, narxi, foydalanish va kafolat muddatlari, texnik tavsifi va koʻrsatkichlari, ulardan foydalanish boʻyicha yoʻriqnoma, kafolat va foydalanish muddatlari tugamasdan yoki tugaganidan soʻng amalga oshiriladigan tadbirlar;

qonunchilik hujjatlarida belgilangan hollarda muvofiqligi baholanishi yoki davlat roʻyxatidan oʻtkazilishi lozim boʻlgan tovarlar boʻyicha ularning muvofiqlik sertifikati va davlat roʻyxatidan oʻtkazilgani toʻgʻrisidagi maʼlumotlar;

Agentlik tomonidan belgilangan talablar boʻyicha har bir tovarning fotosuratlari. Bunda realizatsiya qilinadigan tovarga muvofiq kelmaydigan fotosuratlarni joylashtirish taqiqlanadi;

tovarni yetkazib berish muddati.

22. Tovarlarning minimal texnik talablarga muvofiqligi hamda ular toʻgʻrisidagi maʼlumotlar toʻgʻriligi va toʻliqligi Agentlikning masʼul xodimlari tomonidan “Ijtimoiy himoya” ATda qabul qilingandan soʻng ular tegishlicha “Ijtimoiy himoya” ATning “Ijtimoiy himoyaga muhtoj bolalar uchun tovarlar” boʻlimi orqali elektron tijoratga chiqariladi.

Bunda minimal texnik talablarga muvofiq kelmaydigan hamda qonunchilik hujjatlarida belgilangan hollarda olinishi lozim boʻlgan muvofiqlik sertifikati yoki davlat roʻyxatidan oʻtkazilgani toʻgʻrisidagi guvohnoma olinmaganda va ularning amal qilish muddati tugaganda ushbu tovarlarni elektron tijoratga chiqarishga yoʻl qoʻyilmaydi.

Ushbu Nizomning 16 — 22 bandlaridagi talablar elektron savdo maydonchalari operatorlari hamda Agentlik oʻrtasida kelishuvga asosan elektron savdo maydonchasi orqali xarid qilinadigan tovarlarga ham tatbiq etiladi.

3-§. Elektron tijorat vositasida tovarlarni xarid qilish va yetkazib berish tartibi

23. Individual rivojlanish rejasi va individual integratsiya rejasida ushbu Nizomga 3 , 4 , 8 , 9 va 10-ilovalarga muvofiq pasportlarda nazarda tutilgan ijtimoiy yordamlarni koʻrsatish belgilangan taqdirda, “Inson” markazlari tomonidan:

ushbu ijtimoiy yordamlar koʻrsatiladigan yetim bola yoki ota-ona qaramogʻidan mahrum boʻlgan bola nomiga “Ijtimoiy himoya” AT orqali vaucher shakllantiriladi;

yetim bola yoki ota-ona qaramogʻidan mahrum boʻlgan bola uning nomiga vaucher shakllantirilgani toʻgʻrisida “Ijtimoiy himoya” AT yoki SMS-xabarnoma orqali xabardor qilinadi.

Bunda vaucherdan u shakllangan sanadan boshlab oʻn ikki oy davomida vaucherda belgilangan mablagʻ doirasida bir necha marta foydalanish mumkin.

24. Yetim bola yoki ota-ona qaramogʻidan mahrum boʻlgan bola unga nisbatan vaucher shakllangani toʻgʻrisidagi xabarni olgandan soʻng bevosita oʻzi yoki qonuniy vakili orqali elektron savdo platformasida vaucherga muvofiq tegishli tovarni xarid qilish boʻyicha buyurtma berish uchun “Ijtimoiy himoya” ATda shaxsni tasdiqlovchi hujjat (biometrik pasport yoki identifikatsiyalovchi ID-karta yoxud tugʻilganlik haqidagi guvohnoma) maʼlumotlari va telefon raqamini kiritgan holda roʻyxatdan oʻtadi.

Kiritilgan maʼlumotlar yetim bola yoki ota-ona qaramogʻidan mahrum boʻlgan bola yoxud uning qonuniy vakilining roziligini ifodalaydigan hamda uni identifikatsiya va autentifikatsiya qilish imkonini beradigan elektron tasdiqlash usullari (SMS-xabarnoma, Face-ID) yoki “Ijtimoiy himoya” ATda yaratilgan maxsus identifikatsiya qilish (Yagona identifikatsiya tizimi (OneID), Mobile-ID) orqali tasdiqlangandan soʻng roʻyxatdan oʻtkaziladi.

Roʻyxatdan oʻtgan yetim bola yoki ota-ona qaramogʻidan mahrum boʻlgan bola yoxud uning qonuniy vakiliga “Ijtimoiy himoya” ATda shaxsiy kabinet ochiladi.

25. Yetim bola yoki ota-ona qaramogʻidan mahrum boʻlgan bola “Ijtimoiy himoya” ATda roʻyxatdan oʻtish hamda vaucherga muvofiq tovarga buyurtma berish uchun bevosita oʻzi yoki qonuniy vakili orqali “Inson” markazi yoki ijtimoiy xodimga murojaat qilishi mumkin.

Bunda ushbu shaxslarning murojaatlariga asosan “Inson” markazi yoki ijtimoiy xodim elektron qurilma vositalari yordamida real vaqt rejimida ularni “Ijtimoiy himoya” ATda roʻyxatdan oʻtkazadi hamda ularning nomidan vaucherga muvofiq tegishli tovarga buyurtmani shakllantiradi.

26. Yetim bola yoki ota-ona qaramogʻidan mahrum boʻlgan bola yoxud ularning qonuniy vakillari elektron tijorat orqali tovarga bergan buyurtmalarining toʻliqligi va toʻgʻriligi uchun masʼul hisoblanadi.

27. Yetim bola yoki ota-ona qaramogʻidan mahrum boʻlgan bolani tegishli tovarlar bilan taʼminlashda:

yetim bola yoki ota-ona qaramogʻidan mahrum boʻlgan bola yoxud ularning qonuniy vakillari oʻz xohishiga koʻra “Ijtimoiy himoya” ATning “Ijtimoiy himoyaga muhtoj bolalar uchun tovarlar” boʻlimi yoki tadbirkorlik subyektlari tomonidan yuritiladigan elektron savdo maydonchalari orqali tovarlar sotuvchisini hamda vaucherda koʻrsatilgan tovarning turini tanlaydi va buyurtma qiladi;

sotuvchi buyurtmani “Ijtimoiy himoya” AT orqali qabul qilib olgandan soʻng uch kun ichida buyurtma qilingan tovarni yetkazib berish vaqti haqidagi maʼlumotlarni yetim bola yoki ota-ona qaramogʻidan mahrum boʻlgan bola yoxud ularning qonuniy vakillarini elektron shaklda yoki mobil aloqa vositasi orqali xabardor qiladi;

sotuvchilar tovarlar boʻyicha buyurtmani qabul qilib olgandan soʻng buyurtma qilingan tovarning yetim bola yoki ota-ona qaramogʻidan mahrum boʻlgan bola yoxud ularning qonuniy vakillariga uch kun ichida yetkazib berilishini taʼminlashi lozim;

tovarlar bevosita yetim bola yoki ota-ona qaramogʻidan mahrum boʻlgan bola yoki ularning qonuniy vakillarining oʻziga topshirilgandan soʻng yetim bola yoki ota-ona qaramogʻidan mahrum boʻlgan bola yoxud ularning qonuniy vakillari tomonidan tovar qabul qilib olingani toʻgʻrisidagi SMS-xabarnoma tasdiq kodi maʼlum qilinganda, sotuvchilar buyurtma ularga yetkazib berilganligini “Ijtimoiy himoya” ATda tasdiqlaydi.

Yetim bola yoki ota-ona qaramogʻidan mahrum boʻlgan bolani tegishli tovarlar bilan taʼminlash jarayoni tadbirkorlik subyektlarining savdo maydonchalari orqali amalga oshirilganda, savdo operatorlar tomonidan belgilangan talablarga muvofiq ayrim jarayonlar maqbullashtirilishi yoki qoʻshimcha maʼlumotlar soʻralishi mumkin.

4-§. Elektron tijorat vositasida xarid qilingan va yetkazib berilgan tovarlar uchun toʻlovlarni amalga oshirish tartibi

28. Oʻzbekiston Respublikasi Iqtisodiyot va moliya vazirligining Davlat moliyasini boshqarish axborot tizimida (keyingi oʻrinlarda — DMBAT) mazkur bobga muvofiq xarid qilinadigan tovarlar boʻyicha toʻlovlarni amalga oshirish va hisobini yuritish maqsadida hududiy boshqarmalar uchun alohida shaxsiy gʻazna hisobvaragʻi ochiladi.

29. Yetim bola yoki ota-ona qaramogʻidan mahrum boʻlgan bola yoxud ularning qonuniy vakillari tomonidan vaucherga muvofiq ushbu bobda belgilangan tartibda berilgan buyurtmalar kesimidagi maʼlumotlar “Ijtimoiy himoya” ATda shakllantirib boriladi.

30. Yetim bola yoki ota-ona qaramogʻidan mahrum boʻlgan bola yoxud ularning qonuniy vakillari tomonidan vaucherga muvofiq tanlangan buyurtmaning xarid narxi va vaucherda koʻrsatilgan miqdordagi mablagʻ oʻrtasida salbiy farq mavjud boʻlganda, yetim bola yoki ota-ona qaramogʻidan mahrum boʻlgan bola yoxud ularning qonuniy vakillari tomonidan dastlab ushbu salbiy farq summasi toʻlanishi lozim.

Buyurtmaning xarid narxi vaucherda koʻrsatilgan miqdordan ortiq boʻlganda va mablagʻ oʻrtasidagi farq summasi yetim bola yoki ota-ona qaramogʻidan mahrum boʻlgan bola yoxud ularning qonuniy vakillari tomonidan toʻlanmagan taqdirda, ushbu tovarni sotayotgan sotuvchi buyurtmani qabul qilishni rad qiladi.

31. Buyurtmalar ushbu Nizomning 27-bandida belgilangan tartibda yetim bola yoki ota-ona qaramogʻidan mahrum boʻlgan bola yoxud ularning qonuniy vakillariga yetkazib berilgani tasdiqlangandan soʻng ushbu shaxslarning yashash joyi boʻyicha “Inson” markazining “Ijtimoiy himoya” ATdagi shaxsiy kabinetiga bu toʻgʻrisida xabarlar kelib tushadi.

32. “Inson” markazi ijtimoiy xodimlari “Ijtimoiy himoya” ATdagi shaxsiy kabinetga xabar kelib tushgandan soʻng besh ish kuni ichida buyurtmalar yetim bola yoki ota-ona qaramogʻidan mahrum boʻlgan bola yoxud ularning qonuniy vakillariga haqiqatda yetkazib berilganligini joyiga chiqqan holda oʻrganadi. Bunda:

buyurtmalar haqiqatda yetkazib berilgan taqdirda, ijtimoiy xodimlar tomonidan bir ish kuni ichida “Ijtimoiy himoya” ATda ushbu Nizomga 15-ilovaga muvofiq shaklda tegishli tovarni sotuvchilarga vaucher qiymatidan koʻp boʻlmagan miqdordagi mablagʻlarni oʻtkazish boʻyicha bildirishnoma rasmiylashtiriladi. Bunda yetim bola yoki ota-ona qaramogʻidan mahrum boʻlgan bola yoxud ularning qonuniy vakillari buyurtmani haqiqatda olganligini tasdiqlovchi fotosuratlar bildirishnomaga ilova qilinadi;

yetkazib berilgan tovarning sifatsizligi va nuqsonlari mavjudligi aniqlangan hollarda, “Inson” markazlari tomonidan “Ijtimoiy himoya” ATda ushbu Nizomga 16-ilovaga muvofiq shaklda yetim bola yoki ota-ona qaramogʻidan mahrum boʻlgan bola yoxud ularning qonuniy vakillari tomonidan vaucher asosida xarid qilingan tovarlarning haqiqatda yetkazib berilgani boʻyicha dalolatnoma tuziladi va sotuvchilarga uni maqbul sifatlisiga almashtirish choralarini koʻrish uchun elektron shaklda yuboriladi. Bunda buyurtmaning sifatsizligi va nuqsonlarini tasdiqlovchi fotosuratlar dalolatnomaga ilova qilinadi.

Ushbu bandga muvofiq oʻrganish jarayonida buyurtmani qabul qilib olgan yetim bola yoki ota-ona qaramogʻidan mahrum boʻlgan bola yoxud ularning qonuniy vakillari buyurtmani olgan holda, chet davlatga chiqib ketganligi aniqlansa, bu toʻgʻrisida “mahalla yettiligi” tomonidan dalolatnoma tuziladi. Bunda dalolatnoma ushbu Nizomning 34-bandiga muvofiq bildirishnoma tuzishga asos boʻladi.

33. Agar buyurtmani qabul qilib olgan yetim bola yoki ota-ona qaramogʻidan mahrum boʻlgan bola yoxud ularning qonuniy vakillari yashash manzilidan koʻchib ketgan va u yerda yashamayotganligi aniqlangan hollarda, “Inson” markazi tomonidan “Ijtimoiy himoya” ATda ushbu Nizomga 16-ilovaga muvofiq shaklda elektron dalolatnoma tuziladi va ushbu dalolatnoma koʻrsatilgan maʼlumot asosida yetim bola yoki ota-ona qaramogʻidan mahrum boʻlgan bola yoxud ularning qonuniy vakillarining hozirgi yashash manzilidagi “Inson” markazining “Ijtimoiy himoya” ATdagi shaxsiy kabinetiga xabar kelib tushadi.

Bunda “Inson” markazi “Ijtimoiy himoya” ATdagi shaxsiy kabinetiga kelib tushgan xabarni qabul qilib olgandan soʻng besh ish kuni ichida buyurtmalar yetim bola yoki ota-ona qaramogʻidan mahrum boʻlgan bola yoxud ularning qonuniy vakillariga haqiqatda yetkazib berilgani va ularning elektron tijoratda eʼlon qilingan talablariga muvofiqligini joyiga chiqqan holda ushbu Nizomning 32-bandida belgilangan tartibda oʻrganadi.

34. Yetim bola yoki ota-ona qaramogʻidan mahrum boʻlgan bola buyurtmani qabul qilib olgandan soʻng “Inson” markazi tomonidan oʻrganish davrida vafot etgan hollarda, “Inson” markazi “Ijtimoiy himoya” ATda ushbu Nizomga 15-ilovaga muvofiq shaklda elektron bildirishnoma rasmiylashtiradi.

35. “Ijtimoiy himoya” ATda bildirishnoma rasmiylashtirilgandan soʻng bu toʻgʻrisidagi maʼlumotlar “Ijtimoiy himoya” AT orqali Davlat imtiyozlari yagona elektron platformasiga yuboriladi.

Davlat imtiyozlari yagona elektron platformasi orqali buyurtmaning xarid narxi, biroq ushbu Nizomga 3 , 4 , 8 , 9 va 10-ilovalarga muvofiq pasportlarda koʻrsatilgan miqdordagi mablagʻdan koʻp boʻlmagan miqdordagi mablagʻ DMBATga yoʻnaltiriladi. Bunda DMBAT tomonidan tegishli mablagʻlar tovarlarni sotuvchilarning bank hisobvaragʻiga buyurtma yetim bola yoki ota-ona qaramogʻidan mahrum boʻlgan bola yoxud ularning qonuniy vakillariga yetkazib berilgani tasdiqlangandan soʻng avtomatik tarzda oʻtkaziladi.

Mablagʻlar sotuvchilarning bank hisobvaragʻiga dam olish kuniga yoki bayram yoxud boshqa ishlanmaydigan kunga toʻgʻri kelsa, undan keyingi birinchi ish kunida oʻtkaziladi.

Xarid qilingan tovarlar xarid narxi vaucherda koʻrsatilgan miqdordan kam boʻlgan taqdirda, oʻrtada hosil boʻlgan farq summasi shaxsiy gʻazna hisobvaragʻida qoldiriladi.

36. Yetim bola yoki ota-ona qaramogʻidan mahrum boʻlgan bola yoxud ularning qonuniy vakillarining buyurtmalari ularga yetkazib berilmaganda hamda buyurtmalarda nuqsonlar mavjudligi toʻgʻrisida ijtimoiy xodimlar tomonidan dalolatnoma rasmiylashtirilgan taqdirda, mablagʻlar sotuvchilarning bank hisobvaragʻiga oʻtkazilmaydi.

37. Yetim bola yoki ota-ona qaramogʻidan mahrum boʻlgan bola yoxud ularning qonuniy vakillarining buyurtmalari tadbirkorlik subyektlarining savdo maydonchalari orqali berilganda, savdo maydonchasi operatori tomonidan tovarning haqiqatda yetkazib berilganligi toʻgʻrisidagi elektron maʼlumoti asosida Davlat imtiyozlari yagona elektron platformasiga tegishli xabar yuboriladi hamda mablagʻlar sotuvchilarning bank hisobvaragʻiga oʻtkazib beriladi.

38. Yetim bola yoki ota-ona qaramogʻidan mahrum boʻlgan bola berilgan tovarlar kafolat muddati davomida nosoz boʻlib qolsa, ularni yetkazib bergan (sotgan) sotuvchilar tomonidan bepul taʼmirlab beriladi yoki boshqasiga almashtiriladi.

5-bob. Ijtimoiy yordamlarni koʻrsatish bilan bogʻliq xarajatlarni moliyalashtirish

39. Yetim bolalar yoki ota-ona qaramogʻidan mahrum boʻlgan bolalarni qoʻllab-quvvatlash maqsadida ijtimoiy yordamlarni koʻrsatish bilan bogʻliq xarajatlar Oʻzbekiston Respublikasi Prezidentining “Yetim bolalar va ota-ona qaramogʻidan mahrum boʻlgan bolalarni tarbiyalashning tubdan yangilangan tizimini joriy etish chora-tadbirlari toʻgʻrisida” 2021-yil 9-avgustdagi PQ-5215-son qarorining 10-bandida nazarda tutilgan manbalar hisobidan Jamgʻarmada jamlangan mablagʻlardan moliyalashtiriladi.

Mazkur bandga muvofiq Jamgʻarmada jamlangan mablagʻlar hisobidan:

yetim bola va ota-ona qaramogʻidan mahrum boʻlgan bolalarni qonunchilikda belgilangan tartibda uy-joy bilan taʼminlash xarajatlari ham moliyalashtirilishi;

vasiylik yoki homiylikka berilgan Ijtimoiy reyestrga kiritilgan oilalardagi bolalarga ushbu Nizomga 2 — 13-ilovalarga muvofiq pasportlarda nazarda tutilgan ijtimoiy yordamlar koʻrsatilishi mumkin.

40. Ushbu Nizomning 39-bandiga muvofiq Jamgʻarmada jamlangan mablagʻlar har oyda Jamgʻarma tomonidan hududiy boshqarmalarda ochilgan gʻazna hisobvaraqlariga ushbu hududlardagi yetim bolalar va ota-ona qaramogʻidan mahrum boʻlgan bolalar soniga mutanosib ravishda taqsimlanadi.

Bunda hududiy boshqarmalarda ochilgan gʻazna hisobvaraqlarida har oy boshida qolgan qoldiq mablagʻlar Agentlik tomonidan hududiy boshqarmalar oʻrtasida qayta taqsimlanishi mumkin.

41. Ushbu Nizomga 2 — 14-ilovalarga muvofiq pasportlarda nazarda tutilgan ijtimoiy yordamlarni koʻrsatish hamda ushbu Nizomning 39-bandi uchinchi va toʻrtinchi xatboshilarida nazarda tutilgan xarajatlarni moliyalashtirish Jamgʻarma tomonidan taqsimlangan va hududiy boshqarmalar gʻazna hisobvaraqlariga oʻtkazilgan mablagʻlar doirasida amalga oshiriladi.

6-bob. Yakunlovchi qoidalar

42. “Inson” markazlarining ijtimoiy xodimlari va hududiy boshqarmalar tomonidan yetim bola va ota-ona qaramogʻidan mahrum boʻlgan bolalarga koʻrsatilgan har bir ijtimoiy yordam toʻgʻrisida “Ijtimoiy himoya” ATga ushbu ijtimoiy yordam koʻrsatilganidan soʻng bir ish kuni ichida maʼlumot kiritib boriladi.

43. Ushbu Nizomda nazarda tutilgan SMS-xabarnomalarni yuborish bilan bogʻliq xarajatlar Ijtimoiy himoya davlat jamgʻarmasi va qonunchilik hujjatlarida taqiqlanmagan boshqa manbalar hisobidan qoplanadi.

44. Ushbu Nizomga muvofiq yetim bola va ota-ona qaramogʻidan mahrum boʻlgan bolalarni ijtimoiy qoʻllab-quvvatlash maqsadida ijtimoiy yordamlar koʻrsatish uchun ajratilgan mablagʻlarning maqsadli va samarali sarflanishi Agentlikning ichki audit xizmati va Davlat moliyaviy nazorati inspeksiyasi tomonidan nazorat qilinadi.

45. Yetim bola va ota-ona qaramogʻidan mahrum boʻlgan bolalar yoki ularning qonuniy vakillari ushbu Nizomga muvofiq ijtimoiy yordamlarni koʻrsatish bilan bogʻliq tartib-taomillarni amalga oshiruvchi mansabdor shaxslarning xatti-harakatlari ustidan Agentlikka yoki bevosita sudga shikoyat qilishi mumkin.

46. Sotuvchilar qabul qilingan buyurtmalar asosida tovarlarning belgilangan sifat va muddatda yetkazib berilishini taʼminlash uchun javobgar hisoblanadi.

47. Yetim bola va ota-ona qaramogʻidan mahrum boʻlgan bolalar tovarlardan foydalanish yoʻriqnomasi bilan toʻliq tanishib chiqishi hamda tovarni saqlash, foydalanish muddati davomida foydalanish, uning foydalanish tartib va qoidalariga rioya qilishi lozim.

48. Yetim bola va ota-ona qaramogʻidan mahrum boʻlgan bolalar yoki ularning qonuniy vakillari tomonidan tovarlarni boshqa shaxslarga foydalanish uchun berish, ulardan boshqa maqsadlarda foydalanish, boshqa shaxslarga sovgʻa qilish hamda ularning qismlarini almashtirish yoki sotish qatʼiyan taqiqlanadi.

49. Yetim bola va ota-ona qaramogʻidan mahrum boʻlgan bolalar tovarlarni buyurtma qilishdan oldin vafot etgan taqdirda, ularga nisbatan shakllantirilgan vaucher oʻz kuchini yoʻqotadi.

50. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizomga 1-ILOVA

Yetim bola va ota-ona qaramogʻidan mahrum boʻlgan bolalarga ijtimoiy yordamlarni koʻrsatish

Bosqichlar Subyektlar Tadbirlar Bajarish muddatlari 1-bosqich “Inson” ijtimoiy xizmatlar markazlari 1. Vasiylik yoki homiylik belgilangan, tutingan (foster) oilaga berilgan, Bolalar uylari, Mehribonlik uylari, Kichik hajmli bolalar uylari, Respublika oʻquv-tarbiya muassasalari hamda “SOS — Oʻzbekiston bolalar mahallalari” uyushmasining Bolalarni muqobil parvarish qilish xizmatida tarbiyalanayotgan (bitirgan) yetim bola yoki ota-ona qaramogʻidan mahrum boʻlgan bola deb eʼtirof etilgan bolalar boʻyicha individual rivojlanish rejasi va individual integratsiya rejasini shakllantiradi. 2. Individual rivojlanish rejasi va individual integratsiya rejasiga yetim bola va ota-ona qaramogʻidan mahrum boʻlgan bolaga koʻrsatilishi talab etiladigan ijtimoiy yordamlarni belgilaydi. 3. Yetim bola va ota-ona qaramogʻidan mahrum boʻlgan bolaga koʻrsatilishi mumkin boʻlgan ijtimoiy yordamlarni koʻrsatish boʻyicha tavsiyanoma shakllantiradi. 4. Tavsiyanomani yetim bola yoki ota-ona qaramogʻidan mahrum boʻlgan bolaga tegishli ijtimoiy yordam koʻrsatish uchun Oʻzbekiston Respublikasi Prezidenti huzuridagi Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmalariga (hududiy boshqarmalar) kiritadi. Qonunchilikda belgilangan muddatlarda Qonunchilikda belgilangan muddatlarda Tegishli ijtimoiy yordam pasportida nazarda tutilgan muddatda Tavsiyanoma tasdiqlanganidan soʻng avtomatik ravishda 2-bosqich Hududiy boshqarmalar Tavsiyanomaga muvofiq yetim bola yoki ota-ona qaramogʻidan mahrum boʻlgan bolaga tegishli ijtimoiy yordam koʻrsatilishini taʼminlaydi. Tegishli ijtimoiy yordamlar pasportlariga muvofiq

Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizomga 2-ILOVA

Kasb-hunarga oʻqitish kurslari xarajatlarini qoplash tarzidagi ijtimoiy yordamni koʻrsatish

1. Ijtimoiy yordam nomi: Kasb-hunarga oʻqitish kurslari xarajatlarini qoplash 2. Ijtimoiy yordam koʻrsatiladigan dastur: Bandlikni taʼminlashga koʻmaklashish dasturi 3. Ijtimoiy yordam miqdori: Har bir kurs uchun bir oyda quyidagi miqdorlarda: Toshkent shahrida bazaviy hisoblash miqdorining 2 baravarigacha; Nukus shahri va viloyatlar markazlarida bazaviy hisoblash miqdorining 1,5 baravarigacha; qolgan hududlarda bazaviy hisoblash miqdorining 1 baravarigacha. 4. Ijtimoiy yordam koʻrsatiluvchi bolalar toifasi: Quyidagi yetim bolalar va ota-ona qaramogʻidan mahrum boʻlgan bolalar: homiylik belgilangan bolalar; tutingan (foster) oilaga berilgan bolalar; “SOS — Oʻzbekiston bolalar mahallalari” uyushmasining bolalarni muqobil parvarish qilish xizmati tarbiyalanuvchilari va bitiruvchilari; respublika oʻquv-tarbiya muassasalarining bitiruvchilari; Mehribonlik uyi tarbiyalanuvchilari va bitiruvchilari; Kichik hajmli bolalar uylari tarbiyalanuvchilari va bitiruvchilari. 5. Ijtimoiy yordamdan foydalanuvchining yosh toifasi: 17 — 23 yosh 6. Ijtimoiy yordamdan foydalanish uchun taqdim qilinadigan hujjatlar: Kasb-hunarga oʻqitish kurslarini tashkil etgan tadbirkorlik subyekti bilan tuzilgan shartnoma ** . 7. Ijtimoiy yordamni koʻrsatish talablari va shartlari: Quyidagi majburiyatlar yuklatiladi: kasb-hunarga, shu jumladan, tadbirkorlikka oʻqitish kurslariga muntazam qatnashish; oʻquv kursi yakuni boʻyicha belgilangan namunadagi beriladigan sertifikatni olish. 8. Ijtimoiy yordam koʻrsatish davriyligi: Faqat bir turdagi kurs uchun bir marotaba, 6 oygacha boʻlgan muddatda 9. Ijtimoiy yordam koʻrsatish shakli: Mazkur pasportning 4-pozitsiyasida nazarda tutilgan bolalarni kasb-hunarga oʻqitgan (oʻrgatgan) tadbirkorlik subyektlariga oʻquv kursi tashkil etilgan hudud uchun belgilangan miqdorlarda elektron shaklda tuzilgan shartnomaga muvofiq subsidiya shaklida oʻtkaziladi. Shartnomaga muvofiq subsidiya toʻlovlari oʻquv kursi davomiyligidan qatʼiy nazar 6 oygacha boʻlgan davr uchun oyma-oy mazkur pasportning 3-pozitsiyasida belgilangan miqdorlardan koʻp boʻlmagan miqdorda toʻlab boriladi.

Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizomga 3-ILOVA

Tadbirkorlik yoki oʻzini oʻzi band qilish faoliyatini boshlash uchun asbob-uskuna yoki mehnat qurollarini xarid qilish tarzidagi ijtimoiy yordamni koʻrsatish

1. Ijtimoiy yordam nomi: Tadbirkorlik yoki oʻzini oʻzi band qilish faoliyatini boshlash uchun asbob-uskuna, velosiped, kompyuter jamlanmasi va boshqa mehnat qurollarini xarid qilish 2. Ijtimoiy yordam koʻrsatiladigan dastur: Bandlikni taʼminlashga koʻmaklashish dasturi 3. Ijtimoiy yordam miqdori: Bazaviy hisoblash miqdorining 30 baravarigacha 4. Ijtimoiy yordam koʻrsatiladigan bolalar toifasi: Quyidagi yetim bolalar va ota-ona qaramogʻidan mahrum boʻlgan bolalar: homiylik belgilangan bolalar; tutingan (foster) oilaga berilgan bolalar; “SOS — Oʻzbekiston bolalar mahallalari” uyushmasining bolalarni muqobil parvarish qilish xizmati bitiruvchilari; respublika oʻquv-tarbiya muassasalarining bitiruvchilari; Mehribonlik uyi tarbiyalanuvchilari va bitiruvchilari; Kichik hajmli bolalar uylari bitiruvchilari. 5. Ijtimoiy yordamdan foydalanuvchining yosh toifasi: 16 — 23 yosh 6. Ijtimoiy yordamdan foydalanish uchun taqdim qilinadigan hujjatlar: — 7. Ijtimoiy yordam koʻrsatish talablari va shartlari: Quyidagi majburiyatlar yuklatiladi: xarid qilingan asbob-uskuna, velosiped, kompyuter jamlanmasi va boshqa mehnat qurollaridan foydalanish orqali daromad keltiruvchi faoliyat bilan shugʻullanish; xarid qilingan asbob-uskuna, velosiped, kompyuter jamlanmasi va boshqa mehnat qurollarini sotib yubormaslik; xarid qilingan asbob-uskuna, velosiped, kompyuter jamlanmasi va boshqa mehnat qurollarini boshqa shaxslarga foydalanish uchun bermaslik. 8. Ijtimoiy yordam koʻrsatish davriyligi: Bir marotaba 9. Ijtimoiy yordam koʻrsatish shakli: Asbob-uskuna yoki velosiped yoxud kompyuter jamlanmasi yoki mehnat qurollari yetim bola va ota-ona qaramogʻidan mahrum boʻlgan bolalar yoki ularning qonuniy vakillari tomonidan ushbu turdagi tovarlar sotiladigan elektron savdo platformasi va savdo maydonchalari orqali elektron shaklda xarid qilinadi ** .

Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizomga 4-ILOVA

Musiqa va sport yoʻnalishida inventarlar, asbob-uskunalar hamda maxsus kiyimlarni xarid qilish tarzidagi ijtimoiy yordamni koʻrsatish

1. Ijtimoiy yordam nomi: Musiqa va sport yoʻnalishida inventarlar, asbob-uskunalar hamda maxsus kiyimlarni xarid qilish 2. Ijtimoiy yordam koʻrsatiladigan dastur: Ehtiyojlarni qoʻllab-quvvatlash dasturi 3. Ijtimoiy yordam miqdori: Bazaviy hisoblash miqdorining 10 baravarigacha 4. Ijtimoiy yordam koʻrsatiladigan bolalar toifasi: Quyidagi yetim bolalar va ota-ona qaramogʻidan mahrum boʻlgan bolalar: vasiylik yoki homiylik belgilangan bolalar; tutingan (foster) oilaga berilgan bolalar . 5. Ijtimoiy yordamdan foydalanuvchining yosh toifasi: 5 — 18 yosh 6. Ijtimoiy yordamdan foydalanish uchun taqdim qilinadigan hujjatlar: — 7. Ijtimoiy yordamni koʻrsatish talablari va shartlari: — 8. Ijtimoiy yordam koʻrsatish davriyligi: Har uch yilda bir marotaba 9. Ijtimoiy yordam koʻrsatish shakli: Inventar, asbob-uskunalar hamda maxsus kiyimlar yetim bola va ota-ona qaramogʻidan mahrum boʻlgan bolalar yoki ularning qonuniy vakillari tomonidan ushbu turdagi tovarlar realizatsiya qilinadigan elektron savdo platformasi va savdo maydonchalari orqali elektron shaklda xarid qilinadi ** .

Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizomga 5-ILOVA

Oliy taʼlim tashkilotlariga oʻqishga kirish uchun tayyorlanish xarajatlarini qoplash tarzidagi ijtimoiy yordamni koʻrsatish

1. Ijtimoiy yordam nomi: Oliy taʼlim tashkilotlariga oʻqishga kirish uchun tayyorlanish xarajatlarini qoplash 2. Ijtimoiy yordam koʻrsatiladigan dastur: Sifatli taʼlim olishga koʻmaklashish dasturi 3. Ijtimoiy yordam miqdori: Har bir kurs uchun quyidagi miqdorlarda: Toshkent shahrida bazaviy hisoblash miqdorining 2 baravarigacha; Nukus shahri va viloyatlar markazlarida bazaviy hisoblash miqdorining 1,5 baravarigacha; qolgan hududlarda bazaviy hisoblash miqdorining 1 baravarigacha. 4. Ijtimoiy yordam koʻrsatiladigan bolalar toifasi: Quyidagi yetim bolalar va ota-ona qaramogʻidan mahrum boʻlgan bolalar: homiylik belgilangan bolalar; tutingan (foster) oilaga berilgan bolalar; “SOS — Oʻzbekiston bolalar mahallalari” uyushmasining bolalarni muqobil parvarish qilish xizmati bitiruvchilari; respublika oʻquv-tarbiya muassasalarining bitiruvchilari; Mehribonlik uyi bitiruvchilari; Kichik hajmli bolalar uylari bitiruvchilari . 5. Ijtimoiy yordamdan foydalanuvchining yosh toifasi: 14 — 23 yosh 6. Ijtimoiy yordamdan foydalanish uchun taqdim qilinadigan hujjatlar: Oliy taʼlim tashkilotlariga oʻqishga kirish uchun tayyorlash xizmatlarini koʻrsatuvchi nodavlat taʼlim tashkiloti bilan tuzilgan shartnoma** 7. Ijtimoiy yordamni koʻrsatish talablari va shartlari: Taʼlim tashkilotlariga oʻqishga kirish uchun tayyorlash kurslariga muntazam qatnashish. 8. Ijtimoiy yordam koʻrsatish davriyligi: Har bir kurs (5 tagacha) uchun bir marotaba, 12 oygacha 9. Ijtimoiy yordam koʻrsatish shakli: Nodavlat taʼlim tashkilotiga shartnomaga muvofiq oʻtkaziladi. Bunda: ijtimoiy yordam nodavlat taʼlim tashkilotiga oʻquv kursi tashkil etilgan hudud uchun belgilangan miqdorlarda amalga oshiriladi; shartnomaga muvofiq subsidiya toʻlovlari oʻquv kursi davomida 12 oygacha boʻlgan davr uchun oyma-oy mazkur pasportning 3-pozitsiyasida belgilangan miqdorlardan koʻp boʻlmagan miqdorda toʻlab boriladi.

Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizomga 6-ILOVA

Oliy taʼlim tashkilotlari talabalarining taʼlim olishi uchun toʻlov-kontrakt summasini toʻlash tarzidagi ijtimoiy yordamni koʻrsatish

1. Ijtimoiy yordam nomi: Oliy taʼlim tashkilotlari talabalarining taʼlimi uchun toʻlov-kontrakt summasini toʻlash 2. Ijtimoiy yordam koʻrsatiladigan dastur: Sifatli taʼlim olishga koʻmaklashish dasturi 3. Ijtimoiy yordam miqdori: Davlat oliy taʼlim muassasalarning tegishli bakalavriat taʼlim yoʻnalishlari boʻyicha tasdiqlangan toʻlov-kontrakt summalari miqdorida 4. Ijtimoiy yordam koʻrsatiladigan bolalar toifasi: Quyidagi yetim bolalar va ota-ona qaramogʻidan mahrum boʻlgan bolalar: homiylik belgilangan bolalar; tutingan (foster) oilaga berilgan bolalar; “SOS — Oʻzbekiston bolalar mahallalari” uyushmasining bolalar muqobil parvarish qilish xizmati bitiruvchilari; respublika oʻquv-tarbiya muassasalarining bitiruvchilari; Mehribonlik uyi bitiruvchilari; Kichik hajmli bolalar uylari bitiruvchilari . 5. Ijtimoiy yordamdan foydalanuvchining yosh toifasi: 17 — 23 yosh 6. Ijtimoiy yordamdan foydalanish uchun taqdim qilinadigan hujjatlar: Toʻlov-kontrakt asosida taʼlim berish toʻgʻrisidagi shartnoma. 7. Ijtimoiy yordamni koʻrsatish talablari va shartlari: Oliy taʼlim tashkilotlari talabalarining taʼlim olishi uchun toʻlov-kontrakt summasini toʻlash tarzidagi ijtimoiy yordam faqat davlat oliy taʼlim tashkilotlari bakalavriat bosqichining kunduzgi, kechki va masofaviy taʼlim shakliga oʻqishga qabul qilingan yetim bolalar va ota-ona qaramogʻidan mahrum boʻlgan bolalarga koʻrsatiladi. 8. Ijtimoiy yordam koʻrsatish davriyligi: Oliy taʼlim tashkilotini bakalavr bosqichini tugatgunga qadar, biroq ijtimoiy yordam olish yoshi doirasida 9. Ijtimoiy yordam koʻrsatish shakli: Oliy taʼlim tashkilotiga toʻlov-kontrakt asosida taʼlim berish toʻgʻrisidagi ikki tomonlama shartnoma muvofiq oʻtkaziladi.

Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizomga 7-ILOVA

Milliy va xalqaro imtihon tizimlari boʻyicha imtihon topshirish xarajatini kompensatsiya qilish tarzidagi ijtimoiy yordamni koʻrsatish

1. Ijtimoiy yordam nomi: Milliy va xalqaro imtihon tizimlari boʻyicha imtihon topshirish xarajatini kompensatsiya qilish. Bunda barcha fanlar boʻyicha milliy imtihonlar hamda quyidagi xalqaro imtihon tizimlari xarajatlari qoplanadi: International English Language Testing System (IELTS); Test of English as a Foreign Language internet Based Test (TOEFL) iBT; Graduate Management Admission Test (GMAT); Graduate Record Examinations (GRE); Scholastic Assessment Test (SAT). 2. Ijtimoiy yordam koʻrsatiladigan dastur: Sifatli taʼlim olishga koʻmaklashish dasturi 3. Ijtimoiy yordam miqdori: Bazaviy hisoblash miqdorining 7 baravarigacha 4. Ijtimoiy yordam koʻrsatiladigan bolalar toifasi: Quyidagi yetim bolalar va ota-ona qaramogʻidan mahrum boʻlgan bolalar: homiylik belgilangan bolalar; tutingan (foster) oilaga berilgan bolalar; “SOS — Oʻzbekiston bolalar mahallalari” uyushmasining bolalarni muqobil parvarish qilish xizmati bitiruvchilari; respublika oʻquv-tarbiya muassasalarining bitiruvchilari; Mehribonlik uyi bitiruvchilari; Kichik hajmli bolalar uylari bitiruvchilari . 5. Ijtimoiy yordamdan foydalanuvchining yosh toifasi: 14 — 23 yosh 6. Ijtimoiy yordamdan foydalanish uchun taqdim qilinadigan hujjatlar: milliy va xalqaro imtihon tizimlari boʻyicha imtihon topshirish uchun belgilangan tartibda yuborilgan ariza; milliy va xalqaro imtihon tizimlari boʻyicha imtihon topshirish uchun toʻlov amalga oshirilganligini tasdiqlovchi hujjat (toʻlov topshiriqnomasi, chek va boshqalar); milliy va xalqaro imtihon tizimlari boʻyicha topshirilgan imtihon natijasini aks ettiruvchi hujjatlar (sertifikat, guvohnoma va boshqa). Mazkur blokda nazarda tutilgan hujjatlarning haqiqiyligi Oʻzbekiston Respublikasi Yoshlar ishlari agentligi koʻmagida verifikatsiyadan oʻtkaziladi yoki belgilangan tartibda tasdiqlatib olinadi. 7. Ijtimoiy yordamni koʻrsatish talablari va shartlari: xalqaro imtihon tizimlari boʻyicha imtihon topshirish xarajati muqaddam qonunchilik hujjatlarida belgilangan tartibda kompensatsiya qilinmagan boʻlsa ** ; xalqaro imtihon tizimlari boʻyicha topshirilgan imtihon natijasi qonunchilik hujjatlariga muvofiq imtihon topshirish xarajati kompensatsiya qilinadigan xalqaro imtihon tizimlari roʻyxatida nazarda tutilgan imtihon topshirish xarajati kompensatsiya qilinishi uchun toʻplanishi lozim boʻlgan yuqori ballning (darajaning) minimal koʻrsatkichi bilan bir xil yoki undan 30 foizga past boʻlsa; milliy va xalqaro imtihon tizimlari boʻyicha topshirilgan imtihon natijasini aks ettiruvchi hujjatlar haqiqiy boʻlsa. 8. Ijtimoiy yordam koʻrsatish davriyligi: Xalqaro imtihonda ikki marotaba, milliy imtihonda esa har bir fan boʻyicha (5 tagacha) ikki marotaba 9. Ijtimoiy yordam koʻrsatish shakli: Yetim bolalar va ota-ona qaramogʻidan mahrum boʻlgan bolalar yoki ularning qonuniy vakilining bank kartasiga oʻtkaziladi.

Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizomga 8-ILOVA

Kiyim-bosh bilan taʼminlash tarzidagi ijtimoiy yordamni koʻrsatish

1. Ijtimoiy yordam nomi: Kiyim-bosh bilan taʼminlash 2. Ijtimoiy yordam koʻrsatiladigan dastur: Ehtiyojlarni qoʻllab-quvvatlash dasturi 3. Ijtimoiy yordam miqdori: Bazaviy hisoblash miqdorining 5 baravarigacha 4. Ijtimoiy yordam koʻrsatiladigan bolalar toifasi: Vasiylik yoki homiylik belgilangan yetim bolalar va ota-ona qaramogʻidan mahrum boʻlgan bolalar 5. Ijtimoiy yordamdan foydalanuvchining yosh toifasi: 0 — 18 yosh 6. Ijtimoiy yordamdan foydalanish uchun taqdim qilinadigan hujjatlar: — 7. Ijtimoiy yordamni koʻrsatish talablari va shartlari: — 8. Ijtimoiy yordam koʻrsatish davriyligi: Bir marotaba, har yili 9. Ijtimoiy yordam koʻrsatish shakli: Kiyim-bosh yetim bola va ota-ona qaramogʻidan mahrum boʻlgan bolalar yoki ularning qonuniy vakillari tomonidan ushbu turdagi tovarlar sotiladigan elektron savdo maydonchalari orqali elektron shaklda xarid qilinadi.

Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizomga 9-ILOVA

Zarur uy jihozlari bilan taʼminlash tarzidagi ijtimoiy yordamni koʻrsatish

1. Ijtimoiy yordam nomi: Zarur uy jihozlari bilan taʼminlash 2. Ijtimoiy yordam koʻrsatiladigan dastur: Ehtiyojlarni qoʻllab-quvvatlash dasturi 3. Ijtimoiy yordam miqdori: Bazaviy hisoblash miqdorining 10 baravarigacha 4. Ijtimoiy yordam koʻrsatiladigan bolalar toifasi: Quyidagi yetim bolalar va ota-ona qaramogʻidan mahrum boʻlgan bolalar: vasiylik belgilangan bolalar; homiylik belgilangan bolalar; tutingan (foster) oilaga berilgan bolalar . 5. Ijtimoiy yordamdan foydalanuvchining yosh toifasi: 0 — 18 yosh 6. Ijtimoiy yordamdan foydalanish uchun taqdim qilinadigan hujjatlar: — 7. Ijtimoiy yordamni koʻrsatish talablari va shartlari: Yetim bola yoki ota-ona qaramogʻidan mahrum boʻlgan bola uchun zarur boʻlgan uy jihozlariga boʻlgan ehtiyoj “Inson” markazi ijtimoiy xodimlari tomonidan bevosita ushbu bolalar yashash joyiga borgan holda oʻrganiladi. 8. Ijtimoiy yordam koʻrsatish davriyligi: Har besh yilda bir marotaba 9. Ijtimoiy yordam koʻrsatish shakli: Zarur uy jihozlari yetim bola va ota-ona qaramogʻidan mahrum boʻlgan bolalar yoki ularning qonuniy vakillari tomonidan ushbu turdagi tovarlar sotiladigan elektron savdo platformalari yoki savdo maydonchalari orqali elektron shaklda xarid qilinadi ** .

Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizomga 10-ILOVA

Turar joyni jihozlash xarajatlarini toʻlash tarzidagi ijtimoiy yordamni koʻrsatish

1. Ijtimoiy yordam nomi: Turar joyni jihozlash xarajatlarini toʻlash * 2. Ijtimoiy yordam koʻrsatiladigan dastur: Uy-joy sharoitlarini yaxshilash dasturi 3. Ijtimoiy yordam miqdori: Bazaviy hisoblash miqdorining 50 baravarigacha 4. Ijtimoiy yordam koʻrsatiladigan bolalar toifasi: Quyidagi yetim bolalar va ota-ona qaramogʻidan mahrum boʻlgan bolalar: homiylik belgilangan bolalar ** ; tutingan (foster) oilaga berilgan bolalar ** ; “SOS — Oʻzbekiston bolalar mahallalari” uyushmasining bolalarni muqobil parvarish qilish xizmati bitiruvchilari; respublika oʻquv-tarbiya muassasalarining bitiruvchilari; Mehribonlik uyi bitiruvchilari; Kichik hajmli bolalar uylari bitiruvchilari. 5. Ijtimoiy yordamdan foydalanuvchining yosh toifasi: 18 — 23 yosh 6. Ijtimoiy yordamdan foydalanish uchun taqdim qilinadigan hujjatlar: — 7. Ijtimoiy yordamni koʻrsatish talablari va shartlari: Mazkur turdagi ijtimoiy yordam qonunchilik hujjatlariga muvofiq: davlat hisobidan turar joy bilan taʼminlanadigan toifaga kiruvchi hamda belgilangan tartibda turar joy oluvchilar roʻyxatiga kiritilgan bolalarga koʻrsatiladi; yetim bolalar va ota-ona qaramogʻidan mahrum boʻlgan bolalarning davlat hisobidan berilgan turar joylarini yoki mulk huquqi asosida oʻziga tegishli boshqa turar joylarini jihozlash uchun ishlatiladi; davlat hisobidan turar joyni berish jarayonida zarur ehtiyojdan kelib chiqib belgilanadi. 8. Ijtimoiy yordam koʻrsatish davriyligi: Bir marotaba 9. Ijtimoiy yordam koʻrsatish shakli: Jihozlar yetim bolalar va ota-ona qaramogʻidan mahrum boʻlgan bolalar yoki ularning qonuniy vakillari tomonidan ushbu turdagi tovarlar sotiladigan elektron savdo platformalari yoxud savdo maydonchalari orqali elektron shaklda xarid qilinadi*** .

Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizomga 11-ILOVA

Jarrohlik amaliyotisiz davolanish hamda jarrohlik amaliyoti xarajatlarini qoplash tarzidagi ijtimoiy yordamni koʻrsatish

1. Ijtimoiy yordam nomi: Jarrohlik amaliyotisiz davolanish hamda jarrohlik amaliyoti xarajatlarini qoplash 2. Ijtimoiy yordam koʻrsatiladigan dastur: Sogʻliqni saqlash dasturi 3. Ijtimoiy yordam miqdori: jarrohlik amaliyotisiz davolanish xarajatlarini qoplash uchun Davlat tibbiy sugʻurta jamgʻarmasi tomonidan qoplashini belgilangan bazaviy narxlar doirasida; jarrohlik amaliyotini oʻtkazish, shu jumladan, amaliyot oʻtkaziladigan tibbiyot muassasasida jarrohlik amaliyotini oʻtkazishga qadar tibbiy koʻrik va tahlillarni oʻtkazish hamda davolash bilan bogʻliq xarajatlarini qoplash uchun Davlat tibbiy sugʻurta jamgʻarmasi tomonidan qoplashini belgilangan bazaviy narxlar doirasida. 4. Ijtimoiy yordam koʻrsatiladigan bolalar toifasi: Quyidagi yetim bolalar va ota-ona qaramogʻidan mahrum boʻlgan bolalar: a) davolanish xarajatlarini qoplash: vasiylik belgilangan bolalar; homiylik belgilangan bolalar; tutingan (foster) oilaga berilgan bolalar; b) jarrohlik amaliyoti xarajatlarini qoplash: vasiylik belgilangan bolalar; homiylik belgilangan bolalar; Bolalar uylari tarbiyalanuvchilari; tutingan (foster) oilaga berilgan bolalar; “SOS — Oʻzbekiston bolalar mahallalari” uyushmasining bolalarni muqobil parvarish qilish xizmati bitiruvchilari; respublika oʻquv-tarbiya muassasalarining bitiruvchilari; Mehribonlik uyi bitiruvchilari; Kichik hajmli bolalar uylari bitiruvchilari. 5. Ijtimoiy yordamdan foydalanuvchining yosh toifasi: 0 — 2 3 yosh 6. Ijtimoiy yordamdan foydalanish uchun taqdim qilinadigan hujjatlar: a) jarrohlik amaliyotisiz davolanish xarajatlarini qoplash uchun yetim bola yoki ota-ona qaramogʻidan mahrum boʻlgan bola davolanayotgan yoxud davolanishi rejalashtirilayotgan davolash-profilaktika muassasasining amalga oshirilishi lozim boʻlgan muolajalar va xizmatlar hamda koʻrsatilgan tibbiy xizmat uchun toʻlanishi lozim boʻlgan mablagʻlar haqidagi maʼlumotnomasi; b) jarrohlik amaliyoti xarajatlarini qoplash uchun yetim bola yoki ota-ona qaramogʻidan mahrum boʻlgan bolaning jarrohlik amaliyoti oʻtkazilishiga muhtojligini tasdiqlovchi hujjatlar. 7. Ijtimoiy yordamni koʻrsatish talablari va shartlari: — 8. Ijtimoiy yordam koʻrsatish davriyligi: jarrohlik amaliyotisiz davolanish xarajatlarini qoplash — bir yilda bir marotaba; jarrohlik amaliyoti xarajatlarini qoplash — zaruratga koʻra cheklanmagan marotaba. 9. Ijtimoiy yordam koʻrsatish shakli: Mazkur ijtimoiy yordamni koʻrsatish boʻyicha mablagʻlar Davlat tibbiy sugʻurtasi jamgʻarmasiga oʻtkazib beriladi. Bunda: yordam koʻrsatiladigan shaxsni jarrohlik amaliyotisiz davolash yoki jarrohlik amaliyotini oʻtkazish Davlat tibbiy sugʻurtasi jamgʻarmasi tomonidan qonunchilikda belgilangan tartibda tanlangan hamda shartnoma tuzilgan tibbiyot tashkiloti (davlat yoki nodavlat) tomonidan amalga oshiriladi; Davlat tibbiy sugʻurtasi jamgʻarmasi tomonidan mazkur turdagi ijtimoiy yordamga muhtoj bola navbatsiz jarrohlik amaliyotidan oʻtkazilishi hamda tegishli toʻlovlarni tibbiyot tashkilotiga oʻtkazilishi taʼminlanadi; yordam koʻrsatiladigan shaxsni jarrohlik amaliyotisiz davolash yoki jarrohlik amaliyoti oʻtkazilganidan soʻng Davlat tibbiy sugʻurtasi jamgʻarmasining talabnomasiga muvofiq tegishli xarajatlarni moliyalashtirish uchun mablagʻlar Davlat tibbiy sugʻurtasi jamgʻarmasiga oʻtkaziladi; Davlat tibbiy sugʻurtasi jamgʻarmasi Ijro etuvchi apparati tomonidan tegishli mablagʻlar tibbiyot tashkilotiga oʻtkazib beriladi. 10. Izoh: Mazkur yordam uni oluvchilar uchun qonunchilik hujjatlariga muvofiq: Davlat budjeti mablagʻlari hisobidan imtiyozli toifaga kiruvchi shaxslar davolanadigan kasalliklar roʻyxatiga muvofiq yoʻllanmalar asosida; Tibbiy yordam xarajatlari Davlat tibbiy sugʻurtasi jamgʻarmasi hisobidan qoplanmagan holatlarda koʻrsatiladi. Davlat tibbiy sugʻurtasi jamgʻarmasi tomonidan Ijtimoiy himoya davlat jamgʻarmasi mablagʻlari hisobidan tibbiyot tashkilotlariga oʻtkazilgan mablagʻlar boʻyicha alohida hisob-kitob yuritiladi.

Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizomga 12-ILOVA

Safarbarlik chaqiruvi rezervidagi xizmatni oʻtash xarajatini qoplash tarzidagi ijtimoiy yordamni koʻrsatish

1. Ijtimoiy yordam nomi: Safarbarlik chaqiruvi rezervidagi xizmatni oʻtash xarajatini qoplash 2. Ijtimoiy yordam koʻrsatiladigan dastur: Ehtiyojlarni qoʻllab-quvvatlash dasturi 3. Ijtimoiy yordam miqdori: Qonunchilik hujjatlarida belgilangan miqdorda 4. Ijtimoiy yordam koʻrsatiladigan bolalar toifasi: Quyidagi yetim bolalar va ota-ona qaramogʻidan mahrum boʻlgan bolalar: homiylik belgilangan bolalar ** ; tutingan (foster) oilaga berilgan bolalar ** ; “SOS — Oʻzbekiston bolalar mahallalari” uyushmasining bolalarni muqobil parvarish qilish xizmati bitiruvchilari; respublika oʻquv-tarbiya muassasalarining bitiruvchilari; Mehribonlik uyi bitiruvchilari; Kichik hajmli bolalar uylari bitiruvchilari. 5. Ijtimoiy yordamdan foydalanuvchining yosh toifasi: 18 — 2 3 yosh 6. Ijtimoiy yordamdan foydalanish uchun taqdim qilinadigan hujjatlar: Ariza beruvchi va tuman (shahar) mudofaa ishlari boʻlimi oʻrtasida tuzilgan shartnoma 7. Ijtimoiy yordamni koʻrsatish talablari va shartlari: Shartnomada belgilangan muddat va talablar asosida safarbarlik chaqiruvi rezervidagi xizmatni oʻz vaqtida oʻtash 8. Ijtimoiy yordam koʻrsatish davriyligi: Bir marotaba 9. Ijtimoiy yordam koʻrsatish shakli: Mudofaa vazirligining “Safarbarlik chaqiruvi rezervi mablagʻlari” maxsus hisobvaragʻiga badal oʻtkazish tartibi toʻgʻrisidagi shartnomaga muvofiq oʻtkaziladi.

Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizomga 13-ILOVA

Avtomototransport vositalari haydovchilarini tayyorlash oʻquv kursi, test va amaliy imtihonlar xarajatlarini qoplash tarzidagi ijtimoiy yordamni koʻrsatish

1. Ijtimoiy yordam nomi: Avtomototransport vositalari haydovchilarini tayyorlash oʻquv kursi, test va amaliy imtihonlar xarajatlarini qoplash 2. Ijtimoiy yordam koʻrsatiladigan dastur: Bandlikni taʼminlashga koʻmaklashish dasturi 3. Ijtimoiy yordam miqdori: haydovchilarni tayyorlash oʻquv kursi xarajatlarini qoplash uchun bazaviy hisoblash miqdorining 22 baravarigacha; test va amaliy imtihonlari xarajatlarini qoplash uchun bazaviy hisoblash miqdorining 8 baravarigacha 4. Ijtimoiy yordam koʻrsatiladigan bolalar toifasi: Quyidagi yetim bolalar va ota-ona qaramogʻidan mahrum boʻlgan bolalar: homiylik belgilangan bolalar ** ; tutingan (foster) oilaga berilgan bolalar ** ; “SOS — Oʻzbekiston bolalar mahallalari” uyushmasining bolalarni muqobil parvarish qilish xizmati bitiruvchilari; respublika oʻquv-tarbiya muassasalarining bitiruvchilari; Mehribonlik uyi bitiruvchilari; Kichik hajmli bolalar uylari bitiruvchilari. 5. Ijtimoiy yordamdan foydalanuvchining yosh toifasi: 18 — 2 3 yosh 6. Ijtimoiy yordamdan foydalanish uchun taqdim qilinadigan hujjatlar: Mazkur ijtimoiy yordamdan foydalanuvchi hamda davlat va nodavlat taʼlim tashkiloti oʻrtasida elektron shaklda tuzilgan shartnoma 7. Ijtimoiy yordamni koʻrsatish talablari va shartlari: Quyidagi majburiyatlar yuklanadi: oʻquv kursiga muntazam qatnashish; oʻquv kursi yakuni boʻyicha beriladigan belgilangan namunadagi hujjatni olish; oʻquv kursini tamomlagach, milliy haydovchilik guvohnomasini olish boʻyicha nazariy va amaliy imtihonlarni topshirish. 8. Ijtimoiy yordam koʻrsatish davriyligi: Belgilangan summa doirasida har bir toifa uchun bir marotaba. 9. Ijtimoiy yordam koʻrsatish shakli: Davlat va nodavlat taʼlim tashkilotlari bilan tuzilgan elektron shartnomaga muvofiq (mazkur pasportning 3-pozitsiyasida belgilanganidan koʻp boʻlmagan miqdorda) oyma-oy oʻtkaziladi

Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizomga 14-ILOVA

Oilaviy bolalar uylarini taʼmirlash uchun mablagʻ ajratish tarzidagi ijtimoiy yordamni koʻrsatish

1. Ijtimoiy yordam nomi: Oilaviy bolalar uylarini taʼmirlash uchun mablagʻ ajratish 2. Ijtimoiy yordam miqdori: Bazaviy hisoblash miqdorining 100 baravarigacha 3. Ijtimoiy yordam oluvchi: Oilaviy bolalar uylarini tashkil etgan jismoniy shaxslar 4. Ijtimoiy yordamdan foydalanuvchining yosh toifasi: 30 — 65 yosh 5. Ijtimoiy yordamdan foydalanish uchun taqdim qilinadigan hujjatlar: Xizmat koʻrsatuvchi va qurilish mahsulotlari yetkazib beruvchi hamda ariza beruvchi oʻrtasida tuzilgan shartnoma nusxasi. 6. Ijtimoiy yordamni koʻrsatish talablari va shartlari: — 7. Ijtimoiy yordam koʻrsatish davriyligi: 5 yilda bir marta 8. Ijtimoiy yordam koʻrsatish shakli: 1. Mazkur yordam boʻyicha qurilish materiallari va taʼmirlash uchun mablagʻlar tuman (shahar)lar obodonlashtirish boshqarmalari yoki “Mahalla servis kompaniyasi” MCHJga shartnomaga muvofiq pul oʻtkazish yoʻli bilan taqdim etiladi. Koʻrsatilgan mablagʻlarning 20 foizigacha boʻlgan qismi ish haqi va boshqa xarajatlar uchun sarflanadi. Taʼmirlash ishlarini boshlash uchun tuman (shahar)lar obodonlashtirish boshqarmalari yoki “Mahalla servis kompaniyasi” ga koʻrsatilgan mablagʻlarning 30 foizi avans sifatida shartnomaga asosan oʻtkazib beriladi. Uy-joyni taʼmirlash ishlari yordamdan foydalanuvchi tomonidan amalga oshirilishi koʻrsatilgan taqdirda, nazarda tutilgan mablagʻning 80 foizi qurilish materiallari yetkazib beruvchi tadbirkorlik subyektlariga shartnomaga muvofiq oʻtkazib beriladi. 2. Tumanlar (shaharlar) obodonlashtirish boshqarmalari yoki “Mahalla servis kompaniyasi” taʼmirlash ishlarining natijalari “Inson” ijtimoiy xizmatlar markazi va “mahalla yettiligi” tomonidan topshirish-qabul qilish dalolatnomasiga asosan qabul qilinadi hamda taʼmirlash uchun qolgan mablagʻlar oʻtkazib beriladi. Bunda nuqson dalolatnomasida koʻrsatilgan holatlar toʻliq bartaraf etilmaganda, taʼmirlash ishlari yakunlanmagan hisoblanadi hamda “mahalla yettiligi” tomonidan qabul qilinmaydi. 9. Izoh: Uy-joyni joriy taʼmirlash boʻyicha mablagʻlar quyidagi hollarda ajratiladi: uy-joyning tom qismini taʼmirlash uchun; uy-joyning yashash xonalarini pol qismini taʼmirlash uchun; uy-joyning yashash xonalarini kengaytirish va qoʻshimcha xona qurish uchun; uy-joyning yashash xonalari va oshxonasining eshik va derazasi yoʻq yoki yaroqsiz holatda boʻlsa, yangilash yoki taʼmirlash uchun; uy-joyning hammom yoki hojatxonasi mavjud boʻlmasa yoki taʼmirtalab boʻlsa, yangitdan qurish yoki taʼmirlash uchun; uy-joyning isitish tizimi mavjud boʻlmasa yoki taʼmirtalab boʻlsa, isitish tizimini qurish yoki taʼmirlash, shuningdek, zaruratga koʻra, isitish qozonlarini yoki quyosh panellarini xarid qilish, oʻrnatish va taʼmirlash uchun. Mazkur yordamdan foydalanish uchun Oilaviy bolalar uyini tashkil etgan xonadon egasi murojaatiga muvofiq “Inson” ijtimoiy xizmatlar markazi tomonidan yordam oluvchilarga mulk huquqi yoki boshqa ashyoviy huquqlar asosida tegishli boʻlgan uy-joylarga borgan holda haqiqatda muhtojlik mavjudligi yuzasidan oʻrganish oʻtkazilib, nuqson dalolatnomasi tuziladi. Bunda nuqson dalolatnomasida yordamdan foydalanuvchiga tegishli uy-joyning taʼmirlanishi lozim boʻlgan qismlari hamda yangisiga almashtirilishi lozim boʻlgan jihozlar (eshik-rom, shifer va boshqalar) aniq koʻrsatilgan holda uy-joyning fotosuratlari ilova qilinadi. “Mahalla yettiligi” tomonidan tasdiqlangan dalolatnomaga asosan taʼmirlash ishlari uchun mablagʻlar oʻtkazib beriladi.

Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizomga 15-ILOVA

Vaucher asosida yetim bola, ota-ona qaramogʻidan mahrum boʻlgan bolaga yetkazib berilgan tovarlar uchun sotuvchilarga vaucher qiymatidan koʻp boʻlmagan miqdordagi mablagʻlarni oʻtkazish boʻyicha

20__ yil ___ ___________ _________ shahri (tumani) Dalolatnomani rasmiylashtiruvchi ______________________ tuman (shahar) “Inson” ijtimoiy xizmatlar markazlari ijtimoiy xodimi: _________________________________________________________________ (F.I.O.) Yetim bola yoki ota-ona qaramogʻidan mahrum boʻlgan bolaning F.I.O hamda jismoniy shaxsning shaxsiy identifikatsiya raqami (JSHSHIR): _________________________________________________________________ Yetim bola yoki ota-ona qaramogʻidan mahrum boʻlgan bolaning yashash manzili:__________________________________________________________ Yetim bola yoki ota-ona qaramogʻidan mahrum boʻlgan bolaning vaucher asosida sotib olgan buyurtmalari yetkazib berilgan va qabul qilib olingan sana:_____________________________________________________________ Yetim bola yoki ota-ona qaramogʻidan mahrum boʻlgan bola tomonidan vaucher asosida sotib olingan tovar turi, nomi va narxi: _________________________________________________________________ Sotib olingan tegishli tovar uchun belgilangan vaucher qiymati: _________________________________________________________________ Yetkazib berilgan, topshirilgan tovarning haqiqatda yetim bola yoki ota-ona qaramogʻidan mahrum boʻlgan bolaga yetkazib berilgani va ularda nuqsonlar aniqlanmagani toʻgʻrisidagi maʼlumotlar: ________________________________________________________________ * Buyurtmani qabul qilib olgan yetim bola yoki ota-ona qaramogʻidan mahrum boʻlgan bolaning vafot etganligi holatlari. Bunda yetim bola yoki ota-ona qaramogʻidan mahrum boʻlgan bolaning vafot etganligi Adliya vazirligining tegishli axborot tizimlari orqali oʻlim toʻgʻrisidagi maʼlumotlari asosida tasdiqlanishi lozim. Sotuvchi tashkilotning nomi va STIR raqami: _________________________________________________________________ Sotuvchining bank hisobvaragʻi va MFO raqami: _________________________________________________________________ * Yetim bola yoki ota-ona qaramogʻidan mahrum boʻlgan bolaning buyurtmani haqiqatda olganligini tasdiqlovchi fotosuratlar ilova qilinadi. Ijtimoiy xodim: _________________________ (F.I.O) QR- kod (matrik shtrixli kod)

Yetim bolalar va ota-ona qaramogʻidan mahrum boʻlgan bolalarga ijtimoiy yordam koʻrsatish tartibi toʻgʻrisidagi nizomga 16-ILOVA

Yetim bola yoki ota-ona qaramogʻidan mahrum boʻlgan bolaga vaucher asosida sotib olingan tovarlarning haqiqatda yetkazib berilganligini oʻrganish boʻyicha

20__ yil ___ ___________ _________ shahri (tumani) Dalolatnomani rasmiylashtiruvchi ______________________ tuman (shahar) “Inson” ijtimoiy xizmatlar markazlari ijtimoiy xodimi _________________________________________________________________ (F.I.O) Yetim bola yoki ota-ona qaramogʻidan mahrum boʻlgan bolaning F.I.O hamda jismoniy shaxsning shaxsiy identifikatsiya raqami (JSHSHIR): _________________________________________________________________ Yetim bola yoki ota-ona qaramogʻidan mahrum boʻlgan bolaning yashash manzili:__________________________________________________________ Yetim bola yoki ota-ona qaramogʻidan mahrum boʻlgan bola vaucher asosida sotib olgan tovar yetkazib berilgan va qabul qilib olingan sana: _________________________________________________________________ Yetim bola yoki ota-ona qaramogʻidan mahrum boʻlgan bola tomonidan vaucher asosida sotib olingan tovar turi va nomi: _________________________________________________________________ Yetkazib berilgan (yetim bola yoki ota-ona qaramogʻidan mahrum boʻlgan bolaga topshirilgan) tovar turi va nomi: ______________________________ Yetkazib berilgan, yetim bola yoki ota-ona qaramogʻidan mahrum boʻlgan bolaga topshirilgan tovarning holati (texnik talablarga muvofiqligi, sifati, nuqsonlari mavjudligi) toʻgʻrisidagi maʼlumotlar: _________________________________________________________________ I. Yetim bola yoki ota-ona qaramogʻidan mahrum boʻlgan bola foydalanishida boʻlgan tovarning nosoz yoki foydalanish uchun yaroqsiz boʻlib qolganligi toʻgʻrisidagi maʼlumotlar: a) kafolat muddati davomida nosoz boʻlib qolganligi holatlari: _________________________________________________________________ b) kafolat muddati tugagandan soʻng foydalanish muddati davomida yaroqsiz boʻlib qolganligi holatlari: ________________________________* II. Buyurtmani qabul qilib olgan yetim bola yoki ota-ona qaramogʻidan mahrum boʻlgan bola yashash manzilidan koʻchib ketgan va u yerda yashamayotganligi holatlari hamda hozirda yashash manzili toʻgʻrisidagi maʼlumotlar: ___________________________________ ____ __ Buyurtmalarning yetkazib berilganligi va ularning texnik holati oʻrganilgan sana va vaqt: _____________________________________________ * Tovarning sifatsizligi, nuqsonlari mavjudligi va foydalanish uchun yaroqsiz boʻlib qolganligini tasdiqlovchi fotosuratlar ilova qilinadi. Ijtimoiy xodim: ______________________ (F.I.O) QR-kod (matrik shtrixli kod)

Vazirlar Mahkamasining 2025-yil 5-maydagi 294-son qaroriga 3-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Yetim bolalar va ota-onasining yoki boshqa qonuniy vakillarining qaramogʻidan mahrum boʻlgan bolalarning ijtimoiy himoyasini yanada kuchaytirish chora-tadbirlari toʻgʻrisida” 2020-yil 21-noyabrdagi 739-son qarorida :

a) 1-bandning ikkinchi xatboshisi quyidagi tahrirda bayon etilsin:

“yetim bolalar va ota-onasining yoki boshqa qonuniy vakillarining qaramogʻidan mahrum boʻlgan bolalar davlat tarbiya, davolash-sogʻlomlashtirish, tibbiy-ijtimoiy muassasalarida hamda ularni tamomlagandan soʻng akademik litsey, kasb-hunar maktablari, kollejlar, texnikumlar va oliy taʼlim muassasalarida (keyingi oʻrinlarda — taʼlim muassasalari) taʼlim-tarbiya oladigan muddatda toʻliq davlat taʼminotida boʻlishi”;

b) quyidagi mazmundagi 2 1 -band bilan toʻldirilsin:

“2 1 . Mazkur qarorning 2-bandida nazarda tutilgan bitiruv nafaqasi oliy taʼlim muassasalaridan oʻqishdan chetlashtirilgan (oʻqishning boshqa taʼlim muassasasiga koʻchirilishi bundan mustasno) talabalarga ham ular mehnat shartnomasi asosida oʻzlarining bandligini taʼminlagan hamda uch oylik ish haqi olganligini tasdiqlovchi hujjatlarni taqdim etganda beriladi.

Mazkur bandda nazarda tutilgan talabalarga bitiruv nafaqasi ular oʻqishdan chetlatilgan taʼlim muassasasi tomonidan beriladi”;

v) 1-ilovada :

ilovaning nomi va 1-banddagi “va texnikumlarda” soʻzlari “va texnikumlar hamda oliy taʼlim muassasalarida” soʻzlari bilan almashtirilsin;

4-bandning uchinchi xatboshisi quyidagi tahrirda bayon etilsin:

“Shuningdek, oʻquvchi (talaba)larga ular taʼlim muassasasini bitirayotganda, oʻqishdan chetlashtirilganda (oʻqishning boshqa taʼlim muassasasiga koʻchirilganligi, sud qaroriga koʻra kirish imtihonlarida belgilangan tartibni buzganligi aniqlanganligi, vafot etganligi munosabati bilan oʻqishdan chetlatilganlik bundan mustasno), ishga qabul qilinayotganda kiyim-bosh, poyabzal va boshqa buyumlar sotib olish hamda yoʻl xarajatlari uchun mehnatga haq toʻlashning eng kam miqdorining 35 baravari miqdorida pul nafaqasi (keyingi oʻrinlarda — bitiruv nafaqasi) beriladi, ushbu Nizomning 8-bandi uchinchi xatboshisida koʻrsatilgan oʻquvchi (talaba)lar bundan mustasno”;

12-band quyidagi tahrirda bayon etilsin:

“12. Oʻquvchi (talaba)larga ijtimoiy taʼminot yordami, transportda yurish kartochkalari hamda bitiruv nafaqasini berish boʻyicha tegishli hujjatlarni yigʻish va rasmiylashtirish oʻquvchi (talaba)ning guruh rahbari (murabbiy) yoki ishchi guruhning boshqa masʼuli tomonidan amalga oshiriladi.

Guruh rahbari yoki Ishchi guruhning boshqa masʼuli tomonidan oʻquvchi (talaba)larga bitiruv nafaqasini berish boʻyicha tegishli hujjatlarni yigʻish va rasmiylashtirishda oʻquvchi (talaba)larga muqaddam ushbu nafaqa berilmaganligini aniqlash uchun ularni boshqa taʼlim muassasalarini bitirgan yoki ulardan oʻqishdan chetlatilganda “Oliy taʼlim jarayonlarini boshqarish (HEMIS)” axborot tizimi orqali tekshiriladi”;

14-bandda :

birinchi xatboshidagi “guruh rahbari tomonidan” soʻzlari “guruh rahbari yoki Ishchi guruhning boshqa masʼuli tomonidan” soʻzlari bilan almashtirilsin;

“g” kichik band quyidagi mazmundagi “g” va “d” kichik bandlari bilan almashtirilsin:

“g) oʻqishdan chetlashtirilgan talabaning uch oy ishlaganligi hamda ish haqi va ish stajini tasdiqlovchi maʼlumotnoma;

d) oʻquvchi (talaba)ning yetim bolalar va ota-onasining yoki boshqa qonuniy vakillarining qaramogʻidan mahrum boʻlganligini tasdiqlovchi hujjatlar:

ota-onasining oʻlimi haqidagi guvohnoma nusxasi yoki sudning ota-onani vafot etgan deb topganligi toʻgʻrisidagi qarori nusxasi;

ota-onasining yoki boshqa qonuniy vakillarining qaramogʻidan mahrum boʻlganligini tasdiqlovchi hujjat nusxasi”;

31-bandda :

birinchi xatboshi “taʼlim muassasasini bitirayotganda,” soʻzlaridan keyin “oʻqishdan chetlashtirilganda,” soʻzlari bilan toʻldirilsin;

quyidagi mazmundagi uchinchi xatboshi bilan toʻldirilsin:

“Oʻqishdan chetlashtirilgan talabalarga bitiruv nafaqasi ular tomonidan mazkur Nizomning 14-bandining “g” kichik bandida belgilangan hujjatlarni taqdim etilgan taqdirda beriladi”;

32-band “taʼlim muassasasini bitirayotganda,” soʻzlaridan keyin “oʻqishdan chetlashtirilganda,” soʻzlari bilan toʻldirilsin;

33-band quyidagi mazmundagi ikkinchi xatboshi bilan toʻldirilsin:

“Oʻqishdan chetlashtirilgan talabalarga bitiruv nafaqasi mazkur Nizomning 14-bandining “g” kichik bandida nazarda tutilgan hujjatlarni taqdim etgan kundan eʼtiboran uch oy ichida uning bank kartasiga pul oʻtkazish orqali yoki naqd pul shaklida beriladi”.

2. Vazirlar Mahkamasining 2020-yil 30-noyabrdagi 753-son qarori bilan tasdiqlangan Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligida xizmatlar koʻrsatish agentligining Vinochilikni rivojlantirish jamgʻarmasi toʻgʻrisidagi nizomning 5-bandi oʻn beshinchi xatboshisi quyidagi tahrirda bayon etilsin:

“2022-yil 1-yanvardan boshlab alkogol mahsulotlarining (pivo va tabiiy vino bundan mustasno) ulgurji savdosi bilan shugʻullanuvchi korxonalar sof tushumining uch foizi miqdoridagi ajratmalar hisobidan yetim bolalar va ota-ona qaramogʻidan mahrum boʻlgan bolalar hamda ijtimoiy himoyaga muhtoj oilalarning farzandlarini qoʻllab-quvvatlash hamda ijtimoiy yordam koʻrsatish uchun Ijtimoiy himoya davlat jamgʻarmasini moliyalashtirish”.

3. Vazirlar Mahkamasining 2021-yil 25-oktabrdagi 656-son qarori bilan tasdiqlangan Yetim bolalar va ota-ona qaramogʻidan mahrum boʻlgan bolalarni uy-joy bilan taʼminlash tartibi toʻgʻrisidagi nizomda :

11-band quyidagi mazmundagi ikkinchi xatboshi bilan toʻldirilsin:

“Bunda 23 yoshdan katta boʻlmagan davrda “onlayn-navbat” axborot tizimiga kiritilgan va uy-joy bilan taʼminlash huquqiga ega boʻlgan yetim bolalar va ota-ona qaramogʻidan mahrum boʻlgan bolalarga ular 27 yoshga yetgunga qadar Yetim bolalar va ota-ona qaramogʻidan mahrum boʻlgan bolalarni uy-joy bilan taʼminlash tuman (shahar) komissiyalarining xulosasiga asosan uy-joy xarid qilinishi mumkin”;

18-bandning uchinchi xatboshisi “ota-ona qaramogʻidan mahrum boʻlgan bolalar” soʻzlaridan keyin “ular 23 yoshga toʻlguniga qadar” soʻzlari bilan toʻldirilsin.

Vazirlar Mahkamasining 2025-yil 5-maydagi 294-son qaroriga 4-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan baʼzi qarorlari

1. Vazirlar Mahkamasining “Yetim bolalar va ota-ona qaramogʻidan mahrum boʻlgan bolalarni har tomonlama qoʻllab-quvvatlashga qaratilgan “Mehr daftari” tizimini joriy etish chora-tadbirlari toʻgʻrisida” 2022-yil 17-yanvardagi 26-son qarori .

2. Vazirlar Mahkamasining “Oila va xotin-qizlar bilan ishlash, mahalla va nuroniylarni qoʻllab-quvvatlash tizimi takomillashtirilishi munosabati bilan Oʻzbekiston Respublikasi Hukumatining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2022-yil 9-avgustdagi 438-son qaroriga 1-ilovaning 107-bandi .

Oʻzbekiston Respublikasi Bosh vaziri A. ARIPOV

Toshkent sh.,

2025-yil 5-may,

294-son

(Qonunchilik maʼlumotlari milliy bazasi, 08.05.2025-y., 09/25/294/0419-son; 17.09.2025-y., 09/25/587/0836-son; 12.02.2026-y., 09/26/48/0134-son; 22.05.2026-y., 09/26/271/0529-son; 07.10.2026-y., 09/26/539/1004-son)

lex.uz