📅 2025-yil 7-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 7 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 7 мая 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 7 May 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Ҳукуматининг айрим қарорларига Мудофаа вазирлиги ҳарбий-тиббий муассасаларининг ҳарбий хизматчилари ва фуқаро ходимларини моддий қўллаб-қувватлаш тизимини такомиллаштиришга қаратилган ўзгартиришлар киритиш тўғрисида
Сўнгги йилларда мамлакатимизда амалга оширилаётган ислоҳотлар доирасида Ўзбекистон Республикаси Қуролли Кучларининг фаолияти самарадорлигини ошириш бўйича тизимли чоралар кўрилмоқда.
Шу билан бирга, Ўзбекистон Республикаси Мудофаа вазирлигининг ҳарбий-тиббий муассасалари ҳарбий хизматчилари ва фуқаро ходимлари самарали меҳнат қилиши учун муносиб шарт-шароитлар яратиш, уларнинг ўз касбий даражасини ошириб боришдан манфаатдорлигини таъминлаш мақсадида ҳарбий-тиббий муассасаларда кўрсатиладиган пулли тиббий хизматлардан тушган маблағларнинг асосий қисмини кадрларни моддий жиҳатдан қўллаб-қувватлаш учун йўналтириш тақозо этилмоқда.
Ўзбекистон Республикаси Мудофаа вазирлигининг ҳарбий-тиббий муассасалари ҳарбий хизматчилари ва фуқаро ходимларининг ижтимоий ҳимоясини кучайтириш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига Мудофаа вазирлигининг ҳарбий-тиббий муассасаларида пулли тиббий хизматлар кўрсатишдан тушган маблағларнинг 75 фоиздан ортиқ бўлмаган қисмини ушбу муассасаларнинг ҳарбий хизматчилари ва фуқаро ходимларини моддий қўллаб-қувватлашга, камида 25 фоизини моддий-техник базасини мустаҳкамлашга йўналтиришни назарда тутувчи ўзгартиришлар киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров ҳамда Ўзбекистон Республикаси мудофаа вазири Ш.Ғ. Халмухамедов зиммасига юклансин.
Вазирлар Маҳкамасининг 2025 йил 7 майдаги 298-сон қарорига ИЛОВА
Ўзбекистон Республикаси Ҳукуматинииг айрим қарорларига киритилаётган ўзгартиришлар
2. Вазирлар Маҳкамасининг «Ўзбекистон Республикаси Мудофаа вазирлиги қўшинларининг тиббий таъминот тизимини янада такомиллаштириш чора-тадбирлари тўғрисида» 2018 йил 7 ноябрдаги 915-сон қарорининг рус тилидаги матнида 3-банднинг «г» кичик банди қуйидаги таҳрирда баён этилсин:
«г) средства, полученные военно-медицинскими учреждениями Министерства обороны Республики Узбекистан от оказания платных медицинских услуг после восполнения совокупных затрат по производству и реализации данных услуг направляются на:
развитие материально-технической базм, ремонт, закупку оборудования, лекарственных средств и изделий медицинского назначения — не менее 25 процентов;
премирование военнослужащих по контракту и гражданского персонала военно-медицинских учреждений Министерства обороны Республики Узбекистан — не более 75 процентов».
Ўзбекистон Республикасининг Бош вазири А. АРИПОВ
Тошкент ш.,
2025 йил 7 май,
298-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Hukumatining ayrim qarorlariga Mudofaa vazirligi harbiy-tibbiy muassasalarining harbiy xizmatchilari va fuqaro xodimlarini moddiy qoʻllab-quvvatlash tizimini takomillashtirishga qaratilgan oʻzgartirishlar kiritish toʻgʻrisida
Soʻnggi yillarda mamlakatimizda amalga oshirilayotgan islohotlar doirasida Oʻzbekiston Respublikasi Qurolli Kuchlarining faoliyati samaradorligini oshirish boʻyicha tizimli choralar koʻrilmoqda.
Shu bilan birga, Oʻzbekiston Respublikasi Mudofaa vazirligining harbiy-tibbiy muassasalari harbiy xizmatchilari va fuqaro xodimlari samarali mehnat qilishi uchun munosib shart-sharoitlar yaratish, ularning oʻz kasbiy darajasini oshirib borishdan manfaatdorligini taʼminlash maqsadida harbiy-tibbiy muassasalarda koʻrsatiladigan pulli tibbiy xizmatlardan tushgan mablagʻlarning asosiy qismini kadrlarni moddiy jihatdan qoʻllab-quvvatlash uchun yoʻnaltirish taqozo etilmoqda.
Oʻzbekiston Respublikasi Mudofaa vazirligining harbiy-tibbiy muassasalari harbiy xizmatchilari va fuqaro xodimlarining ijtimoiy himoyasini kuchaytirish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga Mudofaa vazirligining harbiy-tibbiy muassasalarida pulli tibbiy xizmatlar koʻrsatishdan tushgan mablagʻlarning 75 foizdan ortiq boʻlmagan qismini ushbu muassasalarning harbiy xizmatchilari va fuqaro xodimlarini moddiy qoʻllab-quvvatlashga, kamida 25 foizini moddiy-texnik bazasini mustahkamlashga yoʻnaltirishni nazarda tutuvchi oʻzgartirishlar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda Oʻzbekiston Respublikasi mudofaa vaziri Sh.Gʻ. Xalmuxamedov zimmasiga yuklansin.
Vazirlar Mahkamasining 2025-yil 7-maydagi 298-son qaroriga ILOVA
Oʻzbekiston Respublikasi Hukumatiniig ayrim qarorlariga kiritilayotgan oʻzgartirishlar
2. Vazirlar Mahkamasining “Oʻzbekiston Respublikasi Mudofaa vazirligi qoʻshinlarining tibbiy taʼminot tizimini yanada takomillashtirish chora-tadbirlari toʻgʻrisida” 2018-yil 7-noyabrdagi 915-son qarorining rus tilidagi matnida 3-bandning “g” kichik bandi quyidagi tahrirda bayon etilsin:
“g) sredstva, poluchennie voyenno-meditsinskimi uchrejdeniyami Ministerstva oboroni Respubliki Uzbekistan ot okazaniya platnix meditsinskix uslug posle vospolneniya sovokupnix zatrat po proizvodstvu i realizatsii dannix uslug napravlyayutsya na:
razvitiye materialno-texnicheskoy bazm, remont, zakupku oborudovaniya, lekarstvennix sredstv i izdeliy meditsinskogo naznacheniya — ne meneye 25 protsentov;
premirovaniye voyennoslujashix po kontraktu i grajdanskogo personala voyenno-meditsinskix uchrejdeniy Ministerstva oboroni Respubliki Uzbekistan — ne boleye 75 protsentov”.
Oʻzbekiston Respublikasining Bosh vaziri A. ARIPOV
Toshkent sh.,
2025-yil 7-may,
298-son