📅 2025-yil 7-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 7 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 7 мая 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 7 May 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТАРКИБИ
ТАРКИБИ
Минтақавий авиаташувларни ва ички туризмни янада такомиллаштириш бўйича қўшимча чора-тадбирлар тўғрисида
Ўзбекистон Республикаси Президентининг «Республикада маҳаллий авиақатновларни ривожлантиришга оид қўшимча чора-тадбирлар тўғрисида» 2022 йил 26 октябрдаги ПҚ-412-сон қарорига мувофиқ ҳамда республикада ички туризм ва минтақавий авиаташувларни ривожлантириш учун қўшимча шарт-шароитлар яратиш мақсадида Вазирлар Маҳкамаси қарор қилади:
1. Вазирлар Маҳкамасининг «Ички ва зиёрат туризмини ривожлантириш бўйича қўшимча чора-тадбирлар тўғрисида» 2021 йил 24 февралдаги 100-сон қарори билан тасдиқланган Ўзбекистон бўйлаб саёҳат қилиш ҳамда ижтимоий аҳамиятга эга бўлган йўналишлар харажатларининг бир қисмини Ўзбекистон Республикаси республика бюджетидан қайтариш тартиби тўғрисидаги низомга мувофиқ авиаташувчиларга ички туризм, шу жумладан, ижтимоий аҳамиятга эга бўлган маҳаллий йўналишларда авиачипта нархининг 25 фоизи миқдорида 2026 йил 1 январгача субсидия ажратилиши белгилангани маълумот учун қабул қилинсин.
2. Транспорт вазирлиги ҳамда Иқтисодиёт ва молия вазирлигининг Вазирлар Маҳкамасининг 2021 йил 24 февралдаги 100-сон қарорига мувофиқ ташкил этилган Махсус комиссия томонидан маҳаллий йўналишларга «Uzbekistan Airways» АЖ учун белгиланган махсус тарифлар ва субсидия миқдорларини барча резидент авиакомпанияларга татбиқ этиш тўғрисидаги таклифларига розилик берилсин.
3. Вазирлар Маҳкамасининг «Ички ва зиёрат туризмини ривожлантириш бўйича қўшимча чора-тадбирлар тўғрисида» 2021 йил 24 февралдаги 100-сон қарорига иловага мувофиқ ўзгартириш ва қўшимчалар киритилсин.
4. Транспорт вазирлиги манфаатдор вазирлик ва идоралар билан биргаликда икки ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
5. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ҳамда Ўзбекистон Республикаси транспорт вазири И.Р. Махкамов зиммасига юклансин.
Вазирлар Маҳкамасининг 2025 йил 7 майдаги 302-сон қарорига ИЛОВА
Вазирлар Маҳкамасининг «Ички ва зиёрат туризмини ривожлантириш бўйича қўшимча чора-тадбирлар тўғрисида» 2021 йил 24 февралдаги 100-сон қарорига киритилаётган ўзгартириш ва қўшимчалар
1. 1-бандда :
а) еттинчи хатбоши қуйидаги таҳрирда баён этилсин:
«Туроператор ва турагентларга маҳаллий туристлар учун Ўзбекистон бўйлаб ташкил этилган саёҳатларнинг меҳмонхона хизматларини субсидиялаш миқдорини белгилаш бўйича комиссия (кейинги ўринларда — Меҳмонхона хизматларини субсидиялаш бўйича комиссия) таркиби 6-иловага мувофиқ;»
б) саккизинчи — ўн биринчи хатбошилар чиқариб ташлансин;
в) қуйидаги мазмундаги хатбошилар билан тўлдирилсин:
«Авиачипталар нархлари ҳамда субсидияланадиган авиақатнов йўналишларини субсидиялаш миқдорини белгилаш бўйича махсус комиссия (кейинги ўринларда — Махсус комиссия) таркиби 6а-иловага мувофиқ тасдиқлансин.
Бунда комиссияларга қуйидаги ваколатлар берилсин:
а) Меҳмонхона хизматларини субсидиялаш бўйича комиссияга:
туроператорлар (турагентлар), манфаатдор вазирлик ва идораларнинг Меҳмонхона хизматларини субсидиялаш бўйича комиссияга киритган таклифларига асосан жойлаштириш воситаларининг меҳмонхона хизматлари нархларининг субсидияланадиган энг юқори (чекланган) даражасини (суммасини) белгилаш;
субсидиялаш бўйича низоларни музокаралар ўтказиш орқали тезкорлик билан кўриб чиқиш ва ҳал этиш бўйича қарорлар қабул қилиш;
б) Махсус комиссияга:
субсидияланадиган авиақатновлар йўналишларини ҳамда ижтимоий аҳамиятга эга бўлган йўналишларни белгилаш;
авиаташувчилар таклифларига асосан авиачипта нархларининг субсидияланадиган энг юқори (чекланган) даражасини (суммасини) белгилаш;
субсидиялаш ҳамда ижтимоий аҳамиятга эга бўлган йўналишлар бандлигини таъминлаш билан боғлиқ бўлган низоларни музокаралар ўтказиш орқали тезкорлик билан кўриб чиқиш ва ҳал этиш бўйича қарорлар қабул қилиш.
Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси — Меҳмонхона хизматларини субсидиялаш бўйича комиссиянинг, Транспорт вазирлиги — Махсус комиссиянинг тегишлича ишчи органлари этиб белгилансин».
2. 3-банднинг иккинчи хатбошисидаги «Махсус комиссия томонидан» сўзлари «субсидия» сўзи билан алмаштирилсин.
3. 5-илованинг 2-бандида :
а) еттинчи хатбоши қуйидаги таҳрирда баён этилсин:
« махсус комиссия — субсидияланадиган авиақатновлар чипталари ва авиақатнов йўналишларини ҳамда ижтимоий аҳамиятга эга бўлган маҳаллий йўналишларни белгилаш бўйича тузилган комиссия»;
б) қуйидаги мазмундаги саккизинчи хатбоши билан тўлдирилсин:
« Меҳмонхона хизматларини субсидиялаш бўйича комиссия — туроператор ва турагентлар ҳамда маҳаллий туристлар учун Ўзбекистон бўйлаб ташкил этилган саёҳатларнинг меҳмонхона хизматларини субсидиялаш миқдорини белгилаш бўйича тузилган комиссия»;
в) саккизинчи — ўн биринчи хатбошилар тегишлича тўққизинчи — ўн иккинчи хатбошилар деб ҳисоблансин;
г) тўққизинчи хатбошидаги «махсус комиссия томонидан» сўзлари чиқариб ташлансин.
4. 6-илованинг матни қуйидаги таҳрирда баён этилсин:
«Туроператор ва турагентларга маҳаллий туристлар учун Ўзбекистон бўйлаб ташкил этилган саёҳатларнинг меҳмонхона хизматларини субсидиялаш миқдорини белгилаш бўйича комиссия
1. А. Абдухакимов — экология, атроф-муҳитни муҳофаза қилиш ва иқлим ўзгариши вазири, комиссия раиси 2. Ж. Абруев — Ўзбекистон Республикаси Президенти ҳузуридаги Ижтимоий ҳимоя миллий агентлиги директори ўринбосари, комиссия раиси ўринбосари 3. У. Шадиев — Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси раиси , комиссия раиси ўринбосари 4. Ж. Чориев — транспорт вазири ўринбосари 5. А. Хайдаров — молия вазири ўринбосари 6. А. Мирзарахимов — Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси бошқармаси бошлиғи — комиссия котиби
5. Қуйидаги мазмундаги 6а-илова билан тўлдирилсин:
«Вазирлар Маҳкамасининг 2021 йил 24 февралдаги 100-сон қарорига 6а-ИЛОВА
Авиачипталар нархлари ҳамда субсидияланадиган авиақатнов йўналишларини субсидиялаш миқдорини белгилаш бўйича махсус комиссия
1. И. Махкамов — транспорт вазири, комиссия раиси 2. Ж. Абруев — Ўзбекистон Республикаси Президенти ҳузуридаги Ижтимоий ҳимоя миллий агентлиги директори ўринбосари, комиссия раиси ўринбосари 3. Х. Мустафаев — иқтисодиёт ва молия вазири ўринбосари 4. Т. Назаров — Транспорт вазирлиги ҳузуридаги Фуқаро авиацияси агентлиги директори 5. У. Шадиев — Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси раиси 6. А. Химматов — Транспорт вазирлигининг Молия-иқтисод ва тариф бошқармаси бошлиғи, комиссия котиби
Ўзбекистон Республикасининг Бош вазири А. АРИПОВ
Тошкент ш.,
2025 йил 7 май,
302-сон
Oʻzbekiston Respublikasi Vazirlar Mahkamasining
qarori
TARKIBI
TARKIBI
Mintaqaviy aviatashuvlarni va ichki turizmni yanada takomillashtirish boʻyicha qoʻshimcha chora-tadbirlar toʻgʻrisida
Oʻzbekiston Respublikasi Prezidentining “Respublikada mahalliy aviaqatnovlarni rivojlantirishga oid qoʻshimcha chora-tadbirlar toʻgʻrisida” 2022-yil 26-oktabrdagi PQ-412-son qaroriga muvofiq hamda respublikada ichki turizm va mintaqaviy aviatashuvlarni rivojlantirish uchun qoʻshimcha shart-sharoitlar yaratish maqsadida Vazirlar Mahkamasi qaror qiladi:
1. Vazirlar Mahkamasining “Ichki va ziyorat turizmini rivojlantirish boʻyicha qoʻshimcha chora-tadbirlar toʻgʻrisida” 2021-yil 24-fevraldagi 100-son qarori bilan tasdiqlangan Oʻzbekiston boʻylab sayohat qilish hamda ijtimoiy ahamiyatga ega boʻlgan yoʻnalishlar xarajatlarining bir qismini Oʻzbekiston Respublikasi respublika budjetidan qaytarish tartibi toʻgʻrisidagi nizomga muvofiq aviatashuvchilarga ichki turizm, shu jumladan, ijtimoiy ahamiyatga ega boʻlgan mahalliy yoʻnalishlarda aviachipta narxining 25 foizi miqdorida 2026-yil 1-yanvargacha subsidiya ajratilishi belgilangani maʼlumot uchun qabul qilinsin.
2. Transport vazirligi hamda Iqtisodiyot va moliya vazirligining Vazirlar Mahkamasining 2021-yil 24-fevraldagi 100-son qaroriga muvofiq tashkil etilgan Maxsus komissiya tomonidan mahalliy yoʻnalishlarga “Uzbekistan Airways” AJ uchun belgilangan maxsus tariflar va subsidiya miqdorlarini barcha rezident aviakompaniyalarga tatbiq etish toʻgʻrisidagi takliflariga rozilik berilsin.
3. Vazirlar Mahkamasining “Ichki va ziyorat turizmini rivojlantirish boʻyicha qoʻshimcha chora-tadbirlar toʻgʻrisida” 2021-yil 24-fevraldagi 100-son qaroriga ilovaga muvofiq oʻzgartirish va qoʻshimchalar kiritilsin.
4. Transport vazirligi manfaatdor vazirlik va idoralar bilan birgalikda ikki oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
5. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov hamda Oʻzbekiston Respublikasi transport vaziri I.R. Maxkamov zimmasiga yuklansin.
Vazirlar Mahkamasining 2025-yil 7-maydagi 302-son qaroriga ILOVA
Vazirlar Mahkamasining “Ichki va ziyorat turizmini rivojlantirish boʻyicha qoʻshimcha chora-tadbirlar toʻgʻrisida” 2021-yil 24-fevraldagi 100-son qaroriga kiritilayotgan oʻzgartirish va qoʻshimchalar
1. 1-bandda :
a) yettinchi xatboshi quyidagi tahrirda bayon etilsin:
“Turoperator va turagentlarga mahalliy turistlar uchun Oʻzbekiston boʻylab tashkil etilgan sayohatlarning mehmonxona xizmatlarini subsidiyalash miqdorini belgilash boʻyicha komissiya (keyingi oʻrinlarda — Mehmonxona xizmatlarini subsidiyalash boʻyicha komissiya) tarkibi 6-ilovaga muvofiq;”
b) sakkizinchi — oʻn birinchi xatboshilar chiqarib tashlansin;
v) quyidagi mazmundagi xatboshilar bilan toʻldirilsin:
“Aviachiptalar narxlari hamda subsidiyalanadigan aviaqatnov yoʻnalishlarini subsidiyalash miqdorini belgilash boʻyicha maxsus komissiya (keyingi oʻrinlarda — Maxsus komissiya) tarkibi 6a-ilovaga muvofiq tasdiqlansin.
Bunda komissiyalarga quyidagi vakolatlar berilsin:
a) Mehmonxona xizmatlarini subsidiyalash boʻyicha komissiyaga:
turoperatorlar (turagentlar), manfaatdor vazirlik va idoralarning Mehmonxona xizmatlarini subsidiyalash boʻyicha komissiyaga kiritgan takliflariga asosan joylashtirish vositalarining mehmonxona xizmatlari narxlarining subsidiyalanadigan eng yuqori (cheklangan) darajasini (summasini) belgilash;
subsidiyalash boʻyicha nizolarni muzokaralar oʻtkazish orqali tezkorlik bilan koʻrib chiqish va hal etish boʻyicha qarorlar qabul qilish;
b) Maxsus komissiyaga:
subsidiyalanadigan aviaqatnovlar yoʻnalishlarini hamda ijtimoiy ahamiyatga ega boʻlgan yoʻnalishlarni belgilash;
aviatashuvchilar takliflariga asosan aviachipta narxlarining subsidiyalanadigan eng yuqori (cheklangan) darajasini (summasini) belgilash;
subsidiyalash hamda ijtimoiy ahamiyatga ega boʻlgan yoʻnalishlar bandligini taʼminlash bilan bogʻliq boʻlgan nizolarni muzokaralar oʻtkazish orqali tezkorlik bilan koʻrib chiqish va hal etish boʻyicha qarorlar qabul qilish.
Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi huzuridagi Turizm qoʻmitasi — Mehmonxona xizmatlarini subsidiyalash boʻyicha komissiyaning, Transport vazirligi — Maxsus komissiyaning tegishlicha ishchi organlari etib belgilansin”.
2. 3-bandning ikkinchi xatboshisidagi “Maxsus komissiya tomonidan” soʻzlari “subsidiya” soʻzi bilan almashtirilsin.
3. 5-ilovaning 2-bandida :
a) yettinchi xatboshi quyidagi tahrirda bayon etilsin:
“ maxsus komissiya — subsidiyalanadigan aviaqatnovlar chiptalari va aviaqatnov yoʻnalishlarini hamda ijtimoiy ahamiyatga ega boʻlgan mahalliy yoʻnalishlarni belgilash boʻyicha tuzilgan komissiya”;
b) quyidagi mazmundagi sakkizinchi xatboshi bilan toʻldirilsin:
“ Mehmonxona xizmatlarini subsidiyalash boʻyicha komissiya — turoperator va turagentlar hamda mahalliy turistlar uchun Oʻzbekiston boʻylab tashkil etilgan sayohatlarning mehmonxona xizmatlarini subsidiyalash miqdorini belgilash boʻyicha tuzilgan komissiya”;
v) sakkizinchi — oʻn birinchi xatboshilar tegishlicha toʻqqizinchi — oʻn ikkinchi xatboshilar deb hisoblansin;
g) toʻqqizinchi xatboshidagi “maxsus komissiya tomonidan” soʻzlari chiqarib tashlansin.
4. 6-ilovaning matni quyidagi tahrirda bayon etilsin:
“Turoperator va turagentlarga mahalliy turistlar uchun Oʻzbekiston boʻylab tashkil etilgan sayohatlarning mehmonxona xizmatlarini subsidiyalash miqdorini belgilash boʻyicha komissiya
1. A. Abduxakimov — ekologiya, atrof-muhitni muhofaza qilish va iqlim oʻzgarishi vaziri, komissiya raisi 2. J. Abruyev — Oʻzbekiston Respublikasi Prezidenti huzuridagi Ijtimoiy himoya milliy agentligi direktori oʻrinbosari, komissiya raisi oʻrinbosari 3. U. Shadiyev — Ekologiya, atrof-muhitni muhofaza qilish va iqlim oʻzgarishi vazirligi huzuridagi Turizm qoʻmitasi raisi , komissiya raisi oʻrinbosari 4. J. Choriyev — transport vaziri oʻrinbosari 5. A. Xaydarov — moliya vaziri oʻrinbosari 6. A. Mirzaraximov — Ekologiya, atrof-muhitni muhofaza qilish va iqlim oʻzgarishi vazirligi huzuridagi Turizm qoʻmitasi boshqarmasi boshligʻi — komissiya kotibi
5. Quyidagi mazmundagi 6a-ilova bilan toʻldirilsin:
“Vazirlar Mahkamasining 2021-yil 24-fevraldagi 100-son qaroriga 6a-ILOVA
Aviachiptalar narxlari hamda subsidiyalanadigan aviaqatnov yoʻnalishlarini subsidiyalash miqdorini belgilash boʻyicha maxsus komissiya
1. I. Maxkamov — transport vaziri, komissiya raisi 2. J. Abruyev — Oʻzbekiston Respublikasi Prezidenti huzuridagi Ijtimoiy himoya milliy agentligi direktori oʻrinbosari, komissiya raisi oʻrinbosari 3. X. Mustafayev — iqtisodiyot va moliya vaziri oʻrinbosari 4. T. Nazarov — Transport vazirligi huzuridagi Fuqaro aviatsiyasi agentligi direktori 5. U. Shadiyev — Ekologiya, atrof-muhitni muhofaza qilish va iqlim oʻzgarishi vazirligi huzuridagi Turizm qoʻmitasi raisi 6. A. Ximmatov — Transport vazirligining Moliya-iqtisod va tarif boshqarmasi boshligʻi, komissiya kotibi
Oʻzbekiston Respublikasining Bosh vaziri A. ARIPOV
Toshkent sh.,
2025-yil 7-may,
302-son