📅 2025-yil 10-aprel · Vazirlik va idoralar hujjatlari · Ekologiya, atrof-muhitni muhofaza qilish va iqlim oʻzgarishi vazirligi Ichki ishlar vazirligi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 10 апрель · Вазирлик ва идоралар ҳужжатлари · Экология, атроф-муҳитни муҳофаза қилиш ва иқлим ўзгариши вазирлиги Ички ишлар вазирлиги
Расмий матн. Расмий ҳужжат. Таҳририй изоҳлар киритилмаган.
📅 10 апреля 2025 г. · Документы министерств и ведомств · Министерство экологии, охраны окружающей среды и изменения климата Министерства внутренних дел
Официальный текст. Официальный документ. Редакционные примечания не включены.
📅 10 April 2025 · Ministry and agency documents · Ekologiya, atrof-muhitni muhofaza qilish va iqlim oʻzgarishi vazirligi Ichki ishlar vazirligi
Official text. Official document. Editorial notes are not included.
Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги Ўзбекистон Республикаси Ички ишлар вазирлигининг
қарори
Аҳоли пунктларида ёввойи ҳайвонларни сақлаш қоидаларига қўшимча ва ўзгартиришлар киритиш ҳақида
Ўзбекистон Республикаси Вазирлар Маҳкамасининг 2024 йил 5 ноябрдаги 736-сон «Ёввойи ҳайвонларни сақлаш тартибини такомиллаштириш чора-тадбирлари тўғрисида»ги қарорига мувофиқ Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги ва Ички ишлар вазирлиги қарор қилади:
1. Ўзбекистон Республикаси Табиатни муҳофаза қилиш давлат қўмитаси ва Ички ишлар вазирлигининг 2012 йил 18 майдаги 5, 18-сон қарори (рўйхат рақами 2373, 2012 йил 21 июнь) (Ўзбекистон Республикаси қонун ҳужжатлари тўплами, 2012 й., 25-сон, 282-модда) билан тасдиқланган Аҳоли пунктларида ёввойи ҳайвонларни сақлаш қоидаларига иловага мувофиқ қўшимча ва ўзгартиришлар киритилсин.
2. Мазкур қарор Ўзбекистон Республикаси Қишлоқ хўжалиги вазирлиги, Соғлиқни сақлаш вазирлиги ва Фанлар академияси билан келишилган.
3. Мазкур қарор расмий эълон қилинган кундан эътиборан кучга киради.
Келишилди:
Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлигининг 2025 йил 10 апрелдаги 2373-сон, Ички ишлар вазирлигининг 2025 йил 8 апрелдаги 21-сон қарорига ИЛОВА
Аҳоли пунктларида ёввойи ҳайвонларни сақлаш қоидаларига киритилаётган қўшимча ва ўзгартиришлар
1. Қуйидаги мазмундаги 1 1 -банд билан тўлдирилсин:
«1 1 . Мазкур қоидалар Ўзбекистон Республикаси Вазирлар Маҳкамасининг 2024 йил 5 ноябрдаги 736-сон қарори билан тасдиқланган Жисмоний шахслар томонидан ярим эркин шароитларда, сунъий яратилган яшаш муҳитида ёки тутқунликда сақланиши тақиқланган ёввойи ҳайвонлар рўйхатига киритилган ҳайвонларни (йиртқич, заҳарли ва инсон соғлиги ва ҳаёти учун хавфли ҳайвонлар) сақлашга нисбатан тадбиқ этилмайди.».
2. 5-банднинг биринчи хатбошисидаги «зоопарклардан» деган сўз «ҳайвонот боғларидан, питомниклардан» деган сўзлар билан алмаштирилсин.
3. 7-банд қуйидаги таҳрирда баён этилсин:
«7. Ёввойи ҳайвонлар Ўзбекистон Республикаси Вазирлар Маҳкамасининг 2022 йил 22 февралдаги 86-сон қарори билан тасдиқланган Махсус электрон тизим орқали рухсат этиш хусусиятига эга айрим ҳужжатларни бериш тартиб- таомиллари тўғрисидаги ягона низомнинг 18-иловасига мувофиқ Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги томонидан бериладиган гувоҳномалар асосида питомникда сақланиши мумкин.».
4. 10-банд қуйидаги таҳрирда баён этилсин:
«10. Ёввойи ҳайвонлар ҳисоби ҳар йили 1 январь ҳамда 1 июль ҳолатига кўра Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлигининг ҳудудий бўлинмаси томонидан юритилади ва бу тўғрисида далолатномалар расмийлаштирилади. Бунда далолатнома уч нусхада тузилиб, Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлигининг ҳудудий бўлинмаси ва питомник эгаси томонидан имзоланади. Далолатноманинг бир нусхаси ҳудудий бўлинмада қолдирилиб, иккинчи ва учинчи нусхалари питомник эгаси ҳамда Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлигига тақдим этилади.».
5. 11-банддаги «шароитлар,» деган сўз «минимал талаблар,» деган сўзлар билан алмаштирилсин.
6. 12-бандда :
тўртинчи хатбоши қуйидаги таҳрирда баён этилсин:
«Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлигининг ҳудудий бўлинмаси вакиллари иштирокисиз питомникларда сақланаётган Ўзбекистон фаунасига мансуб ёввойи ҳайвонларни, шунингдек, касал ва жисмоний нуқсонга эга ҳайвонларни ўзбошимчалик билан табиатга чиқариб юбориш;»;
олтинчи хатбошидаги «ундаш.» деган сўз «ундаш;» деган сўз билан алмаштирилсин;
қуйидаги мазмундаги хатбошилар билан тўлдирилсин:
«Ўзбекистон фаунасига бегона (инвазив) бўлган ёввойи ҳайвонлар турларини табиатга қўйиб юбориш;
бир-бирига хавф соладиган ҳайвонлар турларини битта ёки яқин жойга жойлаштириш;
ёввойи ҳайвонларни жамоат жойларида олиб юриш ва уларни сайр қилдириш, шунингдек, махсус қафассиз бошқа жойларга ташиш.».
7. 16-бандда :
«в» кичик банд қуйидаги таҳрирда баён этилсин:
«в) ёввойи ҳайвонларни ўзининг тури билан урчитиш;»;
«г» кичик банддаги «бошқариш.» деган сўз «бошқариш;» деган сўз билан алмаштирилсин;
қуйидаги мазмундаги «д» ва «е» кичик бандлар билан тўлдирилсин:
«д) Ўзбекистон фаунасига бегона (инвазив) бўлмаган турларни Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлигининг ҳудудий бўлинмаси вакиллари иштирокида табиатга қўйиб юбориш;
е) ёввойи ҳайвонларни белгиланган тартибда Ўзбекистон Республикасига олиб кириш ва Ўзбекистон Республикасидан олиб чиқиш».
8. Илова мазкур қўшимча ва ўзгартиришларнинг иловасига мувофиқ таҳрирда баён этилсин.
Аҳоли пунктларида ёввойи ҳайвонларни сақлаш қоидаларига киритилаётган қўшимча ва ўзгартиришларга ИЛОВА
«Аҳоли пунктларида ёввойи ҳайвонларни сақлаш қоидаларига ИЛОВА
Ёввойи ҳайвонларни ярим эркин шароитларда, сунъий яратилган яшаш муҳитида ёки тутқунликда сақлаш бўйича минимал талаблар
Сутэмизувчилар учун вольерлар: Ҳайвон турлари Гуруҳдаги сони Очиқ вольер Ички вольер Ҳар бир қўшимча ҳайвон учун Тавсия этилган майдон ва баландлик Майдон (м 2 ) Ҳажм (м 3 ) Майдон (м 2 ) Ҳажм (м 3 ) Очиқ вольер (м 2 ) Ички вольер (м 2 ) Қўлқанотлилар: Калонг 1 2,5 7,5 2,5 7,5 1 1 баландлиги 3 м Кўршапалак 1 0,5 1,5 0,5 1,5 0,2 0,2 баландлиги 3 м Приматлар: Игрункилар, тамарин, лори, майда лемур ва бошқ. 1 3 10 3 10 1,5 1,5 баландлиги 2 м Ўрта лемур, капуцин 1 10 30 2 6 2 2 баландлиги 3 м Йирик лемур, лангур, сифак, мангобей 1 10 40 6 30 4 4 баландлиги 4-5 м Кемирувчилар: Олмахон, летяги 1 2 5 2 5 2 2 Йирик олмахонлар, дарахт жайраси 1 6 15 6 15 3 3 Жайралар 1 10 - 10 30 3 3 Капибарлар 1 20 - 4 12 10 2 Патагон мараси 1 10 - 10 30 4 - Суғурлар 1 10 20 - - 10 - Енотсимонлар: Енотлар, қизил панда (Гимолай еноти) 1 10 4 8 2 1 Носуха 1 10 25 8 20 2 3 Сусарлар: Майда сусарлар (латча, оқ латча) 1 2,5 8 - - - - Сассиқкўзан, норка 1 4 8 - - - - Бўрсиқ 1 30 - 16 - 4 4 Скунс 1 4 - 6 - 2 2 Қундуз 1 25 - - - - - 120 м 2 Мангустсимонлар: Мангустлар, сурикат 1 4 - 4 12 2 1 Виверрасимонлар: вольернинг узунлиги ҳайвон узунлигидан 10 баробар ортиқ бўлиши керак Цивет, фосса, бинтуронг 1 25 60 10 12 5 5 баландлиги 2,5-3 м дан кам бўлмаган Жуфт туёқлилар: Ёввойи чўчқа 1 150 - 25 - 20 - Пекар 1 20 - 10 - 5 Митти бегемот 1 50 - 25 100 - - Лама 1 75 ҳар бир ҳайвон учун/8 7,5 30 Туя 1 100 - - - 50 - Кичик буғулар (дик- дик ва бошқ.) 1 25 - 10 - 20 - Майда буғулар (пуду, мунтжак) 1 25 - 10 - 15 - Газел, сайғоқ, жайрон 1 125 - 25 7,5 50 - Тоғ қўйи, ёлли қўй 1 100 - - - 40 - Йирик антилопалар 1 250 - 60 180 80 - Қушлар учун вольерлар: Қуш турлари Гуруҳдаги сони Очиқ вольер Ички вольер Ҳар бир қўшимча ҳайвон учун Тавсия этилган майдон ва баландлик Майдон (м 2 ) Ҳажм (м 3 ) Майдон (м 2 ) Ҳажм (м 3 ) Очиқ вольер (м 2 ) Ички вольер (м) Туяқушсимонлар: Туяқуш, нанду, эму 1 100 30 90 50 15 Пингвинсимонлар: Йирик пингвинлар 1 12 12 60 6 6 баландлиги 5 м Майда пингвинлар 1 6 5 27 3 2,5 баландлиги 3 м Куракоёқлилар (бирқозонлар, ёки мешкопчилар): Сақоқушлар 1 40 120 30 12 20 15 Қоравойлар 1 25 75 20 60 12,5 10 Лайлаксимонлар: Йирик лайлаклар (марабу, оқ, қора лайлаклар ва бошқ.) 1 50 150 30 90 25 15 Йирик қарқаралар (кулранг, катта, оқ ва бошқ.) 1 30 90 25 75 15 12,5 Ўрта қарқаралар (кўлбуқа, ҳаққуш, волчок ва бошқа.), ибислар ва колпицалар 1 20 60 15 35 10 7,5 Фламинго 1 40 120 30 90 20 15 Турнасимонлар: Кулранг, япон, оқ турна 1 40 120 30 90 20 15 Гўзал турна 1 35 105 25 75 17,5 12,5 Тўтиқушсимонлар: Ара, какаду 1 5 15 4 12 2,5 2 Майда чумчуқсимон 0,3 0,9 0,15 0,45 0,15 0,75 қушлар, майда тўтиқушлар ва бошқ. Бошқалар: Носорог қушлар 1 4 12 3 9 2 1,5 Йирик балиқчилар 1 25 75 20 60 12,5 10 Майда балиқчилар 1 10 30 5 15 5 2,5 Жаннат қушлари 1 5 15 4 12 2,5 2 Сутэмизувчилар учун сув ҳавзалари: Турлар Гуруҳдаги сони Майдон (м 2 ) Чуқурлиги (м) Ҳажм (м 3 ) Ҳар бир қўшимча ҳайвон учун (м 2 ) Сусар 1 0,5 0,2 0,2 - Нутрия 1 1 0,5 1 0,5 Капибара 1 2 0,5 3 1 Қундуз 1 10 0,8 10 - Митти бегемот 1 10 0,8 20 - Қушлар учун сув ҳавзалари: Турлар Гуруҳдаги сони Майдон (м 2 ) Чуқурлиги (м) Ҳажм (м 3 ) Ҳар бир қўшимча ҳайвон учун (м 2 ) Сақоқуш 1 7,5 0,75 5,5 5 Қоравой 1 1,7 1,25 2 1 Фламинго 1 1 0,3 0,3 0,5 Йирик пингвинлар 1 5 2 10 5 Кичик пингвинлар 1 1,7 2 3,5 2 Судралибюрувчилар учун вольерлар: Турлар Гуруҳдаги сони Қуруқлик майдони (м 2 ) Сув майдони (м 2 ) Ҳажм (м 3 ) Баландлиги (м) Ҳар бир қўшимча ҳайвон учун (м) Қуруқлик майдони (м 2 ) Сув майдони (м 2 ) Қуруқликда яшовчи тошбақалар (15 — 25 см) (Ўрта Осиё чўл тошбақаси, Ўрта ер денгизи тошбақаси ва бошқ.) 1 0,5 0,5 Хамелеонлар 1 0,6 - - 1 0,15 - Игуана, сув агамаси, парус агамаси ва бошқ. 1 1 1 0,5 Ўрта эчкемарлар, тейид, хелодерматид ва бошқа йирик калтакесаклар (ўлчами 1-1,2 м) 1 1,5 0,5 1 Ўрта калтакесаклар (соқолли агама, кўктил сцинки ва бошқ.) 1 0,5 0,3 0,15 Майда калтакесаклар (эублефар, агама, колот, сцинк, геккон, анолис ва бошқ.) 1 0,2 0,2 0,10 Питонлар (тўрли питон, Қора йўлбарс питон, ёрқин рангли йўлбарс питон, ва бошқа заҳарли бўғма турларидан ташқари) 2 умумий узунлигидан 2/3 x 1/2 умумий узунлигидан 1/2, макс. 2,2 м ер юзасидан 1/7 Чипор илон ва бошқа йирик бўлмаган, заҳарсиз илонлар 2 умумий узунлигидан 2/3 x 1/2 умумий узунлигидан 1/4 x 1/4 сув ҳавзасининг майдони умумий узунлигидан 0,1 умумий узунлигидан 1/2 ер юзасидан 1/7 Балиқларни сақлаш: Турлар Балиқ ўлчови (см) Гуруҳдаги сони Бир жуфт учун ҳажм (л) Чучук сув майда балиқлари (гуппи, данио, барбус ва бошқ.) 6 гача 5-10 5 — 7 Чучук сув ўрта балиқлари (меченосец, моллинезия, майда лаққа балиқ ва бошқ.) 7-12 5-10 30 Чучук сув йирик балиқлари (гурами, олтин балиқ ва бошқ.) 15-20 2 40-45 Йирик ўлчамдаги балиқлар (дискус, цихлид, араван, боции) 20 ва ундан кўп 2 150 л ва ундан кўп Арапайма 300 гача 1 3000 — 5000 Умуртқасизларни сақлаш: Турлар Гуруҳдаги сони Узунлиги (см) Эни (см) Баландлиги (см) Кивсяки 2 80 40 40 Заҳарли бўлмаган майда ўргимчаклар 1 15 15 15 Заҳарли бўлмаган катта ва ўрта ўргимчаклар, қушхўр ўргимчаклар 1 30 30 30 Қўнғиз, суварак 10 ва ундан кўп 40 30 20 Ари, асалари (асал берувчилар бундан мустасно) до 500 50 50 30 Чумолилар фермаси (заҳарли бўлмаган йирик чумолилар) до 500 25 20 6 Чумолилар фермаси (заҳарли бўлмаган майда чумолилар) до 1000 16 15 6 Заҳарли бўлмаган она чумоли (пробирка) до 30 15 1,6 1,6 Бошқа ҳашоратлар 10 — 20 40 30 20 Йирик ҳашоратлар 10 — 100 100 60 60
Экология, атроф-муҳитни муҳофаза қилиш ва иқлим ўзгариши вазири А. АБДУХАКИМОВ
Ички ишлар вазири А. ТАШПУЛАТОВ
Соғлиқни сақлаш вазири А. ХУДАЯРОВ
Қишлоқ хўжалиги вазири И. АБДУРАХМОНОВ
Фанлар академияси президенти Ш. АЮПОВ
Тошкент ш.,
2025 йил 10 апрель,
Тошкент ш.,
2025 йил 8 апрель,
2025 йил 28 март
2025 йил 20 март
2025 йил 18 март
2373-сон
21-сон
Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi Oʻzbekiston Respublikasi Ichki ishlar vazirligining
qarori
Aholi punktlarida yovvoyi hayvonlarni saqlash qoidalariga qoʻshimcha va oʻzgartirishlar kiritish haqida
Oʻzbekiston Respublikasi Vazirlar Mahkamasining 2024-yil 5-noyabrdagi 736-son “Yovvoyi hayvonlarni saqlash tartibini takomillashtirish chora-tadbirlari toʻgʻrisida”gi qaroriga muvofiq Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi va Ichki ishlar vazirligi qaror qiladi:
1. Oʻzbekiston Respublikasi Tabiatni muhofaza qilish davlat qoʻmitasi va Ichki ishlar vazirligining 2012-yil 18-maydagi 5, 18-son qarori (roʻyxat raqami 2373, 2012-yil 21-iyun) (Oʻzbekiston Respublikasi qonun hujjatlari toʻplami, 2012-y., 25-son, 282-modda) bilan tasdiqlangan Aholi punktlarida yovvoyi hayvonlarni saqlash qoidalariga ilovaga muvofiq qoʻshimcha va oʻzgartirishlar kiritilsin.
2. Mazkur qaror Oʻzbekiston Respublikasi Qishloq xoʻjaligi vazirligi, Sogʻliqni saqlash vazirligi va Fanlar akademiyasi bilan kelishilgan.
3. Mazkur qaror rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining 2025-yil 10-apreldagi 2373-son, Ichki ishlar vazirligining 2025-yil 8-apreldagi 21-son qaroriga ILOVA
Aholi punktlarida yovvoyi hayvonlarni saqlash qoidalariga kiritilayotgan qoʻshimcha va oʻzgartirishlar
1. Quyidagi mazmundagi 1 1 -band bilan toʻldirilsin:
“1 1 . Mazkur qoidalar Oʻzbekiston Respublikasi Vazirlar Mahkamasining 2024-yil 5-noyabrdagi 736-son qarori bilan tasdiqlangan Jismoniy shaxslar tomonidan yarim erkin sharoitlarda, sunʼiy yaratilgan yashash muhitida yoki tutqunlikda saqlanishi taqiqlangan yovvoyi hayvonlar roʻyxatiga kiritilgan hayvonlarni (yirtqich, zaharli va inson sogʻligi va hayoti uchun xavfli hayvonlar) saqlashga nisbatan tadbiq etilmaydi.”.
2. 5-bandning birinchi xatboshisidagi “zooparklardan” degan soʻz “hayvonot bogʻlaridan, pitomniklardan” degan soʻzlar bilan almashtirilsin.
3. 7-band quyidagi tahrirda bayon etilsin:
“7. Yovvoyi hayvonlar Oʻzbekiston Respublikasi Vazirlar Mahkamasining 2022-yil 22-fevraldagi 86-son qarori bilan tasdiqlangan Maxsus elektron tizim orqali ruxsat etish xususiyatiga ega ayrim hujjatlarni berish tartib- taomillari toʻgʻrisidagi yagona nizomning 18-ilovasiga muvofiq Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi tomonidan beriladigan guvohnomalar asosida pitomnikda saqlanishi mumkin.”.
4. 10-band quyidagi tahrirda bayon etilsin:
“10. Yovvoyi hayvonlar hisobi har yili 1-yanvar hamda 1-iyul holatiga koʻra Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining hududiy boʻlinmasi tomonidan yuritiladi va bu toʻgʻrisida dalolatnomalar rasmiylashtiriladi. Bunda dalolatnoma uch nusxada tuzilib, Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining hududiy boʻlinmasi va pitomnik egasi tomonidan imzolanadi. Dalolatnomaning bir nusxasi hududiy boʻlinmada qoldirilib, ikkinchi va uchinchi nusxalari pitomnik egasi hamda Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligiga taqdim etiladi.”.
5. 11-banddagi “sharoitlar,” degan soʻz “minimal talablar,” degan soʻzlar bilan almashtirilsin.
6. 12-bandda :
toʻrtinchi xatboshi quyidagi tahrirda bayon etilsin:
“Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining hududiy boʻlinmasi vakillari ishtirokisiz pitomniklarda saqlanayotgan Oʻzbekiston faunasiga mansub yovvoyi hayvonlarni, shuningdek, kasal va jismoniy nuqsonga ega hayvonlarni oʻzboshimchalik bilan tabiatga chiqarib yuborish;”;
oltinchi xatboshidagi “undash.” degan soʻz “undash;” degan soʻz bilan almashtirilsin;
quyidagi mazmundagi xatboshilar bilan toʻldirilsin:
“Oʻzbekiston faunasiga begona (invaziv) boʻlgan yovvoyi hayvonlar turlarini tabiatga qoʻyib yuborish;
bir-biriga xavf soladigan hayvonlar turlarini bitta yoki yaqin joyga joylashtirish;
yovvoyi hayvonlarni jamoat joylarida olib yurish va ularni sayr qildirish, shuningdek, maxsus qafassiz boshqa joylarga tashish.”.
7. 16-bandda :
“v” kichik band quyidagi tahrirda bayon etilsin:
“v) yovvoyi hayvonlarni oʻzining turi bilan urchitish;”;
“g” kichik banddagi “boshqarish.” degan soʻz “boshqarish;” degan soʻz bilan almashtirilsin;
quyidagi mazmundagi “d” va “e” kichik bandlar bilan toʻldirilsin:
“d) Oʻzbekiston faunasiga begona (invaziv) boʻlmagan turlarni Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligining hududiy boʻlinmasi vakillari ishtirokida tabiatga qoʻyib yuborish;
e) yovvoyi hayvonlarni belgilangan tartibda Oʻzbekiston Respublikasiga olib kirish va Oʻzbekiston Respublikasidan olib chiqish”.
8. Ilova mazkur qoʻshimcha va oʻzgartirishlarning ilovasiga muvofiq tahrirda bayon etilsin.
Aholi punktlarida yovvoyi hayvonlarni saqlash qoidalariga kiritilayotgan qoʻshimcha va oʻzgartirishlarga ILOVA
“Aholi punktlarida yovvoyi hayvonlarni saqlash qoidalariga ILOVA
Yovvoyi hayvonlarni yarim erkin sharoitlarda, sunʼiy yaratilgan yashash muhitida yoki tutqunlikda saqlash boʻyicha minimal talablar
Sutemizuvchilar uchun volyerlar: Hayvon turlari Guruhdagi soni Ochiq volyer Ichki volyer Har bir qoʻshimcha hayvon uchun Tavsiya etilgan maydon va balandlik Maydon (m 2 ) Hajm (m 3 ) Maydon (m 2 ) Hajm (m 3 ) Ochiq volyer (m 2 ) Ichki volyer (m 2 ) Qoʻlqanotlilar: Kalong 1 2,5 7,5 2,5 7,5 1 1 balandligi 3 m Koʻrshapalak 1 0,5 1,5 0,5 1,5 0,2 0,2 balandligi 3 m Primatlar: Igrunkilar, tamarin, lori, mayda lemur va boshq. 1 3 10 3 10 1,5 1,5 balandligi 2 m Oʻrta lemur, kaputsin 1 10 30 2 6 2 2 balandligi 3 m Yirik lemur, langur, sifak, mangobey 1 10 40 6 30 4 4 balandligi 4-5 m Kemiruvchilar: Olmaxon, letyagi 1 2 5 2 5 2 2 Yirik olmaxonlar, daraxt jayrasi 1 6 15 6 15 3 3 Jayralar 1 10 - 10 30 3 3 Kapibarlar 1 20 - 4 12 10 2 Patagon marasi 1 10 - 10 30 4 - Sugʻurlar 1 10 20 - - 10 - Yenotsimonlar: Yenotlar, qizil panda (Gimolay yenoti) 1 10 4 8 2 1 Nosuxa 1 10 25 8 20 2 3 Susarlar: Mayda susarlar (latcha, oq latcha) 1 2,5 8 - - - - Sassiqkoʻzan, norka 1 4 8 - - - - Boʻrsiq 1 30 - 16 - 4 4 Skuns 1 4 - 6 - 2 2 Qunduz 1 25 - - - - - 120 m 2 Mangustsimonlar: Mangustlar, surikat 1 4 - 4 12 2 1 Viverrasimonlar: volyerning uzunligi hayvon uzunligidan 10 barobar ortiq boʻlishi kerak Sivet, fossa, binturong 1 25 60 10 12 5 5 balandligi 2,5-3 m dan kam boʻlmagan Juft tuyoqlilar: Yovvoyi choʻchqa 1 150 - 25 - 20 - Pekar 1 20 - 10 - 5 Mitti begemot 1 50 - 25 100 - - Lama 1 75 har bir hayvon uchun/8 7,5 30 Tuya 1 100 - - - 50 - Kichik bugʻular (dik- dik va boshq.) 1 25 - 10 - 20 - Mayda bugʻular (pudu, muntjak) 1 25 - 10 - 15 - Gazel, saygʻoq, jayron 1 125 - 25 7,5 50 - Togʻ qoʻyi, yolli qoʻy 1 100 - - - 40 - Yirik antilopalar 1 250 - 60 180 80 - Qushlar uchun volyerlar: Qush turlari Guruhdagi soni Ochiq volyer Ichki volyer Har bir qoʻshimcha hayvon uchun Tavsiya etilgan maydon va balandlik Maydon (m 2 ) Hajm (m 3 ) Maydon (m 2 ) Hajm (m 3 ) Ochiq volyer (m 2 ) Ichki volyer (m) Tuyaqushsimonlar: Tuyaqush, nandu, emu 1 100 30 90 50 15 Pingvinsimonlar: Yirik pingvinlar 1 12 12 60 6 6 balandligi 5 m Mayda pingvinlar 1 6 5 27 3 2,5 balandligi 3 m Kurakoyoqlilar (birqozonlar, yoki meshkopchilar): Saqoqushlar 1 40 120 30 12 20 15 Qoravoylar 1 25 75 20 60 12,5 10 Laylaksimonlar: Yirik laylaklar (marabu, oq, qora laylaklar va boshq.) 1 50 150 30 90 25 15 Yirik qarqaralar (kulrang, katta, oq va boshq.) 1 30 90 25 75 15 12,5 Oʻrta qarqaralar (koʻlbuqa, haqqush, volchok va boshqa.), ibislar va kolpitsalar 1 20 60 15 35 10 7,5 Flamingo 1 40 120 30 90 20 15 Turnasimonlar: Kulrang, yapon, oq turna 1 40 120 30 90 20 15 Goʻzal turna 1 35 105 25 75 17,5 12,5 Toʻtiqushsimonlar: Ara, kakadu 1 5 15 4 12 2,5 2 Mayda chumchuqsimon 0,3 0,9 0,15 0,45 0,15 0,75 qushlar, mayda toʻtiqushlar va boshq. Boshqalar: Nosorog qushlar 1 4 12 3 9 2 1,5 Yirik baliqchilar 1 25 75 20 60 12,5 10 Mayda baliqchilar 1 10 30 5 15 5 2,5 Jannat qushlari 1 5 15 4 12 2,5 2 Sutemizuvchilar uchun suv havzalari: Turlar Guruhdagi soni Maydon (m 2 ) Chuqurligi (m) Hajm (m 3 ) Har bir qoʻshimcha hayvon uchun (m 2 ) Susar 1 0,5 0,2 0,2 - Nutriya 1 1 0,5 1 0,5 Kapibara 1 2 0,5 3 1 Qunduz 1 10 0,8 10 - Mitti begemot 1 10 0,8 20 - Qushlar uchun suv havzalari: Turlar Guruhdagi soni Maydon (m 2 ) Chuqurligi (m) Hajm (m 3 ) Har bir qoʻshimcha hayvon uchun (m 2 ) Saqoqush 1 7,5 0,75 5,5 5 Qoravoy 1 1,7 1,25 2 1 Flamingo 1 1 0,3 0,3 0,5 Yirik pingvinlar 1 5 2 10 5 Kichik pingvinlar 1 1,7 2 3,5 2 Sudralibyuruvchilar uchun volyerlar: Turlar Guruhdagi soni Quruqlik maydoni (m 2 ) Suv maydoni (m 2 ) Hajm (m 3 ) Balandligi (m) Har bir qoʻshimcha hayvon uchun (m) Quruqlik maydoni (m 2 ) Suv maydoni (m 2 ) Quruqlikda yashovchi toshbaqalar (15 — 25 sm) (Oʻrta Osiyo choʻl toshbaqasi, Oʻrta yer dengizi toshbaqasi va boshq.) 1 0,5 0,5 Xameleonlar 1 0,6 - - 1 0,15 - Iguana, suv agamasi, parus agamasi va boshq. 1 1 1 0,5 Oʻrta echkemarlar, teyid, xelodermatid va boshqa yirik kaltakesaklar (oʻlchami 1-1,2 m) 1 1,5 0,5 1 Oʻrta kaltakesaklar (soqolli agama, koʻktil ssinki va boshq.) 1 0,5 0,3 0,15 Mayda kaltakesaklar (eublefar, agama, kolot, ssink, gekkon, anolis va boshq.) 1 0,2 0,2 0,10 Pitonlar (toʻrli piton, Qora yoʻlbars piton, yorqin rangli yoʻlbars piton, va boshqa zaharli boʻgʻma turlaridan tashqari) 2 umumiy uzunligidan 2/3 x 1/2 umumiy uzunligidan 1/2, maks. 2,2 m yer yuzasidan 1/7 Chipor ilon va boshqa yirik boʻlmagan, zaharsiz ilonlar 2 umumiy uzunligidan 2/3 x 1/2 umumiy uzunligidan 1/4 x 1/4 suv havzasining maydoni umumiy uzunligidan 0,1 umumiy uzunligidan 1/2 yer yuzasidan 1/7 Baliqlarni saqlash: Turlar Baliq oʻlchovi (sm) Guruhdagi soni Bir juft uchun hajm (l) Chuchuk suv mayda baliqlari (guppi, danio, barbus va boshq.) 6 gacha 5-10 5 — 7 Chuchuk suv oʻrta baliqlari (mechenosets, mollineziya, mayda laqqa baliq va boshq.) 7-12 5-10 30 Chuchuk suv yirik baliqlari (gurami, oltin baliq va boshq.) 15-20 2 40-45 Yirik oʻlchamdagi baliqlar (diskus, sixlid, aravan, botsii) 20 va undan koʻp 2 150 l va undan koʻp Arapayma 300 gacha 1 3000 — 5000 Umurtqasizlarni saqlash: Turlar Guruhdagi soni Uzunligi (sm) Eni (sm) Balandligi (sm) Kivsyaki 2 80 40 40 Zaharli boʻlmagan mayda oʻrgimchaklar 1 15 15 15 Zaharli boʻlmagan katta va oʻrta oʻrgimchaklar, qushxoʻr oʻrgimchaklar 1 30 30 30 Qoʻngʻiz, suvarak 10 va undan koʻp 40 30 20 Ari, asalari (asal beruvchilar bundan mustasno) do 500 50 50 30 Chumolilar fermasi (zaharli boʻlmagan yirik chumolilar) do 500 25 20 6 Chumolilar fermasi (zaharli boʻlmagan mayda chumolilar) do 1000 16 15 6 Zaharli boʻlmagan ona chumoli (probirka) do 30 15 1,6 1,6 Boshqa hashoratlar 10 — 20 40 30 20 Yirik hashoratlar 10 — 100 100 60 60
Ekologiya, atrof-muhitni muhofaza qilish va iqlim oʻzgarishi vaziri A. ABDUXAKIMOV
Ichki ishlar vaziri A. TASHPULATOV
Sogʻliqni saqlash vaziri A. XUDAYAROV
Qishloq xoʻjaligi vaziri I. ABDURAXMONOV
Fanlar akademiyasi prezidenti Sh. AYUPOV
Toshkent sh.,
2025-yil 10-aprel,
Toshkent sh.,
2025-yil 8-aprel,
2025-yil 28-mart
2025-yil 20-mart
2025-yil 18-mart
2373-son
21-son