UzbekAI

Ўзбекистон Республикаси Президентининг

Фармони

«Президент иқтидорли фарзандлари» ташаббусини амалга ошириш чора-тадбирлари тўғрисида

[Кўчирма]

Мамлакатда инсон капиталини ривожлантириш, иқтидорли ёшларни барвақт аниқлаш ҳамда глобал меҳнат бозорида рақобатбардош бўлган юқори малакали мутахассислар тайёрлаш мақсадида қарор қиламан:

I. Асосий мақсадлар

1. Қуйидагилар ушбу Фармонни қабул қилишдан кўзланган асосий мақсадлар этиб белгилансин:

(а) иқтидорли ёшларни барвақт аниқлаш ва уларни ҳар томонлама қўллаб-қувватлаш орқали мамлакатда инсон капиталини ривожлантириш;

(б) ёшлар билан манзилли ишлаш орқали глобал меҳнат бозорида рақобатбардош бўлган мутахассислар тайёрлаш ҳамда мамлакат тараққиёти учун янги инновацион имкониятлар яратиш;

(в) иқтидорли ёшларни ягона платформага бирлаштириш орқали уларнинг ўзаро ҳамкорлиги, тажриба алмашинуви ва интеллектуал салоҳиятини рўёбга чиқариш учун самарали муҳит яратиш.

II. «Президент иқтидорли фарзандлари» ташаббусининг асосий вазифалари ва бошқарув тизими

2. Мактабгача ва мактаб таълими вазирлиги, Иқтисодиёт ва молия вазирлиги, Ўзбекистон Республикаси Президенти ҳузуридаги Истиқболли кадрларни тайёрлаш бўйича «Эл-юрт умиди» жамғармаси (кейинги ўринларда — «Эл-юрт умиди» жамғармаси) ҳамда Ёшлар ишлари агентлигининг қуйидаги таклифларига розилик берилсин:

(а) «Президент иқтидорли фарзандлари» ташаббуси ва уни қўллаб-қувватлаш бўйича миллий дастурни (кейинги ўринларда — Миллий дастур) амалга ошириш;

(б) Ихтисослаштирилган таълим муассасалари агентлиги (кейинги ўринларда — Агентлик) тизимида Ал-Беруний номидаги халқаро мактаб-интернатни (кейинги ўринларда — Мактаб) ташкил этиш;

(в) Иқтидорли ёшларни қўллаб-қувватлаш ҳамжамияти (кейинги ўринларда — Ҳамжамият) фаолиятини йўлга қўйиш.

3. Белгилаб қўйилсинки, Ҳамжамият «Эл-юрт умиди» жамғармаси стипендиатлари, Мактаб, Президент мактаблари ва «Янги Ўзбекистон» университети битирувчилари, Миллий дастур иштирокчилари, шунингдек, дунёнинг нуфузли олий таълим ва бошқа ташкилотларида билим ва тажриба орттирган иқтидорли ватандошларни бирлаштирувчи платформа сифатида фаолият юритади.

4. Қуйидагилар:

(а) «Президент иқтидорли фарзандлари» ташаббусини қўллаб-қувватлаш бўйича миллий кенгаш таркиби ва унинг асосий вазифалари 1- ва 2-иловаларга мувофиқ;

(б) «Президент иқтидорли фарзандлари» ташаббусини амалга оширишнинг асосий йўналишлари 3-иловага мувофиқ;

(в) «Президент иқтидорли фарзандлари» ташаббусини амалга ошириш бўйича «йўл харитаси» 4-иловага мувофиқ;

(г) Ал-Беруний номидаги халқаро мактаб-интернатнинг академик, ташкилий-бошқарув ва молиявий мустақиллиги доирасида унга бериладиган ҳуқуқлар рўйхати 5-иловага мувофиқ;

(д) Ал-Беруний номидаги халқаро мактаб-интернатни молиялаштириш тартиби 6-иловага мувофиқ тасдиқлансин.

III. Ал-Беруний номидаги халқаро мактаб-интернат фаолиятини ташкил этиш

5. Белгилансинки:

(а) Мактаб тўлиқ академик, ташкилий-бошқарув ва молиявий жиҳатдан мустақил давлат умумий ўрта таълим ташкилоти ҳисобланади ҳамда унинг умумий фаолияти мактабгача ва мактаб таълими вазири раислигидаги Ал-Беруний номидаги халқаро мактаб-интернат кузатув кенгаши томонидан ташкил этилади;

(б) Мактабнинг жорий фаолиятини ташкил этиш, назорат қилиш ва мувофиқлаштириш учун икки компонентли бошқарув тизими жорий этилади. Бунда Мактабнинг ўқув жараёнини ташкил этиш ва бошқариш академик директор, маъмурий-молиявий фаолиятини мувофиқлаштириш ижрочи директор томонидан амалга оширилади;

(в) Мактабда ўқув жараёни 2025/2026 ўқув йилидан бошланади;

(г) Мактабда ўқув жараёни қуйидаги тартибда ташкил этилади:

(i) Мактаб битирувчиларига давлат намунасидаги таълим тўғрисидаги ҳужжат (шаҳодатнома) билан бир қаторда етакчи хорижий олий таълим ташкилотларига ўқишга кириш имкониятини берувчи халқаро таълим дастури дипломи (International Baccalaureate) берилади;

(ii) ўқувчилар билан индивидуал ишлаш тизими жорий этилиб, бир нафар маслаҳатчи ва педагогга тўғри келадиган ўқувчилар сони нисбатининг чекланган нормативига мутаносиб равишда 1:15 ва 1:8 нисбатлар қўлланади;

(iii) Мактабда таълим жараёни вариатив ўқув режалар асосида амалга оширилади ҳамда ўқувчилар инглиз тилидан ташқари камида яна битта қўшимча хорижий тилга ўқитилади;

(iv) ўқувчиларга илмий-тадқиқот ва инновацион стартап лойиҳалар ҳамда бошқа ижтимоий лойиҳалар бўйича ўзининг портфолиосини шакллантиришга кўмак берилади;

(д) Мактабда Давлат бюджети маблағлари ҳисобидан ўқитиладиган ўқувчиларнинг умумий чекланган сони 180 нафарни ташкил этади;

(е) Мактаб биносини қуриш, жиҳозлаш ва ободонлаштириш ишлари 2026 йилги Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида молиялаштирилади.

IV. «Президент иқтидорли фарзандлари» ташаббусини қўллаб-қувватлаш бўйича миллий дастурни амалга ошириш

6. Миллий дастур Ўзбекистон Республикаси Президентининг 2025 йил 26 мартдаги ПФ-61-сон Фармонида назарда тутилган «Ёрқин истеъдод» лойиҳасини қамраб олади ва қуйидаги босқичларда амалга оширилади:

(а) ҳар йили республика бўйлаб 1 500 нафаргача хорижий олий таълим ташкилотларида ўқишга салоҳияти мавжуд умумий ўрта таълим ташкилотларининг жорий 9-синф битирувчилари имтиҳон асосида саралаб олинади;

(б) Миллий дастур доирасида саралаб олинган ўқувчилар Агентлик тизимидаги мактабларнинг мактаб маслаҳатчиларига бириктирилади ва махсус платформа орқали 10-11-синфда таълим олиш даврида улар учун қўшимча ўқиш ташкил этилади. Бунда бир нафар мактаб маслаҳатчисига тўғри келадиган ўқувчилар сони нисбатининг чекланган нормативи 1:15 нисбатгача белгиланади;

(в) Миллий дастур иштирокчиси бўлган ўқувчилар учун дунёнинг илғор олий таълим ташкилотлари қабул талабларидан келиб чиқиб, Агентликнинг «Ренессанс» болалар соғломлаштириш оромгоҳида қисқа муддатли ўқувлар ташкил этилади.

7. Шундай тартиб ўрнатилсинки, унга мувофиқ Миллий дастурни амалга ошириш доирасида қуйидаги рағбатлантириш механизмлари қўлланади:

(а) Мактабнинг 10-синф ўқувчилари ва Миллий дастур иштирокчиси бўлган ва энг яхши кўрсаткичга эга 40 нафар ўқувчига дунёнинг нуфузли олий таълим ташкилотлари томонидан ташкил этиладиган қисқа муддатли ўқув дастурларида ҳар йили бир маротаба қатнашиш;

(б) Мактаб битирувчилари ва Миллий дастур иштирокчиси бўлган ўқувчиларнинг халқаро миқёсда эътироф этилган академик рейтингнинг энг илғор 100 та олий таълим ташкилотлари рўйхатидан жой олган хорижий олий таълим ташкилотларида таълим олиш харажатларини ушбу Фармонда белгиланган тартибда қоплаш;

(в) мактаб маслаҳатчиларини уларга бириктирилган ўқувчиларнинг олий таълим ташкилотларига ўқишга қабул қилинишига қараб, 7-иловага мувофиқ бир марталик пул мукофоти билан тақдирлаш.

8. Иқтисодиёт ва молия вазирлиги ҳамда «Эл-юрт умиди» жамғармаси 2027 йилдан бошлаб ҳар йили «Ёрқин истеъдод» лойиҳасини амалга ошириш учун назарда тутилган маблағлар ҳисобидан Мактаб битирувчилари ва Миллий дастур иштирокчиси бўлган ўқувчиларнинг хорижий таълим ташкилотларида таълим олиши учун 200 тадан квота ажратсин. Бунда:

(а) квота халқаро миқёсда эътироф этилган академик рейтингнинг энг илғор 100 та олий таълим ташкилотлари рўйхатидан жой олган хорижий олий таълим ташкилотларига камида 50 фоизлик грант асосида ўқишга қабул қилинган Мактаб битирувчилари ва Миллий дастур иштирокчиси бўлган ўқувчиларга ажратилади;

(б) квота талабларига жавоб берадиган Мактаб битирувчилари ва Миллий дастур иштирокчиси бўлган ўқувчилар сони 200 нафардан кам бўлган тақдирда, ўқишга юбориш бўйича танлов ўтказилмайди;

(в) квота талабларига жавоб берадиган Мактаб битирувчилари ва Миллий дастур иштирокчиси бўлган ўқувчилар сони 200 нафардан ошган тақдирда, қуйидаги устуворлик асосида танлов амалга оширилади:

(i) Ижтимоий реестрга киритилган оила аъзоси ҳисобланиши;

(ii) хорижий олий таълим ташкилотининг халқаро миқёсда эътироф этилган академик рейтингдаги ўрни;

(iii) олий таълим ташкилотидан тақдим этилган грант миқдори.

9. Мактабгача ва мактаб таълими вазирлигининг Агентлик марказий аппаратида вазирлик тизимининг умумий штат бирликлари доирасида:

(а) мактаб маслаҳатчилари фаолиятини мувофиқлаштириш учун 14 та штат бирлигидан иборат бўлган Бош маслаҳатчилар гуруҳини;

(б) 6 та штат бирлигидан иборат бўлган «Президент иқтидорли фарзандлари» ташаббусини амалга ошириш бўлинмасини ташкил этиш тўғрисидаги таклифлари маъқуллансин.

10. Белгилаб қўйилсинки:

(а) бош маслаҳатчи лавозимига қабул қилинган ходимлар 14 та ҳудудга бириктирилади;

(б) бош маслаҳатчиларга Президент мактабларининг чет эллик мутахассислари учун белгиланган меҳнатга ҳақ тўлаш ва моддий рағбатлантириш шартлари татбиқ этилади.

11. Янги Ўзбекистонни барпо этиш йўлида фаол фуқаролик позициясини намоён этган, мамлакатимиз тараққиётига ҳисса қўшаётган, ислоҳотлар жараёнида илғор ташаббуслари, фидойилиги ва намунали фаолияти билан ажралиб турган мутахассисларни рағбатлантириш мақсадида Ҳамжамият доирасида «Янги Ўзбекистон бунёдкорлари» кўкрак нишони таъсис этилсин.

V. Фармон ижросини ташкил этиш, таъминлаш ва назорат қилиш

12. «Президент иқтидорли фарзандлари» ташаббусини амалга ошириш ҳамда ижросини назорат қилиш бўйича республика комиссияси ташкил қилинсин ва унинг таркиби 8-иловага мувофиқ тасдиқлансин.

13. Республика комиссиясига қуйидаги ваколатлар берилсин:

(а) Миллий дастурни амалга ошириш жараёни ва Ҳамжамият фаолиятини мувофиқлаштириш;

(б) Миллий дастур доирасида ажратиладиган 1 500 тагача квотани ҳудудлар кесимида тақсимлаш.

14. Белгилансинки, ушбу Фармонда белгиланган тадбирлар харажатлари 2025 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Мактабгача ва мактаб таълими вазирлигига ажратилган маблағлар доирасида амалга оширилади, 2026 йилдан бошлаб эса Давлат бюджети параметрларида назарда тутилади.

15. Ўзбекистон Республикаси Президентининг айрим ҳужжатларига 9-иловага мувофиқ ўзгартириш ва қўшимчалар киритилсин.

16. Мактабгача ва мактаб таълими вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига мазкур Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

17. Мазкур Фармоннинг ижросини самарали ташкил қилишга масъул ва шахсий жавобгар этиб мактабгача ва мактаб таълими вазири Х.У. Умарова белгилансин.

18. Фармон ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2025 йил 15 майдаги ПФ-86-сон Фармонига 1-ИЛОВА

«Президент иқтидорли фарзандлари» ташаббусини қўллаб-қувватлаш бўйича миллий кенгаш таркиби

1. Ш.М. Мирзиёев — Ўзбекистон Республикаси Президенти, Миллий кенгаш раиси 2. Ж.А. Қўчқоров — Ўзбекистон Республикаси Бош вазирининг ўринбосари — иқтисодиёт ва молия вазири 3. О.Қ. Абдурахманов — Ўзбекистон Республикаси Президенти Администрацияси Ижтимоий ривожланиш департаменти раҳбари 4. Ж.Т. Жўраев — Давлат хавфсизлиги хизмати раисининг ўринбосари 5. Б.И. Абдуллаев — Ўзбекистон Республикаси Олий Мажлиси Сенати Фан, таълим ва соғлиқни сақлаш масалалари қўмитаси раиси 6. Н.Х. Жумаев — Ўзбекистон Республикаси Олий Мажлиси Қонунчилик палатаси Фан, таълим, маданият, спорт ва ёшлар масалалари қўмитаси раиси 7. Қ.А. Шарипов — олий таълим, фан ва инновациялар вазири 8. Б.О. Саидов — ташқи ишлар вазири 9. Ш.Х. Шерматов — рақамли технологиялар вазири 10. Б.Э. Захидов — камбағалликни қисқартириш ва бандлик вазири 11. А.А. Худаяров — соғлиқни сақлаш вазири 12. О.Р. Фозилкаримов — иқтисодиёт ва молия вазирининг ўринбосари 13. Ш.А. Аюпов — Фанлар академияси президенти 14. Ж.Ш. Салихов — Ўзбекистон Республикаси Президенти ҳузуридаги Давлат сиёсати ва бошқаруви академияси ректори 15. Г.С. Исмаилова — Ўзбекистон Республикаси Президенти ҳузуридаги Истиқболли кадрларни тайёрлаш бўйича «Эл-юрт умиди» жамғармаси ижрочи директори 16. Қ.Р. Сариев — Миллатлараро муносабатлар ва хориждаги ватандошлар масалалари бўйича қўмита раиси 17. В.А. Ҳеррманн — «Янги Ўзбекистон» университети фахрий президенти 18. О.Б. Саттаров — «Ватандошлар» жамоат фонди бошқаруви раиси 19. Х.У. Умарова — мактабгача ва мактаб таълими вазири, масъул котиб

Ўзбекистон Республикаси Президентининг 2025 йил 15 майдаги ПФ-86-сон Фармонига 2-ИЛОВА

«Президент иқтидорли фарзандлари» ташаббусини қўллаб-қувватлаш бўйича миллий кенгашнинг асосий вазифалари

1. Умумий раҳбарлик ва стратегик бошқарув:

(а) ташаббус доирасидаги барча ишлар юзасидан ягона стратегияни ишлаб чиқиш ва тартибга солиш;

(б) эришилиши лозим бўлган кўрсаткичлар ва индикаторларни тасдиқлаш, уларнинг самарали бажарилиши устидан мунтазам назорат ўрнатиш.

2. Мутасадди органлар фаолиятини мувофиқлаштириш:

(а) Мактабгача ва мактаб таълими вазирлиги, Ёшлар ишлари агентлиги, Истиқболли кадрларни тайёрлаш бўйича «Эл-юрт умиди» жамғармаси, олий таълим ташкилотлари ва бошқа манфаатдор идоралар ўртасида доимий ҳамкорликни йўлга қўйиш.

3. Молиявий ва ташкилий ресурсларни жалб қилиш:

(а) Давлат бюджети, хусусий сектор, халқаро ташкилотлар ва донорлардан маблағларни жалб қилиш, улардан мақсадли ҳамда самарали фойдаланилишини таъминлаш;

(б) «Президент иқтидорли фарзандлари» ташаббусини қўллаб-қувватлаш бўйича миллий дастурни амалга ошириш учун зарур инфратузилма ва моддий-техник базага бўлган эҳтиёжни таъминлаш бўйича зарур чоралар кўриш.

4. Мониторинг, таҳлил ва баҳолаш:

(а) ташаббус мақсадларига эришиш самарадорлиги ҳамда таъсирини баҳолаш, аниқланган муаммо ва камчиликларни бартараф этиш чораларини кўриш.

5. Қонунчилик базасини такомиллаштириш:

(а) «Президент иқтидорли фарзандлари» ташаббусини амалга ошириш жараёнида зарур бўладиган норматив-ҳуқуқий ҳужжатлар лойиҳаларини тегишли тартибда ишлаб чиқилишини таъминлаш.

6. Узлуксиз самарадорликни таъминлаш:

(а) «Президент иқтидорли фарзандлари» ташаббусини амалга ошириш сифатини доимий равишда яхшилаш, ўсиб борувчи талаблардан келиб чиқиб янги таклифлар ишлаб чиқиш.

Ўзбекистон Республикаси Президентининг 2025 йил 15 майдаги ПФ-86-сон Фармонига 3-ИЛОВА

«Президент иқтидорли фарзандлари» ташаббусини амалга оширишнинг асосий йўналишлари

1. Ал-Беруний номидаги халқаро мактаб-интернат фаолиятини ташкил этиш:

(а) ўқувчиларнинг қобилияти ва истеъдодини баҳолаш орқали иқтидорлиларини танлаб олиш;

(б) замонавий ўқув дастурлари ва инновацион педагогик методлардан фойдаланиб, чуқурлаштирилган таълим беришни таъминлаш;

(в) ҳар бир ўқувчининг таълим олиши учун зарурий эҳтиёжлари ва унинг қизиқишларига мос равишда таълим жараёнини ташкил этиш;

(г) ўқувчиларни илмий изланишларга йўналтириш ва уларнинг тадқиқот кўникмаларини ривожлантириш;

(д) ўқувчиларнинг ижодий қобилиятлари ва мустақил фикрлаш салоҳиятини оширишга қаратилган машғулотлар ўтказиш;

(е) ўқувчиларга келажакдаги касб танловида йўл-йўриқ кўрсатиш ва уларни профессионал ривожланишга тайёрлаш;

(ж) хорижий таълим ташкилотлари билан ҳамкорлик қилиб, ўқувчиларнинг халқаро тажрибага эга бўлишини таъминлаш;

(з) ўқувчиларда юксак маънавият, ватанпарварлик руҳини уйғотиш ҳамда уларда Ватанга, жамиятга хизмат қилиш ҳиссини шакллантириш;

(и) ўқувчиларни спортга жалб этиш ва соғлом турмуш тарзини шакллантиришга қаратилган тадбирлар ўтказиш.

2. «Президент иқтидорли фарзандлари» ташаббусини қўллаб-қувватлаш бўйича миллий дастурни амалга ошириш:

(а) республика бўйлаб иқтидорли ўқувчиларни аниқлаш ва улар билан манзилли ишлаш;

(б) дунёнинг илғор олий таълим ташкилотлари қабул талабларидан келиб чиқиб, қисқа интенсив курсларни ишлаб чиқиш ва ўқувчиларни ўқитиш;

(в) иқтидорли ўқувчилар, шу жумладан, Ижтимоий реестрга киритилган оилалар фарзандларининг таълим олиши, илмий изланишлари ва ижодий лойиҳаларини амалга ошириш учун шарт-шароитларни яратиш;

(г) ўқувчиларни нуфузли хорижий таълим ташкилотларида қисқа муддатли интенсив дастурларда ўқишга юбориш, уларнинг халқаро конференциялар ва семинарларда иштирокини ташкил этиш;

(д) ўқувчиларнинг лидерлик қобилиятларини ошириш, уларни келажакдаги профессионал фаолиятга тайёрлаш;

(е) ўқувчиларни зарур ахборот, адабиёт ва ресурслар билан таъминлаш, уларнинг билим ва кўникмаларини оширишга кўмаклашиш.

3. Иқтидорли ёшларни қўллаб-қувватлаш ҳамжамиятининг самарали фаолият юритишини таъминлаш:

(а) дунёнинг нуфузли таълим ташкилотларида таълим олган ўзбекистонлик ёшлар ва малакали мутахассисларни ягона платформада бирлаштириш;

(б) «Президент иқтидорли фарзандлари» ташаббуси иштирокчилари ўртасида доимий алоқа ўрнатиш, уларнинг фикрлари ва ташаббусларини давлат ва жамиятга етказишга кўмаклашиш;

(в) мамлакатга хорижий давлатлардан қайтган ва қайтишга тайёрланаётган ёшларни ўз соҳаси бўйича муносиб иш билан таъминлаш ҳамда уларга профессионал ривожланиш йўллари бўйича маслаҳат ва кўмак бериш;

(г) мамлакатга қайтган ёш мутахассислар учун имтиёзлар бериш, грантлар ажратиш, уларнинг стартап лойиҳаларини қўллаб-қувватлаш ва бошқа имкониятлар яратиш;

(д) «Президент иқтидорли фарзандлари» ташаббуси иштирокчиларини стратегик лойиҳаларга жалб қилиш;

(е) қурултойлар, форумлар, подкастлар, маҳорат дарслари ва доимий мулоқот майдонларини ташкил этиш;

(ж) чет элда таҳсил олаётган ва истиқомат қилаётган юртдошларимизда Ватанга дахлдорлик ҳиссини оширишга қаратилган «Қаерга қайтамиз?» номли туркум фильмлар яратиш.

Ўзбекистон Республикаси Президентининг 2025 йил 15 майдаги ПФ-86-сон Фармонига 4-ИЛОВА

«Президент иқтидорли фарзандлари» ташаббусини амалга ошириш бўйича «йўл харитаси»

Т/р Чора-тадбирлар номи Амалга ошириш ва натижаларга эришиш механизмлари Ижро муддати Молиялаштириш манбалари Масъул ижрочилар I. Ал-Беруний номидаги халқаро мактаб-интернат фаолиятини йўлга қўйиш Ал-Беруний номидаги халқаро мактаб-интернатни (кейинги ўринларда — Мактаб) давлат рўйхатидан ўтказиш ва Мактаб кузатув кенгаши фаолиятини ташкил этиш. 1. Мактаб уставини ишлаб чиқиш ва тасдиқлаш. 2. Мактабни белгиланган тартибда давлат рўйхатидан ўтказиш. 3. Мактаб кузатув кенгаши тўғрисидаги низомни ва унинг таркибини тасдиқлаш. 2025 йил июль – Мактабгача ва мактаб таълими вазирлиги (Х. Умарова) Мактабнинг педагог ходимлари ҳамда маслаҳатчиларига қўйиладиган малака талабларини белгилаш. 1. Мактабнинг педагог ходимлари ҳамда маслаҳатчиларига қўйиладиган малака талабларини ишлаб чиқиш ва тасдиқлаш. Бунда: (а) фан ўқитувчиларида ўқувчиларни халқаро имтиҳонларга (SAT, A-Level, IELTS/TOEFL) ва фан олимпиадаларига тайёрлаш тажрибаси ҳамда инглиз тилидан камида B2 (инглиз тили фани бўйича дарс ўтиш учун камида C1) даражадаги миллий ёки халқаро сертификатга эга бўлиши, шунингдек, «CLIL» («Content and Language Integrated Learning») методикасини билиши; (б) маслаҳатчилар педагогика, психология, таълим ва коучинг йўналишлари бўйича олий маълумотга, менторлик ва ёшлар билан ишлаш бўйича зарур кўникмаларга, хорижий олий таълим ташкилотларига кириш жараёнида ҳамроҳлик қилиш тажрибасига эга бўлиши ҳамда инглиз тилини камида B2 даражада билиши лозимлиги ва бошқа талаблар назарда тутилади. 2025 йил ию ль – Мактабгача ва мактаб таълими вазирлиги (Х. Умарова), Камбағалликни қисқартириш ва бандлик вазирлиги (Б. Захидов) Мактабнинг ташкилий-бошқарув фаолиятини йўлга қўйиш. 1. Мактаб тузилмаси ва штат бирликларини тасдиқлаш. 2025 йил август Мактабга ажратиладиган маблағлар Мактабгача ва мактаб таълими вазирлиги (Х. Умарова) 2. Мактабга педагог ва бошқа ходимларни ишга қабул қилиш тартибини тасдиқлаш. 2025 йил июль 3. Мактабдаги бўш иш ўринлари тўғрисидаги маълумотларни глобал рекрутинг платформаларига жойлаштириш. 2025 йил июлдан бошлаб 4. Рекрутинг ташкилотлари билан шартнома имзолаб, педагог ходимларни Мактабга жалб қилиш. Зарур ҳолларда 5. Мактабнинг бўш иш ўринларига хорижий ва маҳаллий малакали мутахассисларни ишга олиш. 2025 йил август Мактабга ўқувчиларни қабул қилиш бўйича вақтинча тартибини тасдиқлаш. 1. Мактабга ўқувчиларни қабул қилиш бўйича вақтинча тартибни Мактаб кузатув кенгаши қарори билан тасдиқлаш. Бунда Мактабга умумий ўрта таълим ташкилотларининг 8-синф битирувчилари қабул қилинишини назарда тутиш. 2025 йил июль – Мактабгача ва мактаб таълими вазирлиги (Х. Умарова), Ахборот ва оммавий коммуникациялар агентлиги (А. Ходжаев), Ўзбекистон миллий телерадиокомпанияси (А. Джурабаев) 2. Мактабга ўқувчиларни қабул қилиш бўйича вақтинча тартибни оммавий ахборот воситалари ва интернет тармоқларида эълон қилиш. 2025 йил июль Мактабда ўқув жараёнини ташкил этиш билан боғлиқ ҳужжатларни ишлаб чиқиш ва тасдиқлаш. 1. Мактабнинг ўқув режа ва фан дастурларини ишлаб чиқиш учун таълим соҳасидаги хорижий ташкилотлар ва экспертларни ҳамда маҳаллий мутахассисларни шартнома асосида жалб қилиш. 2025 йил июль Мактабга ажратиладиган маблағлар Мактабгача ва мактаб таълими вазирлиги (Х. Умарова) 2. Мактабнинг ўқув режа ва фан дастурларини ишлаб чиқиш ва тасдиқлаш. Ҳар йили июнь ойида 3. Ўқув режа ва фан дастурларини таҳлил қилиш ва замон талаблари асосида янгилаб бориш. Доимий Мактаб ўқитувчилари ва маслаҳатчиларини малака ошириш учун хорижга юбориш. 1. Мактаб ўқитувчилари ва маслаҳатчилари малакасини ошириш тартибини тасдиқлаш. 2025 йил октябрь Мактабгача ва мактаб таълими вазирлигининг бюджетдан ташқари маблағлари Мактабгача ва мактаб таълими вазирлиги (Х. Умарова) 2. Малака ошириш дастурлари бўйича хорижий ташкилотлар билан музокаралар ўтказиш ва улар билан шартнома имзолаш. 2026 йил август 3. Мактаб ўқитувчилари ва маслаҳатчиларини малака ошириш дастурларида ўқиш учун хорижга юбориш. 2026/2027 ўқув йилидан бошлаб доимий Мактабни замонавий дарслик ва ўқув-методик қўлланмалар билан таъминлаш ҳамда ўқувчиларга илғор электрон маълумотлар базаларидан фойдаланиш имкониятини яратиш. 1. Ўқув жараёни учун зарур ҳисобланган замонавий дарслик, ўқув қўлланма ва адабиётлар, шунингдек, илмий нашрлар, ўқув-услубий, илмий-услубий қўлланмалар рўйхатини шакллантириш ва уларни харид қилиш. Доимий Мактабга ажратиладиган маблағлар Мактабгача ва мактаб таълими вазирлиги (Х. Умарова) 2. Ўқувчилар таълим жараёнида фойдаланиши учун илғор электрон маълумотлар базаларига уланиш. Мактаб ўқувчиларининг ижтимоий фаоллигини ошириш. 1. Мактаб ўқувчиларининг бўш вақтини мазмунли ташкил қилиш учун спорт тўгараклари ва санъат студияларини ташкил қилиш. Бунда: 2025 йил октябрь Мактабга ажратиладиган маблағлар Мактабгача ва мактаб таълими вазирлиги (Х. Умарова) (а) ўқувчилар учун экскурсиялар, тренинглар ва маданий учрашувлар ташкил этиш режа-жадвалини тасдиқлаш; Ҳар йили сентябрь ойида (б) режа-жадвал асосида тадбирларни юқори савияда ўтказиш. Режа-жадвал асосида 2. Мактаб ўқувчиларининг дунёнинг нуфузли таълим ташкилотлари томонидан ташкил этиладиган қисқа муддатли дастурларда иштирок этиши тартибини ишлаб чиқиш ва тасдиқлаш. 2026 йил сентябрь 3. Нуфузли хорижий таълим ташкилотлари билан музокаралар ўтказиш ва натижаси бўйича келишув битимини тузиш. 2027 йил июль ойидан бошлаб 4. Мактаб ўқувчиларини қисқа муддатли дастурларда иштирок этиш учун хорижга юбориш. Доимий Мактабнинг янги биноси қурилгунига қадар уни Муҳаммад ал-Хоразмий номидаги ихтисослаштирилган мактабнинг бўш биноларида вақтинчалик жойлаштириш. 1. Муҳаммад ал-Хоразмий номидаги ихтисослаштирилган мактабнинг 2025/2026 ўқув йили учун ўқувчиларни қабул қилиш параметрларини шакллантиришда ушбу мактабнинг бўш биноларига Мактабни жойлаштиришни инобатга олиш. 2025 йил август Мактабга ажратиладиган маблағлар Мактабгача ва мактаб таълими вазирлиги (Х. Умарова) 2. Мактабни жойлаштириш учун зарур товар ва хизматлар харидини амалга ошириш. 3. Мактабни жойлаштириш ишларини ташкил этиш. Мактаб кампусини барпо этиш. 1. Мактаб кампусини қуриш учун зарур ер майдонини доимий фойдаланиш ҳуқуқи асосида ажратиш. 2025 йил июль 2026 йилги Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури маблағлари Тошкент шаҳри ҳокимлиги (Ш. Умурзаков) Қурилиш ва уй-жой коммунал хўжалиги вазирлиги (Ш. Хидоятов), Мактабгача ва мактаб таълими вазирлиги (Х. Умарова) 2. Мактаб кампусининг асосий ўқув, маъмурий ва ўқувчилар ётоқхонаси биноларини фойдаланишга тайёр ҳолда топшириш ва жиҳозлаш. 2026 йил август II. «Президент иқтидорли фарзандлари» ташаббусини қўллаб-қувватлаш бўйича миллий дастурни амалга ошириш «Президент иқтидорли фарзандлари» ташаббусини қўллаб-қувватлаш бўйича миллий дастур (кейинги ўринларда — Миллий дастур)ни амалга ошириш. 1. Хорижий ташкилотлар ва экспертларни ҳамда маҳаллий мутахассисларни шартнома асосида жалб қилган ҳолда Миллий дастурни амалга ошириш тартибини ишлаб чиқиш ва тасдиқлаш. 2025 йил август Мактабгача ва мактаб вазирлигига Давлат бюджетидан ажратилган маблағлар Мактабгача ва мактаб таълими вазирлиги (Х. Умарова) 2. Миллий дастур иштирокчиларини саралаш шартлари ва муддатларини тасдиқлаш ҳамда оммавий ахборот воситаларида эълон қилиш. Ҳар йили май — август ойлари 3. Миллий дастур иштирокчилари учун саралаш имтиҳонларини ўтказиш. Белгиланган муддатларда Миллий дастур доирасида «Ренессанс» болалар соғломлаштириш оромгоҳида (кейинги ўринларда — Оромгоҳ) ўқувчилар учун қисқа муддатли ўқув курсларини ташкил этиш. 1. Оромгоҳда ташкил этиладиган қисқа муддатли ўқув курслар режасини ишлаб чиқиш ва тасдиқлаш. 2025 йил сентябрь ойидан бошлаб доимий Мактабгача ва мактаб вазирлигига Давлат бюджетидан ажратилган маблағлар ва бюджетдан ташқари маблағлар Мактабгача ва мактаб таълими вазирлиги (Э. Каримова) 2. Ўқув курсларини ўтказиш ва ташкил этиш учун ю қори малакали мутахассисларни меҳнат бозорининг амалдаги конъюнктурасини ҳисобга олган ҳолда шартнома асосида жалб этиш. 3. Қисқа муддатли ўқув курсларга жалб этиладиган ходимлар ва ўқувчиларни келиб-кетишлари учун транспорт, турар-жой, иссиқ овқат, қўриқлаш хизмати, офис жиҳозлари ҳамда бошқа воситалар билан таъминлаш. Миллий дастур иштирокчиларининг тайёргарлик даражасини кузатиб бориш ва мувофиқлаштириш бўйича махсус платформа ишлаб чиқиш. 1. «Янги Ўзбекистон» университетининг Илғор билим ва тажрибалар трансфери марказини шартнома асосида жалб қилган ҳолда Миллий дастур иштирокчиларининг тайёргарлик даражасини кузатиб бориш ва мувофиқлаштириш бўйича махсус платформа ишлаб чиқиш ва ишга тушириш . 2025 йил октябрь Мактабгача ва мактаб вазирлигига Давлат бюджетидан ажратилган маблағлар Мактабгача ва мактаб таълими вазирлиги (Х. Умарова) 2. Махсус платформанинг узлуксиз ишлашини ташкил этиш. Доимий Миллий дастурда иштирок этувчи мактаб маслаҳатчиларининг малакасини ошириш. 1. Малака оширишга юбориладиган мактаб маслаҳатчиларини саралаб олиш тартибини тасдиқлаш. 2025 йил декабрь Мактабгача ва мактаб вазирлигига Давлат бюджетидан ажратилган маблағлар ва бюджетдан ташқари маблағлар Мактабгача ва мактаб таълими вазирлиги (Х. Умарова) 2. Малака ошириш дастурлари бўйича хорижий ташкилотлар билан музокаралар ўтказиш ва улар билан шартнома тузиш. 2026 йил август ойидан бошлаб 3. Мактаб маслаҳатчиларини саралаб олиш ва малака ошириш дастурларида ўқиш учун хорижга юбориш. Доимий Миллий дастурнинг энг яхши кўрсаткичга эга бўлган иштирокчиларини дунёнинг нуфузли олий таълим ташкилотлари томонидан ташкил этиладиган қисқа муддатли дастурларга юбориш. 1. Миллий дастур доирасида энг яхши кўрсаткичга эга бўлган иштирокчиларни саралаб олиш ҳамда уларни дунёнинг нуфузли олий таълим ташкилотлари томонидан ташкил этиладиган қисқа муддатли дастурларда иштирок этиш учун юбориш тартибини тасдиқлаш. 2025 йил декабрь Мактабгача ва мактаб вазирлигига Давлат бюджетидан ажратилган маблағлар Мактабгача ва мактаб таълими вазирлиги (Х. Умарова) 2. Нуфузли олий таълим ташкилотлари билан музокаралар ўтказиш ва шартнома тузиш. 2026 йил сентябрь ойидан бошлаб 3. Иштирокчиларнинг қисқа муддатли дастурларда иштирокини таъминлаш. Доимий Миллий дастур доирасида мактаб маслаҳатчиларини рағбатлантириб бориш. 1. Миллий дастур иштирокчилари ўқишга кирган олий таълим ташкилотларини таҳлил қилиш. 2026 йилдан бошлаб ҳар йили декабрь ойида Мактабгача ва мактаб вазирлигига Давлат бюджетидан ажратилган маблағлар Мактабгача ва мактаб таълими вазирлиги (Х. Умарова) 2. Нуфузли олий таълим ташкилотларида ўқишни бошлаган Миллий дастур иштирокчилари рўйхатини шакллантириш. 3. Рўйхат асосида м актаб маслаҳатчиларини белгиланган талаблар асосида бир марталик пул мукофоти билан тақдирлаш. Ўқувчиларни хорижий олий таълим ташкилотларининг имтиҳон тизимларига тайёрлаш бўйича электрон платформани ишга тушириш. 1. Ёшларни дунёнинг нуфузли олий таълим ташкилотларининг имтиҳон тизимларига тайёрлаш бўйича махсус платформани ишлаб чиқиш ва ишга тушириш. Бунда: 2025 йил ноябрь Мактабгача ва мактаб вазирлигига Давлат бюджетидан ажратилган маблағлар Мактабгача ва мактаб таълими вазирлиги (Х. Умарова) (а) электрон платформа Массачусетс технология институтининг (АҚШ) таълим технологиялари борасидаги тажрибаси асосида ишлаб чиқилади; (б) электрон платформада салоҳиятли ўқитувчилар иштирокида мунтазам равишда жонли сессиялар ўтказишга имконият яратилади; (в) платформани ишлаб чиқиш ҳамда узлуксиз ишлашини қўллаб-қувватлаш шартнома асосида жалб қилинадиган «Янги Ўзбекистон» университетининг Илғор билим ва тажрибалар трансфери маркази томонидан амалга оширилади 2. Электрон платформанинг узлуксиз ишлашини таъминлаш. Доимий III. Иқтидорли ёшларни қўллаб-қувватлаш ҳамжамиятининг самарали фаолият юритишини таъминлаш Иқтидорли ёшларни қўллаб-қувватлаш ҳамжамиятининг (кейинги ўринларда — Ҳамжамият) самарали фаолият юритишини таъминлаш. 1. Ҳамжамият фаолиятини ташкил этиш бўйича махсус платформа ишлаб чиқиш ҳамда унинг узлуксиз ишлашини таъминлаш юзасидан «Янги Ўзбекистон» университетининг Илғор билим ва тажрибалар трансфери маркази билан тўғридан-тўғри шартнома тузиш. 2026 йил январь ойидан бошлаб Давлат бюджети маблағлари Мактабгача ва мактаб таълими вазирлиги (Х. Умарова), Ташқи ишлар вазирлиги (Б. Саидов), Ўзбекистон Республикасининг хориждаги дипломатик муассасалари 2. Ҳамжамият фаолиятини ташкил этиш учун махсус платформани ишга тушириш ҳамда унинг узлуксиз ишлашини таъминлаш. Доимий 3. Махсус платформада дунёнинг нуфузли олий таълим ташкилотларида таълим олган ўзбекистонлик ёшлар ва малакали мутахассислар тўғрисидаги маълумотларни белгиланган тартибда шакллантириш. Доимий 4. Махсус платформада подкастлар, маҳорат дарслари ва доимий мулоқот майдонларини ташкил этиш. Доимий «Янги Ўзбекистон бунёдкорлари» кўкрак нишони тўғрисидаги низомни тасдиқлаш. «Янги Ўзбекистон бунёдкорлари» кўкрак нишони тўғрисидаги низомни ишлаб чиқиш ва тасдиқлаш учун Вазирлар Маҳкамасига киритиш. 2025 йил август – Мактабгача ва мактаб таълими вазирлиги (Х. Умарова) Чет элда таҳсил олаётган ҳамда истиқомат қилаётган юртдошларимиз тўғрисида туркум фильмлар яратиш. 1. Хорижий кинокомпанияларни жалб қилган ҳолда чет элда таҳсил олаётган ҳамда истиқомат қилаётган юртдошларимизда Ватанга дахлдорлик ҳиссини оширишга қаратилган «Қаерга қайтамиз?» номли фильмлар туркуми сценарийсини ишлаб чиқиш ва тасдиқлаш. Ҳар йили апрель ва октябрь ойларида Давлат буюртмасига асосан миллий кино маҳсулотларини яратиш харажатлари учун ажратилган маблағлар ва Ёшларга оид давлат сиёсатини қўллаб-қувватлаш жамғармаси маблағлари ҳисобидан тенг улушларда Мактабгача ва мактаб таълими вазирлиги (Х. Умарова), Маданият вазирлиги (О. Назарбеков), Ташқи ишлар вазирлиги (Б. Саидов), Ўзбекистон миллий телерадиокомпанияси (А. Джурабаев) 2. Фильмни яратиш ва намойиш қилиш. Ҳар йили сентябрь ва февраль ойларида Мактаб битирувчилари ва Миллий дастур иштирокчиларининг хорижий олий таълим ташкилотларида таҳсил олишини ташкил этиш. 1. Хорижий олий таълим ташкилотларининг контракт-тўлови миқдорлари юзасидан таҳлил ўтказиш ва ҳисоб-китоб қилиш. 2026 йилдан бошлаб ҳар йили май ойида «Эл-юрт умиди» жамғармасига ушбу мақсадлар учун ажратилган маблағлар «Эл-юрт умиди» жамғармаси (Г. Исмаилова), Иқтисодиёт ва молия вазирлиги (И. Норқулов) 2. Асосланган ҳисоб-китоблар асосида Мактаб битирувчилари ва Миллий дастур иштирокчиларининг хорижий олий таълим ташкилотларида таҳсил олиши учун зарур маблағларни Давлат бюджети параметрларида назарда тутиш. Ҳар йили декабрь ойида 3. Хорижий олий таълим ташкилотларига ўқишга кирган Мактаб битирувчилари ва Миллий дастур иштирокчилари, шу жумладан, уларни ўқишга қабул қилиш шартлари тўғрисидаги маълумотларни шакллантириш. Ҳар йили октябрь ойида 4. Хорижий олий таълим ташкилотларида таълим олиш харажатлари қоплаб бериладиган Мактаб битирувчилари ва Миллий дастур иштирокчиларини белгиланган тартибда танлаб олиш. Ҳар йили ноябрь ойида

Ўзбекистон Республикаси Президентининг 2025 йил 15 майдаги ПФ-86-сон Фармонига 5-ИЛОВА

Ал-Беруний номидаги халқаро мактаб-интернатнинг академик, ташкилий-бошқарув ва молиявий мустақиллиги доирасида унга бериладиган ҳуқуқлар рўйхати

I. Академик мустақиллик доирасида:

(а) ўқув йили давомийлигини белгилаш;

(б) фанлар таркибини тасдиқлаш;

(в) пулли таълим хизматлари кўрсатиладиган ўқувчиларнинг ёшига қўйиладиган талабларни белгилаш;

(г) ўқувчиларни ўқишга қабул қилиш бўйича вақтинча тартибни белгилаш.

II. Ташкилий-бошқарув жиҳатдан мустақиллик доирасида:

(а) тузилма ва штат бирликлари сонини тасдиқлаш, уларга ўзгартириш ва қўшимчалар киритиш;

(б) педагог ва бошқа ходимларни ишга қабул қилиш тартибини белгилаш;

(в) олий таълим ташкилотларининг профессор-ўқитувчилари ва олимларини фуқаролик-ҳуқуқий шартномалар асосида дарс жараёнига жалб қилиш;

(г) хорижий мутахассисларни танлаш (ёллаш) бўйича халқаро рекрутинг компаниялар ва таълим соҳасида хизматлар кўрсатувчи хорижий ташкилотлар билан белгиланган тартибда шартнома тузиш.

III. Молиявий мустақиллик доирасида:

(а) маблағлар, шу жумладан, Давлат бюджетидан ажратиладиган маблағларни Ал-Беруний номидаги халқаро мактаб-интернатнинг кузатув кенгаши қарорига мувофиқ тасарруф этиш;

(б) даромад ва харажатлар сметасини тасдиқлаш, ўзгартириш ва қўшимчалар киритиш;

(в) меҳнат бозорининг амалдаги конъюнктурасини ҳисобга олган ҳолда маъмурий-бошқарув, педагог, ўқув-ёрдамчи, хизмат кўрсатувчи ва техник ходимларига уларнинг меҳнати учун иш ҳақи ва бошқа тўловлар миқдорларини белгилаш;

(г) Ал-Беруний номидаги халқаро мактаб-интернат қувватидан келиб чиққан ҳолда пулли таълим хизматларини кўрсатиш, шу жумладан, қўшимча синфлар очиш ва тўлов миқдорини белгилаш. Бунда ушбу пулли таълим хизматларидан фойдаланган ўқувчиларга «Президент иқтидорли фарзандлари» ташаббуси ва уни қўллаб-қувватлаш бўйича миллий дастурда белгиланган рағбатлантириш механизмлари татбиқ этилмайди.

Ўзбекистон Республикаси Президентининг 2025 йил 15 майдаги ПФ-86-сон Фармонига 7-ИЛОВА

Мактаб маслаҳатчиларига тўланадиган бир марталик пул мукофоти миқдори

T/р Олий таълим ташкилоти рейтинги * Ўқишга қабул қилинган ўқувчилар сони (камида) Мукофот пули миқдори (базавий ҳисоблаш миқдорининг баравари) 1. «Печак лигаси» (The Ivy League) олийгоҳлар уюшмаси таркибига кирувчи олий таълим ташкилоти 1 нафар 500 2. Times Higher Education рейтингининг ТОП-50 талик рўйхатига кирган олий таълим ташкилоти 3 нафар 300 3. Times Higher Education рейтингининг ТОП-100 талик рўйхатига кирган олий таълим ташкилоти 4 нафар 200

Ўзбекистон Республикаси Президентининг 2025 йил 15 майдаги ПФ-86-сон Фармонига 8-ИЛОВА

«Президент иқтидорли фарзандлари» ташаббусини амалга ошириш ҳамда ижросини назорат қилиш бўйича республика комиссиясининг таркиби

1. А.Н. Арипов — Ўзбекистон Республикасининг Бош вазири, Республика комиссияси раиси 2. Х.У. Умарова — мактабгача ва мактаб таълими вазири, Республика комиссияси раиси ўринбосари 3. Қ.А. Шарипов — олий таълим, фан ва инновациялар вазири 4. Ш.А. Каримов — мактабгача ва мактаб таълими вазирининг биринчи ўринбосари 5. Г.С. Исмаилова — Истиқболли кадрларни тайёрлаш бўйича «Эл-юрт умиди» жамғармаси ижрочи директори 6. В.А. Ҳеррманн — «Янги Ўзбекистон» университети фахрий президенти 7. Б.Г. Юлдашев — «Янги Ўзбекистон» университети инновация ва тадқиқот ишлари бўйича проректори 8. Б.Б. Ахмедов — «Янги Ўзбекистон» университети ўқув ишлари бўйича биринчи проректори в.б. 9. А.Т. Уббиев — Ихтисослаштирилган таълим муассасалари агентлиги директори, Республика комиссияси котиби

Ўзбекистон Республикаси Президентининг 2025 йил 15 майдаги ПФ-86-сон Фармонига 9-ИЛОВА

Ўзбекистон Республикаси Президентининг айрим ҳужжатларига киритилаётган ўзгартиришлар

1. Ўзбекистон Республикаси Президентининг 2022 йил 8 апрелдаги «Тадбиркорлик муҳитини яхшилаш ва хусусий секторни ривожлантириш орқали барқарор иқтисодий ўсиш учун шарт-шароитлар яратиш борасидаги навбатдаги ислоҳотлар тўғрисида»ги ПФ-101-сон Фармонига 7-илованинг «VI. Таълим соҳаси» бўлимининг 1 — 5-позициялари чиқариб ташлансин.

2. Ўзбекистон Республикаси Президентининг 2023 йил 25 январдаги «Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида»ги ПФ-14-сон Фармонига 1-илованинг «13. Мактабгача ва мактаб таълими вазирлиги» бўлимида:

(а) «Мактабгача ва мактаб таълими вазирлиги» позициясининг «Жами бошқарув штат бирликлари сони» ва «Давлат бюджети ҳисобидан» устунларидаги «4 929» рақами «4 909» рақами билан алмаштирилсин;

(б) «Ихтисослаштирилган таълим муассасалари агентлиги» позициясининг «Жами бошқарув штат бирликлари сони» ва «Давлат бюджети ҳисобидан» устунларидаги «73» рақами «93» рақами билан алмаштирилсин.

3. Ўзбекистон Республикаси Президентининг 2025 йил 26 мартдаги «Ўзбекистон Республикаси Президентининг ёшлар билан очиқ мулоқотида белгиланган вазифаларни амалга оширишга доир чора-тадбирлар тўғрисида»ги ПФ-61-сон Фармонининг 5-банди бешинчи хатбошиси қуйидаги таҳрирда баён этилсин:

«Иқтисодиёт ва молия вазирлиги «Эл-юрт умиди» жамғармасининг тегишли ҳисоб-китобларига асосан жорий йилда «Ёрқин истеъдод» лойиҳаси натижаларидан келиб чиқиб 300 миллиард сўм ажратсин, келгуси йиллардан мазкур мақсадлар учун маблағларни бюджет параметрларида назарда тутсин».

4. Ўзбекистон Республикаси Президентининг 2019 йил 3 майдаги «Иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш чора-тадбирлари тўғрисида»ги ПҚ-4306-сон қарорининг 5-банди «а» кичик банди қуйидаги таҳрирда баён этилсин:

«а) халқаро олимпиадалар ғолиблари ва уларнинг ўқитувчилари базавий ҳисоблаш миқдорининг қуйидаги миқдорларида бир марталик пул мукофотлари билан тақдирланади:

1-ўрин (олтин медаль) учун — 2500, ўқитувчисига — 450 баравари;

2-ўрин (кумуш медаль) учун — 1500, ўқитувчисига — 250 баравари;

3-ўрин (бронза медаль) учун — 1000, ўқитувчисига — 150 баравари».

5. Ўзбекистон Республикаси Президентининг 2024 йил 18 июлдаги «Термиз давлат муҳандислик ва агротехнологиялар университетини ташкил этиш чора-тадбирлари тўғрисида»ги ПҚ-265-сон қарорига 1-илованинг 28-позициясида:

(а) «Бажариш муддати» устунидаги «июль» сўзи «октябрь» сўзи билан алмаштирилсин;

(б) «Ижро учун масъуллар» устунидаги «Олий таълим, фан ва инновациялар вазирлиги (Шарипов)» сўзлари «Мактабгача ва мактаб таълими вазирлиги (Умарова)» сўзлари билан алмаштирилсин.

6. Ўзбекистон Республикаси Президентининг 2024 йил 30 сентябрдаги «Иқтидорли ёшлар билан ишлаш тизимини янада такомиллаштириш чора-тадбирлари тўғрисида»ги ПҚ-346-сон қарорига 1-илова қуйидаги таҳрирда баён этилсин:

«Ўзбекистон Республикаси Президентининг 2024 йил 30 сентябрдаги ПҚ-346-сон қарорига 1-ИЛОВА

Нуфузли халқаро олимпиадалар, халқаро олимпиадалар ва минтақавий халқаро олимпиадалар ғолиблари, уларнинг ўқитувчилари ва терма жамоалар раҳбарларига тўланадиган бир марталик пул мукофоти миқдори*

Т/р Ўрин (медаль) Пул мукофотини олувчи Бир марталик пул мукофоти миқдори (базавий ҳисоблаш миқдорининг баравари) нуфузли халқаро олимпиада учун халқаро олимпиада учун минтақавий халқаро олимпиада учун 1. 1-ўрин (олтин медаль) Ғолиб 2 500 150 12 2. Ўқитувчи 450 50 50 3. Терма жамоа раҳбари 35 – – 4. 2-ўрин (кумуш медаль) Ғолиб 1 500 100 8 5. Ўқитувчи 250 35 35 6. Терма жамоа раҳбари 25 – – 7. 3-ўрин (бронза медали) Ғолиб 1 000 50 6 8. Ўқитувчи 150 30 30 9. Терма жамоа раҳбари 15 – –

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 15 май,

ПФ-86-сон

(Қонунчилик маълумотлари миллий базаси, 20.05.2025 й., 06/25/86/0456-сон; 27.12.2025 й., 06/25/258/1223-сон; 13.04.2026 й., 06/26/58/0342-сон; 20.07.2026 й., 06/26/138/0762-сон)

lex.uz

Oʻzbekiston Respublikasi Prezidentining

Farmoni

“Prezident iqtidorli farzandlari” tashabbusini amalga oshirish chora-tadbirlari toʻgʻrisida

[Koʻchirma]

Mamlakatda inson kapitalini rivojlantirish, iqtidorli yoshlarni barvaqt aniqlash hamda global mehnat bozorida raqobatbardosh boʻlgan yuqori malakali mutaxassislar tayyorlash maqsadida qaror qilaman:

I. Asosiy maqsadlar

1. Quyidagilar ushbu Farmonni qabul qilishdan koʻzlangan asosiy maqsadlar etib belgilansin:

(a) iqtidorli yoshlarni barvaqt aniqlash va ularni har tomonlama qoʻllab-quvvatlash orqali mamlakatda inson kapitalini rivojlantirish;

(b) yoshlar bilan manzilli ishlash orqali global mehnat bozorida raqobatbardosh boʻlgan mutaxassislar tayyorlash hamda mamlakat taraqqiyoti uchun yangi innovatsion imkoniyatlar yaratish;

(v) iqtidorli yoshlarni yagona platformaga birlashtirish orqali ularning oʻzaro hamkorligi, tajriba almashinuvi va intellektual salohiyatini roʻyobga chiqarish uchun samarali muhit yaratish.

II. “Prezident iqtidorli farzandlari” tashabbusining asosiy vazifalari va boshqaruv tizimi

2. Maktabgacha va maktab taʼlimi vazirligi, Iqtisodiyot va moliya vazirligi, Oʻzbekiston Respublikasi Prezidenti huzuridagi Istiqbolli kadrlarni tayyorlash boʻyicha “El-yurt umidi” jamgʻarmasi (keyingi oʻrinlarda — “El-yurt umidi” jamgʻarmasi) hamda Yoshlar ishlari agentligining quyidagi takliflariga rozilik berilsin:

(a) “Prezident iqtidorli farzandlari” tashabbusi va uni qoʻllab-quvvatlash boʻyicha milliy dasturni (keyingi oʻrinlarda — Milliy dastur) amalga oshirish;

(b) Ixtisoslashtirilgan taʼlim muassasalari agentligi (keyingi oʻrinlarda — Agentlik) tizimida Al-Beruniy nomidagi xalqaro maktab-internatni (keyingi oʻrinlarda — Maktab) tashkil etish;

(v) Iqtidorli yoshlarni qoʻllab-quvvatlash hamjamiyati (keyingi oʻrinlarda — Hamjamiyat) faoliyatini yoʻlga qoʻyish.

3. Belgilab qoʻyilsinki, Hamjamiyat “El-yurt umidi” jamgʻarmasi stipendiatlari, Maktab, Prezident maktablari va “Yangi Oʻzbekiston” universiteti bitiruvchilari, Milliy dastur ishtirokchilari, shuningdek, dunyoning nufuzli oliy taʼlim va boshqa tashkilotlarida bilim va tajriba orttirgan iqtidorli vatandoshlarni birlashtiruvchi platforma sifatida faoliyat yuritadi.

4. Quyidagilar:

(a) “Prezident iqtidorli farzandlari” tashabbusini qoʻllab-quvvatlash boʻyicha milliy kengash tarkibi va uning asosiy vazifalari 1- va 2-ilovalarga muvofiq;

(b) “Prezident iqtidorli farzandlari” tashabbusini amalga oshirishning asosiy yoʻnalishlari 3-ilovaga muvofiq;

(v) “Prezident iqtidorli farzandlari” tashabbusini amalga oshirish boʻyicha “yoʻl xaritasi” 4-ilovaga muvofiq;

(g) Al-Beruniy nomidagi xalqaro maktab-internatning akademik, tashkiliy-boshqaruv va moliyaviy mustaqilligi doirasida unga beriladigan huquqlar roʻyxati 5-ilovaga muvofiq;

(d) Al-Beruniy nomidagi xalqaro maktab-internatni moliyalashtirish tartibi 6-ilovaga muvofiq tasdiqlansin.

III. Al-Beruniy nomidagi xalqaro maktab-internat faoliyatini tashkil etish

5. Belgilansinki:

(a) Maktab toʻliq akademik, tashkiliy-boshqaruv va moliyaviy jihatdan mustaqil davlat umumiy oʻrta taʼlim tashkiloti hisoblanadi hamda uning umumiy faoliyati maktabgacha va maktab taʼlimi vaziri raisligidagi Al-Beruniy nomidagi xalqaro maktab-internat kuzatuv kengashi tomonidan tashkil etiladi;

(b) Maktabning joriy faoliyatini tashkil etish, nazorat qilish va muvofiqlashtirish uchun ikki komponentli boshqaruv tizimi joriy etiladi. Bunda Maktabning oʻquv jarayonini tashkil etish va boshqarish akademik direktor, maʼmuriy-moliyaviy faoliyatini muvofiqlashtirish ijrochi direktor tomonidan amalga oshiriladi;

(v) Maktabda oʻquv jarayoni 2025/2026 oʻquv yilidan boshlanadi;

(g) Maktabda oʻquv jarayoni quyidagi tartibda tashkil etiladi:

(i) Maktab bitiruvchilariga davlat namunasidagi taʼlim toʻgʻrisidagi hujjat (shahodatnoma) bilan bir qatorda yetakchi xorijiy oliy taʼlim tashkilotlariga oʻqishga kirish imkoniyatini beruvchi xalqaro taʼlim dasturi diplomi (International Baccalaureate) beriladi;

(ii) oʻquvchilar bilan individual ishlash tizimi joriy etilib, bir nafar maslahatchi va pedagogga toʻgʻri keladigan oʻquvchilar soni nisbatining cheklangan normativiga mutanosib ravishda 1:15 va 1:8 nisbatlar qoʻllanadi;

(iii) Maktabda taʼlim jarayoni variativ oʻquv rejalar asosida amalga oshiriladi hamda oʻquvchilar ingliz tilidan tashqari kamida yana bitta qoʻshimcha xorijiy tilga oʻqitiladi;

(iv) oʻquvchilarga ilmiy-tadqiqot va innovatsion startap loyihalar hamda boshqa ijtimoiy loyihalar boʻyicha oʻzining portfoliosini shakllantirishga koʻmak beriladi;

(d) Maktabda Davlat budjeti mablagʻlari hisobidan oʻqitiladigan oʻquvchilarning umumiy cheklangan soni 180 nafarni tashkil etadi;

(e) Maktab binosini qurish, jihozlash va obodonlashtirish ishlari 2026-yilgi Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida moliyalashtiriladi.

IV. “Prezident iqtidorli farzandlari” tashabbusini qoʻllab-quvvatlash boʻyicha milliy dasturni amalga oshirish

6. Milliy dastur Oʻzbekiston Respublikasi Prezidentining 2025-yil 26-martdagi PF-61-son Farmonida nazarda tutilgan “Yorqin isteʼdod” loyihasini qamrab oladi va quyidagi bosqichlarda amalga oshiriladi:

(a) har yili respublika boʻylab 1 500 nafargacha xorijiy oliy taʼlim tashkilotlarida oʻqishga salohiyati mavjud umumiy oʻrta taʼlim tashkilotlarining joriy 9-sinf bitiruvchilari imtihon asosida saralab olinadi;

(b) Milliy dastur doirasida saralab olingan oʻquvchilar Agentlik tizimidagi maktablarning maktab maslahatchilariga biriktiriladi va maxsus platforma orqali 10-11-sinfda taʼlim olish davrida ular uchun qoʻshimcha oʻqish tashkil etiladi. Bunda bir nafar maktab maslahatchisiga toʻgʻri keladigan oʻquvchilar soni nisbatining cheklangan normativi 1:15 nisbatgacha belgilanadi;

(v) Milliy dastur ishtirokchisi boʻlgan oʻquvchilar uchun dunyoning ilgʻor oliy taʼlim tashkilotlari qabul talablaridan kelib chiqib, Agentlikning “Renessans” bolalar sogʻlomlashtirish oromgohida qisqa muddatli oʻquvlar tashkil etiladi.

7. Shunday tartib oʻrnatilsinki, unga muvofiq Milliy dasturni amalga oshirish doirasida quyidagi ragʻbatlantirish mexanizmlari qoʻllanadi:

(a) Maktabning 10-sinf oʻquvchilari va Milliy dastur ishtirokchisi boʻlgan va eng yaxshi koʻrsatkichga ega 40 nafar oʻquvchiga dunyoning nufuzli oliy taʼlim tashkilotlari tomonidan tashkil etiladigan qisqa muddatli oʻquv dasturlarida har yili bir marotaba qatnashish;

(b) Maktab bitiruvchilari va Milliy dastur ishtirokchisi boʻlgan oʻquvchilarning xalqaro miqyosda eʼtirof etilgan akademik reytingning eng ilgʻor 100 ta oliy taʼlim tashkilotlari roʻyxatidan joy olgan xorijiy oliy taʼlim tashkilotlarida taʼlim olish xarajatlarini ushbu Farmonda belgilangan tartibda qoplash;

(v) maktab maslahatchilarini ularga biriktirilgan oʻquvchilarning oliy taʼlim tashkilotlariga oʻqishga qabul qilinishiga qarab, 7-ilovaga muvofiq bir martalik pul mukofoti bilan taqdirlash.

8. Iqtisodiyot va moliya vazirligi hamda “El-yurt umidi” jamgʻarmasi 2027-yildan boshlab har yili “Yorqin isteʼdod” loyihasini amalga oshirish uchun nazarda tutilgan mablagʻlar hisobidan Maktab bitiruvchilari va Milliy dastur ishtirokchisi boʻlgan oʻquvchilarning xorijiy taʼlim tashkilotlarida taʼlim olishi uchun 200 tadan kvota ajratsin. Bunda:

(a) kvota xalqaro miqyosda eʼtirof etilgan akademik reytingning eng ilgʻor 100 ta oliy taʼlim tashkilotlari roʻyxatidan joy olgan xorijiy oliy taʼlim tashkilotlariga kamida 50 foizlik grant asosida oʻqishga qabul qilingan Maktab bitiruvchilari va Milliy dastur ishtirokchisi boʻlgan oʻquvchilarga ajratiladi;

(b) kvota talablariga javob beradigan Maktab bitiruvchilari va Milliy dastur ishtirokchisi boʻlgan oʻquvchilar soni 200 nafardan kam boʻlgan taqdirda, oʻqishga yuborish boʻyicha tanlov oʻtkazilmaydi;

(v) kvota talablariga javob beradigan Maktab bitiruvchilari va Milliy dastur ishtirokchisi boʻlgan oʻquvchilar soni 200 nafardan oshgan taqdirda, quyidagi ustuvorlik asosida tanlov amalga oshiriladi:

(i) Ijtimoiy reyestrga kiritilgan oila aʼzosi hisoblanishi;

(ii) xorijiy oliy taʼlim tashkilotining xalqaro miqyosda eʼtirof etilgan akademik reytingdagi oʻrni;

(iii) oliy taʼlim tashkilotidan taqdim etilgan grant miqdori.

9. Maktabgacha va maktab taʼlimi vazirligining Agentlik markaziy apparatida vazirlik tizimining umumiy shtat birliklari doirasida:

(a) maktab maslahatchilari faoliyatini muvofiqlashtirish uchun 14 ta shtat birligidan iborat boʻlgan Bosh maslahatchilar guruhini;

(b) 6 ta shtat birligidan iborat boʻlgan “Prezident iqtidorli farzandlari” tashabbusini amalga oshirish boʻlinmasini tashkil etish toʻgʻrisidagi takliflari maʼqullansin.

10. Belgilab qoʻyilsinki:

(a) bosh maslahatchi lavozimiga qabul qilingan xodimlar 14 ta hududga biriktiriladi;

(b) bosh maslahatchilarga Prezident maktablarining chet ellik mutaxassislari uchun belgilangan mehnatga haq toʻlash va moddiy ragʻbatlantirish shartlari tatbiq etiladi.

11. Yangi Oʻzbekistonni barpo etish yoʻlida faol fuqarolik pozitsiyasini namoyon etgan, mamlakatimiz taraqqiyotiga hissa qoʻshayotgan, islohotlar jarayonida ilgʻor tashabbuslari, fidoyiligi va namunali faoliyati bilan ajralib turgan mutaxassislarni ragʻbatlantirish maqsadida Hamjamiyat doirasida “Yangi Oʻzbekiston bunyodkorlari” koʻkrak nishoni taʼsis etilsin.

V. Farmon ijrosini tashkil etish, taʼminlash va nazorat qilish

12. “Prezident iqtidorli farzandlari” tashabbusini amalga oshirish hamda ijrosini nazorat qilish boʻyicha respublika komissiyasi tashkil qilinsin va uning tarkibi 8-ilovaga muvofiq tasdiqlansin.

13. Respublika komissiyasiga quyidagi vakolatlar berilsin:

(a) Milliy dasturni amalga oshirish jarayoni va Hamjamiyat faoliyatini muvofiqlashtirish;

(b) Milliy dastur doirasida ajratiladigan 1 500 tagacha kvotani hududlar kesimida taqsimlash.

14. Belgilansinki, ushbu Farmonda belgilangan tadbirlar xarajatlari 2025-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Maktabgacha va maktab taʼlimi vazirligiga ajratilgan mablagʻlar doirasida amalga oshiriladi, 2026-yildan boshlab esa Davlat budjeti parametrlarida nazarda tutiladi.

15. Oʻzbekiston Respublikasi Prezidentining ayrim hujjatlariga 9-ilovaga muvofiq oʻzgartirish va qoʻshimchalar kiritilsin.

16. Maktabgacha va maktab taʼlimi vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

17. Mazkur Farmonning ijrosini samarali tashkil qilishga masʼul va shaxsiy javobgar etib maktabgacha va maktab taʼlimi vaziri X.U. Umarova belgilansin.

18. Farmon ijrosini muhokama qilib borish, masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2025-yil 15-maydagi PF-86-son Farmoniga 1-ILOVA

“Prezident iqtidorli farzandlari” tashabbusini qoʻllab-quvvatlash boʻyicha milliy kengash tarkibi

1. Sh.M. Mirziyoyev — Oʻzbekiston Respublikasi Prezidenti, Milliy kengash raisi 2. J.A. Qoʻchqorov — Oʻzbekiston Respublikasi Bosh vazirining oʻrinbosari — iqtisodiyot va moliya vaziri 3. O.Q. Abduraxmanov — Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari 4. J.T. Joʻrayev — Davlat xavfsizligi xizmati raisining oʻrinbosari 5. B.I. Abdullayev — Oʻzbekiston Respublikasi Oliy Majlisi Senati Fan, taʼlim va sogʻliqni saqlash masalalari qoʻmitasi raisi 6. N.X. Jumayev — Oʻzbekiston Respublikasi Oliy Majlisi Qonunchilik palatasi Fan, taʼlim, madaniyat, sport va yoshlar masalalari qoʻmitasi raisi 7. Q.A. Sharipov — oliy taʼlim, fan va innovatsiyalar vaziri 8. B.O. Saidov — tashqi ishlar vaziri 9. Sh.X. Shermatov — raqamli texnologiyalar vaziri 10. B.E. Zaxidov — kambagʻallikni qisqartirish va bandlik vaziri 11. A.A. Xudayarov — sogʻliqni saqlash vaziri 12. O.R. Fozilkarimov — iqtisodiyot va moliya vazirining oʻrinbosari 13. Sh.A. Ayupov — Fanlar akademiyasi prezidenti 14. J.Sh. Salixov — Oʻzbekiston Respublikasi Prezidenti huzuridagi Davlat siyosati va boshqaruvi akademiyasi rektori 15. G.S. Ismailova — Oʻzbekiston Respublikasi Prezidenti huzuridagi Istiqbolli kadrlarni tayyorlash boʻyicha “El-yurt umidi” jamgʻarmasi ijrochi direktori 16. Q.R. Sariyev — Millatlararo munosabatlar va xorijdagi vatandoshlar masalalari boʻyicha qoʻmita raisi 17. V.A. Herrmann — “Yangi Oʻzbekiston” universiteti faxriy prezidenti 18. O.B. Sattarov — “Vatandoshlar” jamoat fondi boshqaruvi raisi 19. X.U. Umarova — maktabgacha va maktab taʼlimi vaziri, masʼul kotib

Oʻzbekiston Respublikasi Prezidentining 2025-yil 15-maydagi PF-86-son Farmoniga 2-ILOVA

“Prezident iqtidorli farzandlari” tashabbusini qoʻllab-quvvatlash boʻyicha milliy kengashning asosiy vazifalari

1. Umumiy rahbarlik va strategik boshqaruv:

(a) tashabbus doirasidagi barcha ishlar yuzasidan yagona strategiyani ishlab chiqish va tartibga solish;

(b) erishilishi lozim boʻlgan koʻrsatkichlar va indikatorlarni tasdiqlash, ularning samarali bajarilishi ustidan muntazam nazorat oʻrnatish.

2. Mutasaddi organlar faoliyatini muvofiqlashtirish:

(a) Maktabgacha va maktab taʼlimi vazirligi, Yoshlar ishlari agentligi, Istiqbolli kadrlarni tayyorlash boʻyicha “El-yurt umidi” jamgʻarmasi, oliy taʼlim tashkilotlari va boshqa manfaatdor idoralar oʻrtasida doimiy hamkorlikni yoʻlga qoʻyish.

3. Moliyaviy va tashkiliy resurslarni jalb qilish:

(a) Davlat budjeti, xususiy sektor, xalqaro tashkilotlar va donorlardan mablagʻlarni jalb qilish, ulardan maqsadli hamda samarali foydalanilishini taʼminlash;

(b) “Prezident iqtidorli farzandlari” tashabbusini qoʻllab-quvvatlash boʻyicha milliy dasturni amalga oshirish uchun zarur infratuzilma va moddiy-texnik bazaga boʻlgan ehtiyojni taʼminlash boʻyicha zarur choralar koʻrish.

4. Monitoring, tahlil va baholash:

(a) tashabbus maqsadlariga erishish samaradorligi hamda taʼsirini baholash, aniqlangan muammo va kamchiliklarni bartaraf etish choralarini koʻrish.

5. Qonunchilik bazasini takomillashtirish:

(a) “Prezident iqtidorli farzandlari” tashabbusini amalga oshirish jarayonida zarur boʻladigan normativ-huquqiy hujjatlar loyihalarini tegishli tartibda ishlab chiqilishini taʼminlash.

6. Uzluksiz samaradorlikni taʼminlash:

(a) “Prezident iqtidorli farzandlari” tashabbusini amalga oshirish sifatini doimiy ravishda yaxshilash, oʻsib boruvchi talablardan kelib chiqib yangi takliflar ishlab chiqish.

Oʻzbekiston Respublikasi Prezidentining 2025-yil 15-maydagi PF-86-son Farmoniga 3-ILOVA

“Prezident iqtidorli farzandlari” tashabbusini amalga oshirishning asosiy yoʻnalishlari

1. Al-Beruniy nomidagi xalqaro maktab-internat faoliyatini tashkil etish:

(a) oʻquvchilarning qobiliyati va isteʼdodini baholash orqali iqtidorlilarini tanlab olish;

(b) zamonaviy oʻquv dasturlari va innovatsion pedagogik metodlardan foydalanib, chuqurlashtirilgan taʼlim berishni taʼminlash;

(v) har bir oʻquvchining taʼlim olishi uchun zaruriy ehtiyojlari va uning qiziqishlariga mos ravishda taʼlim jarayonini tashkil etish;

(g) oʻquvchilarni ilmiy izlanishlarga yoʻnaltirish va ularning tadqiqot koʻnikmalarini rivojlantirish;

(d) oʻquvchilarning ijodiy qobiliyatlari va mustaqil fikrlash salohiyatini oshirishga qaratilgan mashgʻulotlar oʻtkazish;

(e) oʻquvchilarga kelajakdagi kasb tanlovida yoʻl-yoʻriq koʻrsatish va ularni professional rivojlanishga tayyorlash;

(j) xorijiy taʼlim tashkilotlari bilan hamkorlik qilib, oʻquvchilarning xalqaro tajribaga ega boʻlishini taʼminlash;

(z) oʻquvchilarda yuksak maʼnaviyat, vatanparvarlik ruhini uygʻotish hamda ularda Vatanga, jamiyatga xizmat qilish hissini shakllantirish;

(i) oʻquvchilarni sportga jalb etish va sogʻlom turmush tarzini shakllantirishga qaratilgan tadbirlar oʻtkazish.

2. “Prezident iqtidorli farzandlari” tashabbusini qoʻllab-quvvatlash boʻyicha milliy dasturni amalga oshirish:

(a) respublika boʻylab iqtidorli oʻquvchilarni aniqlash va ular bilan manzilli ishlash;

(b) dunyoning ilgʻor oliy taʼlim tashkilotlari qabul talablaridan kelib chiqib, qisqa intensiv kurslarni ishlab chiqish va oʻquvchilarni oʻqitish;

(v) iqtidorli oʻquvchilar, shu jumladan, Ijtimoiy reyestrga kiritilgan oilalar farzandlarining taʼlim olishi, ilmiy izlanishlari va ijodiy loyihalarini amalga oshirish uchun shart-sharoitlarni yaratish;

(g) oʻquvchilarni nufuzli xorijiy taʼlim tashkilotlarida qisqa muddatli intensiv dasturlarda oʻqishga yuborish, ularning xalqaro konferensiyalar va seminarlarda ishtirokini tashkil etish;

(d) oʻquvchilarning liderlik qobiliyatlarini oshirish, ularni kelajakdagi professional faoliyatga tayyorlash;

(e) oʻquvchilarni zarur axborot, adabiyot va resurslar bilan taʼminlash, ularning bilim va koʻnikmalarini oshirishga koʻmaklashish.

3. Iqtidorli yoshlarni qoʻllab-quvvatlash hamjamiyatining samarali faoliyat yuritishini taʼminlash:

(a) dunyoning nufuzli taʼlim tashkilotlarida taʼlim olgan oʻzbekistonlik yoshlar va malakali mutaxassislarni yagona platformada birlashtirish;

(b) “Prezident iqtidorli farzandlari” tashabbusi ishtirokchilari oʻrtasida doimiy aloqa oʻrnatish, ularning fikrlari va tashabbuslarini davlat va jamiyatga yetkazishga koʻmaklashish;

(v) mamlakatga xorijiy davlatlardan qaytgan va qaytishga tayyorlanayotgan yoshlarni oʻz sohasi boʻyicha munosib ish bilan taʼminlash hamda ularga professional rivojlanish yoʻllari boʻyicha maslahat va koʻmak berish;

(g) mamlakatga qaytgan yosh mutaxassislar uchun imtiyozlar berish, grantlar ajratish, ularning startap loyihalarini qoʻllab-quvvatlash va boshqa imkoniyatlar yaratish;

(d) “Prezident iqtidorli farzandlari” tashabbusi ishtirokchilarini strategik loyihalarga jalb qilish;

(e) qurultoylar, forumlar, podkastlar, mahorat darslari va doimiy muloqot maydonlarini tashkil etish;

(j) chet elda tahsil olayotgan va istiqomat qilayotgan yurtdoshlarimizda Vatanga daxldorlik hissini oshirishga qaratilgan “Qayerga qaytamiz?” nomli turkum filmlar yaratish.

Oʻzbekiston Respublikasi Prezidentining 2025-yil 15-maydagi PF-86-son Farmoniga 4-ILOVA

“Prezident iqtidorli farzandlari” tashabbusini amalga oshirish boʻyicha “yoʻl xaritasi”

T/r Chora-tadbirlar nomi Amalga oshirish va natijalarga erishish mexanizmlari Ijro muddati Moliyalashtirish manbalari Masʼul ijrochilar I. Al-Beruniy nomidagi xalqaro maktab-internat faoliyatini yoʻlga qoʻyish Al-Beruniy nomidagi xalqaro maktab-internatni (keyingi oʻrinlarda — Maktab) davlat roʻyxatidan oʻtkazish va Maktab kuzatuv kengashi faoliyatini tashkil etish. 1. Maktab ustavini ishlab chiqish va tasdiqlash. 2. Maktabni belgilangan tartibda davlat roʻyxatidan oʻtkazish. 3. Maktab kuzatuv kengashi toʻgʻrisidagi nizomni va uning tarkibini tasdiqlash. 2025 yil iyul – Maktabgacha va maktab taʼlimi vazirligi (X. Umarova) Maktabning pedagog xodimlari hamda maslahatchilariga qoʻyiladigan malaka talablarini belgilash. 1. Maktabning pedagog xodimlari hamda maslahatchilariga qoʻyiladigan malaka talablarini ishlab chiqish va tasdiqlash. Bunda: (a) fan oʻqituvchilarida oʻquvchilarni xalqaro imtihonlarga (SAT, A-Level, IELTS/TOEFL) va fan olimpiadalariga tayyorlash tajribasi hamda ingliz tilidan kamida B2 (ingliz tili fani boʻyicha dars oʻtish uchun kamida C1) darajadagi milliy yoki xalqaro sertifikatga ega boʻlishi, shuningdek, “CLIL” (“Content and Language Integrated Learning”) metodikasini bilishi; (b) maslahatchilar pedagogika, psixologiya, taʼlim va kouching yoʻnalishlari boʻyicha oliy maʼlumotga, mentorlik va yoshlar bilan ishlash boʻyicha zarur koʻnikmalarga, xorijiy oliy taʼlim tashkilotlariga kirish jarayonida hamrohlik qilish tajribasiga ega boʻlishi hamda ingliz tilini kamida B2 darajada bilishi lozimligi va boshqa talablar nazarda tutiladi. 2025 yil iyu l – Maktabgacha va maktab taʼlimi vazirligi (X. Umarova), Kambagʻallikni qisqartirish va bandlik vazirligi (B. Zaxidov) Maktabning tashkiliy-boshqaruv faoliyatini yoʻlga qoʻyish. 1. Maktab tuzilmasi va shtat birliklarini tasdiqlash. 2025 yil avgust Maktabga ajratiladigan mablagʻlar Maktabgacha va maktab taʼlimi vazirligi (X. Umarova) 2. Maktabga pedagog va boshqa xodimlarni ishga qabul qilish tartibini tasdiqlash. 2025 yil iyul 3. Maktabdagi boʻsh ish oʻrinlari toʻgʻrisidagi maʼlumotlarni global rekruting platformalariga joylashtirish. 2025 yil iyuldan boshlab 4. Rekruting tashkilotlari bilan shartnoma imzolab, pedagog xodimlarni Maktabga jalb qilish. Zarur hollarda 5. Maktabning boʻsh ish oʻrinlariga xorijiy va mahalliy malakali mutaxassislarni ishga olish. 2025 yil avgust Maktabga oʻquvchilarni qabul qilish boʻyicha vaqtincha tartibini tasdiqlash. 1. Maktabga oʻquvchilarni qabul qilish boʻyicha vaqtincha tartibni Maktab kuzatuv kengashi qarori bilan tasdiqlash. Bunda Maktabga umumiy oʻrta taʼlim tashkilotlarining 8-sinf bitiruvchilari qabul qilinishini nazarda tutish. 2025-yil iyul – Maktabgacha va maktab taʼlimi vazirligi (X. Umarova), Axborot va ommaviy kommunikatsiyalar agentligi (A. Xodjayev), Oʻzbekiston milliy teleradiokompaniyasi (A. Djurabayev) 2. Maktabga oʻquvchilarni qabul qilish boʻyicha vaqtincha tartibni ommaviy axborot vositalari va internet tarmoqlarida eʼlon qilish. 2025-yil iyul Maktabda oʻquv jarayonini tashkil etish bilan bogʻliq hujjatlarni ishlab chiqish va tasdiqlash. 1. Maktabning oʻquv reja va fan dasturlarini ishlab chiqish uchun taʼlim sohasidagi xorijiy tashkilotlar va ekspertlarni hamda mahalliy mutaxassislarni shartnoma asosida jalb qilish. 2025 yil iyul Maktabga ajratiladigan mablagʻlar Maktabgacha va maktab taʼlimi vazirligi (X. Umarova) 2. Maktabning oʻquv reja va fan dasturlarini ishlab chiqish va tasdiqlash. Har yili iyun oyida 3. Oʻquv reja va fan dasturlarini tahlil qilish va zamon talablari asosida yangilab borish. Doimiy Maktab oʻqituvchilari va maslahatchilarini malaka oshirish uchun xorijga yuborish. 1. Maktab oʻqituvchilari va maslahatchilari malakasini oshirish tartibini tasdiqlash. 2025 yil oktabr Maktabgacha va maktab taʼlimi vazirligining budjetdan tashqari mablagʻlari Maktabgacha va maktab taʼlimi vazirligi (X. Umarova) 2. Malaka oshirish dasturlari boʻyicha xorijiy tashkilotlar bilan muzokaralar oʻtkazish va ular bilan shartnoma imzolash. 2026 yil avgust 3. Maktab oʻqituvchilari va maslahatchilarini malaka oshirish dasturlarida oʻqish uchun xorijga yuborish. 2026/2027 oʻquv yilidan boshlab doimiy Maktabni zamonaviy darslik va oʻquv-metodik qoʻllanmalar bilan taʼminlash hamda oʻquvchilarga ilgʻor elektron maʼlumotlar bazalaridan foydalanish imkoniyatini yaratish. 1. Oʻquv jarayoni uchun zarur hisoblangan zamonaviy darslik, oʻquv qoʻllanma va adabiyotlar, shuningdek, ilmiy nashrlar, oʻquv-uslubiy, ilmiy-uslubiy qoʻllanmalar roʻyxatini shakllantirish va ularni xarid qilish. Doimiy Maktabga ajratiladigan mablagʻlar Maktabgacha va maktab taʼlimi vazirligi (X. Umarova) 2. Oʻquvchilar taʼlim jarayonida foydalanishi uchun ilgʻor elektron maʼlumotlar bazalariga ulanish. Maktab oʻquvchilarining ijtimoiy faolligini oshirish. 1. Maktab oʻquvchilarining boʻsh vaqtini mazmunli tashkil qilish uchun sport toʻgaraklari va sanʼat studiyalarini tashkil qilish. Bunda: 2025-yil oktabr Maktabga ajratiladigan mablagʻlar Maktabgacha va maktab taʼlimi vazirligi (X. Umarova) (a) oʻquvchilar uchun ekskursiyalar, treninglar va madaniy uchrashuvlar tashkil etish reja-jadvalini tasdiqlash; Har yili sentabr oyida (b) reja-jadval asosida tadbirlarni yuqori saviyada oʻtkazish. Reja-jadval asosida 2. Maktab oʻquvchilarining dunyoning nufuzli taʼlim tashkilotlari tomonidan tashkil etiladigan qisqa muddatli dasturlarda ishtirok etishi tartibini ishlab chiqish va tasdiqlash. 2026 yil sentabr 3. Nufuzli xorijiy taʼlim tashkilotlari bilan muzokaralar oʻtkazish va natijasi boʻyicha kelishuv bitimini tuzish. 2027 yil iyul oyidan boshlab 4. Maktab oʻquvchilarini qisqa muddatli dasturlarda ishtirok etish uchun xorijga yuborish. Doimiy Maktabning yangi binosi qurilguniga qadar uni Muhammad al-Xorazmiy nomidagi ixtisoslashtirilgan maktabning boʻsh binolarida vaqtinchalik joylashtirish. 1. Muhammad al-Xorazmiy nomidagi ixtisoslashtirilgan maktabning 2025/2026 oʻquv yili uchun oʻquvchilarni qabul qilish parametrlarini shakllantirishda ushbu maktabning boʻsh binolariga Maktabni joylashtirishni inobatga olish. 2025 yil avgust Maktabga ajratiladigan mablagʻlar Maktabgacha va maktab taʼlimi vazirligi (X. Umarova) 2. Maktabni joylashtirish uchun zarur tovar va xizmatlar xaridini amalga oshirish. 3. Maktabni joylashtirish ishlarini tashkil etish. Maktab kampusini barpo etish. 1. Maktab kampusini qurish uchun zarur yer maydonini doimiy foydalanish huquqi asosida ajratish. 2025 yil iyul 2026-yilgi Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi mablagʻlari Toshkent shahri hokimligi (Sh. Umurzakov) Qurilish va uy-joy kommunal xoʻjaligi vazirligi (Sh. Xidoyatov), Maktabgacha va maktab taʼlimi vazirligi (X. Umarova) 2. Maktab kampusining asosiy oʻquv, maʼmuriy va oʻquvchilar yotoqxonasi binolarini foydalanishga tayyor holda topshirish va jihozlash. 2026-yil avgust II. “Prezident iqtidorli farzandlari” tashabbusini qoʻllab-quvvatlash boʻyicha milliy dasturni amalga oshirish “Prezident iqtidorli farzandlari” tashabbusini qoʻllab-quvvatlash boʻyicha milliy dastur (keyingi oʻrinlarda — Milliy dastur)ni amalga oshirish. 1. Xorijiy tashkilotlar va ekspertlarni hamda mahalliy mutaxassislarni shartnoma asosida jalb qilgan holda Milliy dasturni amalga oshirish tartibini ishlab chiqish va tasdiqlash. 2025 yil avgust Maktabgacha va maktab vazirligiga Davlat budjetidan ajratilgan mablagʻlar Maktabgacha va maktab taʼlimi vazirligi (X. Umarova) 2. Milliy dastur ishtirokchilarini saralash shartlari va muddatlarini tasdiqlash hamda ommaviy axborot vositalarida eʼlon qilish. Har yili may — avgust oylari 3. Milliy dastur ishtirokchilari uchun saralash imtihonlarini oʻtkazish. Belgilangan muddatlarda Milliy dastur doirasida “Renessans” bolalar sogʻlomlashtirish oromgohida (keyingi oʻrinlarda — Oromgoh) oʻquvchilar uchun qisqa muddatli oʻquv kurslarini tashkil etish. 1. Oromgohda tashkil etiladigan qisqa muddatli oʻquv kurslar rejasini ishlab chiqish va tasdiqlash. 2025 yil sentabr oyidan boshlab doimiy Maktabgacha va maktab vazirligiga Davlat budjetidan ajratilgan mablagʻlar va budjetdan tashqari mablagʻlar Maktabgacha va maktab taʼlimi vazirligi (E. Karimova) 2. Oʻquv kurslarini oʻtkazish va tashkil etish uchun yu qori malakali mutaxassislarni mehnat bozorining amaldagi konyunkturasini hisobga olgan holda shartnoma asosida jalb etish. 3. Qisqa muddatli oʻquv kurslarga jalb etiladigan xodimlar va oʻquvchilarni kelib-ketishlari uchun transport, turar-joy, issiq ovqat, qoʻriqlash xizmati, ofis jihozlari hamda boshqa vositalar bilan taʼminlash. Milliy dastur ishtirokchilarining tayyorgarlik darajasini kuzatib borish va muvofiqlashtirish boʻyicha maxsus platforma ishlab chiqish. 1. “Yangi Oʻzbekiston” universitetining Ilgʻor bilim va tajribalar transferi markazini shartnoma asosida jalb qilgan holda Milliy dastur ishtirokchilarining tayyorgarlik darajasini kuzatib borish va muvofiqlashtirish boʻyicha maxsus platforma ishlab chiqish va ishga tushirish . 2025 yil oktabr Maktabgacha va maktab vazirligiga Davlat budjetidan ajratilgan mablagʻlar Maktabgacha va maktab taʼlimi vazirligi (X. Umarova) 2. Maxsus platformaning uzluksiz ishlashini tashkil etish. Doimiy Milliy dasturda ishtirok etuvchi maktab maslahatchilarining malakasini oshirish. 1. Malaka oshirishga yuboriladigan maktab maslahatchilarini saralab olish tartibini tasdiqlash. 2025 yil dekabr Maktabgacha va maktab vazirligiga Davlat budjetidan ajratilgan mablagʻlar va budjetdan tashqari mablagʻlar Maktabgacha va maktab taʼlimi vazirligi (X. Umarova) 2. Malaka oshirish dasturlari boʻyicha xorijiy tashkilotlar bilan muzokaralar oʻtkazish va ular bilan shartnoma tuzish. 2026 yil avgust oyidan boshlab 3. Maktab maslahatchilarini saralab olish va malaka oshirish dasturlarida oʻqish uchun xorijga yuborish. Doimiy Milliy dasturning eng yaxshi koʻrsatkichga ega boʻlgan ishtirokchilarini dunyoning nufuzli oliy taʼlim tashkilotlari tomonidan tashkil etiladigan qisqa muddatli dasturlarga yuborish. 1. Milliy dastur doirasida eng yaxshi koʻrsatkichga ega boʻlgan ishtirokchilarni saralab olish hamda ularni dunyoning nufuzli oliy taʼlim tashkilotlari tomonidan tashkil etiladigan qisqa muddatli dasturlarda ishtirok etish uchun yuborish tartibini tasdiqlash. 2025 yil dekabr Maktabgacha va maktab vazirligiga Davlat budjetidan ajratilgan mablagʻlar Maktabgacha va maktab taʼlimi vazirligi (X. Umarova) 2. Nufuzli oliy taʼlim tashkilotlari bilan muzokaralar oʻtkazish va shartnoma tuzish. 2026 yil sentabr oyidan boshlab 3. Ishtirokchilarning qisqa muddatli dasturlarda ishtirokini taʼminlash. Doimiy Milliy dastur doirasida maktab maslahatchilarini ragʻbatlantirib borish. 1. Milliy dastur ishtirokchilari oʻqishga kirgan oliy taʼlim tashkilotlarini tahlil qilish. 2026-yildan boshlab har yili dekabr oyida Maktabgacha va maktab vazirligiga Davlat budjetidan ajratilgan mablagʻlar Maktabgacha va maktab taʼlimi vazirligi (X. Umarova) 2. Nufuzli oliy taʼlim tashkilotlarida oʻqishni boshlagan Milliy dastur ishtirokchilari roʻyxatini shakllantirish. 3. Roʻyxat asosida m aktab maslahatchilarini belgilangan talablar asosida bir martalik pul mukofoti bilan taqdirlash. Oʻquvchilarni xorijiy oliy taʼlim tashkilotlarining imtihon tizimlariga tayyorlash boʻyicha elektron platformani ishga tushirish. 1. Yoshlarni dunyoning nufuzli oliy taʼlim tashkilotlarining imtihon tizimlariga tayyorlash boʻyicha maxsus platformani ishlab chiqish va ishga tushirish. Bunda: 2025 yil noyabr Maktabgacha va maktab vazirligiga Davlat budjetidan ajratilgan mablagʻlar Maktabgacha va maktab taʼlimi vazirligi (X. Umarova) (a) elektron platforma Massachusets texnologiya institutining (AQSH) taʼlim texnologiyalari borasidagi tajribasi asosida ishlab chiqiladi; (b) elektron platformada salohiyatli oʻqituvchilar ishtirokida muntazam ravishda jonli sessiyalar oʻtkazishga imkoniyat yaratiladi; (v) platformani ishlab chiqish hamda uzluksiz ishlashini qoʻllab-quvvatlash shartnoma asosida jalb qilinadigan “Yangi Oʻzbekiston” universitetining Ilgʻor bilim va tajribalar transferi markazi tomonidan amalga oshiriladi 2. Elektron platformaning uzluksiz ishlashini taʼminlash. Doimiy III. Iqtidorli yoshlarni qoʻllab-quvvatlash hamjamiyatining samarali faoliyat yuritishini taʼminlash Iqtidorli yoshlarni qoʻllab-quvvatlash hamjamiyatining (keyingi oʻrinlarda — Hamjamiyat) samarali faoliyat yuritishini taʼminlash. 1. Hamjamiyat faoliyatini tashkil etish boʻyicha maxsus platforma ishlab chiqish hamda uning uzluksiz ishlashini taʼminlash yuzasidan “Yangi Oʻzbekiston” universitetining Ilgʻor bilim va tajribalar transferi markazi bilan toʻgʻridan-toʻgʻri shartnoma tuzish. 2026 yil yanvar oyidan boshlab Davlat budjeti mablagʻlari Maktabgacha va maktab taʼlimi vazirligi (X. Umarova), Tashqi ishlar vazirligi (B. Saidov), Oʻzbekiston Respublikasining xorijdagi diplomatik muassasalari 2. Hamjamiyat faoliyatini tashkil etish uchun maxsus platformani ishga tushirish hamda uning uzluksiz ishlashini taʼminlash. Doimiy 3. Maxsus platformada dunyoning nufuzli oliy taʼlim tashkilotlarida taʼlim olgan oʻzbekistonlik yoshlar va malakali mutaxassislar toʻgʻrisidagi maʼlumotlarni belgilangan tartibda shakllantirish. Doimiy 4. Maxsus platformada podkastlar, mahorat darslari va doimiy muloqot maydonlarini tashkil etish. Doimiy “Yangi Oʻzbekiston bunyodkorlari” koʻkrak nishoni toʻgʻrisidagi nizomni tasdiqlash. “Yangi Oʻzbekiston bunyodkorlari” koʻkrak nishoni toʻgʻrisidagi nizomni ishlab chiqish va tasdiqlash uchun Vazirlar Mahkamasiga kiritish. 2025 yil avgust – Maktabgacha va maktab taʼlimi vazirligi (X. Umarova) Chet elda tahsil olayotgan hamda istiqomat qilayotgan yurtdoshlarimiz toʻgʻrisida turkum filmlar yaratish. 1. Xorijiy kinokompaniyalarni jalb qilgan holda chet elda tahsil olayotgan hamda istiqomat qilayotgan yurtdoshlarimizda Vatanga daxldorlik hissini oshirishga qaratilgan “Qayerga qaytamiz?” nomli filmlar turkumi ssenariysini ishlab chiqish va tasdiqlash. Har yili aprel va oktabr oylarida Davlat buyurtmasiga asosan milliy kino mahsulotlarini yaratish xarajatlari uchun ajratilgan mablagʻlar va Yoshlarga oid davlat siyosatini qoʻllab-quvvatlash jamgʻarmasi mablagʻlari hisobidan teng ulushlarda Maktabgacha va maktab taʼlimi vazirligi (X. Umarova), Madaniyat vazirligi (O. Nazarbekov), Tashqi ishlar vazirligi (B. Saidov), Oʻzbekiston milliy teleradiokompaniyasi (A. Djurabayev) 2. Filmni yaratish va namoyish qilish. Har yili sentabr va fevral oylarida Maktab bitiruvchilari va Milliy dastur ishtirokchilarining xorijiy oliy taʼlim tashkilotlarida tahsil olishini tashkil etish. 1. Xorijiy oliy taʼlim tashkilotlarining kontrakt-toʻlovi miqdorlari yuzasidan tahlil oʻtkazish va hisob-kitob qilish. 2026 yildan boshlab har yili may oyida “El-yurt umidi” jamgʻarmasiga ushbu maqsadlar uchun ajratilgan mablagʻlar “El-yurt umidi” jamgʻarmasi (G. Ismailova), Iqtisodiyot va moliya vazirligi (I. Norqulov) 2. Asoslangan hisob-kitoblar asosida Maktab bitiruvchilari va Milliy dastur ishtirokchilarining xorijiy oliy taʼlim tashkilotlarida tahsil olishi uchun zarur mablagʻlarni Davlat budjeti parametrlarida nazarda tutish. Har yili dekabr oyida 3. Xorijiy oliy taʼlim tashkilotlariga oʻqishga kirgan Maktab bitiruvchilari va Milliy dastur ishtirokchilari, shu jumladan, ularni oʻqishga qabul qilish shartlari toʻgʻrisidagi maʼlumotlarni shakllantirish. Har yili oktabr oyida 4. Xorijiy oliy taʼlim tashkilotlarida taʼlim olish xarajatlari qoplab beriladigan Maktab bitiruvchilari va Milliy dastur ishtirokchilarini belgilangan tartibda tanlab olish. Har yili noyabr oyida

Oʻzbekiston Respublikasi Prezidentining 2025-yil 15-maydagi PF-86-son Farmoniga 5-ILOVA

Al-Beruniy nomidagi xalqaro maktab-internatning akademik, tashkiliy-boshqaruv va moliyaviy mustaqilligi doirasida unga beriladigan huquqlar roʻyxati

I. Akademik mustaqillik doirasida:

(a) oʻquv yili davomiyligini belgilash;

(b) fanlar tarkibini tasdiqlash;

(v) pulli taʼlim xizmatlari koʻrsatiladigan oʻquvchilarning yoshiga qoʻyiladigan talablarni belgilash;

(g) oʻquvchilarni oʻqishga qabul qilish boʻyicha vaqtincha tartibni belgilash.

II. Tashkiliy-boshqaruv jihatdan mustaqillik doirasida:

(a) tuzilma va shtat birliklari sonini tasdiqlash, ularga oʻzgartirish va qoʻshimchalar kiritish;

(b) pedagog va boshqa xodimlarni ishga qabul qilish tartibini belgilash;

(v) oliy taʼlim tashkilotlarining professor-oʻqituvchilari va olimlarini fuqarolik-huquqiy shartnomalar asosida dars jarayoniga jalb qilish;

(g) xorijiy mutaxassislarni tanlash (yollash) boʻyicha xalqaro rekruting kompaniyalar va taʼlim sohasida xizmatlar koʻrsatuvchi xorijiy tashkilotlar bilan belgilangan tartibda shartnoma tuzish.

III. Moliyaviy mustaqillik doirasida:

(a) mablagʻlar, shu jumladan, Davlat budjetidan ajratiladigan mablagʻlarni Al-Beruniy nomidagi xalqaro maktab-internatning kuzatuv kengashi qaroriga muvofiq tasarruf etish;

(b) daromad va xarajatlar smetasini tasdiqlash, oʻzgartirish va qoʻshimchalar kiritish;

(v) mehnat bozorining amaldagi konyunkturasini hisobga olgan holda maʼmuriy-boshqaruv, pedagog, oʻquv-yordamchi, xizmat koʻrsatuvchi va texnik xodimlariga ularning mehnati uchun ish haqi va boshqa toʻlovlar miqdorlarini belgilash;

(g) Al-Beruniy nomidagi xalqaro maktab-internat quvvatidan kelib chiqqan holda pulli taʼlim xizmatlarini koʻrsatish, shu jumladan, qoʻshimcha sinflar ochish va toʻlov miqdorini belgilash. Bunda ushbu pulli taʼlim xizmatlaridan foydalangan oʻquvchilarga “Prezident iqtidorli farzandlari” tashabbusi va uni qoʻllab-quvvatlash boʻyicha milliy dasturda belgilangan ragʻbatlantirish mexanizmlari tatbiq etilmaydi.

Oʻzbekiston Respublikasi Prezidentining 2025-yil 15-maydagi PF-86-son Farmoniga 7-ILOVA

Maktab maslahatchilariga toʻlanadigan bir martalik pul mukofoti miqdori

T/r Oliy taʼlim tashkiloti reytingi * Oʻqishga qabul qilingan oʻquvchilar soni (kamida) Mukofot puli miqdori (bazaviy hisoblash miqdorining baravari) 1. “Pechak ligasi” (The Ivy League) oliygohlar uyushmasi tarkibiga kiruvchi oliy taʼlim tashkiloti 1 nafar 500 2. Times Higher Education reytingining TOP-50 talik roʻyxatiga kirgan oliy taʼlim tashkiloti 3 nafar 300 3. Times Higher Education reytingining TOP-100 talik roʻyxatiga kirgan oliy taʼlim tashkiloti 4 nafar 200

Oʻzbekiston Respublikasi Prezidentining 2025-yil 15-maydagi PF-86-son Farmoniga 8-ILOVA

“Prezident iqtidorli farzandlari” tashabbusini amalga oshirish hamda ijrosini nazorat qilish boʻyicha respublika komissiyasining tarkibi

1. A.N. Aripov — Oʻzbekiston Respublikasining Bosh vaziri, Respublika komissiyasi raisi 2. X.U. Umarova — maktabgacha va maktab taʼlimi vaziri, Respublika komissiyasi raisi oʻrinbosari 3. Q.A. Sharipov — oliy taʼlim, fan va innovatsiyalar vaziri 4. Sh.A. Karimov — maktabgacha va maktab taʼlimi vazirining birinchi oʻrinbosari 5. G.S. Ismailova — Istiqbolli kadrlarni tayyorlash boʻyicha “El-yurt umidi” jamgʻarmasi ijrochi direktori 6. V.A. Herrmann — “Yangi Oʻzbekiston” universiteti faxriy prezidenti 7. B.G. Yuldashev — “Yangi Oʻzbekiston” universiteti innovatsiya va tadqiqot ishlari boʻyicha prorektori 8. B.B. Axmedov — “Yangi Oʻzbekiston” universiteti oʻquv ishlari boʻyicha birinchi prorektori v.b. 9. A.T. Ubbiyev — Ixtisoslashtirilgan taʼlim muassasalari agentligi direktori, Respublika komissiyasi kotibi

Oʻzbekiston Respublikasi Prezidentining 2025-yil 15-maydagi PF-86-son Farmoniga 9-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar

1. Oʻzbekiston Respublikasi Prezidentining 2022-yil 8-apreldagi “Tadbirkorlik muhitini yaxshilash va xususiy sektorni rivojlantirish orqali barqaror iqtisodiy oʻsish uchun shart-sharoitlar yaratish borasidagi navbatdagi islohotlar toʻgʻrisida”gi PF-101-son Farmoniga 7-ilovaning “VI. Taʼlim sohasi” boʻlimining 1 — 5-pozitsiyalari chiqarib tashlansin.

2. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmoniga 1-ilovaning “13. Maktabgacha va maktab taʼlimi vazirligi” boʻlimida:

(a) “Maktabgacha va maktab taʼlimi vazirligi” pozitsiyasining “Jami boshqaruv shtat birliklari soni” va “Davlat budjeti hisobidan” ustunlaridagi “4 929” raqami “4 909” raqami bilan almashtirilsin;

(b) “Ixtisoslashtirilgan taʼlim muassasalari agentligi” pozitsiyasining “Jami boshqaruv shtat birliklari soni” va “Davlat budjeti hisobidan” ustunlaridagi “73” raqami “93” raqami bilan almashtirilsin.

3. Oʻzbekiston Respublikasi Prezidentining 2025-yil 26-martdagi “Oʻzbekiston Respublikasi Prezidentining yoshlar bilan ochiq muloqotida belgilangan vazifalarni amalga oshirishga doir chora-tadbirlar toʻgʻrisida”gi PF-61-son Farmonining 5-bandi beshinchi xatboshisi quyidagi tahrirda bayon etilsin:

“Iqtisodiyot va moliya vazirligi “El-yurt umidi” jamgʻarmasining tegishli hisob-kitoblariga asosan joriy yilda “Yorqin isteʼdod” loyihasi natijalaridan kelib chiqib 300 milliard soʻm ajratsin, kelgusi yillardan mazkur maqsadlar uchun mablagʻlarni budjet parametrlarida nazarda tutsin”.

4. Oʻzbekiston Respublikasi Prezidentining 2019-yil 3-maydagi “Iqtidorli yoshlarni aniqlash va yuqori malakali kadrlar tayyorlashning uzluksiz tizimini tashkil etish chora-tadbirlari toʻgʻrisida”gi PQ-4306-son qarorining 5-bandi “a” kichik bandi quyidagi tahrirda bayon etilsin:

“a) xalqaro olimpiadalar gʻoliblari va ularning oʻqituvchilari bazaviy hisoblash miqdorining quyidagi miqdorlarida bir martalik pul mukofotlari bilan taqdirlanadi:

1-oʻrin (oltin medal) uchun — 2500, oʻqituvchisiga — 450 baravari;

2-oʻrin (kumush medal) uchun — 1500, oʻqituvchisiga — 250 baravari;

3-oʻrin (bronza medal) uchun — 1000, oʻqituvchisiga — 150 baravari”.

5. Oʻzbekiston Respublikasi Prezidentining 2024-yil 18-iyuldagi “Termiz davlat muhandislik va agrotexnologiyalar universitetini tashkil etish chora-tadbirlari toʻgʻrisida”gi PQ-265-son qaroriga 1-ilovaning 28-pozitsiyasida:

(a) “Bajarish muddati” ustunidagi “iyul” soʻzi “oktabr” soʻzi bilan almashtirilsin;

(b) “Ijro uchun masʼullar” ustunidagi “Oliy taʼlim, fan va innovatsiyalar vazirligi (Sharipov)” soʻzlari “Maktabgacha va maktab taʼlimi vazirligi (Umarova)” soʻzlari bilan almashtirilsin.

6. Oʻzbekiston Respublikasi Prezidentining 2024-yil 30-sentabrdagi “Iqtidorli yoshlar bilan ishlash tizimini yanada takomillashtirish chora-tadbirlari toʻgʻrisida”gi PQ-346-son qaroriga 1-ilova quyidagi tahrirda bayon etilsin:

“Oʻzbekiston Respublikasi Prezidentining 2024-yil 30-sentabrdagi PQ-346-son qaroriga 1-ILOVA

Nufuzli xalqaro olimpiadalar, xalqaro olimpiadalar va mintaqaviy xalqaro olimpiadalar gʻoliblari, ularning oʻqituvchilari va terma jamoalar rahbarlariga toʻlanadigan bir martalik pul mukofoti miqdori*

T/r Oʻrin (medal) Pul mukofotini oluvchi Bir martalik pul mukofoti miqdori (bazaviy hisoblash miqdorining baravari) nufuzli xalqaro olimpiada uchun xalqaro olimpiada uchun mintaqaviy xalqaro olimpiada uchun 1. 1-oʻrin (oltin medal) Gʻolib 2 500 150 12 2. Oʻqituvchi 450 50 50 3. Terma jamoa rahbari 35 – – 4. 2-oʻrin (kumush medal) Gʻolib 1 500 100 8 5. Oʻqituvchi 250 35 35 6. Terma jamoa rahbari 25 – – 7. 3-oʻrin (bronza medali) Gʻolib 1 000 50 6 8. Oʻqituvchi 150 30 30 9. Terma jamoa rahbari 15 – –

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 15-may,

PF-86-son

(Qonunchilik maʼlumotlari milliy bazasi, 20.05.2025-y., 06/25/86/0456-son; 27.12.2025-y., 06/25/258/1223-son; 13.04.2026-y., 06/26/58/0342-son; 20.07.2026-y., 06/26/138/0762-son)

lex.uz

Президента Республики Узбекистан

Указ

РАЗМЕРЫ

О мерах по реализации инициативы «Одаренные дети Президента»

[Извлечение]

В целях развития человеческого капитала в стране, раннего выявления одаренной молодежи и подготовки высококвалифицированных специалистов, конкурентоспособных на глобальном рынке труда, постановляю:

I. Основные цели

1. Определить основными целями принятия настоящего Указа:

(а) развитие человеческого капитала в стране путем раннего выявления и всесторонней поддержки одаренной молодежи;

(б) подготовку конкурентоспособных специалистов для глобального рынка труда путем адресной работы с молодежью, а также создание новых инновационных возможностей для развития страны;

(в) создание эффективной среды для взаимодействия, обмена опытом и реализации интеллектуального потенциала путем объединения одаренной молодежи в единую платформу.

II. Основные задачи и система управления инициативой «Одаренные дети Президента»

2. Одобрить следующие предложения Министерства дошкольного и школьного образования, Министерства экономики и финансов, Фонда «Эл-юрт умиди» по подготовке перспективных кадров при Президенте Республики Узбекистан (далее — Фонд «Эл-юрт умиди»), а также Агентства по делам молодежи, предусматривающие:

(а) реализацию инициативы «Одаренные дети Президента» и национальной программы ее поддержки (далее — Национальная программа);

(б) создание в системе Агентства специализированных образовательных учреждений (далее — Агентство) Международной школы-интерната имени Аль-Беруни (далее — Школа);

(в) организацию деятельности Сообщества поддержки одаренной молодежи (далее — Сообщество).

3. Установить, что Сообщество функционирует в качестве платформы, объединяющей стипендиатов Фонда «Эл-юрт умиди», выпускников Школы, Президентских школ и Университета «Новый Узбекистан», участников Национальной программы, а также талантливых соотечественников, получивших знания и опыт в престижных зарубежных высших образовательных и иных организациях.

4. Утвердить:

(а) состав Национального совета по поддержке инициативы «Одаренные дети Президента» и его основные задачи согласно приложениям №№ 1 * и 2 * ;

(б) основные направления реализации инициативы «Одаренные дети Президента» согласно приложению № 3 * ;

(в) «Дорожную карту» по реализации инициативы «Одаренные дети Президента» согласно приложению № 4 * ;

(г) Перечень прав, предоставляемых Международной школе-интернату имени Аль-Беруни в рамках ее академической, организационно-управленческой и финансовой самостоятельности, согласно приложению № 5 * ;

(д) Порядок финансирования Международной школы-интерната имени Аль-Беруни согласно приложению № 6 * .

III. Организация деятельности Международной школы-интерната имени Аль-Беруни

5. Установить, что:

(а) Школа является государственной общей средней образовательной организацией, обладающей полной академической, организационно-управленческой и финансовой самостоятельностью, и ее общая деятельность организуется Наблюдательным советом Международной школы-интерната имени Аль-Беруни под председательством министра дошкольного и школьного образования;

(б) для организации, контроля и координации текущей деятельности Школы внедряется двухкомпонентная система управления. При этом организация и управление учебным процессом Школы осуществляется академическим директором, а координация административно-финансовой деятельности — исполнительным директором;

(в) учебный процесс в Школе начинается с 2025/2026 учебного года;

(г) учебный процесс в Школе организуется в следующем порядке:

(i) выпускникам Школы наряду с документом об образовании государственного образца (аттестатом) выдается диплом международной образовательной программы (International Baccalaureate), предоставляющий возможность поступления в ведущие зарубежные высшие образовательные организации;

(ii) внедряется система индивидуальной работы с учащимися, а также устанавливаются предельные нормативы соотношения количества учащихся к одному советнику и одному педагогу в пропорции 1:15 и 1:8 соответственно;

(iii) образовательный процесс в Школе осуществляется на основе вариативных учебных планов и учащиеся помимо английского языка изучают как минимум один дополнительный иностранный язык;

(iv) учащимся оказывается содействие в составлении собственного портфолио, включающего научно-исследовательские и инновационные стартап-проекты, а также иные социальные проекты;

(д) общее предельное количество учащихся, обучающихся в Школе за счет средств Государственного бюджета, составляет 180 человек;

(е) строительство здания Школы, его оснащение и благоустройство финансируются в рамках Программы развития социальной и производственной инфраструктуры Республики Узбекистан на 2026 год.

IV. Реализация Национальной программы по поддержке инициативы «Одаренные дети Президента»

6. Национальная программа охватывает проект «Ёркин истеъдод» («Яркие таланты»), предусмотренный Указом Президента Республики Узбекистан от 26 марта 2025 года № УП-61, и реализуется по следующим этапам:

(а) ежегодно по всей республике на основе экзамена отбираются до 1 500 выпускников 9-х классов общих средних образовательных организаций текущего года, обладающих потенциалом для обучения в зарубежных высших образовательных организациях;

(б) в рамках Национальной программы отобранные учащиеся закрепляются за школьными советниками школ в системе Агентства и в период обучения в 10-11-х классах для них организуется дополнительное обучение через специальную платформу. При этом предельное нормативное соотношение учащихся к одному советнику устанавливается до 1:15;

(в) для учащихся — участников Национальной программы организуются краткосрочные учебные курсы в детском оздоровительном лагере «Ренессанс» Агентства, исходя из требований приема передовых зарубежных высших образовательных организаций мира.

7. Установить порядок, в соответствии с которым в рамках реализации Национальной программы применяются следующие механизмы стимулирования:

(а) предоставление возможности ежегодного однократного участия учащимся 10-го класса Школы и 40 учащимся — участникам Национальной программы, обладающим наиболее высокими показателями, в краткосрочных учебных программах, организуемых престижными зарубежными высшими образовательными организациями;

(б) покрытие расходов выпускников Школы и учащихся — участников Национальной программы на обучение в зарубежных высших образовательных организациях, входящих в топ-100 высших образовательных организаций международного признанного академического рейтинга, в порядке, установленном настоящим Указом;

(в) единовременное премирование советников школ, исходя из показателя поступлений закрепленных за ними учащихся в высшие образовательные организации, согласно приложению № 7 * .

8. Министерству экономики и финансов и Фонду «Эл-юрт умиди», начиная с 2027 года, ежегодно выделять по 200 квот для обучения выпускников Школы и учащихся — участников Национальной программы в зарубежных образовательных учреждениях за счет средств, предусмотренных на реализацию проекта «Ёркин истеъдод» («Яркие таланты»). При этом:

(а) квоты предоставляются выпускникам Школы и учащимся — участникам Национальной программы, принятым на обучение как минимум на 50-процентной грантовой основе в зарубежные высшие образовательные организации, входящие в топ-100 высших образовательных организаций международного признанного академического рейтинга;

(б) в случае, если количество выпускников Школы и учащихся — участников Национальной программы, соответствующих требованиям квоты, составляет менее 200 человек, отбор для направления на обучение не проводится;

(в) в случае, если количество выпускников Школы и учащихся — участников Национальной программы, соответствующих требованиям квоты, превышает 200 человек, отбор осуществляется на основе следующих приоритетов:

(i) членство в семье, включенной в Социальный реестр;

(ii) позиция зарубежной высшей образовательной организации в международно признанном академическом рейтинге;

(iii) размер гранта, предоставленного зарубежной высшей образовательной организацией.

9. Одобрить предложения Министерства дошкольного и школьного образования о создании в центральном аппарате Агентства, в пределах общей штатной численности системы министерства:

(а) Группы главных советников численностью 14 штатных единиц для координации деятельности советников школ;

(б) Отделения по реализации инициативы «Одаренные дети Президента» численностью 6 штатных единиц.

10. Установить, что:

(а) сотрудники, принятые на должность главного советника, закрепляются за 14 регионами;

(б) к главным советникам применяются условия оплаты труда и материального стимулирования, установленные для иностранных специалистов Президентских школ.

11. В целях поощрения специалистов, проявивших активную гражданскую позицию на пути построения Нового Узбекистана, вносящих вклад в развитие страны, отличившихся передовыми инициативами, преданностью и образцовой деятельностью в процессе реформ, учредить в рамках Сообщества нагрудный знак «Строители Нового Узбекистана».

V. Организация, обеспечение и контроль исполнения Указа

12. Создать Республиканскую комиссию по реализации инициативы «Одаренные дети Президента» и контролю за ее исполнением, утвердив ее состав согласно приложению № 8 * .

13. Наделить Республиканскую комиссию следующими полномочиями:

(а) осуществлять координацию процесса реализации Национальной программы и Сообщества;

(б) распределение до 1 500 квот, выделяемых в рамках Национальной программы, в разрезе регионов.

14. Установить, что расходы на мероприятия, предусмотренные настоящим Указом, в 2025 году осуществляются в пределах средств, выделенных Министерству дошкольного и школьного образования в качестве распорядителя бюджетных средств первого уровня из республиканского бюджета Республики Узбекистан, начиная с 2026 года — предусматриваются в параметрах Государственного бюджета.

15. Внести изменения в некоторые акты Президента Республики Узбекистан согласно приложению № 9 .

16. Министерству дошкольного и школьного образования совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.

17. Возложить на министра дошкольного и школьного образования Х.У. Умарову персональную ответственность за эффективную организацию исполнения настоящего Указа.

18. Обсуждение хода исполнения настоящего Указа, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.

ПРИЛОЖЕНИЕ № 9 к Указу Президента Республики Узбекистан от 15 мая 2025 года № УП-86

Изменения, вносимые в некоторые акты Президента Республики Узбекистан

1. Позиции 1 — 5 раздела «VI. Сфера образования» приложения № 7 к Указу Президента Республики Узбекистан от 8 апреля 2022 года № УП-101 «Об очередных реформах по созданию условий для стабильного экономического роста путем улучшения предпринимательской среды и развития частного сектора» исключить.

2. В разделе «13. Министерство дошкольного и школьного образования» приложения № 1 к Указу Президента Республики Узбекистан от 25 января 2023 года № УП-14 «О первоочередных организационных мерах по эффективному налаживанию деятельности республиканских органов исполнительной власти»:

(а) в позиции «Министерство дошкольного и школьного образования» в графах «Общее количество управленческих штатных единиц» и «за счет Государственного бюджета» цифру «4 929» заменить цифрой «4 909»;

(б) в позиции «Агентство специализированных образовательных учреждений» в графах «Общее количество управленческих штатных единиц» и «за счет Государственного бюджета» цифру «73» заменить цифрой «93».

3. Абзац пятый пункта 5 Указа Президента Республики Узбекистан от 26 марта 2025 года № УП-61 «О мерах по реализации задач, определенных в открытом диалоге Президента Республики Узбекистан с молодежью» изложить в следующей редакции:

«Министерству экономики и финансов на основании соответствующих расчетов Фонда «Эл-юрт умиди» выделить в текущем году 300 миллиардов сумов исходя из результатов реализации проекта «Ёркин истеъдод» («Яркие таланты»), в последующие годы предусматривать средства на указанные цели в бюджетных параметрах».

4. Подпункт «а» пункта 5 постановления Президента Республики Узбекистан от 3 мая 2019 года № ПП-4306 «О мерах по организации непрерывной системы выявления одаренной молодежи и подготовки высококвалифицированных кадров» изложить в следующей редакции:

«а) победители международных олимпиад и их учителя награждаются единовременной денежной премией в следующих размерах базовой расчетной величины за:

1-е место (золотая медаль) — в 2500-кратном, учитель — в 450-кратном размере;

2-е место (серебряная медаль) — в 1500-кратном, учитель — в 250-кратном размере;

3-е место (бронзовая медаль) — в 1000-кратном, учитель — в 150-кратном размере».

5. В позиции 28 приложения № 1 к постановлению Президента Республики Узбекистан от 18 июля 2024 года № ПП-265 «О мерах по образованию Термезского государственного университета инженерии и агротехнологий»:

(а) в графе «Сроки исполнения» слово «Июль» заменить словом «Октябрь»;

(б) в графе «Ответственные за исполнение» слова «Министерство высшего образования, науки и инноваций (Шарипов)» заменить словами «Министерство дошкольного и школьного образования (Умарова)».

6. Приложение № 1 к постановлению Президента Республики Узбекистан от 30 сентября 2024 года № ПП-346 «О мерах по дальнейшему совершенствованию системы работы с одаренной молодежью» изложить в следующей редакции:

«ПРИЛОЖЕНИЕ № 1 к постановлению Президента Республики Узбекистан от 30 сентября 2024 года № ПП-346

единовременного денежного вознаграждения, выплачиваемого победителям престижных международных олимпиад, международных олимпиад и региональных международных олимпиад, их учителям и руководителям сборных команд*

№ Место (медаль) Получатель денежного вознаграждения Размер единовременного денежного вознаграждения (кратный размер базовой расчетной величины) за престижную международную олимпиаду за международную олимпиаду за региональную международную олимпиаду 1. 1-е место (золотая медаль) Победитель 2 500 150 12 2. Учитель 450 50 50 3. Руководитель сборной команды 35 – – 4. 2-е место (серебряная медаль) Победитель 1 500 100 8 5. Учитель 250 35 35 6. Руководитель сборной команды 25 – – 7. 3-е место (бронзовая медаль) Победитель 1 000 50 6 8. Учитель 150 30 30 9. Руководитель сборной команды 15 – –

Президент Республики Узбекистан Ш. МИРЗИЁЕВ

г. Ташкент,

15 мая 2025 г.,

№ УП-86

(Национальная база данных законодательства, 20.05.2025 г., № 06/25/86/0456; 27.12.2025 г., № 06/25/258/1223; 13.04.2026 г., № 06/26/58/0342; 20.07.2026 г., № 06/26/138/0762)

lex.uz