📅 2025-yil 19-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 19 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 19 мая 2025 г. · Постановления Президента
Официальный текст. Официальный документ. Редакционные примечания не включены.
📅 19 May 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Соғлиқни сақлаш тизимидаги ислоҳотларни амалга оширишнинг қўшимча чора-тадбирлари тўғрисида
Ўзбекистон Республикаси Президентининг 2025 йил 19 майдаги «Республикада соғлиқни сақлаш тизимини ва аҳолига тиббий хизмат кўрсатиш тамойилларини такомиллаштириш орқали соҳани ислоҳ қилишни изчил давом эттириш чора-тадбирлари тўғрисида»ги ПФ-88-сон Фармони ижросини таъминлаш мақсадида қарор қиламан:
I. Мақсадлар
1. 2025 йил 1 июлдан республиканинг 15 та туман (шаҳар)ларида, 2026 йил 1 январдан бошлаб эса Самарқанд вилоятида тажриба-синов тариқасида соғлиқни сақлаш тизимини ташкил этишнинг янги моделини (кейинги ўринларда — Тажриба-синов лойиҳаси) жорий этиш доирасида соғлиқни сақлаш тизимини такомиллаштиришнинг асосий мақсадлари этиб қуйидагилар белгилансин:
(а) бирламчи тиббий-санитария ёрдами муассасалари фаолиятини тубдан қайта кўриб чиқиш орқали оилавий поликлиникаларда кўрсатиладиган тиббий хизматлар сифат ва самарадорлигини ошириш;
(б) Соғлиқни сақлаш вазирлигининг туман (шаҳар) даражасидаги бўлинмаси, оилавий поликлиникалар, марказий шифохонанинг вазифа ва функцияларини, шунингдек, тиббий ёрдам кўрсатишда аҳоли ва тиббиёт ходимларининг ҳуқуқ ва мажбуриятларини аниқ белгилаш;
(в) тиббиёт ходимларининг билим ва малакасини ошириш, улар меҳнатига муносиб ҳақ тўлаш тизимини жорий қилиш;
(г) Соғлиқни сақлаш вазирлигининг вертикал бошқарувида туман (шаҳар) бўғинини ислоҳ қилиш орқали амалга ошириладиган ислоҳотларни жадаллаштириш ва мониторинг қилиш;
(д) аҳолига тиббий хизмат кўрсатишда қисқа муддатли чора-тадбирларни ўз ичига олган «Тиббиётда 90 кунлик ўзгаришлар» дастурини амалга ошириш.
II. Туман (шаҳар) соғлиқни сақлаш бўлимларини ташкил этиш ва тиббиёт муассасалари фаолиятини такомиллаштириш
2. Тажриба-синов лойиҳасини амалга ошириш, унинг ижроси устидан доимий мониторинг ва таҳлил ўтказиб бориш, шунингдек, Тажриба-синов лойиҳасини республиканинг барча ҳудудларига кенг татбиқ этиш мақсадида туман (шаҳар) тиббиёт бирлашмалари негизида мустақил юридик шахс мақомига эга бўлган туман (шаҳар) соғлиқни сақлаш бўлимлари ташкил этилсин.
3. Туман (шаҳар) соғлиқни сақлаш бўлимларининг намунавий ташкилий тузилмаси 1-иловага мувофиқ тасдиқлансин.
4. Қуйидагилар туман (шаҳар) соғлиқни сақлаш бўлимларининг асосий вазифалари этиб белгилансин:
(а) мавжуд бирламчи тиббий-санитария ёрдами муассасаларини хатловдан ўтказиш ҳамда хатлов натижалари асосида Тажриба-синов лойиҳаси талабларига мувофиқ амалдаги бирламчи тиббий-санитария ёрдами муассасаларини юридик мақомга эга тегишли типдаги оилавий поликлиника шаклида қайта ташкил этиш;
(б) кўп тармоқли марказий поликлиникаларни марказий шифохоналарнинг маслаҳат-диагностика бўлинмаларига айлантириш;
(в) Тажриба-синов лойиҳаси доирасида тиббиёт бригадаларини янги нормативларга мувофиқ қайта шакллантириш ҳамда уларга аҳолининг қайта бириктирилишини ташкил этиш ва назорат қилиш;
(г) тасарруфидаги тиббиёт муассасаларини малакали кадрлар билан таъминлашнинг шаффоф механизмлари асосида тиббиёт ходимларини аттестациядан ўтказиш ҳамда унинг натижалари бўйича тиббиёт ходимларини тўлиқ ставкада ишга қабул қилиш ва уларга муносиб иш шароитини яратиш;
(д) оилавий шифокорлар ва бириктирилган аҳоли ўртасида битим ҳамда ҳудуддаги тиббиёт муассасалари билан Давлат тиббий суғуртаси жамғармаси ўртасида шартнома тузилишини ва уларга амал қилинишини назорат қилиш;
(е) тиббиёт ходимлари фаолиятини тасдиқланган меҳнат самарадорлиги кўрсаткичлари бўйича назорат қилиш ҳамда натижалар асосида уларни рағбатлантириш;
(ж) Давлат бюджети маблағлари ҳисобидан қопланадиган тиббий ёрдамнинг кафолатланган ҳажмлари доирасида аҳолига бепул амбулатор ва стационар тиббий хизматлар кўрсатиш ҳамда дори воситалари билан таъминлашни ташкил қилиш;
(з) Соғлиқни сақлаш вазирлиги томонидан белгиланган тартибда тиббий таълим муассасалари билан биргаликда тиббиёт бригадаси ходимлари ва оилавий поликлиникалар катта ҳамшираларининг оила саломатлиги бўйича махсус ўқув дастури ҳамда раҳбар ходимларнинг менежерлик курслари бўйича малака оширишларини таъминлаш;
(и) тасарруфидаги тиббиёт муассасалари фаолиятидаги бизнес жараёнларни рақамлаштириш, қоғоз шаклида юритилаётган барча ҳисоботларни электрон шаклда юритиш орқали тиббиёт ходимларининг иш юкламасини камайтириш чораларини кўриш;
(к) Тажриба-синов лойиҳаси доирасида мақбуллаштириладиган маблағларни туман (шаҳар) соғлиқни сақлаш бўлимлари учун очилган тегишли шахсий ғазна ҳисобварақларига жамлаш ҳамда Тажриба-синов лойиҳасини амалга ошириш билан боғлиқ харажатларни молиялаштиришга йўналтириш;
(л) нотиббий хизматлар кўрсатишни (овқатланиш, кир ювиш, стерилизация ва бошқа), шунингдек, самарасиз ҳамда бўш турган бино-иншоотларни давлат-хусусий шериклик ёки аутсорсинг асосида хусусий секторга бериш ишларини мониторинг қилиш;
(м) тиббиёт муассасаларида пулли хизматлар кўрсатишни йўлга қўйиш ва уларнинг турларини кенгайтиришга кўмаклашиш;
(н) Рақамли соғлиқни сақлаш платформасига ҳудуддаги барча давлат ҳамда нодавлат тиббиёт ва фармацевтика ташкилотлари, шу жумладан, дорихоналар уланишини таъминлаш;
(о) аҳоли саломатлиги кўрсаткичлари, касалланиш даражаси ва бошқа маълумотларни таҳлил қилиш орқали ўз ҳудудида соғлиқни сақлаш ҳолатини яхшилаш бўйича таклифлар ишлаб чиқиш.
5. Тажриба-синов лойиҳаси доирасида қуйидагилар тиббиёт муассасалари фаолиятининг асосий йўналишлари этиб белгилансин:
(а) оилавий поликлиникалар учун:
(i) тиббиёт бригадалари ҳамда бириктирилган аҳоли билан битим тузиш, битим бўйича кафолатланган пакет доирасида тиббий хизматларни тасдиқланган даволаш стандартлари, миллий клиник протоколларга асосан ўз вақтида ва сифатли кўрсатиш;
(ii) бириктирилган аҳоли сонидан келиб чиқиб Давлат тиббий суғуртаси жамғармаси билан тиббий хизматлар хариди бўйича шартнома тузиш;
(iii) оилавий поликлиникаларда оилавий шифокор, педиатр, акушер гинеколог ва ташхислаш бўйича мутахассислар ҳамда аутсорсинг асосида стоматолог хизматини йўлга қўйиш;
(iv) оилавий шифокор томонидан хизмат кўрсатиладиган аҳоли сонидан келиб чиқиб оилавий шифокор фаолиятини баҳолаб бориш;
(v) аҳолини индивидуал даволаш ва соғломлаштириш дастурлари асосида кафолатланган пакет доирасида зарур дори воситалари билан бепул таъминлаш;
(vi) оилавий поликлиникадан 10 кмдан узоқ масофада жойлашган маҳалла фуқаролар йиғинларида яшовчи аҳоли учун тиббиёт ходимлари томонидан сайёр тиббий хизмат кўрсатиш фаолиятини амалга ошириш;
(vii) касалликларни эрта босқичларда аниқлаш мақсадида тиббий кўриклар ташкил этиш, Миллий профилактик эмлаш тақвимига мувофиқ ва фавқулодда ҳолатларда аҳолини эмлаш ишларини ташкил этиш, репродуктив саломатлик ва хавфсиз оналикни таъминлаш, аҳоли ўртасида соғлом турмуш тарзини юритиш, жисмоний фаоллик, зарарли одатлардан воз кечиш бўйича тарғибот ишларини олиб бориш;
(viii) тор соҳа мутахассислари қабулига ва шифохоналарга электрон йўлланмалар бериш;
(б) туман (шаҳар) марказий шифохоналари учун:
(i) Давлат тиббий суғуртаси жамғармаси билан тиббий хизматлар хариди бўйича шартнома тузиш;
(ii) оилавий шифокор йўлланмаси асосида Ўзбекистон Республикаси Президентининг 2024 йил 5 сентябрдаги «Давлат тиббий суғуртаси механизмларини жорий этишга оид чора-тадбирлар тўғрисида»ги ПҚ-311-сон қарорида белгиланган тартибда аҳолига бепул амбулатор ва режали стационар тиббий хизмат кўрсатиш;
(iii) ташхислаш ва даволаш стандартлари ҳамда клиник протоколларга қатъий амал қилган ҳолда аҳолига тиббий маслаҳат бериш, лаборатор, ташхислаш, амбулатор, стационар ҳамда шошилинч тиббий ёрдам кўрсатиш;
(iv) тор соҳа мутахассислари томонидан аҳоли орасида касалланиш, ногиронликнинг олдини олиш, ўлимни камайтириш бўйича профилактик тадбирларни (скрининг текширувлари, профилактик ва сайёр тиббий кўриклар) амалга ошириш.
6. Белгилаб қўйилсинки:
(а) туман (шаҳар) соғлиқни сақлаш бўлими фаолиятини ташкил этиш учун зарур бўлган штат бирликлари соғлиқни сақлаш тизимида амалга ошириладиган ислоҳотлар натижасида бўшайдиган штат бирликлари ҳисобидан шакллантирилади;
(б) туман (шаҳар) соғлиқни сақлаш бўлими:
(i) мустақил балансга, шахсий ғазна ҳисобварақларига, ўз номи давлат тилида ёзилган ва Ўзбекистон Республикаси Давлат герби тасвири туширилган муҳрга, ўз фаолияти учун зарур бўлган бошқа атрибутларга эга давлат бошқаруви органи ҳисобланади;
(ii) фаолиятида тегишли туман (шаҳар) ҳокимлигига ва соғлиқни сақлаш бошқармасига бўйсунади;
(iii) туман (шаҳар) марказий шифохонаси, оилавий поликлиникалар, тез тиббий ёрдам хизмати ҳамда санитария-эпидемиологик осойишталик ва жамоат саломатлиги бўлимидан иборат таркибда фаолият юритади;
(iv) тиббиёт муассасаларининг молия-бухгалтерия ҳисоби ва ҳисоботи ҳамда инсон ресурсларини бошқариш хизматини юритади;
(v) тасарруфидаги тиббиёт муассасалари ходимлари билан меҳнат шартномасини тузади ва бекор қилади.
7. Шундай тартиб ўрнатилсинки, унга мувофиқ:
(а) туман (шаҳар) соғлиқни сақлаш бўлими ходимларига 2-иловага мувофиқ тариф разрядларини қўллаган ҳолда иш ҳақи ҳисобланади ҳамда уларга ҳудудий соғлиқни сақлаш бошқармалари ходимлари учун белгиланган меҳнатга ҳақ тўлаш шартлари татбиқ этилади;
(б) туман (шаҳар) соғлиқни сақлаш бўлимининг бюджетдан ташқари ривожлантириш жамғармасига ўз тасарруфидаги тиббиёт муассасалари томонидан пулли асосда кўрсатилган тиббий хизматлар учун тушумлар миқдорининг 2 фоизи миқдорида ажратма ўтказилади.
8. Республиканинг барча давлат тиббиёт муассасаларида 2025 йил 1 июлдан бошлаб касалликнинг оғирлик даражаси ва даволашнинг мураккаблигидан келиб чиқиб, махсус кўникмаларни талаб қиладиган даволаш чораларини кўрган ҳамда юқори хавф даражасига эга бўлган амалиётларни самарали амалга оширган шифокорларнинг ойлик лавозим маошларига 25 фоиздан 100 фоизгача устама тўлаш тизими жорий қилинсин.
III. Рақамлаштириш
9. Тажриба-синов лойиҳаси доирасида тиббиёт муассасаларини таъминлаш учун ахборот-коммуникация жиҳозлари ва тармоқ қурилмалари рўйхати 3-иловага мувофиқ тасдиқлансин.
10. Соғлиқни сақлаш вазирлиги 2025 йил 15 июнга қадар Тажриба-синов лойиҳаси амалга ошириладиган ҳудудларда, 2025 йил якунига қадар қолган ҳудудларда аҳолини «Электрон соғлиқни сақлаш» ахборот тизимида рўйхатдан ўтказсин ҳамда тиббиёт бригадаларига бириктирилишини таъминласин.
11. Рақамли технологиялар вазирлиги 2025 йил 1 июнга қадар «Электрон соғлиқни сақлаш» ахборот тизимида ҳамда Ягона интерактив давлат хизматлари порталида шахсий кабинет орқали аҳолини тиббиёт бригадасига бириктириш, оилавий шифокор ва аҳоли ўртасида битим тузиш имкониятини яратсин.
IV. Тиббиёт ходимларининг билим ва кўникмаларини ошириш
12. Белгилансинки, Тажриба-синов лойиҳаси доирасида:
(а) меҳнат қонунчилиги талабларига мувофиқ бирламчи тиббий-санитария ёрдами муассасалари ва туман (шаҳар) марказий шифохоналарининг меҳнат шартлари ўзгарадиган шифокор ва ўрта тиббиёт ходимлари шаффоф имтиҳонлар асосида белгиланган тартибда қайта ишга расмийлаштирилади. Бунда:
(i) имтиҳонлар Соғлиқни сақлаш вазирлиги томонидан Бошқарув самарадорлиги агентлиги билан биргаликда ташкил этилади;
(ii) ходимлар малакасини аниқлашда биринчи навбатда ўтказилган имтиҳон натижалари инобатга олинади ҳамда имтиҳонда энг яхши натижа кўрсатган ходимлар ишга қабул қилинади.
(б) оила саломатлиги бўйича махсус ўқув дастури, шунингдек, миллий клиник протоколлар асосида ўқитиладиган тиббиёт бригадаси ходимлари билимини баҳолаш мақсадида якуний тест синовлари топшириқлари Билим ва малакаларни баҳолаш агентлиги томонидан ишлаб чиқилади;
(в) туман (шаҳар) марказий шифохоналарининг олий маълумотли тиббиёт ва фармацевтика кадрларининг узлуксиз касбий тиббиёт таълимида тўпланадиган кредитлар ҳажмининг 144 таси Давлат бюджети маблағлари ҳисобидан таълим олиш орқали жамланади;
(г) тиббиёт бригадаси ходимларини оила саломатлиги юзасидан ўқитиш бўйича махсус ўқув дастурларини ишлаб чиқиш ва ўқитиш тиббий таълим муассасалари томонидан ҳамда раҳбар ходимларни менежерлик бўйича махсус ўқув дастури бўйича ўқитиш Тошкент шаҳридаги Халқаро Вестминстер университети томонидан амалга оширилади.
V. «Тиббиётда 90 кунлик ўзгаришлар» дастури
13. Соғлиқни сақлаш тизимини ислоҳ қилиш мақсадида жалб этилган турк экспертлари билан биргаликда тиббиёт муассасаларида аҳоли ҳамда тиббиёт ходимлари учун қулайликлар яратиш, тиббий хизмат сифатини оширишга хизмат қилувчи «Тиббиётда 90 кунлик ўзгаришлар» дастури (кейинги ўринларда — Дастур) ишлаб чиқилгани маълумот учун қабул қилинсин.
14. Белгилансинки, 2025 йил 1 июндан бошлаб Дастур доирасида қисқа муддатда тиббиёт муассасаларида аҳоли учун қулай шароитлар яратиш ҳамда уларнинг тиббиётга бўлган ишончини орттириш мақсадида:
(а) тиббиёт муассасаларида кутиш заллари ташкил қилиниб, ўриндиқлар билан таъминланади, қулай рўйхатхоналар ташкил этилади ва онлайн қабулга ёзилиш имкониятлари кенгайтирилади;
(б) аҳоли, беморлар, ногиронлар ҳаракатланиши учун қулайликлар яратилади;
(в) «Она ва бола» хоналари ташкил қилинади, хоналар ва йўлаклар тежамкор замонавий ёритиш қурилмалари билан жиҳозланади;
(г) санитария-гигиена хоналари таъмирланиб, шахсий гигиена воситалари билан таъминланади;
(д) тиббий хизматлар сифатини ошириш ҳамда аҳоли ва беморлар учун қулайликлар яратиш имконини берувчи бошқа тадбирлар амалга оширилади.
VI. Қарорда белгиланган тадбирларни молиялаштириш
15. Белгилансинки, қурилиш-таъмирлаш ишлари, шу жумладан, туман (шаҳар) марказий шифохонаси бўлинмалари, оилавий поликлиникалар учун бино ва иншоотларни қуриш Давлат бюджети маблағлари ҳисобидан амалга оширилади. Бунда 2025 — 2027 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида соғлиқни сақлаш соҳасига ажратиладиган маблағлар биринчи навбатда мазкур мақсадларга йўналтирилади.
16. Тиббиёт ходимларининг иш ҳақи миқдорини қайта кўриб чиқиш, малакасини ошириш, билим ва кўникмаларини баҳолаш ҳамда уларни рағбатлантириш билан боғлиқ харажатларни молиялаштириш қуйидаги манбалар ҳисобидан амалга оширилсин:
(а) ўқув курслари ва ходимлар билимини баҳолашни ташкил этиш билан боғлиқ харажатлар — Давлат бюджетидан тиббиёт ходимларининг малакасини ошириш учун ажратилган маблағлар ҳамда Тиббиётни ривожлантириш давлат мақсадли жамғармаси маблағлари;
(б) иш ҳақи миқдорини қайта кўриб чиқиш, оила саломатлиги бўйича махсус ўқув дастурининг ҳар бир босқичи якуни бўйича тиббиёт бригадаси ходимлари ва оилавий поликлиникалар катта ҳамшираларига қўшимча устама тўлаш билан боғлиқ харажатлар — Давлат бюджети маблағлари;
(в) тиббиёт, фармацевтика ва раҳбар ходимлар фаолиятини самарадорлик кўрсаткичлари асосида моддий рағбатлантириш — тиббиёт ходимларини моддий рағбатлантириш ва ривожлантириш жамғармаси маблағлари.
17. Дастурдаги тадбирларни амалга ошириш билан боғлиқ харажатлар тиббиёт муассасаларининг бюджет ва бюджетдан ташқари маблағлари ҳамда маҳаллий бюджет маблағлари ҳисобидан амалга оширилсин.
18. Ўзбекистон Республикаси Президентининг 2025 йил 19 майдаги ПФ-88-сон Фармонига мувофиқ, маҳаллий бюджетлар томонидан ажратиладиган маблағлар тенг улушларда ахборот-коммуникация жиҳозлари ва тармоқ қурилмалари харид қилишга ва Дастурдаги тадбирларни молиялаштиришга йўналтирилсин. Бунда зарур ҳолларда, ажратилган маблағлар Тажриба-синов лойиҳаси доирасида белгиланган бошқа тадбирларни молиялаштиришга ҳам сарфланиши мумкин.
19. Республика бюджети ва маҳаллий бюджетлардан ажратилган маблағлар, шунингдек, халқаро ташкилотларнинг кредит ва грант маблағлари тиббиёт муассасаларини 3-иловада белгиланган ахборот-коммуникация жиҳозлари ва тармоқ қурилмалари билан таъминлаш харажатлари учун йўналтирилсин.
VII. Кадрлар таъминоти
20. Соғлиқни сақлаш вазирлиги:
(а) 2025 йил 1 июнга қадар Иқтисодиёт ва молия вазирлиги ҳамда Камбағалликни қисқартириш ва бандлик вазирлиги билан келишган ҳолда Тажриба-синов лойиҳаси доирасида тиббиёт муассасаларининг штат меъёрларини қайта кўриб чиқиб, тасдиқласин;
(б) имтиҳон натижалари асосида ишга қабул қилинмаган ходимларга тиббиёт муассасаларидаги мутахассислигига мос бўш иш ўринларини таклиф қилсин ҳамда Камбағалликни қисқартириш ва бандлик вазирлиги билан биргаликда уларни ишга жойлаштириш чораларини кўрсин;
(в) республика ихтисослаштирилган илмий-амалий тиббиёт марказлари ва уларнинг ҳудудий филиаллари мутахассисларидан иборат мобил ишчи гуруҳлар ташкил қилсин ҳамда 2025 йил 1 июндан бошлаб уларни тиббиёт муассасаларига бириктирсин. Бунда марказлар раҳбарлари бириктирилган тиббиёт муассасаларида бизнес жараёнларини тўғри ва сифатли йўлга қўйиш, муассасадаги тиббиёт ходимларига янги тизим бўйича ишлашни ўргатиш, кадрлар таъминоти ҳамда Тажриба-синов лойиҳасида назарда тутилган барча тадбирларни ташкил этиш бўйича шахсан масъул ҳисобланади.
VIII. Қарор ижросини ташкил этиш, таъминлаш ва назорат
21. Тажриба-синов лойиҳаси доирасида тиббий ёрдам кўрсатишда аҳоли ҳамда тиббиёт ходимларининг ҳуқуқ ва мажбуриятлари 4-иловага мувофиқ тасдиқлансин.
22. Соғлиқни сақлаш вазирлиги Сирдарё вилояти ҳокимлиги билан биргаликда бир ой муддатда Гулистон тиббиёт кластери таркибига вилоят тиббиёт муассасаларини киритиш бўйича Вазирлар Маҳкамасига таклиф киритсин.
23. Соғлиқни сақлаш вазирлиги уч ой муддатда аҳоли ва тиббиёт ходимларининг ҳуқуқий муносабатлари ҳамда тарафларнинг ҳуқуқ ва мажбуриятлари юзасидан Ўзбекистон Республикасининг «Фуқаролар соғлиғини сақлаш тўғрисида»ги Қонунига тегишли ўзгартириш ва қўшимчалар киритиш бўйича таклифларни Вазирлар Маҳкамасига киритсин.
24. Соғлиқни сақлаш вазирлиги «Соғлиқни сақлаш лойиҳалари маркази» лойиҳа офиси билан биргаликда Тажриба-синов лойиҳаси доирасида лойиҳа амалиётга жорий этилгунга қадар ҳамда 2026 йил якуни бўйича амалдаги соғлиқни сақлаш тизимидан қониқиш даражасини аниқлаш мақсадида аҳоли ва тиббиёт ходимлари ўртасида сўровнома ўтказсин. Бунда сўровнома ўтказиш билан боғлиқ харажатлар «Соғлиқни сақлаш лойиҳалари маркази» лойиҳа офисига Давлат бюджетидан ажратилган маблағлар ҳисобидан қоплансин.
25. Соғлиқни сақлаш вазирлиги Қорақалпоғистон Республикаси Вазирлар Кенгаши ва вилоят ҳокимликлари билан биргаликда икки ой муддатда Тажриба-синов лойиҳаси доирасида мавжуд бирламчи тиббий-санитария ёрдами муассасаларини хатловдан ўтказсин. Бунда хатлов натижаларига кўра:
(а) бирламчи тиббий-санитария ёрдами муассасаларидан узоқ масофада жойлашган ва зарур инфратузилма (электр, сув, оқова сув тизими, атрофни ободонлаштириш ва бошқалар) ҳамда тиббий ускуналар ва жиҳозлар билан таъминланган махсус контейнерларда ташкил этилган маҳалла тиббиёт пунктларини оилавий поликлиниканинг филиали сифатида қайта ташкил этиш ва қолганларининг фаолиятини тўхтатиш;
(б) амалда бирламчи тиббий-санитария ёрдами муассасасининг филиали сифатида фаолият юритаётган тиббиёт муассасаларини оилавий поликлиникага айлантириш ёки тугатиш;
(в) туман (шаҳар) кўп тармоқли марказий поликлиникаларига бириктирилган аҳолини улар жойлашган бинода ташкил этиладиган ёки бошқа оилавий поликлиникаларга бириктириш;
(г) барча оилавий поликлиникаларни белгиланган тартибда рақамлаш чораларини кўрсин.
26. Соғлиқни сақлаш вазирлиги Иқтисодиёт ва молия вазирлиги билан биргаликда халқаро экспертларни жалб қилган ҳолда 2025 йил якунига қадар 14 та туман (шаҳар)да аҳолига бирламчи тиббий-санитария ёрдами ва стационар хизмат кўрсатишни яхлит тизим сифатида давлат-хусусий шериклик тамойили асосида ривожлантириш бўйича Вазирлар Маҳкамасига таклиф киритсин.
27. Соғлиқни сақлаш вазирлиги Иқтисодиёт ва молия вазирлиги билан биргаликда 2025 йил якунига қадар соғлиқни сақлаш тизимидаги ходимларнинг малака тоифалари, иш стажи ва лавозимлари бўйича базавий тариф ставкаларини белгилаган ҳолда раҳбар ва ходимлар меҳнатига ҳақ тўлашнинг такомиллаштирилган тизимини жорий этиш бўйича қарор лойиҳасини ишлаб чиқиб, Вазирлар Маҳкамасига киритсин.
28. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари ҳамда соғлиқни сақлаш вазирига Дастурда белгиланган тадбирларнинг ўз вақтида ва сифатли бажарилиши ҳамда амалиётга жорий этилиши бўйича шахсий жавобгарлик юклансин.
29. Мазкур қарорнинг ижросини самарали ташкил қилишга масъул ва шахсий жавобгар этиб соғлиқни сақлаш вазири А.А. Худаяров, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари белгилансин.
30. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президенти Администрацияси Ижтимоий ривожланиш департаменти раҳбари О.Қ. Абдурахманов зиммасига юклансин.
Ўзбекистон Республикаси Президентининг 2025 йил 19 майдаги ПҚ-185-сон қарорига 1-ИЛОВА
Туман (шаҳар) соғлиқни сақлаш бўлимларининг намунавий ташкилий тузилмаси
Бўлим бошлиғи Бошлиқ ўринбосари — стационар шўъбаси бошлиғи * Бошлиқ ўринбосари — оилавий тиббиёт шўъбаси бошлиғи Бошлиқ ўринбосари — молия-иқтисод шўъбаси бошлиғи Стационар шўъбаси (оналик ва болаликни муҳофаза қилиш, стационар хизматлар) 2 — 4 Оилавий тиббиёт шўъбаси (оилавий поликлиникалар фаолиятини мувофиқлаштириш) 2 — 4 Марказлашган молия-бухгалтерия хизмати ** Пуллик, ДХШ ва аутсорсинг хизматларини ривожлантириш бўйича бош мутахассис 1 Туман (шаҳар) стационар тиббиёт муассасалари 1-2 тип оилавий поликлиникалар Ахборот технологиялари бўйича бош мутахассис 1 Соғлом турмуш тарзи ва ташкилий-услубий шўъбаси 3-4 Санитария-эпидемиологик осойишталик ва жамоат саломатлиги бўлими, тез тиббий ёрдам хизмати, нодавлат тиббиёт ташкилотлари Инсон ресурсларини бошқариш хизмати **
Ўзбекистон Республикаси Президентининг 2025 йил 19 майдаги ПҚ-185-сон қарорига 2-ИЛОВА
Туман (шаҳар) соғлиқни сақлаш бўлими ходимлари меҳнатига ҳақ тўлаш разрядлари
Т/р Лавозим номи Меҳнатга ҳақ тўлаш разрядлари 1. Бўлим бошлиғи 13 2 . Бўлим бошлиғи ўринбосари 12 3 . Шўъба бошлиғи 10 4 . Бош мутахассис 9 5 . Етакчи мутахассис 8
Ўзбекистон Республикаси Президентининг 2025 йил 19 майдаги ПҚ-185-сон қарорига 3-ИЛОВА
Тажриба-синов лойиҳаси доирасида тиббиёт муассасаларини таъминлаш учун ахборот-коммуникация жиҳозлари ва тармоқ қурилмалари
Т/р Ҳудудлар ва тиббиёт муассасалари номи Компьютер Планшет Инфокиоск Smart монитор Принтер (қоғоз) Принтер (чек) Принтер (ёрлиқ) Сканер (2D) Веб камера (MyID учун) 1. Самарқанд шаҳри соғлиқни сақлаш бўлими тасарруфидаги тиббиёт муассасалари 628 700 15 73 220 53 29 97 56 2. Иштихон тумани соғлиқни сақлаш бўлими тасарруфидаги тиббиёт муассасалари 499 162 15 55 60 19 18 19 34 3. Булунғур тумани соғлиқни сақлаш бўлими тасарруфидаги тиббиёт муассасалари 369 206 20 51 89 34 44 84 48 4. Асака тумани соғлиқни сақлаш бўлими тасарруфидаги тиббиёт муассасалари 345 90 15 26 16 14 57 85 40 5. Ғиждувон тумани соғлиқни сақлаш бўлими тасарруфидаги тиббиёт муассасалари 333 342 23 37 41 26 27 52 36 6. Ғаллаорол тумани соғлиқни сақлаш бўлими тасарруфидаги тиббиёт муассасалари 412 223 15 44 20 34 65 83 36 7. Китоб тумани соғлиқни сақлаш бўлими тасарруфидаги тиббиёт муассасалари 192 190 23 31 26 34 44 61 33 8. Хатирчи тумани соғлиқни сақлаш бўлими тасарруфидаги тиббиёт муассасалари 191 103 33 34 90 55 34 2 34 9. Чортоқ тумани соғлиқни сақлаш бўлими тасарруфидаги тиббиёт муассасалари 70 198 19 56 55 55 62 40 34 10. Денов тумани соғлиқни сақлаш бўлими тасарруфидаги тиббиёт муассасалари 655 455 22 88 29 39 109 93 55 11. Янгийўл шаҳри соғлиқни сақлаш бўлими тасарруфидаги тиббиёт муассасалари 133 80 2 13 7 3 21 11 2 12. Қува тумани соғлиқни сақлаш бўлими тасарруфидаги тиббиёт муассасалари 389 270 20 51 35 32 52 78 44 13. Шовот тумани соғлиқни сақлаш бўлими тасарруфидаги тиббиёт муассасалари 235 215 13 50 76 40 35 35 40 14. Самарқанд вилояти ҳудудлараро хоспис 10 2 4 2 2 2 2 2025 йил 1 июлга қадар жами * 4461 3234 235 611 768 440 599 742 494 15. Каттақўрғон шаҳри соғлиқни сақлаш бўлими тасарруфидаги тиббиёт муассасалари 94 15 2 20 44 3 6 16 7 16. Оқдарё тумани соғлиқни сақлаш бўлими тасарруфидаги тиббиёт муассасалари 216 216 13 23 88 17 37 61 25 17. Жомбой тумани соғлиқни сақлаш бўлими тасарруфидаги тиббиёт муассасалари 207 89 14 34 23 21 25 29 21 18. Каттақўрғон тумани соғлиқни сақлаш бўлими тасарруфидаги тиббиёт муассасалари 242 415 14 27 72 19 22 22 30 19. Қўшработ тумани соғлиқни сақлаш бўлими тасарруфидаги тиббиёт муассасалари 213 172 16 41 145 5 17 19 21 20. Нарпай тумани соғлиқни сақлаш бўлими тасарруфидаги тиббиёт муассасалари 369 236 24 28 201 20 24 24 24 21. Пайариқ тумани соғлиқни сақлаш бўлими тасарруфидаги тиббиёт муассасалари 239 276 26 26 152 5 26 52 56 22. Пастдарғом тумани соғлиқни сақлаш бўлими тасарруфидаги тиббиёт муассасалари 719 273 23 43 55 42 64 115 67 23. Пахтачи тумани соғлиқни сақлаш бўлими тасарруфидаги тиббиёт муассасалари 155 148 16 29 118 18 42 70 29 24. Самарқанд тумани соғлиқни сақлаш бўлими тасарруфидаги тиббиёт муассасалари 341 315 4 36 189 20 14 21 19 25. Нуробод тумани соғлиқни сақлаш бўлими тасарруфидаги тиббиёт муассасалари 223 66 17 28 19 14 37 60 40 26. Ургут тумани соғлиқни сақлаш бўлими тасарруфидаги тиббиёт муассасалари 673 521 27 92 51 21 54 94 65 27. Тойлоқ тумани соғлиқни сақлаш бўлими тасарруфидаги тиббиёт муассасалари 241 40 11 35 13 21 33 58 27 2025 йил якунига қадар жами * 3932 2782 207 462 1170 226 401 641 431 ЖАМИ 8393 6016 442 1073 1938 666 1000 1383 925
Ўзбекистон Республикаси Президентининг 2025 йил 19 майдаги ПҚ-185-сон қарорига 4-ИЛОВА
Тажриба-синов лойиҳаси доирасида тиббий ёрдам кўрсатишда аҳоли ҳамда тиббиёт ходимларининг ҳуқуқ ва мажбуриятлари
1. Аҳолига тиббий хизмат кўрсатишда уларнинг ҳуқуқлари ва манфаатлари Ўзбекистон Республикасининг «Фуқаролар соғлиғини сақлаш тўғрисида»ги Қонунига мувофиқ таъминланади.
2. Аҳолига уларнинг соғлиғини сақлаш билан боғлиқ қуйидаги мажбуриятлар юклатилади:
(а) ўз соғлиғи ҳақида ғамхўрлик қилиш, уни сақлаш, мустаҳкамлаш ва тиклаш бўйича ўз вақтида чоралар кўриш;
(б) соғлом турмуш тарзига риоя этиш;
(в) санитария-эпидемиологик талабларга риоя қилиш;
(г) танланган ташхислаш ва даволаш тактикасини амалга ошириш учун тиббиёт ходимларининг тавсияларини сўзсиз бажариш;
(д) ўзида жамоат саломатлиги учун хавф туғдирадиган касалликлар, одамнинг иммунитет танқислиги вируси мавжудлиги ва ўзгалар соғлиғига зарар етказувчи бошқа ҳолатлар бўлса, улар тўғрисида тиббиёт ходимларига хабар бериш, шунингдек, бошқа одамлар билан алоқада бўлганда зарур эҳтиёт чораларини кўриш;
(е) тиббиёт ходимларининг сўровига асосан дори воситаларини қўллаш чоғида аввал аниқланган аллергик реакциялари ёки номутаносиблиги ҳақида уларни хабардор қилиш;
(ж) тиббиёт ходимларининг сўровига асосан ўзининг ва яқин қариндошларининг наслий касалликлари ҳамда олдин бошидан кечирган хасталиклари ҳақида уларга маълумот тақдим этиш;
(з) беморлар учун ўрнатилган тартиб-қоидаларга риоя қилиш;
(и) агар бемор аввал бошқа тиббиёт муассасаларига мурожаат қилган бўлса, олган муолажалари, қўйилган ташхислар ва тавсиялар ҳақида тиббиёт ходимларига маълумот бериш;
(к) соғлиғидаги кескин ёки босқичма-босқич ўзгаришлар ҳақида тиббиёт ходимларини хабардор қилиш;
(л) тиббиёт ходимлари ва хизмат кўрсатувчи ходимларга ҳурмат кўрсатиш;
(м) соғлиқни сақлаш ташкилотининг мол-мулкига эҳтиёткорлик билан муносабатда бўлиш;
(н) қонунчилик ҳужжатларига мувофиқ бошқа мажбуриятлар.
3. Тиббиёт ходимлари ўз меҳнат фаолиятини амалга оширишда қуйидаги ҳуқуқларга эга:
(а) амалдаги ташхислаш ва даволаш стандартлари, клиник протоколлар асосида ҳамда ваколати доирасида беморга ташхис қўйиш ва даволаш тадбирларини белгилаш, дори ва сарфлов воситаларини буюриш ҳамда қўллаш;
(б) беморларнинг ҳаётини сақлаб қолиш мақсадида зарур тиббий чора-тадбирларни амалга ошириш;
(в) иш берувчидан малакали ва сифатли тиббий ёрдам кўрсатиш учун зарур шароит яратилишини талаб қилиш;
(г) меҳнат ва меҳнатни муҳофаза қилиш тўғрисидаги қонунчилик ҳужжатлари талабларига мувофиқ меҳнат шароитларида ишлаш;
(д) қонуний ҳимояга эга бўлиш;
(е) касбий малакасини ошириш, касбий билим ва амалий кўникмаларга мувофиқ малака тоифаларини олиш;
(ж) илмий-тадқиқот ишларида иштирок этиш;
(з) тиббий фаолиятга оид янгилик ва инновацияларни жорий этиш;
(и) қонунчилик ҳужжатларига мувофиқ тиббий ва фармацевтика жамоат бирлашмаларини тузиш;
(к) қонунчилик ҳужжатларига мувофиқ бошқа ҳуқуқлар.
4. Тиббиёт ходимларига аҳолининг соғлиғини сақлашда қуйидаги мажбуриятлар юклатилади:
(а) соғлиқни сақлаш соҳасидаги қонунчилик ҳужжатларига риоя қилиш;
(б) ўз лавозим вазифаларини компетенциялари доирасида бажариш;
(в) беморларга малакали ва сифатли тиббий ёрдам кўрсатиш;
(г) амалдаги ташхислаш ва даволаш стандартлари ҳамда клиник протоколларга риоя этиш;
(д) беморларга самарадорлиги исботланган дори ва сарфлов воситаларини асослантирилган ҳолда буюриш ва қўллаш. Бунда турли фармацевтика маҳсулотлари ишлаб чиқарувчи ва реализация қилувчи ташкилотлар манфаатларини қўллаб-қувватламаслик;
(е) беморнинг тиббий ёрдам сўраб мурожаат қилганлиги, соғлиғининг ҳолати, қўйилган ташхис тўғрисидаги маълумотлари ҳамда уни текшириш ва даволаш чоғида олинган бошқа маълумотларни сир сақлаш;
(ж) тиббиёт соҳасининг ахлоқий ва касбий меъёрларига амал қилиш, тиббий этика ва деонтология принципларига риоя қилиш ҳамда беморларни ҳурмат қилиш;
(з) тиббий аралашувга бемор ёки унинг қонуний вакилининг розилиги ёки рад этишини аниқлаш;
(и) зарур ҳолларда бемор ҳолати бўйича бошқа мутахассислар иштирокида консилиум ўтказиш ва улардан маслаҳатлар олиш;
(к) тиббий хатоларнинг олдини олиш ва ўз ваколати ҳамда компетенцияларидан ташқарига чиқмаслик;
(л) давлат мол-мулкига эҳтиёткорлик билан муносабатда бўлиш;
(м) қонунчилик ҳужжатларига мувофиқ бошқа мажбуриятлар.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 19 май,
ПҚ-185-сон
Oʻzbekiston Respublikasi Prezidentining
Qarori
ROʻYXATI
Sogʻliqni saqlash tizimidagi islohotlarni amalga oshirishning qoʻshimcha chora-tadbirlari toʻgʻrisida
Oʻzbekiston Respublikasi Prezidentining 2025-yil 19-maydagi “Respublikada sogʻliqni saqlash tizimini va aholiga tibbiy xizmat koʻrsatish tamoyillarini takomillashtirish orqali sohani isloh qilishni izchil davom ettirish chora-tadbirlari toʻgʻrisida”gi PF-88-son Farmoni ijrosini taʼminlash maqsadida qaror qilaman:
I. Maqsadlar
1. 2025-yil 1-iyuldan respublikaning 15 ta tuman (shahar)larida, 2026-yil 1-yanvardan boshlab esa Samarqand viloyatida tajriba-sinov tariqasida sogʻliqni saqlash tizimini tashkil etishning yangi modelini (keyingi oʻrinlarda — Tajriba-sinov loyihasi) joriy etish doirasida sogʻliqni saqlash tizimini takomillashtirishning asosiy maqsadlari etib quyidagilar belgilansin:
(a) birlamchi tibbiy-sanitariya yordami muassasalari faoliyatini tubdan qayta koʻrib chiqish orqali oilaviy poliklinikalarda koʻrsatiladigan tibbiy xizmatlar sifat va samaradorligini oshirish;
(b) Sogʻliqni saqlash vazirligining tuman (shahar) darajasidagi boʻlinmasi, oilaviy poliklinikalar, markaziy shifoxonaning vazifa va funksiyalarini, shuningdek, tibbiy yordam koʻrsatishda aholi va tibbiyot xodimlarining huquq va majburiyatlarini aniq belgilash;
(v) tibbiyot xodimlarining bilim va malakasini oshirish, ular mehnatiga munosib haq toʻlash tizimini joriy qilish;
(g) Sogʻliqni saqlash vazirligining vertikal boshqaruvida tuman (shahar) boʻgʻinini isloh qilish orqali amalga oshiriladigan islohotlarni jadallashtirish va monitoring qilish;
(d) aholiga tibbiy xizmat koʻrsatishda qisqa muddatli chora-tadbirlarni oʻz ichiga olgan “Tibbiyotda 90 kunlik oʻzgarishlar” dasturini amalga oshirish.
II. Tuman (shahar) sogʻliqni saqlash boʻlimlarini tashkil etish va tibbiyot muassasalari faoliyatini takomillashtirish
2. Tajriba-sinov loyihasini amalga oshirish, uning ijrosi ustidan doimiy monitoring va tahlil oʻtkazib borish, shuningdek, Tajriba-sinov loyihasini respublikaning barcha hududlariga keng tatbiq etish maqsadida tuman (shahar) tibbiyot birlashmalari negizida mustaqil yuridik shaxs maqomiga ega boʻlgan tuman (shahar) sogʻliqni saqlash boʻlimlari tashkil etilsin.
3. Tuman (shahar) sogʻliqni saqlash boʻlimlarining namunaviy tashkiliy tuzilmasi 1-ilovaga muvofiq tasdiqlansin.
4. Quyidagilar tuman (shahar) sogʻliqni saqlash boʻlimlarining asosiy vazifalari etib belgilansin:
(a) mavjud birlamchi tibbiy-sanitariya yordami muassasalarini xatlovdan oʻtkazish hamda xatlov natijalari asosida Tajriba-sinov loyihasi talablariga muvofiq amaldagi birlamchi tibbiy-sanitariya yordami muassasalarini yuridik maqomga ega tegishli tipdagi oilaviy poliklinika shaklida qayta tashkil etish;
(b) koʻp tarmoqli markaziy poliklinikalarni markaziy shifoxonalarning maslahat-diagnostika boʻlinmalariga aylantirish;
(v) Tajriba-sinov loyihasi doirasida tibbiyot brigadalarini yangi normativlarga muvofiq qayta shakllantirish hamda ularga aholining qayta biriktirilishini tashkil etish va nazorat qilish;
(g) tasarrufidagi tibbiyot muassasalarini malakali kadrlar bilan taʼminlashning shaffof mexanizmlari asosida tibbiyot xodimlarini attestatsiyadan oʻtkazish hamda uning natijalari boʻyicha tibbiyot xodimlarini toʻliq stavkada ishga qabul qilish va ularga munosib ish sharoitini yaratish;
(d) oilaviy shifokorlar va biriktirilgan aholi oʻrtasida bitim hamda hududdagi tibbiyot muassasalari bilan Davlat tibbiy sugʻurtasi jamgʻarmasi oʻrtasida shartnoma tuzilishini va ularga amal qilinishini nazorat qilish;
(e) tibbiyot xodimlari faoliyatini tasdiqlangan mehnat samaradorligi koʻrsatkichlari boʻyicha nazorat qilish hamda natijalar asosida ularni ragʻbatlantirish;
(j) Davlat budjeti mablagʻlari hisobidan qoplanadigan tibbiy yordamning kafolatlangan hajmlari doirasida aholiga bepul ambulator va statsionar tibbiy xizmatlar koʻrsatish hamda dori vositalari bilan taʼminlashni tashkil qilish;
(z) Sogʻliqni saqlash vazirligi tomonidan belgilangan tartibda tibbiy taʼlim muassasalari bilan birgalikda tibbiyot brigadasi xodimlari va oilaviy poliklinikalar katta hamshiralarining oila salomatligi boʻyicha maxsus oʻquv dasturi hamda rahbar xodimlarning menejerlik kurslari boʻyicha malaka oshirishlarini taʼminlash;
(i) tasarrufidagi tibbiyot muassasalari faoliyatidagi biznes jarayonlarni raqamlashtirish, qogʻoz shaklida yuritilayotgan barcha hisobotlarni elektron shaklda yuritish orqali tibbiyot xodimlarining ish yuklamasini kamaytirish choralarini koʻrish;
(k) Tajriba-sinov loyihasi doirasida maqbullashtiriladigan mablagʻlarni tuman (shahar) sogʻliqni saqlash boʻlimlari uchun ochilgan tegishli shaxsiy gʻazna hisobvaraqlariga jamlash hamda Tajriba-sinov loyihasini amalga oshirish bilan bogʻliq xarajatlarni moliyalashtirishga yoʻnaltirish;
(l) notibbiy xizmatlar koʻrsatishni (ovqatlanish, kir yuvish, sterilizatsiya va boshqa), shuningdek, samarasiz hamda boʻsh turgan bino-inshootlarni davlat-xususiy sheriklik yoki autsorsing asosida xususiy sektorga berish ishlarini monitoring qilish;
(m) tibbiyot muassasalarida pulli xizmatlar koʻrsatishni yoʻlga qoʻyish va ularning turlarini kengaytirishga koʻmaklashish;
(n) Raqamli sogʻliqni saqlash platformasiga hududdagi barcha davlat hamda nodavlat tibbiyot va farmatsevtika tashkilotlari, shu jumladan, dorixonalar ulanishini taʼminlash;
(o) aholi salomatligi koʻrsatkichlari, kasallanish darajasi va boshqa maʼlumotlarni tahlil qilish orqali oʻz hududida sogʻliqni saqlash holatini yaxshilash boʻyicha takliflar ishlab chiqish.
5. Tajriba-sinov loyihasi doirasida quyidagilar tibbiyot muassasalari faoliyatining asosiy yoʻnalishlari etib belgilansin:
(a) oilaviy poliklinikalar uchun:
(i) tibbiyot brigadalari hamda biriktirilgan aholi bilan bitim tuzish, bitim boʻyicha kafolatlangan paket doirasida tibbiy xizmatlarni tasdiqlangan davolash standartlari, milliy klinik protokollarga asosan oʻz vaqtida va sifatli koʻrsatish;
(ii) biriktirilgan aholi sonidan kelib chiqib Davlat tibbiy sugʻurtasi jamgʻarmasi bilan tibbiy xizmatlar xaridi boʻyicha shartnoma tuzish;
(iii) oilaviy poliklinikalarda oilaviy shifokor, pediatr, akusher ginekolog va tashxislash boʻyicha mutaxassislar hamda autsorsing asosida stomatolog xizmatini yoʻlga qoʻyish;
(iv) oilaviy shifokor tomonidan xizmat koʻrsatiladigan aholi sonidan kelib chiqib oilaviy shifokor faoliyatini baholab borish;
(v) aholini individual davolash va sogʻlomlashtirish dasturlari asosida kafolatlangan paket doirasida zarur dori vositalari bilan bepul taʼminlash;
(vi) oilaviy poliklinikadan 10 kmdan uzoq masofada joylashgan mahalla fuqarolar yigʻinlarida yashovchi aholi uchun tibbiyot xodimlari tomonidan sayyor tibbiy xizmat koʻrsatish faoliyatini amalga oshirish;
(vii) kasalliklarni erta bosqichlarda aniqlash maqsadida tibbiy koʻriklar tashkil etish, Milliy profilaktik emlash taqvimiga muvofiq va favqulodda holatlarda aholini emlash ishlarini tashkil etish, reproduktiv salomatlik va xavfsiz onalikni taʼminlash, aholi oʻrtasida sogʻlom turmush tarzini yuritish, jismoniy faollik, zararli odatlardan voz kechish boʻyicha targʻibot ishlarini olib borish;
(viii) tor soha mutaxassislari qabuliga va shifoxonalarga elektron yoʻllanmalar berish;
(b) tuman (shahar) markaziy shifoxonalari uchun:
(i) Davlat tibbiy sugʻurtasi jamgʻarmasi bilan tibbiy xizmatlar xaridi boʻyicha shartnoma tuzish;
(ii) oilaviy shifokor yoʻllanmasi asosida Oʻzbekiston Respublikasi Prezidentining 2024-yil 5-sentabrdagi “Davlat tibbiy sugʻurtasi mexanizmlarini joriy etishga oid chora-tadbirlar toʻgʻrisida”gi PQ-311-son qarorida belgilangan tartibda aholiga bepul ambulator va rejali statsionar tibbiy xizmat koʻrsatish;
(iii) tashxislash va davolash standartlari hamda klinik protokollarga qatʼiy amal qilgan holda aholiga tibbiy maslahat berish, laborator, tashxislash, ambulator, statsionar hamda shoshilinch tibbiy yordam koʻrsatish;
(iv) tor soha mutaxassislari tomonidan aholi orasida kasallanish, nogironlikning oldini olish, oʻlimni kamaytirish boʻyicha profilaktik tadbirlarni (skrining tekshiruvlari, profilaktik va sayyor tibbiy koʻriklar) amalga oshirish.
6. Belgilab qoʻyilsinki:
(a) tuman (shahar) sogʻliqni saqlash boʻlimi faoliyatini tashkil etish uchun zarur boʻlgan shtat birliklari sogʻliqni saqlash tizimida amalga oshiriladigan islohotlar natijasida boʻshaydigan shtat birliklari hisobidan shakllantiriladi;
(b) tuman (shahar) sogʻliqni saqlash boʻlimi:
(i) mustaqil balansga, shaxsiy gʻazna hisobvaraqlariga, oʻz nomi davlat tilida yozilgan va Oʻzbekiston Respublikasi Davlat gerbi tasviri tushirilgan muhrga, oʻz faoliyati uchun zarur boʻlgan boshqa atributlarga ega davlat boshqaruvi organi hisoblanadi;
(ii) faoliyatida tegishli tuman (shahar) hokimligiga va sogʻliqni saqlash boshqarmasiga boʻysunadi;
(iii) tuman (shahar) markaziy shifoxonasi, oilaviy poliklinikalar, tez tibbiy yordam xizmati hamda sanitariya-epidemiologik osoyishtalik va jamoat salomatligi boʻlimidan iborat tarkibda faoliyat yuritadi;
(iv) tibbiyot muassasalarining moliya-buxgalteriya hisobi va hisoboti hamda inson resurslarini boshqarish xizmatini yuritadi;
(v) tasarrufidagi tibbiyot muassasalari xodimlari bilan mehnat shartnomasini tuzadi va bekor qiladi.
7. Shunday tartib oʻrnatilsinki, unga muvofiq:
(a) tuman (shahar) sogʻliqni saqlash boʻlimi xodimlariga 2-ilovaga muvofiq tarif razryadlarini qoʻllagan holda ish haqi hisoblanadi hamda ularga hududiy sogʻliqni saqlash boshqarmalari xodimlari uchun belgilangan mehnatga haq toʻlash shartlari tatbiq etiladi;
(b) tuman (shahar) sogʻliqni saqlash boʻlimining budjetdan tashqari rivojlantirish jamgʻarmasiga oʻz tasarrufidagi tibbiyot muassasalari tomonidan pulli asosda koʻrsatilgan tibbiy xizmatlar uchun tushumlar miqdorining 2 foizi miqdorida ajratma oʻtkaziladi.
8. Respublikaning barcha davlat tibbiyot muassasalarida 2025-yil 1-iyuldan boshlab kasallikning ogʻirlik darajasi va davolashning murakkabligidan kelib chiqib, maxsus koʻnikmalarni talab qiladigan davolash choralarini koʻrgan hamda yuqori xavf darajasiga ega boʻlgan amaliyotlarni samarali amalga oshirgan shifokorlarning oylik lavozim maoshlariga 25 foizdan 100 foizgacha ustama toʻlash tizimi joriy qilinsin.
III. Raqamlashtirish
9. Tajriba-sinov loyihasi doirasida tibbiyot muassasalarini taʼminlash uchun axborot-kommunikatsiya jihozlari va tarmoq qurilmalari roʻyxati 3-ilovaga muvofiq tasdiqlansin.
10. Sogʻliqni saqlash vazirligi 2025-yil 15-iyunga qadar Tajriba-sinov loyihasi amalga oshiriladigan hududlarda, 2025-yil yakuniga qadar qolgan hududlarda aholini “Elektron sogʻliqni saqlash” axborot tizimida roʻyxatdan oʻtkazsin hamda tibbiyot brigadalariga biriktirilishini taʼminlasin.
11. Raqamli texnologiyalar vazirligi 2025-yil 1-iyunga qadar “Elektron sogʻliqni saqlash” axborot tizimida hamda Yagona interaktiv davlat xizmatlari portalida shaxsiy kabinet orqali aholini tibbiyot brigadasiga biriktirish, oilaviy shifokor va aholi oʻrtasida bitim tuzish imkoniyatini yaratsin.
IV. Tibbiyot xodimlarining bilim va koʻnikmalarini oshirish
12. Belgilansinki, Tajriba-sinov loyihasi doirasida:
(a) mehnat qonunchiligi talablariga muvofiq birlamchi tibbiy-sanitariya yordami muassasalari va tuman (shahar) markaziy shifoxonalarining mehnat shartlari oʻzgaradigan shifokor va oʻrta tibbiyot xodimlari shaffof imtihonlar asosida belgilangan tartibda qayta ishga rasmiylashtiriladi. Bunda:
(i) imtihonlar Sogʻliqni saqlash vazirligi tomonidan Boshqaruv samaradorligi agentligi bilan birgalikda tashkil etiladi;
(ii) xodimlar malakasini aniqlashda birinchi navbatda oʻtkazilgan imtihon natijalari inobatga olinadi hamda imtihonda eng yaxshi natija koʻrsatgan xodimlar ishga qabul qilinadi.
(b) oila salomatligi boʻyicha maxsus oʻquv dasturi, shuningdek, milliy klinik protokollar asosida oʻqitiladigan tibbiyot brigadasi xodimlari bilimini baholash maqsadida yakuniy test sinovlari topshiriqlari Bilim va malakalarni baholash agentligi tomonidan ishlab chiqiladi;
(v) tuman (shahar) markaziy shifoxonalarining oliy maʼlumotli tibbiyot va farmatsevtika kadrlarining uzluksiz kasbiy tibbiyot taʼlimida toʻplanadigan kreditlar hajmining 144 tasi Davlat budjeti mablagʻlari hisobidan taʼlim olish orqali jamlanadi;
(g) tibbiyot brigadasi xodimlarini oila salomatligi yuzasidan oʻqitish boʻyicha maxsus oʻquv dasturlarini ishlab chiqish va oʻqitish tibbiy taʼlim muassasalari tomonidan hamda rahbar xodimlarni menejerlik boʻyicha maxsus oʻquv dasturi boʻyicha oʻqitish Toshkent shahridagi Xalqaro Vestminster universiteti tomonidan amalga oshiriladi.
V. “Tibbiyotda 90 kunlik oʻzgarishlar” dasturi
13. Sogʻliqni saqlash tizimini isloh qilish maqsadida jalb etilgan turk ekspertlari bilan birgalikda tibbiyot muassasalarida aholi hamda tibbiyot xodimlari uchun qulayliklar yaratish, tibbiy xizmat sifatini oshirishga xizmat qiluvchi “Tibbiyotda 90 kunlik oʻzgarishlar” dasturi (keyingi oʻrinlarda — Dastur) ishlab chiqilgani maʼlumot uchun qabul qilinsin.
14. Belgilansinki, 2025-yil 1-iyundan boshlab Dastur doirasida qisqa muddatda tibbiyot muassasalarida aholi uchun qulay sharoitlar yaratish hamda ularning tibbiyotga boʻlgan ishonchini orttirish maqsadida:
(a) tibbiyot muassasalarida kutish zallari tashkil qilinib, oʻrindiqlar bilan taʼminlanadi, qulay roʻyxatxonalar tashkil etiladi va onlayn qabulga yozilish imkoniyatlari kengaytiriladi;
(b) aholi, bemorlar, nogironlar harakatlanishi uchun qulayliklar yaratiladi;
(v) “Ona va bola” xonalari tashkil qilinadi, xonalar va yoʻlaklar tejamkor zamonaviy yoritish qurilmalari bilan jihozlanadi;
(g) sanitariya-gigiyena xonalari taʼmirlanib, shaxsiy gigiyena vositalari bilan taʼminlanadi;
(d) tibbiy xizmatlar sifatini oshirish hamda aholi va bemorlar uchun qulayliklar yaratish imkonini beruvchi boshqa tadbirlar amalga oshiriladi.
VI. Qarorda belgilangan tadbirlarni moliyalashtirish
15. Belgilansinki, qurilish-taʼmirlash ishlari, shu jumladan, tuman (shahar) markaziy shifoxonasi boʻlinmalari, oilaviy poliklinikalar uchun bino va inshootlarni qurish Davlat budjeti mablagʻlari hisobidan amalga oshiriladi. Bunda 2025 — 2027-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida sogʻliqni saqlash sohasiga ajratiladigan mablagʻlar birinchi navbatda mazkur maqsadlarga yoʻnaltiriladi.
16. Tibbiyot xodimlarining ish haqi miqdorini qayta koʻrib chiqish, malakasini oshirish, bilim va koʻnikmalarini baholash hamda ularni ragʻbatlantirish bilan bogʻliq xarajatlarni moliyalashtirish quyidagi manbalar hisobidan amalga oshirilsin:
(a) oʻquv kurslari va xodimlar bilimini baholashni tashkil etish bilan bogʻliq xarajatlar — Davlat budjetidan tibbiyot xodimlarining malakasini oshirish uchun ajratilgan mablagʻlar hamda Tibbiyotni rivojlantirish davlat maqsadli jamgʻarmasi mablagʻlari;
(b) ish haqi miqdorini qayta koʻrib chiqish, oila salomatligi boʻyicha maxsus oʻquv dasturining har bir bosqichi yakuni boʻyicha tibbiyot brigadasi xodimlari va oilaviy poliklinikalar katta hamshiralariga qoʻshimcha ustama toʻlash bilan bogʻliq xarajatlar — Davlat budjeti mablagʻlari;
(v) tibbiyot, farmatsevtika va rahbar xodimlar faoliyatini samaradorlik koʻrsatkichlari asosida moddiy ragʻbatlantirish — tibbiyot xodimlarini moddiy ragʻbatlantirish va rivojlantirish jamgʻarmasi mablagʻlari.
17. Dasturdagi tadbirlarni amalga oshirish bilan bogʻliq xarajatlar tibbiyot muassasalarining budjet va budjetdan tashqari mablagʻlari hamda mahalliy budjet mablagʻlari hisobidan amalga oshirilsin.
18. Oʻzbekiston Respublikasi Prezidentining 2025-yil 19-maydagi PF-88-son Farmoniga muvofiq, mahalliy budjetlar tomonidan ajratiladigan mablagʻlar teng ulushlarda axborot-kommunikatsiya jihozlari va tarmoq qurilmalari xarid qilishga va Dasturdagi tadbirlarni moliyalashtirishga yoʻnaltirilsin. Bunda zarur hollarda, ajratilgan mablagʻlar Tajriba-sinov loyihasi doirasida belgilangan boshqa tadbirlarni moliyalashtirishga ham sarflanishi mumkin.
19. Respublika budjeti va mahalliy budjetlardan ajratilgan mablagʻlar, shuningdek, xalqaro tashkilotlarning kredit va grant mablagʻlari tibbiyot muassasalarini 3-ilovada belgilangan axborot-kommunikatsiya jihozlari va tarmoq qurilmalari bilan taʼminlash xarajatlari uchun yoʻnaltirilsin.
VII. Kadrlar taʼminoti
20. Sogʻliqni saqlash vazirligi:
(a) 2025-yil 1-iyunga qadar Iqtisodiyot va moliya vazirligi hamda Kambagʻallikni qisqartirish va bandlik vazirligi bilan kelishgan holda Tajriba-sinov loyihasi doirasida tibbiyot muassasalarining shtat meʼyorlarini qayta koʻrib chiqib, tasdiqlasin;
(b) imtihon natijalari asosida ishga qabul qilinmagan xodimlarga tibbiyot muassasalaridagi mutaxassisligiga mos boʻsh ish oʻrinlarini taklif qilsin hamda Kambagʻallikni qisqartirish va bandlik vazirligi bilan birgalikda ularni ishga joylashtirish choralarini koʻrsin;
(v) respublika ixtisoslashtirilgan ilmiy-amaliy tibbiyot markazlari va ularning hududiy filiallari mutaxassislaridan iborat mobil ishchi guruhlar tashkil qilsin hamda 2025-yil 1-iyundan boshlab ularni tibbiyot muassasalariga biriktirsin. Bunda markazlar rahbarlari biriktirilgan tibbiyot muassasalarida biznes jarayonlarini toʻgʻri va sifatli yoʻlga qoʻyish, muassasadagi tibbiyot xodimlariga yangi tizim boʻyicha ishlashni oʻrgatish, kadrlar taʼminoti hamda Tajriba-sinov loyihasida nazarda tutilgan barcha tadbirlarni tashkil etish boʻyicha shaxsan masʼul hisoblanadi.
VIII. Qaror ijrosini tashkil etish, taʼminlash va nazorat
21. Tajriba-sinov loyihasi doirasida tibbiy yordam koʻrsatishda aholi hamda tibbiyot xodimlarining huquq va majburiyatlari 4-ilovaga muvofiq tasdiqlansin.
22. Sogʻliqni saqlash vazirligi Sirdaryo viloyati hokimligi bilan birgalikda bir oy muddatda Guliston tibbiyot klasteri tarkibiga viloyat tibbiyot muassasalarini kiritish boʻyicha Vazirlar Mahkamasiga taklif kiritsin.
23. Sogʻliqni saqlash vazirligi uch oy muddatda aholi va tibbiyot xodimlarining huquqiy munosabatlari hamda taraflarning huquq va majburiyatlari yuzasidan Oʻzbekiston Respublikasining “Fuqarolar sogʻligʻini saqlash toʻgʻrisida”gi Qonuniga tegishli oʻzgartirish va qoʻshimchalar kiritish boʻyicha takliflarni Vazirlar Mahkamasiga kiritsin.
24. Sogʻliqni saqlash vazirligi “Sogʻliqni saqlash loyihalari markazi” loyiha ofisi bilan birgalikda Tajriba-sinov loyihasi doirasida loyiha amaliyotga joriy etilgunga qadar hamda 2026-yil yakuni boʻyicha amaldagi sogʻliqni saqlash tizimidan qoniqish darajasini aniqlash maqsadida aholi va tibbiyot xodimlari oʻrtasida soʻrovnoma oʻtkazsin. Bunda soʻrovnoma oʻtkazish bilan bogʻliq xarajatlar “Sogʻliqni saqlash loyihalari markazi” loyiha ofisiga Davlat budjetidan ajratilgan mablagʻlar hisobidan qoplansin.
25. Sogʻliqni saqlash vazirligi Qoraqalpogʻiston Respublikasi Vazirlar Kengashi va viloyat hokimliklari bilan birgalikda ikki oy muddatda Tajriba-sinov loyihasi doirasida mavjud birlamchi tibbiy-sanitariya yordami muassasalarini xatlovdan oʻtkazsin. Bunda xatlov natijalariga koʻra:
(a) birlamchi tibbiy-sanitariya yordami muassasalaridan uzoq masofada joylashgan va zarur infratuzilma (elektr, suv, oqova suv tizimi, atrofni obodonlashtirish va boshqalar) hamda tibbiy uskunalar va jihozlar bilan taʼminlangan maxsus konteynerlarda tashkil etilgan mahalla tibbiyot punktlarini oilaviy poliklinikaning filiali sifatida qayta tashkil etish va qolganlarining faoliyatini toʻxtatish;
(b) amalda birlamchi tibbiy-sanitariya yordami muassasasining filiali sifatida faoliyat yuritayotgan tibbiyot muassasalarini oilaviy poliklinikaga aylantirish yoki tugatish;
(v) tuman (shahar) koʻp tarmoqli markaziy poliklinikalariga biriktirilgan aholini ular joylashgan binoda tashkil etiladigan yoki boshqa oilaviy poliklinikalarga biriktirish;
(g) barcha oilaviy poliklinikalarni belgilangan tartibda raqamlash choralarini koʻrsin.
26. Sogʻliqni saqlash vazirligi Iqtisodiyot va moliya vazirligi bilan birgalikda xalqaro ekspertlarni jalb qilgan holda 2025-yil yakuniga qadar 14 ta tuman (shahar)da aholiga birlamchi tibbiy-sanitariya yordami va statsionar xizmat koʻrsatishni yaxlit tizim sifatida davlat-xususiy sheriklik tamoyili asosida rivojlantirish boʻyicha Vazirlar Mahkamasiga taklif kiritsin.
27. Sogʻliqni saqlash vazirligi Iqtisodiyot va moliya vazirligi bilan birgalikda 2025-yil yakuniga qadar sogʻliqni saqlash tizimidagi xodimlarning malaka toifalari, ish staji va lavozimlari boʻyicha bazaviy tarif stavkalarini belgilagan holda rahbar va xodimlar mehnatiga haq toʻlashning takomillashtirilgan tizimini joriy etish boʻyicha qaror loyihasini ishlab chiqib, Vazirlar Mahkamasiga kiritsin.
28. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari hamda sogʻliqni saqlash vaziriga Dasturda belgilangan tadbirlarning oʻz vaqtida va sifatli bajarilishi hamda amaliyotga joriy etilishi boʻyicha shaxsiy javobgarlik yuklansin.
29. Mazkur qarorning ijrosini samarali tashkil qilishga masʼul va shaxsiy javobgar etib sogʻliqni saqlash vaziri A.A. Xudayarov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.
30. Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari O.Q. Abduraxmanov zimmasiga yuklansin.
Oʻzbekiston Respublikasi Prezidentining 2025-yil 19-maydagi PQ-185-son qaroriga 1-ILOVA
Tuman (shahar) sogʻliqni saqlash boʻlimlarining namunaviy tashkiliy tuzilmasi
Boʻlim boshligʻi Boshliq oʻrinbosari — statsionar shoʻbasi boshligʻi * Boshliq oʻrinbosari — oilaviy tibbiyot shoʻbasi boshligʻi Boshliq oʻrinbosari — moliya-iqtisod shoʻbasi boshligʻi Statsionar shoʻbasi (onalik va bolalikni muhofaza qilish, statsionar xizmatlar) 2 — 4 Oilaviy tibbiyot shoʻbasi (oilaviy poliklinikalar faoliyatini muvofiqlashtirish) 2 — 4 Markazlashgan moliya-buxgalteriya xizmati ** Pullik, DXSH va autsorsing xizmatlarini rivojlantirish boʻyicha bosh mutaxassis 1 Tuman (shahar) statsionar tibbiyot muassasalari 1-2 tip oilaviy poliklinikalar Axborot texnologiyalari boʻyicha bosh mutaxassis 1 Sogʻlom turmush tarzi va tashkiliy-uslubiy shoʻbasi 3-4 Sanitariya-epidemiologik osoyishtalik va jamoat salomatligi boʻlimi, tez tibbiy yordam xizmati, nodavlat tibbiyot tashkilotlari Inson resurslarini boshqarish xizmati **
Oʻzbekiston Respublikasi Prezidentining 2025-yil 19-maydagi PQ-185-son qaroriga 2-ILOVA
Tuman (shahar) sogʻliqni saqlash boʻlimi xodimlari mehnatiga haq toʻlash razryadlari
T/r Lavozim nomi Mehnatga haq toʻlash razryadlari 1. Boʻlim boshligʻi 13 2 . Boʻlim boshligʻi oʻrinbosari 12 3 . Shoʻba boshligʻi 10 4 . Bosh mutaxassis 9 5 . Yetakchi mutaxassis 8
Oʻzbekiston Respublikasi Prezidentining 2025-yil 19-maydagi PQ-185-son qaroriga 3-ILOVA
Tajriba-sinov loyihasi doirasida tibbiyot muassasalarini taʼminlash uchun axborot-kommunikatsiya jihozlari va tarmoq qurilmalari
T/r Hududlar va tibbiyot muassasalari nomi Kompyuter Planshet Infokiosk Smart monitor Printer (qogʻoz) Printer (chek) Printer (yorliq) Skaner (2D) Veb kamera (MyID uchun) 1. Samarqand shahri sogʻliqni saqlash boʻlimi tasarrufidagi tibbiyot muassasalari 628 700 15 73 220 53 29 97 56 2. Ishtixon tumani sogʻliqni saqlash boʻlimi tasarrufidagi tibbiyot muassasalari 499 162 15 55 60 19 18 19 34 3. Bulungʻur tumani sogʻliqni saqlash boʻlimi tasarrufidagi tibbiyot muassasalari 369 206 20 51 89 34 44 84 48 4. Asaka tumani sogʻliqni saqlash boʻlimi tasarrufidagi tibbiyot muassasalari 345 90 15 26 16 14 57 85 40 5. Gʻijduvon tumani sogʻliqni saqlash boʻlimi tasarrufidagi tibbiyot muassasalari 333 342 23 37 41 26 27 52 36 6. Gʻallaorol tumani sogʻliqni saqlash boʻlimi tasarrufidagi tibbiyot muassasalari 412 223 15 44 20 34 65 83 36 7. Kitob tumani sogʻliqni saqlash boʻlimi tasarrufidagi tibbiyot muassasalari 192 190 23 31 26 34 44 61 33 8. Xatirchi tumani sogʻliqni saqlash boʻlimi tasarrufidagi tibbiyot muassasalari 191 103 33 34 90 55 34 2 34 9. Chortoq tumani sogʻliqni saqlash boʻlimi tasarrufidagi tibbiyot muassasalari 70 198 19 56 55 55 62 40 34 10. Denov tumani sogʻliqni saqlash boʻlimi tasarrufidagi tibbiyot muassasalari 655 455 22 88 29 39 109 93 55 11. Yangiyoʻl shahri sogʻliqni saqlash boʻlimi tasarrufidagi tibbiyot muassasalari 133 80 2 13 7 3 21 11 2 12. Quva tumani sogʻliqni saqlash boʻlimi tasarrufidagi tibbiyot muassasalari 389 270 20 51 35 32 52 78 44 13. Shovot tumani sogʻliqni saqlash boʻlimi tasarrufidagi tibbiyot muassasalari 235 215 13 50 76 40 35 35 40 14. Samarqand viloyati hududlararo xospis 10 2 4 2 2 2 2 2025-yil 1-iyulga qadar jami * 4461 3234 235 611 768 440 599 742 494 15. Kattaqoʻrgʻon shahri sogʻliqni saqlash boʻlimi tasarrufidagi tibbiyot muassasalari 94 15 2 20 44 3 6 16 7 16. Oqdaryo tumani sogʻliqni saqlash boʻlimi tasarrufidagi tibbiyot muassasalari 216 216 13 23 88 17 37 61 25 17. Jomboy tumani sogʻliqni saqlash boʻlimi tasarrufidagi tibbiyot muassasalari 207 89 14 34 23 21 25 29 21 18. Kattaqoʻrgʻon tumani sogʻliqni saqlash boʻlimi tasarrufidagi tibbiyot muassasalari 242 415 14 27 72 19 22 22 30 19. Qoʻshrabot tumani sogʻliqni saqlash boʻlimi tasarrufidagi tibbiyot muassasalari 213 172 16 41 145 5 17 19 21 20. Narpay tumani sogʻliqni saqlash boʻlimi tasarrufidagi tibbiyot muassasalari 369 236 24 28 201 20 24 24 24 21. Payariq tumani sogʻliqni saqlash boʻlimi tasarrufidagi tibbiyot muassasalari 239 276 26 26 152 5 26 52 56 22. Pastdargʻom tumani sogʻliqni saqlash boʻlimi tasarrufidagi tibbiyot muassasalari 719 273 23 43 55 42 64 115 67 23. Paxtachi tumani sogʻliqni saqlash boʻlimi tasarrufidagi tibbiyot muassasalari 155 148 16 29 118 18 42 70 29 24. Samarqand tumani sogʻliqni saqlash boʻlimi tasarrufidagi tibbiyot muassasalari 341 315 4 36 189 20 14 21 19 25. Nurobod tumani sogʻliqni saqlash boʻlimi tasarrufidagi tibbiyot muassasalari 223 66 17 28 19 14 37 60 40 26. Urgut tumani sogʻliqni saqlash boʻlimi tasarrufidagi tibbiyot muassasalari 673 521 27 92 51 21 54 94 65 27. Toyloq tumani sogʻliqni saqlash boʻlimi tasarrufidagi tibbiyot muassasalari 241 40 11 35 13 21 33 58 27 2025-yil yakuniga qadar jami * 3932 2782 207 462 1170 226 401 641 431 JAMI 8393 6016 442 1073 1938 666 1000 1383 925
Oʻzbekiston Respublikasi Prezidentining 2025-yil 19-maydagi PQ-185-son qaroriga 4-ILOVA
Tajriba-sinov loyihasi doirasida tibbiy yordam koʻrsatishda aholi hamda tibbiyot xodimlarining huquq va majburiyatlari
1. Aholiga tibbiy xizmat koʻrsatishda ularning huquqlari va manfaatlari Oʻzbekiston Respublikasining “Fuqarolar sogʻligʻini saqlash toʻgʻrisida”gi Qonuniga muvofiq taʼminlanadi.
2. Aholiga ularning sogʻligʻini saqlash bilan bogʻliq quyidagi majburiyatlar yuklatiladi:
(a) oʻz sogʻligʻi haqida gʻamxoʻrlik qilish, uni saqlash, mustahkamlash va tiklash boʻyicha oʻz vaqtida choralar koʻrish;
(b) sogʻlom turmush tarziga rioya etish;
(v) sanitariya-epidemiologik talablarga rioya qilish;
(g) tanlangan tashxislash va davolash taktikasini amalga oshirish uchun tibbiyot xodimlarining tavsiyalarini soʻzsiz bajarish;
(d) oʻzida jamoat salomatligi uchun xavf tugʻdiradigan kasalliklar, odamning immunitet tanqisligi virusi mavjudligi va oʻzgalar sogʻligʻiga zarar yetkazuvchi boshqa holatlar boʻlsa, ular toʻgʻrisida tibbiyot xodimlariga xabar berish, shuningdek, boshqa odamlar bilan aloqada boʻlganda zarur ehtiyot choralarini koʻrish;
(e) tibbiyot xodimlarining soʻroviga asosan dori vositalarini qoʻllash chogʻida avval aniqlangan allergik reaksiyalari yoki nomutanosibligi haqida ularni xabardor qilish;
(j) tibbiyot xodimlarining soʻroviga asosan oʻzining va yaqin qarindoshlarining nasliy kasalliklari hamda oldin boshidan kechirgan xastaliklari haqida ularga maʼlumot taqdim etish;
(z) bemorlar uchun oʻrnatilgan tartib-qoidalarga rioya qilish;
(i) agar bemor avval boshqa tibbiyot muassasalariga murojaat qilgan boʻlsa, olgan muolajalari, qoʻyilgan tashxislar va tavsiyalar haqida tibbiyot xodimlariga maʼlumot berish;
(k) sogʻligʻidagi keskin yoki bosqichma-bosqich oʻzgarishlar haqida tibbiyot xodimlarini xabardor qilish;
(l) tibbiyot xodimlari va xizmat koʻrsatuvchi xodimlarga hurmat koʻrsatish;
(m) sogʻliqni saqlash tashkilotining mol-mulkiga ehtiyotkorlik bilan munosabatda boʻlish;
(n) qonunchilik hujjatlariga muvofiq boshqa majburiyatlar.
3. Tibbiyot xodimlari oʻz mehnat faoliyatini amalga oshirishda quyidagi huquqlarga ega:
(a) amaldagi tashxislash va davolash standartlari, klinik protokollar asosida hamda vakolati doirasida bemorga tashxis qoʻyish va davolash tadbirlarini belgilash, dori va sarflov vositalarini buyurish hamda qoʻllash;
(b) bemorlarning hayotini saqlab qolish maqsadida zarur tibbiy chora-tadbirlarni amalga oshirish;
(v) ish beruvchidan malakali va sifatli tibbiy yordam koʻrsatish uchun zarur sharoit yaratilishini talab qilish;
(g) mehnat va mehnatni muhofaza qilish toʻgʻrisidagi qonunchilik hujjatlari talablariga muvofiq mehnat sharoitlarida ishlash;
(d) qonuniy himoyaga ega boʻlish;
(e) kasbiy malakasini oshirish, kasbiy bilim va amaliy koʻnikmalarga muvofiq malaka toifalarini olish;
(j) ilmiy-tadqiqot ishlarida ishtirok etish;
(z) tibbiy faoliyatga oid yangilik va innovatsiyalarni joriy etish;
(i) qonunchilik hujjatlariga muvofiq tibbiy va farmatsevtika jamoat birlashmalarini tuzish;
(k) qonunchilik hujjatlariga muvofiq boshqa huquqlar.
4. Tibbiyot xodimlariga aholining sogʻligʻini saqlashda quyidagi majburiyatlar yuklatiladi:
(a) sogʻliqni saqlash sohasidagi qonunchilik hujjatlariga rioya qilish;
(b) oʻz lavozim vazifalarini kompetensiyalari doirasida bajarish;
(v) bemorlarga malakali va sifatli tibbiy yordam koʻrsatish;
(g) amaldagi tashxislash va davolash standartlari hamda klinik protokollarga rioya etish;
(d) bemorlarga samaradorligi isbotlangan dori va sarflov vositalarini asoslantirilgan holda buyurish va qoʻllash. Bunda turli farmatsevtika mahsulotlari ishlab chiqaruvchi va realizatsiya qiluvchi tashkilotlar manfaatlarini qoʻllab-quvvatlamaslik;
(e) bemorning tibbiy yordam soʻrab murojaat qilganligi, sogʻligʻining holati, qoʻyilgan tashxis toʻgʻrisidagi maʼlumotlari hamda uni tekshirish va davolash chogʻida olingan boshqa maʼlumotlarni sir saqlash;
(j) tibbiyot sohasining axloqiy va kasbiy meʼyorlariga amal qilish, tibbiy etika va deontologiya prinsiplariga rioya qilish hamda bemorlarni hurmat qilish;
(z) tibbiy aralashuvga bemor yoki uning qonuniy vakilining roziligi yoki rad etishini aniqlash;
(i) zarur hollarda bemor holati boʻyicha boshqa mutaxassislar ishtirokida konsilium oʻtkazish va ulardan maslahatlar olish;
(k) tibbiy xatolarning oldini olish va oʻz vakolati hamda kompetensiyalaridan tashqariga chiqmaslik;
(l) davlat mol-mulkiga ehtiyotkorlik bilan munosabatda boʻlish;
(m) qonunchilik hujjatlariga muvofiq boshqa majburiyatlar.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 19-may,
PQ-185-son
Президента Республики Узбекистан
Постановление
О дополнительных мерах по реализации реформ в системе здравоохранения
В целях обеспечения исполнения Указа Президента Республики Узбекистан от 19 мая 2025 года № УП-88 «О мерах по последовательному продолжению реформирования сферы здравоохранения путем совершенствования данной системы и принципов оказания медицинских услуг населению в республике» постановляю:
I. Цели
1. Определить основными целями совершенствования системы здравоохранения в рамках внедрения в качестве пилотного проекта новой модели организации системы здравоохранения в 15 районах (городах) республики с 1 июля 2025 года, в Самаркандской области — с 1 января 2026 года (далее — Пилотный проект):
(а) повышение качества и эффективности медицинских услуг, оказываемых в семейных поликлиниках, путем кардинального пересмотра деятельности учреждений первичной медико-санитарной помощи;
(б) конкретное определение задач и функций отделений районного (городского) уровня Министерства здравоохранения, семейных поликлиник, центральных больниц, а также прав и обязательств населения и медицинских работников при оказании медицинской помощи;
(в) повышение знаний и квалификации медицинских работников, внедрение системы достойной оплаты их труда;
(г) ускорение и мониторинг реформ, осуществляемых посредством реформирования районного (городского) звена вертикального управления Министерства здравоохранения;
(д) реализацию Программы «90-дневные изменения в медицине», включающей краткосрочные меры при оказании медицинских услуг населению.
II. Создание отделов здравоохранения районов (городов) и совершенствование деятельности медицинских учреждений
2. В целях реализации Пилотного проекта, проведения постоянного мониторинга и анализа его исполнения, а также широкого внедрения Пилотного проекта во всех регионах республики образовать отделы здравоохранения районов (городов) со статусом юридического лица на базе медицинских объединений районов (городов).
3. Утвердить Типовую организационную структуру отделов здравоохранения районов (городов) согласно приложению № 1 .
4. Определить основными задачами отделов здравоохранения районов (городов):
(а) проведение инвентаризации действующих учреждений первичной медико-санитарной помощи и по результатам инвентаризации их преобразование в форме семейной поликлиники соответствующего типа со статусом юридического лица в соответствии с требованиями Пилотного проекта;
(б) преобразование многопрофильных центральных поликлиник в консультативно-диагностические отделения центральных больниц;
(в) переформирование медицинских бригад в соответствии с новыми нормативами, организацию и контроль прикрепления населения к ним в рамках Пилотного проекта;
(г) проведение аттестации медицинских работников на основе прозрачных механизмов обеспечения квалифицированными кадрами подведомственных медицинских учреждений, по ее результатам принятие на работу медицинских работников на полную ставку и создание для них достойных условий труда;
(д) осуществление контроля за заключением соглашений между семейными врачами и прикрепленным населением, а также договоров между медицинскими учреждениями на соответствующей территории и Фондом государственного медицинского страхования, а также их соблюдением;
(е) осуществление контроля за выполнением утвержденных показателей эффективности деятельности медицинских работников, а также их стимулирование на основе результатов;
(ж) организацию оказания населению амбулаторных и стационарных медицинских услуг, а также обеспечения лекарственными средствами на бесплатной основе в рамках гарантированных объемов медицинской помощи, покрываемых за счет средств Государственного бюджета;
(з) обеспечение повышения квалификации работников медицинских бригад и старших медсестер семейных поликлиник по специальной учебной программе семейного здоровья, руководящих работников — на курсах менеджмента совместно с медицинскими образовательными учреждениями в порядке, установленном Министерством здравоохранения;
(и) принятие мер по снижению рабочей нагрузки медицинских работников посредством цифровизации бизнес-процессов в деятельности подведомственных медицинских учреждений и перевода в электронную форму всех отчетов, ведущихся в бумажной форме;
(к) аккумулирование средств, оптимизированных в рамках Пилотного проекта, на соответствующем лицевом казначейском счете, открытом для отделов здравоохранения районов (городов), их направление на финансирование расходов, связанных с реализацией Пилотного проекта;
(л) ведение мониторинга оказания немедицинских услуг (питание, стирка, стерилизация и прочие), а также работ по передаче частному сектору неэффективных и пустующих зданий и сооружений на основе государственно-частного партнерства или аутсорсинга;
(м) внедрение оказания платных услуг в медицинских учреждениях и оказание содействия в расширении их видов;
(н) обеспечение подключения к Платформе цифрового здравоохранения всех государственных и негосударственных медицинских и фармацевтических организаций на соответствующей территории, в том числе аптек;
(о) разработку предложений по улучшению состояния здравоохранения на соответствующей территории путем анализа показателей здоровья населения, уровня заболеваемости и других данных.
5. Определить основными направлениями деятельности медицинских учреждений в рамках Пилотного проекта:
(а) для семейных поликлиник:
(i) заключение соглашений между медицинскими бригадами и прикрепленным населением, своевременное и качественное оказание медицинских услуг в рамках гарантированного соглашением пакета на основании утвержденных стандартов лечения, национальных клинических протоколов;
(ii) заключение договора закупки медицинских услуг с Фондом государственного медицинского страхования исходя из численности прикрепленного населения;
(iii) внедрение в семейных поликлиниках услуг семейного врача, педиатра, акушера-гинеколога и специалистов по диагностике, стоматологических услуг — на основе аутсорсинга;
(iv) проведение регулярной оценки деятельности семейных врачей исходя из числа обслуживаемого ими населения;
(v) обеспечение населения необходимыми лекарственными средствами в рамках гарантированного пакета на бесплатной основе в соответствии с программами индивидуального лечения и оздоровления;
(vi) осуществление деятельности по оказанию выездных медицинских услуг медицинскими работниками для граждан, проживающих в сходах граждан махаллей, расположенных на расстоянии более 10 километров от семейной поликлиники;
(vii) организацию медицинского освидетельствования населения в целях выявления заболеваний на ранних этапах, а также работ по вакцинации населения в соответствии с Национальным календарем профилактических прививок и в чрезвычайных ситуациях, обеспечение репродуктивного здоровья и безопасного материнства, осуществление пропагандистской работы среди населения по ведению здорового образа жизни, физической активности, отказу от вредных привычек;
(viii) предоставление электронного направления на прием к специалистам узкого профиля и в больницы;
(б) для центральных больниц районов (городов):
(i) заключение договора закупки медицинских услуг с Фондом государственного медицинского страхования;
(ii) оказание населению амбулаторных и плановых стационарных медицинских услуг на бесплатной основе по направлению семейного врача в порядке, установленном постановлением Президента Республики Узбекистан от 5 сентября 2024 года № ПП-311 «О мерах по внедрению механизмов государственного медицинского страхования»;
(iii) предоставление медицинских консультаций, оказание лабораторных, диагностических, амбулаторных, стационарных услуг, а также экстренной медицинской помощи населению со строгим соблюдением стандартов диагностики и лечения, а также клинических протоколов;
(iv) проведение специалистами узкого профиля профилактических мероприятий (скрининговые обследования, профилактические и выездные медицинские освидетельствования) для предупреждения заболеваемости, инвалидности, снижения смертности среди населения.
6. Определить, что:
(а) штатные единицы, необходимые для организации деятельности отделов здравоохранения районов (городов), формируются за счет штатных единиц, высвобождаемых вследствие реформ, осуществляемых в системе здравоохранения;
(б) отделы здравоохранения районов (городов):
(i) являются органом государственного управления, имеющим самостоятельный баланс, лицевой казначейский счет, печать со своим наименованием на государственном языке и изображением Государственного герба Республики Узбекистан, а также иные атрибуты, необходимые для осуществления деятельности;
(ii) в своей деятельности подчиняются хокимияту соответствующего района (города) и управлению здравоохранения;
(iii) осуществляют деятельность в составе из центральной больницы района (города), семейных поликлиник, службы скорой медицинской помощи и отдела санитарно-эпидемиологического благополучия и общественного здоровья;
(iv) ведут финансово-бухгалтерский учет и отчетность, а также службу управления человеческими ресурсами медицинских учреждений;
(v) заключают и расторгают трудовые договоры с работниками подведомственных медицинских учреждений.
7. Установить порядок, в соответствии с которым:
(а) работникам отделов здравоохранения районов (городов) заработная плата начисляется с применением тарифных разрядов согласно приложению № 2 * , на них распространяются условия оплаты труда, установленные для работников региональных управлений здравоохранения;
(б) 2 процента поступлений от медицинских услуг, оказываемых на платной основе медицинскими учреждениями, подведомственными отделам здравоохранения районов (городов), перечисляются во внебюджетный фонд развития этих отделов.
8. Внедрить с 1 июля 2025 года во всех государственных медицинских учреждениях республики систему выплаты надбавки врачам, эффективно осуществляющим требующие специальных навыков лечебные меры и операции высокого уровня риска, в размере от 25 процентов до 100 процентов месячного должностного оклада в зависимости от степени тяжести заболеваний и сложности их лечения.
III. Цифровизация
9. Утвердить Перечень информационно-коммуникационного оборудования и сетевых устройств для обеспечения медицинских учреждений в рамках Пилотного проекта согласно приложению № 3 * .
10. Министерству здравоохранения осуществить регистрацию населения в информационной системе «Электронное здравоохранение» и обеспечить его прикрепление к медицинским бригадам на территориях реализации Пилотного проекта — в срок до 15 июня 2025 года, в остальных регионах — в срок до конца 2025 года.
11. Министерству цифровых технологий в срок до 1 июня 2025 года создать возможность прикрепления населения к медицинским бригадам, заключения соглашений между семейными врачами и населением в информационной системе «Электронное здравоохранение», а также посредством персонального кабинета на Едином портале интерактивных государственных услуг.
IV. Повышение знаний и навыков медицинских работников
12. Определить, что в рамках Пилотного проекта:
(а) врачи и средний медицинский персонал учреждений первичной медико-санитарной помощи и центральных больниц районов (городов) с изменяющимися условиями труда согласно требованиям трудового законодательства переоформляются на работу на основе прозрачно проводимых экзаменов в установленном порядке. При этом:
(i) экзамены организовываются Министерством здравоохранения совместно с Агентством эффективности управления;
(ii) при определении квалификации работников в первую очередь учитываются результаты проведенных экзаменов и на работу принимаются работники, показавшие на экзамене наилучший результат.
(б) задания итоговых тестовых испытаний по оценке знаний работников медицинских бригад, обучение которых ведется на основе специальной учебной программы семейного здоровья и национальных клинических протоколов, разрабатываются Агентством по оценке знаний и квалификаций;
(в) из объема кредитов, набираемых медицинскими и фармацевтическими кадрами с высшим образованием центральных больниц районов (городов) при непрерывном профессиональном медицинском образовании, 144 набираются путем обучения за счет средств Государственного бюджета;
(г) разработка специальных учебных программ семейного здоровья и обучение по ней работников медицинских бригад осуществляются медицинскими образовательными учреждениями, обучение руководящих работников по специальной учебной программе менеджмента ведется Международным Вестминстерским университетом в городе Ташкенте.
V. Программа «90-дневные изменения в медицине»
13. Принять к сведению, что совместно с турецкими экспертами, привлеченными в целях реформирования системы здравоохранения, разработана Программа «90-дневные изменения в медицине» (далее — Программа), направленная на создание удобств для населения и медицинских работников, повышение качества медицинских услуг в медицинских учреждениях.
14. Установить, что с 1 июня 2025 года в рамках Программы в целях создания благоприятных условий для населения в медицинских учреждениях и повышения его доверия к медицине в короткий срок:
(а) в медицинских учреждениях организовывается зал ожидания, который обеспечивается сиденьями, создается удобная регистратура, расширяется возможность онлайн-записи на прием;
(б) создаются удобства для передвижения населения, больных и инвалидов;
(в) создается комната матери и ребенка, кабинеты и проходы оснащаются энергосберегающими современными осветительными приборами;
(г) ремонтируются санитарно-гигиенические узлы, которые обеспечиваются средствами личной гигиены;
(д) проводятся иные мероприятия, предоставляющие возможность повышения качества медицинских услуг и создания удобств для больных.
VI. Финансирование определенных постановлением мероприятий
15. Определить, что строительно-ремонтные работы, в частности строительство зданий и сооружений для отделений центральных больниц районов (городов), семейных поликлиник осуществляются за счет средств Государственного бюджета. При этом средства, выделяемые в рамках Программы развития социальной и производственной инфраструктуры Республики Узбекистан на 2025 — 2027 годы для сферы здравоохранения, направляются в первую очередь на данные цели.
16. Осуществить финансирование расходов, связанных с пересмотром размеров оплаты труда, повышением квалификации, оценкой знаний и квалификаций, а также стимулированием медицинских работников за счет следующих источников:
(а) средств Государственного бюджета, выделенных для повышения квалификации медицинских работников, Государственного целевого фонда развития медицины — в части расходов, связанных с организацией учебных курсов и оценкой знаний работников;
(б) средств Государственного бюджета — в части расходов, связанных с пересмотром размеров оплаты труда, выплатой работникам медицинских бригад и старшим медсестрам семейных поликлиник дополнительной надбавки по итогам каждого этапа специальной учебной программы семейного здоровья;
(в) средств Фонда материального стимулирования и развития медицинских учреждений — в части материального стимулирования деятельности медицинских, фармацевтических и руководящих работников на основе показателей эффективности деятельности.
17. Расходы, связанные с реализацией мероприятий Программы, осуществить за счет бюджетных и внебюджетных средств медицинских учреждений, а также средств местных бюджетов.
18. В соответствии с Указом Президента Республики Узбекистан от 19 мая 2025 года № УП-88 средства, выделенные из местных бюджетов, направить на закупку информационно-коммуникационного оборудования и сетевых устройств, а также финансирование мероприятий Программы в равных долях. При этом выделенные средства могут использоваться при необходимости также на финансирование других мероприятий, определенных в рамках Пилотного проекта.
19. Направить средства, выделенные из республиканского бюджета и местных бюджетов, а также кредитные и грантовые средства международных организаций на расходы по обеспечению информационно-коммуникационным оборудованием и сетевыми устройствами медицинских учреждений, определенных приложением № 3 * .
VII. Кадровое обеспечение
20. Министерству здравоохранения:
(а) в срок до 1 июня 2025 года по согласованию с Министерством экономики и финансов, а также Министерством занятости и сокращения бедности пересмотреть и утвердить штатные нормативы медицинских учреждений в рамках Пилотного проекта;
(б) предложить медицинским работникам, не принятым на работу по результатам экзамена, вакантные рабочие места в медицинских учреждениях, соответствующие их специальности, совместно с Министерством занятости и сокращения бедности — принять меры по их трудоустройству;
(в) создать и с 1 июня 2025 года прикрепить к медицинским учреждениям мобильные рабочие группы в составе специалистов республиканских специализированных научно-практических медицинских центров и их региональных филиалов. При этом руководители центров несут персональную ответственность за надлежащее и качественное налаживание бизнес-процессов в прикрепленных медицинских учреждениях, обучение медицинских работников учреждения работе по новой системе, кадровое обеспечение и организацию всех мероприятий, предусмотренных в Пилотном проекте.
VIII. Организация, обеспечение и контроль исполнения постановления
21. Утвердить Права и обязательства населения и медицинских работников при оказании медицинских услуг в рамках Пилотного проекта согласно приложению № 4 * .
22. Министерству здравоохранения совместно с хокимиятом Сырдарьинской области в месячный срок внести в Кабинет Министров предложение о включении медицинских учреждений области в состав Гулистанского медицинского кластера.
23. Министерству здравоохранения в трехмесячный срок внести в Кабинет Министров предложения о внесении соответствующих изменений и дополнений в Закон Республики Узбекистан «Об охране здоровья граждан» по правоотношениям населения и медицинских работников, правам и обязательствам сторон.
24. Министерству здравоохранения совместно с Проектным офисом «Центр проектов здравоохранения» в рамках Пилотного проекта провести до внедрения данного проекта на практике и по итогам 2026 года опрос среди населения и медицинских работников в целях определения уровня удовлетворенности действующей системой здравоохранения. При этом расходы, связанные с проведением опроса, покрывать за счет средств Государственного бюджета, выделенных Проектному офису «Центр проектов здравоохранения».
25. Министерству здравоохранения совместно с Советом Министров Республики Каракалпакстан и хокимиятами областей в двухмесячный срок провести в рамках Пилотного проекта инвентаризацию действующих учреждений первичной медико-санитарной помощи. При этом на основе результатов инвентаризации принять меры, направленные на:
(а) преобразование организованных в специальных контейнерах махаллинских медицинских пунктов, расположенных на отдаленном расстоянии от учреждений первичной медико-санитарной помощи и обеспеченных необходимой инфраструктурой (энерго-, водоснабжением, системой сточных вод, благоустроенной территорией и прочим) и медицинским оборудованием и инструментами, в филиал семейных поликлиник, а также приостановление деятельности остальных махаллинских медицинских пунктов;
(б) преобразование в семейную поликлинику либо прекращение деятельности медицинских учреждений, фактически осуществляющих деятельность в качестве филиала учреждений первичной медико-санитарной помощи;
(в) прикрепление населения, прикрепленного к многопрофильным центральным поликлиникам районов (городов) к семейным поликлиникам, создаваемым в зданиях их размещения, либо к другим семейным поликлиникам;
(г) нумерацию всех семейных поликлиник в установленном порядке.
26. Министерству здравоохранения совместно с Министерством экономики и финансов с привлечением международных экспертов в срок до конца 2025 года внести в Кабинет Министров предложение о развитии первичной медико-санитарной помощи и оказания стационарных услуг населению в качестве единой системы на основе принципов государственно-частного партнерства в 14 районах (городах).
27. Министерству здравоохранения совместно с Министерством экономики и финансов в срок до конца 2025 года разработать и внести в Кабинет Министров проект постановления о внедрении усовершенствованной системы оплаты труда руководителей и работников с определением базовой тарифной ставки исходя из квалификационной категории, стажа работы и должности работников в системе здравоохранения.
28. Возложить на Председателя Совета Министров Республики Каракалпакстан, хокимов областей и города Ташкента, а также министра здравоохранения персональную ответственность за своевременную и качественную реализацию и внедрение на практике мер, определенных Программой.
29. Возложить на министра здравоохранения А.А. Худаярова, Председателя Совета Министров Республики Каракалпакстан, хокимов областей и города Ташкента персональную ответственность за эффективную организацию исполнения настоящего постановления.
30. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова, а также руководителя Департамента социального развития Администрации Президента Республики Узбекистан О.К. Абдурахманова.
ПРИЛОЖЕНИЕ № 1 к постановлению Президента Республики Узбекистан от 19 мая 2025 года № ПП-185
Типовая организационная структура отделов здравоохранения районов (городов)
Начальник отдела Заместитель начальника — начальник Сектора стационаров * Заместитель начальника — начальник Сектора семейной медицины Заместитель начальника — начальник Финансово-экономического сектора Сектор стационаров (охрана материнства и детства, стационарные услуги) 2 — 4 Сектор семейной медицины (координация деятельности семейных поликлиник) 2 — 4 Централизованная финансово-бухгалтерская служба ** Главный специалист по развитию платных, аутсорсинговых услуг и ГЧП 1 Стационарные медицинские учреждения района (города) Семейные поликлиники 1-2-го типа Главный специалист по информационным технологиям 1 Сектор здорового образа жизни и организационно-методического обеспечения 3-4 Отдел санитарно-эпидемиологического благополучия и общественного здоровья, Служба скорой медицинской помощи, негосударственные медицинские организации Служба управления человеческими ресурсами **
Президент Республики Узбекистан Ш. МИРЗИЁЕВ
г. Ташкент,
19 мая 2025 г.,
№ ПП-185