📅 2025-yil 27-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 27 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 мая 2025 г. · Постановления Президента
Официальный текст. Официальный документ. Редакционные примечания не включены.
📅 27 May 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
РЕЖАСИ
РЎЙХАТИ
Мебель ва ёғочсозлик саноатининг ривожланиши учун қулай шарт-шароитлар яратишга оид қўшимча чора-тадбирлар тўғрисида
Мебель ишлаб чиқарувчилар фаолиятини қўллаб-қувватлаш, рақобатбардош маҳсулотлар ишлаб чиқариш ҳамда экспортни рағбатлантириш, шунингдек, соҳани ривожлантириш орқали аҳоли бандлигини таъминлаш ва даромадларини ошириш мақсадида қарор қиламан:
I. Мақсадлар
1. Қуйидагилар 2025 — 2028 йилларда мебель ва ёғочсозлик саноатини ривожлантиришнинг асосий мақсадли кўрсаткичлари этиб белгилансин:
(a) мебель ва ёғочсозлик маҳсулотлари ишлаб чиқариш ҳажмини 30 фоизга ошириш;
(б) экспорт ҳажмини 100 миллион АҚШ долларига етказиш;
(в) умумий қиймати 200 миллион АҚШ доллари миқдоридаги инвестиция лойиҳаларини амалга ошириш;
(г) соҳада 50 минг нафар аҳолини даромадли меҳнат билан таъминлаш.
II. Имтиёзлар
2. 2029 йил 1 январга қадар 1-иловага мувофиқ мебель ишлаб чиқаришда фойдаланиладиган хом ашё, эҳтиёт қисмлар, фурнитура ва аксессуарлар импортида божхона божи 1 фоиз ставкада қўлланилсин.
3. Иқтисодиёт ва молия вазирлиги, Солиқ қўмитаси, Савдо-саноат палатаси уч ой муддатда мебель саноатида фойдаланиладиган, ўхшаши Ўзбекистон Республикасида ишлаб чиқарилмайдиган ва тасдиқланган рўйхат бўйича Ўзбекистон Республикаси ҳудудига олиб кириладиган, шунингдек, олиб киришда қўшилган қиймат солиғидан озод этиладиган технологик асбоб-ускуналар дистрибьюторлар томонидан маҳаллий ишлаб чиқарувчиларга реализация қилинганда қўшилган қиймат солиғи бўйича солиқ базасини мазкур асбоб-ускуналарни сотиб олиш нархи ва реализация қилиш нархи ўртасидаги ижобий фарқдан келиб чиқиб аниқлаш тартибини жорий этиш юзасидан Солиқ кодексига ўзгартириш ва қўшимчалар киритишни назарда тутувчи қонун лойиҳасини Вазирлар Маҳкамасига киритсин.
4. 2025 йил 1 июлдан бошлаб ўз хонадонида фаолият юритадиган якка тартибдаги тадбиркорларга мебель маҳсулотларини тайёрлаш фаолияти билан шуғулланиш ҳуқуқи берилсин.
5. Ўзбекистон техник жиҳатдан тартибга солиш агентлиги Савдо-саноат палатаси, Инвестициялар, саноат ва савдо вазирлиги билан биргаликда 2025 йил 1 августга қадар ёғоч қириндили ҳамда ёғоч толали плиталарнинг (ТИФ ТН 4410 ва 4411 товар позициясидаги маҳсулотлар, бундан пол, девор ва шифт қопламалари мустасно) техник жиҳатдан тартибга солиш соҳасидаги норматив ҳужжатлар талабларига мувофиқлигини баҳолаш тартибини соддалаштириш юзасидан Вазирлар Маҳкамасига таклифлар киритсин.
6. Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссияси Савдога кўмаклашиш жамғармаси маблағлари ҳисобидан:
(а) маҳаллий ишлаб чиқарувчиларнинг ўз мебель маҳсулотлари билан халқаро кўргазмаларда иштирок этишида бир корхона учун амалдаги ижара харажатлари қопланадиган майдон ҳажмини ошириш;
(б) мебель маҳсулотлари ишлаб чиқарувчи корхоналар томонидан муҳандис-технолог, лак ва бўёқ сепиш устаси, дизайнер каби хорижий мутахассислар жалб қилинганда уларнинг иш ҳақи бўйича харажатларни қоплаш;
(в) тайёр мебель маҳсулотлари ишлаб чиқарувчилар учун халқаро сертификатларни (ISO, CE, BIFMA, OEKO-Tex Standard 100, Greenguard каби) олиш билан боғлиқ харажатларни қоплаш;
(г) 2025 йил 1 июлдан бошлаб 2027 йил 1 июнга қадар мебель маҳсулотлари ишлаб чиқарувчи корхоналарда ишлаб чиқариш жараёнларини рақамлаштириш бўйича (CRM, ERP, PLM каби) ахборот тизимларини жорий этиш харажатларининг 50 фоизи, бироқ 5 минг АҚШ долларидан кўп бўлмаган қисмини қоплаш чораларини кўрсин.
7. Камбағалликни қисқартириш ва бандлик вазирлиги иш ўринларини яратиш, сақлаб қолиш, бренд яратиш, логистика, маркетинг каби йўналишларда самарадорликни оширишга кўмаклашиш мақсадида мебель ва ёғочсозлик саноати тармоғидаги тадбиркорлик субъектларига хизмат кўрсатиш ҳамда уларни ўқитиш учун хорижий мутахассисларни Бандликка кўмаклашиш давлат жамғармаси маблағлари ҳисобидан жалб қилсин. Бунда хорижий мутахассисларни жалб қилиш хизмати бўйича харид қилиш тартиб-таомилларини электрон шаклда ўтказмасдан амалга оширишга рухсат берилсин.
8. Шундай тартиб ўрнатилсинки, унга мувофиқ:
(а) Камбағалликни қисқартириш ва бандлик вазирлиги томонидан Савдо-саноат палатаси билан биргаликда Касбий кўникмалар марказларида тадбиркорлик субъектлари талабномасига кўра хорижий ва маҳаллий мутахассисларни жалб қилган ҳолда мебель ва ёғочсозлик саноати йўналишида қисқа муддатли малакавий тайёрлов курслари (шу жумладан, дуал таълим асосида) йўлга қўйилади. Бунда ўқитиш харажатларининг 60 фоизи Савдога кўмаклашиш жамғармаси маблағлари ҳисобидан қоплаб берилади;
(б) Савдо-саноат палатаси ҳамда «Ўзбекэкспертиза» АЖ томонидан 2025 йил 1 июлга қадар давлат харидларида иштирок этаётган мебель ва ёғочсозлик маҳсулотлари ишлаб чиқарувчи тадбиркорлик субъектлари хатловдан ўтказилади ҳамда 2025 йил 15 августдан бошлаб мебель ва ёғочсозлик маҳсулотларининг маҳаллий корхоналар томонидан ишлаб чиқарилганлигини аниқлаш бўйича «Ўзбекэкспертиза» АЖ томонидан тўлов ундирилмасдан экспертизадан ўтказиш, шу жумладан, маҳаллий ишлаб чиқарилган товар тўғрисидаги сертификат ёки эксперт хулосасини расмийлаштириш амалиёти жорий этилади. Бунда «Ўзбекэкспертиза» АЖнинг харажатлари Савдога кўмаклашиш жамғармаси маблағлари ҳисобидан қоплаб берилади;
(в) 2025 йил 1 августдан бошлаб маҳаллий мебель технологлари учун ривожланган хорижий мамлакатлардаги нуфузли ташкилотларнинг соҳага тегишли бўлган малака сертификатларини олиш харажатларининг 50 фоизини Савдога кўмаклашиш жамғармаси маблағлари ҳисобидан қоплаб бериш тартиби жорий этилади.
9. Белгилансинки, 2025 йил 1 октябрдан бошлаб электрон кооперация портали ва давлат харидлари электрон тизимлари операторларининг «Миллий дўкон» саҳифаларида фақатгина маҳаллий ишлаб чиқарилган товар тўғрисидаги сертификатга эга бўлган мебель маҳсулотларини жойлаштириш ва савдоларда ушбу сертификатга эга тадбиркорлик субъектларининг иштирок этишига рухсат берилади. Бунда мазкур тартиб корпоратив буюртмачилар томонидан тижорат мақсадларида қайта сотиш ёки шу мақсадларда товарлардан ишлаб чиқаришда фойдаланиш учун амалга ошириладиган давлат харидларига нисбатан татбиқ этилмайди.
10. Ўзбекистон Республикаси Президентининг 2025 йил 14 февралдаги ПҚ-62-сон қарорига мувофиқ ажратилган маблағлар доирасида ёшларнинг мебель ва ёғочсозлик саноати йўналишидаги лойиҳаларига 50 миллион АҚШ доллари эквивалентидаги маблағлар йўналтирилсин. Бунда АТ «Алоқабанк» томонидан тадбиркорларни бино ва ускуналар билан таъминлаш учун янги молиявий маҳсулотлар жорий этилади.
III. Ташкилий чора-тадбирлар
11. Мебель ва ёғочсозлик саноатини ривожлантириш бўйича чора-тадбирлар режаси 2-иловага мувофиқ тасдиқлансин.
12. Хонқа тажрибаси асосида 2025-2026 йилларда мебелчилик жадал ривожлантириладиган туманлар рўйхати 3-иловага мувофиқ тасдиқлансин.
13. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳудудларда мебелчилик марказларини ташкил этиш ва уларда лойиҳаларни жойлаштиришни қуйидагиларни назарда тутувчи Хонқа тажрибаси асосида амалга ошириш чораларини кўрсин:
(а) мебель маҳсулотлари ишлаб чиқаришга ихтисослашган ҳудудларда, шу жумладан, кичик саноат зоналарида мебель ишлаб чиқарувчи корхоналарни жойлаштириш ҳамда ишлаб чиқарилаётган маҳаллий мебель маҳсулотлари учун тегишли ҳудуднинг алоҳида қисмида шоурумлар ташкил этиш;
(б) тадбиркорлик субъектларига ишлаб чиқариш бино-иншоотлари учун архитектура-режалаштириш топшириғини ишлаб чиқиш, лойиҳа ҳужжатларини келишиш, қурилиш-монтаж ишларини бошлаш учун рухсат олишда кўмаклашиш;
(в) ишлаб чиқариш бино-иншоотлари бевосита тадбиркорлик субъектлари томонидан жалб қилинган қурилиш корхоналари томонидан барпо этилиши учун барча зарурий шароитларни яратиш;
(г) ишлаб чиқариш бино-иншоотлари барпо этилгандан сўнг бир ой ичида асбоб-ускуналар хариди учун тижорат банклари томонидан кредит маблағлари ажратилишини таъминлаш. Бунда «Тадбиркорликни ривожлантириш компанияси» АЖ томонидан кредит, лизинг ва микрокредитлар ажратиш учун ресурслар тақдим этилади.
14. Иқтисодиёт ва молия вазирлиги ҳамда Савдо-саноат палатасининг Ўзбекистон мебель ва ёғочсозлик саноати корхоналари уюшмаси билан биргаликда мебель ва ёғочсозлик маҳсулотлари ишлаб чиқаришни ривожлантиришга қаратилган дастурни амалга ошириш юзасидан таклифи маъқуллансин.
Бунда Ўзбекистон мебель ва ёғочсозлик саноати корхоналари уюшмасига, шу жумладан, маҳаллий мебель ва ёғочсозлик маҳсулотларини хорижий бозорларга олиб чиқишга кўмаклашиш, ишлаб чиқарувчилар фаолиятини қўллаб-қувватлаш учун хорижий дизайнер, технолог ва маркетолог каби мутахассисларни жалб қилиш, талаб юқори бўлган мутахассисликлар бўйича ўқув курсларини ташкил этиш каби устувор йўналишлардаги вазифаларни амалга ошириш учун асослантирилган ҳисоб-китобларга мувофиқ Савдога кўмаклашиш жамғармаси ҳисобидан 5 млрд сўм миқдорида маблағ ажратилади.
15. Бош вазир ўринбосари Ж.А. Ходжаев икки ой муддатда мебель ишлаб чиқарувчиларни хом ашё билан барқарор таъминлашнинг замонавий механизмлари юзасидан таклиф ишлаб чиқсин.
16. Инвестициялар, саноат ва савдо вазирлиги бир ой муддатда мебель ва ёғочсозлик маҳсулотлари бозорида соғлом рақобатни таъминлаш, иқтисодиёт тармоқларига зарар етказилиши хавфларини аниқлаш ва бартараф этиш, демпинг ҳолатларига йўл қўймасликка оид қонунчилик ҳужжатлари ижросига қаратилган амалий чора-тадбирларни кўрсин.
IV. Қарор ижросини ташкил этиш ва назорат
17. Бош вазир ўринбосарлари Ж.А. Қўчқоров ҳамда Ж.А.Ходжаев икки ой муддатда:
(а) мазкур қарорнинг 1-бандида белгиланган 2025 — 2028 йилларга мўлжалланган мақсадли кўрсаткичларни ҳудудлар кесимида;
(б) 2025 — 2028 йилларда мебель ва ёғочсозлик саноати йўналишларида амалга ошириладиган инвестиция лойиҳаларини ишга туширишнинг йиғма параметрларини тасдиқласин.
18. Савдо-саноат палатаси манфаатдор вазирлик ва идоралар билан биргаликда икки ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
19. Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2025 йил 27 майдаги ПҚ-193-сон қарорига 1-ИЛОВА
2029 йил 1 январга қадар божхона божи 1 фоиз ставкада қўлланиладиган мебель ишлаб чиқаришда фойдаланиладиган хом ашё, эҳтиёт қисмлар, фурнитура ва аксессуарлар
Т/р ТИФ ТН коди Номланиши 1. 3208 90 9109 Синтетик полимерларга асосланган, сувсиз муҳитда тарқалган ёки эриган бўёқлар ва лаклар (шу жумладан эмал ва лаклар) 2. 3208 90 990 0 Кимёвий модификацияланган табиий полимерлар асосидаги, диспергирланган ёки сувсиз муҳитда эритилган бўёқлар ва лаклар (жумладан, эмал ва политуралар) 3. 3506 91 0000 Тайёр елим 4. 3814 00 9000 Бўёқ ва лакларни ўчириш учун тайёр эриткич ва суюлтиргичлар 5. 3920 30 0000 АБС қирралар, полимер стиролдан тайёрланган, ғоваксиз, мустаҳкамланмаган, қатламсиз, тагликсиз ва бошқа материаллар билан ўхшаш усулда бириктирилмаган плиталар, листлар, плёнкалар, тасмалар ёки ленталар 6. 3926 30 0000 Мебель учун маҳкамлайдиган буюмлар ва фурнитура 7. 4410 Ёғоч қириндили плиталар (бундан сирти қопланган плиталар мустасно) 8. 4411 Ёғоч толали плиталар (бундан сирти қопланган плиталар мустасно) 9. 5407 53 000 0 Мебель учун таркибида 85 мас.% ёки ундан ортиқ полиэфир бўлган, текстураланган, турли рангдаги комплекс иплардан тайёрланган газлама 10. 7318 14 7318 15 Қора металлдан ишлаб чиқарилган ўзи қирқар винтлар, комплектида гайка ёки шайба бўлган ёки бўлмаган бошқа винтлар ва болтлар 11. 8302 10 0000 8302 20 0000 Қимматбаҳо бўлмаган металлдан ясалган маҳкамловчи арматура, фурнитура, кронштейнлар, шарнирлар ва шунга ўхшаш мебель учун ишлатиладиган буюмлар 8302 42 0000 Қимматбаҳо бўлмаган металлдан ясалган маҳкамлагичли мебель ғилдираги 12. 8302 60 000 9 Эшикларни автоматик ёпувчи қимматбаҳо бўлмаган металлдан ясалган қурилмалар 13. 8305 20 000 0 Мебелларни қоплашда ишлатиладиган блокларда симли скобалар 14. 9403 99 000 1 Металлдан ясалган мебель қисмлари
Ўзбекистон Республикаси Президентининг 2025 йил 27 майдаги ПҚ-193-сон қарорига 2-ИЛОВА
Мебель ва ёғочсозлик саноатини ривожлантириш бўйича чора-тадбирлар
Т/р Чора-тадбир номи Амалга ошириш механизми Амалга ошириш муддати Масъул ижрочилар 1. «Савдони ривожлантириш компанияси» АЖ фаолияти йўналишларига мос равишда мазкур қарор билан кўзда тутилаётган молиявий қўллаб-қувватлаш чораларини амалга ошириш. «Савдони ривожлантириш компанияси» АЖ фаолияти йўналишларига мос равишда Савдога кўмаклашиш жамғармаси маблағлари ҳисобидан қуйидаги қўллаб-қувватлаш чоралари амалиётга жорий этилишини таъминлаш: (а) маҳаллий ишлаб чиқарувчиларнинг ўз мебель маҳсулотлари билан халқаро кўргазмаларда иштирок этишида бир корхона учун амалдаги ижара харажатлари қопланадиган майдон ҳажмини ошириш; (б) мебель маҳсулотлари ишлаб чиқарувчи корхоналар томонидан муҳандис-технолог, лак ва бўёқ сепиш устаси, дизайнер каби хорижий мутахассислар жалб қилинганда уларнинг иш ҳақини қоплаш; (в) тайёр мебель маҳсулотлари ишлаб чиқарувчилар учун халқаро сертификатларни (ISO, CE, BIFMA, OEKO-Tex Standard 100, Greenguard каби) олиш билан боғлиқ харажатларни қоплаш. 2025 йил 1 июль Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссияси (Ж. Ходжаев) , Инвестициялар, саноат ва савдо вазирлиги (Л. Кудратов) , Савдо-саноат палатаси (Д. Ваҳобов), Адлия вазирлиги (А. Ташкулов) 2. Касбий кўникмалар марказларида хорижий ва маҳаллий мутахассисларни жалб қилган ҳолда мебель ва ёғочсозлик саноати йўналишида қисқа муддатли малакавий тайёрлов курсларида (шу жумладан, дуал таълим асосида) ўқитишни йўлга қўйиш. 1. Касбий кўникмалар марказларида хорижий ва маҳаллий мутахассисларни жалб қилган ҳолда қисқа муддатли малакавий тайёрлов курсларини (шу жумладан, дуал таълим асосида) йўлга қўйиш. Бунда бўйича мебель ва ёғочсозлик саноати йўналишидаги тадбиркорлик субъектлари ўртасида тушунтиришлар ўтказган ҳолда уларнинг талабномаларини шакллантириш чораларини кўриш. 2025 йил 1 сентябрь Савдо-саноат палатаси (Д. Ваҳобов) , Камбағалликни қисқартириш ва бандлик вазирлиги (Б. Захидов) , Инвестициялар, саноат ва савдо вазирлиги (Л. Кудратов) Камбағалликни қисқартириш ва бандлик вазирлиги (Б. Захидов) , Савдо-саноат палатаси (Д. Ваҳобов) 2. Қисқа муддатли малакавий тайёрлов курсларини ташкил этиш. Режа-график асосида 3. Иш ўринларини яратиш, сақлаб қолиш, миллий брендни шакллантириш, логистика, маркетинг ва бошқа йўналишларда самарадорликни оширишга кўмаклашиш мақсадида мебель ва ёғочсозлик корхоналари учун хорижий ва маҳаллий экспертларни жалб қилиш. 1. Иш ўринларини яратиш, сақлаб қолиш, миллий брендни шакллантириш, логистика, маркетинг ва бошқа йўналишларда самарадорликни оширишга кўмаклашиш мақсадида мебель ва ёғочсозлик саноати йўналишидаги тадбиркорлик субъектларига марказлашган ҳолда хизмат кўрсатиш ҳамда уларни ўқитиш учун хорижий ва маҳаллий экспертларни Бандликка кўмаклашиш давлат жамғармаси ҳисобидан жалб қилиш. 2025 йил 1 сентябрь Камбағалликни қисқартириш ва бандлик вазирлиги (Б. Захидов) , Савдо-саноат палатаси (Д. Ваҳобов) 2. Амалга оширилган ишлар натижалари бўйича Вазирлар Маҳкамасига ахборот киритиш. 2026 йил 1 январь, 2026 йил 1 июль 4. Мебель ва ёғочсозлик маҳсулотларини маҳаллий ишлаб чиқарилган товар бўйича экспертизадан ўтказиш, шу жумладан, маҳаллий ишлаб чиқарилган товар тўғрисидаги сертификат ёки эксперт хулосасини расмийлаштириш тартибини жорий этиш. Қуйидагиларни кўзда тутувчи чораларни амалга ошириш тартиби юзасидан Ҳукумат қарори лойиҳасини Вазирлар Маҳкамасига киритиш: (а) мебель ва ёғочсозлик маҳсулотлари учун тадбиркорлик субъектларидан тўлов ундирмасдан маҳаллий ишлаб чиқарилган товар бўйича экспертизадан ўтказиш, шу жумладан, маҳаллий ишлаб чиқарилган товар тўғрисидаги сертификат ёки эксперт хулосасини расмийлаштириш; (б) «Ўзбекэкспертиза» АЖнинг ушбу харажатларини Савдога кўмаклашиш жамғармаси маблағлари ҳисобидан қоплаб бериш. 2025 йил 15 июль Савдо-саноат палатаси (Д. Ваҳобов) , Инвестициялар, саноат ва савдо вазирлиги (Л. Кудратов) 5. Ёғоч қириндили ҳамда ёғоч толали плиталарнинг (ТИФ ТН 4410 ва 4411 товар позициясидаги маҳсулотлар, бундан пол, девор ва шифт қопламалари мустасно) техник жиҳатдан тартибга солиш соҳасидаги норматив ҳужжатлар талабларига мувофиқлигини баҳолаш тартибини соддалаштириш. Ёғоч қириндили ҳамда ёғоч толали плиталарнинг (ТИФ ТН 4410 ва 4411 товар позициясидаги маҳсулотлар, бундан пол, девор ва шифт қопламалари мустасно) техник жиҳатдан тартибга солиш соҳасидаги норматив ҳужжатлар талабларига мувофиқлигини баҳолаш тартибини соддалаштириш юзасидан Вазирлар Маҳкамасига таклифлар киритиш. 2025 йил 1 август Ўзбекистон техник жиҳатдан тартибга солиш агентлиги (А. Жуманазаров) , Савдо-саноат палатаси ( Д. Ваҳобов ), Инвестициялар, саноат ва савдо вазирлиги (Л. Кудратов) 6. Мебель ва ёғочсозлик саноатини 2035 йилгача ривожлантириш стратегиясини ишлаб чиқиш. Мебель ва ёғочсозлик саноатини 2035 йилгача ривожлантириш стратегиясини ишлаб чиқиш ҳамда белгиланган тартибда Вазирлар Маҳкамасига киритиш. 2025 йил 1 октябрь Савдо-саноат палатаси (Д. Ваҳобов) , Иқтисодиёт ва молия вазирлиги (Х. Мустафаев) , Инвестициялар, саноат ва савдо вазирлиги (Л. Кудратов) 7. 2025 — 2028 йилларда мебель ва ёғочсозлик саноатини ривожлантиришнинг асосий мақсадли кўрсаткичларини ҳудудлар кесимида белгилаш, шунингдек, соҳада амалга ошириладиган инвестиция лойиҳаларини ишга туширишнинг йиғма параметрларини тасдиқлаш. Қуйидагиларни тасдиқлаш: (а) 2025 — 2028 йилларда мебель ва ёғочсозлик саноатини ривожлантиришнинг асосий мақсадли кўрсаткичларини ( ҳудудлар кесимида); (б) 2025 — 2028 йилларда мебель ва ёғочсозлик саноати йўналишларида амалга ошириладиган инвестиция лойиҳаларини ишга туширишнинг йиғма параметрлари. 2025 йил 1 август Вазирлар Маҳкамаси (Ж. Қўчқоров, Ж. Ходжаев) 8. Мебель ва ёғочсозлик маҳсулотлари бозорида соғлом рақобатни таъминлаш чораларини кўриш. Мебель ва ёғочсозлик маҳсулотлари бозорида соғлом рақобатни таъминлаш, иқтисодиёт тармоқларига зарар етказилиши хавфларини аниқлаш ва бартараф этиш, демпинг ҳолатларига йўл қўймасликка оид қонунчилик ҳужжатлари ижросига қаратилган амалий чора-тадбирларни кўриш ва натижаси бўйича ҳар ярим йилда Вазирлар Маҳкамасига ахборот киритиб бориш. 2025-2026 йиллар Инвестициялар, саноат ва савдо вазирлиги (Л. Кудратов) 9. Мебель ва ёғочсозлик бозорини кенгайтириш чораларини кўриш. 1. Чет элдаги дипломатик ва савдо ваколатхоналари орқали хорижий давлатлар мебель саноати стратегиялари ва бозор ҳажмини ўрганиш, шунингдек, уларда маҳаллий мебель маҳсулотларини сотишда тадбиркорлар дуч келадиган тариф ва нотариф чоралар юзасидан таҳлилий маълумотларни Вазирлар Маҳкамасига киритиш. 2025 йил 1 август Савдо-саноат палатаси (Д. Ваҳобов) , Инвестициялар, саноат ва савдо вазирлиги (Л. Кудратов) , Ташқи ишлар вазирлиги (Б. Саидов) 2. Республикада ташкил этиладиган мебель ва ёғочсозлик ҳамда мебель ва декор кўргазмаларига мунтазам равишда чет элдан харидорларни жалб қилиш ҳамда уларнинг ташрифини ташкил этишга қаратилган амалий чораларни кўриш. Доимий 10. Маҳаллий мебель технологлари учун нуфузли хорижий ташкилотларнинг соҳага тегишли бўлган сертификатларини олиш харажатларининг 50 фоизини қоплаш тизимини жорий этиш. Қуйидагиларни назарда тутган ҳолда маҳаллий мебель технологлари учун хорижий нуфузли сертификат олиш тартибини қисман қоплаб берилиши тартибининг амалиётга жорий этилишини таъминлаш: (а) ривожланган хорижий мамлакатларда фаолият юритувчи нуфузли ташкилотларнинг соҳага тегишли сертификатлари рўйхатини белгилаш; (б) мазкур сертификатларни олиш харажатларининг 50 фоизини Савдога кўмаклашиш жамғармаси маблағлари ҳисобидан қоплаб бериш. 2025 йил 1 август Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссияси (Ж. Ходжаев) , Савдо-саноат палатаси (Д. Ваҳобов), Инвестициялар, саноат ва савдо вазирлиги (Л. Кудратов), Адлия вазирлиги (А. Ташкулов) 11. Мебель ва ёғочсозлик маҳсулотларини ишлаб чиқаришни ривожлантириш дастурини амалга ошириш. 1. 2025-2026 йилларда мебель ва ёғочсозлик маҳсулотларини ишлаб чиқаришни ривожлантиришга қаратилган, шу жумладан, қуйидаги устувор йўналишлардаги вазифаларни кўзда тутувчи чора-тадбирларни амалга ошириш бўйича дастурни ишлаб чиқиш ва тасдиқлаш: (а) маҳаллий мебель ва ёғоч маҳсулотларини хорижий бозорларга олиб чиқишга кўмаклашиш; (б) ишлаб чиқарувчилар фаолиятини қўллаб-қувватлаш учун хорижий дизайнер, технолог ва маркетолог каби мутахассисларни жалб қилиш; (в) талаб юқори мутахассисликлар бўйича ўқув курсларини ташкил этиш. 2025 йил 1 июль Иқтисодиёт ва молия вазирлиги (Х. Мустафаев), Савдо-саноат палатаси (Д. Ваҳобов), Ўзбекистон мебель ва ёғочсозлик саноати корхоналари уюшмаси (ҳамкорликда) 2. Дастурдаги чора-тадбирларни амалга ошириш юзасидан мазкур қарорнинг 14-бандида кўзда тутилган маблағларни асослантирилган ҳисоб- китобларга мувофиқ ажратиб бориш. Дастурда белгиланган муддатларда 3. Дастур амалга оширилиши натижадорлиги юзасидан оммавий ахборот воситалари орқали кенг жамоатчиликка ҳисоботлар бериб бориш. Ҳар чоракда 12. Миллий мебель маҳсулотларини аҳоли ўртасида кенг тарғиб қилиш. Оммавий ахборот воситаларида мазкур қарорга мувофиқ амалга оширилаётган ишларнинг мазмун-моҳиятини ёритиш, маҳаллий мебель маҳсулотларини кенг тарғиб қилишни ташкил этиш. Медиарежа асосида Ўзбекистон Миллий телерадиокомпанияси (А. Джурабаев) , Ўзбекистон Миллий ахборот агентлиги (А. Кўчимов) , Ахборот ва оммавий коммуникациялар агентлиги (А. Ходжаев)
Ўзбекистон Республикаси Президентининг 2025 йил 27 майдаги ПҚ-193-сон қарорига 3-ИЛОВА
Хонқа тажрибаси асосида 2025-2026 йилларда мебелчилик жадал ривожлантириладиган туманлар
Т/р Ҳудуд номи Туман номи 1. Жиззах вилояти Шароф Рашидов тумани 2. Наманган вилояти Янги Наманган тумани 3. Самарқанд вилояти Пастдарғом тумани 4 Тошкент вилояти Ўрта Чирчиқ тумани 5. Фарғона вилояти Қува тумани 6. Бувайда тумани 7. Тошкент шаҳри Учтепа тумани 8. Юнусобод тумани
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 27 май,
ПҚ-193-сон
Oʻzbekiston Respublikasi Prezidentining
Qarori
ROʻYXATI
REJASI
ROʻYXATI
Mebel va yogʻochsozlik sanoatining rivojlanishi uchun qulay shart-sharoitlar yaratishga oid qoʻshimcha chora-tadbirlar toʻgʻrisida
Mebel ishlab chiqaruvchilar faoliyatini qoʻllab-quvvatlash, raqobatbardosh mahsulotlar ishlab chiqarish hamda eksportni ragʻbatlantirish, shuningdek, sohani rivojlantirish orqali aholi bandligini taʼminlash va daromadlarini oshirish maqsadida qaror qilaman:
I. Maqsadlar
1. Quyidagilar 2025 — 2028-yillarda mebel va yogʻochsozlik sanoatini rivojlantirishning asosiy maqsadli koʻrsatkichlari etib belgilansin:
(a) mebel va yogʻochsozlik mahsulotlari ishlab chiqarish hajmini 30 foizga oshirish;
(b) eksport hajmini 100 million AQSH dollariga yetkazish;
(v) umumiy qiymati 200 million AQSH dollari miqdoridagi investitsiya loyihalarini amalga oshirish;
(g) sohada 50 ming nafar aholini daromadli mehnat bilan taʼminlash.
II. Imtiyozlar
2. 2029-yil 1-yanvarga qadar 1-ilovaga muvofiq mebel ishlab chiqarishda foydalaniladigan xom ashyo, ehtiyot qismlar, furnitura va aksessuarlar importida bojxona boji 1 foiz stavkada qoʻllanilsin.
3. Iqtisodiyot va moliya vazirligi, Soliq qoʻmitasi, Savdo-sanoat palatasi uch oy muddatda mebel sanoatida foydalaniladigan, oʻxshashi Oʻzbekiston Respublikasida ishlab chiqarilmaydigan va tasdiqlangan roʻyxat boʻyicha Oʻzbekiston Respublikasi hududiga olib kiriladigan, shuningdek, olib kirishda qoʻshilgan qiymat soligʻidan ozod etiladigan texnologik asbob-uskunalar distribyutorlar tomonidan mahalliy ishlab chiqaruvchilarga realizatsiya qilinganda qoʻshilgan qiymat soligʻi boʻyicha soliq bazasini mazkur asbob-uskunalarni sotib olish narxi va realizatsiya qilish narxi oʻrtasidagi ijobiy farqdan kelib chiqib aniqlash tartibini joriy etish yuzasidan Soliq kodeksiga oʻzgartirish va qoʻshimchalar kiritishni nazarda tutuvchi qonun loyihasini Vazirlar Mahkamasiga kiritsin.
4. 2025-yil 1-iyuldan boshlab oʻz xonadonida faoliyat yuritadigan yakka tartibdagi tadbirkorlarga mebel mahsulotlarini tayyorlash faoliyati bilan shugʻullanish huquqi berilsin.
5. Oʻzbekiston texnik jihatdan tartibga solish agentligi Savdo-sanoat palatasi, Investitsiyalar, sanoat va savdo vazirligi bilan birgalikda 2025-yil 1-avgustga qadar yogʻoch qirindili hamda yogʻoch tolali plitalarning (TIF TN 4410 va 4411 tovar pozitsiyasidagi mahsulotlar, bundan pol, devor va shift qoplamalari mustasno) texnik jihatdan tartibga solish sohasidagi normativ hujjatlar talablariga muvofiqligini baholash tartibini soddalashtirish yuzasidan Vazirlar Mahkamasiga takliflar kiritsin.
6. Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi Savdoga koʻmaklashish jamgʻarmasi mablagʻlari hisobidan:
(a) mahalliy ishlab chiqaruvchilarning oʻz mebel mahsulotlari bilan xalqaro koʻrgazmalarda ishtirok etishida bir korxona uchun amaldagi ijara xarajatlari qoplanadigan maydon hajmini oshirish;
(b) mebel mahsulotlari ishlab chiqaruvchi korxonalar tomonidan muhandis-texnolog, lak va boʻyoq sepish ustasi, dizayner kabi xorijiy mutaxassislar jalb qilinganda ularning ish haqi boʻyicha xarajatlarni qoplash;
(v) tayyor mebel mahsulotlari ishlab chiqaruvchilar uchun xalqaro sertifikatlarni (ISO, CE, BIFMA, OEKO-Tex Standard 100, Greenguard kabi) olish bilan bogʻliq xarajatlarni qoplash;
(g) 2025-yil 1-iyuldan boshlab 2027-yil 1-iyunga qadar mebel mahsulotlari ishlab chiqaruvchi korxonalarda ishlab chiqarish jarayonlarini raqamlashtirish boʻyicha (CRM, ERP, PLM kabi) axborot tizimlarini joriy etish xarajatlarining 50 foizi, biroq 5 ming AQSH dollaridan koʻp boʻlmagan qismini qoplash choralarini koʻrsin.
7. Kambagʻallikni qisqartirish va bandlik vazirligi ish oʻrinlarini yaratish, saqlab qolish, brend yaratish, logistika, marketing kabi yoʻnalishlarda samaradorlikni oshirishga koʻmaklashish maqsadida mebel va yogʻochsozlik sanoati tarmogʻidagi tadbirkorlik subyektlariga xizmat koʻrsatish hamda ularni oʻqitish uchun xorijiy mutaxassislarni Bandlikka koʻmaklashish davlat jamgʻarmasi mablagʻlari hisobidan jalb qilsin. Bunda xorijiy mutaxassislarni jalb qilish xizmati boʻyicha xarid qilish tartib-taomillarini elektron shaklda oʻtkazmasdan amalga oshirishga ruxsat berilsin.
8. Shunday tartib oʻrnatilsinki, unga muvofiq:
(a) Kambagʻallikni qisqartirish va bandlik vazirligi tomonidan Savdo-sanoat palatasi bilan birgalikda Kasbiy koʻnikmalar markazlarida tadbirkorlik subyektlari talabnomasiga koʻra xorijiy va mahalliy mutaxassislarni jalb qilgan holda mebel va yogʻochsozlik sanoati yoʻnalishida qisqa muddatli malakaviy tayyorlov kurslari (shu jumladan, dual taʼlim asosida) yoʻlga qoʻyiladi. Bunda oʻqitish xarajatlarining 60 foizi Savdoga koʻmaklashish jamgʻarmasi mablagʻlari hisobidan qoplab beriladi;
(b) Savdo-sanoat palatasi hamda “Oʻzbekekspertiza” AJ tomonidan 2025-yil 1-iyulga qadar davlat xaridlarida ishtirok etayotgan mebel va yogʻochsozlik mahsulotlari ishlab chiqaruvchi tadbirkorlik subyektlari xatlovdan oʻtkaziladi hamda 2025-yil 15-avgustdan boshlab mebel va yogʻochsozlik mahsulotlarining mahalliy korxonalar tomonidan ishlab chiqarilganligini aniqlash boʻyicha “Oʻzbekekspertiza” AJ tomonidan toʻlov undirilmasdan ekspertizadan oʻtkazish, shu jumladan, mahalliy ishlab chiqarilgan tovar toʻgʻrisidagi sertifikat yoki ekspert xulosasini rasmiylashtirish amaliyoti joriy etiladi. Bunda “Oʻzbekekspertiza” AJning xarajatlari Savdoga koʻmaklashish jamgʻarmasi mablagʻlari hisobidan qoplab beriladi;
(v) 2025-yil 1-avgustdan boshlab mahalliy mebel texnologlari uchun rivojlangan xorijiy mamlakatlardagi nufuzli tashkilotlarning sohaga tegishli boʻlgan malaka sertifikatlarini olish xarajatlarining 50 foizini Savdoga koʻmaklashish jamgʻarmasi mablagʻlari hisobidan qoplab berish tartibi joriy etiladi.
9. Belgilansinki, 2025-yil 1-oktabrdan boshlab elektron kooperatsiya portali va davlat xaridlari elektron tizimlari operatorlarining “Milliy doʻkon” sahifalarida faqatgina mahalliy ishlab chiqarilgan tovar toʻgʻrisidagi sertifikatga ega boʻlgan mebel mahsulotlarini joylashtirish va savdolarda ushbu sertifikatga ega tadbirkorlik subyektlarining ishtirok etishiga ruxsat beriladi. Bunda mazkur tartib korporativ buyurtmachilar tomonidan tijorat maqsadlarida qayta sotish yoki shu maqsadlarda tovarlardan ishlab chiqarishda foydalanish uchun amalga oshiriladigan davlat xaridlariga nisbatan tatbiq etilmaydi.
10. Oʻzbekiston Respublikasi Prezidentining 2025-yil 14-fevraldagi PQ-62-son qaroriga muvofiq ajratilgan mablagʻlar doirasida yoshlarning mebel va yogʻochsozlik sanoati yoʻnalishidagi loyihalariga 50 million AQSH dollari ekvivalentidagi mablagʻlar yoʻnaltirilsin. Bunda AT “Aloqabank” tomonidan tadbirkorlarni bino va uskunalar bilan taʼminlash uchun yangi moliyaviy mahsulotlar joriy etiladi.
III. Tashkiliy chora-tadbirlar
11. Mebel va yogʻochsozlik sanoatini rivojlantirish boʻyicha chora-tadbirlar rejasi 2-ilovaga muvofiq tasdiqlansin.
12. Xonqa tajribasi asosida 2025-2026-yillarda mebelchilik jadal rivojlantiriladigan tumanlar roʻyxati 3-ilovaga muvofiq tasdiqlansin.
13. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari hududlarda mebelchilik markazlarini tashkil etish va ularda loyihalarni joylashtirishni quyidagilarni nazarda tutuvchi Xonqa tajribasi asosida amalga oshirish choralarini koʻrsin:
(a) mebel mahsulotlari ishlab chiqarishga ixtisoslashgan hududlarda, shu jumladan, kichik sanoat zonalarida mebel ishlab chiqaruvchi korxonalarni joylashtirish hamda ishlab chiqarilayotgan mahalliy mebel mahsulotlari uchun tegishli hududning alohida qismida shourumlar tashkil etish;
(b) tadbirkorlik subyektlariga ishlab chiqarish bino-inshootlari uchun arxitektura-rejalashtirish topshirigʻini ishlab chiqish, loyiha hujjatlarini kelishish, qurilish-montaj ishlarini boshlash uchun ruxsat olishda koʻmaklashish;
(v) ishlab chiqarish bino-inshootlari bevosita tadbirkorlik subyektlari tomonidan jalb qilingan qurilish korxonalari tomonidan barpo etilishi uchun barcha zaruriy sharoitlarni yaratish;
(g) ishlab chiqarish bino-inshootlari barpo etilgandan soʻng bir oy ichida asbob-uskunalar xaridi uchun tijorat banklari tomonidan kredit mablagʻlari ajratilishini taʼminlash. Bunda “Tadbirkorlikni rivojlantirish kompaniyasi” AJ tomonidan kredit, lizing va mikrokreditlar ajratish uchun resurslar taqdim etiladi.
14. Iqtisodiyot va moliya vazirligi hamda Savdo-sanoat palatasining Oʻzbekiston mebel va yogʻochsozlik sanoati korxonalari uyushmasi bilan birgalikda mebel va yogʻochsozlik mahsulotlari ishlab chiqarishni rivojlantirishga qaratilgan dasturni amalga oshirish yuzasidan taklifi maʼqullansin.
Bunda Oʻzbekiston mebel va yogʻochsozlik sanoati korxonalari uyushmasiga, shu jumladan, mahalliy mebel va yogʻochsozlik mahsulotlarini xorijiy bozorlarga olib chiqishga koʻmaklashish, ishlab chiqaruvchilar faoliyatini qoʻllab-quvvatlash uchun xorijiy dizayner, texnolog va marketolog kabi mutaxassislarni jalb qilish, talab yuqori boʻlgan mutaxassisliklar boʻyicha oʻquv kurslarini tashkil etish kabi ustuvor yoʻnalishlardagi vazifalarni amalga oshirish uchun asoslantirilgan hisob-kitoblarga muvofiq Savdoga koʻmaklashish jamgʻarmasi hisobidan 5 mlrd soʻm miqdorida mablagʻ ajratiladi.
15. Bosh vazir oʻrinbosari J.A. Xodjayev ikki oy muddatda mebel ishlab chiqaruvchilarni xom ashyo bilan barqaror taʼminlashning zamonaviy mexanizmlari yuzasidan taklif ishlab chiqsin.
16. Investitsiyalar, sanoat va savdo vazirligi bir oy muddatda mebel va yogʻochsozlik mahsulotlari bozorida sogʻlom raqobatni taʼminlash, iqtisodiyot tarmoqlariga zarar yetkazilishi xavflarini aniqlash va bartaraf etish, demping holatlariga yoʻl qoʻymaslikka oid qonunchilik hujjatlari ijrosiga qaratilgan amaliy chora-tadbirlarni koʻrsin.
IV. Qaror ijrosini tashkil etish va nazorat
17. Bosh vazir oʻrinbosarlari J.A. Qoʻchqorov hamda J.A.Xodjayev ikki oy muddatda:
(a) mazkur qarorning 1-bandida belgilangan 2025 — 2028-yillarga moʻljallangan maqsadli koʻrsatkichlarni hududlar kesimida;
(b) 2025 — 2028-yillarda mebel va yogʻochsozlik sanoati yoʻnalishlarida amalga oshiriladigan investitsiya loyihalarini ishga tushirishning yigʻma parametrlarini tasdiqlasin.
18. Savdo-sanoat palatasi manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
19. Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2025-yil 27-maydagi PQ-193-son qaroriga 1-ILOVA
2029-yil 1-yanvarga qadar bojxona boji 1 foiz stavkada qoʻllaniladigan mebel ishlab chiqarishda foydalaniladigan xom ashyo, ehtiyot qismlar, furnitura va aksessuarlar
T/r TIF TN kodi Nomlanishi 1. 3208 90 9109 Sintetik polimerlarga asoslangan, suvsiz muhitda tarqalgan yoki erigan boʻyoqlar va laklar (shu jumladan emal va laklar) 2. 3208 90 990 0 Kimyoviy modifikatsiyalangan tabiiy polimerlar asosidagi, dispergirlangan yoki suvsiz muhitda eritilgan boʻyoqlar va laklar (jumladan, emal va polituralar) 3. 3506 91 0000 Tayyor yelim 4. 3814 00 9000 Boʻyoq va laklarni oʻchirish uchun tayyor eritkich va suyultirgichlar 5. 3920 30 0000 ABS qirralar, polimer stiroldan tayyorlangan, gʻovaksiz, mustahkamlanmagan, qatlamsiz, tagliksiz va boshqa materiallar bilan oʻxshash usulda biriktirilmagan plitalar, listlar, plyonkalar, tasmalar yoki lentalar 6. 3926 30 0000 Mebel uchun mahkamlaydigan buyumlar va furnitura 7. 4410 Yogʻoch qirindili plitalar (bundan sirti qoplangan plitalar mustasno) 8. 4411 Yogʻoch tolali plitalar (bundan sirti qoplangan plitalar mustasno) 9. 5407 53 000 0 Mebel uchun tarkibida 85 mas.% yoki undan ortiq poliefir boʻlgan, teksturalangan, turli rangdagi kompleks iplardan tayyorlangan gazlama 10. 7318 14 7318 15 Qora metalldan ishlab chiqarilgan oʻzi qirqar vintlar, komplektida gayka yoki shayba boʻlgan yoki boʻlmagan boshqa vintlar va boltlar 11. 8302 10 0000 8302 20 0000 Qimmatbaho boʻlmagan metalldan yasalgan mahkamlovchi armatura, furnitura, kronshteynlar, sharnirlar va shunga oʻxshash mebel uchun ishlatiladigan buyumlar 8302 42 0000 Qimmatbaho boʻlmagan metalldan yasalgan mahkamlagichli mebel gʻildiragi 12. 8302 60 000 9 Eshiklarni avtomatik yopuvchi qimmatbaho boʻlmagan metalldan yasalgan qurilmalar 13. 8305 20 000 0 Mebellarni qoplashda ishlatiladigan bloklarda simli skobalar 14. 9403 99 000 1 Metalldan yasalgan mebel qismlari
Oʻzbekiston Respublikasi Prezidentining 2025-yil 27-maydagi PQ-193-son qaroriga 2-ILOVA
Mebel va yogʻochsozlik sanoatini rivojlantirish boʻyicha chora-tadbirlar
T/r Chora-tadbir nomi Amalga oshirish mexanizmi Amalga oshirish muddati Masʼul ijrochilar 1. “Savdoni rivojlantirish kompaniyasi” AJ faoliyati yoʻnalishlariga mos ravishda mazkur qaror bilan koʻzda tutilayotgan moliyaviy qoʻllab-quvvatlash choralarini amalga oshirish. “Savdoni rivojlantirish kompaniyasi” AJ faoliyati yoʻnalishlariga mos ravishda Savdoga koʻmaklashish jamgʻarmasi mablagʻlari hisobidan quyidagi qoʻllab-quvvatlash choralari amaliyotga joriy etilishini taʼminlash: (a) mahalliy ishlab chiqaruvchilarning oʻz mebel mahsulotlari bilan xalqaro koʻrgazmalarda ishtirok etishida bir korxona uchun amaldagi ijara xarajatlari qoplanadigan maydon hajmini oshirish; (b) mebel mahsulotlari ishlab chiqaruvchi korxonalar tomonidan muhandis-texnolog, lak va boʻyoq sepish ustasi, dizayner kabi xorijiy mutaxassislar jalb qilinganda ularning ish haqini qoplash; (v) tayyor mebel mahsulotlari ishlab chiqaruvchilar uchun xalqaro sertifikatlarni (ISO, CE, BIFMA, OEKO-Tex Standard 100, Greenguard kabi) olish bilan bogʻliq xarajatlarni qoplash. 2025-yil 1-iyul Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi (J. Xodjayev) , Investitsiyalar, sanoat va savdo vazirligi (L. Kudratov) , Savdo-sanoat palatasi (D. Vahobov), Adliya vazirligi (A. Tashkulov) 2. Kasbiy koʻnikmalar markazlarida xorijiy va mahalliy mutaxassislarni jalb qilgan holda mebel va yogʻochsozlik sanoati yoʻnalishida qisqa muddatli malakaviy tayyorlov kurslarida (shu jumladan, dual taʼlim asosida) oʻqitishni yoʻlga qoʻyish. 1. Kasbiy koʻnikmalar markazlarida xorijiy va mahalliy mutaxassislarni jalb qilgan holda qisqa muddatli malakaviy tayyorlov kurslarini (shu jumladan, dual taʼlim asosida) yoʻlga qoʻyish. Bunda boʻyicha mebel va yogʻochsozlik sanoati yoʻnalishidagi tadbirkorlik subyektlari oʻrtasida tushuntirishlar oʻtkazgan holda ularning talabnomalarini shakllantirish choralarini koʻrish. 2025-yil 1-sentabr Savdo-sanoat palatasi (D. Vahobov) , Kambagʻallikni qisqartirish va bandlik vazirligi (B. Zaxidov) , Investitsiyalar, sanoat va savdo vazirligi (L. Kudratov) Kambagʻallikni qisqartirish va bandlik vazirligi (B. Zaxidov) , Savdo-sanoat palatasi (D. Vahobov) 2. Qisqa muddatli malakaviy tayyorlov kurslarini tashkil etish. Reja-grafik asosida 3. Ish oʻrinlarini yaratish, saqlab qolish, milliy brendni shakllantirish, logistika, marketing va boshqa yoʻnalishlarda samaradorlikni oshirishga koʻmaklashish maqsadida mebel va yogʻochsozlik korxonalari uchun xorijiy va mahalliy ekspertlarni jalb qilish. 1. Ish oʻrinlarini yaratish, saqlab qolish, milliy brendni shakllantirish, logistika, marketing va boshqa yoʻnalishlarda samaradorlikni oshirishga koʻmaklashish maqsadida mebel va yogʻochsozlik sanoati yoʻnalishidagi tadbirkorlik subyektlariga markazlashgan holda xizmat koʻrsatish hamda ularni oʻqitish uchun xorijiy va mahalliy ekspertlarni Bandlikka koʻmaklashish davlat jamgʻarmasi hisobidan jalb qilish. 2025-yil 1-sentabr Kambagʻallikni qisqartirish va bandlik vazirligi (B. Zaxidov) , Savdo-sanoat palatasi (D. Vahobov) 2. Amalga oshirilgan ishlar natijalari boʻyicha Vazirlar Mahkamasiga axborot kiritish. 2026-yil 1-yanvar, 2026-yil 1-iyul 4. Mebel va yogʻochsozlik mahsulotlarini mahalliy ishlab chiqarilgan tovar boʻyicha ekspertizadan oʻtkazish, shu jumladan, mahalliy ishlab chiqarilgan tovar toʻgʻrisidagi sertifikat yoki ekspert xulosasini rasmiylashtirish tartibini joriy etish. Quyidagilarni koʻzda tutuvchi choralarni amalga oshirish tartibi yuzasidan Hukumat qarori loyihasini Vazirlar Mahkamasiga kiritish: (a) mebel va yogʻochsozlik mahsulotlari uchun tadbirkorlik subyektlaridan toʻlov undirmasdan mahalliy ishlab chiqarilgan tovar boʻyicha ekspertizadan oʻtkazish, shu jumladan, mahalliy ishlab chiqarilgan tovar toʻgʻrisidagi sertifikat yoki ekspert xulosasini rasmiylashtirish; (b) “Oʻzbekekspertiza” AJning ushbu xarajatlarini Savdoga koʻmaklashish jamgʻarmasi mablagʻlari hisobidan qoplab berish. 2025-yil 15-iyul Savdo-sanoat palatasi (D. Vahobov) , Investitsiyalar, sanoat va savdo vazirligi (L. Kudratov) 5. Yogʻoch qirindili hamda yogʻoch tolali plitalarning (TIF TN 4410 va 4411 tovar pozitsiyasidagi mahsulotlar, bundan pol, devor va shift qoplamalari mustasno) texnik jihatdan tartibga solish sohasidagi normativ hujjatlar talablariga muvofiqligini baholash tartibini soddalashtirish. Yogʻoch qirindili hamda yogʻoch tolali plitalarning (TIF TN 4410 va 4411 tovar pozitsiyasidagi mahsulotlar, bundan pol, devor va shift qoplamalari mustasno) texnik jihatdan tartibga solish sohasidagi normativ hujjatlar talablariga muvofiqligini baholash tartibini soddalashtirish yuzasidan Vazirlar Mahkamasiga takliflar kiritish. 2025-yil 1-avgust Oʻzbekiston texnik jihatdan tartibga solish agentligi (A. Jumanazarov) , Savdo-sanoat palatasi ( D. Vahobov ), Investitsiyalar, sanoat va savdo vazirligi (L. Kudratov) 6. Mebel va yogʻochsozlik sanoatini 2035-yilgacha rivojlantirish strategiyasini ishlab chiqish. Mebel va yogʻochsozlik sanoatini 2035-yilgacha rivojlantirish strategiyasini ishlab chiqish hamda belgilangan tartibda Vazirlar Mahkamasiga kiritish. 2025-yil 1-oktabr Savdo-sanoat palatasi (D. Vahobov) , Iqtisodiyot va moliya vazirligi (X. Mustafayev) , Investitsiyalar, sanoat va savdo vazirligi (L. Kudratov) 7. 2025 — 2028-yillarda mebel va yogʻochsozlik sanoatini rivojlantirishning asosiy maqsadli koʻrsatkichlarini hududlar kesimida belgilash, shuningdek, sohada amalga oshiriladigan investitsiya loyihalarini ishga tushirishning yigʻma parametrlarini tasdiqlash. Quyidagilarni tasdiqlash: (a) 2025 — 2028-yillarda mebel va yogʻochsozlik sanoatini rivojlantirishning asosiy maqsadli koʻrsatkichlarini ( hududlar kesimida); (b) 2025 — 2028-yillarda mebel va yogʻochsozlik sanoati yoʻnalishlarida amalga oshiriladigan investitsiya loyihalarini ishga tushirishning yigʻma parametrlari. 2025-yil 1-avgust Vazirlar Mahkamasi (J. Qoʻchqorov, J. Xodjayev) 8. Mebel va yogʻochsozlik mahsulotlari bozorida sogʻlom raqobatni taʼminlash choralarini koʻrish. Mebel va yogʻochsozlik mahsulotlari bozorida sogʻlom raqobatni taʼminlash, iqtisodiyot tarmoqlariga zarar yetkazilishi xavflarini aniqlash va bartaraf etish, demping holatlariga yoʻl qoʻymaslikka oid qonunchilik hujjatlari ijrosiga qaratilgan amaliy chora-tadbirlarni koʻrish va natijasi boʻyicha har yarim yilda Vazirlar Mahkamasiga axborot kiritib borish. 2025-2026-yillar Investitsiyalar, sanoat va savdo vazirligi (L. Kudratov) 9. Mebel va yogʻochsozlik bozorini kengaytirish choralarini koʻrish. 1. Chet eldagi diplomatik va savdo vakolatxonalari orqali xorijiy davlatlar mebel sanoati strategiyalari va bozor hajmini oʻrganish, shuningdek, ularda mahalliy mebel mahsulotlarini sotishda tadbirkorlar duch keladigan tarif va notarif choralar yuzasidan tahliliy maʼlumotlarni Vazirlar Mahkamasiga kiritish. 2025-yil 1-avgust Savdo-sanoat palatasi (D. Vahobov) , Investitsiyalar, sanoat va savdo vazirligi (L. Kudratov) , Tashqi ishlar vazirligi (B. Saidov) 2. Respublikada tashkil etiladigan mebel va yogʻochsozlik hamda mebel va dekor koʻrgazmalariga muntazam ravishda chet eldan xaridorlarni jalb qilish hamda ularning tashrifini tashkil etishga qaratilgan amaliy choralarni koʻrish. Doimiy 10. Mahalliy mebel texnologlari uchun nufuzli xorijiy tashkilotlarning sohaga tegishli boʻlgan sertifikatlarini olish xarajatlarining 50 foizini qoplash tizimini joriy etish. Quyidagilarni nazarda tutgan holda mahalliy mebel texnologlari uchun xorijiy nufuzli sertifikat olish tartibini qisman qoplab berilishi tartibining amaliyotga joriy etilishini taʼminlash: (a) rivojlangan xorijiy mamlakatlarda faoliyat yurituvchi nufuzli tashkilotlarning sohaga tegishli sertifikatlari roʻyxatini belgilash; (b) mazkur sertifikatlarni olish xarajatlarining 50 foizini Savdoga koʻmaklashish jamgʻarmasi mablagʻlari hisobidan qoplab berish. 2025-yil 1-avgust Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi (J. Xodjayev) , Savdo-sanoat palatasi (D. Vahobov), Investitsiyalar, sanoat va savdo vazirligi (L. Kudratov), Adliya vazirligi (A. Tashkulov) 11. Mebel va yogʻochsozlik mahsulotlarini ishlab chiqarishni rivojlantirish dasturini amalga oshirish. 1. 2025-2026-yillarda mebel va yogʻochsozlik mahsulotlarini ishlab chiqarishni rivojlantirishga qaratilgan, shu jumladan, quyidagi ustuvor yoʻnalishlardagi vazifalarni koʻzda tutuvchi chora-tadbirlarni amalga oshirish boʻyicha dasturni ishlab chiqish va tasdiqlash: (a) mahalliy mebel va yogʻoch mahsulotlarini xorijiy bozorlarga olib chiqishga koʻmaklashish; (b) ishlab chiqaruvchilar faoliyatini qoʻllab-quvvatlash uchun xorijiy dizayner, texnolog va marketolog kabi mutaxassislarni jalb qilish; (v) talab yuqori mutaxassisliklar boʻyicha oʻquv kurslarini tashkil etish. 2025-yil 1-iyul Iqtisodiyot va moliya vazirligi (X. Mustafayev), Savdo-sanoat palatasi (D. Vahobov), Oʻzbekiston mebel va yogʻochsozlik sanoati korxonalari uyushmasi (hamkorlikda) 2. Dasturdagi chora-tadbirlarni amalga oshirish yuzasidan mazkur qarorning 14-bandida koʻzda tutilgan mablagʻlarni asoslantirilgan hisob- kitoblarga muvofiq ajratib borish. Dasturda belgilangan muddatlarda 3. Dastur amalga oshirilishi natijadorligi yuzasidan ommaviy axborot vositalari orqali keng jamoatchilikka hisobotlar berib borish. Har chorakda 12. Milliy mebel mahsulotlarini aholi oʻrtasida keng targʻib qilish. Ommaviy axborot vositalarida mazkur qarorga muvofiq amalga oshirilayotgan ishlarning mazmun-mohiyatini yoritish, mahalliy mebel mahsulotlarini keng targʻib qilishni tashkil etish. Mediareja asosida Oʻzbekiston Milliy teleradiokompaniyasi (A. Djurabayev) , Oʻzbekiston Milliy axborot agentligi (A. Koʻchimov) , Axborot va ommaviy kommunikatsiyalar agentligi (A. Xodjayev)
Oʻzbekiston Respublikasi Prezidentining 2025-yil 27-maydagi PQ-193-son qaroriga 3-ILOVA
Xonqa tajribasi asosida 2025-2026-yillarda mebelchilik jadal rivojlantiriladigan tumanlar
T/r Hudud nomi Tuman nomi 1. Jizzax viloyati Sharof Rashidov tumani 2. Namangan viloyati Yangi Namangan tumani 3. Samarqand viloyati Pastdargʻom tumani 4 Toshkent viloyati Oʻrta Chirchiq tumani 5. Fargʻona viloyati Quva tumani 6. Buvayda tumani 7. Toshkent shahri Uchtepa tumani 8. Yunusobod tumani
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 27-may,
PQ-193-son
Президента Республики Узбекистан
Постановление
О дополнительных мерах по созданию благоприятных условий для развития мебельной и деревообрабатывающей промышленности
В целях поддержки деятельности производителей мебели, производства конкурентоспособной продукции, стимулирования экспорта, а также обеспечения занятости и повышения доходов населения путем развития отрасли постановляю:
I. Цели
1. Определить основными целевыми показателями развития мебельной и деревообрабатывающей промышленности на 2025 — 2028 годы:
(a) увеличение объема производства мебельной продукции и продукции деревообработки на 30 процентов;
(б) доведение объема экспорта до 100 миллионов долларов США;
(в) реализацию инвестиционных проектов общей стоимостью 200 миллионов долларов США;
(г) обеспечение 50 тысяч населения трудом, приносящим доход, в отрасли.
II. Льготы
2. В срок до 1 января 2029 года при импорте сырья, запасных частей, фурнитуры и аксессуаров, используемых при производстве мебели согласно приложению № 1 * , применять ставку таможенной пошлины в размере 1 процента.
3. Министерству экономики и финансов, Налоговому комитету, Торгово-промышленной палате в трехмесячный срок внести в Кабинет Министров законопроект о внесении изменений и дополнений в Налоговый кодекс , предусматривающих внедрение порядка, в соответствии с которым при реализации дистрибьютерами отечественным производителям используемого в мебельной промышленности технологического оборудования, аналоги которого не производятся в Республике Узбекистан, ввозимого на территорию Республики Узбекистан по утвержденному перечню и освобождаемого от налога на добавленную стоимость при ввозе, налоговая база по налогу на добавленную стоимость определяется исходя из положительной разницы между ценой приобретения и ценой реализации данного оборудования.
4. Предоставить с 1 июля 2025 года индивидуальным предпринимателям, осуществляющим деятельность в собственных домах, право на занятие деятельностью по производству мебельной продукции.
5. Узбекскому агентству по техническому регулированию совместно с Торгово-промышленной палатой, Министерством инвестиций, промышленности и торговли в срок до 1 августа 2025 года внести в Кабинет Министров предложения по упрощению порядка оценки соответствия требованиям нормативных документов в области технического регулирования древесно-стружечных и древесно-волокнистых плит (продукции в товарных позициях 4410 и 4411 ТН ВЭД, за исключением напольных, настенных и потолочных покрытий).
6. Правительственной комиссии по вопросам привлечения инвестиций, развития промышленности и регулирования торговли за счет средств Фонда содействия торговле принять меры по:
(а) увеличению действующего размера площади на одно предприятие, расходы по аренде которой подлежат покрытию, в период участия отечественных производителей со своей мебельной продукцией в международных выставках;
(б) возмещению расходов по оплате труда зарубежных специалистов, таких как инженеры-технологи, мастера лакокраски и дизайнеры, при их привлечении предприятиями-производителями мебельной продукции;
(в) компенсации расходов, связанных с получением международных сертификатов (таких как ISO, CE, BIFMA, OEKO-Tex Standard 100, Greenguard), производителям готовой мебельной продукции;
(г) покрытию в период с 1 июля 2025 года по 1 июня 2027 года 50 процентов расходов на внедрение информационных систем по цифровизации производственных процессов (таких как CRM, ERP, PLM) на предприятиях-производителях мебельной продукции, но в части, не превышающей 5 тысяч долларов США.
7. Министерству занятости и сокращения бедности в целях оказания содействия в повышении эффективности в таких направлениях, как создание и сохранение рабочих мест, создание брендов, логистика и маркетинг, обеспечить привлечение зарубежных специалистов для оказания услуг субъектам предпринимательства в отрасли мебельной и деревообрабатывающей промышленности и обучения их за счет средств Государственного фонда содействия занятости. При этом разрешить осуществление закупочных процедур по услугам привлечения зарубежных специалистов без их проведения в электронной форме.
8. Установить порядок, в соответствии с которым:
(а) Министерством занятости и сокращения бедности совместно с Торгово-промышленной палатой по заявкам субъектов предпринимательства в центрах профессиональных навыков организовываются краткосрочные квалификационные подготовительные курсы (в том числе на основе дуального образования) в направлении мебельной и деревообрабатывающей промышленности. При этом 60 процентов расходов на обучение покрываются за счет средств Фонда содействия торговле;
(б) Торгово-промышленной палатой и АО «Узбекэкспертиза» в срок до 1 июля 2025 года проводится инвентаризация субъектов предпринимательства — производителей мебельной продукции и продукции деревообработки, участвующих в государственных закупках, а также с 15 августа 2025 года внедряется практика проведения экспертизы мебельной продукции и продукции деревообработки на предмет определения ее производства отечественными предприятиями, в том числе оформления сертификата либо экспертного заключения о товаре отечественного производства, со стороны АО «Узбекэкспертиза» без взимания платы. При этом расходы АО «Узбекэкспертиза» покрываются за счет средств Фонда содействия торговле;
(в) с 1 августа 2025 года внедряется порядок возмещения 50 процентов расходов на получение профильных квалификационных сертификатов авторитетных организаций развитых зарубежных стран для отечественных мебельных технологов за счет средств Фонда содействия торговле.
9. Определить, что с 1 октября 2025 года на электронном кооперационном портале и страницах «Национальный магазин» операторов электронных систем государственных закупок разрешается размещать только мебельную продукцию, имеющую сертификат о товаре отечественного производства, и участвовать в торгах субъектам предпринимательства, имеющим данный сертификат. При этом настоящий порядок не распространяется на государственные закупки, осуществляемые корпоративными заказчиками для перепродажи в коммерческих целях или использования товаров в производстве в этих целях.
10. Направить средства в эквиваленте 50 миллионов долларов США на проекты молодежи в направлении мебельной и деревообрабатывающей промышленности в рамках средств, выделенных в соответствии с постановлением Президента Республики Узбекистан от 14 февраля 2025 года № ПП-62. При этом со стороны АК «Алокабанк» внедряются новые финансовые продукты для обеспечения предпринимателей зданиями и оборудованием.
III. Организационные меры
11. Утвердить План мер по развитию мебельной и деревообрабатывающей промышленности согласно приложению № 2 * .
12. Утвердить Перечень районов ускоренного развития мебелестроения на основе Ханкинского опыта в 2025-2026 годах согласно приложению № 3 * .
13. Совету Министров Республики Каракалпакстан, хокимиятам областей и города Ташкента принять меры по созданию мебельных центров в регионах и размещению в них проектов на основе Ханкинского опыта, предусматривающие:
(а) размещение предприятий по производству мебели в регионах, специализированных на производстве мебельной продукции, в том числе малых промышленных зонах, а также создание в отдельной части соответствующей территории шоурумов для производимой отечественной мебельной продукции;
(б) оказание содействия субъектам предпринимательства в разработке архитектурно-планировочного задания для производственных зданий и сооружений, согласовании проектной документации, получении разрешения для начала строительно-монтажных работ;
(в) создание всех условий, необходимых для возведения производственных зданий и сооружений непосредственно строительными предприятиями, привлеченными субъектами предпринимательства;
(г) обеспечение выделения коммерческими банками кредитных средств на закупку оборудования в течение месяца после возведения производственных зданий и сооружений. При этом АО «Компания по развитию предпринимательства» предоставляются ресурсы для выделения кредитов, лизинга и микрокредитов.
14. Одобрить предложение Министерства экономики и финансов, а также Торгово-промышленной палаты о реализации Программы развития производства мебельной продукции и продукции деревообработки совместно с Ассоциацией предприятий мебельной и деревообрабатывающей промышленности Узбекистана.
При этом Ассоциации предприятий мебельной и деревообрабатывающей промышленности Узбекистана за счет средств Фонда содействия торговле по обоснованным расчетам выделяются средства в размере 5 миллиардов сумов для реализации задач в таких приоритетных направлениях, как содействие в продвижении на зарубежные рынки отечественной мебельной продукции и продукции деревообработки, привлечение специалистов — зарубежных дизайнеров, технологов и маркетологов для поддержки деятельности производителей, а также организация учебных курсов по востребованным специальностям.
15. Заместителю Премьер-министра Ж.А. Ходжаеву в двухмесячный срок разработать предложение касательно современных механизмов устойчивого обеспечения сырьем производителей мебели.
16. Министерству инвестиций, промышленности и торговли в месячный срок реализовать практические меры, направленные на исполнение актов законодательства по обеспечению здоровой конкуренции на рынке мебельной продукции и продукции деревообработки, выявлению и устранению рисков причинения ущерба отраслям экономики, недопущению случаев демпинга.
IV. Организация и контроль исполнения постановления
17. Заместителям Премьер-министра Д.А. Кучкарову и Ж.А. Ходжаеву в двухмесячный срок утвердить:
(а) целевые показатели на 2025 — 2028 годы, определенные в пункте 1 настоящего постановления, в разрезе регионов;
(б) сводные параметры запуска инвестиционных проектов в направлении мебельной и деревообрабатывающей промышленности, подлежащих реализации в 2025 — 2028 годах.
18. Торгово-промышленной палате совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
19. Ежеквартальное обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
27 мая 2025 г.,
№ ПП-193