📅 2025-yil 27-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 27 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 мая 2025 г. · Постановления Президента
Официальный текст. Официальный документ. Редакционные примечания не включены.
📅 27 May 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Ногиронлик пенсиялари ва компенсацияларни тайинлашда проактив хизматларни жорий этиш тўғрисида
«Ўзбекистон — 2030» стратегиясини амалга ошириш доирасида аҳолига давлат пенсиялари ва компенсацияларни тайинлаш тартибини такомиллаштириш орқали пенсия олувчилар ва ногиронлиги бўлган шахсларнинг ижтимоий хизматлардан фойдаланиш имкониятларини янада кенгайтириш мақсадида қарор қиламан:
I. Пенсия ва компенсациялар тайинлаш тартибини соддалаштириш
1. 2025 йил 1 июлдан бошлаб фуқароларга давлат пенсиялари ва компенсацияларни тайинлашнинг қуйидаги соддалаштирилган тартиби жорий этилсин:
(а) фуқароларга I ёки II гуруҳ ногиронлиги белгиланиши муносабати билан пенсияларни алоҳида мурожаат талаб этмаган ҳолда проактив шаклда тайинлаш. Бунда фуқарога проактив шаклда тайинланган пенсияларни рад қилиш ҳуқуқи берилади;
(б) кўриш қобилияти бўйича I гуруҳ ногиронлиги бўлган шахсларга ҳамда ядро полигонлари ва бошқа радиация-ядро объектларида ҳарбий хизматни ўтаган шахсларга компенсацияларни электрон маълумотлар алмашинуви асосида проактив шаклда тайинлаш;
(в) ногиронлик пенсияси тайинлангандан сўнг камида бир йил иш стажига эга бўлганда фуқаронинг пенсия миқдорини ҳар икки йилда проактив шаклда қайта ҳисоблаш.
II. Пенсияларни тайинлаш ва тўлаш тартиб-таомилларини рақамлаштириш
2. 2025 йил 1 октябрдан бошлаб давлат пенсия таъминотига оид ҳамда АТ «Халқ банки» томонидан пенсияларни нақд пул шаклида тўлаш билан боғлиқ кўрсатиладиган хизматларни фуқароларни биометрик идентификация қилиш (Face-ID) ҳамда уларнинг имзосини электрон шаклда олиш орқали амалга ошириш тартиби жорий этилсин. Бунда:
(а) тўловни амалга ошириш қайдномасини электрон шаклда планшет орқали имзолашга рухсат берилади;
(б) Адлия вазирлиги Иқтисодиёт ва молия вазирлиги ҳузуридаги бюджетдан ташқари Пенсия жамғармаси (кейинги ўринларда — Пенсия жамғармаси) ва АТ «Халқ банки»нинг электрон сўровига асосан фуқароларни биометрик идентификация қилиш маълумотларини бепул етказади;
(в) биометрик идентификация қилиш асосида кўрсатиладиган хизматларни жорий этиш учун фойдаланиладиган қурилмалар хариди билан боғлиқ харажатлар Пенсия жамғармаси ҳамда АТ «Халқ банки» ҳисобидан молиялаштирилади.
3. Иқтисодиёт ва молия вазирлиги Электрон технологияларни ривожлантириш маркази билан биргаликда 2025 йил 1 октябрга қадар Электрон технологияларни ривожлантириш маркази ҳамда Пенсия жамғармаси ҳисобидан фуқароларга пенсия тайинлашда қуйидаги масалаларда амалий кўмак кўрсатиш хизматини жорий этсин:
(а) ёшга доир ва ногиронлик пенсияларини проактив шаклда тайинлашда фуқаронинг иш стажи ва иш ҳақига оид электрон маълумотлардаги камчиликларни бартараф этиш бўйича маслаҳат ва ёрдам кўрсатиш;
(б) фуқароларга пенсия тайинлашда коррупциявий ҳолатлар юзага келмаганлигини «Call-марказ» томонидан аниқлаш.
III. Қарор ижросини ташкил этиш, таъминлаш ва назорат
4. Ўзбекистон Республикаси Президентининг айрим қарорларига иловага мувофиқ ўзгартириш ва қўшимчалар киритилсин.
5. Иқтисодиёт ва молия вазирлиги Ахборот ва оммавий коммуникациялар агентлиги, Ўзбекистон Миллий телерадиокомпанияси ҳамда манфаатдор вазирлик ва идоралар билан биргаликда ушбу қарорнинг мазмун-моҳияти аҳоли ўртасида кенг тушунтирилишини ташкил этсин.
6. Ушбу қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров белгилансин.
7. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 27 майдаги ПҚ-194-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2017 йил 13 мартдаги «Пенсиялар ва нафақалар тўлаш механизмини янада такомиллаштириш чора-тадбирлари тўғрисида»ги ПҚ-2826-сон қарорида :
(а) 6-бандда :
учинчи хатбоши чиқариб ташлансин;
тўртинчи хатбоши учинчи хатбоши деб ҳисоблансин;
(б) 7-банднинг биринчи хатбошиси «Ички ишлар вазирлиги» сўзларидан кейин «ва Миллий гвардия» сўзлари билан тўлдирилсин.
2. Ўзбекистон Республикаси Президентининг 2018 йил 4 майдаги «Ўзбекистон Республикаси акциядорлик тижорат Халқ банки ва «Микрокредитбанк» акциядорлик тижорат банкининг молиявий ҳолатини яхшилаш ҳамда фаолиятини янада такомиллаштириш чора-тадбирлари тўғрисида»ги ПҚ-3694-сон қарорининг 8-банди ўз кучини йўқотган деб ҳисоблансин.
3. Ўзбекистон Республикаси Президентининг 2021 йил 4 майдаги «Фуқароларга давлат пенсияларини тайинлаш жараёнини соддалаштириш ҳамда пенсия ва нафақаларни етказиш тизимини янада такомиллаштириш чора-тадбирлари тўғрисида»ги ПҚ-5102-сон қарорининг 1-банди «б» кичик бандида :
(а) иккинчи хатбоши қуйидаги таҳрирда баён этилсин:
«давлат пенсияларини тайинлашда фуқаролардан меҳнат стажи, иш ҳақи, олий таълим муассасаларидаги ўқиш ҳамда ҳарбий хизмат даври тўғрисидаги ҳужжатларни талаб қилиш бекор қилинади. Бунда пенсияга чиқиш ҳуқуқи пайдо бўлган вақтда ишламайдиган фуқаролар учун меҳнат стажи ҳамда ҳарбий хизмат даври тўғрисидаги маълумотларни Камбағалликни қисқартириш ва бандлик вазирлигининг туман (шаҳар) камбағалликни қисқартириш ва бандликка кўмаклашиш бўлимларига мурожаат қилиш орқали «Ягона миллий меҳнат тизими» идоралараро дастурий-аппарат комплексига (кейинги ўринларда — ЯММТ ИДАК) киритиш хизмати жорий этилади»;
(б) учинчи хатбошидаги «ҳужжатлар» сўзи «маълумотлар» сўзи билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 27 май,
ПҚ-194-сон
Oʻzbekiston Respublikasi Prezidentining
qarori
Nogironlik pensiyalari va kompensatsiyalarni tayinlashda proaktiv xizmatlarni joriy etish toʻgʻrisida
“Oʻzbekiston — 2030” strategiyasini amalga oshirish doirasida aholiga davlat pensiyalari va kompensatsiyalarni tayinlash tartibini takomillashtirish orqali pensiya oluvchilar va nogironligi boʻlgan shaxslarning ijtimoiy xizmatlardan foydalanish imkoniyatlarini yanada kengaytirish maqsadida qaror qilaman:
I. Pensiya va kompensatsiyalar tayinlash tartibini soddalashtirish
1. 2025-yil 1-iyuldan boshlab fuqarolarga davlat pensiyalari va kompensatsiyalarni tayinlashning quyidagi soddalashtirilgan tartibi joriy etilsin:
(a) fuqarolarga I yoki II guruh nogironligi belgilanishi munosabati bilan pensiyalarni alohida murojaat talab etmagan holda proaktiv shaklda tayinlash. Bunda fuqaroga proaktiv shaklda tayinlangan pensiyalarni rad qilish huquqi beriladi;
(b) koʻrish qobiliyati boʻyicha I guruh nogironligi boʻlgan shaxslarga hamda yadro poligonlari va boshqa radiatsiya-yadro obyektlarida harbiy xizmatni oʻtagan shaxslarga kompensatsiyalarni elektron maʼlumotlar almashinuvi asosida proaktiv shaklda tayinlash;
(v) nogironlik pensiyasi tayinlangandan soʻng kamida bir yil ish stajiga ega boʻlganda fuqaroning pensiya miqdorini har ikki yilda proaktiv shaklda qayta hisoblash.
II. Pensiyalarni tayinlash va toʻlash tartib-taomillarini raqamlashtirish
2. 2025-yil 1-oktabrdan boshlab davlat pensiya taʼminotiga oid hamda AT “Xalq banki” tomonidan pensiyalarni naqd pul shaklida toʻlash bilan bogʻliq koʻrsatiladigan xizmatlarni fuqarolarni biometrik identifikatsiya qilish (Face-ID) hamda ularning imzosini elektron shaklda olish orqali amalga oshirish tartibi joriy etilsin. Bunda:
(a) toʻlovni amalga oshirish qaydnomasini elektron shaklda planshet orqali imzolashga ruxsat beriladi;
(b) Adliya vazirligi Iqtisodiyot va moliya vazirligi huzuridagi budjetdan tashqari Pensiya jamgʻarmasi (keyingi oʻrinlarda — Pensiya jamgʻarmasi) va AT “Xalq banki”ning elektron soʻroviga asosan fuqarolarni biometrik identifikatsiya qilish maʼlumotlarini bepul yetkazadi;
(v) biometrik identifikatsiya qilish asosida koʻrsatiladigan xizmatlarni joriy etish uchun foydalaniladigan qurilmalar xaridi bilan bogʻliq xarajatlar Pensiya jamgʻarmasi hamda AT “Xalq banki” hisobidan moliyalashtiriladi.
3. Iqtisodiyot va moliya vazirligi Elektron texnologiyalarni rivojlantirish markazi bilan birgalikda 2025-yil 1-oktabrga qadar Elektron texnologiyalarni rivojlantirish markazi hamda Pensiya jamgʻarmasi hisobidan fuqarolarga pensiya tayinlashda quyidagi masalalarda amaliy koʻmak koʻrsatish xizmatini joriy etsin:
(a) yoshga doir va nogironlik pensiyalarini proaktiv shaklda tayinlashda fuqaroning ish staji va ish haqiga oid elektron maʼlumotlardagi kamchiliklarni bartaraf etish boʻyicha maslahat va yordam koʻrsatish;
(b) fuqarolarga pensiya tayinlashda korrupsiyaviy holatlar yuzaga kelmaganligini “Call-markaz” tomonidan aniqlash.
III. Qaror ijrosini tashkil etish, taʼminlash va nazorat
4. Oʻzbekiston Respublikasi Prezidentining ayrim qarorlariga ilovaga muvofiq oʻzgartirish va qoʻshimchalar kiritilsin.
5. Iqtisodiyot va moliya vazirligi Axborot va ommaviy kommunikatsiyalar agentligi, Oʻzbekiston Milliy teleradiokompaniyasi hamda manfaatdor vazirlik va idoralar bilan birgalikda ushbu qarorning mazmun-mohiyati aholi oʻrtasida keng tushuntirilishini tashkil etsin.
6. Ushbu qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov belgilansin.
7. Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 27-maydagi PQ-194-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2017-yil 13-martdagi “Pensiyalar va nafaqalar toʻlash mexanizmini yanada takomillashtirish chora-tadbirlari toʻgʻrisida”gi PQ-2826-son qarorida :
(a) 6-bandda :
uchinchi xatboshi chiqarib tashlansin;
toʻrtinchi xatboshi uchinchi xatboshi deb hisoblansin;
(b) 7-bandning birinchi xatboshisi “Ichki ishlar vazirligi” soʻzlaridan keyin “va Milliy gvardiya” soʻzlari bilan toʻldirilsin.
2. Oʻzbekiston Respublikasi Prezidentining 2018-yil 4-maydagi “Oʻzbekiston Respublikasi aksiyadorlik tijorat Xalq banki va “Mikrokreditbank” aksiyadorlik tijorat bankining moliyaviy holatini yaxshilash hamda faoliyatini yanada takomillashtirish chora-tadbirlari toʻgʻrisida”gi PQ-3694-son qarorining 8-bandi oʻz kuchini yoʻqotgan deb hisoblansin.
3. Oʻzbekiston Respublikasi Prezidentining 2021-yil 4-maydagi “Fuqarolarga davlat pensiyalarini tayinlash jarayonini soddalashtirish hamda pensiya va nafaqalarni yetkazish tizimini yanada takomillashtirish chora-tadbirlari toʻgʻrisida”gi PQ-5102-son qarorining 1-bandi “b” kichik bandida :
(a) ikkinchi xatboshi quyidagi tahrirda bayon etilsin:
“davlat pensiyalarini tayinlashda fuqarolardan mehnat staji, ish haqi, oliy taʼlim muassasalaridagi oʻqish hamda harbiy xizmat davri toʻgʻrisidagi hujjatlarni talab qilish bekor qilinadi. Bunda pensiyaga chiqish huquqi paydo boʻlgan vaqtda ishlamaydigan fuqarolar uchun mehnat staji hamda harbiy xizmat davri toʻgʻrisidagi maʼlumotlarni Kambagʻallikni qisqartirish va bandlik vazirligining tuman (shahar) kambagʻallikni qisqartirish va bandlikka koʻmaklashish boʻlimlariga murojaat qilish orqali “Yagona milliy mehnat tizimi” idoralararo dasturiy-apparat kompleksiga (keyingi oʻrinlarda — YAMMT IDAK) kiritish xizmati joriy etiladi”;
(b) uchinchi xatboshidagi “hujjatlar” soʻzi “maʼlumotlar” soʻzi bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 27-may,
PQ-194-son
Президента Республики Узбекистан
Постановление
О внедрении проактивных услуг при назначении пенсий по инвалидности и компенсаций
В целях дальнейшего расширения доступа к социальным услугам получателей пенсий и лиц с инвалидностью путем совершенствования порядка назначения населению государственных пенсий и компенсаций в рамках реализации Стратегии «Узбекистан — 2030» постановляю:
I. Упрощение порядка назначения пенсий и компенсаций
1. Внедрить с 1 июля 2025 года следующий упрощенный порядок назначения гражданам государственных пенсий и компенсаций, предусматривающий:
(а) назначение пенсий в связи с установлением гражданам инвалидности I или II группы в проактивной форме без истребования отдельного обращения. При этом гражданину предоставляется право на отказ от пенсии, назначенной в проактивной форме;
(б) назначение компенсаций лицам с инвалидностью I группы по зрению, а также лицам, прошедшим военную службу на ядерных полигонах и других радиационно-ядерных объектах, в проактивной форме на основе электронного обмена данными;
(в) осуществление перерасчета размера пенсии гражданина каждые два года в проактивной форме при наличии у него стажа работы не менее одного года после назначения пенсии по инвалидности.
II. Цифровизация процедур назначения и выплаты пенсий
2. Внедрить с 1 октября 2025 года порядок оказания услуг, связанных с государственным пенсионным обеспечением и выплатой пенсий в форме наличных денежных средств АК «Халк банки», путем биометрической идентификации (Face-ID) и электронной цифровой подписи граждан. При этом:
(а) разрешается подписывать платежную ведомость в электронной форме посредством планшета;
(б) Министерство юстиции предоставляет сведения по биометрической идентификации граждан на основании электронного запроса внебюджетного Пенсионного фонда при Министерстве экономики и финансов (далее — Пенсионный фонд) и АК «Халк банки» бесплатно;
(в) расходы, связанные с закупкой устройств, используемых для внедрения услуг, оказываемых на основе биометрической идентификации, финансируются за счет Пенсионного фонда и АК «Халк банки».
3. Министерству экономики и финансов совместно с Центром развития электронных технологий в срок до 1 октября 2025 года за счет Центра развития электронных технологий и Пенсионного фонда внедрить службу по оказанию практического содействия по следующим вопросам при назначении пенсий гражданам:
(а) консультирования и оказания помощи по устранению недостатков в электронных сведениях по стажу работы и заработной плате гражданина при назначении пенсий по возрасту и инвалидности в проактивной форме;
(б) установления Call-центром невозникновения коррупционных проявлений при назначении пенсий гражданам.
III. Организация, обеспечение и контроль исполнения постановления
4. Внести изменения и дополнения в некоторые постановления Президента Республики Узбекистан согласно приложению .
5. Министерству экономики и финансов совместно с Агентством информации и массовых коммуникаций, Национальной телерадиокомпанией Узбекистана, а также заинтересованными министерствами и ведомствами организовать широкое разъяснение сути и содержания настоящего постановления среди населения.
6. Возложить на заместителя Премьер-министра Д.А. Кучкарова персональную ответственность за эффективную организацию исполнения настоящего постановления.
7. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 27 мая 2025 года № ПП-194
Изменения и дополнения, вносимые в некоторые постановления Президента Республики Узбекистан
1. В постановлении Президента Республики Узбекистан от 13 марта 2017 года № ПП-2826 «О мерах по дальнейшему совершенствованию механизма выплаты пенсий и пособий»:
(а) в пункте 6 :
абзац третий исключить;
абзац четвертый считать абзацем третьим;
(б) абзац первый пункта 7 после слов «Министерству внутренних дел» дополнить словами «и Национальной гвардии».
2. Пункт 8 постановления Президента Республики Узбекистан от 4 мая 2018 года № ПП-3694 «О мерах по улучшению финансового состояния и дальнейшему совершенствованию деятельности Акционерно-коммерческого Народного банка Республики Узбекистан и Акционерно-коммерческого банка «Микрокредитбанк» признать утратившим силу.
3. В подпункте «б» пункта 1 постановления Президента Республики Узбекистан от 4 мая 2021 года № ПП-5102 «О мерах по дальнейшему упрощению процесса назначения государственных пенсий и совершенствованию системы доставки пенсий и пособий гражданам»:
(а) абзац второй изложить в следующей редакции:
«при назначении государственных пенсий отменяется истребование от граждан документов о трудовом стаже, заработной плате, периодах обучения в высших образовательных учреждениях и военной службы. При этом для граждан, не работающих на момент возникновения права выхода на пенсию, внедряется услуга внесения в Межведомственный программно-аппаратный комплекс «Единая национальная система труда» (далее — МПАК ЕНСТ) сведений об их трудовом стаже и периоде военной службы путем обращения указанных граждан в районные (городские) отделы содействия занятости и сокращения бедности Министерства занятости и сокращения бедности»;
(б) в абзаце третьем слово «документы» заменить словом «сведения».
Президент Республики Узбекистан Ш. МИРЗИЁЕВ
г. Ташкент,
27 мая 2025 г.,
№ ПП-194