UzbekAI

Ўзбекистон Республикаси Вазирлар Маҳкамасининг

қарори

Муҳаммад ал-Хоразмий номидаги Тошкент ахборот технологиялари университетининг Нурафшон филиали фаолиятини тугатиш тўғрисида

Ўзбекистон Республикаси Президентининг «Cyber university» давлат университетини ташкил этиш тўғрисида» 2025 йил 20 январдаги ПҚ-14-сон қарори ижросини таъминлаш мақсадида Вазирлар Маҳкамаси қарор қилади:

1. Муҳаммад ал-Хоразмий номидаги Тошкент ахборот технологиялари университетининг (кейинги ўринларда — Университет) Нурафшон филиали фаолияти 2024/2025 ўқув йили якунланганидан сўнг белгиланган тартибда тугатилсин.

2. Университет ва Рақамли технологиялар вазирлиги:

Олий таълим, фан ва инновациялар вазирлиги билан биргаликда 2025/2026 ўқув йили бошлангунга қадар Университетнинг Нурафшон филиали талабалари ўқишини Университетнинг тегишли курсларига белгиланган тартибда кўчириш ишларини ташкил этсин;

Университетнинг Нурафшон филиали тугатилиши муносабати билан қонунчиликда белгиланган тартибда ушбу филиалнинг ходимлари билан боғлиқ меҳнат муносабатларини ҳал этиш чораларини кўрсин.

3. Вазирлар Маҳкамасининг «Ахборот-коммуникация технологиялари соҳасида кадрлар тайёрлаш тизимини янада такомиллаштириш чора-тадбирлари тўғрисида» 2021 йил 7 майдаги 288-сон қарори ўз кучини йўқотган деб ҳисоблансин.

4. Ушбу қарорнинг бажарилишини назорат қилиш Ўзбекистон Республикаси рақамли технологиялар вазири Ш.Х. Шерматов ҳамда олий таълим, фан ва инновациялар вазири К.А. Шарипов зиммасига юклансин.

Ўзбекистон Республикаси Бош вазири А. АРИПОВ

Тошкент ш.,

2025 йил 27 май,

333 -сон

(Қонунчилик маълумотлари миллий базаси, 03.06.2025 й., 09/25/333/0488-сон)

lex.uz

Oʻzbekiston Respublikasi Vazirlar Mahkamasining

qarori

Muhammad al-Xorazmiy nomidagi Toshkent axborot texnologiyalari universitetining Nurafshon filiali faoliyatini tugatish toʻgʻrisida

Oʻzbekiston Respublikasi Prezidentining “Cyber university” davlat universitetini tashkil etish toʻgʻrisida” 2025-yil 20-yanvardagi PQ-14-son qarori ijrosini taʼminlash maqsadida Vazirlar Mahkamasi qaror qiladi:

1. Muhammad al-Xorazmiy nomidagi Toshkent axborot texnologiyalari universitetining (keyingi oʻrinlarda — Universitet) Nurafshon filiali faoliyati 2024/2025 oʻquv yili yakunlanganidan soʻng belgilangan tartibda tugatilsin.

2. Universitet va Raqamli texnologiyalar vazirligi:

Oliy taʼlim, fan va innovatsiyalar vazirligi bilan birgalikda 2025/2026 oʻquv yili boshlangunga qadar Universitetning Nurafshon filiali talabalari oʻqishini Universitetning tegishli kurslariga belgilangan tartibda koʻchirish ishlarini tashkil etsin;

Universitetning Nurafshon filiali tugatilishi munosabati bilan qonunchilikda belgilangan tartibda ushbu filialning xodimlari bilan bogʻliq mehnat munosabatlarini hal etish choralarini koʻrsin.

3. Vazirlar Mahkamasining “Axborot-kommunikatsiya texnologiyalari sohasida kadrlar tayyorlash tizimini yanada takomillashtirish chora-tadbirlari toʻgʻrisida” 2021-yil 7-maydagi 288-son qarori oʻz kuchini yoʻqotgan deb hisoblansin.

4. Ushbu qarorning bajarilishini nazorat qilish Oʻzbekiston Respublikasi raqamli texnologiyalar vaziri Sh.X. Shermatov hamda oliy taʼlim, fan va innovatsiyalar vaziri K.A. Sharipov zimmasiga yuklansin.

Oʻzbekiston Respublikasi Bosh vaziri A. ARIPOV

Toshkent sh.,

2025-yil 27-may,

333 -son

(Qonunchilik maʼlumotlari milliy bazasi, 03.06.2025-y., 09/25/333/0488-son)

lex.uz